નવલકથા

હા, હું ભગવાન છું!

- જ્યોતિ ઉનડકટ

સુધીરની વાત સાંભળીને યોગી આત્માનંદજી ખડખડાટ હસી પડ્યા.

યોગીજીનું હસવાનું જોઈને ઇકબાલને તો સમજાયું જ નહીં કે એણે કેવા હાવભાવ વ્યક્ત કરવા જોઈએ. એ તો બેઠોબેઠો ખેલ જોયે રાખતો હતો. ઇકબાલને એમ થતું હતું કે, જે વિચારોથી એ અહીં આવ્યો હતો એના કરતાં અહીં સાવ જુદો જ માહોલ છે. એને એક વાતની ખાતરી થઈ ગઈ કે, સુધીર શાસ્ત્રી લેખનમાં તો પ્રખ્યાત છે જ મૂવીમાં પણ સુપરહિટ રહેવાના છે.

યોગીજી, શબનમ અને સુધીર શાસ્ત્રી આ ત્રણ જ સંવાદોમાં હતાં. ઇકબાલ તો ચૂપચાપ બેઠો હતો. યોગીજી પણ ઇકબાલની સામે જોયે રાખતા હતા. ઇકબાલે પોતે જ પરિચય આપી દીધો, ‘યોગીજી, હું ફિલ્મો બનાવું છું. સાહેબ ઉપર એક મૂવી બનાવવી છે.’

એક સહજ સ્મિત યોગીજીના ચહેરા ઉપર આવી ગયું. એમણે કહ્યું, ‘મજાની મૂવી બનાવજે. સુધીર જેટલી જ ઊંચી કક્ષાની બનાવજે. એણે શબ્દોને એવી રીતે જીવ્યા છે જાણે એ એનો શ્વાસ છે. એની કલમમાં જે તાકાત છે એ મા સરસ્વતીના આશિષ વગર શક્ય નથી.’

આટલું બોલીને સુધીરની સામે જોયું અને યોગીજીએ વાતને આગળ ધપાવી, ‘સુધીર તું તારા રચેલા શબ્દોનો સ્વામી ખરો. પણ એનો ભગવાન તો તું કેવી રીતે હોઈ શકે? શબ્દો જે કક્કો અને બારાખડીમાં છે, જે શબ્દકોશમાં છે એ જ આ બ્રહ્માંડમાં તરે છે. જે તારા પિંડમાં છે એ જ બ્રહ્માંડમાં છે. જે બ્રહ્માંડમાં છે એ જ તારી અંદર છે. શબ્દ તો છે જ, એને જ્યારે તું આકાર આપે છે, વાચા આપે છે ત્યારે એ શબ્દબ્રહ્મ બને છે. એ શબ્દબ્રહ્મની ગરિમા જાળવ. તું શબ્દોનો સ્વામી પણ કોના કારણે બન્યો? ભગવાનને કારણે. તું કહે છે કે, નવલકથા લખતી વખતે યૂ કેન ફીલ લાઇક અ ગૉડ. બિલકુલ ખરી વાત. તમે પાત્રોનું સર્જન કરો, વિસર્જન કરો, પરિસ્થિતિઓ અને કલ્પનાની દુનિયાની એવી માયા રચો કે વાચક એમાં ખોવાઈ જાય. એક એવું આભાસી ચિત્ર જેમાં વાંચનારને મજા આવે. આનંદ આવે. સુધીર તું ભગવાન નથી. તું એન્ટટેઇનર છે. જેમ ઍક્ટર એની ઍક્ટિંગથી, પેઇન્ટર એના ચિત્રથી લોકોને મનોરંજન આપે છે એવી જ રીતે તું તારા લેખનથી, શબ્દોની રમતથી વાચકોને જકડી રાખે છે. એટલે તું પણ એક કલાકાર છે. હા, કેટલાક લોકોની કલા સુપરહિટ હોય છે તો કેટલાક લોકો ફ્લૉપ જાય છે. તું સાતત્ય જાળવી શક્યો એટલે ટકી શક્યો. તેં સતત અને સખત મહેનત કરી એટલે ટોચ સુધી પહોંચ્યો. આ બધું થયા પછી પણ જો તું તારી જાતને ભગવાન માનતો હોય તો તું તારી આ સુપરલેટિવ ડિગ્રીમાંથી બહાર નીકળ. તને સારા સાઇકોલૉજિસ્ટના કાઉન્સેલિંગની જરૂર છે.’

યોગીજીની વાત સાંભળીને સુધીરે કહ્યું, ‘હું તમારી વાત સાથે પાર્શિયલી ઍગ્રી છું. તમારી બધી વાતો મને સાચી નથી લાગતી. ભગવાનની કૃપા તમને લાગતી હશે. મને નથી લાગતી, કેમકે આ બધું ફક્ત અને ફક્ત મારી મહેનતનું ફળ છે. તમે આસ્તિક હશો, હું નથી. હું નાસ્તિક પણ નથી. હું જે છે એમાં માનું છું. વર્તમાનમાં માનું છું. વાસ્તવિકતામાં જીવું છું.’

યોગી આત્માનંદે ઇકબાલની સામે જોઈને કહ્યું, ‘સુધીરની આ નિખાલસતા જ મને સૌથી વધુ ગમે છે. એ જે હોય તે મોઢા પર કહી દે છે. એને એનાં લખેલાં પાત્રો દેખાય છે તો પણ એણે તારાથી કે મારાથી છુપાવ્યું નથી. એની આ જ ક્વૉલિટી સુધીરને ‘ધ સુધીર શાસ્ત્રી’ બનાવે છે. એ વાતની એને પણ ખબર છે. અને એટલે જ એ પોતાની જાતને ભગવાન માને છે.’

ઇકબાલ, જી જી... સિવાય કંઈ બોલી જ ન શક્યો. એણે વિવેકપૂર્વક રજા માંગી અને નીકળી ગયો.

હવે, ડ્રૉઇંગરૂમમાં યોગી આત્માનંદ અને સુધીર શાસ્ત્રી બે જ જણ હતા. યોગી આત્માનંદનાં રૂંવાડેરૂંવાડાંને સુધીર બખૂબી જાણતો હતો. સતત એક વર્ષ સુધી એમની સાથે રહીને એ આત્માનંદ દિલથી કેવા છે એ જાણી ચૂક્યો હતો. સુધીરને એટલી ખબર છે કે, કંઈપણ થશે યોગી એનું ખરાબ નહીં થવા દે. એણે યોગીજીને પૂછ્યું, ‘આ મારાં પાત્રો મારી સામે જ કેમ વિદ્રોહ કરી બેઠાં છે? એ મને નથી સમજાતું.’

