વડોદરા શહેરમાં નવી વરસાદી ગટર (બોક્સ કલ્વર્ટ) નાખવાની કામગીરીને પગલે આગામી દિવસોમાં શહેરના વિવિધ મુખ્ય જંકશનો પર સમયાંતરે રોડ રસ્તા બંધ રાખવામાં આવશે. ગોલ્ડન જંકશન, આજવા જંકશન, કપુરાઈ જંકશન અને તરસાલી જંકશન સહિતના વિસ્તારોમાં આ કામગીરી હાથ ધરવામાં આવનાર છે.
નવી વરસાદી ગટર નાખવાની કામગીરી શરૂ
કોર્પોરેશનની ડ્રેનેજ અને વરસાદી ગટર પ્રોજેક્ટ શાખા દ્વારા જણાવવામાં આવ્યું છે કે, પ્રાથમિક તબક્કામાં વાઘોડિયા જંકશન વિસ્તારમાં નવી વરસાદી ગટર નાખવાની કામગીરી શરૂ કરવામાં આવશે. આ કામગીરી દરમિયાન ભારે મશીનરી, મજૂરો અને કારીગરોની અવરજવર રહેતી હોવાથી આવતીકાલે તારીખ 20થી સતત દસ દિવસ સુધી વાઘોડિયા જંકશન પરથી તમામ પ્રકારના વાહન વ્યવહાર અને અવરજવર માટે રસ્તો સંપૂર્ણ રીતે બંધ રાખવામાં આવશે.
