Gujarat Latest News Updated: પાયલે રાત્રે મેડિકલ ચેકઅપ કરાવવાથી કર્યો ઈન્કાર

પાયલ ગોટીને પોલીસ દ્વારા માર મારવાનો મામલો

મેડિકલ ટીમ પાયલ ગોટીના ઘરે પહોંચી, રાત્રે પાયલનો મેડિકલ ચેકઅપ કરાવવાથી ઈન્કાર. આવતીકાલે સવારે મેડિકલ ચેકઅપ કરાવવા પાયલ તૈયાર. પોલીસ દ્વારા સમજાવટનો પ્રયાસ

પોલીસ ટીમ અને મેડિકલ ટીમ પાયલના ઘરેથી રવાના. આવતીકાલે સવારે 10 થી 11 વાગ્યાના સમય દરમિયાન અમરેલી સિવીલ હોસ્પિટલમાં મેડીકલ ચેકઅપ કરાવવા પાયલ ગોટીએ તૈયારી દર્શાવી.

અમદાવાદના દાણીલીમડામાં થઈ મારામારી 

ભાજપના પૂર્વ પ્રમુખ રાજુ વાઘેલાનો પુત્ર અર્થ વાઘેલા અને કોર્પોરેટર રફીકનો પુત્ર સુફિયાન વચ્ચે થઈ મારમારી. સુફિયાન અને તેનો મિત્ર ફરહાન સાથે હતા. હોર્ન વગાડવા અને વાહન અથડાવા જેવી બાબતમાં વાહનમાં તોડફોડ કરી. દાણીલીમડા મંગલાવિકાસ રોડ પર પાસે બનાવ બન્યો. કોંગ્રેસ અને ભાજપના લોકોના ટોળા પોલીસ સ્ટેશન પહોંચ્યા. પોલીસ સ્ટેશન બહાર સૂત્રોચ્ચાર કર્યા. પોલીસ દ્વારા ક્રોસ ફરિયાદ નોંધવાની તજવીજ હાથ ધરાઇ રહી છે.

Porbandar: અકસ્માત બાદ ALH ધ્રુવના તમામ હેલિકોપ્ટર ગ્રાઉન્ડેડ, સેનાએ લીધો નિર્ણય

ગુજરાતના પોરબંદરમાં થયેલા અકસ્માત બાદ હવે આ કાફલાના ALH ધ્રુવ હેલિકોપ્ટરના તમામ કાફલાને ગ્રાઉન્ડ કરી દેવામાં આવ્યા છે. પોરબંદરમાં અકસ્માતના કારણે ત્રણ લોકોના મોત થયા છે. છેલ્લા કેટલાક મહિનામાં આ બીજી વખત છે જ્યારે ALH ધ્રુવ હેલિકોપ્ટરને ગ્રાઉન્ડ કરવામાં આવ્યું છે.

કાંકરેજમાં હિટ એન્ડ રનની ઘટના, 2ના મોત

થરા-હારીજ રોડ ઉપર અકસ્માતની ઘટનામાં બે વ્યક્તિઓના નીપજ્યાં મોત. બાઈક સવાર મૃતક  પ્રવીણ કાંતિભાઈ પટણી અને પ્રવીણ શૈલેષભાઇ પટણીના નીપજ્યા મોત. બંન્ને મૃતક ટોટાણા ગામના હોવાનું સામે આવ્યું. બંને મૃતદેહોને થરા જે.વી. શાહ રેફરલ હોસ્પિટલમાં પીએમ અર્થે ખસેડાયા. થરા પોલીસે અકસ્માતને લઈ તપાસ હાથ ધરી.

અમદાવાદના નરોડામાં મારામારીના CCTV વાયરલ

ઓર્ચિડ રોયલમાં આરોપીઓએ હુમલો કર્યો. માતા અને સગીર બાળક પર છરી વડે હુમલો. પોતાને નરોડાનો ડોન કહી છરીના ઘા માર્યા. ઘાયલોને સારવાર અર્થે સિવિલ હોસ્પિટલ ખસેડાયા પોલીસે ઘટના સ્થળે પહોંચી તપાસ હાથધરી.

મહેસાણા મહાનગરપાલિકા બનતા જ સર્વે શરૂ 

કમિશનર રવિન્દ્ર ખટાલે એ ચાર્જ સાંભળતા જ સર્વે શરૂ કર્યો. મહેસાણામાં કઈ કઈ સુવિધાઓ છે જેમાં સુધારો જરૂરી છે તેનો સર્વે કરાયો. નવા વિસ્તારમાં ગટર કે પાણીની સુવિધાઓનો સર્વે શરૂ. જૂના પ્રશ્નો જેવા કે પાણી ભરાવવા, ડ્રેનેજની સમસ્યાની વિગતો મંગાવાઈ. ડોર ટુ ડોર કચરો એકત્રિત કરવો સહિત કામગીરી શરૂ કરાશે. મહેસાણામાં નવું શું થઈ શકે તેની પર વિચાર વિમર્શ શરૂ. રખડતા ઢોર પકડવા માટે પણ અલગ કમિટી બનાવાશે.

ગીર સોમનાથના વેરાવળની રાયસલ હાઇટ્સમાં આગ લાગી

રેયોન કંપનીના રહેણાંક વસાહતમાં આગ લાગી. કોલોનીમાં B-12 કવાર્ટરમાં આગ લાગી. આગની ઘટનામાં 65 વર્ષીય વૃદ્ધાનો આબાદ બચાવ. બિરલા પબ્લિક સ્કૂલના મહિલા ટીચરના ક્વાર્ટરમાં આગ લાગી હતી. ટીચરના વૃધ્ધ માતા ઘરમાં હતા એકલા. આગની ઘટના સમયે પડોશીઓએ તુરંત બહાર કાઢ્યા. 2 ફાયર ફાઇટરની મદદથી આગ પર કાબુ મેળવ્યો. આગ લાગવાનું કારણ અકબંધ.

Adani નવા વર્ષમાં થાઈલેન્ડમાં ધૂમ મચાવવા તૈયાર, આ કંપની સાથે કરાર કર્યા

અદાણી ગ્રુપે થાઈલેન્ડના ઈન્ડોરમા રિસોર્સિસ સાથે ભાગીદારી કરી છે. અદાણી હવે માત્ર ભારતમાં જ નહીં પરંતુ વિદેશમાં પણ પોતાનો પગપેસારો કરવાની તૈયારી કરી રહ્યું છે.

