Gujarat Latest News Updated : કચ્છના નખત્રાણામાં ઘાસના જથ્થામાં આગ

'મદદ મેળવવાનો પ્રયાસ...!' ધનશ્રી સાથે છૂટાછેડાના સમાચાર વચ્ચે યુઝવેન્દ્ર ચહલની ચોંકાવનારી પોસ્ટ

હાલમાં યુઝવેન્દ્ર ચહલ અને ધનશ્રી વર્માના સંબંધો સોશિયલ મીડિયા પર ચર્ચામાં છે. છેલ્લા કેટલાક સમયથી સતત એવા સમાચારો આવી રહ્યા છે કે યુઝવેન્દ્ર ચહલ અને ધનશ્રી વર્મા અલગ થવા જઈ રહ્યા છે. ગયા શનિવારે, યુઝવેન્દ્ર ચહલે ધનશ્રી વર્માને તેના ઇન્સ્ટાગ્રામ એકાઉન્ટ પરથી અનફોલો કરી દીધી અને તેના બધા ફોટા પણ ડિલીટ કરી દીધા. આ સમાચાર પછી, ચહલે તેના ઈન્સ્ટાગ્રામ એકાઉન્ટ પર ક્રિપ્ટિક પોસ્ટ શેર કરી પરંતુ ધનશ્રી વર્મા સાથેના તેના સંબંધો પર ખુલ્લેઆમ કોમેન્ટ કરી ન હતી. ગુરુવારે રાત્રે, યુઝવેન્દ્ર ચહલે તેની ઈન્સ્ટાગ્રામ પ્રોફાઈલ સ્ટોરી પર એક લાંબી પોસ્ટ શેર કરી, પરંતુ તેને આ આખી પોસ્ટમાં ક્યાંય ધનશ્રી વર્માનો ઉલ્લેખ કર્યો નથી. પરંતુ તેમણે આડકતરી રીતે ધનશ્રી વર્મા માટે કંઈક મોટી વાત કહી દીધી છે.

અમદાવાદના બાકરોલમાં ધીંગાણું

અમદાવાદના બાકરોલમાં ધીંગાણું સર્જાયુ છે. લીઝ બાબતે બે કોમ વચ્ચે ધીંગાણું સર્જાયુ છે. આ અથડામણમાં 3 વ્યક્તિ ઘાયલ થયા છે. ઘાયલોને સારવાર અર્થે હોસ્પિટલ ખસેડાયા છે. 

UP: મેરઠમાં એક જ પરિવારના 5 લોકોની હત્યા, ઘરમાંથી મળ્યા મૃતદેહ

ઉત્તર પ્રદેશના મેરઠ જિલ્લામાં એક હચમચાવી દે તેવી ઘટના સામે આવી છે. લિસાડી ગેટ પોલીસ સ્ટેશન વિસ્તારની સુહેલ ગાર્ડન કોલોનીમાં એક જ પરિવારના 5 લોકોની ક્રૂરતાપૂર્વક હત્યા કરવામાં આવી છે. મૃતકોમાં પતિ, પત્ની અને 3 માસૂમ દીકરીઓનો સમાવેશ થાય છે. હત્યા બાદ મૃતદેહોને ઘરની અંદર છુપાવી દેવામાં આવ્યા, ઘટનાની માહિતી મળતાં જ પોલીસ ઘટનાસ્થળે પહોંચી ગઈ અને તપાસ શરૂ કરી છે.

કચ્છના નખત્રાણામાં ઘાસના જથ્થામાં આગ

કચ્છના નખત્રાણામાં ઘાસના જથ્થામાં આગ લાગી છે. લુડબાય અને બુરકલ વચ્ચે આગનો બનાવ બન્યો છે. બપારા વાંઢ નજીક ઘાસના જથ્થામાં આગ લાગી છે. સ્થાનિકોએ આગ પર કાબૂ મેળવવાનો પ્રયાસ કર્યો છે. જો કે આગ લાગવાનું કારણ અકબંધ છે. 

કચ્છ યુનિવર્સિટીની ભરતી પ્રક્રિયા બાબતે ખુલાસો

કચ્છ યુનિવર્સિટીની ભરતી પ્રક્રિયા બાબતે ખુલાસો થયો છે. યુનિ.ના આસિસ્ટન્ટ પ્રોફેસરની ચેટ વાયરલ થઈ હતી. 12 લાખની લેવડદેવડના સ્ક્રીન શોટ વાયરલ થયા હતા. પોલીસની તપાસમાં ચેટ એડિટિંગ કરેલી હોવાનું જણાયું છે. યુનિ.ભરતી પ્રક્રિયામાં રૂપિયા લીધાની વાત ખોટી નીકળી છે. LCBની તપાસમાં આક્ષેપ ખોટા હોવાનું સામે આવ્યું છે. 

ભાવનગરમાં ભૂંડ પકડનારી ગેંગનો હુમલો

ભાવનગરમાં ભૂંડ પકડનારી ગેંગે શિહોરમાં કાકા-ભત્રીજા પર હુમલો કર્યો છે. સ્ટેશન રોડ પર રહેતા 

દેવાયતભાઈ અને તેમના ભત્રીજા વિજય પર હુમલો કર્યો છે. તીક્ષ્ણ હથિયાર વડે હુમલો કરી લોહલુહાણ કર્યા છે. ઈજાગ્રસ્તોને ભાવનગર હોસ્પિટલમાં ખસેડાયા છે, પોલીસે સમગ્ર કેસમાં વધુ તપાસ હાથ ધરી છે. 

Surat: ઔદ્યોગિક વપરાશના પાણીના વાર્ષિક દર 10 ટકાથી ઘટાડીને 3 ટકા કરાશે 

રાજ્યના ઉદ્યોગ મંત્રી બળવંતસિંહ રાજપૂતે ગાંધીનગર ખાતે ગુજરાતના તમામ ચેમ્બર ઓફ કોમર્સ તેમજ ઔદ્યોગિક સંગઠનો સાથે મળેલી બેઠક દરમિયાન રાજ્યના ઔદ્યોગિક વપરાશ માટે ઉપયોગમાં લેવાતા પાણીના દરમાં વર્ષે 10 ટકાનો વધારો થતો હતો, તે હવે ઘટાડીને ત્રણ ટકા કરવાની જાહેરાત કરી હતી.

TCSને થયો તગડો નફો, શેરધારકો માટે ડિવિડન્ડની કરી જાહેરાત

દેશની દિગ્ગજ આઈટી કંપની TCSએ નાણાકીય વર્ષ 2025ના ત્રીજા ક્વાર્ટરના પરિણામો જાહેર કર્યા છે. ટાટા કંપનીએ માહિતી આપી છે કે ત્રીજા ક્વાર્ટરમાં કંપનીનો નફો 12,380 કરોડ રૂપિયા સુધી પહોંચી ગયો છે. ગયા ક્વાર્ટરમાં કંપનીએ 11,909 કરોડ રૂપિયાનો નફો કર્યો હતો. ત્રિમાસિક ધોરણે કંપનીના નફામાં 3.9 ટકાનો વધારો છે. વાર્ષિક ધોરણે કંપનીના નફામાં 12 ટકાનો વધારો થયો છે. ગયા વર્ષે આ ક્વાર્ટરમાં કંપનીએ રૂપિયા 11,058 કરોડનો નફો કર્યો હતો.

અમદાવાદમાં HMPVનો વધુ એક કેસ 

HMPVના હાહાકાર વચ્ચે અમદાવાદમાં એક કેસ નોંધાયો છે. સ્ટર્લિંગ હોસ્પિટલમાં HMPVનો શંકાસ્પદ કેસ નોંધાયો છે. 80 વર્ષીય વૃદ્ધને હોસ્પિટલમાં એડમિટ કરવામાં આવ્યા છે. 

મ્યાનમારની સેનાનો દેશ પર જ હવાઈ હુમલો, 40 ના મોત

મ્યાનમારના પશ્ચિમ વિસ્તારના એક ગામ પર સેના દ્વારા કરવામાં આવેલા હવાઈ હુમલામાં ઓછામાં ઓછા 40 લોકો માર્યા ગયા અને 20 અન્ય ઘાયલ થયા. આ હુમલો બુધવારે રામરી દ્વીપના ક્યોક ની માવ ગામમાં કરવામાં આવ્યો હતો. આ ટાપુ વંશીય અરાકાન આર્મીના નિયંત્રણ હેઠળ હતું. હુમલાના કારણે ઘણા ઘરોમાં આગ લાગી હતી, જેના કારણે સેંકડો ઘર બળીને રાખ થઈ ગયા હતા.

Daman: ચપ્પુ મારી લૂંટ કરીને ફરાર થયેલા આરોપીને પોલીસ ઝડપ્યો

દમણના કચીગામ ચાર રસ્તાથી ચેકપોસ્ટ વચ્ચે કંપનીથી છૂટીને આવતા કામદારને ચપ્પુ મારી લૂંટ કરીને ફરાર થનાર આરોપીની પોલીસે ધરપકડ કરી લીધી છે. પોલીસ તપાસમાં સામે આવ્યું છે કે આરોપી છૂટક મજૂરી કરે છે અને દારૂની ટેવવાળો હોય રૂપિયા માટે લૂંટ ચલાવી હતી. દમણના કચીગામ મુખ્યમાર્ગની બાજુમાં આવેલા ખુલ્લા મેદાનમાં શુક્રવારે રાત્રિના સમયે પ્લાસ્ટ ઈન્ડિયા કંપનીમાંથી નોકરી કરીને પરત આવી રહેલા દિનેશ વિજયભાઈ બહાદુરને એક વ્યક્તિએ રસ્તામાં અટકાવી તેમની પાસેથી રૂપિયાની માગણી કરી હતી.

દહેગામથી નરોડા વચ્ચે આવેલા કડાદરા બ્રિજના છેડે તિરાડ

દહેગામથી નરોડા વચ્ચે આવેલા કડાદરા બ્રિજના છેડે તિરાડ જોવા મળી છે. રોડ સાથે બ્રિજને જોડતા ભાગમાં મોટી તિરાડ દેખાઈ છે. બ્રિજ પરથી અનેક વાહનો પસાર થઈ રહ્યા છે. ત્યારે બ્રિજ વાહનચાલકો માટે જોખમી બન્યો છે અને તાત્કાલિક બ્રિજનું સમારકામ કરાવવા માગ કરવામાં આવી છે.

બનાસકાંઠામાં યુવકને તાલીબાની સજા આપવાની ઘટના

બનાસકાંઠામાં યુવકને તાલીબાની સજા આપવાની ઘટના સામે આવી છે. સેકરાનો યુવાન પ્રેમીકાને મળવા દેતાલડુવા ગયો હતો, ત્યારે પ્રેમિકાના ભાઈએ અન્ય મિત્રો સાથે મળી સજા આપી છે. પ્રેમિકાને મળવા આવેલા યુવકને તાલીબાની સજા આપી છે.

બનાસકાંઠાના થરાદમાં સ્પા સેન્ટર પર રેડ

બનાસકાંઠાના થરાદમાં સ્પા સેન્ટર પર રેડ કરવામાં આવી છે. ચેમ્પિયન સ્પા પર પોલીસે રેડ પાડી છે. પોલીસે દેહ વેપારના ધંધાનો પર્દાફાશ કર્યો છે. ડમી ગ્રાહક મોકલી પોલીસે પર્દાફાશ કર્યો છે. હાલમાં સ્પાના માલિક, મેનેજર સામે ગુનો નોંધાયો છે. સ્પામાં કામ કરતા યુવક સામે પણ ગુનો નોંધાયો છે.

Chhattisgarh: મૂંગેલીમાં પ્લાન્ટમાં ચીમની ધરાશાયી 30 લોકો દટાયા

છત્તીસગઢના મુંગેલી જિલ્લામાં એક મોટો અકસ્માત થયો છે. મૂંગેલી જિલ્લામાં આવેલા કુસુમ પ્લાન્ટમાં ચીમની ધરાશાયી થવાથી 30 લોકો દટાયા છે. હાલમાં  ઘટનાસ્થળે રાહત અને બચાવ કાર્ય ચાલી રહ્યું છે. પોલીસ-પ્રશાસનના ઉચ્ચ અધિકારીઓ સ્થળ પર હાજર છે અને બચાવ કામગીરી હાથ ધરી છે. જેમાં કાટમાળ નીચે દટાયેલા લોકોને બચાવવાના પ્રયાસો ચાલુ છે.

રાજકોટમાંથી પકડાયું નકલી બીડીનું કારખાનું 

લ્યો બોલો રાજકોટમાંથી નકલી બીડી પકડાઈ છે. SOG પોલીસે નકલી બીડીનું કારખાનું પકડી પાડ્યું છે. બજરંગ વાળી વિસ્તારમાંથી બીડીનું કારખાનું પકડાયું છે.

દમણમાં એક્સાઇઝના ગોડાઉનમાંથી દારુ ચોરીની ઘટના

દમણમાં એક્સાઇઝના ગોડાઉનમાંથી દારુ ચોરીની ઘટના સામે આવી છે. ગોડાઉનમાંથી દારુ ચોરનાર આરોપીઓ ઝડપાયા છે. એક સગીર સહિત 9 આરોપીઓની ધરપકડ કરવામાં આવી છે. ટોળકીએ 14 લાખના 375 બોક્સની ચોરી કરી હતી. સમગ્ર ઘટનામાં પોલીસે તપાસ હાથ ધરી છે.

બેટ દ્વારકામાં દબાણને લઇ તંત્ર આકરા પાણીએ

બેટ દ્વારકામાં દબાણને લઇ તંત્ર આકરા પાણીએ જોવા મળી રહ્યું છે. દબાણકર્તાઓને ખુલાસા માટે બે દિવસનો સમય અપાયો હતો. 36 જેટલા લોકોએ પોતાની પાસેના પુરાવા રજૂ કર્યા છે અને પુરાવા વગરના દબાણો દૂર કરવાની કાર્યવાહી હાથ ધરાશે, સરકારી જમીન પરથી દબાણો હટાવવા કાર્યવાહી કરાશે.

રાજકોટ સૌરાષ્ટ્ર યુનિવર્સિટીને મળ્યા નવા કુલપતિ

રાજકોટની સૌરાષ્ટ્ર યુનિવર્સિટીને નવા કુલપતિ મળ્યા છે. કુલપતિ તરીકે ડો.ઉત્પલ જોષીની વરણી કરાઈ છે. હાલમાં ગુજરાત યુનિવર્સિટીમાં પ્રોફેસર તરીકે સેવા આપે છે. આગામી 5 વર્ષ માટે કુલપતિ તરીકે વરણી કરાઈ છે.

અમદાવાદ ફ્લાવર શોને લઇ મહત્વના સમાચાર

અમદાવાદ ફ્લાવર શોને લઇ મહત્વના સમાચાર સામે આવ્યા છે. ફ્લાવર શોની મુદ્દતમાં વધારો કરાયો છે. 24 જાન્યુઆરી સુધી ફ્લાવર શો ચાલશે, પ્રિ-વેડિંગ શૂટ માટે પણ મંજૂરી અપાઈ છે. છેલ્લા 2 દિવસ પ્રિ-વેડિંગ શૂટ કરી શકાશે, પ્રિ-વેડિંગ માટે 25 હજારનો ચાર્જ નક્કી કરાયો છે. સવારે 7થી 9.30 સુધી પ્રિ-વેડિંગ શૂટ કરી શકાશે અને ફિલ્મ શૂટિંગ માટે 1 લાખનો ચાર્જ નક્કી કરાયો છે.  

સાંજે 6 વાગ્યા સુધીના મહત્વના સમાચાર

1. AMCના ભરતી કૌભાંડમાં વધુ 3 આરોપીની ધરપકડ, થયો મોટો ખુલાસો 

2. Gujarat News: કોંગી નેતાઓને ભરતસિંહ સોલંકીની પત્નીનું 24 કલાકનું અલ્ટીમેટમ, જુઓ Video 

3. રાજ્ય સરકાર ફરી એક્શન મોડમાં, વધુ 4 આરોગ્ય અધિકારીઓને ફરજિયાત નિવૃત કરાયા 

4. Ahmedabad: કોર્ટમાંથી પોલીસ જાપ્તામાંથી ફરાર થયેલા આરોપીની કારંજ પોલીસે કરી ધરપકડ 

5. Bhavnagarના ગારિયાધારમાં મધરાતે મારણની શોધમાં સાવજના આંટાફેરા 

6. Navsariમાં ખાનગી લકઝરી બસનું ટાયર ફાટયું, બસ ડિવાઈડર કૂદીને રોડની સાઈડમાં પછડાઈ 

7. Ahmedabadમાં પોષણ ઉત્સવ-2024ની કરાઈ ઉજવણી, યોજાઈ વાનગીની સ્પર્ધા 

8. Los Angeles: LIVE TVમાં ઘર સળગતું જોવું એ.. રડી પડી પેરિસ હિલ્ટન

9. Chinaમાં HMPV વાયરસથી પીછો છૂટ્યો નથી ત્યાં... એમ પોક્સના નવા વેરિએન્ટની એન્ટ્રી!

10. શિખર ધવને ફરીથી લગ્ન કરવાની વ્યક્ત કરી ઈચ્છા, પિતાએ આપી આવી પ્રતિક્રિયા

AMCના ભરતી કૌભાંડમાં વધુ 3 આરોપીની ધરપકડ

અમદાવાદ મ્યુનિસિપલ કોર્પોરેશનની સહાયક ટેક્નિકલ સુપરવાઈઝરની ભરતીમાં કેટલાક ઉમેદવારોના માર્ક્સમાં ચેડા કરીને કૌભાંડ આચરવામાં આવ્યું હોવાની ફરિયાદ કારંજ પોલીસને મળી હતી. જે મામલે કારંજ પોલીસે AMCના હેડ ક્લાર્ક પુલકીત સથવારાની ધરપકડ કરી છે. 

