ગુજરાતના તાજા સમાચાર અપડેટેડ: મુખ્યમંત્રી ભુપેન્દ્ર પટેલ પહોંચ્યા સ્ટેટ ઈમરજન્સી કંટ્રોલ સેન્ટર

સરકારી ભરતીના નામે પૈસા લીધા, વિપુલ મકવાણા નામના વ્યક્તિ સામે નોંધાઈ ફરિયાદ 

સરકારી ભરતીના નામે પૈસા લીધા હોવાની ફરિયાદ નોંધાઈ છે. ગૌણ સેવા પસંદગી મંડળના અધિકારીના નામે પૈસા લીધા છે. વિપુલ મકવાણા નામના વ્યક્તિ સામે ફરિયાદ નોંધાઈ છે.  અલગ અલગ ઉમેદવારો પાસેથી પૈસા લીધા હતા. ગૌણ સેવા અને પોલીસમાં લગાવવા માટે પૈસા લીધા હતા અને ઉમેદવારોને પૈસા પાછા ન આપતા ફરિયાદ નોંધાઈ છે.  

મુખ્યમંત્રી ભુપેન્દ્ર પટેલ પહોંચ્યા સ્ટેટ ઈમરજન્સી કંટ્રોલ સેન્ટર, કચ્છમાં પડેલા ભારે વરસાદ સંદર્ભે કરી સમીક્ષા 

કચ્છ જિલ્લામાં ભારે વરસાદ અને સંભવિત વાવાઝોડાની આગાહીને પગલે મુખ્યમંત્રી ભૂપેન્દ્ર પટેલ વડોદરાથી સીધા ગાંધીનગર સ્ટેટ ઈમરજન્સી ઓપરેશન સેન્ટર પહોંચ્યા છે. જ્યાં જિલ્લા કલેકટર  સાથે વીડિયો કોન્ફરન્સ કરીને તેમણે આ કુદરતી આફત સામે તંત્રની સજજતાની  સમીક્ષા કરી છે. આ આફતથી લોકોને બચાવી શકાય તે માટે જરૂર જણાય ત્યાં તાત્કાલિક અસરથી સ્થળાંતર કરવા મુખ્યમંત્રીએ સૂચનાઓ આપી છે.

અબડાસાની સ્થિતિ ગંભીર હોવાનું ધારાસભ્યએ સ્વીકાર્યું

અબડાસાની સ્થિતિ ગંભીર હોવાનું ધારાસભ્યએ સ્વીકાર્યું છે. અબડાસાના ધારાસભ્ય પ્રદુમનસિંહ જાડેજાએ સ્થિતિ અંગે વાત કરી અને કહ્યું કે અત્યાર સુધીમાં 400 વ્યક્તિઓનું સ્થળાંતર કરાવવામાં આવ્યું છે અને 6 વ્યક્તિઓનું રેસ્ક્યુ કરવામાં આવ્યું છે. હાલમાં વહીવટી તંત્ર એલર્ટ મોડ પર છે અને તમામ સ્થળોએ પાણી ભરાયા છે, ત્યારે લોકોને ઘરની બહાર ન નીકળવાની અપીલ કરવામાં આવી છે. 

કચ્છના માંડવીમાં ભારે વરસાદ, પ્રફૂલ પાનસેરિયાએ અસરગ્રસ્ત માંડવીની મુલાકાત લીધી

માંડવીમાં જળબંબાકાર જેવી સ્થિતિ સર્જાઈ છે. મંત્રી પ્રફૂલ પાનસેરિયાએ અસરગ્રસ્ત માંડવીની મુલાકાત લીધી છે. મંત્રીએ બાબાવાડી વિસ્તારની મુલાકાત લીધી છે અને સ્થિતિની સમીક્ષા કરી છે. માંડવીના નીચાણવાળા વિસ્તારમાંથી 200 લોકોનું સ્થળાંતર કરવામાં આવ્યું છે અને આર્મીની ટીમ તૈનાત કરવામાં આવી છે. 

વરાછાના BJPના MLAએ સુરત મહાનગર પાલિકાના કમિશનરને પત્ર લખ્યો

વરાછાના BJPના MLAએ સુરત મહાનગર પાલિકાના કમિશનરને પત્ર લખ્યો છે અને શહેરને ખાડારાજના ત્રાસથી મુક્ત કરાવવા પત્ર લખ્યો છે. કુમાર કાનાણીએ પત્રમાં ઉલ્લેખ કર્યો છે કે સુરત શહેરમાં ખાડાઓનું સામ્રાજ્ય ઊભું થયું છે,  ખાડાઓમાંથી વાહનો નીકળે તે પહેલા સિગ્નલ બંધ થાય છે અને ખાડાઓના કારણે ભારે ટ્રાફિકજામની સમસ્યા સર્જાય છે.  ત્યારે યુદ્ધના ધોરણે રસ્તાઓનું રીપેરીંગ કરવામાં આવે તેવી માગ કરી છે. 

વડોદરા: ભારે વરસાદને કારણે બાજવા સ્ટેશન પર પાણી ભરાવાને કારણે કેટલીક ટ્રેનોને અસર પડી

1. 30 ઓગસ્ટ 2024ની ટ્રેન નંબર 09495 વડોદરા-અમદાવાદ સંકલ્પ ફાસ્ટ પેસેન્જર ટ્રેન સંપૂર્ણપણે રદ 

2. 30 ઓગસ્ટ 2024ની ટ્રેન નંબર 09496 અમદાવાદ-વડોદરા સંકલ્પ ફાસ્ટ પેસેન્જર ટ્રેન સંપૂર્ણપણે રદ 

Dehgam: 5 દિવસથી અંડરપાસમાં પાણી ભરાયેલા, શ્રમજીવી પરિવારોને ભારે હાલાકી

દહેગામથી ગાંધીનગરને જોડતા રેલવે અંડર પાસમાં ભરાયેલા પાણીનો હજુ સુધી નિકાલ કરવામાં આવ્યો નથી. રેલવે તંત્રના પાપે છેલ્લા 5 દિવસથી અંડરપાસમાં હજુ સુધી પાણી ઉતર્યા નથી. દહેગામના અંડર બ્રિજ પાસે 50થી 60 શ્રમજીવી પરિવારો વસવાટ કરે છે અને આ પરિવારોની રોજી રોટી દહેગામ શહેર સાથે સંકળાયેલી છે. ત્યારે રેલવે અંડર પાસમાં પાણી ભરાઈ જતા 5-5 દિવસથી રોજગારી વગર ટળવળી રહ્યા છે. 

ભાજપના વધુ એક નેતા લોકોના રોષનો ભોગ બન્યા

ભાજપના વધુ એક નેતા લોકોના રોષનો ભોગ બન્યા છે. વડોદરા મ્યુ.કોર્પોરેશનના કોર્પોરેટર રોષનો ભોગ બન્યા છે. વોર્ડ નં-7ના કોર્પોરેટર બંદીશ શાહને લોકોએ ભગાડ્યા છે. સલાટવાડા તુલસીબાઈની ચાલમાં બંદીશ શાહ પહોંચ્યા હતા, ત્યાં લોકોએ કોર્પોરેટરને અપશબ્દો બોલી ભગાડ્યા અને કહ્યું કે પાણી ભરાયું ત્યારે કેમ ન આવ્યા તેવા સવાલો કર્યા હતા. લોકોનો રોષ પારખી બંદિશ શાહ રવાના થયા હતા. 

વડોદરા: CM ભુપેન્દ્ર પટેલ, હર્ષ સંઘવી પહોંચ્યા નિઝામપુરા

CM ભુપેન્દ્ર પટેલ, હર્ષ સંઘવી નિઝામપુરા પહોંચ્યા છે અને વડોદરાના પુર પીડિતો સાથે મુલાકાત કરી છે. મહારાણી લક્ષ્મીબાઈ પ્રા. શાળા ખાતે પીડિતોને મળ્યા છે. મુખ્યમંત્રી, ગૃહમંત્રી કલેક્ટર સાથે બેઠક કરશે અને શહેરના પુર પીડિતોની માહિતી મેળવશે. 

ભરૂચના આમોદમાં યુવાનનું ડુબી જતા મોત

દાદાપોર ગામે નદીના પાણીમાં ડુબી ગયો હતો. ઘરવખરીનો સામાન લેવા ગયો હતો યુવાન. તંત્ર દ્વારા લાશને પાણીમાંથી બહાર કાઢવામાં આવી છે.

અંબાજી નજીક વૃદ્ધના નદીમાં તણાઇ જવાની ઘટના
SDRF દ્વારા શોધખોળ શરૂ કરવામાં આવી છે. છાપરીથી ડેરી ગામ વચ્ચે નદીમાં તણાયા
હતા વૃદ્ધ. કોઝવે પાર કરતા તણાયા હતા. બારમાની વિધિમાં જતા તણાયા હતા. ગ્રામજનો પણ
વૃદ્ધની શોધખોળમાં લાગ્યા.

