Gujarat Latest News Updated: રાજકોટમાં ધોરાજીમાંથી અનધિકૃત ઈન્જેક્શન ઝડપાયા

પટનામાં ખરાબ હવામાન, ઈન્ડિગોની એક ફ્લાઈટ દિલ્હી પરત ફરી, બીજી લખનૌ ડાયવર્ટ થઈ

ઈન્ડિગોની ફ્લાઈટ (6E 5008)એ દિલ્હી એરપોર્ટથી સાંજે 7:25 કલાકે પટના માટે ઉડાન ભરી હતી. જોકે, તે પટના એરપોર્ટ પર ઉતરી શક્યું ન હતું. આ ફ્લાઈટ આકાશમાં લગભગ 9 ચક્કર લગાવ્યા બાદ દિલ્હી પરત ફરી છે. બીજી એક ફ્લાઈટ જે મુંબઈથી પટના ગઈ હતી તેને પણ ડાયવર્ટ કરવામાં આવી છે.

ઇઝરાયલ અને હમાસ વચ્ચે યુદ્ધવિરામ વચ્ચે IDF ચીફ હાલેવીએ રાજીનામું આપ્યું

ઇઝરાયલ અને હમાસ વચ્ચે યુદ્ધવિરામ બાદ IDFના વડા જનરલ હરઝી હલેવીએ રાજીનામું આપી દીધું છે. હવેલી 6 માર્ચે પદ છોડશે.

UCCનો અમલ થવો જોઈએ: ઉપાધ્યક્ષ જગદીપ ધનખર

સમાન નાગરિક સંહિતા પર વાત કરતા ઉપાધ્યક્ષ જગદીપ ધનખરે કહ્યું કે સમાન નાગરિક સંહિતા આપણા બંધારણના નિર્દેશાત્મક સિદ્ધાંતોમાંનો એક છે. કાયદા ઘડવા અને યુનિફોર્મ સિવિલ કોડ લાગુ કરવાની જવાબદારી સરકાર પર મૂકવામાં આવી છે. ઉત્તરાખંડે તેનો અમલ કર્યો છે. આપણે બંધારણમાં લખેલી વસ્તુનો વિરોધ કેવી રીતે કરી શકીએ? આપણા બંધારણનો કયો ભાગ છે? આપણે આપણા લોકો માટેના કેટલાક લક્ષ્યોને પણ સમજવાના છે, જેમાંથી એક યુનિફોર્મ સિવિલ કોડ છે.

ગુજરાતના 44 પ્રવાસન સ્થળોને જોડતાં 58 માર્ગો અપગ્રેડ કરાશે

રાજ્યમાં પ્રવાસન પ્રવૃત્તિને ગતિશીલ બનાવીને વધુમાં વધુ પ્રવાસીઓને આકર્ષિત કરવા પ્રવાસન સ્થળોને જોડતાં માર્ગોની સુધારણાના અભિગમ સાથે રાજ્યના 44 પ્રવાસન સ્થળોને જોડતાં રાજ્ય અને પંચાયત હસ્તકના કુલ 58 હયાત માર્ગોના અપગ્રેડેશન, વાઇડનિંગ અને સ્ટ્રેન્ધનિંગના કામો માટે ₹2268.93 કરોડ મંજૂર કર્યા છે. આ મહત્ત્વપૂર્ણ નિર્ણયને પગલે ટુરીઝમ ઇન્ડસ્ટ્રીને બુસ્ટ મળશે અને ‘વોકલ ફોર લોકલ’ ધ્યેય અંતર્ગત સ્થાનિક હસ્તકલા કારીગરીના અને ગૃહ ઉત્પાદનોના વેચાણમાં વૃદ્ધિ થવાથી જે તે વિસ્તારના લોકોનું જીવન ધોરણ સુધરશે. 

દમણમાં માતાએ ચોથા માળેથી પોતાના બે બાળકોને નીચે ફેંકી દેતા મોત

દમણમાં બે બાળકોના મોત મામલે મોટો ખુલાસો થયો છે. બાલ્કનીમાંથી પડી જવાથી નહીં પરંતુ બંને બાળકોના મોત માતાએ તેને નીચે ફેંકી દેવાથી થયા છે. આ અંગે પોલીસે બાળકોની માતા સામે ગુનો નોંધીને તેની ધરપકડ કરી છે. વધુ તપાસ ચાલી રહી છે.

આણંદમાં ચાલ્યું બુલડોઝર, તંત્રએ બોલાવ્યો સપાટો

આણંદના વલ્લભવિદ્યાનગરના મહાદેવ વાડા વિસ્તારમાં ઘણા સમયથી ગેરકાયદે દબાણો ખડકાયેલા હતા. આ તમામ દબાણોને કારણે રોડ સાવ સાંકડો થઈ ગયો હતો અને ટ્રાફિક જામના ઘણીવાર દ્રશ્યો જોવા મળતાં હતા. અનેક વખતની રજૂઆતો બાદ આખરે તંત્રનું બુલડોઝર પહોંચી ગયું. કાયદેસરની જગ્યાએ સિવાય ખોટી રીતે બહાર કાઢવામાં આવેલા બાંધકામ અને કાચા મકાનોને તોડી પાડવામાં આવ્યા છે. આણંદમાં 50થી વધુ દબાણો દૂર કરીને તંત્રએ રોડ ખુલ્લો કરાવ્યો છે..

સુરેન્દ્રનગરના પાટડીમાં બે યુવકોના મોત

• યુવકના પરિવારનો મૃતદેહ સ્વીકારવા ઈનકાર
• ગેસ ગળતરથી ભૂગર્ભ ગટરના કર્મચારીના મોત
• સેફ્ટીના સાધન ન હોવાથી નિપજ્યા મોત
• જવાબદારો સામે ગુનો નોંધવા માગ
• જયેશ પાટડિયા,ચિરાગ પાટડિયાના મોત
• પોલીસ સહિત અધિકારીઓ ઘટનાસ્થળે

ડોડામાં સુરક્ષા વધારી દેવામાં આવી

ગણતંત્ર દિવસની ઉજવણી પહેલા ડોડામાં સુરક્ષા વધારી દેવામાં આવી છે. પોલીસ અને ભારતીય સેના વાહનોની તપાસ કરી રહી છે.

SC એ EVM વિરુદ્ધની નવી અરજી પર જલ્દી સુનાવણી કરવાનો ઇનકાર કર્યો

EVM વિરુદ્ધ સુપ્રીમ કોર્ટમાં નવી અરજી દાખલ કરવામાં આવી છે. કોર્ટે આ મામલે જલ્દી સુનાવણી કરવાનો ઈન્કાર કરી દીધો છે. અરજદારે દિલ્હી વિધાનસભા ચૂંટણીનો ઉલ્લેખ કર્યો હતો. 5 ફેબ્રુઆરી પહેલા સુનાવણી કરવાની માંગ કરવામાં આવી હતી પરંતુ સુપ્રીમ કોર્ટે 11 ફેબ્રુઆરીના રોજ સુનાવણી નક્કી કરી છે. અરજીમાં સુપ્રીમ કોર્ટના અગાઉના નિર્ણયનું ઉલ્લંઘન કરવાનો આરોપ લગાવવામાં આવ્યો છે.

ક્વાડ દેશોના વિદેશ મંત્રીઓની પરિષદ

સોમવારે ડોનાલ્ડ ટ્રમ્પના શપથ ગ્રહણ સમારોહમાં હાજરી આપ્યા બાદ વિદેશ મંત્રી એસ જયશંકર હવે ક્વોડ દેશોના વિદેશ મંત્રીઓની કોન્ફરન્સમાં ભાગ લેશે. ભારતીય સમય અનુસાર બપોરે 1.30 વાગ્યાની આસપાસ ક્વાડ દેશોના વિદેશ મંત્રીઓની કોન્ફરન્સ થશે. આ પછી એસ જયશંકર યુએસ વિદેશ મંત્રી સાથે તેમની પ્રથમ સત્તાવાર મુલાકાત કરશે.

