IMFએ પાકિસ્તાનને 8500 કરોડની લોન આપી

આવતીકાલે રક્ષામંત્રી CDS સાથે કરશે બેઠક

પાકિસ્તાન દ્વારા સતત બીજા દિવસે ભારતના શહેરો પર ડ્રોન એટેક કરતા વડાપ્રધાન મોદી સાથે ત્રણેય સેનાના વડા અને એનએસએ અજિત ડોભાલે બેક ટુ બેક મીટીંગો કરી છે. ત્યારે હવે આવતીકાલે રક્ષા મંત્રી રાજનાથસિંહ સીડીએસ સાથે મહત્વની બેઠક યોજશે. સેનાના ત્રણેય પાંખના વડાઓ આ બેઠકમા હાજર રહેશે. 

ડોનાલ્ડ ટ્રમ્પે બંને દેશોને તણાવ ઘટાડવા અપીલ કરી

ભારત અને પાકિસ્તાન વચ્ચે હાલમાં તંગદિલી ભર્યો માહોલ છે. બંને દેશો વચ્ચે તણાવ વધી રહ્યો છે. ત્યારે અમેરિકાના પ્રેસિડેન્ટ ડોનાલ્ડ ટ્ર્મ્પે બંને દેશોને તણાવ ઓછો કરવા અપીલ કરી છે.

CM ભૂપેન્દ્ર પટેલની કંટ્રોલ રુમમાં બેઠક

કચ્છ અને બનાસકાંઠાની સરહદ પર ડ્રોનની ગતિવિધિઓ દેખાતા રાજ્ય સરકાર એલર્ટ થઈ ગઈ છે. ગાંધીનગર ખાતેના કંટ્રોલ રૂમ ખાતે ગૃહ રાજ્ય મંત્રી હર્ષ સંઘવી પહોંચ્યા હતાં અને ત્યાર બાદ મુખ્યમંત્રી ભૂપેન્દ્ર પટેલ પણ પહોંચ્યા હતાં. કંટ્રોલ રૂમમાં હાલ ગૃહ અને મહેસુલ વિભાગના અધિકારીઓ સહિત રાહત કમિશનર આલોક પાંડે હાજર છે. મુખ્યમંત્રી ભૂપેન્દ્ર પટેલે અધિકારીઓ સાથે પ્રવર્તમાન સ્થિતિને લઈને બેઠક શરૂ કરી છે. 

ગુજરાતની આંતરરાષ્ટ્રીય બોર્ડર પર ડ્રોન દેખાયા

ગુજરાતની આંતરરાષ્ટ્રીય બોર્ડર પર પાકિસ્તાની ડ્રોન દેખાયા છે. બનાસકાંઠા અને કચ્છમાં ડ્રોન દેખાયા છે. સરહદી વિસ્તારોને એલર્ટ પર મુકાયા છે. કચ્છ, બનાસકાંઠા અને પાટણમાં બ્લેક આઉટ જાહેર કરાયું છે. 

પાકિસ્તાનને લોન આપવા મુદ્દે ભારતનો વિરોધ

પાકિસ્તાનને લોન આપવા મુદ્દે IMFમાં ભારતે વિરોધ નોંધાવ્યો છે. પાકિસ્તાનને લોન ન આપવા ભારતે વલણ દાખવ્યું છે.  પાકિસ્તાન લોનના નાણાંનો આતંકવાદ માટે ઉપયોગ કરી શકે છે.

પાટણ, કચ્છ અને બનાસકાંઠામાં બ્લેક આઉટ

ગુજરાતમા સરહદી વિસ્તારોમાં બ્લેક આઉટ જાહેર કરાયું છે. પાટણ, બનાસકાંઠા અને કચ્છમા બ્લેક આઉટ જાહેર કરવામાં આવ્યું છે. બનાસકાંઠામાં સાંતલપુરના સરહદી ગામોમાં બ્લેક આઉટ જાહેર કરાયું છે. બનાસકાંઠાના 24 ગામોમાં બ્લેક આઉટ જાહેર કરાયું છે. કચ્છમાં આગળની સૂચના ના મળે ત્યાં સુધી બ્લેક આઉટ જાહેર કરાયું છે. 

ભારતે તમામ એર ડિફેન્સ સિસ્ટમ એક્ટિવ કરી

પાકિસ્તાન દ્વારા ડ્રોનથી હુમલો કરવામાં આવતા ભારતે તમામ એર ડિફેન્સ સિસ્ટમ એક્ટિવ કરી દીધી છે. ભારતીય એર ડિફેન્સ સિસ્ટમે ડ્રોન તોડી પાડ્યા છે.

પાકિસ્તાનના ડ્રોનને  ભારતીય એર ડિફેન્સ સિસ્ટમ તોડી રહી છે.જમ્મૂના કઠુઆમાં પાકિસ્તાનનું ડ્રોન તોડી પડાયું છે. 

અમૃતસરમાં બ્લેક આઉટ

પંજાબના અમૃતસરમાં ધડાકાના અવાજો સંભળાયા બાદ સંપૂર્ણ બ્લેક આઉટ કરી દેવામાં આવ્યું છે.

ભૂજમાં સ્વયંભુ બ્લેકઆઉટ

પાકિસ્તાને ફરી સીઝ ફાયરનું ઉલ્લંઘન કર્યું છે. જમ્મુ સહિતના વિસ્તારોમાં પાકિસ્તાને ડ્રોનથી હુમલો કરવાનું શરૂ કર્યું છે. આ દરમિયાન ગુજરાતમાં કચ્છમાં સ્વયંભૂ બ્લેક આઉટ કરવામાં આવ્યું છે. કચ્છના નાગરિકોએ જાતે જ અંધારપટ કરી નાંખ્યું છે. દુકાનો,રેકડીયો અને રેસ્ટોરન્ટ બંધ કરી દેવાયા છે. લોકોએ વાહનોની લાઈટો પણ બંધ કરી દીધી છે. 

જમ્મુ, નૌશેરા, સાંબા અને પોખરણમાં ડ્રોનથી હૂમલો

પાકિસ્તાને અંધારૂ થતાં જ પોતાની નાપાક હરકત શરૂ કરી દીધી છે. જમ્મુમાં સતત સીઝ ફાયરનું ઉલ્લંઘન કરીને પાકિસ્તાને જમ્મુ, નૌશેરા, સાંબા અને પોખરણમાં ડ્રોનથી હૂમલો કર્યો છે.જેને ભારતીય સેનાએ નિષ્ફળ બનાવ્યો છે. 

પાકિસ્તાને ફરી સીઝ ફાયરનું કર્યુ ઉલ્લંઘન

ભારત અને પાકિસ્તાન વચ્ચે યુદ્ધ જેવી સ્થિતિ સર્જાઈ છે. પાકિસ્તાને ફરી સીઝ ફાયરનું ઉલ્લંઘન કર્યું છે. ઉરી,પૂંછ અને કુપવાડામાં પાકિસ્તાને ફાયરીંગ શરૂ કર્યુ છે. જમ્મુ શહેરના ઘણા વિસ્તારોમાં વીજળી ડૂલ થઈ ગઈ છે અને સાયરનો વાગવાની શરૂ થઈ ગઈ છે. 

રાજકોટ એરપોર્ટ 15 મે સુધી બંધ રહેશે

રાજકોટમાં હિરાસર એરપોર્ટ સિવિલ ફ્લાઈટ માટે 15 મે 2025 સુધી બંધ રહેશે. અગાઉ 10 તારીખ સુધી બંધ રાખવાની જાહેરાત કરાઈ હતી. મિલીટ્રી ઓપરેશન માટે 24 કલાક એરપોર્ટ ચાલુ રહેશે

સરકારી કર્મીઓ માટે સોશિયલ મીડિયાના ઉપયોગને લઇને ગાઇડલાઇન જાહેર

ભારત અને પાકિસ્તાન વચ્ચે સર્જાયેલી તંગદિલીને કારણે રાજ્યના તમામ સરકારી કર્મચારીઓની રજાઓ રદ કરી દેવામાં આવી છે. ત્યાર બાદ રાજ્ય સરકારે સરકારી કર્મચારીઓ માટે ગાઈડ લાઈન જાહેર કરી છે. સોશિયલ મીડિયાના ઉપયોગને લઇને  સરકારે ગાઈડલાઈન જાહેર કરી છે. કર્મચારીઓને લિંક કે કોઈ ડોક્યુમેન્ટ ડાઉનલોડ ન કરવા સૂચના અપાઈ છે. ઓફિશિયલ ડોક્યુમેન્ટ, આઈડી કાર્ડ પોસ્ટ ન કરવા  પણ સૂચના અપાઈ છે. 

હરણી બોટ  દુર્ઘટના પર હાઇકોર્ટનો મહત્વનો આદેશ

વડોદરાના હરણી બોટ કાંડમાં પીડિતોને બાકી રહેલુ વળતર ચૂકવવા હાઈકોર્ટે આદેશ કર્યો છે. 13મી મે પહેલા પીડિતોને વળતર ચૂકવવા આદેશ કરાયો છે. કોટડિયા પ્રોજેક્ટ હપ્તો જમા ન કરે તો સ્ટેટ ઓથોરિટી રિકવરી કરે તેવો હાઈકોર્ટે નિર્દેશ કર્યો છે. કોટડિયા પ્રોજેક્ટને 4.10 કરોડ 4 હપ્તામાં જમા કરાવવાના હતા. જે નહીં ચૂકવ્યા હોવાની પીડિતોએ રજૂઆત કરી હતી. 

PM મોદીને મળ્યા સેનાના અધિકારીઓ

પાકિસ્તાન તરફથી સતત થઈ રહેલા ગોળીબાર અને હુમલાઓ મુદ્દે સેનાના અધિકારીઓ વડાપ્રધાન મોદીને મળ્યા હતાં. સેનાના વરિષ્ઠ અધિકારીઓએ વડાપ્રધાન સાથે ચર્ચાઓ કરી હતી. પીએમ હાઉસમાં એક કલાક સુધી બેઠક ચાલી હતી. 

ગુજરાતમાં 542 એમ્બ્યુલન્સનું સંચાલન 108 દ્વારા કરાશે

આરોગ્યમંત્રી ઋષિકેશ પટેલની સૂચનાને પગલે રાજ્યની 542 એમ્બ્યુલન્સનું સંચાલન 108 એમ્બ્યુલન્સ દ્વારા કરવાનો નિર્દેશ જાહેર કરાયો છે. પ્રાથમિક આરોગ્ય કેન્દ્ર થી લઇ મેડિકલ કૉલેજ સંલ્ગન હોસ્પિટલની સામાન્ય એમ્બ્યુલન્સનું સંચાલન 108 સેવા  દ્વારા થશે.

લશ્કરી ઠેકાણાને નિશાન બનાવવાનો પ્રયાસ: વિક્રમ મિસરી

વિદેશ સચિવ વિક્રમ મિસરીએ જણાવ્યું હતું કે પાકિસ્તાને કંદહાર, ઉરી, પૂંછ, રાજૌરી, અખનૂર અને ઉધમપુર જેવા નિયંત્રણ રેખા પરના વિસ્તારોમાં ગોળીબાર કરીને ભારત સામે ઉશ્કેરણીજનક લશ્કરી કાર્યવાહી કરી છે. આ હુમલામાં ભારતીય સુરક્ષા દળોને થોડું નુકસાન અને ઈજાઓ થઈ છે. જો કે, પાકિસ્તાની સેનાને પણ જવાબી કાર્યવાહીમાં ભારે નુકસાન થયું છે. મિસરીએ એમ પણ કહ્યું કે ડ્રોન હુમલાના નિષ્ફળ પ્રયાસ છતાં પાકિસ્તાને તેનું નાગરિક હવાઈ ક્ષેત્ર બંધ કર્યું નથી. જે એક ખતરનાક અને બેજવાબદાર પગલું છે. તેમણે કહ્યું કે પાકિસ્તાન નાગરિક વિમાનોનો ઉપયોગ ઢાલ તરીકે કરી રહ્યું છે. જેનાથી માત્ર પાકિસ્તાન જ નહીં પરંતુ આંતરરાષ્ટ્રીય ફ્લાઇટ્સની સુરક્ષા પણ જોખમમાં મુકાઈ રહી છે.

ગુજરાત સરકારે તમામ કર્મચારીઓની રજા રદ કરી

ભારત અને પાકિસ્તાન વચ્ચે વણસેલી સ્થિતિ અંતર્ગત ગુજરાત સરકારે તમામ સરકારી કર્મચારીઓની રજાઓ રદ કરી નાંખી છે. મુખ્યમંત્રી ભૂપેન્દ્ર પટેલે સોશિયલ મીડિયા પર પોસ્ટ કરીને માહિતી આપી છે. કોર્પોરેશન, પંચાયત, બોર્ડ નિગમ સહિતના કર્મચારીઓની તમામ રજાઓ રદ કરવામાં આવી છે. રજા પર ગયેલા કર્મચારીઓને પરત બોલાવી લેવા સૂચના અપાઈ છે. કર્મચારીઓને મંજૂરી વિના હેડક્વાર્ટર છોડવા સૂચના આપી દેવાઈ છે. 

વાંચો 06 વાગ્યા સુધીના મહત્વના સમાચાર

1. India Pakistan War: વિદેશ મંત્રાલયની પ્રેસ બ્રીફિંગ, વર્તમાન સ્થિતિ અંગે અપાઇ માહિતી

2. Indiaના હુમલાને વખોડનારા પાકિસ્તાની કલાકારોને લઈને ભારતમાં રોષ, AICWAની ફિલ્મ ઇન્ડસ્ટ્રીને અપીલ

3. Social media: અચાનક ટ્રેન્ડ કરી રહ્યું છે. બહિષ્કાર તુર્કી અને અઝરબૈજાન. જાણો

4. Gujarat: યુદ્ધની સ્થિતિમાં સંગ્રહખોરી કરનારા લોકો સામે કાર્યવાહી થશે

5. Patan: ભારત-પાકિસ્તાન બોર્ડર નજીક આવેલા જિલ્લાઓ હાઈ એલર્ટ પર મુકાયા

6. Operation Sindoor: સિંધું જળ સંધીને લઈને વિશ્વ બેંકે પાકિસ્તાનને આપ્યો ઝટકો, જાણો

7. India Pakistan War : યુદ્ધ સ્થિતિને પગલે રાજસ્થાનના જેસલમેરમાં સંપૂર્ણ બ્લેકઆઉટ

8. Kutch: નારાયણ સરોવર પાસે હથિયારધારી જવાન તૈનાત, વાહનો અને લોકોનું કડક ચેકિંગ

9. ઓપરેશન સિંદૂર વચ્ચે ICAIનો મહત્વનો નિર્ણય, CAની તમામ પરિક્ષાઓ મોકૂફ

10. India Pakistan War: દુશ્મન દેશના Swarm Droneને IAFએ તોડી પાડ્યા

વિદેશ મંત્રાલયની પત્રકાર પરિષદ

વિદેશ મંત્રાલયની પત્રકાર પરિષદમાં "ઓપરેશન સિંદૂર" હેઠળ ચાલી રહેલી કાર્યવાહીમાં વર્તમાન સ્થિતિની માહિતી આપવામાં આવી રહી છે. 3 દિવસમાં MEAની આ ત્રીજી મહત્ત્વની પ્રેસ બ્રીફિંગ છે. વિદેશ સચિવ વિક્રમ મિસરી અને વિંગ કમાન્ડર વ્યોમિકા સિંહ આ પ્રેસ બ્રીફિંગમાં ઉપસ્થિત છે. કર્નલ સોફિયા કુરેશી તમામ માહિતી આપી રહ્યા છે.

પશ્ચિમ રેલવે દ્વારા અમદાવાદ ડિવિઝનની કેટલીક ટ્રેનો રદ કરાઈ

9 મે- ટ્રેન સંખ્યા 94801 અમદાવાદ-ભુજ નમો ભારત રેપિડ રેલ

9 મે- ટ્રેન સંખ્યા 22483 જોધપુર-ગાંધીધામ એક્સપ્રેસ

10 મે-ટ્રેન સંખ્યા 09446/09445 ભુજ-રાજકોટ-ભુજ વિશેષ ટ્રેન

10 મે- ટ્રેન સંખ્યા 94802 ભુજ-અમદાવાદ નમો ભારત રેપિડ રેલ

10 મે- ટ્રેન સંખ્યા 22484 ગાંધીધામ-જોધપુર એક્સપ્રેસ

ભારત-પાક તણાવને લઇ ભરૂચ પોલીસ સતર્ક

ભારત અને પાકિસ્તાન વચ્ચેના તણાવને લઈને ભરૂચ પોલીસ એલર્ટ થઈ ગઈ છે. દહેજના દરિયા કિનારે પોલીસ દ્વારા સઘન ચેકિંગ હાથ ધરાયુ છે. દરિયા કિનારાની 25 જેટીઓ પર સિક્યુરીટી ગોઠવી દેવાઈ છે. દહેજ પોલીસ, સાગર રક્ષ દળ, મરીન ટાસ્ક ફોર્સનું સતત પેટ્રોલિંગ શરૂ થયું છે. શંકાસ્પદ ગતિવિધિ જણાય તો પોલીસને જાણ કરવા અપીલ કરાઈ છે. 

જામનગરમાં યુદ્ધ સંબંધી પોસ્ટ વાયરલ કરનારા સામે ફરિયાદ

હાલમાં ભારત અને પાકિસ્તાન વચ્ચે યુદ્ધ જેવી સ્થિતિ સર્જાઈ છે. પોલીસ દ્વારા સોશિયલ મીડિયા પર વાંધાજનક યુદ્ધ સંબંધી પોસ્ટ કરનારા સામે સખત વોચ રાખવામાં આવી રહી છે. ત્યારે જામનગરમાં યુદ્ધ સંબંધી વાંધાજનક પોસ્ટ મુકનાર સામે ફરિયાદ દાખલ કરવામાં આવી છે. રાઘવ બ્રાસના વેપારી મનિષ ડાંગરિયાએ સોશિયલ મીડિયામાં યુદ્ધ સંબંધી પોસ્ટ મુકતા ફરિયાદ દાખલ કરવામાં આવી છે. 

