વાંસદા તાલુકાના રૂપવેલ ગામે યુવક સાથે ઈન્સ્ટાગ્રામ પર સસ્તા સોફા ખરીદવાની લાલચમાં રૂ. 58,497ની છેતરપિંડી થઈ છે. ગઠિયાઓએ સસ્તા ભાવે સોફાની જાહેરાત મૂકી હતી અને તેમાં આ ઠગાઇ કરી હતી.


સોફાની જાહેરાત જોઇ

વાંસદામાં રહેતા હસમુખભાઈ વિશ્રામભાઈ પટેલ (ઉ.વ. 44)ના મોબાઈલમાં તેમની પુત્રી રિયા ઈન્સ્ટાગ્રામ પર રીલ્સ જોઈ રહી હતી. એક એકાઉન્ટ પર સોફા વેચવાની જાહેરાત જોવા મળી હતી. ઓછી કિંમતમાં સોફા હોવાથી તેમણે જાહેરાતમાં આપેલા નંબર પર સંપર્ક કર્યો હતો

ખાતામાંથી 54,997 ઉપડી ગયા

ઠગે આ પરિવારને વિશ્વાસમાં લઈ સોફાના બુકિંગ પેટે 3500 ઓનલાઈન સ્કેનર દ્વારા મંગાવ્યા હતા. ત્યારબાદ ગઠીયાએ ઓટીપી માગ્યો હતો અને તેમણે ઓટીપી આપતાં જ ખાતામાંથી 54,997 ઉપડી ગયા હતા.

Also Read

ત્યારબાદ સોફા કે પૈસા મળ્યા ન હતા

ખાતામાંથી મોટી રકમ કપાતા તેમણે ફોન કર્યો હતો. ત્યારે ગઠિયાએ બહાનું કાઢતા કહ્યું હતું કે તમને પૈસા મળી જશે પણ ત્યારબાદ સોફા કે પૈસા મળ્યા ન હતા જેથી તેમણે પોલીસમાં ફરિયાદ નોંધાવી હતી

આ પણ વાંચો----- Navsari LCBએ બોડી લોશનની આડમાં થતી દારૂની તસ્કરીનો કર્યો પર્દાફાશ, રૂ.25 લાખનો દારૂ જપ્ત

  • Follow us on: