Gujarat Latest News Updated: રાજકોટ ખાતે બે કાર વચ્ચે ભયંકર અકસ્માત

સુરતમાં વાલીઓ માટે લાલબત્તી સમાન કિસ્સો 

પાણીની ટાંકીમાં પડી જતા 3 વર્ષના બાળકનું મોત નીપજ્યું. હજીરા રોડ સ્થિત મોરા ગામની ઘટના. ટેન્કર પાણી ભરીને નીકળ્યા બાદ બનાવ બન્યો. ટેન્કર ચાલકે પાણીની ટાંકી ખૂલ્લી મુક્યાનો આરોપ. મૃતકના પરિવારે ન્યાયની માગ કરી. 

દીવ દમણ સાંસદ ઉમેશ પટેલનું મોટું નિવેદન

દમણ દીવ સાંસદે ગુજરાતમાં દારૂબંધીને લઈને મોટું નિવેદન આપતા જણાવ્યું કે, ગુજરાતમાંથી દારૂબંધી ઉઠાવી લેવી જોઈએ. કરોડો રૂપિયાનો દારૂ ગુજરાતમાં ઠલવાય છે. પોલીસ અધિકારી અને નેતાઓ અને સરકારને ખબર છે, બધાના ખીસા ભરાય છે. એટલે જ ગુજરાતમાં દારૂ પહોંચે છે. બોર્ડર પર લોકોનું ચેકિંગ છતાં દારૂ ગુજરાતમાં કેમ પહોંચે છે એ સવાલો ઉઠ્યા છે. ગુજરાત સરકાર અને કેન્દ્ર સરકારની તિજોરીને ફાયદો થશે જો દારૂબંધી ઉઠાવી લેવામાં આવશે તો.

અરવલ્લીમાં 2 દિવસીય શામળાજી મહોત્સવ 

યાત્રાધામ શામળાજી ખાતે વિવિધ સાંસ્કૃતિક કાર્યક્રમનું આયોજન. શામળાજી તાલુકો જાહેર કરવા ભિલોડા ધારાસભ્યનો હુંકાર. પી. સી. બરંડાએ મુખ્યમંત્રીને દરખાસ્ત રજૂ કરી. વર્ષ 2025 માં શામળાજી તાલુકો બનવાની શક્યતા.

સુરતમાં કારના શો રુમમાં આગ લાગી

પીપલોડ રોડ પર આગનો બનાવ બન્યો. આગ લાગતા વિસ્તારમાં અફડાતફડી મચી. 6 કરતા વધુ ફાયરની ગાડીઓ ઘટનાસ્થળે પહોંચી. આગ બુઝાવવાની કામગીરી શરુ. ત્રણ ફાયર સ્ટેશનની છ કરતા વધુ ગાડીઓ ઘટના સ્થળે પહોંચી. ફાયરની ટીમે પાણીનો મારો શરૂ કર્યો.

આણંદમાં ડમ્પરે લીધે વધુ એક યુવકનો ભોગ

વલ્લભવિદ્યાનગર જનતા બ્રિજ પર અક્સ્માત થયો. ડમ્પરે બાઈક ચાલકને અડફેટે લઈ કચડી નાખ્યો. બાઈક ચાલકનું ઘટનાસ્થળે મોત નીપજ્યું. જ્યારે યુવતી ગંભીર રીતે ઘાયલ થઈ. અકસ્માત સર્જી ડમ્પર મૂકી ચાલક ફરાર થયો. વલ્લભવિદ્યાનગર પોલીસે તપાસ હાથ ધરી.

બાળકોએ સોશિયલ મીડિયા એકાઉન્ટ બનાવવા માટે માતા-પિતાની પરવાનગી લેવી પડશે

સરકારે 18 વર્ષથી ઓછી ઉંમરના બાળકોના સોશિયલ મીડિયા એકાઉન્ટને લઈને મોટો નિર્ણય લીધો છે. હવે બાળકોને સોશિયલ મીડિયા પર એકાઉન્ટ બનાવવા માટે માતાપિતાની સંમતિ લેવી પડી શકે છે. સરકારે પર્સનલ ડિજિટલ ડેટા પ્રોટેક્શન એક્ટના નિયમોના ડ્રાફ્ટ નિયમો બહાર પાડ્યા છે.

રાજકોટ ખાતે બે કાર વચ્ચે ભયંકર અકસ્માત

150 ફૂટ રીંગ રોડ પર બની ઘટના. કાર પાંચ ફૂટની રેલિંગ તોડી પલટી મારી. અકસ્માતમાં બે લોકો ઇજાગ્રસ્ત. પોલીસ કાફલો ઘટનાસ્થળે પહોંચ્યો. 

અમદાવાદ ખાતે MLA હાર્દિક પટેલનું નિવેદન

વિરમગામ નળકાંઠાના વિકાસના કાર્યક્રમમા MLA હાર્દિક પટેલે નિવેદન આપતા જણાવ્યું કે, વિરમગામ જિલ્લો બનવો અને નળકાંઠાને તાલુકો બનાવવો જોઈએ. વર્ષ 2025 વસ્તી ગણતરી બાદ જિલ્લા બનાવામા માટે પ્રક્રિયા હાથ ધરાશે. વિરમગામ નળકાંઠાના કુમારખાણ ગામ ખાતે રૂપિયા  2.70 કરોડના વિકાસ કાર્યોમા પ્રાથમિક આરોગ્ય કેન્દ્રનું ખાતમુહૂર્ત અને પ્રાથમિક શાળા લોકાર્પણ કાર્યક્રમમાં નિવેદન આપ્યું.

Mumbai એરપોર્ટ પર 4.84 કરોડનું સોનું જપ્ત, 4 આરોપીઓની ધરપકડ

DRI મુંબઈએ CSMIA ખાતે બે એરપોર્ટ કર્મચારીઓ અને સોનાની દાણચોરીમાં સંડોવાયેલા બે રીસીવરની ધરપકડ કરી છે. 4.84 કરોડની કિંમતનું 6.05 કિલો શુદ્ધ સોનું પણ જપ્ત કર્યું છે. આ સોનું દાણચોરી માટે કેપ્સ્યુલ અને મીણના રૂપમાં છુપાવવામાં આવ્યું હતું. તમામ આરોપીઓ સામે કસ્ટમ એક્ટ 1962 હેઠળ કાર્યવાહી કરવામાં આવી રહી છે.

Surat: કાપડ વેપારીએ ડિમાન્ડ મુજબ પ્રોડક્શન કરતા ગુડઝ રિટર્ન ઘટ્યું

ગુરુવારે સાઉથ ગુજરાત ટેક્સ્ટાઈલ ટ્રેડર્સ એસોસિયેશની બેઠકમાં હાજર રહેલા વેપારીઓએ કાપડ માર્કેટમાં વધી રહેલા ચિટીંગના બનાવોને લઈ ચિંતા વ્યક્ત કરી હતી. સમયાન્તરે વેપારમાં આવી રહેલા ઉતાર-ચઢાવને લીધે ડિમાન્ડ મુજબ પ્રોડક્શન કરવામાં આવી રહ્યું હોવાથી ગુડ્ઝ રિટર્નનું પ્રમાણ ખાસુ ઘટ્યું હોવાનું વેપારીઓએ કહ્યું હતું.

વડોદરામાં રખડતા ઢોરે લીધો બાઈકચાલકનો જીવ

વાઘોડિયામાં રખડતાં પશુએ બાઇક ચાલકનો જીવ લીધો. વાઘોડિયા વડોદરા રોડ પર રખડતી ગાયે બાઇક સવારોને અડફેટે લીધા હતા. વાઘોડિયાના MGVCL પાસે રોડ પર ઘટના બની. ગાયે બાઇક સવારોને અડફેટે લેતા બાઇક સાથે રોડ પર પટકાયા હતા. બાઇક ચાલકને ગંભીર ઈજાઓ થતાં ઘટના સ્થળે મોત. અન્ય એકને નાની મોટી ઈજાઓ પહોંચી. બાઇક પાછળ સવારને સારવાર અર્થે 108 મારફતે દવાખાનામાં ખસેડવામાં આવ્યો. વાઘોડિયા ટાઉન સહિત વાઘોડિયા વડોદરા રોડ પર રખડતા ઢોરના ત્રાસથી પ્રજા પરેશાન. વાઘોડિયા પોલીસ ઘટના સ્થળે પહોંચી. દાહોદ, લીમખેડાના યુવાન, વાઘોડિયાના ગુગલિયાપૂરા ગામે સાથે રહી છૂટક કડિયા કામ કરતા હતા.

હળવદમાં વીજપોલ બાબતે ખેડૂતો આકરા પાણીએ

હળવદમા વીજપોલ બાબતે ખેડૂતોએ આંદોલનનુ રણશિંગુ ફૂક્યું. મંગળપુર ગામે ખેડૂતોએ ખાટલા બેઠકમાં નિર્ણય લીધો. હળવદમા 9 ગામોમાંથી વીજપોલ પસાર થાય છે. 765 કેવી અમદાવાદ લાકડીયા વીજપોલના વળતર બાબતે ખેડૂતોની બેઠક મળી. હળવદના મંગળપુર, વેગડ વાવ, ઈશનપુર, નવા અમરાપર, ઘનશ્યામ ગઢ, ધુળકોટ સહિતના ગામોમાંથી વીજપોલ પસાર થાય છે. આગામી સપ્તાહમાં ખેડૂતો નેતાઓ સાથે વાતચીત બાદ આંદોલન કરશે. હળવદના મંગળપુર ગામે ખેડુતોએ કરી આંદોલન કરવાની તૈયારી.

સુરેન્દ્રનગરમાં ચૂંટાયેલા સભ્યોની અંતિમ બેઠક મળી

સુરેન્દ્રનગર મહાનગરપાલિકા થતાં આજે ચુંટાયેલા સભ્યોની છેલ્લી વિદાય બેઠક મળી. જિલ્લા કલેકટર અને મહાનગરપાલિકાના વહીવટદાર કે સી સંપટ સરકારના નાયબ દંડક અને વઢવાણના ધારાસભ્ય જગદીશભાઈ મકવાણા હાજર રહ્યા. ધારાસભ્યએ જણાવ્યું કે, શહેરમાં દબાણો ટ્રાફિક સમસ્યા સફાઇ સહીતની કામગીરી હાથ ધરવામાં આવશે. શહેરને સુંદર બનાવવું હોય તો કોઇ સભ્ય ભલામણો ન લાવતાં તંત્રને કડક કામગીરી કરવા દેજો. કલેક્ટરે જણાવ્યું કે, સૌ સાથે મળીને શહેરને સુંદર અને સુવિધાઓ ઉપલબ્ધ કરાવીશું.

બનાસકાંઠામાં કારમાંથી મળેલ મૃતદેહમાં નવો વળાંક

કારની અંદરનું માનવ કંકાલ વિરમપુરના વ્યક્તિનું. વિરમપુરના રેવાભાઈ ગમિતિનો મૃતદેહ હોવાનો ઘટસ્ફોટ. રેવાભાઈ ભગવાનસિંહની હોટલમાં જ મજૂરી કરતા હતા. હોટલ પર લીધેલી લોનનો વિમો પાસ કરાવવા રચ્યું તરકટ. પોલીસે કેસમાં અત્યાર સુધી પાંચ લોકોની અટકાયત કરી. મુખ્ય આરોપી ભગવાનસિંહ પોલીસ પકડથી દૂર.

દિલ્હી અને પંજાબમાં શ્રેણીબદ્ધ બોમ્બ વિસ્ફોટોનું ષડયંત્ર, ગુપ્તચર એજન્સીઓનું એલર્ટ જાહેર

પાકિસ્તાન, આતંકવાદીઓનું આશ્રયસ્થાન, એક એવો દેશ છે જે ક્યારેય તેની નાપાક પ્રવૃત્તિઓથી બચતો નથી. હવે તેણે ભારત વિરુદ્ધ એક મોટું આતંકવાદી ષડયંત્ર રચ્યું છે. પાકિસ્તાનની ગુપ્તચર એજન્સી ISI બાંગ્લાદેશના આતંકવાદીઓની મદદથી ભારતમાં શ્રેણીબદ્ધ બ્લાસ્ટ કરવાનું કાવતરું ઘડી રહ્યું છે.

મીઠા અને તમાકુના પાન પર અલગ અલગ ટેક્સ? ખાનારાઓ પણ અજાણ

ખાવા ઉપરાંત પૂજામાં પણ સોપારીનો ઉપયોગ કરવામાં આવે છે. જે લોકો વારંવાર સોપારી ખાય છે અથવા તેનો ઉપયોગ કરે છે, તેમના માટે એ જાણવું ખૂબ જ જરૂરી છે કે સોપારી પર ટેક્સ છે કે નહીં. જો તમે તેના વિશે નથી જાણતા તો અમે અહીં તેના વિશે વિગતવાર જણાવી રહ્યા છીએ.

ગુજરાતમાં પોલીસ દ્વારા આરોપીના કઢાતા જાહેર સરઘસ અટકાવવા હાઈકોર્ટમાં કરાશે PIL

ગુજરાત રાજ્યમાં છેલ્લા કેટલાક સમયથી, પોલીસ દ્વારા આરોપીઓને જાહેરમાં ફેરવીને સરઘસ કાઢવાનો ટ્રેન્ડ શરુ થયો છે. આ પ્રકારની કાર્યવાહી આરોપીના બંધાણીયા અધિકારનો ભંગ હોવાને લઈ, ગુજરાત હાઈકોર્ટમાં PIL દાખલ કરવા સુરતના એક વકિલા તૈયારી કરી છે. તેમણે ગૃહ રાજ્ય મંત્રી હર્ષ સંઘવી, માનવ અધિકાર આયોગ, પોલીસ વડા DGP ને અરજી કરીને આ પ્રકારની કામગીરીને રોકવા જણાવ્યું છે. આરોપી સામે કોઈ પણ આરોપ જ્યા સુધી અદાલતમાં સાબિત ના થાય ત્યાં સુધી તે આરોપી નિર્દોષ હોય છે. પોલીસને કોઈને સજા કરવા અથવા જાહેરમાં વરઘોડા કાઢવાનો રાઇટ નથી. આ બાબતે ડી કે બાસુ સ્ટેટ ઓફ વેસ્ટ બંગાલના કેસમાં સુપ્રિમ કોર્ટનું જજમેંટ આવેલ છે, જેમા આરોપી ના રાઇટ અંગે અને પોલીસે તપાસ અંગેની ગાઇડ લાઇન આપેલ છે.