અમરેલી જિલ્લામાં દરિયાઈ કોસ્ટલ બેલ્ટ એલર્ટ

ભારત અને પાકિસ્તા વચ્ચે સર્જાયેલી યુદ્ધની સ્થિતિને લઈ તંત્ર એલર્ટ થઈ ગયુ છે. અમરેલી જિલ્લામાં દરિયાઈ કોસ્ટલ બેલ્ટ એલર્ટ કરી દેવાયો છે. જાફરાબાદ બંદર પર દરિયો ન ખેડવા સૂચના અપાઈ છે. મધદરિયામાંથી માછીમારોને પરત બોલાવ્યા છે. કોસ્ટલ બેલ્ટમાં 2 ચેકપોસ્ટ શરૂ કરાઈ છે. ચેકપોસ્ટ ઉપર પીપાવાવ મરીન દ્વારા વાહન ચેકીંગ કરાશે. 

સાંજે સાત વાગ્યા પછી આબૂના બજારો બંધ રહેશે

ભારત-પાક તણાવ વચ્ચે મોટો નિર્ણય લેવામાં આવ્યો છે. આજથી સાંજે 7 વાગ્યા પછી આબૂના બજારો બંધ રહેશે. રાતે 8 વાગ્યાથી માઉન્ટ આબૂમાં  બ્લેક આઉટ રહેશે.સ્થાનિક પોલીસ અને સિવિલ ડિફેન્સની ટીમ એલર્ટ રહેશે.તંત્રએ પ્રવાસીઓ માટે જરૂરી દિશા-નિર્દેશ જાહેર કર્યા છે. 

કચ્છના સીમાવર્તી વિસ્તારો અને ગામોમાં એલર્ટ 

કચ્છમા નારાયણ સરોવર અને આસપાસના વિસ્તારોમા હથિયારધારી પોલીસ અને અન્ય જવાનો તૈનાત કરવામાં આવ્યાં છે. સીમાવર્તી વિસ્તારો અને ગામોમાં એલર્ટ આપીને સુરક્ષા બંદોબસ્ત ગોઠવી દેવાયો છે. ગઈકાલે જાહેર કરવામાં આવેલા બ્લેક આઉટ બાદ આજે સાંજે બ્લેક આઉટ અંગે વહીવટી તંત્ર દ્વારા લોકોને જાણ કરાશે. અત્યાધુનિક હથિયારો સાથે પોલીસ અને પેરા જવાનોને ઠેર ઠેર તૈનાત કરી દેવાયા છે. 

ગૃહમંત્રાલયે રાજ્યના મુખ્યસચિવોને લખ્યો પત્ર

ગૃહ મંત્રાલયે રાજ્યના મુખ્ય સચિવોને પત્ર લખ્યો છે. આપાતકાલિન ખરીદી કરવા માટે પત્ર લખવામાં આવ્યો છે. રાજ્ય સરકાર આપાત શક્તિઓનો ઉપયોગ કરી શકે છે. સરકારે નાગરિકોની સુરક્ષા માટે ખરીદીની છૂટ આપી છે. 

જાહેર કાર્યક્રમ કે ઈવેન્ટમાં ફટાકડા નહીં ફોડી શકાય

ગૃહ રાજ્યમંત્રી હર્ષ સંઘવીએ એક્સ પર પોસ્ટ કરીને જાણકારી આપી છે કે, ગુજરાતમાં આગામી 15 મે સુધી ફટાકડા ફોડવા અને ડ્રોન પ્રવૃત્તિ પર પ્રતિબંધ મુકવામાં આવ્યો છે. જાહેર કાર્યક્રમ કે ઈવેન્ટમાં ફટાકડા નહીં ફોડી શકાય.

કાયદાનો ભંગ કરશો તો ફરિયાદ નોંધાશે

આ હુકમ આગામી તા.૩૦/૦૬/૨૦૨૫ સુધી અમલમાં રહેશે. આ જાહેરનામુ સમગ્ર બનાસકાંઠા જિલ્લાની તમામ સરકારી કચેરીઓમાં લાગુ પડશે. આ જાહેરનામાનો ભંગ કરનાર અથવા ઉલ્લંઘન કરનાર અથવા તે માટે મદદ કરનારને ભારતીય ન્યાય સંહિતા-૨૦૨૩ની કલમ-૨૨૩ મુજબ શિક્ષાને પાત્ર થશે તથા આ હુકમનો ભંગ કરનાર ઈસમો સામે જે તે કચેરીના ઓફીસ સુપ્રિટેન્ડેન્ટ તથા પોલીસ વિભાગના પોલીસ સબ ઇન્સ્પેકટરના દરજ્જાથી ઉતરતા ન હોય તેવા અધિકારી ફરીયાદ માંડવા અધિકૃત કરવામાં આવ્યા છે. 

Banaskanthaમાં  અનધિકૃત ઇસમોની  ટોળીના સભ્યોને સરકારી કચેરીઓમાં પ્રવેશ પર પ્રતિબંધ

બનાસકાંઠા જિલ્લા મેજિસ્ટ્રેટ મિહિર પટેલે ભારતીય નાગરિક સુરક્ષા સંહિતા-૨૦૨૩ની કલમ-૧૬૩ અન્વયે મળેલ સત્તાની રૂએ બનાસકાંઠા જિલ્લામાં આવેલ તમામ સરકારી કચેરીઓ ખાતે રોજે-રોજ જાહેર જનતા પોતાના સરકારી કામ માટે આવેલ હોય અથવા કામ કરતા હોય તેવા અથવા વ્યાજબી કામ સબબ આવેલ હોય તે અરજદારો સિવાયના અનઅધિકૃત ઈસમો કે ઈસમોની ટોળી, સરકારી કામ અર્થે આવતાં અરજદારોને ગેરમાર્ગે દોરી કામ કરાવવા કે તેવી લાલચ આપવા જેવી પ્રવૃતિ કરી રહેલ હોય તેવા ઈસમોના પ્રવેશ ઉપર પ્રતિબંધ મૂકતું જાહેરનામું પ્રસિધ્ધ કરાયું છે. 

માલિકે મજૂરનું નામ અને સરનામું પોલીસને આપવાનું રહેશે

જેમાં જે તે માલિકે મજૂરનું નામ અને સરનામું, તેની સાથેના માણસની વિગત, જેને ત્યાં મજૂર કામ કરતા હોય તેમનું નામ અને સરનામું, બાહેંધરી, અગાઉ જ્યાં કામ કરતા હોય ત્યાંના માલિકનું નામ અને સરનામું, વતન અંગે માહિતી વગેરે માહિતી નજીકના પોલીસ સ્ટેશનમાં આપવાની રહેશે. આ જાહેરનામુ આગામી ૩૦ જૂન ૨૦૨૫ સુધી લાગુ રહેશે. આ હુકમ અન્વયે બનાસકાંઠા જિલ્લામાં ફરજ બજાવતા પોલીસ અધિક્ષકના દરજજાથી પોલીસ સબ ઇન્સ્પેકટર સુધીનો હોદ્દો ધરાવનાર તમામ અધિકારીઓને આ આ જાહેરનામાંનો ભંગ કરનાર ઇસમો સામે ભારતીય ન્યાય સંહિતા-૨૦૨૩ની કલમ-૨૨૩ મુજબ ફરીયાદ માંડવા માટે અધિકૃત કરવામાં આવે છે.

Banaskanthaમાં  કોઈ પણ વ્યકિતને મજૂર તરીકે રાખો તો પોલીસ સ્ટેશન ખાતે તેની માહિતી આપવી જરૂરી

જાહેર શાંતિ અને સલામતીના ભાગરૂપે બનાસકાંઠા જિલ્લા મેજિસ્ટ્રેટ મિહિર પટેલ દ્વારા ભારતીય નાગરિક સુરક્ષા સંહિતા-૨૦૨૩ની કલમ-૧૬૩ અન્વયે મળેલ સત્તાની રૂએ સમગ્ર બનાસકાંઠા જિલ્લામાં કોઇ વ્યકિત દ્વારા કોઇપણ ઇસમને મજૂર તરીકે રાખવામાં આવે ત્યારે આવા ઇસમો અંગેની માહિતી તથા ફોટોગ્રાફ સાથે જે તે વિસ્તારના પોલીસ સ્ટેશન ખાતે આપવાની રહેશે તેમ જાહેરનામું પ્રસિદ્ધ કરાયું છે. 

વાંચો 03 વાગ્યા સુધીના મહત્વના સમાચાર

01 - India Pakistan War : અંડરવર્લ્ડ ડોન દાઉદ ઇબ્રાહિમ પાકિસ્તાનથી ભાગી ગયો !

02 - India Pakistan War : પાકિસ્તાનમાં તબાહી મચાવનાર આ છે ભારતના Drone

03 - India Pakistan War: શું ATM 2-3 દિવસ બંધ રહેશે? ફેક મેસેજ વાયરલ

04 - Gujarat Police : યુદ્ધને લઈ વાંધાજનક-પોસ્ટ કરનારા 4 લોકો સામે ફરિયાદ નોંધાઈ

05 - Gold Silver Rate Today: તમારા શહેરમાં આજે શું છે સોના-ચાંદીની કિંમત?

06 - India Pakistan War: હુમલાની આશંકાને પગલે પંજાબમાં 6 જિલ્લાઓમાં હાઈએલર્ટ

07 - India Pakistan War: રાજનાથ સિંહની CDS, ત્રણેય સેના પ્રમુખ સાથે 2-કલાક બેઠક

08 - Ahmedabadના ચંડોળા તળાવમાં EWS સ્કીમ હેઠળ બનાવાશે મકાન, ફોર્મ લેવા લોકોની પડાપડી

09 - India Pakistan War: પાકિસ્તાને બે દિવસમાં જ માગી વૈશ્વિક મદદ

10 - India Pakistan War: દિવાળીના ફટાકડા જેવી ફૂસ નીકળી પાકિસ્તાની મિસાઇલ

જાહેરનામાનો નહી કરાય ભંગ

આ જાહેરનામું આગામી ૩૦ જૂન ૨૦૨૫ સુધી અમલી રહેશે. આ હુકમ અન્વયે બનાસકાંઠા જિલ્લામાં ફરજ બજાવતા પોલીસ અધિક્ષકના દરજજાથી પોલીસ સબ ઇન્સ્પેકટર સુધીનો હોદ્દો ધરાવનાર તમામ અધિકારીઓને આ જાહેરનામાંનો ભંગ કરનાર ઇસમો સામે ભારતીય ન્યારા સંહિતા-૨૦૨૩ની કલમ-૨૨૩ મુજબ ફરીયાદ માંડવા માટે અધિકૃત કરવામાં આવે છે.

Banaskanthaમાં આ સમયગાળા પહેલા અને પછી ટ્યુશન ક્લાસીસ પર પ્રતિબંધ

વિદ્યાર્થીઓની સુરક્ષાને લઈને બનાસકાંઠા જિલ્લા મેજિસ્ટ્રેટ મિહિર પટેલ દ્વારા ભારતીય નાગરિક સુરક્ષા સંહિતા-૨૦૨૩ની કલમ-૧૬૩ અન્વયે મળેલ સત્તાની રૂએ બનાસકાંઠા જિલ્લાના સમગ્ર વિસ્તારમાં સવારમાં ૦૭-૦૦ કલાક પહેલા અને રાત્રિના ૮-૦૦ કલાક પછીના સમયગાળામાં શૈક્ષણિક ટ્યુશન ક્લાસીસ શરૂ કરવા કે ચાલુ રાખવા ઉપર પ્રતિબંધ અંગેનું જાહેરનામું પ્રસિધ્ધ કરાયું છે. 

કેન્દ્રીય મંત્રી શિવરાજ સિંહ ચૌહાણનુ નિવેદન

અમે આતંકવાદી સ્થળો પર હુમલો કર્યો: શિવરાજ સિંહ, અમારા કૃષિ ભંડાર ભરેલા છે : શિવરાજ સિંહ, 'ઘઉં, ચોખા કે અન્ય અનાજ પૂરતા પ્રમાણમાં', 'ખેડૂતો સાથે કામ કરવાની, ઉત્પાદનની અમારી જવાબદારી'

દાઉદ પાકિસ્તાન છોડીને ભાગી ગયો !

સૂત્રોએ દાવો કર્યો છે કે, ત્રણેય પાકિસ્તાન છોડીને બીજા કોઈ દેશમાં ભાગી ગયા છે. સૂત્રોએ એવો પણ દાવો કર્યો છે કે ભારતના હવાઈ હુમલાથી ડરી ગયેલો અંડરવર્લ્ડ ડોન દાઉદ ઇબ્રાહિમ પોતાનો જીવ બચાવવા માટે અહીં-ત્યાં દોડી રહ્યો છે. એજન્સીના સૂત્રોએ એમ પણ કહ્યું કે તેઓ આ ઇનપુટ પર નજર રાખી રહ્યા છે અને તેઓ એવું પણ માની રહ્યા છે કે, કદાચ દાઉદ અને તેના સાથીઓ પાકિસ્તાનમાં ક્યાંક બીજે ક્યાંક હશે અને એજન્સીઓને ગેરમાર્ગે દોરવા માટે આવા ઇનપુટ ફેલાવવામાં આવી રહ્યા છે. એજન્સી તેમની પાસે ઉપલબ્ધ વિવિધ સ્ત્રોતોમાંથી દરેક પ્રકારના ઇનપુટની ચકાસણી કરી રહી છે.

ખાસ સાથી છોટા શકીલ અને મુન્ના ઝીંગરાને છુપાવી દીધા !

ભારત અને પાકિસ્તાન વચ્ચે વધતા તણાવ વચ્ચે, મોસ્ટ વોન્ટેડ અંડરવર્લ્ડ ડોન દાઉદ ઇબ્રાહિમ પાકિસ્તાનથી ભાગી ગયો છે. તે વર્ષોથી પાકિસ્તાનના કરાચી શહેરમાં રહે છે. ભારતના ઓપરેશન સિંદૂરથી પાકિસ્તાન એટલું ડરી ગયું કે આતંકવાદને આશ્રય આપનારા પાકિસ્તાને અંડરવર્લ્ડ ડોન દાઉદ ઇબ્રાહિમ, તેના ખાસ સાથી છોટા શકીલ અને મુન્ના ઝીંગરાને છુપાવી દીધા.

India Pakistan War : અંડરવર્લ્ડ ડોન દાઉદ ઇબ્રાહિમ પાકિસ્તાનથી ભાગી ગયો !

અંડરવર્લ્ડ ડોન દાઉદ ઇબ્રાહિમ ભારતના ઓપરેશન સિંદૂરથી ડરી ગયો અને પાકિસ્તાનથી ભાગી ગયો છે, સૂત્રો કહે છે કે શક્ય છે કે દાઉદ ઇબ્રાહિમ પાકિસ્તાનમાં છુપાયેલો હોય અને તે ગેરમાર્ગે દોરવા માટે સમાચાર ફેલાવી રહ્યો હોય કે તે પાકિસ્તાનથી ભાગી ગયો છે.

જૂનાગઢ કલેક્ટરે દરિયાઈ સમિતિની કરી બેઠક  

દરિયાઈ સુરક્ષાને લઈને મિટિંગમાં થઈ ચર્ચા. માંગરોળની તમામ બોટોને દરિયામાંથી પરત બોલાવાઈ. સરકારની સૂચનાઓ ગામડાઓમાં આપી માહિતી.

ભારત-પાક વચ્ચે તણાવને લઈને તંત્ર એલર્ટ 

યાત્રાધામ શામળાજી મંદિરમાં સર્ચ હાથ ધરાયું. શામળાજી મેશ્વો ડેમ ખાતે પણ કરાઈ તપાસ. બોમ્બ સ્ક્વોડે સાવચેતીના ભાગરૂપે કરી તપાસ.

આર્મી ચીફને મળ્યો વિશેષ અધિકાર

ટેરિટોરિયલ આર્મીને બોલાવાનો અધિકાર. નિયમિત સેનાને મદદ માટે બોલાવી શકે.

પૂંછમાં પાકિસ્તાનના ફાયરિંગના CCTV સામે આવ્યા

ગઈકાલે આખી રાત પાકિસ્તાને પૂંછમાં કર્યું હતું ફાયરિંગ

કલાકારોના ઈન્સ્ટાગ્રામ એકાઉન્ટ દેખાતા બંધ થયા

માહિરા ખાન, આયેઝા ખાન, હાનિયા આમિર, ઈકરા અઝીઝ, સજલ અલી જેવા પાકિસ્તાની સ્ટાર્સનું ભારતમાં ખુબ જ મોટું ફેન ફોલોઇંગ છે. ભારતમાં પાકિસ્તાની સિરિયલોના ઘણા ચાહકો છે. હમસફર, મેરે હમસફર, ખુદા ઔર મોહબ્બત જેવા શો ભારતમાં ખૂબ જ પસંદ કરવામાં આવે છે, જોકે, હવે ફેન્સ તેમના મનપસંદ સ્ટાર્સના ઈન્સ્ટાગ્રામ એકાઉન્ટ્સ જોઈ શકતા નથી, જેના કારણે તેઓ ખૂબ જ નિરાશ જોવા મળી રહ્યા છે.

ફવાદ ખાનની ફિલ્મ પર મુકાયો પ્રતિબંધ

આ દરમિયાન સોશિયલ મીડિયા પર બંને દેશો વચ્ચે યુદ્ધ જોવા મળી રહ્યું છે. થોડા દિવસો પહેલા ભારતે પાકિસ્તાની અભિનેતા ફવાદ ખાનની આગામી ફિલ્મ અબીર-ગુલાલની રિલીઝ પર પ્રતિબંધ મૂક્યો હતો, હવે વધુ એક મોટા સમાચાર આવ્યા છે કે મોટા પાકિસ્તાની કલાકારોના ઈન્સ્ટાગ્રામ એકાઉન્ટ ભારતમાં દેખાતા નથી. તેમાં હાનિયા આમિર, માહિરા ખાન, આયેઝા ખાન, ઈકરા અઝીઝ જેવા ઘણા મોટા નામનો સમાવેશ થાય છે. આ કાર્યવાહીને કારણે કલાકારોના ફેન્સ ખુબ જ આશ્ચર્યચકિત છે અને સમજી શકતા નથી કે આવું કેમ થઈ રહ્યું છે ?

ગુજરાત પોલીસની સોશિયલ મીડિયા પર ચાંપતી નજર

ગૃહમંત્રી હર્ષ સંઘવીની અધ્યક્ષતામાં મહત્વની બેઠક મળી હતી જેમાં ડીજીપી અને સાયબર સેલના અધિકારીઓ જોડાયા હતા, તો સાયબર વિભાગની ટીમ આ બાબતે ચાંપતી નજર રાખી રહી છે, દેશ વિરોધી પોસ્ટ કરનારા સામે કડક કાર્યવાહી થશે અને ગુજરાત પોલીસે આ બાબતે 4 લોકો સામે ફરિયાદ પણ નોંધી છે, આર્મી મુવમેન્ટની પોસ્ટ કરનારા સામે પણ કાર્યવાહી થશે તેવી માહિતી સામે આવી છે, પોલીસ વિભાગના સો. મીડિયા પર નજર રાખી રહ્યું છે. 

Gujarat Police : પાકિસ્તાન યુદ્ધને લઈ વાંધાજનક પોસ્ટ કરનારા 4 લોકો સામે નોંધાઈ ફરિયાદ 

એક તરફ સરહદીય વિસ્તારોમાં તણાવભરી સ્થિતિ છે અને રાજ્ય સરકાર દ્વારા પણ આગોતરા પગલા લેવા માટે બેઠકો બોલાવવામાં આવી રહી છે. ત્યારે બીજી તરફ કેટલાક લોકો દ્વારા રાષ્ટ્રીય લાગણી દુભાય તેવા અને સેનાનું મનોબળ નબળું પડે તેવા કૃત્યો કરવામાં આવી રહ્યાં છે. સોશિયલ મીડિયામાં ભ્રામક અને ખોટી વિગતો શેર કરવામાં આવી રહી છે. જેની સામે ગુજરાત પોલીસ દ્વારા કડક કાર્યવાહી કરવામાં આવી છે. તો ગુજરાત પોલીસનો સાયબર વિભાગ આ બાબતે રાખી રહ્યું છે સતત નજર.

પોલીસના ઉચ્ચ અધિકારીઓ અને સચિવો રહ્યાં હાજર

મુખ્યમંત્રી  ભૂપેન્દ્ર પટેલે ખાસ કરીને સરહદી વિસ્તારો કે ગામોમાં કોઈપણ સંદિગ્ધ ગતિવિધિઓ, શંકાસ્પદ વસ્તુઓ કે વ્યક્તિઓ વિશે માહિતી મળે તો તુરંત જ તંત્ર એલર્ટ મોડ પર રહીને તત્કાલ કાર્યવાહી કરે તેમ સ્પષ્ટપણે જણાવ્યું હતું. મુખ્યમંત્રીએ આર્મી, એરફોર્સ, નેવી, કોસ્ટ ગાર્ડ, બી.એસ.એફ અને અન્ય કેન્દ્રીય એજન્સીઓની સતર્ક કામગીરીની સરાહના કરતાં તેમને જરૂરીયાત મુજબની મદદ રાજ્ય સરકાર દ્વારા ત્વરાએ મળશે તેવી ખાતરી પણ આપી હતી. આ બેઠકમાં મુખ્યમંત્રીના અધિક મુખ્ય સચિવ  એમ. કે. દાસ, પોલીસ મહાનિદેશક વિકાસ સહાય ઉપરાંત મહેસુલ, ઊર્જાના અધિક મુખ્ય સચિવો, શહેરી વિકાસ, ઉદ્યોગ, પાણી પુરવઠા, નાગરિક પુરવઠા, શહેરી વિકાસ, વાહન વ્યવહાર અને આપત્તિ વ્યવસ્થાપન સહિતના વિભાગોના અગ્ર સચિવો, મુખ્યમંત્રીના સચિવ અવંતિકા સિંઘ અને  કેન્દ્રીય એજન્સીઓ  એરફોર્સ તેમજ લશ્કર અને બી એસ એફ અધિકારીઓ પણ જોડાયા હતા. 

સોશિયલ મીડિયા પ્લેટફોર્મ પર માહિતી મળતી રહેશે

આરોગ્ય વિભાગ અને વાહન વ્યવહાર વિભાગ પણ પૂરી વ્યવસ્થાઓ અને મેન પાવર સાથે  કોઈ પણ વિકટ સ્થિતિ ને પહોંચી વળવા સજ્જ રહે તેવા નિર્દેશો પણ મુખ્યમંત્રીએ આ સમીક્ષા બેઠકમાં આપ્યા હતા. સંવેદનશીલ વિસ્તારોની ઓળખ કરી લેવા તેમજ મોબાઇલાઈઝેશન અને ચેતવણી માટેની વ્યવસ્થા ચકાસી લેવાની સ્પષ્ટ સૂચનાઓ પણ મુખ્યમંત્રીએ  જિલ્લાના વડાઓને આપી હતી. તેમણે લોકોમાં ખોટો ભય કે દહેશત ન ફેલાય અને અફવાઓથી લોકો ગેરમાર્ગે ન દોરાય તે માટે લોકજાગૃતિ અભિયાન શરૂ કરવા પણ સૂચવ્યું હતું. લોકોને પણ  સરકાર ના વિવિધ વિભાગોના અધિકૃત  સોશીયલ મીડિયા પ્લેટફોર્મ પર આપવામાં આવતી સત્તાવાર માહિતી અને સમાચારો અને સૂચનાઓ પર  ધ્યાન આપવાનો તેમણે અનુરોધ કર્યો હતો.

નાગરિકોને આવશ્યક વસ્તુઓનો જથ્થો મળી રહેશે

મુખ્યમંત્રીએ આપાત કાલીન સ્થિતિમાં સંપર્ક જળવાઈ રહે તે માટે હોટલાઇન, સેટેલાઈટ ફોન જેવા દૂરસંચાર અને સંપર્કના વૈકલ્પિક માધ્યમોની ચકાસણી કરી લેવાની પણ તાકીદ કરી હતી. મુખ્યમંત્રીએ હાલની તનાવપૂર્ણ સ્થિતિમાં સંબંધિત જિલ્લાઓના સરહદી ગામોના ઈવેક્યુએશન પ્લાન કાર્યરત કરવા સાથોસાથ નાગરિક સંરક્ષણની સજ્જતા, સુરક્ષિત સ્થાનો-સેઈફ હાઉસની ઓળખ તેમજ પાણી, ખોરાક અને અન્ય સંસાધનોની પર્યાપ્ત ઉપલબ્ધિ સુનિશ્ચિત કરવા પણ બેઠકમાં સૂચનાઓ આપી હતી. નાગરિકોને આવશ્યક વસ્તુઓનો અને પેટ્રોલ-ડીઝલ જેવા ફ્યુઅલનો પુરવઠો મેળવવામાં કોઈ તકલીફ ન રહે તે માટે સંબંધિત જિલ્લા અને તંત્ર વાહકોને આ જથ્થા નો પૂરતો સંગ્રહ તકેદારીના ભાગરૂપે કરી લેવા પણ મુખ્યમંત્રીએ સૂચનો કર્યા હતા. 

જિલ્લાઓના કંટ્રોલરૂમ અને ઇમરજન્સી ઓપરેશન સેન્ટર સતત કાર્યરત રહે તે માટેના સ્પષ્ટ દિશાનિર્દેશો આપ્યા

મુખ્યમંત્રીએ શુક્રવારે સવારે ગાંધીનગરના સ્ટેટ ઇમરજન્સી ઓપરેશન સેન્ટર પહોંચ્યા હતા અને ગૃહ રાજ્ય મંત્રી હર્ષ સંઘવી અને મુખ્યસચિવ પંકજ જોષીની ઉપસ્થિતિમાં સરહદી વિસ્તારના કચ્છ અને બનાસકાંઠા તથા પાટણ અને જામનગર જિલ્લાઓ સહિત રાજ્યની એકંદર સ્થિતિની ઝીણવટપૂર્વક માહિતી મેળવી હતી. તેમણે ખાસ કરીને પ્રવર્તમાન સ્થિતિમાં બધા જિલ્લાઓના કંટ્રોલરૂમ અને ઇમરજન્સી ઓપરેશન સેન્ટર સતત કાર્યરત રહે તે માટેના સ્પષ્ટ દિશાનિર્દેશો આપ્યા હતા. 

સુરક્ષા-સલામતીની આગોતરી વ્યવસ્થાની વિગતો પણ વીડિયો કોન્ફરન્સ દ્વારા મેળવી હતી

રાજ્યના સરહદી વિસ્તારોમાં એરફોર્સ, આર્મી, નેવી, કોસ્ટ ગાર્ડ, બી.એસ.એફ જેવી કેન્દ્રીય એજન્સીઓની સતર્ક કામગીરીની સરાહના કરી, મુખ્યમંત્રી ભૂપેન્દ્ર પટેલે ભારત-પાકિસ્તાન વચ્ચે સર્જાયેલા તંગદિલીના પ્રવર્તમાન વાતાવરણમાં સરહદી રાજ્ય તરીકે ગુજરાતની સતર્કતા અને સજ્જતાની સમીક્ષા ગાંધીનગરમાં ઉચ્ચસ્તરીય બેઠક યોજીને કરી હતી. મુખ્યમંત્રીએ ગુજરાતમાં પાકિસ્તાન સાથે દરિયાઈ, જમીની અને હવાઈ સીમાથી જોડાયેલા જિલ્લાઓને હાઈએલર્ટ પર મૂકવામાં આવેલા છે તે સંદર્ભમાં વહીવટી તંત્ર, પોલીસ અને અન્ય વરિષ્ઠ જિલ્લા અધિકારીઓ પાસેથી તેમના જિલ્લામાં હાથ ધરાઇ રહેલી સુરક્ષા-સલામતીની આગોતરી વ્યવસ્થાની વિગતો પણ વીડિયો કોન્ફરન્સ દ્વારા મેળવી હતી. 

Gujarat : મુખ્યમંત્રી ભૂપેન્દ્ર પટેલે રાજ્યના સરહદી જિલ્લાઓની સર્વગ્રાહી સમીક્ષા બેઠક કરી 

સરહદી જિલ્લાના કલેક્ટરો અને પોલીસ વડાઓએ પોતાના જિલ્લામાં હાથ ધરાયેલા સુરક્ષા સલામતી પ્રબંધનની વિગતો વીડિયો કોન્ફરન્સથી આપી, સરહદી ગામોમાં ઈવેક્યુએશન પ્લાન્ટ –આપાતકાલમાં નાગરિક સંરક્ષણની ગતિવિધિઓ –આરોગ્ય સેવાઓ અને કોમ્યુનીકેશન નેટવર્ક સિસ્ટમ જાળવી રાખવા સહિતના વિષયોની મુખ્યમંત્રીએ સમીક્ષા કરીને માર્ગદર્શન આપ્યું.

ચંડોળા તળાવમાંથી ૧.૫૦ ચો.મી. જમીનમાંથી દબાણો હટાવાયા છે

સ્ટેન્ડિંગ કમિટી ચેરમેન દેવાંગ દાણીએ જણાવ્યું હતું કે, ચંડોળા તળાવમાં પુરાણ કરીને ફાર્મહાઉસ અને ઝુંપડા વગેરે બનાવી બાંગ્લાદેશીઓને આશરો આપનારા લલ્લા બિહારીનાં ગેરકાયદે દબાણો નેસ્તનાબૂદ કરી નાખ્યા બાદ હવે બાકીનાં ગેરકાયદે ઝૂંપડા દૂર કરી તળાવને દબાણમુક્ત બનાવવા માટે બીજા તબક્કાની કાર્યવાહી અંતર્ગત ઝુંપડાવાસીઓને વૈકલ્પિક વ્યવસ્થા આપવા માટે EWS હેઠળ બનતાં મકાનો ફાળવવાનો નિર્ણય લેવાયો છે. રૂ. ૩ લાખની આવક ધરાવતા ઝૂંપડાવાસીઓને શહેરના સાતેય ઝોનમાં EWS હેઠળ બની રહેલા મકાનામાં વિકલ્પ અધાશે. DYMC રિધેશ રાવલે જણાવ્યું હતું કે, ચંડોળાને ઝુંપડામુક્ત કરવા માટે AMC અને કલેક્ટર કચેરી દ્વારા ડીમાર્કેશનની કામગીરી હાથ ધરાઈ છે.ચંડોળા તળાવમાંથી ૧.૫૦ ચો.મી. જમીનમાંથી દબાણો હટાવાયા છે.

ખોટા લોકો લાભ ન લે તે માટે પુરાવાનું પોલીસ વેરિફિકેશના 

ચંડોળા તળાવ અને પરિસરમાં રહેતા ફક્ત ભારતીય નાગરિકત્વના પુરાવા ધરાવનારને જ વિકલ્પ અપાશે. બાંગ્લાદેશીઓ માટે આ સ્કીમ નથી. ચંડોળામાં વર્ષોથી બાગ્લાદેશીઓ રહેતા હોવાના આક્ષેપો તથા બાંગ્લાદેશીઓએ રાજકીય આગેવાનોના લેટરપેડના આધારે જાતજાતનાં પુરાવા ઉભા કરી લીધા હોવાની આશંકા મામલે તેમણે વધુ સ્પષ્ટતા કરતાં કહ્યું કે. બાંગ્લાદેશીઓ આ યોજનાનો લાભ લઇ ના જાય તે માટે જે લોકો મકાન મેળવવા માટે પુરાવા રજૂ કરશે તેનું પોલીસ વેરિફિકેશન કરાવવામાં આવશે સાત ઝોનમાં ૮.૨૫૪ આવાસનુ નિર્માણ કાર્ય ચાલુ છે તે આવાસ ફાળવવામાં આવશે. 

દાણીલીમડા વોર્ડ ઓફિસમાંથી રૂબરૂમાં ફોર્મ અપાશે 

ચંડોળામાં ઝુંપડાવાસીઓને EWS મકાનો માટે દાણીલીમડા વોર્ડમાંથી જ ફોર્મ આપવામાં આવશે. સામાન્ય રીતે AMC દ્વારા EWS મકાનો માટે ઓનલાઈન ફોર્મ પણ જારી કરવામાં આવે છે અને AMCની વેબસાઈટ પરથી ડાઉનલોડ કરીને તે મેળવી શકાય છે. પરંતુ ચડોળાના ઝુંપડાવાસીઓને વિકલ્પ આપવામાં કોઈ ગેરરીતિ ન થાય તે હેતુસર વોર્ડ ઓફિસમાંથી રૂબરૂમાં જ મેન્યુઅલ ફોર્મ આપવામાં આવશે. 

તબક્કાવાર રીતે આ તમામ દબાણો દૂર કરાશે

ચંડોળા તળાવને ઝુંપડપટ્ટી મુક્ત કરવા માટે ઝુંપડાવાસીઓને EWS મકાનો ફાળવવા અંગે સ્ટેન્ડિંગ કમિટીમાં મંજૂર કરાયેલા ઠરાવમાં ૧-૧૨-૨૦૧૦ અગાઉ ચંડોળા તળાવ વિસ્તારમાં રહેનારાઓને જ આ યોજનાનો લાભ મળશે તેવી મહત્વની જોગવાઈ પણ કરવામાં આવી છે. તાજેતરનાં વર્ષોમાં ચંડોળાનાં કિનારે ઝુંપડા બનાવીને રહેતાં હશે તેમને આવાસ મળશે નહિ અને તેમને ત્યાંથી ખસેડવામાં આવશે. આ ઠરાવ મંજૂર કરીને તે અંગે રાજ્ય સરકારની મંજૂરી મેળવવામાં આવશે. ડ્રોન મારફતે સર્વે કરાવો છે અને ચંડોળા તળાવ અને તળાવની ફરતે આશરે ૨.૫૦ લાખ ચો.મી. જમીનમાં દબાણો હોવાનું જોવા મળ્યું છે અને તબક્કાવાર રીતે આ તમામ દબાણો દૂર કરાશે. 

Ahmedabadના ચંડોળા તળાવમાં EWS સ્કીમ હેઠળ બનાવાશે મકાન, ફોર્મ લેવા લોકોની પડાપડી 

શહેરના દાણીલીમડા વિસ્તારમાં આવેલા ચંડોળા તળાવમાં ગેરકાયદે વસતા બાંગ્લાદેશીઓને ખદેડવાની તેમ સાથે લલ્લા બિહારીના કાર્મ હાઉસ સહિત કાચા-પાકા મકાનો દૂર કરાવા પછી હવે ચંડોળા તળાવ અને આસપાસમાં વસતા ૮,૦૦૦ જેટલા ગૂંપડાવાસીઓને વૈકલ્પિક વ્યવસ્થાના ભાગરૂપે ગરીબ આવાસ યોજના (EWS) હેઠળ મકાનો ફાળવવાનો AMCએ મહત્વનો નિર્ણય લીધો છે. 

બંને દેશો વચ્ચે તણાવ

જમ્મુ અને કાશ્મીરના પહેલગામમાં થયેલા આતંકવાદી હુમલા બાદથી બંને દેશો વચ્ચે તણાવ વધી રહ્યો છે. ભારતે તાજેતરમાં પાકિસ્તાનમાં આતંકવાદી છાવણીઓ પર હવાઈ હુમલો કર્યો હતો. જેમાં ઘણા આતંકવાદીઓ માર્યા ગયા હતા. ત્યારથી, પાકિસ્તાન ગુસ્સે છે અને બદલો લેવાનો પ્રયાસ કરી રહ્યું છે. ભારતીય સેના પાકિસ્તાનના દરેક પ્રયાસને નિષ્ફળ બનાવી રહી છે. આ પછી પણ, પાકિસ્તાન પોતાની કાર્યવાહી બંધ કરી રહ્યું નથી.

જમ્મુ અને કાશ્મીરમાં હવાઈ સેવા બંધ

ઓપરેશન સિંદૂર શરૂ થયા પછી, પાકિસ્તાન ગુસ્સે છે. આ જ કારણ છે કે તે ઘણી જગ્યાએ હુમલો કરવાનો પ્રયાસ કરી રહ્યું છે. તાજેતરમાં જ જમ્મુ એરપોર્ટને નિશાન બનાવવાનો પણ પ્રયાસ કરવામાં આવ્યો હતો. જોકે, આ પહેલા સરકારે સરહદી વિસ્તારોમાં હવાઈ સેવા પર પ્રતિબંધ મૂક્યો હતો. આ ઉપરાંત, ઘણા વિસ્તારોમાં શાળાઓ પણ બંધ કરી દેવામાં આવી છે.