માળિયા હાટીનાનો ભાખરવડ ડેમ ઓવરફ્લો
ભાખરવડ ડેમના ઉપરવાસમાં ભારે વરસાદના કારણે માળીયાહાટીના તાલુકાનો ભાખરવડ ડેમ
બીજી વખત ઓવરફ્લો થયો છે. હવામાન ખાતાની આગાહી પ્રમાણે છેલ્લા ચાર પાંચ દિવસ થયા
માળીયાહાટીના વિસ્તારમાં વરસાદી માહોલ જામ્યો ચાર દિવસમા ચાર ઇચ જેટલો વરસાદ પડ્યો
છે. 

Gujarat Rain: વિષમ પરિસ્થિતિ વચ્ચે ભારતીય કોસ્ટ ગાર્ડની કાબિલે દાદ કામગીરી

રાજ્યમાં ભારે વરસાદને પગલે, ભારતીય કોસ્ટ ગાર્ડ દ્વારા દરિયામાં અને જમીન પર ફસાયેલા લોકોને બચાવવા માટે કાર્યરત છે. બોટમાં ફસાયેલા બે લોકોને હેલિકોપ્ટરની મદદથી બચાવી લેવામાં આવ્યા હતા. તેમજ દ્વારકાથી 30 કિ.મી. દૂર એક ઘરમાં ફસાયેલા પરિવારને સુરક્ષિત બચાવી લેવામાં આવ્યા હતા.

દાહોદના ગામડી ગામે શાળાનો ઓરડો ધરાશાયી

વરસાદના કારણે ઝાલોદ તાલુકાના ગામડી મુખ્ય પ્રા શાળાનો ઓરડો ધરાશાયી થયો છે. સદનસીબે શાળામાં રજા હોવાથી જાનહાનિ ટળી છે.

રાજ્યના 210 તાલુકામાં મેઘરાજા વરસ્યા, માંડવીમાં 11.5 ઈંચ વરસાદ

આજે પણ સમગ્ર રાજ્યમાં વરસાદી માહોલ છવાયેલો છે. હવામાન વિભાગે આપેલી માહિતી મુજબ આજે સાંજે 6 વાગ્યા સુધીમાં રાજ્યના 210 તાલુકામાં વરસાદ વરસ્યો છે. જેમાં સૌથી વધુ કચ્છ જિલ્લાના માંડવીમાં 11.5 ઈંચ વરસાદ ખાબક્યો છે.

કુંઢળ ગામે ઢાઢર નદીના પાણી ભરાયા

કુંઢળ ગામ સંપર્ક વિહોણુ બન્યું રોડ ઉપર કમરસમા પાણી ભરાયા છે. ખેડૂતોના પાકને મોટુ નુકસાન થયું છે. ખેડૂતોની હાલત કફોડી થઈ ગઈ છે. કુંઢળ ગામની પ્રાથમિક શાળામા પણ પાણી ભરાયા છે. જંબુસર તાલુકાના કુંઢળ ગામે ઢાઢર ગામે નદીના પાણી ભરાયા ખેડૂતોના ખેતરોમાં પાણી ભરાયા છે. ખેડૂતોને મોટા પ્રમાણમા નુકસાની થઈ છે. મકાનોમા પાણ પાણી ભરાયા તો ખેડૂતોના કિંમતી પાક તુવેર, કપાસ, કેળ સહિતના પાકમાં મોટુ નુકસાન થયું છે.

કચ્છના અબડાસામાં વાવાઝોડાની અસર વર્તાઈ

જખૌના કાંઠાળ વિસ્તારોમાં ભારે પવન સાથે વરસાદ શરુ થયો. જખૌમાંથી અનેક લોકોનું સ્થળાંતર કરાયું. કોલીવાસના 150 લોકોનું સ્થળાંતર કરાયું છે. 150 લોકોને પ્રાથમિક આરોગ્ય કેન્દ્રમાં લઈ જવાયા છે. અનેક જગ્યાએ વીજથાંભલાઓ ધરાશાયી થયા છે.

મુખ્યમંત્રી ભૂપેન્દ્ર પટેલે અસરગ્રસ્ત વિસ્તારોની મુલાકાત લીધી

તાજેતરના ભારે વરસાદથી અસરગ્રસ્ત દેવભૂમિ દ્વારકા જિલ્લાની મુલાકાત લઈને જિલ્લાતંત્ર દ્વારા હાથ ધરાયેલા રાહત કાર્યોની સર્વગ્રાહી સમીક્ષા કરી હતી.

MLA મનીષા વકીલ લોકોના રોષનો ભોગ બન્યા

મનીષાબેન વકીલ હરણી વિસ્તારમાં પહોંચ્યા હતા. સ્થાનિકોએ ધારાસભ્ય મનીષા વકીલનો ઉધડો લીધો હતો. આજદીન સુધી સ્થાનિક કોર્પોરેટર ફરક્યા નથી. આજે પણ સ્થાનિક કોર્પોરેટર ના જોવા મળ્યા. પૂરની પરિસ્થિતિમાં કોઈ પૂછવા આવ્યું નથી. ત્રણ દિવસથી કોઈ પાણી કે ખાવાનું પૂછવા આવ્યું નથી. લોકોનો રોષ જોઈ ધારાસભ્યએ ચાલતી પકડી હતી.

વડોદરામાં ગૃહ રાજ્ય મંત્રી હર્ષ સંઘવીએ બેઠક કરી

હર્ષ સંઘવીએ અધિકારીઓ સાથે પૂરની સ્થિતિને લઈ બેઠક કરી છે. બેઠક બાદ રાજ્ય ગૃહમંત્રી હર્ષ સંઘવી આ નિવેદમ આપ્યું હતું. છેલ્લા 4 દિવસ થી રાજ્યભરમાં વરસાદ ખાબક્યો છે. દક્ષિણ ગુજરાત સહિત સમગ્ર ગુજરાત માં તમામ ડેમ ઓવરફ્લો થયા છે. હાલ માં કચ્છ અને સૌરાષ્ટ્રમાં ભારે વરસાદ ચાલુ છે અને ભારે વરસાદને કારણે પાણી ભરાતા રસ્તાઓ બંધ છે. ડેમમાં પાણી ભરાતા પાણી છોડવાનો વારો આવ્યો છે.

જામનગરના જોડીયા ગામે દીલધડક રેસ્ક્યુ

જોડિયા તાલુકાના જોડીયા ગામે આર્મી તથા વહીવટી તંત્ર દ્વારા દીલધડક રેસ્ક્યુ ઓપરેશન કરવામાં આવ્યું છે. જોડિયા તાલુકામાં પડેલ અતિ ભારે વરસાદ તથા ઉપરવાસમાં પડેલ વરસાદના કારણે ઉંડ-2 ડેમમાંથી છોડેલ પાણીના કારણે હેઠવાસમાં આવેલ જોડીયા ગામે તતાપર સીમ વિસ્તારમાં પાણી ફરી વળતા ખેતમજુર કુટુંબ સાથે ફસાઈ ગયા હતા.

કલોલમાં સઈજ અંડરબ્રિજમાં ST બસ ફસાઈ

કલોલના સઈજ અંડર બ્રિજના પાણીમાં મુસાફરો ભરેલી બસ ફસાઈ હતી. ઝાલોરથી કપડવંજ જતી એસટી બસ સઈજ અંડર બ્રિજમાં ફસાઈ હતી. બસ ફસાયાની જાણ તંત્રને થતા તંત્ર દોડી ગયું હતું. ટ્રેક્ટરની મદદથી બસને બાંધીને બહાર ખેંચવામાં આવી હતી. પ્રાંત અધિકારી અને મામલતદાર તથા પોલીસ અને વહીવટી તંત્ર ઘટના સ્થળે દોડી ગયું હતું.

ધ્રાંગધ્રામાં વીજવાયર પડતા બાળકીનું મોત

HLVD માર્ગ પર વીજવાયર પડતા બાળકીનું મોત નીપજ્યું છે. 10 વર્ષીય બાળકીનું ઘટનાસ્થળે જ મોત થયું હતું.

બનાસકાંઠાના ધાનેરામાં મેઘરાજાની ધમાકેદાર બેટિંગ

જિલ્લામાં સમી સાંજે મેઘરાજાની એન્ટ્રી થઈ છે. ધાનેરામાં ધમાકેદાર એન્ટ્રીથી રોડ રસ્તા ઉપર પાણી જ પાણી થઈ ગયું છે. ખેતીની જરૂરિયાત મુજબ વરસાદી વાતાવરણ બનતા ખેડૂતોમાં ખુશી જોવા મળી રહી છે. બજારમાં વરસાદી પાણી ભરાવાની શરૂઆતથી વાહનચાલકો મુશ્કેલીમાં મુકાયા છે.