PMJAY કાર્ડ યોજના માટે સરકાર જાહેર કરશે હેલ્પલાઈન નંબર

ગુજરાતના આરોગ્ય પ્રધાન ઋષિકેશ પટેલે કહ્યું કે, PMJAY કાર્ડ યોજના માટે, આવતીકાલ શનિવારે હેલ્પ લાઈન નંબર જાહેર કરવામાં આવશે. આ હેલ્પલાઈન નંબર જાહેર થયા બાદ, PMJAY કાર્ડ યોજના માટે કોઈ એજન્ટનો સંપર્ક કરવાની જરૂર નહીં પડે. તેમણે વધુમાં કહ્યું કે, ગુજરાતમાં નવી 10 મેડિકલ કોલેજ બનવા જઈ રહી છે. MBBSમાં 2650 જેટલી બેઠક છે તે વધારીને 3600 કરવા જઈ રહ્યા છીએ. 108ની સેવામાં પણ નવી એપ મારફતે વધુ સારી સુવિધા શરુ કરવામાં આવશે.

મોરબી મનપાના મ્યુ.કમિશ્નર એક્શનમાં

• કેટલાક વિસ્તાર અને બગીચાની મુલાકાત લીધી
• સ્વપ્નિલ ખરે શહેરની સમસ્યાઓથી પરિચિત થયા
• ગંદકી,રોડ રસ્તાની સુવિધાઓને અપાશે પ્રાથમિકતા

સુરેન્દ્રનગરમાં ચૂંટાયેલા સભ્યોની અંતિમ બેઠક મળી

• MLA,કલેક્ટર અને મનપાના વહીવટદાર હાજર રહ્યા
• દબાણો,ટ્રાફિક સમસ્યા, સફાઈની કામગીરી હાથ ધરાશે
• કોઈ સભ્ય ભલામણ ન લાવે, તંત્રને કામ કરવા દેઃ MLA
• સૌ સાથે મળીને શહેરને સુંદર બનાવીશુંઃ કલેક્ટર

અમરેલી લેટરકાંડમાં પાયલ ગોટીની જેલમુક્તિ

• જેલમુક્તિ બાદ પાયલ ગોટી વતન પહોંચી
• વિઠ્ઠલપુર ગામમાં ઢોલ નગારા સાથે સ્વાગત કરાયું

ભરૂચની જંબુસર સરકારી હોસ્પિટલમાં ચોરી

ભરૂચની જંબુસર સરકારી હોસ્પિટલમાં ચોરીની ઘટના બની છે. હોસ્પિટલમાં RTPCR લેબમાંથી 6 એસી અને એક લેપટોપની ચોરી થઇ છે. જંબુસર પોલીસે તપાસ હાથ ધરી છે.

દેવભૂમિ દ્વારકામાં જિલ્લા ફેરબદલીની પ્રક્રિયા હાથ ધરાઈ

• પ્રાથમિક શિક્ષકોની ફેરબદલીની કામગીરી કરાઈ
• વધુ 31 શિક્ષકોને બદલીના ઓર્ડર આપી છુટા કરાયા
• શિક્ષકોને છુટા કરાતા જિલ્લામાં 1280 શિક્ષકોની ઘટ
• 40 ટકા જેટલા શિક્ષકો વિના સ્કૂલો ધમધમશે

રાજ્યમાં ઠંડીને લઈને હવામાન વિભાગની આગાહી

રાજ્યમાં ઠંડીને લઈને હવામાન વિભાગે આગાહી કરી છે કે આગામી ત્રણ દિવસ ઠંડીથી આશિંક રાહત મળશે. અમદાવાદનું તાપમાન 15 ડિગ્રી આસપાસ રહેશે. ત્રણ દિવસ બાદ તાપમાનમાં સામાન્ય ઘટાડો નોંધાશે. વેસ્ટર્ન ડિસ્ટર્બન્સને કારણે તાપમાનમાં ઘટાડો થશે. હાલ ઉત્તર પૂર્વથી પૂર્વના પવન ફૂંકાઈ રહ્યા છે.

અમદાવાદમાં પીલ્લર પર ગાર્ડનિંગ કરાશે

• બ્રિજના પીલ્લર પર ગાર્ડનિંગ કરી શોભા વધારાશે
• કાર્બનડાયોક્સાઈડ પર કાબૂ લાવવા પ્રયાસ
• હેલ્મેટ,પકવાન,મોદી સ્ટેડિયમના પીલ્લર પર કરાશે ગાર્ડનિંગ
• લોખંડના રેક તૈયાર કરી ગાર્ડનિંગ કરાશે

અલ્લુ અર્જુનને મળ્યા નિયમિત જામીન

પુષ્પા-2 ફિલ્મના હીરો અલ્લુ અર્જુનને સંધ્યા થિયેટરમાં નાસભાગની ઘટનામાં રાહત મળી છે. આ કેસમાં નામપલ્લી કોર્ટે બન્નીને નિયમિત જામીન આપવાનો આદેશ કર્યો હતો. રૂ. 50 હજાર અને બે જામીન પર જામીન મંજૂર કર્યા હતા. 30 ડિસેમ્બરે નામપલ્લી કોર્ટમાં અલ્લુ અર્જુનની જામીન અરજી પર સુનાવણી હાથ ધરવામાં આવી હતી.

અમદાવાદ પૂર્વમાં બે હત્યાના પ્રયાસ

અમદાવાદ પૂર્વમાં રામોલ અને નિકોલમાં બે હત્યાના પ્રયાસ કર્યા હોવાની ઘટના સામે આવી છે.  રામોલમાં રિક્ષા ચાલકે હત્યાનો પ્રયાસ કર્યો તો બીજી તરફ નિકોલના કઠવાડામાં શ્રમિકની હત્યાની કોશિશ કરવામાં આવી છે. રામોલ પોલીસે આરોપીની ધરપકડ કરી છે.

થરાદ તાલુકામાં લક્કી ડ્રોના નામે ચાલી રહ્યા છે ઠગાઈના ધંધા

બનાસકાંઠાઃ થરાદ તાલુકામાં લક્કી ડ્રોના નામે ઠગાઈના ધંધા ચાલી રહ્યા છે. પોલીસે લક્કી ડ્રોના આયોજકો સામે ફરિયાદ કરી. અનેક આયોજકોને નોટિસ આપવા છતાં આયોજકોને કોઈ ડર નથી. કાયદાના ડર વગર ઓફિસો ખોલી મંડપ લગાવી લક્કી ડ્રોની કુપનોનું વેચાણ થતુ હતુ. થરાદના ચાંગડા ગામમા ખુલ્લેઆમ લક્કી ડ્રોનું વેચાણ થતુ હતુ. આખરે લક્કી ડ્રોના નામે ઠગાઈના ધંધાનો ભાંડો ફૂટ્યો.

અમદાવાદમાં મહેસાણા અર્બન બેંક સાથે છેતરપિંડી

• 64.4 કરોડની છેતરપિંડીની નોંધાઈ ફરિયાદ
• બિલ્ડર સહિત 20 લોકો સામે નોંધાયો ગુનો
• ફોરેન્સિક ઓડિટમાં ઠગાઈનો થયો ખુલાસો
• ખોટા રિપોર્ટ રજૂ કરી લોનના રુપિયા ચાઉ કર્યા

કચ્છમાં રાપરથી 24 કિમી દૂર આવ્યો ભૂંકપ

કચ્છમાં વધુ એક ભૂકંપનો આંચકો આવ્યો છે. સાજે 4:16 કલાકે 2.8 ની તીવ્રતાનો ભૂકંપનો આંચકો આવ્યો હતો. ભૂકંપનું કેન્દ્રબિંદુ રાપરથી 24 કિમી દૂર હોવાનું સામે આવ્યુ છે.

સુરતમાં ચેન સ્નેચિંગ કરનાર ગેંગ ઝડપાઈ

• ક્રાઈમ બ્રાન્ચે ત્રણ આરોપીઓને ઝડપી પાડ્યા
• 200 કિમી દૂરથી સ્નેચિંગ કરવા આવતા આરોપીઓ
• સ્નેચિંગ કરેલી 7 સોનાની ચેન પોલીસે કબ્જે કરી

સાંજના 06 વાગ્યા સુધીના સૌથી મોટા સમાચાર

01. Amreli: અમરેલી લેટરકાંડ઼માં પાટીદાર દીકરીને જામીન મળ્યા, જાણો શું હતો મામલો

02. Mehsanaમાં બુટલેગરોના ત્રાસથી મહિલાઓ ત્રસ્ત, SP કચેરીમાં નાખ્યાં ધામા

03. Morbi: ખનીજચોરી કરતા 6 ડમ્પર ઝડપાયા, અંદાજીત 2 કરોડનો મુદ્દામાલ જપ્ત

04. Rajkotમાં ઘરફોડ ચોરી કરતા બંટી બબલી ઝડપાયા, 17 લાખથી વધુનો મુદ્દામાલ જપ્ત

05. Sabarkantha: શાકભાજીના ભાવમાં ઘટાડો થતાં ખેડૂતો પરેશાન, ખર્ચ કાઢવો પણ મુશ્કેલ

06. Western Railway: ગોવા જનારા મુસાફરો માટે ખુશીના સમાચાર, અમદાવાદ-થિવીમના ફેરા વધારવામાં આવ્યા

07. DU East-West Campus: PM એ કર્યો શિલાન્યાસ! જાણો કેટલું ભવ્ય હશે?

08. Delhi વિધાનસભાની ચૂંટણી 7-8 જાન્યુઆરીએ જાહેર થઈ શકે છે

09. China New Virus : ફરીથી કોરોના જેવી તબાહી?, રહસ્યમયી વાયરસથી હાહાકાર

10. ઓસ્ટ્રેલિયાના ખેલાડીઓનું શરમજનક કૃત્ય, શુભમન ગિલની વિકેટ માટે પાર કરી તમામ હદ!

અમરેલી : લેટરકાંડમાં મહિલા આરોપી પાયલ ગોટીને મળ્યા જામીન

અમરેલીના ધારાસભ્ય કૌશીક વેકરિયાને બદનામ કરવાના કેસમાં પકડાયેલ મહિલા પાયલ ગોટીના કોર્ટે જામીન મંજૂર કર્યાં છે. અત્રે ઉલ્લેખનીય છે કે, અમરેલીમાં પોલીસ દ્વારા પાયલ ગોટી સહીતના આરોપીઓને, રિકન્સ્ટ્રક્શન અને તપાસ માટે સરઘસકારે લઈ જવાયા હોવાનો આક્ષેપ કર્યો હતો. ત્યાર બાદ આ મુદ્દે રાજકારણ ગરમાયુ હતું. ભાજપ અને કોંગ્રેસ સામે સામે આક્ષેપ પ્રતિઆક્ષેપ કર્યા હતા.

ઓડિશામાં વહીવટી ફેરબદલ, મુખ્યમંત્રીના ખાનગી સચિવની બદલી

ઓડિશા સરકારે વહીવટી ફેરબદલના ભાગરૂપે મુખ્ય પ્રધાનના ખાનગી સચિવ અરિંદમ ડાકુઆ અને અન્ય ચાર અધિકારીઓની બદલી કરી છે, ડાકુઆ 2011 બેચના ભારતીય વહીવટી સેવા (IAS) અધિકારી છે. તેમને મ્યુનિસિપલ એડમિનિસ્ટ્રેશનમાં ડિરેક્ટર અને હાઉસિંગ અને અર્બન ડેવલપમેન્ટ ડિપાર્ટમેન્ટમાં એક્સ-ઓફિસિઓ એડિશનલ સેક્રેટરી બનાવવામાં આવ્યા છે. મુખ્યમંત્રીના ખાનગી સચિવના પદ પર કોઈની નિમણૂક કરવામાં આવી નથી. ડાકુઆને જુલાઈ 2024માં મુખ્યમંત્રીના ખાનગી સચિવ તરીકે નિયુક્ત કરવામાં આવ્યા હતા.

રાજકોટમાં દુકાનો ખાલી કરાવવાનો મુદ્દો

• પોલીસે ઘટનાનું રી કન્સ્ટ્રક્શન કર્યું
• વક્ફ બોર્ડના નામે દુકાનો ખાલી કરાઈ હતી
• આરોપીઓને દાણાપીઠ વિસ્તારમાં લઈ જવાયા

જૂનાગઢમાં સિંહ પજવણીની ઘટના

જૂનાગઢમાં સિંહ પજવણીની ઘટના સામે આવી છે. ગાંધીગ્રામના સંજયનગર વિસ્તારમાં સિંહો પાછળ બાઈક દોડાવી પજવણી કરાઇ હતી. ત્રણ સિંહો પર ટોર્ચ લાઈટ વડે પજવણી કરાઈ છે. કનડગતથી બચવા સિંહો શેરીઓમાં દોડ્યા હતા.

વડોદરામાં જિલ્લા અને શહેર પ્રમુખ માટે સેન્સ લેવાશે

• આવતીકાલે ભાજપ દ્વારા સેન્સ લેવાશે
• ગૃહમંત્રી હર્ષ સંઘવીએ યોજી સંકલન બેઠક
• પ્રમુખ માટે મુરતિયા શોધવાની મથામણ શરુ
• બેઠકમાં જિલ્લાના 4 ધારાસભ્યો હાજર રહ્યા
• સાવલીના MLA કેતન ઇનામદારની ગેરહાજરી

જીએએસ અધિકારીઓ પણ તેમની સારવાર કરાવી ચૂક્યા

રસપ્રદ વાત તો એ છે કે, આઇએએસ, જીએએસ અધિકારીઓ પણ તેમની સારવાર કરાવી ચૂક્યા છે. ચાલો આ તો સમજ્યા ! પણ ઘણા એલોપથી તબીબો પણ તેમની પાસે સારવાર કરાવવા માટે આવે છે. જીવનશૈલીની અનિયમિતતા અને અશુદ્ધિના કારણે થતાં રોગો જેવા કે, ડાયાબિટીસ, થાઇરોડ, હાઇ બ્લડપ્રેશર, હાઇ કોલેસ્ટ્રોલ, સ્કિન ડિસીઝ સહિતના રોગોના દર્દીઓ સૌથી વધુ આવે છે.તેઓ કહે કે, સોશ્યલ મીડિયામાં આવતી આયુર્વેદિક દવાઓની ટીપ્સના આધારે શરીર ઉપર અખતરા કરવા જોઇએ નહીં. તજજ્ઞ તબીબોની સલાહ મુજબ જ દવાઓનો ઉપયોગ કરવો જોઇએ. 