બનાસકાંઠા શંકરગીરી બાપુના અપહરણનો કેસ

બનાસકાંઠા કાંકરેજની જાગીર મઠના મહંત શંકરગીરી બાપુનું અપહરણ કરવા મુદ્દે વહેલી સવારે જાગીરીમઠમાં જઈને ત્યાં બેસાડેલા શંકરપુરી મહારાજનું અમરભારથી મહારાજ અને એમના જૂથે અપહરણ કર્યું હતું. મઠમાં લાગેલા સીસીટીવી કેમેરા તોડીને તેનું ડીવીઆર પણ અપહરણકારો લઈ ગયા હતા. શિહોરી પોલીસે અપરણકારોની ચુંગલમાંથી શંકરગિરી બાપુને છોડાવ્યા. 

જાગીરી મઠના ગાદીપતિના મહંત માટે ચાલી રહ્યો છે વિવાદ. ગાદીપતિના વિવાદ વચ્ચે શંકર ગીરીબાપુનું અપહરણ થતાં પોલીસ ફરિયાદ નોંધવાની તજવીજ હાથ ધરાઈ. તો સામેના પક્ષે પણ પોતાની ફરિયાદ નોંધવાની તજવીજ હાથ ધરી.

આણંદના બોરસદમાં પાલિકાનો અણધડ વહીવટ

આણંદ જિલ્લાના બોરસદ પાલિકાના બાકી વીજ બીલને લઈ સ્ટ્રીટ લાઇટના કનેક્શન કપાયા. પાલિકાના વહીવટને લઈ શહેરના પાંચ વિસ્તારમાં અંધારપટ છવાયો. પાલિકા દ્વારા 3 કરોડ 50 લાખ ઉપરાંતનો વીજ બીલ ભરપાઈ કરવામાં આવ્યો નથી. વીજ વિભાગ દ્વારા વારંવાર નોટીસ આપવા છતા બીલ ભરવામા આવ્યું ન હતું. વીજ બીલ નહી ભરતા સ્ટ્રીટ લાઇટનું કનેક્શન કાપવામાં આવ્યું. શહેરના જનતા બજાર, ધરતી નગર, રાજા મહોલ્લા, ટાઉન હોલ, જૈન દેરાસર વિસ્તારમાં અંધારપટ છવાયો. પાલિકામાં હાલ વહીવટદાર શાસન છે પ્રાંત અધિકારી પાલિકાના વહિવટદાર છે.

સુરતમાં પત્ની-પુત્રની હત્યાનો કેસ

સુરતના સરથાણામાં પત્ની - પુત્રની હત્યા કરનાર સ્મિતને હોસ્પિટલમાંથી 11 દિવસ બાદ ડિસ્ચાર્જ કરાયો. હત્યારા સ્મિતને વ્હીલચેર પર બંને હાથમાં હથકડી બાંધી ડિસ્ચાર્જ કરાયો. વ્હિલચેરમાં હથકડી સાથે પોલીસ વેનમાં સરથાણા પોલીસ સ્ટેશન લઈ જવાયો. આરોપીની પોલીસે સત્તાવાર ધરપકડની પ્રોસેસ કરી. ઘરમાં જ ક્રૂર હત્યાકાંડ કર્યા બાદ સ્મિતે બે વાર આપઘાતનો પ્રયાસ કર્યો હતો. હવે સરથાણા પોલીસ દ્વારા સત્તાવાર ધરપકડ કરાશે.

અમદાવાદના બગોદરામાં મોટો અકસ્માત

ટ્રકના ઉપરના ભાગે વીજવાયર અથડાતા અકસ્માત સર્જાયો. બે વ્યક્તિના ઘટનાસ્થળે જ મોત નીપજ્યા. બગોદરાથી ફેદરવા જવાના માર્ગ પર બનાવ બન્યો. પદયાત્રીઓ માટે જઈ રહેલી ટ્રક સાથે અકસ્માત. ચાર લોકોને કરંટ લાગતા હોસ્પિટલ ખસેડાયા. 

નડિયાદ મહાનગરપાલિકાના કમિશનર બદલાયા 

જી એચ સોલંકીને નવા મહાનગરપાલિકા કમિશનર તરીકે બદલી કરવામાં આવી. માત્ર એક અઠવાડિયામાં જ કમિશનર બદલાયા. મિરાત પરીખ ફરીથી AMCમાં રહેશે. તેમજ નવનાથ ગવહાણને સુરેન્દ્રનગર મનપા કમિશનર તરીકે બદલી થઈ.

ભાવનગરના તળાજા નજીક લક્ઝરી બસ સળગી

ભાવનગરના તળાજા નજીક લકઝરી બસ સળગી. નેશનલ હાઇવે પર સુરત જતી બસ સળગતા મુસાફરોને તાત્કાલિક ઉતારી લેવાયા. ધારડી ગામના પાટીયે બસ સળગી. મુસાફરોના રૂપિયા ઘરેણાં સહિત સામાન આગમાં રાખ થયા. તળાજા ફાયર દ્વારા આગ કાબુમાં લેવા પ્રયાસ. પોલીસ મામલતદાર સ્થળ પર પહોંચ્યા.

ગૌ-મૂત્રમાંથી આવક થાય તેવું યુનિટ રાધનપુરમાં બનાવાશે

વિધાનસભાના અધ્યક્ષ શંકરભાઈ ચૌધરીએ રાધનપુર ખાતે સત્કાર સમારંભમા જાહેરાત કરી. સમગ્ર દેશમાં પ્રથમ ગૌ-મૂત્ર માંથી આવક થાય તેવું યુનિટ રાધનપુરમા બનાવવામાં આવશે. આવતા મહિને જ નિષ્ણાંતો સાથેની ટીમ ચકાસણી કરીને કામ શરૂ કરશે. રાધનપુરને જિલ્લો બનાવવા માટે શંકરભાઈ ચૌધરીએ મોટું નિવેદન આપતા જણાવ્યું કે, રાધનપુરને જિલ્લો બનાવવા જિલ્લાનું સેન્ટર સુવિધા યુક્ત બનાવો. જિલ્લા માટેનું સેન્ટર રોડ, રસ્તા, ગટર, પાણી, સહિતની પ્રાથમિક સુવિધાઓથી ઉપલબ્ધ હોવું જોઈએ.

Earthquake: 3 કલાકમાં 50 વાર ધરતી ધ્રૂજી, 1000 ઘર જમીનદોસ્ત થયા

તિબેટમાં 7.1 તીવ્રતાના ભૂકંપના કારણે માઉન્ટ એવરેસ્ટની નજીક આવેલા ટીંગરી ગામમાં ભારે વિનાશ સર્જાયો હતો. ઓછામાં ઓછા 100 લોકો મૃત્યુ પામ્યા અને 1000 ઘરો નાશ પામ્યા. 7000ની વસ્તી ધરાવતા આ વિસ્તારમાં 3 કલાકમાં 50 આફ્ટરશોક્સ અનુભવાયા હતા, જેમાંથી ઘણાની તીવ્રતા 4.4 નોંધાઈ હતી. રેસ્ક્યુ ઓપરેશન ચાલુ છે.