પોરબંદર-સોમનાથ હાઇવે 24 કલાકથી પાણીમાં ગરકાવ

ચીકાસા ગામ પાસે ભાદર નદીના પાણી ફરી વળતા નેશનલ હાઇવે પર પાણી ભરાઈ ગયા છે. ચીકસાથી નારવાય મંદિર સુધી 3 કિમી હાઇવે પાણીમાં ગરકાવ થઈ ગયા છે. નવીબંદર પોલીસ દ્વારા બેરીકેટ લગાડી હાઇવે બંધ કરાયો છે. ચીકાસા ગામ અને ખેતરો અને લોકોના ઘરમાં પાણી ફરી વળતા ખેડૂતો લાચાર થયા છે. 

1. Gujarat Rain: ઉપલેટાના તલંગણા ગામે હજારો વિઘા ખેતરોમાં પાણી ભરાતા પાકને નુકસાન

2. Vadodaraના ધારાસભ્ય બાળકૃષ્ણ શુકલને લોકોએ કહ્યું, "જય શ્રી રામ અહીયાંથી જાઓ"

3. Rajkot Rain: જિલ્લાના 27 ડેમોમાં જાણો કેટલા નવા નીરની આવક થઇ 

4. Rajkot: જાહેરમાં ન્યુસન્સ ફેલાવતી પાંચ દુકાનોને મહાપાલિકાએ સીલ માર્યા 

5. Mandvi કચ્છ હાઈવે બન્યો નદીમય, તમામ રસ્તાઓ બેટમાં ફેરવાયા 

6. Gujarat Rain: પૂર્વ કચ્છમાં વીજ પુરવઠાને અસર, ખેતરોમાં વરસાદી પાણી ફરી વળ્યા 

7. HCએ સરકારનો ઉધડો લીધો, તમે સુવિધા સારી આપો તો જનતા સહકાર આપશે 

8. Arvalliના મોડાસાની મામલતદાર કચેરીમાં સર્કલ ઓફિસર 15હજારની લાંચ લેતા એસીબીના હાથે ઝડપાયા

9. 108 ઈમરજન્સી સેવાએ આજે 17 વર્ષ કર્યા પૂર્ણ, મેળવ્યા અનેક લોકોના આશીર્વાદ 

10. Rajkot: ધોરાજીના રામપરથી ચાપાતર જવાનો મુખ્યમાર્ગ બંધ, કોઝ-વે ઉંચો બનાવવા ગ્રામજનોની માગ 

પોરબંદરમાં પૂરગ્રસ્ત વિસ્તારોમાં ફૂડ પેકેટનું વિતરણ

પોરબંદર શહેરમાં પૂરગ્રસ્ત વિસ્તારોમાં પાલિકા પ્રમુખ દ્વારા ફૂડ પેકેટનું વિતરણ કરવામાં આવ્યું હતું. લોકોની ઘરવખરી ખરાબ થતા પાલિકા પ્રમુખ ડૉ ચેતનાબેન તિવારીએ ટ્રેક્ટરમાં સવારી કરી ફુડ પેકેટ વિતરણ કર્યા હતા.

અમરેલીમાં રસ્તામાં ગાય આડી આવતા બાઇક સવારનું મોત

લાઠી અમરેલી રોડ પર ગાય આડી આવતા મોટર સાયકલ સવારનું મોત નીપજ્યું છે. અમરેલી લાઠી રોડ પર આવેલા જીન પાસે યુવાનના મોટરસાયકલ સાથે અચાનક ગાય આડી આવતા મોત થયું. મોટર સાયકલ સવાર ગાય આડી આવતા પડી જતા માથાના ભાગે ગંભીર ઇજા થતા ઘટના સ્થળે મોત. ગાયનું પણ ઘટના સ્થળે મોત નીપજ્યું હતું. મૃતક યુવાન ભરવાડ સમાજનો અને લાઠીનો વતની હતો. યુવાનના અકસ્માતમા મોતથી પરીવારમા શોકનો માહોલ છવાયો છે. 

સુરતમાં ટ્રાફિક ASI એક લાખની લાંચ લેતા ઝડપાયો

સુરતમાં ASI લાંચ લેતા ACB ના હાથે ટ્રેપ થયો છે. સુરત શહેર ટ્રાફિકમાં ASI ફરજ બજાવતો હતો. સુરત એ.સી.બી.એ રૂપિયા એક લાખની લાંચ લેતા ઝડપી પાડ્યો છે. ASI વિજયભાઈ રમણભાઈ ચૌધરીની ધરપકડ કરવામાં આવી છે. તેમજ વચેટિયા સંજય દિનકરભાઈ પાટીલ રંગે હાથ પકડાયો છે. પ્રતિ ટેમ્પો દીઠ માસિક રૂ 1 હજાર ની લાંચ માંગી હતી. 

જામનગર: ગુજરાતના કેટલાક ભાગોમાં પૂરની સ્થિતિ અંગે ગુજરાતના CM ભૂપેન્દ્ર પટેલે અધિકારીઓ સાથે બેઠક કરી

વડોદરામાં વિશ્વામિત્રી નદિના પાણી પાદરા તાલુકાના ગામમાં આવતા પૂરની અસર

વડોદરામાં વિશ્વામિત્રી નદિના પાણી પાદરા તાલુકાના ગામમાં આવતા પૂરની અસર થવા પામી હતી. પાદરાના વીરપુર, મેઢાદ, હુસેપુર સહિત કોઠવાડા ગામો પ્રભાવિત થયા હતા. હજુ પણ પાણી ઉતર્યા ન હતા. જેમાં SDRFની ટીમ મેઢાદથી હુસેપુર રવાના થઈ છે. જેમાં બચાવ કામગીરી કરવામાં આવી રહી છે. 

ધોરાજીના રામપરથી ચાપાતર જવાનો મુખ્યમાર્ગ બંધ, કોઝ-વે ઉંચો બનાવવા ગ્રામજનોની માગ

રાજકોટ જિલ્લાના ધોરાજીના રામપર વિસ્તારથી ચાપાતર જવાનો મુખ્ય માર્ગ સંપૂર્ણ રીતે બંધ થઈ ગયો છે. રામપર ગામથી ચાપાતર ગામ તરફ જવા માટેનો મુખ્ય કોઝવે સંપૂર્ણ રીતે પાણીમાં ગરકાવ થઈ ગયો છે. રામપર ગામથી ચાપાતર ગામમાં આવેલી શાળાએ જતાં 40થી વધારે વિદ્યાર્થીઓ અભ્યાસ માટે જઈ શકતા નથી.

108 ઈમરજન્સી સેવાએ આજે 17 વર્ષ કર્યા પૂર્ણ, મેળવ્યા અનેક લોકોના આશીર્વાદ

કોરોના કાળ હોય કે પછી કોઈપણ મેડિકલ ઈમરજન્સી તમામ કપરા સમયમાં 108 ઈમરજન્સી ગુજરાતના નાગરિકોની પડખે ઉભી રહી છે જેના આપણે સૌ સાક્ષી છે.આજે આ 108 ઈમરજન્સીએ 17 વર્ષ પૂર્ણ કર્યા છે અને આ 17 વર્ષનું સરવૈયુ જૌઈએ તો 108 એ હંમેશા તમામ પરિવારોના પરિવારજનને ઈમરજન્સીના સમયમાં સારવાર પૂરી પાડીને નવી જીંદગી પૂરી પાડી છે.ત્યારે આવો જોઈએ 108ની કેવી રહી 17 વર્ષની સફર.

કચ્છ પર 24 કલાકમાં વાવાઝોડુ આવવાની સંભાવના 

કચ્છ પર 24 કલાકમાં વાવાઝોડુ આવવાની સંભાવના છે. જેમાં કચ્છના અનેક વિસ્તારોમાં વરસાદે તબાહી મચાવી છે.નલિયા, કોઠારા, અબડાસાના અનેક વિસ્તારોમાં પાણી પાણી થયા છે. ઠેર-ઠેર પાણી ભરાતા જનજીવન પ્રભાવિત થયુ છે. ગામોને જોડતા રસ્તાઓ પર પાણી જ પાણી જોવા મળ્યુ છે. નીચાણવાળા વિસ્તારોમાં અનેક મકાનોમાં પાણી ભરાઇ ગયા છે. 

પુરગ્રસ્ત વિસ્તારોના પીડિતોને સેવાભાવી સંસ્થાઓએ 40 હજારથી વધુ કીટો આપી

સમગ્ર ગુજરાતમાં ભારે વરસાદને પગલે અનેક જગ્યાએ ઘણું નુકસાન થયું છે. જેને પગલે સરકાર દ્વારા રાહતકાર્યો તેમજ ફસાયેલા લોકોને બચાવવા માટે કામગીરી કરવામાં આવી રહી છે. જેમાં સેવાભાવી સંસ્થાઓ પણ પાછળ નથી. અનેક સેવાભાવી સંસ્થાઓ આ સેવા કાર્યમાં જોડાયા છે.

Ravichandran Ashwinએ પસંદ કરી IPLની ઓલટાઇમ પ્લેઇંગ ઇલેવન, આ દિગ્ગજને બનાવ્યો કેપ્ટન

ટીમ ઈન્ડિયાના અનુભવી સ્પિનર રવિચંદ્રન અશ્વિને IPLના ઓલ ટાઈમ બેસ્ટ પ્લેઈંગ ઈલેવનની પસંદગી કરી છે. અશ્વિને પોતાની ટીમમાં શાનદાર ખેલાડીઓનો સમાવેશ કર્યો છે, જેમાં મહેન્દ્ર સિંહ ધોની, રોહિત શર્મા અને વિરાટ કોહલી જેવા ખેલાડીઓનો સમાવેશ થાય છે. આ સાથે જ અશ્વિને સુનીલ નારાયણ અને રાશિદ ખાનને પણ પોતાની ટીમમાં સામેલ કર્યા છે. જોકે, ક્રિસ ગેલ, કિરોન પોલાર્ડ અને હાર્દિક પંડ્યા જેવા દિગ્ગજ ખેલાડીઓને અશ્વિનની ટીમમાં સ્થાન મળ્યું નથી.

Rajkot: જાહેરમાં ન્યુસન્સ ફેલાવતી પાંચ દુકાનોને મહાપાલિકાએ સીલ માર્યા

રાજકોટમાં જાહેરમાં ગંદકી કરવા બદલ રાજકોટ મહાનગરપાલિકા દ્વારા પાંચ દુકાન સીલ કરવામાં આવી છે. આ દુકાનોમાં (1) ક્રિષ્ના ટી એન્ડ રેસ્ટોરન્ટ, (2) કનૈયા ટી, (3) ક્રિષ્ના પાન, (4) આશાપુરા પાન એન્ડ કોલ્ડ્રીંકસ અને (5) જય દ્વારકાધીશ પાન દુકાનનો સમાવેશ થાય છે.

Mandvi કચ્છ હાઈવે બન્યો નદીમય, તમામ રસ્તાઓ બેટમાં ફેરવાયા

માંડવીમાં 12 કલાકમાં 13 ઈંચ વરસાદ ખાબકતા રોડ રસ્તાઓ પાણી પાણી થયા હતા,માંડવીનો કચ્છ હાઈવે નદીમય બની ગયો હતો,તો માંડવીની અનેક સોસાયટીઓમાં પાણી ભરાઈ ગયા છે,રસ્તાઓ બેટમાં ફેરવાયા છે,પશુઓ પણ રોડ પર પાણીના પ્રવાહમાં તણાતા જોવા મળ્યા છે,સ્થાનિકોનો આક્ષેપ છે કે નદીના પાણી પણ રોડ પર આવી ગયા છે,જેના કારણે આવી સ્થિતિનું સર્જન થયું છે.

ભારે વરસાદથી પૂર્વ કચ્છમાં વીજ પુરવઠાને અસર થઇ

ભારે વરસાદથી પૂર્વ કચ્છમાં વીજ પુરવઠાને અસર થઇ છે. ભારે વિસ્તારથી અંજારમાં વીજ પોલ ધરાશાયી થયા છે. તેમાં અંજારમાં વીજ પોલ તૂટતા વીજ પુરવઠો બંધ થયો છે. પૂર્વ કચ્છમાં ભારે વરસાદથી નુકસાનીના દ્રશ્યો સામે આવ્યા છે. જેમાં ખેતરોમાં પણ વરસાદી પાણી ફરી વળ્યા છે. પૂર્વ કચ્છમાં પણ મોટાપાયે નુકસાની થઈ છે.

ખેડૂતો હવે ફૂલોની ખેતી તરફ ઝડપી આગળ વધી રહ્યા છે

ખેડૂતો હવે ફૂલોની ખેતી તરફ ઝડપી આગળ વધી રહ્યા છે. UPના કન્નૌજમાં પણ આની અસર દેખાઈ રહી છે. અહીંના ખેડૂતો ગ્લેડિયોલસની ખેતી શરૂ કરી ચૂક્યા છે, જે ફૂલોની ખેતીમાં એક નવી ઉપજાવ તક મળી રહી છે.

રાજકોટ જિલ્લાના 27 ડેમોમાં 94.78 ટકા જળસંગ્રહ થયુ

રાજકોટ જિલ્લાના 27 ડેમોમાં 94.78 ટકા જળસંગ્રહ થયુ છે. જેમાં છેલ્લા 24 કલાકમાં ન્યારી-1 ડેમમાં 0.82 ફૂટનો વધારો કરાયો છે. તેમાં ઘેલો સોમનાથ ડેમમાં જળસંગ્રહમાં 2.30 ફૂટનો વધારો થયો છે. માલગઢ ડેમના જળસંગ્રહમાં 0.82 ફૂટનો વધારો થયો છે. તથા 18 જળાશયો 100 ટકા ભરાયા, 10 ડેમ ઓવરફ્લો થયા છે.

 જામખંભાળિયામાં ભારે વરસાદને પગલે જર્જરિત મકાન ધરાશાયી

જામનગરના જામખંભાળીયામાં ભારે વરસાદને લઈને અનેક સમસ્યાઓ સર્જાઈ છે. જામખંભાળિયામાં આવેલ એક જર્જરિત મકાન ધરાશાયી થયું છે. સદનસીબે મકાનમાં કોઈ રહેતું ન હોવાથી જાનહાની ટળી છે. મકાન ઘણાં સમયથી જર્જરીત હતું.

ખેડાના ખંભાતનું દેવપુરા કુબા ગામ સંપર્ક વિહોણું

ખેડાના ખંભાતનું દેવપુરા કુબા ગામ સંપર્ક વિહોણું થતા અધિકારીઓ દોડતા થઈ ગયા છે,સાબરમતી નદીના કિનારે આ ગામ આવેલું છે અને પૂરના પાણી ગામમાં ફરી વળતા ગામ સંપર્ક વિહોણું થયું છે,દેવપુરા કુબામાં 225 જેટલા સ્થાનિકો વસવાટ કરી રહ્યાં છે,ગામમાં વીજ પુરવઠો પણ ખોરવાઈ જતા ગામના લોકોનો સંપર્ક કરવો કઠીન થયું હતુ,સાથે સાથે તંત્ર દ્રારા જીવન જરૂરિયાતની વસ્તુઓ પહોંચાડવામાં આવી રહી છે.

તારક મહેતાની બબીતાજીનો બતાવ્યો કાતિલ અંદાજ, અભિનેત્રીની તસવીરો થઈ વાયરલ

બપોરે 3 વાગ્યા સુધીના મહત્ત્વના સમાચાર 

1- Vadodara શહેરમાં વરસાદી પાણી કાઢતી વખતે 2 યુવાનોના મોત થયા

2- શું ઇરાન અમેરિકા સામે ઘૂંટણિયા ટેકવી દેશે?

3- Vadodara: વિશ્વામિત્રી નદીના પૂરની પરિસ્થિતિનો સામનો કરવા આર્મી આવી

4- Jamnagar: જોડિયામાં વરસાદ બની આફત, લોકોની વ્યથા અમે ક્યા જઇએ?

5- Dwarka: ઠેર ઠેર વરસાદી પાણી ફરી વળતા સમગ્ર વિસ્તાર બેટમાં ફેરવાયો

6- Vadodara શહેરમાં પૂરના પાણી ઉતરતા હવે મગરોનો ખતરો વધ્યો

7- Gautam Adani બન્યા સૌથી અમીર ભારતીય, 334 અબજપતિઓની યાદી જાહેર

8- Gujarat Rain: જામખંભાળિયામાં ભારે વરસાદને પગલે જર્જરિત મકાન ધરાશાયી

9- Gujarat Rain: AMCનું પ્રદર્શન! ચાલુ વરસાદે રીસરફેસની કામગીરી શરૂ કરી

10- Khedaના હૈજરાબાદ ગામમાં ત્રણ દિવસથી વિજળી ગુલ, 5થી 7 ફૂટ પાણી ભરાયા

વડોદરામાં બેઝમેન્ટમાંથી પાણી કાઢતી વખતે દુર્ઘટના સર્જાઇ 

વડોદરામાં બેઝમેન્ટમાંથી પાણી કાઢતી વખતે દુર્ઘટના સર્જાઇ છે. જેમાં પૂરના પાણી કાઢતી વખતે 2 કર્મચારીઓના મોત થયા છે. વેમાલીમાં આદીત્ય પાર્ટી પ્લોટમાં  બનાવ બન્યો છે. જેમાં પાર્ટી પ્લોટમાં મેનેજર અને સિક્યોરિટી ગાર્ડનું મોત થયુ છે. મૃતદેહને પોસ્ટમોર્ટમ માટે હોસ્પિટલ ખસેડાયા છે. 

