અમદાવાદ રથયાત્રા 2024 Updated: ભગવાન જગન્નાથની 147મી રથયાત્રા શાંતિપૂર્ણ માહોલ વચ્ચે પૂર્ણ

23,000થી વધુ પોલીસકર્મીઓએ આપી સેવા  

23,000થી વધુ પોલીસકર્મીઓએ રથયાત્રામાં સેવા આપી છે. આ સિવાય ચેતક કમાન્ડોની ટીમ પણ બંદોબસ્તમાં હતી તથા ચેતક કમાન્ડોની 3 ટૂકડીઓ તૈનાત કરવામાં આવી હતી. આ સાથે જ DG, ADG, IG, DIG સહિતના અધિકારીઓ બંદોબસ્તમાં હાજર હતા તથા કુલ 38 SP, DCP કક્ષાના અધિકારીઓ સાથે ACP - DYSP કક્ષાના 89 અધિકારીઓ તૈનાત હતા. જેમાં PI કક્ષાના કુલ 286 અધિકારીઓ બંદોબસ્તમાં જોડાયા હતા તથા 630 PSIને બંદોબસ્તમાં મુકવામાં આવ્યા હતા. SRPની 30 કંપનીઓના જવાનો બંદોબસ્તમાં ખડેપગે સેવા આપી. તેમજ સેન્ટ્રલ ફોર્સની 11 કંપનીઓ બંદોબસ્તમાં તૈનાત હતી.

ગૃહપ્રધાન હર્ષ સંઘવીએ ગુજરાત પોલીસનો માન્યો આભાર 

ગૃહપ્રધાન હર્ષ સંઘવીએ રાજ્યમાં 210 રથયાત્રા શાંતિપૂર્ણ રીતે પૂર્ણ થયા બાદ સોશિયલ મીડિયા પર પોસ્ટ કરીને ગુજરાત પોલીસનો આભાર માન્યો છે અને કહ્યું કે ગુજરાત પોલીસની સખત મહેનત અને સમર્પણના કારણે આનંદદાયક ઉજવણી શક્ય બની.

ભગવાન જગન્નાથની નીજ મંદિરમાં આરતી પૂર્ણ

ભગવાન જગન્નાથની નીજ મંદિરમાં આરતી પૂર્ણ થઈ ચૂકી છે. ત્યારે આજની રાત ભગવાન જગન્નાથને મંદિરના પ્રાંગણમાં પસાર કરવી પડશે. આવતીકાલે સવારે આરતી બાદ ભગવાનને નીજ મંદિરમાં પ્રવેશ કરાવાશે. 

ભગવાનની આરતી શરૂ 

ભગવાન જગન્નાથ નીજ મંદિર પરત ફર્યા છે અને હવે ભગવાનની આરતી ઉતારવામાં આવી રહી છે. 

ભગવાન નગરચર્યા કર્યા બાદ નીજ મંદિર પરત ફરતા જ વરસાદના અમીછાંટણા 

147મી રથયાત્રા શાંતિપૂર્ણ માહોલ વચ્ચે પૂર્ણ થઈ ચૂકી છે, ભગવાન નીજ મંદિર પરત ફર્યા છે, ત્યારે મેઘરાજાએ પણ અમીછાંટણા વરસાવ્યા છે. 

શાંતિપૂર્ણ માહોલ વચ્ચે ભગવાનના રથ નીજ મંદિર પરત પહોંચ્યા

અમદાવાદની 147મી રથયાત્રા પૂર્ણ થઈ છે. નગરચર્યા કરીને ભગવાન જગન્નાથ નીજ મંદિર પરત પહોંચ્યા છે. શાંતિપૂર્ણ માહોલ વચ્ચે ભગવાનના રથ નીજ મંદિર પરત ફર્યા છે. મંદિરમાં આતુરતાથી ભક્તો રાહ જોઈ રહ્યા હતા. ભગવાન જગન્નાથના દર્શન કરવા અને રથયાત્રા જોવા માટે લોકો દુર-દુરથી આવી પહોંચ્યા છે.

ભગવાનના રથ નીજ મંદિર પરત ફર્યા 

ભગવાનના રથ નીજ મંદિર પરત ફર્યા ભક્તો આતુરતાથી જોઈ રહ્યા હતા. 

મહંત દિલિપદાસજી મહારાજ નીજ મંદિર પહોંચ્યા 

મહંત દિલિપદાસજી મહારાજ નીજ મંદિર પહોંચ્યા છે અને ભગવાનના રથ AMC પહોંચ્યા છે.  

ભજન મંડળીઓ અને ગજરાજ નીજ મંદિરમાં પરત ફર્યા 

ભગવાનના રથ પાનકોર નાકા તરફ પહોંચ્યા છે, ત્યારે ભજન મંડળીઓ અને ગજરાજ નીજ મંદિરમાં પરત ફર્યા છે. ભક્તોમાં ભારે ઉત્સાહ જોવા મળી રહ્યો છે. 

ભગવાનના રથ પાનકોર નાકા પહોંચવા આવ્યા 

ભગવાનના રથ ઘી કાંટાથી નીકળીને પાનકોર નાકા તરફ પહોંચવા આવ્યા છે. જ્યારે ગજરાજ મંદિરમાં પરત પહોંચ્યા છે. 

ભગવાનના રથ પહોંચ્યા ઘી કાંટા, ગજરાજ પહોંચ્યા મંદિર 

ભગવાનના રથ ઘી કાંટા પહોંચ્યા છે. ત્યારે ગજરાજ નીજ મંદિરમાં પરત પહોંચી ચૂક્યા છે. 

ભગવાનના રથ શાહપુરથી આગળ નીકળ્યા

ભગવાનના રથ શાહપુરથી આગળ નીકળ્યા,દર્શન કરવા માટે ભક્તોની ભારે ભીડ જોવા મળી રહી છે.  

ભગવાનના રથ શાહપુર દરવાજા પહોંચ્યા 

ભગવાનના રથ શાહપુર દરવાજા પહોંચ્યા છે અને સમગ્ર માહોલ ભક્તિમય બન્યો છે, ભક્તોમાં પણ ભારે ઉત્સાહ જોવા મળી રહ્યો છે. 

અખાડા પહોંચ્યા ઘી કાંટા 

રથયાત્રા હવે નીજ મંદિર પરત ફરી રહી છે. ત્યારે અખાડા ઘી કાંટા પહોંચ્યા છે અને ભજન મંડળીઓ શાહપુર દરવાજા પહોંચી છે. 

ભગવાનના રથ તંબુ ચોકી પહોંચ્યા 

ભગવાન જગન્નાથ, ભાઈ બલરામ અને બહેન સુભદ્રાના રથ તંબુ ચોકી પહોંચ્યા છે. ત્યારે ભક્તજનોમાં એક અનેરો ઉત્સાહ જોવા મળી રહ્યો છે. 