યોગીજીએ એની લાંબી દાઢી ઉપર હાથ ફેરવ્યો. પગ ઉપર પગ ચડાવ્યો. આંખો બંધ કરીને સુધીરને એ કહેવા લાગ્યા, ‘આ તારા જ દિમાગના બે વિચારો વચ્ચે છેડાઈ ગયેલું યુદ્ધ છે. તું વધુ પડતું વિચારે છે એનું આ પરિણામ છે. તેં જે દિવસે જ્ઞાનપીઠ ઍવૉર્ડ ફંક્શનમાં એવું કહ્યું કે, તું ભગવાન છે એ જ પળથી તારી અંદરનો બીજો સર્જક – બીજો સુધીર શાસ્ત્રી તારા જ દિમાગ સાથે દલીલ કરવા લાગ્યો. આ દલીલો એટલે પણ થવા લાગી, કેમકે તું ભલે મંદિરે ન જતો હોય, પૂજાપાઠ ન કરતો હોય પણ તું કોઈ એવી શક્તિમાં માને છે જે છે, જેનામાં આમજનતાને શ્રદ્ધા છે. એટલે જ તારી વિરુદ્ધ તારું જ યુદ્ધ શરૂ થઈ ગયું છે. આ યુદ્ધ તું જ ખતમ કરી શકીશ કે અટકાવી શકીશ. જો તું નહીં અટકે તો તું યાદ રાખજે તને લોકો સ્ક્રીઝોફેનિયાના દર્દીનો ગાળિયો પહેરાવી દેશે. જો તું તારી જાતને કંટ્રોલ નહીં કરી શકે તો મલ્ટિપલ પર્સનાલિટી ડિસઑર્ડર ગણીને તને અર્ધપાગલ સાબિત કરી દેશે. એટલે જ બને એટલો જલદી તું આ સંજોગોમાંથી બહાર આવ.

‘મેં કેટલીક વિદ્યાઓ ઉપર કાબૂ મેળવ્યો છે. ચમત્કાર કરી શકું છું. વાદળાં બાંધવાથી માંડીને કંઈક છોડવું હોય તો પણ મને આવડે છે. એ બધી વાત તેં તો નજીકથી જોઈ છે. તેમ છતાં હું લાભ લેવા માટે કે, ભક્તોની સંખ્યા વધે એટલે આ અજમાવતો નથી. હું ધારું તો શું કરી શકું એવું જો હું સતત માનવા લાગું તો મને કોઈ ન પહોંચી શકે. એવી જ રીતે તું જો સતત પોતાના વિચારોમાં ઉપર જ ચડતો રહીશ, પોતાના મન સાથે તું પોતે જ મનમાની કરવા માંડીશ તો તારું અસ્તિત્વ હલી જશે.

‘મને તારી સામે ફરિયાદો છે. પણ તું એવી વ્યક્તિ છે કે, તારી સામે એક હદથી વધુ ઝઘડી પણ ન શકાય. જો હું તારી સામે જીવતેજીવ મોરચો માંડીશ તો તારા કાલ્પનિક પાત્રોનું શું થશે. તેમ છતાંય તું તારી આ પરિસ્થિતિમાંથી જલદી બહાર આવે એવી પરમ શક્તિને હું પ્રાર્થના કરીશ. બસ તું જીવંત રહેજે, ધબકતો રહેજે, બધું જ થઈ રહેશે. કેટલીક કપરી પળો સમય સાથે પસાર થઈ જતી હોય છે. આ પળ પણ પસાર થઈ જશે.’

સુધીરને માથે હાથ ફેરવીને યોગીજી નીકળવા ગયા ત્યાં જ દરવાજામાં ગીરા ઊભેલી દેખાઈ. એ કૉલેજથી સીધી ઘરે આવી. એણે યોગીજીને જોયા કે, એમનાં ચરણસ્પર્શ કર્યાં.

ગીરાએ બેસવાનો આગ્રહ કર્યો. જોકે, યોગી આત્માનંદજીએ રોકાવાની અસમર્થતા બતાવી. એમણે ગીરાને કહ્યું, ‘આનું ધ્યાન રાખજે. એના જેવા માણસને સાચવવાની જવાબદારી તારી છે. સુધીર સાહિત્યજગતનું અમૂલ્ય ઘરેણું છે. એની જાળવણીમાં ક્યાંય ગાફેલ ન રહી જતી.’

ગીરાને બધું જ સમજાઈ ગયું કે, યોગીજીને બધી જ હકીકત ખબર પડી ગઈ છે. એણે કહ્યું, ‘હવાફેર માટે મોકલી રહી છું.’

યોગીજીએ એટલું જ કહ્યું, ‘શું તું એટલી બધી બિઝી છે કે, એની સાથે નથી જઈ શકતી? એને એકલો નહીં મૂક. બુદ્ધિશાળી વ્યક્તિની બુદ્ધિ પણ ઘણી વખત કામ નથી કરતી. એટલે જ એક સમજુ સાથીદારનું સાથે હોવું જરૂરી છે.’

‘જી યોગીજી.’ ગીરાનો જવાબ સાંભળીને યોગીજી સુધીરના ઘરની બહાર નીકળી ગયા.

ગ્રે રંગની બ્લૅક બોર્ડરવાળી સાડીમાં ગીરા ખૂબ જ સુંદર દેખાતી હતી. આંખોમાં કાજલ, આઇ લાઇનર અને ઢીલો અંબોડો એને વધુ ગરિમા આપતો હતો. સહેજ મોટો ચાંદલો એના ગોળ ચહેરાને વધુ નિખારતો હતો. સુધીર એક ટસે પોતાને જુએ એ વાતની ગીરાને ખબર પડી ગઈ. એણે પૂછ્યું, ‘શું જુવે છે?’

સુધીરે કહ્યું, ‘તને મળ્યો એ પહેલાં મને સુહાસિનીએ નકારી કાઢ્યો હતો. આ વાતની તને ખબર હતી તો પણ તેં મારી સાથે જિંદગી પસાર કરવાની હા કેવી રીતે પાડી દીધી? ભવિષ્યમાં કંઈપણ થઈ શકત ને? સુહાસિનીનું મન બદલાત તો કદાચ મને પરણવા માટે હા કહી દેત, કદાચ તારે અને મારે કોઈ પ્રૉબ્લેમ થાત તો હું તને છોડી દેત. એવું પણ થઈ શકત કે, હું તારી અને સુહાસિની બંને સાથે રમત કરી શકત.’

ગીરાએ ઘરમાં પહેરવાનાં સ્લીપર પહેર્યાં. પોતાનું પર્સ એન્ટરન્સ પાસે મૂક્યું. સુધીરની લગોલગ આવીને બેસી ગઈ. એણે કહ્યું, ‘લેખકમહોદય, વાત તો તમારી સાચી. પણ વચ્ચે જે ‘જો’ અને ‘તો’ છેને એમાં આ શક્યતાઓનું કોઈ વજૂદ નથી રહેતું.’

ગીરાએ સેન્ટર ટીપોય ઉપર પગ લંબાવીને સુધીરનો હાથ હાથમાં લીધો. એના ખભે માથું ઢાળીને એ બોલી, ‘સુધીર, હું પહેલી નજરે તારા પ્રેમમાં પડી ગઈ હતી. મને એમ થતું હતું કે, સુધીર જેવો ક્રિએટિવ માણસ મળે જિંદગીમાં તો જીવવાની મજા આવે. ત્યારે મને કંઈ ખબર ન હતી કે, આપણે બંને એક જ જ્ઞાતિનાં છીએ, તું અપરણિત છે. તારો દેખાવ તો ગમતો જ હતો સાથોસાથ તારી તીવ્ર સંવેદના અને બુદ્ધિને હું મનોમન વરી ચૂકી હતી. હા, તારામાં અનેક પ્રૉબ્લેમ્સ છે, ત્યારે પણ હતા. તેમ છતાં તું જેવો છે એવો મને ત્યારે પણ કબૂલ હતો ને આજે પણ તું જેવો છે એવો મને ગમે છે.

‘તું તારા લેક્ચર્સમાં કહે છે ને કે, જિંદગી સુરેખ ક્યારેય નથી ચાલવાની. સુખ અને દુઃખનું પૅકેજ છે. દુઃખને જેટલું ટૂંકાવશો એટલું એ ભુલાઈ જશે. સુખને જેટલું સ્ટ્રેચ કરશો એટલાં સુખી રહેશો. તારી ફિલૉસૉફી તું તો જીવે જ છે પણ તારા શબ્દો, તારી વાતો, જિંદગી પ્રત્યે તારો નજરિયો આ બધું જ મારી અંદર ક્યારે પ્રવેશી ગયું એની મને જ ખબર ન રહી.

‘રહી વાત સુહાસિનીની. એ મારી જિંદગીનું તારા માટે સ્વીકારી લીધેલું સત્ય છે. એની ઈર્ષા મને પહેલા પણ થઈ ન હતી કે આજે પણ નથી થતી. હું તારી પત્ની છું, પણ સુહાસિની તારા ચાહવા છતાંય તારી પ્રેમિકા નથી બની શકી. તું એને ચાહે છે. એને તું ગમે છે. તેમ છતાંય એક અજાણી રેખા તમારા બેય વચ્ચે ખેંચાયેલી છે, જે પાર કરીને નથી તું એની પાસે જઈ શકતો કે નથી એ ક્યારેય હિંમત કરી શકતી.

‘તને ખબર છે સુધીર, એક વાત મેં તને આજદિન સુધી નથી કરી. મારા અને તારાં લગ્ન થયાં ત્યારે કેટલાંક અજાણ્યાં લોકોના ફોન આવતા. તું સુધીર સુધીર કરે છે. પણ તારો સુધીર તો પેલી સગલીના ઘરે છે. તને ભરોસો ન હોય તો લગાવ એના ઘરે ફોન.

‘એક ફોન એવો આવેલો કે, સુધીર ક્યારેય કોઈનો નથી થયો. એની કૃતિઓમાં જેમ ગ્રે શેડનું મહત્ત્વ છે એમ જ એની જિંદગીમાં પણ ગીરા તું ગ્રે શેડ બનીને રહી જવાની છે.

આવા અનેક કૉલ્સ, લેટર મને મળતા. તેમ છતાંય મેં તારી જાત ઉપર મારા કરતાંય વધુ ભરોસો મૂક્યો. એનું કારણ પણ તને જેવો છે એવો સ્વીકારી લેવાની મારી તૈયારી. પ્રેમમાં પડી ગયા પછી તમને આ વ્યક્તિ આવી કેમ છે એવું પૂછવાનો કોઈ અધિકાર નથી રહેતો. લગ્ન પહેલાં મારા પિતાએ તારા અને મારા જન્માક્ષર મેળવ્યા હતા. આપણા પચીસ ગુણાંક મળ્યા. ત્યારે જેમણે આપણા બંનેની કુંડળી જોઈ એમણે મને પર્સનલી બોલાવી હતી. એમણે મને કહેલું કે, ચેતીને રહેજે. સુધીરની જિંદગીમાં દ્વીપત્નીયોગ છે.

‘મને બરોબર યાદ છે, જ્યારે અવનિના ત્રીજા જન્મ દિવસની ઉજવણીની એ મેઘલી રાત. સતત ત્રણ દિવસ સુધી વરસાદે રોકાવાનું નામ નહોતું લીધું અને તું....’

(ક્રમશઃ)

jyotiu@gmail.com

અનેક મહત્વપૂર્ણ જિલ્લાઓમાં જિલ્લા મેજિસ્ટ્રેટ (DM) તરીકે સેવા આપી ચૂકેલા નિવૃત્ત IAS અધિકારી ડૉ. દિનેશ ચંદ્ર સિંહે સક્રિય રાજકારણમાં પ્રવેશવાની અને ભારતીય જનતા પાર્ટી (BJP)ની ટિકિટ પર ધામપુર બેઠક પરથી ચૂંટણી લડવાની ઇચ્છા જાહેર કરી છે.

31 ઓક્ટોબર 2026ના રોજ બિજનૌરના એક ખાનગી રિસોર્ટમાં યોજાયેલી પ્રેસ કોન્ફરન્સમાં તેમણે પોતાની રાજકીય મહત્વાકાંક્ષા સ્પષ્ટ કરી હતી. તેમણે જણાવ્યું કે તેઓ મૂળ ધામપુર વિસ્તારના પુરૈની ગામના રહેવાસી છે અને નિવૃત્તિ બાદ પોતાના વિસ્તારના લોકો વચ્ચે રહીને તેમની સેવા કરવા માગે છે.