આણંદના તારાપુરમાં દબાણ ખાતાની કાર્યવાહી

આણંદના તારાપુરમાં દબાણ ખાતા દ્વારા કાર્યવાહી કરવામાં આવી છે. નડતરરૂપ દબાણો પર તંત્રનું બુલડોઝર ફરી વળ્યું છે. ગ્રામ પંચાયતથી નાની ચોકડી સુધીના દબાણો હટાવાયા છે. લારી-ગલ્લાં, ઓટલા, શેડ હટાવી રસ્તો ખુલ્લો કરાયો છે. 

BZ કૌભાંડમાં તપાસનો ધમધમાટ

BZ કૌભાંડમાં તપાસનો ધમધમાટ ચાલી રહ્યો છે. હિંમતનગરના બેરણામાં CID ક્રાઈમે રેડ કરી છે. નરેશ પ્રજાપતિના ડોક્યુમેન્ટ મામલે રેડ કરવામાં આવી છે. CIDને કેટલાક ડોક્યુમેન્ટ હાથ લાગ્યા છે. નરેશ પ્રજાપતિ ભુપેન્દ્રસિંહ ઝાલાનો CA છે અને ટૂંક સમયમાં વધુ ખુલાસાની સંભાવના છે. 

Gujarat News: કોંગી નેતાઓને ભરતસિંહ સોલંકીની પત્નીનું 24 કલાકનું અલ્ટીમેટમ

રાજ્યમાં પાટીદાર દિકરીના ન્યાય વચ્ચે હવે કોંગ્રેસ નેતા ભરતસિંહ સોલંકીની પત્ની રેશ્મા પટેલે ન્યાય માટે ગુહાર લગાવી છે. રેશ્મા પટેલે વીડિયો પોસ્ટમાં કહ્યું છે કે હું પણ પાટીદારની દીકરી છું, જેની ઠુમ્મર, પરેશ ધાનાણી મને ક્યારે ન્યાય અપાવશે? તેવો સવાલ કર્યો હતો. વધુમાં રેશ્મા પટેલે કહ્યું કે મારા પર અત્યાચાર થયા ત્યારે તમે ચૂપ કેમ હતા? આ સાથે જ રેશ્મા પટેલે કોંગ્રેસના નેતાઓને 24 કલાકનું અલ્ટીમેટમ આપતા કહ્યું કે 24 કલાકમાં હું રાજકમલ ચોકમાં પહોંચીશ.

રાજ્ય સરકાર ફરી એક્શન મોડમાં, વધુ 4 આરોગ્ય અધિકારીઓને ફરજિયાત નિવૃત કરાયા

રાજ્ય સરકારમાં ફરી એક વખત અધિકારીઓ સામે એક્શન મોડમાં આવી છે અને રાજ્યમાં વધુ 4 અધિકારીઓને ફરજિયાત નિવૃત કરવામાં આવ્યા છે. આરોગ્ય વિભાગે 4 અધિકારીઓને ફરજિયાત નિવૃત કર્યા છે. 2 તાલુકા હેલ્થ ઓફિસર અને 2 મેડિકલ ઓફિસરને ફરજિયાત નિવૃત કરવામાં આવ્યા છે.

અધિકારીઓ રહ્યાં હાજર 

અહીં નોંધનીય છે કે, દિવ્યાંગ વ્યક્તિઓને એસ.ટી.બસમાં મફત મુસાફરી યોજના, બૌદ્ધિક અસમર્થતા ધરાવતી (મનો દિવ્યાંગ) યોજના હેઠળ માસિક રૂ.૧૦૦૦ની સહાય, સંત સુરદાસ યોજના હેઠળ માસિક રૂ.૧૦૦૦ની સહાય, દિવ્યાંગ લગ્ન સહાય યોજના હેઠળ દિવ્યાંગથી દિવ્યાંગ વ્યકિત લગ્ન કરે ત્યારે ૧ લાખની સહાય સહિત અનેક લાભ આપવામાં આવે છે. આ કેમ્પમાં બનાસ મેડિકલ કોલેજના ચેરમેન પી.જે.ચૌધરી, મુખ્ય જિલ્લા આરોગ્ય અધિકારી બી.બી.સોલંકી, જિલ્લા સમાજ સુરક્ષા અધિકારી હિતેશભાઈ પટેલ સહિત આરોગ્ય અને સમાજ સુરક્ષા વિભાગનો સ્ટાફ અને લાભાર્થીઓ ઉપસ્થિત રહ્યા હતા.

713 દિવ્યાંગોને મળ્યો લાભ

આ કેમ્પમાં ડીસાના લાભાર્થી ભાવેશભાઈએ જણાવ્યું કે, વર્ષો પહેલા બીમારીના હિસાબે તેઓ બંને પગે ચાલી શકતા નથી. દિવ્યાંગતા સર્ટિફિકેટ કઢાવવા માટે પ્રયત્નો કર્યા અને છેલ્લે આ સેવા કેમ્પ થકી મારું દિવ્યાંગતા સર્ટિફિકેટ મને મળ્યું છે તે બદલ તેઓ સરકારનો આભાર વ્યક્ત કરે છે.સેવા સેતુ કાર્યક્રમ અન્વયે જિલ્લામાં વહીવટી તંત્ર દ્વારા કુલ ૭૧૩ દિવ્યાંગ લાભાર્થીઓની પ્રાથમિક ઓળખ કરાઈ છે. જેમાં ડીસા અને પાલનપુર ખાતે કેમ્પનું આયોજન કરાયું હતું. ડીસા ખાતે ૬૦ અને પાલનપુર ખાતે કુલ ૧૦૨ દિવ્યાંગ લોકોને કેમ્પ થકી સર્ટિફિકેટ કાઢવાની કામગીરી હાથ ધરાઈ છે. આ સિવાય તા. ૯ જાન્યુઆરીના રોજ અંબાજી જનરલ હોસ્પિટલ ખાતે, ૧૧ જાન્યુઆરીના રોજ ખીમંત સામૂહિક આરોગ્ય કેન્દ્ર ખાતે, ૧૩ જાન્યુઆરીના રોજ થરાદ જનરલ હોસ્પિટલ ખાતે તથા ૧૬ જાન્યુઆરીના રોજ ભાભર સબ ડિસ્ટ્રિક્ટ હોસ્પિટલ ખાતે કેમ્પનું આયોજન કરાશે. 

સરકારના વિવિધ લાભ મળે છે 

આ કેમ્પમાં જિલ્લા કલેકટરે જણાવ્યું હતું કે, દિવ્યાંગ ભાઈઓ-બહેનોને સરકારના વિવિધ લાભ મળી રહે તે માટે પ્રથમ કડી કોઈ હોય તો તે દિવ્યાંગતા સર્ટિફિકેટ છે. આ માટે જિલ્લામાં એક જ સ્થળેથી સર્ટિફિકેટ મળી રહે તે મુજબનું આયોજન કરાયું છે. આ કેમ્પ થકી જિલ્લાના દિવ્યાંગ લોકોને વધુમાં વધુ લાભ લેવા જિલ્લા કલેકટરે અનુરોધ કર્યો હતો. 

દિવ્યાંગ લોકને મળ્યા લાભ 

આ કેમ્પમાં પાલનપુર ધારાસભ્ય અનિકેતભાઈ ઠાકરે જણાવ્યું કે, જિલ્લા વહીવટી તંત્રના હકારાત્મક અભિગમથી જિલ્લામાં ૭૧૩ દિવ્યાંગ લાભાર્થીઓને શોધીને ૬ જેટલા કેમ્પનું આયોજન હાથ ધરાયું છે. તેમણે કહ્યું કે દિવ્યાંગ લોકોને કોઈપણ પ્રકારની મુશ્કેલી ના પડે અને તેમને સહેલાઈથી સરકારી યોજનાઓના લાભ મળી રહે તે માટે જિલ્લા કલેકટર દ્વારા ખાસ આયોજન હાથ ધર્યું છે. તેમણે વહીવટી તંત્રની કામગીરીને બિરદાવી હતી. 

બનાસકાંઠાના પાલનપુર ખાતે દિવ્યાંગતા સર્ટિફિકેટ અસેસમેન્ટ કેમ્પનું આયોજન કરાયું

બનાસકાંઠા જિલ્લાના તમામ દિવ્યાંગ ભાઈઓ-બહેનોને એક જ સ્થળેથી તમામ સરકારી યોજનાઓનો લાભ મળી શકે તે હેતુથી જિલ્લા કલેકટર મિહિર પટેલ દ્વારા એક પહેલના ભાગરૂપે દિવ્યાંગ સેવા સેતુ કાર્યક્રમનું આયોજન હાથ ધરાયું હતું. આજરોજ પાલનપુર સિવિલ હોસ્પિટલ ખાતે કલેકટર મિહિર પટેલના અધ્યક્ષસ્થાને દિવ્યાંગતા સર્ટિફિકેટ અસેસમેન્ટ કેમ્પનું આયોજન કરાયું હતું. 

તાલુકા વાઇઝ સંપર્ક નંબરની યાદી

સુરેન્દ્રનગર/ વઢવાણ માટે ૯૯૭૯૨ ૭૧૦૦૦/ ૯૭૨૩૩ ૧૮૫૯૭/ ૯૪૨૭૪ ૫૬૩૫૪/ ૯૯૧૩૧ ૦૩૯૩૫, મુળી તાલુકા માટે ૯૪૨૭૦ ૪૫૭૭૨, ૯૦૩૩૨ ૫૭૩૯૭, ૯૯૨૫૨ ૫૮૨૯૦, ૯૫૭૪૫ ૨૮૯૭૬, ચોટીલા તાલુકા માટે ૯૬૮૭૭ ૩૫૪૪૮, ૯૮૭૯૫ ૭૪૪૭૮, ૮૫૩૦૩ ૫૭૨૫૬, ૯૪૨૯૯ ૦૫૫૨૫, થાનગઢ તાલુકા માટે ૯૯૦૯૫ ૫૩૧૩૫, ૯૭૨૬૧ ૦૭૭૦૭, ૯૬૨૪૧ ૩૭૪૦૫, લખતર તાલુકા માટે ૯૨૨૭૬ ૫૧૭૭૩, ૭૪૦૫૪ ૪૦૮૧૦, ૮૯૦૫૮ ૭૭૭૬૭, લીંબડી તાલુકા માટે ૭૫૬૭૬ ૪૨૨૦૭, ૬૩૫૨૭ ૪૬૪૨૫, ૯૯૦૪૬ ૫૭૦૬૩, ચુડા તાલુકા માટે ૯૯૦૯૪ ૯૨૪૨૧, ૯૭૩૭૧ ૧૨૭૦૩, ૮૭૩૩૯ ૪૧૧૧૧, સાયલા તાલુકા માટે ૯૪૨૭૨ ૦૫૩૯૭, ૭૯૯૦૫ ૭૩૩૪૨, ૯૭૨૩૩ ૬૮૦૨૪, ધ્રાંગધ્રા તાલુકા માટે ૮૯૦૫૦ ૬૯૩૧૭, ૯૭૧૨૦ ૫૮૬૦૦, ૮૪૬૦૦ ૧૩૯૧૩, પાટડી તાલુકા માટે ૯૭૩૭૭ ૬૧૫૭૭, ૯૯૨૫૯ ૩૨૪૨૫, ૭૯૯૦૪ ૯૮૮૮૪ પર સંપર્ક કરવો.આ બેઠકમાં નાયબ વન સંરક્ષક નિકુંજસિંહ પરમાર, રેંજ ફોરેસ્ટ ઓફિસર અને વિવિધ સ્વૈચ્છિક સંસ્થાઓના પ્રમુખો ઉપસ્થિત રહ્યા હતા.

જિલ્લાના વિવિધ તાલુકા માટે હેલ્પલાઇન નંબર

સુરેન્દ્રનગર જિલ્લામાં કરુણા અભિયાન ૨૦૨૫ની તમામ તૈયારીઓ પૂર્ણ કરી દેવામાં આવી છે. તા.૧૦/૦૧/૨૦૨૫થી જિલ્લાના દસેય તાલુકામાં કંટ્રોલ રૂમ તથા પક્ષી સારવાર કેન્દ્રો ઉભા કરવામાં આવશે. વન વિભાગ ગુજરાત રાજ્ય દ્વારા તમામ પક્ષી સારવાર કેન્દ્રો દર્શાવતો ઓનલાઇન મેપની લીંક સ્વયં સંચાલિત વાઇલ્ડ લાઇફ હેલ્પલાઇન નંબર ૮૩૨૦૦૦૨૦૦૦ માં 'Karuna' મેસેજ લખીને મેળવી શકાશે. આ ઉપરાંત Hi મેસેજ લખવાથી બર્ડ હેલ્પલાઈન તેમજ તાલુકા વાઇલ્ડ લાઇફ વોર્ડનના નંબર મેળવી શકાશે. ૧૯૬૨/૧૯૨૬ પર ફોન કરીને ઘાયલ પક્ષી અંગેની જાણકારી આપી શકાશે. ઘાયલ પક્ષીને તાત્કાલિક નજીકના કંટ્રોલરૂમ/ પક્ષી સારવાર કેન્દ્રો સુધી પહોંચાડવા માટે સ્વયંસેવકો તથા વન વિભાગના સ્ટાફની ટીમ બનાવવામાં આવી છે. સુરેન્દ્રનગર જિલ્લાના વિવિધ તાલુકાઓ માટે હેલ્પલાઇન નંબરો નીચે મુજબ છે.

ઘાયલ પક્ષીને બચાવતી વખતે ધ્યાનમાં રાખવાની બાબતો

ઘાયલ પક્ષીને સંભાળથી કાળજીપૂર્વક ઉપાડીએ, હવાની અવરજવર થઈ શકે તેવા બાસ્કેટ બોક્સમાં પક્ષીને રાખીએ. પક્ષીને આઘાતથી બચાવવા તેના પર કપડું રાખવું, ઘાવ પર આયોડિન/ ડેટોલ/ સેવલોન કે હળદર પાવડર લગાડવો નહીં. ઘા પર લોહી બંધ કરવા માટે હળવા હાથે રૂ દબાવવું, લાંબા સમય માટે પક્ષીને હાથમાં પકડી ન રાખવું, ઘવાયેલ પક્ષી સાથે રમત કે ફોટોગ્રાફી ન કરવી. પક્ષીના શરીર પરથી પતંગની દોરી દૂર કરવા બળજબરીપૂર્વક પ્રયાસ ન કરવો, તળેલા પદાર્થ પક્ષીને ક્યારેય પણ ખવડાવવા નહીં જેમકે ગાંઠીયા, બિસ્કીટ, ઘાયલ પક્ષીની માહિતી હેલ્પલાઇન નંબર પર આપીને તાત્કાલિક નજીકના સારવાર કેન્દ્ર પર પહોંચે તેવી વ્યવસ્થા કરવી.

ઉતરાયણ દરમિયાન આટલું ન કરીએ

પક્ષીઓ સુરક્ષિત રહે તે માટે સવારે ૯.૦૦ વાગ્યા પહેલા કે સાંજના ૫.૦૦ વાગ્યા પછી પતંગ ન ચગાવીએ, ક્યારેય પણ તુક્કલ ન ચગાવીએ. ચાઇનીઝ, સીંથેટીક કે કાચ પાયેલી દોરીનો પતંગ ચગાવવામા ઉપયોગ ન કરીએ, ઘાયલ પક્ષીના મોઢામાં પાણી કે ભોજન ન મુકીએ, રાત્રીના સમયે ગુબ્બારા કે ફુગ્ગા ન ચગાવીએ, ઘાયલ પક્ષીની સારવાર જાતે ન કરીએ અને ઘાયલ પક્ષી પર પાણીનો રેડીએ.