ક્યાંથી ક્યાં અને ક્યારે ટ્રેન દોડશે?

પહેલી ટ્રેન જમ્મુથી સવારે 10:45 વાગ્યે દોડશે, જેમાં 12 અનરિઝર્વ્ડ અને 12 રિઝર્વ્ડ કોચ હશે. બીજી ટ્રેન ઉધમપુરથી બપોરે 12:45 વાગ્યે દોડશે, જેમાં 20 કોચ સાથે વંદે ભારત રેક હશે. ત્રીજી ટ્રેન જમ્મુથી સાંજે 7 વાગ્યે દોડશે, જેમાં 22 LHB રિઝર્વ્ડ કોચ હશે. વર્તમાન પરિસ્થિતિને ધ્યાનમાં રાખીને આ ખાસ ટ્રેનો ચલાવવામાં આવી રહી છે.

રેલવેએ આ સંદર્ભમાં એક ટાઇમ ટેબલ પણ બહાર પાડ્યું છે

ભારત દ્વારા શરૂ કરાયેલા ઓપરેશન સિંદૂરને કારણે બંને દેશો વચ્ચે તણાવનું વાતાવરણ છે. પાકિસ્તાન સતત ભારત પર હુમલો કરવાના નિષ્ફળ પ્રયાસો કરી રહ્યું છે. ભારતીય સેના આ પ્રયાસોને નિષ્ફળ બનાવી રહી છે અને યોગ્ય જવાબ પણ આપી રહી છે. હાલમાં જમ્મુ-કાશ્મીરમાં હવાઈ સેવાઓ બંધ છે. આને ધ્યાનમાં રાખીને, રેલવેએ એક મોટો નિર્ણય લીધો છે. ભારતીય રેલવેએ કનેક્ટિવિટીને મજબૂત બનાવવા માટે એક મોટો નિર્ણય લીધો છે અને 3 નવી સ્પેશિયલ ટ્રેનો ચલાવવાનો નિર્ણય લીધો છે. આ ત્રણ ટ્રેનો દિલ્હીથી જમ્મુ અને ઉધમપુર વચ્ચે દોડશે. સ્પેશિયલ ટ્રેનો ચલાવવા પાછળ રેલ્વેનો ઉદ્દેશ્ય વધુ સારી કનેક્ટિવિટી પૂરી પાડવાનો છે. રેલ્વેએ આ ટ્રેનો ચલાવવાની યોજના બનાવી છે. રેલવેએ આ સંદર્ભમાં એક ટાઇમ ટેબલ પણ બહાર પાડ્યું છે.

India Pakistan War : રેલવેનો મોટો નિર્ણય, આ રૂટ પર દોડાવાશે 3 Special Train 

ભારત અને પાકિસ્તાન વચ્ચેના તણાવને ધ્યાનમાં રાખીને જમ્મુ અને કાશ્મીરમાં હવાઈ સેવાઓ સ્થગિત કરવામાં આવી છે. આનો સામનો કરવા માટે, ભારતીય રેલવેએ દિલ્હીથી જમ્મુ અને ઉધમપુર વચ્ચે ત્રણ નવી ખાસ ટ્રેનો શરૂ કરવાની યોજના બનાવી છે. વધુ સારી કનેક્ટિવિટી સુનિશ્ચિત કરવા અને મુસાફરોને સુવિધા પૂરી પાડવા માટે આ પગલું લેવામાં આવ્યું છે.

વાંચો 12 વાગ્યા સુધીના મહત્વના સમાચાર

01 - Gujaratના મહેમાન બન્યા યાયાવર પક્ષીઓ, છેલ્લા બે વર્ષમાં રાજ્યની ચાર ‘રામસર સાઈટ’

02 - BSF એ જૈશના 7 આતંકવાદીઓને ઠાર માર્યા, સાંબામાં ઘૂસણખોરીનો પ્રયાસ નિષ્ફળ

03 - Gandhinagar : મુખ્યમંત્રી ભૂપેન્દ્ર પટેલે બોલાવી સુરક્ષા સમીક્ષા બેઠક, અધિકારીઓ રહ્યાં હાજર

04 - India Pakistan War : આપણે પાકિસ્તાનને ગાઝા બનાવી દઈશું: સંરક્ષણ નિષ્ણાંત

05 - India Pakistan War : 1 મિનિટ અને 4 હજાર રાઉન્ડ ફાયરિંગ...

06 - IPL 2025: ભારત અને પાકિસ્તાનના તણાવ વચ્ચે IPL મામલે આજે મહત્વનો ફેંસલો

07 - India Pakistan War :ચંદીગઢમાં ફરી વાગ્યું સાયરન, IAFએ ડ્રોન હુમલાની ચેતવણી આપી

08 - Fact Check: પાકિસ્તાનના જુઠ્ઠાણાનો થયો મોટો પર્દાફાશ, PIBએ આપી આ જાણકારી

09 - Ahmedabad : પાડાના વાકે પખાલીને ડામ ! ભાજપના નેતા વચ્ચે લેટર યુદ્ધ

10 - India Pakistan War : જમ્મુથી લઈ જેસલમેર સુધી, પાકિસ્તાને કરી નાપાક હરકત

સેનાએ પાકિસ્તાનને યોગ્ય જવાબ આપ્યો, પાકિસ્તાન રડી રહ્યું છે : યોગી આદિત્યનાથ

ઉત્તર પ્રદેશના મુખ્યમંત્રી યોગી આદિત્યનાથે કહ્યું છે કે 22 એપ્રિલે પાકિસ્તાની આતંકવાદીઓએ પહેલગામ પર હુમલો કર્યો હતો. વડાપ્રધાન મોદી પાસે સંકલ્પ હતો અને આપણા સશસ્ત્ર દળોએ પાકિસ્તાનને યોગ્ય જવાબ આપ્યો છે. આપણે આપણા સશસ્ત્ર દળો સાથે ઉભા રહેવું પડશે અને તેમનું મનોબળ વધારવું પડશે. આજે તમે પાકિસ્તાનને દુનિયા સામે રડી રહ્યું છે તે જોઈ શકો છો. સોશિયલ મીડિયા પર વિવિધ પ્રકારની અફવાઓ ફેલાશે. આપણે વડાપ્રધાન મોદીના માર્ગદર્શન હેઠળ કામ કરતા રહેવું પડશે. ભારત દરેક પરિસ્થિતિમાં વિજયી છે અને ભવિષ્યમાં પણ વિજયી રહેશે.

રામસર સાઇટ્સ

ભારતની કુલ ૮૯ રામસર સાઇટ્સમાંથી ચાર રામસર સાઇટ્સ ગુજરાતમાં આવેલી છે. જેમાં, નળ સરોવર પક્ષી અભયારણ્ય, થોળ તળાવ વન્યજીવ અભયારણ્ય, ખીજડિયા વન્યજીવ અભયારણ્ય અને વઢવાણા વેટલેન્ડનો સમાવેશ થાય છે. દરિયાઈ રાષ્ટ્રીય ઉદ્યાન અને અભયારણ્ય, ખીજડિયા અભયારણ્ય, નળસરોવર અભયારણ્ય, છારી ઢંઢ, કન્ઝર્વેશન રિઝર્વ, કચ્છનું નાનું રણ-ઘૂડખર અભયારણ્ય, કચ્છનું મોટું રણ- કચ્છ રણ અભયારણ્ય અને પોરબંદર પક્ષી અભયારણ્ય જેવા બહુવિધ વેટલેન્ડ આધારિત રક્ષિત વિસ્તાર છે તેમ, વન વિભાગ દ્વારા વધુમાં ઉમેર્યું હતું.   

થોળ વન્યજીવ અભયારણ્ય 

વર્ષ ૨૦૨૧થી ‘રામસર સાઈટ’નો દરજ્જો ધરાવતા થોળ વન્યજીવ અભયારણ્યમાં વર્ષ ૨૦૨૪માં ૭૪ પ્રજાતિઓના કુલ ૫૫,૫૮૭ તેમજ વર્ષ ૨૦૨૫માં ૫૯ પ્રજાતિઓના કુલ ૨૬,૧૬૨ યાયાવર પક્ષીઓએ મહેમાન બન્યા હતા. વન્યજીવો અને પક્ષીઓના સંરક્ષણ અને સંવર્ધન માટે વન્યજીવો અને પક્ષીઓ માટે ઉનાળાની કાળઝાળ ગરમીમાં પણ પાણીની સુવિધા પૂરી પાડવામાં આવે છે. જ્યારે શિયાળામાં યાયાવર પક્ષીઓ ગુજરાતની ભૂમિને હંગામી આશ્રયસ્થાન- ઘર બનાવે છે, જે રાજ્યના નાગરિકો માટે ગૌરવની વાત છે.

વઢવાણા સરોવર-વેટલેન્ડ 

વઢવાણા સરોવરને વર્ષ ૨૦૨૧માં ‘રામસર સાઈટ’નો દરજ્જો આપવામાં આવ્યો છે. વર્ષ ૨૦૨૩-૨૪માં ૧૬૭ પ્રજાતિઓના કુલ ૫૮,૧૩૮ તેમજ વર્ષ ૨૦૨૪-૨૫માં ૧૪૫ પ્રજાતિઓના ૫૪,૧૬૯ યાયાવર પક્ષીઓએ વઢવાણા સરોવરની મુલાકાત લીધી હતી. જેમાં મુખ્યત્વે નોર્ધન પીન ટેઈલ, કોમન ટીલ, રૂડી શેલડક, ગ્રે લેમ ગ્રીમ,  સ્પુન બિલ્સ, પોન્ડ હેરોન, ગ્રેટર હેરોન, કોરમોરન્ટ, ડાર્ટર, સ્પોટ બીલ ડક, બ્લેક ટેલ ગોડબીટ, વેઈન્ટેડ સ્ટોર્ક, નોર્ધન શોવેલર, કુટ, બ્લેક વિન્મડ સ્ટીલ્ટ, રોસી સ્ટાર્લીંગ જેવા પક્ષીઓનો સમાવેશ થાય છે.

ખીજડીયા પક્ષી અભયારણ્ય જામનગર શહેરથી માત્ર ૧૩ કિ.મી. દૂર આવેલું છે

ભારત સરકાર દ્વારા વર્ષ ૧૯૮૨માં જાહેર કરાયેલું ખીજડીયા પક્ષી અભયારણ્ય જામનગર શહેરથી માત્ર ૧૩ કિ.મી. દૂર આવેલું છે જે ૬.૦૫ ચોરસ કિલોમીટર વિસ્તારમાં ફેલાયેલું છે. આ અભયારણ્ય મુખ્યત્વે બે ભાગ-૧ ધુવાવ તરફ અને ભાગ-૨ જાંબુડા તરફ વહેચાયેલું છે. ઈન્ડો-એશિયન ઉડ્ડયન માર્ગમાં ખીજડીયા મધ્યમાં આવે છે,  જે  યાયાવર પક્ષીઓ માટે વિસામાનું આદર્શ સ્થળ છે. તેમાંથી કેટલાક યાયાવર પક્ષીઓ સમગ્ર શિયાળા દરમિયાન આ વિસ્તારમાં જ નિવાસ કરે છે. આ અભયારણ્યને વર્ષ ૨૦૨૧માં ‘રામસર સાઈટ’નો દરજ્જો આપવામાં આવ્યો છે. 

ખીજડીયાના મહેમાન બની અભયારણ્યની શાનમાં વધારો કરે છે

ખીજડીયા પક્ષી અભયારણ્યમાં પાણી પર, જમીન પર, ઝાડ પર, કાદવ કીચડ, શિકારી તથા લાંબા પગ પગવાળા વગેરે પક્ષીઓ જોવા મળે છે. ખીજડીયા પક્ષી અભયારણ્યમાં અત્યાર સુધીમાં કુલ  ૩૧૪ જેટલી પક્ષીની પ્રજાતીઓ જોવા મળી છે. જેમાં ૧૭૦ જેટલા યાયાવર પક્ષીઓ જેવા કે  સાઈબેરીયા, પાકિસ્તાન, અફઘાનિસ્તાન, મોંગેલીયા, ઈરાક, ઇરાન, યુરોપ, સાઉથ અમેરિકા વગેરે જેવા દેશોમાંથી આવીને ખીજડીયાના મહેમાન બની અભયારણ્યની શાનમાં વધારો કરે છે. 

ખીજડીયા પક્ષી અભયારણ્ય-જામનગર 

જામનગર જિલ્લામાં આવેલા મરીન નેશનલ પાર્ક-ખીજડીયા પક્ષી અભયારણ્યમાં વર્ષ ૨૦૨૪માં ૨૮૬ પ્રજાતિઓના ૨,૨૫,૧૬૯ તેમજ વર્ષ ૨૦૨૫માં સૌથી વધુ ૨૯૧ પ્રજાતિઓના ૩,૦૯,૦૬૨ એમ કુલ ૫.૩૪ લાખથી વધુ સ્થળાંતરીત પક્ષીઓ મુલાકાતે આવ્યા હતા.

નળ સરોવર પક્ષી અભયારણ્ય-અમદાવાદ 

વર્ષ ૨૦૨૪-૨૫માં ૨૭૬ પ્રજાતિઓના સૌથી વધુ કુલ ૬.૯૧ લાખથી વધુ યાયાવર પક્ષીઓ નળસરોવરની મુલાકાતે આવ્યા હતા. આ પક્ષીઓમાં મુખ્યત્વે સોવલર, પિન્ટેલ, ગોડવિટ, ગુઝ, પેલિકન, ફ્લેમિંગો, ગર્ગીની, પોચારડ, ઇગલ, ક્રેન, વેડર્સ, સ્ટ્રોક, કૂટ, સ્પૂન બિલ, ઇગ્રેટની વગેરેના પ્રજાતિઓના પક્ષીઓ જોવા મળે છે. મધ્ય એશિયાના પથ વે પર આવતા નળ સરોવરને વર્ષ ૧૯૬૯માં પક્ષી અભિયારણ્યનો જ્યારે વર્ષ ૨૦૧૨માં ‘રામસર સાઇટ’નો દરજ્જો આપવામાં આવ્યો હતો. આ સરોવર અંદાજે ૧૨૦ ચો. કી.મી વિસ્તારમાં ફેલાયલું છે. દર વર્ષે યાયાવર પક્ષીઓ નળસરોવરમાં આવી રોકાણ કરતા હોવાથી અત્યાર સુધીમાં કુલ ૩૨૮ કરતા વધારે પક્ષીની જાતો નોંધાઈ છે. વન વિભાગ દ્વારા દર બીજા વર્ષે પક્ષીઓની અંદાજીત ગણતરી કરવામાં આવે છે. 

યાયાવર પક્ષીઓ માટે વધુ સુરક્ષિત રાજ્ય ગુજરાત

ઇકોસિસ્ટમ, લુપ્તપ્રાય વનસ્પતિ, વન્ય પ્રાણી સૃષ્ટિને બચાવવા અને પર્યાવરણનું જતન કરવા વડાપ્રધાન નરેન્દ્ર મોદી ગુજરાતના મુખ્યમંત્રી હતા ત્યારથી તેમણે કડક કાયદાઓ, નિયમો અને યોજનાઓ અમલમાં મૂકી છે. વન્ય જીવ સંરક્ષણ-સંવર્ધનના આ અભિયાનને મુખ્યમંત્રી ભૂપેન્દ્ર પટેલના માર્ગદર્શનમાં અને વન મંત્રી મુળુભાઈ બેરા તેમજ રાજ્ય વન મંત્રી  મુકેશભાઈ પટેલના નેતૃત્વમાં વન વિભાગ સુપેરે આગળ ધપાવી રહ્યો છે. જેના ફળરૂપે ગુજરાત છેલ્લા દોઢ દાયકાથી પ્રાણીઓ - યાયાવર પક્ષીઓ માટે વધુ સુરક્ષિત રાજ્ય બન્યું છે. જેથી ગુજરાત સમગ્ર દેશમાં ‘પક્ષી જીવન’ માટે ‘સ્વર્ગ’ તરીકે ઉભરી આવ્યું છે. 

Gujaratના મહેમાન બન્યા યાયાવર પક્ષીઓ, છેલ્લા બે વર્ષમાં રાજ્યની ચાર ‘રામસર સાઈટ’

ગુજરાત સહિત સમગ્ર વિશ્વમાં દર વર્ષે ૧૦ મેના રોજ ‘વિશ્વ સ્થળાંતર-યાયાવર પક્ષી’ દિવસ તરીકે ઉજવવામાં આવે છે, જેની થીમ આ વર્ષે પક્ષી-મૈત્રીપૂર્ણ શહેરો અને સમુદાયોનું નિર્માણ નક્કી કરવામાં આવી છે. આ દિવસની ઉજવણીના સંદર્ભે વર્ષ ૨૦૨૩ થી ૨૦૨૫ એમ છેલ્લા બે વર્ષમાં રાજ્યની ચાર ‘રામસર સાઈટ’ વિસ્તારમાં અંદાજે ૧૪.૨૦ લાખથી વધુ યાયાવર પક્ષીઓ ગુજરાતના મહેમાન બન્યા છે એટલે કે, તેમના માટે ગુજરાત પહેલી પસંદગીનું સુરક્ષિત અને મૈત્રીપૂર્ણ રાજ્ય બન્યું છે. જે સૌ ગુજરાતીઓ માટે ગૌરવ સમાન છે. આ પક્ષીઓ મુખ્યત્વે નવેમ્બરથી ફેબ્રુઆરી માસ દરમિયાન ગુજરાતના પ્રવાસે આવે છે તેમ, વન વિભાગ દ્વારા જણાવાયું હતું.

ગુજરાતમાં 3 જિલ્લાઓ હાઈએલર્ટ પર છે

ગુજરાતના ત્રણ સરહદી જિલ્લાઓ કચ્છ, બનાસકાંઠા અને પાટણમાં ખાસ એલર્ટ જાહેર કરવામાં આવ્યું છે. આ જિલ્લાઓ પાકિસ્તાન સાથેની આંતરરાષ્ટ્રીય સરહદને અડીને આવેલા છે, જેના કારણે સુરક્ષા એજન્સીઓએ ચેકિંગ અને નિરીક્ષણની કામગીરી તેજ કરી છે. બોર્ડર સિક્યોરિટી ફોર્સ (BSF), મરીન પોલીસ અને સ્પેશિયલ ઓપરેશન ગ્રૂપ (SOG)ની ટીમોને સરહદી વિસ્તારોમાં તૈનાત કરવામાં આવી છે. સરહદી વિસ્તારોમાં રેલવે સ્ટેશનો અને અન્ય સંવેદનશીલ સ્થળો પર નિરીક્ષણ વધારવામાં આવ્યું છે. સરકારે ખોટા સમાચાર અને અફવાઓને રોકવા માટે પણ અધિકારીઓને સૂચના આપી છે.

