Gujarat Latest News Updated: ભાવનગરમાં ભેખડ ધસી પડવાથી શ્રમિકનું મોત

ગારીયાધારમાં નવાગામ રોડ પર અકસ્માત

ગારીયાધારમાં નવાગામ રોડ પર ડમ્પર અને બાઇક વચ્ચે અકસ્માતમાં 13 વર્ષીય સગીર સહિત બેના મોત થયા છે. મૃતકોની લાશને પીએમ અર્થે ખસેડાઇ છે. પોલીસે વધુ તપાસ હાથ ધરી.

ભાવનગરમાં ભેખડ ધસી પડવાથી શ્રમિકનું મોત

ભાવનગર પાસે આવેલ સીદસર નજીક ડ્રેનેજ ની કામગીરી દરમિયાન ભેખડ પડતા એક શ્રમિકનું મોત નીપજ્યું છે. મૃતક શ્રમિક દાહોદ જિલ્લાનો રહેવાસી હોવાનું સામે આવ્યું છે. બનાવને લઈ વરતેજ પોલીસ ઘટના સ્થળે પહોંચીને મૃતદેહને પી.એમ અર્થે હોસ્પિટલ ખસેડ્યો. વરતેજ પોલીસે આગળની કાર્યવાહી હાથ ધરી.

સંસદમાં મારામારીના કેસની તપાસ ક્રાઈમ બ્રાંચ કરશે, રાહુલ ગાંધી વિરુદ્ધ FIR નોંધાઈ

દિલ્હી પોલીસે શુક્રવારે સંસદ સંકુલમાં 'ધક્કો મારવાના' આરોપમાં કોંગ્રેસ નેતા રાહુલ ગાંધી વિરુદ્ધ નોંધાયેલ કેસને ક્રાઈમ બ્રાન્ચને સોંપી દીધો છે. એક અધિકારીએ કહ્યું, 'હવે ક્રાઈમ બ્રાન્ચ આ કેસની તપાસ કરશે.' તમને જણાવી દઈએ કે ગુરુવારે દિલ્હી પોલીસે સંસદ સંકુલમાં થયેલી 'ધક્કા-મુક્કી'ના સંબંધમાં રાહુલ વિરુદ્ધ FIR નોંધી હતી અને હવે આ કેસ ક્રાઈમ બ્રાન્ચને સોંપ્યા બાદ કોંગ્રેસ નેતાની મુશ્કેલીઓ વધી રહી છે. વધવા માટે. બંધારણના ઘડવૈયા બાબાસાહેબ ભીમરાવ આંબેડકરના કથિત અપમાનને લઈને ગુરુવારે સત્તાધારી પક્ષ અને વિપક્ષના સભ્યો સંસદ ભવનના 'મકર દ્વાર' પાસે સામસામે આવી ગયા હતા અને સૂત્રોચ્ચાર કર્યા હતા.

22 ડિસેમ્બરે  વડોદરામાં રમાશે ક્રિકેટ મેચ

• ભારત અને વેસ્ટ ઇન્ડિઝની મહિલા ક્રિકેટ ટીમ વચ્ચે જંગ
• વડોદરા પહોંચેલી બન્ને ટીમોનું સ્વાગત કરાયું
• સાંસદ ડો.હેમાંગ જોશીએ કર્યું સ્વાગત
• ભારતીય ટીમની કેપ્ટન સ્મૃતિ મંદાનાનું કર્યું સ્વાગત

હરિયાણાના પૂર્વ પૂર્વ સીએમના નિધન બાદ શનિવારે તમામ શાળાઓ બંધ રહેશે

હરિયાણાના પૂર્વ સીએમ ઓમ પ્રકાશ ચૌટાલાના નિધન બાદ રાજ્ય સરકારે ત્રણ દિવસનો રાજ્ય શોક જાહેર કર્યો છે. રાજ્ય સરકારે શનિવારે રાજ્યની તમામ શાળાઓ બંધ રાખવાનો નિર્દેશ પણ આપ્યો છે.

અમદાવાદના સિંધુભવન રોડ પર અકસ્માત

અમદાવાદના સિંધુભવન રોડ પર કાર અને બાઈક વચ્ચે અકસ્માતમાં બાઈકચાલક ઈજાગ્રસ્ત થયો છે. ઈજાગ્રસ્તને સારવાર માટે હોસ્પિટલ ખસેડાયો છે.

ભુજ અને બાંદ્રા ટર્મિનસ વચ્ચે બે જોડી ફેસ્ટિવલ સ્પેશિયલ ટ્રેનો દોડશે

પશ્ચિમ રેલવે દ્વારા મુસાફરોની માંગ અને સુવિધાને ધ્યાનમાં રાખીને ભુજ અને બાંદ્રા ટર્મિનસ વચ્ચે બે જોડી ફેસ્ટિવલ સ્પેશિયલ ટ્રેનો વિશેષ ભાડા પર ચલાવવાનો નિર્ણય કરવામાં આવ્યો છે.

• ટ્રેન નંબર 09472/09471 ભુજ-બાંદ્રા ટર્મિનસ સુપરફાસ્ટ સ્પેશિયલ
• ટ્રેન નંબર 09474/09473 ભુજ-બાંદ્રા ટર્મિનસ સુપરફાસ્ટ સ્પેશિયલ 

જામનગરમાં ભાજપ-કોંગ્રેસ આમને-સામને

કેન્દ્ર સરકારના ગૃહમંત્રી અમિત શાહે ડૉ. બાબા સાહેબ આંબેડકર વિરુદ્ધ કરેલી ટિપ્પણીને લઈને રાજકીય માહોલ ગરમાયો છે. સમગ્ર મામલે કોંગ્રેસ દ્વારા મોટાપાયે વિરોધ પ્રદર્શન કરવામાં આવી રહ્યો છે. જેના પડઘા ગુજરાતમાં પણ પડ્યા છે. શુક્રવાર સાંજે જામનગર શહેર ભાજપ દ્વારા બેનર પોસ્ટર સાથે ભાજપ કાર્યાલયથી રેલી કાઢીને ટાઉનહોલ સર્કલ વિસ્તારમાં આવેલા કોંગ્રેસ કાર્યાલય સુધી પહોંચીને કાર્યાલયની સામે સૂત્રોચારો કરવાનું શરુ કર્યું હતું.

નસવાડીમાં વ્યક્તિએ કર્યો આત્મવિલોપનનો પ્રયાસ

• કન્યાશાળાની અવરજવરનો રસ્તો બંધ થતા આત્મવિલોપનનો પ્રયાસ
• બાબુભાઇ ભાટીયાએ શરીર પર પેટ્રોલ છાંટ્યું
• સ્થાનિકોએ વ્યક્તિને નસવાડી દવાખાને પહોંચાડ્યો
• વધુ સારવાર માટે વ્યક્તિને વડોદરા લઇ જવાયો

દિલ્હીના નરેલામાં એક એપાર્ટમેન્ટમાં એક વ્યક્તિની ચાકુ મારીને હત્યા

રાજધાની દિલ્હીના નરેલાના પોકેટ-18 હિંદ એપાર્ટમેન્ટમાં એક વ્યક્તિની ચાકુ મારીને હત્યા કરવામાં આવી હતી. પોલીસના જણાવ્યા અનુસાર, આજે સાંજે લગભગ 6:28 વાગ્યે પોલીસ કંટ્રોલ રૂમમાં એક કોલ આવ્યો હતો, જેમાં એવી માહિતી મળી હતી કે એપાર્ટમેન્ટમાં એક યુવકની હત્યા કરવામાં આવી છે.

પોપ્યુલર ગ્રુપના રમણ પટેલને હાઇકોર્ટની ફટકાર 

• ગુજરાત હાઈકોર્ટે જામીન આપવાનો કર્યો ઇન્કાર 
• કેસની તપાસ ચાલુ હોવાથી જામીન ન આપી શકાય: HC
• બોપલ જમીન કૌભાંડ મુદે રમણ પટેલે માંગ્યા હતા જામીન
• ગોધાવી જમીન કેસમાં નોંધાઇ હતી છેતરપિંડીની ફરિયાદ
• બોપલ પોલીસ સ્ટેશનમાં રમણ પટેલ સામે નોંધાઇ હતી ફરિયાદ
• 
  

પાલીતાણા ના પાંડેરીયા ગામે પ્રકૃતિ શિક્ષણ કેન્દ્રનું લોકાર્પણ

પાલીતાણા તાલુકાના ડુંગરમાં વન્ય પ્રાણીઓ વસવાટ કરી રહ્યા છે ત્યારે વન વિભાગ દ્વારા પણ કામગીરીઓ કરવામાં આવી રહી છે અને વિવિધ સેન્ટરો બનાવવામાં આવી રહ્યા છે ત્યારે પાલીતાણા તાલુકાના ગ્રામ્ય વિસ્તારના પાંડેરીયા ગામે વન વિભાગ દ્વારા પ્રકૃતિ શિક્ષણ કેન્દ્રનું લોકાર્પણ કરવામાં આવ્યું છે જે કાર્યક્રમ કરવામાં આવ્યો હતો અને પ્રકૃતિ શિક્ષણ કેન્દ્ર બનાવવામાં આવ્યું છે. 

પંચમહાલના કાલોલમાં ગમખ્વાર અકસ્માત, 2ના મોત,5ને ગંભીર ઇજા

પંચમહાલના કાલોલમાં ગમખ્વાર અકસ્માતની ઘટના સામે આવી છે. વેજલપુરમાં કાર અને વાન વચ્ચે અકસ્માતમાં બેના મોત થયા છે જ્યારે અન્ય 5ને ગંભીર ઇજાઓ પહોંચી છે. ગંભીર રીતે ઇજાગ્રસ્તોને હોસ્પિટલ ખસેડાયા છે. મૃતકોને પીએમ અર્થે મોકલાયા છે. વેજલપુર પોલીસ ઘટના સ્થળે પહોંચીને આગળની કાર્યવાહી હાથ ધરી છે.