નિયમિતતાના કડક આગ્રહી 

આકૃતિ કથયતે ગુણાનામ્ એ નાતે આમ તો સારિકાબેન દર્દીઓને જોઇને જ કહી શકે કે દર્દીને ક્યો રોગ છે ? ઉદાહરણ તરીકે, એમના એક સાથી તબીબ પોતાના પરિજનને પેટમાં વાયુની ફરિયાદ સાથે સારવાર માટે આવ્યા. સારિકાબેને કહ્યું કે, દર્દીને પથરી છે. પહેલા તો તબીબ માન્યા નહી પણ સોનોગ્રાફી કરાવતા પથરીનું નિદાન થયું. ત્યારે પેલા તબીબ માન્યા ! તેઓ આધુનિક વિજ્ઞાન સાથે તાલ મેળવી દર્દીઓને જરૂરી તમામ રિપોર્ટ કરાવવાનો આગ્રહ રાખે છે. એ રિપોર્ટના આધારે જ દર્દીની સારવાર કરવામાં આવે છે. તેઓ સિદ્ધાંતોના ચુસ્ત આગ્રહી છે, ક્રમાનુસાર જ દર્દીઓનું નિદાન કરે. દર્દીઓ પાસે આહાર, વિહાર, વિચારની શુદ્ધિ, નિયમિતતાના કડક આગ્રહી છે. 

આયુર્વેદિક મેડિકલ ઓફિસર પણ છે

છેલ્લા ૨૦ વર્ષથી આયુર્વેદની પ્રેક્ટિસ કરતા સારિકા જૈન ૨૦૦૯થી રાજ્ય સરકારમાં આયુર્વેદિક મેડિકલ ઓફિસર તરીકે ફરજ બજાવે છે. તેમણે જ્યાં જ્યાં ફરજ બજાવી ત્યાં ત્યાં દવાખાનામાં દર્દીઓની સંખ્યા વધી ગઇ. અત્યાર સુધીમાં તેમણે અંદાજે ત્રણ લાખથી વધુ દર્દીઓની સારવાર કરી છે. ભીલાપૂર ખાતે પ્રતિ દિન સરેરાશ એક સો દર્દીઓ અને વડોદરામાં તરસાલી ખાતે સવારમાં ૪૦ અને બપોર બાદ ૨૦ એમ બન્ને પાળી ઉપરાંત દવા આપવાના દર્દીઓ મળી ૮૦થી ૮૫ દર્દીઓને સેવા આપવામાં આવે છે. મજાની વાત તો એ છે કે, બાજુમાં આવેલા અર્બન પીએચસીમાં આ દવાખાના કરતા ઓછી ઓપીડી હોય છે ! 

ભીલાપૂરમાં રહે ત્યારે ટોકન મળે

તેમની કર્તવ્યનિષ્ઠા અને સમર્પણને કારણે દર્દીઓમાં ભિષગવશતામાં વૃદ્ધિ થઇ છે. એલોપથીમાં અસાધ્ય ગણાતા, મનાતા અનેક પ્રકારની રોગની તેઓ સચોટ સારવાર કરે છે કે, સાજા થયેલા દર્દીઓને જોઇ અન્ય દર્દીઓ પણ આ સરકારી દવાખાને સારવાર માટે દોડી આવે છે. વડોદરા શહેર પૂર્વે શ્રીમતી જૈન જિલ્લામાં ભીલાપૂર ખાતે સરકારી આયુર્વેદિક દવાખાને ફરજ બજાવતા ત્યારે તો ટોકન વ્યવસ્થા રાખવી પડતી હતી. ટોકન મેળવવા માટે દર્દીઓના સંબંધીઓ આખી રાત ભીલાપૂરમાં રહે ત્યારે ટોકન મળે. 

વાડી તરસાલી વિસ્તારમાં આવ્યું છે દવાખાનું

પ્રથમ દ્રષ્ટિએ આ વાત માનવામાં ના આવે પણ સત્ય છે. વડોદરા શહેરના વાડી તરસાલી વિસ્તારમાં આવેલા સરકારી આયુર્વેદિક દવાખાનામાં એવી સારવાર થઇ રહી છે કે, ત્યાં સારવાર કરાવવા માટે દર્દીઓ વહેલી સવારથી લાઇન લગાવે છે. ત્યાં માત્ર વડોદરા કે ગુજરાતના અન્ય જિલ્લામાંથી જ નહી પણ, મધ્યપ્રદેશ, ઉત્તરપ્રદેશ, મહારાષ્ટ્રથી પણ દર્દીઓ આવે છે. તેનું કારણ છે ત્યાં કાર્યરત વેદ્ય શ્રીમતી સારિકા જૈન. 

વડોદરાનું અનોખું સરકારી આયુર્વેદિક દવાખાનું, ઉત્તરપ્રદેશ, મહારાષ્ટ્ર અને મધ્યપ્રદેશથી આવે છે દર્દીઓ

વડોદરાની એક વ્યક્તિને વિચિત્ર કહી શકાય એવો રોગ થઇ ગયો. ગમે એટલા પ્રયત્ન કરે તો પણ આંખની પાપણ ઊંચી થાય જ નહી. આંખ ખુલ્લી રાખવા માટે પાપણને આંગળીથી પકડી રાખવી પડે અને તો જ જોઇ શકાય. આ રોગથી મુક્તિ મેળવવા માટે તેમણે ૧૫૦થી વધુ તબીબોને બતાવ્યું. દવાખાનામાં દાખલ થયા. પણ સારૂ ના થયું. તેમને માયસ્થેનિયા ગ્રેવીસની બિમારીનું નિદાન થયું. થાકી હારી તેઓ પહોંચ્યા વડોદરાના એક સરકારી આયુર્વેદિક દવાખાને થોડા દિવસોની સારવાર બાદ આ દર્દીથી તેમને મુક્તિ મળી. 

રાજ્યની પ્રથમ 'કિડ્ઝ સીટી' પ્રોજેક્ટ પડતો મુકાયો 

સુરતમાં સ્ટ્રક્ચર બનાવ્યા બાદ પ્રોજેક્ટ પડતો મુકાયો,ગ્રાન્ટના અભાવે કામ બંધ કરાયાનો આક્ષેપ,રુ.51 કરોડના ખર્ચે બનવાની હતી કિડઝ સીટી,કિડઝ સીટી પ્રોજેક્ટ 6 વર્ષે પણ અધૂરો,BJP કોર્પોરેટરે પાલિકા પાસે માંગ્યો જવાબ,પ્રોજેક્ટ ફાઇલ દબાવી દીધી હોવાનો આક્ષેપ

રાજ્ય વ્યાપી ડ્રાઈવ કરવામાં આવે છે

વધુમાં તેમણે જણાવ્યું હતું કે, તંત્ર દ્વારા સમયાંતરે પણ દૂધની નમૂના માટેની રાજ્ય વ્યાપી ડ્રાઈવ કરવામાં આવે છે. ગત વર્ષે ૩,૩૦૦ જેટલા નમૂનાઓ લેવામાં આવ્યા હતા, જેમાં ૩ ટકા જેટલા નમુનાઓ ધારાધોરણ મુજબના ન હોઈ તેમની સામે નિયમ મુજબની કાર્યવાહી કરવામાં આવી હતી. આમ, તંત્ર દ્વારા કરવામાં આવતી આ તપાસથી રાજ્યમાં દૂધમાં વ્યાપક પ્રમાણમાં થતી ભેળસેળને સમર્થન મળતું નથી અને દૂધ જેવા પ્રાથમિક ખોરાકમાં ગુણવત્તા બાબતે કોઈ બાંધછોડ ન થાય તે માટે તંત્ર દ્વારા સતત કામગીરી કરવામાં આવે છે, એમ ગુજરાત રાજ્યના ખોરાક અને ઔષધ નિયમન તંત્રની યાદીમાં જણાવાયું છે.

અન્ય રાજયના 31 ટેન્કરો ચેક કર્યા 

આ સઘન તપાસ દરમિયાન અન્ય રાજ્યમાંથી આવતા કુલ ૩૧ દૂધના ટેન્કરો ચેક કરવામાં આવ્યા હતા, જેમાંથી કુલ ૪૧ દૂધના નમૂના મિલ્કોસ્કેન મશીનમાં સ્થળ ઉપર જ ચેક કરવામાં આવ્યા હતા. આ તમામ દૂધના નમૂનાઓ ધારાધોરણ મુજબના જોવા મળ્યા હતા. આ ઉપરાંત કુલ ૨૯ સર્વેલન્સ નમૂના લઈને લેબોરેટરીમાં વધુ ચકાસણી અર્થે મોકલી આપવામાં આવ્યા હતા. આમ, કુલ ૬.૨૫ લાખ લિટરથી વધુ દૂધનું રાજ્યની બોર્ડર પર અલગ-અલગ ચેકપોસ્ટ ઉપર વહન દરમિયાન તપાસ હાથ ધરવામાં આવી હતી. વધુમાં ૧૦ હજાર થી ૨૮ હજાર લિટર દુધની કેપેસિટીનું વહન કરી શકે તેવા ટેન્કરો જે-તે ડેરી દ્વારા સીલ કરીને અને દૂધના રિપોર્ટ સાથે વહન કરતા હતા, જેથી તેના વહન દરમ્યાન રસ્તામાં ભેળસેળ અટકાવી શકાય.

રાજયકક્ષાની સ્પેશિયલ સ્કોર્ડ

રાજ્યકક્ષાની સ્પે. સ્કોડ દ્વારા રાજ્યની વિવિધ ચેક પોસ્ટ ખાતે સઘન તપાસ હાથ ધરવામાં આવી હતી, જેમાં એક ઝુંબેશના ભાગરૂપે મધ્યપ્રદેશ, મહારાષ્ટ્ર અને રાજસ્થાન જેવા પરપ્રાંતથી આવતા દૂધના ટેન્કરોની તપાસ કરવામાં આવી હતી. આ ટીમો દ્વારા અરવલ્લી જિલ્લાની રતનપુર ચેકપોસ્ટ, તાપી જિલ્લાની બાજીપુરા ચેકપોસ્ટ, દાહોદ જિલ્લાની પિતોલ ચેકપોસ્ટ, અને હિંમતનગરની સાબર ડેરી એમ કુલ ચાર જગ્યાઓ પર વહેલી સવારે પેટ્રોલિંગ કરીને ત્યાં આવતા દૂધના ટેન્કરોમાંથી દૂધના નમુના લઇ સ્થળ પર જ મિલ્કોસ્કેન મશીનનો ઉપયોગ કરી ફુડ સેફ્ટી વાનમાં ચકાસણી કરવામાં આવી હતી. 

150 ટેન્કરોની તપાસ કરાઈ

જેમાં ૧૪ જેટલી મોટી ડેરીઓ તથા ૧૫૦થી વધુ ટેન્કરોની તપાસ કરવામાં આવી હતી. આ તપાસ દરમિયાન રાજ્યમાંથી ટેન્કર, કેન તથા અન્ય માધ્યમથી ડેરીમાં આવતા ૯૦૦ જેટલા દૂધના નમૂનાની સ્થળ પર જ ફૂડ સેફટી ઓન વ્હીલ્સ દ્વારા ચકાસણી કરવામાં આવી હતી. આ તપાસ દરમિયાન દૂધનો ૧૫ લાખ લિટરથી વધુનો જથ્થો ધારાધોરણ મુજબનો માલુમ પડ્યો હતો અને જેમાં અન્ય કોઈ પણ પ્રકારના પદાર્થ જેવા કે યુરિયા, શુક્રોઝ, માલ્ટોડેક્ષટ્રીન, સોડિયમ બાયકાર્બોનેટ, ડિટર્જન્ટ કે અન્ય હાનિકારક કેમિકલની હાજરી જોવા ન મળી હતી.

દૂધના ટેન્કરોની તપાસ કરાઈ

જેમાંથી આ ટેન્કરોના દૂધના ૪૦થી વધુ નમૂના સ્થળ પર જ ચકાસવામાં આવ્યા હતા. વધુમાં, તંત્ર દ્વારા રાજ્યમાં આવેલી ૧૪ જેટલી ડેરી પર ૧૫૦થી વધુ ટેન્કરો સહિત કુલ ૧૮૨થી વધુ દૂધના ટેન્કરોના આશરે ૨૨ લાખ લીટર જેટલા દૂધની ગુણવત્તાની ખરાઈ કરવામાં આવી હતી.ખોરાક અને ઔષધ નિયમન તંત્રના કમિશનર ડો. એચ.જી.કોશિયાએ જણાવ્યું કે, તંત્રને રાજ્યમાં વેચાણ થતા દૂધની ગુણવત્તા બાબતે નાગરિકો તરફથી અવારનવાર ફરિયાદો મળતી હોય છે, જે અંતર્ગત ખોરાક અને ઔષધ નિયમન તંત્ર દ્વારા દુધની વેચાણ કરતી ડેરીઓ અને દૂધનું વહન કરતા ટેન્કરોની તપાસ કરવામાં આવી હતી. 

