Haryana J&K Election Result 2024 Updated: નવરાત્રિમાં જીતના આર્શિવાદ મળ્યા: PM મોદી

પૂર્વ સાંસદના પુત્ર-પુત્રવધૂ સામે છેતરપિંડીની ફરિયાદ

કડાદરામાં આવેલી એક ફાર્મા કંપનીના સંચાલક સાથે થયેલી છેતરપિંડી મામલે રાજ્યસભાના પૂર્વ સાંસદ, તેમના પુત્રવધૂ સહિત ચાર વ્યક્તિઓ સામે દહેગામ પોલીસ મથકમાં છેતરપિંડી વિશ્વાસઘાતનો ગુનો દાખલ કરવામાં આવ્યો છે. હંસપુરા ખાતે રહેતા હરેશ પટેલે દહેગામ પોલીસ મથકમાં રાજ્યસભાના પૂર્વ સાંસદના પુત્ર તરુણ જ્યંતિ બારોટ તથા ફાલ્ગુની તરુણ બારોટ (બંને રહે.ગાંધીનગર ) તથા કર્તવ્ય બ્રહ્મભટ્ટ (રહે. પેથાપુર) તેમજ ભુવનેશ સિંગલ (રહે. અમદાવાદ) સામે છેતરપિંડી અને વિશ્વાસઘાતની ફરિયાદ નોંધાવી છે. 

35 લાખથી વધુના ડ્રગ્સ સાથે એક યુવકની ધરપકડ

નો ડ્રગ્સ ઈન સુરત સીટી અભિયાન સુરત શહેર પોલીસ દ્વારા ચલાવવામાં આવી રહ્યું છે. ત્યારે સુરતમાં 352 ગ્રામ એમડી ડ્રગ્સ સાથે સુરત શહેર SOG દ્વારા એક ઇસમને ઝડપી પાડવામાં આવ્યો છે. આરોપી પાસેથી 35 લાખથી વધુ રૂપિયાનું ડ્રગ્સ જપ્ત કરી લેવામાં આવ્યું છે. સુરતના અડાજણ સ્ટાર બજારથી એલ.પી.સવાણી રોડ તરફની સામે જાહેરમાં એક ઈસમ ડ્રગ્સનું વેચાણ કરવા માટે ઉભો છે. બાતમી મળતા જ પોલીસે તાત્કાલિક કાર્યવાહી કરીને આ યુવકને ઝડપી પાડ્યો અને તેની પાસેથી 352 ગ્રામ MD ડ્રગ્સનો મુદ્દામાલ જપ્ત કરી લીધો.

વાંકાનેરમાં 400 મણ ડુંગળીની ચોરી

મોરબીના વાંકાનેર તાલુકાના પંચાસર ગામની સીમમાં કુકડા કેન્દ્રમાંથી આશરે 400 મણ ડુંગળી ચોરી થતાં પોલીસ ફરિયાદ નોંધાઈ હતી, જે ફરિયાદને પગલે વાંકાનેર સીટી પોલીસે ગણતરીની કલાકોમાં ચોરી કરનાર ત્રણ ઈસમોને ઝડપી લઈને રોકડ રકમ અને ટ્રક સહિતનો મુદ્દામાલ કબજે કરી લીધો છે.

થરાદમાંથી ઝડપાયો શંકાસ્પદ ખાતરનો જથ્થો

થરાદમાંથી શંકાસ્પદ ખાતરનો જથ્થો ઝડપાયો છે. આશીર્વાદ એગ્રો સેન્ટરમાંથી શંકાસ્પદ ખાતરનો જથ્થો મળી આવ્યો છે. ત્યારે હાલમાં થરાદ ખેતીવાડીની ટીમે ખાતરના ગોડાઉનને નોટીસ ફટકારી છે. જો કે ખેતીવાડી વિભાગની આ પ્રકારની કામગીરી સામે ખેડૂતો નારાજ જોવા મળી રહ્યા છે. ખેડૂતો માત્ર નોટિસ નહીં પણ આશીર્વાદ એગ્રો સેન્ટર સામે કાર્યવાહી કરવાની માગ કરી રહ્યા છે. કારણ કે આ આશીર્વાદ એગ્રો સેન્ટર દ્વારા હલકી ગુણવત્તાના ખાતરનું વેચાણ કરતું હોવાની ખેડૂતોની ફરિયાદ છે.

ઝાંઝરડા રોડ ઉપર આવેલી આઈસ્ક્રીમ પાર્લરની કુલ્ફીમાંથી નીકળી ઈયળ

પ્રસાદમાંથી જીવાત, અનાજમાંથી જીવાત અને હવે આઈસ્ક્રીમમાંથી પણ નીકળવાનો કિસ્સો સામે આવ્યો છે. જુનાગઢ ઝાંઝરડા રોડ ઉપર આવેલી આઈસ્ક્રીમ પાર્લરમાંથી કુલ્ફીમાંથી જ મૃત ઈયળ નીકળતા ગ્રાહકે ફરિયાદ નોંધાવી છે કુલ્ફી ખાતા તેમાંથી મૃત ઈયળ નીકળી હતી. જેને લઈને વકીલ રામભાઈ બાંભણિયાએ સ્ટોરના માલિક તેમજ સ્ટોર કીપરને આ ફરિયાદ કરી હતી. જેથી સ્ટોર કીપર દ્વારા પણ આ વાતનો સ્વીકાર કરવામાં આવ્યો હતો કે તેમની જ મોવિયા કંપનીની કુલ્ફીમાંથી મૃત ઈયર નીકળતા તેમને ગ્રાહક પાસે માફી માગી હતી. એટલું જ નહીં ગ્રાહકે આ બાબતની જાણ મોવિયા કસ્ટમર કેરમાં કરી હતી..

ભારતીય વાયુસેનાની 92મી વર્ષગાંઠની ઉજવણી

ભારતીય વાયુસેનાએ 08 ઓક્ટોબર 2024 ના રોજ 1932 માં ભારતીય વાયુસેનાની સ્થાપનાને ચિહ્નિત કરવા માટે તેની 92મી વર્ષગાંઠની ઉજવણી કરી હતી. આ દિવસ IAF ના કર્મચારીઓના સમર્પણને માન આપીને પરેડ અને અન્ય કાર્યો સાથે સમગ્ર દેશમાં ઉજવવામાં આવે છે. આ વર્ષે, ઉજવણીની થીમ 'ભારતીય વાયુસેના: સક્ષમ, સશક્ત અને આત્મનિર્ભર' છે, જે રાષ્ટ્રીય સુરક્ષા, આત્મનિર્ભરતા અને આધુનિકીકરણ માટે દળની પ્રતિબદ્ધતાને પ્રકાશિત કરે છે.

મહેર સમાજની મહિલાઓએ પારંપરિક પોશાક પહેરી રમ્યા રાસ

ગરબા નૃત્ય એ ગુજરાતની ઓળખ છે. જેને વેસ્ટર્ન કલ્ચરે સાવ ભૂંસી નાખવા તરફ વાળ્યુ છે. જ્યારે આ ગરબાને પોરબંદર જિલ્લાની મહેર જ્ઞાતિએ મણિયારો રાસ નામ આપીને જાળવી રાખી છે અને તે પણ પરંપરાગત પોશાક પહેરીને રમતા જોવા મળે છે. મહેર સમાજના પુરુષો અને મહિલાઓ પરંપરાગત પોશાક પહેરી નવરાત્રિમાં મણિયારો રાસ રમે છે.