બહારના નેતાઓ પર કટાક્ષ, ગિલહેરીનું ઉદાહરણ આપ્યું

પ્રેસ કોન્ફરન્સ દરમિયાન ડૉ. દિનેશ ચંદ્ર સિંહે વિસ્તારના રાજકીય ઇતિહાસનો ઉલ્લેખ કરતાં કહ્યું કે મહાત્મા વિદુરની પવિત્ર ભૂમિ પરથી અનેક લોકો ચૂંટાઈને મોટા હોદ્દા પર પહોંચ્યા છે, પરંતુ બહારના નેતાઓ ચૂંટણી જીત્યા બાદ પાછા ફરીને વિસ્તારની સેવા કરતા નથી.

તેમણે કહ્યું કે બિજનૌરની જનતાએ બહારના લોકોને પણ મોટા માર્જિનથી જીતાડ્યા છે, પરંતુ તેઓ પોતે આ વિસ્તારના મૂળ રહેવાસી છે અને લોકોની વચ્ચે રહીને કામ કરવા માગે છે.

રામસેતુના નિર્માણનું ઉદાહરણ આપતાં તેમણે કહ્યું કે જે રીતે રામસેતુ બનાવવામાં એક નાનકડી ગિલહેરીએ પોતાનું યોગદાન આપ્યું હતું, તેવી જ રીતે તેઓ પણ બિજનૌરના વિકાસમાં પોતાનું યોગદાન આપવા માગે છે.

વહીવટી અનુભવ અને સિદ્ધિઓનો ઉલ્લેખ

ડૉ. દિનેશ ચંદ્ર સિંહ જૌનપુર, સહારનપુર, બહરાઇચ અને કાનપુર દેહાત જેવા જિલ્લાઓમાં જિલ્લા મેજિસ્ટ્રેટ તરીકે ફરજ બજાવી ચૂક્યા છે. પોતાની વહીવટી સિદ્ધિઓનો ઉલ્લેખ કરતાં તેમણે જણાવ્યું કે સહારનપુરના DM તરીકે તેમણે માત્ર 15 દિવસમાં 2.54 લાખ આયુષ્માન કાર્ડ બનાવડાવ્યાં હતાં. આ કામગીરી બદલ તત્કાલીન મુખ્ય સચિવ દ્વારા તેમનું સન્માન પણ કરવામાં આવ્યું હતું.

તેમનો દાવો છે કે તેઓ પોતાના વહીવટી અનુભવનો ઉપયોગ ધામપુર વિધાનસભા વિસ્તારમાં માળખાગત સુવિધાઓ, શિક્ષણ વ્યવસ્થા અને યુવાનોના ઉજ્જવળ ભવિષ્યના નિર્માણ માટે કરવા માગે છે.

રામ મંદિર ટ્રસ્ટથી CM યોગી સાથેની મુલાકાત સુધી ચર્ચા

રાજકીય વર્તુળોમાં ડૉ. દિનેશ ચંદ્ર સિંહની દાવેદારીની ચર્ચા તેજ બની છે. તાજેતરમાં મુખ્યમંત્રી યોગી આદિત્યનાથ સાથેની તેમની મુલાકાતે પણ સ્થાનિક ભાજપના રાજકારણમાં હલચલ મચાવી છે.

પ્રેસ કોન્ફરન્સમાં તેમણે જણાવ્યું કે તેમણે રામ મંદિર ટ્રસ્ટના CEO પદ માટે પણ અરજી કરી હતી. 5,585 અરજદારોમાંથી ઇન્ટરવ્યૂ માટે પસંદ કરાયેલા અંતિમ 16 ઉમેદવારોમાં તેઓ બીજા ક્રમે હતા. જોકે, આ પદ એક જ હોવાથી અન્ય ઉમેદવારની પસંદગી કરવામાં આવી હતી.

ડૉ. દિનેશ ચંદ્ર સિંહે કહ્યું કે તેઓ ભાજપની રાષ્ટ્રવાદી વિચારધારાથી પ્રભાવિત છે અને ધામપુર વિધાનસભા બેઠક પરથી ચૂંટણી લડવા માટે પાર્ટીના નેતૃત્વ પાસેથી ટિકિટની અપેક્ષા રાખે છે.

લગભગ ત્રણ મહિના પહેલાં જૌનપુરના DM પદેથી નિવૃત્ત થયેલા ડૉ. દિનેશ ચંદ્ર સિંહ હવે સીધા ચૂંટણીના મેદાનમાં ઉતરવાની તૈયારીમાં છે. તેઓ દેશના શ્રેષ્ઠ ચૂંટણી તાલીમ આપનારા IAS અધિકારીઓમાંના એક તરીકે પણ ચર્ચામાં રહ્યા હોવાનું અહેવાલમાં જણાવાયું છે. હવે ભાજપનું હાઈકમાન્ડ તેમને ટિકિટ આપે છે કે નહીં તેના પર સૌની નજર છે.

વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d

અકસ્માતમાં 30 મિનિટનું દિલધડક રેસ્ક્યુ ઓપરેશન

ગોંડલ-જેતપુર માર્ગ પર જામવાડી નજીકથી પસાર થતી વખતે બંને ભારે વાહનો સામસામે કે આગળ-પાછળ ધડાકાભેર અથડાયા હતા. ટક્કર એટલી પ્રચંડ હતી કે ટ્રોલી ટ્રકની આગળની કેબિન પતરાંની જેમ દબાઈને સાંકડી થઈ ગઈ હતી.ડ્રાઈવર સ્ટીયરિંગ અને ડેશબોર્ડ વચ્ચે બંને પગ અને કમરથી દબાઈ ગયો હતો. ગંભીર ઈજાઓ અને વધુ પડતા રક્તસ્ત્રાવ વચ્ચે તે બહાર નીકળી શકે તેમ નહોતો. ગોંડલ ફાયર સ્ટાફે રેસ્ક્યુ વાન સાથે પહોંચીને સ્પ્રેડર અને કટરની મદદથી કેબિનના લોખંડી પતરાંને કાપ્યા હતા. આશરે 30 મિનિટ સુધી ચાલેલા દિલધડક ઓપરેશન બાદ ગંભીર હાલતમાં ચાલકને બહાર કાઢી ૧૦૮ એમ્બ્યુલન્સ મારફતે તાત્કાલિક ગોંડલ સિવિલ હોસ્પિટલ ખાતે સારવાર અર્થે ખસેડાયો હતો.