ગુજરાત,મધ્યપ્રદેશ, મહારાષ્ટ્ર અને રાજસ્થાન સહિત 182થી વધુ દૂધના ટેન્કરોની આકસ્મિક તપાસ

રાજ્યના નાગરિકોની જીવન જરૂરી ખાદ્ય ચીજ વસ્તુઓ શુદ્ધ, સલામત અને ગુણવત્તાયુક્ત મળી રહે તે માટે મુખ્યમંત્રી ભૂપેન્દ્રભાઈ પટેલના માર્ગદર્શનમાં રાજ્ય સરકાર સતત કટિબદ્ધ છે. જેના પરિણામે ખોરાક અને ઔષધ નિયમન તંત્ર દ્વારા રાજ્યની અલગ-અલગ બોર્ડર પર સઘન તપાસ હાથ ધરીને પરપ્રાંતથી આવતા ટેન્કરોની ચકાસણી કરવામાં આવી હતી. 

દુકાન માલિકનું ફરથી CID ક્રાઈમે લીધું નિવેદન

પ્રાંતિજની બીઝેડની ઓફીસ ફરીથી ખોલીને સીઆઈડી ટીમ દ્વારા દુકાન માલિકનું ફરીથી નિવેદન લેવામાં આવ્યું છે અને અન્ય લોકોની પણ પૂછપરછ કરવામાં આવી છે,દુકાનમાં કોણ આવતુ હતુ અને કોણ જતું હતુ કયારે દુકાન ખુલતી હતી અને બંધ થતી હતી તેને લઈ તપાસ હાથધરી છે,મુખ્ય એજન્ટ નિલેશ પટેલ ફરાર થઈ ગયો છે જેને લઈ સીઆઈડી ક્રાઈમ તપાસ કરી રહી છે.બીઝેડ ગ્રૂપની પ્રાંતિજમાં જે જગ્યાએ ઓફિસ છે તેની આસપાસ જેટલી દુકાનો આવેલી છે તે લોકોના પણ નિવેદન લેવામાં આવ્યા છે.

BZ ગ્રૂપના મહાઠગ ભૂપેન્દ્રસિંહ ઝાલાને આજે કોર્ટમાં રજૂ કરાશે

મહાઠગ ભૂપેન્દ્રસિંહ ઝાલાના રિમાન્ડ આજે 7 દિવસના પૂર્ણ થાય છે માટે તેને કોર્ટમાં રજૂ કરવામાં આવશે,સીઆઈડી ક્રાઈમ રિમાન્ડ દરમિયાન કરેલી તપાસનો રિપોર્ટ કોર્ટને સોંપશે અને આગામી દિવસો માટે CID ક્રાઈમ દ્વારા વધુ રિમાન્ડની કરી શકે છે માંગ,બીજી તરફ મુખ્ય આરોપી મયુર દરજીની જામીન અરજી પર પણ થશે સુનાવણી.

BZ પોન્ઝી સ્કીમમાં 4 ક્રિકેટરોને CID ક્રાઈમનું તેડું

સાબરકાંઠામાં થયેલા બીઝેડ ગ્રૂપના કૌંભાંડને લઈ દિવસેને દિવસે નવા-નવા વિવાદો અને નામો સામે આવી રહ્યાં છે ત્યારે આ સમગ્ર ઘટનામાં તપાસ માટે CID ક્રાઈમ ક્રિકેટરોને બોલાવી શકે તેવી માહિતી સૂત્રો તરફથી સામે આવી છે જેમા  BZ ગ્રૂપમાં 4 ક્રિકેટરોએ રોકાણ કર્યુ હોવાની વાત છે.5 કરોડની આસપાસ ચારેય ક્રિકેટરોએ  રોકાણ કર્યુ છે તેવી ચર્ચાએ જોર પકડયું છે.

પીએમ મોદીએ કેજરીવાલની પાર્ટી AAPને 'આપત્તિ' ગણાવી

પીએમ મોદીએ આજે દિલ્હીમાં વિકાસના કાર્યોનું લોકાર્પણ કર્યુ હતુ. આ દરમિયાન તેમણે સંબોધન કરતા આપ પાર્ટી પર પ્રહાર કર્યા હતા. તેમણે  અરવિંદ કેજરીવાલની પાર્ટી આમ આદમી પાર્ટીને 'આપત્તિ' ગણાવી હતી. તેમણે કહ્યું કે દિલ્હી કહી રહી છે કે તે તમારી આફતને સહન નહીં કરે અને તેને બદલશે.

બપોરે 3 વાગ્યા સુધીના મહત્વના સમાચાર 

1. Sabarkantha: BZ કૌભાંડ મામલે મોટા સમાચાર, તલોદ માર્કેટયાર્ડ ચેરમેનના નામે CIDમાં નનામીઅરજી!

2. Gujarat Weather: રાજ્યમાં 3 દિવસ ઠંડીથી મળશે આંશિક રાહત! હવામાન વિભાગની આગાહી

3. Suratમાં મુંબઈ-અમદાવાદ નેશનલ હાઇવે પર એકસાથે 5 વાહનોને નડ્યો અકસ્માત

4.Credai Ahmedabad : જંત્રીને લઈ સારી રીતે આગળ વધીશુ : ભૂપેન્દ્ર પટેલ 

5.સ્પીડ બ્રેકર પાસે એમ્બ્યુલન્સ એવી ઉછળી કે... જીવતા થઇ ગયા કાકા!

6. Delhi ચૂંટણી પહેલા PM મોદીની રાજધાનીને 4300 કરોડ રૂપિયાની ભેટ

7.PMએ મોકલેલી ચાદર લઇને નિઝામુદ્દીન ઔલિયા દરગાહ પહોંચ્યા કિરણ રિજીજૂ 

8.IMD Forecast: 19 રાજ્યમાં ગાઢ ધુમ્મસ, ભારે પવન અને વરસાદનું એલર્ટ

9. Money Laundering Case : 1000 કરોડનું ઓપરેશન “રિયલ કુબેર”, EDને ગોથે ચડાવ્યું

10 Mumbai: ધારાવીમાં ભયંકર અકસ્માત, પાર્ક કરેલી 6 કારને ટેન્કરે મારી ટક્કર

જામનગરના જોડિયામાં બસ ડ્રાઈવરની બેદરકારી

જામનગરના જોડિયામાં બસ ડ્રાઈવરની બેદરકારી સામે આવી છે. યુવક જોડીયા એસટી સ્ટેન્ડમાં બસની રાહ જોતો હતો તે દરમિયાન ડેપોમાં ઊભેલા યુવકના પગ પર બસ ફરી વળી છે. યુવકને ગંભીર ઇજાઓ પહોંચતા હોસ્પિટલ ખસેડાયો છે. પોલીસે બસ ચાલક વિરુદ્ધ ગુનો નોંધ્યો છે.

રાષ્ટ્રપતિ દ્રૌપદી મુર્મુ એક દિવસની મુલાકાતે બેંગલુરુ પહોંચ્યા

રાષ્ટ્રપતિ દ્રૌપદી મુર્મુ એક દિવસની મુલાકાતે બેંગલુરુ પહોંચ્યા છે. કર્ણાટકના મુખ્યમંત્રી સિદ્ધારમૈયાએ એરપોર્ટ પર તેમનું સ્વાગત કર્યું હતું. મુર્મુ બેંગલુરુમાં નેશનલ ઈન્સ્ટિટ્યૂટ ઓફ મેન્ટલ હેલ્થ એન્ડ ન્યુરો સાયન્સ (નિમ્હાન્સ)ના સુવર્ણ જયંતિ સમારોહમાં હાજરી આપશે. આ સિવાય તે બેલાગવીમાં KLE કેન્સર હોસ્પિટલનું પણ ઉદ્ઘાટન કરશે.

મહેસાણાના કડીમાં સિક્યુરિટી ગાર્ડની હત્યા

મહેસાણાના કડીમાં આરો કંપનીમાં સિક્યુરિટી ગાર્ડની હત્યાથી ચકચાર મચી જવા પામ્યો છે. અજાણ્યા શખ્સો સિક્યુરિટી ગાર્ડની હત્યા કરી ફરાર થઇ ગયા હતા. મૃતકના શરીરના ભાગે ગંભીર ઈજાઓ જોવા મળી છે. સિક્યુરિટી ગાર્ડની હત્યા પાછળનું કારણ અકબંધ છે. કડી પોલીસે ગુનો નોંધી વધુ તપાસ હાથ ધરી.

દિલ્હી: PM મોદીએ 1675 EWS ફ્લેટનું ઉદ્ઘાટન કર્યું

PM મોદીએ દિલ્હીના અશોક વિહારમાં 1675 EWS સ્વાભિમાન ફ્લેટનું ઉદ્ઘાટન કર્યું. આ ઘર આર્થિક રીતે પછાત વર્ગ માટે છે.

ઠંડી અંગે હવામાન વિભાગની આગાહી 

ઠંડી અંગે હવામાન વિભાગની આગાહી, હાલ ઉત્તર પૂર્વથી પૂર્વના પવન ફૂંકાઈ રહ્યા છે જેને લઇ વેસ્ટર્ન ડિસ્ટર્બન્સ સર્જાતા તાપમાનમાં ઘટાડો થવાની શક્યતા છે. ત્રણ દિવસ બાદ તાપમાનમાં ઘટાડો થવાથી  રાજ્યમાં 3 દિવસ ઠંડીથી આંશિક રાહત મળશે. અમદાવાદમાં તાપમાન 15 ડિગ્રી આસપાસ રહેશે.

વલસાડ: દમણથી રાજ્યમાં દારૂ ઘૂસાડવાના કારસ્તાનનો પર્દાફાશ

વલસાડ: દમણથી રાજ્યમાં દારૂ ઘૂસાડવાના કારસ્તાનનો પર્દાફાશ થયો છે. આઈસર ટેમ્પોમાં પૂંઠાના રોલની આડમાં વિદેશી દારૂની હેરાફેરી ઝડપાઇ છે. નેશનલ હાઈવે નંબર 48 પર સરોધી નજીક દારૂનો જથ્થો ઝડપાયો છે. 3.40 લાખના દારૂના જથ્થા સાથે બે આરોપીની ધરપકડ કરવામાં આવી છે. આઈસર ટેમ્પો સહિત કુલ 11.55 લાખનો મુદ્દામાલ જપ્ત કરાયો છે.

દિલ્હી વિધાનસભાની ચૂંટણી 7-8 જાન્યુઆરીએ થઈ શકે જાહેર 

દિલ્હી વિધાનસભા ચૂંટણીની તારીખો મંગળવારે અથવા બુધવારે જાહેર થઈ શકે છે.

મોરબી: આધારકાર્ડમાં ગેરકાયદેસર સુધારો કરવાનું કૌભાંડ

મોરબી: આધારકાર્ડમાં ગેરકાયદેસર સુધારો કરવાનું કૌભાંડ આવ્યુ છે. પોસ્ટમેન અને દુકાનદારે સાથે મળીને આ કૌભાંડ આચર્યું છે. ઈશ્યૂ કરેલ આધાર કીટનો પોસ્ટમેને દુરુપયોગ કર્યો. આઈડી કીટના આધારકાર્ડ ડેટાનો ઉપયોગ કરી ખોટા દસ્તાવેજ બનાવ્યા. બનાવટી બાયોમેટ્રીકના આધારે આધારકાર્ડ બનાવી ઠગાઈ આચરી.

સુરતમાં મોટા માથાઓ સામે CID ક્રાઇમમાં FIR 

• એરપોર્ટ રોડ પર રૂ 2500 કરોડની જમીનનો ખેલ
• બોગસ પ્રોપર્ટી કાર્ડ બનાવનાર બન્યો આરોપી 
• 5 લાખ વારની અંદાજિત 2500 કરોડની જમીન
• સમૃદ્ધિ કોર્પોરેશનના નામે ભાગીદારી પેઢી બનાવી 
• બિલ્ડર નરેશ શાહ, પ્રકાશ આસવાની બન્યા આરોપી 
• લોકનાથ ગંભીર, મનહર કાકડીયા સામે નોંધાઈ ફરિયાદ
• સમૃદ્ધિ કોર્પોરેશન નામની ભાગીદારી પેઢી સામે FIR 

સુરત: બોગસ ડૉક્ટર ઝડપાવાનો સિલસિલો યથાવત

સુરત: બોગસ ડૉક્ટર ઝડપાવાનો સિલસિલો યથાવત છે. ડિંડોલી પોલીસે 6 બોગસ ડૉક્ટરને ઝડપી પાડ્યા છે. અલગ-અલગ ક્લિનિક પર ડિંડોલી પોલીસે દરોડા પાડ્યા હતા. નવાગામ વિસ્તારમાંથી ડિગ્રી વગરના ડૉક્ટર ઝડપાયા છે. ક્લિનિકમાંથી મોટા પ્રમાણમાં દવાનો જથ્થો જપ્ત કરાયો છે.

અમદાવાદઃ સરખેજમાં આવેલી FD સ્કૂલને નોટિસ

અમદાવાદઃ સરખેજમાં આવેલી FD સ્કૂલને નોટિસ મળી છે. FRCએ નવી ફીને મંજૂરી ન આપી હોવા છતાં શાળાએ વધુ ફી ઉઘરાવતા વાલીઓએ ફરિયાદ કરી હતી. DEOએ શાળાને નોટિસ ફટકારી ખુલાસો માગ્યો છે.

અમદાવાદના 50 કરતા વધુ અગ્રગણ્ય ડેવલપર્સ ભાગ લઈ રહ્યા છે

સંસ્થા દ્વારા આયોજીત પ્રોપર્ટી શૉમાં ઘર, ઓફીસ અને પ્લોટ ખરીદનાર, ઈન્વેસ્ટર્સ સહિત મોટી સંખ્યામાં શહેરીજનો મુલાકાત લેતા હોય છે.ક્રેડાઈ અમદાવાદ દ્વારા યોજવામાં આવતા ગાહેડ પ્રોપર્ટી શો માટે લોકોમાં વધુ આકર્ષણ રહે છે તે આપણા સૌ માટે અપેક્ષનીય છે. સંસ્થા દ્વારા આયોજીત આ 19માં ગાહેડ પ્રોપર્ટી શોમાં અમદાવાદ શહેરના 50 કરતા વધુ અગ્રગણ્ય ડેવલપર્સ ભાગ લઈ રહ્યા છે.અમદાવાદ શહેરની પેરીફેરીમાં નવ વિકસિત પ્રોજેક્ટ તેમજ આકાર પામનાર રેસીડેન્શિયલ,કોમર્શીયલ,પ્લોટીંગ અને વીક એન્ડ વિલા વગેરે આશરે 250થી વધુ પ્રોપર્ટીઝ ડિસ્પલે કરવામાં આવશે.આ પ્રોપર્ટી શોની મુલાકાત લઈ પ્રોપર્ટી ખરીદવા ઈચ્છુક નાગરિકો માટે વધુ સુગમતા રહે તેમજ તેમને ધિરાણ સરળતાથી મળી શકે તે માટે ફાઈનાન્શિયલ ઈન્સ્ટીટયુશન્સને પણ આ પ્રોપર્ટી શોમાં સાથે રાખવામાં આવ્યા છે.