Gautam Adani બન્યા સૌથી અમીર ભારતીય, ભારતના 334 અબજપતિઓની યાદી જાહેર

ભારતના 334 અબજપતિઓની અમીર યાદી જાહેર કરવામાં આવી છે. જેમાં ગૌતમ અદાણી ટોચ પર પહોંચી ગયા છે. આ પછી મુકેશ અંબાણી રિલાયન્સ ઇન્ડસ્ટ્રીઝના માલિક છે. એટલે કે હુરુન રિચ લિસ્ટમાં ગૌતમ અદાણી ભારતના સૌથી અમીર વ્યક્તિ બની ગયા છે. આ પછી મુકેશ અંબાણી અને શિવ નાદર છે. હુરુન રિચ લિસ્ટ 2024માં પ્રથમ વખત 300થી વધુ ભારતીય અબજોપતિઓનો સમાવેશ કરવામાં આવ્યો છે. આ 13 વર્ષ પહેલા જાહેર કરાયેલી યાદી કરતાં 6 ગણું વધુ છે.

AMCનું પ્રદર્શન! ચાલુ વરસાદે રીસરફેસની કામગીરી શરૂ કરી

અમદાવાદમાં ભારે વરસાદથી રોડ-રસ્તાઓ પર મોટા ખાડા પડી ગયા છે અને અમુક જગ્યાએ રોડ પરનો ડામર ઉખડી ગયો છે. જે રોડ-રસ્તાઓના રીસરફેસની કામગીરી AMC દ્વારા શરૂ કરવામાં આવી છે. આ જોઈને એમ લાગે કે એક બાજુ વરસાદ પડી રહ્યો છે અને એક તરફ રીસરફેસની કામગીરી થઈ રહી છે. તો અમદાવાદ મ્યુનિસિપલ કોર્પોરેશનના અધિકારી – કર્મચારીઓ ચાલુ વરસાદે રીસરફેસ કેવી રીતે કરશે?

IPL 2025ના મેગા ઓક્શન પહેલા SRHના મેચ વિનરે છોડી આ T20 લીગ

IPLની નવી સિઝન પહેલા આ મેગા ઓક્શન જોવા મળશે. મેગા ઓક્શન પહેલા સનરાઈઝર્સ હૈદરાબાદના એક મેચ વિજેતા ખેલાડીએ આ મોટી T20 લીગ છોડવાનો નિર્ણય લીધો છે. જે બાદ ટીમને મોટો ઝટકો લાગ્યો છે. હા, અમે વાત કરી રહ્યા છીએ હેનરિક ક્લાસેનની. જેમણે આગામી કેરેબિયન પ્રીમિયર લીગ 2024માં નહીં રમવાનો નિર્ણય લીધો છે. જેનું મોટું કારણ પણ સામે આવ્યું છે.

ભારે વરસાદથી આ 3 રાજ્યોમાં શાળાઓ બંધ રહેશે

બિહારની રાજધાની પટનામાં ગંગા નદી ખતરાના નિશાનથી ઉપર વહી રહી છે. પટના પ્રશાસને ગામની 76 શાળાઓને 31 ઓગસ્ટ સુધી બંધ રાખવાનો આદેશ આપ્યો છે. પટના ડીએમ ચંદ્રશેખર સિંહનું કહેવું છે કે પ્રશાસને વિદ્યાર્થીઓ અને શિક્ષકોની સુરક્ષા માટે આ પગલું ભર્યું છે. હાલમાં જ એક શાળાના શિક્ષકનું ગંગા નદીમાં પડી જવાથી મોત થયું હતું, જે બાદ બિહાર સરકારે શાળાઓ ખોલવાની કે બંધ કરવાની જવાબદારી જિલ્લા વહીવટીતંત્રને સોંપી છે.

વડોદરામાં વિશ્વામિત્રી નદીના પૂરની પરિસ્થિતિનો સામનો કરી રહેલ નાગરિકોને રાહત મળી 

વડોદરામાં વિશ્વામિત્રી નદીના પૂરની પરિસ્થિતિનો સામનો કરી રહેલ નાગરિકોને રાહત મળી છે. વિશ્વામિત્રી નદી પર આવેલ બ્રિજ ખુલ્લા મુકાયા છે. મ્યુનિસિપલ કમિશનર દિલીપ રાણાએ કાલાઘોડા બ્રિજની મુલાકાત લીધી છે. તેમાં મ્યુનિસિપલ કમિશનર દિલીપ રાણાનું નિવેદન છે કે હાલ કાલાઘોડા બ્રિજની નીચેથી 31.45 ફૂટે પાણી વહી રહ્યું છે. 

પોરબંદરમાં અંદાજે 5 હજાર ઘરોમાં પાણી ભરાયાં, 200 લોકોનું રેસ્ક્યૂ

પોરબંદરમાં ભારે વરસાદને પગલે અંદાજિત 5 હજાર ઘરોમાં પાણી ભરાયાં છે. તેમજ 150 થી 200 લોકોનું રેસ્ક્યૂ કરવામાં આવ્યું છે. મોટા પાયે પશુપાલનને પણ નુકસાન થયું છે. 150 થી 200 લોકોનું રેસ્ક્યુ કરવામાં આવ્યું છે. સામાજિક આગેવાનો સહિત તંત્ર પણ લોકોને સ્થળાંતર કરવા કામે લાગ્યું છે. પોરબંદરના ખળપીઠ વિસ્તારમાં લોકોના ઘર ડૂબી ગયા છે. પશુઓને રોડ પર રાખવાની નોબત આવી છે.

આજે કચ્છ અને સૌરાષ્ટ્રને ઘમરોળશે મેઘરાજા, હવામાન વિભાગે કરી આગાહી

હવામાન વિભાગે વરસાદને લઈ આગાહી કરી છે,હવામાન વિભાગની આગાહી પ્રમાણે આજે કચ્છ અને સૌરાષ્ટ્રને મેઘરાજા ઘમરોળી શકે છે.રાજ્યમાં આજે ત્રણ વરસાદી સિસ્ટમ સક્રિય થતા ભારે વરસાદ રહેવાી શકયતાઓ સેવાઈ રહી છે.30 ઓગસ્ટે વરસાદનું જોર ઘટશે,એ પહેલા ગુજરાતમાં સારો વરસાદ થશે,હાલ વરસાદી સિસ્ટમ મધ્યપ્રદેશથી ગુજરાત તરફ રહેલી છે.

OBC સ્થાયી સમિતિની પ્રથમ બેઠક...જાતિ ગણતરીના મુદ્દે ઘમાસાણ,વિરોધ પક્ષોએ કરી આ માગ

OBC  સ્થાયી સમિતિની પ્રથમ બેઠકમાં જાતિ ગણતરીનો મુદ્દો જોરદાર રીતે ઉઠાવવામાં આવ્યો હતો. વિપક્ષના સાંસદોએ ગૃહ મંત્રાલય પાસેથી જાતિ ગણતરી પર ચર્ચાની માંગ કરી હતી. જેડીયુએ પણ આ માંગને ટેકો આપ્યો હતો. તે જ સમયે, જેડીયુ નેતા કેસી ત્યાગીએ કહ્યું કે કંગના ભાજપની પ્રવક્તા નથી. સમગ્ર દેશમાં જાતિ ગણતરી હાથ ધરવાના પક્ષમાં છે.

અમદાવાદના પોશ વિસ્તાર ખાડામાં !!

અમદાવાદ શહેરમાં વરસાદ બાદ અને વરસાદ પહેલા રોડની હાલત અત્યંત દયનીય બની છે,ખાડા પુરાયા હતા તે પણ વરસાદમાં ધોવાઈ ગયા છે,અમદાવાદના પોશ વિસ્તાર એવા સેટેલાઈટ અને શિવરંજની ચાર રસ્તા પાસે રોડ જાણે બેસી ગયો હોય તેવા દ્રશ્યો સામે આવ્યા છે,રોડ પર જોવા મળ્યા માત્ર ખાડા જ ખાડા,જેના કારણે વાહનચાલકો પરેશાન થયા છે.

જમ્મુ કાશ્મીરથી પાકિસ્તાન સુધી ધરા ધ્રુજી

જમ્મુ-કાશ્મીરથી લઈને પાકિસ્તાન સુધી ભૂકંપના આંચકા અનુભવાયા છે. ભૂકંપની તીવ્રતા રિક્ટર સ્કેલ પર 5.4 માપવામાં આવી છે. સદનસીબે હાલમાં કોઇ કોઈ જાનહાનિ થઇ હોવાનું સામે આવ્યુ નથી. નેશનલ સેન્ટર ફોર સિસ્મોલોજી અનુસાર ભૂકંપનું કેન્દ્ર અફઘાનિસ્તાન હતું. અફઘાનિસ્તાનમાં રાત્રે 11:26 કલાકે 5.7ની તીવ્રતાનો ભૂકંપ આવ્યો હતો.