નેશનલ હાઈવે પર વાહનોની લાંબી કતારો

અકસ્માત એટલો વિકરાળ હતો કે બંને વાહનો રસ્તાની વચ્ચે જ ફસાઈ જતાં નેશનલ હાઈવે પર વાહનવ્યવહાર સંપૂર્ણપણે ખોરવાઈ ગયો હતો અને બંને બાજુ વાહનોની લાંબી કતારો લાગી જતાં ચક્કાજામની સ્થિતિ સર્જાઈ હતી.ઘટનાની જાણ થતાં જ ગોંડલ તાલુકા/શહેર પોલીસ કાફલો તાત્કાલિક સ્થળ પર પહોંચી ગયો હતો.ક્રેઈનની મદદથી અકસ્માતગ્રસ્ત ટ્રક અને ટ્રોલીને રસ્તાની બાજુમાં ખસેડી પોલીસે ટ્રાફિક હળવો કરાવ્યો હતો તેમજ અકસ્માત કયા સંજોગોમાં અને કોની બેદરકારીથી સર્જાયો તે અંગે ગુનો નોંધી આગળની તપાસ હાથ ધરી છે.

આ પણ વાંચો: Rajkot: સરાઝા હોટલમાં દારૂ પાર્ટી કેસમાં આરોપીઓને છોડાવવા ડેકોરા ગ્રુપના ડ્રાઈવરે જામીનદાર મોકલ્યો, પકડાયેલા નબીરાઓને છોડાવવા લોબિંગ તેજ

સાઉથથી હોલીવુડ સુધીની શાનદાર સફર

કર્ણાટકમાં જન્મેલી ઐશ્વર્યા રાયે સાઉથ ફિલ્મ ઇન્ડસ્ટ્રીમાંથી ડેબ્યૂ કર્યું અને ત્યારબાદ બોલીવુડમાં પ્રવેશી. સાથે જ હોલીવુડમાં પણ પોતાના હુનર અને સુંદરતાથી સૌને પ્રભાવિત કર્યા. 

મિસ વર્લ્ડ બની, મિસ ઇન્ડિયામાં સુષ્મિતા સેન સામે પરાજય

એક્ટિંગ કરિયરની જેમ જ ઐશ્વર્યાની મોડેલિંગ સફર પણ ખૂબ સફળ રહી હતી. એક્ટિંગ ડેબ્યૂ પહેલાં જ ઘણી જાહેરાતોમાં કામ કરી ચૂકેલી ઐશ્વર્યાની મોડેલિંગ કરિયરમાં સૌથી મોટી ક્ષણ વર્ષ 1994માં આવી, જ્યારે તેણે મિસ વર્લ્ડનો ખિતાબ પોતાના નામે કર્યો. તે સમયે તેની ઉંમર માત્ર 21 વર્ષ હતી. 1994માં જ ઐશ્વર્યાએ ફેમિના મિસ ઇન્ડિયા સ્પર્ધામાં ભાગ લીધો હતો, જ્યાં સુષ્મિતા સેન સામે તેનો પરાજય થયો હતો. સુષ્મિતા વિજેતા બની અને ઐશ્વર્યા બીજા સ્થાને રહી હતી. બાદમાં ઐશ્વર્યા મિસ વર્લ્ડ બની તો સુષ્મિતા સેને 1994માં મિસ યુનિવર્સનો તાજ જીતીને ઇતિહાસ રચ્યો હતો.

ડેબ્યૂ પહેલાં ઠુકરાવી આ બ્લોકબસ્ટર ફિલ્મ

જ્યારે ઐશ્વર્યાની મોડેલિંગ કરિયર ટોચ પર હતી ત્યારે ફિલ્મી દુનિયાના દરવાજા પણ તેના માટે ખુલી ગયા હતા. તેને ફિલ્મ રાજા હિન્દુસ્તાનીની ઓફર મળી હતી, પરંતુ મિસ વર્લ્ડ સ્પર્ધાની તૈયારીઓને કારણે તેણે આ ફિલ્મ કરવાનો ઇનકાર કર્યો હતો. બાદમાં તેમાં કરિશ્મા કપૂરની એન્ટ્રી થઈ, જેણે આમિર ખાન સામે કામ કર્યું. આ ફિલ્મ જબરદસ્ત બ્લોકબસ્ટર સાબિત થઈ અને તે વર્ષની સૌથી વધુ કમાણી કરનારી બોલીવુડ ફિલ્મ બની.

એક જ વર્ષમાં સાઉથ અને બોલીવુડ ડેબ્યૂ

ઐશ્વર્યા રાયે પોતાનું એક્ટિંગ ડેબ્યૂ વર્ષ 1997ની તમિલ ફિલ્મ ઇરુવરથી કર્યું હતું. મણિરત્નમની આ ફિલ્મમાં તે મલયાલમ સુપરસ્ટાર મોહનલાલ સાથે જોવા મળી હતી. આ જ વર્ષે તેણે બોબી દેઓલ સામે ફિલ્મ ઔર પ્યાર હો ગયા દ્વારા બોલીવુડમાં પણ ડેબ્યૂ કર્યું હતું.

આ ફિલ્મો થકી બનાવી ખાસ ઓળખ

ઐશ્વર્યા રાયને સૌથી મોટી અને ખાસ ઓળખ ફિલ્મ હમ દિલ દે ચુકે સનમથી મળી હતી. આ ફિલ્મમાં તેનું નંદિનીનું પાત્ર ખૂબ લોકપ્રિય બન્યું હતું. સંજય લીલા ભણસાલીના નિર્દેશનમાં બનેલી આ રોમેન્ટિક ફિલ્મમાં તેણે અજય દેવગન અને સલમાન ખાન જેવા સુપરસ્ટાર્સ સાથે સ્ક્રીન શેર કરી હતી. આ ઉપરાંત તેણે મોહબ્બતેં, એ દિલ હૈ મુશ્કિલ, ઉમરાવ જાન, દેવદાસ, ધૂમ 2, ગુરુ, જોધા અકબર, તાલ અને પોન્નિયિન સેલ્વન: પાર્ટ 1 જેવી ફિલ્મોથી પણ દર્શકોના દિલ જીત્યા.

સલમાન-વિવેક સાથે અફેર, અભિષેક સાથે લગ્ન

હમ દિલ દે ચુકે સનમ દરમિયાન ઐશ્વર્યા અને સલમાનનું અફેર શરૂ થયું હતું, જોકે બંને ત્રણ વર્ષમાં અલગ થઈ ગયા. ત્યારબાદ તેનું નામ વિવેક ઓબેરોય સાથે જોડાયું, પરંતુ આ સંબંધ પણ લાંબો ન ચાલ્યો. ઐશ્વર્યાએ વર્ષ 2007માં અભિષેક બચ્ચન સાથે લગ્ન કર્યા અને 2011માં પુત્રી આરાધ્યાનું સ્વાગત કર્યું.

