Shan Masoodએ બેવડી સદી ફટકારીને રચ્યો ઈતિહાસ, તોડ્યો ઈન્ઝમામ ઉલ હકનો 33 વર્ષ જૂનો રેકોર્ડ

પાકિસ્તાન ક્રિકેટ ટીમ હાલમાં કોઈ ઈન્ટરનેશનલ મેચ રમી રહી નથી. બાબર આઝમ, શાહીન આફ્રિદી અને મોહમ્મદ રિઝવાન જેવા ખેલાડીઓ હાલમાં બિગ બેશ લીગમાં ભાગ લઈ રહ્યા છે.

આ દરમિયાન પ્રેસિડેન્ટ કપ હાલમાં પાકિસ્તાનના ઘરઆંગણે રમાઈ રહ્યો છે. આ એક ફર્સ્ટ-ક્લાસ ડોમેસ્ટિક ટુર્નામેન્ટ છે. આ ટુર્નામેન્ટમાં પાકિસ્તાનના ટેસ્ટ કેપ્ટન શાન મસૂદે ડબલ સેન્ચુરી ફટકારીને ધૂમ મચાવી છે.

33 વર્ષ જૂનો રેકોર્ડ તૂટ્યો

આ મેચમાં શાન મસૂદ સુઈ નોર્ધન ગેસ તરફથી રમી રહ્યો છે. તેને 177 બોલમાં બેવડી સદી ફટકારી હતી. ફર્સ્ટ-ક્લાસ ક્રિકેટમાં પાકિસ્તાની બેટ્સમેન દ્વારા આ સૌથી ઝડપી બેવડી સદી છે. પોતાની બેવડી સદી સાથે શાને ઈન્ઝમામ ઉલ હકનો રેકોર્ડ તોડ્યો હતો. ઈન્ઝમામે 1992માં ઈંગ્લેન્ડ સામે બેવડી સદી ફટકારી હતી. તેને 188 બોલમાં આ સદી ફટકારી હતી. શાન મસૂદ 185 બોલમાં 212 રન બનાવી અણનમ રહ્યો હતો.

શાન મસૂદનો ઈન્ટરનેશનલ રેકોર્ડ

શાન મસૂદે પાકિસ્તાન માટે 44 ટેસ્ટ મેચ રમી છે, જેમાં 2550 રન બનાવ્યા છે. તેને 6 સદી અને 13 અડધી સદી ફટકારી છે. તેને 9 વનડેમાં 163 રન અને 19 T20 ઈન્ટરનેશનલ મેચમાં 395 રન બનાવ્યા છે.

આ પહેલા સુઈ નોર્ધન માટે રમતી વખતે શાને લિસ્ટ A ક્રિકેટમાં 105 રન બનાવ્યા હતા. તે ટીમ માટે સતત સારું પ્રદર્શન કરી રહ્યો છે. પરંતુ શાન મસૂદ હાલમાં પાકિસ્તાન ટેસ્ટ ટીમનો કેપ્ટન છે. તે વર્તમાન પાકિસ્તાન ODI અને T20 ટીમનો ભાગ નથી.

આ પણ વાંચો: KKRના સ્ટાર બેટરે હોસ્પિટલમાંથી રજા મળતાની સાથે જ મેદાનમાં મચાવી ધૂમ, ટીમને અપાવી જીત