જૂનાગઢમાં વિલિંગડન ડેમ પાસે હરણનું એક ઝુંડ હરીફરી રહ્યું હતું,અને અહી એક ખુલ્લા પ્લોટમાં કચરાનો ઢગલો પડ્યો હતો, જેમાં હરણ પ્લાસ્ટિક ખાઈ રહ્યા હોય તેવો વિડિયો વાયરલ થયો હતો, જે વિડિયો જોયા બાદ રાજ્યના વન મંત્રીએ તાકીદે તપાસના આદેશ આપીને અહી સફાઈ કરાવીને દંડાત્મક કાર્યવાહીના આદેશ આપ્યા છે.
રાજ્યના વન મંત્રી અર્જૂન મોઢવાડિયાએ ટ્વીટ કરીને અહીં ખાનગી માલિકીના પ્લોટમાં સફાઈ કરી હોવાનો ફોટો અપલોડ કરીને લખ્યું છે કે, આ એક ખાનગી માલિકીનો પ્લોટ હતો. વિગતો ધ્યાને આવતા જ જૂનાગઢ મહાનગરપાલિકા દ્વારા આખા પ્લોટની સફાઈ કરાવવામાં આવી છે. આ ગંભીર બેદરકારી માટે પ્લોટ માલિક પાસેથી દંડ પણ વસુલવામાં આવશે. આ સાથે ભવિષ્યમાં કોઈ આવી બેદરકારી ન દાખવે તેની તકેદારી રાખવામાં આવશે.