ઉતરાયણ દરમિયાન આટલું કરીએ

ફક્ત ઉતરાયણના દિવસે પતંગ ચગાવીએ, વૃક્ષો, ઇલેક્ટ્રીક લાઇન અને ટેલિફોન લાઇનથી દૂર પતંગ ચગાવીએ, ઘાયલ પક્ષીને જોતા તરત જ નિકટના સારવાર કેન્દ્રનો સંપર્ક કરીએ, ઘાયલ પક્ષીની આંખને કપડાથી ઢાંકી બાસ્કેટ કે કાણાવાળા પુઠાના બોક્સમાં રાખી તાત્કાલિક સારવાર કેન્દ્રમાં પહોંચાડીએ. ઘરના ધાબા પર  કે આજુબાજુના વૃક્ષોમા ફસાયેલી દોરીનો નિકાલ કરીએ.

વન વિભાગ પણ કરે છે મદદ

વધુમાં તેમણે ઉમેર્યું હતું કે, વન વિભાગ દ્વારા સ્વૈચ્છિક સંસ્થાઓ અને સ્વંયસેવકોના સાથ સહકારથી 'કરુણા અભિયાન-૨૦૨૫' અંતર્ગત ઇજાગ્રસ્ત પક્ષીની સારવાર અને બચાવની કામગીરીનું આયોજન કરવામાં આવ્યું છે. આ આયોજનમાં દરેક જિલ્લાવાસીઓને સાથ સહકાર આપવા અનુરોધ કર્યો હતો.

સુરેન્દ્રનગરમાં કરૂણા અભિયાનને લઈ કલેકટરે યોજી બેઠક, પોલીસ અધિકારીઓ રહ્યાં હાજર 

જિલ્લા કલેકટર કે.સી.સંપટના અધ્યક્ષસ્થાને કલેકટર કચેરી સભાખંડ ખાતે  'કરુણા અભિયાન-૨૦૨૫’ના આયોજન અંગેની બેઠક યોજાઈ હતી. આ બેઠકમાં જિલ્લા કલેકટરે કરુણા અભિયાન અંતર્ગત જિલ્લામાં થયેલા આયોજન અંગેની જાણકારી મેળવી વિવિધ સૂચનો કર્યા હતાં.બેઠકમાં જિલ્લા કલેકટરે જણાવ્યું હતું કે, આપણે સૌ ઉતરાયણનો તહેવાર હર્ષોલ્લાસથી દર વર્ષે ઉજવીએ છીએ. પતંગ ઉડાડવાની મજા માણતા ઘણી વખત પતંગની દોરીથી પક્ષીઓ ઇજાગ્રસ્ત થાય છે કે મૃત્યુ પામે છે. આ અબોલ અને નિર્દોષ પક્ષીઓના જીવ અમુલ્ય છે. તેથી તેમને બચાવવા એ આપણી સૌની નૈતિક ફરજ છે. 

બસના ચાલક પણ થયા ઈજાગ્રસ્ત 

ઘટનાની જાણ થતાની સાથે જ આસપાસના લોકો દોડી આવ્યા હતા અને વિધાર્થીઓને તાત્કાલિક સારવાર હેઠળ હોસ્પિટલ ખસેડવામાં આવ્યા છે,મોટી દુર્ઘટના ટળી ગઈ હતી અને વિધાર્થીઓને નાની મોટી ઈજા પહોંચી હતી.ચીખલી પોલીસે આસપાસના સીસીટીવી પણ તપાસ માટે લીધા છે,તો જે વિધાર્થીઓની તબિયત સારી છે તે તમામ વિધાર્થીઓને હોસ્પિટલમાંથી ડિસ્ચાર્જ પણ આપી દેવામાં આવ્યો છે.

શિવાજી યુનિવર્સિટીની લક્ઝરી બસને અકસ્માત નડયો

આ અકસ્માત શિવાજી યુનિવર્સિટીની લક્ઝરી બસને થયો હતો અને બસમાં વિધાર્થીઓ ભરેલા હતા અને અચાનક આગળનું ટાયર ફાટતા બસ ડિવાઈડર કૂદીને સામે ઉભી રહેલી કારને અથડાતા તેને પણ નુકસાન થયું હતુ.મહેસાણાથી કાર્યક્રમ પતાવીને બસ નવસારી તરફ આવતી હતી તે દરમિયાન આ ઘટના બની છે,ડ્રાઈવરની પણ પૂછપરછ પોલીસ દ્વારા કરવામાં આવી છે.

નવસારીમાં ખાનગી લકઝરી બસનું ટાયર ફાટયું, વિદ્યાર્થીઓ ઈજાગ્રસ્ત થતા હોસ્પિટલ ખસેડયા 

નવસારીમાં વિદ્યાર્થીઓ ભરેલ બસનો અકસ્માત થયો છે જેમાં આ અકસ્માત ચીખલીમાં મજીગામ છાપરા ફળિયા પાસે થયો હતો અને નેશનલ હાઈવે નંબર 48 પર અકસ્માત સર્જાતા ચીખલી પોલીસ ઘટના સ્થળે પહોંચી હતી અને ઈજાગ્રસ્તોને તાત્કાલિક સારવાર હેઠળ હોસ્પિટલ ખસેડયા હતા. 

બાળ વિકાસ અધિકારીએ યોજયો પ્રોગામ

વાનગી સ્પર્ધામાં કાર્યકર બહેનો એ ભાગ લીધેલ જેમાં THR માંથી બનાવેલ વાનગી અને મીલેટસ માંથી બનાવેલ વાનગી એમ બંન્ને કેટેગરીમાં શ્રેષ્ઠ વાનગી બનાવેલ પ્રતિયોગીને પ્રથમ, દ્વિતીય અને તૃતીય એમ ત્રણ નંબર કમિટીના સભ્યો દ્વારા નક્કી કરવામાં આવ્યા.શ્રેષ્ઠ વાનગી બનાવનાર વિજેતા કાર્યકર બહેનોને પ્રમાણપત્ર અને પ્રોત્સાહન ઈનામ આપવામા આવ્યા.ઈનામ દાતા નિસર્ગ ભાઈ પંચમીઆ,રાજુભાઇ કરાટે, આશાબેન ભાવસારના સહયોગથી આપવામાં આવ્યા.આ સમગ્ર પ્રોગ્રામનુ સંચાલન પ્રોગ્રામ ઓફિસરના માર્ગદર્શન હેઠળ બાળ વિકાસ યોજના અધિકારી ડિમ્પલબેન ઠાકર દ્વારા કરવામાં આવ્યુ.

પોષણ ઉત્સવનો રાજ્યવ્યાપી શુભારંભ

પોષણ ઉત્સવ-૨૦૨૪”નો ગાંધીનગર ખાતેથી રાજ્યવ્યાપી શુભારંભ કરાવતા મહિલા અને બાળ વિકાસ મંત્રી ભાનુબહેન બાબરીયાએ જણાવ્યું હતું કે, દેશને વિકસીત ભારતના નિર્માણમાં સશક્ત મહિલા અને સ્વસ્થ બાળકની મહત્વની ભૂમિકા રહેલી છે. દરેક ઉંમર અને વ્યક્તિના વિકાસમાં શિયાળાની ઋતુની મહત્વતાને ધ્યાનમાં રાખી, વડાપ્રધાન નરેન્દ્રભાઈ મોદીના “સહી પોષણ, દેશ રોશન” ના સુત્રને સાર્થક કરવા રાજ્યના પ્રજાવત્સલ મુખ્યમંત્રી શ્રી ભૂપેન્દ્રભાઈ પટેલના માર્ગદર્શન હેઠળ સમગ્ર રાજ્યમાં “પોષણ ઉત્સવ-૨૦૨૪” નો શુભારંભ કરવામાં આવ્યો છે.મંત્રીએ ઉમેર્યું હતું કે, સ્વસ્થ, સશક્ત અને સામર્થ્યવાન બાળક દેશના ઉજ્જવળ ભવિષ્યની નિશાની છે, દેશનું દરેક બાળક સ્વસ્થ અને સશક્ત બને તે માટે રાજ્ય સરકાર હરહંમેશ પ્રયત્નશીલ છે.

કાર્યક્રમમાં બહોળી સંખ્યામાં લાભાર્થીઓ હાજર રહ્યા

પ્રોગ્રામ લોકો ટીએચઆર અને મિલેટ્સ નો ઉપયોગ કરતા થાય અને સુપોષિત ગુજરાત નો સંકલ્પ સિદ્ધ થાય તે હેતુથી યોજાયો.

પ્રોગ્રામની શરૂઆત દીપ પ્રાગટ્ય અને મા અન્નપૂર્ણાની આરતી ઉતારવામાં આવી.બાળકો અને કિશોરીઓ દ્વારા સુંદર કૃતિ રજુ કરવામાં આવી.બાળકો અને કિશોરીઓને પ્રોત્સાહન ઈનામ દાતા તરફથી આપવામાં આવ્યા છે.કાર્યક્રમમાં શ્રેષ્ઠ કામગીરી બદલ સરકાર તરફથી દર વર્ષે આપવામાં આવતો માતા યશોદા એવોર્ડ ઘટક-૨ ના નવરંગપુરા પાલડી-૧ સેજાના આંગણવાડી કેન્દ્ર કાશ્મીરાના છાપરાના આંગણવાડી કાર્યકર કામીનીબેન ચોક્સી અને તેડાગર સોનલબેન ઝાલાને વર્ષ-૨૦૨૧-૨૨ નો માતા યશોદા એવોર્ડ મહાનુભાવોના હસ્તે આપવામાં આવ્યો.

અમદાવાદમાં પોષણ ઉત્સવ-2024ની કરાઈ ઉજવણી, યોજાઈ વાનગીની સ્પર્ધા

અમદાવાદ મ્યુનિસિપલ કોર્પોરેશન દ્વારા આઇસીડીએસ ઘટક 2 કક્ષાની પોષણ ઉત્સવ ૨૦૨૪ અંતર્ગત ટી.એચ.આર. તથા મિલેટ માંથી બનતી વાનગી સ્પર્ધા યોજાઇ હતી આ કાર્યક્રમમાં ધારાસભ્ય જીતેન્દ્રભાઈ પટેલ, કાઉન્સિલર દિપલબેન પટેલ સ્ટેડિયમ વોર્ડ,કાઉન્સિલર રશ્મિબેન ભટ્ટ સ્ટેડિયમ વોર્ડ, કાઉન્સિલર પ્રદીપભાઈ દવે સ્ટેડિયમ વોર્ડ,CMTC ન્યુટ્રીશન આસિસ્ટન્ટ હાજર રહ્યા હતા.

વાંચો 03 વાગ્યા સુધીના મહત્વના સમાચાર

01 - Gujarat Weather : રાજયમાં ઠંડીનો ચમકારો રહેશે યથાવત, તાપમાનમાં થશે સતત ઘટાડો

02 - Five બેટ્સમેન ODI ડેબ્યૂમાં શૂન્ય પર આઉટ, વનડે ક્રિકેટમાં ઈતિહાસ રચ્યો

03 - Gandhinagarમાં યોજાયો પાટીદાર એક્સ્પો, સરદારધામના છત્ર નીચે એક થવા માટે CMની અપીલ

04 - Bangladesh: 7 વર્ષે માં-દિકરાનો થયો મિલાપ, જોતાવેંત ગળે લાગ્યા

05 -Gujaratમાં ઉતરાયણ પર્વ પર 1962 કરુણા એનિમલ એમ્બ્યુલન્સ પશુ-પક્ષીની સેવામાં રહેશે હાજર

06 - Ahmedabadમાં આંતરરાષ્ટ્રીય કાઈટ્સ ફેસ્ટિવલની તૈયારીઓ પૂરજોશમાં, HMPV વાયરસને લઈને તંત્ર એલર્ટ

07 - Happy birthday: ફરહાન અખ્તર અભિનેતા, ગાયકની સાથે એક ઉત્તમ લેખક પણ

08 - BabaSiddiqueની હત્યા કરવા માટે 17 લાખનો થયો હતો કોન્ટ્રાકટ, વાંચો Inside Story

09 - 'ભવિષ્ય યુદ્ધમાં નહી બુદ્ધમાં છે' ભુવનેશ્વરથી PM મોદીનો રશિયા-ઇઝરાયલને સંદેશ

10 -Nijjar Case: કેનેડા સરકારને મોટો ઝટકો, 4 આરોપીઓને મળ્યા જામીન, જાણો કેમ?

રેસ્કયૂ કરીને અપાય છે સારવાર 

અમદાવાદ, વડોદરા, રાજકોટ અને સુરત સહિતના શહેરી વિસ્તારોમાં ઉપલબ્ધ પશુ સારવાર સંસ્થા ઉપરાંત ૫૦ જેટલા વધારાના મોબાઇલ યુનિટ દ્વારા સારવાર આપવા માટેની યોગ્ય વ્યવસ્થા ગોઠવવામાં આવશે તેમ, રાજ્ય મંત્રી મુકેશભાઈએ ઉમેર્યું હતું.અત્રે ઉલ્લખેનીય છે કે, ગત વર્ષે કરૂણાઅભિયાન અંતર્ગત રાજ્યભરમાં ૧૩,૮૦૦થી વધુ પશુ-પક્ષીઓને રેસ્ક્યુ કરાયા હતા, જેમાં ૪,૪૦૦થી વધુ પશુઓ અને ૯,૩૦૦થી વધુ પક્ષીઓનો સમાવેશ થાય છે. જ્યારે, છેલ્લા ૦૮ વર્ષમાં અમદાવાદ જિલ્લા બાદ સૌથી વધુ સુરત જિલ્લામાં ૧૩,૩૦૦થી વધુ, વડોદરા જિલ્લામાં ૧૦,૭૦૦થી વધુ, રાજકોટ જિલ્લામાં ૮,૩૦૦થી વધુ, આણંદ જિલ્લામાં ૬,૮૦૦થી વધુ અને જૂનાગઢ જિલ્લામાં ૬,૧૦૦થી વધુ પશુ-પક્ષીઓને રેસ્ક્યુ કરીને સારવાર પૂરી પાડવામાં આવી છે. 

સાધનો અને દાવાઓનો સ્ટોક સુનિશ્ચિત કરવામાં આવ્યો

વન અને પર્યાવરણ રાજ્ય મંત્રી  મુકેશભાઈ પટેલે ઉત્તરાયણ પર્વની શુભેચ્છા પાઠવતાં જણાવ્યું હતું કે, કરૂણા અભિયાન-૨૦૨૫માં આશરે ૬૦૦થી વધુ વેટરનિટી તબીબો તેમજ ૮,૦૦૦થી વધુ સેવાભાવી સ્વયંસેવકો સેવારત રહેશે. સાથે જ, પશુપાલન વિભાગ, વન વિભાગ અને વિવિધ સેવાભાવી સંસ્થાઓના મળીને રાજ્યભરમાં કુલ ૧,૦૦૦થી વધુ સારવાર કેન્દ્રો પણ ઉભા કરાશે. આ અભિયાન દરમિયાન રાજ્યભરના ૮૬૫ પશુ દવાખાના, ૩૪ વેટરનરી પોલિક્લિનિક, ૨૭ શાખા પશુ દવાખાના ઉપરાંત ૫૮૭ જેટલા ફરતા પશુદવાખાના અને ૩૭ કરૂણાએનીમલ એમ્બ્યુલન્સ રજાના દિવસે પણ કાર્યરત રહેશે. જ્યાં ઘાયલ પશુ-પક્ષીની સારવાર માટે જરૂરી તમામ સાધનો અને દાવાઓનો સ્ટોક સુનિશ્ચિત કરવામાં આવ્યો છે.

સ્વૈચ્છિક સંસ્થાઓ પોતાનો સિંહફાળો આપી રહી છે

મંત્રીએ જણાવ્યું હતું કે, મુખ્યમંત્રી ભૂપેન્દ્ર પટેલના સમર્થ નેતૃત્વ તેમજ પશુપાલન મંત્રી રાઘવજી પટેલના માર્ગદર્શન હેઠળ કરૂણા અભિયાન-૨૦૨૫ને વધુ પરિણામલક્ષી બનાવવા માટે તમામ આગોતરી તૈયારીઓ સુનિશ્ચિત કરવામાં આવી છે. આ જીવદયાના અભિયાનને સફળ બનાવવામાં પશુપાલન, વન વિભાગ અને મહાનગરપાલિકાઓ સહિતની વિવિધ સ્વૈચ્છિક સંસ્થાઓ પોતાનો સિંહફાળો આપી રહી છે.સાથે જ, રાજ્યના કોઈ પણ સ્થળે ઘાયલ પક્ષીઓને ઝડપી અને યોગ્ય સારવાર આપવા માટે વન વિભાગ દ્વારા વોટ્સઅપ નંબર ૮૩૨૦૦૦૨૦૦૦ અને ૧૯૨૬ હેલ્પલાઇન જાહેર કરાયો છે. આ નંબર પર "Hi" મેસેજ કરવાથી એક લિંક મળશે જેને ક્લીક કરવાથી જિલ્લાવાર ઉપલબ્ધ તમામ પક્ષી સારવાર કેન્દ્રોની માહિતી મળશે. આ ઉપરાંત પશુપાલન વિભાગ દ્વારા ૧૯૬૨ નંબર સેવારત છે. આ નંબરનો સંપર્ક કરી નાગરિકો અબોલ પશુ પક્ષીઓનો જીવ બચાવી શકશે તેમ,મંત્રીએ ઉમેર્યું હતું.