ભારતની બીજી સૌથી ધનિક અભિનેત્રી

ઐશ્વર્યા જાણીતી અભિનેત્રી જૂહી ચાવલા પછી ભારતની બીજી સૌથી ધનિક એક્ટ્રેસ છે. જૂહી ચાવલાની નેટવર્થ આશરે 8 હજાર કરોડ રૂપિયા છે. જ્યારે સિયાસત ડોટ કોમના અહેવાલ મુજબ ઐશ્વર્યાની કુલ નેટવર્થ આશરે 900 કરોડ રૂપિયા છે. તે એક ફિલ્મ માટે લગભગ 10 કરોડ રૂપિયા ચાર્જ કરે છે, જ્યારે બ્રાન્ડ એન્ડોર્સમેન્ટ માટે 5 થી 7 કરોડ રૂપિયા સુધી ફી લે છે.

આ પણ વાંચો-Filmmaker Passes Away : જાણીતા ડિરેક્ટર સંજય ગુપ્તાનું નિધન! 57 વર્ષની ઉંમરે લીધા અંતિમ શ્વાસ

મીઠાઈ બનાવવાની સામગ્રી અને નકલી પદાર્થોનો પર્દાફાશ

પોલીસ અને તપાસ ટીમે કરેલી આ સઘન કાર્યવાહીમાં માત્ર તૈયાર મીઠાઈ જ નહીં પરંતુ મોટા પાયે મીઠાઈ બનાવવાની કાચી સામગ્રી અને અન્ય શંકાસ્પદ રસાયણો પણ મળી આવ્યા છે. લોકોના જીવ સાથે રમત રમીને તગડો નફો કમાવાના ઇરાદે ચાલતા આ ગેરકાયદે એકમમાંથી પોલીસે કુલ રૂ. 39.67 લાખથી વધુની કિંમતનો મુદ્દામાલ જપ્ત કર્યો છે. પ્રાથમિક તપાસમાં આ જથ્થો તદ્દન બિનઆરોગ્યપ્રદ અને ગુણવત્તાહીન હોવાનું જણાઈ આવ્યું હતું, જે તહેવારોની મોસમમાં બજારમાં વેચાણ માટે મોકલવાની તૈયારીમાં હતો.

નાગરિકોના સ્વાસ્થ્ય સામે ખતરો ટળ્યો

આ ગંભીર ઘટનાની જાણ થતાં જ ફૂડ એન્ડ ડ્રગ્સ વિભાગ (Food and Drugs Department) ની ટીમ પણ તાત્કાલિક ઘટનાસ્થળે દોડી આવી હતી. વિભાગના અધિકારીઓ દ્વારા જપ્ત કરાયેલા જથ્થામાંથી સઘન તપાસ અર્થે મીઠાઈ અને સામગ્રીના સેમ્પલ (નમૂના) લેવામાં આવ્યા છે, જેને સત્તાવાર લેબોરેટરી પરીક્ષણ માટે મોકલી દેવામાં આવ્યા છે. તંત્રની આ સમયસૂચકતાના કારણે હજારો નાગરિકોના સ્વાસ્થ્યને નુકસાન પહોંચાડતી આ મીઠાઈઓ બજારમાં પહોંચતી અટકી છે, અને સંચાલકો સામે કાયદેસરની કડક કાર્યવાહીના ચક્રો ગતિમાન થયા છે.

આ પણ વાંચો : Ahmedabadના મકરબા બ્રિજ પાસે તંત્રનો વધુ એક વિવાદાસ્પદ પ્રયોગ, ભૂલ સુધારવાના બદલે હવે ચાર રસ્તા પર લાગશે સિગ્નલ!

કૅપ્સ્યુલ સિસ્ટમ બાદ હવે ચાર રસ્તા પર ટ્રાફિક સિગ્નલની કામગીરી

મળતી વિગતો મુજબ અગાઉ મકરબા બ્રિજ પાસે કૅપ્સ્યુલ સિસ્ટમ લાગુ કરવામાં આવી હતી, જેના કારણે વાહનચાલકોએ પોતાના ગંતવ્ય સ્થાન સુધી પહોંચવા માટે 200 થી 300 મીટર જેટલું વધારાનું અંતર કાપવું પડતું હતું અને ભારે અગવડ વેઠવી પડતી હતી. આ પ્રયોગ ફલોપ સાબિત થયા બાદ હવે તંત્ર દ્વારા ચાર રસ્તા પર નવા ટ્રાફિક સિગ્નલ લગાવવાની કામગીરી શરૂ કરી દેવામાં આવી છે. સ્થિતિ એવી છે કે બ્રિજ ઉતરતાની સાથે જ વાહનચાલકોએ સીધા સિગ્નલ અને ટ્રાફિકનો સામનો કરવો પડશે, જેના કારણે બ્રિજ પર જ લાંબો ટ્રાફિક જામ થઈ જવાની પૂરેપૂરી શક્યતા છે.

અચાનક લેવાયેલા નિર્ણયોથી વાહનચાલકોમાં હાલાકી અને આક્રોશ

ટ્રાફિકના યોગ્ય આયોજન વિના અચાનક લેવામાં આવતા આવા નિર્ણયોના કારણે રોજબરોજ અપડાઉન કરતા નોકરીયાતો અને સ્થાનિક રહીશો મુશ્કેલીમાં મુકાયા છે. પીક અવર્સ (Peak Hours) દરમિયાન આ સિગ્નલ શરૂ થવાથી વાહનચાલકો કલાકો સુધી ટ્રાફિકમાં ફસાઈ શકે તેવી ભીતિ સેવાઈ રહી છે. જનતાના પ્રશ્નો અને સુવિધાને ધ્યાનમાં રાખ્યા વગર મનસ્વી રીતે થતા આવા પ્રયોગો સામે વાહનચાલકોમાં તંત્ર વિરુદ્ધ ભારે રોષ જોવા મળી રહ્યો છે અને તાત્કાલિક યોગ્ય ટ્રાફિક મેનેજમેન્ટ ગોઠવવાની માંગ ઉઠી છે.

આ પણ વાંચો : Jamnagarમાં સગીરા પર દુષ્કર્મ આચરનાર બે હેવાન ઝડપાયા, લાલચ અને ધાકધમકી આપી ગુજાર્યો હતો અત્યાચાર!