મુસાફરો બુકિંગનો લાભ લઇ શકે

ઓનલાઈન પેસેન્જર રિઝર્વેશન સિસ્ટમની શરૂઆત કર્યા પછી એસ.ટી નિગમે તબક્કાવાર મુસાફરોની સુવિધાઓ વધારો કર્યો છે, જેમાં વર્ષ-૨૦૧૫થી એન્ડ્રોઈડ અને iOS મોબાઈલ એપ્લિકેશન (GSRTC Official) લોન્ચ કરવામાં આવી હતી. મુસાફરો મોબાઈલ- વેબ એપ્લિકેશન www.gsrtc.in મારફતે બૂક કરાયેલી ટિકિટોનું રિશિડ્યુલ- કેન્સલેશન તેમજ PNR સ્ટેટ્સ વગેરે સરળતાથી જાણી શકે તે માટે તમામ વિકલ્પો આપવામાં આવ્યા છે, આ એપ્લિકેશન દ્વારા મુસાફરોને તેમની મુસાફરીની ટિકિટ ૬૦ દિવસ અગાઉ બૂક કરાવી શકશે અને જો મુસાફરીમાં જો કોઈ ફેરફાર થાય તે સમય ટિકિટની રિશિડ્યુલની સુવિધા વિનામૂલ્યે મુસાફરોને નિગમ દ્વારા આપવામાં આવે છે,  જે સ્થળે નિગમનું બસ સ્ટેન્ડ કે બુકિંગ કાઉન્ટર ન હોય તેવા સ્થળે મુસાફરો બુકિંગનો લાભ લઇ શકે તે માટે નિગમ દ્વારા બુકિંગ એન્જસી આપવામાં આવી છે, જેમાં નિગમ ખાતે ૨૦૫ બુકિંગ એજન્ટ કાર્યરત છે. તેમ ગુજરાત રાજ્ય વાહન વ્યવહાર નિગમની યાદીમાં વધુમાં જણાવાયું છે.

એપ્લિકેશનમાં અલગથી પણ ઓપ્શન

યાદીમાં વધુમાં જણાવાયું છે કે, એસ.ટી નિગમ દ્વારા મુસાફરોની સુવિધાઓને ધ્યાને લઈને વર્ષ–૨૦૧૦થી ઓનલાઈન પેસેન્જર રિઝર્વેશન સિસ્ટમની શરૂઆત કરાવવામાં આવી હતી, ત્યારબાદ  વર્ષ -૨૦૧૧થી માસ્ટર ફ્રેન્ચાઇઝીના કરાર થકી મુસાફરો Abhibus, પેટીએમ જેવી એપ્લિકેશન મારફતે પણ ઓનલાઈન એસ.ટી બસની ટિકિટ બુકિંગ કરાવી શકે છે. નિગમ દ્વારા દિવ્યાંગ મુસાફરો સરળતાથી બુકિંગ કરી શકે તે માટે દિવ્યાંગ બુકિંગનું વેબ- મોબાઈલ એપ્લિકેશનમાં અલગથી પણ ઓપ્શન આપવામાં આવ્યો છે. 

ઓનલાઈન પેસેન્જર રિઝર્વેશન

ગુજરાતના નાગરિકોને સ્વચ્છ, સલામત અને સમયસર મુસાફરીની સુવિધા મળી રહે તેવા ઉદેશ્ય સાથે વડાપ્રધાન અને તત્કાલીન મુખ્યમંત્રી  નરેન્દ્રભાઈ મોદીએ વર્ષ-૨૦૧૦થી ઓનલાઈન પેસેન્જર રિઝર્વેશન સિસ્ટમની શરૂઆત કરાવવામાં આવી હતી. ઓનલાઈન ટિકિટો સહિત નાગરીકોને મુસાફરી માટે અપાતી સુવિધાઓમાં ઉત્તરોતર વધારો મુખ્યમંત્રી ભૂપેન્દ્ર પટેલના માર્ગદર્શન અને વાહન વ્યવહાર મંત્રી હર્ષ સંઘવીના નેતૃત્વમાં થઇ રહ્યો છે. જેના પરિણામે ગુજરાતમાં છેલ્લા બે વર્ષમાં ૪ કરોડથી વધુ મુસાફરોએ ઓનલાઈન ટિકિટો બૂક કરીને એસ.ટી નિગમને કુલ રૂ. ૧,૦૩૬ કરોડથી વધુની આવક કરાવી છે તેમ ગુજરાત રાજ્ય વાહન વ્યવહાર નિગમની યાદીમાં જણાવાયું છે.     

ગુજરાત એસ.ટી નિગમ સમગ્ર ભારતમાં ઓનલાઈન ટિકિટ બુકિંગને લઈ પ્રથમ ક્રમે

સમય - ટેક્નોલોજીની સાથે ગતિ કરવી એ ગુજરાતના નાગરીકોનો સ્વભાવ રહ્યો છે, સમગ્ર ભારતના તમામ રાજ્યોના નિગમોમાં ગુજરાત એસ.ટી નિગમે ઓનલાઈન પેસેન્જર રિઝર્વેશન સિસ્ટમ - OPRSનો સૌથી વધુ ઉપયોગ કરી વિશેષ સિદ્ધિ  પ્રાપ્ત કરી છે, સમગ્ર ભારતમાં દૈનિક ૭૫ હજારથી વધુ ઓનલાઈન ટિકિટ બુકિંગ સાથે ગુજરાત એસ.ટી નિગમ પ્રથમ ક્રમે છે. 

વાંચો 12 વાગ્યા સુધીના મહત્વના સમાચાર 

01- China New Virus : ફરીથી કોરોના જેવી તબાહી?, રહસ્યમયી વાયરસથી હાહાકાર

02 - Ahmedabad ઇન્ટરનેશનલ ફ્લાવર શો-2025ની સાબરમતી રિવરફ્રન્ટ ખાતે થઈ શરૂઆત

03 - Gold Price Today: સોનાના ભાવમાં વધારો, ખરીદી કરતા પહેલા જાણો 10ગ્રામની કિંમત

04 - IMD Forecast: 19 રાજ્યમાં ગાઢ ધુમ્મસ, ભારે પવન અને વરસાદનું એલર્ટ

05 - Ahmedabadની સિવિલ હોસ્પિટલને મળ્યું 9મું સ્કિન ડોનેશન

06 - Mumbai: ધારાવીમાં ભયંકર અકસ્માત, પાર્ક કરેલી 6 કારને ટેન્કરે મારી ટક્કર

07 - Rajkot શહેરના BJPના પ્રમુખ બનવા માટે 7 કોઠા ભેદવા પડશે !

08 - Money Laundering Case : 1000 કરોડનું ઓપરેશન “રિયલ કુબેર”, EDને ગોથે ચડાવ્યું

09 - TMKOCમાં દયાભાભી નહી જોવા મળે? અસિત મોદીએ દિશા વાકાણીને લઇને કર્યો ખુલાસો

10 - Petrol Diesel Price Today: દેશમાં પેટ્રોલ ડીઝલના ભાવમાં ફેરફાર, જાણો લેટેસ્ટ રેટ

પતંગિયાઓની વિવિધ પ્રજાતિઓ

બટરફ્લાય ગાર્ડનમાં પતંગિયાની વિવિધ 70 પ્રજાતિઓ પ્રવાસીઓને જોવા મળે છે, જેમાં કોમન ક્રૉ, પ્લેઇન ટાઇગર, બ્લૂ ટાઇગર, સ્ટ્રાઇપ્ડ ટાઇગર, ગ્લાસી ટાઇગર, મોટલ્ડ એમિગ્રન્ટ, લેમન પેન્સી, ચોકલેટ પેન્સી, પીકોક પેન્સી, કોમન રોઝ, ક્રિમસન રોઝ, બ્લેક રાજા, ઇન્ડિયન જેઝબેલ, એગફ્લાય, પેઇન્ટેડ લેડી, પ્લેઇન ક્યુપિડ, સનબીમ, લાઇમ સ્વેલોટેઇલ, રેડ હેલન, બ્લૂ મોરમોન, ઇવનિંગ બ્રાઉન, રેડ પેરોટ વગેરે જેવી પ્રજાતિઓનો સમાવેશ થાય છે.

પરાગ રજકણો અને યજમાન છોડ

પતંગિયાની પ્રત્યેક પ્રજાતિનો પોતાનો એક યુનિક યજમાન છોડ હોય છે. બટરફ્લાય ગાર્ડનમાં રહેલી પતંગિયાઓની 70 વિવિધ પ્રજાતિઓ માટે તેમની વિવિધ આવશ્યકતાઓને પૂરી કરવાના હેતુસર 70 અલગ-અલગ યજમાન છોડવાઓ ઉગાડવામાં આવ્યા છે. ઉહાદરણ તરીકે, પ્લેઇન ટાઇગર બટરફ્લાય અકરા નામના છોડ તરફ આકર્ષિત થાય છે, કોમન ક્રૉ નામનું પતંગિયું કનેર છોડને પસંદ કરે છે, એવી જ રીતે લાઇમ બટરફ્લાય લીંબુડી પ્રત્યે આકર્ષિત થાય છે.

પતંગિયાઓની 70 વિવિધ પ્રજાતિઓ

નર્મદાના શાંત કિનારે આવું જ એક આહ્લાદક પ્રવાસન સ્થળ પ્રવાસીઓ માટે વિકસિત કરવામાં આવ્યું છે, બટરફ્લાય ગાર્ડન! આ ગાર્ડનમાં પ્રવાસીઓ વિવિધ પ્રજાતિના પતંગિયાઓને નિહાળી શકે છે. 10 એકરમાં ફેલાયેલા બટરફ્લાય ગાર્ડનમાં પતંગિયાઓની 70 વિવિધ પ્રજાતિઓ તેમજ પરાગ રજકણો અને યજમાન છોડ (હોસ્ટ પ્લાન્ટ્સ)ની 150 પ્રજાતિઓ આવેલી છે. આ પરાગ રજકણો અને યજમાન છોડ પતંગિયાઓને પોષણ તેમજ તેમના ઇંડા મૂકવા માટેનું સ્થાન પ્રદાન કરે છે.

સૌથી ઊંચી પ્રતિમા સ્ટેચ્યુ ઓફ યુનિટી

દુનિયાની સૌથી ઊંચી પ્રતિમા સ્ટેચ્યુ ઓફ યુનિટીએ ગત વર્ષનો રેકોર્ડ તોડયો છે જેમાં વર્ષ 2023માં 51 લાખ 20 હજાર પ્રવાસી આવ્યા હતા,જ્યારે વર્ષ 2024ના વર્ષે 58 લાખ 25 હજાર પ્રવાસીઓ આવી ચૂક્યા છે,વર્ષ 2018થી અત્યાર સુધી બે કરોડ જેટલા પ્રવાસીઓ આવ્યા હોવાનો અંદાજ છે.

SOUમાં પ્રવાસીઓનો ગત વર્ષનો રેકોર્ડ તૂટ્યો

નર્મદાના સ્ટેચ્યુ ઓફ યુનિટી ( SOU)માં પ્રવાસીઓએ ગત વર્ષનો રેકોર્ડ તોડયો છે જેમાં વર્ષ 2023 કરતા 2024માં વધુ પ્રવાસીઓએ મુલાકાત લીધી છે,વર્ષ 2024માં 58.25 લાખ પ્રવાસીઓએ મુલાકાત લીધી છે તો વર્ષ 2023માં 51.20 લાખ 20 પ્રવાસીઓ આવ્યા હતા તો વર્ષ 2018થી અત્યાર સુધી બે કરોડ પ્રવાસીઓ આવ્યા  હોવાની વાત સામે આવી છે.

6 ઝોનમાં છે ફલાવર શો

ફ્લાવર શોમાં દેશ-વિદેશના 15 લાખથી વધુ ફ્લાવરનું પ્લાન્ટેશન કરવામાં આવ્યું હતું. દેશની સંસ્કૃતિની ઝાંખી કરાવતા અલગ અલગ ફૂલોની પ્રતિકૃતિ પણ બનાવવામાં આવી છે.પહેલા ઝોનને ભારતના આર્થિક વૃદ્ધિ, વિકાસ અને હરિયાળી પ્રતિમાઓ દ્વારા સિમ્બોલિક કરવામાં આવી છે. હાથી, કમળ, વાઇબ્રન્ટ આર્ચિસ, કેનોપી ક્લસ્ટર, કોણાર્ક ચક્ર, સુશાસનના 23 વર્ષ, ફાઇટિંગ બુલ્સ અને બાળકો માટે આકર્ષણો આ ઝોનને વધુ સુંદર બનાવે છે.

CMના હસ્તે ફ્લાવર શો ખુલ્લો મુકવામાં આવ્યો

સીએમ ભૂપેન્દ્ર પટેલના હસ્તે ફલાવર શો ખુલ્લો મૂકવામાં આવ્યો છે.આજથી 22 જાન્યુઆરી સુધી ચાલશે ફ્લાવર શો ચાલશે સાથે સાથે ગયા વર્ષે ફ્લાવર વેલીનો ગિનિસ બુકમાં રેકોર્ડ  નોંધાયો હતો અને આ વર્ષે ફ્લાવર શો 6 ભાગમાં વહેચાયો છે PMએ ફ્લાવર શોમાં સૂચવેલા સુજાવ મુજબ તૈયાર કરવામાં આવ્યો છે.QR કોડ સ્કેન કરીને ફૂલની વિશેષતા જાણી શકાશે તો મુલાકાતીઓનો પ્રવાહ વધે તો તારીખ લંબાઈ શકે તેવી પણ શકયતાઓ સેવાઈ રહી છે.ફ્લાવર શોના ટિકિટ ચાર્જમાં આ વધારો કરવામાં આવ્યો છે.