કરૂણા અભિયાનનું આદર્શ મોડલ 

મંત્રી મુળુભાઈએ કહ્યું હતું કે, રાજ્ય સરકાર દ્વારા શરૂ કરાયેલી આ કરુણાસભર પહેલના પરિણામે અનેક અબોલ પશુ-પક્ષીઓને નવજીવન મળ્યું છે. છેલ્લા આઠ વર્ષમાં કરૂણાઅભિયાન અંતર્ગત રાજ્યભરમાં ૯૭,૨૦૦થી વધુ પશુ-પક્ષીઓને રેસ્ક્યુ કરાયા છે. જે પૈકીના ૩૧,૪૦૦થી વધુ પશુઓને તેમજ ૬૫,૭૦૦થી વધુ પક્ષીઓને યોગ્ય સારવાર આપવામાં આવી છે. સૌથી વધુ અમદાવાદ જિલ્લામાં આશરે ૧૭,૬૦૦થી વધુ પશુ-પક્ષીઓને સારવાર આપાઈ છે. જેમાં ૨,૪૦૦ જેટલા પશુઓ અને ૧૫,૨૦૦થી વધુ પક્ષીઓનો સમાવેશ થાય છે. ગુજરાતે સૌપ્રથમવાર શરુ કરેલું કરૂણા અભિયાનનું આદર્શ મોડલ આજે સમગ્ર દેશ માટે પથદર્શક બન્યું છે.

દર વર્ષે યોજાય છે કરૂણા અભિયાન

ગુજરાતમાં ઉત્તરાયણના પર્વના સમયગાળામાં પતંગ-દોરીથી અનેક અબોલ પશુ-પક્ષીઓ ઘાયલ થતા હોય છે. સાથે જ,તહેવારને ધ્યાને લઇ ધર્મપ્રેમી લોકો પશુઓને ખાસ કરીને ગાયને ઘુઘરી,રજકો અને લીલુ ઘાસ વગેરે ખવડાવતાં હોય છે. જેના થકી ઘણીવાર પશુઓને આફરો અને પોઇઝનીંગ થતું હોય છે. આવા પશુ-પક્ષીઓને તાત્કાલિક ધોરણે રેસ્ક્યુ કરીને યોગ્ય સારવાર પૂરી પાડી શકાય તે માટે વર્ષ ૨૦૧૫થી દર વર્ષે ગુજરાત સરકાર દ્વારા કરૂણા અભિયાન હાથ ધરવામાં આવે છે. આ વર્ષે પણ રાજ્યભરમાં આવતીકાલે તા. ૧૦ થી ૨૦ જાન્યુઆરી ૨૦૨૫ દરમિયાન કરૂણા અભિયાન હાથ ધરવામાં આવશે.

વેટરનિટી તબીબો હાજર રહેશે

કરૂણા અભિયાન અંતર્ગત ગુજરાતમાં છેલ્લા ૦૮ વર્ષ દરમિયાન ૯૭ હજારથી વધુ પશુ-પક્ષીઓને રેસ્ક્યુ કરી યોગ્ય સારવાર અપાઈ,અમદાવાદ જિલ્લામાં સૌથી વધુ ૧૭,૬૦૦થી વધુ પશુ-પક્ષીઓને રેસ્ક્યુ કરાયા તેમજ આ અભિયાનમાં ૬૦૦થી વધુ વેટરનિટી તબીબો તેમજ ૮૦૦૦થી વધુ સેવાભાવી સ્વયંસેવકો સહભાગી થશે સાથે સાથે ઈજાગ્રસ્ત પક્ષીઓની સારવાર કેન્દ્રોની માહિતી માટે વન વિભાગનો ૮૩૨૦૦૦૨૦૦૦ વોટ્સઅપ અને ૧૯૨૬ હેલ્પલાઇન તેમજ પશુપાલન વિભાગ દ્વારા પશુઓ માટે ૧૯૬૨ હેલ્પલાઇન નંબર સેવારત રહેશે.

ગુજરાત સરકાર ઉત્તરાયણમાં ઈજાગ્રસ્ત પશુ-પક્ષીઓને લઈ કરૂણા અભિયાન કેમ્પ યોજાશે

પશુ-પક્ષીઓની સારવાર-રક્ષા માટે ગુજરાતમાં તા. ૧૦ થી ૨૦ જાન્યુઆરી દરમિયાન કરૂણા અભિયાન-૨૦૨૫ હાથ ધરાશે વન અને પર્યાવરણ મંત્રી મુળુભાઈ બેરા દ્વારા આ નિર્ણય લેવાયો છે જેમાં સવારે અને સાંજે પક્ષીઓ ખોરાક માટે વિચરતા હોય છે જેથી શક્ય હોય તો આ સમયે પતંગ ન ચગાવવા મંત્રીની સૌને અપીલ છે.

આ સિઝનની સૌથી વધુ ઠંડી નોંધાવાની શક્યતા

આવતીકાલથી ઠંડીનો નવો રાઉન્ડ શરૂ થવાની શક્યતા છે, જેને પગલે ઠંડીનો પારો 13 ડિગ્રી સુધી ગગડવાની આગાહી કરવામાં આવી છે, જે આ સિઝનની સૌથી વધુ ઠંડી નોંધાઇ શકે એમ છે. કારણ કે, આ સિઝનમાં અત્યાર સુધીમાં લઘુતમ તાપમાન 14 ડિગ્રીના નીચે ગયું નથી.છેલ્લા બે દિવસથી ઉત્તર ભારતમાં બરફ વર્ષા શરૂ થઈ છે, જેને પગલે તાપમાન ફ્રીઝિંગ પોઇંટ પર છે. આ ઉપરાંત સુરત સહિત દક્ષિણ ગુજરાતમાં ઉત્તર-પૂર્વ દિશા તરફથી બર્ફીલા પવનો ફૂંકાવાના શરૂ થતાં અચાનક તાપમાનમાં મોટો ઘટાડો થતો જોવા મળી રહ્યો છે.

પવનની વધશે ગતિ

પવનની ગતિ 5 થી 10 કિમીની ઝડપની રહેશે તેવી આગાહી હવામાન વિભાગ દ્વારા કરવામાં આવી છે તો બે દિવસ બાદ ઠંડીથી આંશિક રાહત રહેશે તો નલિયા સિઝનનું સૌથી ઓછું તાપમાન પહેલીવાર નોંધાયું હોવાની વાત સામે આવી છે,હવામાન વિભાગ દ્વારા કમોસમી વરસાદને લઈ કોઈ આગાહી કરવામાં આવી નથી.,લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

રાજયમાં ઠંડીનો ચમાકારો રહેશે યથાવત, તાપમાનમાં થશે સતત ઘટાડો 

રાજયમાં ઠંડીના ચમકારાને લઈ હવામાન વિભાગે આગાહી કરી છે,હવામાન વિભાગના જણાવ્યા અનુસાર રાજયમાં ઠંડીનો ચમકારો યથાવત રહેશે સાથે સાથે વેસ્ટર્ન ડિસ્ટર્બન્સના કારણે તાપમાન વધશે અને અમદાવાદમાં તાપમાન 14 ડિગ્રીની આસપાસ રહી શકે છે.પવનની ગતિ 5થી 10 કિમીની આસપાસ રહેશે તેવી શકયતાઓ પણ સેવાઈ રહી છે. 

દીકરીને માત્ર 1 રૂપિયા ટોકનમાં પ્રવેશ અપાશે

સરદાર ધામ સંસ્થાના પ્રમુખ ગગજી સૂતરિયાના જણાવ્યા અનુસાર આ સમિટ જે આવક થશે તે તમામ સરદાર ધામ સંસ્થાની પાછળ તૈયાર થનારા 200 કરોડના ભવનમાં ઉપયોગ લેવામાં આવશે. આ દીકરીઓને માત્ર 1 રૂપિયા ટોકનમાં પ્રેવશ આપવામાં આવશે. એક સાથે 3 હજાર દીકરીઓ એક સાથે રહી શકે તે પ્રકારની ભવનનું નિર્માણ કરવામાં આવ્યું છે.ના પ્રમુખ ગગજી સૂતરિયાના જણાવ્યા અનુસાર આ સમિટ જે આવક થશે તે તમામ સરદાર ધામ સંસ્થાની પાછળ તૈયાર થનારા 200 કરોડના ભવનમાં ઉપયોગ લેવામાં આવશે.મુખ્યમંત્રીએ સંબોધનમાં કરી જાહેરાત,ગ્રીન એનર્જી મંત્ર વિજળી લેનાર ઉદ્યોગ ને ખાસ સર્ટિફિકેટ અપાશે.

દેશનો સૌથી મોટો મહાકુંભ શરૂ થવા જઈ રહ્યો છે :CM

સીએમ ભૂપેન્દ્ર પટેલે વધુમાં કહ્યું કે મોટો મહાકુંભ શરૂ થવા જઈ રહ્યો છે,અને અહિંયા સરદારધામનો ઉદ્યોગ કુંભ શરૂ થયો છે,

આજે વાયબ્રન્ટ સમિટ દરેક રાજ્યમાં થઈ રહી છે તેમજ 2003માં વાયબ્રન્ટ સમિટ ગુજરાતમાં શરૂ થઈ છે,કોઈએ વિચાર્યું નહીં હોય કે દેશનું મોટુ પ્લેટફોર્મ હશે તો કાઈટ ફેસ્ટિવલ 500 કરોડનો ધંધો ગુજરાતને આપશે અને વધુમા એવું છે કે,લોકો રણોત્સવમાં જાય જે નરેન્દ્ર મોદીનું વિઝન હતું અને ગુજરાત સરકાર વિજળી, પાણી આપશે તમે ધંધો સ્થાપો.ખેડૂતોને દિવસે વિજળી આપી છે અને સરકાર ઉદ્યોગોને ગ્રીન એનર્જી આપશે સાથે સાથે વિજળી લેનાર ઉદ્યોગને ખાસ સર્ટિફિકેટ અપાશે.

ગાંધીનગરમાં યોજાયો પાટીદાર એક્સ્પો, સરદારધામના છત્ર નીચે એક થવા માટે CMની અપીલ

ગાંધીનગરમાં સરદારધામ દ્વારા પાટીદાર એક્સ્પોની આજથી શરૂઆત થઈ છે જેમાં CM ભૂપેન્દ્ર પટેલના હસ્તા એકસ્પો ખુલ્લો મુકવામાં આવ્યો છે.9 થી 12 જાન્યુઆરી સુધી ચાલશે એક્સ્પો આયોજન સાથે સાથે કડવા લેઉવા સંગઠનો અને સંસ્થાઓને CM ભૂપેન્દ્ર પટેલે અપીલ કરી છે કે,સરદારધામના છત્ર નીચે એક થાવ.

વિવિધતામાં એકતાની ઝલક જોવા મળસે

મુળી ખાતે યોજાનાર આ કાર્યક્રમમાં દેશભક્તિની થીમ સાથે વિવિધતામાં એકતાની ઝલક જોવા મળે તે રીતે વિશેષ સાંસ્કૃત્તિક કૃત્તિ પણ રજૂ થશે. આ ઉપરાંત પોલીસ વિભાગ દ્વારા પરેડ અને વિવિધ કચેરીઓ દ્વારા ટેબ્લો નિદર્શનનું પણ આયોજન કરવામાં આવ્યું છે. નિવાસી અધિક કલેક્ટર રાજેન્દ્ર ઓઝાએ પ્રજાસત્તાક પર્વની ઉજવણી માટે જરુરી સૂચન કર્યા હતા.આ બેઠકમાં જિલ્લા વિકાસ અધિકારી શ્રી રાજેશ તન્ના, જિલ્લા પોલીસ અધિક્ષક શ્રી ડૉ.ગિરીશ પંડ્યા, સર્વે પ્રાંત અધિકારીઓ સહિત વિવિધ વિભાગોના અધિકારી/કર્મચારીઓ ઉપસ્થિત રહ્યા હતા.

સુરેન્દ્રનગરના મુળી ખાતે જિલ્લાકક્ષાના પ્રજાસત્તાક પર્વની ઉજવણી થશે 

જિલ્લા કલેકટર કે.સી.સંપટના અધ્યક્ષસ્થાને  કલેકટર કચેરી સભાખંડ ખાતે તા.૨૬ જાન્યુઆરી, 'પ્રજાસત્તાક પર્વ'  જિલ્લાકક્ષાની ઉજવણી સંદર્ભે એક બેઠક યોજાઈ હતી.આ બેઠકમાં જિલ્લા કલેકટરશ્રીએ, વિવિધ સરકારી ઈમારત પર રોશની કરવા, કાર્યક્રમ સ્થળે સાફ-સફાઈ, ફાયર, આરોગ્ય, પીવાનું પાણી, ટ્રાફિક વ્યવસ્થા, ટેબ્લો નિદર્શન સહિતના આયોજન અંગે માહિતી મેળવી જરૂરી દિશાનિર્દેશ આપ્યા હતા. 

આ વખતે પક્ષી ઈજાગ્રસ્તોને લઈ વધી શકે છે કેસ 

નાગરિકોને અનુરોધ કરવામાં આવે છે કે હાનિકારક પતંગની દોરીનો ઉપયોગ ટાળે, સજાગ રહે, અને કોઈ પણ પ્રાણી કે પંખીની ઇમર્જન્સી તરત 1962 કરુણા એનિમલ એમ્બ્યુલન્સ હેલ્પલાઈન પર જાણ કરે. ચાલો, આપણે સૌ મળીને ઉત્તરાયણને કાળજી અને કરુણાની સાથે ઉજવીએ. જાન્યુઆરી 2025ના રોજ પંખી સંકળાતા ઈમરજન્સી કેસનો આંક 685 અને **15 જાન્યુઆરી 2025ના રોજ આંક 487 રહેવાની શક્યતા છે, જે સામાન્ય દિવસોના 26 કેસોની સરખામણાએ નોંધપાત્ર વધારો દર્શાવે છે.

ગુજરાત સરકારે અબોલ જીવ માટે તૈયાર કરી અનોખી એમબ્યુલન્સ

જે સામાન્ય દિવસોમાં નોંધાતા 842 કેસોની સરખામણાએ 75.28% નો વધારો દર્શાવે છે. તે જ રીતે, 15 જાન્યુઆરી 2025ના રોજ 1495 ઇમર્જન્સી કેસ થવાની શક્યતા છે, જે 77.53% નો વધારો દર્શાવે છે.મુખ્ય જિલ્લાઓ, જેમ કે અમદાવાદ, અરવલ્લી, બાનાસકાંઠા, ગાંધીનગર, મહિસાગર, નવસારી, પંચમહાલ, પાટણ, રાજકોટ, સાબરકાંઠા, સુરત, અને સુરેન્દ્રનગરમાં વિશેષ વૃદ્ધિ થવાની અપેક્ષા છે.કરુણા અભિયાન અંતર્ગત, પ્રાણી અને પંખીઓને ઝડપથી મદદ પહોંચે તે માટે 1962-KAAના એમ્બ્યુલન્સની સંખ્યા 14 અને 15 જાન્યુઆરી દરમિયાન 37 થી વધારીને 87 કરવામાં આવી છે.આ વ્યૂહાત્મક પ્રયાસ ગુજરાત સરકારના પ્રાણી કલ્યાણ પ્રત્યેના પ્રતિબદ્ધતાનું પ્રતિક છે.

ગુજરાતમાં ઉતરાયણ પર્વ પર 1962 કરુણા એનિમલ એમ્બ્યુલન્સ પશુ-પક્ષીની સેવામાં રહેશે હાજર 

ઉત્તરાયણના તહેવારમાં પંખી અને પ્રાણીઓની ઇમરજન્સી કેસોમાં વધારો શક્ય છે ગુજરાત રાજ્યમાં રંગીન પતંગોત્સવની ઉજવણી માટે તૈયારીઓ ચાલી રહી છે, ત્યારે ગુજરાત સરકારની 1962 કરુણા એનિમલ એમ્બ્યુલન્સ સેવા પંખી અને પ્રાણીઓની ઇમરજન્સી કેસોમાં વધારો થાય એવા મહત્વપૂર્ણ વધારાનો સામનો કરવા માટે સજ્જ બની છે. છેલ્લા કેટલાંક વર્ષોના તથ્ય અને વિશ્લેષણના આધારે, 14 જાન્યુઆરી 2025ના રોજ અંદાજે 1,476 ઈમરજન્સી કેસ નોંધાવાની શક્યતા છે.

