Gujarat Latest News updated: વડનગર ખાતે આજથી તાનારીરી મહોત્સવની શરૂઆત

સુરતની ઓલપાડ વિધાનસભામાં ભારતીય જનતા પાર્ટીનું સ્નેહ મિલન યોજાયું

સુરતની ઓલપાડ વિધાનસભામાં ભારતીય જનતા પાર્ટીનું સ્નેહ મિલન યોજાયું હતું. આ સ્નેહ મિલનમાં મોટી સંખ્યામાં કાર્યકરો, હોદેદારો અને સ્થાનિક નેતાઓ મોટી સંખ્યામાં જોડાયા હતા.  વન પર્યાવરણ મંત્રી મુકેશ પટેલ, સાંસદ મુકેશ દલાલ હાજર રહ્યા હતા. આ સ્નેહ મિલન કાર્યક્રમમાં સુરતના સાંસદ મુકેશ દલાલે સનાતન ધર્મ અને 370 મુદ્દે પ્રતિક્રિયા આપતા કહ્યું હતું કે દેશમાંથી કોઈ ચમરબંધી 370 હટાવી શકવાનું નથી.   

વડનગર ખાતે આજથી તાનારીરી મહોત્સવ ની શરૂઆત

વડનગર ખાતે આજથી તાનારીરી મહોત્સવની શરૂઆત થઈ છે. 10 અને 11 નવેમ્બર બે દિવસ તાના રીરી મહોત્સવ યોજાશે. આજે મંત્રી મુળુ બેરા સહિત સ્થાનિક આગેવાનો ઉપસ્થિત રહ્યા. આવતીકાલે 11 નવેમ્બરે સીએમ ભુપેન્દ્ર પટેલ ઉપસ્થિત રહેશે, તાના રીરી એવોર્ડ 2024નું વિતરણ કરવામાં આવશે. આજે ખ્યાતનામ પ્રતિભાઓએ ગીત સંગીત રજુ કર્યા, જેમાં ઓસમાન મીર,  મૈથલી ઠાકુરે સંગીતના સુર રેલાવ્યા. 

ચાંગોદર બાવળા હાઇવે ઉપર હિટ એન્ડ રન

ચાંગોદર બાવળા હાઇવે ઉપર હિટ એન્ડ રનની ઘટના બની છે. અજાણ્યા વાહનની અડફેટે બાઈકચાલકનું મોત થયું છે. બાઈકચાલકને અજાણ્યા વાહનચાલકે ટક્કર મારી છે અને અજાણ્યો વાહનચાલક ટક્કર મારીને ફરાર થયો છે. 

બાબા સિદ્દીકી હત્યા કેસમાં મોટી સફળતા, મુખ્ય આરોપી શિવકુમારની બહરાઈચથી ધરપકડ

બાબા સિદ્દીકી હત્યા કેસમાં પોલીસને વધુ એક મોટી સફળતા મળી છે. પોલીસે મુખ્ય શૂટરની ધરપકડ કરી લીધી છે. STF ઉત્તર પ્રદેશ અને મુંબઈ ક્રાઈમ બ્રાન્ચની સંયુક્ત કાર્યવાહીમાં રવિવારે નાનપારા બહરાઈચ જિલ્લામાંથી શૂટર શિવકુમારની ધરપકડ કરી લેવામાં આવી છે. તમને જણાવી દઈએ કે મુખ્ય આરોપી શિવકુમાર નેપાળ ભાગી જવાની ફિરાકમાં હતો, પરંતુ તે પહેલા જ પોલીસે જાળ બિછાવીને તેની ધરપકડ કરી લીધી છે અને તેનો પ્લાન નિષ્ફળ બનાવી દીધો છે. 

થાનગઢ ત્રીપલ મર્ડર કેસમાં તપાસનો ધમધમાટ

થાનગઢ ત્રીપલ મર્ડર કેસમાં તપાસનો ધમધમાટ શરૂ કરવામાં આવ્યો છે. મુખ્ય બે આરોપીને ઝડપી સરઘસ કાઢવામાં આવ્યું છે. દોરડાથી બાંધીને આરોપીને બજારમાં સરઘસ કાઢ્યું છે. પ્રેમ પ્રકરણમાં પિતા પુત્ર અને માતાની હત્યા કરવામાં આવી હતી. તમામ 6 આરોપીને ઝડપી વધુ કાર્યવાહી હાથ ધરી છે. 

વાપીમાં 7 વર્ષના બાળકનું ટાંકીમાં ડૂબવાથી મોત

વાપીમાં 7 વર્ષના બાળકનું ટાંકીમાં ડૂબવાથી મોત થયું છે. પાલિકાની પાણીની ટાંકીમાં પડતા માસૂમનું મોત થયું છે. પાણીની ટાંકીનું ઢાંકણું ખુલ્લુ હોવાથી અંદર પડ્યું. ડુંગળી ફળિયામાં પાલિકાની ટાંકીમાં આ બનાવ બન્યો છે. 

vav by election: સુઈગામના એટા ગામે BJPનો બ્રહ્મ વંદના સમારોહ

વાવા પેટા ચૂંટણીને લઈને હાલમાં જોરશોરથી પ્રચાર ચાલી રહ્યો છે. ત્યારે સુઈગામના એટા ગામે BJPએ બ્રહ્મ વંદના સમારોહનું આયોજન કર્યું છે અને ભાજપ ઉમેદવાર સ્વરૂપજી ઠાકોરના સમર્થનમાં સભાનું આયોજન કર્યું છે. આ દરમિયાન ભાજપ નેતા હરગોવન શિરવાડીયાએ નિવેદન આપતા કહ્યું કે એક બેન ગામડે -ગામડે ફરી રહ્યા છે, અનેકવાર મામેરા ભર્યા હવે એમના ભાઈને જીતાડવા છે, એમને જીતાડવાની જવાબદારી તમારા ઠાકોર સમાજની છે. 

વાવ પેટાચૂંટણી વચ્ચે સોશિયલ મીડિયામાં પત્રિકા વાયરલ

વાવ પેટાચૂંટણી વચ્ચે સોશિયલ મીડિયામાં પત્રિકા વાયરલ થઈ છે. ભાજપને ચૌધરી સમાજ દ્વારા સસ્પેન્ડ કરાયાનો ઉલ્લેખ કરવામાં આવ્યું છે. આવા લેટર લખવાથી કાઈ થતું નથી તેવુ પરબત પટેલે જણાવ્યું છે. વ્યક્તિને સસ્પેન્ડ કરવાથી સમાજ આવું કરતો નથી, કોઈ એકના કહેવાથી કઈ થતું નથી. આ ભ્રામક લેટર ફરતા કરવામાં આવ્યા છે જે તદ્દન ખોટો છે. ‘કોઈ અસામાજિક તત્વો દ્વારા આવો લેટર ફરતો થયો છે.

Vavમાં ભાજપના સમર્થનમાં ચૌધરી સમાજનું સંમેલન, શંકર ચૌધરી વિરોધીઓ પર ગર્જયા 

વાવમાં પેટા ચૂંટણીને લઈને રાજકારણ ગરમાયું છે. ત્યારે હવે વાવમાં ભાજપના સમર્થનમાં ચૌધરી સમાજે સંમેલન યોજ્યું છે અને તેમાં વિધાનસભા અધ્યક્ષ શંકર ચૌધરીએ મોટા નિવેદનો આપ્યા છે.  શંકર ચૌધરીએ કહ્યું કે વાતો બધા એ કરી પણ શૂર એક જ છે. શંકર ચૌધરીએ વધુમાં કહ્યું કે બધી વાતની ચર્ચાનો અંત એક જ છે, કોઈને જીતાડવા માટે આ થયું છે. ટિકિટ મળી હોય તો સામેથી પણ મતની જરૂર પડે, હું અહીં જીત્યો ત્યારે 40 હજાર મત ઠાકોરના મળ્યા હતા. ભાજપને ઠાકોર સમાજે વોટ આપ્યા છે. આ શું કામ કરે છે શું તકલીફ છે? આ પ્લાનિંગ કોંગ્રેસનું છે. મહિના પહેલાથી આ પ્લાનિંગ હતું. એમણે મને કહ્યું કે હું ફોર્મ પાછું ખેંચી લઈશ. 

અપક્ષ ઉમેદવાર માવજી પટેલ ભાજપમાંથી સસ્પેન્ડ

અપક્ષ ઉમેદવાર માવજી પટેલને ભાજપમાંથી સસ્પેન્ડ કરવામાં આવ્યા છે. બનાસકાંઠા જિલ્લા ભાજપ પ્રમુખે આ નિવેદન આપ્યું છે. કીર્તિસિંહ વાઘેલાએ કહ્યું કે પક્ષ વિરોધી કામ કર્યું હતું, માવજીભાઈ સહિત 5 લોકોએ પક્ષ વિરોધી કામ કર્યું, પાર્ટીને નુકસાન પહોંચાડી કોંગ્રેસને જીતાડવાના પ્રયત્નો કર્યા. 

લૉરેન્સ ગેંગથી રોહિત ગોદારા બોલી રહ્યો છું, અજમેરમાં ઉદ્યોગપતિને ધમકી

અજમેરના કિશનગઢની હમીર કોલોનીમાં રહેતા ઉદ્યોગપતિ અને ભૂતપૂર્વ ડેપ્યુટી ચેરમેન પ્રદીપ ચૌધરીને ધમકીભર્યો ફોન આવ્યો છે. બદમાશોએ વિદેશી નંબર પરથી પ્રદીપ ચૌધરીને ફોન કર્યો હતો. પ્રોપર્ટી બિઝનેસમેન પ્રદીપ ચૌધરીને ધમકીભર્યો ફોન કરવામાં આવ્યો હતો અને 2 કરોડ રૂપિયાની ખંડણીની માગ કરવામાં આવી હતી.

વાવમાં ભાજપનાં સમર્થન માટે ચૌધરી સમાજનું સંમેલન યોજાયું

પરબત પટેલ શંકર ચૌધરી સંમેલનમાં હાજર રહ્યા. પરબત પટેલએ સભાને સંબોધન કરતા જણાવ્યું કે, મારે ધારાસભ્ય નહોતું થવું 1985 પહેલી કોંગ્રેસમાં ચૂંટણી લડ્યો હતો. હું ને માવજીભાઈ 5 વખત સામ સામે ચૂંટણી લડ્યા. ચૂંટણીમાં હાર-જીત થાય પણ એક સમાજથી જીતાતું નથી બધા સમાજ હોય તો જ જીતાય. સમાજના ઉમેદવાર હોય તો સમાજ એ બાજુ જાય. ઠાકોર ગામના લોકો હોય તેવા ગામમાં પણ લોકસભામાં મત મળ્યા છે. લોકસભામાં મને ઘણા ઠાકોરોએ મત આપ્યા છે. આ ચૂંટણી હારે તો અહી કે દિલ્હીમાં ભાજપ સરકારને કંઈ ફરક પડતો નથી. આજે મોટા મોટા કોંગ્રેસના નેતા ભાજપમાં આવવા મથે છે. 

Jharkhand: PM મોદીએ રાંચીમાં 3 કિલોમીટર સુધી મેગા રોડ શો કર્યો, હજારોની ભીડ

ઝારખંડમાં વિધાનસભા ચૂંટણી પ્રચાર વચ્ચે વડાપ્રધાન નરેન્દ્ર મોદીએ રાંચીમાં 3 કિલોમીટર લાંબો મેગા રોડ શો કર્યો. રોડ શોમાં પીએમ મોદીની એક ઝલક મેળવવા માટે હજારો લોકો હાજર રહ્યા હતા. ઝારખંડમાં પ્રથમ તબક્કા માટે 13 નવેમ્બરે અને બીજા તબક્કા માટે 20 નવેમ્બરે મતદાન થશે.

યુક્રેને રશિયાની રાજધાની મોસ્કો પર 34 ડ્રોનથી કર્યો ઘાતક હુમલો

યુક્રેને ઓછામાં ઓછા 34 ડ્રોન વડે મોસ્કો પર હુમલો કર્યો છે, જે 2022માં યુદ્ધ પછી રશિયન રાજધાની પર યુક્રેનનો સૌથી મોટો ડ્રોન હુમલો છે. આ હુમલાને કારણે શહેરના ત્રણ મોટા એરપોર્ટ પરથી ફ્લાઈટને ડાયવર્ટ કરવી પડી હતી અને ઓછામાં ઓછો એક વ્યક્તિ ઘાયલ થયો હતો.

'બટેંગે તો કટેંગે' પર બાબા રામદેવ આકરા પાણીએ, જાણો શું કહ્યું

હાલમાં દેશમાં એક જ સ્લોગન પર તમામ લોકો ચર્ચા કરી રહ્યા છે અને તે 'બટેંગે તો કટેંગે' સ્લોગન છે. ત્યારે ખેડા જિલ્લાના વડતાલ ધામ ખાતે હાલમાં શતાબ્દી મહોત્સવ ચાલી રહ્યો છે, જેમાં આજે યોગ ગુરુ બાબા રામદેવે હાજરી આપી હતી. શતાબ્દી મહોત્સવમાં બાબા રામદેવે હાજરી આપી હતી અને જેમાં તેમનું સ્વામિનારાયણ સંપ્રદાયના સંતો દ્વારા બાબા રામદેવનું ભવ્ય સ્વાગત કરવામાં આવ્યું હતું. તમને જણાવી દઈએ કે તારીખ 7 નવેમ્બરથી લઈને 15મી નવેમ્બર દરમિયાન 30માં શતાબ્દી મહોત્સવનું આયોજન વડતાલ ખાતે કરવામાં આવ્યું છે. ત્યારબાદ મીડિયા સાથેની વાતચીત કરતા બાબા રામદેવે 'બટેંગે તો કટેંગે' સ્લોગન પોતાની પ્રતિક્રિયા આપી હતી. 'બટેંગે તો કટેંગે' સ્લોગન પર સવાલ કરવામાં આવ્યો, ત્યારે બાબા રામદેવે 11 સેકન્ડનો વિરામ લઈને જવાબ આપ્યો હતો.

Mumbai:  ચૂંટણી પહેલા પોલીસે ઝડપી ચાંદીની ઇંટો, કરોડોમાં છે કિંમત

મહારાષ્ટ્રમાં વિધાનસભા ચૂંટણી વચ્ચે રોકડ રકમ જપ્ત કરવામાં આવી રહી છે. ક્યારેય કરોડો રૂપિયા કેશ મળી આવે છે તો હવે છ ટન ચાંદીની ઇંટો મળી આવી છે. મુંબઇની વિક્રોલીમાં કેશ વેનમાંથી સાડા 6 ટન ચાંદીની ઇંટો જપ્ત કરવામાં આવી છે. જેની કિંમત કરોડોમાં હોવાનું કહેવામાં આવે છે. મળતી માહિતી મુજબ વિક્રોલી પોલીસ અને ચૂંટણી પંચની તપાસ ટીમ દ્વારા જપ્ત કરવામાં આવેલી કેશ વેનમાં ચાંદીની ઈંટો મળી આવી છે.

કાલાવડમાં VHP પ્રમુખ અને તેમના ભાઈ પર હુમલો

જામનગર જિલ્લાના કાલાવડ શહેરમાં VHPના પ્રમુખ અને તેના ભાઈ પર વિધર્મી શખ્સોએ જાન લેવા હુમલો કર્યો. કાલાવડ શહેરમાં પંજેતનનગર વિસ્તારમાં પ્રમુખના ભાઈ પોતાની વાડીએ જતા હતા, તે દરમિયાન તેની બાઇક એક શખ્સ સાથે અથડાઈ ગાડીમાં નુકસાન થયાના 20,000 રૂપિયા માગ્યા. અજાણ્યા શખ્સો દ્વારા જયારે VHPના પ્રમુખ રમેસ દોંગા અને તેના ભાઈ હસમુખ દોગા પર 3 વિધર્મી શખ્સોએ જાનલેવા હુમલો કરી જાનથી મારી નાખવાની ધમકી આપી. ઇજાગ્રસ્ત બન્ને ભાઇઓને સારવાર માટે કાલાવડ સિવિલ હોસ્પિટલમાં ખસેડવામાં આવ્યા. ઇજા ગંભીર લાગતા બંને ભાઈઓને જામનગર સિવિલ હોસ્પીટલમાં ખસેડવામાં આવ્યા. બનાવની જાણ થતાં કાલાવડ ટાઉન પોલીસ સિવિલ હોસ્પિટલ પહોંચી આગળની તપાસ હાથ ધરી.