અમદાવાદના જોધપુર ચાર રસ્તા પાસે ફાયરિંગ

અમદાવાદના જોધપુર ચાર રસ્તા પાસે મોડી રાત્રે બે રાઉન્ડ ફાયરિંગથી પોલીસ દોડતી થઈ હતી,વિરેન ઠક્કર નામના વ્યકિતનો જન્મદિવસ હતો અને તેમાં ભરત ઉર્ફે ટકો નામના વ્યક્તિએ ફાયરિગ કરતા પોલીસ દોડતી થઈ હતી.ઝોન 7 LCBએ ફાયરિંગ કરનારની ધરપકડ કરી છે,જે પિસ્તોલથી ફાયરિંગ કરવામાં આવ્યું તે પિસ્તોલ ગેરકાયદેસર છે કોઈ લાયસન્સ વાળી છે નહી,તો પોલીસે તે દિશામાં તપાસ વધુ તેજ કરી છે અને આરોપીની પૂછપરછ હાથધરી છે.

જામનગરના જોડિયામાં વરસાદ બાદ આફતના દ્રશ્યો

જામનગરના જોડિયામાં વરસાદ બાદ આફતના દ્રશ્યો સામે આવ્યા છે. જોડિયામાં વરસાદી પાણી ભરાતા લોકો મુશ્કેલીમાં મુકાયા છે. જેમાં સંદેશ ન્યૂઝ સમક્ષ લોકોએ પોતાની વ્યથા વ્યક્ત કરી છે. ઘરમાં પાણી ભરાતા માલ-સામાન પણ તણાયો છે. જેમાં ઘરવખરી, રસોઈનો સામાન પલળી જતા પરેશાની થઇ છે. સ્થાનિકોએ ચાર દિવસ પાણીમાં વિતાવ્યા છે.

Virat Kohliનો ડીપફેક Video વાયરલ, શુભમન ગિલની લોકો કરી રહ્યા છે ટિપ્પણી!

ટીમ ઈન્ડિયાના સ્ટાર બેટ્સમેન વિરાટ કોહલીનો ડીપફેક વીડિયો સોશિયલ મીડિયા પર વાયરલ થઈ રહ્યો છે. જેમાં કોહલીને સાથી ખેલાડી શુભમન ગીલની ટીકા કરતો બતાવવામાં આવ્યો છે.

UP:  બહરાઇચમાંથી વધુ એક માનવભક્ષી વરુ ઝડપાયુ, વનવિભાગે કુલ 4 પકડ્યા

યુપીમાં બહરાઇમાં જનપદના મહસી વિસ્તારમાં આદમખોર વરુઓનો આતંક જોવા મળ્યો હતો. ગામમાં માનવભક્ષી વરુઓનું ઝૂંડ ઘુસી જતા ગ્રામજનોની ઉંઘ ઉડી ગઇ હતી. ત્યારે વન વિભાગે આજે ચોથા વરુને પાંજરે પુર્યુ છે. આ પહેલા 3 આદમખોર વરુોને વનવિભાગે દબોચી લીધી હતા. મહત્વનું છે કે નરભક્ષી વરુઓની શોધમાં 11 ટીમ વ્યસ્ત બની છે. દિવસ રાત એક કરીને શોધખોળ કરવામાં આવી રહી છે. આદમખોર દીપડાના આતંકથી 70 હજારથી વધારે લોકોના જીવ તાળવે ચોંટ્યા છે. 

રાજ્યમાં ભારે વરસાદને કારણે સર્જાયેલી પરિસ્થિતિનો મુખ્યમંત્રીએ તાગ મેળવ્યો

મુખ્યમંત્રી ભૂપેન્દ્ર પટેલે રાજ્યમાં ભારે વરસાદને કારણે સર્જાયેલી પરિસ્થિતિનો તાગ મેળવવા ઉચ્ચ સ્તરીય બેઠક ગાંધીનગરમાં યોજી હતી. મુખ્યમંત્રીએ સોમવારે બપોરે સ્ટેટ ઇમરજન્સી ઓપરેશન સેન્ટર પહોંચ્યા હતા અને વરસાદગ્રસ્ત જિલ્લાઓના કલેક્ટરો, મ્યુનિસિપલ કમિશ્નરો તથા જિલ્લા અધિકારીઓ સાથે વીડિયો કોન્ફરન્સ યોજીને તલસ્પર્શી વિગતો મેળવી હતી. તેમણે ખાસ કરીને નીચાણવાળા વિસ્તારના લોકોના સલામત સ્થળાંતર માટે તાકીદ કરી હતી.

બપોરે 12 વાગ્યા સુધીના મહત્ત્વના સમાચાર

1- Dwarka: ઠેર ઠેર વરસાદી પાણીફરી વળતા સમગ્ર વિસ્તાર બેટમાં ફેરવાયો

2- Vadodara શહેરમાં પૂરના પાણી ઉતરતા હવે મગરોનો ખતરો વધ્યો

3- Vadodara Rain: ભારે વરસાદથી પૂરને લઇ PM Modiએ કર્યું ખાસ સૂચન

4- Gujarat Rain: રાજ્યમાં જાણો કયા કેટલો વરસાદ આવ્યો, ડીપ પ્રેશરની જાણો અસર

5- Gujarat Rain: રાજ્યના આ શહેરોમાં વરસાદનું રેડ એલર્ટ

6- Japan: ચક્રવાત શાનશાને મચાવી તબાહી, લેન્ડસ્લાઇડ થતા 3ના મોત

7- Gujaratમાં છેલ્લા 24 કલાકમાં ભારે વરસાદથી 10 લોકોના થયા મોત

8- Qatar: ભારતથી ફફડ્યુ કતાર, ગુરુ ગ્રંથ સાહિબની જપ્ત કરેલ નકલો પરત કરી

9- Anandના તારાપુરથી-કાનાવાડા રોડ બંધ કરાયો, જુઓ Video

10- Dwarkaના ગોમતીઘાટ પર પાણી ફરી વળ્યાં, જુઓ Video

રાજયમાં ભારે વરસાદથી જનજીવન અસ્તવ્યસ્ત

વડોદરામાં જ્યાં ન પહોંચ્યું એન.ડી.આર.એફ ત્યાં પહોંચી રાવપુરા પોલીસ

વડોદરામાં જ્યાં ન પહોંચ્યું એન.ડી.આર.એફ ત્યાં પહોંચી રાવપુરા પોલીસ. તેમાં એસ.એસ.જી હોસ્પિટલના 25 તબીબોનું રેસ્ક્યુ કરાયું છે. યવતેશ્વર કમ્પાઉન્ડ સામે ધન્વંતરી હોસ્ટેલમાં  તબીબો ફસાયા હતા. તેમાં રાવપુરા પોલીસે દોરડા બાંધી તબીબોને બહાર કાઢ્યા છે. તમામ રેસિડેન્ટ તબીબોએ પાણીમાંથી બહાર આવી રાહતનો શ્વાસ લીધો છે. 

ભુજમાં વરસાદ પગલે નીચાણવાળા વિસ્તારમાં પાણી ભરાયા 

ભુજમાં વરસાદ પગલે નીચાણવાળા વિસ્તારમાં પાણી ભરાયા છે. જેમાં ઉમેદનગર સોસાયટીમાં વરસાદી પાણી ફરી વળ્યા છે. ચારથી પાંચ ફૂટ પાણી ભરાતા લોકો પરેશાન થાય છે. હમીરસર તળાવનું પાણી સોસાયટીમાં ધુસ્યુ છે. ઉમેદનગર વિસ્તારના લોકો પરેશાન થયા છે. તંત્ર પાણીના નિકાલ માટે યોગ્ય વ્યવસ્થા કરે તેવી માગ છે. 

Dwarkaના ગોમતીઘાટ પર પાણી ફરી વળ્યાં

દ્વારકા ગોમતીઘાટ પર વરસાદી પાણી ફરી વળ્યા છે, આવડપરામાં મકાન વરસાદી પાણીમાં ગરકાવ થવાની ઘટના બની છે, સાથે સાથે છેલ્લા બે દિવસથી વરસાદ મનમૂકીને દ્રારકામાં વરસી રહ્યો છે, ત્યારે અગામી સમયમાં મકાનોમાંથી પાણી દૂર થાય તેવી આશા નગરપાલિકા સાથે રાખી રહ્યું છે, ત્યારે જોવાનું એ રહ્યું કે,આ પાણી ઉતરવાની સમસ્યા કયારે દૂર થાય છે.