ચંદીગઢ મ્યુનિસિપલ કોર્પોરેશનના મેયરની ચૂંટણી માટે નવી તારીખની જાહેરાત

પંજાબ-હરિયાણા હાઈકોર્ટના નિર્દેશો બાદ ચંદીગઢ મ્યુનિસિપલ કોર્પોરેશનના મેયરની ચૂંટણી માટે નવી તારીખ જાહેર કરવામાં આવી છે. 30 જાન્યુઆરીએ ચૂંટણી યોજાશે. ડીસી નિશાંત યાદવે આ અંગે એક નોટિફિકેશન બહાર પાડ્યું છે.

મહાકુંભમાં સામેલ થશે PM નરેન્દ્ર મોદી, અમિત શાહ

મહાકુંભમાં મોટી સંખ્યામાં લોકો ઉમટી રહ્યા છે. વડાપ્રધાન નરેન્દ્ર મોદી 5 ફેબ્રુઆરીએ મહાકુંભમાં સામેલ થશે. 27 ફેબ્રૂઆરીએ અમિત શાહ શાહી સ્નાન કરશે. 3જી તારીખે CM ડૂબકી લગાવશે.

કેન્દ્રીય ગૃહમંત્રી અમિત શાહના નિવાસસ્થાને બેઠકનો ધમધમાટ

દિલ્હીમાં કેન્દ્રીય ગૃહમંત્રી અમિત શાહના નિવાસસ્થાને ભાજપની એક મોટી બેઠક યોજાઈ રહી છે. આ બેઠકમાં ભાજપના રાષ્ટ્રીય અધ્યક્ષ જેપી નડ્ડા અને સંગઠન મહાસચિવ બીએલ સંતોષે પણ ભાગ લીધો હતો. કહેવામાં આવી રહ્યું છે કે આ બેઠકમાં દિલ્હી વિધાનસભા ચૂંટણી પર ચર્ચા થઈ શકે છે.

મહેસાણા કડીમાં લીધેલ દાવત બ્રાન્ડ ઘીના નમૂના ફેલ

• ફૂડ વિભાગે ઓક્ટોબર માસમાં લીધા હતા ઘી ના નમૂના
• કડીના ગોડાઉનમાં મહેસાણા ફૂડ વિભાગે કરી હતી રેડ
• અંદાજે 13 લાખનો દાવત બ્રાન્ડ ઘી નો જથ્થો ઝડપાયો હતો
• ઘીના નમૂના ફેલ થતા હવે થશે કાર્યવાહી

ગીર સોમનાથના ઉનામાં યુવકનું અપહરણ 

• શંકાના આધારે કારમાં યુવકનું અપહરણ 
• 5 કલાક ગોંધી રાખી બેફામ માર્યાનો આક્ષેપ
• ઉના નગરપાલિકાના સભ્યના પતિ પર આક્ષેપ
• મહિલાઓ સાથે વાત કરતો હોવાની શંકાએ માર માર્યો
• યુવકને સારવાર માટે હોસ્પિટલમાં ખસેડાયો 
• નગરપાલિકાના સભ્યના પતિ સામે નોંધાઇ ફરિયાદ

પનામા કેનાલ દ્વારા ચીનના વર્ચસ્વને ખતમ કરવાની ટ્રમ્પની મોટી જાહેરાત

પદના શપથ લીધા બાદ અમેરિકાના નવા રાષ્ટ્રપતિએ ચીનને સ્પષ્ટ સંદેશ આપ્યો છે. ટ્રમ્પે કહ્યું કે અમે પનામા કેનાલ દ્વારા ચીનના વર્ચસ્વને ખતમ કરીશું.

ગીર સોમનાથમાં ફરજમાં બેદરકારી બદલ ASI સસ્પેન્ડ

• ઉનાના ASI લાખાભાઇ પંપાણીયાને કરાયા સસ્પેન્ડ 
• અરજીની તપાસમાં બેદરકારી દાખવ્યાનું સામે આવ્યું
• જિલ્લા પોલીસ વડા મનોહરસિંહ જાડેજાએ કર્યો હુકમ

દમણમાં માતાએ કરી પોતાના 2 બાળકોની હત્યા

• કોસ્ટગાર્ડ તટ રક્ષક વિહાર કોલોનીમાં બની ઘટના
• ગેલેરીમાંથી નીચે ફેંકી દેતા બાળકોના મોત
• હત્યા બાદ માતાએ કર્યો આત્મહત્યાનો પ્રયાસ
• મહિલાને તેના પતિએ આત્મહત્યા કરતા બચાવી
• ઘર કંકાસના કારણે મહિલાએ બાળકો નીચે ફેંક્યા
• પોલીસે મહિલાની ધરપકડ કરી વધુ તપાસ હાથ ધરી

સ્થાનિક સ્વરાજની ચૂંટણી જાહેર, ભાજપ મહામંત્રી રજની પટેલનું નિવેદન

• ગુજરાતથી વિકાસની શરુઆત થઇ છેઃ રજની પટેલ
• 'ભાજપ સૌનો સાથ સૌનો વિકાસ મંત્ર સાથે કામ કરે છે'
• ભાજપનો દેખાવ ખૂબ સારો રહેશેઃ રજની પટેલ
• 'જે વ્યવસ્થાઓ છે તે પ્રમાણે કાર્યકરો ચૂંટણી લડશે'

તુર્કીની હોટલમાં લાગી આગ, 66 લોકોના મોત

તુર્કીના બોલુ પહાડોમાં આવેલી ગ્રાન્ડ કાર્ટેલ હોટલમાં લાગેલી આગમાં 66 લોકોના મોત થયા છે. જ્યારે 51 લોકો ઘાયલ થયા છે.

કેન્દ્રીય ગૃહમંત્રી અમિત શાહ આવશે ગુજરાતના પ્રવાસે 

• 23 જાન્યુઆરીએ અમિત શાહ ગુજરાત આવશે 
• મનપાના 651 કરોડના કામોનું ખાતમુહૂર્ત-લોકાર્પણ કરશે
• ઝુંડાલમાં 100 કરોડના ખર્ચે બનેલા રોડનું લોકાર્પણ કરશે
• થલતેજમાં 13 કરોડ ખર્ચે બનેલા શિલજ તળાવનું લોકાર્પણ
• બોડકદેવમાં વેજિટેબલ માર્કેટનું લોકાર્પણ કરશે 
• 83 મકાનો અને 12 દુકાનોનો ડ્રો કરશે 
• ચેનપુર અંડર પાસને ખુલ્લો મુકવામાં આવશે 
• રાણીપ ખાતે અમિત શાહ જાહેર સભા સંબોધશે

સુરતના મહુવાના TDO પર ફરીવાર હુમલો

• શેખપુર તાલુકા પંચાયતના સભ્યએ કર્યો હુમલો
• TDOની ચેમ્બરમાં ઘુસીને માર માર્યાનો આક્ષેપ
• તાલુકા પંચાયત સભ્ય પરિમલ પટેલે માર માર્યો
• તારી અહીયા જરૂર નથી એવું કહેતા ઉશ્કેરાયા હતા
• પરિમલ પટેલ સામે ફરજમાં રુકાવટની ફરિયાદ
• માર મારવા મુદ્દે પણ TDOએ નોંધાવી ફરિયાદ
• ઘટના બાદ પરિમલ પટેલ ફરાર થતા શોધખોળ

ગુજરાતમાં સ્થાનિક સ્વરાજની ચૂંટણી જાહેર, આ તારીખે યોજાશે મતદાન

સ્થાનિક સ્વરાજ્યની ચૂંટણીને લઈ મોટા સમાચાર સામે આવ્યા હતા. જેમાં રાજ્ય ચૂંટણી કમિશ્નરે ચૂંટણીની તારીખોની જાહેરાત કરી હતી. 16 ફેબ્રુઆરીએ મતદાન યોજાશે તથા 18 મતગણતરી યોજાશે 66 નગરપાલિકાની યોજાશે ચૂંટણી , બોટાદ, વંથલી, વાંકાનેર પાલિકાની મધ્યસત્રની ચૂંટણી.