બટેંગે તો કટેંગે સ્લોગન પર બાબા રામદેવની પ્રતિક્રિયા

ખેડા જિલ્લાના વડતાલમાં બટેંગે તો કટેંગે સ્લોગન પર બાબા રામદેવએ પ્રતિક્રિયા આપતા જણાવ્યું કે, કુરાન અને ઇસ્લામના નામ પર કેટલાક લોકોએ કાફિર શબ્દની ખોટી વ્યાખ્યા ઉપજાવી છે. કુરાન અને ઇસ્લામમાં માનવા વાળા લોકોના કહ્યા મૂજબ ધર્મને ન માનતા લોકો માટે આ શબ્દ હોય છે. "કાફીર કે નામ પર કાફીરો કો મારો" "સિર તન સે જુદા" આવી વાતો સભ્ય સમાજની ન હોઈ શકે. તમામ સનાધની હિંદુ સંગઠિત રહે કે જેનાથી કોઈ ઘાત પ્રત્યાઘાત ન થઈ શકે.

કેનેડિયન પોલીસ દ્વારા ખાલિસ્તાની આતંકવાદી અર્શ ડાલાની અટકાયત

કેનેડાથી ભારત માટે મોટા સમાચાર આવી રહ્યા છે. અહીં પોલીસે ભારતના મોસ્ટ વોન્ટેડ ગેંગસ્ટર અર્શ ડાલાને કસ્ટડીમાં લીધો છે. સૂત્રોના જણાવ્યા અનુસાર કેનેડામાં 27-28 નવેમ્બરના રોજ થયેલા ગોળીબારના સંબંધમાં તેની અટકાયત કરવામાં આવી છે, જેમાં તે પોતે પણ હાજર હતો.

1. DA: સરકાર બેઝિક સેલેરીમાં 53 ટકા ડીએ મર્જ કરવાથી આટલા થશે ફાયદા 

2. Jharkhand: યાદ રાખો, એક રહેશો તો સુરક્ષિત રહેશો, બોલ્યા પીએમ મોદી 

3. Umreth: BAPS મંદિરના પૂજારીએ યુવતી પર દુષ્કર્મ આચરી ગર્ભવતી કર્યાનો આક્ષેપ 

4. Palanpur RTO દ્વારા વાહનોના પસંદગીના નંબરો માટે રી-ઓકશન યોજાશે 

5. Jammu Kashmir: કિશ્તવાડમાં સુરક્ષાદળો અને આતંકીઓ વચ્ચે અથડામણ, 3 જવાન ઘાયલ 

6. મહાનગરપાલિકાઓમાં 27% અનામતને ધ્યાનમાં રાખી મેયર માટે રોટેશન જાહેર 

7. Delhi: કેનેડા એમ્બેસીની સામે હિન્દુ શીખ ગ્લોબલ ફોરમના સભ્યોનું પ્રદર્શન 

8. Vav By Election: માવજી પટેલ, લાલજી પટેલ પર ગેનીબેને આપ્યું મોટું નિવેદન 

9. Gir Somnath: ઈકોઝોન નાબૂદ ના થાય તો ભાજપનો બહિષ્કાર કરવાની ચીમકી 

10. Vav By Election: ભાજપનો ઉમેદવાર જીતશે, અનેક કામો કર્યા છે: નીતિન પટેલ 

અમદાવાદના ગોમતીપુરમાં પ્લાસ્ટિકના વેસ્ટમાં લાગી આગ

અમદાવાદના ગોમતીપુરમાં આગનો બનાવ બન્યો છે. પ્લાસ્ટિકના વેસ્ટમાં આગ લાગી. પાંચ ફાયર ફાઈટર ઘટના સ્થળે પહોંચ્યા. આગ પર કાબુ મેળવવામાં પ્રયાસ શરૂ કરવામાં આવ્યો.

ચાંદખેડા વિસ્તારમાં દોઢસોથી વધુ કબૂતરના મોત

કબૂતર બનાવની જાણ થતા જીવદયા સંસ્થા એનિમલ ફાઉન્ડેશન રીના પંચાલ  તથા મનોજભાઈને થતા આ વિસ્તારમાં પાણીનો છંટકાવ કરાયો. કબુતરના મૃતદેહને મોતનું કારણ જાણવા પોસ્ટ મોર્ટમમાં લઈ જવાયા. કેટલાક કબુતરને સારવાર હેઠળ ખસેડાયા.

ઈકોઝોનને લઈ તાલાલાના ચિત્રાવડ ગામે જનસભા

ઇકોઝોનની અંતિમ લડાઇને મજબૂત બનાવવા તાલાલા તાલુકાના ચિત્રાવડ ગામે  પ્રવીણ રામે બોલાવેલી જનસભામાં વિશાળ સંખ્યામાં જનમેદની ઉમટી. આ મહાસંમેલનમાં ઉપસ્થિત તમામ લોકોએ ઇકોઝોન નાબૂદ કરવાની માગ કરી. મહાસંમેલનમાં ઉપસ્થિત તમામ લોકોએ હાલમાં આવનાર તાલુકા પંચાયતની પેટાચૂંટણીમાં મતનો બહિષ્કાર કરવાની ચીમકી ઉચ્ચારી. મતના બહિષ્કારની ચીમકી બાદ પણ સરકાર ઇકોઝોન નાબૂદ ના કરે તો ભાજપના બહિષ્કાર કરવાની ચીમકી પ્રવીણ રામ દ્વારા ઉચ્ચારવામાં આવી. 

કેશોદમાં રેલવે અંડરબ્રિજનું કામ 70 ટકા પૂર્ણ

કેન્દ્રીય મંત્રી મનસુખભાઈ માંડવીયાએ કેશોદમાં રેલવે અંડર બ્રિજની કામગીરીનું નિરીક્ષણ કર્યું. કેન્દ્રીય મંત્રીએ ઝડપભેર રેલવે અંડર બ્રિજનું કામ પૂર્ણ કરવા સૂચના આપી. રેલવે અંડર બ્રિજનું 70 ટકા કામ પૂર્ણ. અંદાજે રૂ.21 કરોડના ખર્ચે બની રહેલા રેલવે અંડર બ્રિજ બનવાથી લોકોને ટ્રાફિકની સમસ્યામાંથી મોટી રાહત મળશે.

ચોર્યાસી સમાજના નવનિર્મિત સમાજ સંકુલનું ઉદ્ઘાટન 

CM ભૂપેન્દ્ર પટેલના હસ્તે સંકુલને મુકાયું ખુલ્લું,અંબાપુર નજીક રૂ.32 કરોડના ખર્ચે અત્યાધુનિક ભવન,ભોજનાલય, બેન્કવેટ હોલ, હોસ્ટેલ, લાયબ્રેરીની સુવિધા,સમાજના વિવિધ કાર્યક્રમો માટે બેંકવેટ હોલ તૈયાર,પાટીદાર સમાજના અગ્રણીઓ અને ધારાસભ્યો હાજર.

વેરાવળ નજીક સુંદરપરા ટોલ બૂથ પર હોબાળો

60 કિમીમાં 3 ટોલનાકા કાર્યરત થતાં સ્થાનિકોનો વિરોધ,સુંદરપરા ટોલ બૂથ પર લોકોએ કર્યો વિરોધ,વિરોધના પગલે પોલીસનો બંદોબસ્ત ગોઠવાયો.

ઉમરેઠમાં BAPS મંદિરના પૂજારી પર દુષ્કર્મનો આરોપ

મંદિરના પૂજારી કાંતિ વાઘેલાએ આરોપને નકાર્યા,મને ફસાવવામાં આવી રહ્યો છે તેવું પૂજારીનું કહેવું છે,યુવતી અવાર-નવાર મંદિરમાં જમવાનું લેવા આવતી હતી,જમવાનું ના આપતા આ પ્રકારનો આરોપ લગાવ્યો છે.

માંગરોળ સામૂહિક દુષ્કર્મની કાલથી થશે સુનાવણી

આવતીકાલથી કેસની સુનાવણી હાથ ધરાશે,ગેંગરેપમાં 3 આરોપી સામે કોર્ટે ચાર્જફ્રેમ કરી છે.હાઈકોર્ટે પણ નોટિફિકેશન મોકલીને કરી જાણ,કેસને ફાસ્ટટ્રેક કોર્ટમાં પ્રાયોરિટી પર ચલવવા સૂચન કર્યુ છે.પોલીસે 15 દિવસમાં 3 હજાર પાનાની ચાર્જશીટ રજૂ કરી છે,બે આરોપી પૈકી એકનું મોત થયું છે,કેસમાં વકીલ તરીકે નયન સુખડવાલાની નિમણૂંક.

આપેલ ડ્રોપડાઉન માંથી ખેડૂતનું નામ પસંદ કરો

જમીનના સર્વે નંબરની સામે આપેલ ચેક બોક્ષને સિલેકટ કરી સબમિટ પર ક્લિક કરતાં તે નંબર fetch થઈ જશે.Fetch થયેલ સર્વે નંબરનો name match score ચેક કરવાનો રહેશે. એક જ ગામના સર્વે નંબર દાખલ કર્યા બાદ verify all land પર ક્લિક કરવું.

નીચે આપેલ 4 ચેક બોક્ષ ટીક કરવા

01-ત્યારબાદ save બટન પર ક્લિક કરવું. ત્યાર બાદ proceed to E-Sign button પર ક્લિક કરવું.

02-ત્યારબાદ આધારના C-DAC પેજ પર લઈ જશે ત્યાં ખેડૂતનો આધાર નંબર દાખલ કરવો.આધાર સાથે લિન્ક થયેલ નંબર OTP આવશે તે અહી દાખલ કરવો.

03-ત્યારબાદ submit પર ક્લિક કરવું.

04-રજીસ્ટ્રેશન પૂર્ણ થવા પર તે ખેડૂતનો એનરોલમેન્ટ નંબર દેખાશે.

પાસવર્ડથી કરો લોગીન

ત્યારબાદ ખેડૂતના મોબાઈલ નંબર અને સેટ કરેલા પાસવર્ડથી લોગીન કરવાનું રહેશે. લોગીન થતાં ખેડૂતની માહિતી સ્થાનિક ભાષામાં વેરીફાય કરવાની રહેશે અને તે માહિતી જરૂરિયાતો હોય તો બદલી પણ શકે છે.આધાર કાર્ડ પ્રમાણે ખેડૂતનું સરનામું દેખાશે જે ચેક કરવાનું રહેશે.આપેલ land ownership ડ્રોપ ડાઉન માંથી ઓપરેટરે owner પસંદ કરવાનું રહેશે.Occupation details માં આપેલ બંને ચેક બોક્ષને સિલેકટ કરવાના રહેશે.fetch land details પર ક્લિક કરવું.ખેડૂતની જમીનનો સર્વે નંબર દાખલ કરવો.

ન્યૂ એકાઉન્ટ કરો

ખેડૂતે https://gjfr.agristack.gov.in/ લિન્ક ઓપન કરી ને ફાર્મર લૉગિનમાં create new account પર ક્લિક કરવું.સૌપ્રથમ ખેડૂતે પોતાનો આધાર નંબર દાખલ કરવાનો રહેશે.ત્યારબાદ ખેડૂતને તેમના આધારથી લિન્ક મોબાઈલ નંબરમાં otp મેળવશે તે દાખલ કરવો.આધારના વેરિફિકેશન પછી ખેડૂતનો મોબાઈલ નંબર દાખલ કરવાનો રહેશે. તે નંબર પર OTP આવશે તે દાખલ કરવો.ત્યારબાદ સૌથી નીચે નવો પાસવર્ડ સેટ કરવાનો રહેશે.

ખેડૂતો માટે સેલ્ફ મોડમાં ફાર્મર રજીસ્ટ્રી કરવા માટે અનુસરવાના થતાં સ્ટેપ

એગ્રીસ્ટેક ખેડૂત રજીસ્ટ્રેશનમાં ખેડૂત ભાઈઓ અને બહેનો જાતે પણ ખેડૂત નોંધણી કરી શકશે. યુટ્યુબ વિડીઓ પણ જોઈ શકાશે. જેના માટે આ યુ-ટ્યુબ લીંક પરથી પણ ખેડૂતો રજીસ્ટ્રેશન પ્રોસેસ શીખી શકશે.જિલ્લાના તમામ તાલુકાઓમાં પીએમ કીસાન યોજના હેઠળ ખાતેદાર ખેડૂતોની નોંધણી 100 ટકા તા.25 નવેમ્બર 2024 સુધી થાય તે માટે સેલ્ફ મોડમાં ફાર્મર રજીસ્ટ્રી કરવા માટે અનુસરવાના થતાં સ્ટેપ આ મુજબ છે. 

સિલ્વર ગોલ્ડ નંબર

જે માટે તા-૧૫/૧૧/૨૦૨૪ થી તા-૧૮/૧૧/૨૦૨૪ સુધી AUCTION માટે ONLINE CNA ફોર્મ રજીસ્ટ્રેશન કરાવવાના તેમજ એપ્લીકેશન કરવાની રહેશે.તા-૧૮/૧૧/૨૦૨૪ થી તા-૨૦/૧૧/૨૦૨૪ ના રોજ AUCTION નું બિડીંગ ઓપન થશે.તા-૨૦/૧૧/૨૦૨૪ ના રોજ રજીસ્ટ્રેશન ફોર્મ તથા CNA ફોર્મ અત્રેની કચેરીમાં જમા કરાવવાના રહેશે.સદર સીલ્વર/ગોલ્ડન સિવાયના રેગ્યુલર નંબરો માટેની સીરીઝ તા.૨૦/૧૧/૨૦૨૪ થી શરૂ થશે.જેની સર્વે વાહન માલીકોને  નોંધ લેવા પ્રાદેશિક વાહન વ્યવહાર અધિકારી પાલનપુર દ્વારા એક યાદીમાં જણાવ્યું છે. 

ઓનલાઈન કરો અરજી

અરજદારે જે તે નંબર માટેની અરજી કરવા માંગતા હોય તેઓએ વર્ગીકૃત નંબરની નકકી કરી Parivahan.gov.in પર FANCY NUMBER માટે ઓનલાઈન પ્રોસેસ કરવાની રહેશે.આર.ટી.ઓ. કચેરી પાલનપુર દ્વારા તમામ ફોર વ્હીલર (LMV) નોન ટ્રાન્સપોર્ટ તેમજ ટ્રાન્સપોર્ટ HGV વાહનોના વાહન માલિકોને જણાવવામાં આવે છે કે, LMVની નવી સીરીઝ GJ 08 DM 0001 TO 9999 તેમજ HGV ટ્રાન્સપોર્ટ વાહનોની નવી સીરીઝ GJ 08 AY 0001 TO 9999 તા-૨૦/૧૧/૨૦૨૪ ના રોજ શરૂ કરવામાં આવનાર છે.

પાલનપુર RTO દ્વારા વાહનના પસંદગીના નંબરો માટે રી-ઓકશન યોજશે

પ્રાદેશિક વાહન વ્યવહાર અધિકારીની કચેરી,પાલનપુરમાં LMV (ફોર વ્હીલર) નોન ટ્રાન્સપોર્ટની નવી સીરીઝ GJ 08 DM 0001 TO 9999 તેમજ ટ્રાન્સપોર્ટ વાહનોમાં HGV માટેની નવી સીરીઝ GJ 08 AY 0001 TO 9999 (ગોલ્ડન અને સીલ્વર નંબરો)ની ફાળવણી માત્ર ઓકશનથી જ કરવાની હોઈ પસંદગીનો નંબર ઈ-ઓકશનથી મેળવવા માટે તા-૨૦/૧૧/૨૦૨૪ ના રોજ નકકી કરવામાં આવેલ છે.