વન નેશન વન ઇલેક્શન માટે JPC કમિટીની જાહેરાત

લોકસભા સચિવાલયે વન નેશન વન ઈલેક્શનને લઈને સંયુક્ત સંસદીય સમિતિ (JPC)ની જાહેરાત કરી છે. જેપીસીમાં લોકસભાના 27 અને રાજ્યસભાના 12 સભ્યોનો સમાવેશ થાય છે. ભાજપના સાંસદ પીપી ચૌધરીને જેપીસીના અધ્યક્ષ તરીકે નિયુક્ત કરવામાં આવ્યા હતા. જો આ રીતે જોવામાં આવે તો JPCમાં કુલ સભ્યોની સંખ્યા 39 થશે. કેન્દ્રની મોદી સરકારે મંગળવારે લોકસભામાં વન નેશન વન ઈલેક્શનને લઈને બિલ રજૂ કર્યું હતું.

સુરતમાં 20, 21, 22 ડિસેમ્બર સુધી યોજાશે બીચ ફેસ્ટીવલ

ગુજરાતમાં દરિયાકાંઠા પ્રવાસનને વેગ આપવા માટે સુરત જિલ્લામાં બીચ ફેસ્ટવલનું આયોજન કરાયું છે. તારીખ 20, 21 અને 22 ડિસેમ્બર સુધી આ ફેસ્ટિવલનો લ્હાવો લઈ શકાશે.ગૃહરાજ્ય પ્રધાન હર્ષ સંઘવીના હસ્તે બિચ ફેસ્ટીવલનું ઉદ્ઘાટન કરવામાં આવ્યું.આ ફિસ્ટવલ દરમિયાન દરિયા કિનારે મોટી સંખ્યામાં સહેલાણીઓ ઉમટશે. બિચ ફેસ્ટિવલના પહેલા દિવસે કોન્સર્ટમાં જાણીતા કલાકારોએ ધૂમ મચાવી હતી. દરિયાનું સૌદર્યા, ખાણી-પીણી સહિતના આનંદ આ ફેસ્ટિવલમાં માણી શકશે. ગૃહરાજ્ય પ્રધાન હર્ષ સંઘવીએ ઉદ્ઘાટન વખતે કહ્યું કે આ ફેસ્ટિવલથી અનેક લોકોને રોજગાર મળશે અને ગુજરાતના પ્રવાસનને વેગ મળશે.

સ્ટેટ એલાઇડ એન્ડ હેલ્થકેર કાઉન્સિલની રચના

રાજ્ય સરકારે સ્ટેટ એલાઇડ એન્ડ હેલ્થકેર કાઉન્સિલની રચના કરી છે. કાઉન્સિલમાં 15 સભ્યોની નિમણૂક કરાઇ છે. 56 એલાઇડ હેલ્થકેર અભ્યાસક્રમોનો સમાવેશ કરાયો છે. જુદાજુદા 10 અભ્યાસક્રમોની કેટેગરીમાં સમાવેશ કરાયો છે.

જયપુર આગ્નિકાંડમાં મૃત્યુઆંક વધીને 11ને પાર

જયપુરના ભાંકરોટા આગ અકસ્માતમાં મૃત્યુઆંક વધીને 11 થયો છે. આ દુર્ઘટનામાં બેથી વધુ નોંધાયેલા લોકો પણ સામેલ હોવાનું કહેવાય છે.

યુપીમાં પર્યટનની દ્રષ્ટિએ અયોધ્યા પ્રથમ સ્થાને પહોંચ્યું 

ઉત્તર પ્રદેશમાં પર્યટનના મામલે અયોધ્યા નંબર વન પર પહોંચી ગયું છે. સરકારે આંકડા જાહેર કર્યા છે. આ આંકડા 22 જાન્યુઆરી 2024 થી સપ્ટેમ્બર 2024 સુધીના છે. આંકડાઓ પરથી સ્પષ્ટપણે જણાય છે કે આગ્રાના તાજમહેલને પણ આજની તારીખે અયોધ્યાએ પછાડી દીધો છે.

અમદાવાદ પોલિસે પેટ્રોલિંગ દરમિયાન જપ્ત કર્યો ઈ-સિગારેટનો જથ્થો

અમદાવાદ પોલીસે ગઈકાલે રાત્રે અંધજન મંડળ બ્રિજના બંને બાજુ અલગ અલગ બે ટીમો બનાવી વાહનચેકીંગ હાથ ધર્યું હતું. વાહનચેકીંગ દરમિયાન કુલ 143 વાહનચાલકોને મેમો આપી 90 હજારનો રૂપિયાનો દંડ વસૂલવામાં આવ્યો હતો. સાથે 4 વાહનો માંથી વિદેશી દારૂની બોટલો મળી આવી હતી. આ ઉપરાંત ચેકિંગ દરમિયાન ઇલેક્ટ્રિક સિગારેટ વેપના જથ્થા સાથે એક યુવકને પકડી પાડ્યો હતો. મોજશોખ માટે યુવકે ઈ-સિગરેટનો જથ્થો ઓનલાઇન મંગાવ્તો હતો. પોલીસ દ્વારા અલગ અલગ ફ્લેવરની 27 જેટલી ઈ-સિગરેટ સહિત 5.27 લાખનો મુદ્દામાલ કબજે કર્યો છે. ત્યારે સમગ્ર મામલે વસ્ત્રાપુર પોલીસે ગુનો નોધી વધુ તપાસ શરૂ કરી છે.

અમદાવાદ એરપોર્ટની સુવિધામાં થયો વધારો 

• ટર્મિનલ 1 અને 2 વચ્ચે  ઇ શટલ બસ શરૂ 
• ઈ-બસોની શટલ સેવા ફ્રી રહેશે
• બસ દર 30 મિનિટે ઉપલબ્ધ રહેશે 
• બસમાં CCTV,  ફાયર સેફ્ટીની સુવિધા 

PM મોદી 21-22 ડિસેમ્બરે કુવૈત જશે

વિદેશ મંત્રાલયે કહ્યું છે કે વડાપ્રધાન નરેન્દ્ર મોદી 21-22 ડિસેમ્બરે કુવૈતની મુલાકાત લેશે. કુવૈતના અમીરના આમંત્રણ પર પીએમ ત્યાં જઈ રહ્યા છે. 42 વર્ષ બાદ વડાપ્રધાનની કુવૈતની આ પ્રથમ મુલાકાત છે.

કર્ણાટક હાઈકોર્ટે બીજેપી નેતા સીટી રવિને જામીન આપ્યા 

કર્ણાટક હાઈકોર્ટે બીજેપી નેતા સીટી રવિને જામીન આપ્યા છે. કર્ણાટકના મંત્રી લક્ષ્મી હેબ્બાલકરની ફરિયાદ પર તેમની સામે એફઆઈઆર નોંધાયા બાદ સીટી રવિની ધરપકડ કરવામાં આવી હતી. તેમણે આરોપ લગાવ્યો હતો કે ગઈકાલે વિધાન પરિષદમાં તેમણે તેમની વિરુદ્ધ અપમાનજનક શબ્દોનો ઉપયોગ કર્યો હતો.

સામાન્ય વહીવટ વિભાગે કરી સેક્શન ઓફિસરોની બદલી

સામન્ય વહિવટ વિભાગ દ્વારા સેક્શન ઓફિસરોની બદલીના આદેશ આપવામાં આવ્યા છે. રાજ્યમાં 14 સેક્શન ઓફિસરોની બદલી તો 3 નાયબ સેક્શન ઓફિસરને સેક્શન ઓફિસર બઢતી કરવામાં આવી છે.

VMCમાં નવા વિકાસ કામોને લઇ સ્થાયી સમિતિની બેઠક

• 17 કામો પૈકી સમા ફલાય ઓવરબ્રિજની કામ મુલતવી
• 120 કરોડના ખર્ચે બનવાનો હતો બ્રિજ
• સ્થાયી સમિતિમાં સભ્યોના મતમાંતરને કારણે કામ મુલતવી
• ધારાસભ્યો, કાઉન્સિલરોને વિશ્વાસમાં લેવાશે
• સંકલનમાં ચર્ચા બાદ ફરી લેવાશે કામ

સાંજના 6 વાગ્યાના સૌથી મોટા સમાચાર

01. Ahmedabad: બાપુનગરમાં આતંક મચાવનાર આરોપીઓનો વરઘોડો, પોલીસે કરાવ્યું કાયદાનું ભાન

02. Surat: સુરતનું ઇચ્છાપોર પોલીસ સ્ટેશન બન્યું દેશનું શ્રેષ્ઠ પોલીસ સ્ટેશન

03. Chinese દોરીનો ઉપયોગ અટકાવવા પોલીસ સજ્જ, ચાઇનીઝ દોરી વેચતી ઇ-કોમર્સ વેબસાઇટને નોટિસ

04. Gujarat Weather: હાડ થીજવતી ઠંડી ભૂક્કા બોલાવશે! રાજકોટ, પોરબંદર, કચ્છમાં કોલ્ડવેવની શક્યતા

05. BZ ગ્રૂપના 6000 કરોડના કૌભાંડની CID ક્રાઈમે ખોલી સંપૂર્ણ કુંડલી, વાંચો

06. Surat: સુવાલી બીચ ફેસ્ટિવલનો હર્ષ સંઘવીએ કરાવ્યો પ્રારંભ, સાંસ્કૃતિક કાર્યક્રમો મચાવશે ઘૂમ

07. 31 ડિસેમ્બરે દારૂના રસિયાઓનો રસ ઉતારવા 6000 પોલીસ કર્મીઓ મેદાનમા

08. આ જંગલમાંથી મળ્યો કુબેરનો ખજાનો! નીકળ્યુ 42 કરોડનું સોનું, અધિકારીઓ ચોંક્યા

09. White houseમાં ઇમરજન્સી? બાઇડેન અને કમલા હેરિસે ક્રિસમસ ટ્રિપ કરી રદ્દ

10. વેસ્ટ ઈન્ડિઝને હરાવીને બાંગ્લાદેશે રચ્યો ઈતિહાસ, T20Iમાં પહેલીવાર કર્યું આ કારનામું

પૂર્વ મુખ્યમંત્રીના નિધન બાદ હરિયાણામાં ત્રણ દિવસનો રાજ્ય શોક જાહેર કરવામાં આવ્યો

હરિયાણાના પૂર્વ મુખ્યમંત્રી ઓમપ્રકાશ ચૌટાલાના નિધન પર રાજ્યમાં ત્રણ દિવસનો રાજ્ય શોક જાહેર કરવામાં આવ્યો છે. 21મી ડિસેમ્બરે રાજ્યમાં 3 દિવસનો રાજ્ય શોક અને એક દિવસની રજા રહેશે. 20-22 ડિસેમ્બર સુધી રાજ્યમાં કોઈ સરકારી મનોરંજન કાર્યક્રમ ઉજવવામાં આવશે નહીં. પૂર્વ મુખ્યમંત્રીના અંતિમ સંસ્કાર 21 ડિસેમ્બરે રાજ્ય સન્માન સાથે કરવામાં આવશે.

