Gujarat Latest News Live : ગુજરાત પોલીસ દ્વારા 50 પોલીસ કર્મચારીઓની સાયબર સેન્ટર ઓફ એક્સેલન્સમાં નિમણૂંક

5 અધિકારીની અધિક સચિવ તરીકે બઢતી 

39 અધિકારીની નાયબ સચિવ તરીકે બઢતી , 21 સંયુક્ત સચિવની બદલી , સામાન્ય વહીવટ વિભાગનો હુકમ

ભાભર જિલ્લા પંચાયતના પૂર્વ સદસ્યના આરોપ

ભુરાજી ઠાકોરે સ્વરૂપજી ઠાકોર સામે કર્યા ગંભીર આક્ષેપ, સ્વરુપજી ઠાકોરે પાર્ટીની ઘોર ખોદી: ભુરાજી ઠાકોર, સ્વરૂપજી સામે રોષનું પરિણામ ભાજપે ભોગવવું પડશે, સ્વરુપજીએ ટિકિટ ફાળવણીમાં વ્હાલા દવલાની નીતિ રાખી, નર્મદાના પાણી માટે 13 ગામને આપેલું વચન નથી પાળ્યું, ગ્રામ્ય વિસ્તારમાં રોડ રસ્તાના કામો નથી કર્યાઃ ભુરાજી

વડોદરાના સાવલીમાં 7 વર્ષની બાળકી પર દુષ્કર્મ

ફરાર આરોપીની પોલીસે શોધખોળ આદરી, દુષ્કર્મની ઘટનાથી સમગ્ર પંથકમાં રોષ 

થરાદમા આચાર સંહિતા ભંગની પોલીસ ફરિયાદ

વોર્ડ નં.3ના મતદાન મથક નજીક કરતા હતા ચૂંટણી પ્રચાર , નારણદેવી પ્રા.શાળા નજીક થતો હતો ચૂંટણી પ્રચાર, ડમી EVMથી વોર્ડ નં.3ના 4 સભ્યો કરતા હતા પ્રચાર, કોગ્રેસ ઉમેદવાર સંજયસિંહ રાજપૂત વિરુદ્ધ નોંધાયો ગુનો

જુનાગઢમાં નકલી મતદારની ધરપકડ, 

અન્યના નામે ખોટું મતદાન કરવાનો પ્રયાસ, ચૂંટણી નિયમોના ઉલ્લંઘન બદલ કડક કાર્યવાહી, આધારકાર્ડના આધારે પકડાયો નકલી મતદાર, પ્રિસાઈડીંગ ઓફિસરે પોલીસ ફરિયાદની કરી રજૂઆત, માંગરોળના લોએજ -2 પ્રિસાઇડિંગ ઓફિસરની રજૂઆત, નકલી મતદારનો વીડિયો સોશિયલ મીડિયામાં વાયરલ

ચૈતર વસાવાની લાફાબાજી મામલે સાંસદનું નિવેદન

ભરૂચના સાંસદ મનસુખ વસાવાનું નિવેદન, ધારાસભ્ય તરીકે કોઇને લાફો મારવો ઠીક નહીં, જેમના મોત થયા છે તેમને વળતર માટે વાત કરી છે, ચૈતર વસાવા કાયમ આવું જ કરતા આવ્યા છે, એક ધારાસભ્ય તરીકે યોગ્ય રજૂઆત કરવી જોઇએ, આવી રીતે ગેટ કૂદીને અંદર જાય તે યોગ્ય નથી, AAP આવી ઘટનાઓમાં તોડપાણી કરવા આવે છે

ગુજરાત પોલીસ દ્વારા મહત્વની નિમણૂંક

સાયબર ક્રાઈમ સામે મજબૂત લડત લડવા નિર્ણય, 50 પોલીસ કર્મચારીઓની CID ક્રાઈમમાં નિમણૂંક, સાયબર સેન્ટર ઓફ એક્સેલન્સમાં નિમણૂંક, એક વર્ષ માટે અટેચના ધોરણે મૂકવામાં આવ્યા, કર્મચારીઓના ભથ્થાં મૂળ કચેરીથી ચૂકવાશે