જમીનને લઈ હતો વિવાદ

જેમાં માથાના ભાગે વિક્રમભાઈને ગંભીર ઇજાઓ થતા તેમને સારવાર માટે ભાવનગરની સિવિલ હોસ્પિટલમાં ખસેડવામાં આવ્યા હતા.જ્યાં 2 દિવસની સારવાર બાદ વિક્રમભાઈ વાઘેલાએ હોસ્પિટલમાં જ પોતાનો દમ તોડતા ડોકટર એ મરણ ગયેલ જાહેર કરેલ અને મારામારીનો બનાવ હત્યામાં પલટાયો હતો.હત્યા કરવા પાછળનું કારણ જોઈએ તો મરણજનાર વિક્રમભાઈ વાઘેલાએ સરકારી જગ્યામાં ઉકરડો બનાવવા જગ્યા વાળી હતી અને એ જગ્યા ઉપર બે ભાઈઓ અશોક અને ગોકુળ નારણભાઇ બલિયાને એ જોઈતી હતી જેથી અવારનવાર માથાકૂટ થતી હતી અને મારામારીનો બનાવ હત્યામાં પલટાયો હતો.સોનગઢ પોલીસે હત્યાની કલમ ઉમેરી આરોપી અશોક નારણ બલિયાની ધરપકડ કરી વધુ કાર્યવાહી હાથ ધરી છે.

હત્યાનો ગુનો નોંધાયો

સોનગઢ પોલીસે હત્યાનો ગુનો દાખલ કરી એક આરોપીની અટકાયત કરી વધુ તપાસ હાથધરી છે.સિહોર તાલુકાના ટોડી ગામે રહેતા વિક્રમભાઈ શિવાભાઈ વાઘેલા નામના વ્યક્તિ પોતાના પરિવાર સાથે રહી ખેત મજૂરી કામ કરી પોતાનું ગુજરાન ચલાવતા હતા.12 વર્ષ પહેલાં વિક્રમભાઈ વાઘેલાએ પોતાના ઘર પાસે સરકારી જગ્યામાં ઉકરડો કરવા માટે વાડો બનાવવામાં આવ્યો હતો જે 12 વર્ષ થી વિક્રમભાઈ વાઘેલાના કબ્જામાં હતો.ગત તારીખ 8 નવેમ્બરના રોજ સવારના સાડા સાત વાગ્યાની આસપાસ વિક્રમભાઈ વાઘેલા વાડીએ કામ કરવા જતાં હતાં એ દરમિયાન તે જ ગામમાં રહેતા 2 ભાઈઓ અશોક નારણભાઇ બલિયા અને ગોકુળ નારણભાઇ બલીયા હાથમાં લાકડીઓ લઈ આવી માર મારવા લાગ્યા હતા.

ભાવનગરમાં બે ભાઈઓએ ભેગા મળીને આધેડની કરી હત્યા, માથામાં મારી લોંખડની પાઈપ

ભાવનગર જિલ્લામાં વધુ એક હત્યાનો બનાવ બનતા ચકચાર ફેલાઈ જવા પામી છે.જિલ્લાના સિહોર તાલુકાના ટોડી ગામ ખાતે 2 ભાઈઓએ એક આધેડને માથાના ભાગે માર મારી ઇજા પહોંચાડી હતી જેમાં ઇજાગ્રસ્ત આધેડનું સારવાર દરમિયાન મોત નિપજતા મારામારીનો મામલો હત્યામાં પલટાયો હતો.

વાંચો 03 વાગ્યા સુધીના મહત્વના સમાચાર

01 - Ambalal Patelની આગાહી, નવેમ્બરના છેલ્લા સપ્તાહની આસપાસ ઠંડીની થશે શરૂઆત

02 - Vav: ભાજપની ખાટલા બેઠક, શંકરભાઈ ચૌધરી તમામ જ્ઞાતિના નેતા છે: પ્રફુલ પાનસેરિયા

03 - IPL 2025: KKRની મોટી ભુલ! જે ખેલાડીને કર્યો રિલીઝ તેણે રચ્યો ઈતિહાસ

04 - MP: ''50-60 વર્ષ બાદ બાળકો ઓનલાઇન જન્મશે'' બીજેપી સાંસદ કેમ આવુ બોલ્યા?

05 - IND vs SA: શું બીજી મેચમાં વરસાદ બનશે વિલન? જાણો હવામાન અપડેટ

06 - ફરી 19 વર્ષ બાદ ટીવીના પડદે 'શક્તિમાન' જોવા મળશે, મુકેશ ખન્નાની ઘોષણા

07 - Sidhu Moosewalaના નાનાભાઇની અન્નપ્રાશન વિધિ, પ્રશંસકોએ લાંબી ઉંમરની કરી કામના

08 - IPS અભયસિંહ ચુડાસમાએ કર્યો ખુલાસો, કહ્યું, નિવૃત્તિ બાદ હું આ કામ કરીશ...

09 - Surendranagarમાં મજૂરી કરીને ગુજરાન ચલાવતા વ્યકિતને પ્રધાનમંત્રી જનમન યોજના હેઠળ મળ્યું ઘર

10 - Ahmedabad: શાકભાજીના ભાવ આસમાને, ચોળી, ગુવાર, ટીંડોળા, બટાકાનો નવો ભાવ

થીમ્સ અને મુખ્ય ફોકસ વિસ્તારો

COP29 ખાતે દૈનિક થીમ્સ ક્લાયમેટ એક્શનના નિર્ણાયક પાસાઓને સંબોધશે, જેમાં નાણાં, ઉર્જા સંક્રમણ, માનવ મૂડી, જૈવવિવિધતા, ખાદ્ય સુરક્ષા અને ડિજિટલાઇઝેશનનો સમાવેશ થાય છે. વર્લ્ડ લીડર્સ ક્લાઈમેટ એક્શન સમિટ જેવા નોંધપાત્ર સત્રો ઉચ્ચ સ્તરીય ચર્ચાઓને સરળ બનાવશે, જ્યારે યુવા, આરોગ્ય અને શહેરીકરણ માટે સમર્પિત દિવસો વ્યાપક અને સમાવિષ્ટ સંવાદને પ્રોત્સાહન આપશે. મુખ્ય ધ્યેયોમાં નવા વૈશ્વિક આબોહવા ફાઇનાન્સ લક્ષ્યની સ્થાપના, અનુકૂલનનાં પગલાં વધારવા અને 1.5 ડિગ્રી સેલ્સિયસ લક્ષ્ય સાથે સંરેખિત પ્રતિબદ્ધતાઓ હાંસલ કરવાનો સમાવેશ થાય છે.

ટેકનોલોજી ટ્રાન્સફર

ભારતીય પ્રતિનિધિમંડળ વિકાસશીલ દેશો માટે "સામાન્ય પરંતુ વિભિન્ન જવાબદારીઓ" અને ટેકનોલોજી ટ્રાન્સફરના સિદ્ધાંતો પર ભાર મૂકે છે. ગુજરાત પ્રતિનિધિમંડળનું નેતૃત્વ નાણા અને ઉર્જા અને પેટ્રોકેમિકલ્સ મંત્રી શ્રી કનુભાઈ દેસાઈ કરશે, જે પુનઃપ્રાપ્ય ઉર્જા પહેલને પ્રોત્સાહન આપવા, સ્વચ્છ ટેકનોલોજીમાં રોકાણને પ્રોત્સાહન આપવા અને આબોહવા સ્થિતિસ્થાપકતા માટે નવીન ઉકેલોને આગળ વધારવામાં ગુજરાતની સક્રિય ભૂમિકાને પ્રકાશિત કરશે. ગ્રીન એનર્જી, સૌર અને પવન ઉર્જા વિસ્તરણમાં ગુજરાતના પ્રયાસો અને નીતિગત નેતૃત્વ તેને ભારતમાં અને તેનાથી બહારના દેશોમાં ટકાઉ વિકાસ અને આબોહવાની ક્રિયા માટેના નમૂના તરીકે સ્થાન આપે છે.

સહભાગીઓ

વૈશ્વિક આબોહવા પ્રતિબદ્ધતાઓને આગળ વધારવા માટે લગભગ 200 દેશો સમિટમાં ભાગ લેશે, જેમાં વિવિધ પ્રકારના નેતાઓ, વાટાઘાટોકારો, યુવા પ્રતિનિધિઓ અને નાગરિક સમાજના કલાકારોને એકસાથે લાવશે. ભારત, એક અગ્રણી સહભાગી, સમાન આબોહવા ફાઇનાન્સની હિમાયત કરશે અને નવીનીકરણીય ઉર્જા અને આબોહવા સ્થિતિસ્થાપકતામાં તેના નેતૃત્વને પ્રકાશિત કરશે.

આયોજકો

આ કાર્યક્રમનું આયોજન યુનાઈટેડ નેશન્સ ફ્રેમવર્ક કન્વેન્શન ઓન ક્લાઈમેટ ચેન્જ (UNFCCC) હેઠળ કરવામાં આવ્યું છે અને તેની અધ્યક્ષતા અઝરબૈજાનના ઈકોલોજી અને નેચરલ રિસોર્સના મંત્રી મુખ્તાર બાબાયેવ કરશે. COP29 પ્રેસિડેન્સી અર્થપૂર્ણ આબોહવાની ક્રિયા હાંસલ કરવા માટે તમામ હિતધારકોમાં સમાવેશ અને અસરકારક સહયોગને પ્રોત્સાહન આપવા માટે પ્રતિબદ્ધ છે.

કૉન્ફરન્સના હેતુ અને ઉદ્દેશ્યો

યુનાઈટેડ નેશન્સ ફ્રેમવર્ક કન્વેન્શન ઓન ક્લાઈમેટ ચેન્જ (COP29)ના પક્ષકારોની 29મી કોન્ફરન્સ અઝર બૈજાનના બાકુમાં 11 નવેમ્બરથી 22 નવેમ્બર, 2024 દરમિયાન યોજાશે. આ કોન્ફરન્સનો ઉદ્દેશ ગ્લોબલ વોર્મિંગને આબોહવા ક્રિયા દ્વારા, મહત્વાકાંક્ષી ઉત્સર્જન ઘટાડવા લક્ષ્યાંકો, અને મજબૂત ક્લાયમેટ ફાઇનાન્સ મિકેનિઝમ્સ દ્વારા 1.5° સુધી મર્યાદિત કરવાના વૈશ્વિક પ્રયાસોને વેગ આપવાનો છે. કોન્ફરન્સ સંવેદનશીલ સમુદાયો માટે નુકસાન અને નુકસાની ભંડોળના સંચાલન પર ધ્યાન કેન્દ્રિત કરશે અને પેરિસ કરારના ઘટકોને અંતિમ સ્વરૂપ આપવા પર ધ્યાન કેન્દ્રિત કરશે, જેમ કે કાર્બન માર્કેટ મિકેનિઝમ્સ સંબંધિત કલમ 6. ઉન્નત રાષ્ટ્રીય નિર્ધારિત યોગદાન (NDCs) અને 2025 પછીના ક્લાયમેટ ફાઇનાન્સ લક્ષ્યાંકો એજન્ડામાં અગત્યના રહેશે.

ક્લાઈમેટ ચેન્જની 29મી કોન્ફરન્સ અઝર બૈજાનના બાકુમાં 11થી 22 નવેમ્બરે યોજાશે

યુનાઈટેડ નેશન્સ ફ્રેમવર્ક કન્વેન્શન ઓન ક્લાઈમેટ ચેન્જ (COP29)ની 29મી કોન્ફરન્સ અઝર બૈજાનના બાકુમાં 11 નવેમ્બરથી 22 નવેમ્બર, 2024 દરમિયાન યોજાનાર છે. આ કૉન્ફરન્સ માં રાજયના નાણા-ઉર્જા  અને પેટ્રોકેમિકલ્સ મંત્રી કનુભાઈ દેસાઈના નેતૃત્વમાં ગુજરાતનું પ્રતિનિધિમંડળમાં  અધિક મુખ્ય સચિવ એસ જે હૈદર અને GUVNLના મેનેજિંગ ડાયરેક્ટર જય પ્રકાશ શિવહરે COP29માં ગુજરાતનું પ્રતિનિધિત્વ કરશે

વર્ષ 2027માં ગરમી અને ચક્રવાતનું પ્રમાણ વધશે : અંબાલાલ પટેલ

હવામાન નિષ્ણાંત અંબાલાલ પટેલે વર્ષ 2027માં શું થઈ શકે છે તેને લઈ આગાહી કરી છે,અંબાલાલનું માનવું છે કે,ક્લાઈમેટ ચેન્જની ગંભીર અસરો હવામાનમાં દેખાશે જેને લઈ વાતાવરણ કોઈ પણ સમયે બદલાઈ શકે છે સાથે સાથે જો આ વાતાવરણની સિસ્ટમથી બચવું હોય તો,લોકોમાં કલાઈમેટ ચેન્જને લઈ જાગૃતતા લાવવી જરૂરી છે.જો કલાઈમેટને લઈ જાગૃતતા નહી આવે તો કોઈ પણ સમયે કઈ પણ થઈ શકે છે.

રવી પાકને થશે નુકસાન

ઠંડી મોડી પડવાને લઈ રવી પાકને પણ નુકસાન થવાની શકયતા છે.જીરામાં 15 ડિગ્રી લઘુત્તમ તાપમાન રહેવું જોઇએ અને આવા વાતાવરણમાં બિન પિયત રાયડાના છોડ બળી જવાની શકયતા રહેલી થે,એરંડામા ગરમી પડે તો નર ફૂલ વધી જાય એથી ઉત્પાદન ઓછું થાય છે.ઉત્તર ગુજરાતમાં તાપમાન 18 ડિગ્રી સુધી જઈ શકે છે.સવારના સમયે ઉત્તર ગુજરાતમાં ઠંડા પવનો ફૂંકાશે તેવી આગાહી કરવામાં આવી છે.

નવેમ્બરના છેલ્લા સપ્તાહ આસપાસ ઠંડીની શરૂઆત થશે 

નવેમ્બરના છેલ્લા અઠવાડિયામાં ઠંડી પડવાની શરૂઆત થશે ત્યારે ડિસેમ્બરની શરૂઆતથી ઠંડીની શકયતા રહેશે તો 22 ડિસેમ્બર બાદ ગાત્રો થીજાવતી ઠંડી પડવાની શક્યતા છે,27 ડિસેમ્બર બાદ કાતિલ ઠંડીને વેગ મળશે,ગુજરાતમા ન્યૂનતમ તાપમાન કેટલાક ભાગોમાં 8 ડિગ્રી થયી જવાની શકયતા છે,શિયાળામાં ગરમી પડતાં રવી પાકો ઉપર વિપરીત અસરો થશે તેમજ ઘઉંમા ઓપ્ટિમમ તાપમાન 20 થી 25 ડિગ્રી હોય તો સારું કહેવાય.

અંબાલાલ પટેલની આગાહી, નવેમ્બરના છેલ્લ સપ્તાહ આસપાસ ઠંડીની થશે શરૂઆત

હવામાન નિષ્ણાંત અંબાલાલ પટેલે રાજયમાં ઠંડીને લઈ આગાહી કરી છે,અંબાલાલ પટેલનું કહેવું છે કે,રાજ્યમાં હાલ ઠંડીનો ચમકારો નથી જોવા મળતો પરંતુ 15 નવેમ્બર બાદ લઘુત્તમ તાપમાન ઘટવાની સંભાવના સેવાઈ રહી છે,19 થી 22 નવેમ્બરમાં અરબી સમુદ્રમાં લો પ્રેશર બનવાની શકયતા થશે તો 22 નવેમ્બરથી મજબૂત પશ્ચિમી વિક્ષેપ આવવાની શકયતા છે.22થી 24 નવેમ્બરમાં બંગાળના ઉપ સાગરમા ચક્રવાત બનવાની શક્યતા પણ દેખાઈ રહી છે.

