Gujarat Latest News Updated: અમદાવાદમાં પોલીસ કોન્સ્ટેબલ 65,000ની લાંચ લેતા ઝડપાયો

યુરોપિયન યુનિયન સાથે ભાગીદારીમાં ભારતને ખાસ રસ: વિદેશ મંત્રી એસ જયશંકર

વિદેશ મંત્રી એસ. જયશંકર બે દિવસની મુલાકાતે સ્પેન પહોંચ્યા છે. વિદેશ મંત્રી તરીકે આ તેમની સ્પેનની પહેલી મુલાકાત છે. સોમવારે વૈશ્વિક મુદ્દાઓ પર ચર્ચા કરતી વખતે તેમણે કહ્યું કે ભારત યુરોપિયન યુનિયન સાથે ગાઢ ભાગીદારી માટે ઉત્સુક છે. ભવિષ્યમાં, આ ભાગીદારી ભૂમધ્ય પ્રદેશમાં વધુ દૃશ્યમાન થશે. વિદેશ મંત્રી અલ્બેરેસ સાથે મીડિયા સાથે વાત કરતા જયશંકરે કહ્યું કે ભારતમાં 230 સ્પેનિશ કંપનીઓ છે. આપણો દ્વિપક્ષીય વેપાર લગભગ 10 બિલિયન યુરોનો છે. રેલ્વે, ડિજિટલ અને શહેરી ટેકનોલોજી, સ્માર્ટ સિટી, ગ્રીન અને ક્લીન ટેકનોલોજીમાં વિશાળ સંભાવનાઓ રહેલી છે. ભારત અને સ્પેને સંરક્ષણ અને સુરક્ષા ક્ષેત્રે નોંધપાત્ર સિદ્ધિઓ હાંસલ કરી છે.

Ahmedabad: રેલવે સ્ટેશનની બહાર સ્માર્ટકાર્ડની લાલચે છેતરપિંડી આચરતા 2 ઝડપાયા

કાલુપુર રેલવે સ્ટેશનનું નવીનીકરણ ચાલી રહ્યું છે, ત્યારે આ મોકાનો ફાયદો ગઠિયાઓએ લીધો છે. ઝોન 2 એલસીબીએ એવા બે ઠગની ધરપકડ કરી છે, જે સાબરમતી રેલવે સ્ટેશન ખાતે આવતા મુસાફરોને રેલવે સ્ટેશનમાં પ્રવેશ મેળવવા માટે સ્માર્ટ કાર્ડ બનાવવાની લાલચ આપી પેસેન્જર પાસેથી એ.ટી.એમ કાર્ડ અને મોબાઈલ ફોન મેળવી એ.ટી.એમ. કાર્ડમાંથી પૈસા ઉપાડી લઈ છેતરપિંડી આચરતા હતા. મહાવીર કુશવાહ અને જયંતિ પ્રજાપતિ ઉર્ફે જયંતી જોખમની ઝોન 2 એલસીબીએ સાબરમતી પોલીસ સ્ટેશનના છેતરપિંડીના ગુનામાં ધરપકડ કરીને વધુ પૂછપરછ કરી છે.

આણંદના ખંભાતમાં પતંગ ખરીદી માટે ભીડ

આણંદના ખંભાતમાં પતંગ અને દોરીની ખરીદી માટે લોકોની ભારે ભીડ જોવા મળી રહી છે. પતંગ બજારમાં હજારો લોકો ખરીદી માટે ઉમટ્યા છે. આવતીકાલે ઉત્તરાયણ હોવાથી પતંગ-દોરીની ખરીદી માટે હાલમાં બજારમાં માહોલ જામ્યો છે. 

જૂનાગઢમાં મધુરમ પાસે ગાડીમાં આગ

જૂનાગઢમાં મધુરમ પાસે ગાડીમાં આગ લાગી છે. પાર્ક કરેલી કારમાં આગથી અફરાતફરી મચી ગઈ છે. આગથી કાર સળગીને ખાખ થઈ ગઈ છે. સદનસીબે કોઈ જાનહાનિ થઈ નથી.

રાજકોટમાં કાલાવડ રોડ પર બાઈકમાં આગ

રાજકોટમાં કાલાવડ રોડ પર બાઈકમાં આગ લાગી છે. બાઈકમાં અચાનક આગથી અફરાતફરી મચી ગઈ છે. ફાયર બ્રિગેડે આગ પર કાબૂ મેળવ્યો છે. 

ચાઈનાથી તિબેટને આઝાદ કરાવવાની માગ સાથે બાઈક રેલી

ચાઈનાથી તિબેટને આઝાદ કરાવવાની માગ સાથે બાઈક રેલી કાઢવામાં આવી છે. ચાઈના ફ્રી તિબેટને લઈને બાઈક રેલી અમદાવાદ પહોંચી છે. અરૂણાચલ પ્રદેશથી બાઈક રેલીની શરૂઆત થઇ હતી અને આ રેલી 20 રાજ્યોમાં ફરશે અને 20,000 કિમીનું અંતર કાપશે. 

ભારત-સાઉદી વચ્ચે મોટો કરાર, 1.75 લાખ લોકો કરી શકશે હજ યાત્રા

ભારતમાંથી મોટી સંખ્યામાં લોકો હજ પર જાય છે. આને ધ્યાનમાં રાખીને સાઉદી અરેબિયા અને ભારત વચ્ચે એક કરાર થયો છે. ભારતીય યાત્રાળુઓ માટે હજ યાત્રા સરળ બને તે માટે આજે હજ-2025 નામના દ્વિપક્ષીય કરાર પર હસ્તાક્ષર કરવામાં આવ્યા છે.  સાઉદી અરેબિયાએ 2025 માટે ભારતનો હજ ક્વોટા 1,75,025 નક્કી કર્યો છે. આનો અર્થ એ થયો કે ભારતમાંથી આટલી મોટી સંખ્યામાં લોકો હજ માટે સાઉદી અરેબિયા જઈ શકશે. સરકાર દ્વારા આ વર્ષની હજ યાત્રા માટે ક્વોટામાં વધુ 10,000નો વધારો કરવાની માગ કરવામાં આવી હતી. પરંતુ આ વખતે પણ સાઉદીએ ગયા વર્ષ જેટલો જ ક્વોટા તૈયાર કર્યો છે.

અમદાવાદમાં પોલીસ કોન્સ્ટેબલ 65,000ની લાંચ લેતા ઝડપાયો

અમદાવાદમાં પોલીસ કોન્સ્ટેબલ 65,000ની લાંચ લેતા ઝડપાયો છે. ક્રાઈમ બ્રાન્ચનો કોન્સ્ટેબલ અમનકુમાર ચૌહાણને લાંચ લેતા ACBએ રંગેહાથ ઝડપી લીધો છે. નિકોલમાં આવેલા કલ્પતરુ સ્પામાં લાંચ સ્વીકારતા ઝડપાયો છે. જુગારનો કેસ નહીં કરવા, માર નહીં મારવા લાંચ માગી હતી. ફરિયાદી અને તેના મિત્રો પાસે 1 લાખની લાંચ માગી હતી.

ભારતીય સેનાએ 'નાગ MK 2' મિસાઈલનું કર્યુ સફળ પરીક્ષણ

ભારત સતત પોતાના લશ્કરી દળોમાં વધારો કરી રહ્યું છે. ભારતીય સેનાએ સ્વદેશી ટેકનોલોજીથી બનેલી ત્રીજી પેઢીની એન્ટિ-ટેન્ક ફાયર-એન્ડ-ફોર્ગેટ ગાઈડેડ મિસાઈલ (ATGM) 'નાગ એમકે 2'નું સફળતાપૂર્વક પરીક્ષણ કર્યું છે. આ પરીક્ષણ રાજસ્થાનના જેસલમેર જિલ્લામાં પોખરણ ફિલ્ડ ફાયરિંગ રેન્જ ખાતે કરવામાં આવ્યું હતું.

વડતાલમાં સેલ્ફી લેવા જતા મહિલા તળાવમાં પડી, થયું મોત

વડતાલમાં સેલ્ફી લેવા જતા મહિલા તળાવમાં પડી છે. ગોમતી તળાવ આગળ સેલ્ફી લેતા પગ લપસ્યો હતો. મહિલા ડૂબતા પતિએ બચાવવા પ્રયાસ કર્યો હતો.ફાયરની ટીમે યુવતીનો મૃતદેહ બહાર કાઢ્યો છે. પોલીસે અકસ્માતે મોતનો ગુનો નોંધી તપાસ હાથ ધરી છે. 

અરવલ્લી પોલીસ કોન્સ્ટેબલ દારુ કેસ

• તપાસ માટે SITની રચના કરવામાં આવી
• ASP, LCB PI,SOG PIની ટીમ કરશે તપાસ
• તપાસ કરી અહેવાલ SPને સોંપવામાં આવશે
• ધનસુરાના રહિયોલ ગામેથી ઝડપાયો હતો દારૂ
• વિજય પરમાર હાલ પોલીસ પકડ થી દુર

મોરબીમાં પોલીસની આબરુના ધજાગરા ઉડ્યા 

• પોલીસ ચોકી બહાર જ દારુડિયાનો વીડિયો
• દારુની પોટલી લહેરાવતા શખ્સનો વીડિયો વાયરલ
• રફાળેશ્વર પોલીસ ચોકી બહારનો વીડિયો વાયરલ

વડોદરા: ડેસર મામલતદાર કચેરીનો કોમ્પ્યુર ઓપરેટર 6000ની લાંચ લેતા રંગેહાથ ઝડપાયો

ડેસર મામલતદાર કચેરીનો કોમ્પ્યુટર ઓપરેટર 6000ની લાંચ લેતા ઝડપાયો છે. ડેસર મામલતદાર કચેરી ખાતે વેચાણ દસ્તાવેજની તેમજ મૈયતની કાચી નોંધની પાકી નોંધ કરવા અરજી કરી હતી. ફરિયાદીએ વડોદરા ગ્રામ્ય એસીબી પોલીસ સ્ટેશનનો સંપર્ક કરતા આજે છટકું ગોઠવ્યું તેમાં કોમ્પ્યુટર ઓપરેટર રાજેન્દ્રસિંહ રામસિંહ પરમાર રહે ‌પરથમપુરા તાલુકા સાવલી ઝડપાયો છે. કોમ્પ્યુટર ઓપરેટર 6000ની લાંચ લેતા ઝડપાયાના અહેવાલ વાયુવેગે પ્રસરતા ડેસર મામલતદાર કચેરીએ સન્નાટો છવાયો છે.

દાહોદમાં પતંગના દોરાથી 3 વ્યક્તિને ગળે ઈજા

પતંગના દોરીથી, છેલ્લા ત્રણ દિવસમાં 3 વ્યક્તિ ઘાયલ થઈ છે. દાહોદમાં બાઈક ચાલક ગળાના ભાગે દોરી આવતા ઈજાગ્રસ્ત થયો છે. પુસરી નજીક ઇન્દોર હાઇવેની ઘટના બની છે. કમજીભાઈ મેડાને ગળાના ભાગે 15 જેટલા ટાંકા લેવા પડ્યા છે. ઝાયડસ સિવિલ હોસ્પિટલમાં સારવાર હેઠળ દાખલ છે.

સુરતમાં કારચાલકની બેદરકારીથી રત્નકલાકારનું મોત

• બ્રેકને બદલે એક્સિલેટર દબાઇ જતા યુવકને કચડ્યો
• સોસાયટીમાં કાર ટર્ન લેતી વખતે બની ઘટના
• કાર ધડાકાભેર સોસાયટીના ઓટલા સાથે ભટકાઇ
• કાર ધડાકાભેર અથડાતા યુવક કચડાયો
• પોલીસે કારચાલકની અટકાયત કરી વધુ તપાસ હાથ ધરી

જેતપુરમાં યુવાન બન્યો ચાઇનીઝ દોરીનો શિકાર 

• ચાઇનીઝ દોરી કપાળમાં વાગતાં બાઇક ચાલક પટકાયો
• જેતપુર બાયપાસ રોડ સેન્ટ ફ્રાન્સિસ સ્કૂલ પાસેનો બનાવ
• ચાઇનીઝ દોરીથી યુવકનો કપાળનો ભાગ કપાયો
• રાજકોટનો કિશન પટેલ બન્યો ચાઇનીઝ દોરીનો ભોગ 
• યુવકને સારવાર માટે સરકારી હોસ્પિટલ ખસેડાયો

અમદાવાદના બોપલ પોલીસ મથકે ઘાટલોડિયાના 2 વ્યાજખોર સામે ફરિયાદ

બોપલમાં બે વ્યાજખોર સામે ગુનો નોંધાયો છે. પ્લાસ્ટીકની બોટલ બનાવતા વેપારીએ વ્યાજખોરના ત્રાસ અંગેની ફરિયાદ નોંધાવી છે. ધંધામાં રોકાણના નામે વ્યાજખોરોએ રૂપિયા 67.09 લાખ આપ્યા હતા. જેની સામે 1.33 કરોડ લીધા બાદ પણ કડક ઉઘરાણી કરતા હતા. ફરિયાદી પાસેથી કોરા ચેકમા તેમજ ગીરો ખતમાં સહી કરાવી લીધી હતી. જાનથી મારી નાખવાની ધમકીઓ અપાતા અંતે ફરિયાદ કરવામાં આવી. ઘાટલોડિયાનાં અલ્પેશ પટેલ, ધવલ પટેલ સામે ફરિયાદ નોંધવામાં આવી છે. બોપલ પોલીસે ગુનો નોંધીને આરોપીઓની ધરપકડ કરી છે.

રેલવે મંત્રી અશ્વિની વૈષ્ણવે માર્ક ઝકરબર્ગના દાવાને પાયાવિહોણા ગણાવ્યા

રેલ્વે મંત્રી અશ્વિની વૈષ્ણવે મેટાના સીઈઓ માર્ક ઝકરબર્ગના તાજેતરના દાવાને ફગાવી દીધો હતો. ઝકરબર્ગે કહ્યું હતું કે કોવિડ પછી 2024ની ચૂંટણીમાં ભારત સહિત ઘણા દેશોની સરકારો હારી ગઈ હતી. તેના પર રેલ્વે મંત્રીએ કહ્યું કે મેટા જેવા મોટા પ્લેટફોર્મના વડા માટે આવી ખોટી માહિતી ફેલાવવી નિરાશાજનક છે. તેમણે મેટાને તથ્યો અને વિશ્વસનીયતા જાળવવા વિનંતી કરી.

