સાબરકાંઠા સહિત સમગ્ર રાજ્યમાં આવતીકાલે સ્થાનિક સ્વરાજ્યની ચૂંટણીઓનું મહાપર્વ યોજાવા જઈ રહ્યું છે. આ માટે સાબરકાંઠા જિલ્લા વહીવટીતંત્ર સજ્જ બન્યું છે. હિંમતનગર પ્રાંત કચેરી ખાતેથી આજે 1300 થી વધુ મતદાન મથકો માટે 6,000 થી વધુ પોલિંગ સ્ટાફ અને 2000 થી વધુ પોલીસ જવાનોને ઈવીએમ (EVM) મશીનો અને ચૂંટણી સામગ્રી સાથે રવાના કરવામાં આવ્યા છે.
ચૂંટણીનું ગણિત
સાબરકાંઠાની 34 જિલ્લા પંચાયત અને 3 નગરપાલિકાઓની કુલ 301 બેઠકો પર આ ચૂંટણી યોજાશે. જેમાં 838 ઉમેદવારોનું ભાવિ આવતીકાલે 9 લાખથી વધુ મતદારો નક્કી કરશે. આદર્શ આચારસંહિતાના કડક પાલન સાથે શાંતિપૂર્ણ વાતાવરણમાં મતદાન થાય તે માટે તંત્ર દ્વારા લોખંડી સુરક્ષા બંદોબસ્ત ગોઠવવામાં આવ્યો છે.