ગિરનારની લીલી પરીક્રમાનું શું છે મહાત્મય

ગિરનાર પર્વત ફરતે સાધૂ-સંતો અને શ્રદ્ધાળુઓ આ પરિક્રમાને દેશી ભાષામાં “લીલી પરીક્રમા” પણ કહેવાય છે. પુરાણિક  માન્યતા મુજબ, ભગવાન શ્રી કૃષ્ણના સમયથી પર્વતોની પરીક્રમાની શરૂઆત થઈ છે, એવી  લોકવાઇકા કહી શકાય.... ભગવાન કૃષ્ણએ પર્વતની પૂજા અને પર્વતને ઈશ્વર સ્વરૂપ માની તેની પ્રદક્ષિણા કરવાનું વિશેષ મહાત્મય જણાવ્યું છે. અન્ય એક માન્યતા પ્રમાણે શ્રીકૃષ્ણ ભગવાને શ્રાપ મુક્તિ માટે ગિરનારની પરિક્રમા કરેલી તેવી લોક વાર્તાઓ પણ સોરઠ ધરામાં ગૂંજી રહી છે.

12થી 15 નવેમ્બર દરમિયાન ગિરનાર લીલી પરિક્રમાનો પ્રારંભ

આગામી 12થી 15 નવેમ્બર દરમિયાન ગિરનાર લીલી પરિક્રમા થનારી છે. ગરવા ગિરનાર પરિક્રમમાં પુણ્યનુ ભાથુ બાંધવા માટે લાખો ભાવિકો માટે ઉમટી પડે છે. આ પરિક્રમા ગિરનાર અભયારણ્ય વિસ્તાર હોવાથી અને પ્રકૃતિને નુકસાન ન પહોંચે તે માટે શ્રદ્ધાળુઓએ વિશેષ નિયમો પાલન કરવાનું રહે છે. આ માટે વન વિભાગ દ્વારા ગિરનાર પરિક્રમાનો નિયત રૂટ જાહેર કરવાની સાથે શ્રદ્ધાળુઓએ પાલન કરવાના આવશ્યક નિયમો-જાહેર સૂચનાઓ પણ બહાર પાડી છે.

 ગિરનારની ફરતે 36 કી.મી.ની ચાર દિવસ પરિક્રમા

ગિરનારએ અગ્નિકૃત પર્વત છે. જેના ઉપર સિધ્ધચોરાસી સંતોનાં બેસણા છે. સંતો-શુરાઓ અને સતીઓની આ પાવનકારી ભુમિ છે, કે જેના કણ કણમાં આદિ કવિ નરસિંહ મહેતા,સાહિત્યકારો, કવિઓ અને જગવિખ્યાત ગિરના સાવજની જગપ્રસિધ્ધીની મહેક પ્રસરી રહી છે આવી આ ધરતી માથે ઘણા વર્ષોથી યોજાતી પરિક્રમા દરવર્ષે યોજાય છે. જેને લોકભાષામાં પરકમ્મા અને લીલી પરકમ્મા પણ કહેવાય છે. ગિરનારની ફરતે યોજાતી આ 36 કી.મી. ની ચાર દિવસ પરિક્રમામાં જુદા જુદા સ્થળોએથી ભકતો આવે છે. 

જૂનાગઢમાં લીલી પરિક્રમાનો થશે પ્રારંભ, સાધુ સંતોએ કર્યું રૂટ નિરીક્ષણ

જૂનાગઢમાં ગિરનારની લીલી પરિક્રમાનો પ્રારંભ થશે જેને લઈ સાધુ સંતોએ રૂટનું નિરીક્ષણ કર્યુ છે.સાધુ સંતો દ્વારા મેડિકલ ટીમ વધારવા કરાયું સૂચન કરાયું છે રૂટ નિરીક્ષણમાં અધિકારીઓ હાજર રહ્યા હતા અને વ્યવસ્થા અંગે અધિકારીઓ સાથે ચર્ચા કરવામાં આવી છે.NDRFની ટીમ જુદા જુદા સ્થળ પર તૈનાત કરવા સૂચના આપવામાં આવે છે.MLA સંજય કોરડીયા પણ રૂટ નિરીક્ષણમાં જોડાયા હતા અને પાણી, શૌચાલયની વ્યવસ્થા અંગે જાણકારી મેળવી હતી.

નવા નિયમો પણ અમલમાં આવ્યા

ઉપરાંત યુનિયને નિયમો અમલમાં આવે તે પહેલાં EU કે રશિયા સિવાયના દેશોના હીરાને મુક્તિ આપવા ‘ગ્રાન્ડ ફાધરિંગ’ કલમ પણ ઉમેરી છે. નવા પ્રતિબંધો મુખ્યત્વે લિક્વિફાઈડ નેચરલ ગેસને લક્ષ્ય બનાવે છે. જેમાં હાલના પ્રતિબંધોની છટકબારીઓ દૂર કરી 116 સંસ્થા અને વ્યક્તિઓને પ્રતિબંધિત કરવાનું લક્ષ્ય છે. જ્યારે નવા નિયમોમાં એક્ઝિબિશન કે સમારકામ માટે રશિયામાંથી જ્વેલરીની અસ્થાયી આયાત-નિકાસને પણ મંજૂરી આપે છે.

સર્ટિફિકેટ ફરજિયાત થયુ

યુરોપિયન યુનિયન (EU)એ રશિયન હીરા પરના પ્રતિબંધ માટેના સનરાઇઝ પિરિયડના અમલને છ મહિના લંબાવ્યો છે. જે અનુસાર હવે 1 સપ્ટેમ્બરની તારીખ લંબાવી રફ-પોલિશ્ડ હીરાની આયાત માટે 1 માર્ચ, 2025 બાદ અમલમાં આવશે. વૈશ્વિક મંદી વચ્ચે હીરા ઉદ્યોગને રાહત મળી છે.યુનિયને હીરાની આયાત માટે ટ્રેસિબિલિટી પ્રોગ્રામ 1 માર્ચ 2025ના રોજથી ફરજિયાત બનાવશે. ત્યારબાદ આયાતકારોએ 0.50 કેરેટથી વધુના હીરાની આયાતને ચકાસવા માટે ટ્રેસિબિલિટી આધારિત સર્ટિફિકેટનો ઉપયોગ કરવો ફરજિયાત બનશે.

ચીનાઓએ સોનુ ખરીદવાનું શરૂ કર્યુ

હોંગકોંગમાં હીરા ઉદ્યોગ મુશ્કેલીમાં મુકાયો છે ત્યારે તેની સીધી અસર સુરતના હીરા ઉદ્યોગ પર જોવા મળશે.ચાઈનામાં ગુજરાતીઓને ચીની નડ્યા છે .ચીનીઓએ હીરાને બદલે સોનું ખરીદવાનું શરૂ કરતાં 60 વેપારીઓએ હીરાની ઓફિસ બંધ કરવી પડી છે. હીરામાં મંદીના પગલે ડાયમંડ વેપારીઓ અન્ય વ્યવસાયમાં જઇ રહ્યાં છે, અમુક વેપારી સુરત-મુંબઇ શિફ્ટ થઇ રહ્યાં છે. વૈશ્વિક સ્તરે સોનાના ભાવોમાં વધારો થતાં વિદેશમાં હીરા વેપાર પર અસર થઇ છે.

હીરાની આયાત 53.74 ટકા ડાઉન

સુરતમાં હીરા બજારમાં મંદીનો માહોલ જોવા મળ્યો છે.પ્રમોશન કાઉન્સિલના આકડા જ ચોંકાવનારા છે.ઓગસ્ટ ૨૦૨૩માં ૧૨.૦૨ મિલિયન કેરેટ કાચા હીરાની આયાત તો ઓગસ્ટ ૨૦૨૪માં કાચા હીરાની આયાત ઘટી છે.ઓગસ્ટ ૨૦૨૪માં ફક્ત ૫.૫૬ મિલિયન કેરેટ થઇ ગઇ છે.વિશ્વના દર ૧૦માંથી ૯ કાચા હીરા સુરત આવે છે.સુરતથી અમેરીકા,સ્વીટ્ઝલેન્ડ, યુકે,ચીન, દુબઈ વગેરે જેવા દેશોમાં ફિનિશ્ડ ડાયમંડ એક્ષ્પોર્ટ થાય છે.

સુરતમાં હીરા ઉદ્યોગમાં મંદીની મોટી અસર

સુરતમાં હીરા ઉદ્યોગમાં મંદીની મોટી અસર જોવા મળી છે,હીરા ઉદ્યોગનું વેકેશન એક સપ્તાહ લંબાવાયું છે અને 25 નવેમ્બરથી કારખાના શરૂ થશે સાથે સાથે કર્મચારીઓને મેસેજ કરી વેકેશનની જાણ કરવામાં આવી છે.રત્નકલાકારો, કર્મચારીઓની આર્થિક મુશ્કેલી વધશે તેવું હીરા સાથે સંકળાયેલો લોકો કહી રહ્યાં છે.

10 ફૂટ ઉંચી જવાળાઓથી ભયનો માહોલ સર્જાયો હતો

પ્રાથમિ માહિતી મુજબ આગની ઘટનામાં કંપનીમાં રહેલો તમામ માલ સામાન બળીને ખાખ થયો હતો. કંપનીમાં આગ કંઈ રીતે લાગી તે હાલ અંકબંધ રહ્યુ છે. પરંતુ, આગ એટલી વિકરાળ હતી કે આગની જવાળાઓ 10 ફૂટ ઉંચે ઊઠી હતી. મોડી રાતે આગની ઘટનાથી લોકોમાં ભયનો માહોલ સર્જાયો હતો. જોકે, આગ કાબૂમાં આવી જતા ફાયર બ્રિગેડ અને સ્થાનિક લોકોએ રાહતનો શ્વાસ લીધો હતો.

કંપનીમા લાગી હતી આગ

આ કંપનીમાં મોડી રાત્રે અગમ્ય કારણસર આગ લાગતા ભાગદોડ મચી ગઈ હતી જોત જોતામાં આગે વિકરાળ સ્વરૂપ ધારણ કરતા બ્રિગેડ કોલ જાહેર કરવામાં આવ્યો હતો જેને લઇને ઉમરગામ સરીગામ વાપી વાપી જીઆઇડીસી પાડી ધરમપુર અને વલસાડના ફાયર ફાઈટરો ઘટના સ્થળે પહોંચ્યા હતા કેમિકલ ફોર્મથી પાણી મારો કરી ફાયર ફાઈટર દ્વારા ભારે જે મત ઉઠાવી હતી.આગને કાબુમાં લેવા માટે વહેલી સવાર સુધી કામગીરી ચાલી હતી.ઘટનામાં કોઈ જાનહાનીના સમચાર આવ્યા નથી.

વલસાડના ઉમરગામ જીઆઇડીસીમાં લાગેલી ભીષણ આગ કાબુમાં 

વલસાડ જિલ્લાના ઉમરગામ જીઆઇડીસી માં આવેલી ક્લિયર પોલીસ કંપનીમાં ભીષણ આગ લાગતા અફરાતનો માહોલ સર્જાયો હતો કંપનીમાં લાગેલી ભીષાણ આગને કાબુમાં લેવા માટે બ્રિગેડ કોલ જાહેર કરાતા જિલ્લાના તમામ ફાયર સ્ટેશનના ફાયર ફાઈટરો ઘટના સ્થળે પહોંચ્યા હતા ઉમરગામ જીઆઇડીસીના થર્ડ ફેસમાં આવેલી ક્લિયર પોલીસ પ્રાઇવેટ લિમિટેડ કંપની પ્લાસ્ટિકની સીટ બનાવતી હોવાનું સામે આવ્યું છે.

રાજકારણમાં નહીં આવવાની અભયસિંહ ચુડાસમાની જાહેરાત

એડિશનલ DGની રાજનીતિમાં આવવાની અટકળોનો અંત,રાજનીતિમાં આવવાની અટકળો વચ્ચે અભયસિંહનો ખુલાસો,ગીરસોમનાથના એક કાર્યક્રમમાં અભયસિંહે કર્યો ખુલાસો,રાજનીતિ મારું ક્ષેત્ર નથી,હું રાજનીતિમાં આવવાનો પણ નથી,નિવૃત્તિ પછી સમાજના શિક્ષણ માટેનું કામ કરીશ,છેલ્લા કેટલાક સમયથી ચાલી રહી હતી અટકળો,અભયસિંહ રાજીનામું આપશે તેવી હતી અટકળો,રાજીનામું આપી રાજનીતિમાં પ્રવેશ કરશે તેવી હતી અટકળો

સામાજિક આગેવાનો રહેશે હાજર 

મંદિરના પૂજારી કલ્પેશભાઇ ભગવાન કાનાજી અને તુલસી માતાનાં વૈદિક વિધિ સાથે લગ્ન  કરાવશે. તુલસી માતાનું પ્રસ્થાન રીટાબેન વંગનસિંહ ઝાલાના નિવાસ સ્થાનેથી વાજતે ગાજતે થશે.તુલસી વિવાહ પ્રસંગે ગાંધીનગરનાં મેયર મીરાબેન પટેલ,નગરસેવકો, રાજકીય અને સામાજિક આગેવાનો મોટી સંખ્યામાં ઉપસ્થિત રહેશે.

ભગવાનની નિકળશે જાન

ભગવાનની જાન પંચેશ્વર મંદિરે પહોંચતા જ તુલસીમાતાના કન્યાદાન માટે અતિઉત્સાહિત અને આતુર એવા યશ પરિસર, જ્હાન્વી પાર્ટી પ્લોટ પાસે, રાયસણના ઝાલા પરિવાર અને તેમની સોસાયટીના સૌ રહીશો ભગવાનની જાન પંચેશ્વર મંદિરે પહોંચતા ભગવાન અને જાનૈયાનું સ્વાગત કરશે.ત્યારબાદ ભક્તિમય વાતાવરણમાં વરપક્ષ અને કન્યાપક્ષની બહેનો લગ્નગીતો અને ફટાણાં ગાઇને વાતાવરણને જીવંત બવાવશે. 

લોકો રહેશે હાજર

દેવઉઠી એકાદશીના દિવસે સાંજે ગોધૂલિવેળાએ વૃંદાવન બંગલોમાં ભગવાન કાનાજીની જાન વાજતે ગાજતે , શરણાઇ અને ઢોલનગારાના તાલે પ્રસ્થાન કરશે. ભાઇ-બહેનો જાનૈયા બની જાનમાં જવા ઉત્સુક છે તો બહેનો પણ સોળે શણગાર સજી લગ્નગીતો અને ફટાણાં ગાવા તૈયાર છે. બે ઘોડાવાળી શણગારેલી બગી ગાડીમાં ભગવાન પોતે વરરાજા બનીને આગુઢ થશે અને જાન જાય ત્યારે આ વિસ્તારની જુદી જુદી સોસાયટીઓને આવરી લેવાય છે.તો આ રીતે ભગવાનનો વરઘોડો પંચેશ્વર મંદિર પહોંચશે.

ગાંધીનગરના રાયસણના પંચેશ્વર મંદિરમાં દેવ-દિવાળીના દિવસે યોજાશે તુલસી વિવાહ 

આગામી દેવઉઠી એકાદશીના પવિત્ર દિવસે ગાંધીનગરના રાયસણ ખાતે આવેલ પંચેશ્વર મંદિરમાં તુલસી વિવાહની ભવ્યાતિભવ્ય ઉજવણી કરવામાં આવશે. દેવઉઠી એકાદશીના પવિત્ર દિવસે મંદિરના પટાંગણમાં શાસ્ત્રોકત અને વૈદિક વિધીવિધાન સાથે ભગવાનનાં લગ્ન તુલસીમાતા સાથે થશે.તુલસી વિવાહની ઉદમણીની લોકોને જાણ થતાં જ આખાય પંથકમાં આનંદની લહેર પ્રસરી ગઇ છે. 