સાંજે 06 વાગ્યા સુધીના મહત્વના સમાચાર

1. Rath Yatra 2024:રથયાત્રાના રૂટ પર ભક્તોનું ઘોડાપૂર, ડીજે-ઢોલના નાદથી ગુંજી ઉઠી શેરીઓ

2. Rath Yatra 2024: ગૃહપ્રધાન હર્ષ સંઘવીએ કબૂતર ઉડાડી શાંતિનો સંદેશો આપ્યો

3. Ambajiમાં ભગવાન જગન્નાથની 30મી રથયાત્રા, જય રણછોડ માખણચોરના નાદથી રસ્તાઓ ગુંજી ઉઠ્યા

4. Ahmedabad: રથયાત્રા દરમિયાન 3 ઈમરજન્સી કેસ, સારવાર માટે હોસ્પિટલ ખસેડાયા

5. Jagannath Rath Yatra 2024: પ્રજાપતિ પરિવાર દ્વારા ભગવાનને અર્પણ કરાયું મામેરુ

6. Ahmedabad Rathyatra 2024 : સરસપુરમાં પોલીસે ડ્રોનથી કર્યુ સર્વેલન્સ,જુઓ Drone Video

7. Ahmedabad Rathyatra 2024: રથયાત્રા રૂટ પર એમ્બ્યુલન્સ ફસાતા ભકતોએ રસ્તો કરી આપ્યો

8. Jagannath Yatra 2024: ભગવાન જગન્નાથની રથયાત્રા જોવા પુરી પહોંચ્યા રાષ્ટ્રપતિ

9. Jagannath Rath Yatra 2024: PM મોદીએ દેશવાસીઓને રથયાત્રાની શુભેચ્છા પાઠવી

10. Palanpurમાં હિન્દુ સંગઠનો દ્વારા 53મી રથયાત્રાનું આયોજન કરાયુ

ભગવાન જગન્નાથના રથનું ખાસ મહત્વ

આજે અષાઢી બીજના દિવસે અમદાવાદમાં ભગવાન જગન્નાથની 147મી રથયાત્રા નીકળે છે. ત્યારે ભગવાન જગન્નાથ જે રથ પર નગરચર્યાએ નીકળે છે તે રથનું ખાસ મહત્વ રહેલું છે. આ ખાસ રથ પર સવાર થઈને જગતનો નાથ નગરચર્યાએ નીકળે છે. જેમાં રાજવી વેશમાં ભગવાન નગરચર્યાએ નીકળે છે. ભગવાન જગન્નાથ નંદિધોષ રથમાં સવાર થાય છે. તો બહેન સુભદ્રાજી કલ્પધ્વજ રથમાં અને ભગવાનના મોટા ભાઇ બળભદ્રજી તલધ્વજ રથમાં સવાર થાય છે. રથયાત્રામાં સૌથી આગળ ભગવાનનો નંદિઘોષ રથ છે. પ્રભુનો રથ ચક્રધ્વજ, ગરુડધ્વજ અને કપિધ્વજના નામે ઓખળાય છે. આ રથના અશ્વના નામ શંખ, બલાહક, શ્વેત અને હરિદાશ્વ છે. જેમાં ભગવાન જગન્નાથ તમામ અશ્વ રંગ સફેદ છે અને રથના દારુકાજી સારથી છે. જગન્નાથજીના રથના રક્ષક પક્ષીરાજ ગરુડ છે. સાથે જ આ રથ જે દોરડાથી ખેંચાય છે તેને શંખચૂડ કહે છે. આ રથમાં અન્ય 9 દેવી - દેવતાઓની મૂર્તિઓ પણ રખાય છે અને રથના શણગારમાં ખાસ સુદર્શન ચક્ર પણ જોવા મળે છે. 

અખાડાના કરતબો બન્યા આકર્ષણનું કેન્દ્ર 

ભગવાન જગન્નાથની રથયાત્રામાં અખાડાના કરતબો કરવામાં આવતા હોય છે. જેમાં બોડી બિલ્ડરો ઘણા અલગ અલગ કરતબો કરતાં જોવા મળતા હોય છે. દર વર્ષે રથયાત્રામાં આ અખાડાના કરતબો કરવામાં આવે છે. ત્યારે આ વર્ષે પણ અખાડાના કરતબો આકર્ષણનું કેન્દ્ર બન્યા છે. જેને જોવા માટે લોકટોળા ભેગા થયા હતા. 

મુખ્યમંત્રી ભૂપેન્દ્ર પટેલે રથયાત્રાનું નિરીક્ષણ કર્યું 

રથયાત્રાને લઈને અમદાવાદ પોલીસ સજ્જ જોવા મળી રહી છે. જેમાં કંટ્રોલ રૂમથી સતત રથયાત્રાના રુટનું મોનીટરીંગ કરવામાં આવી રહ્યું છે. રથયાત્રાના અને તેની આસપાસના રુટનું સતત CCTC કેમેરાથી મોનીટરીંગ કરવામાં આવી રહ્યું છે.ત્યારે લોકોની સુરક્ષા માટે મુખ્યમંત્રી ભૂપેન્દ્ર પટેલે રથયાત્રાનું નિરીક્ષણ કર્યું હતું.જેમાં સાથે મુખ્ય સચિવ રાજકુમાર અને DSP વિકાસ સહાય પણ હાજર રહ્યા હતા. 

વડોદરામાં રોબો રથ બન્યું આકર્ષણનું કેન્દ્ર

વડોદરામાં નિઝામપુરાના યુવકે સતત 11માં વર્ષે ટેકનોલોજીના ઉપયોગ સાથે રોબોટિક રથમાં ભગવાન જગન્નાથજીને બિરાજમાન કર્યા છે. સતત 11 વર્ષથી વડોદરામાં આ યુવક રોબો રથ તૈયાર કરી રહ્યો છે. નિઝામપુરામાં ટેક્નોલોજીના ઉપયોગથી સ્માર્ટ રોબો રથ પર ભગવાન જગન્નાથની શાહી સવારી નીકળી હતી. રથયાત્રાના દિવસે ભગવાન સ્વયં સામે ચાલીને પોતાના ભક્તોને દર્શન આપ્યા હતા. જેમ જેમ ટેક્નોલોજી વધી રહી છે તેમ ભગવાનનો રથ પણ સુવિધાઓ સાથે તૈયાર કરવામાં આવી રહ્યો છે. આ રોબો રથમા શ્વેત રંગના ચાર ઘોડાઓ અને છ પૈડાંઓને રોબોટ સાથે જોડી રોબો રથ તૈયાર કરવામાં આવ્યો છે.

કબૂતર ઉડાવીને હર્ષ સંઘવીએ શાંતિનો સંદેશો આપ્યો

અમદાવાદમાં ભગવાન જગન્નાથની રથયાત્રામાં ગૃહ રાજ્યમંત્રી હર્ષ સંઘવી પહોંચ્યા હતા. હર્ષ સંઘવીએ ભગવાન જગન્નાથની રથયાત્રામાં પહોંચીને કબૂતર ઉડાવ્યા હતા. કબૂતર ઉડાવીને હર્ષ સંઘવીએ શાંતિનો સંદેશો આપ્યો હતો. આજે અમદાવાદમાં ભગવાન જગન્નાથની 147મી રથયાત્રા નીકળી છે. 