જામનગરના લાલપુર હાઇવે પાસે વિકરાળ આગ

• ચંગા પાટીયા પાસે ખાનગી કંપનીમાં આગ
• ડેકોર બ્રાસ ઇન્ડિયા પ્રા.લી.માં આગ
• ફાયર વિભાગની ટીમે આગ કાબૂમાં લીધી
• ફેક્ટરી બંધ હોવાથી જાનહાનિ નહીં

સુપ્રીમ કોર્ટે મેરઠ હત્યાકાંડ કેસમાં પીએસીના 2 કાર્યકરોને જામીન આપ્યા 

સુપ્રીમ કોર્ટે 1987ના મેરઠ હત્યાકાંડ કેસમાં PACના અન્ય બે પૂર્વ પોલીસકર્મીઓને જામીન આપ્યા છે. પીએસીના ભૂતપૂર્વ પોલીસ કર્મચારીએ તેની 82 વર્ષની ઉંમરને ટાંકીને સ્વાસ્થ્યના આધારે જામીન માંગ્યા હતા.

અસામાજિક તત્વો દ્વારા ગુજરાતની શાંતિ ડહોળવાનો પ્રયાસ: દીપક જોશી

ભાજપના નેતા દીપક જોશીએ જણાવ્યું કે, છેલ્લા ઘણા સમયથી જોવા મળ્યું છે કે અસામાજિક તત્વો દ્વારા ગુજરાતની શાંતિ ડહોળવાનો પ્રયાસ થઇ રહ્યો છે. ગુજરાત ક્યારેય આ બાબતોમાં કોમ્પ્રોમાઇઝ કરતું નથી. અસામાજિક તત્વો દ્વારા જે ખોફ ઊભો કરવા પ્રયાસ થઇ રહ્યો છે તેને સખત શબ્દોમાં વખોડવામાં આવે છે. આવા તત્વો સામે કેવી રીતે પગલાં ભરવા તે ભાજપ પાસે છે અને પગલાં ભરવામાં આવશે. અને એટલે જ ગૃહ મંત્રી એ કહ્યું છે કે જે કાયદામાં રહેશે એ ફાયદામાં રહેશે, ક્યારેય ગુજરાત આવા તત્વોને ચલાવી લેતું નથી અને માફ કરતું નથી.

જામનગરના લાલપુર હાઇવે પાસે વિકરાળ આગ

જામનગરના લાલપુર હાઇવે પાસે ચંગા પાટીયા નજીક વિકરાળ આગ લાગી. ડેકોર બ્રાસ ઇન્ડિયા પ્રાઇવેટ લિમિટેડ કંપની હાલ ફાયર બ્રિગેડની આગને કાબુમાં લેવાનો પ્રયાસ. આગને કાબુમાં લેવા માટે ફાયરની બે ગાડી કામે લાગી હતી. શુકવારે ફેકટરી બંધ હોવાથી આગ પ્રસરી હતી. બે ખાનગી કંપની અને બે ફાયર કોર્પોરેશનની મદદથી આગ કાબુમાં આવી.

Chinese દોરીનો ઉપયોગ અટકાવવા પોલીસ સજ્જ, ચાઇનીઝ દોરી વેચતી ઇ-કોમર્સ વેબસાઇટને નોટિસ

ચાઈનીઝ દોરીને લઈને શહેર પોલીસનો એક્શન પ્લાન તૈયાર કર્યો છે. ચાઇનીઝ દોરીનું ચોરી છૂપું વેચાણ કરનાર કોઈને છોડવામાં આવશે નહી. જેના માટે પોલીસ દ્વારા ડીકોઈ ગોઠવી અને બાતમીના આધારે ચાઈનીઝ દોરી વેચનાર સામે કેસમાં કરવામાં આવી રહ્યા છે. ઇ કોમર્સ વેબસાઈટ પર પોલીસે તપાસ શરૂ કરી છે.

સુનીલ પાલ-મુશ્તાક ખાન અપહરણ કેસના આરોપી આકાશ ઉર્ફે ગોલાનું એન્કાઉન્ટર

બિજનૌર પોલીસે મોડી રાતના એન્કાઉન્ટર બાદ કોમેડિયન સુનીલ પાલ અને ફિલ્મ અભિનેતા મુશ્તાક ખાનના અપહરણ કેસમાં મુખ્ય આરોપી લવી પાલ સાથે ફરાર થઈ ગયેલા તેના સૌથી મહત્વપૂર્ણ ગોરખ આકાશ ઉર્ફે ગોલાની ધરપકડ કરી હતી. તેના પર 25 હજાર રૂપિયાનું ઈનામ છે.

Gujarat Weather: હાડ થીજવતી ઠંડી ભૂક્કા બોલાવશે! રાજકોટ, પોરબંદર, કચ્છમાં કોલ્ડવેવની શક્યતા

વાતાવરણ અંગે હવામાન વિભાગની આગાહી મુજબ, ગુજરાતમાં આગામી દિવસોમાં હવામાનમાં મોટા ફેરફારોની આગાહી કરી છે. તેમના મતે, રાજ્યમાં હાલમાં અનુભવાતી ઠંડી હજુ પણ વધશે અને તાપમાનમાં ઘટાડો થશે. ગુજરાતના વાતાવરણમાં મોટી ઉથલપાથલ જોવા મળવાની છે. કારણ કે, બંગાળની ખાડીમાં ઉદભવેલા વાવાઝોડાથી ગુજરાતના વાતાવરણમાં મોટી હલચલ થવાની છે. ભરશિયાળે માવઠાની આગાહી આવી છે. આગામી 24 કલાકમાં આ દરિયાકાંઠે જોરદાર પવન ફુંકાશે. જેને કારણે દેશના 11 રાજ્યોમાં ભારે વરસાદની ચેતવણી હવામાન વિભાગ દ્વારા જાહેર કરવામાં આવી છે. તો અનેક રાજ્યોમાં કોલ્ડવેવનું એલર્ટ જાહેર કરાયું છે.

Surat: સચિન - મગદલ્લા રોડ પર કારમાં બ્લાસ્ટ થતાં વેપારીનું મોત

સુરતમાં કારમાં બ્લાસ્ટ થતા વેપારીનું મોત નીપજ્યું. સચિન - મગદલ્લા રોડ પર કારમાં બ્લાસ્ટ થયો. આભવાના વેપારી દીપક પટેલનું મોત નીપજ્યું. બ્લાસ્ટ બાદ કારમાં આગ લાગી હતી. 

SC: Credit Cardનું પેમેન્ટ સમયસર નહીં ચૂકવો તો આટલું વ્યાજ ચૂકવવું પડશે

2008માં, NCDRCએ ક્રેડિટ કાર્ડના બાકી લેણાં પર 36 ટકા અને 49 ટકા વચ્ચે વ્યાજદર વસૂલવા બદલ બેન્કોની આકરી ટીકા કરી હતી. ગ્રાહક ફોરમે જણાવ્યું હતું કે ભારતીય રિઝર્વ બેંક (RBI) આ પ્રથાને નિયંત્રિત કરવામાં નિષ્ફળ રહી છે.

BZ ગ્રૂપના 6000 કરોડના કૌભાંડની CID ક્રાઈમ ખોલી સંપૂર્ણ કુંડલી, વાંચો

ગુજરાતમાં BZગ્રૂપના 6,૦૦૦ કરોડ રૂપિયાના કૌભાંડમાં CEO ભૂપેન્દ્રસિંહ ઝાલા ફરાર છે. ત્યારે સાબરકાંઠામાં બીઝેડ ગ્રુપના કૌભાંડ મામલામાં ચોંકાવનારા ખુલાસા સામે આવ્યા છે. જેમાં પ્રાંતિજમાં ફરજ બજાવતા પ્રાથમિક શિક્ષકની સીઆઈડી દ્વારા તપાસ શરૂ કરાઇ છે. BZ ગ્રૂપના 6000 કરોડના કૌભાંડ મામલે CID ક્રાઈમના SP હિમાંશુ વર્માએ પ્રેસ કોન્ફરન્સ યોજી હતી. સમગ્ર મામલે CID ક્રાઈમના SP હિમાંશુ વર્માએ જણાવ્યું હતું કે, BZ કૌભાંડમાં કુલ 3 ફરિયાદ મળી છે. એક સરકારી ફરિયાદમાં 7ની ધરપકડ કરવામાં આવી છે. ભૂપેન્દ્ર ઝાલાની અલગ અલગ રાજ્યમાં તપાસનો ધમધમાટ શરૂ કરવામાં આવ્યો છે. ભૂપેન્દ્ર ઝાલાએ અલગ અલગ 12 કંપની બનાવી હોવાનું સામે આવ્યું છે. જેમાં 4 કંપનીના 16 એકાઉન્ટની તપાસ થઈ છે. રોકડ પૈસા આંગડિયા મારફતે મોકલવાના પુરાવા પણ મળ્યા છે.