સૈફ અલી ખાન ઘરે પહોંચ્યો

અભિનેતા સૈફ અલી ખાનને લીલાવતી હોસ્પિટલમાંથી રજા આપવામાં આવી છે. તે પોતાના ઘરે પહોંચી ગયો છે. ઘરની બહાર સુરક્ષા વધારી દેવામાં આવી છે. 15 જાન્યુઆરીની રાત્રે તેના પર હુમલો થયો હતો.

ગેરકાયદેસર બાંગ્લાદેશીઓને હાંકી કાઢવા જોઈએ

શિવસેનાના સાંસદ મિલિંદ દેવરાએ મહારાષ્ટ્રના મુખ્યમંત્રીને પત્ર લખ્યો છે. આમાં તેણે કહ્યું છે કે જ્યાં પણ કોઈ બાંગ્લાદેશી ગેરકાયદેસર રીતે રહે છે, તેને વહેલી તકે હાંકી કાઢવામાં આવે. સૈફ અલી ખાનના ઘરે જે ઘટના બની તે ખૂબ જ ચિંતાજનક છે. મુંબઈને વધુ સુરક્ષિત બનાવવા માટે આ ઓડિટની જરૂર છે.

પૂંછ લેન્ડમાઈનમાં બ્લાસ્ટ, સેનાનો જવાન ઘાયલ

જમ્મુ-કાશ્મીરના પુંછમાં LOC પાસે લેન્ડમાઈન બ્લાસ્ટમાં સેનાનો એક જવાન ઘાયલ થયો છે.

સાંજના 06 વાગ્યા સુધીના તમામ સમાચાર

01. Corporation Election 2025: ગુજરાત સ્થાનિક સ્વરાજ્યની ચૂંટણીની જાહેરાત, આ તારીખે યોજાશે મતદાન

02. GPSCની ભરતીને લઇ મહત્વનો નિર્ણય, કોલેજમાં અભ્યાસ કરતા વિદ્યાર્થીઓને મળશે તક

03. GPSCની પરીક્ષાની પ્રોવિઝનલ આન્સર કીમાં ભૂલના આક્ષેપ પર હસમુખ પટેલે આપી પ્રતિક્રિયા

04. Amreli લેટરકાંડમાં તપાસનો ધમધમાટ, DIG નિર્લિપ્ત રાયે મુખ્ય આરોપીઓના નિવેદન લીધા

05. Suratમાં ધોરણ 8ની વિધાર્થિનીના આપઘાત મુદ્દે DEOની સૂચના બાદ તપાસનો ધમધમાટ

06. Gujaratમાં આગામી 48 કલાક બાદ ઠંડી માટે રહો તૈયાર, હવામાન વિભાગની આગાહી

07. Mahakumbh 2025: 'મા ગંગાના આશીર્વાદથી કંઇ મોટુ નથી' બોલ્યા ગૌતમ અદાણી

08. 50 દેશોના શેફ, 1000 વૈભવી કાર....કેવો ભવ્ય હશે જીત અદાણીનો લગ્ન સમારોહ?

09. Indonesiaના જાવા ટાપુ પર ભૂસ્ખલનથી ભારે તબાહી, 16 લોકોના મોત, 9 ગુમ

10. Champions Trophy: રોહિત શર્મા કરશે કેપ્ટન્સી, દિગ્ગજો સંભાળી ચુક્યા છે કમાન

મહીસાગરના લુણાવાડામાં ભાજપ નેતા પર હુમલો

• ભાજપ નેતા પ્રશાંત રાણા પર અંગત અદાવતમાં હુમલો
• કાન, માથાના ભાગે ઇજા પહોંચતા હોસ્પિટલ ખસેડાયા
• કોટેજ ચોકડી પાસે કેટલાક શખ્સોએ કર્યો હુમલો
• જીલ્લા પ્રમુખ દશરથ બારીયા હોસ્પિટલ પહોંચ્યા
• પોલીસે ઘટનાસ્થળે પહોંચી તપાસ હાથ ધરી
• હુમલો કેમ ક્યા કારણોસર થયો તે દિશામાં તપાસ

ગૌતમ અદાણીએ મહાકુંભમાં સેવા આપી, સંગમમાં જઈને કરી પૂજા

પ્રયાગરાજમાં મહા કુંભમાં પહોંચેલા ઉદ્યોગપતિ ગૌતમ અદાણીએ વીઆઈપી ઘાટ પર પહોંચીને પ્રાર્થના કરી હતી. તે પુજારીઓ સાથે હોડીમાં ત્રિવેણી પહોંચ્યા, જ્યાં પૂજારીઓએ વૈદિક મંત્રોચ્ચાર સાથે તેમની પૂજા કરી અને ત્યાર બાદ તેમણે પરિવાર સાથે સંગમ ખાતે ગંગા નદીની આરતી કરી. અગાઉ અદાણીએ મહાકુંભમાં આવેલા શ્રદ્ધાળુઓને પ્રસાદનું વિતરણ કર્યું હતું.

અમરેલીના બાબરામાં ખરાબ રસ્તા મુદ્દે લોકોનો અનોખો વિરોધ

અમરેલીના બાબરામાં ખરાબ રસ્તા મુદ્દે લોકોનો અનોખો વિરોધ કર્યો છે. બાબરાથી ગોંડલ હાઇવે પર ચમારડી નજીક વિરોધ પ્રદર્શન થયું જેમાં, નેતાઓએ કામગીરી ન કરતા લોકો રસ્તા પર ઉતર્યા, લોકોએ જાત મહેનત કરી રસ્તાના ખાડા પૂર્યા બિસ્માર રસ્તા મુદ્દે ચમારડી ગામના લોકોની અનોખી પહેલ

ગુજરાત યુનિવર્સિટીના એસોસિયેટ પ્રોફેસર કરવામાં આવી ધરપકડ

અમદાવાદઃ ગુજરાત યુનિવર્સિટીના એસોસિયેટ પ્રોફેસરની ધરપકડનો મામલો સામે આવ્યો છે. સમગ્ર કેસમાં ક્રાઈમ બ્રાન્ચ દ્વારા 12 લોકોને નોટીસ અપાઈ છે.પૂર્વ કુલપતિ હિમાંશુ પંડ્યા, આસી.પ્રોફેસર વનરાજસિંહ ચાવડા અપાઈ નોટિસ છે. એનિમેશન વિભાગના કો ઓર્ડિનેટર ડો. કમલજીત લખતરીયાની કરાઈ છે ધરપકડ કરવામાં આવી છે, એનિમેશનના બેંક એકાઉન્ટમાંથી કરોડો રૂપિયાની કરી હતી ઉચાપત, વર્ષ ૨૦૨૧ થી ૨૩ દરમ્યાન છેતરપિંડી આચરવાનો આરોપ, 1.15 કરોડથી વધુની રકમ પોતાના અને સબંધીઓના બેંક એકાઉન્ટમાં ટ્રાન્સફર કરવાનો આરોપ, નોલેજ પાર્ટનરોની ચાર કરોડથી વધુની રકમ કોલેજને આપી નથી, વેપારીઓના ખાતામાં એક કરોડથી વધુની રકમ ટ્રાન્સફર કરી હતી

ધાનેરા ન.પાની અત્યારે નહી થાય ચૂંટણી

ટંકારા, વાઘોડીયા અને નખત્રાણામાં સીમાંકનને કારણે ચૂંટણી નહી યોજાય. આ ઉપરાંત ધાનેરા, થરાદ નગરપાલિકાની ચૂંટણી નહી યોજાય. કારણ કે  થરાદ, ધાનેરા, વિજાપુર, ઇડરમાં સિમાંકન પ્રશ્ન પડતર છે. હદમાં ફેરફારના કારણે અહીં ચૂંટણી નહી યોજાય.  