હર્ષ સંઘવીએ પહોંચ્યા રથયાત્રાના દર્શન કરવા 

અમદાવાદમાં ભગવાન જગન્નાથની 147મી રથયાત્રા આજે નીકળી છે. દર વર્ષે અષાઢી બીજના દિવસે રથયાત્રા નીકળે છે. હર્ષ સંઘવીએ ભગવાન જગન્નાથની રથયાત્રાના દર્શન કર્યા હતા. ગૃહ રાજ્યમંત્રી હર્ષ સંઘવી રથયાત્રાના દર્શન કરવા માટે પ્રેમ દરવાજા પહોંચ્યા હતા. ગજરાજ પ્રેમ દરવાજા પાસે પહોંચી ગયા છે. અને રથયાત્રા પણ ભગવાનના મોસાળ સરસપુરથી નીકળીને નિજ મંદિર જવા માટે નીકળી ગઈ છે. 

વડોદરામાં ભગવાન જગન્નાથજીની 43મી રથયાત્રા નીકળી

વડોદરા શહેરમાં ભગવાન જગન્નાથજીની 43મી રથયાત્રા નીકળી હતી. જેમાં અષાઢી બીજના પવિત્ર દિવસે ભગવાન જગન્નાથજી બલરામજી અને બહેન સાથે નગરચર્યાએ નીકળ્યા હતા. ત્યારે  મેયર પિન્કીબેન સોની સહિત ધારાસભ્ય પદાધિકારીઓ હોદ્દેદારોએ સોનેરી જાડુ થી માર્ગની સફાઈ કરી રથયાત્રાને પ્રસ્થાન કરાવ્યું હતું. આ રથયાત્રા દરમિયાન જય જગન્નાથના જયઘોષ સાથે રથયાત્રાએ રાજમાર્ગો પર આકર્ષણ જમાવ્યું હતું. ત્યારે લાખોની સંખ્યામાં ભાવિક ભક્તોએ ભગવાન જગન્નાથજીના દર્શન કર્યા હતા. જેમાં 32 ટન સીરાના પ્રસાદીનું  માર્ગો પર વિતરણ કરવામાં આવ્યું હતું. સાથે જ રાજમાર્ગો પર વિવિધ સ્થળોએ ભગવાન જગન્નાથજીની રથયાત્રાનું સ્વાગત કરાયું હતું. 

અમદાવાદ: રથયાત્રા દરમિયાન 3 ઈમરજન્સી કેસ નોંધાયા 

અમદાવાદમાં ભગવાન જગન્નાથની 147મી રથયાત્રા ધામધૂમથી ઉજવાઈ રહી છે, તેની વચ્ચે રથયાત્રા દરમિયાન 3 ઈમરજન્સી કેસ સામે આવ્યા છે. રથયાત્રા દરમિયાન એક મહિલા અને 2 પુરૂષ સહિત 3 ઈમરજન્સી કેસ સામે આવ્યા છે. ત્રણેય લોકોની તબિયત અચાનક ખરાબ થતાં ત્રણેયને સારવાર માટે હોસ્પિટલ ખસેડાયા છે અને હાલમાં ત્રણેયની હાલત સ્થિર હોવાની જાણકારી મળી છે. 

બપોરના 3 વાગ્યા સુધીના તમામ મહત્ત્વના સમાચાર

1. Jagannath Rath Yatra 2024: પ્રજાપતિ પરિવાર દ્વારા ભગવાનને અર્પણ કરાયું મામેરુ

2. Ahmedabad Rathyatra 2024 : સરસપુરમાં પોલીસે ડ્રોનથી કર્યુ સર્વેલન્સ,જુઓ Drone Video

3. Ahmedabad Rathyatra 2024: રથયાત્રા રૂટ પર એમ્બ્યુલન્સ ફસાતા ભકતોએ રસ્તો કરી આપ્યો

4. Palanpurમાં હિન્દુ સંગઠનો દ્વારા 53મી રથયાત્રાનું આયોજન કરાયુ

5. Ahmedabad Rathyatra 2024 : ભગવાનના મોસાળમાં ભકતો પ્રસાદ લેવા ઉમટયા

6. K Armstrong: BSP નેતાની હત્યા મુદ્દે માયાવતીના DMK સરકાર પર પ્રહાર

7. IND vs ZIM: ટીમ ઈન્ડિયાને ઝિમ્બાબ્વેના આ 5 ખેલાડીઓથી રહેવું પડશે સાવધાન

8. Budget 2024: હોટલ ઈન્ડસ્ટ્રીને બજેટમાં છે મોટી આશાઓ, જાણો ડિમાન્ડ

9. IND vs ZIM: બીજી T20માં ટીમ ઈન્ડિયા પ્લેઈંગ-11માં કરી શકે મોટા ફેરફાર

10. Suratમાં બિલ્ડીંગ ધરાશાયી થવાની ઘટના,બિલ્ડીંગ બનાવનાર બે લોકો સામે નોંધાઈ ફરિયાદ

ગજરાજ સરસપુરથી નિજ મંદિર તરફ રવાના

રથયાત્રાની ગળ ચાલી રહેલા ગજરાજ સરસપુરથી નિજ મંદિર તરફ પ્રસ્થાન કરી ચૂક્યા છે. રથયાત્રામાં અનેક અલગ અલગ ટેબ્લોએ આકર્ષણ જમાવ્યું છે. રામમંદિર, વિશ્વગુરુ, વર્લ્ડકપ સહિતના ટેબ્લો જોવા મળ્યા છે. આ સાથે જ પ્રસાદી માટે ભક્તોની ભીડ જોવા મળી રહી છે. 

અંકલેશ્વરમાં અષાઢી બીજ નિમિત્તે રથયાત્રાનું આયોજન

હરીદર્શન સોસાયટી સ્થિત જગન્નાથ મંદિરેથી રથયાત્રાનું પ્રસ્થાન કરાયું છે. મોટી સંખ્યામાં ભાવિક ભક્તો જોડાયા. પોલીસનો ચાંપતો બંદોબસ્ત.

સરસપુરમાં ભાણેજનું મામેરુ

પ્રજાપતિ પરિવાર દ્વારા ભગવાનને અર્પણ કરાયું મામેરુ. સંદેશ ન્યૂઝ પર રથયાત્રાનું મહાકવરેજ. જગતના નાથને માટે જય રણછોડ, માખણ ચોરના નારા ચારે તરફ ગૂંજી રહ્યા છે. 

જય જગન્નાથના નાદ ચારેયકોર ગુંજ્યા. મોસાળ પક્ષના લોકોએ ભાણેજોને ઉત્સાહથી વધાવ્યા. સરસપુર રણછોડરાયજી મંદિરમાં ભક્તોનો જમાવડો પણ જોવા મળ્યો છે. 