ઉતરાયણમાં આવે છે વધારે ઈમરજન્સી કેસ

પાછલા વર્ષોની માહિતીને આધારે, 14મી જાન્યુઆરીએ 28.96% અને 15મી જાન્યુઆરીએ 19.80% ઈમરજન્સી કેસમાં વધારો થવાની આગાહી છે. સામાન્ય દિવસોમાંની સરખામણીએ 14મી જાન્યુઆરીએ 4912 અને 15મી જાન્યુઆરીએ 4563 ઈમરજન્સી નોંધાવાની શક્યતા છે, જ્યારે સામાન્ય દિવસોમાં સરેરાશ 3809 ઈમરજન્સી થાય છે.ગુજરાતભરમાં ઈમરજન્સી કેસો નોંધાવાની શક્યતા છે, પરંતુ અમદાવાદ, આણંદ, ભાવનગર, બોટાદ, નવસારી, પંચમહાલ, સાબરકાંઠા અને સુરતમાં 20% થી વધુ વધારો થવાની આગાહી છે. 

108ની ટીમ દ્વારા કરવામાં આવેલ તૈયારીઓ 

01-ઊંચા જોખમવાળા જિલ્લાઓમાં એમ્બ્યુલન્સની ડાયનામિક તહેનાત.

02-દર્દીની ઝડપી પ્રવેશ સુનિશ્ચિત કરવા માટે હોસ્પિટલ સાથે સુધારેલી સંકલન.

03-સમગ્ર ઓપરેશનની દેખરેખ અને સંકલન માટે સુપરવાઈઝર સ્ટાફની ઉપલબ્ધતા.

04-વધેલા કૉલ વોલ્યુમને સંભાળવા માટે ઈમર્જન્સી રિસ્પોન્સ સેન્ટરમાં વધારાનો સ્ટાફ.

નાગરિકોને વિનંતી છે કે ઉત્સવ દરમિયાન જવાબદારીપૂર્વક ઉજવણી કરો અને જરૂરી સાવચેતીઓ રાખો. ઈમરજન્સી સર્જાય તો 108 ડાયલ કરો.

Gujarat 108 એમ્બ્યુલન્સે ઉતરાયણ પર્વને લઈ તૈયાર કર્યો એકશન પ્લાન, ડોકટર્સ રહેશે ઓન ડયૂટી

ગુજરાતમાં ઉત્સવપ્રિય પતંગોત્સવ તરીકે ઉજવાતું ઉત્તરાયણ આનંદ, મેળાવડા અને ઉત્સાહભર્યા પળો લાવે છે. તેમ છતાં, છેલ્લા 4-5 વર્ષના મળેલ આંકડાઓ મુજબ, ઉત્સવ દરમ્યાન વધેલા છત ઉપર મોટી ભીડ અને માર્ગ પર ટ્રાફિકને કારણે Emergencyમાં ભારે વધારો જોવા મળે છે. 108 ઈમર્જન્સી મેડિકલ સર્વિસ (EMS) 14મી અને 15મી જાન્યુઆરી 2025ના રોજ અપેક્ષિત તાત્કાલિક વધારાના કેસો સંભાળવા માટે સજ્જ છે.

13,000 રૂપિયામાં ખરીદ્યો મરીનો સ્પ્રે

ચાર્જશીટમાં એવું કહેવામાં આવ્યું છે કે ગોળીબાર બાદ શૂટરોએ પોલીસ દ્વારા પીછો કરવાની આશંકા વ્યક્ત કરી હતી. પકડાઈ ન જાય તે માટે તેણે 13,000 રૂપિયાની કિંમતનો મરીનો સ્પ્રે ખરીદ્યો હતો. ક્રાઈમ બ્રાન્ચ દ્વારા એકત્રિત કરવામાં આવેલા પુરાવા એ દાવાને સમર્થન આપે છે કે ગૌતમે બાબા સિદ્દિકી પર ગોળીબાર કર્યો હતો, જ્યારે ગુરમેલ સિંહે પીછો કરતા પોલીસ અધિકારીઓ પર સ્પ્રેનો ઉપયોગ કર્યો હતો. આયોજન, હથિયારોની પ્રાપ્તિ અને મરીના સ્પ્રે જેવી યુક્તિઓનો ઉપયોગ હત્યા પાછળની વ્યૂહરચના દર્શાવે છે. પોલીસ પૈસા અને બિશ્નોઈ ગેંગ સાથે સંબંધિત અન્ય સહયોગીઓની શોધમાં પણ કડીઓ શોધી રહી છે.

મહારાષ્ટ્રમાંથી થનારું ફંડિંગ ટ્રેસ થયું છે

આરોપીઓ પોતાનો પ્લાન બદલવા જઈ રહ્યા હતા, મહારાષ્ટ્રમાંથી થનારું ફંડિંગ ટ્રેસ થયું છે. તપાસકર્તાઓ હજુ પણ ઉત્તર પ્રદેશ સાથે નાણાકીય જોડાણો જોડી રહ્યા છે. ચાર્જશીટમાં શૂટરો દ્વારા કરવામાં આવેલા આયોજન અને દેખરેખની વિગતો પણ આપવામાં આવી છે. શૂટર શિવ કુમાર ગૌતમના જણાવ્યા અનુસાર, બે મહિનાની જાસૂસી પછી, તે નિરાશ થઈ રહ્યો હતો કારણ કે તેને હુમલો કરવાનો યોગ્ય સમય ન મળ્યો. પરંતુ 12 ઓક્ટોબરે તેને તક મળી. જો તે દિવસે પ્લાન સફળ ન થયો હોત તો હત્યાનો પ્લાન પડતો મુકવામાં આવ્યો હોત.

લોકરમાં અન્ય રૂપિયા જમા થયા 

લોકરને આ ખાતામાં જમા રકમનું સંચાલન કરવાની જવાબદારી સોંપવામાં આવી હતી, જ્યારે ઉત્તર પ્રદેશમાં બિશ્નોઈ ગેંગના સ્લીપર સેલએ કાવતરાખોરો સાથે જોડાયેલા ખાતાઓમાં નાણાં ટ્રાન્સફર કર્યા હતા.પૈસા ટ્રાન્સફર કરવા માટે કેશ ડિપોઝીટ મશીન (સીડીએમ)નો ઉપયોગ થતો હતો. લગભગ 60-70% ભંડોળ મહારાષ્ટ્ર અને ઉત્તર પ્રદેશમાંથી આવ્યું છે અને હજુ સુધી વિદેશી ભંડોળના કોઈ પુરાવા મળ્યા નથી. જોકે, ફંડનો એક ભાગ હવાલા નેટવર્ક દ્વારા આરોપીઓ સુધી પહોંચ્યો હોવાનું કહેવાય છે.

ચાર્જશીટમાં થયો ખુલાસો

મુંબઈ ક્રાઈમ બ્રાન્ચે NCP નેતા બાબા સિદ્દીકીની હાઈ-પ્રોફાઈલ હત્યા સંદર્ભે સ્પેશિયલ MCOCA કોર્ટમાં દાખલ ચાર્જશીટમાં ચોંકાવનારા ખુલાસા કર્યા છે. ચાર્જશીટ મુજબ મહારાષ્ટ્ર અને ઉત્તર પ્રદેશમાંથી હત્યા માટે 17 લાખ રૂપિયાનો કોન્ટ્રાક્ટ આપવામાં આવ્યો હતો, જેમાં બિશ્નોઈ ગેંગે મહત્વની ભૂમિકા ભજવી હતી. ક્રાઈમ બ્રાન્ચના સૂત્રોએ ખુલાસો કર્યો છે કે મની ટ્રેલની તપાસ અનમોલ બિશ્નોઈ અને શુભમ લોંકર તરફ ઈશારો કરે છે, જેમણે આરોપી સલમાન વોહરાના નામે ગુજરાતમાં કર્ણાટક બેંકની આણંદ શાખામાં ખોલેલા ખાતાઓ દ્વારા ફંડિંગ કર્યું હતું. 

BabaSiddiqueની હત્યા કરવા માટે 17 લાખનો થયો હતો કોન્ટ્રાકટ, પોલીસની તપાસમાં મોટો ખુલાસો 

બાબા સિદ્દીકીની હત્યા કેસમાં દિવસને દિવસે મોટા ખુલાસો થઈ રહ્યાં છે જેમાં હત્યા માટે 17 લાખનો કોન્ટ્રાક્ટ આપવામાં આવ્યો હતો, ચાર્જશીટમાં મોટા ખુલાસા થયા છે અને અગાઉ પણ મોટા ખુલાસા થાય તો નવાઈ નહી,વાસ્તવમાં મુંબઈ ક્રાઈમ બ્રાન્ચે આ મામલે મકોકા કોર્ટમાં ચાર્જશીટ દાખલ કરી છે. આ ચાર્જશીટમાં કહેવામાં આવ્યું છે કે હત્યાને અંજામ આપવા માટે 17 લાખ રૂપિયાનો કોન્ટ્રાક્ટ હત્યારાઓને આપવામાં આવ્યો હતો.

વાંચો 12 વાગ્યા સુધીના મહત્વના સમાચાર 

01 - Google Mapsએ તો ભારે કરી! અસમની જગ્યાએ પોલીસને પહોંચાડી નાગાલેન્ડ, પછી તો...

02 - CM ભૂપેન્દ્ર પટેલ અખિલ ભારતીય વિદ્યાર્થી પરિષદ ગુજરાત પ્રદેશના અધિવેશનમાં રહ્યાં હાજર

03 -Gold Price Today: ગુરુવારે સોના-ચાંદીના ભાવમાં ફેરફાર, જાણો 10 ગ્રામ સોનાની કિંમત

04 - Ahmedabad એયરપોર્ટ પર પોલીસ કર્મી અને વાહન ચાલાક વચ્ચે જાહેરમાં થઈ મારામારી

05 - Petrol Diesel Price Today: ગુજરાતના આ શહેરોમાં ઘટ્યા પેટ્રોલના ભાવ, જાણો કિંમત

06 - Suratમાં સરકારી જગ્યા પર બિલ્ડરનું દબાણ, હાઈકોર્ટે આપ્યા આદેશ

07 - Gujaratમાં છેલ્લા 2 વર્ષમાં 7 હજારથી વધુ બાયોગેસ પ્લાન્ટ સ્થાપિત થયા

08 - Tirupati Temple Stampede: પ્રશાસનની ભૂલને કારણે.. TTDએ માંગી માફી, 6ના મોત

09 - Jamnagarમાં લોરેન્સ બિશ્નોઇના નામે ધમકીનું તરકટ કરનાર જ આરોપી નીકળ્યો, વાંચો Story

10 - Ahmedabadની શાળાઓ HMPV વાયરસને લઈ બની સતર્ક, બાળકોને સોશિયલ ડિસ્ટન્સિંગથી બેસાડયા

અંકલેશ્વરમાં તલવારથી કેક કટીંગનો વીડિયો વાયરલ

ગળખોલ ગામે ચડાલ ચોકડી નજીકનો વીડિયો વાયરલ,બાપ તો બાપ હોતા હૈના મ્યૂઝિક પર રીલ્સ બનાવી છે આરોપીઓએ તો રીલ્સનો વીડિયો વાયરલ થતા પોલીસે તપાસ શરુ કરી.

વધુ વ્યાજ માગે તો પોલીસનો કરો સંપર્ક 

ગુજરાત સરકાર દ્વારા નાગરિકો માટે ખાસ નવી વ્યવસ્થા ઉભી કરવામાં આવી છે. ગુજરાતમાં સતત વધી રહેલાં વ્યાજખોરોના ત્રાસને ડામવા માટે આ વ્યવસ્થા વિકસાવાઈ છે. રાજ્યના ગૃહ વિભાગ દ્વારા પોલીસ તંત્રમાં આ સિસ્ટમ લાગૂ કરાઈ છે. હાલ અમદાવાદ ક્રાઈમ બ્રાન્ચમાં તેની શરૂઆત કરવામાં આવી છે. જો કોઈ વ્યક્તિ તમારી પાસે વ્યાજના નામે વધારે પડતા પૈસા પડાવતો હોય. 

પાંચ દિવસ અગાઉ પણ એક આરોપીને વ્યાજને લઈ જેલ કરાઈ 

મોરબી શહેરમાં વ્યાજનું દૂષણ વધી રહ્યું છે ત્યારે વ્યાજખોરોની સામે ગુના નોંધીને કાર્યવાહી કરવામાં આવે છે થોડા દિવસો પહેલા એક શખ્સને પાસા હેઠળ જેલ હવાલે કર્યો હતો ત્યાર બાદ મોરબી એ ડિવીઝન પોલીસ સ્ટેશન વિસ્તારમાં અવાર નવાર વ્યાજના ગુનામાં પકડાયેલ મેહુલ ઉર્ફે માધવ લાખાભાઇ ઝીલરીયા રહે.રવાપર સામે પાસા દરખાસ્ત મૂકવામાં આવી હતી જેને મંજૂર કરવામાં આવતા મોરબી એ ડીવીઝન પોલીસ દ્રારા આરોપીની ધરપકડ કરીને તેને સુરતની લાજપોર જેલ હવાલે કરવામાં આવેલ છે. 

મોરબીનો વધુ એક વ્યાજખોર ભરત ગોગરા પાસા હેઠળ વડોદરા જેલ હવાલે

મોરબીનો વધુ એક વ્યાજખોર પાસામાં ધકેલાયો છે જેમાં ભરત ગોગરાને પાસા હેઠળ વડોદરા જેલ હવાલે કરવામાં આવ્યો છે,વારંવાર વ્યાજખોરીના ગુનાઓ બાદ કાર્યવાહી કરવામાં આવી છે,એ ડિવિઝન પોલીસે આરોપી સામે કડક કાર્યવાહી કરતા અન્ય વ્યાજખોરોમાં ફફડાટ વ્યાપ્યો છે.

સ્વયં સેવક સંઘના સભ્યો ઉપસ્થિત રહ્યા

આ સંદર્ભમાં તેમણે વધુમાં કહ્યું કે, ૧૨ જાન્યુઆરી એ રાષ્ટ્રીય યુવા દિવસના અવસરે વડાપ્રધાન નરેન્દ્રભાઈ મોદી દેશના યુવાનો સાથે વિકસિત ભારત યંગ લીડર્સ ડાયલોગ કરવાના છે, ત્યારે મોટી સંખ્યામાં યુવાનો યંગ લીડર્સ ડાયલોગમાં સહભાગી બનશે તો આ કાર્યક્રમને ખૂબ મોટો વેગ મળશે એમ તેમણે વધુમાં ઉમેર્યું હતું.અખિલ ભારતીય વિદ્યાર્થી પરિષદ ગુજરાત પ્રદેશના ૫૬મા અધિવેશનમાં પ્રવાસન મંત્રી મૂળૂભાઇ બેરા, ગુજરાત યુનિવર્સિટીના કુલપતિ ડૉ. નીરજા ગુપ્તા અખિલ ભારતીય વિદ્યાર્થી પરિષદના રાષ્ટ્રીય સંગઠન મંત્રી  દેવધર જોશી, અખિલ ભારતીય વિદ્યાર્થી પરિષદ ગુજરાતના પ્રદેશ અધ્યક્ષ ડૉ.લક્ષ્મણભાઈ, અખિલ ભારતીય વિદ્યાર્થી પરિષદના મંત્રી સમર્થભાઈ ભટ્ટ, અખિલ ભારતીય વિદ્યાર્થી પરિષદ ગુજરાતના સ્થાયી કાર્યકર્તા તેમજ રાષ્ટ્રીય સ્વયં સેવક સંઘના સભ્યો ઉપસ્થિત રહ્યા હતા. 

૧ લાખ જેટલા યુવાનોને રાષ્ટ્રનિર્માણ માટે રાજનીતિમાં

મુખ્યમંત્રીએ વન નેશન વન સબસ્ક્રીપ્શનની વાત કરતા કહ્યું કે, વડાપ્રધાન નરેન્દ્રભાઈ મોદીએ દેશના વિદ્યાર્થીઓ, શૈક્ષણિક સંસ્થાનો અને ઇનોવેશનને પ્રોત્સાહન મળે તે માટે 'વન નેશન વન સબસ્ક્રીપ્શન'ની એક આગવી પહેલ કરી છે.આ પ્રસંગે મુખ્યમંત્રી ભૂપેન્દ્ર પટેલે કહ્યું કે, વડાપ્રધાન નરેન્દ્રભાઈ મોદી સ્વામી વિવેકાનંદજીના વિચારો દ્રઢતાપૂર્વક માને છે અને તેમણે સંકલ્પ કર્યો છે કે, કોઇ પણ રાજકીય બેકગ્રાઉન્ડ ન હોય તેવા ૧ લાખ જેટલા યુવાનોને રાષ્ટ્રનિર્માણ માટે રાજનીતિમાં જોડવા છે. 

