Surat : કાપોદ્રામાં મિત્રની હત્યા કરનાર 2 ઝડપાયા, ક્રિષ્ના ઇન્ડસ્ટ્રીઝમાં જમવા સમયે વિવાદ બાદ હત્યા

સુરત શહેરના કાપોદ્રા વિસ્તારમાં ક્રિષ્ના ઇન્ડસ્ટ્રીઝમાં ચામુંડા એન્જીનીયરિંગમાં યુવકની ક્રૂર હત્યા કરવામાં આવી છે. પોલીસે આ મામલે જાણ થતાં તત્કાળ સ્થળ પર પહોંચી આરોપીઓને ઝડપી પાડ્યા હતા.

 લોખંડના રોડ વડે માથામાં માર મારી હત્યા કરી

 આરોપીઓ સુરેશ અને મનોજે ઉશ્કેરાઇ જઇને અજય નામના યુવકની લોખંડના રોડ વડે માથામાં માર મારી હત્યા કરી હોવાનું પોલીસના આરંભિક તપાસમાં સામે આવ્યું છે.

દુકાનનું શટર અંદરથી બંધ કરીને જમવા બેઠા હતા

પ્રાપ્ત માહિતી મુજબ, દુકાનનું શટર અંદરથી બંધ કરીને જમવા બેઠા હતા ત્યારે તેમની વચ્ચે સામાન્ય અણબનાવ બાદ આરોપીઓએ અજય પર હુમલો કર્યો.

હત્યા કર્યા બાદ ત્યાં જ બેસી રહ્યા

ચોંકાવનારી વાત તો એ હતી કે અજયની હત્યા કર્યા બાદ બંને આરોપીઓ મૃતદેહની સાથે દુકાનમાં જ બેસેલા હતા.

પોલીસે દુકાનનું શટર તોડી બંને આરોપીઓને ઝડપી પાડ્યા

મૃતકના સંબંધી બહાર હોવાને કારણે તેણે પોલીસને જાણ કરી, ત્યારબાદ કાપોદ્રા પોલીસ ઘટના સ્થળ પર પહોંચી અને શટર તોડી દુકાનમાં પ્રવેશ કરીને બંને આરોપીઓને ઝડપી પાડ્યા.

સમગ્ર મામલે વધુ તપાસ શરુ

પોલીસ અને FSLટીમે સ્થળ પરથી પુરાવા એકત્ર કર્યા છે અને સમગ્ર મામલે વધુ તપાસ હાથ ધરવામાં આવી છે. કાપોદ્રા પોલીસે આરોપીઓની ધરપકડ કરી હત્યા અંગે કાયદેસરની કાર્યવાહી શરૂ કરી છે.

આ પણ વાંચો---  Surat : મહિલા પેસેન્જરની દાદાગીરી, BRTS બસના ડ્રાઇવર પર હુમલો, ડ્રાઇવરે બસ ઉભી રાખવાની ના પાડતા મામલો બિચક્યો