પંચમહાલ જિલ્લાના મુખ્ય મથક ગોધરા શહેરમાં તસ્કરો હવે બેફામ બન્યા હોય તેમ લાગી રહ્યું છે. દાહોદ શહેરના હાર્દ સમાન મુખ્ય માર્કેટ વિસ્તારમાં આવેલી મ્યુનિસિપલ કોમ્પ્લેક્ષની એક દુકાનને નિશાન બનાવવાનો પ્રયાસ કરવામાં આવ્યો હતો. જોકે, મધ્યરાત્રિએ નસીબજોગે તસ્કરો તાળું તોડવામાં નિષ્ફળ રહેતા મોટી ચોરીની ઘટના ટળી હતી.
દોઢ કલાક સુધી તાળા સાથે મથામણ
ગોધરાના મ્યુનિસિપલ કોમ્પ્લેક્ષમાં આવેલી એક કોમ્પ્યુટરની દુકાનને તસ્કરોએ પોતાનો શિકાર બનાવવા રાત્રિના અંધકારનો લાભ લીધો હતો. આ ચોરીના પ્રયાસની સૌથી ચોંકાવનારી વિગત એ છે કે, એક તસ્કર અંદાજે દોઢ કલાક સુધી સતત દુકાનનું તાળું તોડવા માટે મથામણ કરતો રહ્યો હતો. ઘણી મહેનત અને પ્રયત્નો કરવા છતાં તાળું ન તૂટતા અંતે તસ્કરે ત્યાંથી ખાલી હાથે પલાયન થવું પડ્યું હતું.