સુદ્રઢ ઇકો સિસ્ટમનું નિર્માણ કર્યું

મુખ્યમંત્રી ભૂપેન્દ્ર પટેલે વધુમાં કહ્યું કે, વડાપ્રધાન નરેન્દ્રભાઈ મોદી દ્વારા છેલ્લા દસ વર્ષમાં દેશના યુવાનો માટે સુદ્રઢ ઇકો સિસ્ટમનું નિર્માણ કર્યું છે. એટલુ જ નહી, દેશના યુવાનો માટે સ્કીલ ડેવલપમેન્ટ, સ્ટાર્ટ અપ, એજ્યુકેશન, સ્પોર્ટસ અને ઇનોવેશનને પ્રોત્સાહન માટે વિવિઘ યોજનાઓ અમલમાં મૂકવામાં આવી છે.ગુજરાતમાં થયેલા યુવા વિકાસની વાત કરતા મુખ્યમંત્રીએ કહ્યું કે,નરેન્દ્રભાઈ મોદીએ એ ગુજરાતમાં ઇનોવેશનને પ્રોત્સાહન આપવાની પહેલ કરી હતી, જેના કારણે રાજ્યમાં સ્ટાર્ટઅપ ઈકોસિસ્ટમ ઊભી થઈ છે. એટલું જ નહી સ્ટાર્ટઅપ રેન્કિંગમાં ગુજરાત સતત ચાર વર્ષથી સમગ્ર દેશમાં અગ્રણી છે એમ તેમણે વધુમાં ઉમેર્યું હતું. 

રાષ્ટ્રનિર્માણના સંસ્કારોનું સતત સિંચન

અખિલ ભારતીય વિદ્યાર્થી પરિષદ વિશે વાત કરતાં મુખ્યમંત્રી ભૂપેન્દ્ર પટેલે કહ્યું કે, અખિલ ભારતીય વિદ્યાર્થી પરિષદ એ સ્થાપનાથી લઈને જ્ઞાન, ચરિત્ર અને એકતાના સૂત્ર સાથે યુવાનોમાં રાષ્ટ્રનિર્માણના સંસ્કારોનું સતત સિંચન કર્યું છે. એટલું જ નહીં, છાત્રશક્તિ રાષ્ટ્રશક્તિ બને એવા ઉદ્દેશ્ય સાથે અખિલ ભારતીય વિદ્યાર્થી પરિષદ અનેક પ્રકલ્પોનું સંચાલન પણ કરતુ આવ્યું છે.મુખ્યમંત્રી ભૂપેન્દ્ર પટેલે કહ્યું કે, વડાપ્રધાન નરેન્દ્રભાઈ મોદી હંમેશાંથી કહેતા આવ્યાં છે કે, દેશનો વિકાસ અને દેશનું ભવિષ્ય યુવાનોના હાથમાં છે, ત્યારે દેશના યુવાનો નેશન ફર્સ્ટનો મંત્ર અપનાવશે તો ભારતનો વિકાસ સતત થતો રહેશે.

CM ભૂપેન્દ્ર પટેલ અખિલ ભારતીય વિદ્યાર્થી પરિષદ ગુજરાત પ્રદેશના અધિવેશનમાં રહ્યાં હાજર 

મુખ્યમંત્રી ભૂપેન્દ્ર પટેલે અખિલ ભારતીય વિદ્યાર્થી પરિષદ ગુજરાત પ્રદેશના ૫૬માં અધિવેશન સમારોહમાં સંબોધન કરતા જણાવ્યું હતું કે, આ અધિવેશનનો મુખ્ય ઉદ્દેશ રાજ્યની છાત્ર શક્તિ નવનિર્માણથી રાષ્ટ્રના પુન : નિર્માણમાં સૌથી આગળ રહે એ છે. વડાપ્રધાન નરેન્દ્રભાઈ મોદીએ વિકસિત ભારતના નિર્માણમાં દેશની યુવા શક્તિ પર ભાર મૂક્યો છે, ત્યારે વિકસિત ભારતના સંકલ્પને સિદ્ધ કરવામાં અખિલ ભારતીય વિદ્યાર્થી પરિષદની ભૂમિકા ખૂબ મહત્વની રહેશે, એવો વિશ્વાસ મુખ્યમંત્રીશ્રી એ વ્યક્ત કર્યો હતો.

બે દિવસ અગાઉ પણ થઈ હતી એયરપોર્ટ પર મારામારી 

ટ્રાફિકજામ હોવાથી અને પેસેન્જરનો કોન્ટેક્ટ ન થતા ટેક્સી ડ્રાઇવર પોતે બહાર નીકળીને અરાઇવલ એરિયામાં ફરી રહ્યા હતા. ત્યારે એરપોર્ટ સિક્યુરિટી તથા ભવાની જે.ડી.એક્સ કંપનીના સિક્યુરિટી રીક્ષા ડ્રાઇવર અને ટેક્સી ડ્રાઇવરને મારીને ત્યાંથી હટાવવાની વાત કરી રહ્યા હતા. ઉપરાંત રીક્ષાચાલકો અને સિક્યુરિટી વચ્ચે જીભાજોડી થઈ રહી હતી. તેવામાં એરપોર્ટ પરના ખાનગી સિક્યુરિટી કંપનીના ગાર્ડે 31 વર્ષીય ટેક્સી ચાલકને માથાના ભાગે પાછળથી ફટકો મારતા ઈજાઓ પહોંચી હતી. ઉપરાંત અન્ય છથી સાત લોકોને ઈજાઓ પહોંચી હતી. જેથી 108 બોલાવીને અમદાવાદ સિવિલ હોસ્પિટલ ખાતે સારવાર અર્થે ખસેડવામાં આવ્યા હતા. જ્યાં તેમણે પોતાની ફરિયાદ નોંધાવી હતી. 

અમદાવાદ એરપોર્ટ પર જાહેરમાં મારામારી

સરદાર પટેલ સ્ટેચ્યુ પાસે મારામારીનો વીડિયો વાયરલ થયો છે જેમાં વાહન ચાલક અને પોલીસ વચ્ચે છુટાહાથની મારામારી થઈ હતી ઓનલાઈન મેમો આપવાને લઈ બબાલ થઈ હોવાની વાત સામે આવી છે,પોલીસે રુપિયા 5 હજારની માંગ કરાયાનો વીડિયોમાં આક્ષેપ કરવામાં આવ્યો છે જેમાં પોલીસે સમગ્ર મામલે ગુનો નોંધી તપાસ હાથધરી છે.4 જાન્યુઆરી 2025ના રોજ આ બનાવ બન્યો હતો તો પોલીસે આ મામલે તપાસના આદેશ આપ્યા છે.

અમદાવાદ એયરપોર્ટ પર પોલીસ કર્મી અને વાહન ચાલાક વચ્ચે છુટ્ટા હાથની મારામારી થઈ

અમદાવાદ એરપોર્ટ પાસે ફરી એકવાર મારામારી થઈ. વાહન ચાલક-પોલીસ વચ્ચે છુટ્ટા હાથની મારામારી થઈ.નો પાર્કિગમાં ઊભેલી ગાડી સામે કાર્યવાહી સમયે માથાકૂટ થઇ. પોલીસે 5 હજારની માગ કરી હોવાનો પણ વીડિયોમાં આક્ષેપ છે. સરદાર પટેલ સ્ટેચ્યુ પાસેની મારામારીનો વીડિયો વાયરલ થયો છે. પોલીસે રાજ્ય સેવકના કામમાં રૂકાવટ મામલે ગુનો દાખલ કર્યો. પ્રાઇવેટ ક્રેનમાં સરકારી ઓપરેટર સાથે મારામારી બદલ ગુનો નોંધાયો.

સ્વચ્છ ઉર્જાની ક્રાંતિ

જે પરિવારોની આવક ઓછી છે તેમને બાયોગેસ પ્લાન્ટની સ્થાપનાના ખર્ચ માટે સરકાર અંદાજે  90 ટકા નાણાકીય સહાય આપે છે. બાયોગેસ પ્લાન્ટ સ્થાપિત કર્યા બાદ તેનો યોગ્ય રીતે ઉપયોગ થાય તે પણ જરૂરી છે. આ પ્લાન્ટના કાર્યક્ષમ ઉપયોગ માટે લોકજાગૃતિ અને શિક્ષણનું કાર્ય પણ ચાલી રહ્યું છે.ગુજરાતના ગામડાઓ આ સ્વચ્છ ઉર્જાની ક્રાંતિમાં સહભાગી થઈ રહ્યા છે. જેનાથી આપણી આવતીકાલ હરિયાળી બનશે. આ મિશનના પગલે આપણું  હરિયાળા ભારતનું સ્વપ્ન તો સાકાર થશે જ, સાથો-સાથ વિશ્વ માટેના ટકાઉ વિકાસના લક્ષ્યાંકોને સિદ્ધ કરવામાં પણ સહાય મળશે. 

ખેતીમાં સારી આવક થઈ

ગુજરાતના ગામડાની સમૃદ્ધિમાં શ્વેત ક્રાંતિનું અમૂલ્ય યોગદાન છે.આ શ્વેત ક્રાંતિ ગામડાઓમાં ઉર્જા માટેના વિકલ્પમાં પણ ઉપયોગી બની રહી છે.સ્વચ્છ ભારત ગ્રામીણ મિશન હેઠળ ગોબરધન યોજના અંતર્ગત રાજ્યમાં છેલ્લા બે વર્ષમાં 7400થી વધુ વ્યક્તિગત બાયોગેસ પ્લાન્ટ સ્થાપિત થયા છે.જેના કારણે કચરાના વ્યવસ્થાપનના પ્રશ્નો ઉકેલાયા છે, બહેનોને સ્વચ્છ ઈંધણ મળ્યું છે અને ખેતીમાં  ઉત્તમ ખાતર મળ્યું છે. 

ગુજરાતમાં છેલ્લા  2 વર્ષમાં 7 હજારથી વધુ બાયોગેસ પ્લાન્ટ સ્થાપિત થયા

વાયુ-પ્રદુષણ આપણા સૌ માટે ચિંતાનો વિષય છે.આ પ્રદુષણ ઘટાડવા માટે અનેકવિધ પ્રયાસો થઈ રહ્યા છે. બાયોગેસ પ્લાન્ટ વાયુ પ્રદુષણ ઘટાડવા આવો જ એક મહત્વપૂર્ણ પ્રયાસ છે.ગુજરાતમાં છેલ્લા 2 વર્ષમાં 7 હજારથી વધુ બાયોગેસ પ્લાન્ટ સ્થાપિત થયા છે.આ પ્લાન્ટથી ગામડાના પરિવારોને વિશેષ લાભ થઈ રહ્યો છે.

પ્રતિબંધિત માર્ગો અને વ્યવસ્થા

1. સેન્ટ્રલ વેરહાઉસ મેટ્રો સ્ટેશન

પ્રભાવિત માર્ગ

લંબે હનુમાન રોડ, જે.બી. ડાયમંડ સર્કલથી વસંતભીખાની વાડી સુધી બંધ રહેશે.

સ્થાનિક વ્યવસ્થા

દુકાનદારો અને રહેવાસીઓ માટે 1.5 મીટરનો રસ્તો ખુલ્લો રાખવામાં આવશે.

આ રોડ રહેશે સુરતમાં બંધ

મેટ્રો રેલ પ્રોજેક્ટના સુચારુ અને વિઘ્નમુક્ત નિર્માણ માટે સુરત શહેર પોલીસ કમિશનર અનુપમસિંહ ગહલોતે સેન્ટ્રલ વેરહાઉસ, લાભેશ્વર ચોકી અને કાપોદ્રા અંડરગ્રાઉન્ડ મેટ્રો સ્ટેશનોના માર્ગ પર 1 જાન્યુઆરી 2025થી 31 ડિસેમ્બર 2025 સુધી તમામ પ્રકારના વાહન વ્યવહાર અને પાર્કિંગ પર પ્રતિબંધ મુક્યો છે. પોલીસ તરફથી જણાવવામાં આવ્યું છે કે, આ જાહેરનામું મેટ્રો સ્ટેશનના બાંધકામના કામ માટે જરૂરી રહેતું ટ્રાફિક સંચાલન સુનિશ્ચિત કરવા માટે કરવામાં આવ્યું છે.

સુરત ક્રાઇમ બ્રાન્ચે વધુ તપાસ હાથધરી 

આરોપીની ધરપકડ કરીને સુરત પોલીસે વધુ તપાસ હાથધરી છે,આરોપીએ અગાઉ પણ કોઈ અન્ય જગ્યાએ ચોરી કરી છે કે નહી તેમજ ચોરેલો સામાન કોને મોકલ્યો છે તેને લઈ પણ તપાસ કરી છે.ત્યારે હવે જોવાનું એ રહ્યું કે પોલીસ અન્ય કેટલા ચોરીના ભેદ આ કોન્ટ્રાકટર પાસેથી ઉકેલે છે,સુરત ક્રાઈમ બ્રાન્ચને બાતમી મળી હતી અને તે બાતમીના આધારે આરોપીની ધરપકડ કરવામાં આવી છે. 

સુરતમાં મેટ્રો ટ્રેન પ્રોજેક્ટમાં ચોરી કરનાર આરોપી ઝડપાયો

સુરતમાં મેટ્રો ટ્રેન પ્રોજેકટમાં ચોરી કરનાર આરોપીની પોલીસે ધરપકડ કરી છે જેમાં સામાનની ચોરીમાં કોન્ટ્રાકટર અક્ષયની ધરપકડ કરવામાં આવી છે તો ઓક્ટોબરમાં નાનપુરા કાદરશા નાળ પાસે આ બનાવ બન્યો હોવાની વાત સામે આવી છે.પટેલ ઈન્ફ્રાસ્ટ્રક્ટર કંપનીમાં કોન્ટ્રાક્ટર જ ચોર નીકળ્યો હોવાની વાત સામે આવી છે,સુરત ક્રાઈમ બ્રાન્ચે કોન્ટ્રાકટર અક્ષય ઉર્ફે સન્ની રાજકરણ દુબેની ધરપકડ કરી છે. 

કોર્ટે ના મંજૂર કર્યા રિમાન્ડ

ફરીયાદીની પેઢીના જીએસટી નંબર તથા પેઢીના નામ આધારે આરોપી સાગરે આશાપુરા મેટલ નામની પેઢીમાથી આશરે 2500 કીલો બ્રાસપાર્ટના ભંગારની ખરીદી કરી ફરીયાદી પાસેથી અગાઉ લીધેલ બ્રાસ ભંગારના બાકી નીકળતા પૈસા નહી ચુકવી ફરીયાદી સાથે વિશ્ર્વાસઘાત છેતરપિંડી કરી હતી.જેથી સમગ્ર મામલો સીટી સી. ડિવિઝન પોલીસ મથકમાં લઈ જવાયો હતો, અને સાગર કાભાઈ નંદાણીયા સામે ગુનો નોંધ્યો છે. ફરીયાદના તપાસ હાથધરી છે. અને સાગર નંદાણીયાને પકડી પાડી કોર્ટમા રજૂ કરાયો અને 5 દિવસના રિમાન્ડની માંગ કરી હતી પરંતુ  કોર્ટમા રિમાન્ડ નામંજૂર કર્યા. 

આ શખ્સ સામે અગાઉ પણ 4 થી 5 ગુના નોંધાઈ ચુક્યા છે

જામનગરમાં દિગ્વિજય પ્લોટ વિસ્તારમાં રહેતા અને મૂળ મધ્યપ્રદેશના વતની તેમજ જામનગરના ઉદ્યોગનગરમાં મોદી મેટલ્સ નામની બ્રાસની પેઢી ચલાવતા અંતિમ ઠાકોરદાસ મોદીએ જામનગરના સીટી સી. ડિવિઝન પોલીસ મથકમાં પોતાની સાથે રૂપિયા 13 લાખથી વધુની છેતરપિંડી થયાની ફરીયાદ નોંધાવી હતી.જામનગરના ખોડીયાર કોલોની વિસ્તારમાં  રહેતા સાગર કારૂ નંદાણીયા તથા તપાસમાં જે ખુલે તેની સામે ફરિયાદ નોંધાવી છે.જુન માસ દરમિયાન ફરિયાદી અંતિમ પાસે આરોપી સાગરે બ્રાસનો ભંગાર ખરીદ કરવા માટે આવ્યો હતો, અને તેણે બ્રાસનો ભંગાર ખરીદ કર્યો હતો, અને તે પૈકી અડધી રકમ આપી હતી. તેમજ મોદી મેટલ્સ નામની પેઢીનું બીલ અને જીએસટી નંબર મેળવી લીધા હતા તેમજ ફરીયાદીને આપવાના બાકીના પૈસાના બદલે અન્ય પેઢીના નામનો ચેક આપી જે ચેકમાં આરોપીએ પોતાની સહી કરી ચેકનો ખરા તરીકે ઉપયોગ કર્યો હતો.