અમદાવાદ ઇન્ટરનેશનલ ફ્લાવર શો-2025ની સાબરમતી રિવરફ્રન્ટ ખાતે થઈ શરૂઆત 

અમદાવાદમાં આજથી ફ્લાવર શોનો પ્રારંભ સાબરમતી રિવરફ્રન્ટ પર થઈ ગયો છે,આજે સીએમ ભૂપેન્દ્ર પટેલના હસ્તે આ ફલાવર શો ખુલ્લો મૂકવામાં આવ્યો છે.3 જાન્યુઆરી 2025 થી 22 જાન્યુઆરી 2025 સુધી ફલાવર શો ચાલુ રહેશ,પછી અમદાવાદ મ્યુ.કોર્પોરેશન નક્કી કરશે કે આગળના દિવસોમાં ફલાવર શો લંબાવવો છે કે નહી. 

બર્ન થયેલા લોકોમાં આ ચામડી ઉપયોગમાં લેવાય 

વધુમાં જણાવ્યું કે દાનમાં મળેલ ચામડી બાયોલોજીકલ સ્કીન ડ્રેસિંગ તરીકે કામ કરે છે અને આગળ જતા બીજાની લગાવેલ ચામડી નીકળી જાય છે અને કુદરતી રીતે ફરીથી નવી ચામડી બનવા નો સમય મળી રહે છે.સિવિલ સુપ્રિટેન્ડેન્ટ ડૉ. જોષીએ જણાવ્યું હતું કે ,અત્યાર સુધીમાં ૦૯ સ્કીન દાન પૈકી ત્રણ ઘરેથી, બે ત્વચાના દાન પ્રાઇવેટ હોસ્પિટલમાંથી અને ચાર સ્કીન દાન સિવિલ હોસ્પિટલ ના દર્દીમાંથી મળ્યા છે. આ સાથે સિવિલ હોસ્પિટલ સ્કીન બેંકને મળેલુ આ નવમું અને ઘરેથી લેવામાં આવેલ ચોથુ સ્કીન દાન છે તેમ, ડૉ. જોષીએ વધુમાં ઉમેર્યુ હતુ.

સારવાર અર્થે ગ્રાફ્ટ કરવામાં આવશે

ડૉ. સચદેવ એ જણાવ્યું હતું કે, અમદાવાદના નિકોલ વિસ્તારમાં વસતા ૭૨ વર્ષીય સમજુબેન પટેલનું નિધન થયું હતું. પુત્રએ શતાયુ NGOને માતાની સ્કિન ડોનેશન માટે ઈચ્છા વ્યક્ત કરી અને શતાયુએ સિવિલ હોસ્પિટલનો સંપર્ક કરી સ્કિન ડોનેશન માટે જાણ કરી. સિવિલ હોસ્પિટલમાં કૉલ આવતાં તરત જ વિભાગના ડોક્ટરો દ્વારા ઘરે જઈ મૃતક દર્દીના શરીર પરથી સ્કીનનું દાન લેવામાં આવ્યું હતું. જેને હોસ્પિટલની સ્કિન બેંકમાં સાચવવામાં આવશે અને જરૂરિયાત વાળા દર્દીમાં સારવાર અર્થે ગ્રાફ્ટ કરવામાં આવશે. 

અમદાવાદની સિવિલ હોસ્પિટલને મળ્યું 9મું સ્કિન ડોનેશન

અમદાવાદ સિવિલ હોસ્પિટલમાં ૦૯મું સ્કિન દાન કરાયુ છે. સિવિલ હોસ્પિટલના પ્લાસ્ટિક સર્જરી વિભાગના ડો. જયેશ સચદેવએ જણાવ્યું હતું કે, શતાયુ એનજીઓ દ્વારા સિવિલ હોસ્પિટલ સ્કીન બેંકનો સમ્પર્ક સાધતા ઘરે જઇ સિવિલ હોસ્પિટલનાં પ્લાસ્ટિક સર્જરી વિભાગના ડોકટરોએ મૃતક દર્દીની ત્વચા લઈ ત્વચા દાન સ્વીકાર્યો હતો. તેમણે ઉમેર્યું હતું કે, અંગદાન અને નેત્રદાનની સાથે સાથે વધુમાં વધુ સ્કિન દાન થાય તે આજનાં સમયની જરૂરિયાત છે.

જાણો પ્રમુખ કોણ બની શકે છે

પ્રમુખ માટેના દાવેદારી માટે જરૂરી નિયમો પણ છે, જેમાં જિલ્લા પ્રમુખના દાવેદારી માટે વર્તમાન તેમજ પૂર્વમાં બે વખત સક્રિય સભ્ય બનેલા હોવા જોઈએ, સાથે મંડલ અધ્યક્ષ અથવા જિલ્લા પ્રદેશ સ્તરે, પ્રદેશની ટીમ, મોરચા, પ્રકલ્પમાં કામ ફરજિયાત કામ કરેલું હોવું જોઈએ. પરિવારમાં એક કાર્યકર્તાને એક જવાબદારીનો નિયમ લાગુ પડશે, જે જિલ્લા પ્રમુખ સતત બે ટર્મ જિલ્લા પ્રમુખ રહ્યા હોય તેઓને ફરીવાર રીપીટ કરવામાં આવશે નહીં.જિલ્લા પ્રમુખ બનવા માટે ઇચ્છુક વ્યક્તિ કોઈપણ ગુનાહિત પ્રવૃત્તિ સાથે સંકળાયેલા ન હોવા જોઇએ. આર્થિક અને ચારિત્ર્યની બાબતમાં કોઈ પોલીસ કેસ થયો હોય તેને લાગુ પડશે તો એક્શન લેવાશે. 

કોર્પોરેટરો પણ દાવેદારી કરી શકશે

રાજકોટ શહેરના ભાજપ પ્રમુખ બનવા માટે કોર્પોરેટરો પણ દાવેદારી કરી શકશે તેવી વાત સામે આવી છે સાથે સાથે હાલમાં રાજકોટમાં ચર્ચાએ જોર પકડયું છે કે પ્રમુખ કોણ હશે તેને લઈ ચર્ચા પણ કરાઈ છે.2 ટર્મ પ્રમુખ બનેલા રીપિટ નહી થઈ શકે તેવી વાત પણ સામે આવી છે.ભારતીય જનતા પાર્ટી સંગઠન પર્વ 2024 અંતર્ગત તાલુકા અને શહેર પ્રમુખોની વરણી પ્રદેશકક્ષાએથી થઇ ગઈ, હવે જિલ્લા પ્રમુખોનો વારો આવ્યો છે.અમદાવાદ અને મહેસાણામાં પ્રમુખોની જાહેરાત વોર્ડ પ્રમાણે પણ કરી દેવામાં આવી છે.

Rajkot શહેરના BJPના પ્રમુખ બનવા માટે 7 કસોટી કરવી પડશે પાર 

રાજકોટ શહેર ભાજપ પ્રમુખ અંગે મોટા સમાચાર સામે આવી રહ્યાં છે જેમા શહેર પ્રમુખ બનવા માટે 7 કસોટી પાર કરવી પડશે સાથે સાથે આર્થિક કૌભાંડ કે ચરિત્રહીન પ્રમુખ નહીં બની શકે તેવી વાત પણ કરવામાં આવી છે.2 ટર્મ પ્રમુખ બનેલા કાર્યકર્તાઓ રિપીટ નહીં થઈ શકે સાથે સાથે પાર્ટીના પ્રમુખ તરીકે મહિલાને પણ મોકો મળી શકે તેવી વાત પણ સામે આવી છે.

કાયમી ઉકેલ લાવવા કરી માંગ

ભાવનગર મનપા માં સર્વર ડાઉન હોવાથી શહેરના પ્રજાજનોને લાંબો સમય લાઈનમાં ઉભા રાખી સમયનો વ્યય થઈ રહ્યો છે.મનપા એ ઘણી સુવિધાઓ ઓનલાઈન કરી છે પરંતુ લોકોના જન્મ મરણ ના પ્રમાણપત્ર મેળવવા માટે કોર્પોરેશન કચેરી એ ધક્કા ખાઈ રહ્યા છે જેમાં અરજદારો ના મુખ્ય તો નામ સુધારા, અટક સુધારા, જન્મ તારીખો જેવી સુધારો કરવા માટે લોકો ને ભારે હાલાકી ભોગવી રહ્યા છે. સાથે ભાવેણાવાસીઓનો કિંમતી સમય નો પણ વેડફાટ થઈ રહ્યો છે જેને કારણે લોકો ને હાલાકી નો સામનો કરવો પડી રહ્યો છે.ટેક્નિકલ ઇશ્યુ હોવાથી લોકો ને ધક્કા ખાવા પડી રહ્યા છે ત્યારે મનપા દ્વારા લોકો ને પડતી સમસ્યા ઓનો કાયમી ઉકેલ આવે તેવી માંગ પણ ઉઠવા પામી છે.

લોકો સમસ્યાનો સામનો કરી રહ્યાં છે

રોજના 300 થી 400 લોકો દાખલામાં સુધારા કરવા કોર્પોરેશન આવે છે. જન્મના દાખલામાં સુધારો કરવા લોકોની સંખ્યા એક સાથે વધી જતા સમસ્યા ઊભી થઈ છે. કોર્પોરેશન દ્વારા હાલમાં એક બારીની સુવિધા વધારી છે પરંતુ જન્મ ના દાખલામાં સુધારા માટે એક સાથે થયેલા ધસારાને પહોંચી શકતા નથી.આ અંગે વિપક્ષના પૂર્વ પ્રમુખ નું કહેવું છે કે તમામ સરકારી કામોમાં લોકો ને હેરાન પરેશાન થવું જ પડે છે આધારકાર્ડ માં સુધારો કરવા માટે પણ લોકો ને ખુબ હેરાન પરેશાન થવું પડે છે.ડીજીટલ યુગમાં સર્વર ડાઉન હોવાનું કહી ને લોકોને હેરાન કરવામાં આવે છે ત્યારે સત્તાધીશો એ આ અંગે યોગ્ય નિર્ણય કરી લોકો ને પડતી હેરાનગતિ ઝડપ થી દુર કરવી જોઈએ.

ભીડ છેલ્લા બે ત્રણ મહિનાથી વધી રહી છે

જન્મ, મરણ પ્રમાણપત્ર ના ઈ- ઓળખ સોફ્ટવેરમાં વારંવાર ટેકનિકલ ક્ષતિઓ થવાને કારણે પ્રમાણપત્ર કાઢવામાં લાંબો સમય જાય છે જેથી અરજદારોને નિયત સમયમાં પ્રમાણપત્ર મળતા નથી. કોર્પોરેશનના વર્ષ 2020 પહેલા પોતાના સોફ્ટવેરમાં થતી કામગીરી સમયે તેના ઉકેલ પણ તાત્કાલિક મળી જતા હતા પરંતુ સરકારના ઈ - ઓળખ સોફ્ટવેરને કારણે વધુ મુશ્કેલી રહે છે. રેશનકાર્ડમાં KYC અને આધાર કાર્ડ માટે જન્મના દાખલાના સુધારવા માટે લોકોની ભીડ છેલ્લા બે ત્રણ મહિનાથી વધી રહી છે. 

અરજદારોની લાઈનમાં લાગ્યા 

જન્મ મરણ પ્રમાણપત્ર મેળવવાની બારીઓ સવારે 10:30 થી 1 કલાક દરમિયાન ખુલતી હોવાને કારણે લોકો હેરાન થઈ રહ્યા હોવાથી સ્ટેન્ડિંગ કમિટી માં પણ તેના તાત્કાલિક ઉકેલ માટે વ્યવસ્થા ઊભી કરવા સૂચના આપવામાં આવી હતી.તદુપરાંત બારીઓ અને સ્ટાફ વધારવા પણ વિભાગની જાણ કરી હોવા છતાં હજુ સુધી સ્ટેન્ડિંગ ની સૂચનાનું પણ પાલન થતું નથી. જે રીતે અરજદારોનો ઘસારો છે તે પ્રમાણે એક બારી ની વધેલી સુવિધા અને સ્ટાફ ઓછો પડે છે. જેથી લોકો હેરાન થઈ રહ્યા છે.

પ્રમાણપત્ર નહીં મળતા હોવાની ફરિયાદ

ડીજીટલાઇઝેશનના યુગમાં પણ હજુ કોર્પોરેશનમાં પ્રજાજનો લાંબો સમય લાઈનમા ઉભા રહી સમયનો વ્યય કરી રહ્યા છે. કોર્પોરેશને ઘણી સુવિધાઓ ઓનલાઈન કરી પરંતુ લોકો જન્મ મરણના પ્રમાણપત્ર મેળવવા માટે મનપા કચેરીએ ધક્કા ખાઈ રહ્યા છે. મનપા દ્વારા તેના ઉકેલ માટે મુખ્ય કચેરી ઉપરાંત પૂર્વ અને પશ્ચિમ ઝોનલ કચેરીમાં પણ જન્મ, મરણ અને લગ્ન નોંધણીના પ્રમાણપત્ર મેળવવા માટે સુવિધા ઉભી કરવામાં આવી છે તેમ છતાં આ પ્રશ્ન નો કાયમી ઉકેલ આવતો નથી. પૂર્વ અને પશ્ચિમ કચેરીએ ઝડપથી પ્રમાણપત્ર નહીં મળતા હોવાની ફરિયાદને કારણે લોકો ધક્કા ખાઈ રહ્યા છે. 

