Gujarat Latest News Updated: અમદાવાદના બાપુનગર અને રખિયાલમાં પોલીસનું કોમ્બિંગ

જલ્દી જ આતંકવાદ મુક્ત જમ્મુ-કાશ્મીરનું લક્ષ્ય પ્રાપ્ત થશે: અમિત શાહ 

કેન્દ્રીય ગૃહ પ્રધાન અમિત શાહે ગુરુવારે જમ્મુ-કાશ્મીર પર ઉચ્ચ સ્તરીય સુરક્ષા સમીક્ષા બેઠક યોજી હતી. જેમાં ગૃહમંત્રીએ કહ્યું કે, વડાપ્રધાન મોદીના નેતૃત્વમાં આતંકવાદ સામે ઝીરો ટોલરન્સની નીતિ હેઠળ અમે આતંકવાદ મુક્ત જમ્મુ અને કાશ્મીરને શક્ય તેટલી વહેલી તકે હાંસલ કરીશું. તેમણે કહ્યું કે મોદી સરકાર તમામ સુરક્ષા દળોના સંયુક્ત પ્રયાસોથી જમ્મુ-કાશ્મીરમાં આતંકવાદને ખતમ કરવા માટે પ્રતિબદ્ધ છે. તેમણે તમામ સુરક્ષા એજન્સીઓને જમ્મુ-કાશ્મીરમાં આતંકવાદને ખતમ કરવા માટે સંકલિત રીતે કામ કરવાનું ચાલુ રાખવાનો નિર્દેશ આપ્યો હતો.

શાહબાઝ શરીફ અને મોહમ્મદ યુનુસ કાહિરામાં થઈ મુલાકાત, પાકિસ્તાનના વડાપ્રધાનને ઈસ્લામાબાદ આવવાનું આપ્યું આમંત્રણ

બાંગ્લાદેશમાં વધી રહેલા ભારત વિરોધી વાતાવરણ વચ્ચે પાકિસ્તાન પોતાનો પ્રભાવ વધારવા માટે બેતાબ છે. આવી સ્થિતિમાં બાંગ્લાદેશની વચગાળાની સરકારના મુખ્ય સલાહકાર મોહમ્મદ યુનુસ અને પાકિસ્તાનના વડાપ્રધાન શાહબાઝ શરીફે ઈજિપ્તની રાજધાની કાહિરામાં દ્વિપક્ષીય બેઠક યોજી. તેમની બેઠક ગુરુવારે ડી-8 કોન્ફરન્સમાં થઈ હતી.

PM મોદીએ કેન્દ્રીય મંત્રી જોર્જ કુરિયનના ઘરે ક્રિસમસની ઉજવણી કરી 

વડાપ્રધાન નરેન્દ્ર મોદીએ ગુરુવારે કેન્દ્રીય પ્રધાન જ્યોર્જ કુરિયનના નિવાસસ્થાને નાતાલની ઉજવણીમાં હાજરી આપી છે. પીએમ મોદીએ સોશિયલ મીડિયા પર કહ્યું કે, કેન્દ્રીય મંત્રી જ્યોર્જ કુરિયનના ઘરે ક્રિસમસની ઉજવણીમાં હાજરી આપી. આ સાથે જ વડાપ્રધાને ખ્રિસ્તી સમુદાયના અગ્રણી સભ્યો સાથે પણ વાતચીત કરી હતી.

ભુજના શેખપીર પાસે બાયો ડીઝલના પોઇન્ટ પર દરોડા

ભુજના શેખપીર પાસે બાયો ડીઝલના પોઇન્ટ પર દરોડા પાડવામાં આવ્યા છે. ગેરકાયદે પોઈન્ટ પર પ્રાંત અધિકારીએ દરોડા પાડ્યા છે અને 19,000 લીટર બાયો ડીઝલ કબજે કર્યુ છે. બાયો ડીઝલ સહિત 20 લાખનો મુદ્દામાલ કબજે કરવામાં આવ્યો છે. 

બનાસકાંઠાના ધાનેરામાં વિદ્યાર્થીનો આપઘાત

બનાસકાંઠાના ધાનેરામાં વિદ્યાર્થીએ આપઘાત કર્યો છે. ધોરણ 11ના વિદ્યાર્થીએ ગળે ફાંસો ખાધો છે. અગમ્ય કારણોસર ગળે ફાંસો ખાઈ આત્મહત્યા કરી છે. લાશને પીએમ અર્થે સિવિલ હોસ્પિટલમાં ખસેડાઈ છે.

દહેગામના કડજોદરામાં SMCની મોટી રેડ

દહેગામના કડજોદરામાં SMCએ મોટી રેડ કરી છે. જેમાં 25 લાખની કિંમતના વિદેશી દારુ સાથે 3ની ધરપકડ કરવામાં આવી છે. SMCએ રોકડ, મોબાઈલ સહિત 98.94 લાખનો મુદ્દામાલ કબજે કર્યો છે. 15 આરોપીઓને વોન્ટેડ જાહેર કરાયા છે. 

અમદાવાદના બાપુનગર અને રખિયાલમાં પોલીસનું કોમ્બિંગ

અમદાવાદના બાપુનગર અને રખિયાલમાં પોલીસે કોમ્બિંગ હાથ ધર્યુ છે. અસામાજિક તત્વોનો ત્રાસ વધતા પોલીસે કોમ્બિંગ હાથ ધર્યુ છે. 

Delhiમાં આખા વર્ષ દરમિયાન ફટાકડા ફોડવા પર પ્રતિબંધ, આતિશી સરકારે આપ્યો આદેશ

દિલ્હીમાં હવે આખું વર્ષ ફટાકડા પર પ્રતિબંધ રહેશે. દિલ્હીની આતિશી સરકારે આ અંગે આદેશ જાહેર કર્યો છે. વાસ્તવમાં આજે પ્રદૂષણ મુદ્દે સુનાવણી દરમિયાન દિલ્હી સરકારે સુપ્રીમ કોર્ટને આ અંગે જાણકારી આપી હતી.

GCCIના વાર્ષિક સ્નેહમિલનમાં CM રહ્યા ઉપસ્થિત, આવનાર વર્ષોમાં થનાર કામગીરીની સમીક્ષા

મુખ્યમંત્રી ભૂપેન્દ્ર પટેલ અમદાવાદ ખાતે ગુજરાત ચેમ્બર્સ ઓફ કોમર્સ એન્ડ ઇન્સ્ટ્રી(GCCI)ના વાર્ષિક સ્નેહમિલનમાં ઉપસ્થિત રહ્યા. આ પ્રસંગે મુખ્યમંત્રીના હસ્તે GCCIની 75 વર્ષની યશગાથા વર્ણવતી વીડિયો ફિલ્મ લોન્ચ કરવામાં આવી હતી. વધુમાં, આ પ્રસંગે GCCI દ્વારા આવતા વર્ષે યોજાનારા GCCI એન્યુલ ટ્રેડ એક્સ્પો - GATE 2025ની જાહેરાત કરવામાં આવી હતી તથા તેની વિગતો અને આયોજન દર્શાવવામાં આવ્યા હતા.

સોમનાથ-ભાવનગર હાઇવે પર સિંહોની લટાર

સોમનાથ-ભાવનગર હાઇવે પર સિંહો લટાર મારતા જોવા મળ્યા છે. બાવાના પીપળવા ફાટક નજીક સિંહો લટાર મારતા કેમેરામાં કેદ થયા છે. સિંહોની હાજરીથી વાહનોના પૈડાં થંભી ગયા હતા. 

અમીરગઢ ચેકપોસ્ટ પર ખાનગી બસમાંથી ઝડપાયું ચરસ

અમીરગઢ ચેકપોસ્ટ પર ખાનગી બસમાંથી ચરસ ઝડપાયું છે. દિલ્હીથી અમદાવાદ આવતી બસમાંથી ચરસ ઝડપાયું છે. 870 ગ્રામ ચરસ સાથે એક વ્યક્તિની ધરપકડ કરાઈ છે. પોલીસે 1.30 લાખનો મુદ્દામાલ કબજે કર્યો. 

કચ્છના જખૌમાં સુઝલોનની પવનચક્કીમાં આગ

કચ્છના જખૌમાં સુઝલોનની પવનચક્કીમાં આગ લાગી હોવાની ઘટના સામે આવી છે. ફાયર બ્રિગેડ તાત્કાલિક ઘટનાસ્થળે પહોંચીને ભારે જહેમત બાદ આગ કાબૂમાં આવી છે. આગની ઘટનામાં કોઇ જાનહાનિ નહીં.

અલ્હાબાદ હાઇકોર્ટે ઝેરી દારૂ કેસમાં સપા ધારાસભ્ય રમાકાંત યાદવના જામીન ફગાવી 

સમાજવાદી પાર્ટીના ધારાસભ્ય રમાકાંત યાદવને અલ્હાબાદ હાઈકોર્ટ તરફથી મોટો ઝટકો લાગ્યો છે. ઝેરી દારૂ કેસમાં રમાકાંત યાદવની જામીન અરજી કોર્ટે ફગાવી દીધી છે. આઝમગઢના અહરૌલા અને ફૂલપુર પોલીસ સ્ટેશનમાં સપા ધારાસભ્ય વિરુદ્ધ કેસ નોંધવામાં આવ્યો છે.

