પ્રમુખ તથા ચીફ ઓફિસરની સૂચના અને માર્ગદર્શન હેઠળ શહેરમાં સ્વચ્છતા બાબતે જનજાગૃતિ લાવવા તેમજ પ્રતિબંધિત પ્લાસ્ટિકનાં વેચાણ અને વપરાશ સામે કડક કાર્યવાહી કરવા વિશેષ ડ્રાઈવ યોજવામાં આવી હતી.
આઠ વેપારીઓ પાસેથી અંદાજે 350 કિલોગ્રામ પ્રતિબંધિત પ્લાસ્ટિક જપ્ત કરાયું
આ ઝુંબેશ અંતર્ગત નગરપાલિકાની સેનિટેશન ટીમ દ્વારા બોટાદ શહેરનાં રહેણાંક તથા બિન રહેણાંક વિસ્તારોમાં તેમજ મુખ્ય માર્ગો અને જાહેર સ્થળોએ તપાસ હાથ ધરવામાં આવી હતી. જાહેર સ્થળોએ કચરો ફેંકતાં અને પ્રતિબંધિત પ્લાસ્ટિકનો ઉપયોગ કરતાં અથવા તેનું વેચાણ કરતાં આસામીઓ સામે નિયમ અનુસાર પગલાં લેવામાં આવ્યા હતા. આ દરમિયાન, પ્રતિબંધિત પ્લાસ્ટિકનાં વપરાશ અંગે કુલ આઠ વેપારીઓ પાસેથી અંદાજે ૩૫૦ કિલોગ્રામ પ્રતિબંધિત પ્લાસ્ટિક જપ્ત કરવામાં આવ્યું હતું.