માવજી પટેલ ભાજપમાંથી સસ્પેન્ડ

લાલજી પટેલ પણ ભાજપમાંથી સસ્પેન્ડ,પક્ષ વિરોધી પ્રવૃત્તિ કરવા બદલ સસ્પેન્ડ કરાયા,માવજી પટેલ સહિત પાંચ લોકો સસ્પેન્ડ,જામાભાઈ, દેવજી પટેલ, દલરામ પટેલ પણ સસ્પેન્ડ.લાલજી પટેલે સસ્પેન્શનને લઈ આપ્યું હતું નિવેદન

બીલીમોરા અગ્નિકાંડ મામલે સંદેશ ન્યુઝ ઉપર સૌથી મોટો ખુલાસો

આ સમગ્ર આગ કાંડને લઈ સૌથી મોટો ખુલાસો સંદેશ ન્યૂઝે કર્યો છે.જયપુર ગોલ્ડન ટ્રાન્સપોર્ટની આડમાં થતો હતો કેમિકલ ચોરીનો કાળો કારોબાર.થીનર,બેંજાઈન,બાયોડીઝલના કાળા કારોબારમાં આ સમગ્ર કાંડ થયો હોવાની વાત સામે આવી છે.દુર્ઘટના માટે કારણભૂત કેમિકલ થીનર હોવાનું પોલીસનું પ્રાથમિક તારણ છે,પોલીસ આ અને જીપીસીબી તંત્ર આ મામલે તપાસ કરી રહી છે.

મેનેજરની સંડોવણી આવી સામે

આ સમગ્ર કેસમાં મૃતક મેનેજર અનુપ નુનીયાની કારોબારમાં સંડોવણી સામે આવી છે.કેમિકલનો જથ્થો ટ્રકમાં ભરતા હતા તે સમયે દુર્ઘટના બની હતી જેમાં સોહન મારવાડી,અર્જુન મારવાડી,મૃતક અનુપ નુનિયા વિરૂદ્ધ પણ ગુનો દાખલ કર્યો છે.પોલીસે માનવવધ સહિતની કલમો હેઠળ ગુનો નોંધ્યો છે અને તપાસ હાથધરી છે.

નવસારીના બીલીમોરા અગ્નિકાંડને લઇ મોટો ખુલાસો

જેમાં કેમિકલ ચોરીના વેપલાના કારણે દુર્ઘટના સર્જાઈ હોય તેવી વાત સામે આી છે.જયપુર ગોલ્ડન ટ્રાન્સપોર્ટની આડમાં કાળો કારોબાર ચાલતો હતો અને તેના કારણે આગ લાગી હોવાનું અનુમાન છે ત્યારે પોલીસે સોહન મારવાડી અને દીકરો અર્જુન કારોબાર કરતા હતા તેને લઈ પોલીસે વધુ તપાસ હાથધરી છે.

વાંચો 12 વાગ્યા સુધીના મહત્વના સમાચાર

01 - Gujaratમાં 128 મોબાઇલ હેલ્થ યુનિટ, સૌથી વધુ કચ્છ જિલ્લામાં 14 યુનિટ કાર્યરત

02 - Maharashtra: ખેડૂતો-મહિલાઓ અને યુવાઓ પર ફોકસ, બીજેપીનો સંકલ્પ પત્ર જાહેર

03 - Winter Weather Forecast: રહેજો તૈયાર !, આ વખતે પડશે હાડથીજાવતી ઠંડી

04 - Surendranagar SPની હથિયાર ધારકોને નોટિસ, જાહેર સ્થળો પર ફાયરિંગ ન કરવા સૂચના

05 - Canada: SDS સમાપ્ત કરતા વિદ્યાર્થીઓના વીઝામાં 8 અઠવાડિયા લાગશે, ભારતીયોને થશે અસર

06 - Mahisagarમાં આજીવન કેદની સજા કાપી રહેલો દુષ્કર્મનો આરોપી પેરોલ પર ફરાર થયો

07 - Maharashtra: છત્રપતિ સંભાજીનગરની દુકાનમાં લાગી આગ, 3ના મોત

08 -Petrol Diesel Price: ગુજરાતમાં કેટલો ઘટ્યો પેટ્રોલ ડીઝલનો ભાવ? જાણો આજનો રેટ

09 - CJI DY ચંદ્રચુડ: 'બુલડોઝર ન્યાય સ્વીકાર્ય નથી,આવું સંસ્કારી સમાજમાં ક્યાંય થતું નથી'

10 - Gondalમાં ખોડલધામના કાર્યક્રમમાં ગણેશ જાડેજાની હાજરીથી વિવાદ, પાટીદાર સમાજમાં આંતરિક ઘૂઘવાટ થયો

સુરેન્દ્રનગર જિલ્લામાં પીએમ જનમન અભિયાન અંતર્ગત ફાળવેલ આવાસ

સુરેન્દ્રનગર જિલ્લામાં પીએમ જનમન અભિયાન અંતર્ગત કુલ ૨૫૧૮ આવાસો મંજૂર કરવામાં આવ્યા છે. જેમાંથી ૧૦૭૮ આવાસોને પ્રથમ હપ્તો, ૭૨૯ આવાસોને બીજો હપ્તો અને ૯૦ આવાસોને ત્રીજો હપ્તો ચૂકવી દેવામાં આવ્યો છે. જ્યારે જિલ્લામાં ૨૧૦ જેટલા આવાસોના કામો પૂર્ણ થઈ ગયા છે.

ખાતામા રકમ થાય છે જમા

કેન્દ્ર સરકાર અને રાજ્ય સરકારનો ૬૦:૪૦નો હિસ્સો રહે છે. આ મિશન અંતર્ગત આવાસ દીઠ ત્રણ હપ્તામાં તબક્કાવાર રૂ. બે લાખની સહાય ચૂકવવામાં આવે છે. પ્રથમ હપ્તા તરીકે રૂ. ૫૦ હજાર આવાસ મંજુર થયેથી, બીજો હપ્તો રૂ. ૧ લાખ ૨૦ હજાર પ્લીન્થ લેવલ સુધી બાંધકામ થયેથી અને ત્રીજો હપ્તો રૂ. ૩૦ હજાર આવાસ પૂર્ણ થાય ત્યારે મળે છે. લાભાર્થીને તબક્કાવાર હપ્તાની રકમનું ફંડ ટ્રાન્સફર ઓર્ડરથી સીધું ચુકવણું તેમના ખાતામાં થાય છે.

જનમન આવાસ યોજના

ગુજરાત રાજ્યમાં પણ અલગ-અલગ જિલ્લાઓમાં Particularly Vulnerable Tribal Groups (PVTGs) તરીકે કાથોડી, કોટવાળીયા, પઢાર, સિદ્દી અને કોલ્ગા સમુદાયો વસવાટ કરે છે. આ આદિવાસી જૂથો અને આદિમ જાતિઓના ઘરવિહોણા અને કાચા જર્જરીત મકાનોમાં વસવાટ કરતા PVTGs પરિવારોને પાકા મકાનો પ્રદાન કરવા પ્રધાનમંત્રી જનમન આવાસ યોજના શરૂ કરવામાં આવી છે.પ્રધાનમંત્રી જનમન અભિયાન અંતર્ગત લાભાર્થીને મળવાપાત્ર સહાય રૂ. બે લાખમાં કેન્દ્ર સરકારના રૂ. ૧ લાખ ૨૦ હજાર અને રાજ્ય સરકારના રૂ. ૮૦ હજારનો સમાવેશ થાય છે. 

સ્વપ્ન સમાન ઘર

વધુમાં તેઓ જણાવે છે કે, અમારા જેવા આદિમ જૂથના સામાન્ય માણસો માટે પાકું મકાન એતો સ્વપ્ન સમાન છે. પરંતુ આ સ્વપ્ન સરકારના પ્રધાનમંત્રી જનમન આવાસ યોજનાથી સાકાર થયુ છે. પ્રધાનમંત્રી જનમન આવાસ યોજનાનો લાભ મળવા બદલ નરેશભાઈ અને તેમના પરિવારે સરકારશ્રીનો આભાર માન્યો હતો.વડાપ્રધાન નરેન્દ્રભાઈ મોદી દ્વારા ૧૫ નવેમ્બર ૨૦૨૩ના રોજ જનજાતિ ગૌરવ દિવસ અન્વયે આદિવાસી જૂથો અને આદિમ જાતિઓ જેમાંથી મોટાભાગના હજુ પણ જંગલમાં વસે છે તેઓ સુધી પહોંચવાના સંકલ્પ સાથે પ્રધાનમંત્રી જનજાતિ આદિવાસી ન્યાય મહા અભિયાન (PM JANMAN) મિશનની શરૂઆત કરવામાં આવી છે. 

પાકુ મકાન મળ્યું

પહેલા તેઓ કાચા મકાનમાં કુટુંબ સાથે રહેતા હતાં. જયાં તેઓને અનેક મુશ્કેલીઓનો સામનો કરવો પડતો હતો. પરંતુ આજે નરેશભાઈ જણાવે છે કે, પહેલા મારી સ્થિતિ એક સાંધે તો તેર તુટે તેવી હતી. રહેવા માટે કાચું જર્જરીત મકાન હતું. જેથી ચોમાસામાં વરસાદથી અને શિયાળામાં ઠંડીથી પરિવારને ખુબ જ તકલીફોનો સામનો કરવો પડતો હતો. તેમજ વરસાદમાં ક્યારેક તો ઘરની ઘર વખરી પણ પલડીને બગડી જતી હતી. વરસાદમાં આખી રાત પલળતા જાગતા બેસી રહેવું પડતું હતું. આવી દયનીય પરિસ્થિતિની વચ્ચે તેમને પ્રધાનમંત્રી જનમન આવાસ યોજના અંતર્ગત કુલ રૂ. બે લાખની સહાય મળતા પોતાનું પાકું મકાન બનાવવું શકય બન્યું છે. 

સુરેન્દ્રનગરમાં છૂટક મજૂરી કરીને પરિવારનું ગુજરાન ચલાવતા વ્યકિતને પ્રધાનમંત્રી જનમન આવાસ યોજના અન્વયે મળ્યું ઘર

સુરેન્દ્રનગર જિલ્લાના નાની કઠેચી ગામના રહેવાસી અને છૂટક મજૂરી કરીને પરિવારનું ગુજરાન ચલાવતા દેવથળા નરેશભાઈ રમણભાઈએ સ્વપ્નેય ન હતું વિચાર્યુ કે તેમને પોતાનું ઘરનું ઘર પ્રાપ્ત થશે. અન્ય પરિવારોની જેમ નરેશભાઈના પરિવારનું પણ પાકા અને સુવિધાવાળા મકાનમાં રહેવાનું સપનું પ્રધાનમંત્રી જનમન આવાસ યોજનાથી સાકાર થયું છે.

નાગરિકો માટે આશીર્વાદ સમાન

આ ઉપરાંત મોબાઇલ હેલ્થ યુનિટ, આરોગ્ય સંજીવની વાન(એમએચયુ) અને મોબાઇલ મેડીકલ યુનિટ જીપીએસ જેવી અદ્યતન ટેકનોલોજી સુવિધાયુક્ત છે. સાથે જ તેની સ્ટેટ લેવલે મોનીટરીંગ પણ કરવામાં આવે છે. આ મોબાઇલ હેલ્થ યુનિટમાં અને આરોગ્ય સંજીવની વાનમાં ડૉકટર, સ્ટાફ નર્સ, લેબોરેટરી ટેકનીશીયન, ફાર્માસીસ્ટ અને ડ્રાઇવરની મદદથી ૩૦ થી ૪૦ કિ.મી.ની ત્રિજયામાં ૨૦ થી ૩૫ હજારની વસ્તીને આવરી લેવામાં આવ્યો છે, જે રાજ્યના નાગરિકો માટે આશીર્વાદ સમાન સાબિત થઇ છે.

વાહન ગ્રામ પંચાયત

અત્રે ઉલ્લેખનીય છે કે, મોબાઇલ હેલ્થ/મેડીકલ યુનીટને પ્રાથમિક આરોગ્ય કેન્દ્ર ખાતે રાખવામાં આવે છે તેથી આરોગ્યની સેવાઓનુ સુચારુ સંકલન થાય તેમજ સરળતાથી સેવાઓ આપી શકે. સાથોસાથ દરેક મોબાઇલ યુનિટ સ્થાનિક જરૂરીયાત મુજબ પીએચસી મેડીકલ ઓફિસર, ટી.એચ.ઓ અને સી.ડી.એચ.ઓ દ્વારા એકશન પ્લાન અને ફિકસ રૂટ પ્લાન પ્રમાણે ચાલે છે અને આ વાહન ગ્રામ પંચાયત ખાતે ઉભું રહે છે.

લેબોરેટરી તપાસ સેવાઓ 

મોબાઇલ મેડીકલ યુનીટમાં હિમોગ્લોબિન, મેલેરીયા સ્લાઇડ, પેશાબ સંબંધિત પ્રાથમિક આરોગ્યની તપાસ પણ કરવામાં આવે છે. જેમાં છેલ્લા એક વર્ષમાં ૧૨૮ મોબાઇલ હેલ્થ યુનિટ દ્વારા કુલ ૪.૯૦ લાખથી વધુ નાગરિકોનો લેબોરેટરી તપાસ ઓન રૂટ કરવામાં આવી છે. જે અંતર્ગત ૩,૩૧,૧૫૪ નાગરીકોની લોહીની તપાસ, ૧,૨૬,૪૪૦ પેશાબની તપાસ તેમજ ૩૩,૨૮૬ નાગરીકોની મેલેરિયા પેરાસાઇટની તપાસણી કરવામાં આવી છે.

રોગ અટકાયત અને આરોગ્ય વર્ધક સુવિધાઓ 

મોબાઇલ હેલ્થ યુનિટ એમએચયુ, એમએમયુ અને એએસવી એમએયુ યુનિટ દ્વારા નાના બાળકોની સારવાર, રોગ અટકાયત માટે જરૂરી માર્ગદર્શન, આગણવાડી- શાળાના બાળકોની તપાસ અને સારવાર અંગત સ્વચ્છતા, તરૂણ સ્વાસ્થ્ય સેવાઓ ઉપરાંત તમાકુના રોગો, એચાઇવી/એઇડસ વિગેરે જેવા રોગો વિષે માર્ગદર્શન પુરૂ પાડવામાં આવે છે. જે અંતર્ગત છેલ્લા એક વર્ષમાં મોબાઇલ હેલ્થ યુનિટ દ્વારા ૧૧,૩૫૯ પૂર્વ પ્રસૂતિ સંભાળ સેવા આપી છે. જ્યારે ૧.૨૫ લાખથી વધુ તરુણોને, ૫૯,૦૬૪ આંગણવાડીના બાળકોની તપાસણી કરી, ૧,૦૫૫ હાઈરીસ્ક માતાઓ તેમજ ૩૫૦ તાત્કાલિક સેવાઓ એમ કુલ મળીને ૧,૯૬,૯૦૪ નાગરિકોને મોબાઇલ હેલ્થ યુનિટ થકી સારવાર આપવામાં આવી છે.