ગૃહ રાજ્યમંત્રી હર્ષઈ સંઘવી SEOC ખાતે બેઠકમાં હાજર

ગુજરાત એકમના ત્રણેય સેનાના અધિકારી પણ બેઠકમાં હાજર રહ્યાં છે, કોસ્ટગાર્ડ, BSF ગુજરાત ફ્રન્ટિયરના DG અને રાજ્યના મુખ્ય સચિવ અને DGP ઉપસ્થિત રહ્યાં હતા, તો સરકારના તમામ વિભાગના વડાઓ ઉપસ્થિત રહ્યાં છે, કચ્છ, બનાસકાંઠા, પાટણ જિલ્લો હાઈએલર્ટ પર મૂકાયો છે તો તમામ જિલ્લા કલેક્ટર અને જિલ્લાના SP બેઠકમાં જોડાયા છે. 

Gandhinagar : સરહદ પર તણાવની સ્થિતિ વચ્ચે મુખ્યમંત્રી ભૂપેન્દ્ર પટેલે બોલાવી સુરક્ષા સમીક્ષા બેઠક 

પાકિસ્તાન દ્વારા કથિત ડ્રોન અને મિસાઈલ હુમલાના પ્રયાસોને ભારતીય સશસ્ત્ર દળોએ નિષ્ફળ કર્યા બાદ ગુજરાત સરકાર એલર્ટ થઈ ગઈ છે.CM ભૂપેન્દ્ર પટેલે ઉચ્ચસ્તરીય બેઠક બોલાવી છે, સરહદ પર તણાવની સ્થિતિ વચ્ચે સુરક્ષા સમીક્ષાની બેઠક બોલાવવામાં આવી છે, આ બેઠકમાં ગૃહ રાજયમંત્રી હર્ષ સંઘવી પણ હાજર રહ્યા છે, ગઈકાલે રાત્રે પણ હર્ષ સંઘવીએ બેઠક યોજી હતી.

રાજસ્થાનના જેસલમેરમાં વધુ એક ડ્રોન હુમલો કરવાનો પ્રયાસ, ભારતે તેને તોડી પાડ્યો

રાજસ્થાનના જેસલમેરના રામગઢમાં વહેલી સવારે વધુ એક ડ્રોન હુમલો કરવાનો પ્રયાસ કરવામાં આવ્યો. આ પ્રયાસ સવારે લગભગ 4.30 વાગ્યે કરવામાં આવ્યો હતો. આ હુમલો BSF વિસ્તાર પર હતો. ભારતીય વાયુ સંરક્ષણ પ્રણાલીએ સમયસર ડ્રોનને તોડી પાડ્યું. સરહદી વિસ્તાર રામગઢ હજુ પણ નિશાન પર છે. રામગઢને જેસલમેરનો સૌથી સંવેદનશીલ વિસ્તાર માનવામાં આવે છે.

ભારત દ્વારા તોડી પાડવામાં આવેલા પાકિસ્તાનના સ્વોર્મ ડ્રોન કેવા છે?

ગુરુવારે સાંજે પાકિસ્તાને સ્વોર્મ ડ્રોનથી ભારત પર હુમલો કરવાનો પ્રયાસ કર્યો હતો. તેમની ખાસિયત એ છે કે આ હુમલામાં એકસાથે ઘણા ડ્રોન સામેલ છે. જોકે, ભારતે બદલો લેતા તેમને નષ્ટ કરી દીધા. આ ટેકનિક દુશ્મનની હવાઈ સંરક્ષણ પ્રણાલીમાં ઘૂસી શકે છે. સ્વોર્મ ડ્રોન એકસાથે અનેક ખૂણાથી લક્ષ્ય પર હુમલો કરી શકે છે. આની મદદથી, રડાર એન્ટેના, શસ્ત્ર પ્રણાલીઓ અથવા કમાન્ડ સેન્ટર જેવા મહત્વપૂર્ણ લક્ષ્યોને નિશાન બનાવી શકાય છે.

ZU 23mm સિસ્ટમમાં શું ખાસ છે?

ZU 23mm સિસ્ટમ સોવિયેત યુનિયનથી લાવવામાં આવી હતી. તેનું પૂરું નામ ZU-23 MM એન્ટિ એરક્રાફ્ટ ગન સિસ્ટમ છે. ભારતમાં લાવ્યા પછી, તેમાં ઘણા ફેરફારો અને નવી ટેકનોલોજી ઉમેરવામાં આવી. તેની સૌથી ખાસ વિશેષતા એ છે કે તેમાં ઇલેક્ટ્રો-ઓપ્ટિકલ ફાયર કંટ્રોલ સિસ્ટમ છે, જેની મદદથી તે દુશ્મનને પોતાની મેળે ટ્રેક કરી શકે છે. આ સાથે, તે તેનો નાશ કરી શકે છે. તેના લાંબા બેરલને કારણે, તે લાંબા અંતરથી હુમલો કરી શકે છે. આ સિસ્ટમ એકલા ચલાવી શકાતી નથી. તેને ચલાવવા માટે બે લોકોની જરૂર પડે છે. તે એક મિનિટમાં 4000 ગોળીઓ ચલાવે છે. તે 4 કિલોમીટર સુધી અત્યંત ચોકસાઈથી હુમલો કરે છે. ભારત પાસે આ શસ્ત્રોનો સંપૂર્ણ ભંડાર છે જે પાકિસ્તાનને નષ્ટ કરવા માટે પૂરતો છે.

L-70 ની વિશેષતા

L-70 મૂળભૂત રીતે સ્વીડિશ સંરક્ષણ પ્રણાલી છે. ભારતે BEL સાથે મળીને તેને અપગ્રેડ કરી છે અને ઘણા મોટા ફેરફારો કર્યા છે. તેની વિશેષતા એ છે કે તે 4 કિલોમીટર સુધીના અંતરમાં લક્ષ્યોને સંપૂર્ણપણે નષ્ટ કરી શકે છે. તેનો ઉપયોગ ખાસ કરીને ટૂંકા અંતરના ડ્રોન અને હવાઈ હુમલાઓને તોડી પાડવા માટે થાય છે. આ ટેકનોલોજીની મદદથી ઘણા પાકિસ્તાની ડ્રોનને તોડી પાડવામાં આવ્યા છે. તે રડાર અનુસાર લક્ષ્યાંક બનાવે છે.

જે એક મિનિટમાં 4000 થી વધુ રાઉન્ડ ફાયર કરી શકે છે

પાકિસ્તાન તરફથી વધી રહેલા ડ્રોન હુમલાઓને ધ્યાનમાં રાખીને, ભારતે તેની હવાઈ સંરક્ષણ પ્રણાલીને સક્રિય કરી છે. L-70 અને ZSU-23-4 શિલ્કા જેવી ડ્રોન વિરોધી ગન તૈનાત કરવામાં આવી છે. આ શસ્ત્રો ઓછી ઊંચાઈ પર ઉડતા ડ્રોન અને UAV ના ટોળાને ખતમ કરવામાં સફળ રહ્યા છે. આ ઉપરાંત, S-400 મિસાઈલ સિસ્ટમે પણ ઘણી મિસાઈલોને સફળતાપૂર્વક અટકાવી છે.

L-70 ગન, Zu-23mmનો સમાવેશ થાય છે

ભારત દ્વારા શરૂ કરાયેલા ઓપરેશન સિંદૂર પછી, પાકિસ્તાન સામે ઝડપી કાર્યવાહી કરવામાં આવી રહી છે. આ કાર્યવાહીથી પાકિસ્તાનમાં ગભરાટ સ્પષ્ટપણે જોવા મળ્યો છે. 8 મેની રાત્રે, પાકિસ્તાને ભારતના ઘણા વિસ્તારો પર ડ્રોન હુમલા કરવાનો પ્રયાસ કર્યો, પરંતુ આ પ્રયાસ માત્ર એક પ્રયાસ સાબિત થયો. કારણ કે ભારતે બદલામાં 50 થી વધુ ડ્રોનને તોડી પાડ્યા હતા.ભારતીય સેનાએ પાકિસ્તાનના ડ્રોન હુમલાઓનો સામનો કરવા માટે ફક્ત બે તકનીકોનો ઉપયોગ કર્યો હતો, જેમાં L-70 ગન, Zu-23mmનો સમાવેશ થાય છે. 

India Pakistan War : ભારતની આ સિસ્ટમે 1 મિનિટમાં 4 હજાર રાઉન્ડ ફાયર કરી તોડી પાડયું પાકિસ્તાની ડ્રોન

પાકિસ્તાને છેલ્લા દિવસોમાં ભારત પર હુમલો કરવાના નિષ્ફળ કાવતરામાં ડ્રોન હુમલા કર્યા હતા. જોકે, ભારતની L-70 અને ZU 23mm સિસ્ટમોએ 50 થી વધુ પાકિસ્તાની ડ્રોનને તોડી પાડ્યા હતા. સેનાએ કહ્યું કે દેશની સુરક્ષામાં કોઈ કસર છોડવામાં આવશે નહીં. 

જમ્મુ અને ઉધમપુરથી દિલ્હી માટે 3 ખાસ ટ્રેનો ચલાવવાની યોજના

ભારતીય રેલ્વેએ જણાવ્યું હતું કે વર્તમાન પરિસ્થિતિને ધ્યાનમાં રાખીને, જમ્મુ અને ઉધમપુરથી દિલ્હી માટે ત્રણ ખાસ ટ્રેનો ચલાવવાની યોજના છે.

એક સોશિયલ મીડિયા પોસ્ટમાં દાવો કરવામાં આવ્યો હતો કે ભારતીય સેનાએ અમૃતસર અને તેના પોતાના નાગરિકો પર હુમલો કરવા માટે અંબાલા એરબેઝનો ઉપયોગ કર્યો હતો. પીઆઈબીને આ દાવો સંપૂર્ણપણે ખોટો લાગ્યો.

સોશિયલ મીડિયા પર એક પત્રમાં દાવો કરવામાં આવ્યો હતો કે ચીફ ઓફ આર્મી સ્ટાફ (COAS) જનરલ વીકે નારાયણે ઉત્તરી કમાન્ડના આર્મી ઓફિસરને લશ્કરી તૈયારીઓ વિશે એક ગુપ્ત પત્ર મોકલ્યો હતો. પીઆઈબીએ તેની તપાસ કરી અને જાણવા મળ્યું કે જનરલ વીકે નારાયણ સીઓએએસ નથી અને આ પત્ર સંપૂર્ણપણે ખોટો છે.

જમ્મુ અને કાશ્મીરના રાજૌરીમાં આર્મી બ્રિગેડ પર થયેલા આત્મઘાતી હુમલા વિશે એક પોસ્ટ શેર કરવામાં આવી રહી છે. તપાસમાં જાણવા મળ્યું છે કે કોઈપણ આર્મી કેમ્પ પર આવો કોઈ હુમલો થયો નથી.

સોશિયલ મીડિયા પર એક જૂનો વીડિયો શેર કરવામાં આવ્યો હતો જેમાં દાવો કરવામાં આવ્યો હતો કે પાકિસ્તાને બદલો લેવા માટે ભારત પર મિસાઇલ હુમલો કર્યો હતો. PIB એ વીડિયોની તપાસ કર્યા પછી પાકિસ્તાનનો પર્દાફાશ કર્યો. તપાસમાં જાણવા મળ્યું કે શેર કરાયેલો વીડિયો ખરેખર વર્ષ ૨૦૨૦ માં લેબનોનના બેરૂતમાં થયેલા વિસ્ફોટક હુમલાનો હતો.

પાકિસ્તાની સેના દ્વારા એક વીડિયો જાહેર કરવામાં આવ્યો હતો જેમાં દાવો કરવામાં આવ્યો હતો કે પાકિસ્તાને એક ભારતીય ચોકીનો નાશ કર્યો છે. તપાસમાં જાણવા મળ્યું છે કે પાકિસ્તાન દ્વારા કરવામાં આવેલા દાવા મુજબ, ભારતીય સેનામાં "20 રાજ બટાલિયન" નામની કોઈ યુનિટ નથી. પાકિસ્તાન આ વીડિયો દ્વારા જનતાને ગેરમાર્ગે દોરી રહ્યું છે.

સોશિયલ મીડિયા પર એક વીડિયો શેર કરવામાં આવી રહ્યો છે જેમાં દાવો કરવામાં આવી રહ્યો છે કે CT કોલેજ પર ડ્રોન હુમલા થયા છે, જ્યારે PIB ની તપાસમાં જાણવા મળ્યું છે કે આ વીડિયો ખેતરમાં લાગેલી આગનો છે.

PIB આ ખોટી સોશિયલ મીડિયા પોસ્ટ્સ અને સમાચારોનો પણ પર્દાફાશ કર્યો

PIB એ કહ્યું કે પાકિસ્તાન ભારતમાં ખોટા સમાચાર ફેલાવવાનો પ્રયાસ કરી રહ્યું છે. આ પાછળનું કારણ ભારતીયોમાં ભય પેદા કરવાનો છે. PIB આ ખોટી સોશિયલ મીડિયા પોસ્ટ્સ અને સમાચારોનો પણ પર્દાફાશ કરી રહ્યું છે. સોશિયલ મીડિયા પર ઘણા બધા વીડિયો અને ફોટા શેર કરવામાં આવી રહ્યા છે જેની વાસ્તવિકતા કંઈક અલગ જ છે. જ્યારે પ્રેસ ઇન્ફર્મેશન બ્યુરો એટલે કે PIB એ આ દાવાની તપાસ કરી, ત્યારે જાણવા મળ્યું કે આ વીડિયો ખોટા દાવા સાથે સોશિયલ મીડિયા પર શેર કરવામાં આવી રહ્યો છે.

ભારત દ્વારા શરૂ કરાયેલા ઓપરેશન સિંદૂર બાદ પાકિસ્તાન ગુસ્સે છે

આ જ કારણ છે કે તે પોતાની નિષ્ફળતા છુપાવવા માટે જુઠ્ઠાણાનો આશરો લઈ રહ્યું છે અને ભારતીય સેનાને બદનામ કરવાનો પ્રયાસ કરી રહ્યું છે. જોકે, ભારતે પોતાની જુઠ્ઠાણાની દુકાન બંધ કરી દીધી છે. પાકિસ્તાન દ્વારા કરવામાં આવેલા ઘણા દાવાઓની સત્યતા સામે આવી છે. PIB એ પાકિસ્તાનના જુઠ્ઠાણાઓનો પર્દાફાશ કર્યો છે અને દાવાઓની સત્યતા પણ જણાવી છે.

Fact Check: પાકિસ્તાનના જુઠ્ઠાણાનો થયો મોટો પર્દાફાશ, PIBએ આપી આ જાણકારી 

ભારત પાકિસ્તાનના પ્રચાર પર પણ હુમલો કરી રહ્યું છે, PIB એ જુઠ્ઠાણાની વાતનો પર્દાફાશ કર્યો છે, ભારતના ઓપરેશન સિંદૂર પછી પાકિસ્તાન ખોટા પ્રચારમાં વ્યસ્ત છે. PIB એ પાકિસ્તાન દ્વારા ફેલાવવામાં આવી રહેલા સાત ખોટા સમાચારોનો પર્દાફાશ કર્યો છે. આમાં CT કોલેજ પર ડ્રોન હુમલાથી લઈને ભારતીય સેના પર ખોટા હુમલા સુધીના દાવાઓનો સમાવેશ થાય છે. PIB એ સોશિયલ મીડિયા પર ફેલાયેલી ભ્રામક માહિતીની તપાસ કરી છે અને સત્ય બહાર લાવ્યું છે, જેનાથી પાકિસ્તાનનો પ્રચાર ખુલ્લો પડ્યો છે.

પાકિસ્તાને LoC પર ચીની બંદૂકોથી ગોળીબાર કર્યો, 2 માર્યા ગયા

પાકિસ્તાન ભારતીય ચોકીઓને નિશાન બનાવવા માટે ચીની બનાવટની SH-15 આર્ટિલરી ગનનો ઉપયોગ કરી રહ્યું છે. ગઈકાલે રાત્રે થયેલા ગોળીબારમાં પૂંછમાં 1 અને ઉરીમાં 1નું મોત થયું હતું.

ગાંધીનગરના સ્ટેટ ઇમરજન્સી ઓપરેશન સેન્ટર પર યોજાઈ હતી બેઠક 

દેશમાં વર્તમાન સ્થિતિને ધ્યાનમાં રાખીને ગુજરાત સરહદી રાજ્ય હોવાથી સરહદી જિલ્લાની પરિસ્થિતિ પર સતત નજર રાખવા મુખ્યમંત્રી  ભૂપેન્દ્ર પટેલની સૂચનાથી સ્ટેટ ઇમરજન્સી ઓપરેશન સેન્ટર, ગાંધીનગર ખાતે ગૃહ રાજ્ય મંત્રી હર્ષ સંઘવીના અધ્યક્ષ સ્થાને ઈમરજન્સી સમીક્ષા બેઠક યોજાઈ હતી. જેમાં મંત્રીએ સંબંધિત જિલ્લાના કલેક્ટરો તથા જિલ્લા પોલીસ વડાઓ સાથે ટેલીફોનીક વાત કરી સ્થાનિક સ્થિતિ અંગે જાણકારી મેળવીને કોઈ અનિચ્છનીય બનાવ ન બને, કોઈ પેનિક ન થાય તથા વિશેષ તકેદારી રાખવામાં આવે તે માટે જરૂરી સાવચેતીના પગલાં ભરવા સૂચનાઓ આપી. આ બેઠકમાં મુખ્ય સચિવ  પંકજ જોશી, અધિક મુખ્ય સચિવ જયંતિ રવિ, રાહત કમિશનર આલોક કુમાર પાંડે અને ગુજરાત પોલીસ વડા વિકાસ સહાય સહિતના ઉચ્ચ અધિકારીઓ ઉપસ્થિત છે.