સવારે 7થી સાંજે 6 વાગ્યા સુધી મતદાન 

રાજ્ય ચૂંટણી આયોગે પત્રકાર પરિષદ યોજીને વધુમાં જણાવ્યું કે 27 જાન્યુઆરીએ જાહેરનામુ પ્રસિદ્ધ થશે.  1  ફેબ્રુઆરીએ ઉમેદવારી ફોર્મ ભરી શકાશે. જ્યારે  3 ફેબ્રુઆરીએ ઉમેદવારોના ફોર્મની ચકાસણી કરાશે.  4 ફેબ્રુઆરી ઉમેદવારી ફોર્મ પરત ખેંચી શકાશે. 

66 નગર પાલિકાઓની ચૂંટણી જાહેર 

રાજ્ય ચૂંટણી આયોગે પત્રકાર પરિષદ યોજીને સ્થાનિક સ્વરાજ્યની ચૂંટણીની તારીખો જાહેર કરી છે. 66 નગર પાલિકાની સામાન્ય ચૂંટણીની તારીખો જાહેર કરી છે. 16 ફેબ્રુઆરીના રોજ મતદાન  થશે જ્યારે   18 ફેબ્રુઆરીની રોજ મતગણતરી થશે. 

પંચમહાલમાં પ્લાસ્ટિક એકમો પર મોટી કાર્યવાહી

પંચમહાલના હાલોલમાં અંદાજીત 7 કરોડની કિંમતનો 400 ટન મુદ્દામાલ જપ્ત કરવામાં આવ્યો છે.  હાલોલ GIDCમાં ન.પા, GPCB અને પોલીસ દ્વારા ચેકિંગ કરવામાં આવ્યું છે.  ખૂબ ઓછા માઈક્રોનના ઝભલાનું ઉત્પાદન થતું હતું. તપાસ બાદ આશંકા છે કે જીએસટી ચોરીનું મોટું કૌભાંડ બહાર આવી શકે.

GPSCની ભરતીને લઇ મહત્વનો નિર્ણય 

GPSCની ભરતીને લઇને કોલેજમાં અભ્યાસ કરતા વિદ્યાર્થીઓને તક મળશે.  અંતિમ વર્ષમાં અભ્યાસ કરતા ઉમેદવારને તક મળશે.  GPSC બોર્ડની બેઠકમાં આ નિર્ણય લેવાયો છે. 

અનુભવ જરુરી ન હોય તેવી ભરતીઓમાં તક મળશે.  ફીઝીયોથેરાપી લેક્ચરરની ભરતીમાં રજૂઆત બાદ નિર્ણય લેવાયો. 

યુવરાજસિંહના આક્ષેપો પર GPSC ચેરમેનનું નિવેદન

વિદ્યાર્થી નેતા યુવરાજસિંહે આન્સર કીમાં 6 પ્રશ્નોના જવાબ GPSCએ ખોટા જાહેર કર્યાનો દાવો કર્યો હતો. જે મામલે GPSC ચેરમેનએ નિવેદન આપતા કહ્યું કે  પુરવઠા નિગમની આન્સર કી તજજ્ઞોના આધારે જાહેર કરી છે. અમે હવે ખરાઈ કરીને નવી આન્સર કી મુકીશુ.  ભવિષ્યમાં આ તજજ્ઞનો ઉપયોગ GPSC નહી કરે તેમ પણ જણાવ્યું હતું. 

GPSCની પરીક્ષાની પ્રોવિઝનલ આન્સર કીમાં ભૂલ

6 પ્રશ્નોના જવાબ GPSCએ ખોટા જાહેર કર્યાનો દાવો 

વિદ્યાર્થી નેતા યુવરાજસિંહે આન્સર કીમાં ભૂલ હોવાનો દાવો કર્યો છે.  6 પ્રશ્નોના જવાબ GPSCએ ખોટા જાહેર કર્યાનો દાવો કર્યો છે.  ગુજરાતની સ્થાપનાના પ્રશ્નમાં પેપર સેટરની ભૂલ હોવાનુ કહ્યું છે.  વાંધા અરજી માટે પ્રશ્ન દિઠ 100 રૂપિયાનો નિયમ છે. GPSCએ પ્રોવિઝનલ આન્સર કી અટકાવી દીધી. હવે  નવી આન્સર કી જાહેર કરવામાં આવશે. 

અમદાવાદમાં વાયરલ ઇન્ફેક્શનના કેસ વધ્યા

અમદાવાદમાં બેવડી ઋતુનો અનુભવ થઇ રહ્યો છે.  વાયરલ ઇન્ફેક્શનના કેસમાં દર્દીઓમાં વધારો થયો છે.  સોલા સીવીલ હોસ્પિટલમાં રોજની ઓપીડી 200ને પાર પહોંચી છે.  બાળકોને વાયરલ ઈન્ફેક્શન બાદ ખાંસીની વધુ ફરિયાદ જોવા મળી રહી છે.  20થી વધુ બાળકોને હોસ્પિટલમાં એડમિટ કરાયા છે.  જેમાં બાળકોને 15 દિવસ સુધી ખાંસી મટતી ન હોવાની ફરિયાદ છે. 

બપોરે 3 વાગ્યા સુધીના મહત્વના સમાચાર

1. Gujaratમાં આજે સ્થાનિક સ્વરાજ્યની ચૂંટણીની સત્તાવાર જાહેરાત

2. Banaskantha જિલ્લા વિભાજન વિવાદ બન્યો ઉગ્ર, આજે ધાનેરા સજ્જડ બંધ... 

3. Delhi Election: Delhi BJPએ કરી વચનોની લ્હાણી, જાણો સંકલ્પ પત્ર પાર્ટ-2માં શું?

4. Los Angelesમાં આગથી તબાહ થયેલા વિસ્તારો, ડોનાલ્ડ ટ્રમ્પ મુલાકાત લઈ શકે છે 

5. Maha Kumbh 2025 : ગૌતમ અદાણીએ કુંભમેળામાં ભક્તો માટે બનાવ્યો મહાપ્રસાદ

6.Viral Girl In Mahakumbh: મોનાલીસાની ચમકશે કિસ્મત! બોલિવૂડ ફિલ્મની મળી શકે ઑફર

7. 'તુ ખેલાડી ' સૈફની બહાદુરીના અક્ષયે કુમારે કર્યા વખાણ, જાણો શું બોલ્યા?

8.  Parade of Planets: આકાશમાં એક જ લાઇનમાં દેખાશે 6 ગ્રહ 

9. Gujarat : રાજ્ય સરકારની “મોબાઇલ મેડિકલ વાન યોજના” બની આશીર્વાદરૂપ

10. IND vs ENG: પહેલા મેચમાં ડેબ્યુ કરી શકે છે IPL સ્ટાર

અરવલ્લીના ભિલોડામાં ગ્રામજનોનો વિરોધ

અરવલ્લીના ભિલોડામાં ગ્રામજનો દ્વારા બાયપાસ બનાવવાને લઈને વિરોધ કરવામાં આવી રહ્યો છે. જેમાં બાયપાસ બનાવવાથી જમીનને નુકસાન થતો હોવાનો આક્ષેપ ગ્રામજનો દ્વારા કરવામાં આવી રહ્યો છે. નોંધનીય છે કે, ગ્રામજનો દ્વારા લીલછા, ખલવાડ, મોહનપુર બાયપાસનો વિરોધ કરવામાં આવી રહ્યો છે. મહત્વનું છે કે, લીલછા ગામના લોકો દ્વારા પણ વિરોધ નોંધાવવામાં આવી રહ્યો છે. સાથે જ આદિવાસીઓની જમીનના ભોગે વિકાસ થઈ રહ્યો હોવાના આક્ષેપ પણ  ગ્રામજનો કરી રહ્યા છે. મહત્વનું છે કે, ત્રણ ગામના લોકોએ એકઠાં થઈને સૂત્રોચ્ચાર પણ કર્યા હતા.