ભાવનગર કોર્પોરેશનમાં જન્મ-મરણના પ્રમાણપત્ર મેળવવા અરજદારોને ખાવા પડે છે ધક્કા

ભાવનગર કોર્પોરેશનમાં જન્મ અને મરણના પ્રમાણપત્ર મેળવવા માટે છેલ્લા ઘણા સમયથી અરજદારો હેરાન થઈ રહ્યા છે તેમાં હવે પ્રમાણપત્રમાં સંપૂર્ણ નામનો સુધારો આવતા જન્મ-મરણની બારીઓ ઉપર લાંબી લાંબી લાઈનો લાગી રહી છે ત્યારે તેનો કાયમી ઉકેલ કરવો જરૂરી બન્યું છે.

કારકિર્દીની પસંદગી થઈ

આ બંને કાર્યક્રમોનું આયોજન કરવા પાછળનો હેતુ વિદ્યાર્થીઓને તેમની કારકિર્દીની પસંદગીમાં મદદ કરવાનો અને યુવાનોને રોજગારીની તકો પૂરી પાડવાનો છે. જિલ્લા રોજગાર કચેરી, પાલનપુર અને આઇ.ટી.આઈ., લાખણીના સ્ટાફે આ કાર્યક્રમને સફળ બનાવવા માટે ખૂબ જહેમત ઉઠાવી હતી.

ભરતી મેળામાં થયો ફાયદો

આ સાથે રોજગાર કચેરી દ્વારા  ગાયત્રી વિદ્યાલય, થરાદ ખાતે ધોરણ 10ના વિદ્યાર્થીઓ માટે "પ્રોજેક્ટ સપનું" અંતર્ગત કારકિર્દી માર્ગદર્શન કાર્યક્રમ યોજાયો હતો. આ કાર્યક્રમમાં કુલ 90 વિદ્યાર્થીઓએ ભાગ લીધો હતો. જિલ્લા રોજગાર કચેરીના કેરિયર કાઉન્સેલરોએ વિદ્યાર્થીઓને RIASEC ટેસ્ટ લઈને તેમની રુચિ, કૌશલ્ય અને વ્યક્તિત્વ અનુસાર કારકિર્દી વિશે માર્ગદર્શન આપ્યું હતું. વિદ્યાર્થીઓને ધોરણ 10 પછીના વિવિધ અભ્યાસક્રમો વિશે માહિતગાર કરાયા હતા. 

બનાસકાંના પાલનપુરમાં ઔદ્યોગિક ભરતી મેળામાં 61 ઉમેદવારોને મળી નોકરીની ઓફર

જિલ્લા રોજગાર વિનિમય કચેરી,પાલનપુર અને આઇ.ટી.આઈ., લાખણીના સંયુક્ત ઉપક્રમે આઇ.ટી.આઈ., લાખણી ખાતે ઔદ્યોગિક ભરતી મેળો યોજાયો હતો. આ ભરતીમેળામાં મુંદ્રા સોલાર પ્રાઈવેટ લિમિટેડ, કચ્છ વતી નોકરીદાતા હાજર રહયા હતાં. કુલ 189 ઉમેદવારોએ આ ભરતીમેળામાં ભાગ લીધો હતો અને ઇન્ટરવ્યૂ પ્રક્રિયા દરમિયાન 61 ઉમેદવારોને નોકરીની ઓફર મળી હતી.

પોલીસ માટે મોટો પડકાર

ડોગ સ્કોર્ડથી તપાસ કરતા અંદાજિત 1 કિલોમીટર દૂર સુધી ડોગ સ્કોર્દ પહોચ્યુ હતું ત્યાં એક હેમ્લેટ મળી આવ્યું હતું.જેની સ્મેલ ના આધારે તપાસ કરતા કોઈ વાહન માં ભાગી ગયા હોવાનું અનુમાન પોલીસ લગાવી રહી છે..જોકે લૂંટારુઓ પકડી લેવા અલગ અલગ ટીમ બનાવી તપાસ શરૂ કરી લૂંટારૂ ઓ જવેલર્સ માં રહેલ કિમતી દાગીના સાથે મોબાઈલ પણ લૂંટી ગયા છે જેના નંબર ટ્રેસ કરી ને આરોપી પકડવા તજવીજ હાથધરી છે પરંતુ સર જાહેર બનેલી લૂંટની ઘટના એ ફરી એક વખત પોલીસની કામગીર પર સવાલ ઉભા કર્યા છે..અને સૌથી વધુ વિકસી રહેલા બોપલ વિસ્તાર ના નાગરિકોની સુરક્ષા કેટલી? તે પણ એક સવાલ ઊભો થઈ રહ્યો છે.ત્યારે પોલીસ ને પકડકાર ફેકી ફરાર થયેલા લૂંટારૂ પોલીસ હાથે ઝડપાયા છે કે આરોપીઓ અન્ય ગુનાને અંજામ આપે છે તે જોવું રહ્યું.

વાહનો દૂર પાર્ક કરીને આવ્યા

લૂંટના બનાવ બાદ પોલીસે જવેલર્સમાં રહેલા સીસીટીવીની તપાસ કરતા ચાર લૂંટારૂઓ હેલ્મેટ અને મોઢા પર બુકાની બાંધી પ્રવેશ કર્યો હતો જેમાં ત્રણ લૂંટારૂ જવેલર્સમાં ઘુસ્યા હતા જેમાં બે લૂંટારૂ બંદૂકની અણી એ બંધક બનાવ્યા હતા અને એક લૂંટારૂ જવેલર્સની બહાર ઊભો હતોજે લોકો અને પોલીસની હિલચાલ પર નજર રાખી રહ્યો હતો.લગભગ 7 થી 8 મિનિટમાં જ્વેલર્સમાં રહેલો સોના ના દાગીના બેગમાં ભરી નાસી છૂટ્યા હતા.મહત્વ નું છે કે લૂંટારૂઓ જ્વેલર્સમાં લૂંટ કરવા ચાલતા આવ્યા હતા જેથી પોલીસને શંકા છે કે આરોપી એ પોતાના વાહન દૂર પાર્ક કરી ને આવ્યા હતા.

પોલીસે આરોપીઓની શોધખોળ શરૂ કરી

તમને કલ્પના પણ નહી હોય તેવો લૂંટનો બનાવ બોપલના જિમખાના રોડ પર બન્યો છે.ધોળા દિવસે પોણા ચાર વાગ્યે કનકપુરા જવેલર્સને ચાર લૂંટારુઓ ટાર્ગેટ બનાવી બંદૂકની અણી એ જવેલર્સના માલિક ભરત સોની અને કર્મીને બંધક બનાવી લાખો રૂપિયાના દાગીના લૂંટ ચલાવી લૂંટારૂ ફરાર થઈ ગયા છે પરંતુ લૂંટારૂ ફરાર થતાં જાણે પોલીસને તમાચો માર્યો હોય તેમ જાહેર રોડ હથિયાર સાથે લોકોને ડરાવી નાસી છૂટયા છે.જે બાદ તબેલાથી ઘોડા નાસી છૂટયા બાદ પોલીસે આરોપીની શોધખોળ શરૂ કરી છે.

અમદાવાદના સાઉથ બોપલમાં ધોળા દિવસે લૂંટારૂઓએ જવેલર્સમાં બંદૂકની અણીએ દાગીનાની કરી લૂંટ 

અમદાવાદના બોપલ વિસ્તારમાં ધોળા દિવસે બંદૂકની અણીએ લૂંટ ને અંજામ આપી પોલીસે સરેઆમ પડકાર ફેક્યો છે.સાઉથ બોપલના મુખ્ય માર્ગ પર આવેલી જવેલર્સને લૂંટારૂએ ટાર્ગેટ બનાવી લૂંટ ને અંજમ આપ્યો છે.પોલીસે કેટલા લાખની લૂંટ થઈ અને ચાર લૂંટારૂ કઈ દિશામાં ભાગ્યા તેની તપાસ શરૂ કરી છે.

અન્ય કોઈ કર્મચારી આ કૌંભાંડમાં છે કે નહી તેને લઈ તપાસ થશે

હવે પોલીસ આરોપી પુલકિતને રિમાન્ડ પર લઈ તેણે નાણાકીય વ્યવહાર કરેલો છે કે નહિ કે પછી સબંધ માં આ કૃત્ય કર્યું હતું ? જેમના પરિણામ ખોટા બનાવ્યા તેની સીધી સંડોવણી છે કે નહિ તેને લઈને હજી પોલીસ સ્પષ્ટ નથી તેને લઈને પણ પોલીસ તપાસ કરશે સાથે જ કોર્પોરેશનનાં અન્ય કોઈ કર્મચારી આ કાંડ માં સંડોવાયેલો છે કે નહિ તેને લઈને પોલીસ તપાસ શરૂ કરશે. 

ઓથોરિટી લેટર નહોતો આપવામાં આવ્યો

જયારે પરીક્ષા લેવાઈ એ દિવસે omr સીટ ઓનલાઇન મુકવામાં આવી હતી અને પરિણામ પર વાંધા અરજીઓ મંગાવવામાં આવી હતી જે બાદ omr સીટ રી અપલોડ કરાઈ હતી અને બાદમાં મામલો હાઇકોર્ટમાં ગયો હતો  જે બાદ અધિકારીઓને નનામી અરજી મળતા સમગ્ર મામલે તાપસ કરવામાં આવતા કૌભાંડનો ખુલાસો થયો હતો કૌભાંડ સામે આવ્યા બાદ ફરિયાદ દાખલ કરાવવામાં AMCને 48 કલાક લાગી ગયા હતા કારણ કે amc દ્વારા પોલીસ ને ફરિયાદ દાખલ કરાવવા માટે ઓથોરિટી લેટર નહોતો આપવામાં આવ્યો.

ઊંચું પરિણામ તૈયાર કરવામાં આવ્યું

જયારે આ કૃત્ય કરનાર પુલકીતને સસ્પેન્ડ કરી તેની સામે ખાતાકીય તાપસ શરુ કરવામાં આવી બીજી તરફ કારંજ પોલીસ મથકે પુલકિત સામે ફરિયાદ નોંધાવવામાં આવી હતી જેથી પોલીસે તેની ધરપકડ કરી AMC ખાતે તેને સ્થળ તપાસ માટે લઈ જવામાં આવ્યો હતો આગામી સમયમાં પોલીસ આરોપી ને કોર્ટ માં રજૂ કરી તેના રિમાન્ડની માંગ કરશે થોડા દિવસ પહેલા મનપાને એક અરજી મળી હતી જેમાં આ ત્રણના પરિણામમાં છેડછાડ કરી તેને પાસ કરવામાં આવ્યા હોવાનો ઉલ્લેખ કરવામાં આવ્યો હતો જેથી તેના આધારે આંતરિક રીતે તાપસ આરંભવામાં આવી હતી જેમાં માલુમ પડ્યું હતું કે પુલકિત દ્વારા આ ત્રણને મળેલા માર્ક કરતા વધારે માર્ક આપી ઊંચું પરિણામ તૈયાર કરવામાં આવ્યું છે

ટેક્નિકલ સુપરવાઈઝરની 93 પોસ્ટ માટે ભરતી પ્રક્રિયા 

અમદાવાદ મનપામાં ટેક્નિકલ સુપરવાઈઝરની 93 પોસ્ટ માટે ભરતી પ્રક્રિયા કરાઈ હતી જેની પરીક્ષા ગત 18 ઓગસ્ટ યોજવામાં આવી હતી જેમાં મનપાની સેન્ટ્રલ ઓફિસ ખાતે ફરજ બજાવતા પુલકિત સથવારા દ્વારા અમદાવાદના મોનલ પટેલ અને તમન્ના કુમારી પટેલ અને કડીના જય પટેલના પરિણામમાં છેડછાડ કરી તેમને કટ ઓફ માર્કથી ઉપર માર્ક આપવામાં આવ્યા અને તેના આધારે આ તમામ ત્રણને પોસ્ટિંગ પણ આપી દેવામાં આવ્યું હતું પરંતુ સમગ્ર પ્રકરણ સામે આવતા આ ત્રણને નોકરીમાંથી બરતરફ કરી દેવામાં આવ્યા છે.

અમદાવાદની AMCની સુપરવાઈઝરની ભરતીમાં થયો ફરજિવાડો 

અમદાવાદ મ્યુનિસિપલ કોર્પોરેશનમાં ભરતીમાં ફરજિવાડો થયો હોવાનું સામે આવતા આકરા પગલાં લેવામાં આવ્યા છે.amcના કર્મચારી દ્વારા જ માર્કશીટમાં છેડછાડ કરી ખોટી રીતે ભરતી કરાવવામાં આવી હોવાનું સામે આવતા કારંજ પોલીસ મથકમાં ફરિયાદ નોંધાવવામાં આવતા આરોપીની ધરપકડ કરવામાં આવી છે.

પાણી પુરવઠા સુધારણા યોજનાની પણ મુલાકાત લીધી

સુરેન્દ્રનગર જિલ્લામાં ગુજરાત સરકારના જળ સંપત્તિ અને પાણી પુરવઠા, અન્ન નાગરિક પુરવઠા અને ગ્રાહક સુરક્ષા વિભાગનાં કેબિનેટ મંત્રીકુંવરજીભાઈ બાવળીયાએ થાનગઢ તાલુકામાં પાણી પુરવઠા સુધારણા યોજના અને સુએજ ટ્રીટમેન્ટ પ્લાન્ટની મુલાકાત લીધી હતી.આ તકે મંત્રીએ મુખ્યમંત્રી શહેરી વિકાસ યોજના અંતર્ગત થાનગઢ શહેર ખાતે ૧૮.૭૧  કરોડનાં ખર્ચે નિર્મિત ૯.૦૦ એમ.એલ.ડી ક્ષમતાના સુએજ ટ્રીટમેન્ટ પ્લાન્ટની કામગીરીનું જાતનિરીક્ષણ કર્યું હતું. તદુપરાંત પાણી પુરવઠા સુધારણા યોજના અન્વયે થયેલી કામગીરી અને પ્રગતિ હેઠળનાં કામોની વિગતો સંબધિત અધિકારીઓ પાસેથી મેળવી સમીક્ષા કરી હતી.આ મુલાકાત દરમિયાન ચોટીલા આસિસ્ટન્ટ કલેકટર કલ્પેશકુમાર શર્મા, થાનગઢ મામલતદાર પાણી પુરવઠા સહિત સંબંધિત તમામ વિભાગનાં અધિકારીઓ, કર્મચારીઓ ઉપસ્થિત રહ્યા હતાં.

