બનાસકાંઠા જિલ્લામાં માર્ગ અકસ્માતોની હારમાળા યથાવત રહી છે. આજે વાવ-થરાદ વિસ્તારમાં આવતા થરાદ-ડીસા હાઈવે પર એક ભયાનક અકસ્માત સર્જાયો હતો. મલુપૂર ગૌશાળા નજીક પૂરપાટ ઝડપે આવી રહેલી એક કારે બાઈક સવાર બે વ્યક્તિઓને અડફેટે લેતા હાઈવે પર અફરાતફરીનો માહોલ સર્જાયો હતો.
બેદરકારીને કારણે સર્જાયો અકસ્માત
ઘટનાની મળતી વિગતો અનુસાર, અકસ્માતનું મુખ્ય કારણ કાર ચાલકની ગંભીર બેદરકારી હોવાનું સામે આવ્યું છે. હાઈવે પર ટ્રાફિકના નિયમોનું ઉલ્લંઘન કરીને કાર ચાલક પોતાની ગાડી રોંગ સાઈડમાં હંકારી રહ્યો હતો. આ દરમિયાન સામેથી આવી રહેલા બાઈક સાથે કારની જોરદાર ટક્કર થઈ હતી. ટક્કર એટલી પ્રચંડ હતી કે, બાઈક સવાર બંને વ્યક્તિઓ રોડ પર ફંગોળાયા હતા અને તેમને શરીરે ગંભીર ઈજાઓ પહોંચી હતી.
