ગુજરાત સ્થાનિક સ્વરાજની ચૂંટણીના આજે જાહેર થયેલા પરિણામો કોંગ્રેસ માટે અત્યંત નિરાશાજનક રહ્યા છે. સમગ્ર રાજ્યની સાથે વડોદરા જિલ્લામાં પણ કોંગ્રેસના સૂપડા સાફ થઈ જતાં પક્ષમાં આંતરિક વિખવાદ અને નારાજગી સપાટી પર આવી છે. પરિણામોના ગણતરીના કલાકોમાં જ વડોદરા જિલ્લા કોંગ્રેસ પ્રમુખ જસપાલસિંહ પઢીયારે પોતાના પદેથી રાજીનામું ધરી દીધું છે.
કોંગ્રેસનું પ્રદર્શન અત્યંત કંગાળ
જિલ્લા પંચાયત, તાલુકા પંચાયત અને નગરપાલિકાઓમાં કોંગ્રેસનું પ્રદર્શન અત્યંત કંગાળ રહ્યું છે. આ નિરાશાજનક પરિણામોની નૈતિક જવાબદારી સ્વીકારતા જસપાલસિંહ પઢીયારે પ્રદેશ નેતૃત્વને પોતાનું રાજીનામું મોકલી આપ્યું છે. તેમણે જણાવ્યું હતું કે, અપેક્ષા મુજબના પરિણામો ન મળતા તેઓ આ નિર્ણય લઈ રહ્યા છે.