અમદાવાદમાં 65 વર્ષના વૃદ્ધ સાથે 1.29 કરોડની ઠગાઇ

• સોશિયલ મીડિયામાં મિત્રતા કરી મહિલાએ ઠગાઇ કરી
• વૃદ્ધને અજાણ્યા શખ્સોએ ફોન કરીને ડરાવ્યા
• મહિલાએ વૃદ્ધને 80 હજાર પાઉન્ડ આપ્યા છે તેમ કહ્યું
• પૈસાનો ટેરર ફંડિગમાં ઉપયોગ થયાનું જણાવ્યું
• વૃદ્ધને ડરાવી, ધમકાવી 1.29 કરોડ પડાવ્યા
• પૈસા ચૂકવ્યા બાદ મહિલાએ ફોન ઉપાડવાના બંધ કર્યા
• સાયબર ક્રાઇમે ગુનો નોંધી વધુ તપાસ હાથ ધરી

3000 બાંગ્લાદેશીઓ ભારતીય તરીકે યુરોપ પહોંચ્યા!

પશ્ચિમ બંગાળની રાજધાની કોલકાતામાં છેલ્લા પાંચ વર્ષમાં ત્રણ હજાર બાંગ્લાદેશીઓએ નકલી પાસપોર્ટ બનાવ્યા હોવાનો ચોંકાવનારો ઘટસ્ફોટ સામે આવ્યો છે. આ નકલી પાસપોર્ટ યુરોપ જવા માટે બનાવવામાં આવ્યા છે. બનાવટી પાસપોર્ટના માધ્યમથી બાંગ્લાદેશના નાગરિકો ભારતીય તરીકે યૂરોપિયન દેશોની યાત્રા કરી રહ્યા છે. આ ચોંકાવનારા ખુલાસા બાદ ગુપ્તચર વિભાગની ઉંઘ હરામ થઈ ગઈ છે અને કોલકાતા પોલીસે સમગ્ર મામલાની તપાસ શરૂ કરી છે. બાંગ્લાદેશીઓ ભારતીય પાસપોર્ટ બનાવીને યુરોપમાં જતા હોવાનો ચોંકાવનારો કિસ્સો સામે આવ્યો છે. સૂત્રોના જણાવ્યા અનુસાર છેલ્લા 5 વર્ષમાં લગભગ 3 હજાર બાંગ્લાદેશીઓને ભારતીય પાસપોર્ટ આપવામાં આવ્યા છે. આ ભારતીય પાસપોર્ટ પર બાંગ્લાદેશીઓ અંધાધૂંધ યુરોપમાં પ્રવાસ કરી રહ્યા છે. તાજેતરમાં પોલીસ તપાસ દરમિયાન નકલી ભારતીય પાસપોર્ટ બનાવતી બાંગ્લાદેશની એક મોટી ગેંગનો પર્દાફાશ થયો છે.

પીયૂષ ગોયલ અને અર્જુન રામ મેઘવાલ અમિત શાહને મળવા ગૃહ મંત્રાલય પહોંચ્યા

કેન્દ્રીય મંત્રી પીયૂષ ગોયલ અને અર્જુન રામ મેઘવાલ ગૃહ મંત્રી અમિત શાહને મળવા ગૃહ મંત્રાલય પહોંચ્યા છે.

બાબાસાહેબના અપમાન મુદ્દે ભાજપ-કોંગ્રેસ સામસામે, વડોદરામાં ભાજપ દ્વારા વિરોધ પ્રદર્શન

બાબાસાહેબના અપમાન મુદ્દે ભાજપ-કોંગ્રેસ સામસામે આવી ગયા છે. વડોદરામાં ભાજપ દ્વારા વિરોધ પ્રદર્શન કરવામાં આવ્યું છે. યુવા ભાજપે રાહુલ ગાંધીના પૂતળાનું દહન કર્યું છે. યુવા ભાજપ દ્વારા સયાજીગંજમાં વિરોધ પ્રદર્શન કરવામાં આવ્યું છે.

રખિયાલમાં બનેલી ઘટના પર અમિત ચાવડાનું ટ્વીટ

રખિયાલમાં બનેલી ઘટના પર અમિત ચાવડાએ ટ્વીટ કર્યું છે. કોંગ્રેસ નેતાએ ગૃહમંત્રી, CM પર સવાલો ઉઠાવ્યા છે. ગુજરાતમાં ગુંડાઓને પોલીસનો ડર નહીં, ગુંડારાજમાં જનતાની સલામતી પર સવાલ ઉભા થયા છે તેવુ અમિત ચાવડાએ કહ્યું છે. 

અમદાવાદમાં કારચાલકે પોલીસને ટક્કર મારી

અમદાવાદમાં કારચાલકે પોલીસને ટક્કર મારી છે. ભાડજ સર્કલ પાસે વાહન ચેકિંગ દરમિયાન આ ઘટના બની છે. પોલીસે કાર રોકવાનો ઈશારો કરતા કારચાલક ભાગ્યો હતો, બ્લેક ફિલ્મ હોવાથી પોલીસે કાર રોકવા કહ્યું હતું. પોલીસે કાર ચાલક કિશન ઠાકોરને ઝડપ્યો છે. 

રખિયાલમાં અસામાજિક તત્વોના આંતકની ઘટના, બે પોલીસ સામે કાર્યવાહી

રખિયાલમાં અસામાજિક તત્વોના આંતકની ઘટનામાં મોબાઈલમાં ફરજ બજાવતા બે પોલીસ સામે કાર્યવાહી કરવામાં આવી છે. હેડ કોન્સ્ટેબલ ખુમાનસિંહ, કોન્સ્ટેબલ મિતેષ સસ્પેન્ડ કરાયા છે. 

વડોદરાનો વાઘોડિયા રોડ બન્યો અકસ્માત ઝોન

વડોદરાનો વાઘોડિયા રોડ અકસ્માત ઝોન બન્યો છે. આરતી પાઇપ પાસેના રોડ પરથી કપચીઓ ઉખડી ગઈ છે. કરોડોના ખર્ચે બનેલા રોડ પરથી કપચીઓ ઉખડી છે. રોડ તૂટતા વાહનચાલકો અકસ્માતનો ભોગ બની રહ્યા છે. ચોમાસા બાદ રોડ પર પેચવર્ક કરવામાં આવ્યું હતું. રોડના કામમાં ભ્રષ્ટાચારની પોલ ખુલી છે. 

Ahmedabad: પિતાના નામ પાછળ કુમાર કે ભાઈ લખાવવા નહીં કરાવવું પડે એફિડેવિટ 

અમદાવાદ મ્યુનિસિપલ કોર્પોરેશન દ્વારા શહેરના નાગરિકો માટે મહત્વનો નિર્ણય લેવામાં આવ્યો છે, જેના કારણે નાગરિકોને મોટી રાહત થશે. AMC દ્વારા જન્મ મરણ EKYC માટે નિર્ણય લેવામાં આવ્યો છે. અરજદારો હવે તેમના ડોક્યુમેન્ટમાં પિતાના નામ પાછળ કુમાર કે ભાઈ લખાવવા માટે એફિડેવિટ નહીં કરાવવું પડે.   

GCCIની યોજાશે એન્યુઅલ મીટ

GCCIની એન્યુઅલ મીટ યોજાશે, જેમાં આખા વર્ષની કામગીરીની સમીક્ષા થશે. GCCI મેમ્બર મીટમાં CM ભૂપેન્દ્ર પટેલ હાજર રહેશે. GCCIએ કરેલી કામગીરીનું નિરીક્ષણ CM કરશે. 

નવા સત્રથી AMC વિદ્યાર્થીઓને મળશે દૂધ  

નવા સત્રથી AMC વિદ્યાર્થીઓને દૂધ મળશે. જાન્યુઆરીથી બાળકોને દૂધ આપવામાં આવશે. 1.70 લાખ બાળકોને શૂઝ અને મોજા અપાશે, તેના માટે 5 કરોડ ખર્ચ કરવામાં આવશે. 2.5 કરોડના ખર્ચે બાળકોને ફૂડ સપ્લિમેન્ટ અપાશે. 8 કરોડના ખર્ચે બાળકો માટે વિવિધ કાર્યો કરાશે. 

બાબાસાહેબ આંબેડર પર નિવેદનનો મુદ્દો, ભાજપે કોંગ્રેસના વિરોધમાં કર્યુ પ્રદર્શન

બાબાસાહેબ આંબેડર પર નિવેદનના મુદ્દે ગાંધીનગરમાં ભાજપે કોંગ્રેસના વિરોધમાં પ્રદર્શન કર્યા છે. કેન્દ્રીય ગૃહમંત્રીના નિવેદન બાદ કોંગ્રેસ સામે પ્રદર્શન કરવામાં આવ્યું છે. ગાંધીનગરમાં ભાજપે કોંગ્રેસના પૂતળાનું દહન કર્યુ.

રાજ્ય સરકાર ટેકાના ભાવે કરશે ઘઉંની ખરીદી 

રાજ્ય સરકાર ટેકાના ભાવે ઘઉંની ખરીદી કરશે. 2,425 રૂપિયા પ્રતિ ક્વિન્ટલના ભાવે ઘઉં ખરીદાશે. રવિ સીઝન 2025-26 માટે સરકારે જાહેરાત કરી છે. 1 જાન્યુઆરીથી ઓનલાઈન રજીસ્ટ્રેશન કરાવી શકાશે.

અમદાવાદમાં યુકે વિઝાના નામે લાખોની છેતરપિંડી

અમદાવાદમાં યુકે વિઝાના નામે લાખોની છેતરપિંડી આચરવામાં આવી છે. નરોડાના ચેતન પરમારે ઠગાઈની ફરિયાદ નોંધાવી છે. ફરિયાદીના પુત્રીના વિઝાના નામે 24.25 લાખ પડાવ્યા છે. નવરંગપુરાની નવભારત ઓવરસીઝ સામે ફરિયાદ દાખલ કરવામાં આવી છે. 9 લોકો સામે નરોડા પોલીસે ઠગાઈનો ગુનો નોંધ્યો છે. 