અમદાવાદમાં મતગણતરીને લઈ શહેરમાં ટ્રાફિક ડાયવર્ઝન 

શહેર પોલીસ કમિશનરનું ટ્રાફિક ડાયવર્ઝન માટે જાહેરનામું, મતગણતરી સેન્ટર પાસે વાહનવ્યવહાર પર પ્રતિબંધ, એલડી એન્જિનિયરિંગથી દાદા સાહેબના પગલાં સુધી પ્રતિબંધ, ઇન્દર રેસીડેન્સીથી કવિ નાનાલાલ ઓવરબ્રિજ સુધી પ્રતિબંધ, ડાયવર્ઝન માટે વૈકલ્પિક રૂટ જાહેર

અમદાવાદમાં પુરી એક્સ્પ્રેસ ટ્રેનમાં મુસાફરો પરેશાન

ટ્રેનમા એસી બંધ થતા મુસાફરોએ ટ્રેન રોકી, એક કલાક ટ્રેન રોકાયા બાદ રવાના કરાઈ, ટ્રેનનું AC રિપેરિંગ કરી રવાના કરવામા આવી

ચૈતર વસાવાના વાયરલ વીડિયો મુદ્દે સાંસદની પ્રતિક્રિયા

વલસાડના સાંસદ ધવલ પટેલની પ્રતિક્રિયા, ભરુચ GIDCમાં એક દુઃખદ ઘટના બનીઃ સાંસદ, અમારી સરકારે કઠોર કાર્યવાહી કરીઃ સાંસદ, આદીવાસીના નામે રાજનીતિ કરી પીડિતોને ધમકાવ્યા, મધ્યસ્થી માટે આદીવાસી યુવકને ઢોર માર માર્યો, તથાકથિત આદીવાસી નેતાઓને ચેતવણી, બીજીવાર આવું કરશો તો અમારી સરકાર માફ નહીં કરે

ગાંધીનગરના સરગાસણમાં વૃદ્ધા ઘરમાં ફસાયા

સોસાયટીના રહીશોએ ફાયર વિભાગને કરી જાણ, ફાયરે ઘરનો દરવાજો તોડી વૃદ્ધાને બહાર કાઢી, મહિલા સુરક્ષિત બહાર આવતા લોકોએ લીધો રાહતનો શ્વાસ

ઉનાના ડમાસા ગામે સિંહે કર્યો બાળકી પર હુમલો

સિંહના હુમલા થી બાળકી નું ઘટના સ્થળે મોત, સ્થાનિકોએ તાત્કાલિક વન વિભાગને જાણ કરી, વન વિભાગે બાળકીના મૃતદેહને પોસ્ટમોર્ટમ માટે ખસેડ્યો

રાજકોટ પોલીસ કમિશનર દ્વારા જાહેરનામું

મતગણતરીના દિવસે ફટાકડા ફોડવા પર પ્રતિબંધ, મનપાની ચૂંટણીમાં પોલીસ જાહેરનામાનો અમલ કરાવશે, કૃત્ય કરનારા સામે કાયદેસરની કાર્યવાહી કરાશે

ગૃહ મંત્રી અમિત શાહનું સોમનાથમાં આગમન

હેલિપેડથી સોમનાથ સર્કિટ હાઉસ ખાતે રવાના, સર્કિટ હાઉસ ખાતે ભાજપ કાર્યકરો દ્વારા સ્વાગત, આજ રાત્રે સર્કિટ હાઉસ ખાતે રોકાણ કરશે, કાલે સવારે સોમનાથ મંદિરમાં પૂજા-જળાભિષેક, સવારે 11 વાગ્યે દર્શન કર્યા બાદ પરત રવાના થશે

સુરતના રાંદેરમાં આરોપીનું રીકન્સ્ટ્રક્શન

આરોપી મુઝફિર ચાંદીવાલાની પોલીસે કરી ધરપકડ, સ્થાનિક લોકોએ પોલીસનું સન્માન કર્યું, આરોપીએ યુવક પર છરી વડે કર્યો હતો હુમલો

બોરસદ નપાની ચૂંટણીમાં બોગસ મતદાન અંગે રજૂઆત

બોગસ મતદાનને લઈ નવેસરથી મતદાન કરવા રજૂઆત, વોર્ડ નં.5ના ભાજપના ઉમેદવારની ચૂંટણી અધિકારીને રજૂઆત , વિદેશમાં હોય તેવા 35 મતદારોના નામે મત નંખાયા , મૃત્યુ પામેલા મતદારોના મત પણ નાખવામા આવ્યા, વોર્ડ નં 5ના ભાગ 1-2માં બોગસ મતદાનનો આક્ષેપ 