વડોદરામાં પિસ્તોલ સાથે બે ઇસમો ઝડપાયા

વડોદરામાં નવાયાર્ડ વિસ્તારમાંથી વિદેશી પિસ્તોલ સાથે બે ઈસમો ઝડપાયા. ઝડપાયેલા ઇસમ પાસેથી વિદેશી બનાવટની લોડેડ પિસ્તોલ મળી. મેઇડઈન USA માર્કની પિસ્તોલ મળી. પોલીસે લોડેડ વેપન સાથે તન્મય ઉર્ફે સન્ની જાધવ અને સન્નીસિંઘની ધરપકડ કરી. પોલીસે બંને આરોપીની ધરપકડ બાદ કાર્યવાહી હાથ ધરી. વિદેશી બ્રાન્ડની પિસ્તોલ ક્યાંથી લાવ્યા અને શેના માટે ઉપયોગ કરવાનો હતો તેની તપાસ હાથ ધરી.

અર્થતંત્રના મોરચે બેડ ન્યૂઝ, જીડીપી 6.4 ટકા પર રહી શકે છે

નાણાકીય વર્ષ 2024-25 માટે રાષ્ટ્રીય આવકનો પ્રથમ એડવાન્સ અંદાજ બહાર પાડતા, નેશનલ સ્ટેટિસ્ટિકલ ઓફિસ (NSO) એ જણાવ્યું હતું કે આ નાણાકીય વર્ષમાં વાસ્તવિક GDP 6.4 ટકાના દરે વધવાની અપેક્ષા છે. નાણાકીય વર્ષ 2023-24 માટે જીડીપી વૃદ્ધિનો કામચલાઉ અંદાજ 8.2 ટકા જણાવવામાં આવ્યો છે.

પંચમહાલમાં SOG-પુરવઠા વિભાગની કાર્યવાહી

પંચમહાલ જિલ્લા એસઓજી પોલીસને મળેલ બાતમીના આધારે જિલ્લા પુરવઠા વિભાગને સાથે રાખી કાર્યવાહી કરવામાં આવી. ગોધરાના ભામૈયા એફસીઆઈ ગોડાઉનમાંથી ફોર્ટીફાઇડ ચોખાનો જથ્થો જે દાહોદ તરફ જતો હતો તે બારોબાર સગેવગે કરતા ઝડપી પડાયો. ગોધરાના સરકારી ગોડાઉનમાંથી ફોર્ટીફાઇડ ચોખાનો જથ્થો દાહોદ જિલ્લાના ગરબાડા, ઝાલોદ, ધાનપુર અને લીમખેડા ગોડાઉન લઇ જવાતો હતો. ચોખા લઇને જતા વાહનો તેના નિર્ધારિત રૂટ થી ડાયવર્ટ કરી ગોધરા નજીક છબનપુર ખાતે ની એક હોટેલ પર અન્ય વાહનમા સીફ્ટ કરાતો હતો.

છોટાઉદેપુરમાં એમ્બ્યુલન્સમાં લઇ જવાતો દારૂ ઝડપાયો

છોટા ઉદેપુરમાં ક્વાંટ પોલીસે ધનીવાડી નાકા પાસેથી એમ્બ્યુલન્સમાં લઈ જવાતો રૂ.4,14,890/- નો વિદેશીદારૂ ઝડપી પાડયો. ક્વાંટ પોલીસે બાતમી આધારે નાકાબંધી કરીને એમ્બ્યુલન્સને રોકીને તેમાં લઈ જવાતો વિદેશી દારૂ ઝડપી પાડ્યો. એમ્બ્યુલન્સનો ઉપયોગ વિદેશી દારૂની હેરાફેરી માટે કરાતા પોલીસ બેડામાં હલચલ. ક્વાંટ પોલીસે રૂ.4,14,890/- ના વિદેશી દારૂ સહિત કુલ રૂ.12,25,560/- ના મુદ્દામાલ સાથે એક જણાની ધરપકડ કરી. એમ્બ્યુલન્સ ચાલક રાજસ્થાનના ઉદેપુર જિલ્લાનો રહેવાસી. 

અમરેલી લેટરકાંડમાં ઇસુદાન ગઢવીએ ઝંપલાવ્યું

ભાજપના પૂર્વ સાંસદ નારણ કાછડીયાના નિવેદન પર ઇસુદાન ગઢવીએ પ્રતિક્રિયા આપતા જણાવ્યું કે, ગોપાલ ઇટાલીયાએ જાતને પટ્ટા માર્યા જેનાથી અનેક લોકોના અંતરાત્મા જાગ્યા છે. 

પૂર્વ સાંસદ નારાયણ કાછડીયાએ કહ્યું કે પોલીસ પર શિક્ષાત્મક પગલાં લેવા જોઈએ, આ વાત સાથે અમે સહમત છીએ. ભાજપના બીજા નેતાઓએ પણ કોઈપણ જાતનો ડર રાખ્યા વગર સરકારને સવાલ કરવો જોઈએ. પોલીસની સૂચના આપનાર ધારાસભ્ય કે બીજા કોઈ પણ હોય તેના પર પણ કાર્યવાહી થવી જોઈએ.

અમદાવાદ આંતરરાષ્ટ્રીય ફલક પર ચમક્યું

ફરી એક વખત અમદાવાદનું નામ આંતર રાષ્ટ્રીય ફલક પર ઝળહળતું થયુ છે. ફ્લાવર શોને સતત બીજા વર્ષે ગિનીસ બુક ઓફ વર્લ્ડ રેકોર્ડમાં સ્થાન મળ્યું છે. લોંગેસ્ટ બુકે માટે મળ્યો ગિનીસ બુક ઓફ વર્લ્ડ રેકોર્ડ. 10.30 મીટર થી વધુ મોટો બુકે બનાવ્યો છે. ગત સાલ લોંગેસ્ટ ફ્લાવર વોલ માટે મળ્યો હતો એવોર્ડ. 

