ગાંધીનગર જિલ્લાના દહેગામમાં જાણે વીરપ્પનના વારસદારો સક્રિય થયા હોય તેવો ઘાટ સર્જાયો છે. મોડી રાત્રે તસ્કરોએ એક ખેતરમાં ત્રાટકીને લાખોની કિંમતના ચંદનના ઝાડ પર કુહાડી ફેરવી દીધી છે. 15 વર્ષની મહેનત બાદ ઉછરેલા આ કિંમતી ઝાડ ચોરી કરીને તસ્કરોએ ખેડૂતને મોટું આર્થિક નુકસાન પહોંચાડ્યું છે.
તસ્કરોએ ખેતરમાં ઘૂસીને 10 જેટલા ચંદનના ઝાડ કાપી નાખ્યા
દહેગામ પંથકમાં મોડી રાત્રે તસ્કરોએ ફિલ્મી સ્ટાઈલમાં ખાતર પાડ્યું છે. દહેગામના નરેશભાઈ અમીનના ખેતરમાં તસ્કરોએ લાખોની ચોરીને અંજામ આપ્યો છે. કોઈ પ્રોફેશનલ ગેંગની જેમ તસ્કરોએ ખેતરમાં ઘૂસીને એક-બે નહીં, પણ 10 જેટલા ચંદનના ઝાડ કાપી નાખ્યા છે. જેમાં 300 કિલોથી વધુ ચંદનનું લાકડું ચોરી પલાયન થઈ ગયા હતા.