Share Market Closing: શેર માર્કેટમાં કડાકો, સેન્સેક્સ 1,176 પોઇન્ટ તૂટ્યો

કારોબારી સપ્તાહના અંતિમ દિવસ એટલે કે શુક્રવારે શેરબજાર લાલ નિશાને જ બંધ થયુ હતું. શેર માર્કેટ ડાઉન જતા રોકાણકારોને તો રોવાનો વારો આવ્યો હતો. બપોરે 3.30 કલાકે કલોઝિંગ થાય તે પહેલા તો સેન્સેક્સમાં 1200 પોઇન્ટનો કડાકો નોંધાયો હતો. જો કે એક્ઝેટ 3.30 કલાકે માર્કેટ બંધ થયુ ત્યારે સેન્સેક્સ 1100 પોઇન્ટના ઘટાડા સાથે 78,041.59 અંક પર બંધ થયું હતું. જ્યારે નિફ્ટી 328.30 પોઇન્ટના ઘટાડા સાથે 23,623.40 અંક પર બંધ થયો હતો. 

અમરેલીના રાજુલામાં કોન્ટ્રાક્ટ કર્મીઓની હડતાળ

અમરેલી- રાજુલા હોસ્પિટલમાં આઉટસોર્સના 40 કરતા વધુ કર્મચારીઓ હડતાળ ઉપર ઉતર્યા. કોન્ટ્રાક્ટરને વર્ષીક હપ્તો નહિ આપતા 5 આઉટસોર્સ કર્મચારીને છુટા કરતા સિવિલ પટાગણમાં હડતાળ શરૂ. હોસ્પિટલના સત્તાધીશોએ કોન્ટ્રાકટને જાણ કરી પોલીસ દોડી આવી. કોન્ટ્રાકટ રૂપિયા માંગતા હોવાના કર્મચારીઓએ આક્ષેપો સાથે કોલ રેકોર્ડિંગ જાહેર કર્યું. આઉટસોર્સના વર્ગ 3 અને 4ના કર્મચારીઓ 1 દિવસની હડતાળ ઉપર. એલ.ઓ.સી. ઇન્વેટેશન એન્ડ સિક્યુરિટી સર્વિસ એજન્સી સામે ગંભીર આરોપ. 5 કર્મચારીઓનો ફરી સમાવેશ નહિ કરવામાં આવે તો આવતા દિવસોમાં ઉગ્ર આંદોલનની શકયતા.

અમદાવાદમાં ચાઇનીઝ દોરી સામે પોલીસનું અભિયાન

અમદાવાદમાં ચાઈનીઝ દોરીને લઈને પોલીસે એક્શન પ્લાન તૈયાર કર્યો. ઇ કોમર્સ વેબસાઈટ પર પોલીસે તપાસ શરૂ કરી. સાયબર ક્રાઇમની ટીમે વેબસાઈટ પર સર્ચ કર્યું. ઇ કોમર્સ વેબસાઈટ પર ઓનલાઈન ચાઈનીઝ દોરી ખરીદી કરવામાં આવે છે. ઇ કોમર્સ વેબસાઈટને પોલીસે નોટિસ પાઠવી. પોલીસ કમિશનરએ જાહેરનામું બહાર પડ્યું હતું. ચાઈનીઝ દોરી,  પ્લાસ્ટિક દોરી તથા ચાઈનીઝ તુક્કલ પર પ્રતિબંધ લગાવ્યો. ચાઈનિઝ દોરી, સિન્થેટિક પદાર્થ કોટિંગ અને નોન બાયોડિગ્રેબલ દોરી ઉત્પાદન વેચાણ અને ઉપયોગ પર પ્રતિબંધ.

વાંચો 03.00 વાગ્યા સુધીના મહત્ત્વના સમાચાર

1. Surat: ઉત્રાણમાં દેહવ્યાપાર પર પોલીસની રેડ, પનવેલ હોટલમાંથી થાઈલેન્ડની 7 યુવતી ઝડપાઈ 

2. Parliament: સંસદની ગરિમા જાળવવી એ...સ્પીકરે આપી સલાહ, લોકસભા અનિશ્ચિતકાળ સુધી સ્થગિત 

3. Om Prakash Chautala: હરિયાણાના પૂર્વ CM ઓમ પ્રકાશ ચૌટાલાનું નિધન 

4. Duplicate Certificate: 4 હજાર રૂપિયામાં ડૉક્ટર બનાવવાના રેકેટમાં મોટો ઘટસ્ફોટ 

5. Banaskantha : 'બોગસનો' ખેલ યથાવત! પાલનપુરમાં બોગસ આધારકાર્ડને લઈ તપાસનો ધમધમાટ શરૂ 

6. Surat: સુધરે એ બીજા, કન્ટેનર ભરીને 11.52 લાખ રૂપિયાની ચાઈનીઝ દોરી ઝડપાઈ 

7. Lokayukt Raid: 2.85 કરોડ કેશ, ચાંદીના બિસ્કિટ, 4 SUV..પૂર્વ કોન્સ્ટેબલની સંપત્તિએ ચોંકાવ્યા 

8. 2024માં 4 કેસ, રાહુલ ગાંધી વિરુદ્ધ 2014થી અત્યાર સુધી કેટલા કેસ થયા? 

9. Meerut: પ્રદીપ મિશ્રાની કથામાં દોડધામ, અનેક બાળકો, મહિલાઓ, વૃદ્ધો કચડાયા 

10. Spipa : રાજ્યના અધિકારીઓ-કર્મચારીઓને સુશાસન માટે તૈયાર કરતી એકમાત્ર સંસ્થા 

વાતાવરણ અંગે હવામાન વિભાગની આગાહી 

વાતાવરણ અંગે હવામાન વિભાગે આગાહી કરતા જણાવ્યું કે, 24 કલાક સુધી ઠંડીનું યલો એલર્ટ રહેશે. રાજકોટ, પોરબંદર અને કચ્છમાં કોલ્ડવેવની શક્યતા. સામાન્ય કરતા 4.5 ડિગ્રીનો ઘટાડો થતા કોલ્ડવેવની આગાહી. નલિયામાં 6.4 ડિગ્રી, રાજકોટમાં 9.5 ડિગ્રી તાપમાન રહ્યું. અમદાવાદમાં 13.4 અને ગાંધીનગરમાં 13.3 ડિગ્રી તાપમાન. આગામી પાંચ દિવસ તાપમાનમાં વધારો થવાની શક્યતા. હાલ ઉત્તરથી ઉત્તર પૂર્વ તરફ પવન ફૂંકાતા આગામી 24 કલાક કોલ્ડ વેવની આગાહી.

અમદાવાદના રખિયાલમાં આતંક મચાવનાર ઝડપાયા

અમદાવાદના રખિયાલમાં અસામાજિક તત્વોનો આતંક મુદ્દે આતંક મચાવનાર વધુ બે લુખ્ખા તત્વોની ક્રાઇમ બ્રાન્ચે ધડપકડ કરી. આરોપી અલ્તાફ અને મેહસુસ મિયાની ધરપકડ કરાઈ. બન્ને આરોપીની બાપુનગરથી ધરપકડ કરવામાં આવી. અગાઉ બે આરોપીની ધરપકડ થયેલ છે.

સુરતમાં 9 કરોડથી વધુના સોના સાથે 2 ઝડપાયા

યોગ્ય જવાબ અને ડોક્યુમેન્ટ ના મળતા સોનું જપ્ત. સીમાડા ચેકપોસ્ટ પાસે વાહન ચેકિંગમાં કાર્યવાહી. 9 કરોડથી વધુનું 15 કિલો જેટલું સોનું કબ્જે કર્યું. બન્ને કારમાં કાપડની અંદર સોનું છુપાવીને લઈ જતા. હિરેન ભટ્ટી અને મનજી ધામેલીયાને પોલીસે ઝડપ્યા. મહિધરપુરાથી ઉભેળમાં ફેક્ટરીમાં સોનું લઈ જતા હતા

મધ્ય ગુજરાતના રાજકારણને લઇ મોટા સમાચાર

કોંગ્રેસમાં વધુ એક પૂર્વ ધારાસભ્યની ઘરવાપસી, મહુધાના પૂર્વ ધારાસભ્ય ઇન્દ્રજીતસિંહની ઘરવાપસી, ઇન્દ્રજીતસિંહ પરમાર આજે કોંગ્રેસમાં જોડાશે. એક વર્ષ અગાઉ ઇન્દ્રજીતસિંહ ભાજપમાં જોડાયા હતા.

સાબરકાંઠા BZ ગ્રૂપના એજન્ટ શિક્ષકો સામે તવાઈ

સાબરકાંઠા જિલ્લામાં BZ ગ્રૂપના એજન્ટ સામે પગલા લેવામાં આવ્યા છે. CIDએ શિક્ષકની તપાસ કર્યા હોવાની મામલાને લઈને પ્રાથમિક શિક્ષણ અધિકારીએ નિવેદન આપતા જણાવ્યું કે, અમારી ટીમને સ્કૂલમાં મોકલ્યા હતા જેમાં સ્કૂલમાં શિક્ષક હાજર હોવાને લઈને એવી કોઈ વાત અમારા ધ્યાને આવી નથી. જુના બળવંતપુરા પ્રાથમિક શાળાની શિક્ષિકાની વાતને લઈને કારણદર્શક નોટિસ ફટકારી અને ખાતાકીય તપાસ સોંપવામાં આવી છે.

