Gujarat Latest News Updated: અરવલ્લીના ભીલોડામાં અકસ્માત થતાં ત્રણના મોત

Coast Gaurd: ભારત અને બાંગ્લાદેશના 185 માછીમારોને પરસ્પર મુક્ત કરાયા

ભારત અને બાંગ્લાદેશી કોસ્ટ ગાર્ડ ફોર્સ સાથે બંને દેશોના માછીમારોનું આદાનપ્રદાન પૂર્ણ થયું હતું. જેમાં બાંગ્લાદેશી માછીમારોને તેમના દેશને સોંપવામાં આવ્યા હતા. જેમાંથી 12 માછીમારોને ડૂબી ગયેલા જહાજ કૌશિકમાંથી બચાવી લેવાયા હતા. ભારતીય કોસ્ટ ગાર્ડના ICG જહાજો વરદ અને અમૃત કૌરે આ ઓપરેશન પાર પાડ્યું હતું. ભારતીય માછીમારોને પશ્ચિમ બંગાળના દક્ષિણ 24 પરગણા જિલ્લામાં રાજ્યના મત્સ્ય વિભાગના અધિકારીઓને સોંપવામાં આવશે.

PM મોદી આવતીકાલે વિવિધ રેલવે પ્રોજેક્ટ્સનું ઉદ્ઘાટન અને શિલાન્યાસ કરશે

વડાપ્રધાન નરેન્દ્ર મોદી સોમવારે અનેક રેલવે પ્રોજેક્ટની ભેટ નાગરિકોને આપશે. PM મોદી સોમવારે બપોરે 12:30 વાગ્યે વીડિયો કોન્ફરન્સિંગ દ્વારા વિવિધ રેલવે પ્રોજેક્ટ્સનું ઉદ્ઘાટન અને શિલાન્યાસ કરશે. પ્રદેશમાં કનેક્ટિવિટીને વધુ વેગ આપવા માટે એક મહત્વપૂર્ણ પગલું લેતા વડાપ્રધાન નવા જમ્મુ રેલ્વે વિભાગનું ઉદ્ઘાટન કરશે.

મહુવામાં સ્વામિનારાયણ મંદિરમાં પ્રાણ પ્રતિષ્ઠા યોજાશે

ગઢડા શ્રી ગોપીનાથજી મહારાજના સરધારધામ સંચાલિત મંદિર દ્વારા મહુવામા મૂર્તિ પ્રતિષ્ઠા મહોત્સવ યોજાશે. તીર્થધામ શ્રી સ્વામિનારાયણ મુખ્ય મંદિર દ્વારા મહુવામા આગામી 8 થી 16 તારીખે મૂર્તિ પ્રતિષ્ઠા મહોત્સવ યોજાશે. આગામી તારીખ 8 એ શહેરમાં નવા સ્વામિનારાયણ મંદિરની મૂર્તિ પ્રતિષ્ઠા મહોત્સવને લઇ હરિભક્તોમાં ઉત્સાહનો માહોલ જોવા મળ્યો. મૂર્તિ પ્રતિષ્ઠા મહોત્સવ અનુસંધાને આજે મહુવામાં ભવ્ય બાઈક રેલીનું આયોજન કરવામાં આવ્યું હતું. 

ભાવનગર શહેર અને જિલ્લા પ્રમુખ માટે સંકલન બેઠક

ભાવનગર શહેર અને જિલ્લા પ્રમુખ માટે કરવામાં આવી સમીક્ષા અને સંકલન બેઠક. શહેરના સર્કિટ હાઉસ ખાતે જામનગરના ધારાસભ્ય પૂનમ માડમએ પ્રમુખ પદના દાવેદારો સાથે કરી સંકલન બેઠક. ભાવનગર શહેર અને જિલ્લાના 83 જેટલા પ્રમુખપદના દાવેદારો સાથે સંકલન બેઠક મળી. શહેર પ્રમુખ માટે કેન્દ્રીય મંત્રી અને સાંસદ તેમજ ધારાસભ્યો અને મહામંત્રી તેમજ ચૂંટણી અધિકારી સહિતના સાથે પ્રમુખના નામ માટે સંકલન બેઠક યોજી. આવતીકાલે પ્રદેશ કક્ષાની બેઠકમાં કરવામાં આવશે શહેર અને જિલ્લા પ્રમુખના નામની ચર્ચા.

MP: ઈ-બાઈક ચાર્જ કરતી વખતે બ્લાસ્ટ થયો, 11 વર્ષની બાળકીનું મોત

રતલામમાં ઈ-બાઈક ચાર્જ કરતી વખતે જોરદાર વિસ્ફોટ થયો અને ઘરમાં આગ લાગી. આ દરમિયાન ઘરમાં ભરાયેલા ધુમાડાને કારણે 11 વર્ષની બાળકીનું શ્વાસ રૂંધાઈ ગયું અને તેનું મોત થઈ ગયું. પોલીસે આ મામલે તપાસ શરૂ કરી છે.

સ્વામિનારાયણ મંદિરમાંથી મૂર્તિ હટાવવાનો વિવાદ વકર્યો

મહુવામાં મોટી સંખ્યામાં હરી ભક્તોએ મૌન રેલી યોજી. મૂર્તિ હટાવવાને લઈને હરિભક્તોમાં ઉગ્ર રોષ. હરીભક્તોએ હાથમાં બેનરો સાથે વિરોધ દર્શાવ્યો. સુથાર જ્ઞાતિની વાડી ખાતે ધર્મસભા યોજાઇ. જુના સ્વામિનારાયણ મંદિરમાંથી મૂર્તિ હટાવી હતી. ખારગેટના સ્વામિનારાયણ મંદિરમાંથી મૂર્તિ હટાવાઇ હતી. મહુવા પોલીસ સ્ટેશનમાં 3 સાધુ સામે અરજી દાખલ. વિધિવત પ્રક્રિયા કર્યા વગર મૂર્તિ હટાવ્યાનો આક્ષેપ.

BJP નેતાએ પિસ્તોલથી પોતાને ગોળી મારી, ભાઈએ કહ્યું શા માટે અત્યાચાર ગુજાર્યો

મધ્યપ્રદેશના દતિયા જિલ્લાના બીજેપી નેતા જીતેન્દ્ર મેવાફરોષે રવિવારે પોતાને ગોળી મારીને આત્મહત્યા કરી લીધી. ભાજપના શહેર મહાસચિવ જિતેન્દ્ર મેવાફરોષે પોતાના ઘરની બહાર લાયસન્સવાળી પિસ્તોલ વડે મંદિરમાં ગોળી મારી આત્મહત્યા કરી લીધી હતી.

'આપ'ના ધારાસભ્ય ચૈતર વસાવાની આદિવાસીઓને અપીલ

'આપ' ધારાસભ્ય ચૈતર વસાવાએ સાબરકાંઠા જિલ્લામાં આયોજિત આદિવાસી મહાનાયક જયપાલસિંહ મુંડાની 122મી જન્મ જયંતીના કાર્યક્રમમાં હાજરી આપી. ચૈતર વસાવાએ જણાવ્યું કે, જયપાલસિંહ મુંડાએ આપણને સંવિધાનમાં જે અધિકારો આપ્યા છે, તેને ગોળીને પી જનારા લોકો સત્તામાં બેઠા છે. આજની સરકારો ગ્રામસભાના પાવરને તો દૂર પરંતુ ગ્રામસભાને જ માનવા તૈયાર નથી. શા માટે નર્મદા ડેમ, ઉકાઈ ડેમ અને કરજણ ડેમના વિસ્થાપિતોને ન્યાય નથી મળ્યો? આદિવાસીઓ પર થઈ રહેલા અત્યાચારોને અટકાવવા હશે તો આપણે તમામ લોકોએ એક થવું પડશે.

Budget 2025: નોકરીઓ પર મોટી જાહેરાતો થઈ શકે છે, CIIનો માસ્ટર પ્લાન

CIIએ કહ્યું કે ભારતની સરેરાશ ઉંમર માત્ર 29 વર્ષ છે. ભારત એક યુવાન દેશ છે, અને તેની કાર્યકારી વયની વસ્તી 2050 સુધીમાં 133 મિલિયન લોકોનો ઉમેરો થવાની ધારણા છે. સરકાર ગ્રામીણ વિસ્તારોમાં સરકારી કચેરીઓમાં કોલેજ-શિક્ષિત યુવાનો માટે ઇન્ટર્નશિપ પ્રોગ્રામ શરૂ કરવાનું વિચારી શકે છે.

Pakistan: કુર્રમ જિલ્લામાં 2 મહિના માટે કલમ 144 લાગુ, ગઈકાલે ડેપ્યુટી કમિશનર પર ઘાતક હુમલો થયો હતો

પાકિસ્તાનના ખૈબર પખ્તુનખ્વા પ્રાંતના કુર્રમ જિલ્લામાં ગઈકાલે ડેપ્યુટી કમિશનરના કાફલા પર ઘાતક હુમલો થયો હતો. જેમાં કુર્રમ જિલ્લાના ડેપ્યુટી કમિશનરને ત્રણ ગોળી વાગી હતી. પ્રાંતીય સરકાર દ્વારા જિલ્લામાં 2 મહિના માટે કલમ 144 લાગુ કરવામાં આવી છે.

Rajasthan: જાલોરમાં ભયાનક માર્ગ અકસ્માત, પતિ, પત્ની સહિત બે બાળકોના મોત

જાલોરના સાયલામાં પોષના ઉંડી રોડ પર ગેરકાયદેસર કાંકરી ભરેલી ટ્રકે બાઇકને ટક્કર મારતાં દંપતી અને તેમના બે બાળકોનું ઘટનાસ્થળે જ મોત થયું હતું. આ અકસ્માત મામાજી મંદિર પાસે થયો હતો. પોલીસે ટ્રકનો કબજો મેળવી મૃતદેહને મોર્ચરીમાં મોકલી આપ્યો છે. હાલમાં ગેરકાયદેસર કાંકરીની હેરફેરની પણ તપાસ કરવામાં આવી રહી છે.

દાંતીવાડાના રણોલમાં ડેરીમાં દૂધ ન લેવા મામલે ફરિયાદ

10 વાલ્મિકી પરિવારોનું દૂધ લેવાનો ઇન્કાર કરતા ફરિયાદ. દૂધ મંડળીએ દૂધ ન લીધાનો વાલ્મિકી પરિવારનો આક્ષેપ. 34 લોકોએ ઠરાવ કરી દૂધ ન લેવાનો નિર્ણય કર્યાનો આક્ષેપ. વાલ્મિકી સમાજના લોકોનું દૂધ ન લેવાના કર્યા આક્ષેપ. મંડળીના મંત્રી ડોહજી રાતડાએ દૂધ લેવાનો ઇન્કાર કર્યો. 34 લોકો સામે દાંતીવાડા પોલીસ મથકે ફરિયાદ. પશુપાલક તલાભાઈ વાલ્મિકીએ નોંધાવી ફરિયાદ.

અમદાવાદના ચાંગોદરમાંથી ઝડપાયું કોલ સેન્ટર

સ્ટેટ મોનિટરિંગ સેલે કોલસેન્ટર ઝડપ્યું. મોરૈયાની સ્વપ્નવિલા સોસાયટીમાં કોલસેન્ટર ચાલતુ હતુ. 31 લાખનો મુદ્દામાલ જપ્ત કરી 5 આરોપીઓની ધરપકડ કરી. વડનગર અને ખેરાલુના આરોપી ચલાવતા હતા કોલસેન્ટર.

9 વર્ષથી હાથ ઉપર… મહાકુંભમાં મહાકાલ ગિરી બાબા બન્યા આકર્ષણનું કેન્દ્ર

મહાકાલ ગિરી બાબા મધ્યપ્રદેશથી મહાકુંભમાં પહોંચી ગયા છે. તેમણે પોતાનો સંકલ્પ યથાવત્ રાખવા છેલ્લા 9 વર્ષથી એક હાથ ઊંચો રાખ્યો છે. બાબાએ ગાયોની રક્ષા અને ધર્મની રક્ષા માટે આજીવન પ્રતિજ્ઞા લીધી છે. આ 9 વર્ષોમાં તેમણે ન તો હાથ નીચા કર્યા અને ન તો એક વાર પણ નખ કાપ્યા છે.

સુરત જિલ્લામાં ભાજપ પ્રમુખની જાહેરાત પહેલા નારાજગી

સુરત જિલ્લામાં ભાજપ પ્રમુખની જાહેરાત પહેલા જ શરૂ થઈ નારાજગી. ભાજપના જ આગેવાને ભાજપ સામે નારાજગી વ્યક્ત કરી. SC મોરચા જિલ્લા પ્રમુખ રાજેશ કટારીયાનું ઉમેદવારી ફોર્મ રદ કરતાં માહોલ ગરમાયો. સુરત જિલ્લામાં ભાજપ પ્રમુખ માટે કુલ 17 ફોર્મ ભરાયાં હતાં. જિલ્લાના SC મોરચાના પ્રમુખ રાજેશ કટારિયાએ પણ નોંધાવી હતી ઉમેદવારી. વર્ષો જૂના ભાજપના સક્રિય આગેવાનનું ઉમેદવારી ફોર્મ રદ કરી દેવાતા નારાજગી. સદસ્યતા નંબર બે વખત લખ્યું હોવાનું જણાવી ચૂંટણી અધિકારીએ ફોર્મ રદ કર્યું.

મહીસાગર LCBને મળી સૌથી મોટી સફળતા

2025માં મહીસાગર એલસીબી પોલીસને મળી સૌથી મોટી સફળતા. મહીસાગર એલસીબીએ ભારતીય બનાવટનો દારૂ ઝડપી કાર્યવાહી કરી. ભારતીય બનાવટનો વિદેશી દારૂ રાજસ્થાન તરફથી મહીસાગર આવતા એલસીબીએ ઝડપી પાડ્યો. લુણાવાડા ટાઉન વિસ્તારમાંથી પસાર થતી એક કન્ટેનર ઝડપ્યું. મહીસાગર એલસીબી પોલીસે અંદાજીત દારૂ સહીત ગાડી સાથે 1 કરોડ 30 લાખનો મુદ્દામાલ જપ્ત કર્યો. મહીસાગર એલસીબીએ ગાડી સાથે 1 કરોડ 30 લાખ સહિત એક આરોપીની અટકાયત કરી.

Delhi-NCRમાં હવાની ગુણવત્તા સુધરી, GRAP-3ના પ્રતિબંધો હટાવ્યા

કમિશન ફોર એર ક્વોલિટી મેનેજમેન્ટ (CAQM) એ 3 જાન્યુઆરીએ દિલ્હી-NCRમાં હવાની ગુણવત્તામાં બગાડ નોંધ્યા બાદ GRAP-3 લાગુ કર્યો હતો. આ સાથે, શહેરમાં ગ્રેપ-3 સંબંધિત તમામ પ્રતિબંધો પણ લાગુ કરવામાં આવ્યા હતા.

અમદાવાદના ગીતામંદિર બસ સ્ટેન્ડમાં બબાલ

અમદાવાદના ગીતામંદિર બસસ્ટેન્ડમાં પાણી વેચવા બાબતે ફેરીયા વચ્ચે ઝઘડો થતા કિન્નર વચ્ચે પડતા મામલો બિચક્યો. ગીતામંદિર બસ સ્ટેન્ડમાં ત્રણ ફેરિયાએ કિન્નર અને મહિલાને માર માર્યો. ફેરિયાએ ત્રણ યુવક સામે કાગડાપીઠ પોલીસમાં ફરિયાદ નોંધાવી. ગીતામંદિર એસટી સ્ટેન્ડમાં પ્લેટફોર્મ-16 પર પાણીની બોટલ વેચવા બાબતે ફેરીયા અને મહિલા વચ્ચે માથાકૂટ થઇ હતી. ઝઘડો થતા નજીકમાં ઉભેલા કિન્નર વચ્ચે પડતા ફેરીયાએ અન્ય બે ફેરીયાને બોલાવીને કિન્નર અને મહિલાને ફટકારી. જાનથી મારી નાંખવાની ધમકી આપી હતી. મહિલાએ કાગડાપીઠ પોલીસ સ્ટેશનમાં ત્રણેય યુવક ફેરીયા સામે ફરિયાદ નોંધાવી છે.

અમદાવાદના વાસણામાં દોરી વેચવા બાબતે હુમલો

વાસણામાં દોરી વેચતા સની ઠાકોર અને પ્રવિણ ઠાકોર પર હર્ષ પટેલ અને અમન પટેલે હુમલો કર્યો. બંને આરોપીઓ સામે ફરિયાદ નોંધવામાં આવી. વાસણા પોલીસે વધુ તપાસ હાથ ધરી.

જૂનાગઢમાં આખલાઓનો ત્રાસ

બીલખા-જૂનાગઢ હાઇવે પર આખલાઓ વચ્ચે યુદ્ધ જોવા મળ્યું. આખલાઓએ લોકોને બાનમાં લીધા. ગામ લોકોએ ઝઘડતા આખલાઓને જુદા પાડ્યા. આખલાઓના લીધે ટ્રાફિક જામ થયો.

દાહોદમાં રીક્ષા પલટી ખાતા 1નું મોત, 6ને ઇજા

દાહોદમાં રીક્ષા પલ્ટી ખાતા 6 વ્યક્તિ ઈજાગ્રસ્ત થયા અને એક વ્યક્તિનું મોત નીપજ્યું. દાહોદના  શારદા ફાટક ખરોદા ખાતે ઘટના બની. રીક્ષા ચાલકે સ્ટેરીંગ પરથી કાબૂ ગુમાવતા રીક્ષા પલ્ટી  ખાતા  ઘટના બની. ઘાયલોને 108ની મદદથી સારવાર માટે હોસ્પિટલ ખસેડાયા. સારવાર દરમિયાન 70 વર્ષીય વૃદ્ધ મહિલાનું મોત નીપજ્યું. અન્ય લોકોને નાની મોટી ઈજા આવતા સારવાર અપાઈ.

જાફરાબાદના ચિત્રાસરમાં રહેણાંક મકાનમાં ઘૂસ્યો દીપડો

અમરેલી જિલ્લાના જાફરાબાદના ચિત્રાસર ગામે રહેણાક મકાનમાં દીપડો ઘૂસ્યો. હમીરભાઇ બાંભણિયાના રહેણાંક મકાનમાં દીપડો પ્રવેશી જતા ઘરનો દરવાજો બંધ કરી પરિવાર બૂમો પાડવા લાગ્યા. દીપડો રહેણાંક મકાનમાં ઘૂસતાં ગ્રામજનો દીપડાને જોવા એકઠા થયા. સ્થાનિકોએ જાફરાબાદ વન વિભાગને જાણ કરી. વન વિભાગ તાત્કાલિક ઘટના સ્થળે પહોંચી દીપડાનું રેસ્ક્યું કરી પાંજરે પુર્યો. દીપડો રહેણાંક મકાનમાં ઘૂસતાં અફરાતફરી મચી. વન્ય પ્રાણીઓના આંટાફેરાથી સ્થાનિક લોકોમાં ભયનો માહોલ.

જાફરાબાદમાં ટ્રકની ટક્કરે મહિલાનું મોત

જાફરાબાદના હેમાળ ગામે ટ્રક ચાલકે ટક્કર મારતા મહિલાનું મોત નીપજ્યું. હેમાળ ગામે નેશનલ હાઇવે કામગીરી દરમિયાન ટ્રેકએ ટુ-વ્હીલને હરફેટે લીધું. ટ્રકના પાછળનું વ્હીલ ફરી વળતાં મહિલાનું ઘટના સ્થળે મોત નીપજ્યું. મૃતક મહિલા ઉના તાલુકાના ઉમેજ ગામના રહેવાસી હોવાનું અનુમાન. સમગ્ર મામલે નાગેશ્રી પોલીસે તપાસ હાથ ધરી.

કરસનભાઇ પટેલના નિવેદન પર પાટીદાર નેતાઓની પ્રતિક્રિયા

પાટીદાર નેતા કિરીટ પટેલએ કરસનભાઈ પટેલના નિવેદનને લઈને પ્રતિક્રિયા આપતા જણાવ્યું કે, પાટીદાર અનામત આંદોલન વિશે 10 વર્ષ પછી નિવેદન કેમ આપે છે. દર વર્ષે કાર્યક્રમ થાય છે હવે કેમ નિવેદન. અનેક યોજનાઓનો લાભ મળ્યો છે. વિદ્યાર્થીઓને ઘણો મોટો ફાયદો થયો છે. આંદોલનથી દર વખતે નેતાઓ બહાર આવતા હોય છે. પાટીદાર સમાજને નવું નેતૃત્વ મળ્યુ છે. આનંદીબેનને હટાવ્યા તે વખતે કેમ ના બોલ્યા. આટલી મોટી ઇન્ડસ્ટ્રી છે એમની પાસે તો પરિવારને કેમ મદદ ના કરી. 

