Banaskantha : પાલનપુરમાં દારૂબંધીના ઉડ્યા લીરેલીરાં, નવાગંજમાં દારુ ભરેલા જ્યુપીટરે વેપારીને ટક્કર મારી

પાલનપુરમાં દારુબંદીના લીરેલીરાં ઉડી ગયા છે. નવાગંજ વિસ્તારમાં આજે જ્યુપીટર મોપેડની ડિકીમાં દારુની પોટલીઓ જોવા મળતાં હડકંપ મચી ગયો હતો. દેશી દારુની હેરાફેરી કરી રહેલા શખ્સે એક વેપારીને ટક્કર મારતા હોબાળો થયા બાદ તપાસમાં જયુપીટર મોપેડની ડિકીમાંથી દેશી દારુની પોટલીઓ મળી આવી હતી.

 દેશી દારૂની પોટલીઓ મળી આવી

જ્યારે જ્યુપીટરની ડેકી ખોલી, ત્યારે તેમાંથી દેશી દારૂની પોટલીઓ મળી આવી હતી જેથી દારુબંધીના દાવાના લીરેલીરાં ઉડી ગયા હતા. દારુની પોટલીઓના જથ્થાને જોઈને લોકોમાં હોબાળો મચી ગયો હતો. સ્થાનિકોએ દાવો કર્યો હતો કે દારુની હેરાફેરી કરનારો શખ્સ નવાગંજ વિસ્તારમાં દારુ વેચવા આવ્યો હતો

સ્થાનિકોએ બુટલેગર સામે કાર્યવાહી કરી

અકસ્માતના પટલે લોકો એકત્ર થઇ ગયા હતા અને હેરાફેરી કરનારા શખ્સને ઝડપી લઇને પોલીસને જાણ કરી હતી. પોલીસે સ્થળ પર આવીને મોપેડ અને દારુના જથ્થા સાથે યુવકની અટકાયત કરીને તેની વધુ તપાસ માટે પોલીસ સ્ટેશન લઇ ગઇ હતી.

મોપેડમાં નંબર પ્લેટ ન હતી

આ મોપેડમાં નંબર પ્લેટ ન હતી અને તેની ડેકીમાં દારુની પોટલીઓ ભરીને આ બુટલેગર પાલનપુરના નવાગંજમાં પોલીસનો ડર રાખ્યા વગર જ બિન્ધાસ્ત બનીને હેરાફેરી કરી રહ્યો હતો. 

આ પણ વાંચો----     Vadodara : અનગઢ પાસે રેલવે ટ્રેક પર શંકાસ્પદ વિસ્ફોટક પદાર્થ મળવાના મામલામાં મોટો ઘટસ્ફોટ, પોલીસ પણ ચોંકી ઉઠી