વાંચો 06.00 વાગ્યા સુધીના મહત્ત્વના સમાચાર

1. Atul Subhash Case : બાળકની કસ્ટડી મામલે SCનુ અવલોકન,એ તમને ઓળખતો નથી 

2. EPFO 3.0: ક્યારે આવશે ATM કાર્ડ, કેટલી હશે લિમિટ? જાણો માહિતી 

3. HMPV વાયરસને લઈ તંત્ર સજ્જ, અમદાવાદ સિવિલમાં 15 બેડ-25 ટેસ્ટિંગ કીટની વ્યવસ્થા! 

4. Jamnagar: શહેરનો હદ વિસ્તાર વધ્યો, સસ્તા અનાજની દુકાનોમાં કોઈ વધારો નહીં! 

5. Bihar: નવાદામાં ગર્ભવતી બનાવો અને પૈસા કમાવો સ્કીમ, લોકોએ કરાવ્યું રજીસ્ટ્રેશન અને.. 

6. Share Market Closing: શેરબજાર તેજી સાથે બંધ, સેન્સેક્સ 234 પોઇન્ટ વધ્યો 

7. Bhavnagar સિવિલ HMPV વાયરસને લઈ એલર્ટ, 40 બેડ સાથે NRC વોર્ડ તૈયાર 

8. BZ Group Scamમાં ભૂપેન્દ્રસિંહ ઝાલાની ધરપકડ બાદ CIDએ ઝડપ્યો હિસાબનીશ નરેશ 

9. Rajkot: દેશ-વિદેશમાં કપાસની માગ ઘટી, ખેડૂતોને ભાવ ના મળતા આવ્યો રડવાનો વારો 

10. રાજ્યના 37 DySPની તાલીમ થઈ પૂર્ણ, ખાલી જગ્યાઓ ઉપર કરાઈ નિમણુંક 

રોડ-રસ્તાઓને લઈ મુખ્યમંત્રીનો મોટો નિર્ણય

32 જેટલા માર્ગો, પૂલો માટે 779 કરોડ મંજૂર કર્યા. મેજર-માઈનોર પૂલોના નિર્માણ માટે કરોડો રૂપિયા મંજૂર કર્યા. રોડ ઇન્ફ્રાસ્ટ્રક્ચર સુદ્રઢીકરણનો મુખ્યમંત્રી ભૂપેન્દ્ર પટેલનો વધુ એક મહત્વપૂર્ણ પ્રજાલક્ષી નિર્ણય. રાજ્યના 32 જેટલા માર્ગો પરનું નેટવર્ક સુવ્યવસ્થિત કરવા નવા મેજર-માઈનોર પૂલોના નિર્માણ માટે 779 કરોડ રૂપિયા મંજૂર કર્યા. નાગરિકોને યાતાયાત માટે વધુ સુવિધાજનક માર્ગો મળશે- ઈઝ ઓફ લિવિંગ વધશે.

મહીસાગરમાં HMPV વાયરસને લઇ તંત્ર સજ્જ

મહીસાગર જિલ્લાના લુણાવાડા સિવિલ હોસ્પિટલ ખાતે તંત્ર HMPV વાઇરસને લઈ  તૈયારીઓ હાથ ધરાઈ. 50 બેડ વાળો ઓક્સિજન વોર્ડ તૈયાર કરવામાં આવ્યો. ગુજરાતમાં HMPVનો એક કેસ નોંધાતા મહીસાગર જિલ્લામાં પણ સિવિલ વિભાગ દ્વારા તૈયારીઓ હાથ ધરાઈ. ઓક્સિજન પ્લાન્ટ કાર્યરત તો આરટીપીસીઆર લેબ પણ કાર્યરત. આગામી સમયમાં જરૂર જણાશે તો બેડ વધારી શકાશે.

નારણ કાછડિયાના નિવેદન પર આપ નેતાની પ્રતિક્રિયા

સુરત ખાતે ગોપાલ ઇટાલિયાએ પ્રતિક્રિયા આપતા જણાવ્યું કે, નારણ કાછડિયા ગોપાલ ઇટાલિયાને સ્થળ-સમય બતાવે. નારણ કાછડિયા 10 પટ્ટા મારે, ગોપાલ ઇટાલિયા ખાવા તૈયાર, જનતાને જગાડવા માટે પટ્ટા માર્યા હતા.

અમદાવાદની ઓરેન્જ હોસ્પિટલને AMCની નોટિસ

અમદાવાદમા HMPVનો પહેલો કેસ જ્યા નોંધાયો તે હોસ્પિટલને આરોગ્ય વિભાગે નોટિસ આપી. હોસ્પિટલમા HMPV કેસ નોંધાયો તેની જાણ હોસ્પિટલે આરોગ્ય વિભાગને નહોતી કરી. મીડિયાના માધ્યમથી આરોગ્ય વિભાગને HMPVનો પહેલો કેસ નોંધાયો તેની જાણ થઈ. નવા વાયરસજન્ય રોગચાળાની જાણ ખાનગી હોસ્પિટલે પણ આરોગ્ય વિભાગને કરવાની હોય છે. ખાનગી હોસ્પિટલે આરોગ્ય વિભાગને જાણ ન કરવા મુદ્દે નોટિસ પાઠવી.

દ્વારકામાં અકસ્માત થતા એકનું મોત

ઓખા-દ્વારકા હાઈવે પર અકસ્માત થતાં એક વ્યક્તિનું મોત નીપજ્યું અને ત્રણ લોકો ઘાયલ થયા. 108ની ટીમ દ્વારા ઈજાગ્રસ્તોને મીઠાપુર ટાટા હોસ્પિટલમાં સારવાર માટે ખસેડવામાં આવ્યા.

અમૃતસર પોલીસે 5 કિલો હેરોઈન સાથે 4 ડ્રગ સ્મગલરને પકડ્યા

અમૃતસર પોલીસે 5 કિલો હેરોઈન સાથે 4 ડ્રગ સ્મગલરને પકડ્યા છે. જેમાં મુખ્ય આરોપી એક મહિલા બલજીત કૌર છે. પૂછપરછમાં જાણવા મળ્યું કે તેમનું ગામ સરહદની નજીક છે. પાકિસ્તાનમાં તેમની કડીઓ છે. તેમના માટે ત્યાંથી હેરોઈન મેળવવી સરળ છે. ડ્રગ્સ સ્મગલર બલજીત કૌરનો પતિ પણ ડ્રગ્સની દાણચોરીના કેસમાં રાજસ્થાનની જેલમાં બંધ છે.

યુપીમાં 11 IAS અધિકારીઓની બદલી

ઉત્તર પ્રદેશમાં મોટા પાયે વહીવટી ફેરબદલ જોવા મળી રહ્યો છે. યોગી સરકારે 11 IAS અધિકારીઓની બદલી કરી છે. જેમાં ત્રણ ડિવિઝનલ કમિશનર પણ સામેલ છે. ગૃહ સચિવ વિવેક કુમારને આઝમગઢ વિભાગના કમિશનર બનાવવામાં આવ્યા છે.