Dwarka ઓખાના દરિયામાં સુરક્ષાને લઈ કરાયો વધારો, સમુદ્રમાં કોસ્ટગાર્ડ અને મરીન પોલીસનું સંયુક્ત પેટ્રોલિંગ

દ્વારકાના ઓખામાં દરિયામાં સુરક્ષાને લઈ વધારો કરવામાં આવ્યો છે, સમુદ્રમાં કોસ્ટગાર્ડ અને મરીન પોલીસનું સંયુકત પેટ્રોલિંગ ચાલી રહ્યું છે, તો માછીમારોને અને સ્થાનિકોને સરહદી સીમા નજીક ન જવા સૂચના આપવામાં આવી છે, તો પોલીસ અને કોસ્ટગાર્ડની સતત નજર સીમા વિસ્તારમાં છે, હાલ ભારત પાકિસ્તાનના યુદ્ધને લઈને દેવભૂમિ દ્વારકા જિલ્લાના દરિયાઈ વિસ્તારની સુરક્ષામાં વધારો કરવામાં આવ્યો છે.

ઓમર અબ્દુલ્લા જમ્મુ પહોંચી રહ્યા છે, એલજી સિન્હા ઉરી જઈ શકે છે

જમ્મુ કાશ્મીરના લેફ્ટનન્ટ ગવર્નર મનોજ સિન્હા આજે ઉરી જઈ શકે છે. ડીજી જમ્મુ અને કાશ્મીર પોલીસ પણ તેમની સાથે આવી શકે છે. મુખ્યમંત્રી ઓમર અબ્દુલ્લા પણ જમ્મુ પહોંચી રહ્યા છે. પાકિસ્તાને ઉરી પર હુમલો કરીને તેને નિશાન બનાવ્યું છે.

જો સરપંચના પતિ ભ્રષ્ટ્રાચાર કરે છે તો સાંસદ ACBને જાણ નથી કરી શકતા ?

ધારાસભ્ય સાથે જે સત્તા નથી તે સત્તાને લઈ સાંસદે પત્ર લખ્યો છે, પરંતુ સાંસદે પણ ભૂલથી પત્ર લખ્યો હોય તેવું લાગી રહ્યું છે, ત્યારે જો ગામના સરપંચ ભ્રષ્ટ્રાચાર કરતા હોય તો કલેકટર, જિલ્લાવિકાસ અધિકારી અને એન્ટી કરપ્શન બ્યુરોને જાણ કરોને ધારાસભ્યને પત્ર લખી જાણ કરવાથી શું થશે  ? શું ધારાસભ્ય પાસે આ બાબતની સત્તા છે કે નહી તે સાંસદને ખબર નથી ? આ ધંધાકીય અને અંગત બાબતમાં પત્ર લખાયો હોય અને ગ્રામજનોની ફરિયાદ એ કોઈ રાજકીય હેતુ માટે થઈ હોય એવું લાગી રહ્યું છે.

સાંસદ અને સરપંચના પુત્ર વચ્ચે ધંધાને લઈ ચાલે છે વિવાદ 

તો સમગ્ર ઘટનામાં વાત એવી છે કે સાંસદ અને સરપંચના પુત્ર વચ્ચે ધંધાને લઈ વિવાદ ચાલી રહ્યો છે અને તે વિવાદમાં ધારાસભ્ય બાબુસિંહ જાદવને ખોટી રીતે લેટર લખવામાં આવ્યો હોય તેવી વાત સામે આવી છે, તો બાબસિંહ જાદવનું કહેવું છે કે ગ્રામજનો દ્વારા પણ મને કોઈ ફરિયાદ કરવામાં આવી નથી, તો સાંસદે શું કામ ધારાસભ્યને કામ વગરનો પત્ર લખ્યો હશે તે ચર્ચાએ જોર પકડયું છે, જાણે સાસંદ અને સરપંચના પુત્ર વચ્ચેની લડાઈમાં અન્ય કોઈને ખોટી રીતે વચ્ચે નાખી હેરાન કરવાની વાત હોય તેવું લાગી રહ્યું છે.

વટવાના ધારાસભ્યએ પણ હસમુખ પટેલને વળતો પત્રથી આપ્યો જવાબ 

તો બીજી તરફ બાબુસિંહ જાદવે કહ્યું કે, સાસંદ હસમુખ પટેલનો કોઈ પત્ર તેમને મળ્યો નથી, આ તો વટવાના ધારાસભ્યને મીડિયાના અહેવાલથી જાણ થઈ છે, તો બાબુસિંહે પત્રમાં એ પણ લખ્યું છે કે, ધારાસભ્ય પાસે કોઈ એવી સત્તા નથી કે તે ગામના સરપંચ સામે કાર્યવાહી કરી શકે, તો પત્રની નકલ મને મોકલી આપો તેવી વિન્રમ વાત ધારાસભ્યે કરી છે.

અમદાવાદ પૂર્વ વિસ્તારના સાંસદે ધારાસભ્ય બાબુસિંહને લખ્યો પત્ર

તો સાંસદે ધારાસભ્યને પત્ર લખ્યો છે કે  ધામતવાણ ગામના સરપંચના પતિ સરપંચની બદલે વહીવટ કરી રહ્યાં છે તેવી વાત ઉચ્ચારી છે, તો સરપંચના પતિ ઈન્ડસ્ટ્રિયલ શેડ બાંધવા માટેની રજાચિઠ્ઠી આપવા બાબતે તેમજ અન્ય રીતે આર્થિક ભ્રષ્ટાચાર આચરે છે તેવી વાત પત્રમાં લખી છે સાથે સાથે ગ્રામજનોને કાયદાનો ડર બતાવીને અથવા ખોટા કેસમાં ફસાવી દેવાની ધમકી આપીને ચૂપ કરાવી દેવાય છે તો આક્ષેપ કરવામાં આવ્યો છે, ત્યારે આવી ગંભીર ફરિયાદોની સ્થાનિક જીલ્લા પંચાયતના સદસ્ય, તાલુકા પંચાયતના સદસ્ય તેમજ અન્ય આગેવાનો પાસેથી માહિતી મેળવીને ગ્રામજનોને યોગ્ય ન્યાય મળે તે માટે અને પંચાયતનો વહીવટ નિયમ પ્રમાણે ચાલે અને કસુરવાર સામે ન્યાયોચિત કાર્યવાહી થાય તે માટે સક્ષમ સત્તાવાળાઓ સમક્ષ આપને રજૂઆત કરવા માટે ભલામણ છે આવા પત્રથી ખળભળાટ મચ્યો છે.

Ahmedabad : પાડાના વાકે પખાલીને ડામ ! ભાજપના સાસંદ અને ધારાસભ્ય અને વચ્ચે લેટર યુદ્ધ શરૂ 

અમદાવાદ શહેરના પૂર્વ વિસ્તારના સાંસદ હસમુખ પટેલે વસ્ત્રાલના ધારાસભ્ય બાબુસિંહ જાદવને પત્ર લખ્યો છે, અને તે પત્રમાં જાણ કરી છે કે, ધામતવાણ ગામના સરપંચના પતિ ભ્રષ્ટ્રાચાર કરી રહ્યાં છે અને તે મામલે ધારાસભ્ય કાર્યવાહી કરે તો, સાંસદ ભૂલી ગયા લાગે છે કે ભાઈશ્રી કાર્યવાહી ધારાસભ્ય કરતા ના હોય તે કાર્યવાહી કલેકટર અને ડીડીઓ લેવલથી થતી હોય છે, ત્યારે પાડાના વાંકે પખાલીને ડામ જેવી સ્થિતિનું સર્જન થયું છે.

પહેલગામ હુમલો

ભારત અને પાકિસ્તાન વચ્ચે આ તણાવ 22 એપ્રિલના રોજ જમ્મુ અને કાશ્મીરના પહેલગામમાં થયેલા હુમલાથી શરૂ થયો હતો. પહેલગામમાં થયેલા હુમલામાં 26 પ્રવાસીઓ માર્યા ગયા હતા. આ હુમલા બાદ સમગ્ર દેશમાં આ હુમલા અંગે ગુસ્સો છવાઈ ગયો હતો અને ત્યારબાદ ભારતે ઓપરેશન સિંદૂર શરૂ કર્યું હતું. આ ઓપરેશન હેઠળ ભારતે પાકિસ્તાનમાં હવાઈ હુમલા કર્યા હતા અને 9 આતંકવાદી ઠેકાણાઓ પર હુમલો કરીને તેમને નષ્ટ કરી દીધા હતા.

ભારતે વળતો જવાબ આપ્યો

ભારતે પાકિસ્તાનના સાત મુખ્ય શહેરો પર વળતો હુમલો કર્યો છે. તેમાં પેશાવર, ઇસ્લામાબાદ, કરાચી જેવા શહેરોનો સમાવેશ થાય છે. ભારતે જે પાકિસ્તાની શહેરો પર વળતો હુમલો કર્યો છે તેમાં સિયાલકોટ અને રાવલપિંડીનો સમાવેશ થાય છે. પાકિસ્તાનની એન્ટી-ડ્રોન સિસ્ટમ સંપૂર્ણપણે નાશ પામી છે.

ઘણી જગ્યાએ બ્લેકઆઉટ

પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નાલ, ફલોદી અને ઉત્તરલાઈ જેવા સ્થળોને નિશાન બનાવવાનો પ્રયાસ કરવામાં આવ્યો હતો, પરંતુ ભારતીય સેનાએ ઇન્ટિગ્રેટેડ કાઉન્ટર યુએસ ગ્રીડ અને એડવાન્સ્ડ એર ડિફેન્સ સિસ્ટમ્સ દ્વારા તમામ ડ્રોન અને મિસાઇલોને તોડી પાડ્યા હતા. આ સાથે, ચંદીગઢમાં પણ બ્લેકઆઉટ લાદવામાં આવ્યું છે. અમૃતસરમાં હવાઈ હુમલાની ચેતવણી ચાલુ છે અને બ્લેકઆઉટ લાદવામાં આવ્યો છે. ઉપરાંત, લોકોને તેમના ઘરોમાં રહેવાની અપીલ કરવામાં આવી છે, શાળાઓ બંધ કરવામાં આવી છે.

હવાઈ ખતરાનો સામનો કરવા માટે સેનાની મજબૂત ક્ષમતા દર્શાવે છે

સૂત્રોના જણાવ્યા અનુસાર, જ્યારે પાકિસ્તાને નિયંત્રણ રેખા (LoC) અને આંતરરાષ્ટ્રીય સરહદ (IB) પર વિવિધ સ્થળોએ ડ્રોનના ટોળા મોકલવાનો નિષ્ફળ પ્રયાસ કર્યો, ત્યારે ઉધમપુર, સાંબા, જમ્મુ, અખનૂર, નાગરોટા અને પઠાણકોટ સેક્ટરમાં ભારતીય સેનાના હવાઈ સંરક્ષણ એકમોએ મોટા પાયે કાઉન્ટર-ડ્રોન ઓપરેશન દરમિયાન 50 થી વધુ ડ્રોનને સફળતાપૂર્વક નિષ્ક્રિય કર્યા. આ યુદ્ધમાં L-70 બંદૂકો, Zu-23MM, શિલ્કા સિસ્ટમ્સ અને અન્ય અદ્યતન કાઉન્ટર-UAS સાધનોનો વ્યાપક ઉપયોગ સામેલ હતો, જે હવાઈ ખતરાનો સામનો કરવા માટે સેનાની મજબૂત ક્ષમતા દર્શાવે છે.

પાકિસ્તાને ક્યાં નાપાક પ્રયાસો કર્યા?

બુધવારની મોડી રાત્રે અને ગુરુવારે વહેલી સવારે, પાકિસ્તાને જલંધર, શ્રીનગર, અમૃતસર અને લુધિયાણા સહિત 15 શહેરોમાં લશ્કરી સ્થાપનોને નિશાન બનાવ્યા અને મિસાઇલો છોડી. પાકિસ્તાને જમ્મુ અને કાશ્મીરમાં 8 મિસાઇલો છોડી. તમામ હવાઈ સંરક્ષણ એકમો બંધ કરી દેવામાં આવ્યા. પાકિસ્તાન સરહદથી માત્ર 30 કિમી દૂર આવેલા પંજાબના પઠાણકોટમાં હાલમાં બ્લેકઆઉટ લાદવામાં આવ્યો છે. ભારતીય સેનાએ ઉધમપુર, જમ્મુ, અખનૂર, પઠાણકોટ અને કઠુઆમાં પાકિસ્તાની ડ્રોન અને મિસાઇલો તોડી પાડી.

ભારતે ઓપરેશન સિંદૂર શરૂ કર્યું અને પાકિસ્તાન પર મિસાઇલોથી હુમલો કર્યો

પાકિસ્તાને ફરી એકવાર ભારતમાં એક નાપાક કૃત્ય કર્યું છે. પાડોશી દેશે 7-8 મેની રાત્રે ભારત પર હુમલો કરવાનો નિષ્ફળ પ્રયાસ કર્યો. પાકિસ્તાને જમ્મુથી જેસલમેર સુધી મિસાઇલોથી હુમલો કર્યો, પરંતુ ભારતે આ બધા હુમલાઓનો યોગ્ય જવાબ આપ્યો. મંગળવાર મોડી રાત્રે પહેલગામમાં માર્યા ગયેલા લોકોના લોહીનો બદલો લેવા માટે, ભારતે ઓપરેશન સિંદૂર શરૂ કર્યું અને પાકિસ્તાન પર મિસાઇલોથી હુમલો કર્યો. આ હવાઈ હુમલામાં, ભારતે પાડોશી દેશના આતંકવાદી ઠેકાણાઓને નિશાન બનાવ્યા અને 9 ઠેકાણાઓનો નાશ કર્યો. પાકિસ્તાને જમ્મુ-કાશ્મીરથી રાજસ્થાનના જેસલમેર અને પંજાબ સુધી હુમલો કર્યો. પાકિસ્તાન દ્વારા આ ત્રણેય સ્થળોએ મિસાઇલો અને ડ્રોન છોડવામાં આવ્યા. આ પછી, સરહદ પારથી થઈ રહેલા હુમલાને કારણે બ્લેકઆઉટનો આદેશ આપવામાં આવ્યો. લોકોને ઘરની અંદર રહેવાનું કહેવામાં આવ્યું.

India Pakistan War : જમ્મુથી લઈ જેસલમેર સુધી, પાકિસ્તાને કયાં કયા કર્યા નાપાક કૃત્યો !  

ભારતના ઓપરેશન સિંદૂરથી ગુસ્સે ભરાયેલા પાકિસ્તાને 7-8 મેની રાત્રે 15 વિસ્તારોમાં હુમલો કર્યો. પાકિસ્તાને જમ્મુથી અમૃતસર અને રાજસ્થાન સુધીના વિસ્તારોમાં મિસાઇલો અને ડ્રોનથી હુમલો કર્યો. જોકે, ભારતે પાકિસ્તાનના આ હુમલાનો યોગ્ય જવાબ આપ્યો.

ભારત સરકારના આદેશથી X પર 8000 એકાઉન્ટ બ્લોક કરવામાં આવ્યા

X એ માહિતી આપી છે કે સરકારના એક્ઝિક્યુટિવ ઓર્ડરને અનુસરીને તેણે ભારતમાં 8000 એકાઉન્ટ બ્લોક કર્યા છે.

ભારત-પાકિસ્તાન તણાવ વચ્ચે તંત્ર એલર્ટ

જામનગર જિલ્લા વહીવટી તંત્રની ચાંપતી નજર. ઉચ્ચ અધિકારીઓ ડિઝાસ્ટર કંટ્રોલ રુમ ખાતે હાજર. કલેક્ટર, મ્યુ. કમિશનર, SP દ્વારા પરિસ્થિતિનું આંકલન. પરિસ્થિતિને નિયંત્રણ લેવા માટે જરુરી પગલાં માટે સજ્જ. ખોટી અફવાઓથી ન ભરમાવા માટે તંત્રની અપીલ. લોકોને શાંતિ-સલામતી જાળવવા માટે વિનંતી કરી.

કેટલીક ફ્લાઇટ્સ પ્રભાવિત થઈ છે

આ દરમિયાન, દિલ્હીના ઇન્દિરા ગાંધી આંતરરાષ્ટ્રીય એરપોર્ટે પણ એક ટ્રાવેલ એડવાઇઝરી જારી કરી છે. જેમાં કહેવામાં આવ્યું છે કે કામગીરી સામાન્ય રહેશે. બદલાતી એરસ્પેસ સ્થિતિ અને કડક સુરક્ષાને કારણે કેટલીક ફ્લાઇટ્સ પ્રભાવિત થઈ છે. મુસાફરોને સલાહ આપવામાં આવે છે કે તેઓ નવીનતમ અપડેટ્સ માટે તેમની એરલાઇનનો સંપર્ક કરે અને ફક્ત સત્તાવાર સ્ત્રોતો પર વિશ્વાસ કરે અને અપ્રમાણિત માહિતી શેર કરવાનું ટાળે. અગાઉ, ભારત અને પાકિસ્તાન વચ્ચે વધતા તણાવને ધ્યાનમાં રાખીને, BCAS એ દેશભરની તમામ એરલાઇન્સ અને એરપોર્ટ્સને તાત્કાલિક અસરથી સુરક્ષા પગલાં વધારવા માટે કડક સૂચનાઓ જારી કરી હતી. જે ​​હેઠળ તમામ એરપોર્ટ પર તમામ મુસાફરોનું સેકન્ડરી લેડર પોઇન્ટ ચેકિંગ (SLPC) કરવામાં આવશે. ટર્મિનલ બિલ્ડિંગમાં મુલાકાતીઓના પ્રવેશ પર પ્રતિબંધ મૂકવામાં આવ્યો છે. તે મુજબ, એર માર્શલ્સ તૈનાત કરવામાં આવશે.