Smart meter માટે સરકારે જાહેર કરી રિબેટ યોજના, વીજ ગ્રાહકને થશે ફાયદો

રાજ્યની વીજ વિતરણ પ્રણાલીમાં પરિવર્તન લાવવા અને આધુનિક બનાવવાના હેતુથી ભારત સરકાર દ્વારા શરુ કરાયેલ રિવેમ્પ્ડ ડિસ્ટ્રિબ્યુશન સેક્ટર સ્કીમ (RDSS) હેઠળ એક નોંધપાત્ર પહેલ- સ્માર્ટ મીટરિંગ પ્રોજેક્ટ સમગ્ર દેશના અન્ય રાજ્યોની સાથે હવે ગુજરાતમાં પણ અમલમાં મૂકવામાં આવી રહ્યો છે. આ પ્રોજેક્ટ વીજ પૂરવઠાની કાર્યક્ષમતા, વિશ્વસનીયતા અને પારદર્શિતા વધારવા માટે અદ્યતન ટેકનોલોજીના લાભથી ગ્રાહકોને ડેટા અને તેમના ઊર્જા વપરાશ પર નિયંત્રણ રાખવા માટે સશક્ત બનાવે છે. સ્માર્ટ મીટરિંગ વીજ વિતરણ કંપનીઓની બિલિંગ સેવાઓમાં ક્રાંતિ લાવી રહ્યું છે. આ ઉપરાંત સ્માર્ટ મીટર પ્રી-પેઈડ ગ્રાહકો માટે ૨૦૨૪-૨૫ માં ૨ ટકા નું રીબેટ આપવામાં આવશે એમ ગુજરાત ઉર્જાવિકાસ નિગમ લીમીટેડની યાદીમાં જણાવાયું છે.

સાંજે 6 વાગ્યા સુધીના મહત્વના સમાચાર

1. Botad: બોટાદમાં ગેરકાયદે દબાણો પર ફર્યુ બુલડોઝર, ચુસ્ત પોલીસ બંદોબસ્ત વચ્ચે કાર્યવાહી 

2. Ahmedabadમાં લુખ્ખા તત્વો બન્યા બેફામ, પોલીસ કર્મચારીઓ પર કર્યો જીવલેણ હુમલો 

3. Banaskantha: સગીરા પર દુષ્કર્મના આરોપીને પાલનપુર સેશન્સ કોર્ટે ફટકારી 20 વર્ષની સજા 

4. Bhavnagar: મહુવામાં માર્કેટિંગ યાર્ડમાં ડુંગળીની રેકોર્ડ આવક, ભાવ ઘટતા ખેડૂતોની હાલત કફોડી 

5. Ahmedabad: વટવા પોલીસે 3 કરોડથી વધુના હાઈબ્રીડ ગાંજા સાથે યુવકની કરી ધરપકડ 

6. Panchmahal: વાવકુલ્લી-2 પંચાયતને દેશની સર્વશ્રેષ્ઠ “સુશાસન યુક્ત પંચાયત” તરીકે પ્રથમ પુરસ્કાર 

7. ICGનું પીપાવાવના દરિયામાં મેડિકલ ઈમરજન્સી ઓપરેશન, એક વ્યક્તિનો બચાવ્યો જીવ 

8. Rajkot: તાંત્રિક નવલસિંહ ચાવડાએ એક જ પરિવારના 4 લોકોની કરી હત્યા! 

9. Weather: આગામી 5 દિવસ રાજ્યમાં રહેશે ઠંડીનો ચમકારો, હવામાન વિભાગે કરી આગાહી 

10. Gujarat Government: અસરગ્રસ્ત ખેડૂતોને માત્ર દોઢ મહિનામાં જ સહાય ચૂકવાઇ: રાઘવજી પટેલ 

રાજ્યના 142 કિલોમીટરના 5 રસ્તાઓના રિસરફેસીંગ માટે 131 કરોડ રૂપિયા મંજૂર

મુખ્યમંત્રી ભૂપેન્દ્ર પટેલે રાજ્યના અગત્યના પ્રોજેક્ટસ સાથે કોર નેટવર્કને જોડતા કે પુરક રસ્તા તરીકે કાર્યરત કુલ 142 કિલોમીટરના 5 રસ્તાઓના રિસરફેસીંગ માટે 131 કરોડ રૂપિયા મંજૂર કર્યા છે.

આ રસ્તાઓનું થશે રિસરફેસીંગ

• પેથાપુર-નારદીપુર-ખેરવા 22.40 કિ.મી. માટે રૂ. 27.75કરોડ
• જામનગર-લાલપુર-વેરાદ 31.85 કિ.મી. માટે રૂ. 18.02 કરોડ
• નડિયાદ-પેટલાદ-ખંભાત 24 કિ.મી. માટે રૂ. 23.45 કરોડ
• ચિખલી-ધરમપુર 20.45 કિ.મી. માટે રૂ. 19.98 કરોડ
• ભુજ-મુંદ્રા 43.50 કિ.મી માટે રૂ. 42.51 કરોડ

પીએમ કિસાન યોજનાની અરજી માટે 1 જાન્યુઆરી 2025થી ફાર્મર આઈડી ફરજિયાત

ભારત સરકાર દ્વારા પીએમ કિસાન યોજના હેઠળ પાત્રતા ધરાવતા ખેડૂતોની પોર્ટલ ઉપર નોંધણી સેલ્ફ રજીસ્ટ્રેશન દ્વારા કરવામાં આવે છે. આ નોંધણી માટે 1 જાન્યુઆરી 2025થી અરજદાર માટે ફાર્મર રજીસ્ટ્રી હેઠળનો ફાર્મર આઈડી ફરજિયાત કરવામાં આવ્યો છે. પોર્ટલ પર સેલ્ફ રજીસ્ટ્રેશન દ્વારા અરજી કરતી વખતે અરજદારે ફાર્મર આઈડી-ખેડૂત નોધણી ક્રમાંક ફરજિયાત દાખલ કરવાનો રહેશે. પીએમ કિસાન યોજના માટે પાત્રતા ધરાવતા ખેડૂતો વેબ પોર્ટલ અથવા મોબાઈલ એપ્લિકેશનથી જાતે અથવા ગ્રામ્ય કક્ષાએ કોમ્પ્યુટર ઓપરેટર મારફતે અરજી કરી શકે છે, પરંતુ તે માટે ફાર્મર આઈડી જરૂરી હોય છે.

બોટાદમાં રોડ પર દબાણ હટાવો કામગીરી 

બોટાદમાં રોડ પર દબાણ હટાવો કામગીરી કરવામાં આવી છે. ખસ રોડ પર દબાણ હટાવવાની કામગીરી કરાઈ છે. હવેલી ચોકથી દીનદયાળ સુધી દબાણ હટાવાયા છે. લારી, ગલ્લા સહિતના દબાણો હટાવાયા છે. પ્રાંત અધિકારીની સૂચનાથી કામગીરી શરૂ કરાઈ છે. ચુસ્ત પોલીસ બંદોબસ્ત વચ્ચે દબાણો હટાવાયા છે. 

BZ કૌભાંડ મામલે CID ક્રાઇમ પહોંચી ગ્રો મોર કોલેજ

BZ કૌભાંડ મામલે CID ક્રાઇમ ગ્રો મોર કોલેજ પહોંચી છે. BZ ગ્રુપના CA ઋષિત મહેતાની પૂછપરછ કરી છે. કર્મચારીઓના ખાતામાં રૂપિયાની ટ્રાન્સફરને લઈ તપાસ કરાઈ છે. BZ ગ્રુપે એક વર્ષ પહેલા ગ્રોમોરને ખરીદી હતી. ભુપેન્દ્રસિંહે કર્મચારીઓના ખાતામાં રૂપિયા ટ્રાન્સફર કર્યા હતા.

બનાસકાંઠામાં સગીરા પર દુષ્કર્મના આરોપીને 20 વર્ષની સજા

બનાસકાંઠામાં સગીરા પર દુષ્કર્મના આરોપીને 20 વર્ષની સજા ફટકારવામાં આવી છે. પાલનપુર સેશન્સ કોર્ટે સજા ફટકારી છે. કોર્ટે આરોપી રાવતા ખોખરીયાને 20 વર્ષની સજા કરી છે. કોર્ટે આરોપીને 50 હજારનો દંડ પણ ફટકાર્યો છે. વર્ષ 2023માં 9 વર્ષની બાળકી પર દુષ્કર્મ ગુજાર્યું હતું. પોલીસે 376 A, B તથા પોક્સોની કલમ લગાવી હતી. 

જૂનાગઢમાં 50 કરોડના સાયબર ફ્રોડની ઘટના

જૂનાગઢમાં 50 કરોડના સાયબર ફ્રોડની ઘટનામાં  6 આરોપીઓના રિમાન્ડ પૂરા થતા કોર્ટમાં રજૂ કરવામાં આવ્યા છે. આ તમામ આરોપીઓને જેલ હવાલે કરાયા છે. અત્યાર સુધી કુલ 7 આરોપી જેલ હવાલે થયા છે અને બે મુખ્ય આરોપીઓની પૂછપરછ ચાલુ છે. 