વાંચો 06 વાગ્યા સુધીના મહત્વના સમાચાર

1. Surendranagar જિલ્લામાં રાષ્ટ્રીય માર્ગ સલામતી માસ-2025નો ઉદ્ઘાટન સમારોહ યોજાયો 

2. Delhiથી મેરઠની મુસાફરી માત્ર 40 મિનિટમાં, જાણો આ કોરિડોર વિશે મહત્વની બાબતો 

3. Gandhinagar ખાતે વૈશ્વિક કક્ષાના આંજણા ધામનો શિલાન્યાસ સમારોહ સંપન્ન, વાંચો Full Story 

4. Junagadhમાં 1 મહિનામાં આત્મહત્યાની ત્રીજી ઘટના, પોલીસે અલગ-અલગ દિશામાં તપાસ હાથ ધરી 

5. China: ઘણા રાજ્યોમાં ઈમરજન્સી, જાણો અત્યાર સુધી કયા દેશોમાં HMPV વાયરસ ફેલાયો 

6. Rajasthan: કાશ્મીરથી આવ્યા ભત્રીજાના શહીદના સમાચાર, સાંભળતા જ કાકા છત પરથી પડ્યા 

7. 'પહેલા હેમામાલિની વિશે જે કહ્યું તેની માફી માગો...' રમેશ બિધુરીએ કરી સ્પષ્ટતા 

8. Ahmedabad: ફ્લાવર શોમાં મોટી સંખ્યામાં માનવમહેરામણ ઉમટ્યું, રોડ પર ભારે ટ્રાફિક જામ 

9. ઉત્તરપ્રદેશમાં માતા-પુત્રીનું મર્ડર કરનારા ફરાર આરોપીની અમદાવાદ ક્રાઈમ બ્રાન્ચે કરી ધરપકડ 

10. બાંગ્લાદેશ પછી ભારતની પાડોશમાં વધુ એક સ્વતંત્ર દેશ બનવા જઈ રહ્યો છે? 

ઉદ્યોગપતિ કરસન પટેલે પાટીદાર આંદોલનને વખોડ્યું

પાટણના એક સામાજીક કાર્યક્રમમાં કરસન પટેલએ નિવેદન આપતા જણાવ્યું કે, પાટીદાર આંદોલનથી સમાજને કશું મળ્યું નથી. અનામત આંદોલનમાં યુવાનો શહીદ થયા છે. આંદોલન કરનારા પાટીદારો જ હતા. લેઉઆ પાટીદારની દીકરીને CM પદ છોડવું પડ્યું. પટેલો જ પટેલોને કાઢે તે શક્ય નથી. આંદોલન કરનારાઓએ રાજકીય રોટલા શેક્યા છે. આંદોલન અનામત માટેનું હતું કે કોઇને કાઢવાનું?

MS યુનિવર્સિટીની સિક્યુરિટી પર ઉઠ્યા સવાલો

એમએસ યુનિવર્સિટીની બિલ્ડીંગ ઉપર મોડી રાત્રે ત્રણ વાગે ફરતો વ્યક્તિ કોણ...? એમ એસ યુનિવર્સિટીના સિક્યુરિટી પર ઉઠ્યા સવાલો. શું એમએસ યુનિવર્સિટીની સિક્યુરિટી ઊંઘતી

ઝડપાઈ. એમએસ યુનિવર્સિટીના દરેક ગેટ પર સિક્યુરિટી મૂકવામાં આવી છે. જો સિક્યુરિટીનો ચુસ્ત બંદોબસ્ત હોય તો વ્યક્તિ રાત્રે અંદર આવ્યો કેવી રીતે. યુનિવર્સિટીની બિલ્ડીંગ પર ચઢેલા ઈસમે ફાયર બ્રિગેડના અને હોમગાર્ડના જવાનો પર પથ્થરમારો કર્યો હતો. સયાજીગંજ પોલીસ પણ સ્થળ પર પહોંચી હતી. પોલીસની સાથે વડોદરા ફાયર સ્ટેશનના જવાનોએ સતત બેથી ત્રણ કલાક મહેનત કરીને વ્યક્તિને નીચે ઉતાર્યો. અજાણીની વ્યક્તિને સોંપવામાં આવ્યો સયાજીગંજ પોલીસમાં. સયાજીગંજ અજાણી વ્યક્તિની પૂછપરછ હાથ ધરી.

દિયોદરને જિલ્લો બનાવવાની માંગ અંગે MLAનું નિવેદન

દિયોદરના ભાજપના ધારાસભ્ય કેસાજી ચૌહાણએ નિવેદન આપતા જણાવ્યું કે, મેં મારાં વિસ્તારના લોકોની માંગ સરકાર સુધી પહોંચાડી છે. તમામ રજુઆતો મેં રાજ્ય સરકાર સુધી પહોંચાડી છે. મારા વિસ્તારની વાતો ભવિષ્યમાં પણ આગળ પહોંચાડીશ. મારાં વિસ્તારના વિવિધ સંગઠનઓએ જે રજુઆતો મારી પાસે પહોંચાડી તેં તમામ રજુઆતો મેં રાજ્ય સરકાર સુધી પહોંચાડી છે. મારું કર્મ છે મારા વિસ્તારની પ્રજાની વાતો રાજ્ય સરકાર સુધી પહોંચાડવાની તે કર્મ મેં કર્યું છે અને કરતો રહીશ.

નવસારીમાં નક્લી CMO અધિકારી ઝડપાયો

પ્રાંત અધિકારી જનમ ઠાકુરને ઉઠા ભણાવ્યા હતા. વર્ષ 2023થી પ્રાંત અધિકારીને ઉઠા ભણાવતો રહ્યો. પ્રાંત અધિકારી પાસે CMOના નામે લેતો રહ્યો માહિતી. આખરે પ્રાંત અધિકારીને શંકા જતા ભાંડો ફૂટયો. નવસારી પ્રાંત અધિકારીએ પોલીસ મથકમાં કરી ફરિયાદ. પોલીસે નકલી અધિકારી નિતેશ ચૌધરીની કરી ધરપકડ.

બાંગ્લાદેશ પછી ભારતની પાડોશમાં વધુ એક સ્વતંત્ર દેશ બનવા જઈ રહ્યો છે? 

ભારતના પાડોશનો એક ખૂણો બળવાની આગથી બળી રહ્યો છે. સ્થિતિ એવી છે કે અહીં એક નવું રાષ્ટ્ર ઉભરી શકે છે. વિદ્રોહી દળો મ્યાનમાર સરકાર પાસેથી એક પછી એક ભૌગોલિક વિસ્તારો છીનવી રહ્યાં છે. અહીં બળવાખોરોની સ્થિતિ એવી છે કે ભારત અને ચીને તેમના કરોડો ડોલરના રોકાણને બચાવવા માટે દરમિયાનગીરી કરવી પડી હતી.

અમદાવાદ સિવિલમાં ઓપરેશન વિના પથરીની સારવાર શક્ય

અમદાવાદ સિવિલ હોસ્પિટલમાં ઓપરેશન વિના લિથોટ્રીપ્સીથી  પથરીની પેઇનલેસ સારવાર ઉપલબ્ધ. લિથોટ્રીપ્સી શરુ થયાના 47 દિવસમાં 100 દર્દીઓની કિડની તેમજ પેશાબની નળીમાં રહેલી પથરીને કોઈ પણ કાપા વિના દૂર કરાઈ. અમદાવાદ સિવિલ હોસ્પિટલમાં રોજના સરેરાશ બે પેશન્ટની લિથોટ્રીપ્સી સારવાર  કરાઈ. ખાનગી હોસ્પિટલમાં અંદાજે રૂ.૧૦થી ૧૫ હજારના ખર્ચે થતી લિથોટ્રીપ્સી ટ્રીટમેન્ટ સરકારી હોસ્પિટલમાં નજીવા દરે અને આયુષ્માન કાર્ડ હેઠળ સંપૂર્ણપણે નિ:શુલ્ક ઉપલબ્ધ.

છોટાઉદેપુરમાં એક જદિવસમાં બે યુવકોના મૃતદેહ મળ્યા

છોટાઉદેપુરના ઘેલવાંટ ગામે ખેતરમાં ગળે ફાંસો ખાધેલી હાલતમાં યુવાનની લાશ મળી. ઘેલવાંટ ગામે પોતાના જ મફલરથી ગળે ફાંસો ખાધેલી હાલતમાં લાશ મળી આવી. યુવાન મધ્યપ્રદેશના અલીરાજપુર જિલ્લાના ખેરવા ગામનો હોવાનું સામે આવ્યું છે. ઘટનાને પગલે છોટાઉદેપુર પોલીસ ઘટના સ્થળે પોહચી તાપસ હાથ ધરી. યુવાનનું નામ વેસ્તાભાઈ ભીમસિંગભાઈ ડુડવે ઉ.30, છોટાઉદેપુરમાં એક જ દિવસમાં બે યુવાનની લાશ ગળે ફાંસો ખાધેલી હાલતમાં મળી.

Rajasthan: કાશ્મીરથી આવ્યા ભત્રીજાના શહીદના સમાચાર, સાંભળતા જ કાકા છત પરથી પડ્યા

કાશ્મીરના અલવરના રહેવાસી સીઆરપીએફ જવાન નિતેશ યાદવના શહીદના સમાચાર સાંભળતા જ તેમના કાકા અજીત યાદવ ટેરેસ પરથી પડી ગયા હતા. આ અકસ્માતમાં તેમનું પણ મોત થયું હતું. એક જ ઘરમાં આવા બે મોતને પગલે સમગ્ર ગામમાં શોકની લાગણી ફેલાઈ ગઈ છે.

China: ઘણા રાજ્યોમાં ઈમરજન્સી, જાણો અત્યાર સુધી કયા દેશોમાં HMPV વાયરસ ફેલાયો

ચીનમાં ફરી એકવાર માસ્કની શરૂઆત થઈ છે. હજારો લોકો HMPV વાયરસની ઝપેટમાં આવ્યા છે. વૃદ્ધો અને બાળકોમાં ચેપ ઝડપથી ફેલાઈ રહ્યો છે. હોસ્પિટલની બહાર દર્દીઓની લાંબી કતારો જોવા મળી રહી છે. દર્દીઓની સંખ્યા સતત વધી રહી છે. HMPV વાયરસ હોંગકોંગ અને ઈંગ્લેન્ડ સુધી પહોંચી ગયો છે. ઈંગ્લેન્ડમાં ફ્લૂ ઝડપથી ફેલાઈ રહ્યો છે. એક મહિનામાં દર્દીઓની સંખ્યામાં 4 ગણો વધારો થયો છે.

સમાજના લોકોનો માન્ય આભાર 

આંજણા ધામના મહામંત્રી  અમિતભાઈ ચૌધરીએ આંજણા ધામના મુખ્ય દાતાઓનો પરિચય કરાવી સમાજ હિતમાં દાન આપવા બદલ સર્વે દાતાશ્રીઓનો આભાર માન્યો હતો.સમાજ-રાષ્ટ્રના સર્વાંગીણ વિકાસના ઉમદા હેતુથી જમિયતપુરા-ગાંધીનગરમાં વૈશ્વિક કક્ષાના 'આંજણા ધામ'ના શિલાન્યાસ સમારોહમાં ગુજરાતના વિવિધ જિલ્લાઓ તેમજ રાજસ્થાન અને મધ્યપ્રદેશ તેમજ યુ.એસ.એ./કેનેડા સહિત વિવિધ દેશોમાંથી પણ આંજણા ચૌધરી સમાજના દાતાઓ, આંજણા ધામના ટ્રસ્ટીઓ, આગેવાન ભાઈ-બહેનો, કાર્યકરો મોટી સંખ્યામાં સહભાગી થયા હતા.

મણિભાઇએ આંજણા ધામ માટે 51 કરોડનું દાન આપ્યું

આંજણાધામ પ્રમુખ અને મુખ્ય દાતા મણીભાઈ ચૌધરીએ કહ્યું હતું કે,ભગવાને મને આ દાન માટે સક્ષમ બનાવ્યો અને સમાજે આ દાન સ્વીકાર્યું તે બદલ હું સમાજનો આભારી છું. તેમણે આ પ્રસંગે સૌને આ સંસ્થામાં જોડાઈને સમાજ હિતમાં વધુમાં વધુ દાન આપવા આહવાન કર્યું હતું. મણિભાઇએ આંજણા ધામ માટે રૂ.૫૧ કરોડનું દાન આપ્યું છે.દાતા દિલીપભાઈ શંકરભાઈ ચૌધરી, રમણભાઈ ચૌધરી અને કનુભાઈ ચૌધરીએ પ્રાસંગિક ઉદબોધન કર્યું હતું. 

11 રૂપિયાનું દાન પણ 11 કરોડ બરાબર

આંજણાધામના દાતા અને વિધાનસભા અધ્યક્ષ શંકરભાઈ ચૌધરીએ સંબોધતા જણાવ્યું હતું, આંજણાધામનો શિલાન્યાસ એ ચૌધરી સમાજ માટે ઐતિહાસિક અવસર છે.તેમણે દાનનો મહિમા સમજાવતા કહ્યું કે, જે   સમાજ દાતાઓનું સન્માન કરે છે તે રાષ્ટ્ર આગવી પ્રતિષ્ઠા અને સમૃદ્ધિ મેળવે છે. જેથી આ આંજણા ધામ માટે દાન આપનાર સર્વેને અભિનંદન, વંદન.આ બિન રાજકીય સંસ્થાનમાં સમાજ નિર્માણ થકી રાષ્ટ્ર નિર્માણ થશે એવી આશા વ્યક્ત કરતા તેમણે કહ્યું કે,૧૧ રૂપિયાનું દાન પણ ૧૧ કરોડ કરોડ બરાબર છે.આ ભવનના નિર્માણમાં તમામનો નાનો પણ ફાળો છે તેવો ભાવ થવો જોઈએ. ચૌધરીએ કહ્યું કે, ગર્ભ સંસ્કાર થકી આપણે તેજસ્વી અને સંસ્કારી બાળક- પેઢીનું સર્જન કરી શકીએ છીએ. આપણે સૌએ એક થ‌ઈને આ આંજણાધામના વિકાસમાં સહભાગી થ‌ઇએ તેવું  ચૌધરીએ સમાજના આગેવાનો-યુવાનોને આહ્વાન કર્યું હતું.

યુવાશક્તિના સામર્થ્યથી રાષ્ટ્રનિર્માણનો ધ્યેય

તેમણે યુવાઓને પ્રેરણા આપતા જણાવ્યું હતું કે, વડાપ્રધાન નરેન્દ્રભાઈ મોદીએ યુવાશક્તિના સામર્થ્યથી રાષ્ટ્રનિર્માણનો ધ્યેય રાખ્યો છે.આંજણા ચૌધરી સમાજના યુવાનો પણ વડાપ્રધાનના આહવાનમાંથી પ્રેરણા લઈ રાષ્ટ્રસેવાનાં કાર્યોમાં વધુને વધુ સક્રિય બને તે આપણે સુનિશ્ચિત કરવાનું છે.આંજણાધામ યુવાનોને સુસજ્જ બનાવવા સાથે તેમનામાં દેશપ્રેમના સંસ્કારોનું સિંચન કરવાનું મહત્વનું કેન્દ્ર બનશે,એમ તેમણે ઉમેર્યું હતું.ભૂપેન્દ્ર પટેલે જણાવ્યું હતું કે,  વડાપ્રધાન નરેન્દ્રભાઈનાં પદચિન્હો પર ચાલીને જ દરેક સમાજને સાથે રાખી, દરેક સમાજને સમાન અવસરો પૂરા પાડીને, દરેક સમાજની સર્વાંગી વિકાસયાત્રાને આગળ વધારવા આપણે પ્રતિબદ્ધ છીએ. વિકસિત ભારત @ ૨૦૪૭ માટે વિકસિત ગુજરાતનું નિર્માણ વડાપ્રધાનશ્રીના દિશાદર્શનથી કરવું છે.એ માટે સરકાર, સમાજ અને આપણે સૌ સાથે મળીને સેવારત રહીએ અને યુવાશક્તિ, માતા બહેનોની શક્તિ સાથે રાષ્ટ્રને અને રાજ્યને પ્રગતિમય બનાવીએ.

આંજણા ચૌધરી સમાજના પરિશ્રમનો પરિપાક

સમાજની દીકરીઓને ઉચ્ચ શિક્ષિત બનાવીને આંજણા ચૌધરી સમાજે શિક્ષણ ક્ષેત્રે આગવી કેડી કંડારી  એમ જણાવી મુખ્યમંત્રી એ કહ્યું હતું કે, આઇ.એ.એસ, આઇ.પી.એસ, જેવી ઉચ્ચ પદની નોકરીઓ માટે સ્પર્ધાત્મક પરીક્ષાની પૂર્વ તાલીમ અને જરૂરતમંદ વિદ્યાર્થીઓને આર્થિક સહાય પણ આ સમાજ પૂરી પાડે છે. આ સમાજની મહેનતના પ્રતાપે ઉત્તર ગુજરાતની ભૂમિ દૂધ અને ઘીથી મહેંકતી ધરતી બની છે. શુપાલકો-કિસાનોની મહેનત અને પરસેવાથી સિંચાયેલી એશિયાની સૌથી મોટી ડેરી – બનાસ ડેરી ઉત્તર ગુજરાતની શાન છે અને આંજણા ચૌધરી સમાજના પરિશ્રમનો પરિપાક છે.

આંજણા ચૌધરી સમાજ તો અર્બુદા માતાના વંશજો

તેમણે સંકુલના નિર્માણ માટે માતબર રકમનું દાન આપનારા દાતાઓ, વિશ્વ આંજણા ફાઉન્ડેશન તથા આંજણાધામ ટ્રસ્ટને વિશેષ અભિનંદન પાઠવ્યા હતા.આંજણા ચૌધરી સમાજની વિશેષતા અંગે ભૂપેન્દ્ર પટેલે કહ્યું હતું કે, આંજણા ચૌધરી સમાજ તો અર્બુદા માતાના વંશજો છે અને સમાજશક્તિનો પરિચય સમાજે દેશવિદેશમાં પણ આપ્યો છે.ગ્રામ-સંસ્કૃતિ, કૃષિ, દૂધ ઉત્પાદન અને પશુપાલન ક્ષેત્રે પરસેવો પાડી સિદ્ધિના શિખરો સર કરનારો આ પુરૂષાર્થી સમાજ છે.આવી સમાજશક્તિને સરકારનું પ્રોત્સાહન અને સૌનો સહકાર મળે તો વિકાસ બમણો થાય છે.સમાજ અને સરકાર સાથે મળીને કામ કેરે તો કેવી ઉન્નતિ થાય તેનું જીવંત ઉદાહરણ આદરણીય નરેન્દ્રભાઈ મોદીએ ગુજરાતના સર્વગ્રાહી વિકાસથી પૂરું પાડ્યું છે. સ્વાસ્થ્ય, વેપાર, ઉદ્યોગ અને શિક્ષણ સહિત તમામ ક્ષેત્રે આંજણા સમાજે સફળતા મેળવી છે.  

શક્તિશાળી સમાજના ઘડતરની આગવી દિશા 

આ શિલાન્યાસ કે ભૂમિ પૂજન કોઈ સંકુલના નિર્માણની આધાર શીલા માત્ર નથી, પરંતુ સમૃદ્ધ અને શક્તિશાળી સમાજના ઘડતરની આગવી દિશા છે.આદરણીય વડાપ્રધાન મોદી સાહેબે સૌને સાથે રાખીને ચાલવાનો, સૌના સાથ, સૌના વિકાસનો મંત્ર આપ્યો છે.આંજણા સમાજ અને વિશ્વ આંજણા ફાઉન્ડેશને આ મંત્રને કાર્યમંત્ર બનાવ્યો છે તે અભિનંદનને પાત્ર છે.સમાજના યુવાઓને ઉચ્ચ શિક્ષણ, કારકીર્દી ઘડતર અને રમત-ગમત સહિતના સર્વાંગી ક્ષેત્રોમાં ખિલવાની પૂરતી તક આપવાનું આ આંજણા ધામ સંકુલ માધ્યમ બનશે.આશરે 300 કરોડ રૂપિયાના ખર્ચે તૈયાર થનારા આ સંકુલમાં યુવાનો માટે વર્ગોની વ્યવસ્થા, હોસ્ટેલની સુવિધા ઉપરાંત સ્વાસ્થ્ય અને વ્યસનમુક્તિ જેવી પ્રવૃત્તિઓ માટેના કેન્દ્ર પણ બનવાના છે તે યુવાશક્તિને સદાચાર-સદમાર્ગે લઈ જવાનું દિશાદર્શન કરશે,એમ મુખ્યમંત્રીએ જણાવ્યું હતું.  

 રાજયપાલે પણ દાનની કરી ઘોષણા

રાજ્યપાલ આચાર્ય દેવવ્રતજીએ સ્વયં પણ રૂપિયા પાંચ લાખના દાનની ઘોષણા કરી હતી અને કહ્યું હતું કે, પરિશ્રમ અને મહેનતનો પૈસો પવિત્ર હોય છે. દાતાઓએ પોતાના પવિત્ર ધનનો સદુપયોગ કર્યો છે. તેમણે 'કર્મ-ફળ વ્યવસ્થા'નું ઉદાહરણ આપતાં સમજાવ્યું હતું કે, દાન એ આગામી જન્મ માટે અત્યારે જ કરેલી આર.ટી.જી.એસ. વ્યવસ્થા છે.મુખ્યમંત્રી ભૂપેન્દ્ર પટેલે આ અવસરે જણાવ્યું હતું કે, વિશ્વના સૌથી લોકપ્રિય નેતા અને દેશના યશસ્વી વડાપ્રધાન આદરણીય શ્રી નરેન્દ્રભાઈ મોદીએ સમાજશક્તિને રાષ્ટ્રનિર્માણમાં જોડવાની આપેલી પ્રેરણાને અનુસરીને આંજણા ચૌધરી સમાજ એક ભવ્ય આંજણાધામનું નિર્માણ કરી રહ્યો છે.સમાજની ભાવિ પેઢીના ઉમદા ઘડતરના આ સેવા કાર્યમાં સહભાગી થવાની મને મળેલી તક એ મારું સૌભાગ્ય છે.