દિલ્હીમાં મેઘરાજાની જમાવટ, અનેક વિસ્તારોમાં ભરાયા પાણી, વાહન ચાલકોને હાલાકી

દેશના અનેક રાજ્યોમાં મેઘરાજા મન મુકીને વરસી રહ્યા છે. હવામાન વિભાગની આગાહીને પગલે દિલ્હીના અનેક ભાગોમાં ભારે વરસાદની આગાહી કરવામાં આવી છે. તેવામાં દિલ્હી પર મેઘરાજા મહેરબાન થયા છે. અનેક વિસ્તારોમાં વરસાદી પાણી ભરાતા વાહચાલકોને હાલાકી ભોગવવાનો વારો આવ્યો છે.

Junagadhના જોષીપરા અંડરબ્રિજમાં ભરાયા વરસાદી પાણી, નિકાલ માટે નથી કરાઈ કોઈ વ્યવસ્થા

જૂનાગઢના જોષીપરા અંડરબ્રિજમાં વરસાદી પાણી ભરાતા અંડરબ્રિજ બંધ કરવાના વારો આવ્યો છે,જોષીપરા અંડરબ્રિજમાં પાણી ભરાતા વાહન વ્યવહારને ભારે અસર થઈ છે,સાથે સાથે રસ્તાને ડાયવર્ટ કરાયો છે.રસ્તો ડાયવર્ટ કરાતા લોકોને ફરીને જવાનો વારો આવ્યો છે,તો મહત્વનું છે કે,દર ચોમાસામાં આ અંડરપાસમાં પાણી ભરાવાની સમસ્યા સર્જાય છે અને લાંબા દિવસો સુધી આ પાણી ઉતરવાનું નામ નથી લઈ રહ્યું.

દ્વારકામાં ઠેર ઠેર વરસાદી પાણીફરી વળતા સમગ્ર વિસ્તાર બેટમાં ફેરવાયો

દ્વારકામાં ઠેર ઠેર વરસાદી પાણીફરી વળતા સમગ્ર વિસ્તાર બેટમાં ફેરવાયો છે. જેમાં ચરકલા હાઈવે રોડ વરસાદી પાણીમાં ગરકાવ થયો છે. દ્વારકાથી ચરકલા લીમડી હાઇવે રોડ પાણી પાણી થયો છે. પાણી ફરી વળતા  સમગ્ર વિસ્તાર બેટમાં ફેરવાયો છે. રહેણાક વિસ્તારમાં વરસાદી પાણી ફરી વળ્યા છે. 

Delhi: કેમ વધી રહ્યા છે માર્ગ અકસ્માત ? નીતિન ગડકરીએ સમજાવ્યું કારણ

કેન્દ્રીય માર્ગ પરિવહન મંત્રી નીતિન ગડકરીએ દેશમાં થઇ રહેલા અકસ્માતને લઇને મોટુ નિવેદન આપ્યુ છે. અકસ્માતની સંખ્યામાં દિવસ જાય તેમ વધારો થઇ રહ્યો છે. પરિણામે વર્ષના લાખો લોકો મોતને ભેટે છે. તેમણે એમ પણ જણાવ્યું કે મોટા ભાગના અકસ્માત માર્ગ એન્જિનિયરીંગની ખામીને કારણે થાય છે. ત્યારે આ મામલે નીતિન ગડકરીએ એન્જિનિયરને સલાહ આપી છે.

Bhujની ઉમેદનગર સોસાયટીમાં ભરાયા 4થી 5 ફૂટપાણી, સ્થાનિકોએ તંત્ર પાસે મદદ માગી

ભુજમાં ભારે વરસાદ વરસતા સ્થાનિકોની હાલત દયનીય બની છે.ભૂજની ઉમેદનગર સોસાયટીમાં 4થી 5 ફૂટ પાણી ભરાતા સ્થાનિકોની હાલત દયનીય બની છે,સાથે સાથે આ સમસ્યા સર્જાવાનું કારણ એ છે કે,હમીરસર તળાવનું પાણી સોસાયટીમાં ઘુસ્યું હતુ જેના કારણે પાણી ભરાવાની સમસ્યા સર્જાઈ છે.સોસાયટીના રહીશોને પાણીથી ભારે મુશ્કેલીનો સામનો કરવો પડી રહ્યો છે.

વડોદરા શહેરમાં પૂરના પાણી ઉતરતા હવે મગરોનો ખતરો વધ્યો

વડોદરા શહેરમાં પૂરના પાણી ઉતરતા હવે મગરોનો ખતરો વધ્યો છે. જેમાં ફતેગંજ વિસ્તારના કામનાથ નગરમાં પૂરના પાણી ઓશર્યા તો ઘરમાં 15 ફૂટ લાંબો મગર હતો. તેમજ ફતેગંજની ઈએમઈ સ્કૂલ પાસે પણ મગર દેખાયો છે. શહેરના ફતેગંજ વિસ્તામા નરહરી હોસ્પિટલ રોડ પર આવેલા કામનાથનગરમા એક ઘરમાં પાણી ઉતરતા મોટો મગર જોવા મળ્યો હતો. 

 શ્રીકષ્ટભંજન દેવ હનુમાનજીને આલ્કોહોલ વગરના અત્તર-પરફ્યુમનો દિવ્ય શણગાર કરાયો

સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે પણ શ્રાવણ મહિનાની ભવ્યાતિભવ્ય ઉજવણી કરવામાં આવી રહી છે.ત્યારે આજે પ.પૂ શાસ્ત્રી સ્વામી હરિપ્રકાશદાસજી પ્રેરણા અને કોઠારી વિવેકસાગર સ્વામિના માર્ગદર્શનથી શ્રાવણ માસ ભવ્ય મહોત્સવ અંતર્ગત શ્રીકષ્ટભંજનદેવ દાદાને એકાદશી નિમિત્તે વિશેષ શણગાર કરાયો

ગુજરાત ટાઇટન્સના ખેલાડીની મંગેતર સારા કોણ? સગાઈના સમાચારે મચાવ્યો ખળભળાટ

ઓસ્ટ્રેલિયન ફાસ્ટ બોલર સ્પેન્સર જોન્સન હાલમાં સોશિયલ મીડિયા પર છવાયેલો છે. કારણ એ છે કે તેણે તેની લાંબા સમયની ગર્લફ્રેન્ડ સારા સાથે સગાઈ કરી છે. તેણે આ વાતની જાણકારી તેના ચાહકોને એક ઈન્સ્ટાગ્રામ પોસ્ટ દ્વારા આપી છે. સ્પેન્સર જોન્સને તેના ઈન્સ્ટાગ્રામ એકાઉન્ટ પર એક તસવીર શેર કરી છે જેમાં તે તેની ગર્લફ્રેન્ડ સાથે પોઝ આપતો જોવા મળી રહ્યો છે.

વડોદરામાં પૂરને લઇ વડાપ્રધાન નરેન્દ્ર મોદીએ ગુજરાતના મુખ્યમંત્રી ભૂપેન્દ્ર પટેલ સાથે વાત કરી 

વડોદરામાં પૂરને લઇ વડાપ્રધાન નરેન્દ્ર મોદીએ ગુજરાતના મુખ્યમંત્રી ભૂપેન્દ્ર પટેલ સાથે વાત કરી છે. જેમાં ફરી એકવાર PMએ મુખ્યમંત્રી સાથે વાતચીત કરી છે. લોકોને ઝડપથી સહાય મળે તે માટે સૂચન કર્યું છે. તેમાં આરોગ્યની વ્યવસ્થા થાય તેના માટે સૂચના આપી છે. જેમાં ફરી એકવાર પ્રધાનમંત્રી નરેન્દ્ર મોદીએ મુખ્યમંત્રી સાથે વાતચીત કરી છે. 

 ગાઝામાં ઈઝરાયેલની એર સ્ટ્રાઇક, કુલ 18 લોકોના મોત

હમાસ અને ઇઝરાયેલ વચ્ચે યુદ્ધ હજુ યથાવત છે. પશ્ચિમ કાંઠા અને ગાઝામાં ઈઝરાયેલના હુમલામાં કુલ 18 પેલેસ્ટાઈનના મોત થયા છે. ઉત્તરી પશ્ચિમ કાંઠામાં મોટા પાયે ઇઝરાયેલની સૈન્ય કાર્યવાહી દરમિયાન નવ પેલેસ્ટિનિયન માર્યા ગયા છે. ઉપરાંત, મધ્ય ગાઝામાં વિસ્થાપિત લોકો માટે એક શાળા નજીક ઇઝરાયેલી હવાઈ હુમલામાં ઓછામાં ઓછા આઠ પેલેસ્ટિનિયન માર્યા ગયા હોવાની વિગતો મળી છે.