કરજણ સિવિલ કોર્ટના કર્મચારીને બે વર્ષની સજા

કરજણ સિવિલ કોર્ટના કર્મચારીને બે વર્ષની સજા આપવામાં આવી છે. જેમાં પટ્ટાવાળા અને મદદ કરનારને કોર્ટમાં સ્ટેશનરી ચોરીના કેસમાં બે વર્ષની સજા આપવામાં આવી છે. કરજણ સિવિલ કોર્ટના પટ્ટાવાળાએ કોર્ટની કામગીરીની સ્ટેશનરીની ચોરી કરી હતી. જેને લઈને વર્ષ 2018માં સ્ટેશનરી ચોરીની ફરિયાદ નોંધાઇ હતી. ત્યારે કોર્ટ દ્વારા બંને આરોપીઓને 5 હજારનો દંડ ફટકારવામાં આવ્યો હતો.

વાતાવરણ અંગે હવામાન વિભાગની આગાહી 

વાતાવરણ અંગે હવામાન વિભાગ દ્વારા આગાહી વ્યક્ત કરવામાં આવી છે. રાજ્યમાં લઘુત્તમ તાપમાન સામાન્યથી વધુ નોંધાયું છે. અમદાવાદનું લઘુત્તમ તાપમાન 16.2 ડિગ્રી નોંધાયું છે. અમદાવાદમાં સામાન્ય કરતા 4 ડિગ્રી તાપમાન વધુ નોંધવામાં આવ્યું છે. હવામાન વિભાગે આગાહી વ્યક્ત કરતા જણાવ્યું છે કે, રાજ્યમાં આગામી 24થી 48 કલાક બાદ ઠંડી વધશે. અને તાપમાનમાં 2થી 3 ડિગ્રી ઘટાડાની પણ શક્યતા દર્શાવવામાં આવી છે. નોંધનીય છે કે, પવનની દિશા બદલાતા તાપમાનમાં ઘટાડો નોંધાશે.

પંચાયત રાજ્યમંત્રી બચુ ખાબડનો દાવો 

પંચાયત રાજ્યમંત્રી બચુ ખાબડ દ્વારા સ્થાનિક સ્વરાજ્યની ચૂંટણીમાં ભાજપની જીતનો દાવો કરવામાં આવી રહ્યો છે. પંચાયત રાજ્યમંત્રી બચુ ખાબડે પોતાના નિવેદનમાં જણાવ્યું હતું કે, વિપક્ષ વારંવાર દાવો કરે કરતા રહે છે પરંતુ પરિણામ તો ભાજપ તરફી જ રહેશે. સાથે જ તેમણે કહ્યું કે, ગુજરાતમાં સરકારે વિકાસ કર્યો છે. અને એ પ્રજા જાણે છે.

બનાસકાંઠામાં રહેવાની માગ સાથે જન આક્રોશ સભા 

બનાસકાંઠામાં રહેવાની માગ સાથે જન આક્રોશ સભા યોજવામાં આવી હતી. ધાનેરામાં આક્રોશ સભાને લઇ ભાજપ પ્રમુખનું નિવેદન સામે આવ્યું છે.જિલ્લા ભાજપ પ્રમુખ કિર્તીસિંહ વાઘેલાનું નિવેદન સામે આવ્યું છે જેમાં તેમણે કહ્યું કે, બે જિલ્લાની વર્ષો જૂની લોકોની માગ હતી. ભાજપ આગેવાનો પોતાના વિચારો સરકાર સામે રજૂ કરે સાથે જ કિર્તીસિંહ વાઘેલાએ કહ્યું કે, સરકાર પૂરતું ધ્યાન આપી રહી છે સરકાર યોગ્ય નિર્ણય લેશે.

સુરતમાં સ્કૂલ બસને નડ્યો અકસ્માત 

વિદ્યાર્થીઓને લઇને જતી બસને અકસ્માત નડ્યો. આઇસર ટેમ્પોમાંથી ક્રેઇન પડતા બસ સાથે અથડાયું હતું. ઉમરામાં પારલે પોઇન્ડ રોડ પર અકસ્માત સર્જાયો હતો.બસમાં 25 વિદ્યાથી અને 3 શિક્ષકો સવાર હતા.અકસ્માત થતા વિદ્યાર્થીઓને બસમાંથી ઉતારી લેવામાં આવ્યા હતા.

સ્થાનિક સ્વરાજ્યની ચૂંટણી આજે જાહેર થશે 

આજે સાંજે 4.30 વાગ્યે સત્તાવાર જાહેરાત થશે. ખેડા જિલ્લા પંચાયતની ચૂંટણી યોજાશે. જૂનાગઢ મહાનગર પાલિકાની ચૂંટણી થશે. 69 નગરપાલિકાઓની ચૂંટણી યોજાશે.

અમદાવાદમાં બાળકી પર અત્યાચારની ઘટના 

અમદાવાદમાં 7 મહિનાની બાળકીને તાંત્રિકે ડામ આપ્યા હોવાનું સામે આવ્યું છે. માતા-પિતાની જાણ બહાર બાળકીને ડામ આપ્યા.  ઘટનાને લઇ પોલીસે કાર્યવાહી હાથ ધરી છે. 

અમદાવાદના હાટકેશ્વરમાં ડ્રેનેજ લાઇનનું કામ ક્યારે થશે પુરુ ? 

હાટકેશ્વર ભાઈપુરા વિસ્તારમાં તંત્રની અધૂરી કામગીરીથી સ્થાનિકો પરેશાન થયા છે.  રસ્તા,ડ્રેનેજ લાઈનનું કામ અધૂરુ રહેતા સ્થાનિકો પરેશાન થયા છે.  2 મહિના પહેલા કામ શરૂ કર્યુ હતું જે પૂર્ણ કર્યુ નથી. પરિણામે એક રસ્તો બંધ રહેતા લોકો પરેશાન થયા છે. સ્થાનિકોનું કહેવુ છે કે રોજે કેટલાય લોકો અહીંયા પડી જાય છે. સ્કૂલ પણ નજીક છે એટલે ટ્રાફિક થાય છે. તંત્રને હાથ જોડીને રજુઆત છે જલ્દી કામ પૂરું કરો 

ગુજરાતીઓ માટે પ્રયાગરાજ પહોંચવું અઘરુ, ભાડા આસમાને

ગુજરાતીઓને પ્રયાગરાજ પહોંચવુ અઘરુ બન્યુ છે કારણ કે  ટ્રેનોમાં નથી મળતી ટિકિટ, ફ્લાઈટના ભાડા આસમાને પહોંચ્યા છે.  અમદાવાદથી પ્રયાગરાજ ફ્લાઈટનું ભાડ઼ુ 35 હજારને પાર પહોંચ્યુ છે.  અમદાવાદથી બે નવી ફ્લાઈટો શરુ કરાઈ છે. જો કે  પ્રયાગરાજ જવા માટે ટ્રેનોમાં લાંબું વેઈટિંગ છે. બસમાં પણ પ્રયાગરાજ પહોંચવુ મોંઘુ બન્યુ છે. બસમાં જવા આવવાનું ભાડુ 10 થી લઈ 13 હજાર સુધી છે. લાંબા વેઈટિંગ વચ્ચે રોજ અમદાવાદથી 35 બસ ઉપડે છે. 

