વડોદરા ક્રાઇમ બ્રાન્ચે લાંબા સમયથી નાસતા ફરતા એક આરોપીને કચ્છ જિલ્લામાંથી ઝડપી પાડ્યો છે. આરોપી વર્ષ 2016માં વિશ્વાસઘાત અને છેતરપિંડીના ગુનામાં 1 કરોડથી વધુની કિંમતનું લોખંડનું મટિરિયલ ખરીદી તેની રકમ ચૂકવ્યા વિના ફરાર થઈ ગયો હતો.
આરોપી કચ્છમાંથી ઝડપાયો
આરોપી આનંદરાજ ડેવિન્ડ્રુનાથન એન્થની (ઉંમર 63 વર્ષ) હાલ કચ્છ જિલ્લાના સામખીયાળી વિસ્તારમાં હોવાની બાતમી પોલીસને મળી હતી. બાતમી મળતા જ ક્રાઇમ બ્રાન્ચની ટીમ તાત્કાલિક કચ્છ પહોંચી ગઈ હતી અને ખાનગી રીતે સતત નિરીક્ષણ રાખીને આરોપીને ઝડપી પાડવામાં સફળ રહી હતી.