રોગનિદાન સારવાર સેવાઓ 

છેલ્લા એક વર્ષમાં મોબાઈલ હેલ્થ યુનિટ દ્વારા ૩૮,૦૯૯ રૂટ કરી ૨૩.૬૦ લાખથી વધુ નાગરિકોને ઓન રૂટ ઓ.પી.ડી. સેવાઓ આપી છે. જેમાં મોબાઈલ હેલ્થ યુનિટ દ્વારા ૧૫,૯૮૩ રૂટ ઉપર ૧,૨૪,૪૫૪૦ દર્દીઓની સેવા આપી, મોબાઈલ હેલ્થ યુનિટે ૧૩,૦૯૭ રૂટ કરી ૩,૯૦,૭૧૨ તેમજ મોબાઈલ મેડિકલ યુનિટ દ્વારા ૯૦૧૯ રૂટ કરી ૭,૨૫,૦૨૫ નાગરિકોને સારવાર આપવામાં આવી છે.

રૂટ ઓ.પી.ડી. સેવા

રાજ્યના છેવાડાના નાગરિકોને આરોગ્યલક્ષી પાયાની સુવિધાઓ મળી રહે તેવા ઉમદા આશયથી હાલ ગુજરાતમાં ૧૨૮ મોબાઇલ હેલ્થ યુનિટો કાર્યરત છે. જેમાં ૪૫ મોબાઈલ હેલ્થ યુનિટ (MHU), ૩૦ મોબાઈલ મેડિકલ યુનિટ (MMU) તેમજ ૫૩ મોબાઈલ હેલ્થ યુનિટ (એએસવી એમએયુ) અડીખમ છે. જેમાં સૌથી વધુ કચ્છ જિલ્લામાં ૧૪, વલસાડમાં ૧૧ અને બનાસકાંઠામાં ૦૯ મોબાઈલ હેલ્થ યુનિટ કાર્યરત છે.

ગુજરાતમાં 128 મોબાઇલ હેલ્થ યુનિટ, સૌથી વધુ કચ્છ જિલ્લામાં 14 યુનિટ કાર્યરત

કોઈપણ દેશ અથવા રાજ્યના વિકાસમાં ત્યાંના નાગરિકોની આર્થિક સમૃદ્ધિની સાથે-સાથે તેમની શારીરિક તંદુરસ્તી પણ ખૂબ જ અગત્યનો ભાગ ભજવે છે. સ્વસ્થ અને તંદુરસ્ત વ્યક્તિ જ સ્વસ્થ સમાજ-રાજ્ય અને દેશ નિર્માણમાં પોતાનું અમૂલ્ય યોગદાન આપી શકે છે. આ જ લક્ષ્યને ધ્યાનમાં રાખીને ગુજરાત સરકારનું આરોગ્ય અને પરિવાર કલ્યાણ વિભાગ મુખ્યમંત્રી શ્રી ભૂપેન્દ્ર પટેલ અને આરોગ્ય મંત્રી શ્રી ઋષિકેશ પટેલના નેતૃત્વ હેઠળ અથાગ-અવિરત જનસ્વાસ્થ્ય સેવાના કાર્યો કરી રહ્યું છે.

જાણો કયા વિધાર્થીને મળશે લાભ

વધુમાં આ યોજનાનો લાભ જે વિદ્યાર્થીઓ ધો-૧૦ની બોર્ડ પરીક્ષામાં ૫૦ ટકા કે તેથી વધુ ગુણ મેળવી ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ અથવા કેન્દ્રીય માધ્યમિક શિક્ષણ બોર્ડની માન્યતા પ્રાપ્ત રાજ્યની સરકારી /અનુદાનિત/ સ્વ નિર્ભર શાળાઓમાં ઉચ્ચતર માધ્યમિક  વિજ્ઞાન પ્રવાહમાં પ્રવેશ મેળવે તેવા વિદ્યાર્થીઓને જ લાભ મળે છે.આ બંને યોજનાનો લાભ મેળવવા માટે વિદ્યાર્થીઓની શાળામાં માસિક ૮૦ ટકા હાજરી હોવી જરૂરી છે. અરજદાર વિદ્યાર્થીની અરજી ઓનલાઈન તેમની શાળા દ્વારા જ કરવામાં આવે છે. લાભાર્થીને સહાયની ચૂકવણી સીધી જ લાભાર્થીના માતાના બેન્ક ખાતામાં DBTના માધ્યમથી જમા કરાય છે.

નમો સરસ્વતી યોજના

૨૧મી સદી વિજ્ઞાન અને ટેકનોલોજીની સદી છે જેમાં જીવનના દરેક ક્ષેત્રમાં આઈ.ટી. અને સંલગ્ન તકનીકો મહત્વનો ભાગ ભજવે છે. ઉચ્ચ કક્ષાની નવી રોજગારીની તકો માટે વિજ્ઞાન પ્રવાહનું શિક્ષણ ખુબ જરૂરી છે. વિજ્ઞાન પ્રવાહના અભ્યાસક્રમોમાં શિક્ષણને પ્રોત્સાહન આપવા આ યોજના અમલી બનાવાઈ છે. આ યોજના હેઠળ એક લાખથી વધુ વિદ્યાર્થીઓને અંદાજિત રૂ. ૪૦ કરોડથી વધુની સહાય ચુકવાઈ છે. આ યોજના અંતર્ગત વિદ્યાર્થીઓને ધોરણ-૧૧માં માસિક રૂ.૧૦૦૦ લેખે કુલ ૧૦ મહિનામાં રૂ.૧૦ હજાર અને ધોરણ-૧૨ માં માસિક રૂ.૧૦૦૦ લેખે કુલ ૧૦ મહિનામાં રૂ.૧૦ હજારની સહાય ચૂકવાય છે. ધોરણ ૧૨માં ઉતીર્ણ થયા બાદ પાંચ હજાર મળીને કુલ રૂ. ૨૫ હજારની સહાય આપવામાં આવે છે. આ માટે ચાલુ વર્ષે રાજ્ય સરકારે રૂ.૨૫૦ કરોડનું બજેટ ફાળવ્યું છે.

નમો લક્ષ્મી યોજના

આર્થિક રીતે નબળા અને મધ્યમ વર્ગની દિકરીઓના શિક્ષણને પ્રોત્સાહન આપવા માટે ગુજરાતમાં નમો લક્ષ્મી યોજના શરૂ કરવામાં આવી છે. આ યોજના હેઠળ અત્યાર સુધીમાં સાત લાખથી વધુ વિદ્યાર્થીનીઓને રૂ. ૧૭૪ કરોડથી વધુની સહાય ચુકવવામાં આવી છે. આ યોજના હેઠળ સરકારી, અનુદાનિત તેમજ ખાનગી શાળાઓમાં ધોરણ ૯ થી ૧૨માં અભ્યાસ કરતી વિદ્યાર્થીનીઓને કુલ રૂ. ૫૦ હજારની સહાય આપવામાં આવે છે. જેમાં ધોરણ ૯ અને ૧૦માં અભ્યાસ દરમિયાન માસિક રૂ.૫૦૦ લેખે  કુલ ૧૦ મહિનામાં રૂ. ૧૦ હજાર તથા ધોરણ ૧૦માં ઉતીર્ણ થયા બાદ રૂ. ૧૦ હજાર આપવામાં આવે છે. આ ઉપરાંત ધોરણ ૧૧ અને ૧૨માં વિદ્યાર્થીનીઓને માસિક રૂ.૭૫૦ લેખે  કુલ ૧૦ મહિનામાં રૂ. ૧૫ હજારની સહાય તથા ધોરણ ૧૨માં ઉતીર્ણ થયા બાદ રૂ. પાંચ હજારની સહાય આપવામાં આવે છે આ માટે રાજ્ય સરકારે ચાલુ વર્ષે રૂ. ૧,૨૫૦ કરોડનું બજેટ ફાળવ્યું છે.

વિધાર્થીઓની સંખ્યામાં થયો વધારો

આ બંને યોજનાઓ દ્વારા શાળામાં અભ્યાસ કરતા વિદ્યાર્થીઓને શિક્ષણ માટે આર્થિક સહાય પૂરી પાડવામાં આવે છે. આ બંને યોજનાઓ શરૂ થવાથી રાજ્યમાં માધ્યમિક અને ઉચ્ચતર માધ્યમિક શાળાઓના વિદ્યાર્થીનીઓની સંખ્યામાં તેમજ વિજ્ઞાન પ્રવાહના વિદ્યાર્થીઓની સંખ્યામાં ઉત્તરોત્તર વધારો થશે. 

174 કરોડથી વધુની સહાય

જેમાં નમો લક્ષ્મી યોજના હેઠળ અત્યાર સુધીમાં સાત લાખથી વધુ વિદ્યાર્થીનીઓને રૂ.૧૭૪ કરોડથી વધુની સહાય જ્યારે નમો સરસ્વતી યોજના હેઠળ એક લાખથી વધુ વિદ્યાર્થીઓને અંદાજિત રૂ. ૪૦ કરોડથી વધુની સહાય રાજ્ય સરકાર દ્વારા ચુકવાઈ છે.રાજ્યના ખૂણે-ખૂણે ગુણવત્તાલક્ષી શિક્ષણને પહોંચાડવા માટે મુખ્યમંત્રી ભૂપેન્દ્રભાઈ પટેલના નેતૃત્વ તથા શિક્ષણ મંત્રી  કુબેરભાઈ ડીંડોરના માર્ગદર્શન હેઠળ રાજ્ય સરકાર સતત પ્રયાસો કરી રહી છે. જે અંતર્ગત ગુજરાત સરકાર દ્વારા વર્ષ ૨૦૨૪માં નમો લક્ષ્મી અને નમો સરસ્વતી વિજ્ઞાન સાધના યોજના શરૂ કરવામાં આવી છે. 

ગુજરાતમાં ‘નમો લક્ષ્મી’ યોજનામાં સાત લાખ વિદ્યાર્થીનીઓને 174 કરોડથી વધુની સહાય ચૂકવાઈ

વડાપ્રધાન નરેન્દ્રભાઈ મોદીએ વર્ષ ૨૦૪૭માં વિકસિત ભારતના નિર્માણનો સંકલ્પ આપ્યો છે. તેમના આ સંકલ્પને પરિપૂર્ણ કરવા મુખ્યમંત્રી  ભૂપેન્દ્રભાઈ પટેલના નેતૃત્વની સરકાર અનેક વિકાસલક્ષી યોજનાઓના અમલીકરણ માટે સંકલ્પબદ્ધ છે. ગુજરાતના વિદ્યાર્થીઓને અમૃતકાળમાં ઉચ્ચ ગુણવત્તાયુક્ત ભવિષ્યલક્ષી શિક્ષણ મળી રહે તે હેતુથી વર્ષ ૨૦૨૪-૨૫ના બજેટમાં શિક્ષણ ક્ષેત્રે બે નવી યોજના ‘નમો લક્ષ્મી’ અને ‘નમો સરસ્વતી વિજ્ઞાન સાધના’ યોજનાની જાહેરાત કરવામાં આવી હતી. 

અસામાજિક તત્વો ગભરાયા

સમગ્ર કોમ્બિંગ દરમિયાન અસામાજિક તત્વોને પણ ચેક કરવામાં આવ્યા હતા અને તેમની સામે પણ કાર્યવાહી કરવામાં આવી હતી.બીન જરૂરી મોડીરાત્રે આંટા મારતાં લોકો સામે કાર્યવાહી હાથ ધરવામાં આવી હતી તો રોગ સાઇડ, નંબર પ્લેટ, પીધેલા, હથિયાર સાથે ફરતાં અને લાયસન્સ વગરનાં આવા તમામનું ચેકીંગ હાથ ધરવામાં આવ્યું હતુ,અનેક વાહનો ડીટેઇન કરાયા મોટી ગાડીઓની તલાસી લેવાઇ રાત્રે રખડતા યુવાનોને અને માતાપિતાને સંદેશ ન્યૂઝની અપીલ છે કે,આપના બાળકોને રાત્રે રખડતા બંધ કરો નહીતર પોલીસ કરશે કાર્યવાહી.

પોલીસે અનેક વાહનો ડીટેઇન કર્યા

સુરેન્દ્રનગર જિલ્લાના પોલીસ વડાએ તમામ પોલીસ સ્ટેશનના પીઆઈને આદેશ કર્યો હતો કે,શહેરમાં કોમ્બિંગ હાથ ધરવામાં આવે જેને લઈ પોલીસ પણ એકટિવ મોડમાં આવી ગઈ હતી,પોલીસ દ્રારા મોડી રાત્રે શહેરમાં કોમ્બિંગ હાથ ધર્યુ હતું જેમાં અલગ-અલગ સ્થાનિકોના વાહનો ચેક કરવામાં આવ્યા હતા તેમજ જે લોકો હથિયાર સાથે ઝડપાયા હતા તેમની સામે કાર્યવાહી કરી હતી સાથે સાથે પ્રોહિબિશનના કેસ પણ કર્યા હતા,પોલીસે અલગ-અલગ ગુનાઓ નોંધીને કાર્યવાહી કરી છે.

હથિયારનુ લાયસન્સ રદ સુધીની કાર્યવાહી: SP

સુરેન્દ્રનગર જીલ્લાના 900 હથિયાર ધારકોને પોલીસ દ્વારા નોટીસો ફટકારી છે જેમાં આર્મ્સ એક્ટનું પાલન ફરજિયાત કરવા જીલ્લા એસપી ગીરીશકુમાર પંડ્યા દ્વારા સુચનાઓ આપી છે.હથિયારો બાહર ન દેખાય એમ કવરમા રાખવું અને ફુલેકા જેવા જાહેર સ્થળો પર ફાયરિંગ ન કરવા હથીયારો બીજાને વાપરવા કે રાખવા ન દેવા તેવી સૂચના આપવામાં આવી છે.ભય ફેલાય એ રીતે ફોટા કે વીડિયો મૂકશો તો તેની સામે કાર્યવાહી કરવામાં આવશે.

સુરેન્દ્રનગર SPની હથિયાર ધારકોને  નોટિસ, જાહેર સ્થળો પર ફાયરિંગ ન કરવા આપી સૂચના

સુરેન્દ્રનગરમાં 900 હથિયાર ધારકોને પોલીસે નોટીસ ફટકારી છે.આર્મ્સ એક્ટનું ફરજિયાત પાલન કરવા SPએ સૂચના આપી છે જેમાં જાહેર સ્થળો પર ફાયરિંગ ન કરવા સૂચના આપી છે તેમજ ભય ફેલાય એ રીતે ફોટા કે વીડિયો ન મુકવા જિલ્લા એસપીએ સૂચના આપી છે જે પણ વ્યકિત પાસે હથિયાર છે અને તે હથિયારના લાયસન્સનું પાલન નહી કરે તો તે રદ કરવા સુધીના કામગીરી પણ થઈ શકે છે.

નસવાડીમાં નવીન રોડના કામમાં ભ્રષ્ટાચાર

હરખોડ કુંડાના નવીન રોડના કામમાં ભ્રષ્ટાચાર,13 કરોડથી વધુના ખર્ચે બની રહ્યો છે પાકો રોડ,છ માસ વીતીગયા છતાય હજુ કામગીરી અધૂરી,ગેબિયન વોલમા નદી કોતરના પથ્થરનો ઉપયોગ,ગ્રામ પંચાયતની મંજૂરી વગર પથ્થર કાઢ્યાના આક્ષેપ,R&Bની રોડની કામગીરીમા બેદરકારી સામે આવી.

જાણો કેદી પેરોલ એટલે શું

કોર્ટ દ્વારા કેદની સજા ભોગવતા કેદીને વાજબી કારણસર અપાતી કામચલાઉ શરતી મુક્તિ. કેદીને ફરમાવવામાં આવેલ કુલ સજામાંથી અમુક સજા ભોગવ્યા પછી જ તેને પરોલ પર છોડવામાં આવે છે. આવી રીતે છોડવામાં આવેલ કેદીએ પરોલ દરમિયાન કારાવાસની બહાર સારા વર્તનની બાંયધરી આપવાની હોય છે.