કોમર્શિયલ ગેસ સિલિન્ડરના ભાવમાં વધારો

IOCLના ડેટા અનુસાર, ચારેય મહાનગરોમાં કોમર્શિયલ ગેસ સિલિન્ડરના ભાવમાં સતત ત્રીજા મહિને વધારો થયો છે. ડેટા અનુસાર, દિલ્હીમાં કોમર્શિયલ ગેસ સિલિન્ડરના ભાવમાં ₹10નો વધારો થયો છે, જેના કારણે કિંમત ₹2,820 થઈ ગઈ છે. કોલકાતામાં કોમર્શિયલ ગેસ સિલિન્ડરના ભાવ ₹17નો વધારો થયો છે, જે ₹2,971 પર પહોંચી ગયો છે. મુંબઈમાં ₹10.50 અને ચેન્નાઈમાં ₹11.50નો વધારો થયો છે, જેના કારણે બંને મહાનગરોમાં કોમર્શિયલ ગેસ સિલિન્ડરનો ભાવ અનુક્રમે ₹2775 અને ₹2994.5 થયો છે.

સતત ત્રીજા મહિને વધારો

IOCLના ડેટા અનુસાર, આ ચારેય મહાનગરોમાં કોમર્શિયલ ગેસ સિલિન્ડરના ભાવમાં સતત ત્રીજો મહિનો વધારો છે. ઓગસ્ટથી, દિલ્હીમાં કોમર્શિયલ ગેસ સિલિન્ડરના ભાવમાં ₹82નો વધારો થયો છે. કોલકાતામાં ₹98.5નો વધારો થયો છે. મુંબઈ અને ચેન્નાઈમાં, કોમર્શિયલ ગેસ સિલિન્ડરના ભાવમાં અનુક્રમે ₹૮૩.૫ અને ₹૮૮.૫નો વધારો થયો છે.

ઘરેલુ ગેસ સિલિન્ડરના ભાવમાં કોઈ ફેરફાર થયો નથી

બીજી તરફ, ઘરેલુ ગેસ સિલિન્ડરના ભાવમાં કોઈ ફેરફાર થયો નથી. ડેટા પર નજર કરીએ તો, રાષ્ટ્રીય રાજધાની દિલ્હીમાં ઘરેલુ LPGના ભાવ ₹942 પર યથાવત છે. કોલકાતામાં ઘરેલુ ગેસ સિલિન્ડરનો ભાવ હાલમાં ₹968 છે. મુંબઈમાં ઘરેલુ ગેસ સિલિન્ડરનો ભાવ ₹941.50 છે, જ્યારે ચેન્નાઈમાં, ઘરેલુ ગેસ સિલિન્ડરનો ભાવ ₹957.50 છે. ઘરેલુ ગેસ સિલિન્ડરનો ભાવ છેલ્લે જૂનમાં વધારવામાં આવ્યો હતો.


આ પણ વાંચો: Africa :કોંગોમાં ઇબોલાનો કહેર,અત્યાર સુધીમાં 5000થી વધુ લોકોના મોત

સગીરા ગર્ભવતી બનતા ખુલ્યું સમગ્ર પ્રકરણ

આ અમાનવીય અત્યાચારની હદ ત્યારે વટાઈ ગઈ જ્યારે આ ઘિનૌના કૃત્યના પરિણામે સગીરા ગર્ભવતી બની હોવાનું સામે આવ્યું. સગીરાની શારીરિક સ્થિતિ બગડતા અને સમગ્ર મામલો પરિવારના ધ્યાને આવતા સમગ્ર પ્રકરણનો પર્દાફાશ થયો હતો. પ્રાપ્ત વિગતો અનુસાર આ ઘટના બાદ ભોગ બનનાર સગીરા દ્વારા એક મૃત બાળકને જન્મ આપવામાં આવ્યો હોવાનું પણ સામે આવ્યું છે, જેણે આ સમગ્ર કેસને વધુ ગંભીર અને સંવેદનશીલ બનાવી દીધો છે.

સિટી બી ડિવિઝન પોલીસ સ્ટેશનમાં નોંધાઈ હતી ફરિયાદ

ઘટનાની ગંભીરતાને પારખીને પીડિત પરિવાર દ્વારા તુરંત જ પોલીસનો સંપર્ક કરવામાં આવ્યો હતો, જેના પગલે સિટી બી ડિવિઝન પોલીસ સ્ટેશનમાં સત્તાવાર રીતે ગુનો નોંધીને તપાસનો ધમધમાટ શરૂ કરવામાં આવ્યો હતો. ગુનો આચર્યા બાદથી પોલીસની પકડથી બચવા માટે નાસતા ફરતા બંને આરોપીઓને પકડી પાડવા માટે પોલીસે ચક્રો ગતિમાન કર્યા હતા અને આખરે સફળતા મેળવીને બંને આરોપીઓને દબોચી લીધા છે. પોલીસ દ્વારા આ કેસમાં કાયદેસરની કડક કાર્યવાહી હાથ ધરવામાં આવી છે.

આ પણ વાંચો : Gujarat Weather Forecast : રાજ્યમાં વરસાદની શક્યતા નહિવત્, પરંતુ ઉનાળા જેવો અહેસાસ કરાવતી ગરમી અનુભવાશે...

ઉત્તર-પૂર્વના પવનોની અસરથી મહત્તમ તાપમાન 38 થી 39 ડિગ્રી સુધી પહોંચશે

હવામાન નિષ્ણાતોના જણાવ્યા અનુસાર રાજ્યમાં હવે ઉત્તર-પૂર્વ દિશાના પવનોની સીધી અસર જોવા મળશે, જેના કારણે પવનોની દિશા બદલાતા તાપમાનનો પારો ઉપર ચડશે. આગામી દિવસોમાં રાજ્યનું મહત્તમ તાપમાન 38 થી 39 ડિગ્રી સેલ્સિયસ આસપાસ નોંધાઈ શકે છે. સવારના સમયે હળવી ઠંડક બાદ બપોરના સમયે પડતી આકરી ધૂપ અને ગરમીના કારણે લોકોએ ફરીથી પંખા અને એસીનો સહારો લેવો પડે તેવી સ્થિતિનું નિર્માણ થઈ રહ્યું છે.

માવઠાના સંકટ વચ્ચે નાગરિકોને રાહત

આ હવામાન અપડેટના સૌથી રાહતના સમાચાર એ છે કે, રાજ્યમાં હવે વરસાદની શક્યતા નહિવત્ બની ગઈ છે. અગાઉ જે માવઠા અને કમોસમી વરસાદની અટકળો લગાવાઈ રહી હતી તેનાથી ખેતી પાકને નુકસાન થવાની ભીતિ હતી, પરંતુ હવે સિસ્ટમ નબળી પડતા વરસાદનું જોખમ ટળ્યું છે. જો કે, ગરમી અને બફારાનું પ્રમાણ વધવાને કારણે આગામી દિવસોમાં તાપમાનનો મિજાજ યથાવત રહેશે.

