વડોદરા શહેરમાં છેલ્લા દસ દિવસમાં બાળ સુરક્ષાને કલંકિત કરતો બીજો કિસ્સો સામે આવતા ચકચાર મચી ગઈ છે. શહેરના સોમા તળાવ વિસ્તારમાં આવેલી વુડાની આવાસ યોજનામાં એક 22 વર્ષીય યુવકે 6 વર્ષની નાની બાળકી સાથે શારીરિક અડપલા કરી માનવતાને લાંછન લગાડ્યું છે.
6 વર્ષીય બાળકીને કર્યા અડપલાં
મળતી માહિતી અનુસાર, ઉતરાયણના પર્વ નિમિત્તે જ્યારે આખું શહેર પતંગબાજીમાં મશગૂલ હતું, ત્યારે બપોરે 12 થી 2 વાગ્યાના સમયગાળા દરમિયાન આરોપી સુનિલ રાઠવાએ અગાસી પર 6 વર્ષીય બાળકીને એકલી જોઈ તેના ગુપ્ત ભાગે અડપલા કર્યા હતા. પરંતુ બાળકે હિંમત બતાવીને બાળકીએ સમગ્ર આપવીતી જણાવી હતી. બનાવની ગંભીરતા સમજીને માતાએ તુરંત કપુરાઇ પોલીસ મથક ખાતે પહોંચી નરાધમ વિરુદ્ધ ફરિયાદ નોંધાવી હતી.