AMC વિપક્ષ નેતાનો બજેટમાં ભેદભાવના આરોપ

વિપક્ષ નેતા શહેઝાદ ખાન પઠાણે બજેટની રકમના 30 ટકા ઉપયોગ ન થવાનો આરોપ લગાવ્યો છે. જનતા સાથે ભેદભાવ કરાયાનો વિપક્ષ નેતાએ  આરોપ લગાવ્યો છે. તેમનો આરોપ છે કે 

જ્યાં સૌથી વધુ ફરિયાદ આવે છે ત્યાં ઓછુ બજેટ ફાળવવામાં આવે છે. 

જીવના જોખમે રિક્ષામાં બાળકોની મુસાફરી, વીડિયો વાયરલ 

નવસારીમાં બાળકોને બેસાડેલી રીક્ષાનો વીડિયો વાયરલ થયો છે. જેમાં બાળકોને ઘેટા બકરાની જેમ બેસાડવામાં આવ્યા છે. આટલુ ઓછુ હોય તેમ ડીકીમાં પણ બાળકોને બેસાડ્યા છે. બાળકોના જીવને જોખમમાં મૂકીને રિક્ષા ચાલક બેફામ રિક્ષા હંકારી રહ્યો છે. જે ખરેખર ખતરાથી ખાલી નથી. 

દ્વારકા જિલ્લાના 7 ટાપુઓ 100 ટકા અતિક્રમણ મુક્ત

દેવભૂમિ દ્વારકામાં  છેલ્લા ઘણા દિવસોથી  ગેરકાયદેસર દબાણ હટાવવાની કામગીરી ચાલી રહી છે. ત્યારે આ મામલે  ગૃહરાજ્ય મંત્રી હર્ષ સંઘવીએ ટ્વિટ કર્યુ છે. તેમણે કહ્યું કે વારસાની જાળવણીના કામ માટે પ્રશાસનને અભિનંદન. દ્વારકા જિલ્લાના 7 ટાપુઓ 100 ટકા અતિક્રમણ મુક્ત થયા છે.  7 ટાપુમાંથી 36 ગેરકાયદેસર બાંધકામ દુર કરાયા છે. 

સુરતમાં ફીના ચક્કરમાં વિદ્યાર્થીનીનો આપઘાત!

સુરતમાં ધો.8ની વિદ્યાર્થિનીએ આપઘાત કરતા ચકચાર મચી છે. વિદ્યાર્થીનીના પરિવારે જણાવ્યું હતું કે ફી ન ભરતા વિદ્યાર્થીનીને ટોયલેટ પાસે ઉભી રાખવામાં આવી હતી તે આદર્શ પબ્લિક શાળામાં અભ્યાસ કરતી હતી. શાળા સંચાલકો પર પરિવારજનોએ આ આરોપ લગાવતા ગોડદરા પોલીસે આપઘાત મામલે વધુ તપાસ હાથ ધરી છે. 

બપોરે 12 વાગ્યા સુધીના મહત્વના સમાચાર

1. Chhatisgrah: ગરિયાબંધમાં સુરક્ષા જવાનો-નક્સલીઓ વચ્ચે અથડામણ, 14 નક્સલીઓ ઠાર મરાયા

2. Maha Kumbh 2025 : PM મોદી 5 ફેબ્રુઆરીએ લગાવશે આસ્થાની ડૂબકી: સૂત્ર 

3. Vadodaraમાં ભાજપ કાઉન્સિલર પરાક્રમસિંહ જાડેજા છેતરપિંડીનો બન્યા ભોગ 

4. Gujarat Weather: રાજ્યમાં હવામાન બદલાતા કાતિલ ઠંડીથી લોકોને રાહત 

5. CM ભુપેન્દ્ર પટેલ પ્રયાગરાજ ખાતે કુંભમેળાની લેશે મુલાકાત

6. Donald Trump: બે પડોશી દેશોને કડવી ગોળી આપી, 25% ટેરિફની જાહેરાત 

7. Donald Trump: ટ્રમ્પનો એક્શન ટાઇમ, WHOના સભ્ય પદેથી અમેરિકાને કર્યુ બહાર 

8. Saif Ali khan Case: આરોપીને સાથે રાખી ક્રાઇમ સીન કર્યો રિક્રિએટ

9. ભારતમાં આ બે વ્યક્તિઓ છે ટ્રમ્પના બિઝનેસ પાર્ટનર, જાણો કેવો છે સંબંધ 

10. Champions Trophy પહેલા વિરાટ કોહલીનો મોટો નિર્ણય, 13-વર્ષ પછી રમશે રણજી ટ્રોફી

પીએમ મોદી 5 ફેબ્રુઆરીએ મહાકુંભના મેળામાં જશે- સૂત્ર

પીએમ મોદી મહાકુંભના મેળામાં 5 ફેબ્રુઆરીએ જશે તેવી સૂત્રો દ્વારા માહિતી મળી રહી છે. આ સાથે જ રાષ્ટ્રપતિ અને ઉપરાષ્ટ્રપતિ પણ જઇ શકે તેવી શક્યતા છે. 22 જાન્યુઆરીએ યોગી કેબિનેટ પ્રયાગરાજ જશે જ્યારે 22 જાન્યુઆરીએ ગૃહમંત્રી અમિતશાહ મહાકુંભ જશે. 

અમદાવાદમાં ઓક્સિજન પાર્કનું ઉદ્ધાટન

મુખ્યમંત્રીના હસ્તે ઓક્સિજન પાર્ક ખુલ્લો મુકાયો છે.  બોપલમાં શાલિગ્રામ ઓક્સિજન પાર્કનું ઉદ્ધાટન કરવામાં આવ્યું છે.  અલગ અલગ 50થી વધુ પ્રકારના કુલ 4હજારથી વધારે વૃક્ષો ઉગાડવામાં આવ્યા છે.  મહત્વનું છે કે  અત્યાર સુધી 15થી વધુ ઓકસીજન પાર્ક તૈયાર કરાયા છે. 

વલસાડના કાંઠા વિસ્તારમાં દીપડાનો આંતક

વલસાડના સુરવાડા, સેગવી ગામમાં દીપડના આંટાફેરા જોવા મળ્યા.  લોકોને સાવચેત રહેવા માટે સરપંચે અપીલ કરી છે.  વોટ્સએપમાં સ્ટેટ્સ મુકી લોકોને સાવચેત કર્યા છે. લોકોને લાકડા કે અન્ય હથિયારોએ સાથે રાખવા અપીલ કરી છે.  સેગવી, સુરવાડા, તિથલના લોકોને તકેદારી રાખવા સૂચનાઆપી છે. 

સ્થાનિક સ્વરાજ્યની ચૂંટણીઓનો ધમધમાટ

 69 ન.પા.ની ચૂંટણી માટે યાદી જાહેર કરવામાં આવી. જેમાં જૂનાગઢ મનપા, ત્રણ તાલુકા પંચાયતની ચૂંટણી તથા  જિ.પં, તા.પં, ન.પા.ની પણ મતદાર યાદી જાહેર કરવામાં આવી.  સ્થાનિક સ્વરાજની ચૂંટણીઓ ટૂંક સમયમાં થશે જાહેર

સુરતમાં ગેસ કંપનીના ધાંધિયાથી લોકોમાં રોષ

બિલ આપ્યા વગર જ કનેકશન કાપવાના મેસેજ આવતા સ્થાનિકો દોડતા થયા હતા. સ્થાનિકોનું કહેવુ છે કે નિયમિત રીતે બિલ ભરીએ છીએ છતાં બિલમાં પેનલ્ટી સહિતની રકમ ફટકારી છે. કનેક્શન કાપવાના મેસેજ મળી રહ્યા છે. સ્થાનિકો ગેસ કંપનીના ધક્કા ખાવા મજબૂર બન્યા છે.  ગેસ કંપની ભૂલ સુધારે અને નિવારણ લાવે તેવી સ્થાનિકો માગ કરી રહ્યા છે. 