ઓછામાં ઓછા 3 કલાક પહેલા એરપોર્ટ પર પહોંચો

એર ઇન્ડિયાએ ટ્રાવેલ એડવાઇઝરી પણ જારી કરી છે. સોશિયલ મીડિયા પર એક પોસ્ટ શેર કરતા એર ઇન્ડિયાએ જણાવ્યું હતું કે, ‘બ્યુરો ઓફ સિવિલ એવિએશન સિક્યુરિટી (BCAS)ના એરપોર્ટ પર સુરક્ષા પગલાં વધારવાના આદેશને ધ્યાનમાં રાખીને, સમગ્ર ભારતમાં મુસાફરોને સલાહ આપવામાં આવે છે કે તેઓ સુનિશ્ચિત પ્રસ્થાન સમયના ઓછામાં ઓછા 3 કલાક પહેલા પોતપોતાના એરપોર્ટ પર પહોંચી જાય જેથી ચેક-ઇન અને બોર્ડિંગ સુગમ રહે. ચેક-ઇન પ્રસ્થાનના 75 મિનિટ પહેલા બંધ થાય છે.

બધા જરૂરી દસ્તાવેજો સાથે રાખો

સલાહકારમાં વધુમાં કહેવામાં આવ્યું છે કે, 'કૃપા કરીને ખાતરી કરો કે તમે એરપોર્ટમાં પ્રવેશ માટે માન્ય સરકાર દ્વારા માન્ય ફોટો ઓળખ દસ્તાવેજ સાથે રાખો. તમારા ચેક-ઇન સામાન ઉપરાંત, ફક્ત 7 કિલો વજનની એક હેન્ડબેગને મંજૂરી આપવામાં આવશે. નિયમનકારી માર્ગદર્શિકા મુજબ, બધા મુસાફરોએ બોર્ડિંગ પહેલાં બે વાર સુરક્ષા તપાસ કરવી પડશે, જે હવે ફરજિયાત બનાવવામાં આવી છે. સમય બચાવવા માટે, મુસાફરોને akasaaair.com અથવા મોબાઇલ એપ્લિકેશન દ્વારા ઓનલાઈન ચેક-ઇન કરવાની સલાહ આપવામાં આવે છે.

ભારત અને પાકિસ્તાન વચ્ચે તણાવ વધી રહ્યો છે

ભારત પાકિસ્તાનની કાર્યવાહીનો યોગ્ય જવાબ આપી રહ્યું છે. પડોશી દેશ દ્વારા જમ્મુ અને કાશ્મીર, પંજાબ અને રાજસ્થાનમાં મિસાઇલ હુમલા કરવામાં આવ્યા હતા, જેને ભારતીય સેનાએ નિષ્ફળ બનાવ્યા હતા. પરિસ્થિતિને ધ્યાનમાં રાખીને, નાગરિક ઉડ્ડયન સુરક્ષા બ્યુરો (BCAS) એ દેશના તમામ એરપોર્ટ પર સુરક્ષા વ્યવસ્થા અંગે કડક સૂચનાઓ જારી કરી છે, જ્યારે અકાસા એર દ્વારા એક ટ્રાવેલ એડવાઇઝરી જારી કરવામાં આવી છે જેમાં તમામ મુસાફરોને 3 કલાક પહેલા એરપોર્ટ પર પહોંચવાનું કહેવામાં આવ્યું છે. અકાસા એર લાઈને સોશિયલ મીડિયા પર એક પોસ્ટ શેર કરી છે, જેમાં કહેવામાં આવ્યું છે કે 'ભારતભરના તમામ એરપોર્ટ પર સુરક્ષાના પગલાં વધારવામાં આવ્યા હોવાથી, અમે તમને વિનંતી કરીએ છીએ કે ચેક-ઈન અને બોર્ડિંગમાં કોઈપણ વિલંબ ટાળવા માટે પ્રસ્થાનના ઓછામાં ઓછા 3 કલાક પહેલા એરપોર્ટ પર પહોંચો'.

India Pakistan War : અકાસા એર અને એર ઇન્ડિયાએ  જારી કરી ટ્રાવેલ એડવાઇઝરી

બ્યુરો ઓફ સિવિલ એવિએશન સિક્યુરિટી (BCAS) એ દેશના તમામ એરપોર્ટ પર સુરક્ષા વ્યવસ્થા અંગે કડક સૂચનાઓ જારી કરી છે, જ્યારે અકાસા એરએ ટ્રાવેલ એડવાઇઝરી જારી કરીને મુસાફરોને ઓછામાં ઓછા ૩ કલાક પહેલા એરપોર્ટ પર પહોંચવાનું કહ્યું છે જેથી ચેક-ઇન અને બોર્ડિંગમાં કોઈ વિલંબ ન થાય.

પાકિસ્તાનના AWACSએ નાશ કર્યો

AWACS ફક્ત મોનિટર જ નહીં, પરંતુ યુદ્ધ દરમિયાન આ વિમાન અન્ય ફાઇટર વિમાનોને તાત્કાલિક સૂચનાઓ મોકલે છે, દુશ્મનના સંદેશાવ્યવહાર સંકેતો અને રડાર પ્રવૃત્તિઓને ડીકોડ કરે છે અને સમગ્ર હવાઈ અભિયાનનું સંકલન કરે છે. તેની મદદથી, ફાઇટર જેટ ક્યારે, ક્યાં અને કેવી રીતે હુમલો કરવો તે નક્કી કરે છે. એક લશ્કરી નિષ્ણાતના મતે, AWACS નું નુકસાન પાકિસ્તાનની હવાઈ કમાન્ડ અને નિયંત્રણ પ્રણાલી માટે ગંભીર ફટકો છે. આનાથી તેમના વાયુસેનાની દેખરેખ અને પ્રતિભાવ ક્ષમતા ઘણી હદ સુધી નબળી પડી ગઈ છે. ભારત દ્વારા આ કાર્યવાહી 7-8 મેની રાત્રે પાકિસ્તાન દ્વારા કરવામાં આવેલા ડ્રોન અને મિસાઇલ હુમલાઓના જવાબમાં કરવામાં આવી હતી, જેને ભારતીય સંરક્ષણ પ્રણાલીઓ દ્વારા નિષ્ફળ બનાવવામાં આવ્યા હતા.

AWACS શું છે?

AWACS એક ખાસ વિમાન છે, જેની છત પર એક મોટું ગોળાકાર રડાર લગાવેલું છે. આ રડાર 360 ડિગ્રી ફેરવી શકે છે અને સેંકડો કિલોમીટર દૂર દુશ્મનના વિમાન, ડ્રોન, મિસાઇલ અને અન્ય હવાઈ પ્રવૃત્તિઓ શોધી કાઢવાની ક્ષમતા ધરાવે છે.

AWACS કોઈપણ દેશની હવાઈ સુરક્ષાનો ખૂબ જ મહત્વપૂર્ણ ભાગ છે

ભારત દ્વારા સચોટ અને જોરદાર જવાબી કાર્યવાહીથી પાકિસ્તાનને ભારે નુકસાન થયું છે. મીડિયા રિપોર્ટ્સ અનુસાર, ભારતીય વાયુસેનાએ લશ્કરી કાર્યવાહીમાં પાકિસ્તાનની સમગ્ર હવાઈ સંરક્ષણ પ્રણાલી, AWACS (એરબોર્ન વોર્નિંગ એન્ડ કંટ્રોલ સિસ્ટમ) તેમજ ચાર ફાઇટર જેટનો નાશ કર્યો હતો. તમને જણાવી દઈએ કે AWACS કોઈપણ દેશની હવાઈ સુરક્ષાનો ખૂબ જ મહત્વપૂર્ણ ભાગ છે. આ વિમાન અત્યાધુનિક રડાર અને સંચાર પ્રણાલીથી સજ્જ છે, જે ચોવીસ કલાક દુશ્મનની હવાઈ પ્રવૃત્તિઓ પર નજર રાખે છે અને યુદ્ધ દરમિયાન ફાઇટર એરક્રાફ્ટને વ્યૂહાત્મક માર્ગદર્શિકા પ્રદાન કરે છે.

મિસાઈલ અને ડ્રોન હુમલાઓ પછી થયો

જમ્મુ, જેસલમેર, પઠાણકોટ સહિત અનેક ભારતીય શહેરો પર અનેક હુમલાઓને નિષ્ફળ બનાવ્યા પછી, ભારતે પાકિસ્તાનના સિયાલકોટ, પેશાવર, બાજવત સેક્ટર અને લાહોર પર હુમલો કર્યો છે. પાકિસ્તાન દ્વારા ભારતીય શહેરો પર કોઈ ઉશ્કેરણી વિના ગોળીબાર કર્યા પછી ભારતીય સેનાએ લાહોર પર પણ હુમલો કર્યો હતો. આ હુમલો જમ્મુ, શ્રીનગર, જેસલમેર, રાજૌરી, પઠાણકોટ અને જલંધરમાં પાકિસ્તાન દ્વારા કોઈ ઉશ્કેરણી વિના મિસાઈલ અને ડ્રોન હુમલાઓ પછી થયો છે.

India Pakistan War : પાકિસ્તાન જે AWACS સિસ્ટમ પર આધાર રાખતું હતું તેણે જ ભારતે નષ્ટ કર્યુ

પાકિસ્તાન જે AWACS સિસ્ટમ પર આધાર રાખતું હતું તેને ભારતે એક ક્ષણમાં જ નષ્ટ કરી દીધું. ભારતે તેના સરહદ પારના ડ્રોન હુમલાના જવાબમાં પાકિસ્તાનની હવાઈ સંરક્ષણ પ્રણાલીનો નાશ કર્યો છે. ભારતીય વાયુસેનાએ ચાર પાકિસ્તાની ફાઇટર જેટ અને એક અત્યાધુનિક AWACS વિમાનનો નાશ કર્યો છે. AWACS સિસ્ટમ હવાઈ સંરક્ષણનો એક મહત્વપૂર્ણ ભાગ છે, જેના કારણે પાકિસ્તાન વાયુસેનાની ક્ષમતામાં ભારે ઘટાડો થયો છે. આ કાર્યવાહી પાકિસ્તાન માટે મોટો ફટકો છે.

સરકારની વિવિધ યોજનાઓ હેઠળ કરવા પાત્ર જરૂરી ફેરફાર

આટલું જ નહિ, મંત્રી પટેલે રાષ્ટ્રીય સંમેલનમાં ઉપસ્થિત સૌને વડાપ્રધાન નરેન્દ્રભાઈ મોદીએ ગુજરાતના મુખ્યમંત્રી તરીકે શરુ કરાવેલી કૃષિ મહોત્સવ, પાક ધિરાણ જેવી ગુજરાત સરકારની કૃષિલક્ષી નવતર પહેલોની સફળતા, સિદ્ધિઓ તેમજ મુખ્યમંત્રી  ભૂપેન્દ્રભાઈ પટેલના નેતૃત્વ હેઠળ ચાલુ વર્ષે ખેડૂતોના હિતમાં અમલમાં આવનાર નવી યોજનાઓ અંગે માહિતગાર કર્યા હતા. તદુપરાંત, મંત્રીશ્રીએ રાજ્યના ખેડૂતોને રૂ. ૩ લાખના સ્થાને રૂ. ૫ લાખનું પાક ધિરાણ ઝડપથી મળે તેવી વ્યવસ્થા કરવા તેમજ સરકારની વિવિધ યોજનાઓ હેઠળ કરવા પાત્ર જરૂરી ફેરફાર બાબતે પણ ભારત સરકારને સૂચન કર્યું હતું. આ પ્રસંગે વિવિધ રાજ્યોના કૃષિ મંત્રીઓ, ભારત સરકારના કૃષિ મંત્રાલયના ઉચ્ચ અધિકારીશ્રીઓ તેમજ વિવિધ રાજ્યોમાંથી સંમેલનમાં સહભાગી થવા પધારેલા કૃષિ વિભાગના અધિકારી-કર્મચારીઓ અને વિષય નિષ્ણાતો ઉપસ્થિત રહ્યા હતા.

સમયસર ખાતરની ફાળવણી થાય તે માટે પણ રજૂઆત કરી હતી

આ રાષ્ટ્રીય સંમેલનમાં સંબોધન દરમિયાન કૃષિ મંત્રી રાઘવજી પટેલે ગુજરાતના ખેડૂતો વતી ભારત સરકારને ટેકાના ભાવની ખરીદી માટે રાજ્યના કુલ ઉત્પાદનના ૨૫ ટકાની મર્યાદાને વધારીને ૪૦ ટકા કરવા માટે તેમજ દિવેલા પાકને ટેકાના ભાવે ખરીદીમાં સમાવવા માટે ભલામણ કરી હતી. આ ઉપરાંત કૃષિ મંત્રીએ આગામી ખરીફ-૨૦૨૫માં વાવેતર સમયે જરૂરી એવા ડીએપી ખાતર તેમજ અન્ય ખાતરોની માંગ મુજબ ઉપલબ્ધતા થાય અને સમયસર ખાતરની ફાળવણી થાય તે માટે પણ રજૂઆત કરી હતી.

સરકારની કૃષિલક્ષી યોજનાઓની માહિતી આપશે

સંમેલનમાં કેન્દ્રીય કૃષિ મંત્રી  શિવરાજસિંહ ચૌહાણે “વિકસિત કૃષિ સંકલ્પ અભિયાન”ની જાહેરાત કરતા કહ્યું હતું કે, દેશના ખેડૂતોની જમીનનું સ્વાસ્થ્ય જાળવીને ખેત ઉત્પાદકતા વધારવા તેમજ પ્રાકૃતિક કૃષિને વેગ આપવા માટે ભારત સરકાર દ્વારા દેશભરમાં આગામી તા. ૨૯ મે થી ૧૨ જૂન દરમિયાન વિકસિત કૃષિ સંકલ્પ અભિયાન યોજવામાં આવશે. આ અભિયાન દરમિયાન આશરે ૨,૦૦૦ જેટલા કૃષિ વૈજ્ઞાનિકો દેશના ૭૦૦ જિલ્લાની મુલાકાત લઈને સ્થાનિક ખેડૂતોને જમીન સ્વાસ્થ્ય, ખરીફ પાક, બિયારણ તેમજ પ્રાકૃતિક કૃષિ સંદર્ભે માર્ગદર્શન તેમજ સરકારની કૃષિલક્ષી યોજનાઓની માહિતી આપશે.   

New Delhi ખાતે  રાષ્ટ્રીય કૃષિ સંમેલન યોજાયું, ગુજરાતના કૃષિ મંત્રી રાઘવજી પટેલ રહ્યાં હાજર 

ભારત સરકાર દ્વારા નવી દિલ્હી ખાતે કેન્દ્રીય કૃષિ મંત્રી શિવરાજસિંહ ચૌહાણની અધ્યક્ષતા હેઠળ “રાષ્ટ્રીય કૃષિ સંમેલન: ખરીફ અભિયાન-૨૦૨૫”નું આયોજન કરવામાં આવ્યું હતું. આ બેઠકમાં ગુજરાત સરકારના પ્રતિનિધિ તરીકે કૃષિ મંત્રી  રાઘવજી પટેલ ઉપસ્થિત રહ્યા હતા. આગામી ખરીફ સીઝનના આયોજન માટે આજ તા. ૮ મે, ૨૦૨૫ના રોજ યોજાયેલા આ સંમેલનમાં કૃષિ અને ખેડૂત કલ્યાણ વિભાગના અધિક મુખ્ય સચિવ ડૉ. અંજુ શર્મા તેમજ ખેતી નિયામક પી. એસ. રબારી સહિતના ઉચ્ચ અધિકારીઓ પણ સહભાગી થયા હતા.

આ યુદ્ધજહાજ ઇલેક્ટ્રોનિક યુદ્ધ પ્રણાલીઓથી સજ્જ છે

ઉપરાંત, 4 KT-216 ડેકોય લોન્ચર સ્થાપિત છે. આ ઉપરાંત, તેમાં 24 Shtil-1 મધ્યમ શ્રેણીની મિસાઇલો તૈનાત છે. 8 Igla-1E, 8 વર્ટિકલ લોન્ચ એન્ટી-શિપ મિસાઇલ ક્લબ, 8 વર્ટિકલ લોન્ચ એન્ટી-શિપ અને લેન્ડ એટેક બ્રહ્મોસ મિસાઇલો પણ તૈનાત છે. તેમાં 100 mm A-190E નેવલ ગન છે. આ ઉપરાંત, 76 mm ઓટો મેલારા નેવલ ગન સ્થાપિત છે. 2 AK-630 CIWS અને 2 કશ્તાન CIWS ગન સ્થાપિત છે. આ ખતરનાક બંદૂકો ઉપરાંત, બે 533 mm ટોર્પિડો ટ્યુબ છે. એક રોકેટ લોન્ચર પણ તૈનાત કરવામાં આવ્યું છે. આ યુદ્ધજહાજ કામોવ-28 અથવા કામોવ-31 અથવા ધ્રુવ હેલિકોપ્ટરથી સજ્જ થઈ શકે છે.

તલવાર વર્ગના બધા યુદ્ધ જહાજો વાસ્તવમાં સ્ટીલ્થ ગાઇડેડ મિસાઇલ ફ્રિગેટ્સ છે

સમુદ્રમાં આ યુદ્ધ જહાજોનું ડિસ્પ્લેસમેન્ટ 3850 ટન છે. તેમની લંબાઈ 409.5 ફૂટ, બીમ 49.10 ફૂટ અને ડ્રાફ્ટ 13.9 ફૂટ છે. આ યુદ્ધ જહાજો સમુદ્રમાં મહત્તમ 59 કિમી/કલાકની ઝડપે આગળ વધે છે. જો તેમની ગતિ 26 કિમી/કલાક કરવામાં આવે, તો તેઓ 4850 કિમીની રેન્જ આવરી લે છે. INS તલવાર 18 અધિકારીઓ સહિત 180 સૈનિકોને લઈને 30 દિવસ સુધી સમુદ્રમાં રહી શકે છે. તે પછી, તેને રિફ્યુઅલ કરવું પડે છે અને ખોરાક પૂરો પાડવો પડે છે.

કોલકાતા ક્લાસ સ્ટીલ્થ ગાઇડેડ મિસાઇલ ડિસ્ટ્રોયર

2016 થી નૌકાદળની તાકાત રહ્યું છે. તેનું સૂત્ર દુશ્મન ડિસ્ટ્રોયર છે. 7500 ટન ડિસ્પ્લેસમેન્ટ ધરાવતા આ યુદ્ધ જહાજની લંબાઈ 535 ફૂટ છે. બીમ 57 ફૂટ છે. તે મહત્તમ 56 કિમી/કલાકની ઝડપે દોડી શકે છે. છ પ્રકારના આધુનિક સેન્સરથી સજ્જ. ત્રણ પ્રકારના ઇલેક્ટ્રોનિક વોરફેર અને ડિકોય સિસ્ટમથી સજ્જ. 32 બરાક-8 અને 16 બ્રહ્મોસ મિસાઇલોથી સજ્જ. 1 ઓટો મેલારા 76 મીમી નેવલ ગન, 4 AK-630 CIWS, 4 ટોર્પિડો ટ્યુબ, 2 RBU-6000 એન્ટિ-સબમરીન રોકેટ લોન્ચરથી સજ્જ. તેના પર બે સી કિંગ અથવા ધ્રુવ હેલિકોપ્ટર તૈનાત કરી શકાય છે.

