ICC મેન્સ T20 વર્લ્ડકપ 2026માં ભારત સામેની મેચને લઈને ચાલી રહેલા વિવાદ વચ્ચે પાકિસ્તાનના ભૂતપૂર્વ કેપ્ટન શાહિદ આફ્રિદીએ એક નિવેદન બહાર પાડ્યું છે. સોશિયલ મીડિયા પ્લેટફોર્મ એક્સ પર પોસ્ટ કરતા શાહિદ આફ્રિદીએ કહ્યું કે તે ક્રિકેટને રાજકારણથી ઉપર માને છે, પરંતુ તેમ છતાં તે પાકિસ્તાન સરકારના નિર્ણયનું સમર્થન કરે છે.
પાકિસ્તાન સરકારે T20 વર્લ્ડકપ માટે શ્રીલંકા જવા માટે પોતાની ટીમને મંજૂરી આપી હતી, પરંતુ ભારત સામે ગ્રુપ મેચ ન રમવાનો નિર્ણય લીધો હતો. શાહિદ આફ્રિદીએ લખ્યું હતું કે તે હંમેશા માનતો રહ્યો છે કે ક્રિકેટ એવા દરવાજા ખોલી શકે છે જે રાજકારણ બંધ કરે છે. પરંતુ તેને એ પણ સ્વીકાર્યું કે ભારત સામે મેચ ન રમવી એ દુર્ભાગ્યપૂર્ણ હતું.
શાહિદ આફ્રિદીએ ICC પર ઉઠાવ્યા સવાલ
શાહિદ આફ્રિદીએ પોતાની પોસ્ટમાં ICC પર સવાલ ઉઠાવ્યા હતા. તેને કહ્યું હતું કે આ સમય ફક્ત નિવેદનો આપીને નહીં, પરંતુ નિર્ણયો લઈને નેતૃત્વ બતાવવાનો છે. શાહિદ આફ્રિદીએ લખ્યું હતું કે ICCએ સાબિત કરવું જોઈએ કે તે નિષ્પક્ષ, સ્વતંત્ર અને બધા સભ્ય દેશો માટે સમાન છે. તેમનું નિવેદન એવા સમયે આવ્યું છે જ્યારે ICC પાકિસ્તાનના નિર્ણય સામે શક્ય કડક કાર્યવાહી પર વિચાર કરી રહ્યું છે.
શાહિદ આફ્રિદી આગળ કહ્યું કે "હું હંમેશા માનતો આવ્યો છું કે જ્યારે રાજકારણ દરવાજા બંધ કરી દે છે, ત્યારે ક્રિકેટ નવા દ્રષ્ટિકોણ ખોલી શકે છે. તે દુઃખદ છે કે પાકિસ્તાન T20 વર્લ્ડકપમાં ભારત સામે નહીં રમે, પરંતુ હું મારી સરકારના નિર્ણયને સમર્થન આપું છું. આ સમય ICC માટે ફક્ત નેતૃત્વ કરવાનો અને નિવેદનો આપવાનો નથી, પરંતુ તેના નિર્ણયો દ્વારા દર્શાવવાનો છે કે તે દરેક સભ્ય માટે નિષ્પક્ષ, સ્વતંત્ર અને ન્યાયી છે."
શાહિદ આફ્રિદીના નિવેદનને એટલા માટે પણ મહત્વપૂર્ણ માનવામાં આવે છે કારણ કે ઘણા ભૂતપૂર્વ પાકિસ્તાની ખેલાડીઓ ભારત સામે મેચ ન રમવાના નિર્ણય પર વિભાજિત દેખાય છે. કેટલાક ભૂતપૂર્વ ખેલાડીઓ તેની નિંદા કરી રહ્યા છે, જ્યારે શાહિદ આફ્રિદી જેવા અગ્રણી નામો ખુલ્લેઆમ સરકાર સાથે ઉભા છે.
ICCએ વ્યક્ત કરી ચિંતા
ICCએ પહેલાથી જ આ બાબતે ચિંતા વ્યક્ત કરી છે. તેણે કહ્યું છે કે પસંદગીયુક્ત ભાગીદારી વૈશ્વિક ક્રિકેટના શ્રેષ્ઠ હિતમાં નથી. પરંતુ પાકિસ્તાન ક્રિકેટ બોર્ડના ચેરમેન મોહસીન નકવી તરફથી કોઈ વિગતવાર સત્તાવાર પ્રતિભાવ આપવામાં આવ્યો નથી.
ભારત સામેની મેચનો બોયકોટ હવે ફક્ત એક મેચનો મુદ્દો નથી રહ્યો. આ મુદ્દો સીધો ICC ની વિશ્વસનીયતા, પાકિસ્તાની ક્રિકેટના ભવિષ્ય અને વૈશ્વિક ક્રિકેટના રાજકારણ સાથે જોડાયેલો છે. શાહિદ આફ્રિદીના નિવેદનને વિવાદને વધુ વેગ આપવા તરીકે જોવામાં આવી રહ્યું છે.
આ પણ વાંચો: Team Indiaએ પાકિસ્તાનને U19 વર્લ્ડકપમાં હરાવ્યું, આયુષ મ્હાત્રેની શાનદાર બોલિંગ
