Vav-tharad માં મૈત્રી કરારમાં રહેતા યુવક-યુવતી પર હુમલો, ઘટનાનો વીડિયો સોશિયલ મીડિયામાં વાયરલ

વાવ-થરાદ જીલ્લામાં તાજેતરમાં એક ગંભીર બનાવ સામે આવ્યો છે, જ્યાં મૈત્રી કરારમાં રહેતા યુવક-યુવતી પર હુમલો કરાયો હોવાનું બહાર આવ્યું છે.

વીડિયો સોશિયલ મીડિયામાં વાયરલ

આ બનાવમાં યુવતીના પરિવાર દ્વારા યુવક અને યુવતી પર જીવલેણ હુમલો કરવાના આક્ષેપ કરાયા છે. બનાવ અંગેનો વીડિયો સોશિયલ મીડિયામાં વાયરલ થયો છે, જેમાં આરોપીઓનું ખુલ્લેઆમ તાંડવ જોવા મળ્યું હોવાનું દાવો કરવામાં આવ્યો છે.

બંનેને બળજબરીથી લઈ જવાનો પ્રયાસ કરવામાં આવ્યો હોવાનો પણ આક્ષેપ

વીડિયોમાં જોવા મળે છે કે હથિયારો સાથે ઘરમાં ઘૂસેલા ટોળા દ્વારા તોડફોડ કરવામાં આવી અને બંનેને બળજબરીથી લઈ જવાનો પ્રયાસ કરવામાં આવ્યો હોવાનો પણ આક્ષેપ છે. ઘટના બાદ પીડિત પક્ષ અસુરક્ષિત અનુભવતા પોલીસ પાસે તાત્કાલિક ધરપકડ અને કડક કાર્યવાહી કરવાની માંગ કરી છે.

 વાયરલ થયેલા વિડિયો અને અન્ય પુરાવા આધારે તપાસ શરૂ

પોલીસે જણાવ્યું છે કે, વાયરલ થયેલા વિડિયો અને અન્ય પુરાવા આધારે તપાસ શરૂ કરી દેવામાં આવી છે.

આ પણ વાંચો-----    Vadodara : કરજણ એમ.જી.વી.સી.એલ.માં ચોરીના પ્રયાસમાં ગન મેનનું ફાયરિંગ, 1 ચોર ઘાયલ, 2 ઝડપાયા