સુરતના કોસંબાની પીપી સવાણી યુનિ.માં વિદ્યાર્થીનો આપઘાત

હોસ્ટેલના 9 માળેથી વિદ્યાર્થીએ છલાંગ લગાવી કર્યો આપઘાત, 19 વર્ષીય પેન્ડલા રામનાઈડુએ કર્યો આપઘાત, માથાના ભાગે ગંભીર ઈજા થવાને કરણે ઘટનાસ્થળે મોત, કોસંબા પોલીસે અકસ્માત મોતનો ગુનો નોંધી તપાસ હાથ ધરી, વિદ્યાર્થી પ્રથમ વર્ષ મિકેનિકલમાં અભ્યાસ કરતો હતો, પરપ્રાંતીય વિદ્યાર્થીના આપઘાતનું રહસ્ય ઘેરાયું

રાજ્યમાં 3 ત્રણ બેઠકો ફરી ચૂંટણી જાહેર

ઉમેદવારોના અવસાનથી રદ થયેલ બેઠકો પર ચૂંટણી જાહેર , 3 બેઠકો માટે ચૂંટણી કાર્યક્રમ જાહેર થયો , સાબરકાંઠાના વિજયનગર તા.પં.ની ચિતરીયા બેઠક પર ચૂંટણી, સુરતના બારડોલી તા. પંની અસ્તાન બેઠક પર ચૂંટણી, અમદાવાદના બાવળા તા.પં.ની દહેગામડા બેઠક પર ચૂંટણી, 24 મેએ યોજાશે મતદાન અને 26 મેએ મતગણતરી થશે , 11 મે ઉમેદવારી પત્ર ભરવાનો અંતિમ દિવસ , 12 મે ઉમેદવારી ફોર્મ ચકાસણી , 13 મે ઉમેદવારી પરત ખેંચવાનો અંતિમ દિવસ 

કેશોદના ચાર ચોક પાસે આગની ઘટના

​શિવ ટ્રેડર્સ કલરની દુકાન બળી ખાક, લાખોનો કલર અને કેમિકલ સામાન બળીને ખાક, આજુબાજુની બે અન્ય દુકાનો પણ લપેટમાં, ફાયર બ્રિગેડની ટીમે આગ કાબુમાં લીધી 

IPS એસોસીએશનનું રાજ્ય ચૂંટણી આયોગને આવેદનપત્ર, 

ગોપાલ ઇટાલિયા સામે કાર્યવાહી કરવા માગ , આપ MLA ગોપાલ ઇટાલિયાએ પોલીસને અપમાનજનક શબ્દો કહ્યા હતા , એસોસિયેશન પ્રમુખ જી એસ મલિક સહિત એસોસિયેશન સભ્યો હાજર રહ્યા

અમદાવાદ વાહન પાર્કિંગ મુદ્દે વેપારી પર હુમલો

ચાંદલોડિયામાં વાહન પાર્કિંગ મુદ્દે વેપારી પર હુમલો, નજીવી બાબતે શખ્સોએ વેપારીને માર માર્યો, પાર્થ પટેલ નામના વેપારી પર બે શખ્સોએ કર્યો હુમલો, ગાળો ન બોલવા બદલ ઠપકો આપતા મામલો બિચક્યો, રમેશ દેસાઈ અને મેહુલ દેસાઈ વિરુદ્ધ પોલીસ ફરિયાદ, સમગ્ર મારામારીની ઘટના CCTVમાં કેદ , સોલા પોલીસે CCTV ના આધારે તપાસ શરૂ કરી, અસામાજિક તત્વોના આતંકથી સ્થાનિક વેપારીઓમાં રોષ 

કચ્છના રાપર દુષ્કર્મ કેસમાં આરોપીને 20 વર્ષની સજા

15 વર્ષની સગીરા પર દુષ્કર્મ આચર્યું હતું, આરોપી શિવાકોલી સામે 12 દિવસમાં ચાર્જશીટ તૈયાર કરી  , કોર્ટે આરોપીને 20 વર્ષ કેદની સજા ફટકારી, ભચાઉ સેસન્સ કોર્ટે ચુકાદો આપ્યો 