370 હટાવ્યા પછી, કાશ્મીર વધુ સારી રીતે વિકસિત થયું છે: PM મોદી

પીએમ મોદીએ કહ્યું કે, કેટલાક લોકો કહેતા હતા કે જો 370 હટાવી દેવામાં આવશે તો કાશ્મીર સળગી જશે, કાશ્મીર સળગ્યું નથી પણ વધુ સારી રીતે ખીલી ઉડ્યું છે. કાશ્મીરના લોકોએ જે રીતે મતદાન કર્યું તેનાથી દરેક ભારતીય ખુશ છે. આપણું કાશ્મીર અલગતાવાદમાંથી બહાર આવી રહ્યું છે. પહેલીવાર અમે જમ્મુ અને કાશ્મીરમાં BDC ચૂંટણીઓ કરાવી. આજે લોકો દ્વારા ચૂંટાયેલા પ્રતિનિધિઓ જમ્મુ-કાશ્મીરમાં દરેક સ્તરે કામ કરશે.

કોંગ્રેસ એક પરજીવી પાર્ટી છે: PM મોદી

પીએમ મોદીએ કહ્યું કે, કોંગ્રેસ એક એવી પરજીવી પાર્ટી છે જે પોતાના જ સહયોગીઓને ગળી જાય છે. કોંગ્રેસ એવો દેશ બનાવવા માંગે છે જ્યાં લોકો પોતાના વારસાને નફરત કરે. દેશવાસીઓને જેના પર ગર્વ છે તેને તેઓ કલંકિત કરવા માંગે છે. ચૂંટણી પંચ હોય, દેશની સેના હોય, ન્યાયતંત્ર હોય. કોંગ્રેસ દરેક સંસ્થાને કલંકિત કરવા માંગે છે. લોકસભા ચૂંટણી પહેલા પણ આ લોકોએ હોબાળો મચાવ્યો હતો. તેમના શહેરી નક્સલી સાથીઓ ચૂંટણી પંચની બંધારણીય નિષ્પક્ષતાને પડકારવા સુપ્રીમ કોર્ટમાં ગયા હતા. આજે પણ કોંગ્રેસે દેશની જનતાને ગેરમાર્ગે દોરવાનો પ્રયાસ કર્યો છે.

કોંગ્રેસની પોલ ખુલી ગઈ: PM મોદી

પીએમ મોદીએ કહ્યું કે, ભાજપ દુનિયાની સૌથી મોટી પાર્ટી નથી, તે પણ મોટાભાગના લોકોના દિલમાં વસી ગઈ છે. હરિયાણામાં જનતાએ વિકાસના મુદ્દે હેટ્રિક ફટકારી છે. પીએમ મોદીએ કહ્યું કે, જ્યાં પણ ભાજપની સરકાર બને છે, ત્યાંના લોકો વારંવાર ભાજપને પસંદ કરે છે. કોંગ્રેસે કેટલા વર્ષ પહેલા આ કર્યું હતું? પીએમ મોદીએ કહ્યું કે, દેશમાં એવા ઘણા રાજ્યો છે જ્યાં 50 થી 60 વર્ષ પહેલા કોંગ્રેસ સત્તામાં હતી, પરંતુ એક વખત લોકોએ તેમને બહાર કાઢ્યા પછી તેઓ પાછા આવ્યા નથી. કોંગ્રેસની પોલ ખુલી ગઈ છે.

ગીતાની ધરતી પર સત્યની જીત થઈ છેઃ PM મોદી

ભાજપ મુખ્ય કાર્યાલય ખાતે પીએમ મોદીએ કહ્યું કે, જમ્મુ-કાશ્મીરમાં શાંતિપૂર્ણ અને ન્યાયી રીતે ચૂંટણી યોજાઈ. આ ભારતના બંધારણની જીત છે. લોકશાહીનો વિજય થયો છે. પીએમ મોદીએ કહ્યું કે, જમ્મુ-કાશ્મીરમાં નેશનલ કોન્ફરન્સને અમારા કરતા વધુ સીટો મળી છે, આ માટે તેમને અભિનંદન. ચૂંટણી જીતનારા તમામને અભિનંદન, હરિયાણા અને જમ્મુ-કાશ્મીરના લોકોને અભિનંદન.

ભાજપના કાર્યકરોને તેમની દ્રઢતા અને તપસ્યા માટે સલામ: PM મોદી

પોતાના સંબોધન દરમિયાન પીએમ મોદીએ કાર્યકર્તાઓને તેમની તપસ્યા માટે સલામ કરી હતી. તેમણે કહ્યું કે, 'જમ્મુ અને કાશ્મીરમાં ચૂંટણી લડી રહેલા તમામ પક્ષોમાંથી ભાજપ વોટ શેરની દ્રષ્ટિએ સૌથી મોટી પાર્ટી તરીકે ઉભરી આવી છે. હું હરિયાણા અને જમ્મુ-કાશ્મીરમાં જીતેલા તમામ ઉમેદવારોને અભિનંદન આપું છું. હું હરિયાણા અને જમ્મુ-કાશ્મીરના લોકોને પણ અભિનંદન આપું છું. હું ભાજપના તમામ કાર્યકર્તાઓને તેમની દ્રઢતા અને તપસ્યા માટે સલામ કરું છું.

હરિયાણાના લોકોએ નવો ઈતિહાસ રચ્યો: PM મોદી

પીએમ મોદીએ કહ્યું કે, હરિયાણાની જનતાએ આજે ​​નવો ઈતિહાસ રચ્યો છે. હરિયાણાની રચના 1966માં થઈ હતી, ત્યારથી મોટા મોટા નેતાઓએ આ રાજ્ય પર શાસન કર્યું હતું. એક સમય હતો જ્યારે હરિયાણાના દિગ્ગજ નેતાઓના નામ આખા દેશમાં પ્રખ્યાત હતા. હરિયાણામાં અત્યાર સુધીમાં 13 ચૂંટણી યોજાઈ છે. તેમાંથી 10 ચૂંટણીઓમાં હરિયાણાના લોકોએ દર પાંચ વર્ષે સરકાર બદલાવી છે. હરિયાણાના લોકોએ આ વખતે જે કર્યું છે તે અભૂતપૂર્વ છે.

 નવરાત્રિમાં જીતના આર્શિવાદ મળ્યા: PM મોદી

પીએમ મોદીએ કહ્યું કે આજે નવરાત્રિનો છઠ્ઠો દિવસ એટલે કે મા કાત્યાયનીનો દિવસ છે. માતા પોતાના હાથમાં કમળનું ફૂલ પકડીને આપણને બધાને આશીર્વાદ આપી રહી છે. આવા શુભ દિવસે હરિયાણામાં સતત ત્રીજી વખત કમળ ખીલ્યું છે.

