IPL 2026ની 14 મેના રોજ ધર્મશાળામાં મુંબઇ ઇન્ડિયન્સ અને પંજાબ કિંગ્સ વચ્ચેની મેચ ખૂબ રોમાંચક રહી. મુંબઈ ઈન્ડિયન્સે આ મેચમાં જબરજસ્ત પ્રદર્શન કરી પંજાબ કિંગ્સને હરાવ્યું. જેના બાદ આઈપીએલનો પોઈન્ટ ટેબલમાં પણ મોટો ઉલટફેર થયો. આ મેચમાં ભલે મુંબઇ ટીમની જીત થઈ હોય પરંતુ બેટિંગ કોચના કારણે ટીમ અત્યારે વિવાદમાં ફસાવી ગઈ છે. આઈપીએલમાં આ વખતે વિવાદનું કારણ કોઈ ખેલાડી નહીં, પરંતુ કોચ હતો, જેની સામે BCCI એ કડક પગલા લીધા. મુંબઈ ઈન્ડિયન્સના બેટિંગ કોચ કિરોન પોલાર્ડને ચોથા અમ્પાયર પ્રત્યે અપશબ્દોનો ઉપયોગ કરવા પર BCCIએ મોટો દંડ ફટકાર્યો.
મુંબઈ ઈન્ડિયન્સનું આઈપીએલમાં ખરાબ પ્રદર્શન
2026ની આઈપીએલ સિઝન મુંબઈ ઈન્ડિયન્સ માટે ખૂબ ખરાબ રહી. ટીમ તેના પ્રદર્શન અને અન્ય અનેક વિવાદોને કારણે સમાચારમાં રહી હતી. હવે, આ વિવાદમાં વધુ એક વિવાદ ઉમેરાયો છે, જેમાં ટીમના એક કોચ અમ્પાયર સાથે દુર્વ્યવહાર કરતા પકડાયા છે. આ ઘટના ગુરુવારે મુંબઈ ઈન્ડિયન્સ અને પંજાબ કિંગ્સ વચ્ચેની મેચ દરમિયાન બની હતી, જેમાં મુંબઈએ છ વિકેટથી જીત મેળવી હતી. જોકે, મેચના ઉત્સાહ વચ્ચે, પોલાર્ડનો ગુસ્સે ભરાયેલો ક્ષણ હવે ચર્ચાનો વિષય બન્યો છે.