રાજકોટવાસીઓ બહાર ખાવા જતા પહેલા રહેજો સાવધાન

રાજકોટ મહાનગરપાલિકાના ફૂડ વિભાગની કાર્યવાહી. ભગવતીપરા વિસ્તારમાં ડી કે ગૃહ ઉદ્યોગમાં તપાસ, 175 કિલો અખાદ્ય અને વાસી ફ્રેમ્સનો જથ્થો જપ્ત કરી સ્થળ ઉપર નાશ કરવામાં આવ્યો. શહેરના વિવિધ વિસ્તારોમાં ફૂડ વિભાગની ચકાસણી, 12 નમૂના લેવામાં આવ્યા, 9 ધંધાર્થીઓને લાઇન્સસ મામલે નોટિસ ઇસ્યુ કરવામાં આવી. કાલાવાડ રોડ સ્થિત પ્રેમવતીમાંથી મોહનથાળ, મગજ લાડુ લુઝ, તેમજ ઢેબર રોડ ઉપર આવેલા સ્વામી પ્રસદમમાંથી મગજ લાડુ, અડદિયાના નમુના લેવામાં આવ્યા.

અમદાવાદમાં પ્રતિબંધિત ઈ-સિગારેટનો જથ્થો ઝડપાયો

અમદાવાદમાં ઇલેક્ટ્રિક સિગારેટ વેપના જથ્થા સાથે વસ્ત્રાપુર પોલીસે એક યુવકને ઝડપ્યો. મોજશોખ માટે યુવકે ઓનલાઇન મંગાવ્યો હતો ઈ સિગરેટ વેપનો જથ્થો. અલગ અલગ ફ્લેવરની 27 ઈ-સિગરેટ સહિત 5.27 લાખનો મુદ્દામાલ કબજે કરી વસ્ત્રાપુર પોલીસે ગુનો નોંધ્યો.

31 ડિસેમ્બરની ઉજવણીને લઇ પોલીસની તૈયારીઓ

અમદાવાદ પોલીસે શરુ કરી તૈયારીઓ. શહેરમાં આંતર જિલ્લા 13 ચેક પોસ્ટ શરુ કરાઇ. ચેક પોસ્ટ પર બહારથી આવતા વાહનોનું ચેકિંગ. ઉજવણીના સ્થળોએ SHE ટીમ તૈનાત રહેશે.  ખાનગી કપડામાં પોલીસકર્મીઓ હાજર રહેશે. પોલીસ દ્વારા સરપ્રાઇઝ ચેકિંગ કરવામાં આવશે. પોલીસે જણાવ્યું કે, ડ્રગ્સ કેસના આરોપીઓ અંગે તપાસ ચાલુ. બુટલેગર સહિતના આરોપીઓ સામે કાર્યવાહી. ડ્રીંક એન્ડ ડ્રાઇવ ન થાય તે માટે પોલીસ સતર્ક. 6 હજારથી વધુ પોલીસકર્મી તૈનાત કરાશે.

આણંદના સ્મશાનમાં કબરો ખોદી નાખતા રોષ

આણંદના બોરિયાવી ગામમા રાવળ સમાજે પાલિકા સામે ધરણાં કર્યા. રાવળ સમાજના સ્મશાનમાં કબરો ખોદી નાખતા વિરોધ. ગટર લાઇન માટે કબરો ખોદી નાખવામાં આવી. કબરોમાંથી મૃતદેહોના અવશેષો બહાર ફેંકી દેવાયા. રાવળ સમાજે મૃતદેહોના અવશેષો નનામીમાં મૂકી ધરણા કર્યા. મહિલાઓએ છાજીયા લઈ પાલિકાનો વિરોધ કર્યો.

મોરબી શિક્ષક સામે જાતીય સતામણીની ફરિયાદ

મોરબીમાં ખાનગી ક્લાસિસના સંચાલક સામે ગુનો નોંધાયો. રવિન્દ્ર ત્રિવેદી નામના શિક્ષક સામે જાતીય સતામણીનો ગુનો નોંધાયો. ક્લાસિસમાં આવતી સગીરા સાથે અડપલા કર્યાનો બી ડિવીઝન પોલીસમાં ગુનો નોંધાયો. પોલીસે આરોપી રવિન્દ્ર ત્રિવેદીની અટકાયત કરવા ચક્રો ગતિમાન કર્યા. આરોપી ઉપર સગીરાના પરિવારે હુમલો કર્યાના આક્ષેપ સાથે આરોપી ખાનગી હોસ્પિટલમાં દાખલ.

ગૂજરાત વિદ્યાપીઠમાં RSSના કાર્યક્રમને લઈ વિવાદ

અમદાવાદ સ્થિત ગૂજરાત વિદ્યાપીઠમાં RSSના કાર્યક્રમને લઈ વિવાદ થયો છે. ગૂજરાત વિદ્યાપીઠમાં કુલનાયક રહી ચૂકેલા સુદર્શન આયગરે નિવેદન આપતા જણાવ્યું કે, ગૂજરાત વિદ્યાપીઠમાં આયોજિત RSSનો કાર્યક્રમ અયોગ્ય અને વિવેકેહીન પણ છે. RSSને ગાંધી વિચાર સાથે મેળ નથી, સુદર્શન આયગર હાલ ધરમપુર સ્થિત આર્ચ સંસ્થામાં કાર્યરત છે.

હરિયાણાના પૂર્વ CM ઓમપ્રકાશ ચૌટાલાનું નિધન

89 વર્ષની વયે ઓમપ્રકાશ ચૌટાલાનું નિધન થયું છે. 5 વખત હરિયાણાના મુખ્યમંત્રી રહી ચૂક્યા છે.

રાજ્યમાં ટેકાના ભાવે મગફળી ખરીદી માટે કેન્દ્રમાં વધારો

રાજ્યમાં ટેકાના ભાવે મગફળી ખરીદી વચ્ચે મહત્વના સમાચાર સામે આવ્યા છે. ટેકાના ભાવે મગફળી ખરીદી માટે કેન્દ્રોમાં વધારો થયો. રાજ્યભરમા 180 કેન્દ્રો પર મગફળી ખરીદી શરૂ કરાઈ. ગુજકોમાસોલ દ્વારા 12 નવા કેન્દ્રો શરૂ કરવામાં આવ્યા. મગફળી ખરીદીમાં જોડાયેલી અન્ય એજન્સીઓએ પણ કેન્દ્રો વધાર્યા. રાજકોટ તથા જૂનાગઢમાં 5-5 નવા કેન્દ્રો શરૂ થયા. મગફળી ખરીદીમાં રૂપિયા 860 કરોડની ચૂકવણી. ધીમી મગફળી ખરીદીની ઉઠેલી ફરિયાદ બાદ કેન્દ્રોમાં વધારો થયો.

મહેસાણાના વિજાપુર હિંમતનગર હાઇવે દેરોલ બ્રિજ પર અકસ્માત સર્જાયો 

હાઈવે પર રાતના સમયે અકસ્માત સર્જાયો. કન્ટેનર અને ટ્રક વચ્ચે સામ-સામે અકસ્માત સર્જાતા ટ્રાફિક જામ સર્જાયો. રાત્રે 1:00 વાગ્યાથી સવાર સુધી ટ્રાફિક જામ થતા વેપાર ધંધા માટે અને નોકરીએ જવા વાળા લોકો હેરાન થયા. અકસ્માત સર્જાતા ટ્રક ચાલકોને આખી રાત રોડ પર વિતાવવી પડી. 5 કિલોમીટર જેટલી લાંબી લાઈનો જોવા મળી. હિંમતનગર જતા આવતા લોકો અટવાયા.

બારડોલી શહેરમાં કાદવમાં નીકળી અંતિમયાત્રા

સુરતના બારડોલી નગરપાલિકાએ ગટર લાઈન માટે રસ્તો ખોડી નાખતા સ્થાનિકોને હાલાકી. નગરના મુખ્ય માર્ગ નજીક બેન્ડ વાલા ટેકરા પાસે રસ્તો ખોદી નાખ્યો. બેન્ડ વાળા ટેકરા પાસે રસ્તો ખોદી નાખતા મૃતકની સ્મશાન યાત્રા કાઢવામાં તકલીફ. વહીવટી તંત્રના પાપે લોકો પરેશાન. બીજો કોઈ વૈકલ્પિક માર્ગ પણ નથી. છેલ્લા 15 દિવસથી રસ્તો ખોદ્યા હોવા છતાં કોઈ કામગીરી કરાઈ નથી.

પોલીસ ભરતીને લઈ મહત્વના સમાચાર

8 જાન્યુઆરીથી શરુ થઇ શકે શારીરિક કસોટી. અંદાજે બે મહિના ચાલશે શારીરિક કસોટી. ભરતી બોર્ડે મેદાન તૈયાર કરવા આપી સૂચના. ભરતી બોર્ડ ઝડપથી જ તારીખ જાહેર કરશે.

