બનાસકાંઠા જિલ્લામાં ડ્રગ્સના કારણે ઘણા લાંબા સમયથી વિવાદ ચાલી રહ્યો છે. આ વચ્ચે જિલ્લામાંથી ફરી એકવાર ડ્રગ્સ ઝડપાતા લોકોમાં રોષ જોવા મળી રહ્યો છે. આ ડ્રગ્સની હેરાફેરી રિક્ષામાં કરવામાં આવી રહી હતી. નેનાવા બોર્ડર પર ચેકિંગ કરતા સમયે આ ડ્રગ્સ ઝડપાયું હતું.
રિક્ષામાંથી MD ડ્રગ્સનો જથ્થો મળી આવ્યો
ઘટનાની મળતી વિગતો અનુસાર, બનાસકાંઠા જિલ્લામાં આવેલી નેનાવા બોર્ડર પાસે વાહનોનું ચેકિંગ કરવામાં આવી રહ્યું હતું. આ દરમિયાન એક રિક્ષામાંથી MD ડ્રગ્સનો જથ્થો મળી આવ્યો હતો. અમદાવાદના ત્રણ શખ્સો 47.10 ગ્રામ MD ડ્રગ્સ સાથે ઝડપાયા છે. આ ઈસમો રિક્ષામાં ડ્રગ્સની હેરાફેરી કરતા હતા. આ મામલે ધાનેરા પોલીસ દ્વારા આ ત્રણ ઈસમોની ધરપકડ કરી લેવામાં આવી છે.