આ પણ વાંચો : Surat: દિવાળી-છઠ્ઠ પૂજાના ધસારાને પહોંચી વળવા ઉધનાથી 9 વિશેષ ટ્રેનોનું સંચાલન, સ્ટેશને ખાસ યાત્રી સુવિધા કેન્દ્ર કાર્યરત

પુરુષ ટીમે શ્રીલંકાને 34 પોઇન્ટથી હરાવ્યું

પુરુષોની ફાઇનલમાં ભારતે શરૂઆતથી જ શ્રીલંકા પર દબાણ બનાવી રાખ્યું હતું. ભારતીય ખેલાડીઓએ રેડિંગ અને ડિફેન્સ બંને વિભાગમાં શાનદાર રમત બતાવી હતી. ભારતે શ્રીલંકાને 54-20થી હરાવીને પ્રથમ કોમનવેલ્થ પુરુષ કબડ્ડી ચેમ્પિયનશિપનો ખિતાબ જીત્યો હતો. ભારત તરફથી આદિત્ય શિંદેએ શાનદાર સુપર 10 નોંધાવીને 14 રેડમાં 10 પોઇન્ટ મેળવ્યા હતા. તેમાં 4 બોનસ પોઇન્ટનો સમાવેશ થાય છે. ભરત હૂડાએ બીજા હાફમાં 8 રેડ પોઇન્ટ મેળવ્યા હતા અને પોતાની 7 રેડમાંથી એક પણ વખત ટૅકલ થયા નહોતા. પંકજ મોહિતેએ 6 પોઇન્ટ, જ્યારે ઉપકપ્તાન નવીન કુમારે 5 પોઇન્ટ મેળવ્યા હતા. ડિફેન્સમાં યોગેશ દહિયાએ હાઇ-5 નોંધાવ્યો હતો. તેમણે પ્રથમ હાફમાં કરેલા તમામ 5 ટૅકલ પ્રયાસ સફળ બનાવ્યા હતા.

ભારતે પ્રથમ હાફમાં જ મેચ પોતાના નામે કરી

ભારતે મેચમાં કુલ 30 રેડ પોઇન્ટ અને 14 ટૅકલ પોઇન્ટ મેળવ્યા હતા. ટીમે શ્રીલંકાને 4 વખત ઓલઆઉટ કર્યું હતું, જ્યારે ભારત એક પણ વખત ઓલઆઉટ થયું નહોતું. પ્રથમ હાફમાં ભારતે 30-10ની મોટી સરસાઈ મેળવી લીધી હતી. બીજા હાફમાં પણ ભારતીય ખેલાડીઓએ દબદબો જાળવી રાખ્યો હતો. ભારતે બીજા હાફમાં 24-10થી સરસાઈ મેળવીને અંતે 54-20થી મેચ જીતી લીધી હતી. શ્રીલંકા તરફથી મદુવંથાએ 6 ટૅકલ પોઇન્ટ મેળવ્યા હતા, જ્યારે અન્સાફ અને વિદુરંગાએ 3-3 પોઇન્ટનું યોગદાન આપ્યું હતું.

મહિલા ટીમે યુગાન્ડાને 35-15થી હરાવ્યું

આ પહેલાં ભારતીય મહિલા ટીમે ફાઇનલમાં યુગાન્ડાને 35-15થી હરાવીને ખિતાબ જીત્યો હતો. કેપ્ટન નિધિ શર્માની આગેવાનીમાં ભારતીય ટીમે શરૂઆતથી જ મેચ પર નિયંત્રણ રાખ્યું હતું. હાફ ટાઇમ સુધી ભારત 22-7થી આગળ હતું. ભારત તરફથી સાક્ષીએ 10 રેડમાં 9 પોઇન્ટ મેળવ્યા હતા. અનુએ 6 અને કેપ્ટન નિધિ શર્માએ 5 પોઇન્ટ મેળવ્યા હતા. ડિફેન્સમાં રિતુ અને સુમને 4-4 ટૅકલ પોઇન્ટ નોંધાવ્યા હતા. ભારતીય મહિલા ટીમે પણ સમગ્ર ટુર્નામેન્ટમાં એક પણ મેચ ગુમાવી નહોતી. આ રીતે ભારતે પુરુષ અને મહિલા બંને કેટેગરીમાં અજેય રહીને ચેમ્પિયનશિપ પૂરી કરી હતી.

પુરુષ ટીમની સફર: 8 મેચ, 8 જીત

ભારતીય પુરુષ ટીમે ગ્રુપ સ્ટેજમાં રમેલી તમામ 6 મેચ જીતીને ગ્રુપમાં ટોચનું સ્થાન મેળવ્યું હતું. ત્યારબાદ સેમિફાઇનલમાં બાંગ્લાદેશને 56-27થી હરાવ્યું હતું. ફાઇનલમાં શ્રીલંકા સામે 54-20થી જીત મેળવીને ટીમે સતત આઠમી જીત નોંધાવી હતી. ટુર્નામેન્ટ દરમિયાન ભારતે કુલ 380 પોઇન્ટ મેળવ્યા હતા અને વિરોધી ટીમોને 193 પોઇન્ટ આપ્યા હતા. કોઈપણ ટીમ ભારત સામે 30થી વધુ પોઇન્ટ મેળવી શકી નહોતી.

અમદાવાદમાં ભારતીય કબડ્ડીનો ઐતિહાસિક દિવસ

23થી 31 ઓક્ટોબર દરમિયાન અમદાવાદના વીર સાવરકર સ્પોર્ટ્સ કોમ્પ્લેક્સમાં પ્રથમ કોમનવેલ્થ કબડ્ડી ચેમ્પિયનશિપ યોજાઈ હતી. તેમાં 13 દેશોની 23 ટીમોએ ભાગ લીધો હતો. આ ટુર્નામેન્ટમાં ભારતે બંને કેટેગરીમાં ગોલ્ડ મેડલ જીતીને પોતાની તાકાત સાબિત કરી છે. ખાસ વાત એ છે કે બંને ટીમોએ સમગ્ર સ્પર્ધામાં અજેય રહીને ખિતાબ જીત્યા છે. અમદાવાદમાં ભારતીય કબડ્ડી માટે આ દિવસ યાદગાર બની ગયો છે.

આ પણ વાંચો: Bodybuilder: નિવૃત્તિ નહીં, હજુ એક પડકાર બાકી! જાપાનના બોડીબિલ્ડરનું 93 વર્ષે ફરી સ્પર્ધાનું લક્ષ્ય