વાંચો 12.00 વાગ્યા સુધીના મહત્ત્વના સમાચાર

1. Gujarat Weather: રાજ્યમાં કડકડતી ઠંડીનો ચમકારો, 20 જિલ્લાઓમાં તાપમાન 15 ડિગ્રીથી નીચું 

2. Jaipur : CNG ટેન્કર અને ટ્રક વચ્ચે ભયંકર અથડામણ,પાંચ લોકોના કરૂણ મોત 

3. Jamnagar: મોડી રાત્રે પોલીસની મેગા ડ્રાઈવ, દેશી દારૂનો જથ્થો જપ્ત કરાયો 

4. Delhi Bomb Threat: સ્કૂલને ફરીથી બોમ્બથી ઉડાવી દેવાની મળી ધમકી 

5. Weather: ગાઢ ધુમ્મસના કારણે હવાઈ મુસાફરીને અસર, 5 ઈન્ટરનેશનલ ફલાઇટ લેટ 

6. Share Market Opening: શેરબજારની નબળી શરૂઆત, સેન્સેક્સમાં 119 પોઇન્ટનો ઘટાડો 

7. BZ ગ્રૂપના 6000 કરોડના કૌભાંડમાં CIDની ટીમે સરકારી શિક્ષકની ધરપકડ કરી 

8. Pune: દરરોજ નવો મુદ્દો ઉઠાવાઇ રહ્યો છે, આવુ કેમ બોલ્યા મોહન ભાગવત? 

9. Morbi: બોગસ ડોક્ટર ઝડપાયા, ડિગ્રી વગર ક્લિનિક ખોલી લોકોના આરોગ્ય સાથે ચેડાં 

10. Amreli: રાજુલા 108 એમ્બ્યુલન્સની ટીમને EMRI ગ્રીન હેલ્થ સર્વિસીસ દ્વારા નેશનલ એવોર્ડ 

વાપીમાં પોન્ઝી સ્કીમ આપી કરોડોનું કૌભાંડ

વલસાડ જિલ્લાના વાપીમાં અનેક ઘણું વળતર આપવાની લાલચ આપી ફુલેકું ફેરવવાનું  કૌભાંડ સામે આવ્યું છે. ઔદ્યોગિક નગરી વાપીમાં શ્રી સારણેશ્વર ક્રેડિટ કો ઓપરેટિંગ સોસાયટીની ઓફિસમાં તાળા લાગ્યા. લાખોનું ઉઘરાણું કરી સંચાલકો ફરાર થયા. છેલ્લા 10 વર્ષથી બેંકની જેમ ઓફિસ કાર્યરત હતી. વાપીના હજારો રોકાણકારોના કરોડો રૂપિયા જમાં હતા. રોકાણકારોની સાથે એજન્ટોના પણ કરોડો રૂપિયા ફસાયા. ઠગાયેલ રોકાણકારોએ પોલીસ ફરિયાદ કરવાની તજવીજ હાથ ધરી. રોકાણકારોમાં મોટે ભાગે કંપનીઓમાં કામ કરતા કામદારો હતા. કૌભાંડનો આંકડો કરોડોમાં જવાની શકયતા.

સુરતમાં પ્રતિબંધિત ચાઈનીઝ દોરી ભરેલું કન્ટેનર પકડાયું

સુરતના ડિંડોલીમાંથી ઉતરાણ પેહલા ચાઈનીઝ દોરીનું કન્ટેનર ઝડપાયું. ઝોન-3 ની ટીમે પ્રતિબંધિત 11.52 કિંમતના જથ્થા સાથે એક આરોપીને ઝડપી લીધો. કુલ 2280 નંગ સીંથેથિક દોરીનો જથ્થો કબ્જે કરવામાં આવ્યો. પાંડેસરાથી માલ ભરી અમદાવાદ લઇ જવામાં આવતો હતો જથ્થો. લોકોના જીવ લેનાર દોરીનો પ્રતિબંધ હોવા છતાં દોરી ઘૂસાડવાનો પ્રયાસ કરવામાં આવ્યો.

31 ડિસેમ્બર પહેલા દારૂ ઘુસાડવા નવો કીમિયો

વલસાડ રૂરલ પોલીસે સુગર ફેકટરીના બ્રિજ પાસેથી દારૂ ઝડપી પાડયો. CNGના બાટલામાંથી દારૂ ઝડપાયો. દારૂ દમણથી ભરી સુરત તરફ જઈ રહ્યો હતો. રૂ.7,800 ભારતીય બનાવટના વિદેશી દારૂનો જથ્થો ઝડપી પાડ્યો. દારૂ સાથે 5 ઇસમોની ધરપકડ કરી વધુ તપાસ હાથ ધરી.

Share Market Opening: શેરબજારની નબળી શરૂઆત, સેન્સેક્સમાં 119 પોઇન્ટનો ઘટાડો

ભારતીય શેરબજારના બેન્ચમાર્ક સૂચકાંકો BSE સેન્સેક્સ અને નિફ્ટી 50ની શુક્રવારે મિશ્ર શરૂઆત થઈ હતી. વૈશ્વિક સંકેતોના આધારે આ વલણ જોવામાં આવ્યું હતું. કારોબારી સપ્તાહના છેલ્લા દિવસે પણ માર્કેટમાં જૈસે થૈની સ્થિતિ જોવા મળી. શેર બજાર સવારે 9.30 કલાકે લાલ નિશાનમાં ખૂલ્યું. સેન્સેક્સ 119 પોઇન્ટના ઘટાડા સાથે 79,098 અંકે ખૂલ્યો જ્યારે નિફ્ટી 27.80 પોઇન્ટના ઘટાડા સાથે 23,923 અંકે ખૂલ્યો હતો. 

અમદાવાદમાં શેર માર્કેટમાં નફાની લાલચે છેતરપિંડી

અમદાવાદમાં શેર માર્કેટમાં નફાની લાલચે UGVCLના નિવૃત કર્મચારી સાથે છેતરપિંડીનો બનાવ બન્યો. 36.69 લાખની રકમ અલગ અલગ ખાતામાં ભરાવી છેતરપિંડી આચરી, રોકાણ કે વળતર પરત ન આપી આરોપીઓએ વૃદ્ધને ઠગ્યા. 62 વર્ષીય અજયભાઈ વખારીયાએ સાયબર ક્રાઈમમાં નોંધાવી ફરિયાદ.

કલેક્ટર વિડિયો કોન્ફરન્સમાં મોબાઇલ પર પ્રતિબંધ 

તમામ આઈએસ અધિકારીઓએ પોતાના મોબાઈલ ફોન બહાર મૂકયા. હોલ બહાર જ બોર્ડ લગાવવામાં આવ્યું કે મીટિંગ હોલમાં મોબાઇલ પર પ્રતિબંધ છે. અગાઉ ચાલું મીટિંગે અધિકારીઓ મોબાઈલ પર વાતો કરતા હોવાના કારણે અને મોબાઈલ લઈને મીટિંગની બહાર જતા હોવાથી આ વખતે આ નિર્ણય લેવાયો.

સુરત જિલ્લા વકીલ મંડળની ચૂંટણી 

આજે સુરત જિલ્લા વકીલ મંડળની ચૂંટણી. સવારથી જ મતદાનને લઇ વકીલોમાં ઉત્સાહ. કોર્ટને જિયાવ ખાતે નહિ ખસેડવાનો મુદ્દો ધ્યાનમાં લઇ મતદાન કરવામાં આવી રહ્યું છે. મરઘાં કેન્દ્ર પર કોર્ટની જગ્યા ફળવામાં આવે તેવી માંગ. કુલ 4978 વકીલો મતદાર મત આપશે. કુલ 42 પદ માટે મતદાન કરવામાં આવી રહ્યું છે.

પોરબંદર પાલિકાએ ઢોલ-નગારાના સાથે વેરો ઉઘરાવ્યો

પોરબંદર પાલિકા દ્વારા અનોખી વેરા વસૂલી કરવામાં આવી. છાયામાં રહેતા એન.આર.આઈ. લોકોના ઘરે જઈ ઢોલ નગારા સાથે વેરા વસુલી કરવામાં આવી. પાલિકાના કર્મચારીઓ દ્વારા ઢોલ નગારા સાથે વેરો વસુલવા નિકલતાજ સ્થળ પર જ 72 હજારનો વેરો ભરાયો. જેમાં ત્રણ મકાનોને સીલ કરવાની પણ કામગીરી કરવામાં આવી.

Pune: દરરોજ નવો મુદ્દો ઉઠાવાઇ રહ્યો છે, આવુ કેમ બોલ્યા મોહન ભાગવત?

જ્યારે કાશી અને મથુરામાં મંદિર અને મસ્જિદનો વિવાદ કોર્ટમાં પેન્ડિંગ છે, ત્યારે સંભલનો મામલો હેડલાઇન્સમાં રહે છે. દરમિયાન, આવા ઘણા કિસ્સાઓ પ્રકાશમાં આવી રહ્યા છે જેમાં ધાર્મિક માળખાને લઈને સવાલો ઉભા થઈ રહ્યા છે. રાષ્ટ્રીય સ્વયંસેવક સંઘ (RSS)ના વડા મોહન ભાગવતે અનેક મંદિર-મસ્જિદ વિવાદોના પુનરુત્થાન પર ચિંતા વ્યક્ત કરી છે. તેમણે કહ્યું કે દરરોજ એક નવો મામલો સામે આવી રહ્યો છે, તે યોગ્ય નથી. પૂણેમાં આયોજિત સહજીવન વ્યાખ્યાન શ્રેણીમાં 'ભારત-વિશ્વગુરુ' વિષય પર વ્યાખ્યાન આપતાં તેમણે આ વાત કહી.

સુરેન્દ્રનગરના સાયલામાં ઝડપાયું ગાંજાનું વાવેતર

સાયલાના ધજાળા ગામેથી ગાંજાનું વાવેતર ઝડપાયું. નશાના વાવેતરનો પર્દાફાશ થયો. વાડીમાં એરંડાના પાકની આડસમાં ગાંજો વાવ્યો હતો. બે દિવસમાં SOGનો બીજો દરોડો. બે દિવસ અગાઉ પણ ગંગાજળ ગામેથી ગાંજાનું વાવેતર ઝડપાયું હતું. સ્થાનિક ધજાળા પોલીસની કામગીરી સામે અનેક સવાલો ઉઠવા પામ્યા. SOG દ્વારા 4 કિલોથી વધુ લીલા ગાંજાના 13 છોડ જપ્ત કરાયા. ગાંજો વાવનાર આરોપી સુમીત ઉર્ફે સુમો મેણીયાને  ઝડપી લેવાયો. પોલીસે રુ.41500નો મુદ્દામાલ કબ્જે કર્યો. આરોપી વિરુદ્ધ NDPS એકટ હેઠળ ગુનો દાખલ.