પોલીસે બનાવી અલગ-અલગ ટીમો

આ સમગ્ર કેસમાં પોલીસે અલગ-અલગ ટીમો બનાવીને આરોપીની શોધખોળ શરૂ કરી છે.વર્ષ 2022માં સગીરા સાથે દુષ્કર્મ કરવાના કેસમાં બે વર્ષથી જેલની સજા કાપી રહ્યો હતો અને ત્યારબાદ કોર્ટે હુકમ કર્યો હતો કે આરોપીને આજીવન કેદ કરો ત્યારે તે સજા કાપી રહ્યો હતો,જેલમાંથી બહાર નિકળતાની સાથે જ આરોપી ભાગી ગયો હતો.આ સમગ્ર કેસમાં જીલ્લા પોલીસ દ્રારા અલગ-અલગ ટીમો બનાવી છે અને આસપાસના વિસ્તારોમાં તપાસ હાથધરી છે.

7 દિવસની પેરોલ પર રજા પર આવ્યા બાદ ફરાર

વર્ષ 2022માં દુષ્કર્મ કેસમાં સજા કાપી રહેલા આરોપી સંજય બારૈયા ફરાર થઈ ગયો છે,કોર્ટે વર્ષ 2024મા આરોપીને આજીવન કેદની સજા ફટકારી હતી ત્યારે દિવાળીના સમયમાં આરોપી પેરોલ પર બહાર આવ્યો હતો અને તે ફરાર થઈ ગયો હતો પોલીસને આ બાબતની જાણ થતાની સાથે જ અલગ-અલગ ટીમો બનાવીને આરોપીની શોધખોળ શરૂ કરી છે.સાથે સાથે આસપાસના સીસીટીવી પણ પોલીસે જપ્ત કર્યા છે.રાજકોટ જેલમાંથી પેરોલ પર છૂટ્યા બાદ વીરપુરથી આરોપી ભાગી જતા પોલીસ દોડતી થઈ છે.

મહીસાગરમાં આજીવન કેદની સજા કાપી રહેલો દુષ્કર્મનો આરોપી પેરોલ પર ફરાર

મહીસાગરના વીરપુરમાં દુષ્કર્મનો આરોપી પેરોલ પર સાત દિવસ માટે બહાર આવ્યો હતો અને તે ફરાર થઈ ગયો હતો,રાજકોટ જેલમાંથી પેરોલ પર આવ્યો હતો આરોપી અને ફરાર થઈ જતા પોલીસ પણ દોડતી થઈ હતી,પોલીસે સમગ્ર ઘટનાને લઈ નાકાબંધી કરી છે અને આરોપીને ઝડપી પાડવા માટે કવાયત હાથધરી છે,વર્ષ 2022માં દુષ્કર્મ કર્યુ હતુ અને આરોપી સંજય બારૈયા ફરાર છે.

પોલીસ પણ નોંધે છે ગુનો

કેનેડામાં વર્ક પરમીટના નામે કે કાયમી કરી આપવાના નામે છેતરપિંડી કરવાના ગુનાઓમાં વધારો થયો છે. ગાંધીનગર સીઆઇડી ક્રાઇમે છેતરપિંડીની વધુ બે ફરિયાદ નોંધી છે. આ પછી આરોપીઓને પકડવા માટે વધુ તપાસ શરૂ કરી છે. જેમાં પહેલાં પ્રાંતિજમાં રહેતા યુવકને કેનેડામાં સ્થાયી કરવાના નામે મુંબઈના બે એજન્ટોએ રૂપિયા 34 લાખ રૂપિયા લઈ કોઈ પ્રોસેસ કરી નહોતી. બીજા બનાવમાં કલોલમાં રહેતી યુવતીને કેનેડામાં નોકરીના અપાવવાનું રહીને ગાંધીનગરના 2 એજન્ટોએ રૂપિયા 25 લાખ રૂપિયા પડાવીને પરત આપ્યા ન હતા.

વિદેશ જતા લોકો માટે લાલબત્તી સમાન કિસ્સો

વિદેશ જવાની ગેલછામાં લોકો લાખો રૂપિયા આપી દેતા હોય છે અને જયારે વીઝાની વાત આવે ત્યારે એજન્ટો છેતરપિંડીની કરીને ફરાર થઈ ગયા હોય છે ત્યારે આવા લોકો માટે આ કિસ્સો લાલબત્તી સમાન છે,તમે વિદેશ જાવ તેનો વાંધો નથી પણ જે એજન્ટ દ્રારા આ કામગીરી કરાવો તેની ખરાઈ કરવાનું રાખો જો ખરાઈ નહી કરો અને એક સાથે રૂપિયા આપી દેશો તો તમારી સાથે પણ આવી ઘટના બની શકે છે.

શ્યામલ ચાર રસ્તા પાસે આવી છે ઓફીસ

વિદેશ જવાનો ઉત્સાહ દિવસેને દિવસે લોકોનો વધી રહ્યો છે ત્યારે છેતરપિંડીની ઘટનાઓ પણ બની રહી છે,આવી જ એક છેતરપિંડી IE4U ગ્લોબલ કંપનીના ડીરેકટરોએ કરી છે જેમાં વિઝા આપવના બહાને 79 લાખ રૂપિયા લઈ લેવામાં આવ્યા હતા અને ત્યારબાદ ઓફિસ બંધ કરીને ડીરેકટરો ફરાર થઈ ગયા હતા.ફરિયાદીએ જયારે ઓફીસ પર પહોંચે છે ત્યારે ઓફીસને તાળા હતા અને જાણવા મળ્યું હતું કે તેમની સાથે છેતરપિંડી થઈ છે જેને લઈ પોલીસ પણ તપાસમાં લાગી હતી.

અમદાવાદમાં વિઝાના નામે 79.30 લાખની છેતરપિંડી, IE4U ગ્લોબલ કંપનીના ડીરેકટરો સામે ફરિયાદ

અમદાવાદમાં ફરી વિઝાના નામે છેતરપિંડીની ઘટના સામે આવી છે જેમાં UK જવાના વિઝા અપાવાના નામે છેતરપિંડી કરાઈ છે,આ છેતરપિંડી IE4U ગ્લોબલ કંપનીના ડીરેકટરોએ કરી છે જેમાં 79.30 લાખ રૂપિયા લઈ ને વિઝા નહી આપ્યા તેવી વાત સામે આવી છે.જુહાલ સિરાજ, શ્રુજીસ શંકર સામે ફરિયાદીએ સેટેલાઈટ પોલીસ સ્ટેશનમાં ફરિયાદ નોંધાવી છે.સેટેલાઈટમાં શ્યામલ આઇકોનિકનીમાં હતી ઓફીસ.રૂપિયા મેળવી ઓરોપીઓ ઓફિસ બંધ કરી ફરાર થયા છે.

થાન તાલુકામાં થઈ હતી હત્યા

થાન તાલુકાના સારસાણા ગામની સીમમાં મૈત્રી કરાર કરનાર યુવાન અને તેના પિતાને છરી અને લાકડીના ઘા મારી યુવતીના ભાઇ તેમજ પૂર્વ પતિ સહિતના શખ્સોએ હત્યા કરી દીધી હતી. આ હીચકારા હુમલામાં ગંભીર રીતે ઇજાગ્રસ્ત યુવાનની માતાનું પણ સારવાર દરમિયાન મોત નિપજતાં બનાવ ત્રિપલ હત્યામાં પલટાયો હતો. પોલીસે હત્યામાં સંડોવાયેલા ત્રણ પૈકી મુખ્ય એક આરોપીને ઝડપી લઇ પૂછપરછ કરતા આ ત્રિપલ હત્યાકાંડમાં સંડોવાયેલા વધુ 3 શખ્સોના નામ ખુલતા પોલીસે 3 શખ્સોને પણ ઝડપી લીધા હતા. 

અસામાજિક તત્વો ગભરાયા

સમગ્ર કોમ્બિંગ દરમિયાન અસામાજિક તત્વોને પણ ચેક કરવામાં આવ્યા હતા અને તેમની સામે પણ કાર્યવાહી કરવામાં આવી હતી.બીન જરૂરી મોડીરાત્રે આંટા મારતાં લોકો સામે કાર્યવાહી હાથ ધરવામાં આવી હતી તો રોગ સાઇડ, નંબર પ્લેટ, પીધેલા, હથિયાર સાથે ફરતાં અને લાયસન્સ વગરનાં આવા તમામનું ચેકીંગ હાથ ધરવામાં આવ્યું હતુ,અનેક વાહનો ડીટેઇન કરાયા મોટી ગાડીઓની તલાસી લેવાઇ રાત્રે રખડતા યુવાનોને અને માતાપિતાને સંદેશ ન્યૂઝની અપીલ છે કે,આપના બાળકોને રાત્રે રખડતા બંધ કરો નહીતર પોલીસ કરશે કાર્યવાહી.

પોલીસે અનેક વાહનો ડીટેઇન કર્યા

સુરેન્દ્રનગર જિલ્લાના પોલીસ વડાએ તમામ પોલીસ સ્ટેશનના પીઆઈને આદેશ કર્યો હતો કે,શહેરમાં કોમ્બિંગ હાથ ધરવામાં આવે જેને લઈ પોલીસ પણ એકટિવ મોડમાં આવી ગઈ હતી,પોલીસ દ્રારા મોડી રાત્રે શહેરમાં કોમ્બિંગ હાથ ધર્યુ હતું જેમાં અલગ-અલગ સ્થાનિકોના વાહનો ચેક કરવામાં આવ્યા હતા તેમજ જે લોકો હથિયાર સાથે ઝડપાયા હતા તેમની સામે કાર્યવાહી કરી હતી સાથે સાથે પ્રોહિબિશનના કેસ પણ કર્યા હતા,પોલીસે અલગ-અલગ ગુનાઓ નોંધીને કાર્યવાહી કરી છે.

સુરેન્દ્રનગરમાં વધતા ક્રાઇમને લઇ પોલીસ એકશનમાં, મોડીરાત્રે આંટા મારતા લોકો સામે કાર્યવાહી

સુરેન્દ્રનગરમાં વધતા ક્રાઈમને લઈ પોલીસ મોડે-મોડે એકટિવ મોડમાં આવી છે જેમાં SPની સૂચનાથી પોલીસે રાત્રે કોમ્બીગ હાથ ધર્યું હતુ,મોડીરાત્રે આંટા મારતા લોકો સામે કાર્યવાહી કરી છે જેમાં નશાની હાલતમાં અને હથિયાર સાથે ફરતા લોકો સામે કાર્યવાહી કરવામાં આવી છે.લાયસન્સ વગર ફરતા લોકોના વાહનો પણ ડિટેઈન કર્યા હોવાની વાત સામે આવી છે.પોલીસે અલગ-અલગ પોલીસ સ્ટેશનમાં વાહનો ડિટેઈન કર્યા છે.

ખોડલધામ મંદિરનો ઈતિહાસ

ખોડલધામ લેઉવા પટેલ કુળદેવી શ્રી ખોડિયાર માતાજીનું મંદિર છે. ખોડલધામ ટ્રસ્ટ-કાગવડની સ્થાપના 08-03-2010ના રોજ થઈ હતી. 21 જાન્યુઆરી, 2011ના રોજ ખોડલધામ મંદિરના પ્રોજેક્ટનો શિલાન્યાસ થયો હતો અને 21 જાન્યુઆરી, 2012ના રોજ ખોડલધામની શિલાપૂજન વિધિ કરવામાં આવી હતી. ખોડલધામ ભારતના ગુજરાત રાજ્યના રાજકોટ જિલ્લાના જેતપુર તાલુકાના કાગવડ ગામ પાસે આવેલું છે.

સમાજમાં રાજકારણ શરૂ ? 

આ સમગ્ર ઘટનામાં રાજકારણ શરૂ થઈ ગયું છે,પાટીદાર સમાજના કાર્યક્રમમાં ગણેશ જાડેજા કેમ આવ્યા તેને લઈ છેલ્લા એક અઠવાડિયાથી મગજમારી ચાલી રહી છે,ગણેશ જાડેજાને પાટીદાર સમાજના કાર્યક્રમમાં આવાનું શું કારણ તેને લઈ મગજમારી ચાલી રહી છે,સમાજના લોકો જ આ વાતને લઈ અંદરો-અંદર મગજમારી કરી રહ્યાં છે,ત્યારે લોકમુખે એવી પણ ચર્ચા સાંભળવા મળી છે કે કાર્યક્રમ પણ પૂર્ણ થઈ ગયો તો હવે આ વાતને લઈ વિવાદ કરવો યોગ્ય નથી.

ગણેશ જાડેજાની હાજરીથી વિવાદ

ગોંડલ ખાતે ખોડલધામના કાર્યક્રમમાં ગણેશ જાડેજાની હાજરીથી વિવાદ ઉભો થયો છે,પાટીદાર સમાજના લોકોમાં ગણેશ જાડેજાની હાજરીને લઈને આંતરિક ઘૂઘવાટ ઉભો થયો છે.સમિતિના પ્રમુખ રાજુ સોજીત્રાને સ્થાનિક રાજુ સખીયા દ્વારા ધમકી આપવામાં આવી હતી જેમાં ગણેશ જાડેજાને સમાજના આવા કાર્યક્રમમાં આમંત્રણ ન આપવા કહેવામાં આવ્યું હતુ સાથે સાથે ગોંડલમાં વાયરલ ઓડિયો કલીપમાં સ્થાનિક આગેવાનને બીજી વખત ભૂલ ન કરવા ચીમકી આપવામાં આવી છે. 

ગોંડલમાં ખોડલધામના કાર્યક્રમમાં ગણેશ જાડેજાની હાજરીથી વિવાદ, પાટીદાર સમાજમાં આંતરિક ઘૂઘવાટ થયો ઊભો 

ગોંડલમાં ખોડલધામના કાર્યક્રમમાં ગણેશ જાડેજા હાજર રહેતા પાટીદાર સમાજના અગ્રણીઓ વચ્ચે વિવાદ સર્જાયો હતો,સાથે સાથે સમિતિના પ્રમુખ રાજુ સોજીત્રાને સ્થાનિકે ધમકી પણ આપી હોવાની વાત સામે આવી છે.ગણેશને સમાજના કાર્યક્રમમાં આમંત્રણ ન આપવા કહ્યું હતુ તેમ છત્તા આમંત્રણ આપવામાં આવ્યું હતુ તેને લઈ વિવાદ સર્જાયો હતો. 

જાણો શું હતો કેસ

સુરતના સિટી લાઈટ વિસ્તારમાં આવેલા ફોર્ચ્યુન મોલના ચોથા માળે આગની ઘટના સમયે 5 થી 6 વ્યક્તિઓ ત્યાં અંદર ફસાઈ ગયા હતા. જોકે ઘટનાની જાણ થતા જ વેસું, મજુરા, નવસારી બજાર અને માનધરવાજાની ફાયરની કુલ 8થી વધુ ગાડીઓ ઘટના સ્થળે પહોંચી હતી. તે સાથે ઉમરા પોલીસનો કાફલો પણ બનાવ સ્થળે આવી પહોંચ્યો હતો. જ્યાં ફાયરના જવાનોએ સુરક્ષા કવચ પેહરીને ચાર લોકોને સહી સલામત બહાર કાઢ્યા હતા. જેમાં બે યુવતીઓના મૃતદેહ પણ મળી આવ્યા હતા.

બિલ્ડિંગમાં ફાયરની સુવિધા છે પણ કાર્યરત નથી

ફાયર ઓફિસર ઈશ્વર પટેલે જણાવ્યું કે, આ બિલ્ડિંગમાં ફાયરની સુવિધા તો છે, પરંતુ તે કાર્યરત નથી એટલે ફાયર વિભાગે નોટિસ પણ આપી હતી. બીજી તરફ બિલ્ડિંગમાં ચાલી રહેલા જીમમાં આવવાનો અને જવાનો માત્ર એક જ રસ્તો છે. ઈમરજન્સી એકઝીટની સુવિધા પણ નથી. ઘટના બનતાની સાથે જ મેયર દક્ષેશ માવાણી ઘટના સ્થળે પહોંચી ગયા હતા અને ઘટનાની ગંભીરતાને જોઈને જીમ અને સલૂન અંગે તપાસના આદેશ આપ્યા હતા. બિલ્ડિંગની બીયુસી અને ફાવર એનઓસીની તપાસના પણ આદેશ અપાયા છે.