જામનગર બ્રાસના ધંધાર્થીએ પત્રકાર પરીસદ યોજી હતી

પરંતુ સાંજ પહેલા થોડા સમય બાદ રદ કરી હતી.જેમા તેને લોરેન્સ બિશ્નોઈ ગેંગના નામે ધમકી મળી હોવાનો ઉલ્લેખ કર્યો હતો પરંતુ બાદ પોલીસ મથકે તેની સામે ગુનો નોંધાયો હતો. રાજસ્થાનથી એક શખ્સે વીડિયો કોલ કરીને સાગર નંદાણીયાને લોરેન્સ બિશ્નોઈ ગેંગના નામે ધમકી આપી હતી. બીજી તરફ  જામનગરના બ્રાસપાર્ટના વેપારી પાસેથી બ્રાસપાર્ટનો ભંગારની ખરીદી કરી બાકી રહેતા રૂ.૧૩.૭૬ લાખ ન ચૂકવી અન્ય કારખાનેદારના ચેકમાં ખોટી સહીકરી નાખી હતી. છેતરપિંડી મામલે પોલીસ ફરિયાદ નોંધાતા પોલીસે તપાસના ચક્રો ગતિમાન કર્યા છે.  

જામનગરમાં લોરેન્સ બિશ્નોઇના નામે ધમકીનું તરકટ કરનાર જ આરોપી નીકળ્યો

જામનગરના યુવાને પોતાને લોરેન્સ બિશ્નોઈ દ્રારા ધમકી મળી હોવાનો આક્ષેપ કર્યો હતો. જોકે આ આક્ષેપ ખોટા હોવાનું અને આ સમગ્ર પ્રકરણ ઉભુ કરનાર શખ્સ પોતે જ ગુનેગાર હોવાનું ભોપાળું છતું થયું છે. લોરેન્સ બિશ્નોઈ ગેંગના નામે ધમકી મળી હોવાનો આક્ષેપ કરનાર જામનગરનો શખ્સ પોતે જ આરોપી બન્યો છે અને તેમની સામે છેતરપીંડીનો ગુનો નોંધાયો છે. પોલીસે આરોપીને પકડી કોર્ટમા રજૂ કરી 5 દિવસના રિમાન્ડની માંગ કરી હતી કોર્ટ રિમાન્ડ મંજૂર ન કરતા આરોપીને જેલ હવાલે કરાયો છે. 

ગુજરાતમાં પોઝિટિવ કેસ નોંધાયો છે

હાલમાં, ગુજરાતમાં HMPV વાઈરસનો એક પોઝિટિવ કેસ જોવા મળ્યો છે. રાજસ્થાનના ડુંગરપુરથી અમદાવાદ ખાતે સારવાર માટે આવેલા 2 મહિનાના બાળકના સેમ્પલ HMPV પોઝિટિવ જણાયા છે,હાલમાં બાળક સારવાર હેઠળ અને સંપૂર્ણપણે સ્ટેબલ છે. રાજ્યના આરોગ્ય વિભાગ દ્વારા નાગરિકોને ગભરાયા વિના સાવચેત રહેવા, ઉપર જણાવેલા સૂચનો અપનાવવા અને વાઇરસના લક્ષણો જણાય તો નજીકના આરોગ્ય કેન્દ્રનો સંપર્ક કરવા આથી જણાવવામાં આવ્યું છે.

મેટાન્યુમોવાઈરસ (HMPV)ના ચેપની સ્થિતિમાં શું ના કરવું (Don'ts):

01-આવશ્યક ના હોય તો આંખ, નાક કે મોઢાને સ્પર્શ ક૨વો નહિ.

02-ચેપ ગ્રસ્ત વ્યક્તિએ વ્યક્તિગત ચીજવસ્તુઓ જેમ કે ટુવાલ, રૂમાલ અથવા અન્ય વાસણો બીજા વ્યક્તિના સંપર્કમાં કે ઉપયોગમાં ના આવે તેનું ધ્યાન રાખવું.

03-જાતે દવા લેવાનું ટાળવું, લક્ષણોમાં વધારો દેખાય તો આરોગ્ય કર્મચારીનો સંપર્ક કરવો.

મેટાન્યુમોવાઈરસ (HMPV)ના લક્ષણો દેખાય તો શું કરવું (Do's) ?

01-જ્યારે ઉધરસ અથવા છીંક આવે ત્યારે મોઢું અને નાકને રૂમાલ અથવા ટિસ્યુથી ઢાંકવું.

02-નિયમિત રીતે હાથ સાબુ અને પાણીથી ધોવાં કે સેનેટાઈઝરનો ઉપયોગ કરવો.

03-ભીડભાડવાળા સ્થળોથી દૂ૨ રહેવું અને ફલૂથી પીડિત વ્યક્તિઓથી ઓછામાં ઓછું એક હાથનું અંતર રાખવું.

04-તાવ, ઉધરસ કે છીંક આવે છે તો જાહેર સ્થળો પર જવાનું ટાળવું.

05-વધુ પાણી પીવું અને પૌષ્ટિક ખોરાક ખાવો.

06-પ્રબળ પ્રતિરોધક શક્તિ માટે પૂરતી ઊંઘ લેવી.

07-બીમારીઓ ફેલાતી અટકાવવા માટે યોગ્ય વેન્ટિલેશન વાળા વાતાવરણમાં રહેવું.

08-શ્વસનને લગતા લક્ષણો જણાય તો ઘરમાં જ રહેવું, બીજાઓ સાથે સંપર્ક મર્યાદિત કરવો અને તાત્કાલિક નજીકના સરકારી દવાખાનાનો સંપર્ક કરવો.

મેટાન્યુમોવાઈરસ (HMPV) વિશે જાણવા જેવી બાબતો

01- મેટાન્યુમોવાઈરસ (HMPV) અન્ય શ્વસન વાયરસ જેવો જ વાયરસ છે.

02-વર્ષ ૨૦૦૧થી આ વાઈરસની ઓળખ થયેલ છે.

03-આ વાઈરસ શિયાળાની ઋતુ દરમિયાન ખાસ કરીને નાના બાળકો અને વૃદ્ધોમાં દેખાય છે અને તેના લક્ષણોમાં સામાન્ય શરદી અને ફલુનો સમાવેશ થાય છે.

રાજ્યમાં પણ આ કેસનું નિદાન થઈ શકશે

ગુજરાત રાજ્યનું આરોગ્ય અને પરિવાર કલ્યાણ વિભાગ આ વાઇરસને લઈને તમામ તૈયારીઓ અને વ્યવસ્થાઓ સાથે સચેત છે. આરોગ્ય વિભાગ દ્વારા અગમચેતીના ભાગરૂપે તા. ૪ જાન્યુઆરી ના રોજ બેઠક કરીને રાજ્યના દરેક જિલ્લાના દરેક CDHO, MoH, સિવિલ સર્જન, SDH સુપ્રીન્ટેન્ડન્ટને આ વાઇરસના ચેપ સંબંધિત બાબતો પર સંપૂર્ણ ધ્યાન રાખવા સૂચના આપવામાં આવી છે.ગુજરાતમાં HMPV વાઈરસ સંબંધિત કેસના નિદાન માટે રાજ્યની ડિસ્ટ્રિક્ટ હોસ્પિટલ થી લઇ મેડિકલ કૉલેજ સંલગ્ન હોસ્પિટલ અને સિવિલ હોસ્પિટલ ખાતે વ્યવસ્થા ઊભી કરવામાં આવનાર છે. આગામી અઠવાડિયાથી રાજ્યમાં પણ આ કેસનું નિદાન થઈ શકશે.

અમદાવાદની અસારવા સિવિલમાં આઇસોલેશન વોર્ડ તૈયાર

HMPV વાઇરસને લઈને એશિયાની સૌથી મોટી સિવિલ હોસ્પિટલમાં તૈયારી કરવામાં આવી છે. વાઈરસને લઈને હોસ્પિટલમાં 15 બેડનો આઇસોલેશન વોર્ડ તૈયાર કરવામાં આવ્યો છે, જેમાં વેન્ટિલેટર અને ઓક્સિજનની સુવિધા રાખવામાં આવી છે. સિવિલ હોસ્પિટલમાં 25 ટેસ્ટિંગ કિટ રાખવામાં આવી છે, આજે વધુ કિટ ખરીદવામાં આવશે. આ ઉપરાંત દવા અને ઓક્સિજન પણ પૂરતા પ્રમાણમાં છે. ડોક્ટરની પણ ટીમ સ્ટેન્ડબાય છે. અત્યારે રોજ 250થી 300 બાળદર્દીઓ OPDમાં સારવાર માટે આવે છે. 32 બાળદર્દીને વાઇરલ ઇન્ફેક્શન છે. ઓક્સિજનની 20 હજાર લિટરની બે ટેન્ક સિવિલ હોસ્પિટલમાં છે.

અમદાવાદની શાળાઓ HMPV વાયરસને લઈ બની સતર્ક, બાળકોને સોશિયલ ડિસ્ટન્સિંગથી બેસાડયા 

HMPV વાયરસને લઈને અમદાવાદની સ્કૂલો સતર્ક બની છે,સ્કૂલમાં બાળકોને સોશિયલ ડિસ્ટન્સિંગથી બેસાડવામાં આવ્યા છે,તો HMPV વાયરસને પગલે સ્કૂલો દ્વારા એડવાઈઝરી જાહેર કરવામાં આવી છે સાથે સાથે સંચાલકો દ્વારા વાલીઓને મેસેજ કરીને સૂચના અપાઈ છે તેમજ શરદી, તાવ હોય તો બાળકને સ્કૂલે ન મોકલવા એવી સ્કૂલ તરફથી સૂચના આપવામાં આવી છે,બાળકોને શ્વાસ લેવામાં તકલીફ પડે તો ડોક્ટરનો સંપર્ક કરવો તેવી પણ એડવાઈઝર જારી કરવામાં આવી છે.તબિયત ખરાબ હોય તો પરીક્ષા પછી લેવાશે

વિધાનસભા બજેટ સત્રની તૈયારીઓ શરૂ 

આગામી 19 ફેબ્રુઆરી થી શરૂ થઈ શકે છે વિધાનસભા સત્ર,૨૦ ફેબ્રુઆરીના રોજ જાહેર થશે બજેટ,નાણાં મંત્રી કનુ દેસાઈ જાહેર કરશે બજેટ,ચાર નવા વિધેયકો થઈ શકે છે રજૂ,વિધેયકો અને સત્રના આયોજન બાબતે અંતિમ નિર્ણય બાદ થશે જાહેરાત

ડોનાલ્ડ ટ્રમ્પે અમેરિકન સરકાર પર સાધ્યું નિશાન

થોડા દિવસોમાં અમેરિકાનો કાર્યભાર સંભાળવા જઈ રહેલા ડોનાલ્ડ ટ્રમ્પે આ અકસ્માત અંગે અમેરિકન સરકાર પર નિશાન સાધ્યું છે. ટ્રમ્પે કહ્યું છે કે લોસ એન્જલસમાં લાગેલી આગને ડોલરની દ્રષ્ટિએ અમેરિકાના ઇતિહાસની સૌથી ભયાનક આગ ગણી શકાય. ટ્રમ્પે કહ્યું, 'મને શંકા છે કે વીમા કંપનીઓ પાસે આ આપત્તિ માટે ચૂકવણી કરવા માટે પૂરતા પૈસા હશે કે નહીં.

હેલિકોપ્ટરની મદદ લેવામાં આવી રહી છે

આગની ઘટના અંગે વ્હાઇટ હાઉસ દ્વારા એક નિવેદન પણ જારી કરવામાં આવ્યું છે. વર્તમાન રાષ્ટ્રપતિ જો બિડેન આગને કાબુમાં લેવા માટે કેલિફોર્નિયાના ગવર્નર ન્યૂસમ, લોસ એન્જલસના મેયર બાસ અને ઘણી ટીમોના સંપર્કમાં છે. એવું કહેવામાં આવી રહ્યું છે કે આગ ઓલવવા માટે યુએસ ફોરેસ્ટ સર્વિસના 5 મોટા એર ટેન્કરનો ઉપયોગ કરવામાં આવી રહ્યો છે અને વધુ ટેન્કર મોકલવામાં આવ્યા છે અને રસ્તામાં છે. 10 અગ્નિશામક હેલિકોપ્ટરની મદદ લેવામાં આવી રહી છે.

ત્રણે બાજુ આગ

લોસ એન્જલસના બીજા વિસ્તાર પાસાડેના નજીક અલ્ટાડેનામાં, આગ 2000 એકરથી વધુ વિસ્તારમાં ફેલાઈ ગઈ છે. અહીં જ બે લોકોના મોત થયા છે. લોસ એન્જલસના ઉત્તરપશ્ચિમમાં સાન ફર્નાન્ડો ખીણમાં સિલ્મરમાં લાગેલી આગ 500 એકરથી વધુ વિસ્તારમાં ફેલાઈ ગઈ છે. આ બધા વિસ્તારોમાં આગને કાબુમાં લેવી ખૂબ જ મુશ્કેલ બની રહી છે. ફાયર ચીફ એન્થોની મેરોને જણાવ્યું હતું કે ઘણા લોકો ગંભીર રીતે ઈજાગ્રસ્ત થયા છે. આગને કારણે આ વિસ્તાર ધુમાડાથી ભરાઈ ગયો છે, જેના કારણે લોકોને શ્વાસ લેવામાં તકલીફ પડી રહી છે.

એક હજારથી વધુ ઘરને નુકસાન 

સમાચાર એજન્સીના જણાવ્યા અનુસાર, ભારે પવનને કારણે આગ ઓલવવામાં મુશ્કેલી પડી રહી છે. પવનને કારણે આગ ઝડપથી ફેલાઈ રહી છે. એવું કહેવામાં આવી રહ્યું છે કે આગની ઘટના સૌપ્રથમ મંગળવારે (7 જાન્યુઆરી) ના રોજ નોંધાઈ હતી, જે ત્યારથી ઝડપથી ફેલાઈ રહી છે.આગને કારણે પેસિફિક પેલિસેડ્સ વિસ્તારમાં સૌથી વધુ નુકસાન થયું છે. અહીં આગ 5 હજાર એકરથી વધુ વિસ્તારને પોતાની ઝપેટમાં લઈ ગઈ છે. આ વિસ્તાર લોસ એન્જલસની પૂર્વમાં, સાન્ટા મોનિકા અને માલિબુના દરિયા કિનારાના શહેરો વચ્ચે સ્થિત છે. ફિલ્મ, ટેલિવિઝન અને સંગીત ઉદ્યોગના ઘણા સ્ટાર્સ આ સ્થળે વસે છે. 

અમેરિકાના લોસ એન્જલસમાં ભીષણ આગમાં 2ના મોત

અમેરિકાના લોસ એન્જલસમાં ભીષણ આગ લાગી છે જેમાં બે લોકોના મોત થયા છે,સાથે સાથે 70 હજારથી વધુ લોકોને બચાવવામાં આવ્યા છે,ભારે પવનના કારણે આગ બુઝાવવામાં પડી રહી છે તકલીફ તો જંગલમાં લાગેલી આગ શહેર તરફ આગળ વધી રહી છે.આ આગથી અત્યાર સુધીમાં એક હજારથી વધુ ઘરોને નુકસાન પણ થયું છે.ઘરો બળીને ખાખ થયા છે.

નવી દિલ્હી જવા વિદાય આપી

વિકસિત ભારતનો સૌથી વધુ લાભ યુવા પેઢીને અને તેમની સંતતિને મળવાનો છે. વિશ્વમાં ભારતનું ગૌરવ વધે, 'વિશ્વ ગુરુ' તરીકે ભારત પુનઃ પ્રસ્થાપિત થાય એ માટે યુવાનોએ પોતાની અનુપમ પ્રતિભા જાગૃત કરીને દેશના વિકાસમાં યોગદાન આપવાની આવશ્યકતા છે. ગુજરાત અમથું જ 'અનેકો માં એક' નથી, ગુજરાતના યુવાનો પ્રતિભાશાળી છે. ગુજરાતના યુવાનોનું ચિંતન દેશના અન્ય યુવાનોનું ચિંતન બને, યુવાનો ગુજરાતનું નામ રોશન કરે તેવી શુભેચ્છાઓ સાથે  તેમણે યુવાનોને નવી દિલ્હી જવા વિદાય આપી હતી. આ યુવાનો આજે રાત્રે નવી દિલ્હી જવા રવાના થયા.

