Surendranagar: ગેરકાયદે કોલસા ખનન પર દરોડા, લીંબડી પ્રાંત અધિકારીની કાર્યવાહી, સરકારી જમીન પર ગેરકાયદે ખનનનો ખુલાસો

સુરેન્દ્રનગર જિલ્લામાં ગેરકાયદે કોલસા ખનન સામે તંત્ર દ્વારા કડક કાર્યવાહી હાથ ધરવામાં આવી છે. લીંબડી પ્રાંત અધિકારીએ દરોડા પાડી સરકારી સરવે નંબરની જમીન પર ચાલી રહેલું ગેરકાયદે કોલસા ખનન ઝડપ્યું હતું.

ત્રણ ગેરકાયદે કુવાઓ ઝડપી પાડવામાં આવ્યા

પ્રાપ્ત માહિતી મુજબ, કોલસો ઉલેચવા માટે ખોદવામાં આવેલા ત્રણ ગેરકાયદે કુવાઓ ઝડપી પાડવામાં આવ્યા હતા. સ્થળ પરથી ચરખી, ટ્રેક્ટર, જનરેટર સહિતનો ખનન માટે ઉપયોગમાં લેવાતો મુદ્દામાલ જપ્ત કરવામાં આવ્યો હતો.

ગેરકાયદે ખોદાયેલા કુવાઓને પુરવાની કામગીરી

પ્રાંત અધિકારીની ટીમ દ્વારા ગેરકાયદે ખોદાયેલા કુવાઓને પુરવાની કામગીરી પણ હાથ ધરવામાં આવી હતી, જેથી ભવિષ્યમાં ફરી ગેરકાયદે ખનન ન થાય. આ કાર્યવાહીથી ગેરકાયદે ખનન કરનારાઓમાં ફફડાટ ફેલાયો છે.

સંબંધિત વિભાગ દ્વારા વધુ તપાસ શરૂ

ઘટનાને લઈને સંબંધિત વિભાગ દ્વારા વધુ તપાસ શરૂ કરવામાં આવી છે. ખનનમાં સંડોવાયેલા જવાબદારો સામે નિયમ મુજબ કાયદેસર કાર્યવાહી કરવામાં આવશે તેમ અધિકારીઓએ જણાવ્યું હતું.

આ પણ વાંચો----   Bhavnagar : શંકાસ્પદ ચોખાનો જથ્થો ઝડપાયો, પાલીતાણા મામલતદારની કાર્યવાહી, 6 હજાર કિલોથી વધુ ચોખા ભરેલી ટ્રક જપ્ત