ગુજરાતમાં આગામી સ્થાનિક સ્વરાજ્યની ચૂંટણીઓ શાંતિપૂર્ણ અને ભયમુક્ત વાતાવરણમાં સંપન્ન થાય તે માટે રાજ્ય પોલીસ વિભાગ સંપૂર્ણપણે સજ્જ થઈ ગયું છે. આજે ગાંધીનગર ખાતે રાજ્યના DGPની અધ્યક્ષતામાં એક હાઈલેવલ બેઠક યોજાઈ હતી, જેમાં સુરક્ષા વ્યવસ્થાને લઈને મહત્વનો માસ્ટર પ્લાન તૈયાર કરવામાં આવ્યો છે. આ બેઠકમાં તમામ ઉચ્ચ પોલીસ અધિકારીઓને ચૂંટણી દરમિયાન કાયદો અને વ્યવસ્થા જળવાઈ રહે તે માટે કડક સૂચનાઓ આપવામાં આવી છે.
જંગી પોલીસ કાફલો તૈનાત કરવામાં આવશે.
ચૂંટણી પ્રક્રિયા દરમિયાન સુરક્ષામાં કોઈ કચાસ ન રહે તે માટે જંગી પોલીસ કાફલો તૈનાત કરવામાં આવશે. આયોજન મુજબ, રાજ્યભરમાં 59,525 હોમગાર્ડ અને જી.આર.ડી. (GRD) જવાનો ફરજ બજાવશે.