રથયાત્રામાં AMC પાસે CCTVના થાંભલાને લઈ હાલાકી

ટ્રકમાંથી એક વ્યક્તિ CCTVના થાંભલા પર લટકી ગયો. આ થાંભલો દરેક ટ્રકમાં નડતરરૂપ જોવા મળ્યો. થાંભલા પર લટકેલો વ્યક્તિ પાછળ આવતી ટ્રકમાં ઉતર્યો.

રોહિત શર્માને લઇ મોટા સમાચાર 

રોહિત શર્માને લઈને BCCI સચિવે મોટી જાહેરાત કરી છે. જેમાં કહેવામાં આવ્યું છે કે રોહિત શર્મા વન-ડે અને ટેસ્ટમાં કેપ્ટન પદે યથાવત રહેશે. WTC ફાઇનલ ભારત રોહિત શર્માની કેપ્ટનશીપમાં રમશે. ચેમ્પિયન ટ્રોફીમાં પણ રોહિત શર્મા જ કેપ્ટન રહેશે.

મામાના ઘરે પહોંચી રથયાત્રા

બપોરના લગભગ 1.25નો સમય છે અને રથ મામાના ઘરે એટલે કે સરસપુર પહોંચ્યા છે. આ સાથે જ અહીં મામેરુ ભરાયું છે. નગરચર્યા દરમિયાન વ્હાલાના વધામણા થઈ રહ્યા છે. ભાણેજને વધાવવા માટે સરસપુર આતુર છે. ભક્તો વ્હાલાની ભક્તિમાં લીન બન્યા છે ને સાથ જ રથની સાથે સાથે ભક્તોનો કાફલો પણ સતત આગળ વધી રહ્યો છે. ભક્તો નાથના પ્રસાદની સાથે સાથે ધન્યતાનો અનુભવ કરી રહ્યા છે. 

બોડેલીમાં ભગવાન જગન્નાથની રથયાત્રામાં આસારામનો ટેબ્લો

બળાત્કારી આસારામનો ટેબ્લો ચર્ચાનું કેન્દ્ર બન્યો છે. આસારામના સમર્થકો તેની તસ્વીર સાથે ટેબ્લોમાં જોડાયા. ગયા વર્ષે પણ રથયાત્રામાં હતો આસારામનો ટેબ્લો.

દાહોદ જીલ્લામાં ઠેર ઠેર નીકળી ભગવાન જગન્નાથની રથયાત્રા 

દાહોદ, ઝાલોદ, લીમડી સહીતના વિસ્તારમાં ભવ્ય રથયાત્રા નીકળી. દાહોદમાં 17મી જગન્નાથજીની રથયાત્રાની રંગે ચંગે ઉજવણી થઈ રહી છે. હનુમાન બજારના રણછોડજીના મંદિરેથી ભક્તિ ભાવ પૂર્વક વિધિ વિધાન સાથે કાઢવામાં આવી રથયાત્રા. સાંસદ, મંત્રી, ધારાસભ્યો, જિલ્લા પંચાયત પ્રમુખ, ભાજપા જિલ્લા પ્રમુખ, કલેકટર, SPની ઉપસ્થિતિમાં નીકળી રથયાત્રા.

અમદાવાદમાં માતાએ જ કરી પુત્રીની હત્યા

માતાએ બીજા લગ્ન કરવા હત્યા કર્યાનું અનુમાન. 11 મહિનાની પુત્રીની માતાએ જ કરી હત્યા. જમાલપુરમાં પુત્રીના ગળાના ભાગે બ્લેડ મારી. ગાયકવાડ હવેલી પોલીસે માતાની કરી અટકાયત.

ભગવાન જગન્નાથનો રથ કાલુપુર પહોંચ્યો 

ભગવાન જગન્નાથનો રથ કાલુપુર પહોંચ્યો છે. જેમાં રસ્તા પર ભક્તિમય માહોલ છવાયો છે. તેમજ જય જગન્નાથના નાદ ચારેય કોર ગુંજ્યા છે. મામાના ઘરે માણેજના સ્વાગત માટે ઉમળકો છે. મોસાળ પક્ષના લોકો ભાણેજને વધાવવા આતુર છે. સરસપુર રણછોડરાયજી મંદિરમાં ભક્તોનો જમાવડો જોવા મળ્યો છે. સરસપુરની પોળોમાં ભંડારા ધમધમી રહ્યાં છે. સરસપુરવાસીઓ ભક્તોને ભાવથી ભોજન જમાડી રહ્યાં છે. સરસપુર મંદિરે ભાણેજનું મામેરૂ ભરાશે. થોડીવાર ભગવાન મામાના ઘરે આરામ કરશે. 

સરસપુરમાં હજારો લોકો માટે પ્રસાદની વ્યવસ્થા કરાઇ

સરસપુરમાં વર્ષોથી હજારો લોકો માટે પ્રસાદની વ્યવસ્થા કરાય છે. જેમાં 10થી વધારે પોળોમાં ભકતો માટે પ્રસાદ તૈયાર થયો છે. ફૂલવડી અને મોહનથાળનો પ્રસાદ ભકતોને પિરસાસે. સરસપુરમાં ટ્રક આવી પહોંચતા તેમાં અનેક ભક્તો પણ જોડાયા હોય છે તે સાથે જ લાખો ભક્તોને ભીડ સરસપુર ખાતે ઉમટી છે. આથી કોઈ ભક્ત સરસપુર ભગવાનના મોસાળથી ભૂખ્યા ન જાય તે માટે દરેક પોળના સ્વયંસેવકો સેવામાં જોડાયા છે અને ભોજન ગ્રહણ કરાવી રહ્યા છે.

અખાડાનો માહોલ અનોખો છે

અમદાવાદમાં 146મી જગન્નાથજી રથયાત્રા આજે નિકળી છે. જેમાં મોટી સંખ્યામાં ભાવિ ભક્તો ઉમટ્યા છે. હર વર્ષની જેમ આ વર્ષે પણ રથયાત્રામાં અખાડાઓ અને કરતબાજો અનોખા-અનોખા કરતબો કરતા જોવા મળ્યા છે.રથયાત્રા પોતાના નિત્ય રૂટ પર ધીમે ધીમે આગળ વધી રહી છે. ગજરાજો આગળ વધ્યા બાદ ટ્રક જોડાયા હતા અને બાદમાં અખાડા અને કરતબબાજો રથયાત્રામાં જોડાયા હતા.

અમદાવાદ રથયાત્રા રૂટ પર પોલીસનું સતત મોનિટરિંગ

અમદાવાદ રથયાત્રા રૂટ પર પોલીસ સતત મોનિટરિંગ કરી રહી છે. જેમાં સીસીટીવી કેમેરા અને ડ્રોન કેમેરાથી રથયાત્રાનું મોનિટરિંગ થઈ રહ્યું છે. એર સર્વેલન્સ દ્વારા પણ સતત મોનિટરિંગ થઈ રહ્યું છે.

AMCના હોદ્દેદારોએ હાર પહેરાવીને દિલીપદાસજી મહારાજનું સ્વાગત કર્યું

જગન્નાથજીનો રથ અમદાવાદ મ્યુનિસિપલ કોર્પોરેશન પહોંચ્યો હતો. આ રથની પાછળ બહેન સુભદ્રાજીનો રથ છે.અને બળભદ્રજીનો રથ પણ અમદાવાદ મ્યુનિસિપલ કોર્પોરેશન પહોંચી ગયો હતો. થોડીક વારમાં મેયર પ્રતિભાબેન જૈન અને સાંસદ દિનેશ મકવાણા સ્વાગત કર્યું.આ પરંપરા રથયાત્રા સાથે સંકળાયેલી પરંપરા છે.રથયાત્રા ભાઇચારાનું ઉદાહરણ પ્રસ્તૃત કરે છે.

 ભગવાનના રથ ખાડિયા પહોંચ્યા

અખાડા સરસપુર પહોંચ્યા છે. તેમજ ભગવાનના રથ ખાડિયા પહોંચ્યા છે. જગતના નાથના દર્શન કરી લોકોએ ધન્યતા અનુભવી છે. તેમજ પ્રસાદ લેવા માટે લોકોની પડાપડી છે જેમાં ફણગાવેલા મગ, જાંબુના પ્રસાદનો મહિમા અનેરો છે. ભગવાનના રથ ખેંચવા માટે ખલાસીઓમાં ઉત્સાહ જોવા મળ્યો છે. અમદાવાદના રસ્તાઓ ખીચોખીચ ભરાયા છે તથા રસ્તા પર ભક્તિમય માહોલ છવાયો છે. જય જગન્નાથના નાદ ચારેય કોર ગુંજ્યા છે. 

બપોરે 12 વાગ્યા સુધીના મહત્ત્વના સમાચાર 

1- Dang જિલ્લામાં વરસાદ બાદ બાહુબલી ફિલ્મ જેવા નયનરમ્ય દ્રશ્યો સર્જાયા

2- Gujaratના મુખ્યમંત્રી ભૂપેન્દ્ર પટેલે રથયાત્રાનું નિરીક્ષણ કર્યું

3- RathYatra: Shamlaji ખાતે રથયાત્રા યોજાઇ, ભક્તોએ ભગવાનના દર્શન કર્યા

4- યાત્રાધામ Dakorમાં 252મી ચાંદીના રથમાં રથયાત્રા નિકળી

5- Dwarkaમાં અષાઢી બીજની પરંપરાગત ઉજવણી, શ્રીજીના બાળ સ્વરૂપે કરો દર્શન

6- Bhavnagarમાં ભગવાન જગન્નાથની 39મી રથયાત્રા યોજાઇ

7- Ahmedabad Rathyatra: ભક્તિ, આરાધના, સેવાનો પર્યાય એટલે રથયાત્રાઃ CM ભૂપેન્દ્ર પટેલ

8- Ahmedabad Rathyatra: જગન્નાથ ભગવાનની જુઓ મંગળા આરતી

9- Ahmedabad Rathyatraને લઇ પોલીસ એલર્ટ, 23,600 પોલીસકર્મીઓ બંદોબસ્તમાં તૈનાત

10- Ahmedabad Rathyatra: કેન્દ્રીય ગૃહમંત્રી અમિત શાહે કરી મંગળા આરતી

ડાંગ જિલ્લામાં વરસાદ બાદ નયનરમ્ય દ્રશ્યો સામે આવ્યા

ડાંગ જિલ્લામાં વરસાદ બાદ નયનરમ્ય દ્રશ્યો સામે આવ્યા છે. જેમાં મોટી સંખ્યામાં પ્રવાસીઓ નયનરમ્ય દ્રશ્યો જોવા ઉમટ્યા છે. તેમજ વરસાદથી આહ્લાદક વાતાવરણનું નિર્માણ થયુ છે. તથા પ્રકૃતિ પ્રેમીઓ વાતાવરણની મોજ માણવા ઉમટ્યા છે.

રથયાત્રામાં ગજરાજ અને ટ્રક સરસપુર પહોંચ્યા 

રથયાત્રામાં ગજરાજ અને ટ્રક સરસપુર પહોંચ્યા છે. જગતના નાથના દર્શન કરી લોકોએ ધન્યતા અનુભવી છે. તેમાં પ્રસાદ લેવા માટે લોકોએ પડાપડી કરી છે. અમદાવાદના રસ્તાઓ ખીચોખીચ ભરાયા છે. તેમજ રસ્તા પર ભક્તિમય માહોલ સાથે જય જગન્નાથના નાદ ચારેય કોર ગુંજ્યા છે. 

ગુજરાતના મુખ્યમંત્રી ભૂપેન્દ્ર પટેલે રથયાત્રાનું નિરીક્ષણ કર્યું 

ગુજરાતના મુખ્યમંત્રી ભૂપેન્દ્ર પટેલે રથયાત્રાનું નિરીક્ષણ કર્યું છે. જેમાં CM ડેશ બોર્ડથી મુખ્યમંત્રી ભૂપેન્દ્ર પટેલે રથયાત્રાનું નિરીક્ષણ કર્યું છે. તેમાં રથના લોકેશન, સુરક્ષા, સલામતીની જાણકારી મેળવી છે. મુખ્ય સચિવ રાજકુમાર, DGP વિકાસ સહાય હાજર રહ્યા છે. અમદાવાદની 147મી જગન્નાથ રથયાત્રા યોજાઇ રહી છે.

CM ભૂપેન્દ્ર પટેલે રથયાત્રાનું નિરીક્ષણ કર્યું 

CM ભૂપેન્દ્ર પટેલે રથયાત્રાનું નિરીક્ષણ કર્યું છે. જેમાં CM ડેશ બોર્ડથી CMએ રથયાત્રાનું નિરીક્ષણ કર્યું છે. તેમાં રથના લોકેશન, સુરક્ષા, સલામતીની જાણકારી મેળવી છે. ત્યારે મુખ્ય સચિવ રાજકુમાર, DGP વિકાસ સહાય હાજર રહ્યા છે. 

ભગવાન જગન્નાથની રથયાત્રા કાલુપુર પહોંચી 

ભગવાન જગન્નાથની રથયાત્રા કાલુપુર પહોંચી છે. જેમાં ગજરાજ - ટેબ્લો કાલુપુર દરવાજા પહોંચ્યા છે. ભગવાનના રથ જમાલપુર પોલીસ ચોકીથી આગળ વધ્યા છે. જગતના નાથના દર્શન કરી લોકોએ ધન્યતા અનુભવી છે. તેમજ પ્રસાદ લેવા માટે લોકોની પડાપડી છે. ફણગાવેલા મગ, જાંબુના પ્રસાદનો મહિમા છે. તથા ભગવાનના રથ ખેંચવા માટે ખલાસીઓમાં ઉત્સાહ છે. 