સમાજના દાનવીર 

એ જ દેશ અને સમાજ ઉન્નતિ કરે છે જ્યાં મહિલાઓનું પણ પુરુષો જેટલું જ યોગદાન હોય છે, એમ કહીને  આચાર્ય દેવવ્રતજીએ કહ્યું હતું કે, આંજણા સમાજ બહેન-દીકરીઓના શિક્ષણ અને વિકાસ માટે વિશેષ ધ્યાન આપે. જે પોતાના સંતાનોને શિક્ષણ અને સંસ્કાર આપશે, વ્યસનોથી મુક્ત રાખશે એ જ સમાજ પ્રગતિ કરશેઆંજણાધામ માટે દાન આપનાર સમાજના દાનવીર આગેવાનોનું રાજ્યપાલ આચાર્ય દેવવ્રતજી અને મુખ્યમંત્રી ભૂપેન્દ્ર પટેલના હસ્તે સન્માન કરાયું હતું. 

વિકસિત ભારત અભિયાનમાં સહયોગ

આ પ્રસંગે ઉપસ્થિત સંતો અને મહાનુભાવોના હસ્તે સોનાની શીલા-ઈંટનું શાસ્ત્રોક્ત વિધિથી પૂજન- મંત્રોચ્ચાર કરીને આંજણા ધામ ભવનનો શિલાન્યાસ કર્યો હતો.વિશ્વ આંજણા ફાઉન્ડેશન અને આંજણાધામ ટ્રસ્ટ દ્વારા નિર્માણ પામનારા આંજણાધામના શિલાન્યાસ પ્રસંગે રાજ્યપાલ આચાર્ય દેવવ્રતજીએ કહ્યું કે, આંજણાધામ માત્ર વિદ્યાર્થીઓને અક્ષરજ્ઞાન આપવાનું કે સમાજના યુવાનોને આઈ.એ.એસ.-આઈ.પી.એસ. બનાવવાનું કેન્દ્ર માત્ર ન બને, આંજણાધામ એવા સંસ્કારવાન માનવ નિર્માણ માટેનું મિશન બને જે સમાજનું, માતા-પિતાનું અને રાષ્ટ્રનું ગૌરવ વધારે. આંજણા-ચૌધરી સમાજ રાષ્ટ્રભક્ત સમાજ છે. આંજણા યુવાનો ભારતના યશસ્વી પ્રધાનમંત્રી નરેન્દ્રભાઈ મોદીના આત્મનિર્ભર ભારત અને વિકસિત ભારત અભિયાનમાં સહયોગ આપે.

ગાંધીનગર ખાતે વૈશ્વિક કક્ષાના આંજણા ધામનો શિલાન્યાસ સમારોહ સંપન્ન

રાજ્યપાલ આચાર્ય દેવવ્રતજી, મુખ્યમંત્રી  ભૂપેન્દ્ર પટેલ અને ગુજરાત વિધાનસભાના અધ્યક્ષ  શંકરભાઈ ચૌધરીએ આજે આંજણાધામનો શિલાન્યાસ કર્યો હતો. અમદાવાદ-મહેસાણા હાઇવે પર, કલોલ નજીક, જમિયતપુરા ગામ પાસે ₹300 કરોડના ખર્ચે આકાર લેનારા ભવ્ય આંજણાધામના શિલાન્યાસ અવસરે મહાનુભાવોએ દાનવીર-દાતાઓનું સન્માન પણ કર્યું હતું.આ પ્રસંગે શિકારપૂરા આશ્રમ રાજસ્થાનના સંરક્ષક શ્રી શ્રી ૧૦૦૮ મહંત દયારામજી મહારાજે આશીર્વચન આપ્યા હતા.

આરટીઓના અધિકારીઓ રહ્યાં હાજર 

આ કાર્યક્રમમાં ડી.વાય.એસ.પી રિધ્ધિ ગુપ્તે તથા એ.આર.ટી.ઓ પી.કે.પટેલ દ્વારા રોડ સેફટી માસ તથા કાર્યક્રમ અંગેની વિસ્તૃત જાણકારી આપવામાં આવી હતી. સુરેન્દ્રનગર સહાયક પ્રાદેશિક વાહન વ્યવહારની કચેરી અને પોલીસ અધિક્ષકશ્રીની કચેરી સુરેન્દ્રનગર દ્વારા સમગ્ર જિલ્લામાં ૩૧ જાન્યુઆરી સુધી માર્ગ સુરક્ષા અભિયાન અંતર્ગત જિલ્લાની વિવિધ શાળા-કોલેજોમાં અનેક જાગૃતિ કાર્યક્રમોનું આયોજન કરવામાં આવનાર છે. જેમા ખાસ કરીને શેરી નાટકો, જુદા જુદા કેમ્પેઇન સહિત સ્લોગનના માધ્યમથી સૌને જાગૃત કરવામાં આવશે.આ કાર્યક્રમમાં જિલ્લા શિક્ષણાધિકારી એ. એમ. ઓઝા, માર્ગ સલામતી સમિતિ સુરેન્દ્રનગરના સભ્યો, ટ્રક એસોસિયશનના હોદેદારશ્રીઓ તેમજ સંબધિત વિભાગના અધિકારીશ્રીઓ, કમર્ચારીશ્રીઓ તેમજ બહોળી સંખ્યામાં વિદ્યાર્થીઓ, શિક્ષકો ઉપસ્થિત રહ્યા હતા.

વાહનચાલકોને કર્યો અનુરોધ 

કલેકટરે વધુમાં ઉમેર્યું હતું કે, સરકાર દ્વારા ટ્રાફિકને લગતા નિયમો, રોડ સેફ્ટી નિયમો, કાયદાઓ વિશે લોકો જાગૃત થાય તે માટે વિવિધ શાળાઓ, જુદાજુદા સ્થળોએ લોકોજાગૃતિ સેમિનારો – કાર્યક્રમો જિલ્લામાં એક મહિના દરમ્યાન કરવામાં આવશે. રોડ સેફ્ટી અને  ટ્રાફિકને લગતા નિયમો - કાયદાઓનું સમજણ સાથે પાલન તેમજ ચુસ્તપણે અમલ કરવા જિલ્લાના નાગરિકો અને વાહનચાલકોને અનુરોધ કર્યો હતો.

સુરેન્દ્રનગર જિલ્લામાં રાષ્ટ્રીય માર્ગ સલામતી માસ-2025નો ઉદ્ઘાટન સમારોહ યોજાયો

રાષ્ટ્રીય માર્ગ સલામતી માસ –૨૦૨૫ અંતર્ગત સુરેન્દ્રનગર જિલ્લામાં "સડક સુરક્ષા, જીવન રક્ષા -પરવાહનો ઉદ્ઘાટન સમારોહ જિલ્લા કલેકટર કે. સી. સંપટની પ્રેરક ઉપસ્થિતિમાં સી. યુ. શાહ યુનિવર્સિટી, ઓડીટોરીયમ હોલ, કોઠારીયા રોડ ખાતે યોજાયો હતો.માર્ગ સલામતી માસના શુભારંભ પ્રસંગે જિલ્લા કલેકટર  કે.સી. સંપટે "સડક સુરક્ષા, જીવન રક્ષા -પરવાહ” અભિયાન અન્વયે રોડ સેફ્ટી નિયમો અને રોડ અકસ્માતથી બચવા લોકોએ કેવી રીતે નિયમોનું પાલન કરવા અંગેની વિસ્તૃતમાં સમજ આપી હતી. 

અધિકારીઓ રહ્યાં હાજર 

તદુપરાંત ભારે વરસાદના કારણે તળાવની આસપાસ થયેલ જમીનનું ધોવાણ તેમજ બુરાણ થયેલ જૂની કેનાલ પણ સાફ સફાઈ તેમજ જરૂરી રીપેરીંગ કરી ફરી શરૂ કરાશે તેમ મંત્રીએ ઉમેર્યું હતું. તેમજ પીવાનું પાણી ગ્રામજનોને સમયસર અને પૂરતા પ્રમાણમાં મળી રહે તે માટે ત્વરિત જરૂરી તમામ વ્યવસ્થાઓ કરવા સંબધિત અધિકારીઓને સૂચિત કર્યું હતું. આ પ્રસંગે ઉપસ્થિત ગ્રામજનો દ્વારા મંત્રીનું હાર અર્પણ કરી સ્વાગત કરવામાં આવ્યું હતું.મંત્રીની આ મુલાકાત દરમિયાન ગ્રામ સરપંચ, ગ્રામ પંચાયતના સદસ્યો, પદાધિકારી, સ્થાનિક આગેવાનો તેમજ પાણી પુરવઠા અને સિંચાઈ સંબંધિત વિભાગના અધિકારીઓ-કર્મચારીઓ ઉપસ્થિત રહ્યાં હતા.

સુરેન્દ્રનગરના ઠીકરીયાળા ગામે નાની સિંચાઈ યોજનાના કામોની પાણી પુરવઠા મંત્રીએ કરી મુલાકાત 

સુરેન્દ્રનગર જિલ્લામાં ગુજરાત સરકારના જળ સંપત્તિ અને પાણી પુરવઠા, અન્ન નાગરિક પુરવઠા અને ગ્રાહક સુરક્ષા વિભાગનાં કેબિનેટ મંત્રી કુંવરજીભાઈ બાવળીયાએ ચોટીલા તાલુકાનાં ઠીકરીયાળા ગામ ખાતે નાની સિંચાઈ યોજનાનાં કામોની સમીક્ષા કરી હતી.આ તકે મંત્રીએ નાની સિંચાઈ યોજનાનાં રિનોવેશન કામનું જાત નિરીક્ષણ કરી બાકી કામોની જાણકારી મેળવી હતી. તેમજ મંત્રીશ્રીએ ઉપસ્થિત સર્વે ગ્રામજનો પાસેથી સિંચાઈ, પીવાનાં પાણી સહિતનાં પ્રશ્નો વિશે પૃચ્છા કરી સંલગ્ન અધિકારીશ્રીઓને જરૂરી સૂચનો અને માર્ગદર્શન આપ્યું હતું. 

વાંચો 03 વાગ્યા સુધીના મહત્વના સમાચાર 

01 - Ahmedabadમાં છૂટાછેડાના કેસમાં પતિએ પત્નીને ભરણપોષણની રકમ ના આપતા જઉ પડયું જેલમાં

02 - પ્રિયંકા ગાંધીના ગાલ જેવા રસ્તા બનાવી દઇશ.. રમેશ બિધુરીનું વિવાદિત નિવેદન

03 - Gandhinagarમાં પોલીસ અને અધિકારીઓની બદલી માટે રૂપિયા માંગતો નકલી કલાર્ક ઝડપાયો

04 - Jammu Kashmir Accident: કિશ્તવાડમાં બોલેરો કાર ખીણમાં ખાબકી, 4ના મોત

05 - Porbandar એયરપોર્ટ પર કોસ્ટગાર્ડનું હેલિકોપ્ટર ક્રેશ થતા 3 જવાન થયા શહીદ

06 - Baby John :160 કરોડની ફિલ્મે મુશ્કેલીથી ભેગા કર્યા 40 કરોડ, દર્શકો નિરાશ

07 - Delhi: રેપિડ રેલમાં પીએમ મોદીએ કરી સફર, નમો ભારત કોરિડોરનું કર્યુ ઉદ્ઘાટન

08 - Gujaratના તમામ આસિસ્ટન્ટ પબ્લિક પ્રોસિક્યુટર્સ માટે એક દિવસીય તાલીમનું આયોજન કરાયું

09 -George Sorosને યુ.એસ.નું સર્વોચ્ચ નાગરિક સન્માન મળ્યું, મસ્કએ કર્યો વિરોધ

10 - Junagadh સતાધાર જગ્યાને લઈ વિવાદ, રાજકોટના પૂર્વ ડેપ્યુટી મેયરને બનવું છે ટ્રસ્ટી

સમૃદ્ધ ભવિષ્ય તરફનો માર્ગ પણ પ્રકાશિત

બોટાદ જિલ્લામાં સરદાર કૃષિ જ્યોત યોજના અંતર્ગત રૂ.૫૦ લાખના ખર્ચે ૦૭ ફીડરોના મેઈન્ટેનન્સની કામગીરી કરવામાં આવી છે. તેમજ ખેતીવાડીના ૦૨ ફીડરોનુ રૂ.૩૮.૬૭ લાખના ખર્ચે વિભાજન કરાયું છે. આરડીએસએસ યોજના હેઠળ ૧૪.૭૨ કિ.મી. જૂના કન્ડકટર બદલાવી નવો એમવીસીસી કન્ડકટર લગાવાયા છે.આમ, PGVCL માત્ર મકાનો જ પ્રકાશ નથી કરી રહ્યું પરંતુ બોટાદના  ઉજ્જવળ અને સમૃદ્ધ ભવિષ્ય તરફનો માર્ગ પણ પ્રકાશિત કરી રહ્યું છે.

૩૭૬૪ લાભાર્થીઓને લાભાન્વિત કરાયા

વીજ સલામતી સપ્તાહ દરમિયાન વિવિધ જાહેર જગ્યાઓ પર બેનર્સ, હોર્ડીંગ્ઝ લગાડવામાં આવ્યાં હતાં, તેમજ પેમ્પલેટ વહેંચવામાં આવ્યા હતા, સાથોસાથ ગ્રામસભાઓ કરીને લોક જાગૃતિ માટેના પ્રયત્નો કરવામાં આવ્યા. બોટાદ જિલ્લામાં ખુશી યોજના અંતર્ગત રૂ.૯૭.૧૬ લાખના ખર્ચે ૦૩ ફીડરોનું એચવીડીએસ કરવામાં આવ્યું હતું. પ્રધાનમંત્રી સૂર્ય ઘર મફત વિજળી યોજના અંતર્ગત બોટાદ જિલ્લામાં વર્ષ ૨૦૨૪-૨૫ દરમિયાન કુલ ૩૭૬૪ લાભાર્થીઓને લાભાન્વિત કરાયા છે. 

પીલગ્રીમ યોજના 

બોટાદ વર્તુળ કચેરી પી.જી.વી.સી.એલ હેઠળ પીલગ્રીમ યોજના હેઠળ  સાળંગપુરમાં ૬૫૦૦ મીટર અન્ડર ગ્રાઉન્ડ કેબલ નાખવામાં આવ્યા કેબલ નાખવામાં આવ્યા છે. બોટાદ વર્તુળ કચેરી પી.જી.વી.સી.એલ હેઠળ વીજ સલામતી સપ્તાહનું આયોજન ડીસેમ્બર માસમાં કરવામાં આવ્યું હતું, જે અંતર્ગત વિવિધ સ્કૂલોમાં નિબંધ સ્પર્ધા, ચિત્ર સ્પર્ધા સહિત વિવિધ આયોજન કરવામાં આવ્યા જેથી આગામી પેઢી વીજ સલામતી અંગે જાગૃત થઈ શકે. તા.૨૧.૧૨.૨૦૨૪ના રોજ ગઢડા તેમજ બોટાદ ખાતે સલામતી રેલીનું આયોજન કરવામાં આવ્યું હતું. જે વિદ્યાર્થીઓ, પરિવારો અને કામદારોને સલામત વિદ્યુત પદ્ધતિઓના મહત્વ વિશે શિક્ષિત કરે છે.

અન્ડર ગ્રાઉન્ડ કેબલ નાખવામાં આવ્યા

બોટાદની અર્થવ્યવસ્થાની કરોડરજ્જુ કૃષિ છે અને PGVCL સ્થાનિક ખેડૂતોની સફળતા સુનિશ્ચિત કરવામાં વિશ્વસનીય ભૂમિકા અદા કરી રહ્યું છે. બોટાદ વર્તુળ કચેરી પી.જી.વી.સી.એલ હેઠળ ખેતીવાડીના વીજ જોડાણોને ૩૦ દિવસમાં અંદાજપત્ર પાઠવામાં આવે છે. બોટાદ વર્તુળ કચેરી પી.જી.વી.સી.એલ હેઠળ પીલગ્રીમ યોજના હેઠળ પાળીયાદમાં ૬૫૦ મીટર અન્ડર ગ્રાઉન્ડ કેબલ નાખવામાં આવ્યા છે. બોટાદ વર્તુળ કચેરી પી.જી.વી.સી.એલ હેઠળ પીલગ્રીમ યોજના હેઠળ ગઢડામાં ૧૨૦૦ મીટર અન્ડર ગ્રાઉન્ડ કેબલ નાખવામાં આવ્યા છે.

બોટાદમા પ્રધાનમંત્રી સૂર્ય ઘર મફત વિજળી યોજનામાં 2024-25માં 3764 લોકોએ લાભ લીધો

વીજળીના માળખામાં સુધારો કરવા અને ઊર્જા સલામતીને પ્રોત્સાહન આપવા માટે બોટાદ વર્તુળ કચેરી દ્વારા નોંધપાત્ર યોગદાન આપવામાં આવ્યું છે. વધતી જતી વસ્તી, કૃષિ અને ઉદ્યોગની માંગને પહોંચી વળવા બોટાદ જિલ્લા કલેક્ટર ડો. જીન્સી રોયના માર્ગદર્શન હેઠળ પી.જી.વી.સી.એલની ટીમ સતત કાર્યરત છે.

સુરતથી ઝડપાયો આરોપી

પોતાના પતિ તરફથી ભરણપોષણની રકમ નહીં મળવાથી કફોડી સ્થિતિમાં મુકાઈ ગયેલ મહિલા જ્યોતિબેન અને તેના પિતા તેજુમલ સાવલાનીએ આ અંગે જે ડિવિઝન એસીપી પ્રદીપસિંહ જાડેજાને મળી, જાણ કરતાં, મહિલાના પતિનું વોરન્ટની બજવણી કરવા વટવા પો.ઇન્સ. પી.બી.ઝાલાને આપવામાં આવેલ હતું.મહિલાના પતિ ગુલશનકુમાર જયપ્રકાશ આસવાની ઉપર ટેકનિકલ સોર્સ દ્વારા વોચ રાખવામાં આવેલ હતી અને મહિલા અને તેના પિતાને મળેલ માહિતી આધારે 180  દિવસ જેલમાં રહેવા કરવામાં આવેલ હુકમના વોરન્ટમાં વોન્ટેડ ગુલશનકુમાર જયપ્રકાશ આસવાની સુરત શહેરના સલાબતપુરા વિસ્તારમાં તિરુપતિ ટેક્ષ્ટાઈલ માર્કેટ ખાતે ધંધો કરતો હતો, દુકાનમાં હાજર હોવાની માહિતી મળતા, એસીપી પ્રદીપસિંહ જાડેજા દ્વારા સુરત શહેરના સલાબતપુરા પોલીસ સ્ટેશનના પીઆઈ કે.ડી.જાડેજા તથા સ્ટાફના હે.કો. સંજયભાઈ, સહિતની ટીમ મારફતે પકડી પાડી, સુરત ખાતે પકડી લઈ, વટવા પોલીસ સ્ટેશન ખાતેથી હે.કો. કમલેશભાઈ તથા પો.કો. એઝાઝ ભાઈ સહિતની પોલીસ ટીમ મોકલી, પકડી પાડી, ધરપકડ કરવામાં આવેલ હતી. આમ, વટવા પોલીસ દ્વારા સુરત શેર પોલીસની મદદથી ભરણપોષણના કેસમાં સજા પામેલ વોરન્ટ માં વોન્ટેડ ઇસમને પકડી પાડી, નામદાર કોર્ટ હવાલે તથા જેલ હવાલે કરવા તજવીજ કરવામાં આવેલ હતી.

પોલીસ પ્રજાનો સાચો મિત્ર

અવારનવાર વોરન્ટ કાઢવા છતાં અને મહિલાના પતિને જાણ થતાં, અમદાવાદ છોડી, બહાર જતો રહેલો અને લાંબો જેલવાસ થાય તેમ હોઈ, વોરન્ટ બજાવા દેતો ના હતો અને વોરન્ટમાં નાસતો ફરતો હતો. પોલીસ દ્વારા અવારનવાર તપાસ કરવા છતાં મળી આવતો ના હતો અમદાવાદ શહેરના પોલીસ કમિશ્નર જ્ઞાનેન્દ્ર સિંઘ મલિક, સંયુક્ત પોલીસ કમિશ્નર, સેક્ટર 02  જયપાલ સિંહ રાઠોડ તથા નાયબ પોલીસ કમિશ્નર રવી મોહન સૈની દ્વારા સામાન્ય પ્રજાના લોક માનસ ઉપર પોલીસની એક સારી છાપ પડે અને "પોલીસ પ્રજાનો મિત્ર છે" એ સૂત્ર સાર્થક બને તેવા પ્રજા કલ્યાણ તથા પ્રજા ઉપયોગી કાર્યવાહી કરવા શહેરના તમામ પોલીસ અમલદારોને સૂચના કરવામાં આવેલ છે.

કોર્ટે કર્યો હતો હુકમ

નામદાર કોર્ટ દ્વારા મહિલાના પતિ ગુલશનકુમાર જયપ્રકાશ આસવાનીને ભરણપોષણની રકમ નક્કી કરી, ભરણપોષણ ચુકવવા હુકમ કરવામાં આવેલ હતો. પરંતુ મહિલા જ્યોતિબેનનો પતિ ગુલશન કુમાર ભરણપોષણ ચુકાવતો ના હોઈ, મહિલાની હાલત કફોડી થઈ ગઈ હતી. ભરણપોષણની રકમ આશરે રૂ. 1,76,000/- જેટલી ચડી જવા છતાં, મહિલાના પતિ ગુલશનકુમાર જયપ્રકાશ આસવાની એ ભરણપોષણની રકમ ભરપાઈ કરવા કોઈ દરકાર નહીં કરતા, નામદાર કોર્ટ દ્વારા મહિલાના પતિને 180 દિવસ જેલમાં રહેવા હુકમ કરવામાં આવેલ અને પતિ ગુલશનકુમાર જયપ્રકાશ આસવાનીનું વોરન્ટ કાઢવામાં આવેલ હતું. 

અમદાવાદમાં છૂટાછેડાના કેસમાં પતિએ પત્નીને ભરણપોષણની રકમ ના આપતા જઉ પડયું જેલમાં

અમદાવાદ શહેરમાં વટવા ખાતે સ્મૃતિ વિહાર સોસાયટી, પીડી પંડ્યા કોલેજ રોડ, ઘોડાસર, અમદાવાદ ખાતે પોતાના પરિવાર સાથે રહેતા ગુલશનકુમાર જયપ્રકાશ આસવાની (સિંધી)ને પોતાની પત્ની જ્યોતિબેન ગુલશન કુમાર આસવાની સિંધી સાથે અણબનાવ થતા, પતિ ઘર છોડીને ચાલ્યો ગયેલ હતો અને પત્ની જ્યોતિબેન નિરાધાર હાલતમાં વટવા ખાતે પોતાના માતાપિતા સાથે રહેતી હોય, મહિલાને પોતાના પતિ સાથે અણબનાવ થતા, અમદાવાદ એડી.ચીફ મેટ્રો. મેજી. કોર્ટમાં ભરણપોષણ માટે અરજી કરવામાં આવેલ હતી. 

એરફોર્સની સારંગ ટીમમાં ધ્રુવનો સમાવેશ

એરફોર્સની સારંગ ટીમમાં ધ્રુવ હેલિકોપ્ટરનો પણ સમાવેશ કરવામાં આવ્યો છે. સારંગની ટીમે પેરિસ, એડિનબર્ગ, બર્લિન, સિંગાપોર સહિત એરો ઈન્ડિયા સહિતના અનેક એર શોમાં ભાગ લીધો છે. આ ઉપરાંત એરફોર્સ ડે, નેશનલ ડિફેન્સ એકેડમી પાસિંગ આઉટ પરેડ જેવા કાર્યક્રમોના અવસરે પણ ધ્રુવ હેલિકોપ્ટરે પર્ફોર્મન્સ આપ્યું છે.

પહેલી દુર્ઘટના-8 માર્ચે અરબ સાગરમાં ઈમર્જન્સી લેન્ડિંગની હતી

મુંબઈથી નિયમિત ઉડાન ભરનાર ભારતીય નૌકાદળના ALH ધ્રુવનું અરબ સાગરમાં ઈમર્જન્સી લેન્ડિંગ થયું હતું. આ ઘટના 8 માર્ચની સવારે ત્યારે બની, જ્યારે નેવી આ હેલિકોપ્ટર દ્વારા પેટ્રોલિંગ માટે રવાના થઈ હતી. પાવર અને હાઇટના અભાવે પાઇલટે હેલિકોપ્ટરને પાણીમાં જ ઉતાર્યું. ટેક્નિકલી એને ડિચિંગ કહેવામાં આવે છે, એટલે કે પાણી પર ઇમર્જન્સી લેન્ડિંગ કર્યુ હતુ.

24 શાળાના વિધાર્થીઓ રહ્યાં હાજર 

સાયન્સ સિટીમાં આયોજિત આ કાર્નિવલમાં સમગ્ર ગુજરાતમાંથી ૨૪ સ્કૂલના ૨૦૦૦થી વધુ વિદ્યાર્થીઓ ભાગ લીધો હતો. આ કાર્નિવલમાં વિદ્યાર્થીઓને ઉદ્યોગની વાસ્તવિક દુનિયાની પ્રક્રિયાઓ અને ગુણવત્તા વ્યવસ્થાપનને સમજવાની તક પ્રાપ્ત થઇ હતી, જે વિદ્યાર્થીઓના ભવિષ્ય માટે જ્ઞાનવર્ધક અને પ્રેરણાદાયી સાબિત થશે.આ કાર્યક્રમમાં ગુજરાત કાઉન્સિલ સાયન્સ સિટીના એક્ઝિક્યુટિવ ડાયરેક્ટર શ્રી સુધીર કે. પટેલ,  ગુજકોસ્ટના એડવાઇઝર ડૉ. નરોત્તમ શાહુ, કન્ઝ્યુમર એજ્યુકેશન એન્ડ રિસર્ચ સેન્ટરના ડાયરેક્ટર નંદિતા મહેતા  તેમજ શાળાના શિક્ષકો, પ્રિન્સિપાલ તેમજ મોટી સંખ્યામાં વિદ્યાર્થીઓ ઉપસ્થિત રહ્યા હતા. 

વિદ્યાર્થીઓને શૈક્ષણિક અનુભવ મળ્યો

કેમ કે આ વિદ્યાર્થીઓ જ્યારે દેશનું ભવિષ્ય સંભાળશે ત્યારે તેઓ અગાઉથી માનક અને ગુણવત્તાના તમામ પાસાંઓથી અવગત હશે. આ સાથે વડાપ્રધાન શ્રી નરેન્દ્રભાઇ મોદીનો ૨૦૪૭માં વિકસિત ભારતનો જે સંકલ્પ છે, એમાં આ પહેલ ઉપયોગી સાબિત થશે, એમ તેમણે ઉમેર્યું હતું.અત્રે ઉલ્લેખનીય છે કે, બીઆઇએસએ શૈક્ષણિક સંસ્થાઓમાં 'સ્ટાન્ડર્ડ ક્લબ'ની રચના કર્યા બાદ શિક્ષકો અને વિદ્યાર્થીઓને સભ્યો તરીકે સામેલ કરીને તેમજ યુવાનોને ગુણવત્તા માટે બ્રાન્ડ એમ્બેસેડર બનાવીને ગુણવત્તા વિશે જાગૃતિ લાવવા માટે એક પ્રશંસનીય પહેલ હાથ ધરી છે. આ પહેલ અંતર્ગત સાયન્સ સિટી ખાતે બીઆઇએસ સ્ટાન્ડર્ડ કાર્નિવલનું આયોજન કરવામાં આવ્યુ છે. આ કાર્નિવલમાં ઇન્ટરેક્ટિવ એક્ઝિબિશન, એક્ટિવિટીઝ, કોમ્પિટિશન અને અવરેનેસ સેશન પણ યોજાયા હતા, જેમાં વિદ્યાર્થીઓને શૈક્ષણિક અનુભવ મળ્યો હતો. 

સ્ટાન્ડર્ડ કાર્નિવલ આયોજન

આ આયોજન બદલ બ્યુરો ઓફ ઈન્ડિયન સ્ટાન્ડર્ડ્સને અભિનંદન પાઠવતાં મોના ખંધારે કહ્યું કે, બ્યુરો ઓફ ઈન્ડિયન સ્ટાન્ડર્ડ્સ એ અત્યાર સુધીમાં ૨૫૦૦૦ જેટલા સ્ટાન્ડર્ડ્સ બનાવ્યા છે. આ ઉપરાંત હાલમાં પણ જ્યા જરૂર છે ત્યાં ઝડપથી ઇન્ડિયન સ્ટાન્ડર્ડ્સ બનાવવાની પ્રકિયા ચાલી રહી છે.સાયન્સ સિટી ખાતે આયોજિત 'સ્ટાન્ડર્ડ કાર્નિવલ’માં સ્વાગત પ્રવચન આપતા બ્યુરો ઓફ ઇન્ડિયન સ્ટાન્ડર્ડ્સ અમદાવાદના ડાયરેક્ટર  સુમિત સેંગરે જણાવ્યું હતું કે, બ્યુરો ઓફ ઈન્ડિયન સ્ટાન્ડર્ડ્સનો ૬ જાન્યુઆરીએ ૭૮મો સ્થાપના દિવસ છે, એના ઉપલક્ષ્યમાં 'સ્ટાન્ડર્ડ કાર્નિવલ’નું આયોજન કરવામાં આવ્યું છે. આ કાર્યક્રમનો ઉદ્દેશ વિદ્યાર્થીઓને માનક અને ગુણવત્તા  પ્રત્યે જાગૃત કરવાનો છે.

ગુજરાતના અગ્ર સચિવ રહ્યાં હાજર

કાર્નિવલના ઉદ્ઘાટન સમારંભમાં સાયન્સ અને ટેકનોલોજી વિભાગનાં અગ્ર સચિવ મોના ખંધારે જણાવ્યું હતું કે, બ્યુરો ઓફ ઈન્ડિયન સ્ટાન્ડર્ડ્સના ૭૮મા સ્થાપના દિવસના ઉપલક્ષ્યમાં સાયન્સ સિટી ખાતે ‘સ્ટાન્ડર્ડ કાર્નિવલ’નું આયોજન કરવામાં આવ્યું છે. વિદ્યાર્થીઓને અત્યારથી સ્ટાન્ડર્ડ્સનું શું મહત્ત્વ છે? સ્ટાન્ડર્ડ્સ કેમ જરૂરી છે? તેમજ વિજ્ઞાન, ટેક્નોલોજી અને રોજિંદા જીવનમાં સ્ટાન્ડર્ડ્સ કેટલા ઉપયોગી છે, તેની સમજ બાળકોમાં અત્યારથી કેળવાય એ માટે આ ‘સ્ટાન્ડર્ડ કાર્નિવલ’નું આયોજન કરવામાં આવ્યું છે. આ કાર્યક્રમ થકી બાળકોમાં ખૂબ સારી સમજ કેળવાશે, એવું તેમણે ઉમેર્યું હતું. 

અમદાવાદમાં સાયન્સ સિટી ખાતે સ્ટાન્ડર્ડ કાર્નિવલ યોજાયો

અમદાવાદમાં સાયન્સ સિટી ખાતે ‘સ્ટાન્ડર્ડ કાર્નિવલ’ (ભારતીય માનક મેળા) યોજવામાં આવ્યો. આ કાર્નિવલ વિજ્ઞાન શિક્ષણને પ્રોત્સાહન આપવા માટે બ્યુરો ઓફ ઈન્ડિયન સ્ટાન્ડર્ડ્સ અમદાવાદ, સાયન્સ સિટી, અમદાવાદ અને ગુજરાત સરકારના વિજ્ઞાન અને ટેકનોલોજી વિભાગના સંયુક્ત ઉપક્રમે આયોજિત કરવામાં આવ્યો હતો. 

ALH ધ્રુવ હેલિકોપ્ટર ક્રેશ 

પોરબંદરના કોસ્ટગાર્ડ એરપોર્ટ પર હેલિકોપ્ટર ક્રેશ થયાની ઘટના સામે આવી છે. કોસ્ટગાર્ડના એર એન્કલવ પર ALH ધ્રુવ હેલિકોપ્ટર ક્રેશ થતાં 3 લોકોના મોત થયા છે. જેમાં બે પાઇલટ અને 1 અન્ય વ્યક્તિનો સમાવેશ થાય છે.પોરબંદરની ભાવસિંહજી સિવિલ હોસ્પિટલ ખાતે મૃતકોના મૃતદેહને લઈ જવામાં આવ્યા છે,ઘટનાની જાણ થતા કલેકટર અને ધારાસભ્ય ઘટના સ્થળે પહોંચ્યા છે,તાલીમ પ્રેકટિસ દરમિયાન આ ઘટના બની હોવાની વાત સૂત્રો તરફથી મળી રહી છે.બપોરે 12 વાગ્યાને 25 મિનિટે આ ઘટના બની હતી.

પોરબંદર એયરપોર્ટ પર કોસ્ટગાર્ડનું હેલિકોપ્ટર ક્રેશ થતા 3 જવાન થયા શહીદ

પોરબંદર એયરપોર્ટ પર કોસ્ટગાર્ડનું હેલિકોપ્ટર ક્રેશ થવાની ઘટના બની છે જેમા હેલિકોપ્ટર ક્રેશ થયા બાદ તેમાં વિસ્ફોટ થયો અને 3 લોકો ઈજાગ્રસ્ત થતા તેમને સારવાર હેઠળ હોસ્પિટલમાં ખસેડવામાં આવ્યા છે,ફાયર બ્રિગ્રેડ તેમજ મેડીકલની ટીમ ઘટના સ્થળે પહોંચી છે,કોસ્ટગાર્ડના એર એન્કલેવ પર આ ઘટના બની હતી.હેલિકોપ્ટરમાં આગ લાગયા બાદ આગ બુઝાવાની કામગીરી કરી હતી

પોલીસ ભવનમાં નોકરી હોવાની કરતો વાત 

પોલીસની તપાસમાં સામે આવ્યું છે કે આરોપી પોલીસ ભવનમાં નોકરી કરે છે તેવુ કહી લોકો પાસેથી રૂપિયા ઉઘરાવતો અને તમારે જયાં બદલી કરવી હોય ત્યાં કરાવી દઈશ તેવું કહેતો હતો તો આ નકલી કલાર્કે અત્યાર સુધીમાં હજારો લોકો પાસેથી રૂપિયા લઈ લીધા હોવાની વાત સામે આવી છે.પોલીસે જન્મેનજયસિંહ ઝાલાની ધરપકડ કરીને વધુ તપાસ હાથધરી છે.  

ગાંધીનગરમાં પોલીસ અને અધિકારીઓની બદલી માટે રૂપિયા માંગતો નકલી કલાર્ક ઝડપાયો

ગુજરાતમાં નકલીનો સિલસિલો અટકવાનો જ નથી એમ લાગી રહ્યું છે,આવી જ એક ઘટના ગાંધીનગરમાં બની હતી જેમાં નકલી IAS,નકલી કોર્ટ બાદ નકલી કલાર્ક ઝડપાયો હતો આ બોગસીયો પોલીસ અને અધિકારીઓની બદલી માટે રૂપિયા માંગતો હતો તો ગાંધીનગર LCBએ મહાઠગ જન્મેયસિંહ ઝાલાને ઝડપી પાડી વધુ તપાસ હાથધરી છે.પોલીસની જિલ્લા બદલી માટે રૂપિયા લેતો હોવાનું ખૂલ્યું છે.

ઔષધીય અને સુગંધિત છોડ 

રાજ્યપાલ આચાર્ય દેવવ્રતજીએ આણંદ જિલ્લાના બોરીયાવીમાં ભારતીય કૃષિ સંશોધન પરિષદના ઔષધીય અને સુગંધિત છોડ સંશોધન કેન્દ્રની મુલાકાત લીધી હતી.રાજ્યપાલે આ કેન્દ્રમાં વિવિધ ઔષધીઓ નિહાળી હતી અને વધુમાં વધુ ખેડૂતો ઔષધીઓનું વાવેતર અને ઉત્પાદન કરે તે માટેના પ્રયત્નો હાથ ધરવા આ કેન્દ્રના અધિકારીઓને જરૂરી માર્ગદર્શન આપ્યું હતું.આ મુલાકાત દરમિયાન જિલ્લા કલેકટર પ્રવીણ ચૌધરી, આણંદ કૃષિ વિશ્વવિદ્યાલયના કુલપતિ ડૉ.કે.બી. કથીરિયા, ભારતીય કૃષિ સંશોધન પરિષદના અધિકારીઓ, ઔષધીય અને સુગંધિત છોડ સંશોધન કેન્દ્રના અધિકારીઓ ઉપસ્થિત રહ્યા હતા.

આણંદમાં કૃષિ વિશ્વવિદ્યાલયના ફાર્મની રાજયપાલે મુલાકાત લઈ નિરીક્ષણ કર્યુ

આણંદ કૃષિ યુનિવર્સિટીમાં પ્રાકૃતિક ખેતી અને રાસાયણિક ખેતીના પરીક્ષણ માટેના ફાર્મનું રાજ્યપાલ આચાર્ય દેવવ્રતજીએ અવલોકન કર્યું હતુ સાથે સાતે આણંદ કૃષિ વિશ્વવિદ્યાલયના ૨૧મા વાર્ષિક પદવીદાન સમારોહમાં પધારેલા રાજ્યપાલ  આચાર્ય દેવવ્રતજીએ કાર્યક્રમ બાદ આણંદ કૃષિ વિશ્વવિદ્યાલયના ફાર્મની મુલાકાત લીધી હતી. 

સરકારી વકીલો પણ રહ્યાં હાજર 

આ કાર્યક્રમ દરમિયાન કાયદા મંત્રીના હસ્તે મદદનીશ સરકારી વકીલઓને ટેકનોલોજીથી સુસજ્જ કરીને ન્યાયિક પ્રક્રિયાને વધુ સુદ્રઢ બનાવવા માટે લેપટોપનું વિતરણ કરવામાં આવ્યું હતું.કાર્યક્રમના પ્રારંભે ડાયરેક્ટોરેટ ઓફ પ્રોસિક્યુશન એ. આર.પટેલે સૌનું શાબ્દિક સ્વાગત કરીને આ એક દિવસીય તાલીમનો હેતુ અને મહત્વ સ્પષ્ટ કર્યો હતો. સાથે જ તેમણે રાજ્યના વિવિધ જિલ્લાઓ ખાતે યોજાઈ રહેલા તાલીમો અંગે પણ વિગતવાર માહિતી આપી હતી. જ્યારે, કાયદા વિભાગના ઇન્ચાર્જ સચિવ શ્રી ઉપેન્દ્ર ભટ્ટે કાર્યક્રમના અંતે આભાર વ્યક્ત કર્યો હતો.ગુજરાતના નેશનલ લો યુનિવર્સિટીના ડીરેક્ટર ડૉ. એસ. શાંતાકુમાર, કાયદા વિભાગના અને ડાયરેક્ટોરેટ ઓફ પ્રોસિક્યુશન કચેરીના અધિકારી-કર્મચારીઓ તેમજ મોટી સંખ્યામાં મદદનીશ સરકારી વકીલો આ કાર્યક્રમમાં ઉપસ્થિત રહ્યા હતા.

કાયદાની સુધરતી જોગવાઇઓ

આજની તાલીમથી તમામ મદદનીશ સરકારી વકીલોને આ ત્રણ નવા ફોજદારી કાયદા અંગે વિગતવાર માહિતી મળશે, જેથી અદાલતમાં ઝડપથી કેસ કેવી રીતે ચાલે તે માટે તૈયાર થઇ શકાશે. કાયદાની સુધરતી જોગવાઇઓ અને સુપ્રિમ કોર્ટના ચુકાદાઓથી સરકારી વકીલો સતત માહિતગાર થતા રહે તે માટે આ પ્રકારના આયોજન સતત કરતા રહેવા માટે મંત્રીએ કાયદા વિભાગને અનુરોધ કર્યો હતો.ગુજરાતમાં ન્યાયનું ધોરણ ઉંચું લાવવા માટે કાયદા મંત્રીએ આજના આધુનિક જમાનામાં સરકારી વકીલોને ટેકનોલોજીનો મહત્તમ ઉપયોગ કરવા, તમામ બાબતોમાં અપ-ટુ-ડેટ રહેવા તેમજ રાજ્યમાં કન્વિક્શન રેટનો રેશિયો ઉંચો લઇ જવા માટે તત્પરતા બતાવવા માટે તાકીદ કરી હતી. 

નાગરિકોમાં કાયદો આત્મસાત હતો

મંત્રી પટેલે વધુમાં જણાવ્યું હતું કે, પ્રાચીન સમયમાં ભારતના નાગરિકોમાં કાયદો આત્મસાત હતો. બ્રિટીશરો ભારતમાં આવ્યા બાદ તેમણે તેમની અનુકુળતા મુજબના ફોજદારી કાયદાઓ અમલમાં મૂક્યા હતા. ભારતની આઝાદીના ૭૫ વર્ષ સુધી આ કાયદાઓ અમલમાં રહ્યા. વડાપ્રધાન  નરેન્દ્રભાઈ મોદી અને ગૃહ મંત્રી અમિત શાહના દિશાનિર્દેશ હેઠળ ભારતમાં લોકશાહીના રક્ષણ માટે આ કાયદામાં કેટલાક આમોલ પરિવર્તન કરાયા અને નવા નામ સાથે ભારતના આગવા નવા ત્રણ - ભારતીય નાગરિક સુરક્ષા સંહિતા-૨૦૨૩, ભારતીય ન્યાય સંહિતા-૨૦૨૩ અને ભારતીય સાક્ષ્ય અધિનિયમ-૨૦૨૩ કાયદા અમલમાં મૂકાયા છે. 

વકીલનું પ્રોફેશન એ સમાજનું એક અમૂલ્ય ઘરેણું

ગુજરાતના મદદનીશ સરકારી વકીલોનો ઉત્સાહ વધારતા કાયદા મંત્રી ઋષિકેશ પટેલે જણાવ્યું હતું કે, વકીલનું પ્રોફેશન એ સમાજનું એક અમૂલ્ય ઘરેણું છે, જે નિર્દોષને ન્યાય અને દોષીને યોગ્ય સજા અપાવીને એક સુરક્ષિત સમાજનું નિર્માણ કરે છે. ગુજરાતના નાગરિકોનો લોકશાહી અને ન્યાય પ્રણાલી પર વિશ્વાસ વધુ દ્રઢ બને તે માટે એક નવતર પ્રયાસના ભાગરૂપે ગુજરાત હાઈકોર્ટમાં થતા ટ્રાયલ કે સુનાવણીને ટેકનોલોજીના માધ્યમથી લાઈવ અને પારદર્શી બનાવવામાં આવી છે. આગામી સમયમાં ગુજરાતની તમામ જિલ્લા કોર્ટમાં પણ ટેકનોલોજીના સુયોગ્ય ઉપયોગથી આ પ્રકારની સુવિધાઓ વિકસાવવામાં આવશે.

ગુજરાતના તમામ આસિસ્ટન્ટ પબ્લિક પ્રોસિક્યુટર્સ માટે એક દિવસીય તાલીમનું આયોજન

ગુજરાત નેશનલ લો યુનિવર્સિટી-ગાંધીનગર ખાતે રાજ્યના તમામ મદદનીશ સરકારી વકીલો (આસિસ્ટન્ટ પબ્લિક પ્રોસિક્યુટર્સ) માટે એક દિવસીય તાલીમ કાર્યક્રમનું આયોજન કરવામાં આવ્યું હતું. કાયદા વિભાગ અને ડાયરેક્ટોરેટ ઓફ પ્રોસિક્યુશન કચેરી દ્વારા આયોજિત આ તાલીમ કાર્યક્રમનો કાયદા મંત્રી ઋષિકેશ પટેલે શુભારંભ કરાવ્યો હતો.

વ્યભિચારનો આરોપ છે, પરીક્ષણ કરાવી લો : નરેન્દ્ર સોલંકી

નીતિનભાઈને અને અન્ય પત્રકારોના દિવસમાં ત્રણ વખત ફોન આવે છે તો વસંત સાથે કે અન્ય સાથે વાતચીત નથી અને મિલને વીડિયો બનાવ્યો તે બાદ મને એક કલાક બાદ ફોન આવેલો ત્યારે મેં કહેલું કે મારી કઈ લેવાદેવા નથી તમે જોઈ લ્યો અને ગીતા બને ફોન કરી કહેલું કે તેઓ મારી દીકરી છે મે કહેલું કે  હા દીકરી છો અમે ત્યાર બાદ મળ્યા,આ જમીન સાધુ થઈ ને રાખે તો પૈસા આપવા પડે,જ્યાં જમીન કે મકાનમાં ભાગ રાખે તો કોઈ પૈસા લેણાં માંગે તો આપવા પડે,મે વિજય ભગત સાથે વાત કરી ને કહેલું કે જો પૈસા આપવાં હોઈ તો હું વ્યક્તિગત વિજય ભગત માટે મારા પૈસા હું આપવા તૈયાર હતો તેવું નરેન્દ્ર સોલંકીનું કહેવું છે.

પત્રનો જવાબ નહી મળે તો અભિયાન શરૂ થશે : નરેન્દ્ર સોલંકી

નરેન્દ્ર સોલંકીએ વધુમાં કહ્યું છે કે,વિજય ભગત હટાવ જગ્યા છોડી દો તો અભિયાન શરૂ થશે,હું જ છું મારા જેવું કોઈ નથી તેવી વાત કરે છે,હાલ પત્રનો જવાબ આવે તે માટે રાહ જોઈ રહ્યો છું.ભગત જે કરે છે તે કરવા દેવાનું આવું નહીં ચાલે તો વિજય ભગત ટુ ધ પોઈન્ટ વાત કરવા તૈયાર નથી,વિજય ભગત કહે ત્યાં ખુલ્લા મંચે વાતચીત કરવા તૈયાર નથી તો ખુલ્લા મંચે સવાલ જવાબ કરવા તૈયાર,વિજય ભગત માટે એક ચાન્સ પછી ખુલજા સીમ સીમ જેવું છે.આપા ગીગાનું ધૂપેલિયું ઉપાડી સમાધિ જતા આવો તેવું નરેન્દ્ર સોલંકીનું કહેવું છે.

રાજકોટના પૂર્વ ડેપ્યુટી મેયર નરેન્દ્ર સોલંકીની એન્ટ્રી

નરેન્દ્ર સોલંકીએ ટ્રસ્ટી બનવા માટે પત્ર લખ્યો હોવાની વાત સામે આવી છે જેમાં નરેન્દ્ર સોલંકીનું કહેવું છે કે,જીવરાજબાપુના વારસદાર તરીકે સ્થાન આપો અને મને ટ્રસ્ટી તરીકે લેવામાં શું વાંધો છે સાથે સાથે તમે 2 ટ્રસ્ટી અને 4 ટ્રસ્ટી બનાવ્યા છે તો વધુ એકને લેવામાં શું તકલીફ છે અને 20 વર્ષ પહેલા પણ વિવાદ થયા હતા ત્યારે પણ લોકોની સાચી શ્રદ્ધા ડગી નથી અને 8 ઓગસ્ટ 2017એ વિલ બનાવ્યું હતું,બાપુ હતા ત્યારે વિલ બનાવવામાં આવેલું હતુ તેવું નરેન્દ્ર સોલંકીનું કહેવું છે.

જૂનાગઢમાં સતાધાર જગ્યાને લઈ વધ્યો વિવાદ,  રાજકોટના પૂર્વ ડેપ્યુટી મેયરે ટ્રસ્ટી બનવા રસ ધરાવ્યો 

જૂનાગઢમાં અંબાજી અને ભવનાથનું મંદિરનો વિવાદ હજી તો શમ્યો નથી ત્યાં સતાધારની જગ્યાના મહંત પર સગા ભાઈએ જ ગંભીર આક્ષેપો લગાવ્યા છે. સતાધારના મહંત વિજયબાપુના સગાભાઈ નીતિન ચાવડાએ મુખ્યમંત્રી તેમજ ગૃહમંત્રીને પત્ર લખી રજૂઆત કરી છે, જેમાં મહંત દ્વારા ગેરકાયદે કરોડોના વ્યવ્હાર અને સતાધારમાં જ રહેતી મહિલા ગીતા અને વિજયબાપુ વચ્ચે પ્રેમસંબંધ છે અને બંનેએ લગ્ન કરી લીધાં હોવાના પણ ગંભીર આક્ષેપો કરવામાં આવ્યા છે. 

પ્રાકૃતિક કૃષિ અંગેની તાલીમ આપવામાં આવી

રાજ્યમાં પ્રાકૃતિક કૃષિનો વ્યાપ વધે તે માટે યુનિવર્સિટી દ્વારા ૧૧ હજાર ખેડૂતોને પ્રાકૃતિક કૃષિ અંગેની તાલીમ આપવામાં આવી છે.યુનિવર્સિટીમાં પ્રાકૃતિક ખેતી માટે, પર્યાવરણના રક્ષણ માટે સંશોધન કાર્ય કરવામાં આવી રહ્યું છે. યુનિવર્સિટીની ૪૦ હેકટર જમીનમાં પ્રાકૃતિક કૃષિ કરવામાં આવે છે.કથીરિયાએ યુનિવર્સિટીએ શૈક્ષણિક ક્ષેત્રે મળેલ સિધ્ધિઓ, ગુણવત્તાયુક્ત બીજ સંશોધન સહિત નવીન વિકસાવેલ પાકની જાતો, સ્વચ્છ ટકાઉ અને હરિત ઊર્જા ક્ષેત્રે થયેલી કામગીરીની વિસ્તૃત વિગતો આપી હતી. અંતમાં યુનિવર્સિટીના કુલસચિવ ગૌતમ પટેલે આભારવિધિ કરી હતી.કાર્યક્રમના પ્રારંભે રાજયપાલ આચાર્ય દેવવ્રતજીને કાર્યક્રમના સ્થળે ગાર્ડ ઓફ ઑનર આપવામાં આવ્યું હતું. આ પ્રસંગે કલેકટર પ્રવીણ ચૌધરી, જિલ્લા પોલીસ અધિક્ષક જે.જે. જગાણી, મેનેજમેન્ટ બોર્ડના સભ્યો, એકેડેમિક કાઉન્સિલના સભ્યો, ફેકલ્ટી ડીન, કોલેજના આચાર્યો, અધ્યાપકો, કર્મચારીઓ તથા વિદ્યાર્થીઓ અને વાલીઓ ઉપસ્થિત રહ્યા હતા.

આણંદ કૃષિ યુનિવર્સિટી સતત આગળ વધી

તેમણે પદવીધારકોને હંમેશા સહયોગ અને સર્વસમાવેશકતાની ભાવનાને જાળવી રાખી સૌના માટે ખાદ્ય-સુરક્ષા, ખેડૂતોની આર્થિક સધ્ધરતા અને પર્યાવરણીય રીતે ટકાઉ ભાવિ બનાવવા માટે માર્ગદર્શકની ભૂમિકા અદા કરવા જણાવ્યું હતું. તેમણે યુવા સ્નાતકોને નેશનલ ડેરી ડેવલપમેન્ટ બોર્ડના સહયોગથી સંશોધન પ્રોજેક્ટ્સ, ઇન્ટર્નશિપ્સ, ફિલ્ડવર્ક નવીન ઉદ્યોગસાહસિક પહેલ દ્વારા અર્થપૂર્ણ ભાગીદારી સાથે ગ્રામીણ સમુદાયોને આર્થિક રીતે સક્ષમ બનાવવા જણાવ્યું હતું.પ્રારંભમાં સૌને આવકારતાં યુનિવર્સિટીના કુલપતિ ડો. કે.બી.કથીરિયાએ યુનિવર્સિટીની સિધ્ધિઓની રૂપરેખા આપતાં જણાવ્યું હતું કે, વર્ષ ૨૦૦૪માં આણંદ કૃષિ યુનિવર્સિટીની સ્થાપના બાદ સરદાર સાહેબ અને કનૈયાલાલ મુનશીના વિચારો અને જ્ઞાનની પ્રતિબધ્ધતાને સતત આગળ વધારી રહી છે.

રાષ્ટ્રીય ડેરી વિકાસ બોર્ડ દ્વારા શ્વેતક્રાંતિ ૨.૦ કાર્યક્રમ અમલમાં મૂકવામાં આવ્યો છે.

આ કાર્યક્રમ હેઠળ બોર્ડ દ્વારા સમગ્ર દેશમાં એક લાખ ગામોમાં ડેરી, મત્સ્ય અને કૃષિ મંડળીઓની સ્થાપના કરવામાં આવશે. બોર્ડ દ્વારા બહુરાજ્ય સહકારી સંસ્થાઓની સ્થાપના કરવા સાથે પશુપાલકોને રાહત દરે સેક્સોરેટેડ સીમેન પુરું પાડવામાં આવી રહ્યું છે. બોર્ડ દ્વારા પશુપાલકો અને પશુઓના હિતમાં કરવામાં આવી રહેલ કામગીરીની વિગતો આપી હતી.સરદાર વલ્લભભાઈ પટેલ અને શ્રી કે.એમ. મુનશીના નેતૃત્વમાં સ્થાપિત આ યુનિવર્સિટી ઉત્કૃષ્ટતાનું પ્રતિક છે, જે શિક્ષણ, સંશોધન અને વાસ્તવિક-વિશ્વ વચ્ચેના અંતરને સાકાર કરવામાં યોગદાન આપી રહી છે.

એન.ડી.ડી.બી.ના ચેરમેન ડો. મિનેષ શાહ

દીક્ષાંત પ્રવચન આપતાં રાષ્ટ્રીય ડેરી વિકાસ બોર્ડના ચેરમેન ડો. મિનેષ શાહે જણાવ્યું હતું કે, દૂધ ઉત્પાદન અને દેશમાં મુખ્યત્વે લેક્ટો-શાકાહારી વસ્તીની પોષક જરૂરિયાતોને પહોંચી વળવા ડેરી ક્ષેત્રના ટકાઉ અને સમાવેશી પરિવર્તનની કલ્પના અને વૈશ્વિક ડેરી વેપારમાં અગ્રેસર રહેવાનો આ યોગ્ય સમય છે.તેમણે ઉમેર્યું કે, દુધાળા પશુઓની ઉત્પાદકતામાં ત્રણ ગણો, સંગઠિત ડેરી ક્ષેત્રના વ્યાપમાં બે ગણો, સહકારી ક્ષેત્રમાં મૂલ્ય વર્ધિત દૂધ ઉત્પાદનોના હિસ્સામાં બે ગણો અને વૈશ્વિક ડેરી વેપારના હિસ્સામાં દસ ગણો વધારો થયો છે.ડો .શાહે ઉમેર્યું કે, વર્ષ ૨૦૨૫ને 'આંતરરાષ્ટ્રીય સહકારી વર્ષ'  તરીકે ઉજવવામાં આવી રહ્યું છે. જે લાખો ખેડૂતોના જીવનમાં પરિવર્તન લાવવા સાથે કૃષિ ઉત્પાદકતા વધારવાની અને દેશને સહકારી નવીનીકરણમાં, ટકાઉપણું અને આંતરરાષ્ટ્રીય સ્તરે સ્થાપિત કરવાની ક્ષમતામાં વધારો કરશે.

દવાનો છંટકાવ સહિતની ટેકનોલોજીનો પ્રયોગ

ભારત સરકારના સ્ટાર્ટ-અપ રેન્કિંગ મુજબ ગુજરાત છેલ્લા ચાર વર્ષોથી દેશભર સતત પ્રથમ સ્થાને રહ્યું છે. આણંદ કૃષિ યુનિવર્સિટીનું એએયુ ઇન્કયુબેશન સેન્ટર કૃષિ અને સંલગ્ન ક્ષેત્રના સ્ટાર્ટઅપ માટે પ્રશંસનીય કામગીરી કરી રહ્યું છે, તેમ જણાવી કૃષિ મંત્રીશ્રીએ કહ્યું હતું કે, વર્ષ ૨૦૪૭ સુધીમાં 'વિકસિત ભારત'ની આકાંક્ષાને પૂર્ણ કરવા માટે નાના અને મધ્યમ ઉદ્યોગોનું યોગદાન મહત્વનું રહેશે. આ સંસ્થાએ ગુજરાત અને રાષ્ટ્રના કૃષિ વિકાસ અને સંશોધનમાં નોંધપાત્ર યોગદાન આપ્યું છે.તેમણે ગુજરાતમાં ખેતી અને ખેડૂતોની સમૃદ્ધિ એ વડાપ્રધાનની દૂરદર્શિતાનું પરિણામ છે, તેમ જણાવી ઉમેર્યું હતું કે, ઉત્તમ સિંચાઈ વ્યવસ્થાપન, સૂક્ષ્મ સિંચાઈ અને ભૂગર્ભજળ રિચાર્જ કરવા જેવી યોજનાઓએ ગુજરાતને પાણીદાર પ્રદેશ બનાવ્યો છે. કૃષિમાં ડ્રોનની મદદથી દવાનો છંટકાવ સહિતની ટેકનોલોજીનો પ્રયોગ પ્રધાનમંત્રીની પ્રોત્સાહક નીતિનું પરિણામ છે.કૃષિ મંત્રીએ કહ્યું હતું કે, "વિના સહકાર નહિ ઉધ્ધાર", "સૌનો સાથ સૌનો વિકાસ"ની સહકારિતાની ભાવના આપણા સ્વભાવ અને સંસ્કારમાં સહજ રીતે વણાયેલી છે. "સહકારથી સમૃદ્ધિ"ના સૂત્ર સાથે સહકાર ક્ષેત્રે આગળ વધવાના કાર્ય મંત્ર સાથે સરકાર સહકારી ક્ષેત્રને વધુ સક્ષમ બનાવવા કાર્ય કરી રહી છે.

કૃષિ મંત્રીશ્રી રાઘવજી પટેલ

આ પ્રસંગે વીડિયો કોન્ફરન્સના માધ્યમથી ઉદ્બોધન કરતાં કૃષિ મંત્રી રાઘવજીભાઈ પટેલે સ્નાતક-અનુસ્નાતકની પદવી અને ચંદ્રકો મેળવનાર વિદ્યાર્થીઓને શુભેચ્છાઓ પાઠવતાં જણાવ્યું હતું કે, શિક્ષિત યુવા તરીકેનું વિદ્યાર્થીઓનું પ્રદાન સમાજ અને દેશના સામાજિક વાતાવરણમાં પણ અવશ્ય પ્રતિબિંબિત થવું જોઈએ. પદવી મેળવીને સારી નોકરી મેળવવી કે કારકિર્દીનું ઘડતર કરવા સાથે યુવાનો સમાજ અને રાષ્ટ્ર પ્રત્યેનું ઉત્તરદાયિત્વ પણ નિભાવે તે જરૂરી છે.કૃષિ મંત્રીએ ઉમેર્યું હતું કે, છેલ્લા ત્રણ વર્ષમાં ગુજરાતે બાયોટેકનોલોજી, આઈટી, સ્ટુડન્ટ સ્ટાર્ટ- અપ એન્ડ ઇનોવેશન સહિત ૧૧ જેટલી મહત્વપૂર્ણ પોલિસી લોન્ચ કરી છે, જે પ્રો-પીપલ ગવર્નન્સ, પોલિસી ડ્રીવન સ્ટેટ તરીકેની ઓળખને વધુ મજબૂત બનાવે છે.

ગુજરાતનું પ્રાકૃતિક કૃષિ અભિયાન હવે 'રાષ્ટ્રીય મિશન' બની ગયું છે 

રાજ્યપાલ આચાર્ય દેવવ્રતજીએ કહ્યું કે, પ્રધાનમંત્રી નરેન્દ્રભાઈ મોદીએ દેશને વિવિધ ક્ષેત્રે વિશ્વ પટલ પર આગળ વધારવા સાથે કૃષિ અને પશુપાલનના વિકાસ માટે મહત્વપૂર્ણ નિર્ણયો લીધા છે. વડાપ્રધાનશ્રીએ સમગ્ર દેશમાં પ્રાકૃતિક કૃષિનો વ્યાપ વધારવા રાષ્ટ્રીય પ્રાકૃતિક કૃષિ મિશનની રચના કરી છે.રાજયપાલે ઉમેર્યું કે, પ્રાકૃતિક કૃષિ અપનાવવાથી ખેડૂતોને ઓછા ખર્ચે વધુ ઉત્પાદન મળવા સાથે પાક ઉત્પાદનના પોષણક્ષમ ભાવ પણ મળે છે, જેનાથી ખેડૂતોની આવકમાં વધારો થવા સાથે ઝેરમૂકત કૃષિ ઉત્પાદનો લોકોને મળે છે. પ્રાકૃતિક કૃષિ પર્યાવરણ, પાણી, જમીન અને ગૌ માતાને બચાવવા સાથે આત્મનિર્ભર ભારત અને સ્વસ્થ સમાજના નિર્માણ સહિત ખેડૂતોની આર્થિક સમૃદ્ધિના દ્વાર ખોલશે.

આણંદમાં કૃષિ યુનિવર્સિટીનો 21મો પદવીદાન સમારોહ યોજાયો

આણંદ કૃષિ  યુનિવર્સિટીનો ૨૧મો પદવીદાન સમારોહ આજે રાજયપાલશ્રી અને યુનિવર્સિટીના કુલાધિપતિ આચાર્ય દેવવ્રતજીની ઉપસ્થિતિમાં આણંદ ખાતે યોજાયો હતો. આ પદવીદાન સમારોહમાં રાજયપાલ આચાર્ય દેવવ્રતજીએ વિવિધ વિદ્યાશાખાના ૫૮૦ વિદ્યાર્થીઓને અનુસ્નાતક અને સ્નાતકની પદવી તથા ૪૩ તેજસ્વી વિદ્યાર્થીઓને તેમની શૈક્ષણિક સિદ્ધિ માટે સુવર્ણચંદ્રક એનાયત કર્યા હતા. રાજ્યપાલે શ્રેષ્ઠ શિક્ષક, શ્રેષ્ઠ સંશોધનકર્તા અને શ્રેષ્ઠ વિસ્તરણકર્તાનું બહુમાન કર્યું હતું. તેમણે યુનિવર્સિટીના વાર્ષિક અહેવાલનું વિમોચન પણ કર્યું હતું. આ કાર્યક્રમમાં કૃષિ મંત્રીશ્રી રાઘવજીભાઈ પટેલ વર્ચ્યુઅલી જોડાયા હતા.

વાંચો 12 વાગ્યા સુધીના મહત્વના સમાચાર 

01 - Mahakumbh દરમિયાન કાશી વિશ્વનાથની આરતીના સમયમાં થશે ફેરફાર, જાણી લો સમય

02 - Surat PCB પોલીસનું દિલધડક ઓપરેશન, 30 કિમી સુધી પીછો કરી બુલટેગરને ઝડપ્યો

03 - ન જમીન, ન સુવિધાઓ..ઇ રિક્શા જ તેમનો આશ્રમ! પ્રયાગરાજ પહોંચ્યા અનોખા સંત

04 - Deepika Padukoneની એ 6 શાનદાર ફિલ્મો જેને વારંવાર જોતા રહેશો

05 - Bhavnagarના પાલિતાણામાં 12 વર્ષની કિશોરી સાથે 3 શખ્સોએ આચર્યુ સામૂહિક દુષ્કર્મ

06 - IND vs AUS: બોર્ડર ગાવસ્કર ટ્રોફીમાં હાર અપાવનાર આ 5 ગુનેગાર

07 - Chhattisgarhમાં 4 નક્સલવાદી માર્યા ગયા, ઘાતક હથિયારો મળી આવ્યા

08 - Ahmedabadના મણિનગરમાં નકલી મામલતદાર અને પોલીસના આઈ-કાર્ડ સાથે રીઢો આરોપી ઝડપાયો

09 - Petrol Diesel Price Today: રવિવારે પેટ્રોલ ડીઝલના નવા ભાવ જાહેર, જાણો કિંમત

10 - Gir somnathના વેરાવળની વાંદરી ગેંગના 14 આરોપીઓ સામે ગુજસીટોક હેઠળ નોંધાયો ગુનો

બનાસકાંઠા જિલ્લાના વિભાજન બાદ સ્થાનિકોનો વધ્યો વિવાદ

દિયોદરને જિલ્લો બનાવવાની માંગ ઉગ્ર બની જેને લઈ આજે આઝાદ ચોક ખાતે મળશે મહાસભા તેમજ આ મહાસભામાં આગામી રણનીતિ નક્કી કરાશે

સર્ટિફિકેટ ફરજિયાત થયુ

યુરોપિયન યુનિયન (EU)એ રશિયન હીરા પરના પ્રતિબંધ માટેના સનરાઇઝ પિરિયડના અમલને છ મહિના લંબાવ્યો છે. જે અનુસાર હવે 1 સપ્ટેમ્બરની તારીખ લંબાવી રફ-પોલિશ્ડ હીરાની આયાત માટે 1 માર્ચ, 2025 બાદ અમલમાં આવશે. વૈશ્વિક મંદી વચ્ચે હીરા ઉદ્યોગને રાહત મળી છે.યુનિયને હીરાની આયાત માટે ટ્રેસિબિલિટી પ્રોગ્રામ 1 માર્ચ 2025ના રોજથી ફરજિયાત બનાવશે. ત્યારબાદ આયાતકારોએ 0.50 કેરેટથી વધુના હીરાની આયાતને ચકાસવા માટે ટ્રેસિબિલિટી આધારિત સર્ટિફિકેટનો ઉપયોગ કરવો ફરજિયાત બનશે.

હીરાને લઈ નવા નિયમો પણ અમલમાં આવ્યા

ઉપરાંત યુનિયને નિયમો અમલમાં આવે તે પહેલાં EU કે રશિયા સિવાયના દેશોના હીરાને મુક્તિ આપવા ‘ગ્રાન્ડ ફાધરિંગ’ કલમ પણ ઉમેરી છે. નવા પ્રતિબંધો મુખ્યત્વે લિક્વિફાઈડ નેચરલ ગેસને લક્ષ્ય બનાવે છે. જેમાં હાલના પ્રતિબંધોની છટકબારીઓ દૂર કરી 116 સંસ્થા અને વ્યક્તિઓને પ્રતિબંધિત કરવાનું લક્ષ્ય છે. જ્યારે નવા નિયમોમાં એક્ઝિબિશન કે સમારકામ માટે રશિયામાંથી જ્વેલરીની અસ્થાયી આયાત-નિકાસને પણ મંજૂરી આપે છે.

સુરતમાં મંદી વચ્ચે હીરા ઉધોગ માટે ચિંતાના સમાચાર

સુરતમાં મંદી વચ્ચે હીરા ઉદ્યોગ માટે ચિંતાના સમાચાર સામે આવ્યા છે જેમાં રેપાપોર્ટે તૈયાર હીરાના ભાવમાં 5 ટકાનો ઘટાડો કર્યો છે,હવે રેપાપોર્ટ સામે અસંતોષનો સૂર ઉઠવા માંડયો છે અને રેપાપોર્ટ તૈયાર હીરાની રેન્જ પ્રમાણે ભાવ નક્કી કરે છે સાથે સાથે દર શુક્રવારે તૈયાર હીરાના ભાવો થાય છે જાહેર તો તૈયાર હીરાના ભાવ દુનિયાભરમાં સ્વીકૃત ગણાય છે અને પડતર કિંમત કરતા પણ તૈયાર હીરાનાં ભાવ નીચા તૈયાર હીરા નુકસાનીમાં વેચવા પડે તેવી સ્થિતિનું સર્જન થયું છે.

સરકારે સોશિયલ મિડીયાને લઈ ડ્રાફ્ટ તૈયાર કર્યો

સરકારે 18 વર્ષથી ઓછી ઉંમરના બાળકોના સોશિયલ મીડિયા એકાઉન્ટને લઈને મોટો નિર્ણય લીધો છે. હવે બાળકોને સોશિયલ મીડિયા પર એકાઉન્ટ બનાવવા માટે માતાપિતાની સંમતિ લેવી પડી શકે છે. સરકારે પર્સનલ ડિજિટલ ડેટા પ્રોટેક્શન એક્ટના નિયમોના ડ્રાફ્ટ નિયમો બહાર પાડ્યા છે.આજના યુગમાં દરેક વ્યક્તિના હાથમાં મોબાઈલ છે. માત્ર યુવાનો અને વૃદ્ધો જ નહીં પરંતુ બાળકો પણ સોશિયલ મીડિયા પર સક્રિય છે. સોશિયલ મીડિયાના ફાયદાની સાથે તેના કેટલાક ગેરફાયદા પણ છે. પરંતુ હવે 18 વર્ષથી ઓછી ઉંમરના બાળકોને સોશિયલ મીડિયા પર એકાઉન્ટ બનાવવા માટે માતાપિતાની સંમતિ લેવી પડશે. ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે ડિજિટલ પર્સનલ ડેટા પ્રોટેક્શન એક્ટ (DPDP) નિયમો માટે ડ્રાફ્ટ નિયમો જારી કર્યા છે.18 ફેબ્રુઆરી સુધી આ અંગે મળેલા વાંધાઓના આધારે બેઠકમાં ફેરફાર કરવામાં આવશે. અન્યથા તેને ચાલુ રાખવામાં આવશે.

સોશિયલ મીડિયામાં પ્રેમ થતા અરવલ્લીમાં સગીર પ્રેમી અને બાળકી ઘર છોડીને ભાગ્યા

અરવલ્લીના ધનસુરામાં ધોરણ 5માં ભણતી બાળકીને સોશિયલ મીડિયા મારફતે એક સગીર વયના બાળક સાથે પ્રેમ થતા બન્ને જણા ભાગી ગયા હતા તો પોલીસે આ બાબતે પહેલા અરજી લીધી અને તેના આધારે બન્નેને ઝડપી પાડયા છે,ભાગનાર બન્ને સગીરોએ અન્ય 3 કિશોરીઓની મદદ લીધી હતી અને ફરાર થયા હતો તો પોલીસે પોકસો અને અપહરણનો ગુનો નોંધ્યો છે,અને અરવલ્લી પોલીસે ગણતરીના કલાકમાં ઝડપ્યા સગીર પ્રેમીને ઓબ્ઝર્વેશન સેન્ટર મોકલાયો છે.

પોષણ ઉત્સવનો રાજ્યવ્યાપી શુભારંભ

પોષણ ઉત્સવ-૨૦૨૪”નો ગાંધીનગર ખાતેથી રાજ્યવ્યાપી શુભારંભ કરાવતા મહિલા અને બાળ વિકાસ મંત્રી ભાનુબહેન બાબરીયાએ જણાવ્યું હતું કે, દેશને વિકસીત ભારતના નિર્માણમાં સશક્ત મહિલા અને સ્વસ્થ બાળકની મહત્વની ભૂમિકા રહેલી છે. દરેક ઉંમર અને વ્યક્તિના વિકાસમાં શિયાળાની ઋતુની મહત્વતાને ધ્યાનમાં રાખી, વડાપ્રધાન નરેન્દ્રભાઈ મોદીના “સહી પોષણ, દેશ રોશન” ના સુત્રને સાર્થક કરવા રાજ્યના પ્રજાવત્સલ મુખ્યમંત્રી શ્રી ભૂપેન્દ્રભાઈ પટેલના માર્ગદર્શન હેઠળ સમગ્ર રાજ્યમાં “પોષણ ઉત્સવ-૨૦૨૪” નો શુભારંભ કરવામાં આવ્યો છે.મંત્રીએ ઉમેર્યું હતું કે, સ્વસ્થ, સશક્ત અને સામર્થ્યવાન બાળક દેશના ઉજ્જવળ ભવિષ્યની નિશાની છે, દેશનું દરેક બાળક સ્વસ્થ અને સશક્ત બને તે માટે રાજ્ય સરકાર હરહંમેશ પ્રયત્નશીલ છે.

મુખ્ય સેવિકા દ્વારા કાર્યક્રમનું સંચાલન કરવામાં આવ્યુ

પ્રોગ્રામ વધુમાં વધુ લોકો ટીએચઆર અને મિલેટ્સનો ઉપયોગ કરતા થાય તે હેતુથી આ કાર્યક્રમ યોજાયો હતો.વાનગી સ્પર્ધામાં કાર્યકર અને લાભાર્થીઓએ ભાગ લીધો હતો જેમાં વિવિધ કેટેગરીમાં શ્રેષ્ઠ વાનગી બનાવેલ પ્રતિયોગીને પ્રમાણપત્ર અને પ્રોત્સાહન ઈનામ આપવામા આવ્યા હતા.કાર્યક્રમ બહોળી સંખ્યામાં લાભાર્થીઓએ નિહાળ્યો હતો અને આ સમગ્ર પ્રોગ્રામ બાળ વિકાસ યોજના અધિકારી ડિમ્પલબેન ઠાકરના માર્ગદર્શન હેઠળ સફળતા પુર્વક થયો.

અમદાવાદમાં  પોષણ ઉત્સવ-2024ની કરાઈ ઉજવણી, મુખ્ય સેવિકા દ્વારા સંચાલન કરાયું

અમદાવાદ મ્યુનિસિપલ કોર્પોરેશનના આઇસીડીએસ ઘટક 2 ના પાલડી, નવરંગપુરા 1 સેજામાં પોષણ ઉત્સવ ૨૦૨૪ની ઉજવણી કરવામાં આવી હતી જે  અંતર્ગત ટી.એચ.આર. તથા મિલેટ માંથી બનતી વાનગીની સ્પર્ધા યોજાઇ હતી જેમાં લોકોએ ઉત્સાહભેર હાજરી આપી હતી,જેમાં નવરંગપુરા વોર્ડના કાઉન્સિલર, નવરંગપુરા વોર્ડ પ્રમુખ,મેડિકલ ઓફિસર, આર બી એસ કે ડોકટર,અવાજ સંસ્થાના પ્રતિનિધિઓ, બાળ વિકાસ યોજના અધિકારી અને NNM BCO ઘટક-2 હાજર રહ્યા હતા.

સુરત પીસીબીની મોટી કાર્યવાહી

સુરત PCBને મોટી સફળતા મળી છે, કારણ કે, ઓરિસ્સા ગેંગરેપ વીથ મર્ડર કેસનો ભેદ ઉકેલ્યો છે. યુવતીનું રેલવે સ્ટેશનથી અપહરણ કરીને જંગલમાં લઈ જઈ દુષ્કર્મ આચરીને ક્રૂર હત્યા કરી હતી. આરોપીને પકડવા દેશભરની પોલીસને જાણ કરાઈ હતી. આખરે સુરત PCBએ 3 આરોપીઓને સુરત PCBએ ઝડપી પાડ્યા છે.આરોપીના પેન્ટ ઉપર લાગેલા ટેલરના લેબલથી સમગ્ર ઘટનાનો ભાંડો ફૂટ્યો છે. મળતી માહિતી મુજબ, ત્રણ નરાધમોએ 18 વર્ષ ની દીકરીનું રેલવે સ્ટેશનથી અપહરણ કર્યું હતું. ત્યાર બાદ જંગલમાં લઇ જઈ તેની સાથે દુષ્કર્મ કરી તેની ચપ્પુના ઘા જીકી હત્યા કરી નાખી હતી. હત્યાની ઘટનાને અંજામ આપ્યા બાદ આરોપી ફરાર થઇ ગયા હતા. સમગ્ર ઘટનાની પરિવારજનોએ પોલીસ સ્ટેશમાં ફરિયાદ નોંધાવતા આરોપીને પકડવા દેશભરની પોલીસને જાણ કરવામાં આવી હતી.

પોલીસે બુટલેગરને પકડવા પાછળથી પીકઅપને ઠોકી

બારડોલીના સરભણ ચાંદ દેવી પાસે આ બનાવ બન્યો હતો જેમાં બુટલેગરની દારૂ ભરેલી પીકઅપ વાન ઝડપી પાડી છે.દમણથી નીકળેલી પીકઅપમાં દારૂ હોવાની પીસીબીની ટીમને બાતમી મળી હતી અને ટીમે ભેગા મળીને એક બુટલેગરને ઝડપી પાડયો છે.દારૂ કયાં અને કોને આપવાનો હતો તે દિશામાં પોલીસ તપાસ હાથધરી છે.સુરતની ગ્રામ્ય પોલીસ પણ ઉંઘતી હતી કે શુ તેને લઈ સવાલો ઉભા થયા છે,દમણથી સુરત દારૂ ઘુસાડવા માટે કાર મોડી રાત્રે દમણથી નિકળી હતી.

સુરત પીસીબી પોલીસનું દિલધડક ઓપરેશન, 30 કિમી સુધી પીછો કરી બુલટેગરને દારૂ સાથે ઝડપ્યો 

સુરતમાં ફિલ્મી સ્ટાઈલમાં બુટલેગરની કાર પીસીબી પોલીસે ઝડપી છે,શહેર પોલીસનું જિલ્લા પોલીસની હદમાં ઓપરેશન પાર પાડવામાં આવ્યું છે તો બીજી તરફ સુરત જિલ્લા પોલીસ ઊંઘતી ઝડપાઈ છે,બારડોલી રૂરલ પોલીસની હદમાં દિલધડક ઓપરેશન પાર પાડવામાં આવ્યું છે જેમાં 30થી વધુ કિમી સુધી શહેર PCBની ટીમે પીછો કરીને કારને ઝડપી પાડી છે અને બુટલેગરની તપાસ હાથધરી છે.

8 ઓકટોબર 2024ના રોજ માંગરોળમાં બની સામૂહિક દુષ્કર્મની ઘટના

માંગરોળ તાલુકાના મોટા બોરસરા ગામની સીમમાં ગત 8 ઓક્ટોબર 2024ના રોજ રાત્રીના સમયે સગીરા પર 3 ઈસમોએ સામુહિક દુષ્કર્મ આચર્યું હતું આ ઘટનામાં પોલીસે તાત્કાલિક અલગ અલગ ટીમો બનાવીને તપાસ હાથ ધરી હતી અને આ ઘટનામાં પોલીસે મુન્ના ઉર્ફે ખલબલી કારબલી પાસવાન, શિવશંકર ઉર્ફે દયાશંકર લક્ષ્મણ ચૌરસીયા તથા રામસજીવન ઉર્ફે રાજુ રામસબત વિશ્વકર્માને ઝડપી પાડ્યા હતા. શિવશંકર ઉર્ફે દયાશંકર લક્ષ્મણ ચૌરસીયાની તબિયત લથડતા અને શ્વાસ લેવામાં તકલીફ થતા તેને હોસ્પિટલ લઇ જવાયો હતો જ્યાં તેનું મોત નીપજ્યું હતું.

11-08-2024ના રોજ અંબાજીમાં પણ બની સામૂહિક દુષ્કર્મની ઘટના

બનાસકાંઠાના અંબાજીમાં 6 નરાધમોએ ગબ્બર નજીક ઝાડીમાં સગીરાને ખેંચી જઈ દુષ્કર્મ આચર્યુ હતુ.સગીરા શખ્સને ઓળખતી હોવાથી બાઈક પર બેઠી હતી પરંતુ તેને ખબર ન હતી કે તેની સાથે આવી ઘટના બનશે,ત્યારે નરાધમ લાલા પરમાર સહિત 6 શખ્સોએ દુષ્કર્મ આચર્યુ હોવાની વાત સામે આવી હતી.સગીરાએ ઘરે આવીને તેની માતાને આ વાતની ફરિયાદ કરી હતી અને માતાએ પોલીસને વાત કરતા પોલીસ પણ ચૌંકી ઉઠી હતી અને ફરિયાદ નોંધી હતી.

સામૂહિક દુષ્કર્મની ઘટના

ભાવનગરના પાલિતાણામાં સામૂહિક દુષ્કર્મની ફરિયાદ નોંધાતા પોલીસ પણ દોડતી થઈ છે,12 વર્ષની કિશોરી સાથે 3 આરોપીઓએ ભેગા મળીને સામૂહિક દુષ્કર્મ આચર્યુ છે.જયપાલ સિંધી સહિત 3 યુવકો સામે પોલીસ ફરિયાદ નોંધાઈ છે.ફરિયાદીના દિકરી ભોજનશાળામાં પિરસવા જતા હતા તે સમયે આરોપીઓએ મિત્રતા કેળવી હતી અને ત્યારબાદ ભાવનગર રોડ પર અજાણી જગ્યાએ લઈ જઈ દુષ્કર્મ આચર્યુ હતુ દિકરીએ આ વાત તેના માતા-પિતાને જણાવી અને પોલીસે ફરિયાદ નોંધી.

ભાવનગરના પાલિતાણામાં 12 વર્ષની કિશોરી સાથે સામૂહિક દુષ્કર્મની બની ઘટના 

ભાવનગરના પાલિતાણામાં 12 વર્ષની કિશોરી સાથે સામૂહિક દુષ્કર્મની ઘટના બનતા પોલીસ દોડતી થઈ છે,પાંચમાં ધોરણમાં ભણતી કિશોરી સાથે આ ઘટના બની છે જેને લઈ પોલીસે તપાસ હાથધરી છે,મહત્વનું છે કે આ સમગ્ર ઘટનામાં હજી આરોપીઓ પોલીસ પકડની બહાર છે,પોલીસે પોકસો અને દુષ્કર્મ અંતર્ગત ગુનો નોંધ્યો.

કોર્ટે 2 દિવસના રિમાન્ડ કર્યા મંજૂર

મણિનગર પીઆઈ ડી.પી. ઉનડકટ, પીએસઆઈ એસ .આઈ.પટેલ દ્વારા પકડાયેલ આરોપી દ્વારા કરવામાં આવેલ કબૂલાતની ખરાઇ કરવા, આ ગુન્હામાં બીજા કોણ કોણ આરોપીઓ સંડોવાયેલ છે...? આરોપી દ્વારા પોતાની પોલીસ તરીકે ઓળખ આપી, ગુજરાતના બીજા ક્યાં ક્યાં વિસ્તારમાં ગુન્હાઓ આચરેલા છે..? વિગેરે મુદાઓ સબબ નામદાર કોર્ટમાં દિન 05ના પોલીસ રિમાન્ડ માટે રજૂ કરતા, નામદાર કોર્ટ દ્વારા દિન 02ના  પોલીસ રિમાન્ડ મેળવી, વધુ તપાસ હાથ ધરવામાં આવેલ છે. પકડાયેલ આરોપી દ્વારા ઉપરોક્ત ઇસમે પોલીસના નામે કે મામલદારના નામે જો કોઇની સાથે છેતરપીંડી કરેલ હોય તો,  મણિનગર પોલીસ સ્ટેશન પો.ઇ.શ્રી ડી.પી.ઉનડકટ મો.૯૦૯૯૦૨૭૧૧૩ તથા પો.સબ.ઇન્સ.એસ.આઇ.પટેલ મો.૯૮૨૫૪૪૬૪૫૨ ઉપર સંપર્ક કરવા અમદાવાદ શહેરની જાહેર જનતાને અપીલ પણ કરવામા આવેલ છે..

આરોપીએ ભાડાના મકાન માલિક સાથે પણ ફંદો કર્યો 

પકડાયેલ આરોપી કિરીટ બાબુભાઈ અમીન હાલમાં ઘોડાસર વિસ્તારમાં ફ્લેટ ખાતે રહેતો હોઈ, પરંતુ ફ્લેટ માલિક સાથે ભાડા બાબત બાબતે તકરાર થતા, ફ્લેટ માલિક દ્વારા ચેક રિટર્નની ફરિયાદ કરતા નામદાર કોર્ટમાંથી વોરંટ પણ નીકળેલ હોય, પોતે ભવ્ય હોટલમાં રહેતો હોવાનો બચાવ કરેલ હતો. આરોપીની પ્રાથમિક તપાસ દરમિયાન પકડાયેલ આરોપી મણિનગર ખાતે આવેલ ભવ્ય હોટલ ખાતે છેલ્લા બે માસથી રહેતો હોવાની વિગતો મળેલ અને ત્યાં ત્રણ ચાર ટૂંકા વાળ વાળા ઈસમો અવાર નવાર મળવા આવતા હોવાનું અને બહાર જતા હોવાની વિગતો મળતા, આ આરોપી સાથે અન્ય કોઈ આરોપીઓ સંડોવાયેલ હોવાની શક્યતા આધારે મણિનગર પોલીસ દ્વારા વધુ તપાસ હાથ ધરવામાં આવેલ છે.

પોલીસે કરી મોટી કામગીરી 

આ સિવાય પોતાના ઉપર ઠાસરા, રામોલ, કેરાલા જીઆઇડીસી, હિંમતનગર, ધરમપુર સહિતના પોલીસ સ્ટેશનો ખાતે ડુપ્લીકેટ પોલીસ તરીકેના ગુન્હાઓમાં પણ ધરપકડ કરવામાં આવેલ છે. રામોલ પોલીસ સ્ટેશન ખાતેના ગુન્હામાં પોતાની પત્ની ભાવનાબેન કિરીટકુમાર અમીનની પણ ધરપકડ પણ કરવામાં આવેલ હતી. વલસાડ જિલ્લાના ધરમપુર ખાતે એકના ડબલ કેસના મુખ્ય સૂત્રધાર યુનુસ મેમણ (તળાજા, ભાવનગર), અમદાવાદ શહેરના પોલીસ કોન્સ. જિતેન્દ્ર રમણભાઈ પંડ્યા (ઓરિજનલ પોલીસ), તથા સહ આરોપીઓ મહેશ વાઘેલા તેમજ શરીફસિંહ ચૌહાણ (કરજણ) સાથે મળી, રૂ. 40 લાખની છેતરપિંડી આચરવામાં આવેલ હતી. પકડાયેલ આરોપ કિરીટ બાબુભાઇ અમીન પોતાના સહ આરોપીઓ સાથે રૂપિયા ડબલ કરવાની લાલચ આપી, ફરિયાદીને રૂપિયા સાથે બોલાવી, સહ આરોપીઓ પોલીસના સ્વાંગમાં રેઇડ કરી, પોલીસની રેઇડ થઈ હોવાનું જણાવી, ફરિયાદીને ભગાડી, ડબલ કરવા લાવેલ રૂપિયા લઈને રફુચક્કર થવાની મોડસ ઓપરેન્ડીથી ગુનાઓ આચરતા હોવાની કબૂલાત પણ કરવામાં આવેલ છે.

આરોપી કિરીટકુમાર બાબુભાઇ અમીન

પકડાયેલ આરોપી કિરીટકુમાર બાબુભાઇ અમીનની પૂછપરછ કરવામાં આવતા, પોતે એમ. એ., બી.એડ. તથા પીટીસી સુધી અભ્યાસ કરવામાં આવેલ છે. આરોપીના કહેવા પ્રમાણે પોતાને પોલીસ બનવાનો શોખ હોય, પોતે સને 2012 ની સાલમાં પોલીસ ભરતીમાં કોન્સ. તરીકે પસંદગી પામેલ હતો પરંતુ, પોતાની સ્ત્રી મિત્રને પોલીસ ખાતું પસંદ ના હોય, પોતે હાજર થયેલ ના હતો. ત્યારબાદ 2014 ની સાલમાં તાલુકા કિયોન્સ એક્ઝિક્યુટિવ તરીકે છ તાલુકાના ઇન્ચાર્જ તરીકે કોન્ટ્રાક્ટ બેઇઝ ઉપર નોકરી મળેલ હતી અને આ નોકરી દરમિયાન આશરે 3000 જેટલા પીએમ યોજનાના ડુપ્લીકેટ કાર્ડ બાબતે કૌભાંડ થતાં, પોતાના ઉપર તથા પોતાની સાથે નોકરી કરતા વિનોદ વણઝારા, ભાનુબેન પંડ્યા સહિતના કર્મચારીઓ ઉપર ગુન્હો નોંધાયેલ, જેમાં પોતાની તથા બીજા આરોપીઓની ધરપકડ કરવામાં આવેલ હતી. 

અલગ-અલગ પોલીસ સ્ટેશનમાં નોંધાયા છે ગુનો 

પકડાયેલ હોવાની વિગતો, પોકેટ કોપ એપ્લિકેશન દ્વારા જાણવા મળેલ હતી. પોકેટ કોપ એપ્લિકેશન આધારે આ પકડાયેલ આરોપી રીઢો અને આંતર જીલ્લા આરોપી નીકળેલ હતો અને પોકેટ કોપ એપ્લિકેશન દ્વારા આરોપી આશરે 06 (અડધો ડઝન) વખત વડોદરા શહેર, આણંદ જિલ્લા અને અમદાવાદ શહેરના જુદા જુદા પોલીસ સ્ટેશન ખાતે પકડાઈ ચૂક્યો હોવાની પોલ ખોલી નાખતા, આરોપી ક્ષોભજનક પરિસ્થિતિમાં મુકાઈ ગયેલ હતો અને લુલો બચાવ પણ કરવા લાગેલ હતો. આમ, પોકેટ કોપ એપ્લિકેશન દ્વારા ગુન્હાઓમાં પકડાયેલ આરોપીના ગુનાહિત ઇતિહાસ બાબતે વિગતો આંગળીના ટેરવે હાથ લાગતાં, પોકેટ કોપ એપ્લિકેશન પોલીસ માટે ખૂબ જ આશીર્વાદ સમાન સાબિત થયેલ છે..

આરોપી ગુનાહિત ઈતિહાસ ધરાવે છે

જે ડિવિઝન એસીપી પ્રદીપસિંહ જાડેજાના માર્ગદર્શન હેઠળ મણિનગર પોલીસ સ્ટેશનના પીઆઇ ડી.પી. ઉનડકટ, પીએસઆઇ એસ.આઈ.પટેલ, તથા સ્ટાફના હે.કો. મહેન્દ્રસિંહ, કિરીટસિંહ, દોલાભાઈ અર્જુનસિંહ, પો . કો. અનિલભાઈ, રાહુલસિંહ, સહિતના પોલીસ સ્ટાફની ટીમ દ્વારા પકડાયેલ આરોપી  કિરીટકુમાર સ/ઓ બાબુભાઇ અમીન બાબતે પોકેટ કોપ એપ્લિકેશનમાં સર્ચ કરવામાં આવતા તેમજ રેકર્ડ ઉપર ખાતરી કરતા, આ ગુન્હામાં પકડાયેલ આરોપી સને 2016 થી આજદિન સુધી મોડાસા જિલ્લાના મોડાસા ટાઉનમાં 01, ખેડા જિલ્લાના ઠાસરા ના 01, અમદાવાદ શહેર રામોલ પોલીસ સ્ટેશન ખાતે 02, સાબરકાંઠા જિલ્લાના હિંમતનગર ખાતે 01, અમદાવાદ જિલ્લાના કેરાલા જીઆઇડીસી ખાતે 01, વલસાડ જિલ્લાના ધરમપુર પોલીસ સ્ટેશન ખાતે 01 મળી, કુલ 08 જેટલા ડુપ્લીકેટ પોલીસના ગુનાઓમાં ઝડપાયો છે.

આરોપી ઘોડાસરનો રહેવાસી

આરોપી કિરીટકુમાર સ/ઓ બાબુભાઇ જેઠાભાઇ અમીન ઉવ. 36 રહે. એ/૬૦૧, એમ્પાયર હાઈટ્સ ફ્લેટ, કોન્ફી હોટલની બાજુમાં, ઘોડાસર ચાર રસ્તા પાસે, ઇસનપુર, અમદાવાદ શહેર મુળ રહે. બી-૮, વાત્રક સિંચાઇ કોલોની, એસ.ટી.બસ સ્ટેન્ડની પાછળ, મોડાસા તા.મોડાસા જી.અરવલ્લી મુળ વતન ગામ હેલોદર તા.માલપુર જી.અરવલ્લી નાને પકડી, તેની પાસેથી પોલીસ તરીકેના બે નકલી આઇ કાર્ડ તથા ડે.મામલતદાર તરીકેના એક નકલી આઇ કાર્ડ તથા હોન્ડા એક્ટીવા નંબર જીજે-01-LD-087 કિંમત રૂ. 15,000/- તથા મોબાઇલ ફોન કિઁમત રૂ. 10,000/- મળી, રૂ. 25,000/- ના મુદ્દામાલ સાથે પકડી પાડી, ધરપકડ કરવામાં આવેલ છે. પકડાયેલ આરોપી પાસેથી બે પોલીસ અને એક રેવન્યુ ના પોલીસ અધિકારી તથા કર્મચારીના ડુપ્લીકેટ કાર્ડ મળી આવતા, મણિનગરના એ .એસ.આઈ. મહેન્દ્રસિંહ દ્વારા સરકાર તરફે ફરિયાદી બની, ખોટા દસ્તાવેજો બનાવવા, તેનો ખરા તરીકે ઉપયોગ કરવા તથા રાજ્ય સેવકનો હોદ્દો ધારણ કરવા બાબતે મણિનગર પોલીસ સ્ટેશન ખાતે ફરિયાદ દાખલ કરાવવામાં આવેલ છે.

વાહન ચેકિંગ દરમિયાન ઝડપાયો આરોપી

જે ડિવિઝન એસીપી પ્રદીપસિંહ જાડેજાના માર્ગદર્શન હેઠળ મણિનગર પોલીસ સ્ટેશનના પીઆઇ ડી.પી. ઉનડકટ, પીએસઆઇ એસ.આઈ.પટેલ, તથા સ્ટાફના હે.કો. મહેન્દ્રસિંહ, કિરીટસિંહ, દોલાભાઈ અર્જુનસિંહ, પો . કો. અનિલભાઈ, રાહુલસિંહ, સહિતના પોલીસ સ્ટાફની ટીમ દ્વારા બાતમી હકીકત આધારે તેમજ વાહન ચેકીંગ દરમિયાન એક ઇસમ એક્ટિવા મીટર સાયકલ સાથે શંકાસ્પદ હાલતમાં મળતા, તેના વાહન અને નામ આધારે પોકેટ કોપ એપ્લિકેશનમાં સર્ચ કરવામાં આવતા, વાહન કોઈ બીજાના નામે હોય તેમજ મળી આવેલ ઇસમનો ગુન્હાહીત ઇતિહાસ ભૂતકાળમાં ગુનાઓ આચરેલ હોવાનું જણાઈ આવ્યું છે.

અમદાવાદના મણિનગરમાં નકલી નાયબ મામલતદાર અને પોલીસના આઈ-કાર્ડ સાથે રીઢો આરોપી ઝડપાયો

અમદાવાદ શહેરના પોલીસ કમિશ્નર જ્ઞાનેન્દ્ર સિંઘ મલિક તથા સંયુક્ત પોલીસ કમિશ્નર, સેક્ટર 02  જયપાલ સિંહ રાઠોડ, નાયબ પોલીસ કમિશનર, ઝોન 06  રવિ મોહન સૈની  દ્વારા અમદાવાદ શહેરમાં વાહન ચેકીંગ અને ખાસ ઝુંબેશ દરમિયાન ગુજરાત સરકાર દ્વારા ઈ ગુજકોપ અંતર્ગત શરૂ કરવામાં આવેલ પોકેટ કોપ પ્રોજેક્ટ નો ઉપયોગ કરવા શહેરના તમામ થાણા અમલદારોને ખાસ સુચનાઓ કરવામાં આવેલ છે.

ખેતીવાડી અધિકારીનો કરો સંપર્ક 

દવાની અસરકારકતા વધારવા માટે સ્ટીકરનો ઉપયોગ અવશ્ય કરવો. ઉભા પાકમાં ઉધઈનો ઉપદ્રવ જણાય તો ક્લોરપાયરીફોસ ૨૦ ઈસી પ્રતિ હેક્ટરે ૨.૫ લિટર પ્રમાણે રેતી સાથે ભેળવી પૂંખીને અથવા પિયત સાથે આપવું. વધુમાં દવાના વપરાશ વખતે દવા ઉપર આપવામાં આવેલ લેબલ મુજબ જે તે પાક માટે તે ભલામણમાં જણાવ્યા મુજબની કાળજીઓ રાખવા અને અનુસરવા જણાવવામાં આવે છે.આ અંગે વધુ જાણકારી આપના વિસ્તારના ગ્રામસેવક/ વિસ્તરણ અધિકારી/ ખેતી અધિકારી/ તાલુકા અમલીકરણ અધિકારી/ મદદનીશ ખેતી નિયામક/ જિલ્લા ખેતીવાડી અધિકારી/ નાયબ ખેતી નિયામક(વિસ્તરણ)/ નાયબ ખેતી નિયામક(તાલીમ)નો સંપર્ક કરવા વધુમાં યાદીમાં જણાવ્યું છે.

રાસાયણિક નિયંત્રણનો ઉપયોગ કરો 

કથીરીના નિયંત્રણ માટે વેટેબલ સલ્ફર ૨૦ ગ્રામ અથવા ફેનપાયરીકઝીમેટ ૫ ઇસી ૧૦ મિ.લિ. અથવા ફેનાઝાક્વિન ૧૦ ઈસી ૧૦ મિ.લિ. અથવા પ્રોપરગાઈટ ૫૭ ઇસી ૧૦ મિ.લિ. ૧૦ લિટર પાણીમાં ભેળવી બે છંટકાવ કરવા. બીજો છંટકાવ દસ દિવસ બાદ કરવો. લીલી ઈયળો/લશ્કરી ઈયળો વીણીને ક્લોરપાયરીફોસ ૨૦ ઈસી ૫ મિ.લિ. ૨ લિટર પાણીમાં અથવા કેરોસીનવાળા પાણીના દ્રાવણમાં નાખી નાશ કરવો. લીલી ઈયળ અને લશ્કરી ઈયળના રાસાયણિક નિયંત્રણ માટે ક્વિનાલફોસ ૨૫ ઇસી ૨૦ મિ.લિ. અથવા ક્લોરપાયરીફોસ ૨૦ ઇસી ૨૦ મિ.લિ. ૧૦ લિટર પાણીમાં ભેળવી છંટકાવ કરવો. 

ઝેરી દવાઓનાં છંટકાવ ટાળવો

બીજ માસાલાના પાકોમાં ડાળિયા, સીરફીડ માખીના કીડા અને કાયસોપર્લા નામના પરભક્ષી કીટકો કુદરતી રીતે મોલોનું ભક્ષણ કરતા હોવાથી આવા ઉપયોગી પરભક્ષીઓની વસ્તી વધારે હોય ત્યારે ઝેરી દવાઓનાં છંટકાવ ટાળવો. વરિયાળીની મોલોના રાસાયણિક નિયંત્રણ માટે ઇમીડાકલોપીડ ૧૭.૮ એસએલ ૪ મિ.લિ. ૧૦ લિટર પાણીમાં ભેળવી છંટકાવ કરવો અને થ્રીપ્સના નિયંત્રણ માટે એસીફેટ ૭૫ એસપી ૧૦ ગ્રામ ૧૦ લિટર પાણીમાં ઉમેરી બે છંટકાવ કરવા. બીજો છંટકાવ ૧૫ દિવસ પછી કરવો.

બીજ મસાલાના પાકોમાં મધમાખી આવે જ 

બીજ મસાલાના પાકોમાં ફૂલ અવસ્થાએ મધમાખી આવન જાવન જોવા મળે છે. તેથી ફૂલ અવસ્થાએ જંતુનાશકોનો છંટકાવ ટાળવો અથવા વનસ્પતિજન્ય દવા છાંટી શકાય. ચૂસિયા જીવાતોના નિયંત્રણ માટે લીંબોળીના મીંજનો ભૂકો ૫૦૦ ગ્રામ (૫% અર્ક) અથવા લીંબોળીનું તેલ ૩૦ મિ.લિ. ૧૦ લિટર પાણીમાં ભેળવી બે છંટકાવ કરવા. બેસીલસ થુરીન્જીન્સીસ નામના જીવાણુંનો પાવડર (૨ ગ્રામ/લિટર) અથવા લીલી ઈયળ (૨૫૦ એલઈ/હે) અને લશ્કરી ઈયળ (૪૫૦ એલઈ/હે)ના એનપીવીનો ઉપયોગ કરવો. આ દવાઓની સાથે સાબુ કે કપડા ધોવાનો પાવડર ૧ ગ્રામ/લિટર પાણી પ્રમાણે ઉમેરો કરવો. જેથી વરિયાળી કે જીરૂના પાન લીસાં હોવાથી આ દવાઓ પ્રસરીને ચોંટી શકે. આ દવાઓ હંમેશા ઢળતી સાંજે છાંટવી જોઈએ.

ઈયળનો ત્રાસ હોય તો કરો આ કામ

મોલો અને સફેદમાખીનાં પરિક્ષણ માટે પીળા ચીકણા પીંજર પ્રતિ હેકટરે ૧૦ પ્રમાણે ગોઠવવા. લીલી ઈયળ અને લશ્કરી ઈયળનાં આક્રમણની જાણકારી રાખવા હેકટરે ૮-૧૦ની સંખ્યામાં જે તે જીવાતના ફેરોમોન ટ્રેપ ગોઠવવા. પક્ષીઓને બેસવા ટેકા/બેલીખડા પ્રતિ હેક્ટરે ૫૦ની સંખ્યામાં ગોઠવવાથી પક્ષીઓ દ્રારા ઈયળો અને ફૂદીનું ભક્ષણ થાય છે. લશ્કરી ઇયળોના ઈંડાંના સમૂહ અને જૂથમાં રહેતી લશ્કરી ઇયળોને વીણીને નાશ કરવો. લીલી ઇયળના નિયંત્રણ માટે ટ્રાઈકોગ્રામા ભમરી ૧.૫ લાખ/ હેક્ટરે છોડવી.

પાનકોરીયાનો વધુ ઉપદ્રવ 

બીજ મસાલાના પાકોમાં મોલોનો ઉપદ્રવ દેખાયેથી શકય હોય ત્યાં મોલો ઉપદ્રવિત ભાગોને કાપી લઇ નાશ કરવો. પાનકોરીયાનો ઉપદ્રવ દેખાયેથી પાકની શરુઆતની અવસ્થાએથી જ નુકસાન પામેલા પાન તોડીને નાશ કરવો જેથી ઉપદ્રવ ઘટાડી શકાય. પાકમાં પાણી ખેંચાય ત્યારે પાનકોરીયાનો વધુ ઉપદ્રવ જોવા મળે છે જેથી પાકને સમયસર પાણી આપવુ.

બીજ મસાલાના ઊભા પાકોમાં સંકલિત જીવાત વ્યવસ્થાપન માટે માર્ગદર્શિકા જાહેર કરાઈ

બીજ મસાલાના ઊભા પાકમાં મોલો, થ્રીપ્સ, તડતડીયાં જેવી ચૂસિયાં જીવાતો તેમજ લીલી ઈયળ, લશ્કરી ઈયળ, પાનકોરિયું જેવી ચાવીને ખાનાર જીવાતોના સંકલિત વ્યવસ્થાપન માટે વાવણી બાદ લેવાના પગલાં બાબતે ખેડૂતોને માહીતગાર કરવા જિલ્લા ખેતીવાડી અધિકારી તરફથી બીજ મસાલાના ઊભા પાકોમાં સંકલિત જીવાત વ્યવસ્થાપન માટે વાવણી બાદ લેવાના પગલાં અંગે માર્ગદર્શિકા જાહેર કરવામાં આવી છે.

ગુજસીટોક એક્ટ શું છે

ધી ગુજરાત કંટ્રોલ ઓફ ટેરરિઝમ એન્ડ ઓર્ગેનાઈઝડ ક્રાઇમ એકટ એટલે કે, ગુજસીટોક કાયદો ગેંગ બનાવી લોકોને રંજાડતા તેમજ આતંકવાદી પ્રવૃતિમાં સંડોવાયેલા લોકો સહિતના લોકો માટે બનાવાયેલો કાયદો છે. આ કાયદા અંતર્ગત પકડાયેલા આરોપીઓને પાંચ વર્ષની કેદથી માંડી આજીવન કારાવાસ સુધીની સજાની જોગવાઈ છે. સામાન્ય કેસમાં 90 દિવસમાં ચાર્જશીટ કરવી પડે છે. જ્યારે આ એકટ મુજબના ગુનામાં છ મહિના સુધી ચાર્જશીટ કોર્ટમાં ફાઈલ કરી શકાય છે. આ એકટ મુજબ એસપી કક્ષાના અધિકારી સમક્ષ લેવાયેલી જુબાની સીઆરપીસી 164 મુજબ મેજિસ્ટ્રેટ સમક્ષ લેવાયેલા નિવેદનની સમકક્ષ ગણાય છે.

વડોદરામાં પણ ગુજસીટોક હેઠળ કાર્યવાહી કરાઈ આરોપીઓ સામે 

વડોદરા શહેરમાં હત્યાની કોશિશ, ખંડણી, લૂંટ, મારામારી, ચોરી ધાક-ધમકી, સહિતના ગુનાઓ આચરનારા હુસૈન સુન્ની સહિત 9 આરોપીઓ સામે વડોદરા ક્રાઇમ બ્રાન્ચે ગુજસીટોકનું શસ્ત્ર ઉગામ્યું છે. પોલીસે તમામ વિરૂદ્ધ ગુજસીટોક (Gujarat Control of Terrorism and Organized Crime Act 2015 અંતર્ગત ગુનો નોંધીને વધુ કાર્યવાહી શરૂ કરી છે. આ ગેંગ પોતાનું વર્ચસ્વ રાખવા માટે દારૂ અને જુગારની પ્રવૃત્તિઓ કરતી હતી.

14 આરોપીઓને રાઉન્ડ અપ કર્યા

ગીર સોમનાથમાં પ્રથમવાર પોલીસે એક સાથે 14 આરોપીઓ સામે ગુજસીટોક હેઠળ કાર્યવાહી કરી છે જેમાં ગેંગ વિરુદ્ધ 10 વર્ષમાં 194 જેટલા ગુના નોંધાયા છે જેમાં શરીફ ચીનોઈ અને વસીમ ભૂરો ગેંગનો લીડર હોવાનું સામે આવ્યું છે,તુરક સમાજનો પ્રમુખ જાવિદ તાજવણી પણ ગેંગનો સભ્ય છે તો જિલ્લામાં 4થી વધુ ગુજસીટોક અંતર્ગત ગુના નોંધાયા છે.આ ગેંગ ચોરી અને ખંડણીના ગુના સાથે સંકળાયેલી છે સાથે સાથે ગેંગના અન્ય આરોપીઓ પણ હત્યા જેવા ગંભીર ગુનામાં સંકળાયેલા છે. 

ગીર સોમનાથના વેરાવળની વાંદરી ગેંગના 14 આરોપીઓ સામે ગુજસીટોક હેઠળ નોંધાયો ગુનો

ગીર સોમનાથમાં ગુજસીટોક હેઠળ પોલીસે મોટી કાર્યવાહી કરી હોવાની વાત સામે આવી છે જેમાં પ્રથમવાર 14 શખ્સો 194 ગુનામાં પોલીસ સંકજામાં ફસાયા છે જેને લઈ પોલીસે મોટી કાર્યવાહી કરી છે.વેરાવળની વાંદરી ગેંગ વિરુદ્ધ ગુજસીટોકની કાર્યવાહી કરવામાં આવતા સ્થાનિકોમાં પણ ખુશી જોવા મળી છે.

મહોત્સવને લઈ કરાઈ ચર્ચા

આ બેઠકમાં જિલ્લા કલેકટરે વિવિધ વિભાગોને સોંપવામાં આવેલી કામગીરી અંગે સમીક્ષા તથા જરૂરી સૂચનો કર્યા હતા. જેમાં ૫૦૦ થી વધુ બસનું સંચાલન, સ્વચ્છતા જળવાય, પાણી અને પાર્કિંગની વ્યવસ્થા, પ્રચાર પ્રસાર વગેરે બાબતે ચર્ચા કરાઈ હતી. આ પરિક્રમા મહોત્સવની વ્યવસ્થા જાળવવા માટે અલગ અલગ સમિતિઓ બનાવવામાં આવી છે. આ બેઠકમાં અંબાજી વહીવટદાર અને અધિક કલેક્ટર  કૌશિક મોદી દ્વારા સમગ્ર કામગીરીનું પ્રેઝન્ટેશન રજૂ કરાયું હતું. બેઠકમાં વિવિધ વિભાગના અધિકારીઓ ઉપસ્થિત રહ્યા હતા.

મોટી સંખ્યામાં આવશે ભકતો 

પવિત્ર યાત્રાધામ અંબાજી ખાતે યોજાનાર 'શ્રી ૫૧ શક્તિપીઠ પરિક્રમા મહોત્સવ-૨૦૨૫'માં આદ્યશક્તિ મા અંબાના દર્શને આવનારા લાખો શ્રદ્ધાળુઓને એક જ સ્થળે અને એક સાથે ૫૧ શક્તિપીઠના દર્શનનો લાભ મળશે. આ વર્ષે યોજાનાર આ મહોત્સવમાં ગુજરાત તથા અન્ય રાજ્યોમાંથી મોટી સંખ્યામાં શ્રદ્ધાળુઓ ઉમટી પડશે. આ મહોત્સવમાં ખૂબ મોટી સંખ્યામાં શ્રદ્ધાળુઓ પરિક્રમા કરવા માટે આવશે ત્યારે આટલી મોટી સંખ્યામાં આવતા ભક્તોની તમામ સગવડો અને વ્યવસ્થાઓ સચવાય એ પ્રકારની તૈયારીઓ અને આયોજન વહીવટી તંત્ર દ્વારા કરવામાં આવશે. 

બનાસકાંઠાના અંબાજી મંદિરમાં 51 શકિતપીઠ પરિક્રમા મહોત્સ-2025નું આયોજન કરાયું

ગુજરાત સરકાર, ગુજરાત પવિત્ર યાત્રાધામ વિકાસ બોર્ડ તથા શ્રી આરાસુરી અંબાજી માતા દેવસ્થાન ટ્રસ્ટના સંયુક્ત ઉપક્રમે પવિત્ર યાત્રાધામ અને આદ્યશક્તિપીઠ અંબાજી ખાતે આગામી ૯ થી ૧૧ ફેબ્રુઆરી દરમિયાન 'શ્રી ૫૧ શક્તિપીઠ પરિક્રમા મહોત્સવ-૨૦૨૫'નું આયોજન કરાશે.આ મહોત્સવના સુચારુ, સુવ્યવસ્થિત અને સુંદર આયોજન તથા વ્યવસ્થાઓના ભાગરૂપે કરવાની થતી કામગીરી માટે પાલનપુર કલેક્ટર કચેરી, સભાખંડ ખાતે જિલ્લા કલેકટર મિહિર પટેલના અધ્યક્ષસ્થાને વિવિધ અધિકારીઓ સાથે બેઠક યોજાઇ હતી.

રેકી કરીને ચોરી થઈ હોવાનું પ્રાથમિક અનુમાન 

કોઈએ રેકી કરીને પહેલા ગયું હોય બાકી અજાણ્યું હોય તો એકદમ ખ્યાલ ન હોય કે દુકાનમાં કઈ જગ્યાએ કેમેરા છે. લગભગ 35 કિલોની આસપાસ સોના ચાંદીના દાગીનાની ચોરી થઈ છે. અમારી અપેક્ષા છે કે અમને અમારો મુદ્દામાલ મળી જાય કારણ કે અમારી જીવનભરની પુંજી છે. અઠવાડિયા પહેલા પણ અહીં નજીકમાં એક આવો બનાવ બન્યો હતો પણ એ વખતે આજુબાજુ મજૂરો કામ કરતા હતા એટલે જાગી ગયા અને ચોરો એમના કામમાં સફળ ના થઈ શક્યા. માત્ર તાળું તોડીને નીકળી ગયા હતા. 

ડોગ સ્કોર્ડની લીધી મદદ 

સમગ્ર ઘટનાની જાણ થતાની સાથે જ પોલીસનો કાફલો અને અધિકારીઓ ઘટના સ્થળે પહોંચ્યા હતા અને તપાસનો ધમધમાટ શરૂ કર્યો હતો સાથે સાથે ડોગ સ્કોર્ડની પણ મદદ લેવામાં આવી હતી.35 હજાર 550 કિલોગ્રામ ચાંદીના વાસણો, ભગવાનની મૂર્તિઓ અને હીરાની વીંટીની ચોરી થઈ હોવાની વાત સામે આવી છે,પોલીસની અલગ-અલગ ટીમો આ મામલે તપાસ કરી રહી છે અને ટૂંક સમયમાં આરોપીઓને પોલીસ ઝડપી લેશે તેવું રટણ કરી રહી છે.

18 લાખના દાગીનાની ચોરી

માંજલપુરમાં જવેલર્સમાં મોડી રાત્રે તસ્કરો ચોરી કરીને ફરાર થઈ ગયા હતા,જવેલર્સમાંથી 18 લાખના દાગીનાની ચોરી કરી હોવાની વાત સામે આવી છે ત્યારે તસ્કરોએ સીસીટીવી પર સ્પ્રે માર્યુ અને ત્યારબાદ ચોરી કરી હતી બે થી ત્રણ તસ્કરો દુકાનમાં પ્રવેશ્યા અને એક તસ્કરે સ્પ્રે માર્યુ અને બાકીના તસ્કરો ચોરી કરીને ફરાર થયા હતા,દુકાનનું તાળુ તોડીને આ ચોરી કરવામાં આવી છે,શો રૂમના માલિકે માંજલપુર પોલીસ સ્ટેશનમાં ફરિયાદ નોંધાવી છે.

વડોદરામાં તસ્કરોએ સીસીટીવી પર સ્પ્રે માર્યા બાદ કરી રૂપિયા 18 લાખની ચોરી 

વડોદરા પોલીસના નાઈટ પેટ્રોલિંગના દાવા પોકળ સાબિત થયા છે,ઠંડીની સિઝનમાં તસ્કરોને જાણે મજા પડી ગઈ હોય ચોરી કરવામાં એવું લાગી રહ્યું છે,માંજલપુર વિસ્તારમાં આવેલ માનસી જવેલર્સમાં તસ્કરોએ રૂપિયા 18 લાખની ચોરી કરીન તસ્કરોને ખુલ્લો પડકાર ફેંકયો છે,ત્યારે પોલીસ આરોપી સુધી કેટલા સમયમાં પહોંચશે તે જોવાનું રહેશે.

સુરતમાં યુવક આપઘાત કરવા બ્રિજ પર ચઢ્યો

દિલ્હી ગેટ ફ્લાય ઓવર બ્રિજની ઘટના,પત્ની સાથે ઝઘડો થતા આપઘાત કરવા ગયો,મહિધરપુરા પોલીસે યુવકને બચાવ્યો,આર્થિક તકલીફના કારણે ઘરમાં કંકાસ થયો હતો,સોશિયલ મીડિયામાં વીડિયો થયો વાયરલ

જાન્યુઆરીમાં સંકલન સમિતિની બેઠક મળશે

જાન્યુઆરી-૨૦૨૫ના માસની બોટાદ જિલ્લા સંકલન અને ફરીયાદ સમિતિની બેઠક તા.૧૭/૦૧/૨૦૨૫ને શુક્રવારના રોજ ૧૧-૦૦ કલાકે પદાધિકારીઓ સાથે ત્યારબાદ ૧૧-૩૦ કલાકે અધિકારીઓ સાથે યોજાશે.આ જિલ્લા સંકલન અને ફરિયાદ સમિતિની બેઠકમાં રજુ કરવાના પ્રશ્નો તા.૧૦/૦૧/૨૦૨૫ સુધીમાં રજાના દિવસો સિવાય કલેક્ટર કચેરી, બોટાદ ખાતે સ્વીકારવામાં આવશે. જેની નોંધ લેવા નિવાસી અધિક કલેક્ટર પી.એલ.ઝણકાત દ્વારા જણાવવામાં આવે છે.

રખડતા ઢોર પણ ઝડપાયા

આ ઉપરાંત બોટાદ નગરપાલિકા વિસ્તારમાંથી ડીસેમ્બર-૨૦૨૪ માસમાં કુલ-૧૬૨ રખડતા પશુઓ પકડીને બોટાદ જિલ્લાની જુદી-જુદી ગૌશાળામાં મોકલી આપવામાં આવ્યા હતા. તથા પ્રતિબંધિત પ્લાસ્ટિકના વપરાશ સામે કુલ-૨૨૨ વેપારીઓ પાસેથી રૂ.૨૩૩૫૦/-નો વહીવટી ચાર્જ સ્થળ પર વસુલ કરી, અંદાજે ૧૯ કિલો પ્રતિબંધિત પ્લાસ્ટિક જપ્ત કરવામાં આવ્યું હતું.વધુમાં, જાહેર રસ્તા/જાહેર સ્થળો તથા નદીમાં ગંદકી ન કરવા નગરપાલિકા તંત્ર દ્વારા બોટાદ જિલ્લાની જનતાને અનુરોધ કરવામાં આવે છે.

કોર્ટે 3 દિવસના વધુ રિમાન્ડ મંજૂર કર્યા

મહાઠગ ભૂપેન્દ્રસિંહ ઝાલાના વધુ 3 દિવસના રિમાન્ડ આજે કોર્ટે મંજૂર કર્યા હતા,અમદાવાદ ગ્રામ્ય કોર્ટે ઝાલાના રિમાન્ડ મંજૂર કર્યા છે,બીજી તરફ સીઆઈડી ક્રાઈમે ઝાલાના 6 દિવસના રિમાન્ડ માંગ્યા હતા અને કોર્ટે 3 દિવસના રિમાન્ડ મંજૂર કર્યા હોવાની વાત સામે આવી છે,રિમાન્ડ પૂર્ણ થતા ભૂપેન્દ્ર ઝાલાને કોર્ટમાં કરાયો હતો રજૂ.. કોર્ટે અગાઉ તેના સાત દિવસના રિમાન્ડ,ઝાલા મહેસાણાના દવાડા ગામની સીમમાં આવેલા એક ફાર્મ હાઉસમાંથી ઝડપાયો હતો.

બીઝેડ ગ્રૂપમાં મોટા લોકોએ પણ રોકાણ કર્યા રૂપિયા

બીઝેડ ફાઇનાન્સની વેબસાઇટ મુજબ બીઝેડમાં 11,232 રોકાણકારો છે, જેઓએ 422.96 કરોડનું રોકાણ કર્યું છે. તે રોકાણકારોને મહિને ત્રણ ટકા વ્યાજની લાલચ આપતો હતો. આરોપીએ કરેલા રોકડ વ્યવહારોની તપાસ જરૂરી છે. બીઝેડના એજન્ટોને માર્કેટિંગ ચેઇન મુજબ 1 ટકા, 0.50 ટકા, 0.25 ટકા, 0.10 ટકા મુજબ અનુક્રમે કમિશન મળતું હતું. આ કેસમાં કેટલા એજન્ટ છે અને તેમની વિરુદ્ધ પુરાવા મેળવવા તપાસ કરવાની બાકી છે. આરોપીના લેપટોપ ટેલીમાં હિસાબો રહેતા હતા. 

પહેલું રોકાણ મોડાસાના શિક્ષકે કર્યું હોવાની ચર્ચા

આ સમગ્ર ઘટનાને લઈ વાત કરવામાં આવે તો પહેલું રોકાણ મોડાસાના શિક્ષકે કર્યું હોવાની ચર્ચા સામે આવી છે,CIDની તપાસની ગંધ ઝાલાને અગાઉથી આવી ગઈ હોવાથી તેણે વેબસાઈટને બંધ કરાવી દીધી છે,સૌથી ઓછું રોકાણ રૂપિયા 100નું કરાવી શકાતું હતું તેવી પણ સ્કીમ ચલાવતો હતો તો તેણે અત્યાર સુધીમાં રૂ.250 કરોડનું ચૂકવણું કરી દીધું છે,તો રોકાણકારોને 172 કરોડ ચૂકવવાના હજુ બાકી છે.પૈસા પરત આપવા ઝાલાની મિલકતો ટાંચમાં લેવાશે.

BZ ગ્રૂપ કૌંભાડને સમજવા માટે CID ક્રાઈમને લેવી પડી CAની મદદ

BZ ગ્રૂપ કૌંભાડના મહાઠગની ધરપકડ બાદ મોટો ખુલાસો થયો છે,જેમા કૌભાંડનો આંકડો અંદાજે રૂ. 422 કરોડ સુધી પહોંચ્યો છે સાથે સાથે નાણાંની હેરફેર કરવા 5 ખાનગી બેન્કમાં 20 ખાતા ખોલાયા હોવાની વાત સામે આવી છે,આ આખા કૌભાંડને સમજવા CID ક્રાઈમને CAની મદદ લેવી પડી છે અને સીએ મારફતે અધિકારીઓ આ કૌંભાડને હજી સમજી રહ્યાં છે.

બપોરના સમયે ગરમી પણ પડી શકે છે

ગુજરાતમાં આજે ફરીથી ઠંડીનો ચમકારો વધ્યો છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. જ્યારે બીજાથી પાંચમા દિવસે હળવાથી મધ્યમ વરસાદની સાથે વીજળીના કડાકાનું પૂર્વાનુમાન છે.

કોલ્ડવેવની શકયતા નહીવત

રાજયમાં હાલમાં કોલ્ડવેવની શકયતા નહીવત જોવા મળી છે,આગામી સમયમાં પણ રાજયમાં કોલ્ડવેવની આગાહી કરવામાં આવી નથી,રાજયમાં બેઠી ઠંડી રહેશે અને પવનો ફૂંકાશે એટલે ઠંડીનો અહેસાસ જોવા મળશે સાથે સાથે સૌરાષ્ટ્ર અને કચ્છમાં બે દિવસ ભારે ઠંડીની આગાહી કરવામાં આવી છે.વેસ્ટર્ન ડિસ્ટર્બન્સ દૂર થતા ઠંડીમાં વધારો જોવા મળ્યો છે.

તાપમાનમાં નોંધાશે ઘટાડો

સમગ્ર કાશ્મીરમાં ઠંડીના મોજાની તીવ્રતામાં વધારો જોવા મળી રહ્યો છે. હવામાન વિભાગે ચાલુ સપ્તાહમાં ફરીથી બરફ વર્ષા થવાની આગાહી વ્યક્ત કરી છે. બીજી તરફ ઉત્તર પ્રદેશના વિવિધ વિસ્તારોના મહત્તમ તાપમાનમાં પાંચ ડિગ્રી જેટલો ઘટાડો નોંધાયો છે. ત્યારે ગુજરાતમાં લઘુત્તમ તાપમાનમાં વધારો નોંધાશે તેવી હવામાન વિભાગ દ્વારા આગાહી કરવામાં આવી છે.ગુજરાતમાં અત્યારે સાત દિવસ હવામાન શુષ્ક રહેશે. આગામી ચારથી પાંચ દિવસમાં ગુજરાતના મોટાભાગના વિસ્તારોમાં તાપમાનમાં બેથી ત્રણ ડિગ્રીનો વધારો જોવા મળી શકે છે. જે બાદ ફરીથી તાપમાનમાં ઘટાડો નોંધાશે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો,અમદાવાદમાં 14.1 ડિગ્રી,વડોદરામાં 13 ડિગ્રી, ડીસામાં 13.3 ડિગ્રી,ભુજમાં 13.4 ડિગ્રી,કેશોદમાં 13.8 ડિગ્રી,રાજકોટમાં 14.2 ડિગ્રી, મહુવામાં 14.5 ડિગ્રી,ભાવનગરમાં 15.2 ડિગ્રી,વલ્લભ વિદ્યાનગરમાં 15.6 ડિગ્રી,અમરેલીમાં 15.5 ડિગ્રી, સુરેન્દ્રનગરમાં 16 ડિગ્રી,કંડલામાં 16.2 ડિગ્રી, સુરતમાં 16.8 ડિગ્રી તાપમાન નોંધાયું છે.

રાજયમાં ઠંડીનો વધ્યો ચમકારો, તાપમાનમાં 1થી 2 ડિગ્રીનો ઘટાડો 

રાજયભરમાં ઠંડીનો ચમકારો વધ્યો છે જેમા તાપમાનમાં 1થી 2 ડિગ્રીનો ઘટાડો નોંધાયો છે.નલિયા 9.0 ડિગ્રી તાપમાન સાથે સૌથી ઠંડુગાર શહેર બન્યું છે.મોટાભાગના જિલ્લાઓના તાપમાનમાં ઘટાડો નોંધાયો છે.લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

BZ ગ્રૂપની પોન્ઝી સ્કીમને લઈ મોટા સમાચાર

કૌભાંડનો આંકડો અંદાજે રૂ. 422 કરોડ સુધી પહોંચ્યો,નાણાંની હેરફેર કરવા 5 ખાનગી બેન્કમાં 20 ખાતા,કૌભાંડને સમજવા CID ક્રાઈમને CAની મદદ લેવી પડી,પહેલું રોકાણ મોડાસાના શિક્ષકે કર્યું હોવાની ચર્ચા,CIDની તપાસની ગંધ ઝાલાને અગાઉથી આવી ગઈ,તપાસની ગંધ આવતા ઝાલાએ વેબસાઈટ બંધ કરાવી,સૌથી ઓછું રોકાણ રૂ. 100 કરાવી શકાતું હતું

GPSC વર્ગ 1-2 ની પ્રિલિમ પરીક્ષાની તારીખ જાહેર 

6 એપ્રિલ 2025 ના રોજ પરીક્ષાનું પ્રિલિમ પરીક્ષા,મેઈન પરીક્ષા 13,14 તથા 20, 21 સપ્ટેમ્બરે યોજાશે,વર્ષ 2025-26 નું ભરતી કેલેન્ડર જાન્યુઆરીના અંતમાં જાહેર થશે

મહેસાણા એ ડિવિઝન PI કે.બી.પટેલની બદલી

કે.બી.પટેલના સ્થાને પી.એલ.વાઘેલાની નિમણૂક,PI પટેલના સામે સ્થાનિકોનો આક્રોશ હતો,બુટલેગર રમેશ માળીના હુમલાથી હતો આક્રોશ અસામાજિક તત્વો બેફામ બન્યા હતા,સ્થાનિકો અને ધારાસભ્યની રજૂઆત બાદ બદલી

ભાવનગરના મહુવામાંથી ગાંજાનું વાવેતર ઝડપાયું

વાઘવદરડા ગામે લીલા અને સૂકા ગાંજાનું વાવેતર ઝડપાયું.જીલુ ગોહિલ 1.91 લાખના મુદ્દામાલ સાથે ઝડપાયો,36.30 કિલો ગાંજાના છોડ, 0.98 કિલો ગાંજો જપ્ત.સમગ્ર મામલે SOGએ વધુ તપાસ હાથધરી 

અમદાવાદમાં ફલાવર શોમાં 54.30 લાખની આવક

ફ્લાવર શોમાં 2 દિવસમાં રૂ. 54.30 લાખની આવક,પહેલા દિવસે 58370 વિઝિટર્સે મુલાકાત લીધી હતી,ફ્લાવર શોના બીજા દિવસે 37356 વિઝિટર્સ નોંધાયા,VIP કેટેગરીમાં 1199 વિઝિટર્સે મુલાકાત લીધી,ફ્લાવર શોમાં VIP એન્ટ્રી ફી રૂ. 500 નક્કી કરાઈ છે,VIP કેટેગરીમાં રૂ.6.33 લાખની આવક થઈ,VIP એન્ટ્રી સવારે 9થી 10અને રાત્રે 10થી 11 વાગ્યે.

અરવલ્લીના ભીલોડામાં અકસ્માત થતાં ત્રણના મોત

અરવલ્લીના ભીલોડાના ભટેરા ગામે અકસ્માત સર્જાયો. અકસ્માતમાં બાઈક ચાલક સાથે ત્રણ લોકના મોત નીપજ્યા. અજાણ્યા વાહન ચાલકે ટક્કર મારી અક્સ્માત સર્જ્યા. બાઈક ચાલક તેમજ બાઈક સવાર અન્ય બે લોકોના મોત નીપજ્યા. અક્સ્માતમા વિજય, શંકરભાઇ, શૈલેષભાઈનાઓના મોત નીપજ્યા. અન્ય એક યુવકને ઇજાઓ પહોંચતા હાલ સારવાર અર્થે. ભીલોડા પોલીસે ગુન્હો નોંધી તપાસ હાથ ધરી.