સુરેન્દ્રનગર જિલ્લામાં 26 એપ્રિલે સ્થાનિક સ્વરાજની પાંચ સંસ્થાઓ જેમાં મહાનગરપાલિકા, પાલિકા, તાલુકા પંચાયત અને જિલ્લા પંચાયતનો સમાવેશ થાય છે, તેના માટે મતદાન યોજાવા જઈ રહ્યું છે. આ લોકશાહીના પર્વને લઈ વહીવટી તંત્ર સજ્જ બન્યું છે અને આજે લખતર ખાતેથી EVM મશીન તેમજ જરૂરી સ્ટેશનરીની ફાળવણી કરવામાં આવી છે.
લખતર મોડેલ સ્કૂલ ખાતેથી કામગીરીનો પ્રારંભ
લખતર મોડેલ સ્કૂલને ચૂંટણી કામગીરીનું કેન્દ્ર બનાવવામાં આવ્યું છે. અહીંથી આજે તમામ મતદાન મથકોના સ્ટાફને ઓર્ડર આપીને રવાના કરવામાં આવ્યા હતા. લખતર તાલુકાના 74 બૂથ પર આવતીકાલે મતદાન પ્રક્રિયા હાથ ધરવામાં આવશે. ચૂંટણી અધિકારીઓ દ્વારા સુનિશ્ચિત કરવામાં આવ્યું છે કે, તમામ બૂથ પર સમયસર EVM અને મતદાન સામગ્રી પહોંચી જાય.
