Vadodara : યુવકનું 5 સેકન્ડમાં જ મોત, પાણીગેટ પાસે બાઇકચાલકે કાબૂ ગુમાવ્યો, ચોંકાવનારા CCTV ફૂટેજ બહાર આવ્યા

વડોદરા શહેરના પાણીગેટ વિસ્તારમાં ગત 21મી ફેબ્રુઆરીની સાંજે એક ગંભીર બાઇક અકસ્માત સર્જાયો હતો જેમાં 19 વર્ષીય આદિત્ય પરમાર નામના યુવકનું ઘટના સ્થળે મોત નીપજ્યું હતું. અકસ્માતના ચોંકાવનારા CCTV ફૂટેજ બહાર આવ્યા છે.

યુવકે પાંચ સેકન્ડમાં જ જીવ ગુમાવ્યો

ફૂટેજમાં જોવા મળે છે કે આદિત્ય પરમાર પોતાની બાઇક પર ફૂલ સ્પીડે આવી રહ્યો હતો અને તેણે બાઇક પરથી કાબૂ ગુમાવતા બાઇક પેટ્રોલ પંપની દિવાલ સાથે ધડાકાભેર અથડાઇ હતી અને યુવકે પાંચ સેકન્ડમાં જ જીવ ગુમાવ્યો હતો

લોકો એકત્ર થઇ ગયા

અકસ્માત બાદ મોટી સંખ્યામાં લોકો એકત્ર થઇ ગયા હતા અને તાત્કાલિક પોલીસને જાણ કરી હતી. અકસ્માત મુખ્યત્વે ઓવરસ્પીડ અને કંટ્રોલ ગુમાવવાને કારણે થયો હોવાનું પ્રારંભિક તપાસમાં બહાર આવ્યું છે.

પોલીસ તપાસ શરુ

પોલીસની મામલે વધુ તપાસ ચાલી રહી છે. ઘટનાના જે સીસીટીવી ફૂટેજ જાહેર થયા છે તે ખુબ જ ચોંકાવનારા છે અને ફુલ સ્પીડે વાહન ચલાવતા વાહન ચાલકો માટે સબકરુપ છે. 

આ પણ વાંચો----    Ahmedabad: ધર્મના નામે ધતિંગ, મહિલા સાથે રંગેરેલીયા મનાવતા પકડાયાનો આક્ષેપ થયા બાદ સ્વામી રામકૃષ્ણદાસને સ્વામિનારાયણ સંપ્રદાયમાંથી હાંકી કાઢાયા