સાબરકાંઠામાં તલાટી લાંચ લેતા ઝડપાયો

સાબરકાંઠાના હિંમતનગરના બોરિયા ગ્રામ પંચાયતનો તલાટી લાંચ લેતા ઝડપાયો. રહેણાંક મકાન વેચાણ રાખનારને દસ્તાવેજ આપવાના બદલે લાંચ માંગી હતી. રુપિયા દશ હજારની લાંચ માંગનાર તલાટી દિનેશ પટેલને રંગેહાથ ઝડપ્યો. એસીબીએ કાંકણોલ ગામે તલાટીના ઘરે પણ તપાસ હાથ ધરી. સર્ચ દરમિયાન પ્રાંતિજના તાજપુરનો તલાટી પણ ઘરે નજર આવ્યો. તાજપુરના તલાટી જીતુ પટેલ પણ ઘરે હાજર જોવા મળ્યો.

Supreme Court: વૃક્ષોને કાપવા માટે નહીં બચાવવા માટે કાયદો: જસ્ટિસ એએસ ઓકા

જસ્ટિસ એ એસ ઓકા અને જસ્ટિસ મનમોહનની ખંડપીઠે વૃક્ષોના અનધિકૃત કટિંગ અને દિલ્હી ટ્રી પ્રિઝર્વેશન એક્ટના મુદ્દાની સુનાવણી કરતા કહ્યું કે 50 કે તેથી વધુ વૃક્ષો કાપવાની પરવાનગી આપતી વખતે જ્યાં સુધી મામલો અપવાદરૂપ ન હોય ત્યાં સુધી વૃક્ષો વાવવાની શરત હોવી જોઈએ. અન્યથા લણણીની પરવાનગી વધુ લંબાવવી જોઈએ નહીં.

પત્ની ગુમ થતાં પતિ પહોંચ્યો હાઈકોર્ટ, કહ્યું- લેસ્બિયન પાર્ટનર સાથે ચાલી ગઈ

પતિએ કોર્ટમાં જણાવ્યું કે તેની પત્ની ઓક્ટોબર મહિનામાં ઘર છોડીને ગઈ હતી અને ત્યાર બાદ પરત આવી નથી. આ અંગે ચાંદખેડા પોલીસ સ્ટેશનમાં ફરિયાદ નોંધાવવામાં આવી હતી, પરંતુ પોલીસ તેને શોધી શકી ન હતી.

Weather: આગામી 5 દિવસ રાજ્યમાં રહેશે ઠંડીનો ચમકારો, હવામાન વિભાગે કરી આગાહી

હાલમાં રાજ્યમાં વાતાવરણ ઠંડુગાર થઈ ગયું છે, ત્યારે વાતાવરણ અંગે હવામાન વિભાગે મોટી આગાહી વ્યક્ત કરી છે. હવામાન વિભાગે કહ્યું છે કે આગામી 5 દિવસ ઠંડીનો ચમકારો યથાવત્ રહેશે. એટલે કે હવામાન વિભાગે આગામી 5 દિવસ ઠંડીના ચમકારાની આગાહી વ્યક્ત કરી છે.

સુરતમાં 21 વર્ષથી વોન્ટેડ આરોપી પકડાયો

સુરતમાં છેલ્લા 21 વર્ષથી વોન્ટેડ આરોપી પકડાયો. વરાછા પોલીસના ચોપડે વોન્ટેડ હતો. વાહનચોરીના ગુનામાં વોન્ટેડ હતો. પોલીસથી બચવા સાધુ બની ગયો હતો. સાધુ વેશ ધારણ કરી રાજસ્થાનમાં રહેતો હતો. રાજસ્થાનના સિવાનાગામમાં સાધુ બની રહેતો હતો. પોતે મંદિર બનાવી સાધુ બની રામદેવપીર મંદિરમાં સેવા કરતો હતો. સુરત શહેર ક્રાઈમ બ્રાંચની ટીમે પકડી પાડ્યો છે. આરોપી છેલસિંહ રામસિંહ ગૈવયાની ધરપકડ.

હોસ્પિટલમાં ભૂવાની વિધિનો ખેલ વર્ષો જૂનો 

એકવાર નહીં પરંતુ અનેકવાર ભૂવાએ હોસ્પિટલમાં વિધિ કરી છે. ભૂવાની હોસ્પિટલમાં વિધિના વધુ વીડિયો સામે આવ્યા. તબીબોની હાજરીમાં રોક ટોક વિના ભૂવો કરે છે વિધિ. હવે હોસ્પિટલમાં તબીબ નહીં ભૂવાનું સામ્રાજ્ય હોય તેવા દ્રશ્ય. મુકેશ ભુવો અવારનવાર હોસ્પિટલોમા જઈને કરતો હતો દર્દીઓની વિધિ.

Ahmedabad: બાપુનગરમાં હાથમાં તલવાર સાથે પોલીસકર્મીઓને આપી ધમકી

અમદાવાદમાં લુખ્ખા તત્વોને જાણે પોલીસનો કોઈ ડર જ ન હોય તેવી સ્થિતિ બની છે. અનેકવાર અસામાજિક તત્વો હાથમાં હથિયારો સાથે ફરતા હોય તેવો વીડિયો વાયરલ થતાં હોય છે. આ ક્રમમાં હવે બાપુનગરની ઘટનાનો ઉમેરો થયો છે. વાસ્તવમાં અમદાવાદના રખિયાલ-બાપુનગરના મુખ્ય માર્ગ પર અસામાજિક તત્વોએ લોકોમાં ડર ફેલાવ્યો હતો. આ સાથે વીડિયોમાં આ લુખ્ખા તત્વો પોલીસને પણ છરીથી ધમકાવી રહ્યા હોય તેવો વિડીયો વાયરલ થયો છે. આ તરફ વાયરલ વીડિયોની વચ્ચે બાપુનગર પોલીસે અત્યાર સુધી બે લુખ્ખાઓની ધરપકડ પણ કરી છે.

અમરેલીના રાજુલા નજીક ગંભીર અકસ્માત

રાજુલા નજીક હિંડોરણાના પુલ પાસે ગંભીર અકસ્માત સર્જાયો. હિંડોરણાના સર્વિસ રોડ પાર્કિંગ કરેલ ટેલર તેમજ મેજિક ગાડીનો અકસ્માત. અકસ્માતમાં કુલ ચાર વ્યક્તિને ઇજા રાજુલા તેમજ નાગેશ્રીની 108 મારફત તમામને રાજુલા સરકારી હોસ્પિટલે ખસેડવામાં આવ્યા. રાજુલા પોલીસ ઘટના સ્થળે દોડી આવી.

વાંચો 03.00 વાગ્યા સુધીના મહત્ત્વના સમાચાર

1. Shamlaji: 31 ડિસેમ્બર પહેલા પોલીસને મોટી સફળતા, 17,600 નંગ દારૂની બોટલો ઝડપાઈ 

2. Vasant Paresh: ગુજરાતી હાસ્યના એક યુગનો અંત, હાસ્ય કલાકાર વસંત પરેશનું નિધન 

3. Parliament: પ્રતાપ સારંગીને ઇજાગ્રસ્ત જોઇને રાહુલ ગાંધી શું બોલ્યા? જુઓ Video 

4. Ahmedabad: ત્રણ દિવસ પ્રોપર્ટી શોનું આયોજન, 400થી વધુ પ્રોપર્ટી જોવા મળશે 

5. Gujarat Government: અસરગ્રસ્ત ખેડૂતોને માત્ર દોઢ મહિનામાં જ સહાય ચૂકવાઇ: રાઘવજી પટેલ 

6. Mumbai: ભારતીય નૌ સેનાની ઇન્ફ્લેટેબલ સ્પીડ બોટ વિષે જાણકારી 

7. Afghanistan: અફઘાનિસ્તાનમાં ભયાનક માર્ગ અકસ્માત, 50ના મોત, 76 લોકો ઘાયલ 

8. Ahmedabad: સિવિલ હોસ્પિટલમાં વિધિ કરનાર ભૂવા સામે થશે ફરિયાદ 

9. Unjha :લોકોના આરોગ્ય સાથે ચેડાં.! જીરાના સેમ્પલમાંથી મળી આવ્યો સ્ટોન પાઉડર 

10. Parliament Today: રાહુલ ગાંધીએ ધક્કો માર્યો ! બીજેપી સાંસદ પ્રતાપ સારંગી ઇજાગ્રસ્ત 

રાજ્યમાં ઠંડીનો ચમકારો યથાવત રહેશે: અંબાલાલ

રાજ્યમાં ઠંડીનો ચમકારો યથાવત રહેશે. હવામાન નિષ્ણાત અંબાલાલ પટેલે આ આગાહી કરી છે. તેમણે જણાવ્યુ કે રાજ્યમાં સવારના સમયે ઠંડી વર્તાશે. અનેક ભાગમાં લઘુત્તમ તાપમાન ઘટવાની શક્યતા. કેટલાંક વિસ્તારોમાં 12 ડિગ્રીથી 10 ડિગ્રી નીચું તાપમાન રહેશે. જામનગર, રાજકોટ, કચ્છના ભાગોમાં આકરી ઠંડી પડી શકે. જૂનાગઢ, અમરેલીમાં પણ સખ્ત ઠંડીની શક્યતા છે.

મોરબીમાં 48 કલાકમાં બીજો બોગસ ડોક્ટર ઝડપાયો

મોરબીઃ વધુ એક બોગસ ડૉક્ટર ઝડપાયો છે. 24 કલાકમાં ત્રણ બોગસ તબીબ ઝડપાયા છે. નિત્યાનંદ સોસાયટી પાસે શ્રીજી ક્લિનિકમાં શખ્સ ઝડપાયો. પોલીસે દરોડા પાડીને બોગસ તબીબને પકડ્યો. ડિગ્રી કે લાયસન્સ વિના ક્લિનિક ચલાવતો હતો. દવાઓ સહિત 8 હજારથી વધુનો મુદ્દામાલ જપ્ત કરવામાં આવ્યો છે.