હરિયાણાના લોકોએ કમળ-કમળ કરી નાખ્યું - PM મોદી

પાર્ટી હેડક્વાર્ટરમાં પાર્ટી કાર્યકર્તાઓને સંબોધિત કરતા પીએમ મોદીએ કહ્યું કે હરિયાણાના લોકોએ કમાલ કરી બતાવી છે. વધુમાં તેમણે કહ્યું કે, હરિયાણાના લોકોએ કમળ-કમળ કરી નાખ્યું છે.

પીએમ મોદી ભાજપ કાર્યાલય પહોંચ્યા

હરિયાણામાં ભાજપની હેટ્રિક જીત બાદ જશ્નનો માહોલ છે. ભાજપના ટોચના નેતાઓ દિલ્હી ભાજપ કાર્યાલય પહોંચી રહ્યા છે. પીએમ મોદી ભાજપ કાર્યાલય પહોંચી ગયા છે. પીએમ મોદી અહીં કાર્યકર્તાઓને સંબોધિત કરશે.

ગુજરાતના 23 આઈકોનિક સ્થળો પર યોજાશે ' પદયાત્રા'

વડાપ્રધાન નરેન્દ્ર મોદીએ ગુજરાતના મુખ્યમંત્રી તરીકે શપથ લીધાના 23 વર્ષ પૂર્ણ થવાના અવસરે ગુજરાત સરકારે દર વર્ષે 7થી 15 ઓક્ટોબર દરમિયાન વિકાસ સપ્તાહની ઉજવણી કરવાનો નિર્ણય લીધો છે. વિકાસ સપ્તાહના ભાગરૂપે મુખ્યમંત્રી ભૂપેન્દ્ર પટેલના નેતૃત્વ હેઠળની રાજ્ય સરકાર ગુજરાતના 23 આઈકોનિક સ્થળોએ ‘વિકાસ પદયાત્રા’નું આયોજન કરવા સજ્જ છે. આ તે પ્રતિષ્ઠિત સ્થળો છે, જે નરેન્દ્ર મોદીના કાર્યકાળ દરમિયાન તેમના વિઝન અને નેતૃત્વને પ્રતિબિંબિત કરી રહ્યા છે અને તેમણે લોન્ચ કરેલા કે ઉદ્ઘાટન કરેલા અનેક નોંધપાત્ર પ્રોજેક્ટ્સની ઝાંખી કરાવે છે. 

હરિયાણાનો હૃદયપૂર્વક આભાર!: PM મોદી

ભારતીય જનતા પાર્ટીને ફરી એકવાર સ્પષ્ટ બહુમતી આપવા બદલ હું હરિયાણાની જનતાને સલામ કરું છું. આ વિકાસ અને સુશાસનની રાજનીતિની જીત છે. હું અહીંના લોકોને ખાતરી આપું છું કે અમે તેમની આકાંક્ષાઓને પૂર્ણ કરવામાં કોઈ કસર છોડીશું નહીં.

BJPની હરિયાણામાં જીતની સુરતમાં ઉજવણી

ભાજપની હરિયાણામાં જીતની ગાંધીનગર, સુરત સહિત વિવિધ વિસ્તારોમાં ધામધુમથી ઉજવણી કરવામાં આવી રહી છે. ભાજપની જીતથી સુરતમાં કાપડના વેપારીઓ પણ ઘણા ખુશ જોવા મળી રહ્યા છે. સુરતના વેપારીઓએ હરિયાણામાં ભાજપની જીતનું સેલિબ્રેશન કર્યુ છે. વેપારીઓએ એકબીજાને મીઠાઈ અને જલેબી ખવડાવી હરિયાણામાં ભાજપની જીતની ઉજવણી કરી છે. આપને જણાવી દઈએ કે, હરિયાણામાં કુલ 67.90% મતદાન થયુ છે. જ્યારે છેલ્લી ચુંટમીમાં 68.20% મતદાન થયુ હતુ.

CR પાટીલે જલેબી બનાવી કરી ઉજવણી

ભાજપ હેડ ક્વાર્ટર ખાતે તમામ ભાજપના નેતાઓ અને કેન્દ્રીય મંત્રી સી.આર.પાટીલે પણ જલેબી બનાવી હતી અને તમામ લોકોએ એકબીજાને જલેબી ખવડાવીને જીતની ઉજવણી કરી હતી તો સુરતમાં પણ હરિયાણામાં ભાજપને મળેલી જીતની ઉજવણી કરવામાં આવી છે. ભાજપની જીત પર કાપડના વેપારીઓ ખુશ જોવા મળી રહ્યા છે અને કાપડ વેપારીઓએ ભાજપ જીત તરફ વળતા સેલિબ્રેશન કર્યું છે. કાપડના વેપારીઓએ પણ મીઠાઈ અને જલેબી ખવડાવી ભાજપની જીતની ઉજવણી કરી છે.

આરજી કર હોસ્પિટલના 50 વરિષ્ઠ ડોક્ટરોએ એક સાથે આપ્યા રાજીનામા

કોલકાતાની આરજી કર મેડિકલ કોલેજ અને હોસ્પિટલના લગભગ 50 વરિષ્ઠ ડોક્ટરોએ મંગળવારે રાજીનામું આપી દીધું છે. આ તમામ ડોક્ટરોએ જુનિયર ડોક્ટરોના આમરણાંત ઉપવાસને સમર્થન અને એકતા દર્શાવતા તેમના હોદ્દા પરથી રાજીનામું આપી દીધું છે. મંગળવારે સવારે મેડિકલ કોલેજના વિવિધ વિભાગોના વડાઓની બેઠકમાં સામૂહિક રાજીનામું આપવાનો નિર્ણય લેવામાં આવ્યો હતો.

અમે જનતાના નિર્ણયને સ્વીકારીએ છીએ: ભૂપેન્દ્ર સિંહ હુડ્ડા

હરિયાણાના ચૂંટણી પરિણામો પર ભૂપેન્દ્ર સિંહ હુડ્ડાએ કહ્યું, 'અમે જનતાના નિર્ણયને સ્વીકારીએ છીએ. પાર્ટીમાં સંકલનનો અભાવ નહોતો. અમને ઘણી જગ્યાએથી ઈવીએમમાં ​​ખામી હોવાની ફરિયાદો મળી છે. અમે ચૂંટણી પંચને મળીશું.