યાત્રાધામ શામળાજી ખાતે શામળિયાની રથયાત્રા નિકળી 

યાત્રાધામ શામળાજી ખાતે શામળિયાની રથયાત્રા નિકળી છે. ભગવાન શામળીયાને વિશેષ સાજ શણગાર કરાયા છે. જેમાં ભક્તોએ રથયાત્રામાં જોડાઈ ભગવાનના દર્શન કર્યા છે. તેમાં મંદિરના ચેરમેન ટ્રસ્ટી, સાંસદ મયંક નાયક હાજર રહ્યા છે. જેમાં નવા બનાવાયેલ રથમાં ભગવાન શામળિયાની રથયાત્રા કઢાઈ છે.

યાત્રાધામ ડાકોરમાં 252મી રથયાત્રા નિકળી 

યાત્રાધામ ડાકોરમાં 252મી રથયાત્રા નિકળી છે. જેમાં રાજા રણછોડની ધામધૂમ પૂર્વક રથયાત્રા નીકળતા નગરજનોમાં ઉત્સાહનો માહોલ છે. ચાંદીના રથમાં બિરાજમાન થઈ ભગવાન નગરચર્યાએ નીકળ્યા છે. તેમજ રથયાત્રામાં હજારો ભાવિક ભક્તો જોડાયા છે. તેમજ ચુસ્ત પોલીસ બંદોબસ્ત ગોઠવાયો છે. 

રથયાત્રામાં યુવાનોના કરતબો જોવા લોકો ટોળે વળ્યા

ભગવાન જગન્નાથની 147મી રથયાત્રામાં યુવાનોના કરતબો જોવા લોકો ટોળે વળ્યા છે. બોડી બિલ્ડરોએ આકર્ષણ જમાવ્યું છે. તેમજ સરસપુરમાં ભગવાનના દર્શન કરવા લાંબી લાઈનો લાગી છે. 

ભગવાનનો રથ મંદિરથી જમાલપુર દરવાજા પહોંચ્યો 

ભગવાન જગન્નાથની નગરયાત્રામાં ભગવાનનો રથ મંદિરથી જમાલપુર દરવાજા પહોંચ્યો છે. ભાઇ - બહેન સાથે નાથે નગરજનોને દર્શન આપ્યા છે. 

રથયાત્રામાં અલગ - અલગ ટેબ્લોમાં સંદેશ જોવા મળ્યા 

રથયાત્રામાં અલગ - અલગ ટેબ્લોમાં સંદેશ જોવા મળ્યા છે. જેમાં ટીમ ઈન્ડિયાના ટેબ્લોએ અનેરું આકર્ષણ જમાવ્યુ છે. તેમજ રથયાત્રામાં માતા - પિતાની સેવાનો સંદેશ, શ્રવણના જીવનના સંદેશ સાથેનો ટેબ્લો તથા ઉર્જા બચાવવાનો સંદેશ તેમાં રીન્યુએબલ એનર્જીના ઉપયોગનો સંદેશ તથા પવનચક્કી - સૌર ઉર્જાનો ટેબ્લો જોવા મળ્યો છે. 

AMCના હોદ્દેદારોએ દિલીપદાસજી મહારાજનું સ્વાગત કર્યું 

AMCના હોદ્દેદારોએ દિલીપદાસજી મહારાજનું સ્વાગત કર્યું છે. જેમાં રથની પ્રતિકૃતિ અર્પણ કરી સ્વાગત કરાયુ છે. મેયર પ્રતિભા જૈને પ્રતિકૃતિ અર્પણ કરી છે. તેમજ મહંત દિલીપદાસજી મહારાજે મંદિરનો પ્રસાદ આપ્યો છે. તથા મુસ્લીમ અગ્રણીઓએ પણ દિલીપદાસજીનું સ્વાગત કર્યું છે. રથયાત્રા સાથે સંકળાયેલી પરંપરા ભાઇચારાનું ઉદાહરણ પ્રસ્તૃત કરે છે. 

અમદાવાદના રસ્તાઓ પર કિડીયારુ ઉભરાયુ 

અમદાવાદના રસ્તાઓ પર કિડીયારુ ઉભરાયુ છે. જેમાં નગરચર્યાએ જગતના નાથ નીકળ્યા છે. તેમાં જય જગન્નાથના નાદથી અમદાવાદ ગુંજ્યુ છે. બેન સુભદ્રા અને ભાઈ બલભદ્ર સાથે ભગવાનની નગરચર્યા શરૂ છે. રથયાત્રાને લઈ અમદાવાદમાં ભક્તો ભાવવિભોર થયા છે. જેમાં રાજવી વેશમાં ભગવાન નગરચર્યાએ છે. તેમાં રથયાત્રામાં અખાડાઓએ આકર્ષણ જમાવ્યું છે. 

અમદાવાદના સરસપુર ખાતે અલગ-અલગ પોળોમાં ભકતો માટે ભંડારાનું આયોજન

રથયાત્રાનુ ધામધૂમથી આયોજન થયું છે,ત્યારે ભકતોને સમયસર પ્રસાદ મળે તે માટે અમદાવાદના સરસપુર ખાતે અલગ-અલગ પોળોમાં ભકતો માટે ભંડારાનું આયોજન કરવામાં આવ્યું છે,સરસપુરની આંબલીવાડની પોળમાં છેલ્લા લાંબા સમયથી ભકતો માટે ભંડારાનું આયોજન કરવામાં આવે છે.

હનુમાનજી દાદાને 500 કિલો જાંબુનો અન્નકુટ ધરાવાયો

સુપ્રસિદ્ધ યાત્રાધામ સાળંગપુર કષ્ટભંજન હનુમાનજી મંદિરેઅષાઢી બીજ નિમિત્તે હનુમાનજી દાદાને વિશેષ શણગાર કરવામાં આવ્યો છે. હનુમાનજી દાદાને 500 કિલો જાંબુનો અન્નકુટ ધરાવાયો છે અને હનુમાનજી દાદાની મૂર્તિને રથયાત્રા પ્રતિકૃતિ બનાવી શણગાર કરવામાં આવ્યો છે.

દ્વારકાધીશ જગતમંદિરમાં આજરોજ અષાઢી બીજની પરંપરાગત ઉજવણી કરાઇ 

દ્વારકાધીશ જગતમંદિરમાં આજરોજ અષાઢી બીજની પરંપરાગત ઉજવણી કરાઇ છે. જેમાં ચાંદીના રથમાં બિરાજમાન શ્રીજીના ઉત્સવ સ્વરૂપની ભાવિકોની ઉપસ્થિતિમાં ચાર પરિક્રમા યોજાશે. દ્વારકાધીશ જગતમંદિરમાં આજરોજ  રોજ સાંજે 5:૦૦ થી 7:૦૦ સુધી પુષ્ય નક્ષત્ર અનુસાર દ્વારકાધીશ ભગવાનના બાળ સ્વરૂપની રથયાત્રાનું આયોજન કરવામાં આવ્યું છે. 