જૂનાગઢઃ ટેસ્ટ ડ્રાઈવને બહાને કારની ચોરી

જૂનાગઢઃ ટેસ્ટ ડ્રાઈવને બહાને કારની ચોરી થયાની ઘટના સામે આવી છે. પોલીસે ગણતરીના કલાકમાં આરોપીને ઝડપ્યા. શો રૂમમાંથી ટેસ્ટ ડ્રાઇવના બહાને કારની ચોરી કરી હતી. કારના શો રૂમના કર્મીને ધમકી આપી ખરાબ વ્યવહાર કર્યો.

6000 કરોડના BZ ગ્રુપ કૌભાંડ કેસમાં તપાસનો ધમધમાટ

બીઝેડ ગ્રુપ કૌભાંડ મુદ્દે સીઆઇડી ક્રાઈમે રોકાણકારો પાસેથી મેળવી મહત્વની વિગતો. 300 થી વધારે રોકાણકારોના નિવેદન લઈ મહત્વની વિગતો એકઠી કરાઈ. ભૂપેન્દ્ર ઝાલા એન્ડ કંપનીના કૌભાંડને લઈ અલગ અલગ ટીમોનો તપાસનો ધમધમાટ. રોકાણકારોની ઓળખ જાહેર ના થાય એ રીતે લેવામાં આવી રહ્યા છે નિવેદન. કર્મચારીઓ, નિવૃત્ત કર્મચારીઓ સહિત અનેક રોકાણકારોના નિવેદન લેવાયા. રોકાણકારોને નિવેદન નહીં નોંધાવવા ગેરમાર્ગે દોરવા પ્રયાસ થતો હોવાનો ખુલાસો. બીઝેડના મળતિયાઓથી દૂર રહી કાયદાકીય કાર્યવાહીને અનુસરવા પણ સમજાવાયા. અરવલ્લી અને સાબરકાંઠામાં સતત સીઆઈડીની ટીમની તપાસનો ધમધમાટ.

વાતાવરણ અંગે હવામાન વિભાગની આગાહી

આગામી 5 દિવસ ઠંડીના ચમકારાની આગાહી. નલિયામાં સૌથી ઓછું 5.7 ડિગ્રી તાપમાન નોંધાયું. રાજ્યમાં એકથી બે ડિગ્રી તાપમાન વધઘટ થશે. ઉત્તર પશ્ચિમી પવનોના કારણે ઠંડીનો ચમકારો. અમદાવાદ અને ગાંધીનગરમાં 15 ડિગ્રી આસપાસ તાપમાન રહેશે. નલિયામાં તાપમાન  6 ડિગ્રી આસપાસ રહેશે.

Gujarat Government: અસરગ્રસ્ત ખેડૂતોને માત્ર દોઢ મહિનામાં જ સહાય ચૂકવાઇ: રાઘવજી પટેલ

રાજ્યના અન્નદાતાની ઉન્નતિ એ હરહંમેશથી ગુજરાત સરકારનો મુખ્ય નિર્ધાર રહ્યો છે. ખેડૂતોની આવકમાં વધારો થાય, ખેડૂતો સમૃદ્ધ અને આત્મનિર્ભર બને તેવા શુભ આશયથી વડાપ્રધાન નરેન્દ્રભાઈ મોદીએ અનેકવિધ ખેડૂતલક્ષી યોજનાઓ અમલમાં મૂકીને ખેડૂતો પ્રત્યે સરકારની દ્રઢ પ્રતિબધ્ધતા દર્શાવી છે. વડાપ્રધાનએ શરૂ કરેલા આ અનુક્રમને મુખ્યમંત્રી ભૂપેન્દ્રભાઇ પટેલના નેતૃત્વ હેઠળની રાજ્ય સરકારે મક્કમતા પૂર્વક જાળવી રાખ્યો છે, તેમ કૃષિ મંત્રી રાઘવજી પટેલે જણાવ્યું હતું.

તાપી જિલ્લામાં ફરી વ્યાજખોરોનો આતંક

તાપી જિલ્લામાં ફરી વ્યાજખોરોનો આતંક જોવા મળી રહ્યો છે. 50 લાખ સામે 92 લાખથી વધુ રકમ ચૂકવી હોવા છતાં મુદ્દલ 50 લાખની પઠાણી ઉઘરાણી. વ્યારા પોલીસમાં મીઠાઈના વેપારી વકતારમ ઉર્ફે વિનોદભાઈ જેતાજી ચૌધરીએ નોંધાવી પોલીસ ફરિયાદ. બારડોલીની સંસ્કૃતિ સોસાયટીમાં રહેતા રાજુ માંગીલાલ શાહ અને માંગીલાલ હસ્તીમલ શાહ સામે નોંધાવી ફરિયાદ. બંને વ્યાજખોરોએ પઠાણી ઉઘરાણી, ધમકી અને સતામણી કરતા વકતારામ ઉર્ફે વિનોદ ચૌધરીએ ફરિયાદ નોંધાવી. પોલીસે બંને વ્યાજખોરો સામે કાર્યવાહી શરૂ કરી.

હોસ્પિટલમાં વિધિ કરનાર ભૂવાજી થયા ફરાર

સિવિલ હોસ્પિટલમાં વિધિ કરનાર ભૂવાના ઘરે પહોચ્યું સંદેશ ન્યૂઝ. મુકેશ ભૂવાજી નિવાસસ્થાનેથી ગાયબ થયો. ગઈકાલથી પરિવાર સાથે મુકેશ ભુવાજી નિવાસસ્થાનેથી ફરાર છે. નરોડામાં 2 સંતાનો અને પત્ની સાથે રહે છે ભૂવાજી. ઘણીવાર મોડી રાત્રે પણ ઘરની બહાર વિધિ કરવા જતો હોવાની માહિતી આવી સામે. મુકેશ ભૂવાજી મંદિરે વિધિ કરવા લોકોને બોલાવતો હતો.

રાજ્યભરમાં સ્થાનિક સ્વરાજની ચૂંટણીને લઈ તૈયારીઓ

ચૂંટણી પહેલા ફોટો વાળી પ્રાથમિક યાદી જાહેર કરવામાં આવી. વાંધા સૂચનોના આધારે પ્રસિધ્ધ થશે આખરી યાદી. મનપા, નપા તથા ખાલી પડેલ બેઠકો પર યોજાશે ચૂંટણી.

મહેમદાવાદની વેદ મલ્ટી સ્પેશિયાલિટી હોસ્પિટલ વિવાદમાં

ખેડા જિલ્લાના મહેમદાવાદની વેદ મલ્ટી સ્પેશિયાલિટી હોસ્પિટલ પતરાના શેડમાં ચાલતી હોય વિવાદ છેડાયો છે. PMJAY યોજના હેઠળની હોસ્પિટલ પતરાના શેડમાં ચાલે છે. આ મુદ્દે તાલુકા આરોગ્ય અધિકારીએ કહ્યુ કે, સમગ્ર મામલે તપાસ ચાલી રહી છે.  હોસ્પિટલે રિનોવેશન મામલે આમને જાણ કરી છે. પરંતુ હવે જિલ્લા કક્ષાએથી કમિટી બનાવી તપાસ કરવામાં આવશે. યોજનાના નિયમો મુજબનું સ્ટ્રક્ચર છે કે કેમ તેની તપાસ થશે. ત્રણ મહિનાથી એ રિનોવેશન ચાલી રહ્યું છે, તે અગાઉ તાલુકા વિભાગ દ્વારા મુલાકાત લીધેલી હતી ત્યારે બધુ યોગ્ય હોવાનો દાવો. હવે જ્યારે પ્રશ્ન ઉઠ્યો છે ત્યારે ફરીથી તપાસ કરવામાં આવશે.

Vasant Paresh: ગુજરાતી હાસ્યના એક યુગનો અંત, હાસ્ય કલાકાર વસંત પરેશનું નિધન

જામનગર શહેરના બંધુના નામે જાણીતા ખ્યાતનામ હાસ્ય કલાકાર વસંત પરેશનું અવસાન થયું છે. આ સમાચાર પદ્મશ્રી અને હાસ્ય કલાકાર જગદીશ ત્રિવેદીએ સોશિયલ મીડિયા પર પોસ્ટ કરીને માહિતી આપી હતી. હાસ્ય જગતમાં વસંત પરેશના નિધનથી શોક ફેલાયો છે. નોંધનીય છે કે, વસંત પરેશના ગુજરાત નહીં પણ દેશ વિદેશમાં પણ બહોળો ચાહક વર્ગ છે.

મહિલાએ યુટ્યુબથી કમાવાની જગ્યાએ ડૂબાવ્યા 8 લાખ, તમે ના કરતા મોટી ભુલ!

ભલે આજે યૂટ્યૂબ આવકનું સાધન બની ગયું છે. પરંતુ ઘણા લોકો તેની બચતમાંથી લાખો રૂપિયા આના પાછળ ખર્ચે છે. સ્ત્રી આનું જીવંત ઉદાહરણ છે. આ યુટ્યુબ યુઝરે તેના 8 લાખ રૂપિયા ગુમાવ્યા. હવે તમે વિચારી રહ્યા હશો કે કોઈએ તેની સાથે ઓનલાઈન છેતરપિંડી કરી હશે. આ મહિલાએ કોઈ પણ પ્રકારનું સ્કેમ કર્યા વિના રૂ.8 લાખ વેડફ્યા. આ સમગ્ર મામલો શું છે અને તમે તેનાથી કેવી રીતે બચી શકો તે સમજો.