સાંજના 06.00 વાગ્યા સુધીના મહત્ત્વના સમાચાર

1. Haryanaમાં ભાજપની જીત, CR પાટીલે જલેબી બનાવી કરી ઉજવણી

2. Surat: 35 લાખથી વધુના ડ્રગ્સ સાથે એક યુવકની ધરપકડ

3. Jamnagar: 2 કરોડની કિંમતની બસો ખાઈ રહી છે ધૂળ, તંત્ર ગાઢ નિંદ્રામાં

4. Haryana સાથે જૂનો સંબંધ... પીએમ મોદીએ જાહેર સભાની જૂની તસવીર કરી શેર

5. Haryana: ભાજપે દેશની સૌથી ધનિક મહિલાને ન આપી ટિકિટ, અપક્ષમાંથી જીતી ચૂંટણી

6. Stock News: ચૂંટણી પરિણામ વચ્ચે શેર માર્કેટની ધૂમ, સેન્સેક્સ 673 પોઇન્ટ ઉછળ્યો

7. Haryana: 'આરોપો પાયાવિહોણા', ECએ કોંગ્રેસને ખખડાવી, BJPએ ટોણો માર્યો

8. Pakistanમાં જઇને હિંદુઓના વખાણ ! ભારતના કટ્ટર દુશ્મન ઝાકિર નાઈકે કર્યો ફજેતો

9. 'મારી ઈચ્છા…' રેખાની આ વિશ કેમ અધૂરી રહી! જાણો શું છે કારણ

10. બીજી T20 મેચમાં આ સ્ટાર ખેલાડીનું કપાશે પત્તુ, જાણો ભારતની સંભવિત પ્લેઈંગ-11

બરવાળામાં તંત્રનું બુલડોઝર ફર્યું

બરવાળા શહેરના મુખ્ય હાઈવે અમદાવાદ ભાવનગર હાઈવે રોડ પરના દબાણો દૂર કરવાની કામગીરી હાથ ધરવામાં આવી હતી. જેમાં 30 વર્ષથી વધારે સમયથી ખડકાયેલા ગેરકાયદેસર રીતે સરકારી જમીન પરના 2.5 કિલોમીટરના અંતરમાં 20,000 સ્કવેર કિલોમિટર જગ્યા પરના 130 જેટલા પાકા અને કાચા બાંધકામો અંદાજે કરોડોની રૂપિયાની જમીન પરના દબાણો ચુસ્ત પોલીસ બંદોબસ્ત સાથે આજે 3 જેસીબી મારફતે ડિમોલીશન કરી હટાવવામાં આવ્યા હતા.

ઓમર અબ્દુલ્લા જમ્મુ-કાશ્મીરના CM બનશે

CM નયાબ સૈનીએ કહ્યું- ભાજપ ત્રીજી વખત સરકાર બનાવવા માટે તૈયાર 

અરવિંદ કેજરીવાલે AAP ઉમેદવાર મેહરાજ મલિક સાથે વાત કરી, મેહરાજ ડોડાથી ચૂંટણી જીત્યા

અમદાવાદ પોલીસની સરાહનીય કામગીરી

અમદાવાદ પોલીસની સરાહનીય કામગીરી જોવા મળી છે. જેમાં તહેવારોમાં રસ્તા પર ઉભા રહીને પોલીસ દ્વારા હેલ્મેટનું વિતરણ કરવામાં આવ્યું હતું. સાથે જ હેલ્મેટ ન પહેરતા લોકોને શાંતિથી સમજાવવામાં પણ આવ્યા હતા. મહત્વનું કહી શકાય કે, પોલીસ દ્વારા લોકોને હેલ્મેટ પહેરાવીને ડ્રાઇવીંગ કરવાની સલાહ આપી હતી. સાથે જ ચુસ્ત પણે નિયમોનું પાલન કરવા સમજાવ્યુ હતું. 

બરવાળામાં મેગા ડિમોલીશનની કામગીરી હાથ ધરવામાં આવી

બરવાળા શહેરના મુખ્ય હાઈવે અમદાવાદ ભાવનગર હાઈવે રોડ પરના દબાણો દૂર કરવાની કામગીરી હાથ ધરવામાં આવી હતી. જેમાં 30 વર્ષથી વધારે સમયથી ખડકાયેલા ગેરકાયદેસર રીતે સરકારી જમીન પરના 2.5 કિલોમીટરના અંતરમાં 20,000 સ્કવેર કિલોમિટર જગ્યા પરના 130 જેટલા પાકા અને કાચા બાંધકામો અંદાજે કરોડોની રૂપિયાની જમીન પરના દબાણો ચુસ્ત પોલીસ બંદોબસ્ત સાથે આજે 3 જેસીબી મારફતે ડિમોલીશન કરી હટાવવામાં આવ્યા હતા.

હરિયાણાના પૂર્વ CM મનોહરલાલ ખટ્ટરનું નિવેદન

હરિયાણાના પૂર્વ CM મનોહરલાલ ખટ્ટરનું નિવેદન સામે આવ્યું છે. જેમાં તેમણે કહ્યું હતું કે, હરિયાણાની જનતાએ કોંગ્રેસને નકારી કાઢી છે.. હવે ભાજપ સતત ત્રીજીવાર સરકાર બનાવશે. અનુમાન પહેલા પણ ફેલ થયા છે અને આજે પણ ફેલ થયા. જનતાએ પીએમની નીતિઓનું સમર્થન કર્યું છે. 

ઇકો સેન્સેટીવ ઝોનને લઈ ગીરના ગામડાઓમાં ઉગ્ર રોષ

ઇકો સેન્સેટીવ ઝોનને લઈ ગીરના ગામડાઓમાં ઉગ્ર રોષ જોવા મળી રહ્યો છે. જેમાં ભારતીય કિસાન સંઘની આગેવાનીમાં હજારો ખેડૂતોની રેલીનું આયોજન કરવામાં આવ્યું હતું. ત્યારે તાલાલા માર્કેટિંગ યાર્ડથી મામલતદાર કચેરી સુધી રેલી યોજાઈ હતી. તાલાલા મામલતદાર મારફતે સરકારને આવેદનપત્ર પાઠવ્યું હતું. ઇકો ઝોન નાબુદ કરવા પ્રચંડ લોક માગ ઉઠી છે.  

ભાયલીમાં સામૂહિક દુષ્કર્મના આરોપીઓનો કોર્ટમાં ટપલીદાવ

વડોદરાના ભાયલીમાં સામૂહિક દુષ્કર્મ કેસના આરોપીઓની ગઈકાલે પોલીસ દ્વારા ધરપકડ કરવામાં આવ્યા બાદ આજે તમામ ત્રણેય આરોપીઓને કોર્ટમાં રજૂ કરવામાં આવ્યા હતા. ત્રણેય આરોપીઓને બુરખા વગર કોર્ટમાં લાવવામાં આવ્યા હતા. આ દરમિયાન કોર્ટમાં વકીલો અને લોકોના ટોળા ઉમટ્યા હતા. આ દરમિયાન આરોપીઓને ટપલીદાવ કરવાનો પ્રયાસ કરવામાં આવ્યો હતો. ચુસ્ત બંદોબસ્ત સાથે આરોપીઓને કોર્ટમાં રજૂ કર્યા હતા. જો કે હાલમાં કોઈપણ વકીલ આરોપીઓ તરફથી કેસ નહીં લડે અને આરોપીઓને ફાંસીની સજા મળે તેવી માગ કરવામાં આવી રહી છે.

રાજકોટના મોરબી જકાતનાકા પાસે અકસ્માત 

રાજકોટના મોરબી જકાતનાકા પાસે અકસ્માત સર્જાયો હતો. આ અકસ્માતમાં ટ્રક અને એક્ટીવા વચ્ચે ટક્કર થઈ હતી. જેમાં ટ્રકની ટક્કરે એક્ટિવા ચાલક મહિલાનું મોત થયું હતું. આ અકસ્માતમાં મૃતક સ્નેહલબેન કર્ણાવતી સ્કૂલમાં શિક્ષક તરીકે ફરજ બજાવતા હતા. 

