ભરૂચ જિલ્લાને નશા મુક્ત કરવા માટે ચાલી રહેલા 'NO DRUGS IN BHARUCH CAMPAIGN'ને વધુ એક સફળતા મળી છે. ભરૂચ સ્પેશિયલ ઓપરેશન ગ્રુપ (SOG)ની ટીમે ઉમલ્લા પોલીસ સ્ટેશન વિસ્તારમાંથી ગેરકાયદેસર ગાંજાના જથ્થા સાથે એક ઈસમને ઝડપી પાડીને ડ્રગ્સના નેટવર્કને મોટો ફટકો માર્યો છે.
3.749 કિલોગ્રામ ગાંજાનો જથ્થો મળી આવ્યો
SOGને મળેલી ચોક્કસ બાતમીના આધારે, ઉમલ્લા વિસ્તારમાં વોચ ગોઠવવામાં આવી હતી. આ દરમિયાન પોલીસે શંકાસ્પદ જણાતા એક ઈસમને આંતરીને તેની તલાશી લીધી હતી. તલાશી લેતા તેની પાસેથી 3.749 કિલોગ્રામ ગાંજાનો જથ્થો મળી આવ્યો હતો. ઝડપાયેલા ગાંજાના આ જથ્થાની આંતરરાષ્ટ્રીય બજાર કિંમત આશરે 187450 રૂપિયા આંકવામાં આવી છે. પોલીસે ગાંજાનો જથ્થો અને અન્ય આનુષંગિક મુદ્દામાલ કબ્જે કરીને આરોપીની તાત્કાલિક ધરપકડ કરી છે.