સબૂરી ડેમ થકી પિયત લઈ રહ્યા છે

ઉમરડા ગામ સહિતનાં આસપાસના ખેડૂતો સબૂરી ડેમ થકી પિયત લઈ રહ્યા છે. જો ડેમને સૌની યોજનાથી ભરવામાં આવે તો ખેડૂતોને સિંચાઇનો સારો લાભ મળી શકે. મંત્રીએ પણ શક્ય તમામ પ્રયત્નો કરવામાં આવશે તેવો ભાવ વ્યક્ત કર્યો હતો.આ પ્રસંગે ઉપસ્થિત ગ્રામજનો દ્વારા મંત્રીનું સાલ અર્પણ કરી સ્વાગત કરવામાં આવ્યું હતું. મુલાકાત દરમિયાન મંત્રીએ ડેમ સાઈટની પણ મુલાકાત કરી જાત નિરીક્ષણ કર્યું હતું. તેમજ સંલગ્ન અધિકારીઓને જરૂરી સૂચનો અને માર્ગદર્શન આપ્યું હતું.મંત્રીની આ મુલાકાતમાં ચોટીલા પ્રાંત અધિકારી કલ્પેશકુમાર શર્મા, મૂળી મામલતદાર  આર. એમ. પટેલ, સહિત સ્થાનિક આગેવાનો તેમજ પાણી પુરવઠા અને સિંચાઈ સંબંધિત વિભાગના અધિકારીઓ-કર્મચારીઓ ઉપસ્થિત રહ્યાં હતા.

સુરેન્દ્રનગર જિલ્લાનાં સબૂરી ડેમની પાણી પુરવઠા મંત્રી કુંવરજીભાઈ બાવળીયાએ લીધી મુલાકાત

સુરેન્દ્રનગર જિલ્લામાં ગુજરાત સરકારના જળ સંપત્તિ અને પાણી પુરવઠા, અન્ન નાગરિક પુરવઠા અને ગ્રાહક સુરક્ષા વિભાગનાં કેબિનેટ મંત્રી કુંવરજીભાઈ બાવળીયાએ મુળી તાલુકામાં ઉમરડા ગામ ખાતે આવેલા સબૂરી ડેમની મુલાકાત લીધી હતી.આ તકે મંત્રીએ ઉપસ્થિત સર્વે ગ્રામજનોનાં સબૂરી ડેમની ઊંચાઈ અને ઊંડાઈ વધારવા તેમજ સૌની યોજનાથી ભરવા સહિતનાં પ્રશ્નો રસપૂર્વક સાંભળ્યા હતા. 

અગાઉ પણ અનેક વખત ખુલી છે સિરીઝ

અગાઉ પણ સુરત આરટીઓ દ્વારા અનેક વખત ગોલ્ડન અને સિલ્વર નંબરને લઈ અનેક સિરીઝો ખોલી છે,ત્યારે સુરતીલાલાઓ વાહનમાં પણ વીઆઈપી નંબર લેવા માટે અગ્રેસર રહ્યાં છે અને તેને કારણે સરકારને પણ સારી આવક થઈ રહી છે.સુરત આરટીઓમાં વાહનચાલકોને વીઆઈપી નંબર અને મનપસંદ નંબર મળી રહે તે માટે અનેક વાર પ્રયત્નો કરવામાં આવ્યા છે અને લોકોને આ વીઆઈપી નંબર પણ મળી રહ્યાં છે,ત્યારે સુરતીઓને ફરીથી નવી સિરીઝ મળી રહેશે.

પાલ આરટીઓ ખાતે રોજ સર્વર ડાઉનની છે સમસ્યા

સુરતના પાલ સ્થિત આરટીઓ કચેરીમાં છેલ્લા ત્રણ દિવસથી સર્વર ડાઉન હોવાના કારણે ડ્રાઇવિંગ ટેસ્ટ માટે આવેલા અરજદારોને ભારે મુશ્કેલીનો સામનો કરવો પડી રહ્યો છે. પાકા લાયસન્સ મેળવવા માટે દિવસનો સમય કાઢીને આવનારા 200થી 250 અરજદારો રોજના ધક્કા ખાઈને પરત ફરવા મજબૂર બન્યા છે. અપોઈન્ટમેન્ટની તારીખે લોકો સ્કૂલ, કોલેજ કે નોકરીમાંથી સમય કાઢીને ટેસ્ટ ડ્રાઈવ આપવા પહોંચે છે,પરંતુ આરટીઓના સર્વર ડાઉન હોવાને કારણે ટેસ્ટ માટે જરૂરી પ્રોસેસિંગ શક્ય બનતી નથી.

સુરત RTOમાં નવી સિરીઝ ઓપન 

સુરત આરટીઓમાં કાર માટે હવે નવી સિરીઝ GJ-05-JT સિરીઝ ઓપન થઈ છે,આ સિરીઝમાં પણ ગોલ્ડન અને સિલ્વર નંબરોની હરાજી કરવામાં આવશે હરાજીનું રજિસ્ટ્રેશન તા.૮ થી ૧૦ જાન્યુઆરીના સાંજના ૪.૦૦ વાગ્યા સુધી થશે અને હરાજી તા.૧૦ જાન્યુઆરીના સાંજે ૪.૦૦ વાગ્યાથી તા.૧૨મી જાન્યુઆરી એમ ત્રણ દિવસ દરમિયાન થશે વાહન માલિકોએ તેમના વાહનોનું રજિસ્ટ્રેશન કરવાનું રહેશે.http:/parivahan. gov.in/fancy પર ઓનલાઈન ફોર્મ ભરી રજિસ્ટ્રેશન કરવાનું રહેશે.

સુરત RTOમાં કાર માટે નવી JT સિરીઝ ખુલશે, ઓનલાઈન કરાવી શકાશે રજિસ્ટ્રેશન

સુરત આરીટીઓમાં નવી કાર માટે નવા નંબરની સિરીઝ ખુલવા જઈ રહી છે જેમાં GJ-05-JT સિરીઝ ઓપન થવા જઈ રહી છે.10થી 13 જાન્યુઆરીએ નવી સિરીઝ ખુલશે જેમા ગોલ્ડન અને સિલ્વર નંબરોની હરાજી થશે અને 8 થી 10 જાન્યુઆરીએ હરાજીનું રજિસ્ટ્રેશન કરવામા આવશે વાહનમાલિકોએ વાહનોનું રજિસ્ટ્રેશન ફરજિયાત કરાવું પડશે અને RTOની વેબસાઈટ પર જઈ ઓનલાઈન રજિસ્ટ્રેશન કરાવી શકાશે.જે પણ લોકોને આ રજિસ્ટ્રેશન કરાવવું હોય તે લોકો માટે ત્રણ દિવસનો સમય આપ્યો છે.

બપોરના સમયે ગરમી પણ પડી શકે છે

ગુજરાતમાં આજે ફરીથી ઠંડીનો ચમકારો વધ્યો છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે. જ્યારે બીજાથી પાંચમા દિવસે હળવાથી મધ્યમ વરસાદની સાથે વીજળીના કડાકાનું પૂર્વાનુમાન છે.

કોલ્ડવેવની શકયતા નહીવત

રાજયમાં હાલમાં કોલ્ડવેવની શકયતા નહીવત જોવા મળી છે,આગામી સમયમાં પણ રાજયમાં કોલ્ડવેવની આગાહી કરવામાં આવી નથી,રાજયમાં બેઠી ઠંડી રહેશે અને પવનો ફૂંકાશે એટલે ઠંડીનો અહેસાસ જોવા મળશે સાથે સાથે સૌરાષ્ટ્ર અને કચ્છમાં બે દિવસ ભારે ઠંડીની આગાહી કરવામાં આવી છે.વેસ્ટર્ન ડિસ્ટર્બન્સ દૂર થતા ઠંડીમાં વધારો જોવા મળ્યો છે.

જાણો શું નોંધાયું તાપમાન

હવામાન વિભાગની આગાહી પ્રમાણે વાત કરવામાં આવે તો અમદાવાદ 15.0 ડિગ્રી,ગાંધીનગર 14.6 ડિગ્રી,ડીસા 12.4 ડિગ્રી,વલ્લભ વિદ્યાનગર 15.6 ડિગ્રી,વડોદરા 15.8 ડિગ્રી, સુરત 18.4 ડિગ્રી,ભુજ 12.6 ડિગ્રી ,કંડલા 14.9 ડિગ્રી,અમરેલી 15.4 ડિગ્રી, ભાવનગર 16.3 ડિગ્રી,દ્વારકા 17.0 ડિગ્રી ,ઓખા 20.0 ડિગ્રી,પોરબંદર 12.0 ડિગ્રી,વેરાવળ 18.2 ડિગ્રી,રાજકોટ 12.4 ડિગ્રી , સુરેન્દ્રનગર 15.0 ડિગ્રી,મહુવા 15.9 ડિગ્રી , કેશોદ 13.6 ડિગ્રી તાપમાન નોંધાયું છે.

તાપમાનમાં નોંધાશે ઘટાડો

સમગ્ર કાશ્મીરમાં ઠંડીના મોજાની તીવ્રતામાં વધારો જોવા મળી રહ્યો છે. હવામાન વિભાગે ચાલુ સપ્તાહમાં ફરીથી બરફ વર્ષા થવાની આગાહી વ્યક્ત કરી છે. બીજી તરફ ઉત્તર પ્રદેશના વિવિધ વિસ્તારોના મહત્તમ તાપમાનમાં પાંચ ડિગ્રી જેટલો ઘટાડો નોંધાયો છે. ત્યારે ગુજરાતમાં લઘુત્તમ તાપમાનમાં વધારો નોંધાશે તેવી હવામાન વિભાગ દ્વારા આગાહી કરવામાં આવી છે.ગુજરાતમાં અત્યારે સાત દિવસ હવામાન શુષ્ક રહેશે. આગામી ચારથી પાંચ દિવસમાં ગુજરાતના મોટાભાગના વિસ્તારોમાં તાપમાનમાં બેથી ત્રણ ડિગ્રીનો વધારો જોવા મળી શકે છે. જે બાદ ફરીથી તાપમાનમાં ઘટાડો નોંધાશે.

રાજયભરમાં ઠંડીમાં થયો આંશિક ઘટાડો, પાંચ દિવસ વાતાવરણ રહેશે સૂકું રહેશે

રાજયભરમાં ઠંડીમાં આંશિક ઘટાડો જોવા મળ્યો છે,મોટાભાગના જિલ્લાઓના તાપમાનમાં વધારો થયો છે સાથે સાથે નલિયા 9 ડિગ્રી તાપમાન સાથે ઠંડુગાર શહેર બન્યું છે.લઘુત્તમમાં વધુ પરિવર્તન નહિ થાય તેવી આગાહી હવામાન વિભાગ દ્વારા કરવામાં આવી છે.

નડિયાદ ડાકોર રોડ પર દુર્ઘટનામાં બાળકીનું મોત

ટ્રકમાંથી અચાનક સ્પેર વ્હીલ બાળકી પર પડ્યું,સલુણ નજીક સાડા ત્રણ મહિનાની બાળકીનું મોત,હાઈવેની સાઈડમાં રમતી હતી ત્યારે સ્પેર વ્હીલ પડ્યું,ટ્રકનું સ્પેર વ્હીલ ટ્રોલમાંથી ઉછળીને પડતા મોત,મૂળ મધ્યપ્રદેશના શ્રમિક પરિવાર પર આભ ફાટ્યું

બનાસકાંઠા જિલ્લાના વિભાજન બાદ વિવાદ યથાવત્

કાંકરેજ ભાજપ નેતા અણદા પટેલનો CMને પત્ર,કાંકરેજ વિસ્તારને વાવ-થરાદમાં સમાવેશ કરતા વિરોધ,કાંકરેજ તાલુકાની જનતા વતી CMને પત્ર લખીને રજૂઆત,કાંકરેજને બનાસકાંઠા જિલ્લામાં યથાવત્ રાખવા માંગ,ધાનેરા અને રાનેરને થરાદ જવામાં 100 કિમી થાય છે,બેંક, ડેરી અને જિલ્લાની સંસ્થાઓ પાલનપુરમાં છે

મોરબીમાં વ્યાજખોરને પાસામાં ધકેલાયો

રવાપરના મેહુલ ઉર્ફે માધવ જીલરીયાને પાસા,આરોપી મેહુલને સુરત લાજપોર જેલ હવાલે કરાયો.અનેક વખત પોલીસ ચોપડે ચડી ચૂક્યો છે આરોપી

અમદાવાદમાં આજથી ફ્લાવર શોનો પ્રારંભ

CMના હસ્તે ફ્લાવર શો ખુલ્લો મુકવામાં આવશે,આજથી 22 જાન્યુઆરી સુધી ચાલશે ફ્લાવર શો,ગયા વર્ષે 20 લાખથી વધુ લોકોએ લીધી હતી મુલાકાત,ગયા વર્ષે ફ્લાવર વેલીનો ગિનિસ બુકમાં રેકોર્ડ,આ વર્ષે ફ્લાવર શો 6 ભાગમાં વહેચાયો છે,PMએ ફ્લાવર શોમાં સૂચવેલા સુજાવ મુજબ તૈયાર,QR કોડ સ્કેન કરીને ફૂલની વિશેષતા જાણી શકાશે,મુલાકાતીઓનો પ્રવાહ વધે તો તારીખ લંબાઈ શકે છે.

સુરત RTOમાં નવી સિરીઝ ખુલશે

મોટર કાર માટે નવી JT સીરીઝ ખુલશે,10થી 13 જાન્યુઆરીએ નવી સીરીઝ ખુલશે,ગોલ્ડન અને સિલ્વર નંબરોની હરાજી થશે,8થી 10 જાન્યુઆરીએ હરાજીનું રજિસ્ટ્રેશન થશે,વાહનમાલિકોએ વાહનોનું રજિસ્ટ્રેશન કરાવું પડશે,RTOની વેબસાઈટ પર ઓનલાઈન રજિસ્ટ્રેશન થશે.