રાજકોટમાં વધુ એક બોગસ તબીબ ઝડપાયો

મેટોડા GIDCમાંથી બોગસ તબીબ ઝડપાયો.  SOGએ સંજય ટિલાવત નામના શખ્સને ઝડપી પાડ્યો. કે જે  સર્વોદય ક્લિનિકના નામે મેડિકલ પ્રેક્ટિસ કરતો હતો.  SOGએ એલોપેથીક દવાઓનો જથ્થો જપ્ત કરીને વધુ કાર્યવાહી હાથ ધરી.

3 ફેબ્રુઆરીએ CM ભુપેન્દ્ર પટેલ જશે મહાકુંભના મેળામાં

ગુજરાતના મુખ્યમંત્રી ભૂપેન્દ્ર પટેલ પ્રયાગરાજ ખાતે ચાલી રહેલા મહાકુંભના મેળામાં હાજરી આપશે. તેઓ 3 ફેબ્રુઆરીએ મહાકુંભ જશે. ત્યાં જઇને ગુજરાત પેવેલિયનની પણ મુલાકાત લેશે

સુરેન્દ્રનગરના લક્ષ્મીસરમાં મારામારી

સુરેન્દ્રનગરના લક્ષ્મીસરમાં એક જ જ્ઞાતિના લોકો વચ્ચે મારામારી થઇ હોવાનું સામે આવ્યું છે.  ઘાતક હથિયારો સાથે આવેલા શખ્સોએ હુમલો કર્યો. મહિલા સહિત બે લોકોને સારવાર અર્થે હોસ્પિટલ ખસેડાયા છે.  અંગત અદાવતમાં મારામારી થઈ હોવાની આશંકા છે. આ મામલે પોલીસે ઘટના સ્થળે પહોંચીને તપાસ હાથ ધરી. 

બનાસકાંઠા જિલ્લા વિભાજન વિરોધ,ધાનેરા સજ્જડ બંધ 

બનાસકાંઠા જિલ્લા વિભાજન વિરોધને લઇને ધાનેરા સજ્જડ બંધ જોવા મળ્યું છે.  દુકાનો બંધ રાખી વેપારીઓએ  સમર્થન આપ્યુ છે.  ધાનેરામાં આજે  જનઆક્રોશ સભા યોજાવાની છે. મહત્વનું છે કે  ધાનેરાને વાવ-થરાદમાં સામેલ કરતા વિવાદ થયો છે.  ધાનેરાને બનાસકાંઠામાં જ રાખવા સ્થાનિકો માગ કરી રહ્યા છે. 

તાઇવાનમાં ભૂકંપ, તીવ્રતા 6.0 માપવામાં આવી

આજે તાઇવાનમાં ભૂકંપના આંચકા અનુભવાયા, જેની તીવ્રતા 6.0 હતી. અત્યાર સુધીમાં 27 લોકો ઘાયલ થયાના અહેવાલ છે.

અમેરિકા: રાષ્ટ્રપતિ ટ્રમ્પે 51 અધિકારીઓ સામે કાર્યવાહી કરી, સુરક્ષા મંજૂરી સસ્પેન્ડ કરી

ટ્રમ્પે સત્તામાં આવતાની સાથે જ બદલો લેવાનું શરૂ કરી દીધું છે.51 અમેરિકન અધિકારીઓને સજા કરવામાં આવી છે. ટ્રમ્પે ભૂતપૂર્વ રાષ્ટ્રપતિ જો બિડેનના પુત્ર હન્ટર બિડેનના કેસમાં મદદ કરનારા અધિકારીઓ સામે કાર્યવાહી કરી છે.

જૂનાગઢના કેશોદમાં બોગસ તબીબ ઝડપાયો

કેશોદના કરેણી ગામેથી બોગસ તબીબ  ઝડપાયો છે.  બોગસ તબીબ રાકેશહિંગ રાજીયાને ઝડપી પાડ્યો છે.  25 હજારનો મુદ્દામાલ કબ્જે કરીને  પોલીસે તપાસ હાથ ધરી છે. 

સુરતમાં 2500 કરોડની જમીન કૌભાંડમાં ઢીલી તપાસ

CID ક્રાઇમમાં ગુનો નોંધાયાને 18 દિવસ વીત્યા પણ મોટા માથાઓ સામે તપાસ ધીમી ચાલી રહીછે.  તપાસ ડોક્યુમેન્ટ્સ વેરિફિકેશન પૂરતી જ સીમિત રહી છે.  આરોપીઓને હાઇકોર્ટથી પણ રાહત મળી નથી. કૌભાંડમાં તત્કાલીન અધિકારીઓ પણ આરોપી છે.  કાનાલાલ ગામીત, અનંત ડાહ્યા પટેલ પણ આરોપી છે.  આ મામલે બિલ્ડર મનહર કાકડીયા, નરેશ શાહ સામે FIR કરવામાં આવી છે.  પ્રકાશ આસવાની અને લોકનાથ ગંભીર સામે પણ FIR કરવામાં આવી છે. 

દ્વારકામાં પક્ષીઓના શિકારી ઝડપાયા

દ્વારકા RFOએ એક આરોપીને ઝડપ્યો છે જ્યારે એક ફરાર છે.  રુપેણ બંદર પાસેથી મૃત કુંજ પક્ષીઓ સાથે એક શિકારી ઝડપ્યો. ડમી ગ્રાહક બનાવી શિકારીઓને ઝડપી પાડ્યા છે.  શિકારી નદીમ જીયા રાડિયા રંગે હાથ ઝડપાયો છે.  શિકારી પાસેથી 7 નંગ મૃત કુંજ પક્ષીઓ મળી આવ્યા હતા. 

અસામાજિક તત્વો વિરુદ્ધ અમદાવાદમાં મેગા સર્ચ ઓપરેશન

અસામાજિક તત્વો વિરુદ્ધ અમદાવાદમાં મેગા સર્ચ ઓપરેશન કરવામાં આવ્યું. ઝોન-2 ડીસીપી દ્વારા સાબરમતીમાં મેગા સર્ચ ઓપરેશન કરાયું. દારુ,જુગાર,અસામાજિક તત્વો વિરુદ્ધ સર્ચ ઓપરેશન કરાયુ,  કાળીગામ,અચેર,છારાનગર,ધરમનગરમાં ચેકિંગ હાથ ધરાયું હતું. પોલીસે  બ્રેથ એનાલાઈઝર,ડ્રગ્સ ટેસ્ટિંગ કીટ સાથે રાખીને ચેકિંગ કર્યુ હતું. અત્યાર સુધી સર્ચ ઓપરેશનમાં 

428 લોકોની તપાસ કરાઈ.

વડોદરામાં ભાજપ કાઉન્સિલર સાથે છેતરપિંડી

વડોદરામાં ભાજપ કાઉન્સિલર સાથે શિક્ષણ સમિતિના પૂર્વ અધ્યક્ષે 21 લાખ પડાવ્યા હોવાનું સામે આવ્યું છે.  સુખલીપુરાની જમીન વેચવાના નામે છેતરપિંડી કરી હતી. જમીન માલિકની ખોટી સહી કરી દસ્તાવેજ બનાવી આપ્યો હતો. કાઉન્સિલર પરાક્રમસિંહ જાડેજા છેતરપિંડીનો ભોગ બન્યા છે. સમા પોલીસ મથકે કોર્પોરેટરે BJPના દિલીપસિંહ ગોહિલ, કમલેશ દેત્રોજા બંન્ને વિરુદ્ધ ફરિયાદ નોંધાવી છે. 