ગાંધીનગર સીઆઈડી ક્રાઇમે, બન્ટી-બબલી ઋષિકેશ અને સુજાતાની હિમાચલ પ્રદેશથી કરી ધરપકડ

ગાંધીનગર સીઆઈડી ક્રાઇમે, ગુજરાતમાંથી વિદેશ જવા ઈચ્છુક લોકોને ઠગનાર બન્ટી અને બબલી ઋષિકેશ અને સુજાતાની હિમાચલ પ્રદેશથી ધરપકડ કરી છે. કેનેડાના પી.આર વિઝા આપવા મામલે છેતરપિંડી કરી હતી. ગુજરાતના અનેક શહેરોમાં ઠગ બન્ટી અને બબલી દ્વારા છેતરપિંડી કરવામાં આવી હતી. આ બન્ને સામે, ક્રાઈમ બ્રાન્ચ, બોડકદેવ, વડોદરા, નર્મદા સહિતના પોલીસ મથકોમાં ફરિયાદ નોંધાઈ ચૂકી છે. વર્ષ 2021 માં ન્યુ પાથ કેરિયર સોલ્યુશન નામે કંપની શરૂ કરી હતી. અનેક લોકો પાસેથી રૂપિયા 1.60 કરોડથી વધુ મેળવી લીધા હતા.

લોક સાહિત્યકાર દેવાયત ખાવડ અને બ્રિજરાજદાન ગઢવી વચ્ચે સર્જાયો ફરી વિવાદ!

લોકસાહિત્યકાર દેવાયત ખાવડ અને બ્રિજરાજદાન ગઢવી વચ્ચે ફરી વિવાદ સર્જાયો છે. 2022માં બંન્ને વચ્ચે સમાધાન થયું હતું. જો કે ફરી બંન્ને વચ્ચે જામી પડી હોવાના અહેવાલ સામે આવ્યા છે. 2025 પછી સિલેક્ટેડ ડાયરાઓ જ કરવા છે, તેવી દેવાયત ખવડની વાત પર બ્રિજરાજદાન ગઢવીએ મજાક બનાવીને વિવાદ છેડ્યો છે. જેનો દેવાયત ખવડે વળતો જવાબ આપતા કહ્યું છે કે, હવે જો માફી માંગુ તો ડાયરાઓ છોડી દઇશ. પાછળથી બોલવા કરતા સામી છાતીએ આવી જવા પડકાર ફેક્યો છે.

GST વિભાગના રાજ્યવ્યાપી દરોડા

• ટ્યુશન ક્લાસીસ સંચાલકોને ત્યાં કાર્યવાહી
• અમદાવાદ,ગાંધીનગર સહિત 36 સ્થળોએ દરોડા
• 11 કોચિંગ ઇન્સ્ટિટ્યૂટ પર દરોડાની કાર્યવાહી
• દરોડામાં 7.49 કરોડની કરચોરી ઝડપાઈ
• છેલ્લા 10 દિવસથી ચાલી હતી કાર્યવાહી

વલસાડમાં ગટરમાંથી મૃતદેહ મળતા ચકચાર

• ભાગડાવાડા ગામેથી મૃતદેહ મળી આવ્યો
• મૃતક કથામાં જવાનું કહી નીકળ્યા હતા
• ગટરમાંથી મૃતદેહ મળતા પોલીસ ઘટનાસ્થળે
• રામજી ટંડેલના મૃતદેહને લઇ કારણ અકબંધ
• વલસાડ પોલીસે સમગ્ર મામલે તપાસ હાથ ધરી

વિસાવદર પેટાચૂંટણીને લઈ મોટા સમાચાર

• વિસાવદર વિધાનસભામાં નહીં થાય પેટાચૂંટણી
• પેટાચૂંટણી મુદ્દે ચૂંટણીપંચનું નિવેદન
• વિસાવદર બેઠક અંગે પિટીશન પેન્ડિંગ છેઃ EC
• પૂર્વ ધારાસભ્ય હર્ષદ રિબડીયાએ કરી છે પિટીશન

સુરતના પૂણામાં દહે વ્યાપારના ધંધાનો પર્દાફાશ

• જેનિથ ગેસ્ટ હાઉસ, હોટલ અભિલાષા પર રેડ
• AHTUએ દરોડા પાડી કાર્યવાહી હાથ ધરી
• 6 મહિલાઓને મુક્ત કરાઈ, 3 આરોપીની ધરપકડ

બપોરના 03 વાગ્યા સુધીના સૌથી મોટા સમાચાર

01. Gujarat Cold: રાજ્યમાં 2 દિવસ ઠંડીનો ચમકારો યથાવત, વાંચો હવામાન વિભાગની આગાહી

02. Makar Sankranti-2025: સુરતમાં ઉત્તરાયણને લઇ તંત્ર એલર્ટ, 50,000થી વધુ સેફ્ટી બેલ્ટનું વિતરણ

03. Digital Gujarat હેઠળ રાજ્યના ગામડાંના ઘરો પણ બનશે ‘સ્માર્ટ હોમ્સ’

04. Makar Sankranti 2025: ઉત્તરાયણને લઈ કેન્દ્રીય ગૃહમંત્રી અમિત શાહ આવશે ગુજરાત

05. Rajkot: અગ્નિકાંડમાં EDની એન્ટ્રી, સસ્પેન્ડેટ TPO મનસુખ સાગઠીયાની જેલમાં કરશે પૂછપરછ

06. Delhi Vidhansabha Election 2025: 5 ફેબ્રુઆરીએ મતદાન અને 8 ફેબ્રુઆરીએ ચૂંટણી પરિણામ

07. CBI Bharatpol: વિદેશમાં છુપાઈને ભારતની ઘોર ખોદનારાને છોડાશે નહી: અમિત શાહ

08. HMPV: 400 વર્ષ જૂનો 'બર્ડ વાયરસ' માણસો સુધી કેવી રીતે પહોંચ્યો ?

09. Salman Khan Security: સલમાન ખાનની વધી સુરક્ષા, ગેલેક્સીમાં કરાયા મોટા ફેરફાર

10. SA vs PAK: હારને પચાવી ના શક્યું પાકિસ્તાન, ચિટીંગના લગાવ્યા આરોપ!

ચૂંટણી પંચે માહિતી આપી, દિલ્હીમાં 71 લાખ 74 હજાર મહિલા મતદારો

દિલ્હીમાં ચૂંટણીની તારીખોની જાહેરાત કરતા ચૂંટણી પંચે કહ્યું કે, દિલ્હીમાં 71 લાખ 74 હજાર મહિલા મતદારો છે.

મહારાષ્ટ્ર સરકારનો નિર્ણયઃ 1 એપ્રિલથી રાજ્યમાં તમામ વાહનો માટે ફાસ્ટ ટેગ ફરજિયાત બનશે

મહારાષ્ટ્ર સરકારે આજની કેબિનેટ બેઠકમાં નિર્ણય લીધો છે કે 1 એપ્રિલથી રાજ્યમાં તમામ વાહનો માટે ફાસ્ટ ટેગ ફરજિયાત બનશે.