સુરતના નશાબંધી અધિકારી સામે ભ્રષ્ટાચારનો આરોપ

જીગ્નેશ તન્ના સામે યુવરાજસિંહ જાડેજાના આક્ષેપ, યુવરાજસિંહએ આક્ષેપ કરતા જણાવ્યું કે, લાયસન્સ લેવા માટે પૈસા માગ્યા હતા. વહીવટ માટે થયેલી વાતચીતની ઓડિયો ક્લિપ વાયરલ થતાં તન્ના સામે અગાઉ ACB અને CMને કરાઇ છે ફરિયાદ. ઓડિયોમાં બે લોકો વાત કરે છે. જીજ્ઞેશ તન્ના અને વેપારી રાહુલ અધ્વર્યું વચ્ચે વાતચીત. કમિશન માટે કોરા ચેક માગવામાં આવ્યા. તન્ના ધમકી ભર્યા ટોનમાં વાત કરે છે.

સુરેન્દ્રનગરમાં રિલાયન્સ જીઓનો ટાવર તોડી પાડ્યો

સુરેન્દ્રનગર શહેરના આદેશ્વર પાર્કમાં ઉભો કરાયેલો નેટવર્ક ટાવર પાડી દેવાયો. નિયમોની ઐસીતૈસી કરીને રિલાયન્સ જીઓનો ટાવર ઉભો કરાયો હતો. આજુબાજુના 500થી વધુ રહીશોએ  રજુઆત કરી હતી. ડેપ્યુટી કલેકટરએ ટાવરને પાડી દેવાનો હુકમ કરતા જણાવ્યું કે, મોબાઈલ નેટવર્કના ટાવરોમા ભારે માત્રામાં રેડીયેશન હોય છે જેની સીધી અસર લોકોના આરોગ્ય પર થાય છે. આવા હજુ અનેક ગેરકાયદેસર ટાવરો શહેરમાં ઉભા છે. જેની સામે પણ કાર્યવાહી કરવાની લોક માગણી છે.

રાજકોટમાં ગૌચરની જમીન પર દાદાનું બુલડોઝર ફરી વળ્યું

રાજકોટના ઉપલેટામાં ગેરકાયદેસર 200 હેક્ટર જમીન પર દાદાનું બુલડોઝર ફર્યું. ઉપલેટા નગરપાલિકાની માલિકીની ગૌચર જમીન પર બુલડોઝર ફર્યું. 1980થી અસામાજિક તત્વોએ કબ્જે કરેલી જમીન પર તંત્રનું બુલડોઝર ફર્યું. મામલતદાર અને ઉચ્ચ પોલીસ અધિકારીઓની હાજરીમાં તંત્રની કાર્યવાહી. 10થી વધુ JCB અને ટ્રેક્ટર દ્વારા ડિમોલિશનની કામગીરા હાથ ધરાઈ.

મહીસાગરમાં શિક્ષકોના બદલી કેમ્પમાં હોબાળો

ગુજરાત ભરમાંથી શિક્ષકો દૂર દૂરથી બદલી કેમ્પમાં આવ્યા. દૂર દૂરથી મોટી સંખ્યામાં શિક્ષકો બદલી કેમ્પમાં આવ્યા. પોતાના વતનનો લાભ લેવા દૂર દૂરથી શિક્ષકો બદલી કેમ્પમાં વહેલી સવારથી આવી પહોંચ્યા છે. જિલ્લા શિક્ષણ અધિકારી 11:30 વાગ્યા સુધી ના આવતા શિક્ષકો હોબાળો કરી રહ્યા છે. અગાઉ પણ બદલી કેમ રાખવામાં આવ્યો હતો પરંતુ મોકૂફ રાખતા શિક્ષકો નારાજ થયાં હતા. આજે પણ શિક્ષકોનો બદલી કેમ્પ હોવાથી જિલ્લા શિક્ષણ અધિકારી ના આવતા શિક્ષકો નારાજ જોવા મળી રહ્યા છે.

અમદાવાદમાં અસામાજિક તત્વોનો આતંક

અમદાવાદમાં જાહેર રોડ પર તલવારો સાથે લુખ્ખા તત્વોએ આતંક મચાવ્યો. રખિયાલના ગરીબનગર પાસે લુખ્ખાઓનો આતંક. તલવાર સાથે લોકોમાં ભય ફેલાવવાનો પ્રયાસ કરવામાં આવ્યો. હથિયાર સાથે વીડિયો સો.મીડિયામાં વાયરલ થયો. બાપુનગર પોલીસે એક શખ્સની અટકાયત કરી. રખિયાલ અને બાપુનગર પોલીસ મથકે ગુનો નોંધાયો. બન્ને પોલીસ મથકે ગુનો નોંધી તપાસ હાથ ધરી.

Parliament Today: રાહુલ ગાંધીએ ધક્કો માર્યો ! બીજેપી સાંસદ પ્રતાપ સારંગી ઇજાગ્રસ્ત

સંસદનું શિયાળુ સત્ર ચાલી રહ્યુ છે પરંતુ આજે તો સંસદ પરિસરમાં જ હોબાળો જોવા મળ્યો હતો. એક તરફ વિપક્ષ દ્વારા બાબા સાહેબના બેનરો લઇને સૂત્રોચ્ચાર કરવામાં આવી રહ્યા હતા. તો બીજી તરફ બીજેપીના સાંસદ ઇજાગ્રસ્ત થયા હોવાનું સામે આવ્યુ છે. બીજેપી સાંસદ પ્રતાપ સારંગી ઇજાગ્રસ્ત કેમ થયા તેના જવાબમાં તેમણે રાહુલ ગાંધીએ ધક્કો માર્યો હોવાનો આક્ષેપ કર્યો છે.   

મોરબીમાં બોગસ ડોક્ટરોનો રાફડો ફાટ્યો

મોરબી શહેરી વિસ્તારમાંથી વધુ એક ડીગ્રી વગરનો બોગસ ડોક્ટર ઝડપાયો. છેલ્લા 48 કલાકમાં મોરબી શહેર અને તાલુકા વિસ્તારમાંથી ત્રીજો બોગસ ડોક્ટર ઝડપાયો. મોરબીમાં નિત્યાનંદ સોસાયટી પાસે શ્રીજી ક્લિનિમાં બી ડિવિઝન પોલીસ દ્વારા રેડ કરવામાં આવી હતી. કોઈપણ પ્રકારની ડીગ્રી કે લાયસન્સ વગર એલોપેથિક દવા આપીને સારવાર કરવામાં આવતી હતી. સ્થળ ઉપરથી પોલીસ દ્વારા દવાઓ સહિત 8941ની કિંમતનો મુદ્દામાલ કબજે કરાયો. બોગસ ડોક્ટર પ્રણવ કુમાર અશોકભાઈ ફળદુની ધરપકડ.

સુરતના સચિન GIDC વિસ્તારમાં મારામારી

સુરતના સચિન GIDC વિસ્તારમાં મારામારીનો બનાવ બન્યો. શાકભાજીની લારી મુકવા બાબતે મારામારી થઈ. મહિલા અને પુરુષોએ એકબીજા સાથે જોરદાર છુટ્ટાહાથની મારામારી કરી.  સોશિયલ મીડિયામાં વીડિયો વાયરલ થયો. વીડિયો સ્વરાજ કોમ્પ્લેક્ષની સામે આવેલી સબ્જી માર્કેટનો છે.

પોરબંદરની માધવાણી કોલેજની મનમાની 

પોરબંદર પાલિકા દ્વારા સીલ કરવા છતાં પણ માધવાણી કોલેજની ઓફિસનો ઉપયોગ. વેરો બાકી હોવાના કારણે પાલિકાએ માધવાણી કોલેજના પ્રિન્સિપલની ઓફિસ સીલ કરી હતી. પાલિકાએ સીલ માર્યા છતાં પણ પ્રિન્સિપલ રાબેતા મુજબ ઓફિસનો ઉપયોગ કરી રહ્યા હતા. મધવાની કોલેજનો 64 લાખનો વેરો બાકી હોવાના કારણે પાલિકાએ પ્રિન્સિપલની ઓફિસમાં સીલ લગાવ્યું છે.

મહીસાગરમાં e-KYC માટે લોકોને ભારે હાલાકી

કડાણા મામલતદાર કચેરીમાં નેટ કનેક્ટિવિટી બંધ થતાં રેશનકાર્ડની કામગીરી બંધ. આજે બપોર બાદ નેટ બંધ થતાં હાલાકી. રેશનકાર્ડમાં નામ કમી કરાવવા ઉમેરવા અને સુધારા કરવા તેમજ eKYC માટે લોકોને હાલાકી. નેટ કનેક્ટિવિટી ન હોવાના કારણે લોકોને ભારે હાલાકી. મામલતદાર કચેરી ખાતે કામગીરી માટે આવતા લોકોને કામ ન થતા વીલા મોઢે પરત ફરવાનો વારો આવ્યો. સામાન્ય દિવસોમાં પણ નેટ સ્લો ચાલતું હોવાની બૂમો ઊઠી. છેલ્લા દસ દિવસથી ધક્કા ખાઈ રહ્યા હોવાનો પણ સ્થાનિક લોકોનો આરોપ.

અમદાવાદમાં કાંકરિયા કાર્નિવલની તૈયારીઓ શરૂ

અમદાવાદમાં કાંકરિયા કાર્નિવલની તૈયારીઓ શરૂ થઈ ગઈ છે. કાંકરિયા ખાતે ભવ્ય સ્ટેજ, લાઇટિંગ અને ડેકોરેશન શરૂ કરાયું. ડિસેમ્બર મહિનાના અંતિમ સપ્તાહમાં કાર્નિવલ યોજાશે. ભવ્ય આતિશબાજી, લાઇટિંગ શો, કોમેડી, સંગીત અને નૃત્ય પ્રદર્શન યોજાશે. જાણીતા ગાયક કલાકારો દ્વારા સંગીત સમારોહ યોજાશે. બાળકો માટે વિવિધ પ્રતિયોગિતા યોજાશે.