વડોદરામાં યુનાઇટેડ વે ગરબામાં બાઉન્સરોની દાદાગીરી

સતત વિવાદમાં રહેલું યુનાઈટેડ વે ફરી એકવાર વિવાદમાં આવ્યું છે. જેમાં ખેલૈયાઓ પાસે 5000 રૂપિયા લીધા પછી કોઈ સુવિધા ન આપીને કાદવમાં ગરબા રમાડનારા યુનાઈટેડ વેમાં બાઉન્સરની દાદાગીરી સામે આવી છે. જેમાં ખેલૈયાઓને બાઉન્સરોએ માર માર્યો હોવાના આરોપ લગાવવામાં આવી રહ્યા છે.  ખેલૈયાને બાઉનસરોએ માર માર્યાના આરોપ થતા મામલો ઉગ્ર બન્યો છે. ત્યારે ખેલૈયાઓ અને બાઉન્સરો વચ્ચે શાબ્દિક ટપાટપી પણ થઈ હોવાનું સામે આવી રહ્યું છે. 

બપોરે 03.00 વાગ્યા સુધીના મહત્ત્વના સમાચાર

1)  Haryana Election Results: 'સંઘર્ષ અને સચ્ચાઇની જીત થઇ' બોલ્યા વિનેશ ફોગાટ

2) Gujarat Weather: રાજ્યમાંથી ચોમાસાની વિદાય વચ્ચે હવામાન વિભાગે હવે કરી આ આગાહી

3) ED સામે હાજર થયા મોહમ્મદ અઝહરૂદ્દીન, મની લોન્ડરિંગ મામલે કરાશે સવાલ

4)  Jammu kashmir : ફારૂક અબ્દુલ્લાનું એલાન ઓમર અબ્દુલ્લા જ જમ્મુ-કાશ્મીરના CM બનશે

5) ચૂંટણી પરિણામો વચ્ચે માર્કેટમાં તેજી, વિદેશી રોકાણકારોને આકર્ષવામાં કેટલુ રહેશે સફળ?

6)  Ahmedabad : અમેરિકાના વિઝા અને ટુર વિઝાની કામગીરી કરવાના નામે ઠગાઈ

7) Pakistanમાં જઇને હિંદુઓના વખાણ ! ભારતના કટ્ટર દુશ્મન ઝાકિર નાઈકે કર્યો ફજેતો

8) Instagram Down: ઈન્સ્ટાગ્રામની સર્વિસ થઇ ડાઉન, અનેક યુઝર્સ થયા હેરાન

યુનાઇટેડ વે ગરબા પર બાઉન્સરોની દાદાગીરી

ખેલૈયાને બાઉન્સરોએ માર માર્યાનો આરોપ. કોઈ બાબતે ખેલૈયાને બાઉન્સરોએ માર માર્યા ના આરોપ થતા મામલો બીચકયો. ખેલૈયાઓ અને બાઉન્સરો વચ્ચે શાબ્દિક ટપાટપી. પોલીસ પણ ઘટના સ્થળે પહોંચી. યુવકોને છુટા પાડી મામલો થાળે પાડ્યો. ગરબાના પાસ મામલે માથાકૂટ થઈ હોવાની માહિતી

અગ્નિકાંડમાં વધુ એક આરોપીની જામીન અરજી રદ

આરોપી કિરીટસિંહ જાડેજાની જામીન અરજી કરાઈ રદ. ગેમઝોન બનાવ્યું તે જમીનના માલિક છે કિરીટસિંહ. ગઈકાલે કિરીટસિંહ જાડેજાએ કરી હતી જામીન અરજી. અગાઉ 4 આરોપીની જામીન અરજી કોર્ટે નામંજૂર કરી હતી. અગ્નિકાંડમાં 15 આરોપીઓને કરાયા છે જેલ હવાલે

તાલાલામાં ઇકો સેન્સેટિવ ઝોનનો વિરોધ

તાલાલામાં ગીર પથંકના ખેડૂતોનું સંમેલન. સંમેલનમાં હજારો ખેડૂતો ઉમટી પડ્યા. ભારતીય કિસાન સંઘના નેજા હેઠળ આંદોલન. માર્કેટિંગ યાર્ડથી મામલતદાર કચેરી સુધી યોજાઈ રેલી. મામલતદાર મારફતે સરકારને પાઠવ્યું આવેદનપત્ર

વડોદરાના મકરપુરાની સેન્ટ બેસીલ સ્કૂલનો વિવાદ

બાળકી પર શારીરિક, માનસિક ત્રાસનો આરોપ. 4 વર્ષની બાળકીને ત્રાસ આપ્યાની નોંધાઈ ફરિયાદ. શિક્ષિકા અને આયા સામે નોંધાવી પોલીસ ફરિયાદ. પરિવારે મકરપુરા પોલીસ મથકે નોંધાવી ફરિયાદ. 

અગ્નિકાંડમાં વધુ એક આરોપીની જામીન અરજી રદ

આરોપી કિરીટસિંહ જાડેજાની જામીન અરજી કરાઈ રદ. ગેમઝોન બનાવ્યું તે જમીનના માલિક છે કિરીટસિંહ. ગઈકાલે કિરીટસિંહ જાડેજાએ કરી હતી જામીન અરજી. અગાઉ 4 આરોપીની જામીન અરજી કોર્ટે નામંજૂર કરી હતી. અગ્નિકાંડમાં 15 આરોપીઓને કરાયા છે જેલ હવાલે

સુરતના માંગરોળમાં અકસ્માતમાં બાઈકચાલકનું મોત

સુરતના માંગરોળમાં  એક અકસ્માતમાં બાઈકચલકનું મોત નીપજ્યું હતું. ત્યારે નાની નરોલી ગામે અકસ્માત બાદ લોકોમાં ભારે રોષ જોવા મળી રહ્યો હતો. ત્યારે ઉશ્કેરાયેલા ટોળાએ પોલીસ કર્મચારી પર હુમલો કર્યો હોવાનું પણ સામે આવ્યું હતું. પોલીસ દ્વારા ટ્રકની તપાસ કરવામાં આવતી હતી તે જ સમયે અકસ્માત થયો હતો. ત્યારે ટ્રકની પાછળ બાઈકચાલક ઘૂસી જતા તેનું મોત થયું હતું. જે બાદ ઉશ્કેરાયેલા ટોળાએ PCR વાનમાં પણ તોડફોડ કરી હતી. ત્યાર પછી પોલીસે 8 લોકોને રાઉન્ડ અપ કરી તપાસ હાથ ધરી છે. 

ચોમાસાને લઈ હવામાન વિભાગની આગાહી

હવામાન વિભાગે રાજ્યમાં ચોમાસાને લઈને આગાહી કરી છે. રજીમાં 3 જિલ્લા સિવાય અન્ય જિલ્લાઓમાં ચોમાસાએ વિદાય લીધી છે. જેમાં વલસાડ, દમણ અને દાદરાનગર હવેલી સિવાય અન્ય વિસ્તારમાંથી વિદાય લીધી હોવાનું હવામાન વિભાગે જણાવ્યું હતું. ત્યારે ડાંગ, સુરત, નવસારીમાં છૂટોછવાયો વરસાદ રહેશે. કેટલાક જિલ્લાઓમાં બેવડી ઋતુની અસર જોવા મળી શકે છે. તો અન્ય વિસ્તારોમાં વરસાદની શક્યતા નહિવત છે. 

મહેસાણામાં 14 વર્ષીય બાળક ગુમ થયાની ફરિયાદ

બાળક એક્ટિવા લઈને ઘરેથી નીકળ્યા બાદ ગુમ. અપહરણ થયાની આશંકાએ નોંધાઈ પોલીસ ફરિયાદ. બી ડિવિઝન પોલીસે ફરિયાદ નોંધી તપાસ હાથ ધરી

સુરત કલેકટર કચેરીમાં વેડ, ડભોલીના રહીશોનો મોરચો

વર્ષોથી રહેતા મકાન પર રિઝર્વેશન મૂકી દેતા વિરોધ. કતારગામના રહીશોમાં પણ ભારે આક્રોશ. TP -49, 50, 51માં રિઝર્વેશન દૂર કરવાની માગણી. મનપા દ્વારા રહીશોને આપવામાં આવી છે નોટિસ. મકાન છીનવામાં આવશે તો આત્મહત્યાની ચીમકી

સુરતમાં મારામારીના લાઈવ દ્રશ્યો સામે આવ્યા

આઈસ્ક્રીમના દુકાનદારે બોલાચાલી બાદ કર્યો હુમલો. દુકાનદાર ત્રણેય યુવકોને માર મારી ભાગી છૂટ્યો. માથાના ભાગે લાકડું મારી શખ્સ થયો ફરાર. ત્રણેય યુવકોને સારવાર માટે હોસ્પિટલ ખસેડ્યા

વડોદરા ભાયલી સામુહિક દુષ્કર્મ કેસમાં આરોપીઓની ઓળખ પરેડ પૂર્ણ થઈ

ભાયલીના પૂર્વ સરપંચ દર્પણ પટેલે 50 હજાર ઇનામની કરી હતી જાહેરાત. દર્પણ પટેલ આવ્યા એસપી ઓફિસ. ભાયલીના પૂર્વ સરપંચ દર્પણ પટેલનું નિવેદન ભાયલીમાં નવી ટીપી પડી છે ત્યાં હજુ પણ સ્ટ્રીટ લાઈટો નથી. અમે આ વિસ્તાર માં સ્ટ્રીટ લાઈટો અને પોલીસ પેટ્રોલિંગ વધારવા પોલીસને રજૂઆત કરી છે. તાલુકા પોલીસ મથકે પી.આઈની નિમણૂક થઈ નથી આગામી દિવસો માં માહિતી મેળવી પી.આઈ.ની નિમણૂક માટે પણ કહીશું. હાલ તાલુકા પોલીસ મથક પી.એસ.આઈને હવાલે છે

જમ્મુની સાંબા સીટ ભાજપે જીતી

જમ્મુની સાંબા સીટ પર ભાજપનો વિજય, સુરજીત સિંહ સલાથિયાની જીત

અમદાવાદ અમેરિકાના વિઝા અને ટુર વિઝાની કામગીરી કરવાના નામે ઠગાઈ 

ખોટા વિઝાનો સ્ટીકર બનાવી નકલ બતાવી આચરી ઠગાઈ. ફરિયાદી તેમજ અન્ય લોકોને વિશ્વાસમાં લઈ 41.75 લાખ મેળવ્યા. હૈદરાબાદ ઈમીગ્રેશન ખાતે નોકરી કરતા હોવાનું જણાવી વિશ્વાસમાં લીધા. ચિંતન મિશન અને સાગર મિશન સામે નોંધાયો ગુનો. સાવનકુમાર પટેલ નામના વસ્ત્રાલના યુવકે નોંધાવી ફરિયાદ. CID ક્રાઈમમાં નોંધાઈ ફરિયાદ

 અમદાવાદ ડિજિટલ અરેસ્ટ કરી વધુ એક ઠગાઈ આચરાઈ 

ઓઢવના 81 વર્ષીય વૃદ્ધ સાથે છેતરપિંડી. વૃદ્ધ સામે ફરિયાદ નોંધાઈ અને વોરંટ નીકળ્યું હોવાથી ધરપકડ કરવાનું કહ્યું. પોલીસ તરીકેની ઓળખ આપીને પૈસા પડાવ્યા. 

19 લાખથી વધુ રકમ ટ્રાન્સફર કરાવી છેતરપિંડી આચરવામાં આવતા ફરિયાદ. સાયબર ક્રાઇમે ગુનો દાખલ કર્યો

મહેશ લાંગાની ક્રાઈમ બ્રાન્ચે ધરપકડ કરી

200 ગ્રામ સોનું અને 20 લાખ રોકડા કબ્જે કર્યા. બી.એ એન્ટરપ્રાઈઝ નામની કંપની ખોલી હતી. બોગસ કંપની ખોલી કરોડોના વ્યવહાર કર્યા. 50 લાખના બોગસ બિલીંગના વ્યવહાર મળ્યા

GST વિભાગની ફરિયાદ બાદ કરાઈ ધરપકડ

ભિલોડાના રામપુરમાં ગોળી મારીને મહિલાની હત્યાૉ

ઘરમાં ઘૂસીને અજાણ્યા શખ્સોએ કરી હત્યા. ફાયરિંગમાં 45 વર્ષીય ઉર્મિલા તાબિયારનું મોત. મોડી રાત્રે સુતેલી મહિલા ઉપર કર્યું ફાયરિંગ. મૃતદેહને પોસ્ટમોર્ટમ માટે હોસ્પિટલ ખસેડાયો

રાજ્યભરના TRB જવાનોનો બીજા દિવસે વિરોધ યથાવત

પગાર વધારાની માંગ સાથે TRB જવાનોએ કર્યો વિરોધ. કલેક્ટર કચેરી ખાતે TRB જવાનોએ કર્યો વિરોધ. ડ્યુટીથી અળગા રહીને કર્યો TRB જવાનોએ વિરોધ. મોટી સંખ્યામાં TRB જવાનોનો કલેકટર કચેરી ખાતે વિરોધ. સમાન કામ સમાન વેતનની માંગ સાથે TRB જવાનો ગાંધીનગર સુધી કરશે વિરોધ

એસ જી હાઇવે સ્થિત હોટેલ કેમ્બેને ફટકારાય નોટિસ

14.34 કરોડનાં બાકી પ્રોપર્ટી ટેક્ષ મુદ્દે ફટકારવામાં અંતિમ નોટિસ. જો ટેક્ષ ભરપાઈ નહિ કરાય તો હોટેલ થશે સિલ. હાલમાં હોટેલનો એક ફ્લોર ચાલુ. અગાઉ પણ હોટેલને સિલ કરવામાં આવી હતી. 