રાજકોટ મનપા સ્ટેન્ડિંગ કમિટીની બેઠક મળી

• બેઠકમાં 67 દરખાસ્તોને બહાર અપાઈ
• રાજ્યનો પ્રથમ આઇકોનીક બ્રીજ રાજકોટમાં બનશે
• રોડ, નવા બ્રિજ સહિતની દરખાસ્તો મંજૂર કરાઈ
• 216 કરોડથી વધુના વિકાસમોને મંજૂરી અપાઈ
• કટારીયા ચોકડીએ 167 કરોડના ખર્ચે કેબલ બ્રિજ બનશે

સુપ્રીમ કોર્ટે મેડિકલ ગ્રાઉન્ડ પર આસારામને જામીન આપ્યા 

સુપ્રીમ કોર્ટે 2013ના બળાત્કાર કેસમાં ધરપકડ કરાયેલા બાબા આસારામને તબીબી આધાર પર 31 માર્ચ સુધી જામીન આપ્યા છે.

મોરબી: માળીયા ગામમાં મૃત ગાયના અવશેષો મળી આવતા ફરિયાદ

મોરબી: માળીયા ગામમાં મૃત ગાયના અવશેષો મળી આવતા ફરિયાદ દાખલ કરવામાં આવી છે. ચીખલી ગામે પિતા-પુત્રને ચરાવવા આપેલી ગાયો ગુમ થઈ હતી. ખાખરેચી ગામના બે માલધારીએ પિતા-પુત્ર સામે ફરિયાદ નોંધાવી.

દિલ્હીની તમામ સીટો પર 5મી ફેબ્રુઆરીએ મતદાન થશે

દિલ્હીની તમામ સીટો પર 5મી ફેબ્રુઆરીએ મતદાન થશે અને 8મી ફેબ્રુઆરીએ પરિણામ જાહેર થશે.

નવસારીમાં મનપાના કમિશનરે સંભાળ્યો ચાર્જ

• મ્યુનિસિપલ કમિશનર દેવ ચૌધરીએ સંભાળ્યો ચાર્જ
• મનપાના કર્મચારીઓએ દેવ ચૌધરીનું કર્યુ સ્વાગત
• મહાનગરના લોકોને સ્વચ્છ, સુંદર રાખવા આપ્યો સંદેશ

કચ્છ: અબડાસામાં હાડ થીજવતી ઠંડી

કચ્છ: અબડાસામાં હાડ થીજવતી ઠંડીનો અહેસાસ થઇ રહ્યો છે. કાળા તળાવમાં બાઇક પર બરફ છવાયો છે. નલિયામાં 6.2 ડિગ્રી તાપમાન નોંધાયું છે. ભુજ અને કંડલાનું તાપમાન 13.4 ડિગ્રી નોંધાયું છે.

દાહોદના વરોડમાં મહાદેવ મંદિરમાં ચોરી

• મંદિરમાંથી દાગીનાની ચોરી કરી તસ્કરો ફરાર
• મંદિરના દરવાજાના તાળા તોડી હાથફેરો
• પોલીસે ઘટનાસ્થળે પહોંચી તપાસ હાથ ધરી

અગ્નિકાંડમાં EDની એન્ટ્રી, સસ્પેન્ડેટ TPO મનસુખ સાગઠીયાની જેલમાં કરશે પૂછપરછ

રાજકોટ TRP અગ્નિકાંડના આરોપી મનસુખ સાગઠીયાની જેલમાં ED દ્વારા પૂછપરછ કરવામાં આવશે. EDના અધિકારીઓને કોર્ટ દ્વારા બે દિવસની મંજૂરી આપવામાં આવી છે. EDની ટીમ દ્વારા રાજકોટમાં ભ્રષ્ટાચાર મામલે તપાસ માટે કોર્ટમાં અરજી કરવામાં આવી હતી. EDની તપાસમાં સાગઠીયાના સાથીદારોના નામ ખુલે તેવી શક્યતાઓ છે. મનસુખ સાગઠીયા પાસે કરોડોની મિલકતમાં રોકવા માટે નાણાં ક્યાથી આવ્યા તેની તપાસ થશે. TPO તરીકે કાર્યકાળમાં બનાવેલી મિલકતો ઓફિસ, બંગલો, પેટ્રોલ પંપ, ફ્લેટ સહિતની મિલકતોની તપાસ થશે.

કેન્દ્રીય ગૃહમંત્રી અમિત શાહ ફરી ગુજરાત આવશે

• અમિત શાહ ગુજરાતમાં ઉજવશે ઉત્તરાયણ
• 14, 15, 16 જાન્યુઆરીએ ગુજરાતમાં રોકાણ કરશે
• ઉત્તરાયણના દિવસે પતંગ ચગાવશે અમિત શાહ
• સંસદીય વિસ્તારમાં પતગોત્સવમાં હાજરી આપશે
• ભાજપ સંગઠન નવ રચના વચ્ચે શાહ ગુજરાત પ્રવાસે
• ભાજપ સંગઠનની રચના સંદર્ભે રાજકીય બેઠકો સંભવ