મુખ્યમંત્રીની અધ્યક્ષતામાં કલેકટર, DDO કોન્ફરન્સ 

મુખ્યમંત્રીની અધ્યક્ષતામાં કલેકટર ડીડીઓ કોન્ફરન્સ યોજાશે. તમામ જિલ્લાઓના કલેક્ટર અને ડીડીઓ આજે ગાંધીનગરમાં હાજર રહેશે. સરકારી જમીન ઉપરના દબાણો, લેન્ડ ગ્રબિંગના કેસો, સરકારી ઠરાવોના અમલીકરણ, યોજનાઓનો લાભાર્થીઓનો વ્યાપ બાબતો પર ચર્ચા થશે. સ્થાનિક સ્વરાજ્યની ચૂંટણીઓ પહેલા આ કોન્ફરન્સ મહત્વની છે. વર્તમાન જંત્રી, વિકાસ કામોનું અમલીકરણ, ઓનલાઈન કામગીરી જેવા મુદ્દાઓ પર સમીક્ષા થશે. સરકારી જમીન પર દબાણ, લેન્ડ ગ્રેબિંગના કેસો, યોજનાઓના અમલિકર સહિતના વિષયો ચર્ચાશે.

વડનગરમાં 24 ડિસેમ્બરે સુશાસન દિવસની ઉજવણી

મહેસાણા જિલ્લાના વડનગર ખાતે 24મીએ સુશાસન દિવસની ઉજવણી. સીએમ ભૂપેન્દ્ર પટેલ 24મી એ પદયાત્રામાં હાજર રહી શકે છે. 7 કિ.મી. પદયાત્રાને લઈને તંત્ર દ્વારા તૈયારીઓ શરૂ કરાઈ. વડાપ્રધાનના જીવનકાળ સાથે સંકળાયેલા સ્થળો પદયાત્રામાં આવરી લેવાશે. જન્મ સ્થળ, શાળા, તળાવ, રેલવે સ્ટેશન રૂટ પર પદયાત્રા યોજાશે. 24 ડિસેમ્બરે સવારે 8:00 કલાકે શરૂ થશે પદયાત્રા. પદયાત્રામાં મંત્રીઓ સાથે ધારાસભ્યો પણ જોડાશે. પદયાત્રા તાનારીરી ગાર્ડનથી પ્રસ્થાન કરશે. ઘાસકોળ દરવાજા, રેલવે સ્ટેશન, મેડિકલ કોલેજ, અમરથોળ દરવાજાથી પરત તાનારીરી ગાર્ડન આવશે.

Amreli: રાજુલા 108 એમ્બ્યુલન્સની ટીમને EMRI ગ્રીન હેલ્થ સર્વિસીસ દ્વારા નેશનલ એવોર્ડ

ગુજરાત સરકાર દ્વારા કાર્યરત અને EMRI ગ્રીન હેલ્થ સર્વિસીસ દ્વારા સંચાલિત અમરેલી જિલ્લાના રાજુલા તાલુકાની 108ની ટીમને રાષ્ટ્રીય કક્ષાએ એવોર્ડ આપી સન્માનિત કરવામાં આવ્યા છે. 

બરોડા બાર એસોસિએશનની ચૂંટણી માટે મતદાન

આજે બરોડા બાર એસોસિએશનની ચૂંટણી માટે મતદાન યોજાશે. 18 બેઠકો પર 43 ઉમેદવાર મેદાનમાં. પ્રમુખ પદ માટે નલિન પટેલ સહિત બે ઉમેદવાર. અન્ય હોદ્દા માટે 41 ઉમેદવારો, 7 સીસીટીવીની મદદથી મતદાન પર નજર રખાશે. 3845 વકીલો મતદાન કરશે. મતદાર વકીલોને આકર્ષવા વિવિધ નુસખા અજમાવવામાં આવી શકે છે. મોડી રાત સુધી પરિણામ જાહેર થાય તેવી શકયતા.

રાજકોટ બાર એસોસિએશનની ચૂંટણી

54 ઉમેદવારોએ ચૂંટણીમાં ઉમેદવારી નોંધાવી. સમરસ, કાર્યદક્ષ અને એક્ટિવ પેનલ વચ્ચે જંગ. 3,699 મતદારો ચૂંટણીમાં મતદાન કરશે. પ્રમુખ પદ માટે 6 ઉમેદવાર મેદાનમાં. આજે સાંજે મતગણતરી હાથ ધરાશે. તમામ મતદારોને આઇડી કાર્ડ સાથે રાખવા સૂચના.

સુરત શહેરમાં હત્યાનો વધુ એક બનાવ 

ઇચ્છાપોર વિસ્તારના કવાસ ગામમાં હત્યાનો બનાવ. 26 વર્ષય સંજય સોનવણે નામના યુવકની ચપ્પુના ઘા જીકી હત્યા કરવામાં આવી. અજાણ્યા ઈસમ દ્વારા હત્યા કરવામાં આવી. હત્યાને અંજામ આપી હત્યારો ફરાર થયો. હત્યાનું કારણ અકબંધ. ઇચ્છાપોર પોલીસે હત્યાનો ગુનો નોંધી વધુ તપાસ હાથ ધરી.

રાજકોટ દક્ષિણમાં પણ અશાંતધારો લાગુ કરવા માગ

રાજકોટ પશ્ચિમ બાદ દક્ષિણમાં પણ અશાંતધારો લાગુ કરવા માગ. પશ્ચિમના ધારાસભ્ય બાદ દક્ષિણના ધારાસભ્ય રમેશ ટીલાળા દ્વારા કલેક્ટરને રજૂઆત કરવામાં આવી. સ્થાનિક વ્યક્તિઓને સાથે રાખી વોર્ડ નંબર 7, 8 અને 14માં અશાંતધારો લાગુ કરવાની કરી રજૂઆત. ધાર્મિક સ્થળો પાસે નોનવેજની હાટડીઓના ત્રાસથી મુક્તિ અપાવવા કરી માગ.

દેશમાં પ્રથમવાર સુરત મનપા IPO લોન્ચ કરશે 

દેશમાં પ્રથમવાર SMC IPO લોન્ચ કરશે. રૂપિયા 200 કરોડનું ફંડ મેળવવા માટેનો પ્રયાસ. SMC શેરબજારમાં IPO લોન્ચ કરશે. ગાંધીનગરથી મંજૂરીની મ્હોર મળતા આગળ વધશે.  

SEBIના નિયંત્રણ હેઠળ સ્ટોક માર્કેટમાં લિસ્ટ થશે. પબ્લિક IPO લાવનારી દેશની પ્રથમ સુરત મહાનગર પાલિકા બનશે. ગ્રીન બોન્ડ માટે પ્રાઈવેટ કે બેંકિગ ફંડને બદલે પબ્લિક સેક્ટર પાસે જશે. ફંડ મેળવી વ્યાજને બદલે ડિવિડન્ડ ચુકવાશે. રાજ્ય સરકારની મંજૂરી મેળવવા ફાઈલ ગાંધીનગર મોકલાઈ. દેશમાં ગ્રીન બોન્ડનો પબ્લિક ઈસ્યુ કરનાર પ્રથમ મહાનગરપાલિકા બનશે.

બનાસકાંઠાના થરાદમાં અકસ્માતમાં 2 મહિલાના મોત

બનાસકાંઠાના થરાદના સણઘર નજીક આર્મીની ગાડીએ બાઇકને ટક્કર મારતા બે મહિલાઓના મોત. થરાદ સારવાર કરાવી એક જ બાઇક ઉપર 4 લોકો પરત ફરી રહ્યા હતા ત્યારે આર્મીની ગાડીએ પાછળથી બાઇકને ટક્કર મારી. અકસ્માતમાં એક મહિલાનું ઘટના સ્થળે જ મોત નીપજ્યું તો અન્ય એકનું સારવાર દરમિયાન મોત નીપજ્યું. તો બાઈક સવાર અને ત્રણ વર્ષની બાળકીને ઇજાઓ પહોંચતા સારવાર અર્થે ખસેડાયા. થરાદ પોલીસે આર્મીની ગાડીના ચાલક વિરુદ્ધ ફરિયાદ નોંધી વધુ તપાસ હાથ ધરી.

BZ ગ્રૂપના 6000 કરોડના કૌભાંડમાં મોટા સમાચાર

સાબરકાંઠામાં સીઆઈડી ક્રાઈમે બીઝેડ મામલે હિંમતનગરથી પ્રાંતિજના પ્રાથમિક શિક્ષકને ઉઠાવ્યો. મોડી સાંજે સીઆઈડીની ટીમે બે શખ્શોને ઉઠાવ્યા. સરકારી પ્રાથમિક શિક્ષકની ફરજ પર હોવા છતાં બીઝેડ ગ્રુપની ઓફિસમાં કામ કરતો હતો. ભૂપેન્દ્ર ઝાલાના મદદનીશ તરીકે કામ કરતો હોઈ કૌભાંડમાં અનેક ખુલાસા થવાની શક્યતા. જિલ્લા પંચાયત અને શિક્ષણના સ્થાનિક અધિકારીઓનું ભૂપેન્દ્ર ઝાલા માટે લાયઝનીંગ કરતો હતો. શિક્ષક ઉપરાંત ભૂપેન્દ્ર ઝાલાના એક ઓફિસ બોયને પણ ઉઠાવ્યો. અનેક શિક્ષકો અને અધિકારીઓને બીઝેડ પોન્ઝી સ્કીમમાં રોકાણ કરાવ્યું. સીઆઈડીની ટીમ બંને શખ્સોને ગાંધીનગર લઈ ગઈ. બંનેની બીઝેડ મામલે ગાંધીનગરમાં પૂછપરછ હાથ ધરાશે. ભૂપેન્દ્ર ઝાલા ક્યાં સંતાયો છે એ સવાલનો જવાબ મેળવવા આકરી પૂછપરછ થશે. મદદનીશ હોવાને લઈ વધારાના સીમકાર્ડ અને મોબાઈલ ફોન અંગેની જાણકારી હોવાની આશંકા.