બપોરે 12.00 વાગ્યા સુધીના મહત્ત્વના સમાચાર

1) Haryana: હરિયાણામાં BJPની જીતની હેટ્રિક? શરૂઆતી ટ્રેન્ડમાં ભાજપની આગેવાની, વિનેશ ફોગાટ પાછળ 

2) Petrol Diesel Price: છઠ્ઠા નોરતે ગુજરાતમાં પેટ્રોલ ડીઝલના ભાવ ઘટ્યા? જાણો કિંમત

3) Haryana: જો નંબર ન આવે તો જવાબદારી..ચૂંટણી પરિણામ પહેલા બોલ્યા CM સૈની  

4) JK Result: જમ્મુ કાશ્મીરમાં કોણ મારશે બાજી, 10 ચહેરા પર સૌની નજર  

5) Vadodara : શહેરમાં રોગચાળો વકર્યો, એક જ દિવસમાં ડેન્ગ્યુના 8 કેસ

6) Suratમાં રિક્ષાચાલક પિતાની ગંભીર બેદરકારી, 3 વર્ષના પુત્રને રિક્ષા ચલાવવા આપી

7) Ahmedabad : આજથી દુર્ગાપૂજા મહોત્સવની ઉજવણીનો પ્રારંભ  

8) Weather : હવે ગુજરાતવાસીઓ તાપ ઉકળાટ માટે થઇ જાઓ તૈયાર  

ડભોઈ-વડોદરા રોડ પર અકસ્માતમાં 1નું મોત

ડભોઈથી વડોદરા જતી કારને નડ્યો અકસ્માત. કારમાં સવાર 4માંથી 1નું ઘટનાસ્થળે મોત. અન્ય 3 ઈજાગ્રસ્તને સારવાર માટે ખસેડાયા

રાજકોટ નાગરિક સહકારી બેંકની ચૂંટણી પહેલા વિવાદ

ડાયરેક્ટર કલ્પક મણિયારનો વીડિયો સામે આવ્યો. નાગરિક બેંક બચાવ સમિતિને લઈને કર્યા આક્ષેપ. નાગરિક બેંકમાં કૌભાંડ થયા છે : કલ્પક મણિયાર. આવા લોકોને છાવરવામાં આવી રહ્યા છે. ચૂંટણી પહેલા વિવાદથી સહકારી ક્ષેત્રમાં ચકચાર

ભાયલી સગીરા પર દુષ્કર્મનો મામલો 

બીજી નવરાત્રિએ સગીરા પર નિર્જન રોડ પર થયો હતો સામુહિક બળાત્કાર. શહેર પોલીસે તમામ આરોપીઓને જિલ્લા પોલીસને હવાલે કર્યા. જિલ્લા ડીવાયએસપી બી એચ ચાવડાની સંપૂર્ણ દેખરેખ હેઠળ આરોપીઓને લઈ જઈ રહ્યા છે ભાયલી. આરોપીને ચુસ્ત પોલીસ બંદોબસ્ત વચ્ચે લઈ જવાશે તાલુકા પોલીસ મથક. આરોપીઓની આજે થશે ઓળખ પરેડ. એક પણ આરોપી છટકી ન શકે તે માટે જૂની કલેકટર કચેરી ખાતે ગોઠવાયો છે ચુસ્ત પોલીસ બંદોબસ્ત

સંજેલીમાં જેલમાંથી પ્રેમિકા પ્રેમીને ભગાડી ગઈ

પોક્સો એક્ટ હેઠળ પ્રેમીને પોલીસે પકડ્યો હતો. પ્રેમિકાએ લોકઅપની ચાવી લઈ પ્રેમીને બહાર કાઢ્યો, આરોપી પ્રેમીને લોકઅપમાંથી બહાર કાઢીને ફરાર. કોર્ટમાં રજૂ કરાય તે પહેલા જ થયા ફરાર

હળવદમાં પ્રેમસંબંધમાં યુવકની હત્યા થયાનો ખુલાસો

પત્ની સાથે પ્રેમસંબંધ હોવાથી પતિએ કરી હત્યા. મૃતક યુવક પડોશમાં જ રહેતો હોવાનો થયો ખુલાસો. માથાના ભાગે બોથડ પદાર્થના ઘા ઝીંકી કરી હત્યા. ફરિયાદના આધારે પોલીસે આરોપીની કરી ધરપકડ. આરોપી ભરત દેવીપુજક ઘર જમાઈ તરીકે રહેતો. મૃતકના પિતાએ નોંધાવી હતી પોલીસ ફરિયાદ

હરિયાણામાં ભાજપ 48 બેઠક પર આગળ 

હરિયાણા વિધાનસભા ચૂંટણીમાં ચૂંટણી પંચના આંકડા મુજબ ભાજપ 38 બેઠકો પર, કોંગ્રેસ 36 પર, INLD અને BSP 1-1 બેઠક પર આગળ છે

જમ્મુ-કાશ્મીરમાં JKNC-કોંગ્રેસ ગઠબંધને જાદુઈ આંકડાને સ્પર્શે કર્યો

જમ્મુ-કાશ્મીરની તમામ 90 વિધાનસભા બેઠકો માટે રૂઝાન આવી ગયો છે. ચૂંટણી પંચના ડેટા અનુસાર, જેકેએનસી-કોંગ્રેસ ગઠબંધન બહુમતનો આંકડો પાર કરી ગયો છે. JKNC 39 બેઠક પર, કોંગ્રેસ 8 પર, BJP 28 પર, PDP 3 પર, JPC 2 પર, CPI(M) અને DPAP 1-1 બેઠક પર આગળ છે. 8 બેઠક પર અપક્ષ ઉમેદવારો આગળ ચાલી રહ્યા છે.

જમ્મુ-કાશ્મીરમાં ફરી એકવાર ઓમર અબ્દુલ્લા બંને સીટો પર આગળ 

જમ્મુ-કાશ્મીરમાં વિધાનસભાની 90 બેઠકો માટે મતગણતરી ચાલી રહી છે. ચૂંટણી પંચના રૂઝાન અનુસાર, JKNC ઉપાધ્યક્ષ ઓમર અબ્દુલ્લા બડગામ અને ગાંદરબલ બંને બેઠકો પરથી આગળ છે. થોડા સમય પહેલા ઓમર અબ્દુલ્લા ગાંદરબલમાં પાછળ રહી ગયા હતા.

