વડોદરા જિલ્લાના અણખોલ ગામના ખેડૂત જીતેન્દ્રભાઈ વલ્લભભાઈ પટેલ અને તેમની પત્ની સાથે ઑનલાઇન છેતરપિંડીનો ગંભીર કેસ સામે આવ્યો છે. દંપતીના મોબાઇલ પર ઈન્ડસઇન્ડ બેંકના નામેથી મોકલાયેલી ફિશિંગ લિંક પર ક્લિક કરતા જ થોડા જ મિનિટોમાં બંનેના બેંક ખાતામાંથી કુલ રૂ. 3,01,500 ઠગો દ્વારા ઉપાડી લેવામાં આવ્યા. આ મામલે મંજુસર પોલીસ મથકે ફરિયાદ નોંધાઈ છે.
દંપતીને વોટ્સએપ પર અજાણ્યા નંબરથી મેસેજ આવ્યો
દંપતીને વોટ્સએપ પર અજાણ્યા નંબરથી મેસેજ આવ્યો હતો .મેસેજમાં ઈન્ડસઈન્ડ બેંકનું ડિસ્પ્લે પિક્ચર હોવાથી તેને સાચો માની લિંક પર ક્લિક કર્યું. લિંક ક્લિક કરતાં જ મોબાઈલ ઓટોમેટિક મોડમાં ચાલ્યો ગયો અને OTP આવતા શરૂ થયા.