આ વિશાખાપટ્ટનમ ક્લાસ સ્ટીલ્થ ગાઇડેડ મિસાઇલ ડિસ્ટ્રોયર છે

24 નવેમ્બર 2022 થી નૌકાદળમાં તૈનાત. તે 7400 ટન ડિસ્પ્લેસમેન્ટનું યુદ્ધ જહાજ છે. આ 535 ફૂટ લાંબા યુદ્ધ જહાજની મહત્તમ ગતિ 56 કિમી પ્રતિ કલાક છે. 300 નૌકાદળના કર્મચારીઓ તેના પર રહી શકે છે. 6 કવચ ડેકોય લોન્ચર સ્થાપિત છે. તેમાં 32 બરાક 8 મિસાઇલ, 16 બ્રહ્મોસ એન્ટી-શિપ મિસાઇલ, 4 ટોર્પિડો ટ્યુબ, 2 એન્ટી-સબમરીન રોકેટ લોન્ચર, 7 પ્રકારની બંદૂકો છે. ધ્રુવ અને સી કિંગ હેલિકોપ્ટર તૈનાત છે. 4 21-ઇંચ ટોર્પિડો ટ્યુબ છે. ઉપરાંત, 2 RBU-6000 એન્ટી-સબમરીન રોકેટ લોન્ચર પણ સ્થાપિત કરવામાં આવ્યા છે.

વિશાખાપટ્ટનમ વર્ગનું પ્રથમ સ્ટીલ્થ ગાઇડેડ મિસાઇલ ડિસ્ટ્રોયર

2021 થી નૌકાદળમાં તૈનાત. 7400 ટનનું ડિસ્પ્લેસમેન્ટ. લંબાઈ 535 ફૂટ. બીમ 57 ફૂટ છે. મહત્તમ ગતિ 56 કિમી/કલાક. રેન્જ 7400 કિમી છે. 45 દિવસ સુધી દરિયામાં રહેવાની ક્ષમતા. 50 અધિકારીઓ અને 250 ખલાસીઓ તેમાં સવાર થઈ શકે છે. 6 કવચ ડેકોય લોન્ચર સ્થાપિત છે. તેમાં 32 બરાક 8 મિસાઇલ, 16 બ્રહ્મોસ એન્ટી-શિપ મિસાઇલ, 4 ટોર્પિડો ટ્યુબ, 2 એન્ટી-સબમરીન રોકેટ લોન્ચર, 7 પ્રકારની બંદૂકો છે. ધ્રુવ અને સી કિંગ હેલિકોપ્ટર તૈનાત છે. 4 21-ઇંચ ટોર્પિડો ટ્યુબ છે. ઉપરાંત, 2 RBU-6000 એન્ટી-સબમરીન રોકેટ લોન્ચર પણ સ્થાપિત કરવામાં આવ્યા છે.

કોલકાતા વર્ગનું પ્રથમ ડિસ્ટ્રોયર

2014 થી નૌકાદળમાં તૈનાત. સૂત્ર હંમેશા યુદ્ધ માટે તૈયાર છે. 7500 ટન ડિસ્પ્લેસમેન્ટ ધરાવતા આ યુદ્ધ જહાજની લંબાઈ 535 ફૂટ છે. બીમ 57 ફૂટ છે. તે મહત્તમ 56 કિમી/કલાકની ઝડપે દોડી શકે છે. છ પ્રકારના આધુનિક સેન્સરથી સજ્જ. ત્રણ પ્રકારના ઇલેક્ટ્રોનિક વોરફેર અને ડિકોય સિસ્ટમથી સજ્જ. 32 બરાક-8 અને 16 બ્રહ્મોસ મિસાઇલોથી સજ્જ. 1 ઓટો મેલારા 76 મીમી નેવલ ગન, 4 AK-630 CIWS, 4 ટોર્પિડો ટ્યુબ, 2 RBU-6000 એન્ટિ-સબમરીન રોકેટ લોન્ચરથી સજ્જ. તેના પર બે સી કિંગ અથવા ધ્રુવ હેલિકોપ્ટર તૈનાત કરી શકાય છે.

INS વિક્રાંતનું વિસ્થાપન 45 હજાર ટન છે

તે 262 મીટર લાંબુ અને 59 મીટર પહોળું છે. તે તેના પર 40 ફાઇટર જેટ લઈ જઈ શકે છે. INS વિક્રાંત જનરલ ઇલેક્ટ્રિકના શક્તિશાળી ટર્બાઇનથી સજ્જ છે. જે તેને 1.10 લાખ હોર્સપાવરની શક્તિ આપે છે. તેમાં MiG-29K ફાઇટર એરક્રાફ્ટના બે સ્ક્વોડ્રન અને 10 Kmaov Ka-31 હેલિકોપ્ટર છે. આ એરક્રાફ્ટ કેરિયરની સ્ટ્રાઇક ફોર્સ રેન્જ 1500 કિમી છે. તેમાં 64 બરાક મિસાઇલો છે. જે જહાજથી હવામાં પ્રહાર કરવામાં સક્ષમ છે. તે બ્રહ્મોસ મિસાઇલોથી પણ સજ્જ છે, જેનો પાકિસ્તાનને ડર છે.

વિમાનવાહક જહાજ INS વિક્રાંત તૈનાત કર્યું છે

પહેલગામ આતંકવાદી હુમલા પછી, ભારતીય નૌકાદળે અરબી સમુદ્રમાં કારવાર કિનારા નજીક પોતાનું પહેલું સ્વદેશી વિમાનવાહક જહાજ INS વિક્રાંત તૈનાત કર્યું છે. આ યુદ્ધ જહાજના સ્ટ્રાઈક ગ્રુપમાં એરક્રાફ્ટ કેરિયર, ડિસ્ટ્રોયર, ફ્રિગેટ, એન્ટી-સબમરીન યુદ્ધ જહાજ અને અન્ય સહાયક જહાજોનો સમાવેશ થાય છે. આ જૂથ એક શક્તિશાળી યુનિટ તરીકે કામ કરે છે, જે વિવિધ દરિયાઈ કામગીરીમાં ભાગ લઈ શકે છે. આ જૂથ એક મજબૂત સુરક્ષા કવચ બનાવે છે જે હવા, સપાટી અને સબમરીન સામે રક્ષણ આપે છે. જો આ સ્ટ્રાઈક ગ્રુપ પાકિસ્તાની નૌકાદળને મુશ્કેલીમાં મૂકી શકે છે, તો તે કરાચી અને ગ્વાદર બંદરો અને સમગ્ર પાકિસ્તાનનો નાશ કરી શકે છે.

ભારતીય નૌકાદળનો પશ્ચિમી કાફલો સંપૂર્ણપણે તૈનાત અને તૈયાર છે 

જો આ પ્રદેશમાં કોઈ પણ પ્રકારનો હુમલો થાય છે, તો તેઓ જવાબી કાર્યવાહી અને બદલો લેવા માટે સંપૂર્ણપણે તૈયાર છે. પશ્ચિમી કાફલામાં INS વિક્રાંત ભારતનું પ્રથમ સ્વદેશી વિમાનવાહક જહાજ છે. પહેલગામ આતંકવાદી હુમલા પછી, નૌકાદળે તેને પાકિસ્તાનની નજીક મોકલ્યું હતું. બાદમાં તેને કારવાર બંદર પર મોકલવામાં આવ્યું હતું. આ યુદ્ધ જહાજ વિવિધ શસ્ત્રો અને વિમાનોથી સજ્જ છે, જે તેને એક શક્તિશાળી વાહક સ્ટ્રાઈક ગ્રુપ બનાવે છે.

India Pakistan War : ભારતીય નૌકાદળનું મુખ્ય યુદ્ધ જહાજ INS વિક્રાંત, જેણે મહત્વી ભૂમિકા ભજવી 

પાકિસ્તાન સામે સક્રિય ભારતીય નૌકાદળનો પશ્ચિમી કાફલો, INS વિક્રાંતે કરાચી પર વિનાશ વેર્યો ભારતીય નૌકાદળે પાકિસ્તાનના કરાચી બંદર પર એક સાહસિક અને વ્યૂહાત્મક હુમલો કર્યો, જેને ઓપરેશન સિંદૂર-2નો એક ભાગ માનવામાં આવી રહ્યો છે. ભારતીય નૌકાદળના મુખ્ય યુદ્ધ જહાજ INS વિક્રાંત કેરિયર સ્ટ્રાઈક ગ્રુપે મહત્વપૂર્ણ ભૂમિકા ભજવી હતી.  

આરોગ્ય વિભાગના અધિકારીઓની રજા રદ કરવામાં આવી છે

એર ઇન્ડિયા, ઇન્ડિગો, એર ઇન્ડિયા એક્સપ્રેસ, સ્પાઇસજેટ, અકાસા એર અને કેટલીક વિદેશી એરલાઇન્સે આજે લગભગ 430 ફ્લાઇટ્સ રદ કરી છે. આ દેશની દૈનિક ફ્લાઇટ્સના 3% છે. એવી જ રીતે પાકિસ્તાનમાં લગભગ 147 ફ્લાઇટ્સ રદ કરવામાં આવી હતી, જે દૈનિક ફ્લાઇટ્સના 17% છે. અહીં હરિયાણા, પંજાબ અને રાજસ્થાનમાં હાઇ એલર્ટ છે. બંને રાજ્યના સરહદી વિસ્તારોમાં શાળાઓ બંધ કરી દેવામાં આવી છે. પોલીસ, વહીવટી અને આરોગ્ય વિભાગના અધિકારીઓની રજા રદ કરવામાં આવી છે.

આ એરપોર્ટ બંધ કરવામાં આવ્યા હતા

અસરગ્રસ્ત ભારતીય એરપોર્ટમાં શ્રીનગર, જમ્મુ, લેહ, ચંદીગઢ, અમૃતસર, લુધિયાણા, પટિયાલા, ભટિંડા, હલવારા, પઠાણકોટ, ભુંતર, શિમલા, ગગ્ગલ, ધર્મશાલા, કિશનગઢ, જેસલમેર, જોધપુર, બિકાનેર, મુંદ્રા, જામનગર, રાજકોટ, પોરબંદર, કંડલા, ભુજના અને ભુજલોનો સમાવેશ થાય છે. મુખ્યત્વે લશ્કરી ચાર્ટર માટે ઉપયોગમાં લેવાતા એરપોર્ટ પણ બંધમાં સામેલ છે.

PIB Fact Check : દેશના તમામ એરપોર્ટ ચાલુ છે કે બંધ !

ભારત હાલમાં હાઇ એલર્ટ પર છે. સાવચેતીના પગલા તરીકે, ઉત્તર, પશ્ચિમ અને મધ્ય ભારતના કુલ 27 એરપોર્ટ 10 મે, શનિવાર સવારે 5:29 વાગ્યા સુધી બંધ કરવામાં આવ્યા છે.  

વિદેશમંત્રી એસ. જયશંકર આવ્યા એક્શનમાં

10 દેશના વિદેશમંત્રીઓ સાથે જયશંકરે કરી વાત, કતારના PM એમબીએ અલ થાની સાથે વાત, જાપાનના વિદેશ મંત્રી તાકેશી ઈવાયા સાથે કરી વાત, ફ્રાન્સના વિદેશ મંત્રી જીન-નોએલ બેરેટ સાથે વાતચીત, જર્મનીના વિદેશમંત્રી જ્હોન વાડેફુલ સાથે કરી વાત, સ્પેનના વિદેશમંત્રી જોસ મેન્યુઅલ સાથે કરી વાતચીત, સાઉદી અરેબિયાના વિદેશ રાજ્યમંત્રી સાથે કરી મુલાકાત, ઈરાનના વિદેશમંત્રી સૈયદ અબ્બાસ અરાઘચી સાથે મુલાકાત, અમેરિકી વિદેશમંત્રી માર્કો રૂબિયો સાથે કરી વાત, યુરોપિયન યુનિયનના વિદેશ બાબતોના વડા સાથે વાત, ઈટાલીના નાયબ વડાપ્રધાન સાથે કરી વાતચીત.

એરપોર્ટ પર એર માર્શલ્સ તૈનાત કરવામાં આવશે

મંત્રાલયના સૂત્રોના જણાવ્યા અનુસાર, પરિસ્થિતિની સંવેદનશીલતાને ધ્યાનમાં રાખીને, જરૂરિયાત મુજબ તમામ એરપોર્ટ પર એર માર્શલ્સ તૈનાત કરવામાં આવશે. એર માર્શલ્સ તાલીમ પામેલા સુરક્ષા કર્મચારીઓ છે જે સાદા કપડાંમાં નાગરિક વિમાનમાં મુસાફરી કરે છે અને કોઈપણ અનિચ્છનીય ઘટનાને રોકવા અને તેનો સામનો કરવા માટે અધિકૃત છે. તેમની તૈનાતી ગુપ્ત માહિતી અને ધમકીની ધારણાના આધારે નક્કી કરવામાં આવશે. BCAS દ્વારા જારી કરાયેલા આ કડક સુરક્ષા સૂચનોનો હેતુ દેશના એરપોર્ટ અને વિમાનોની સુરક્ષાને વધુ સુનિશ્ચિત કરવાનો છે.

ફક્ત માન્ય ટિકિટ ધરાવતા મુસાફરો અને ફરજ પરના સ્ટાફને જ ટર્મિનલ બિલ્ડિંગમાં પ્રવેશવાની મંજૂરી આપવામાં આવશે 

સુરક્ષા વ્યવસ્થાને વધુ મજબૂત બનાવતા, BCAS એ તાત્કાલિક અસરથી ટર્મિનલ બિલ્ડિંગમાં મુલાકાતીઓના પ્રવેશ પર સંપૂર્ણપણે પ્રતિબંધ મૂક્યો છે. હવે ફક્ત માન્ય ટિકિટ ધરાવતા મુસાફરો અને ફરજ પરના સ્ટાફને જ ટર્મિનલ બિલ્ડિંગમાં પ્રવેશવાની મંજૂરી આપવામાં આવશે. એરપોર્ટ પર બિનજરૂરી ભીડ ઘટાડવા અને સુરક્ષા વ્યવસ્થાને વધુ કેન્દ્રિત બનાવવાના ઉદ્દેશ્યથી આ પગલું લેવામાં આવ્યું છે.

ટર્મિનલ બિલ્ડિંગમાં મુલાકાતીઓના પ્રવેશ પર પ્રતિબંધ

નાગરિક ઉડ્ડયન મંત્રાલયે જણાવ્યું હતું કે, બ્યુરો ઓફ સિવિલ એવિએશન સિક્યુરિટી (BCAS) એ દેશભરની તમામ એરલાઇન્સ અને એરપોર્ટ્સને સુરક્ષા પગલાં વધારવા સૂચના આપી છે. તમામ એરપોર્ટ પર તમામ મુસાફરોનું સેકન્ડરી લેડર પોઇન્ટ ચેકિંગ (SLPC) કરવામાં આવશે. ટર્મિનલ બિલ્ડિંગમાં મુલાકાતીઓના પ્રવેશ પર પ્રતિબંધ મૂકવામાં આવ્યો છે. તે મુજબ એર માર્શલ્સ તૈનાત કરવામાં આવશે. SLPC એ એક વધારાની સુરક્ષા તપાસ છે જે વિમાનમાં ચઢતા પહેલા કરવામાં આવે છે, જેથી ખાતરી કરી શકાય કે વિમાનની અંદર કોઈ શંકાસ્પદ વસ્તુ મુસાફર સાથે ન આવી શકે. અગાઉ આ પ્રક્રિયા ફક્ત અમુક ચોક્કસ ફ્લાઇટ્સ અથવા મુસાફરો માટે જ લાગુ પડતી હતી, પરંતુ પરિસ્થિતિને ધ્યાનમાં રાખીને, હવે તે તમામ મુસાફરો માટે ફરજિયાત બનાવવામાં આવી છે.

તમામ એરલાઇન્સ અને એરપોર્ટને તાત્કાલિક અસરથી સુરક્ષા પગલાં વધારવા માટે કડક સૂચનાઓ

ભારત અને પાકિસ્તાન વચ્ચે તણાવ ચરમસીમાએ પહોંચી ગયો છે. બંને દેશો વચ્ચે હવે યુદ્ધ જેવી સ્થિતિ વિકસી રહી છે. ઓપરેશન સિંદૂરથી ગુસ્સે ભરાયેલા પાકિસ્તાને જમ્મુમાં ડ્રોન હુમલો કર્યો હતો, જેનો ભારતે યોગ્ય જવાબ આપ્યો છે. આ બધા વચ્ચે, ભારત સરકારે સુરક્ષા કારણોસર દેશમાં ઘણી જગ્યાએ એલર્ટ જાહેર કર્યું છે. નાગરિક ઉડ્ડયન સુરક્ષા બ્યુરો (BCAS) એ દેશભરની તમામ એરલાઇન્સ અને એરપોર્ટને તાત્કાલિક અસરથી સુરક્ષા પગલાં વધારવા માટે કડક સૂચનાઓ જારી કરી છે.

India Pakistan War :  દેશના તમામ એરપોર્ટ એલર્ટ પર,  BCASએ સુરક્ષા વધારવા સૂચના આપી

બ્યુરો ઓફ સિવિલ એવિએશન સિક્યુરિટી (BCAS) એ દેશભરની તમામ એરલાઇન્સ અને એરપોર્ટ્સને તાત્કાલિક અસરથી સુરક્ષા પગલાં વધારવા કડક સૂચનાઓ જારી કરી છે. જે હેઠળ તમામ એરપોર્ટ પર તમામ મુસાફરોનું સેકન્ડરી લેડર પોઇન્ટ ચેકિંગ (SLPC) કરવામાં આવશે.