હરિયાણામાં કઈ પાર્ટી આગળ છે

હરિયાણા વિધાનસભા ચૂંટણીમાં ચૂંટણી પંચના આંકડા મુજબ ભાજપ 38 બેઠકો પર, કોંગ્રેસ 36 પર, INLD અને BSP 1-1 બેઠક પર આગળ છે

સુરતના સચિન વિસ્તારમાં યુવકની હત્યા

પારડી ગામ પાસે ચપ્પુના ઘા ઝીંકી હત્યા. પિયુષ નાયકા અને બટકાએ કરી હત્યા. બને હત્યારા ધરાવે છે ગુનાહિત ઇતિહાસ. સચિન પોલીસે વધુ તપાસ હાથ ધરી

કોંગ્રેસ પ્રવક્તા પવન ખેરાએ કર્યો જીતનો દાવો

અમે બંને રાજ્યોમાં જીતીશું : પવન ખેરા. ‘ધારાસભ્ય પક્ષ નક્કી કરશે કે મુખ્યમંત્રી કોણ’

ભિલોડાના રામપુરમાં ગોળી મારીને મહિલાની હત્યા

ઘરમાં ઘૂસીને અજાણ્યા શખ્સોએ કરી હત્યા. ફાયરિંગમાં 45 વર્ષીય ઉર્મિલા તાબિયારનું મોત. મોડી રાત્રે સુતેલી મહિલા ઉપર કર્યું ફાયરિંગ. મૃતદેહને પોસ્ટમોર્ટમ માટે હોસ્પિટલ ખસેડાયો

હરિયાણામાં ભાજપ અને કોંગ્રેસ વચ્ચે જામી રસાકસી

ભાજપ -46 અને કોંગ્રેસ 38 બેઠક પર આગળ

સુરતમાં ચાલુ નવરાત્રિએ ઝેરી સાપ નીકળ્યો 

પાલ યશ્વી નવરાત્રિમાં નીકળ્યો ઝેરી સાપ. કોમન ક્રેટ નામનો ઝેરી સાપ દેખાતા દોડધામ. 10 હજાર લોકોની ભીડ વચ્ચે સાપથી દોડધામ. ફાયર વિભાગ દ્વારા કોમન ક્રેટ સાપનું રેસ્ક્યુ કરાયું આ સાપ ભારતના સૌથી ઝેરી 4 સાપમાંથી એક

અમદાવાદમાં તંત્રની બેદરકારીથી બાળકીનું મોત

રમતી વેળા ખાડામાં પડતા 3 વર્ષની બાળકીનું મોત. વટવામાં તોડેલા આવાસમાં ખાડામાં પડી હતી બાળકી. તોડફોડ બાદ લેવલિંગની કામગીરી ન થયાનો આક્ષેપ

પાદરમાં ચોર સમજીને 3 નિર્દોષને ઢોર મારમાર્યો

સ્થાનિકોએ ચોર સમજીને 3 લોકોને મારમાર્યો. ચોર આવવાની અફવાએ નિર્દોષને માર મરાયો. ગરબા જોવા આવેલા 3 યુવકોને મારમાર્યો. પાદરાના સંતરામ ભાગોળ  વિસ્તારની ઘટના

 પોલીસે કેટલાક લોકોની અટકાયત પણ કરી. 3 ઈજાગ્રસ્તને સારવાર માટે હોસ્પિટલ ખસેડ્યા

ગીર સોમનાથમાં ઈકો ઝોનને લઈ અનોખો વિરોધ

ઇકો સેન્સેટિવ ઝોન હટાવવાના બેનરો સાથે ગરબા. તાલાલામાં હાથમાં બેનરો લઈને ગરબે ઘૂમ્યા. ઈકો ઝોનના વિરોધ દર્શાવતા બેનરો સાથે વિરોધ. બોરવાવ ગામે પણ ઈકો ઝોનનો વિરોધ

વડોદરા શહેરમાં રોગચાળો વકર્યો

વડોદરામાં એક જ દિવસમાં ડેન્ગ્યુના 8 કેસ, વડોદરામાં શંકાસ્પદ ડેન્ગ્યુના 72 કેસ નોંધાયા. મેલેરિયાના શંકાસ્પદ 1605 દર્દી, 1 પોઝિટિવ. વાયરલ ફીવરના 453 દર્દીઓ નોંધાયા.  

ચિકનગુનિયાના શંકાસ્પદ 33 દર્દી, 1 પોઝિટિવ. કમળાના 2 દર્દી અને ટાઈફોઈડનો 1 દર્દી નોંધાયો

રાજકોટ શહેરમાં રોગચાળો વકર્યો

રાજકોટમાં ડેન્ગ્યુના 26, મેલેરિયાના 2 કેસ. ટાઈફોઈડના 5, તાવના 607 કેસ નોંધાયા. રાજકોટ મનપાનું આરોગ્ય તંત્ર સદંતર નિષ્ફળ. સપ્તાહમાં ડેન્ગ્યુના 26 કેસ, સિઝનના 248 કેસ. 93 હજારથી વધુ ઘરોમાં કામગીરી થયાનો દાવો

સુરતમાં રિક્ષાચાલક પિતાની ગંભીર બેદરકારી

પિતાએ 3 વર્ષના પુત્રને રિક્ષા ચલાવવા આપી, એટલું જ નહીં પાછળ 8 વર્ષનો બાળક બેઠેલો. બાળક અને અન્ય લોકોનો જીવ જોખમમાં મૂક્યો. બાળકે ભીડભાડ અને જાહેર રોડ પર ચલાવી રિક્ષા. વાયરલ વીડિયો અમરોલી વિસ્તારનો હોવાનું ખૂલ્યું. પોલીસે રિક્ષાના માલિકને પકડી તપાસ હાથ ધરી. ભૂલથી રિક્ષામાં ચાલતી રહી ગઈ હતી : પિતા. તેથી બાળકો રિક્ષા લઇ નીકળી ગયા હતા

અગ્નિકાંડમાં આરોપીઓના જેલ મુક્ત થવા હવાતિયા

આજે આરોપી કિરીટસિંહની જામીન અરજી પર સુનાવણી. આરોપી કિરીટસિંહ જાડેજાએ કરી છે જામીન અરજી. અગાઉ 4 આરોપીની જામીન અરજી કોર્ટે નામંજૂર કરી હતી. અગ્નિકાંડમાં 15 આરોપીઓને કરાયા છે જેલ હવાલે

આજે મુખ્યમંત્રી ભૂપેન્દ્ર પટેલ દિલ્હી જશે

મુખ્ય સચિવ રાજકુમાર પણ જશે દિલ્હી, પૂર્વ નિર્ધારિત બેઠકોમાં આપશે હાજરી, PM મોદી સાથે બેઠકનું આયોજન

ગુજરાતવાસીઓએ તાપ ઉકળાટ કરવો પડશે સહન

રાજ્યમાં તાપમાનનો પારો 36થી 37 ડિગ્રી નોંધાઇ શકે. રાજ્યના હવામાન વિભાગનું છે અનુમાન. વરસાદની શકયતા નહિવત, ઉકળાટનું જોર વધશે. ઉત્તર - પશ્ચિમી પવનોની દિશા બદલાતા બેવડી ઋતુ રહેશે. અમદાવાદ, ગાંધીનગરમાં તાપમાન 35 ડિગ્રી નોંધાઈ શકે છે. 

હરિયાણા અને જમ્મુ કાશ્મીરમાં કોની બનશે સરકાર?

બન્ને વિધાનસભા ચૂંટણી માટે મતગણતરી શરૂ. સૌથી પહેલા પોસ્ટલ બેલેટથી મતગણતરી શરૂ. મતગણતરી કેન્દ્ર બહાર પોલીસનો ચુસ્ત બંદોબસ્ત. બન્નેમાં 90 - 90 વિધાનસભા બેઠકો માટે મતદાન થયું હતું. હરિયાણામાં છેલ્લા 10 વર્ષથી ભાજપની સરકાર હતી. જમ્મુ - કાશ્મીરમાં 10 વર્ષ પછી વિધાનસભાની ચૂંટણી થઈ