અમદાવાદના સિવિલમાં વાયરલ વીડિયોને લઇ કાર્યવાહી

સિવિલ હોસ્પિટલમાંથી વાયરલ થયેલ ભુવાજીના વીડિયો મુદ્દે સિવિલ હોસ્પિટલના સત્તાધીશ જવાબદાર સિક્યુરિટી, ICU વોર્ડના અધિકારી સામે પગલા લેવામાં આવશે. સિવિલ હોસ્પિટલમાં 38 વર્ષીય દર્દી કિડની અને લીવરની સારવાર માટે દાખલ કરાયો હતો. ગત 4 નવેમ્બરે icuમાં દાખલ દર્દીની સારવાર ચાલી રહી હતી. 14 નવેમ્બરે દર્દીને હોસ્પિટલમાંથી સારવાર બાદ સાજો થયા બાદ ડિસ્ચાર્જ કરાયો હતો. રાત્રે  દોઢ વાગે મુકેશ ભુવાજીએ વિધિ કરી હતી. સિવિલ હોસ્પિટલના સત્તાધીશએ પોલીસ સ્ટેશનમાં અરજી કરી. હોસ્પિટલની છબી ખરડાઈ હોવાથી ભુવાજી સામે પગલાં લેવા અરજીમાં કરાયો ઉલ્લેખ.

વડોદરા કરજણ હાઈવે પર જૈન સાધ્વીને નડ્યો અકસ્માત

કરજણ ને.હા 48 ઉપર લાકોદરા ગામ પાસે અજાણ્યા વાહનની ટક્કરે 3 જૈન સાધ્વી ઘાયલ થયા. ને.હા.48 ઉપર લાકોદરા ગામ પાસેથી વિહાર કરતા સમયે ઘટના બની. 5 જેટલા જૈન સાધ્વીઓ વિહાર કરતા સમયે અકસ્માત નડ્યો. અજાણ્યા વાહનની ટકકરે 3 જૈન સાધ્વીઓ ઘાયલ થતા ટોલ એમ્બ્યુલન્સ દ્વારા પ્રાઇવેટ હોસ્પિટલ લઈ જવામાં આવ્યા.

Dang: સુબિર તાલુકા પંચાયત કચેરીના તાલુકા વિકાસ અધિકારી લાંચ લેતા ઝડપાયા

ડાંગ જિલ્લાના એક જાગૃત નાગરિકની ફરિયાદને લઈ 15માં નાણાપંચ વર્ષ-2023-24 અંતર્ગત તાલુકા વિકાસ અધિકારી, સુબીર દ્વારા મંજૂર થયેલ પેવર બ્લોક બેસાડવાની કામગીરીમાં કરેલ કામગીરીના બનાવેલ એમ.બી.બુક તથા બીલમાં તાલુકા વિકાસ અધિકારી, સુબીર દ્વારા સહી જ લેવાની થતી હોવાથી આરોપી તાલુકા વિકાસ અધિકારી, સુબીર તરીકે ફરજ બજાવતા મહેન્દ્રર બાલુભાઈ હાથીવાલા, ઉં.વ.57, જેઓ તાલુકા વિકાસ અધિકારી વર્ગ-2 તરીકે સુબીર ખાતે ફરજ બજાવે છે. તેઓએ એમ.બી. બુક તથા બીલમાં સહી કરી આપવાના અવેજ પેટે એક જાગૃત નાગરિક પાસે રૂા.6000/- ની લાંચની માંગણી કરવામાં આવેલ હતી. જે લાંચના નાણાં ફરીયાદી આપવા માંગતા ન હતા, પરંતુ તેઓએ માગણી કરેલ હતી.

રાજકોટ બોગસ દસ્તાવેજ કૌભાંડમાં મોટો ખુલાસો

રાજકોટમાં બોગસ દસ્તાવેજ કૌભાંડ મુદ્દે કણકોટ પાસે 100 કરોડની સરકારી જમીનના પણ ખોટા લેખ બનાવાયા. આરોપીએ મવડીની સરકારી જમીનના ફર્જી ડોક્યુમેન્ટ  બનાવ્યા. સર્વે નંબર 194 ની 10 એકર જમીનમાં પણ બોગસ ડોક્યુમેન્ટ ઊભા કરવામાં આવ્યા હોવાની વિગત બહાર આવી. બોગસ લેખ સહિતનું તમામ પ્રકારનું સાહિત્ય પોલીસ તંત્રને મળ્યું હોવા છતાં પણ ફરિયાદ નોંધવામાં આવી.

ભરૂચના પણીયાદરા નજીક અકસ્માતમાં 2ના મોત

બેફામ ટ્રકચાલકે બાઈકને ટક્કર મારતા અકસ્માત સર્જાયો. અકસ્માતમાં 2 યુવાનોના ઘટના સ્થળે જ મોત નીપજ્યા. પોલીસે ઘટનાસ્થળે પહોંચી તપાસ હાથ ધરી. 

ઈડરમાં ખાનગી કંપનીના એજન્ટોની દાદાગીરી

સાબરકાંઠાના ઈડરમાં ખાનગી સીઝ કરનારા એજન્ટોની દાદાગીરી. સીઝરો પોલીસ તંત્રને ચેલેન્જ આપી રહ્યા છે. ઈડરના ભર બજારમાં વાહન ચાલકને રોકી હેરાન કરાયો. વાહન ચાલકને હેરાનગતિ કરાયાનો વિડીયો સામે આવ્યો. લોન ધારકોને ખોટી રીતે પરેશાન કરાયા. ગાડીઓ સીઝીંગ કરતા સીઝરો પોલીસ તંત્રને આપી રહ્યા છે ખુલ્લો પડકાર. છેલ્લા કેટલાક સમયથી તંત્રની છુપી નજર હેઠળ સીઝરો કરી રહ્યા છે હેરાનગતિ. વાહનો રોકીને વાહન ચાલક સહિત પરિવારોને કરાઈ રહ્યા છે હેરાન. મુખ્ય માર્ગો પર ખોટી દાદાગીરી કરી સીઝરો દ્વારા હેરાનગતિ બાદપણ પોલીસ તંત્ર ચુપ્પી.

આણંદના તારાપુરમાં 2 જૂથ વચ્ચે પથ્થરમારો

આણંદના તારાપુર શહેરમાં પંડ્યા ફળિયા માં બે જૂથ વચ્ચે પથ્થરમારો. ગત મોડી રાત્રીએ બે કોમના ટોળાં સામસામે આવી ગયા. પ્રથમ ફળીયામાં બાઈક ધોઈ તેનું પાણી રોડ પર આવ્યું તે બાબતમાં માથાકુટ થઈ. પથ્થરમારામાં 4 ઘાયલોને કરમસદ મેડિકલ હોસ્પિટલ ખસેડાયા. જૂની અદાવતમાં રબારી અને ક્ષત્રિય સમાજના લોકો વચ્ચે બબાલ. પોલીસ બંદોબસ્ત વચ્ચે હાલ સ્થિતિ કંટ્રોલમાં.

સુરતમાં ભાજપના ધારાસભ્ય અને મેયર વચ્ચે પોસ્ટર વોર

સુરતના BJP MLA વર્સીસ સુરત મેયર વચ્ચે પોસ્ટર વોર જામ્યો છે. શહેરના પૂર્વ વિધાનસભાના MLA મેયરના પત્રનો સણસણતો જવાબ આપ્યો. મેયરના હિસાબી પત્ર સામે સવાલો કર્યા ઉભા. MLA અરવિંદ રાણાનો વધુ એક પત્ર જે મેયરના હિસાબી પત્ર સામે હિસાબ આપ્યો. સુરતમાં જામ્યો પત્ર વોર, ધારાસભ્યએ પાલિકા દ્વારા સેન્ટ્રલ ઝોનને કામગીરી બાબતે ઓરમાયું વતર્ન કરતું આવ્યું છે. વર્ષ 2016થી રોડ પરના ખોદકામો આજ સુધી કામ ચાલુ બતાવ્યા છે.

સુરતની VNSGUમાં ABVPને લઇ નવો વિવાદ 

સુરતની VNSGUનો નવો વિવાદ શરુ થયો. ABVPનાં બે જૂથોની માથાકૂટ ચરમસીમા પાર કરી ગઈ. કુલપતિની ગાડી સામે દારૂની બોટલો ફેંકાતા હોબાળો થયો. ABVPની મંગળવારે જાહેર  કારોબારીમાં મહત્ત્વનું પદ ન મળતા વિવાદ થયો. વિદ્યાર્થી નારાજ હતો, યુવા મહોત્સવમાં ખલેલ પહોંચાડી. વિદ્યાર્થી વિજય કટારિયાને કોઈ મહત્ત્વનું પદ ન મળતા નારાજ થયો. ABVPના બે જૂથો વચ્ચેની લડાઈમાં યુનિવર્સિટીની છબિ ખરડાઈ. વેસુ પોલીસ સ્ટેશનમાં અરજી કરવામાં આવી. VNSGUના રજિસ્ટ્રાર દ્વારા પોલીસમાં અરજી કરવામાં આવી.

