ભ્રષ્ટાચાર સામેની લડાઈમાં ગાંધીનગર એસીબીને મોટી સફળતા મળી છે. નડીઆદ સ્થિત કેન્દ્રીય જીએસટી ભવનમાં એસીબીએ સફળ ટ્રેપ ગોઠવીને લાંચિયા અધિકારીઓને રંગેહાથ ઝડપી પાડ્યા છે. આ ઓપરેશનમાં જીએસટી સુપરિન્ટેન્ડન્ટ અને ઇન્સ્પેક્ટર લાખો રૂપિયાની લાંચ લેતા પકડાઈ જતાં સરકારી કચેરીઓમાં ફફડાટ વ્યાપી ગયો છે.
ગાડી છોડવા પેટે માંગી હતી 55 લાખની લાંચ
સમગ્ર ઘટનાની વિગત એવી છે કે, ફરિયાદીની સામાન ભરેલી ગાડીને છોડવા માટે સેન્ટ્રલ જીએસટીના અધિકારીઓએ 55 લાખ રૂપિયાની માતબર રકમની લાંચ માંગી હતી. ફરિયાદી આટલી મોટી રકમ આપવા માંગતા ન હોવાથી તેમણે એસીબીના ટોલ ફ્રી નંબર પર સંપર્ક કરી ફરિયાદ નોંધાવી હતી. આ ફરિયાદના આધારે ગાંધીનગર એસીબીની ટીમે નડીઆદમાં જાળ બિછાવી હતી.