બપોરના 12 વાગ્યા સુધીના સૌથી મોટા સમાચાર

01. યાત્રીગણ ધ્યાન દે! સુરત રેલવેએ શિફ્ટ ટ્રેનની માહિતી માટે QR-કોડ જાહેર કર્યો

02. Banaskantha: ઘી અને માવાના નમૂનાઓના સેમ્પલ ફેલ, 10 પેઢીઓને રૂ.26 લાખનો દંડ

03. Patan: ડિગ્રી વગર ધમધમતું દવાખાનામાં બોગસ તબીબ પ્રેક્ટિસ કરતો ઝડપાયો

04. Kanderaiના બોરવેલમાં ફસાયેલ યુવતીને બચાવવા આર્મી, BSF બાદ NDRFએ સંભાળ્યો મોરચો

05. Ahmedabad: HMPV પોઝિટિવની AMCને જાણ ન કરતા ઓરેન્જ હોસ્પિટલને ફટકારી નોટિસ

06. Gujarat Weather: રાજ્યમાં હાડ થીજવતી ઠંડીનો ચમકારો, નલિયા બન્યું સૌથી ઠંડુગાર

07. Mahakumbh 2025: ગંગાજળ ભરેલા 51 ઘડાથી વહેલી સવારે સ્નાન..સંતોની અનોખી સાધના !

08. Air Indiaની ફ્લાઈટનું એક એન્જિન અધવચ્ચે જ બંધ થયુ, ઈમરજન્સી લેન્ડિંગ

09. HMPV Virus India: ભારતમાં ફેલાયો ચીનનો આ વાયરસ, નાગપુરમાં 2 કેસ

10. હેડ કોચને ટીમે કર્યો બરખાસ્ત, LinkedIn પર નોકરી શોધી રહ્યો છે દિગ્ગજ

વીંછિયા પોલીસ સ્ટેશન ખાતે 84 વ્યક્તિઓના નામ જોગ ફરીયાદ

રાજકોટ: વીંછિયા પોલીસ સ્ટેશનને બાનમાં લેવાના મામલામાં વીંછિયા પોલીસ સ્ટેશન ખાતે 84 વ્યક્તિઓના નામ જોગ ફરીયાદ દાખલ થઇ છે. પબ્લિક પ્રોપર્ટી ડેમેજ એક્ટ તેમજ કાવતરું રચવા મામલે ગુનો નોંધાયો છે. મારામારી, રાયોટિંગ સહિતની કલમ હેઠળ ગુનો નોંધવામાં આવ્યો છે. પોલીસ દ્વારા અત્યાર સુધીમાં 52થી વધુ લોકોની અટકાયત કરવામાં આવી છે.

સંભલના ખગુસરાય મંદિરના પૂજારીને ધમકી મળી

ઉત્તર પ્રદેશના સંભલના ખગુસરાય મંદિરના પૂજારીને ધમકી મળી છે. તેણે પૂજારીને કહ્યું કે રસ્તામાં રોકાઈ જાઓ, રાજનીતિ ન કરો, ઘરમાં જ રહો, ત્યાં જવાની જરૂર નથી. ધમકી બાદ પૂજારી શશિકાંત શુક્લા ડરી ગયા છે. પૂજારીએ એમ પણ કહ્યું છે કે તે પોલીસને લેખિત ફરિયાદ કરશે.

ભારતમાં HMPV: નાગપુરમાં બે બાળકો પોઝિટિવ મળ્યાં

HMPV વાયરસ સમગ્ર ભારતમાં પાયમાલી મચાવી રહ્યો છે. દેશમાં 2 બાળકો પોઝીટીવ મળી આવ્યા છે.

દિલ્હી વિધાનસભા ચૂંટણીની સાથે મિલ્કીપુર સીટ માટે પેટાચૂંટણીની પણ જાહેરાત થઈ શકે

દિલ્હી વિધાનસભા ચૂંટણીની સાથે જ આજે યુપીની મિલ્કીપુર વિધાનસભા બેઠકની પેટાચૂંટણીની પણ જાહેરાત થઈ શકે છે. આ અંગે ચૂંટણી પંચ બપોરે 2 વાગ્યે દિલ્હીમાં પ્રેસ કોન્ફરન્સ કરશે. આ સાથે અયોધ્યામાં આચારસંહિતા પણ લાગુ કરવામાં આવશે.

સુરત રેલવે સ્ટેશનના પ્લેટફોર્મ નંબર 2 અને 3 રહેશે 60 દિવસ માટે બંધ

સુરત રેલવે સ્ટેશનને મલ્ટીમોડેલ ટ્રાન્સપોર્ટેશન હબ બનાવવાની કામગીરી ચાલી રહી છે. રિડેવલોપમેન્ટ માટે પ્લેટફોર્મ નંબર 2 અને 3ને 60 દિવસ માટે બંધ રાખવામાં આવશે. બન્ને પ્લેટફોર્મ પરથી પસાર થતી ટ્રેનો ઉધનાથી ડાયવર્ટ કરાઈ. સુરતથી મુંબઈ જતી 122 ટ્રેન હવે ઉધના રેલવે સ્ટેશનથી ઓપરેટ થશે. વડોદરા તરફ જતી 79 ટ્રેન પણ ઉધના રેલવે સ્ટેશન તરફ ડાયવર્ટ કરાઈ. ટ્રેનનો સમય અને પ્લેટફોર્મ અંગે તમામ માહિતી માટે ક્યુઆર કોડ જાહેર કરાયો. હવે લોકો ડાયવર્ટ થયેલ ટ્રેનની માહિતી ક્યુઆર કોડની મદદથી મેળવી શકશે.

વડોદરા જિલ્લા ભાજપ પ્રમુખ પદને લઈ ભાજપમાં ભડકો

વડોદરા જિલ્લા ભાજપ પ્રમુખ પદને લઈ ભાજપમાં ભડકો જોવા મળી રહ્યો છે. શહેર ભાજપ બાદ હવે જિલ્લા ભાજપમાં પણ કકળાટ જોવા મળી રહ્યો છે. સતીષ નિશાળીયાએ ફરીથી પ્રમુખ બનવા દાવેદારી કરતા વિવાદ થયો છે. વર્તમાન જિલ્લા પ્રમુખ સામે વાઘોડિયાના પૂર્વ પ્રભારીના ગંભીર આક્ષેપ છે. ભારતી ભાણવડીયાએ સતીષ નિશાળીયા પર શાબ્દિક પ્રહાર કર્યા. સતીષ નિશાળીયાને ફરી પ્રમુખ ન બનાવવા માંગ કરી છે. ભારતી ભાણવડીયાએ જણાવ્યુ કે વડોદરાને સતીષ નિશાળીયાના આતંકમાંથી મુક્ત કરો.

બનાસકાંઠામાં ખાદ્ય પદાર્થમાં ભેળસેળને લઈ કાર્યવાહી

• આરોગ્ય વિભાગે લીધેલા સેમ્પલ ફેલ થતા 26 લાખનો દંડ
• જિલ્લામાં 10 પેઢીઓને રૂ. 26 લાખનો દંડ ફટકાર્યો
• ઘી અને માવાના નમૂનાઓના સેમ્પલ ફેલ થતા કાર્યવાહી
• ડીસા, થરાદ, પાલનપુરની પેઢીઓ સામે દંડનીય કાર્યવાહી
• મહારાષ્ટ્રના થાણેની પેઢીઓ સામે પણ દંડનીય કાર્યવાહી
• ફૂડ વિભાગની કાર્યવાહીથી ભેળસેળીયાઓમાં ફફડાટ 

વડોદરામાં ગાંજો વેચતા 2 યુવક ઝડપાયા

• અટલાદરા પોલીસે ઝડપ્યો ગાંજાનો જથ્થો
• મધ્યપ્રદેશથી ગાંજો લાવતા હોવાની કબૂલાત
• બે મહિનાથી વડોદરામાં કરતા ગાંજાનો વેપલો
• ગણપત કાંબલે અને હેતરાજ બારીયાની ધરપકડ
• આટલાદરામાં હાઉસિંગ મકાન પાસે વેચતા ગાંજો

અયોધ્યામાં ધુમ્મસના કારણે ઘણી ટ્રેનો મોડી પડી, ઘણી ડાઈવર્ટ થઈ

ઉત્તર પ્રદેશના અયોધ્યામાં ધુમ્મસના કારણે ઘણી ટ્રેનો મોડી પડી હતી અને ઘણી ટ્રેનોના રૂટ ડાયવર્ટ કરવામાં આવ્યા હતા.