PM મોદી આજે નારાયણા ગામમાં લોહરી ઉજવશે

વડાપ્રધાન આજે રાત્રે 7:30 વાગ્યાની આસપાસ નારાયણા ગામની મુલાકાત લેશે, જ્યાં તેઓ લોહરીનો તહેવાર ઉજવશે. પીએમ લોહરીની પવિત્ર અગ્નિ પ્રગટાવશે અને ત્યાં રહેતા લોકો સાથે વાતચીત પણ કરશે. આ પ્રસંગે સ્થાનિક લોકો પીએમને મળશે અને લોહરી ઉજવશે.

પાટણમાં પોલીસે આરોપીનું કાઢ્યું જાહેરમાં સરઘસ

• ટેલિફોન એક્સ.થી કર્મભૂમિ સોસા.સુધી કાઢ્યું સરઘસ
• રામનગરના વિષ્ણુજી અમૃતજી ઠાકોરનું કાઢ્યું સરઘસ
• આરોપી વિષ્ણુજી યુવતીઓની કરતો હતો છેડતી
• શાળા, ટ્યુશન જતી યુવતીઓની કરતો હતો છેડતી
• બી ડિવિઝન પોલીસે આરોપી સામે કરી કાર્યવાહી
• આરોપીનું ઘટનાસ્થળે લઇ જઇ કરાયું રિકન્સ્ટ્રક્શન

જાપાનના ક્યુશુની ધરા ધ્રૂજી

જાપાનના ક્યુશુની ધરા ધ્રૂજી, 6.6 તીવ્રતાનો ભૂકંપનો આંચકો, સ્થાનિકોને એલર્ટ કરવામાં આવ્યા છે.

ડોક્ટરના સહી અને સિક્કા ખોટી રીતે વાપરવામાં આવ્યા

હાઈકોર્ટના આદેશથી તપાસ કરતાં ક્રાઈમ બ્રાન્ચે ખુલાસો કર્યો કે, આ મેડિકલ સર્ટિફિકેટ સંપૂર્ણ રીતે નકલી છે. ડોક્ટર શોભીતસિંહ ઠાકુરે આ સર્ટિફિકેટ તૈયાર કર્યું હતું, જેમાં ડોક્ટર દિલીપ તડવીના સહી અને સિક્કા ખોટી રીતે વાપરવામાં આવ્યા હતા.

સરહદના મુદ્દાને લઈને બાંગ્લાદેશના ડેપ્યુટી હાઈ કમિશનરને વિદેશ વિભાગે સમન્સ પાઠવ્યું

બાંગ્લાદેશના ડેપ્યુટી હાઈ કમિશનર મોહમ્મદ નુરુલ ઈસ્લામને, સરહદ મુદ્દે વિદેશ મંત્રાલયમાં બોલાવવામાં આવ્યા હતા. બાંગ્લાદેશ સરકારના સહયોગના અભાવે તેમને સમન્સ પાઠવવામાં આવ્યા હતા. વિદેશ વિભાગમાં જઈને હવે બાંગ્લાદેશના ડેપ્યુટી હાઈ કમિશનર પરત ફર્યા હોવાના અહેવાલ સામે આવ્યા છે.

સાંજના 06 વાગ્યા સુધીના મહત્વના સમાચાર

01. Amreli લેટરકાંડ મામલે મોટા સમાચાર, DIG નિર્લિપ્ત રાયને સોંપાઈ તપાસ

02. CM ભૂપેન્દ્ર પટેલનો નાગરિકોને સુવિધાયુક્ત માર્ગો આપવાનો લોકહિતકારી અભિગમ

03. Surat: કીમમાં થયેલી હત્યાનો ભેદ ઉકેલાયો, 2 હત્યારાઓને જેલના સળિયા પાછળ ધકેલાયા

04. Gujarat વન-વિભાગ દ્વારા તૈયાર કરાયેલી સ્નેક રેસ્ક્યુ એપને ભુપેન્દ્ર પટેલે કરી લોન્ચ

05. Vadodara: બોગસ ખેડૂત કેસમાં કોંગ્રેસના કોર્પોરેટર સુભાષ ભોજવાણીની ધરપકડ

06. 'કાશ્મીર ભારતનો મુગટ..ભારતનો તાજ' જાણો PMમોદીના સંબોધનની મહત્વની વાતો

07. Mahakumbh 2025: મહાકુંભનું પ્રથમ શાહીસ્નાન, 1 કરોડ લોકોએ લગાવી આસ્થાની ડૂબકી

08. Bangladeshને ભારતે આપ્યો જડબાતોડ જવાબ, ડેપ્યુટી હાઈ કમિશનરને પાઠવ્યું સમન્સ!

09. PM Kisan Yojanaનો 19મો હપ્તો ક્યારે મળશે, લાભાર્થીઓ આ રીતે કરો ચેક

10. Champions Trophy માટે પાકિસ્તાન ટીમની જાહેરાત, આ ખેલાડીનું 429 દિવસ બાદ કમબેક

નકલી આધાર કાર્ડ કેસમાં ધારાસભ્ય મહેન્દ્ર ગોયલની પૂછપરછ

રિથાલાના આમ આદમી પાર્ટીના ધારાસભ્ય મહેન્દ્ર ગોયલ પોલીસ તપાસમાં જોડાવા માટે દક્ષિણ દિલ્હીમાં AATS ઓફિસ પહોંચ્યા હતા. પોલીસે તેને બે વખત નોટિસ મોકલીને પૂછપરછ માટે બોલાવ્યો હતો. બનાવટી આધાર કાર્ડ કેસમાં મહેન્દ્ર ગોયલની તપાસ ચાલી રહી છે. પોલીસ આ કેસમાં તેની ભૂમિકા પર સવાલ ઉઠાવી રહી છે. તેમના પર લાગેલા આરોપોની પુષ્ટિ કરવા માટે ધારાસભ્ય સાથે સંબંધિત દસ્તાવેજો અને અન્ય માહિતી માંગવામાં આવી રહી છે.

મિરઝાપુરમાં આવેલ સેન્ટ ઝેવિયર્સ સ્કૂલમાં વિદ્યાર્થીઓ વચ્ચે છૂટાહાથની મારામારી

અમદાવાના મિરઝાપુરમાં આવેલ સેન્ટ ઝેવિયર્સ સ્કૂલમાં વિદ્યાર્થીઓ વચ્ચે મારામારીનો બનાવ બન્યો છે. 4 વિદ્યાર્થીઓએ મળી એક વિદ્યાર્થીને માર માર્યો છે. મારામારીની ઘટના બાદ મામલો શાહપુર પોલીસ સ્ટેશન પહોચ્યો છે. માર મારનાર વિદ્યાર્થીના સંબંધીએ પોલીસ સ્ટેશન બહાર હોબાળો કર્યો હતો. વકીલ અને સ્થાનિકો સાથે માથાકૂટ કરનારને પોલીસે અટકમાં લીધો છે. બંને જૂથના લોકો પોલીસ સ્ટેશન આમને સામને આવ્યા હતા. પોલીસે તમામ લોકોને વિખેરી મામલો થાળે પાડ્યો છે. પોલીસે બંને પક્ષની ફરિયાદ નોંધવાની તજવીજ હાથ ધરી છે.

પૂર્વ સાંસદ નારણ કાછડીયા સામે કાર્યવાહીની માગ

• સામાજિક આગેવાન નાથાલાલ સુખડીયાએ કરી માગ
• સુખડીયાએ અમરેલી જિલ્લા કલેકટરને કરી માગ
• કાછડિયાના ભ્રષ્ટાચાર સામે કાર્યવાહીની માગ
• ભ્રષ્ટાચાર, ગેરકાયદે દબાણ સામે કાર્યવાહીની માગ
• 7 દિવસમાં કાર્યવાહી નહીં થાય તો ઉપવાસની ચીમકી
• કાછડિયા અને તેમના સગાઓ સામે ભ્રષ્ટાચારના આરોપો
• જમીનમાં દબાણ, રોડના કામોમાં ભ્રષ્ટાચારના આરોપો

અમદાવાદમાં મિર્ઝાપુરની ઝેવિયર્સ સ્કૂલમાં બબાલ

• સેન્ટ ઝેવિયર્સ સ્કૂલમાં વિદ્યાર્થીઓ વચ્ચે મારામારી
• 4 વિદ્યાર્થીઓએ મળી 1 વિદ્યાર્થીને માર્યો માર
• મારામારી બાદ મામલો પોલીસ સ્ટેશન પહોંચ્યો
• માર મારનાર વિદ્યાર્થીના સંબંધીએ કર્યો હોબાળો
• શાહપુર પોલીસ સ્ટેશન બહાર કર્યો હોબાળો
• માથાકૂટ કરનારને પોલીસે અટકમાં લીધો 
• બંને જૂથના લોકો આમને સામને આવ્યા 
• પોલીસે ટોળાને વિખેરી મામલો થાળે પાડ્યો

પાલીતાણાના જેસરમાં ઝરખની પજવણી કરનાર ઝડપાયો

• કોટોમોઇમાં ઝરખની પાછળ કાર દોડાવનારને ઝડપ્યો
• ઝરખની પજવણીનો વીડિયો થયો હતો વાયરલ
• જેસર વન વિભાગે કૃણાલ નામના વ્યક્તિને ઝડપી લીધો
• વન્ય પ્રાણીને રંજાડનાર સામે કાયદેસરની કાર્યવાહી કરાઇ

સુરત ચરસ કેસમાં વોન્ટેડ આરોપી ઝડપાયો

• SOGએ દિલ્હીના વોન્ટેડ આરોપીને ઝડપ્યો
• સુરત SOGએ કરી ફુઝેલ અન્સારીની ધરપકડ
• 40 લાખનું ચરસ મંગાવવાના કેસમાં કરી ધરપકડ
• અગાઉ ફુઝેલની પત્નીની પણ કરાઇ હતી ધરપકડ
• દિલ્હી LCBએ આસ્મા બાનુંની કરી હતી ધરપકડ
• પતિ-પત્ની હિમાચલથી સુરતમાં મંગાવતા હતા ચરસ

અમરેલીના ચર્ચાસ્પદ બોગસ લેટરકાંડ મુદ્દે પાયલ ગોટીએ DGPને કરી રજૂઆત

અમરેલીના ચર્ચાસ્પદ બોગસ લેટરકાંડ, પાયલ ગોટી અને તેમના વકિલ જેની ઠુમ્મર આજે ગુજરાત રાજ્યના પોલીસ વડા વિકાસ સહાયને મળીને રજૂઆત કરી હતી. અત્રે ઉલ્લેખનીય છે કે, પાયલ ગોટીએ, અમરેલી પોલીસે પગમાં પટ્ટા માર્યા હોવાની ફરિયાદ કરી હતી. ત્યાર બાદ ગુજરાત પોલીસે તપાસ માટે ટીમની પણ રચના કરી હતી.

સાપ બચાવ કામગીરી શરૂ કરાશે

નિયુક્ત સાપ રેસ્ક્યુઅર  સ્થળે પહોંચશે અને સાપને પકડશે.  'સ્નેક રેસ્ક્યુ એપ'માં સાપની  મૂળભૂત વિગતો  (પ્રજાતિ, સ્થિતિ વગેરે) દાખલ કરવામાં આવશે. હવે  પકડાયેલા સાપને નિયમિત સ્ટાફ સભ્યને સોંપવો પડશે. આ હસ્તાંતરણ ઓટીપી આધારિત વ્યવહાર દ્વારા થશે.અત્રે ઉલ્લેખનીય છે કે, આ સુવિધા હાલમાં અમદાવાદ જિલ્લામાં કાર્યરત છે. પાઇલોટ તબક્કાની સફળતા બાદ આ સમગ્ર રાજ્યમાં કાર્યરત કરવામાં આવશે. સૌથી અગત્યની વાત એ પણ છે કે, આમાં નાગરિકોને કોઈ એપ્લિકેશન ડાઉનલોડ કરવાની જરૂર નથી. બધા રેસ્ક્યુઅર્સે વન વિભાગ સાથે નોંધણી કરાવવી પડશે તેમજ તેઓએ 'સ્નેક રેસ્ક્યુ એપ' ઇન્સ્ટોલ કરવી પડશે.

રેસ્કયૂઅસર્સને સૂચના મળશે

લાઇવ લોકેશન કે, જે સ્થળે સાપ દેખાયો તેની માહિતી શેર કર્યા બાદ રેસ્ક્યુઅર્સને સૂચના મળશે. આમ, ૫ કિલોમીટરના વિસ્તારના તમામ રજિસ્ટ્રર થયેલા સ્નેક રેસ્ક્યુઅર્સને તેમના મોબાઈલ પર પોપ-અપ મેસેજ મળશે. જે રેસ્ક્યુઅર પ્રથમ વિનંતી સ્વીકારશે, તેને કાર્ય સોંપવામાં આવશે. આ સાથે એકવાર કાર્ય સોંપાતા, અન્ય કોઈ તે સ્વીકારી શકશે નહીં.જો પાંચ કિમીના વિસ્તારમાં કોઈ રેસ્ક્યુઅર ન હોય અથવા કોઈ વિનંતી સ્વીકારતું ન હોય, તો મેસેજ ૧૦ કિમીના ક્ષેત્રના તમામ રેસ્ક્યુઅર્સને મોકલવામાં આવશે. જો આ વિસ્તારના રેસ્ક્યુઅર પણ ઉપલબ્ધ ન હોય અથવા કોઈપણ સ્વીકારતું ન હોય, તો નાગરિકને સંબંધિત આરએફઓ (RFO)નો સંપર્ક કરવા માટે માર્ગદર્શન આપવામાં આવશે, જે પછીની કાર્યવાહી કરશે.

રેસ્કયૂ કરનારને મેસેજ પણ મળશે

ત્યારબાદ સ્નેક રેસ્ક્યુ માટે અરજી કરનાર નાગરિકને મેસેજ મળશે. 'A snake rescue request has been raised for (તમારો મોબાઇલ નંબર). Kindly send the live location to complete the process. If no data is entered in next 10 minutes the request will automatically be cancelled.'

'સ્નેક રેસ્ક્યુ’ એપ  કેવી રીતે કામ કરશે?

કોઈ પણ નાગરિક સ્નેક રેસ્ક્યુ માટે બે રીતનો ઉપયોગ કરી શકશે. પ્રથમ રીત - વોટ્સએપ નંબર 8320002000 પર 'Hi' મેસેજ અથવા બીજી રીત - 8320002000 પર એસએમએસ અથવા મિસ્ડ કોલ કરી શકશે. ત્યારબાદ  જવાબમાં મળેલા મેનૂમાં નાગરિકને સાપ બચાવ માટે વિકલ્પ પસંદ કરવાનો રહેશે. આમ, નાગરિકને એક લિંક મળશે, આ લિંક પર ક્લિક કરવાથી એક પેજ ઓપન થશે,  જ્યાં સાપ બચાવ માટેની પ્રોસેસ શરૂ થશે. 

સાપને અનુકુળ જગ્યાએ છોડાશે

રાજ્યના વનવિભાગ દ્વારા રાજ્યના કોઈ પણ જિલ્લા કે તાલુકામાં સાપ દેખાય તો સાપને રેસ્ક્યૂ કરવામાં આવતા હોય છે અને અત્યાર સુધી વન વિભાગની સાપ રેસ્ક્યૂ ટીમે ખૂબ સારી રીતે કામગીરી છે. હવે કામગીરી એકદમ સરળ બને એ માટે આજે બોડકદેવમાં આવેલા વાઇલ્ડ લાઇફ કેર સેન્ટર ખાતે મુખ્યમંત્રી ભૂપેન્દ્ર પટેલના હસ્તે 'સ્નેક રેસ્ક્યુ એપ' લૉન્ચ કરવામાં આવી છે. આ એપના માધ્યમથી કોઇપણ નાગરિક સાપને લઇને જાણ કરશે અથવા વન વિભાગ દ્વારા જાહેર કરવામાં આવેલો વોટ્સઅપ નંબર ૮૩૨૦૦૦૨૦૦૦ અને ૧૯૨૬ હેલ્પલાઇન નંબર પર 'Hi' મેસેજ કરવાથી એક લિંક મળશે.  ત્યારબાદ જે - તે સ્થળે સ્નેક રેસ્ક્યૂ ટીમ પહોંચીને સાપને રેસ્ક્યૂ કરશે અને સાપને અનુકુળ કુદરતી વાતાવરણમાં છોડવામાં આવશે. 

CM Bhupendra Patelએ રાજ્યના વન વિભાગ દ્વારા તૈયાર કરાયેલી સ્નેક રેસ્ક્યુ એપ લોન્ચ કરી

મુખ્યમંત્રી ભૂપેન્દ્ર પટેલે કરુણા અભિયાન –૨૦૨૫ અંતર્ગત અમદાવાદના બોડકદેવમાં આવેલા વાઇલ્ડ લાઇફ કેર સેન્ટરની મુલાકાત દરમિયાન તેમણે 'સ્નેક રેસ્ક્યુ એપ' લૉન્ચ કરી હતી.આ એપની ખાસિયત એ છે કે, ક્યાંય પણ સાપ દેખાય તો તમે આ એપના માધ્યમથી વનવિભાગને જાણ કરી શકો છો. હાલ પાઇલોટ પ્રોજેક્ટના ભાગરૂપે આ 'સ્નેક રેસ્ક્યુ એપ' અમદાવાદ જિલ્લા પૂરતી કાર્યરત કરવામાં આવી છે. તબક્કાવાર આ એપ રાજ્યના અન્ય જિલ્લાઓમાં પણ કાર્યરત કરવામાં આવશે. 

આરોપીએ જામીન માટે મેડિકલ સર્ટિફિકેટ રજૂ કર્યું

વર્ષ 2020માં સુરત ક્રાઈમ બ્રાન્ચે 1 કરોડ 4 લાખના એમ.ડી. ડ્રગ્સ કેસમાં કુલ 19 આરોપીની ધરપકડ કરી હતી. આ કેસમાં આદિલ નૂરાની સપ્ટેમ્બર, 2020થી જેલમાં છે. આદિલે હાઈકોર્ટમાં પોતાની માતાની તબિયત ખરાબ હોવાનું કહી જામીન માટે મેડિકલ સર્ટિફિકેટ રજૂ કર્યું હતું, જેમાં એન્જીયોગ્રાફી અને એન્જીયોપ્લાસ્ટી કરવાની તાકીદ દર્શાવવામાં આવી હતી.

સુરતના ડ્રગ્સ માફિયાને નકલી સર્ટિફિકેટ આપવાના કેસમાં ડોક્ટરની ધરપકડ

સુરતમાં ડ્રગ્સ માફિયાને નકલી સર્ટિફિકેટ આપવાના કેસમાં ડોકટરની ધરપકડ કરવામાં આવી છે,જેમાં નકલી સર્ટિફિકેટને લઈ ડોક્ટરની ધરપકડ કરવામાં આવી છે જેમાં સુરત ક્રાઈમ બ્રાન્ચે ડો.મહેન્દ્ર પટેલની ધરપકડ કરી દેવામાં આવી છે,આદિલ નૂરાની 1 કરોડના ડ્રગ્સ કેસમાં જેલમાં બંધ છે અને ડોક્ટરે આરોપીને નકલી સર્ટિફિકેટ બનાવી આપ્યા છે,જામીન માટે ડોક્ટરે આરોપીને નકલી સર્ટિફિકેટ આપ્યા હતા. 

વાહનો દૂર પાર્ક કરીને આવ્યા હતા લૂંટ કરવા

લૂંટના બનાવ બાદ પોલીસે જવેલર્સમાં રહેલા સીસીટીવીની તપાસ કરતા ચાર લૂંટારૂઓ હેલ્મેટ અને મોઢા પર બુકાની બાંધી પ્રવેશ કર્યો હતો જેમાં ત્રણ લૂંટારૂ જવેલર્સમાં ઘુસ્યા હતા જેમાં બે લૂંટારૂ બંદૂકની અણી એ બંધક બનાવ્યા હતા અને એક લૂંટારૂ જવેલર્સની બહાર ઊભો હતોજે લોકો અને પોલીસની હિલચાલ પર નજર રાખી રહ્યો હતો.લગભગ 7 થી 8 મિનિટમાં જ્વેલર્સમાં રહેલો સોના ના દાગીના બેગમાં ભરી નાસી છૂટ્યા હતા.મહત્વ નું છે કે લૂંટારૂઓ જ્વેલર્સમાં લૂંટ કરવા ચાલતા આવ્યા હતા જેથી પોલીસને શંકા છે કે આરોપી એ પોતાના વાહન દૂર પાર્ક કરી ને આવ્યા હતા.

અમદાવાદના બોપલ જવેલર્સમાં થયેલ લૂંટના આરોપીઓ ઝડપાયા 

અમદાવાદમાં જવેલર્સમાં 10 દિવસ પહેલા ધોળા દિવસે લૂંટ થઈ હતી અને જવેલર્સમાં ઘુસીને લૂંટ કરવામાં આવી હતી ત્યારે 10 દિવસબાદ લૂંટના આરોપી ઝડપાઈ ગયા છે,અમદાવાદ ગ્રામ્ય પોલીસે 4 લૂંટારાઓને ઝડપ્યા છે અને પોલીસે યુપીથી ચારેય લૂંટારોઓને ઝડપી પાડયા હોવાની વાત સામે આવી છે,બોપલમાં કનકપુરા જવેલર્સમાં કરી હતી લૂંટ અને ચારેય લૂંટારૂઓ સિકયુરિટી ગાર્ડ હોવાનું ખૂલ્યું છે. 

ગ્રામીણ પરિવર્તનમાં નોંધપાત્ર ફાળો

નાબાર્ડ દ્વારા સૌપ્રથમ વખત ૧૯૮૯-૯૦ માં પ્રસ્તુત કરવામાં આવેલી પીએલપી કૃષિ, એમએસએમઇ અને ગ્રામીણ માળખાગત સુવિધા જેવા પ્રાથમિકતા ધરાવતા ક્ષેત્રોમાં ધિરાણ સાથે સંકળાયેલી રોકાણની તકોનું મૂલ્યાંકન કરવા અને તેને પ્રોત્સાહન આપવા માટેનું મુખ્ય સાધન છે. સમય જતાં તે આબોહવાને અનુકૂળ કૃષિ, પુનઃપ્રાપ્ય ઊર્જા અને સ્થાયી વિકાસનાં લક્ષ્યાંકો (એસડીજી) જેવી ઉભરતી જરૂરિયાતોને સામેલ કરવા માટે વિકસ્યું છે. સંભવિતતાને ઓળખીને અને જિલ્લા વિકાસ યોજનાઓ અને સંસ્થાકીય ધિરાણ વચ્ચેના તફાવતને દૂર કરીને, પીએલપી સંસાધનોની ફાળવણીને સક્ષમ બનાવે છે, જે સર્વસમાવેશક વૃદ્ધિ અને નાણાકીય સર્વસમાવેશકતાને પ્રોત્સાહન આપે છે.વિકાસના ધ્યેયો સાથે ધિરાણને સુસંગત કરવા પર મજબૂત ધ્યાન કેન્દ્રિત કરવા સાથે, પીએલપી ૨૦૨૫ -૨૬ સુરેન્દ્રનગરના ગ્રામીણ પરિવર્તનમાં નોંધપાત્ર ફાળો આપે તેવી અપેક્ષા છે, જે તેને જિલ્લાની પ્રગતિ માટે એક મહત્વપૂર્ણ બ્લુપ્રિન્ટ બનાવે છે.

લક્ષ્યાંક સામે કુલ પ્રાયોરિટી સેક્ટર લેન્ડિંગ

ડીડીએમ સંજય વૈદ્યએ નાણાકીય વર્ષ ૨૦૨૩-૨૪ માં જિલ્લાની મજબૂત ધિરાણ કામગીરી પર પ્રકાશ પાડ્યો હતો, જેમાં પાક ધિરાણમાં ૯૭ ટકા લક્ષ્યાંક હાંસલ કર્યો છે અને કુલ કૃષિ ધિરાણમાં ૯૯.૦૯ ટકાની સિદ્ધિ હાંસલ કરી છે. એમએસએમઇએ અપેક્ષાને વટાવીને ૧૨૬.૯૪ ટકા લક્ષ્યાંક હાંસલ કર્યો હતો. જ્યારે એકંદરે પ્રાદેશિક સિદ્ધિઓ ૧૦૪.૫૭ ટકા રહી હતી, જેમાં વાર્ષિક ક્રેડિટ પ્લાન (એસીપી)ના રૂ. ૫૭૭૪.૯૧ કરોડના લક્ષ્યાંક સામે કુલ પ્રાયોરિટી સેક્ટર લેન્ડિંગ (પીએસએલ) રૂ. ૬૦૩૮.૫૫ કરોડનો પ્રવાહ હતો.

ગ્રામીણ લોકોને થશે ફાયદો 

ક્ષેત્રવાર ધિરાણ અંદાજોમાં કૃષિ ધિરાણ માટે રૂ. ૪૮૧૭.૯૫ કરોડ, કૃષિ માળખા માટે રૂ.૫૧૫.૫૦ કરોડ અને કૃષિ આનુષંગિક પ્રવૃત્તિઓ માટે રૂ. ૧૩૦.૭૦ કરોડનો સમાવેશ થાય છે. પીએલપીમાં એમએસએમઈ માટે રૂ. ૧૭૭૦.૬૮ કરોડ, હાઉસિંગ માટે રૂ. ૨૫૨.૮૦ કરોડ અને નિકાસ ધિરાણ, શિક્ષણ, પુનઃપ્રાપ્ય ઊર્જા અને સામાજિક માળખા માટે નાની છતાં નોંધપાત્ર ફાળવણીનું પણ આયોજન કરવામાં આવ્યું છે. આ દસ્તાવેજનો ઉદ્દેશ જિલ્લાનાં વિકાસની પ્રાથમિકતાઓ સાથે ધિરાણના પ્રવાહને સંરેખિત કરવાનો, સર્વ સમાવેશક વિકાસ અને ગ્રામીણ સમૃદ્ધિને સરળ બનાવવાનો છે.

સુરેન્દ્રનગરના નગરજનો માટે ખુશીની વાત, નાબાર્ડનો ક્રેડિટ પ્લાન જાહેર થયો 

સુરેન્દ્રનગર જિલ્લામાં ગ્રામીણ ધિરાણ આયોજન માટેનો રોડ મેપ વર્ષ ૨૦૨૫-૨૬ માટેનો સંભવિત લિન્ક્ડ ક્રેડિટ પ્લાન (પીએલપી) જિલ્લા કલેકટર કે. સી. સંપટ દ્વારા સત્તાવાર રીતે અનાવરણ કરવામાં આવ્યું હતું.સુરેન્દ્રનગર અને મોરબી જિલ્લાઓ માટે નાબાર્ડના ડિસ્ટ્રિક્ટ ડેવલપમેન્ટ મેનેજર (ડીડીએમ) શ્રી સંજય વૈદ્ય દ્વારા સાવચેતીપૂર્વક તૈયાર કરવામાં આવેલા સર્વગ્રાહી પીએલપી દસ્તાવેજમાં નાણાકીય વર્ષ ૨૦૨૫-૨૬ માટે અગ્રતા ક્ષેત્રમાં રૂ. ૭૫૭૩.૮૮ કરોડની ધિરાણ ક્ષમતાનું આયોજન કરવામાં આવ્યું છે.

વાંચો  03 વાગ્યા સુધીના મહત્વના સમાચાર 

01 - Rohit Sharma હવે ઈન્ટરેનેશલ ક્રિકેટ નહી રમે ! ચાહકોમાં નિરાશા છવાઈ !

02 - Ahmedabadના શેલામાં હિટ એન્ડ રનમાં યુવાનનું મોત, અજાણ્યો કાર ચાલક બન્યો કાળ

03 - Amreli: જાફરાબાદમાં 7 વર્ષીય બાળકી પર દીપડાએ હુમલો કરતા મોત

04 - Weather : ઉત્તરાયણમાં સારા પવનની હવામાન વિભાગની આગાહી, પતંગ રસિકોને પડશે મોજ

05 - PM Modi In J&K: PM મોદીએ શ્રીનગર-લેહને જોડનારી Z-Morh ટનલનું કર્યુ ઉદ્ઘાટન

06 - Khedaના નડિયાદના સુપ્રસિદ્ધ સંતરામ મંદિરમાં આજે પોષી પૂનમની ભવ્ય ઉજવણી કરાઈ

07 - Surat: વાલીઓ માટે લાલબત્તી સમાન કિસ્સો, રમતા-રમતા બાળક ખુલ્લી ટાંકીમાં ખાબકતા મોત

08 - Hyderabad: અલ્લુ અર્જુન બાદ પ્રખ્યાત તેલુગુ સ્ટાર વિરૂદ્ધ નોંધાયો કેસ

09 - Amreli લેટર કાંડ મામલે મોટી કાર્યવાહી, 3 પોલીસકર્મીને કરાયા સસ્પેન્ડ

10 - Jamnagarમાં દાદાનું ફરી વળ્યું બુલડોઝર, 4 હજાર ચોરસફીટ પરના દબાણો દૂર કરાયા

ગામના સરપંચ અને અધિકારીઓ રહ્યાં હાજર 

રાજ્યપાલ આચાર્ય દેવવ્રતજીએ પ્રાકૃતિક કૃષિના વિવિધ ઉત્પાદનોના સ્ટોલ્સનું નિરીક્ષણ કરી પ્રાકૃતિક કૃષિ કરતા ખેડૂતો સાથે સંવાદ કર્યો હતો. તેમણે આ અવસરે વૃક્ષારોપણ પણ કર્યું હતું.પ્રાકૃતિક કૃષિ પરિસંવાદમાં દેવભૂમિ દ્વારકા જિલ્લાના ઈન્ચાર્જ કલેક્ટર  એ.બી.પાંડોર, જિલ્લા ખેતીવાડી અધિકારી  એસ.એન.ડઢાણીયા, અગ્રણી  લુણાભા સુમણીયા, સરપંચ સહિત ખેડૂતો અને ગ્રામજનો ઉપસ્થિત રહ્યા હતા. આત્મા પ્રોજેક્ટના ડાયરેક્ટર વિક્રમસિંહ ચૌહાણે મહાનુભાવોનું સ્વાગત કર્યું હતું.

સ્વાસ્થ્યપ્રદ વાતાવરણ બની રહેશે 

રાજ્યપાલે જણાવ્યું હતું કે, ખેડૂતભાઈઓની ગ્રંથી હોય છે કે, વધુ રાસાયણિક ખાતર વાપરવાથી વધુ ઉત્પાદન મળે છે પરંતુ હકીકતમાં તેનાથી તદ્દન વિપરિત થઈ રહ્યું છે. જો ખેડૂતો ઈમાનદારીપૂર્વક પ્રાકૃતિક કૃષિના પાંચ આયામોનો વ્યવસ્થિત રીતે અમલ કરે તો તેનું પરિણામ ચોક્કસ મળશે. આગામી સમયમાં સારા-સ્વાસ્થ્યપ્રદ ખોરાક માટે પ્રાકૃતિક કૃષિ આધારિત ખેતી અપનાવી, ખર્ચ ઘટાડવા સાથે ઉત્પાદકતા વધે તે માટે ગૌ આધારિત ખેતી કરવા માટે સૌ કટિબદ્ધ થઈએ તે આજના સમયની નિતાંત આવશ્યકતા છે. જેમ ટીપે-ટીપે સરોવર ભરાય તેમ સૌ ખેડૂતો પ્રાકૃતિક કૃષિ કરે તો આપણી આવનારી પેઢીને આપણે એક સ્વાસ્થ્યપ્રદ વાતાવરણ તથા સમૃદ્ધ કૃષિ આપી શકીશું.

રાસાયણિક ખાતરનો બહુ ઉપયોગ ના કરવો

ધરતીને આપણે આપણી માતા માનીએ છીએ પરંતુ આપણે જ તેનો વિનાશ કરી રહ્યા છીએ. ડીએપી, યુરિયા જેવા રાસાયણિક ખાતરો અને જંતુનાશક દવાઓના અંધાધુંધ વપરાશથી રાસાયણિક ખેતી કરીને આપણે આપણી પ્રકૃતિની સમતુલા ખોરવી નાખી છે. રાસાયણિક કૃષિ ધીમું ઝેર છે. જેના પરિણામે આબોહવામાં પરિવર્તન થઈ રહ્યું છે. જળવાયુ ખરાબ કરવાનું કાર્ય રાસાયણિક કૃષિ કરી રહી છે. આ વિષચક્રમાંથી મુક્ત થવું હશે તો પ્રાકૃતિક કૃષિ અપનાવવાનું પુણ્ય કાર્ય કરવું પડશે. આજે ખેતીલાયક જમીનમાં ઓર્ગેનિક કાર્બનનું પ્રમાણ ઘટયું છે. કૃષિમાં છાણિયું ખાતર વાપરવાથી નાઈટ્રોજન વધે છે. વાતાવરણના સંરક્ષણ માટે આપણે સૌએ પ્રાકૃતિક કૃષિ તરફ વળવું જ પડશે તેમ રાજ્યપાલ શ્રી આચાર્ય દેવવ્રતજીએ ભારપૂર્વક જણાવ્યું હતું. 

દ્વારકામાં આચાર્ય દેવવ્રતજીએ ગુરુ દક્ષિણામાં પ્રાકૃતિક ખેતી કરવાની ખાતરી માગી

રાજ્યપાલ આચાર્ય દેવવ્રતજીએ આજે દેવભૂમિ દ્વારકા જિલ્લાના દ્વારકા તાલુકાના ધિણકી ખાતે ખેડૂતો સાથે પ્રાકૃતિક કૃષિ પરિસંવાદ કર્યો હતો.પરિસંવાદમાં  રાજ્યપાલે જણાવ્યું હતું કે, આજના આધુનિક યુગમાં ટેકનોલોજીના પરિણામે કૃષિમાં વ્યાપક ફેરફારો આવ્યા છે. ટેકનોલોજીની સાથે સાથે ઝેર મુક્ત પ્રાકૃતિક કૃષિ અપનાવવી ખૂબ જ આવશ્યક છે. દેવભૂમિ દ્વારકાના ખેડૂતો પાસેથી ગવર્નર આચાર્ય દેવવ્રતજીએ ગુરુદક્ષિણામાં પ્રાકૃતિક ખેતી કરવાની ખાતરી માગી હતી.

અમદાવાદની સેન્ટ ઝેવિયર્સ સ્કૂલમાં બબાલ

સ્કૂલના વિદ્યાર્થીઓ વચ્ચે થઇ બબાલ,5 વિદ્યાર્થીઓએ અન્ય વિદ્યાર્થીઓને માર્યો માર,સમગ્ર ઘટના CCTV કેમેરામાં થઇ કેદ

સ્કૂલ સત્તાધીશોએ સમગ્ર મામલે હાથ ઉંચા કર્યા,વાલીઓની શાહપુર પોલીસ મથકે ફરિયાદ 

રોહિત ઈંગ્લેન્ડ નહીં જાય

તાજેતરમાં, રોહિત શર્મા ઓસ્ટ્રેલિયા પ્રવાસમાં ભારે ફ્લોપ સાબિત થયો હતો. સિડની ટેસ્ટમાં તેણે પોતાને પ્લેઈંગ ઈલેવનમાંથી બહાર કરી દીધો હતો. આવી સ્થિતિમાં તેના માટે ઈંગ્લેન્ડ પ્રવાસ પર જવું મુશ્કેલ છે. ચેમ્પિયન્સ ટ્રોફી બાદ ટીમ ઈન્ડિયાએ 2027માં વર્લ્ડ કપ રમવાનો છે અને રોહિત 38 વર્ષનો છે, તેથી તેના માટે 40 વર્ષની ઉંમરે વર્લ્ડ કપ રમવો મુશ્કેલ લાગે છે, એટલે જ ચેમ્પિયન્સ ટ્રોફી તેની છેલ્લી આંતરરાષ્ટ્રીય ટૂર્નામેન્ટ છે. એવું માનવામાં આવે છે.

રોહિત શર્મા ઈંગ્લેન્ડના પ્રવાસ પર નહીં જાય

દૈનિક જાગરણના સમાચાર મુજબ રોહિત શર્મા ઈંગ્લેન્ડ પ્રવાસ પર નહીં જાય. ચેમ્પિયન્સ ટ્રોફીની સમાપ્તિ સાથે જ તેની આંતરરાષ્ટ્રીય કારકિર્દીનો અંત આવશે. ટીમ ઈન્ડિયાને ચેમ્પિયન્સ ટ્રોફીમાં ત્રણ લીગ મેચ રમવાની છે. છેલ્લી લીગ મેચ 2 માર્ચે રમાશે. જો ટીમ સેમિફાઇનલમાં નહીં પહોંચે તો 2 માર્ચ રોહિતની આંતરરાષ્ટ્રીય કારકિર્દીનો અંતિમ દિવસ બની શકે છે. અને જો ટીમ સેમીફાઈનલમાં બહાર થઈ જાય તો 4 માર્ચ રોહિત શર્માની છેલ્લી ઈન્ટરનેશનલ મેચ હોઈ શકે છે. જો ટીમ ફાઇનલમાં પહોંચે છે તો 9 માર્ચ રોહિતની કારકિર્દીનો અંતિમ દિવસ બની શકે છે.

રોહિત શર્મા હજુ કેટલા દિવસ આંતરરાષ્ટ્રીય ક્રિકેટ રમશે? 

આ સમયે દરેક ક્રિકેટ ફેન આ મોટો સવાલ પૂછી રહ્યા છે અને લાગે છે કે હવે તેનો જવાબ મળી ગયો છે. રોહિત શર્માને લઈને એક રિપોર્ટ સામે આવ્યો છે, જે મુજબ આ દિગ્ગજ ખેલાડી ચેમ્પિયન્સ ટ્રોફી પછી ઈન્ટરનેશનલ ક્રિકેટ નહીં રમે, એટલે કે આ ટૂર્નામેન્ટ બાદ તેની કારકિર્દીનો અંત આવી જશે. રોહિત શર્માએ 11 જાન્યુઆરીએ યોજાયેલી BCCI પસંદગીકારોની બેઠકમાં પણ ભાગ લીધો હતો, જેમાં સમાચાર આવ્યા હતા કે જ્યાં સુધી ટીમને બીજો કેપ્ટન ન મળે ત્યાં સુધી આ ખેલાડી કેપ્ટન રહેશે, પરંતુ એક અખબારના અહેવાલ મુજબ, રોહિતને ચેમ્પિયન્સ ટ્રોફી આપવામાં આવશે નહીં. આ છેલ્લી આંતરરાષ્ટ્રીય ટૂર્નામેન્ટ હશે.

રોહિત શર્મા હવે ઈન્ટરેનેશલ ક્રિકેટ નહી રમે ! આવી શકે છે કોઈ મોટો બદલાવ 

રોહિત શર્માને ચેમ્પિયન્સ ટ્રોફી માટે ટીમ ઈન્ડિયાની કમાન સોંપવામાં આવી છે. તે ઈંગ્લેન્ડ સામેની વનડે સીરીઝમાં પણ કેપ્ટનશીપ કરતો જોવા મળશે, પરંતુ સવાલ એ છે કે ભારતીય કેપ્ટન ક્યાં સુધી રમવાનું ચાલુ રાખશે, તે ક્યારે નિવૃત્ત થશે, આ સવાલો પર મોટો દાવો કરવામાં આવ્યો છે.

અમરેલી  લેટરકાંડની તપાસ એસએમસીના વડા નિર્લિપ્ત રાયને સોંપાઈ 

SMC વડા છે નિર્લિપ્ત રાય,ડીજીપી વિકાસ સહાયે નિર્લિપ્ત રાયને સોંપી તપાસ,બીજી તરફ તપાસ જિલ્લા પોલીસ પાસેથી લઈ લેવાઈ છે અને ત્રણ પોલીસ કોન્સ્ટેબલને સસ્પેન્ડ પણ કરાયા છે.

હિટ એન્ડ રન કાયદો શું છે

હિટ એન્ડ રન પર કરવામાં આવેલી આ નવી જોગવાઇ છે. આ અંતર્ગત રોડ પર હિટ એન્ડ રનની ઘટના બને તો વાહન ચાલકને 10 વર્ષની સજા થશે. આ ઉપરાંત તેને દંડ પણ ભરવો પડશે. હવે નવા નિયમ મુજબ જો કોઈ કાર સાથે ટકરાય અને પોલીસ પ્રશાસનને જાણ કર્યા વગર જ ડ્રાઈવર ઘટના સ્થળેથી ફરાર થઈ જાય તો તેને 10 વર્ષ સુધીની સજા થશે અને દંડ પણ ફટકારવામાં આવશે.

પોસ્ટમોર્ટમ માટે મૃતદેહ હોસ્પિટલ ખસેડાયો

અમદાવાદના પોશ વિસ્તાર શેલામાં આજે હિટ એન્ડ રનની ઘટના બની છે જેમાં અજાણ્યો વાહનચાલક યુવાન પર કાળ બનીને તેનો જીવ લઈ ગયો છે.GJ01WS1791 નંબરની કારે ટક્કર મારી હોવાનો પરિજનોનો આક્ષેપ છે.તો હાલમાં પોલીસે આસપાસના સીસીટીવી મેળવી પોલીસ તપાસ હાથધરી છે અને મૃતદેહને પીએમ માટે મોકલી આપ્યો છે,પોલીસે પરિવારના સભ્યો અને આસપાસના સભ્યોના પણ નિવેદન લીધા છે. 

અમદાવાદના શેલામાં હિટ એન્ડ રનમાં એક યુવાનનું મોત, અજાણ્યો કાર ચાલક બન્યો કાળ 

અમદાવાદના શેલામાં હિટ એન્ડ રનમાં એક વાહનચાલકનું મોત નિપજયુ છે,ફૂડની ડિલિવરીનો ધંધો કરતો યુવક વાહન લઈને જઈ રહ્યો હતો તે દરમિયાન ફુલ સ્પીડમાં આવેલા વાહને પાછળથી ઉડાડી દીધો હતો અને હવામાં ફંગોળાઈ યુવક નીચે પટકાતા તેનું ઘટના સ્થળે મોત થયું છે.પોલીસે આસપાસના સીસીટીવીની મદદ મેળવી છે અને તપાસ હાથધરી છે.

પતંગ રસિકો માટે મોટા સમાચાર, ઉત્તરાયણમાં સારા પવનની હવામાન વિભાગે કરી આગાહી

અમદાવાદ હવામાન વિભાગે રાજયમાં ઉત્તરાયણ પર્વમાં પવનને લઈ આગાહી કરી છે,14 અને 15 જાન્યુઆરીના રોજ સારો પવન રહેશે તેવી આગાહી હવામાન વિભાગ દ્વારા કરવામાં આવી છે,સાથે સાથે ઉત્તરાયણમાં ઠંડીનો ચમકારો યથાવત રહેશે અને નલિયાનું તાપમાન 8.8 ડિગ્રી સુધી જઈ શકે છે,અને અમદાવાદમાં 12 થી 13 ડિગ્રી તાપમાન રહી શકે છે.

મંદિરના પ્રાંગણમાં ઉછાળવાના હોય છે બોર 

સેવાતીર્થ સ્થાન તરીકે જાણીતા બનેલા સંતરામ મંદિરના મુખ્ય ગાદી નડિયાદ ખાતે પોષ સુદ પૂનમનું વિશેષ મહત્ત્વ રહેલું છે. આ દિવસે પ્રસાદીરૂપ બોરની બોલબાલા રહે છે. ભાવિક ભક્તો દ્વારા ગુજરાતના ઠેકઠેકાણેથી નડિયાદ સંતરામ મંદિર ખાતે આવી બોરની ઉછામણી કરે છે. પોતાનું બાળક બોલતું ન હોય અથવા તો તોતડું બોલતું હોય તો એ માટે અનેક શ્રદ્ધાળુઓ માનતા રાખે છે અને આ પૂનમે બોરની મંદિરના પ્રાંગણમાં ઉછામણી કરે છે.

બાળક બોલતું ના હોય તો બાધા પૂર્ણ થાય છે

જે ભક્તોની મનોકામના પૂર્ણ થાય છે તે ભક્તો આજે વહેલી સવારથી આખા દિવસ દરમિયાન મંદિર પરિસરમાં આવી બોર ઉછાળી બાધા પૂર્ણ કરે છે.નડિયાદ અમદાવાદ આણંદ બરોડા સહિત દેશ વિદેશમાંથી ભક્તો આજે વહેલી સવારથી મંદિર પરિસરમાં બોર ઉછાળવા માટે આવી પહોંચ્યા.મંદિરમાં આ પૂનમના દિવસે 200 વર્ષ ઉપરાંતથી પરંપરા મુજબ બોર ઉછમણી કરવામાં આવે છે. બાળક જન્મ પછી બોલતું ન હોય, તોતડું બોલતું હોય કે ઓછું બોલતું બાળક વ્યવસ્થિત બાળક બોલતું થાય તે માટે બાળકના માતા-પિતા કે સ્વજનો સંતરામ મહારાજશ્રીની બાધા રાખે છે.

ખેડાના નડિયાદના સુપ્રસિદ્ધ સંતરામ મંદિરમાં આજે પોષી પૂનમની ભવ્ય ઉજવણી 

નડિયાદના સુપ્રસિદ્ધ સંતરામ મંદિરમાં આજે પોષી પૂનમની ભવ્ય ઉજવણી કરવામાં આવી છે જેમાં વહેલી સવારથી ભકતોની ભીડ જામી છે,મંદિર પરિસરમાં વહેલી સવારથી ભીડ જામી છે,સંતરામ મંદિરમાં પોષી પૂનમને બોર પૂનમ તરીકે ઓળખવામાં આવે છે.જો બાળક બોલતું ના હોય તો સંતરામ મંદિરે બોર ઉછાળવાની બાધા રાખવાથી બાળકો બોલતું થાય છે.

કરૂણા અભિયાન સમગ્ર દેશ માટે પથદર્શક 

ગત વર્ષે કરુણા અભિયાન અંતર્ગત રાજ્યભરમાં ૧૩,૮૦૦થી વધુ પશુ-પક્ષીઓને રેસ્ક્યુ કરાયા હતા, જેમાં ૪,૪૦૦થી વધુ પશુઓ અને ૯,૩૦૦થી વધુ પક્ષીઓનો સમાવેશ થાય છે. જ્યારે, છેલ્લા ૦૮ વર્ષમાં સૌથી વધુ અમદાવાદ જિલ્લામાં આશરે ૧૭,૬૦૦, સુરત જિલ્લામાં ૧૩,૩૦૦થી વધુ, વડોદરા જિલ્લામાં ૧૦,૭૦૦થી વધુ, રાજકોટ જિલ્લામાં ૮,૩૦૦થી વધુ, આણંદ જિલ્લામાં ૬,૮૦૦થી વધુ અને જૂનાગઢ જિલ્લામાં ૬,૧૦૦થી વધુ પશુ-પક્ષીઓને રેસ્ક્યુ કરીને સારવાર પૂરી પાડવામાં આવી છે. આમ, ગુજરાતે સૌપ્રથમવાર શરુ કરેલું ‘કરૂણા અભિયાન’નું આદર્શ મોડલ આજે સમગ્ર દેશ માટે પથદર્શક બન્યું છે.

કરુણા અભિયાન ગુજરાતની આગવી પહેલ

રાજ્ય સરકાર દ્વારા શરૂ કરાયેલી આ કરુણાસભર પહેલના પરિણામે અનેક અબોલ પશુ-પક્ષીઓને નવજીવન મળ્યું છે. છેલ્લાં આઠ વર્ષમાં કરુણા અભિયાન અંતર્ગત રાજ્યભરમાં ૯૭,૨૦૦થી વધુ પશુ-પક્ષીઓને રેસ્ક્યુ કરાયા છે. જે પૈકીના ૩૧,૪૦૦થી વધુ પશુઓને તેમજ ૬૫,૭૦૦થી વધુ પક્ષીઓને યોગ્ય સારવાર આપવામાં આવી છે. ઉત્તરાયણ જેવા તહેવારો અને લોકોત્સવોની ઉજવણી દરમ્યાન અબોલ જીવોની ચિંતા કરી તેની સારવાર-માવજતનું આ કરુણા અભિયાન ગુજરાતની આગવી પહેલ બન્યું છે.  

દવાઓનો સ્ટોક સુનિશ્ચિત કરવામાં આવ્યો

કરુણા અભિયાન-૨૦૨૫માં આશરે ૬૦૦થી વધુ વેટરનિટી તબીબો તેમજ ૮,૦૦૦થી વધુ સેવાભાવી સ્વયંસેવકો સેવારત છે. સાથે જ, પશુપાલન વિભાગ, વન વિભાગ અને વિવિધ સેવાભાવી સંસ્થાઓના મળીને રાજ્યભરમાં કુલ ૧,૦૦૦થી વધુ સારવાર કેન્દ્રો પણ ઉભા કરવામાં આવ્યા છે. આ અભિયાન દરમિયાન રાજ્યભરના ૮૬૫ પશુ દવાખાના, ૩૪ વેટરનરી પોલિક્લિનિક, ૨૭ શાખા પશુ દવાખાના ઉપરાંત ૫૮૭ જેટલા ફરતા પશુદવાખાના અને ૩૭ કરુણા એનીમલ એમ્બ્યુલન્સ રજાના દિવસે પણ કાર્યરત રહેશે. જ્યાં ઘાયલ પશુ-પક્ષીની સારવાર માટે જરૂરી તમામ સાધનો અને દવાઓનો સ્ટોક સુનિશ્ચિત કરવામાં આવ્યો છે.

૧૯૨૬ હેલ્પલાઇનનો કરો સંપર્ક 

અત્રે ઉલ્લેખનીય છે કે, ઉત્તરાયણ પર્વ દરમિયાન પતંગની દોરીથી કોઇ અબોલ પક્ષી-પશુ ઘાયલ ન થાય તેની પૂરતી સતર્કતા સાથે ૧૦મી જાન્યુઆરીથી ર૦મી જાન્યુઆરી- ૨૦૨૫ દરમ્યાન રાજ્યવ્યાપી કરૂણા અભિયાન મુખ્યમંત્રી શ્રી ભૂપેન્દ્ર પટેલની પ્રેરણા અને દિશા-દર્શનમાં યોજાઈ રહ્યું છે.રાજ્યના કોઈ પણ સ્થળે ઘાયલ પક્ષીઓને ઝડપી અને યોગ્ય સારવાર આપવા માટે વન વિભાગ દ્વારા વોટ્સઅપ નંબર ૮૩૨૦૦૦૨૦૦૦ અને ૧૯૨૬ હેલ્પલાઇન જાહેર કરાયો છે. આ નંબર પર "Hi" મેસેજ કરવાથી એક લિંક મળશે, જેને ક્લીક કરવાથી જિલ્લાવાર ઉપલબ્ધ તમામ પક્ષી સારવાર કેન્દ્રોની માહિતી મળશે. આ ઉપરાંત પશુપાલન વિભાગ દ્વારા ૧૯૬૨ નંબર સેવારત છે. આ નંબરનો સંપર્ક કરી નાગરિકો અબોલ પશુ પક્ષીઓનો જીવ બચાવી શકશે.

સ્વયંસેવકો અને વિદ્યાર્થીઓ ઉપસ્થિત રહ્યા

મુખ્યમંત્રીની આ વાઇલ્ડ લાઇફ કેર સેન્ટરની મુલાકાત દરમિયાન અમદાવાદના મેયર પ્રતિભાબેન જૈન, ધારાસભ્યો, કાઉન્સિલરો, સ્ટેન્ડિંગ કમિટીના ચેરમેન દેવાંગભાઈ દાણી, રાજ્યના વન અને પર્યાવરણ વિભાગના અગ્ર સચિવ સંજીવ કુમાર, કૃષિ ખેડૂત કલ્યાણ અને સહકારના સચિવ સંદિપ કુમાર, અમદાવાદ જિલ્લા કલેકટર પ્રવિણા ડી.કે, વન વિભાગના અગ્ર મુખ્ય વન સંરક્ષક તેમજ ચીફ વાઈલ્ડ લાઈફ વોર્ડન જયપાલ સિંગ, અમદાવાદના નાયબ વન સંરક્ષક પ્રિયંકાબહેન ગેહલોત અને વન વિભાગના અન્ય અધિકારીઓ, કરુણા અભિયાન સાથે જોડાયેલી વિવિધ સંસ્થાઓના પ્રતિનિધિઓ તેમજ સ્વયંસેવકો અને વિદ્યાર્થીઓ ઉપસ્થિત રહ્યા હતા.

અત્યાર સુધીમાં હજારો ઘાયલ પક્ષીઓના જીવ બચાવવામાં આવ્યા 

અમદાવાદના બોડકદેવમાં આવેલા વાઇલ્ડ લાઇફ કેર સેન્ટરની મુલાકાત દરમિયાન મુખ્યમંત્રી ભૂપેન્દ્ર પટેલના હસ્તે 'સ્નેક રેસ્ક્યુ એપ' લૉન્ચ કરવામાં આવી હતી. આ સાથે મુખ્યમંત્રી દ્વારા  રાજ્યના વન વિભાગ દ્વારા ત્યાર કરવામાં આવેલું 'કરુણા અભિયાન' પુસ્તકનું વિમોચન કરવામાં આવ્યું હતું. આ સાથે  મુખ્યમંત્રીએ 'કરુણા અભિયાન -૨૦૨૫ સિગ્નેચર' કેમ્પનમાં પણ ભાગ લીધો હતો.આ પ્રસંગે અગ્ર મુખ્ય વન સંરક્ષક અને હેડ ઓફ ધ ફોરેસ્ટ ફોર્સના ડૉ એ.પી.સિંગએ કહ્યું કે, મુખ્યમંત્રીના નેતૃત્વમાં ઉત્તરાયણ પર્વમાં ઘાયલ પક્ષીઓને બચાવવાનું આ અભૂતપૂર્વ અભિયાન છે. આ અભિયાનમાં અત્યાર સુધીમાં હજારો ઘાયલ પક્ષીઓના જીવ બચાવવામાં આવ્યા છે.  તા.૧૦ થી ૨૦ જાન્યુઆરી દરમિયાન સુધી ચાલી રહેલા આ અભિયાનને સફળ બનાવવા પશુપાલન, વન વિભાગ, મહાનગરપાલિકાઓ અને વિવિધ સ્વૈચ્છિક સંસ્થાઓ સહભાગી બની છે.

અમદાવાદના બોડકદેવના કરુણા અભિયાન સેન્ટરની મુખ્યમંત્રી ભૂપેન્દ્ર પટેલે લીધી મુલાકાત 

મુખ્યમંત્રી ભૂપેન્દ્રભાઈ પટેલે ૧૦મી જાન્યુઆરીથી ર૦મી જાન્યુઆરી - ર૦ર૪ સુધી ઉત્તરાયણ પર્વ દરમ્યાન પતંગ દોરાથી પક્ષીઓને ઘાયલ થતા બચાવવા અને ઘાયલ પક્ષીઓની સારવાર માટે ચાલી રહેલા રાજ્યવ્યાપી કરૂણા અભિયાન અંતર્ગત અમદાવાદના બોડકદેવ વિસ્તારમાં કાર્યરત વાઇલ્ડ લાઇફ કેર સેન્ટરની મુલાકાત લીધી હતી.મુખ્યમંત્રીએ આ મુલાકાત દરમિયાન વાઈલ્ડ લાઈફ કેર સેન્ટર દ્વારા કરવામાં આવતી વિવિધ કામગીરીનું નિરીક્ષણ કર્યું હતું. આ અવસરે મુખ્યમંત્રીએ વન્ય પ્રાણી ફોટોગ્રાફ એક્ઝિબિશનની પણ મુલાકાત લીધી હતી. 

ગ્રાહક સુરક્ષા મંડળોને નાણાકીય સહાય અપાય છે

અત્રે ઉલ્લેખનીય છે કે, ગ્રાહક સુરક્ષા કચેરી દ્વારા ક્ન્ઝયુમર્સ અર્ફેસ એન્ડ પ્રોટેકશન એજ્ન્સી મારફતે ગ્રાહક સુરક્ષા મંડળના પ્રતિનિધિઓને પણ સામેલ કરી લોકશાહી ઢબે નિર્ણય નિમાર્ણની કામગીરી હાથ ધરવામાં આવે છે. સાથે જ રાજ્યભરમાં આવેલા ગ્રાહક સુરક્ષા મંડળોને નાણાકીય સહાય અપાય છે. જેમાં રાજ્ય સરકાર દ્વારા તાલુકા કક્ષાના ગ્રાહક સુરક્ષા મંડળને વાર્ષિક રૂ.૭૫ હજાર, રૂ. એક લાખ જિલ્લાકક્ષા તેમજ રૂ. ૧.૨૫ લાખ મ્યુનિસિપલ કોપોરેશન કક્ષાની મંડળીઓને ચૂકવવામાં આવે છે. 

ગ્રાહકને જાગૃત અને સશક્ત બનાવવાની કામગીરી બહોળા પ્રમાણમાં કરાઈ

રાજ્યમાં ગ્રાહક જાગૃતિની પ્રવૃતિ વેગવંતી બને તેવા ઉમદા આશયથી દર વર્ષે બજેટમાં અંદાજે રૂ. એક કરોડની જોગવાઇ કરવામાં આવે છે. જે અંતર્ગત રાજ્યવ્યાપી એસ.ટી. બસની સાઇડ પેનલ પર જાહેરાત, રેડિયો સ્ટેશન અને આકાશવાણીમાં જાહેરાત અપાય છે. આ ઉપરાંત રાજ્યના તમામ જિલ્લાના અગત્યના સ્થળો પર હોર્ડિંગ, ગ્રામ પંચાયત, સરકારી કચેરી, સસ્તા અનાજની દુકાન પર ફ્લેક્ષ બેનર પર જાહેરાત સાથે જ, ગ્રાહક સુરક્ષાના કેલેન્ડર, સાહિત્ય, પેમ્ફ્લેટ છપાવીને ગ્રાહકને જાગૃત અને સશક્ત બનાવવાની કામગીરી બહોળા પ્રમાણમાં કરવામાં આવે છે.

કન્ઝ્યુમર્સ ક્લબ યોજના હેઠળ ક્લબ

તત્કાલીન મુખ્યમંત્રી અને વર્તમાન વડાપ્રધાન નરેન્દ્રભાઈ મોદી દ્વારા વર્ષ ૨૦૧૦માં ગ્રાહકોને નિઃશૂલ્ક સલાહ આપવા રાજ્યમાં ગ્રાહક સલાહકાર કેન્દ્રો જુદા- જુદા ૨૧ સ્થળે સ્થાપવવામાં આવ્યા છે. આ કેન્દ્રો દ્વારા છેલ્લા એક વર્ષમાં કુલ ૦૬ હજારથી વધુ ગ્રાહકોને નિ:શૂલ્ક સલાહ તેમજ માર્ગદર્શન આપી તેમની સમસ્યા દૂર કરી છે. આ સલાહ કેન્દ્રોને રાજ્ય સરકાર દ્વારા વાર્ષિક રૂ. ૧૨.૩૧ લાખ સહાય ચૂકવાય છે.રાજ્યના ભવિષ્યના ગ્રાહકો સશક્ત અને જાગૃત બને તે માટે ગ્રાહક સુરક્ષા કચેરી દ્વારા શાળા અને કોલેજ કક્ષાએ કન્ઝ્યુમર્સ ક્લબ યોજના હેઠળ ક્લબ સ્થાપવામાં આવે છે. આ યોજના અંતર્ગત રાજ્યના તમામ જિલ્લાઓમાં અંદાજે બે હજાર શાળા કન્ઝ્યુમર્સ અને ૫૦૦ કોલેજ કક્ષાએ કન્ઝ્યુમર્સ ક્લબ કાર્યરત છે. જેમાં દર વર્ષે કલબ દિઠ રૂ. ૫૦૦૦ની નાણાકીય સહાય આપવામાં આવે છે.

જેમાં ગ્રાહકોને પોતાની ફરિયાદો નોંધાવી શકે છે

જે અંતર્ગત છેલ્લા પાંચ વર્ષમાં આ નંબર પરથી મળેલ ૪૭ હજારથી વધુ રજૂઆતોનું સુખદ નિવારણ કરાયું છે.હાલ રાજ્યભરમાં અંદાજે ૫૩ જેટલા ગ્રાહક સુરક્ષા મંડળો કાર્યરત છે. આ મંડળીઓ દ્વારા ગ્રાહકોને જાગૃત્ત કરવા છેલ્લા ત્રણ વર્ષમાં ૫૪૪ શિબિર- વર્કશોપ, ૪૬૮ સેમિનાર, પરિસંવાદ, વેબિનાર તેમજ ૪૯૮ ગ્રામ શેરીસભા યોજવવામાં આવી છે. જ્યારે ૪.૨૪ લાખથી વધુ ગ્રાહક જાગૃતિની પત્રિકા અને ૧.૫૩ લાખથી વધુ પાક્ષિક- માસિક પ્રસિદ્ધ કરી ગ્રાહકોમાં જાગૃતિ કેળવવાનું ઉમદા કાર્ય કરવામાં આવ્યું છે. આ ઉપરાંત ગ્રાહક સુરક્ષા મંડળો દ્વારા છેલ્લા ૦૩ વર્ષમાં ગ્રાહક સુરક્ષાની ૪,૩૭૩ ફરિયાદો મધ્યસ્થા અને સમજાવટ કરીને પૂર્ણ કરવામાં આવી છે.

ગુજરાતમાં ગ્રાહક સુરક્ષાને લઈ છેલ્લા પાંચ વર્ષમાં 47 હજારથી વધુ રજૂઆતોનું સુખદ નિવારણ

રાજ્યના કોઈપણ નાગરિક સાથે છેતરપિંડી ના થાય તેની ચિંતા રાજ્ય સરકારે હર હમેંશ કરી છે. નાગરિકોમાં ગ્રાહક સુરક્ષાની જાગૃતિ કેળવાય તે માટે મુખ્યમંત્રી ભૂપેન્દ્ર પટેલના માર્ગદર્શન અને ગ્રાહક સુરક્ષા મંત્રી કુંવરજીભાઈ બાવળિયાના નેતૃત્વમાં રાજ્ય સરકારે બહુઆયામી પ્રયાસ હાથ ધર્યા છે. રાજયમાં ગ્રાહકોની ફરિયાદ નિવારણ અર્થે રાજ્ય સરકાર દ્વારા ગ્રાહક હેલ્પલાઈન નંબર 18002330222 કાર્યરત છે. 

વાંચો 12 વાગ્યા સુધીના મહત્વના સમાચાર 

01 - Ahmedabadમાં 8 વર્ષની બાળા સાથે પાડોશીએ આચર્યુ દુષ્કર્મ, પોકસો હેઠળ નોંધાયો ગુનો

02 - 'અમેરિકાએ કિંમત ચૂકવવી પડશે' ટ્રમ્પની ધમકી પર કેનેડા સાંસદનો જવાબ

03 - Champions Trophy 2025: ઓસ્ટ્રેલિયા ટીમનું એલાન, આ ખેલાડીને શીરે કેપ્ટન પદની જવાબદારી

04 - Suratમાં કોંગ્રેસના નારી સ્વાભિમાન આંદોલનનો ફિયાસ્કો, પરમિશન ન મળતા નેતાઓની થઈ અટકાયત

05 - Harsh Sanghaviને બેટ દ્વારાકામાં મેગા ડિમોલિશિન મામલે સોશિયલ મીડિયામાં મળી ધમકી

06 - Petrol Diesel Price Today: ગુજરાતમાં પેટ્રોલ-ડીઝલને લઇને રાહતના સમાચાર, જાણો કિંમત

07 - Gujaratમાં 14 થી 30 જાન્યુઆરી સુધી “પ્રાણી કલ્યાણ પખવાડીયું” ઉજવાશે

08 - Mahakumbh : પ્રથમ દિવસે એક કલાકમાં 40 લાખ ભક્તોએ કર્યુ મહાસ્નાન

09 - Sarangpur શ્રીકષ્ટભંજનદેવ હનુમાનજીને પૂનમ નિમિત્તે ગુલાબના ફૂલોનો શણગાર કરાયો, જુઓ Video

10 - Dwarkaમાં બે દિવસમાં 110 ગેરકાયેદસર બાંધકામ દૂર કરાયા, વાંચો Inside Story

સમુદ્રી વનસ્પતિને નુકસાન

01-અતિક્રમણને કારણે સમુદ્રી વનસ્પતિને મોટા પાયે નુકસાન થઈ રહ્યું હતું.

02-મહત્વના ઉદ્યોગો માટે ખતરો: જીએસએફસી, રિલાયન્સ, નયારા એનર્જી, એરફોર્સ બેઝ, નેવી બેઝ જેવા મહત્વના ઉદ્યોગો અને સંસ્થાઓ માટે આ અતિક્રમણને કારણે થતી ગેરકાયદેસર અવરજવર ગંભીર ખતરો ઉભો કરતું હતું.

03-આ કાર્યવાહી દ્વારા પીરોટન ટાપુને ફરીથી તેની મૂળ સ્થિતિમાં લાવવાનો પ્રયાસ કરવામાં આવશે અને આ સાથે દેશની સુરક્ષા અને સમુદ્રી જીવસૃષ્ટિનું રક્ષણ કરવામાં આવશે.

આ કડક કાર્યવાહી પાછળના કારણો

01-રાષ્ટ્રીય સુરક્ષા: પીરોટન ટાપુ પાસે 5 SPM આવેલા છે. જેનાથી દેશનો 60% ક્રૂડ ઓઇલનો પુરવઠો સપ્લાય થાય છે. 

02-સમુદ્રી જીવસૃષ્ટિ: પીરોટન મરીન નેશનલ પાર્કનો હિસ્સો છે. અહીંના કોરલ જેવા સમુદ્રી જીવોને ગેરકાયદેસર દબાણોને કારણે ખૂબ મોટું નુકસાન થતું હતું.

03-લોકોની અવરજવર: અતિક્રમણને કારણે લોકોની અવરજવર વધી જતાં રાષ્ટ્રીય સુરક્ષા માટે ગંભીર પ્રશ્નો ઉભા થઈ રહ્યા હતા.

04--આ સ્થળ NDPS સંબંધી પ્રવૃત્તિઓ માટે લેન્ડિંગ પોઈન્ટ બનવાનું જોખમ ધરાવતું હતું.

દ્વારકામાં દાદાનું ફરી વળ્યું બુલડોઝર, 4 હજાર ચોરસફીટ પરના દબાણો દૂર કરાયા

દેશની સુરક્ષા અને સમુદ્રી જીવસૃષ્ટિ માટે અત્યંત મહત્વપૂર્ણ એવા પીરોટન ટાપુ પર થયેલા ગેરકાયદેસર દબાણોને દૂર કરવા માટે તંત્ર દ્વારા નક્કર કાર્યવાહી કરવામાં આવી છે. મુખ્યમંત્રી ભૂપેન્દ્ર પટેલના નેતૃત્વમાં રાજ્યમાં આ પ્રકારના ગેરકાયદેસર દબાણો પર ઝીરો ટોલરન્સની નીતિ અપનાવી છે.પીરોટન ટાપુ પર અંદાજે 4000 ચોરસ ફૂટમાં ફેલાયેલા ધાર્મિક સ્થળોનું અતિક્રમણ દૂર કરવામાં આવ્યું છે. પીરોટન ટાપુને પુનઃ મૂળ સ્થિતિમાં લાવવા માટે રાજ્ય સરકાર દ્વારા કરવામાં આવેલી આ કડક કાર્યવાહી દેશની સુરક્ષા અને સમુદ્રી જીવસૃષ્ટિના રક્ષણ માટે મહત્વપૂર્ણ સાબિત થશે.પીરોટન ટાપુના આ દબાણો રાષ્ટ્રીય સુરક્ષા, સમુદ્રી જીવસૃષ્ટિ અને આસપાસના વિસ્તારમાં આવેલા મહત્વના ઉદ્યોગો માટે ખતરારૂપ સાબિત થઈ રહ્યા હતા. 

પોલીસે બાળકીનો કઢાવ્યો રીપોર્ટ 

સમગ્ર ઘટનામાં પોલીસે બાળકીનો રીપોર્ટ કઢાવ્યો છે,અને સારવાર હેઠળ ખસેડી છે.ત્યારે બાળકીના માતા-પિતાનું તેમજ અન્ય લોકોના પણ નિવેદન નોંધવામા આવ્યા છે.આરોપી ઝડપાય તો અન્ય ખુલાસાઓ પણ થઈ શકે છે,અન્ય કોઈ બાળકી સાથે તેણે આવી રીતે દુષ્કર્મ તો નથી આચર્યુ ને.તો પોલીસે આસપાસના સીસીટીવી અને આરોપીના મોબાઈલ નંબરના આધારે પણ તપાસ કરી છે. 

અમદાવાદમાં 8 વર્ષની બાળકી સાથે દુષ્કર્મ

અમદાવાદમાં 8 વર્ષની બાળકી સાથે દુષ્કર્મ થયું હોવાની વાત સામે આવી છે જેમાં આરોપીએ બાળકીને બિસ્કીટ આપવાની લાલચે ઘરે બોલાવી અને દુષ્કર્મ આચર્યુ હતુ બાળકીના માતા-પિતાએ પોલીસને જાણ કરી છે અને પોલીસે ફરિયાદ નોંધીને આરોપીને ઝડપવા માટે ચક્રો ગતિમાન કર્યા છે,બિસ્કીટ આપુ તેમ કહી આરોપી તેના ઘરે લઈ ગયો અને દુષ્કર્મ આચર્યુ હતુ તો પોલીસે અલગ-અલગ ટીમો બનાવીને આરોપીને શોધવા માટે ચક્રો ગતિમાન કર્યા છે.

અમદાવાદમાં 8 વર્ષની બાળા સાથે પાડોશીએ આચર્યુ દુષ્કર્મ, પોકસો હેઠળ નોંધાયો ગુનો

અમદાવાદ શહેરના કૃષ્ણનગર પોલીસ સ્ટેશનમાં 8 વર્ષની બાળા સાથે પાડોશીએ દુષ્કર્મ આચર્યુ હોવાની વાત સામે આવી છે,બાળકીએ તેની માતાને ઈશારાના આધારે આખી ઘટનાનું વર્ણન કર્યુ અને તે વર્ણનના આધારે માતા સમજી ગઈ અને તેના પગ જમીન પરથી સરકી ગયા અને તેમણે પોલીસને આખી વાત વર્ણવી અને પોલીસે ગુનો નોંધ્યો. 

કેવી રીતે પાયલ ગોટીનો વિવાદ થયો?

અમરેલીમાં પાયલ ગોટીકાંડનો વિવાદ સોશિયલ મીડિયામાં વાયરલ થયેલા એક લેટરથી શરૂ થયો. આ લેટરમાં ધારાસભ્ય કૌશિક વેકરિયા પર ગંભીર આક્ષેપો મુકાયા. આ જ વિવાદમાં પાયલ ગોટી પર આંગળી ઊઠી કે તેણે જ લેટર વાયરલ કરાવ્યો છે. બસ, આના પછી જ વિવાદમાં પોલીસની એન્ટ્રી થાય છે અને અડધી રાતે લેટરકાંડ મામલે આરોપીઓને ઉઠાવી લેવામાં આવે છે. હવે આ ઘટના ભયાનક વળાંક લે છે, કારણ કે એવો આક્ષેપ થયો કે મધરાતે જેને પોલીસે પકડ્યા એમાં પાયલ ગોટી નામની મહિલા પણ હતી. 

અમરેલીમાં દીકરી સાથે બનેલી ઘટના અયોગ્ય : પુરુષોત્તમ રૂપાલા

અમરેલી પાટીદાર યુવતીનો વિવાદ હવે રાજકીયમાં પલટી ગયો છે,કોંગ્રેસના નેતાઓએ આ મામલે ધરણા પણ કર્યા હતા અને હવે રાજકોટ ભાજપના સાંસદ પણ આ મામલે સામે આવ્યા છે.સાંસદે આ ઘટનાને વખોડી હતી,તો સાંસદે કહ્યું કે,હાલમાં નનામી લેટર વાયરલ કરવાનો રોગ ફેલાયો છે જેની જાણ બધાને છે,તો પોલીસની કમિટી યોગ્ય કાર્યવાહી કરશે તેવી આશા વ્યકત કરી હતી સાંસદે સાથે સાથે કોંગ્રેસ પર ચાબખા મારતા કહ્યું કે,કોંગ્રેસ ઘટનાને અલગ દિશામાં લઇ જાય છે.

કોંગ્રેસનું નારી સ્વાભિમાન આંદોલન બન્યું ઉગ્ર

અમરેલી બાદ સુરતમાં પરેશ ધાનાણીના આંદોલનને વેગ મળ્યો નથી,લેટરકાંડ મામલે કોંગ્રેસને સુરતમાં આંદોલન કરવું છે પણ તે થવું શકય નથી કેમકે વરાછા પોલીસે આંદોલનની શરૂઆત થાય તે પહેલા જ નેતાઓની ધરપકડ કરી લીધી છે અને વરાછામાં પોલીસનો ચુસ્ત બંદોબસ્ત પણ ગોઠવી દેવામાં આવ્યા છે.વરાછાના મીની બજારમાં ધરણા કાર્યક્રમ રાખવામાં આવ્યો હતો પરંતુ પોલીસે તે સફળ થવા દીધો નથી,પાયલનો વરઘોડો કાઢનારા સામે પગલા લેવામાં આવે તેવી માગ કોંગ્રેસના નેતાઓની છે. 

સુરતમાં કોંગ્રેસનું નારી સ્વાભિમાન આંદોલન શરૂ થાય તે પહેલા જ નેતાઓની પોલીસે કરી અટકાયત

અમરેલીમાં પાટીદાર દીકરી પાયલ ગોટીનું પોલીસે સરઘસ કાઢયા બાદ મામલો વધુ ઉગ્ર બન્યો છે.કોંગ્રેસના નેતા પરેશ ધાનાણી અને અન્ય નેતાઓએ અમરેલીમાં ધરણા પર ઉતર્યા બાદ પારણા કર્યા અને ત્યારબાદ વચન આપ્યું હતુ કે સુરતના વરાછામાં પણ ધરણા કરીશું પરંતુ સુરતની વરાછા પોલીસે આ મામલે પરમિશન આપી ન હતી જેથી નેતાઓ ધરણા કરવા બેસે તે પહેલા જ પોલીસે તેમની અટકાયત કરી લીધી હતી અને વરાછા પોલીસ સ્ટેશન લઈ જવામાં આવ્યા હતા. 

વક્તૃત્વ સ્પર્ધાઓ પણ યોજાશે

આ ઉપરાંત સમગ્ર પખવાડિયા દરમિયાન જનજાગૃતિને લગતા કાર્યક્રમોનું આયોજન કરીને શાળા, કોલેજ, કન્યા કેળવણી મંડળો તેમજ ગ્રામ પંચાયતો અને નગરપંચાયતો તરફથી પ્રાણી કલ્યાણ અને પ્રાણી પ્રત્યે પ્રેમ, દયા વિશે ચર્ચાઓ, વક્તૃત્વ સ્પર્ધાઓ પણ યોજાશે.ગુજરાત પ્રાણી કલ્યાણ બોર્ડ દ્વારા જનજાગૃતિ માટે વિવિધ પોસ્ટરો છપાવવા ઉપરાંત પ્રાણી કલ્યાણ પખવાડિયા દરમિયાન ગ્રામ્ય કક્ષાએ યોજાતી શિબિરો દરમિયાન ગૌવંશ હત્યાના પ્રતિબંધ ધારો અમલમાં છે તેની જનજાગૃતિ કેળવવા માટે પ્રચાર કરાશે. ABC રૂલ્સ-૨૦૨૩ના ચુસ્ત અમલીકરણ માટે સ્થાનિક સ્વરાજની સંસ્થા સાથે સંકલન કરી એનીમલ બર્થ કન્ટ્રોલ પ્રોગ્રામના અમલીકરણ દરમ્યાન શ્વાનો પર ક્રુરતા ન થાય તે બાબત અંગે ધ્યાન રાખવા સૂચના આપવી તેમ યાદીમાં વધુમાં જણાવ્યું હતું.

વાસણ-કુંડાનું વિતરણ કરાશે

યાદીમાં વધુમાં જણાવ્યા અનુસાર, રાજ્યની પ્રાણી કલ્યાણ સંસ્થાઓ અને સંબંધિત નાગરિકો  દ્વારા બિમાર અને ઘાયલ પશુઓ માટે સારવાર કેમ્પ, વંઘ્યત્વ નિવારણ કેમ્પ એંટીરેબીસ કંટ્રોલ પ્રોગ્રામ તથા તાલીમ શિબિર જેવા પ્રાણી કલ્યાણના વિવિધ કાર્યક્રમો યોજાશે.આ પખવાડીયા દરમિયાન  "ઓક્સીટોસીન" ઇંજેક્શનના દુરૂપયોગ બાબતે લોક જાગૃતી કેળવવી, મોટા પ્રમાણમાં પક્ષીઓ માટે સાનુકુળ વૃક્ષો જેવા કે જાંબુ, લીમડો, પીપળ, શીમળના વાવેતર માટે નાગરિકોને અનુરોધ કરાશે. પશુ પક્ષીઓને પુરતા પ્રમાણમાં ખોરાક અને પાણી મળી રહે તે માટે માટીના વાસણ-કુંડાનું વિતરણ કરાશે.

ગુજરાતમાં 14 થી 30 જાન્યુઆરી સુધી “પ્રાણી કલ્યાણ પખવાડીયું” ઉજવાશે

રાજ્યભરમાં પ્રાણી કલ્યાણ બોર્ડ દ્વારા આગામી તા. ૧૪ થી ૩૦ જાન્યુઆરી ૨૦૨૫ સુધી  "પ્રાણી કલ્યાણ પખવાડીયા"ની ઉજવણી કરવામાં આવશે. આ સપ્તાહ દરમિયાન રાજ્યભરમાં અબોલ પ્રાણીઓના કલ્યાણને લગતા તથા તેમના પ્રત્યે પ્રેમ વધે તે સંલગ્ન વિવિધ જનજાગૃતિ કાર્યક્રમોનું આયોજન કરવામાં આવશે તેમ ગુજરાત પ્રાણી કલ્યાણ બોર્ડની યાદીમાં જણાવાયું છે.

દિવ્ય ષોડશોપચાર પૂજનનું આયોજન કરવામાં આવ્યું

પૂનમ નિમિત્તે સાંજે 04:15 કલાકે શ્રી કષ્ટભંજનદેવ દાદાનું દિવ્ય ષોડશોપચાર પૂજનનું આયોજન કરવામાં આવ્યું.દાદાને  દિવ્ય  શણગાર સાથોસાથ ફળ,પુષ્પ, ડ્રાયફ્રુટ વિગેરે ધરવવામાં આવેલ, પુષ્પવર્ષા કરવામાં આવેલ, દાદાની દિવ્ય સંધ્યા આરતી 6:15 કલાકે  પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)દ્વારા કરવામાં આવી હતી. તેમજ હજારો ભક્તોએ પ્રત્યક્ષ તેમજ ઓનલાઈન આ દિવ્ય દર્શનનો  લાભ લઈ ધન્યતાનો અનુભવ કર્યો હતો.

હનુમાન ચાલીસા યજ્ઞ 

પવિત્ર ધનુર્માસ નિમિત્તે  શ્રીકષ્ટભંજનદેવ હનુમાનજી મંદિર આયોજીત સાળંગપુરધામમાં પારિવારિક શાંતિ માટે મંદિરના પટાંગણમાં યજ્ઞશાળામાં શ્રીહનુમાન ચાલીસા યજ્ઞનું આયોજન તા.૧૬ -૧૨-૨૦૨૪ થી ૧૪ જાન્યુઆરી ૨૦૨૫ સુધી  કરવામાં આવ્યું છે. યજ્ઞશાળામાં શ્રી હનુમાન ચાલીસા યજ્ઞ સવારે ૭ થી ૧૨ અને  સાંજે : 3 થી ૬ કલાક દરમિયાન પવિત્ર ભૂદેવો વડે પૂજન-અર્ચન-આરતી કરવામાં આવી રહ્યા છે.

વાઘા ફૂલની ડિઝાઈન અને જરદોશી વર્ક 

આજે સવારે મંગળા આરતી પૂજારી  સ્વામી દ્વારા કરવામાં આવી હતી. પછી શણગાર આરતી પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)દ્વારા કરવામાં આવી હતી.  દાદાને ગુલાબના ફુલોનો દિવ્ય શણગાર-હીરાજડિત મુગટ  ધરાવવામાં આવ્યો હતો. સાથોસાથ મંદિરની યજ્ઞશાળામાં મારુતિ યજ્ઞનું આયોજન કરવામાં આવ્યું હતું.આજે કરાયેલા શણગાર વિશે પૂજારી સ્વામીએ જણાવ્યું કે હીરાજડિત મુગટ પહેરાવાયો  ગુલાબના ફૂલોનો શણગાર કરાયો છે.સિલ્કના વાઘા ફૂલની ડિઝાઈન અને જરદોશી વર્ક કરાયું છે. 

સાળંગપુર શ્રીકષ્ટભંજનદેવ હનુમાનજીને પૂનમ નિમિત્તે ગુલાબના ફૂલોનો શણગાર કરાયો

સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રી કષ્ટભંજનદેવ હનુમાનજી મંદિર ખાતે પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી પૂનમ નિમિત્તે તા.13-01-2025ને સોમવારના રોજ  સાળંગપુરમાં  શ્રીકષ્ટભંજન દેવ હનુમાનજીને  ગુલાબના  ફૂલોનો દિવ્ય શણગાર કરાયો છે. 

ગઈકાલે પણ બેટ દ્રારકામાં કરાયું ડિમોલિશન

દેવભૂમિ દ્વારકાના ઓખામંડળ પંથકના યાત્રાધામ સહિતના મહત્વપૂર્ણ જગ્યાઓમાં તંત્ર દ્વારા મેગા ડિમોલિશન હાથ ધરવામાં આવ્યું હતુ. તંત્ર દ્વારા યાત્રાધામ દ્વારકાના આવળપરા વિસ્તાર, રૂપેણ બંદરના શાંતિનગર વિસ્તાર તેમજ બેટ દ્વારકામાં ગેરકાયદે ખડકાયેલા દબાણો દૂર કરવાની કામગીરી ચાલી રહી છે. ઉલ્લેખનીય છે કે, હાલ બેટ દ્વારકામાં તમામ ખાનગી વાહનો પર પ્રતિબંધ મુકવામાં આવ્યો છે.કરોડોની જમીન પરના દબાણો દૂર કરવા કાર્યવાહી કરવામાં આવી છે,જિલ્લા પોલીસ વડાના માર્ગ દર્શન હેઠળ ડિમોલિશનની કામગીર કરવામાં આવી રહી છે,DYSP સહિતના ઉચ્ચ અધિકારીઓનો ચુસ્ત બંદોબસ્ત છે સાથે સાથે અગાઉ પણ હર્ષદ, નાવદ્રા, ભોગાત બંદરે થયું હતું ડિમોલિશન,હજી પણ જેટલી સરકારી જમીનો પર બાંધકામ હશે તે દૂર કરવામાં આવશે. 

બેટ દ્વારકામાં ડિમોલિશનનો મુદ્દો હાઈકોર્ટ પહોંચ્યો

બેટ દ્રારકામાં ડિમોલિશન સામે મુસ્લિમ જમાતના ટ્રસ્ટ દ્વારા ગુજરાત હાઈકોર્ટમાં પણ અરજી કરવામાં આવી હતી,અરજદારનો આક્ષેપ છે કે,HCમાં અરજી પેન્ડિંગ છતા ડિમોલિશન કેમ કરવામાં આવ્યું તે સમજવામાં નથી આવતું ત્યારે અરજીમાં અરજન્ટ સુનાવણી કરવા અરજદારે રજૂઆત કરી છે તો 20 જાન્યુઆરીના રોજ દ્વારકા ડિમોલિશન મુદ્દે વધુ સુનાવણી હાથધરવામાં આવશે અને રાજ્ય સરકાર દ્વારા ડિમોલિશન પર અપાશે જવાબ.

દ્વારકામાં બે દિવસમાં 110 ગેરકાયેદસર બાંધકામ દૂર 

દ્વારકામાં છેલ્લા બે દિવસમાં કુલ 110 ગેરકાયદેસર જેટલા દબાણો દૂર કરવામાં આવ્યા છે,કરોડોની કિંમતની જમીનો પરના દબાણ દૂર કરાયા છે અને જમીન ખુલ્લી કરવામાં આવી છે.110 જેટલા રહેણાંક મકાનો પર બુલડોઝર ફરી વળ્યું અને 24,400 ચોરસ મીટર જગ્યા પર દબાણો તોડી પડાયા હોવાની વાત સામે આવી છે,13.12 કરોડની જમીન પર તંત્રએ દબાણ દૂર કર્યા છે અને બાલાપર વિસ્તારમાં દબાણ દૂર કામગીરી યથાવત રહેશે.અંદાજે 250 જેટલા આસામીઓને તંત્ર દ્વારા નોટિસો પાઠવાવમાં આવી હતી.

દ્વારકામાં બે દિવસમાં 110 ગેરકાયેદસર બાંધકામ દૂર કરાયા

બેટ દ્વારાકામાં છેલ્લા બે દિવસથી અલગ-અલગ ગેરકાયદેસર બાંધકામો પણ દબાણ દૂર કરવામાં આવી રહ્યાં છે અને આગામી સમયમાં પણ હજી દબાણો દૂર કરવામાં આવશે તંત્ર દ્વારા અગાઉ નોટીસ આપવામાં આવી હતી તેમ છત્તા ગેરકાયદેસર દબાણો સ્થાનિકોએ ખાલી ના કરતા તંત્રએ બુલડોઝર ફેરવી દીધુ હતુ અને છેલ્લા બે દિવસામાં દ્વારકામાં  110 ગેરકાયદેસર દબાણો દૂર કરવામાં આવ્યા છે. 

આરોપી મુંબઈ તરફ ભાગ્યા 

ચોરી કર્યા બાદ આરોપી કારમાં મુંબઈ તરફ ભાગી ગયો હતો. બસ ડ્રાઈવરે તેમનો પીછો કરવાનો પ્રયાસ કર્યો, પરંતુ ચોરોની કાર ખૂબ જ ઝડપે જઈ રહી હોવાથી તેને પકડી શક્યો નહીં. પોલીસે ચોરોને પકડવા માટે સીસીટીવી ફૂટેજ અને અન્ય ટેકનિકલ માધ્યમોની મદદથી તપાસ શરૂ કરી છે. કસારા પોલીસે આ કેસમાં ચોરી અને ભારતીય દંડ સંહિતાની અન્ય કલમો હેઠળ ગુનો નોંધ્યો છે.ઇન્સ્પેક્ટર ગાવિતે જણાવ્યું હતું કે ચોરીની આ ઘટના સુનિયોજિત લાગી રહી છે. પોલીસ ટીમ શકમંદોને ઓળખવા અને ધરપકડ કરવા માટે તમામ શક્ય પ્રયાસો કરી રહી છે.

પાણી લેવા નીચે ઉતર્યા અને ચોરી થઈ

મહારાષ્ટ્રના થાણે જિલ્લામાં મુંબઈ-નાસિક હાઈવે પર એક મોટી ચોરીનો મામલો સામે આવ્યો છે. અજાણ્યા આરોપીઓએ બસમાં મુસાફરની બેગની ચોરી કરી હતી, જેમાં આશરે રૂ. 1.68 કરોડના દાગીના અને રૂ. 2 લાખ રોકડા હતા. આ ઘટના શનિવારે સવારે 1.30 વાગ્યે ઉમ્બરમાળી ગામ પાસે બની હતી. પોલીસનું કહેવું છે કે તપાસ ચાલી રહી છે અને ટૂંક સમયમાં જ ચોરોને પકડી લેવામાં આવશે. કસારા પોલીસ સ્ટેશનના ઇન્સ્પેક્ટર સુરેશ ગાવિતના જણાવ્યા અનુસાર, ભાયંદર પૂર્વના રહેવાસી જ્વેલર કિરણ કુમાર પુરોહિત તેમની બિઝનેસ ટ્રીપ પરથી પરત ફરી રહ્યા હતા. તે અહિલ્યાનગર જિલ્લામાંથી રોકડ અને સોનાના દાગીના લાવતો હતો. પાણી ખરીદવા માટે બેગ પોતાની સીટ પર રાખ્યા બાદ તે બસમાંથી નીચે ઉતર્યો ત્યારે ચાર અજાણ્યા ચોર બેગની ચોરી કરી ગયા હતા.

મુંબઈ-નાસિક હાઈવે પર બસમાંથી રૂપિયા 1.68 કરોડના ઘરેણા અને 2 લાખ રોકડની થઈ ચોરી

મુંબઈ-નાસિક હાઈવે પર બસમાંથી રૂ. 1.68 કરોડ અને રૂ. 2 લાખની જ્વેલરીની ચોરી થઈ છે જેમાં ચાર અજાણ્યા ચોરોએ શનિવારે રાત્રે થાણેમાં મુંબઈ-નાસિક હાઈવે પર ઉમ્બરમાલી ગામ નજીક એક MSRTC બસમાંથી એક જ્વેલર્સની બેગની ચોરી કરી હતી. બેગમાં 1.68 કરોડ રૂપિયાના દાગીના અને 2 લાખ રૂપિયા રોકડા હતા. ચોરી કર્યા બાદ આરોપી કારમાં નાસી ગયો હતો. પોલીસે કેસ નોંધીને સીસીટીવી ફૂટેજની મદદથી તપાસ શરૂ કરી છે.

બનાસકાંઠાના મોટા અંબાજી મંદિરમાં પણ ભકતો ઉમટયા 

પોષી પૂનમે અંબાજી મંદિરમાં વહેલી સવારથી ભકતોની ભીડ ઉમટી છે સાથે સાથે ભક્તો દૂરદૂરથી દર્શન કરવા આવ્યા છે,સમગ્ર મંદિર પરિસર ભક્તોથી ઉભરાયુ છે,અને અંબાજી મંદિરને રંગબેરંગી ફૂલોથી શણગારવામાં આવ્યું છે.અંબાજી મંદિરમા રંગબેરંગી લાઈટોની રોશની કરવામાં આવી છે.આજે મહાશક્તિ યજ્ઞ અને મહા આરતી કર્યા બાદ વિશાળ શોભાયાત્રા નીકળશે તો શક્તિદ્વાર સુધી ભક્તોની લાંબી લાઈનો લાગી છે.

અંબાજી માતાનો પ્રાગટયદિવસ એક રહસ્યપૂર્ણ ઘટના સમાન છે 

વર્ષો અગાઉ ભયંકર દુષ્કાળ પડ્યો હતો. અનેક જીવોને જીવવું દુષ્કર બની ગયું હતું. માનવ જીવો, પશુ-પંખીઓ ભૂખે ટળવળતાં હતાં. ત્યારે બધાએ હૃદયપૂર્વક માતાજીને આર્તનાદથી વિનવણી કરી અને માતાજીને પ્રસન્ન કર્યાં. માતાજીની કૃપા ઊતરીને જ્યાં દુષ્કાળની ધરતી સૂકી ભઠ્ઠ બની હતી ત્યાં શક્તિની કૃપાથી અઢળક શાકભાજી અને ફળ ઉત્પન્ન થયાં. બસ ત્યારથી માતાજીનું નામ શાકંભરી પડ્યું હતું અને એટલે જ પોષ માસની આ પૂનમને શાકંભરી પૂર્ણિમાતરીકે પણ ઓળખવામાં આવે છે. આજે પોષી પૂનમને માઁ અંબાના જન્મદિવસ તરીકે પણ ભક્તો હર્ષોલ્લાસથી ઉજવે છે.  

આજે અંબાજી માતાનો આજે પ્રાગટય દિવસ, કરો મા ભવાનીના દર્શન

અમદાવાદના જીવરાજપાર્ક વિસ્તારમાં આવેલ અંબાજી માતાનું મંદિર ખૂબ જાણીતું મંદિર છે અને માતાજીએ એક વ્યકિતને સ્વપ્નમાં આવીને કહ્યું હતુ કે હુ વાવમાં છુ અને મને વાવમાંથી બહાર કાઢો અને ત્યારબાદ માતાજીનું સ્થાપન કરવામાં આવ્યું અને મંદિર બનાવવામાં આવ્યું છે,જીવરાજપાર્કમાં આવેલ આ મંદિરમાં આસપાસના સ્થાનિકો અને બહારથી પણ લોકો દર્શન કરવા આવે છે,ત્યારે જીવરાજપાર્કમાં આવેલ માતાજીના મંદિરમાં માતાજીને પણ વિશેષ શણગાર કરીને અન્નકૂટ પણ ધરાવવામાં આવ્યો છે.

બપોરના સમયે ગરમી પણ પડી શકે છે

ગુજરાતમાં આજે ફરીથી ઠંડીનો ચમકારો વધ્યો છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. જ્યારે બીજાથી પાંચમા દિવસે હળવાથી મધ્યમ વરસાદની સાથે વીજળીના કડાકાનું પૂર્વાનુમાન છે.

પવનની વધશે ગતિ

પવનની ગતિ 5 થી 10 કિમીની ઝડપની રહેશે તેવી આગાહી હવામાન વિભાગ દ્વારા કરવામાં આવી છે તો બે દિવસ બાદ ઠંડીથી આંશિક રાહત રહેશે તો નલિયા સિઝનનું સૌથી ઓછું તાપમાન પહેલીવાર નોંધાયું હોવાની વાત સામે આવી છે,હવામાન વિભાગ દ્વારા કમોસમી વરસાદને લઈ કોઈ આગાહી કરવામાં આવી નથી.,લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો અમદાવાદમાં 14.2 ડિગ્રી, ગાંધીનગરમાં 13.1 ડિગ્રી,પાલનપુરમાં 10.1 ડિગ્રી, ડીસામાં 11.2 ડિગ્રી,મહેસાણામાં 11.5 ડિગ્રી, ભુજમાં 12.3 ડિગ્રી,રાજકોટ અને કેશોદમાં 12.4 ડિગ્રી,સુરેન્દ્રનગરમાં 12.8 ડિગ્રી, મહુવામાં 13.6 ડિગ્રી,વડોદરામાં 14.3 ડિગ્રી, ભાવનગરમાં 15.1 ડિગ્રી,પોરબંદર 16.5 ડિગ્રી તાપમાન નોંધાયું છે.

રાજયમાં ફરીથી કડકડતી ઠંડીનો રાઉન્ડ શરૂ,પવનની ગતિમાં થયો ભારે વધારો

રાજયમાં ફરીથી કડકડતી ઠંડીનો રાઉન્ડ શરૂ થયો છે,આજે વહેલી સવારથી ભારે ઠંડી અને પવન ફૂંકાવાની શરૂઆત થઈ છે,પવનની ગતિમાં વધારો થતા વધ્યું છે ઠંડીનું જોર તો બીજી તરફ પવન 15 થી 20 કિમીની ઝડપે ફૂંકાઈ રહ્યો છે અને લઘુતમ તાપમાનમાં 2 થી 3 ડિગ્રીનો ઘટાડો જોવા મળ્યો છે સાથે સાથે નલિયા 5.6 ડિગ્રી તાપમાન સાથે સૌથી ઠંડુગાર શહેર બન્યું છે.

અમરેલી લેટર કાંડમાં 3 પોલીસકર્મી સસ્પેન્ડ

અમરેલી જિલ્લામાં લેટરકાંડ પ્રકરણ અન્વયે લોકલ ક્રાઇમ બ્રાન્ચમાં ફરજ બજાવતા ૩ પોલીસ કર્મચારીઓને ફરજ માં બેદરકારી અને નિષ્કાળજી બદલ પોલીસ અધિક્ષકનાઓ દ્વારા સસ્પેન્ડ કરવામાં આવ્યા

(૧) હેડ કોન્સ. કિશન આંસોદરીયા

(૨) પો.કોન્સ. વરજાંગભાઈ મૂળયાસીયા

(૩) મહિલા પો. કોન્સ. હિનાબેન મેવાડા

જૂનાગઢના કેશોદમાં ઘરમાં ઘૂસી આધેડની હત્યા

અજાણ્યા શખ્સોએ બોથડ પદાર્થ ઝીંકી કરી હત્યા,પુત્ર વધુને રૂમમાં બંધ કરી હત્યાને આપ્યો અંજામ,ચર ગામના વાડી વિસ્તારમાં હત્યાને અંજામ આપ્યો.આધેડની હત્યા પાછળનું કારણ અકબંધ,સમગ્ર મામલે પોલીસે વધુ તપાસ હાથધરી.

રાજ્યમાં ઉત્તરાયણ પર્વ પર જોખમી દોરી પર પ્રતિબંધ

આજે ગુજરાત હાઇકોર્ટમાં હાથ ધરાશે સુનાવણી,સરકાર દ્વારા કોર્ટમાં કાર્યવાહી રિપોર્ટ સોંપાશે,કાચની દોરી, ચાઇનીઝ દોરી સહિત પર પ્રતિબંધિત,વેપારીઓ સામે કાર્યવાહી રિપોર્ટ પર આપશે જવાબ,ગુજરાત હાઇકોર્ટ જારી કરી શકે છે મહત્વના નિર્દેશ

કોંગ્રેસનું નારી સ્વાભિમાન આંદોલન બન્યું ઉગ્ર

અમરેલી બાદ કોંગ્રેસ સુરતમાં કરશે આંદોલન,લેટરકાંડ મામલે હવે કોંગ્રેસનું સુરતમાં આંદોલન,ધરણા બાદ પરેશ ધાનાણીએ કરી હતી જાહેરાત,48 કલાક પરેશ ધાનાણીએ કર્યા હતા ધરણા,પાયલનો વરઘોડો કાઢનારા સામે પગલા લેવા માંગ,સુરતમાં ધાનાણીના ધરણાને પોલીસ પરમિશન નથી.

સુરતમાં કઠોરની જમીન કૌભાંડમાં તપાસ

બોગસ વીલથી NRIની જમીનમાં કર્યો ખેલ,ખોલવડના ભેજાબાજે દસ્તાવેજ કરી આપ્યો,નામ ફેરફારની નોંધ સામે પાવરદારે વાંધો ઉઠાવ્યો,ભેજાબાજ ઉપરાંત જમીન ખરીદનાર સામે ફરિયાદ,સીઆઇડી ક્રાઇમની ફરિયાદ બાદ તપાસ શરૂ,સરફરાઝ અલ્લારખા મુલતાની બન્યો આરોપી,મોહમદ સિદીક વાડીવાલા પોલીસ ચોપડે આરોપી,હાલ બંને આરોપી CID ક્રાઇમની પકડથી દૂર.CID ક્રાઇમની તપાસમાં અન્ય નામ ખુલી શકે છે.