સૌરાષ્ટ્રવાસીઓને હવે ઇન્ટરનેશનલ ફ્લાઈટ મળે તેવી આશા

રાજકોટ હિરાસર ગ્રીન ફિલ્ડ એરપોર્ટનું નવું ટર્મિનલ તૈયાર કરવામાં આવ્યું છે,  22 હજાર ચોરસ મીટરમાં નવું ટર્મિનલ તૈયાર કરાયું છે.  નવા એરપોર્ટ ખાતે 4 ATC ટાવર ઊભા કરાયા છે. એક સાથે 14 વિમાન પાર્ક થાય તેવી સુવિધા ઉભી કરાઈ છે.  એર બસ,બોઇંગ જેવા વિમાનોની સુવિધા મળશે.  આ ઉપરાંત  એરોબ્રિજ મુકાતા મુસાફરો સીધા ફલાઇટમાં પ્રવેશ કરી શકશે. 

અમદાવાદમાં ટ્રાન્સપોર્ટની આડમાં દારુની હેરાફેરી

રામોલ વાંચ ગામ રોડ પરથી દારુ ભરેલી ટ્રક ઝડપાઈ હતી. જેમાંથી રામોલ પોલીસે દારુ-બિયરનો જથ્થો ઝડપી પાડયો હતો.  કન્ટેનરની અંદર ગુપ્તખાનુ બનાવી દારુની હેરાફેરી કરતા હતા. 

પોલીસ દ્વારા 23 લાખના દારુ સાથે 38 લાખનો મુદ્દામાલ જપ્ત કરાયો છે. આ સાથે જ દેવેન્દ્ર જાટ અને સોહનલાલ જાટની ધરપકડ કરીને વધુ તપાસ હાથ ધરી છે. 

જમ્મુ અને કાશ્મીર: પ્રજાસત્તાક દિવસ માટે ડોડા જિલ્લામાં વધારી સુરક્ષા 

76મા પ્રજાસત્તાક દિવસની તૈયારીઓ શરૂ થઈ ગઈ છે. દેશમાં આ પ્રસંગે સુરક્ષાને વધુ મજબૂત બનાવવા માટે, ડોડા જિલ્લાના ભદરવાહમાં સુરક્ષા વધારી દેવામાં આવી છે.

પ્રયાગરાજમાં ત્રિવેણી સંગમમાં 8.81  કરોડ ભક્તોએ પવિત્ર ડૂબકી લગાવી

ઉત્તર પ્રદેશ સરકારે માહિતી આપી હતી કે આજે પ્રયાગરાજમાં ત્રિવેણી સંગમમાં 15.97  લાખ શ્રદ્ધાળુઓએ ડૂબકી લગાવી હતી. અત્યાર સુધીમાં 8.81  કરોડથી વધુ ભક્તોએ પ્રયાગરાજના ત્રિવેણી સંગમમાં પવિત્ર ડૂબકી લગાવી છે. 

અમેરિકામાં ટીકટોક પરથી હટ્યો પ્રતિબંધ 

અમેરિકાના 47માં રાષ્ટ્રપતિ બન્યા છે ડોનાલ્ડ ટ્રમ્પ.  ટ્રમ્પે રાષ્ટ્રપતિ પદ સંભાળતા જ મહત્વના નિર્ણયો લીધા છે. તેમાંથી એક છે કે ડોનાલ્ડ ટ્રમ્પે   75 દિવસ માટે TikTok પરનો પ્રતિબંધ હટાવ્યો છે.  રાષ્ટ્રપતિ ડોનાલ્ડ ટ્રમ્પે ચીની એપ ટિકટોક પરનો પ્રતિબંધ 75 દિવસ માટે હટાવી દીધો છે.

આરોપીને લઇને સૈફના ઘરે ગઇ મુંબઇ પોલીસ 

મુંબઇ પોલીસે આરોપી શરીફુલને સાથે રાખીને ક્રાઇમ સીન રિક્રિએટ કર્યો.  સૈફ અલી ખાન હુમલા કેસના આરોપી મોહમ્મદ શરીફુલ ઇસ્લામ શહઝાદ સાથે પોલીસ ગુનાના દ્રશ્યનું પુનર્નિર્માણ કર્યુ હતું. ત્યાર પછી પોલીસ સૈફ અલી ખાનના ઘરેથી નીકળી ગઈ હતી. 

બનાસકાંઠા જિલ્લાના વિભાજન બાદ ધાનેરામાં રોષ 

બપોરે 12 વાગ્યે ધાનેરામાં જન આક્રોશ મહાસભાનું આયોજન કરાયુ છે.  જન આક્રોશ રેલીમાં ભાજપ-કોંગ્રેસના આગેવાન જોડાશે.  ધાનેરાને બનાસકાંઠામાં રાખવાની માંગ સાથે વિરોધ કરવામાં આવશે. 

સુરતમાં લુખ્ખા તત્વોનો આતંક

સુરત પોલીસને લુખ્ખા તત્વો પડકાર ફેંકી રહ્યા છે.  ધોકા, બેટથી 5થી વધુ લુખ્ખાએ આતંક મચાવ્યો છે.  લુખ્ખાઓએ 2થી 3 વ્યક્તિ પર  હુમલો કર્યો છે આ વીડિયો પણ સામે આવ્યો છે જે અંબિકા ટાઉનશીપનો હોવાનું ખૂલ્યુ છે. ઇજાગ્રસ્ત જના ધંધા સાથે સંકળાયેલો હોવાનું સૂત્રો જણાવી રહ્યા છે. હાલ આ મામલે ડિંડોલી પોલીસે વધુ તપાસ હાથ ધરી છે. 

વડોદરામાં રોલો પાડતા બુલેટચાલકો સામે કાર્યવાહી

વડોદરામાં ધ્વનિ પ્રદૂષણ કરતા 4 બુલેટચાલકોને ઝડપી પાડ્યા છે. તેઓ બુલેટના સાઈલેન્સર મોડીફાઇડ કરી ન્યુસન્સ ફેલાવતા હતા.  રાત્રિના સમયમાં ટ્રાફિક પોલીસે ચેકિંગ હાથ ધરતા આ કાર્યવાહી કરવામાં આવી હતી.  હાલમાં મોડીફાઇડ સાઇલેન્સર FSLમાં ચકાસણી માટે મોકલવામાં આવ્યા છે. 

રાજ્યમાં ઠંડીમાં ઘટાડો, વેસ્ટર્ન ડિસ્ટર્બન્સથી તાપમાન ઉચકાયુ

રાજ્યમાં ઠંડીમાં ઘટાડો થયો છે. વેસ્ટર્ન ડિસ્ટર્બન્સથી તાપમાન ઉચકાયુ છે. નલિયામાં તાપમાન 10.5 ડિગ્રી નોંધાયુ છે.  કંડલામાં 13.5 ડિગ્રી, ભુજમાં 13.6 ડિગ્રી, પોરબંદરમાં 14.3 ડિગ્રી, કેશોદમાં 15.0 ડિગ્રી નોંધાયુ છે.  અમદાવાદમાં 17, ગાંધીનગરમાં 16.7 ડિગ્રી 

રાજકોટમાં 15.2 ડિગ્રી, અમરેલીમાં 15.4 ડિગ્રી નોંધાયુ છે.  ડીસામાં 16.1 ડિગ્રી, સુરેન્દ્રનગરમાં 17.2 ડિગ્રી અને વલ્લભ વિદ્યાનગરમાં 17.2 ડિગ્રી તાપમાનનોંધાયુ છે.