દિલ્હી વિધાનસભાની ચૂંટણીની જાહેરાત આજે બપોરે 2 વાગ્યે થશે

દિલ્હી વિધાનસભા ચૂંટણીની તારીખોની જાહેરાત આજે બપોરે 2 વાગ્યે વિજ્ઞાન ભવનમાં કરવામાં આવશે.

તિબેટમાં ભૂકંપના કારણે 9 લોકોના મોત, તીવ્રતા 7.1 હતી

તિબેટમાં આજે સવારે ભૂકંપના જોરદાર આંચકા અનુભવાયા હતા. મજબૂત ભૂકંપને કારણે 9 લોકોના મોત થયા છે, જેની તીવ્રતા 7.1 માપવામાં આવી હતી.

CBIના ‘ભારતપોલ’ પોર્ટલનું આજે થશે લોન્ચિંગ

CBIના ‘ભારતપોલ’ પોર્ટલનું આજે લોન્ચિંગ થશે. કેન્દ્રીય ગૃહ પ્રધાન અમિત શાહના હસ્તે લોન્ચિંગ થશે. આંતરરાષ્ટ્રીય રેકેટની તપાસમાં આ પોર્ટલ બનશે મદદરૂપ. સાયબર અપરાધ, નાણાંકીય અપરાધ, માનવ તસ્કરીના કેસોમાં તપાસ ઝડપી બનશે. રિયલ-ટાઈમ જાણકારી મેળવવા પોર્ટલથી મળશે મદદ.

અમદાવાદની ઓરેન્જ હોસ્પિટલને AMCની નોટિસ

• HMPV પોઝિટિવની જાણ ન કરતા AMCની નોટિસ
• હોસ્પિટલે 10 દિવસ સુધી AMCને જાણ નહોતી કરી
• 2 દિવસમાં હોસ્પિટલ દ્વારા જવાબ રજૂ કરવા સૂચન
• સરકારના હેલ્થ વિભાગની સૂચના મુજબ થશે કાર્યવાહી

રાજ્યમાં હાડ થીજવતી ઠંડીનો ચમકારો, નલિયા બન્યું સૌથી ઠંડુગાર

રાજ્યમાં પવનની દિશા ઉત્તરથી ઉત્તર પૂર્વની જોવા મળી રહી છે. પવનોની દિશામાં ફેરફાર થવાને કારણે ઠંડીનું પ્રમાણ વધ્યું છે. હજુ પણ આગામી બે દિવસમાં તાપમાનમાં ઘટાડો થવાને કારણે ઠંડી વધશે. હવામાન વિભાગની આગાહી મુજબ, ગુજરાતમાં પવનની દિશા બદલાતા ઠંડીમાં વધારો થયો છે. રાજ્યમાં હાડ થીજવતી ઠંડીનો ચમકારો યથાવત છે. મોટાભાગના જિલ્લાઓમાં તાપમાન ઘટ્યું છે. નલિયા 6.4 ડિગ્રી તાપમાન સાથે ઠંડુગાર બન્યું છે. રાજકોટમાં 8.2 ડિગ્રી, કંડલામાં 8.9 ડિગ્રી તો કેશોદમાં 9.1 ડિગ્રી, પોરબંદરમાં 10.6 ડિગ્રી નોંધાયું છે. અમરેલીમાં 10.6 ડિગ્રી, ભુજમાં 10.8 ડિગ્રી, અમદાવાદમાં 13.5, ગાંધીનગરમાં 11.7 ડિગ્રી નોંધાયું છે. સુરેન્દ્રનગરમાં 12 ડિગ્રી, ડીસામાં 12.1 ડિગ્રી નોંધાયું છે. મહુવામાં 12.6, વલ્લભ વિદ્યાનગરમાં 13.6 ડિગ્રી નોંધાયું છે.

તમિલનાડુમાં HMPV નો પ્રવેશ, વાયરસના બે કેસ નોંધાયા

તમિલનાડુમાં માનવ મેટાપ્યુમોવાયરસ (HMPV) ના બે કેસ નોંધાયા છે, ચેન્નાઈ અને સાલેમમાં એક-એક, રાજ્યના આરોગ્ય અને પરિવાર કલ્યાણ વિભાગના અધિક મુખ્ય સચિવે જણાવ્યું હતું કે, બંને અસરગ્રસ્ત વ્યક્તિઓની સ્થિતિ હાલમાં સ્થિર છે.

બંગાળ, બિહાર, નેપાળ, બાંગ્લાદેશના મોટા ભાગોમાં ભૂકંપના આંચકા

બંગાળ, બિહાર, નેપાળ અને બાંગ્લાદેશના મોટા વિસ્તારોમાં ભૂકંપના આંચકા અનુભવાયા હતા. બિહારના પટના સહિત અનેક જિલ્લાઓમાં આજે સવારે 6.40 કલાકે ભૂકંપના આંચકા અનુભવાયા હતા.

કચ્છઃ બોરવેલમાં પડેલી યુવતીને બચાવવા યુદ્ધના ધોરણે કામગીરી

કચ્છઃ કંડેરાઈ ગામે બોરવેલમાં પડેલી યુવતીને બચાવવા યુદ્ધના ધોરણે કામગીરી થઇ રહી છે. સવારથી ચાલતુ ઑપરેશન હજુ પણ યથાવત છે. ફાયર બ્રિગેડ અને NDRFની ટીમે રેસ્ક્યૂ હાથ ધર્યું. અંજારના ધારાસભ્યે ઘટનાસ્થળની મુલાકાત કરી.

ભારતમાં HMPVના અત્યાર સુધીમાં 6 કેસ નોંધાયા

હ્યૂમન મેટાન્યૂમોવાયરસ ચીનમાં વેગ પકડી રહ્યો છે અને સમગ્ર વિશ્વમાં ફેલાવા લાગ્યો છે. ભારત પણ આનાથી અછૂત નથી. દેશમાં અત્યાર સુધીમાં 6 સંક્રમિત લોકો મળી આવ્યા છે. આ તમામ કેસોમાં બાળકોમાં ચેપની પુષ્ટિ થઈ છે. અમદાવાદમાં 1 બાળક, બેંગલુરુમાં 2, ચેન્નાઈમાં 2 અને કોલકાતામાં 1 બાળક હ્યુમન મેટાપ્યુમોવાયરસ (HMPV)થી સંક્રમિત જોવા મળ્યો છે.