ભાવનગરમાં ભગવાન જગન્નાથની 39મી રથયાત્રા યોજાઇ 

ભાવનગરમાં ભગવાન જગન્નાથની 39મી રથયાત્રા યોજાઇ છે. જેમાં ભાવનગરમાં મહાદેવ મંદિરથી રથયાત્રાનું પ્રસ્થાન કરાવવામાં આવ્યુ છે. મંત્રી નિમુબેન બાંભણીયાએ જગન્નાથના દર્શન કર્યા છે. તેમજ મેયર, જીતુ વાઘાણી, સેજલ પંડ્યાએ પણ રથયાત્રામાં ભગવાનના દર્શન કર્યા છે. શહેરમાં ભગવાન જગન્નાથ નગરચર્યાએ નીકળ્યા છે.

રથયાત્રામાં ટીમ ઈન્ડિયાના ટેબ્લોએ અનેરું આકર્ષણ જમાવ્યું

અમદાવાદમાં ભગવાન જગન્નાથની રથયાત્રાને લઈ ભક્તોમાં અનેરો ઉત્સાહ છે. જેમાં મોટી સંખ્યામાં ભક્તો રથયાત્રામાં જો઼ડાયા છે. રથયાત્રાના રૂટ પર સઘન સુરક્ષા વ્યવસ્થા છે. તેમજ ટીમ ઈન્ડિયાના ટેબ્લોએ અનેરું આકર્ષણ જમાવ્યું છે. 

સુરતમાં બિલ્ડીંગ ધરાશાયી થતા 7 લોકોના મોત થયા 

સુરતમાં બિલ્ડીંગ ધરાશાયી થતા 7 લોકોના મોત થયા છે. જેમાં બિલ્ડીંગ પડતા કાટમાળ નીચે લોકો દટાયા છે. અત્યાર સુધી કુલ 7 મૃતદેહ કાઢવામાં આવ્યા છે. તેમાં NDRFની ટીમ દ્વારા રેસ્ક્યુની કામગીરી કરાઇ છે. જેમાં ઉચ્ચ અધિકારીઓ પણ ઘટનાસ્થળે છે.

PMએ દેશવાસીઓને રથયાત્રાની શુભેચ્છા પાઠવી

PMએ દેશવાસીઓને રથયાત્રાની શુભેચ્છા પાઠવી છે. જેમાં PM મોદીએ Xના માધ્યમથી શુભેચ્છા પાઠવી છે. પવિત્ર રથયાત્રાના પ્રારંભની શુભેચ્છાઓ, મહાપ્રભુ જગન્નાથને નમન, જગન્નાથના આશીર્વાદ અમારા પર સતત રહે.

 મુખ્યમંત્રી ભૂપેન્દ્ર પટેલે ભગવાનનો રથ ખેંચી રથયાત્રાનું પ્રસ્થાન કરાવ્યું

અમદાવાદમાં ભગવાન જગન્નાથની રથયાત્રાની શરૂઆત થઇ ગઇ છે. જેમાં ગુજરાતના મુખ્યમંત્રી ભૂપેન્દ્ર પટેલે ભગવાનનો રથ ખેંચી રથયાત્રાનું પ્રસ્થાન કરાવ્યું છે. તેમાં પહિંદવિધિ બાદ રથનું પ્રસ્થાન કરાવાયું છે. ત્યારે મુખ્યમંત્રી ભૂપેન્દ્ર પટેલે જણાવ્યું છે કે  પુરી બાદ અમદાવાદની રથયાત્રા સૌથી મોટી છે. 

અમદાવાદમાં ભગવાન જગન્નાથની રથયાત્રા શરૂ થઇ 

અમદાવાદમાં ભગવાન જગન્નાથની રથયાત્રા શરૂ થઇ છે. જેમાં રાજવી વેશમાં ભગવાન નગરચર્યાએ છે. જગતના નાથ નગરચર્યાએ નીકળ્યા છે. રથયાત્રાને લઈ ભક્તોમાં અનેરો ઉત્સાહ જોવા મળ્યો છે. મોટી સંખ્યામાં ભક્તો રથયાત્રામાં જો઼ડાયા છે. તેમજ રથયાત્રાના રૂટ પર સઘન સુરક્ષા વ્યવસ્થા કરવામાં આવી છે. 

અમદાવાદમાં ભગવાન જગન્નાથની રથયાત્રા શરૂ 

અમદાવાદમાં ભગવાન જગન્નાથની રથયાત્રા શરૂ થઇ છે. જેમાં ત્રણેય રથ મંદિર બહાર નીકળ્યા છે. તેમાં રાજવી વેશમાં ભગવાન નગરચર્યાએ છે. ભગવાન જગન્નાથ નંદિધોષ રથમાં સવાર છે. બહેન સુભદ્રાજી કલ્પધ્વજ રથમાં સવાર તથા મોટા ભાઇ બળભદ્રજી તલધ્વજ રથમાં સવાર થયા છે. 

સાળંગપુરમાં બિરાજીત કષ્ટભંજન દેવને રથયાત્રાની થીમ પર કરાયો શણગાર

જગન્નાથ ભગવાન તેમજ સુભદ્રાજી તથા બળભદ્રજીના સૌથી પહેલા કરો નજીકથી દર્શન 

CM ભૂપેન્દ્ર પટેલે પહિંદ વિધિ કરી 

અમદાવાદમાં ભગવાન જગન્નાથની 147મી રથયાત્રા યોજાઇ છે. જેમાં CM ભૂપેન્દ્ર પટેલે પહિંદ વિધિ કરી છે. તેમાં સોનાની સાવરણીથી રથની સફાઇ કરી છે. સોનાની સાવરણથી રથની સફાઇની પરંપરા છે. જગન્નાથજી રથયાત્રામાં પહિંદ વિધિનું અનોખું મહત્વ છે. નાથની નગરયાત્રા પહેલા પહિંદ વિધિ કરવામાં આવે છે. રાજ્યના મુખ્યમંત્રી તરીકે નાથના પ્રથમ સેવક ગણાય છે.

ગૃહરાજ્ય મંત્રી હર્ષ સંઘવીએ ભગવાન જગન્નાથના દર્શન કર્યા 

ગૃહરાજ્ય મંત્રી હર્ષ સંઘવીએ ભગવાન જગન્નાથના દર્શન કર્યા છે. જેમાં હાઇકોર્ટના ચીફ જસ્ટીસે ભગવાન જગન્નાથના દર્શન કર્યા તથા મેયર પ્રતિભા જૈન દર્શન માટે આવ્યા છે તથા મંત્રી જગદીશ વિશ્વકર્માએ ભગવાનના દર્શન કર્યા છે. 

પોલીસ કમિશનર જી.એસ.મલિકે જગન્નાથના દર્શન કર્યા

કૃષિમંત્રી રાઘવજી પટેલ જગન્નાથ મંદિર પહોંચ્યા છે. તેમજ પોલીસ કમિશનર જી.એસ.મલિકે જગન્નાથના દર્શન કર્યા છે. સાથે જ ધારાસભ્ય અમિત શાહે ભગવાનના દર્શન કર્યા છે. 

