Virat Kohliએ તોડ્યો વધુ એક રેકોર્ડ, 42 રન બનાવીને કુમાર સંગાકારાને પાછળ છોડીને રચ્યો ઈતિહાસ

વિરાટ કોહલી ભારતીય ક્રિકેટ ઈતિહાસના મહાન બેટ્સમેનોમાંથી એક છે. તેને ઈન્ટરનેશનલ ક્રિકેટમાં 28,000 રન બનાવવાની સિદ્ધિ હાંસલ કરી છે. વડોદરામાં ન્યુઝીલેન્ડ સામેની સિરીઝની પ્રથમ વનડેમાં વિરાટે વધુ એક રેકોર્ડ તોડ્યો.

42 રન બનાવીને તેને શ્રીલંકાના દિગ્ગજ બેટ્સમેન કુમાર સંગાકારાને પાછળ છોડી દીધો. તે ઈન્ટરનેશનલ ક્રિકેટમાં બીજા નંબરે સૌથી વધુ રન બનાવનાર ખેલાડી બન્યો છે.

વિરાટ કોહલીએ ઈતિહાસ રચ્યો

કુમાર સંગાકારાએ પોતાની 666 ઈન્ટરનેશનલ મેચોમાં 28,016 રન બનાવ્યા હતા. તે ઈન્ટરનેશનલ ક્રિકેટમાં બીજા નંબરે સૌથી વધુ રન બનાવનાર ખેલાડી હતો. તેને આ રેકોર્ડ વર્ષો સુધી જાળવી રાખ્યો હતો. નંબર 1 પર સચિન તેંડુલકર છે, જેમને 782 ઈનિંગમાં 34,357 રન બનાવ્યા હતા. વિરાટ કોહલીએ ન્યુઝીલેન્ડ સામેની એક વનડેમાં 42 રન બનાવીને કુમાર સંગાકારાને પાછળ છોડી દીધો છે.

વિરાટે 624 ઈનિંગમાં કુમાર સંગાકારા કરતા વધુ રન બનાવ્યા છે. તે હવે ઈન્ટરનેશનલ ક્રિકેટમાં બીજા નંબરે સૌથી વધુ રન બનાવનાર ખેલાડી બની ગયો છે. ટોપ 2માં ભારતીય ક્રિકેટ ઈતિહાસના બે સૌથી સફળ ખેલાડીઓનો સમાવેશ થાય છે. તમને જણાવી દઈએ કે વિરાટ કોહલીની એવરેજ કુમાર સંગાકારા અને સચિન તેંડુલકર બંને કરતા સારી છે.

ઈન્ટરનેશનલ ક્રિકેટમાં સૌથી વધુ રન બનાવનારા ટોપ 5 ખેલાડીઓ

આ પણ વાંચો: Anushka Sharmaએ શુભમન ગિલને કહ્યો પોતાનો ફેવરિટ ખેલાડી, વિરાટ કોહલી વિશે કહી એક મોટી વાત