અમદાવાદમાં વરસાદ બાદ પણ હાલાકી યથાવત 

અમદાવાદમાં વરસાદ બાદ પણ હાલાકી યથાવત છે. જેમાં ગોદરેજ ગાર્ડનસીટી વિસ્તારમાં ટ્રાફિક જામ થયો છે. ત્રાગડ, વૈષ્ણોદેવી અંડરપાસ પાણી ભરાતા બંધ થયો છે. એસ.જી.હાઇવે તરફ જતો જતા લોકો ડાયવર્ટ થયા છે. ગોદરેજ ગાર્ડનસીટી વિસ્તારમાં વાહનનો રૂટ વધ્યો છે. પોલીસ ચોકી હોવા છતાં કર્મચારીઓ ગાયબ થયા છે. પીક અવર્સમાં ફુલ ટ્રાફિકથી વાહનચાલકોમાં રોષ છે. 

જમ્મુ-કાશ્મીરમાં 3 જગ્યાએ અથડામણ, કુપવાડામાં એક આતંકી ઠાર

જમ્મુ અને કાશ્મીરના ત્રણ જિલ્લામાં આતંકવાદીઓ અને સુરક્ષા દળો વચ્ચે અથડામણ ચાલી રહી છે. રાજૌરી, કુપવાડા અને પૂંચમાં સેનાએ આતંકવાદીઓની નિષ્ફળ યોજનાઓને નિષ્ફળ બનાવીને તેમની વિરુદ્ધ ઓપરેશન શરૂ કર્યું છે. બુધવારે (28 ઓગસ્ટ) મોડી રાત્રે રાજૌરીના ખેડી મોહરા લાઠી અને દંથલ વિસ્તારમાં એન્કાઉન્ટર શરૂ થયું હતું. સુરક્ષા દળોએ વિસ્તારને ઘેરી લીધો છે. જમ્મુ-કાશ્મીર પોલીસે આતંકવાદીઓ સાથેના એન્કાઉન્ટરની પુષ્ટિ કરી છે.

સૌરાષ્ટ્ર-કચ્છમાં ભારે વરસાદ વરસતા વીજ પુરવઠા પર તેની અસર

સૌરાષ્ટ્ર-કચ્છમાં ભારે વરસાદ વરસતા વીજ પુરવઠા પર તેની અસર જોવા મળી છે, ગુજરાતના 613 ગામડાઓ એવા છે કે જયાં વીજ પુરવઠો બંધ હાલતમાં છે જેના કારણે સ્થાનિકો પણ રોશે ભરાયા છે.ભારે પવનના કારણે 1122 થાંભાલાઓ પડી ગયા છે,સાથે સાથે સૌરાષ્ટ્ર અને કચ્છમાં 1528 ફીડરો બંધ હાલતમાં છે. સૌથી વધુ ખેતીવાડીમાં 1224 ફીડરો બંધ થયા છે જેના કારણે ખેડૂતને પણ તકલીફ પડી રહી છે.રાજકોટ ગ્રામ્ય, જામનગરમાં વીજ પુરવઠાને અસર પડી છે.પોરબંદર અને જૂનાગઢમાં વીજ પુરવઠાને અસર પડી છે.સૌરાષ્ટ્ર અને કચ્છના આંતરિયાળ વિસ્તારોમાં વીજ પુરવઠાને ભારે અસર જોવા મળી રહી છે.સૌરાષ્ટ્ર કચ્છમાં ભારે વરસાદને લઈને પાવર સપ્લાયને મોટા પર પ્રમાણમાં અસર થતા ધીમે ધીમે વીજ કર્મીઓ કામ કરી રહ્યાં છે અને વીજ પુરવઠો જીવંત કરી રહ્યાં છે.

રાજ્યમાં વહેલી સવારથી ધોધમાર વરસાદ આવ્યો 

રાજ્યમાં વહેલી સવારથી ધોધમાર વરસાદ આવ્યો છે. સવારે 6થી 8 વાગ્યા સુધી 63 તાલુકામાં વરસાદ આવ્યો છે. કચ્છના મુન્દ્રામાં 3 ઇંચ વરસાદ આવ્યો છે. કચ્છના માંડવીમાં 2 ઇંચથી વધુ વરસાદ આવ્યો છે. તેમજ લોધિકામાં દોઢ ઇંચ, અંજાર, ભચાઉમાં 1-1 ઇંચ વરસાદ આવ્યો છે. જેમાં ચોટીલા, અબડાસા, ચુડામાં 1-1 ઇંચ વરસાદ આવ્યો છે. 

 સવારે 6થી 8 વાગ્યા સુધી 63 તાલુકામાં વરસાદ આવ્યો

રાજ્યમાં વહેલી સવારથી ધોધમાર વરસાદ આવ્યો છે. સવારે 6થી 8 વાગ્યા સુધી 63 તાલુકામાં વરસાદ આવ્યો છે. કચ્છના મુન્દ્રામાં 3 ઇંચ વરસાદ આવ્યો છે. કચ્છના માંડવીમાં 2 ઇંચથી વધુ વરસાદ આવ્યો છે. તેમજ લોધિકામાં દોઢ ઇંચ, અંજાર, ભચાઉમાં 1-1 ઇંચ વરસાદ આવ્યો છે. જેમાં ચોટીલા, અબડાસા, ચુડામાં 1-1 ઇંચ વરસાદ આવ્યો છે. 

દક્ષિણ ગુજરાતમાં ભારે વરસાદની આગાહી 

દક્ષિણ ગુજરાતમાં ભારે વરસાદની આગાહી છે. જેમાં ડાંગ, ભરૂચ, સુરત, તાપીમાં ભારે વરસાદની આગાહી છે. તેમાં નવસારી અને વલસાડમાં ભારે વરસાદની આગાહી છે. જેમાં ઉત્તર, મધ્ય ગુજરાતમાં મધ્યમ વરસાદની આગાહી સાથે સૌરાષ્ટ્ર-કચ્છમાં આવતીકાલે ઓરેન્જ એલર્ટ છે. સૌરાષ્ટ્ર કચ્છમાં હજુ પણ અતિભારે વરસાદની આગાહી કરવામાં આવી છે. સૌરાષ્ટ્ર- કચ્છમાં આજે પણ રેડ એલર્ટ છે. તેમજ સૌરાષ્ટ્ર-કચ્છમાં આવતીકાલે ઓરેન્જ એલર્ટ છે. સુરેન્દ્રનગર , રાજકોટ , જામનગર , પોરબંદર, જૂનાગઢ, અમરેલી, ભાવનગરમાં વરસાદનું રેડ એલર્ટ છે. 

દિલ્હી-યુપી સહિત 11 રાજ્યોમાં મેઘરાજા ધમરોળશે, IMDએ આપી ચેતવણી

હવામાન વિભાગે દેશની રાજધાની દિલ્હી સહિત ઘણા રાજ્યોમાં ભારે વરસાદની ચેતવણી જાહેર કરી છે. ગુજરાતમાં ભારે વરસાદને લઈને રેડ એલર્ટ જાહેર કરવામાં આવ્યું છે. તે જ સમયે, ઓડિશા અને કર્ણાટકમાં ઓરેન્જ એલર્ટ છે. લગભગ 14 રાજ્યોમાં યલો એલર્ટ જારી કરવામાં આવ્યું છે. હવામાન વિભાગ રેડ એલર્ટ જાહેર કરે છે ત્યારે સ્થાનિક લોકો અને વહીવટી તંત્રએ અગાઉથી તૈયારીઓ કરવી જરૂરી છે. નીચાણવાળા વિસ્તારોને ખાલી કરાવવામાં આવ્યા છે અને લોકો એવી કોઈ જગ્યાએ રોકાતા નથી જ્યાં તેઓ પૂર જેવી પરિસ્થિતિમાં ફસાઈ શકે. કારણ કે તે વધુ વરસાદના કિસ્સામાં છોડવામાં આવે છે. તે જ સમયે, ઓરેન્જ એલર્ટમાં કોઈપણ પરિસ્થિતિ માટે તૈયાર રહેવાનું કહેવામાં આવ્યું છે, જેથી જો જરૂર પડે તો સલામત સ્થળોએ પહોંચી શકાય. યલો એલર્ટમાં લોકોને સતર્ક રહેવાની સલાહ આપવામાં આવી છે અને તેમણે પરિસ્થિતિ અનુસાર તૈયારી કરવી પડશે.

સૌરાષ્ટ્ર, કચ્છમાં અતિભારે વરસાદની આગાહી

સૌરાષ્ટ્ર, કચ્છમાં અતિભારે વરસાદની આગાહી છે. આજે પણ સૌરાષ્ટ્ર- કચ્છમાં વરસાદનું રેડ એલર્ટ છે. તેમજ સુરેન્દ્રનગર, રાજકોટ અને જામનગર, પોરબંદરમાં વરસાદનું રેડ એલર્ટ સાથે જૂનાગઢ, અમરેલી, ભાવનગર તથા મોરબી, દ્વારકા, ગીર સોમનાથમાં રેડ એલર્ટ છે. તેમજ બોટાદ અને કચ્છમાં પણ વરસાદનું રેડ એલર્ટ છે.