થોડીવારમાં CM ભૂપેન્દ્ર પટેલ  પહિંદ વિધિ કરશે

અમદાવાદમાં ભગવાન જગન્નાથની 147મી રથયાત્રા શરૂ થવા જઇ રહી છે. જેમાં મુખ્યમંત્રી ભૂપેન્દ્ર પટેલ થોડીવારમાં મંદિર પહોંચશે. તેમજ થોડીવારમાં CM ભૂપેન્દ્ર પટેલ  પહિંદ વિધિ કરશે. 

ભગવાન જગન્નાથ રથમાં સવાર થયા 

ભગવાન જગન્નાથ રથમાં સવાર થયા છે. જેમાં ભગવાન જગન્નાથ નંદિધોષ રથમાં સવાર થયા છે. તેમજ બહેન સુભદ્રાજી કલ્પધ્વજ રથમાં સવાર થયા છે. તથા મોટા ભાઇ બળભદ્રજી તલધ્વજ રથમાં સવાર થયા છે.

 ભગવાન જગન્નાથને ઢોલ નગારા સાથે રથમાં બિરાજમાન કરવામાં આવ્યા

અમદાવાદમાં ભગવાન જગન્નાથની 147મી રથયાત્રા. ભગવાન જગન્નાથને ઢોલ નગારા સાથે રથમાં બિરાજમાન કરવામાં આવ્યા.

સરસપુરમાં 14થી વધુ પોળોમાં રસોડા શરૂ કરાયો

આજે રથયાત્રાનો પાવન પર્વ ભગવાન જગન્નાથને ખીચડાનો પ્રસાદ ધરાવાયો છે. જે લગભગ 1 લાખથી વધુ લોકો માટે ખીચડાનો પ્રસાદ બનાવાય છે. ભગવાન જગન્નાથને ડ્રાયફ્રુટ અને ગવારફળીનું શાક નાખીને આ ખીચડો તૈયાર કરાય છે. સરસપુરમાં 14થી વધુ પોળોમાં રસોડા શરૂ કરાયા છે. જેમાં પૂરી,શાક,ખીચડી, કઢી, ફૂલવડી, બુંદી, મોહનથાળ જેવી વિવિધ વાનગીઓ તૈયાર થઈ રહી છે. ભક્તોને આવકારવા અને પ્રસાદીની વ્યવસ્થા માટે રસોડાની શરૂઆત કરી વિવિધ વાનગીઓ બનાવવામાં આવી રહી છે. સરસપુરની લુહાર શેરીમાં સૌથી મોટું રસોડું છેલ્લા 46 વર્ષથી કાર્યરત છે.

સુરતમાં બિલ્ડીંગ ધરાશાયી થતા 4 લોકોના મોત થયા 

સુરતમાં બિલ્ડીંગ ધરાશાયી થતા 4 લોકોના મોત થયા છે. જેમાં કાટમાળ નીચે 5 જેટલા લોકો દટાયા હતા. તેમાં એક મહિલાનું રેસ્ક્યુ કરવામાં આવ્યું હતું. તથા NDRFની ટીમ દ્વારા રેસ્ક્યુની કામગીરી કરાઇ રહી છે. તેમજ ઉચ્ચ અધિકારીઓ પણ ઘટનાસ્થળે હાજ છે. 

જાણો અમદાવાની રથયાત્રાનો સમગ્ર રૂટ તે પણ સમય સાથે

સવારે 7 વાગે મંદિરથી રથયાત્રાનો પ્રારંભ થશે. તે પછી9 વાગે એએમસી પહોંચશે. તથા 9.45 વાગે રાયપુર ચકલા, 10.30 વાગે ખાડીયા ચાર રસ્તા, 11.15 કલાકે કાલુપુર સર્કલ, 12 વાગે સરસપુર તેમજ 1.30 કલાકે સરસપુરથી પરત, 2 કલાકે કાલુપુર સર્કલ, 2.30 કલાકે પ્રેમ દરવાજા, 3.15 કલાકે દિલ્હી ચકલા, 3.45 કલાકે શાહપુર દરવાજા, 4.30 કલાકે આર.સી.હાઇસ્કૂલ, 5 વાગે ઘી કાંટા, 5.45 વાગે પાનકોર નાકા, 6.30 માણેકચોક તથા 8.30 વાગે નિજ મંદિર પરત ફરશે.

મંદિરમાં ખીચડીનો પ્રસાદ તૈયાર કરાયો 

ભગવાન જગન્નાથની 147મી રથયાત્રા નિમિત્તે જગન્નાથ મંદિરમાં ભક્તોનો જમાવડો છે. મંદિરમાં ભક્તિમય માહોલ છવાયો છે. તેમાં મંદિરમાં જય રણછોડ, માખણ ચોરનો નાદ છે. મંદિરમાં મંત્રો અને શાસ્ત્રોનું પઠન કરવામાં આવ્યું છે.  ભજન મંડળીયો દ્વારા સતત ભજન, ગરબા યોજાઇ રહ્યાં છે. મંદિરમાં ભક્તો ભગવાનની ભક્તિમાં લીન થયા છે. તેમાં મંદિરમાં ખીચડીનો પ્રસાદ તૈયાર કરાયો છે. જેમાં નાથના દર્શન માટે શહેરીજનો અધિરા બન્યા છે. 

કેન્દ્રીય ગૃહમંત્રી અમિત શાહે મંગળા આરતી કરી

ભગવાન જગન્નાથની 147મી રથયાત્રા પહેલા નીજ મંદિરમાં ભગવાન જગન્નાથની મંગળા આરતી થઇ છે. જેમાં મંદિરમાં હજારોની સંખ્યામાં ભક્તો ઉમટ્યા છે. તેમજ કેન્દ્રીય ગૃહમંત્રી અમિત શાહે મંગળા આરતી કરી છે. જેમાં અમિત શાહ પરિવાર સાથે અમદાવાદના જગન્નાથ મંદિરે હાજર રહ્યાં છે. 

ભગવાન જગન્નાથ નગરજનોના ખબર-અંતર પૂછશે

ભગવાન જગન્નાથની 147મી રથયાત્રા યોજાઇ રહી છે. જેમાં અમદાવાદના માર્ગ પર ભગવાન જગન્નાથ ફરવા નિકળશે.  ભાઇ બલરામ અને બહેન સુભદ્રા સાથે નગરચર્યાએ ભગવાન નિકળશે. પુરી બાદ અમદાવાદમાં રથયાત્રા સૌથી મોટી નિકળે છે. અષાઢી બીજના દિવસે ભગવાન જગન્નાથ નગરચર્યાએ નિકળે છે.  ભગવાન જગન્નાથ નગરજનોના ખબર-અંતર પૂછશે. 

અમદાવાદમાં ભગવાન જગન્નાથની 147મી રથયાત્રા

અમદાવાદમાં ભગવાન જગન્નાથની 147મી રથયાત્રા. સવારે 7 વાગ્યાથી જગતના નાથ બહેન અને ભાઈ સાથે નગરચર્યાએ નિકળશે, ગૃહપ્રધાન અમિત શાહ 4 વાગ્યે મંગળા આરતી કરશે