વિકસિત ભારત' માટે સંકલ્પબદ્ધ

વિકસિત ભારત યુવા નેતૃત્વ સંવાદ માટે પસંદગી પામેલા ગુજરાતના પ્રતિભાવાન અને મેધાવી યુવાનોને અભિનંદન આપતાં રાજ્યપાલ આચાર્ય દેવવ્રતજીએ કહ્યું કે, આપની નિપુણતા અને પ્રત્યુત્પન્નમતિનો પરિચય દેશના અન્ય યુવાનોને કરાવજો અને સંવાદની ફળશ્રુતિ પાછા આવીને મને કહેજો.રાજ્યપાલ આચાર્ય દેવવ્રતજીએ ગુજરાતના આ યુવાનો સાથે સંવાદ કરતાં કહ્યું હતું કે,  પ્રધાનમંત્રી નરેન્દ્ર મોદીજી વર્ષ-2047 સુધીમાં 'વિકસિત ભારત' માટે સંકલ્પબદ્ધ છે. 

રાષ્ટ્રીય યુવા મહોત્સવ

રાષ્ટ્રીય યુવા મહોત્સવ અંતર્ગત નવી દિલ્હીમાં ભારત મંડપમ્ માં તા. 11-12 જાન્યુઆરી દરમિયાન 'વિકસિત ભારત યુવા નેતૃત્વ સંવાદ'નું આયોજન કરવામાં આવ્યું છે. રાષ્ટ્રીય યુવા મહોત્સવમાં ભાગ લેવા માટે ભારતભરના 25 લાખ જેટલા યુવાનોએ ઑનલાઈન ક્વિઝમાં ભાગ લીધો હતો. આ ક્વિઝમાં ઉત્તીર્ણ થયેલા ગુજરાતના 870 યુવાનોએ નિબંધ લેખનમાં ભાગ લીધો હતો. નિબંધ લેખનમાં શ્રેષ્ઠતા હાંસલ કરનાર 250 યુવાનોએ રાજ્ય કક્ષાએ પ્રેઝન્ટેશન કર્યું હતું, તેમાંથી 45 યુવાનો પસંદગી પામ્યા છે, જે નવી દિલ્હી જઈ રહ્યા છે. 

New Delhiમાં યોજાનાર રાષ્ટ્રીય યુવા મહોત્સવમાં  રાષ્ટ્રીય યુવા મહોત્સવ ગુજરાતના 45 યુવાનો પસંદગી પામ્યા 

નવી દિલ્હીમાં સ્વામી વિવેકાનંદજીના જન્મદિવસ નિમિત્તે, તા. 12 જાન્યુઆરીએ યોજાનારા રાષ્ટ્રીય યુવા મહોત્સવમાં ભાગ લેવા માટે ગુજરાતના 45 યુવાનો પસંદગી પામ્યા છે. રાજ્યપાલ આચાર્ય દેવવ્રત રાજભવનમાં ગુજરાતના આ તેજસ્વી યુવાનોને મળ્યા હતા અને તેમને અભિનંદન-શુભકામનાઓ પાઠવ્યા હતાં.

વડોદરા હરણી બોટ દુર્ઘટનામાં કાર્યવાહી

કોર્પોરેશનના પૂર્વ કાર્યપાલક ઇજનેર ઠર્યા દોષિત,કાર્યપાલક ઇજનેર રાજેશ ચૌહાણ થયા છે વય નિવૃત્ત,પેન્શનમાંથી આજીવન રૂ. 5 હજાર કપાત થશે,ખાતાકીય તપાસ બાદ કસૂરવાર ઠરતા કાર્યવાહી,માત્ર રૂ.5000 કપાતની શિક્ષા થતા લોકોમાં આશ્ચર્ય,રાજેશ ચૌહાણની ધરપકડ થશે કે કેમ તે લોકોમાં ચર્ચા,18 જાન્યુ.2024એ સ્કૂલના બાળકો ગયા હતા પિકનિક,બોટ પલટતા 12 બાળક, 2 શિક્ષકોના થયા હતા મોત

પરિવાર અમરેલીના સાવરકુંડલાનો રહેવાસી છે

પરિવાર મૂળ અમરેલીના સાવરકુંડલાનો રહેવાસી છે અને સુરતમાં નોકરી-ધંધાને લઈ વસવાટ કરતો હતો અચાનક આવી ઘટના બનતાની સાથે પોલીસ પણ મૂળ કારણ સુધી પહોંચી હતી,ત્યારે પોલીસ આરોપીની ધરપકડ કરી અને થોડો સ્વસ્થય થયો ત્યારે ઘટનાનું સાચુ કારણ સામે આવ્યુ છે. સમગ્ર ઘટનાને લઇને પોલીસ દ્વારા ઊંડાણ પૂર્વક તપાસ ચાલી રહી છે. સરથાણા પોલીસ મથકના પીઆઈ મિનાબા ઝાલાએ જણાવ્યું હતું કે, ગત 27 ડીસેમ્બરના રોજ સરથાણા પોલીસ સ્ટેશન વિસ્તારમાં સુર્યા બિલ્ડીંગની અંદર એક બનાવ બન્યો હતો. જેમાં આરોપીએ તેની પત્ની અને એના 4 વર્ષના બાળકને ગળાના ભાગે ગંભીર ઈજા પહોંચાડી મોત નીપજાવ્યું હતું.

સરથાણા વિસ્તારના સૂર્યા ટાવરનો બનાવ હતો

સરથાણા વિસ્તારમાં આવેલ સૂર્યા ટાવરમાં આ બનાવ બનતાની સાથે જ આસપાસના લોકોએ પોલીસને જાણ કરી હતી તો પોલીસે પણ ઘટના સ્થળે પહોંચીને વધુ તપાસ હાથધરી છે અને પરિવારના અન્ય સભ્યોની પૂછપરછ કરી છે,મૃતકોના મૃતદેહને પીએમ માટે હોસ્પિટલ ખસેડવામાં આવ્યા છે,અને આરોપી અને તેના માતા-પિતાના પણ નિવેદન નોંધવામાં આવ્યા છે,આરોપી હથિયાર કયાંથી લાવ્યો તે દિશામાં પોલીસે તપાસ હાથધરી છે.પોલીસ નિવેદન નોંધતી વેળાએ તે ઘ્રુસકે ઘ્રુસકે રડી પડ્યો હતો અને પરિવારમાં જુદા જુદા કારણોથી એકબીજા સાથે થઇ રહેલા રોજના ઝઘડાથી કંટાળીને સ્મિતે પરિવારને જ ખત્મ કરી આપઘાત કરવાનું નક્કી કર્યું હતું. હોસ્પિટલમાં સારવાર લઇ રહેલો સ્મિત સ્વસ્થ થતા 11 દિવસ બાદ ગતરોજ હોસ્પિટલમાંથી ડીસ્ચાર્જ કરવામાં આવ્યો હતો.

આરોપી મગરના આંસુ સારતો નજરે આવ્યો હતો 

પોલીસની તપાસમાં સામે આવ્યું છે કે આરોપીએ અગાઉ પણ આપઘાતનો પ્રયાસ કર્યો છે અને આરોપીની માનસિકતા પહેલેથી જ ખરાબ છે.સરથાણા પોલીસે ત્રણ દિવસના રિમાન્ડ માંગ્યા હતા પરંતુ કોર્ટે એક દિવસના રિમાન્ડ મંજૂર કર્યા હોવાની વાત છે.

સુરતમાં સરથાણા ડબલ મર્ડર કેસમાં આરોપી સ્મિત જિયાણી એક દિવસના રિમાન્ડ પર 

સુરતના સરથાણામાં ડબલ મર્ડર કેસમાં પોલીસે મોટી કાર્યવાહી કરી છે,આરોપીને હોસ્પિટલમાંથી રજા આપી એવી પોલીસે ધરપકડ કરી હતી,સ્મિતે ચપ્પુના ઘા ઝીંકી પત્ની અને પુત્રની હત્યા કરી હતી તો સ્મિતે માતા-પિતા ઉપર પણ કર્યો હતો હુમલો પછી સ્મિતે પણ આપઘાતનો પણ પ્રયાસ કર્યો હતો.પોલીસે આરોપી સ્મિતને સાથે રાખી  રિ-કન્સ્ટ્રક્શન કર્યુ હતુ.

બપોરના સમયે ગરમી પણ પડી શકે છે

ગુજરાતમાં આજે ફરીથી ઠંડીનો ચમકારો વધ્યો છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. જ્યારે બીજાથી પાંચમા દિવસે હળવાથી મધ્યમ વરસાદની સાથે વીજળીના કડાકાનું પૂર્વાનુમાન છે.

આ સિઝનની સૌથી વધુ ઠંડી નોંધાવાની શક્યતા

આવતીકાલથી ઠંડીનો નવો રાઉન્ડ શરૂ થવાની શક્યતા છે, જેને પગલે ઠંડીનો પારો 13 ડિગ્રી સુધી ગગડવાની આગાહી કરવામાં આવી છે, જે આ સિઝનની સૌથી વધુ ઠંડી નોંધાઇ શકે એમ છે. કારણ કે, આ સિઝનમાં અત્યાર સુધીમાં લઘુતમ તાપમાન 14 ડિગ્રીના નીચે ગયું નથી.છેલ્લા બે દિવસથી ઉત્તર ભારતમાં બરફ વર્ષા શરૂ થઈ છે, જેને પગલે તાપમાન ફ્રીઝિંગ પોઇંટ પર છે. આ ઉપરાંત સુરત સહિત દક્ષિણ ગુજરાતમાં ઉત્તર-પૂર્વ દિશા તરફથી બર્ફીલા પવનો ફૂંકાવાના શરૂ થતાં અચાનક તાપમાનમાં મોટો ઘટાડો થતો જોવા મળી રહ્યો છે.

પવનની વધશે ગતિ

પવનની ગતિ 5 થી 10 કિમીની ઝડપની રહેશે તેવી આગાહી હવામાન વિભાગ દ્વારા કરવામાં આવી છે તો બે દિવસ બાદ ઠંડીથી આંશિક રાહત રહેશે તો નલિયા સિઝનનું સૌથી ઓછું તાપમાન પહેલીવાર નોંધાયું હોવાની વાત સામે આવી છે,હવામાન વિભાગ દ્વારા કમોસમી વરસાદને લઈ કોઈ આગાહી કરવામાં આવી નથી.,લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો રાજકોટમાં 7.3 ડિગ્રી, કંડલામાં 8.1 ડિગ્રી,અમદાવાદમાં 12.1 ડિગ્રી,ગાંધીનગર 9.2 ડિગ્રી,ડીસામાં 8.8 ડિગ્રી, કેશોદમાં 9.1 ડિગ્રી,ભુજમાં 9.2 ડિગ્રી,સુરેન્દ્રનગર 10.4 ડિગ્રી,વલ્લભ વિદ્યાનગરમાં 10.7 ડિગ્રી,વડોદરામાં 11.4 ડિગ્રી, અમરેલીમાં 11.7 ડિગ્રી,પોરબંદરમાં 12 ડિગ્રી,મહુવામાં 12.5 ડિગ્રી,ભાવનગરમાં 12.6 ડિગ્રી, દ્વારકામાં 13.8 ડિગ્રી,સુરતમાં 15.5 ડિગ્રી,વેરાવળમાં 15.8 ડિગ્રી તાપમાન નોંધાયું છે.

રાજયમાં કાતિલ ઠંડીનો ચમકારો, મોટાભાગના જિલ્લામાં તાપમાન ગગડયું

હવામાન વિભાગે રાજયમાં ઠંડીને લઈ આગાહી કરી છે જેમાં ઠંડીનો ચમકારો હજી પણ આગળના દિવસોમાં વધશે તેવી આગાહી હવામાન વિભાગ દ્વારા કરવામાં આવી છે.નલિયામાં ગત રાત્રે 3.4 ડિગ્રી તાપમાન નોંધાયું હોવાની વાત સામે આવી છે જેમાં ઉત્તર પૂર્વના પવનોને લીધે ઠંડીનું જોર યથાવત રહેશે સાથે સાથે પવનની ગતિ 5 થી 10 કિમીની ઝડપની રહેશે તેમજ બે દિવસ બાદ ઠંડીથી આંશિક રાહત મળશે તેવી આગાહી કરવામાં આવી છે.

અમરેલી લેટરકાંડમાં પરેશ ધાનાણી કરશે ઉપવાસ

પાયલ ગોટીને ન્યાય અપાવવા 24 કલાકના ઉપવાસ,ધાનાણી સવારે 10 વાગ્યાથી ઉપવાસ પર ઉતરશે,ગઈકાલે રાજકમલ ચોકમાં "ચર્ચાનો ચોરો" કાર્યક્રમ યોજ્યો,પરેશ ધાનાણી, પ્રતાપ દૂધાત, વીરજી ઠુમ્મર હતા હાજર

લોરેન્સ બિશ્નોઇના નામે ધમકી મુદ્દે નવો વળાંક 

જામનગરમાં લોરેન્સ બિશ્નોઇના નામે ધમકીનું તરકટ,ધમકી મળ્યાનો આક્ષેપ કરનાર સાગર નીકળ્યો આરોપી,આક્ષેપ કરનાર સાગર નંદાણીયા પોતે ગુનેગાર નીકળ્યો,સાગરે વેપારી પાસેથી બ્રાસપાર્ટનો ભંગાર ખરીદ્યો હતો,બાકી રહેતા રૂ.13.76 લાખ ન ચૂકવી કાવતરું રચ્યું હતું,અન્ય કારખાનેદારના ચેકમાં ખોટી સહી કરી છેતરપિંડી,પોલીસે પૂર્વ આયોજિત કાવતરું રચ્યાનો ગુનો નોંધ્યો,આરોપી સાગર નંદાણીયાને જેલહવાલે ધકેલાયો,ચેકમાં ખોટી સહી કરી ઠગાઈ કર્યાની પોલીસ ફરિયાદ

સુરતના સરથાણામાં ડબલ મર્ડર કેસમાં કાર્યવાહી

આરોપી સ્મિત જિયાણી એક દિવસના રિમાન્ડ પર,સ્મિતે ચપ્પુના ઘા ઝીંકી પત્ની-પુત્રની કરી હતી હત્યા,સ્મિતે માતા-પિતા ઉપર પણ કર્યો હતો હુમલો,બાદમાં સ્મિતે પોતે પણ આપઘાતનો પ્રયાસ કર્યો હતો,હોસ્પિટલમાંથી રજા મળતા પોલીસે કરી ધરપકડ,આરોપી સ્મિતને સાથે રાખી રિ-કન્સ્ટ્રક્શન કરાયું,આરોપી મગરના આંસુ સારતો નજરે આવ્યો હતો,આરોપી બે વાર કરી ચૂક્યો છે આપઘાતનો પ્રયાસ 

નકલી લેટરકાંડ બાજુમાં રહ્યો હવે કોંગ્રેસ VS ભાજપ

અમરેલીમાં પાટીદાર યુવતીને ન્યાય અપાવવા ધરણા,ધાનાણીનો ખુલ્લો પડકાર, MLA ચર્ચા કરવા ન આવ્યા,પરેશ ધાનાણીએ કૌશિક વેકરિયાને ફેંક્યો હતો પડકાર,ગઈકાલે કોંગ્રેસ નેતાઓ રાજકમલ ચોકમાં બેઠા હતા,સાંજે 6થી 8 વાગ્યા સુધી રાજકમલ ચોકમાં બેઠા હતા,પણ ધારાસભ્ય કૌશિક વેકરિયા ચર્ચા કરવા ન આવ્યા,આજે કોંગ્રેસ દ્વારા એક દિવસીય ઉપવાસ આંદોલન,ધાનાણી સાથે અન્ય આગેવાનો આંદોલનમાં જોડાશે.

માર્ગ અકસ્માતમાં 1.5 લાખની કેસલેસ સારવાર

કેન્દ્રીય માર્ગ પરિવહન અને હાઇવે મિનિસ્ટર નીતિન ગડકરીએ માર્ગ અકસ્માતના પીડિતો માટે જાહેરાત કરી,હિટ એન્ડ રનના સંજોગોમાં પિડીત પરિવારોને બે લાખ રૂપિયા સુધીનું વળતર આપવાની જાહેરાત, નીતિન ગડકરીએ દેશભરના પરિવહન મંત્રીઓ સાથે કરેલી બેઠકમાં નિર્ણય,2024માં માર્ગ અકસ્માતમાં 1.80 લાખ લોકોનાં મોત.