ભાવનગર જિલ્લાના તળાજા તાલુકાના છાપરી ગામે પ્રથમવાર ST બસ સેવા શરૂ થઈ છે. નવી બસ તળાજાથી હાજીપર, ઘાણા થઈને છાપરી સુધી આવશે. ગામમાં બસના આગમન પર ગ્રામજનો દ્વારા ભવ્ય સ્વાગત કરવામાં આવ્યું હતું.


ડ્રાઈવર અને કંડક્ટરને ફૂલહાર પહેરાવી કુમકુમ તિલક કરાયું

ગ્રામજનો દ્વારા બસના ડ્રાઈવર અને કંડક્ટરને ફૂલહાર પહેરાવી, કુમકુમ તિલક કરીને શ્રીફળ વધેરીને આવકારવામાં આવ્યા. મોટી સંખ્યામાં લોકો આ ઐતિહાસિક પ્રસંગને જોવા માટે હાજર રહ્યા હતા.

 હવે મુસાફરી દરમિયાન પડતી મુશ્કેલીઓમાંથી રાહત

નવી બસ સેવા દરરોજ તળાજાથી સવારે 9:30 કલાકે અને સાંજે 5:00 કલાકે ઉપડશે. લાંબા સમયથી સરકારી પરિવહન સુવિધાથી વંચિત છાપરી ગામના લોકો હવે મુસાફરી દરમિયાન પડતી મુશ્કેલીઓમાંથી રાહત અનુભવી શકશે.

 નવી બસ સેવાનો મહત્તમ લાભ લેવા અનુરોધ

સ્થાનિક વહીવટીતંત્ર દ્વારા ગામના લોકો અને આસપાસના વિસ્તારોને આ નવી બસ સેવાનો મહત્તમ લાભ લેવા અનુરોધ કરવામાં આવ્યો છે.


આ પણ વાંચો---   Gujarat Flashback 2025 : ગુજરાતી ફિલ્મ ઉદ્યોગ ક્ષેત્રમાં 2025નું વર્ષ મહત્વનું રહ્યું, રેકોર્ડબ્રેક હિટ અને રાષ્ટ્રિય પુરસ્કાર પણ જીત્યા

  • Follow us on: