ભારત અને અમેરિકા વચ્ચેના દ્વિપક્ષીય વેપાર કરાર (Trade Agreement) માટેની વાટાઘાટો હવે તેના અંતિમ તબક્કામાં પહોંચી ગઈ છે.આગામી દિવસોમાં આ ઐતિહાસિક કરાર પર અંતિમ સહમતિ સધાય તેવી પ્રબળ સંભાવના છે. આ મહત્વપૂર્ણ વાતચીતમાં ભાગ લેવા માટે અમેરિકાના વેપાર પ્રતિનિધિ જૈમિસન ગ્રીર ભારત આવી પહોંચ્યા છે. તેઓ બે દિવસીય ઉચ્ચ સ્તરીય બેઠક મળશે.
કેન્દ્રીય મંત્રી પીયૂષ ગોયલ સાથે મુલાકાત
જૈમિસન ગ્રીર તેમના ભારત પ્રવાસ દરમિયાન કેન્દ્રીય વાણિજ્ય અને ઉદ્યોગ મંત્રી પીયૂષ ગોયલ તેમજ અન્ય વરિષ્ઠ અધિકારીઓ સાથે મુલાકાત કરશે. આ બેઠક દરમિયાન બંને દેશો વચ્ચેના ઐતિહાસિક 'ભારત-અમેરિકા સંયુક્ત નિવેદન' (Joint Statement) અને અંતિમ વેપાર કરારના મુસદ્દા પર વિસ્તૃત ચર્ચા કરવામાં આવશે.