વડોદરાની MS યુનિવર્સિટી સામે હાઇકોર્ટમાં અરજી

વડોદરાના એમ.એસ.યુનિવર્સિટીમાં કોન્વોકેશન સમયસર ન થતા સમસ્યા. યુનિવર્સિટીની તબીબી વિદ્યાર્થીનીએ હાઇકોર્ટમાં અરજી કરી. સમયસર ડીગ્રી ન મળે તો વિદેશની યુનિવર્સિટીમાં એડમિશન રદ્દ થશે. નિયમ મુજબ સપ્ટેમ્બર માસ સુધી કોન્વોકેશન થવું જોઈએ. 3 મહિના વધુ થયા છતાં કોન્વોકેશન ન થતા ડીગ્રી ન મળી. ડૉ. શૈલેષ પરીખના પુત્રી પ્રાચી પરીખએ હાઇકોર્ટમાં અરજી કરી. પ્રાચીએ ગોત્રી મેડિકલ કોલેજમાં એમ.બી.બી.એસ.નો અભ્યાસ કર્યો છે. વધુ અભ્યાસ માટે વિદેશની યુનિ.માં એડમિશન લીધુ છે. વિદેશી યુનિવર્સિટી દ્વારા ડીગ્રી સર્ટિફિકેટની માંગ કરાઈ. હવે સત્તાધીશોએ 31 ડિસેમ્બરે કોન્વોકેશનની જાહેરાત કરી.

Jammu Kashmir: કુલગામમાં સુરક્ષાદળોનું મોટું ઓપરેશન, 5 આતંકી ઠાર 

જમ્મુ-કાશ્મીરના કુલગામમાં આતંકવાદીઓ અને સુરક્ષાદળો વચ્ચે અથડામણ થઈ છે. કુલગામ જિલ્લાના બેહીબાગ પીએસના કદ્દર ગામમાં એન્કાઉન્ટર ચાલી રહ્યું છે. બંને તરફથી ભારે ગોળીબાર થઈ રહ્યો છે. કહેવામાં આવી રહ્યું છે કે સુરક્ષા દળોએ 5 આતંકીઓને ઠાર કર્યા છે. જો કે બે જવાનો પણ ઘાયલ થયા છે.

કુંભમેળામાં જવા ભાવનગરથી દોડશે સ્પેશિયલ ટ્રેન

કુંભમેળામાં જવા ભાવનગરથી બનારસ જવા સ્પેશિયલ ટ્રેન દોડશે. ભાવનગરથી બનારસ જવા માટે 3 સ્પેશિયલ ટ્રેન દોડાવવામાં આવશે. જાન્યુઆરી માસમાં 1 અને ફેબ્રુઆરી માસમાં 2 સ્પેશિયલ ટ્રેનો દોડાવવામાં આવશે. પશ્ચિમ રેલવે દ્વારા મહાકુંભ મેળા સ્પેશિયલ ટ્રેન ચલાવવાનો નિર્ણય કર્યો. આ ટ્રેન 22 જાન્યુઆરી તેમજ 16 ફેબ્રુઆરી અને 20 ફેબ્રુઆરીના રોજ બનારસ કુંભ મેળામાં જશે.

રાજકોટમાં આધારકાર્ડ મિસ મેચનું પ્રમાણ વધતા તપાસ 

જુની કલેકટર કચેરી, ગોંડલ, કોટડા સાંગાણી, જેતપુરના આધાર કેન્દ્રોમાં તપાસ કરવામાં આવી. ગાંધીનગરની UIDની ટીમ દ્વારા તપાસ હાથ ધરવામાં આવી. જિલ્લામાં કેટલી કીટ ચાલુ અને બંધ છે તેની પણ માહિતી મેળવી.

રાજકોટમાં યુનિકેર હોસ્પિટલના ડોક્ટર જીગીશ દોશી વિરુદ્ધ નોંધાયો ગુનો 

આઇપીસીની કલમ 338 મુજબ ગાંધીગ્રામ પોલીસ સ્ટેશન ખાતે ગુનો દાખલ થયો. એપ્રિલ 2024માં જૂનાગઢની સપના પટોડીયા નામની યુવતીનું ઓપરેશન કરવામાં આવ્યું હતું. ડાબા પગના ઓપરેશન સાથે બેદરકારીપૂર્વક જમણા પગનું પણ ઓપરેશન કરાયું હતું.

રાજકોટમાં સિરીયલ કિલર નવલસિંહ ચાવડા વિરુદ્ધ વધુ એક ગુનો દાખલ 

રાજકોટ જિલ્લાના પડધરી પોલીસ સ્ટેશન ખાતે નવલસિંહ ચાવડા અને જીગર ગોહિલ નામના વ્યક્તિ વિરુદ્ધ ગુનો દાખલ થયો. ધાર્મિક વિધિ કરવાના બહાને માતા-પિતા અને પુત્રને પડધરીના રામપર ગામ પાસે ઝેરી દવા પીવડાવી હત્યા કરી. મે 2024માં હત્યા કરી હતી. 62 વર્ષીય કાદર મુકાસમ, 59 વર્ષીય ફરીદા મુકાસમ અને તેના 35 વર્ષીય પુત્ર આસિફની હત્યા કરી હતી. માતા, પિતા અને પુત્રની રિક્ષામાંથી ઝેરી દવા પીધેલી હાલતમાં મૃતદેહ મળી આવ્યો હતો. રાજકોટ જિલ્લા પોલીસ દ્વારા જીગર ગોહિલને ઝડપી પાડવામાં આવ્યો. તાજેતરમાં મોરબીના વાંકાનેર સિટી પોલીસ સ્ટેશન ખાતે પણ નવલસિંહ ચાવડા સહીતના વ્યક્તિઓ વિરુદ્ધ ગુનો દાખલ થયો હતો.

જુનાગઢમાં થાર ગાડીની ચોરી

ટેસ્ટ ડ્રાઇવ માટે આવેલા શખ્સે ચોરી કરી. શો રૂમના કર્મચારીને છરી બતાવી ચોરી કરી ફરાર. શો રૂમના કર્મચારીએ પોલીસને જાણ કરી. ગણતરીના કલાકોમાં બે આરોપી ઝડપાયા.

અમદાવાદના રખિયાલમાં ગરીબનગર પાસે અસામાજિક તત્વોનો આતંક

અમદાવાદમાં જાહેર રોડ પર તલવારો સાથે આતંક મચાવ્યો. રખિયાલ - બાપુનગરના મુખ્ય માર્ગ પર તલવારો સાથે અસામાજિક તત્વોએ લોકોમા ડર ફેલાવ્યો. અસામાજીક તત્વોનો તલવાર જેવા ઘાતક હથિયારો સાથે વિડીયો વાયરલ. પોલીસે વિડીયોને લઈને કાર્યવાહી હાથ ધરી.

Gujarat Weather: ગુજરાત ઠંડુગાર, 19 જિલ્લાઓમાં તાપમાન 15 ડિગ્રીથી નીચું

રાજ્યમાં કાતિલ ઠંડીનો ચમકારો જોવા મળી રહ્યો છે. 19 જિલ્લાઓમાં તાપમાન 15 ડિગ્રીથી નીચું. નલિયા 7.5 ડિગ્રી તાપમાન સાથે ઠંડુગાર. રાજકોટ અને પોરબંદરમાં કોલ્ડવેવની આગાહી. રાજકોટમાં 9.3, અમરેલીમાં 9.8 ડિગ્રી તાપમાન. કેશોદમાં 9.9, પોરબંદરમાં 10.5 ડિગ્રી તાપમાન. અમદાવાદમાં 14.8, ગાંધીનગરમાં 12 ડિગ્રી, સુરેન્દ્રનગરમાં 12.5, વડોદરામાં 12.8 ડિગ્રી, ડીસામાં 12.8,  મહુવામાં 13.3 ડિગ્રી તાપમાન, ભાવનગરમાં 14.4, સુરતમાં 15.2 ડિગ્રી, ઉત્તર પૂર્વના પવન ફૂંકાતા ઠંડીમાં વધારો થશે.

વાંચો 12.00 વાગ્યા સુધીના મહત્ત્વના સમાચાર

1. Gujarat Weather: ગુજરાત ઠંડુગાર, રાજકોટ અને પોરબંદરમાં કોલ્ડવેવની આગાહી 

2. Jammu Kashmir: કુલગામમાં સુરક્ષાદળોનું મોટું ઓપરેશન, 5 આતંકી ઠાર 

3. બ્રિટનમાં મંગેતરની હત્યાના ગુનામાં 28 વર્ષની કેદ, પણ સજા ગુજરાતમાં ભોગવવી પડશે 

4. Share Market Opening: શેરબજારમાં હાહાકાર, સેન્સેક્સમાં 1005.81 પોઇન્ટનો કડાકો 

5. Dang: સુબિર તાલુકા પંચાયત કચેરીના તાલુકા વિકાસ અધિકારી લાંચ લેતા ઝડપાયા 

6. Bharuch: વાગરાના પાણીયાદરા નજીક બાઈક અને ટ્રક વચ્ચે અકસ્માત, બે વ્યક્તિના મોત 

7. IMD Update: પહાડોમાં હિમવર્ષા! દિલ્હી સહિત આ રાજ્યોમાં પડશે હાડ થીજવતી ઠંડી 

8. Petrol Diesel Price Today: ગુરુવારે પેટ્રોલ ડીઝલને લઇને રાહતના સમાચાર, જાણો કિંમત 

9. Parliament Today: રાહુલ ગાંધીએ ધક્કો માર્યો ! બીજેપી સાંસદ પ્રતાપ સારંગી ઇજાગ્રસ્ત 

10. Ahmedabad: સિવિલ હોસ્પિટલમાં વિધિ કરનાર ભૂવા સામે થશે ફરિયાદ