સુરતમાં જીમ-સ્પામાં આગ લાગવાનો કેસ, કેન્ડલ પ્રગટાવી યુવતીઓને પાઠવી શ્રદ્ધાંજલિ 

સુરતમાં જીમ-સ્પામાં આગથી 2 યુવતીના મોત થયા હતા જેને લઈ સમગ્ર સુરતમાં રોષની લાગણી જોવા મળી હતી,કેન્ડલ પ્રગટાવી યુવતીઓને શ્રદ્ધાંજલિ પાઠવવામાં આવી હતી અને અઠવાગેટ ખાતે લોકો એકઠા થયા હતા અને SMCના અધિકારીઓની કામગીરી સામે રોષ ઠાલવ્યો હતો.સરકાર યુવતીઓના પરિવારને વળતર આપે તેવી માંગ લોકો દ્રારા કરવામા આવી હતી.

લાકડાની સર્જાય છે અછત

જોકે મનપાના આ નિર્ણય ને લઈ શહેર ના પાંચ જેટલા સ્મશાન ગૃહમાં લાકડાની થતી અછતના કારણે લોકો ને પડતી મુશ્કેલીઓનો સામનો કરવો પડતો હતો જે સમસ્યાઓનો પણ નિકાલ થશે આ સાથે જ રખડતા પશુઓ અને નિરાધાર પશુઓ જે રોડ પર મૃત્યુ પામે છે તેનું પણ સન્માનિત રીતે અગ્નિ સંસ્કાર થઈ શકે તે હેતુથી પશુઓ માટે પણ ગેસ આધારિત ભઠ્ઠી બનાવવામાં આવી રહી છે..પરંતુ આ નિર્ણય નું ખરા અર્થ માં કામ થવું જોઇએ તે પણ જરૂરી છે અને સ્ટેન્ડિંગ માં લેવામાં આવેલો નિર્ણય માત્ર કાગળ ઉપર જ ના રહે તે જરૂરી છે.

ગેસ આધારિત ભઠ્ઠી

ભાવનગર શહેર માં મનપા દ્વારા 5 જેટલા સ્મશાન ગૃહ ખાતે ગેસ આધારિત ભઠ્ઠી બનાવવામાં આવશે જેમાં અંદાજે 3.5 કરોડના ખર્ચે ગેસ આધારિત સ્મશાન બનાવવામાં આવશે જેનું ટેન્ડર પ્રક્રિયા પણ કરવામાં આવી છે સાથે એનિમલ પશુઓને પણ સન્માનીત સાથે તેઓની અંતિમ સંસ્કાર વિધિ થઈ શકે તે માટે પશુ સ્મશાન નારી રોડ કુંભારવાળા ડંપિંગ સાઈડ પાસે બનાવવા અંગે મંજૂરી આપવામાં આવી છે.

5 સ્માશાનમાં થશે બદલાવ

ભાવનગર શહેર માં આવેલા 5 મોક્ષ મંદીરમાં ગેસ આધારિત સ્મશાન બનાવવા તેમજ મોક્ષમંદિરમાં ગેસની થર્મલ ભઠ્ઠી,ચીમની, સોલીડ વેસ્ટ કાઢવા માટેની ચેમ્બર વિગેરે બનાવવા માટે કુલ 3.5 કરોડના ખર્ચ સાથે ગત સ્ટેન્ડીંગ કમિટી કક્ષાએ થી મંજૂરી આપવામાં આવી હતી અને ટેન્ડર પ્રક્રિયાની મંજૂરી પણ આપી દેવામાં આવી છે.આ ઉપરાંત ભાવનગર શહેરમાં રોજબરોજ બીનવારસી અને વારસી પશુ-પંખીના મૃત્યુ થતા હોય છે. તેના નિકાલ માટે હાલ વ્યવસ્થા છે. પરંતુ નવા અભિગમ સાથે ડેડ એનીમલ (પશુ સ્મશાન) બનાવવા માટે તજવીજ હાથધરી જેના કારણે અનેક સમસ્યાઓનુ સમાધાન થશે.

ભાવનગરમાં પાંચ સ્મશાનને ગેસ આધારિત બનાવવાનું ચાલે છે આયોજન 

ભાવનગર મહાનગરપાલિકા દ્વારા શહેરમાં આવેલા 5 મોક્ષમંદિરોમાં અંતિમ સંસ્કાર માટે ગેસ આધારિત સ્મશાન બનાવવાનું આયોજન કરવામાં આવ્યું છે જેના કારણે પર્યાવરણનું જતન પણ થશે અને લાકડાની બચત સાથે પર્યાવરણનું શુધ્ધિકરણ પણ થશે.ગેસ દ્વારા અંતિમક્રિયા માટે વાપરનાર ગેસ તદ્દન ફ્રી ઓફ ચાર્જ આપવામાં આવશે.સામાન્ય રીતે એક મૃતદેહ ને અગ્નિસંસ્કાર આપવા 80 થી 100 કીલો લાકડુ વપરાતુ હોય છે ગેસ આધારિત સ્મશાન બનશે તો લાકડાની પણ બચત થશે.

ઠંડી પડવાની આગાહી : અંબાલાલ પટેલ

ડિસેમ્બરની શરૂઆતમાં વધુ એક ચક્રવાત બની શકે છે જેની સીધી અસર ગુજરાત પર જોવા મળશે.15 નવેમ્બરથી એટમોસ્ફિયરિક વેવ મજબૂત થવાની શક્યતા છે જેના પગલે બંગાળના ઉપસાગરમાં વાવાઝોડું સર્જાશે.દક્ષિણ પૂર્વીય તટો પર આ લો પ્રેશરની અસર રહશે સાથે સાથે પૂર્વીય દેશોમાથી એક મજબૂત ચક્રવાત આવી રહ્યું છે અને જે બંગાળના ઉપસાગરમાં તેના અવશેષો આવતા સિસ્ટમ બનશે,રાજ્યમાં ડિસેમ્બર માસની શરૂઆતથી ઠંડીમાં વધારો થશે અને 22 ડિસેમ્બર બાદ ગાત્રો થીજવતી ઠંડી રાજ્યમાં પડશે.

જાણો ભારતમાં કયાં પડી શકે છે વરસાદ

શુક્રવારે દક્ષિણ કેરળના ઘણા ભાગોમાં ભારે વરસાદ પછી, ભારતીય હવામાન વિભાગ (IMD) એ રાજ્યના ત્રણ જિલ્લાઓ માટે 'ઓરેન્જ' ચેતવણી જારી કરી છે. IMDએ તિરુવનંતપુરમ, કોલ્લમ અને પથાનમથિટ્ટા જિલ્લાઓ માટે 'ઓરેન્જ' એલર્ટ જારી કર્યું છે.સાથે જ કેરળ, નાગાલેન્ડ, મણિપુર, મિઝોરમ, સિક્કિમ, આસામ, મેઘાલય, અરુણાચલ પ્રદેશમાં પણ હળવોથી મધ્યમ વરસાદ પડી શકે છે. આ રાજ્યોમાં વરસાદની અસર દેશના બાકીના ભાગોમાં ઠંડીના રૂપમાં જોવા મળી શકે છે.

રાજ્યમાં શિયાળામાં પણ ગરમીનો એહસાસ 

આગામી 5 દિવસ રાજ્યમાં વાતાવરણ સામાન્ય રહેશે તેમજ રાજ્યના 15 જિલ્લાઓમાં તાપમાન 35  ડિગ્રી પાર નોંધાયું છે.ગુજરાતમાં ગુલાબી ઠંડીનો અહેસાસ થઇ રહ્યો છે. વહેલી સવારે અને રાત્રે ઠંડીનો અહેસાસ થઇ રહ્યો છે. જ્યારે દિવસ દરમિયાન ગરમીનો અનુભવ થાય છે. આ મિક્સ ઋતુના લીધે શરદી-તાવ જેવી બીમારીઓમાં પણ વધારો થયો છે. હવે ક્યારે પારો ગગડશે અને સંપૂર્ણ શિયાળાનો માહોલ જામશે તેની પણ લોકો રાહ જોઇ રહ્યા છે.ગુજરાતમાં આ વખતે શિયાળો થોડો મોડો છે. સામાન્ય રીતે નવેમ્બર મહિનામાં ઠંડીનો અનુભવ થવા લાગતો હોય છે પરંતુ આ વખતે હવામાન વિભાગ દ્વારા આ માસમાં લઘુત્તમ તાપમાન સામાન્ય કરતા વધુ કે સામાન્ય રહી શકે છે. જ્યારે મહત્તમ તાપમાન તે સામાન્ય કરતા નીચું કે સામાન્ય રહી શકે છે.

રાજયમાં ઠંડી જામતા લાગશે વાર, 5 દિવસ વાતાવરણ સામાન્ય રહેશે

હવામાન વિભાગે વાતાવરણને લઈ આગાહી કરી છે,જેમાં હવામાન નિષ્ણાંતનુ માનવું છે કે,રાજ્યમાં શિયાળામાં પણ ગરમીનો એહસાસ થાય તેવું વાતાવરણ સર્જાયું છે.આગામી 5 દિવસ વાતાવરણ સામાન્ય રહેશે તેમજ 5 જિલ્લાઓમાં તાપમાન 35 ડિગ્રીને પાર પહોંચ્યું છે.મહત્તમ તાપમાન રાજકોટમાં 38 ડિગ્રી નોંધાયું છે તો લઘુત્તમ તાપમાન નલિયામાં 19.5 ડિગ્રી નોંધાયું છે.ગાંધીનગરમાં મહત્તમ તાપમાન 36.0 ડિગ્રી નોંધાયું છે.અમદાવાદમાં મહત્તમ તાપમાન 36.2 ડિગ્રી નોંધાયું છે.

સખ્ત કાર્યવાહી કરાશે : ઇન્ચાર્જ પોલીસવડા

નવસારી જિલ્લાના ઇન્ચાર્જ પોલીસવડા કરણરાજ વાઘેલાએ જણાવ્યું હતું કે, ટ્રકમાં થિનરનાં બેરલ ખાલી કરતી વખતે એક બેરલમાં લીકેજ થતાં આગનો બનાવ બન્યો હતો. આ આગની ઝપેટમાં બાજુની અન્ય બે દુકાન પણ આવી ગઈહતી. આ બનાવમાં ત્રણનાં મોત થયાં છે અને ચાર ઘાયલોને સારવાર અર્થે ખસેડવામાં આવ્યા છે. FSLની ટીમને બોલાવવામાં આવી છે. આમાં ફાયર સેફ્ટીથી લઇને અન્ય મુદ્દે પણ જેમની બેદરકારી હશે તેની સામે કડક કાર્યવાહી કરવામાં આવશે.

ગઈકાલે લાગી હતી આગ

નવસારી જિલ્લાના બીલીમોરામાં ટ્રાન્સપોર્ટ ગોડાઉનમાં લાગેલી ભીષણ આગમાં ત્રણ વ્યક્તિ જીવતા સળગી ગયા હતા. ચારને ગંભીર હાલતમાં હોસ્પિટલમાં ખસેડાયા હતાં. બીલીમોરાના દેવસરની જયહિન્દ ક્લે વર્કના કમ્પાઉન્ડમાં આવેલા જયપુર ગોલ્ડન ટ્રાન્સપોર્ટમાં શનિવારે સવારે આ આગ લાગી હતી. ટ્રકમાંથી કેમિકલના ડ્રમ ખાલી કરતી વખતે આગ લાગી હતી. આગમાં કંપનીના મેનેજર સહિત ત્રણ જીવતા ભુંજાયા હતા. આગ એટલી વિકરાળ હતી કે જિલ્લાના તમામ ફાયર ફાઈટરોને કામે લગાડ્યા છતાં સાડા ત્રણ કલાકે આગ પર કાબુ મેળવી શકાયો હતો.

નવસારીના બીલીમોરામાં આગનો કેસ, ગોડાઉન માલિક સહિત 4 સામે નોંધાશે પોલીસ ફરિયાદ

નવસારીના બીલીમોરામાં ગઈકાલે આગ લાગી હતી અને આ આગમાં 3 લોકોના મોત થયા હતા,આ સમગ્ર કેસને લઈ પોલીસ દ્રારા તપાસ હાથધરવામાં આવી છે.ગોડાઉનમાં આગ લાગી હતી અને મોત થયા હતા,સાથે સાથે પોલીસ પણ ગોડાઉન માલિક સહિત 4 લોકો સામે નોંધાશે પોલીસ ફરિયાદ.સાપરાધ મનુષ્યવધની કલમ હેઠળ નોંધાઈ શકે છે ફરિયાદ.

બીલીમોરામાં આગમાં 3ના મોત બાદ કાર્યવાહી

પોલીસ દ્વારા ફરિયાદ નોંધવાની તજવીજ હાથ ધરાઈ,ગોડાઉનમાં આગ લાગતા 3 લોકોના થયા હતા મોત,ગોડાઉન માલિક સહિત 4 સામે નોંધાશે પોલીસ ફરિયાદ,સાપરાધ મનુષ્યવધની કલમ હેઠળ થઈ શકે છે ફરિયાદ.

મુંબઈના કસારા રેલવે સ્ટેશન નજીક આગ

કસારા રેલવે સ્ટેશન નજીક સુકા ઘાસમાં આગ,આગ રેલવે ટ્રેક સુધી પહોંચતા દોડધામ,નંદીગ્રામ એક્સપ્રેસના યાત્રીઓએ ચેન પુલિંગ કર્યું,આગથી ટ્રેનને કોઈ નુકસાન નહી,નંદીગ્રામ એક્સપ્રેસના તમામ યાત્રી સુરક્ષિત. 

મુખ્યમંત્રી ભુપેન્દ્ર પટેલ વડોદરાની મુલાકાતે

દાદા ભગવાનની 117મી જન્મ જયંતીમાં લેશે ભાગ,સત્સંગ સમારોહનો ભુપેન્દ્ર પટેલના હસ્તે થશે શુભારંભ,નવલખી મેદાનમાં સત્સંગ સમારોહનું આયોજન,નગરીમાં થીમ પાર્ક, ચિલ્ડ્રન પાર્ક બનશે આકર્ષણનું કેન્દ્ર.

વડોદરામાં નિઝામપુરા અતિથિગૃહનું થશે લોકાર્પણ

સંદેશ ન્યૂઝના અહેવાલ બાદ તંત્ર થયું હતું દોડતું,3.75 કરોડના ખર્ચે બન્યું છે નિઝામપુરા અતિથિગૃહ,કાઉન્સિલર પુષ્પાબેન વાઘેલાએ કરી હતી રજૂઆત,વિધાનસભાના મુખ્ય દંડક બાલકૃષ્ણ શુક્લના હસ્તે લોકાર્પણ.મેયર પિન્કીબેન સોનીના હસ્તે થશે લોકાર્પણ,2 વર્ષથી અતિથિની રાહ જોઈ રહ્યું છે અતિથિગૃહ.

રાજ્યમાં શિયાળામાં પણ ગરમીનો એહસાસ

આગામી 5 દિવસ વાતાવરણ સામાન્ય રહેશે,5 જિલ્લાઓમાં તાપમાન 35 ડિગ્રીને પાર પહોંચ્યુ,મહત્તમ તાપમાન રાજકોટમાં 38 ડિગ્રી નોંધાયું,લઘુત્તમ તાપમાન નલિયામાં 19.5 ડિગ્રી નોંધાયું,ગાંધીનગરમાં મહત્તમ તાપમાન 36.0 ડિગ્રી નોંધાયુ,અમદાવાદમાં મહત્તમ તાપમાન 36.2 ડિગ્રી નોંધાયું,રાજ્યમાં ઠંડીના ચમકારા માટે જોવી પડશે રાહ.