ભારત અને ન્યુઝીલેન્ડ વચ્ચે ત્રણ મેચની વનડે સીરિઝ ચાલી રહી છે. સિરિઝની બીજી મેચ આજે રાજકોટમાં રમાઈ રહી છે. ટીમ ઈન્ડિયાએ પહેલી મેચ જીતીને સીરિઝમાં લીડ મેળવી લીધી છે. આ દરમિયાન, ન્યુઝીલેન્ડે ટોસ જીતીને ભારતને પહેલા બેટિંગ માટે આમંત્રણ આપ્યું હતું. ભારતની પ્લેઈંગ ઈલેવનમાં એક ફેરફાર કરવામાં આવ્યો છે. નીતિશ કુમાર રેડ્ડીએ અંતિમ ઈલેવનમાં વોશિંગ્ટન સુંદરની જગ્યાએ સ્થાન મેળવ્યું છે.
ટીમ ઈન્ડિયાની પ્લેઈંગ 11માં નીતિશ રેડ્ડીની વાપસી
રાજકોટ વનડે માટે ભારતીય ટીમની પ્લેઈંગ ઈલેવનમાં પણ ફેરફાર જોવા મળ્યો છે, જેમાં વોશિંગ્ટન સુંદરની જગ્યાએ નીતિશ રેડ્ડીને ટીમમાં સામેલ કરવામાં આવ્યા છે, જે પહેલી મેચમાં ઈજાગ્રસ્ત થયા હતા. રેડ્ડી લાંબા સમય પછી પ્લેઈંગ ઈલેવનમાં પરત ફરી રહ્યા છે, તેમણે છેલ્લે 2025ના અંતમાં ઓસ્ટ્રેલિયા પ્રવાસ દરમિયાન કોઈ વનડે રમી હતી. બધાની નજર તેમના પ્રદર્શન પર રહેશે.
ભારતે પ્રથમ વનડેમાં ન્યુઝીલેન્ડને હરાવ્યું
ભારત અને ન્યુઝીલેન્ડ વચ્ચે સીરિઝની પ્રથમ વનડે રાજકોટમાં રમાઈ હતી. તે મેચમાં ટીમ ઈન્ડિયાએ ન્યુઝીલેન્ડને 4 વિકેટથી હરાવ્યું. ન્યુઝીલેન્ડે પ્રથમ બેટિંગ કરતા 50 ઓવરમાં 300 રન બનાવ્યા. જવાબમાં, ભારતીય ટીમે 49મી ઓવરમાં 6 વિકેટ ગુમાવીને એક ઓવર વહેલા 301 રનનો લક્ષ્યાંક હાંસલ કર્યો.
આદિત્ય અશોકના સ્થાને લેનોક્સને તક મળી
ન્યુઝીલેન્ડે ભારત સામેની બીજી વનડે માટે પોતાની પ્લેઇંગ ઇલેવનમાં એક ફેરફાર કર્યો છે, જેમાં પહેલી મેચ રમનારા લેગ-સ્પિનર આદિત્ય અશોકની જગ્યાએ જેડન લેનોક્સને આંતરરાષ્ટ્રીય ક્રિકેટમાં ડેબ્યૂ કરવામાં આવ્યો છે. ૩૧ વર્ષીય બોલરે લિસ્ટ એ ફોર્મેટમાં 54 મેચ રમી છે, જેમાં તેણે 31.63ની સરેરાશથી 69 વિકેટ લીધી છે. લેનોક્સ નીચલા ક્રમમાં પણ મહત્વપૂર્ણ ભૂમિકા ભજવી શકે છે. બીજી વનડે માટે કિવી ટીમની પ્લેઇંગ ઇલેવનમાં અન્ય કોઈ ફેરફાર કરવામાં આવ્યા નથી.
ભારતની પ્લેઈંગ ઈલેવન: શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર, કેએલ રાહુલ (વિકેટકીપર), રવિન્દ્ર જાડેજા, નીતિશ કુમાર રેડ્ડી, કુલદીપ યાદવ, હર્ષિત રાણા, મોહમ્મદ સિરાજ , પ્રસિધ્ધ કૃષ્ણા
ન્યૂઝીલેન્ડની પ્લેઇંગ ઇલેવન: ડેવોન કોનવે (વિકેટકીપર), હેનરી નિકોલ્સ, વિલ યંગ, ડેરિલ મિશેલ, ગ્લેન ફિલિપ્સ, મિશેલ હે (વિકેટકીપર), માઇકલ બ્રેસવેલ (કેપ્ટન), જેક ફોલ્કેસ, ક્રિશ્ચિયન ક્લાર્ક, કાયલ જેમીસન, જેડેન લેનોક્સ
આ પણ વાંચો - Marykom Controversy : જુનિયર બોક્સર સાથે મેરી કોમનું અફેર? પૂર્વ પતિનો આક્ષેપ