ગુજરાતી ફિલ્મ જગતને સેન્સર બોર્ડની ઓફિસ ગુજરાતમાં મળે તે માટે રજુઆત

દિલ્હી ખાતે ગુજરાત પ્રદેશ ભારતીય જનતા પાર્ટી સાંસ્કૃતિક સેલના કન્વીનર બિહારીભાઈ ગઢવી તથા જનકભાઈ ઠક્કર સાથે ટીમના સભ્યો અરવિંદ વેગડા, મહર્ષિ દેસાઈ અને રાકેશ પૂજારા મળીને ગુજરાતી ફિલ્મ જગતને સેન્સર બોર્ડની ઓફિસ ગુજરાતમાં મળે તેની રજૂઆત કરવામાં આવી. સી.આર. પાટીલ, પુરુષોત્તમ રૂપાલા અને કેન્દ્રીય મંત્રી અશ્વિની વૈષ્ણવને રજુઆત કરવામાં આવી.

રાજ્યભરમાં ધૂમ્મસના માહોલ વચ્ચે હવાઈ મુસાફરી પર વર્તાઈ અસર

અમદાવાદ એરપોર્ટ પર 5 ઈન્ટરનેશનલ ફલાઇટ સહિત 30 ડોમેસ્ટિક ફલાઇટના શિડ્યુલ ખોરવાયા. ધૂમ્મસને કારણે સમયસર ફલાઇટ હવાઈ ઉડાણ ભરી ન શકતા પેસેન્જરોની મુશ્કેલી વધી. ફલાઈટની ઉડાણની રાહ જોવામાં પેસેન્જરોએ એરપોર્ટ પર રાત ગુજારવી પડી. બેગલુરું, કુવૈત સીટી, કોલકાતા, મુંબઈ, દિલ્હી, ગોવા, ચંદીગઢ સહીત ફ્લાઈટના શિડ્યુલ ખોરવાયા. આકાશ એરની બેંગલુરુની ફલાઇટ લેટ, મુંબઈની 3 કલાક લેટ, ગોવાની 4 કલાક લેટ થતા પેસેન્જરો થયા હેરાન.

જામનગરમાં મોડી રાત્રે પોલીસની મેગા ડ્રાઈવ

જામનગર શહેરમાં ગતરાત્રીએ પોલીસની મેગા ડ્રાઇવ યોજાઈ. જામનગર દિગ્જામ સર્કલ નજીક ઝૂંપડપટ્ટી વિસ્તારમાં પોલીસનું સર્ચ ઓપરેશન. Dysp જયવીરસિંહ ઝાલા,  PI, PSI સહિતનો પોલીસ કાફલો ઝુપડપટ્ટી વિસ્તારમાં પોલીસનું સર્ચ ઓપરેશન હાથ ધર્યું. ઝુંપડપટ્ટી વિસ્તારમા દેશી દારૂનો જથ્થો મળી આવ્યો. આ કાર્યવાહી કરવામા આવતા લુખ્ખા તત્વોમાં ભારે દોડધામ મચી.

વલસાડમાં મેગા બ્લોકને લઈ ટ્રેન વ્યવહારને અસર

સુરત રેલવે સ્ટેશનથી અવર જવર કરતી 27 ટ્રેનોને અસર. અપ-ડાઉન કરતી ટ્રેનોને અસર થશે. 21, 22, 23 ડિસેમ્બરે વલસાડ ખાતે મેગા બ્લોક, સુરતમાં 27 ટ્રેનોમાંથી 4 ટ્રેન રદ કરાઈ. 2 શોર્ટ ટર્મિનેટ તો 21 ટ્રેન મોડી ચાલશે. વલસાડ સ્ટેશન પર પુલ 330ના ગર્ડર નો પ્રિ-કાસ્ટ PSC સ્લેબમાં બદલવા માટે પશ્ચિમ રેલવેએ બ્લોક મૂક્યો છે. બ્લોકને પગલે સુરતથી અવર જવર કરતી 27 ટ્રેનોને સીધી અસર થશે. ટ્રેનોને અસર થતા મુસાફરોને હાલાકી પડશે. આવતી કાલથી 15 ટ્રેનો 20 થી દોઢ કલાક મોડી ચાલશે.

સુરતમાં દુષ્કર્મી સાવકા પિતાને કોર્ટે ફટકારી સજા

સુરતના કાપોદ્રામાં 12 વર્ષની દીકરી સાથે દુષ્કર્મ મામલે દુષ્કર્મ આચરનાર સાવકા પિતાને અંતિમ શ્વાસ સુધી સજા ફટકારવામાં આવી. 30 વર્ષય રાજુ નામના નરાધમને સજા ફટકારવામાં આવી. મોબાઈલના વિડિઓના આધારે સમગ્ર હકીકત બહાર લાવામાં આવી હતી.

અમદાવાદમાં વહેલી સવારથી ધુમ્મસ 

અમદાવાદમાં ધુમ્મસનું પ્રમાણ વધી રહ્યું છે. આજે વહેલી સવારથી જ અમદાવાદમાં ધુમ્મસની ચાદર છવાઈ છે. ધુમ્મસના કારણે વાહન ચાલકોને હાલાકીનો સામનો કરવો પડી રહ્યો છે. શહેરીજનો વાહનોની હેડલાઇટ્સ ચાલુ રાખી પસાર થઈ રહ્યા છે.

ઉનાના 5 બુટલેગર પાસા હેઠળ જેલ હવાલે ધકેલાયા

ગીર સોમનાથ જિલ્લાના ઉનાના પાંચ બુટલેગરોને પાસા હેઠળ જેલ ભેગા કરાયા. સનખડા ગામના પાંચેય બુટલેગરો વિરુદ્ધ ગત સપ્ટેમ્બર માસમાં ગુન્હો નોંધાયો હતો. સનખડાના માજી સરપંચ સહિતના આરોપીઓ. 17 લાખનો વિદેશી દારૂનો વિપુલ જથ્થો મળી આવેલ. જિલ્લા મેજિસ્ટ્રેટ દિગ્વિજયસિંહ જાડેજાએ કરી કાર્યવાહી. તમામ બુટલેગરોને પાસા તળે ધકેલયા. પોલીસ દ્વારા તમામની અટક કરી જુદી જુદી જેલમાં મોકલી દેવાયા.

હળવદમાં બોગસ તબીબોનો રાફડો ફાટ્યો

હળવદમાંથી 5 બોગસ તબીબો ઝડપાયાં. લીલાપુર, રાયસંગપુર, ઢવાણા, સુંદરી ભવાની, રણમલપુરથી ડિગ્રી વગરના તબીબો ઝડપાયા. ડિગ્રી વગર એલોપેથી દવાઓ દર્દીઓને આપી સ્વાસ્થ્ય સાથે ચેડાં કરતા નકલી તબીબો ઝડપાયાં. 1-સંદીપ મનુભાઇ પટેલ - લીલાપુર ગામે ક્લિનિક, 2- વાસુદેવ કાનજીભાઈ પટેલ - સુંદરી ભવાની ગામે ક્લિનિક, 3- પરીમલ ધિરેનભાઈ બાલા - રણમલપુર ગામે  ક્લિનીક, 4- પંચાનન ખુદીરામ ધરામી - રાયસંગપુર ગામે ક્લિનીક, 5- અનુજ ખુદીરામ ધરામી - ઢવાણા ગામે ક્લિનીક, દવાઓ સહિતનો મુદ્દામાલ જપ્ત કર્યો. હળવદ પોલીસે 5 લાયસન્સ વગર ક્લિનીક ચલાવતાં નકલી ડૉક્ટર ઝડપી લીધા.

વલસાડના પારડી નજીક NH 48 પર અકસ્માત

વલસાડ જિલ્લાના સુરતથી અહમદનગર જતી ખાનગી ટ્રાવેલ્સની બસને અકસ્માત નડ્યો. વલસાડ જિલ્લાના પારડી નજીક નેશનલ હાઇવે 48 પર અકસ્માત સર્જાયો. અજાણ્યા વાહન ચાલકે હાઇવે પર અચાનક બ્રેક મારતા લક્ઝરી બસ પાછળના ભાગે ધડાકા સાથે અથડાઈ હતી. ઘટનામાં પાંચથી છ જેટલા મુસાફરો સહિત બસના ક્લીનરને ઇજાઓ પહોંચી. ઘાયલ તમામને વલસાડ સિવિલ તેમજ પારડીની ખાનગી હોસ્પિટલમાં સારવાર અર્થે ખસેડાયા હતા.

રાજ્યમાં કડકડતી ઠંડીનો ચમકારો 

ઉત્તર પૂર્વના પવન ફૂંકાતા ઠંડીમાં વધારો થયો. પોરબંદર અને નલિયામાં કોલ્ડવેવની આગાહી. 20 જિલ્લાઓમાં તાપમાન 15 ડિગ્રીથી નીચું નોંધાયુ. નલિયા 5.7 ડિગ્રી તાપમાન સાથે ઠંડુગાર. 

અમદાવાદ 14.9 ડિગ્રી, ગાંધીનગર 14.1 ડિગ્રી સાથે ઠંડુ શહેર, વડોદરા 13.8 ડિગ્રી ,રાજકોટ 10.8 ડિગ્રી નોંધાયું. પોરબંદર 10.9  ડિગ્રી, મહુવા 13.5 ડિગ્રી નોંધાયું. ડીસા 12.8 ડિગ્રી, વેરાવળ 16.7 ડિગ્રી, દ્વારકા 16.2 ડિગ્રી, સુરત 15.3 ડિગ્રી નોંધાયું. કેશોદ  10.7 ડિગ્રી, અમરેલી  11.7 ડિગ્રી નોંધાયું. સુરેન્દ્રનગર 14.0 ડિગ્રી, ભાવનગર 15.4 ડિગ્રી નોંધાયું.