પશ્ચિમ બંગાળમાં 29 એપ્રિલે બીજા તબક્કાનું મતદાન

PM મોદીનો બંગાળના નાગરિકો માટે ઓડિયો સંદેશ, 29 એપ્રિલે મતદાનનો નવો રેકોર્ડ બનશેઃ PM, લોકશાહીના ઉત્સવમાં ભાગ લેવા PMએ કરી અપીલ, ભાજપનો વિજય ધ્વજ ફરકાવવાની સુવર્ણ તકઃ PM

સુરત સરથાણામાં યુવક સામે કાર્યવાહી 

મતદાનનો વીડિયો વાયરલ કરનાર સામે ગુનો દાખલ, મત કુટિરમાં પ્રવેશી બનાવ્યો હતો વીડિયો , મતદાન કરતી વખતે મોબાઇલમાં બનાવ્યો વીડિયો , મતદાનની ગુપ્તતા અને જાહેર નામાનો ભંગ કર્યો

કોંગ્રેસના પૂર્વ ધારાસભ્ય ગ્યાસુદ્દીન શેખનો દાવો

મતગણતરી પહેલા પૂર્વ MLA ગ્યાસુદ્દીન શેખનો દાવો, દરિયાપુર, ખાડિયા, શાહપુરમાં કોંગ્રેસ પેનલ જીતશે, SIRની કામગીરીને કારણે આ વોર્ડમાં કોંગ્રેસને ફાયદો, ઉમેદવારોની પંસદગી પણ બેઠકો માટે મુખ્ય કારણ

પરષોત્તમ સોલંકીએ શિવભાઈ ગોહિલને આપી 'મીઠી ધમકી'

મહુવા તાલુકાના માળિયા ગામે યોજાયેલ સમૂહ લગ્નમાં વિવાદ, MLA શિવભાઈ ગેરહાજર રહેતા સોલંકીએ જાહેરમાં લીધા આડેહાથ, પૈસા કમાયો એ ક્યાં પડ્યા છે? – સોલંકીના MLAને સવાલ, ભાજપના કદાવર નેતાએ ધારાસભ્યને 'નુગરો' કહી ટકોર કરી, ચૂંટણી સમયે બંગલે આવી માવો ઠૂસીને બેસી રહેવાની વાત યાદ કરાવી, સમાજના કામોમાં ઉદાસીનતા મુદ્દે જાહેરમાં આક્રોશ ઠાલવ્યો, આગામી ચૂંટણીમાં સમાજને ધ્યાન રાખવા માટે ખુલ્લો ઈશારો 

સુરતમાં વાઇબ્રન્ટ ગુજરાત રિઝનલ કોન્ફરન્સનું આયોજન

1 થી 5 મે દરમિયાન સુરત ખાતે કાર્યક્રમ યોજાશે, DyCM હર્ષ સંઘવીએ તૈયારીઓની સમીક્ષા કરી, દક્ષિણ અને મધ્ય ગુજરાતના 16 જિલ્લાઓને આવરી લેવાશે, ટેક્સટાઇલ, હીરા અને કેમિકલ સેક્ટર પર વિશેષ ફોકસ રહેશે, ઔરો યુનિવર્સિટી ખાતે પ્રદર્શન અને બેઠકો યોજાશે, નવા MoU અને રોકાણોની દરખાસ્તો પર ભાર, ઉદ્યોગ વિભાગના ઉચ્ચ અધિકારીઓ આયોજનમાં વ્યસ્ત 

સુરતના વરાછા વિસ્તારમાં 50 લાખની લૂંટ 

SBI બેકમાંથી અંદાજે 50 લાખની લૂંટ , બેકની અંદરથી લૂંટ ચલાવી લુંટારુ ફરાર , 4 જેટલા લૂંટારુઓ હથિયાર સાથે લૂંટ ચલાવી, બેકમાં કર્મચારીઓને બંધક બનાવી લૂંટ ચલાવી, મોટી સંખ્યામાં પોલીસ કાફલો ઘટના સ્થળે, પાંચ લોકો બંદૂક સાથે આવ્યા હતા: DCP, લૂંટારુ હિન્દીમાં વાત કરી રહ્યા હતાઃ DCP, બેંક મેનેજર પાસેથી અડધા રોકડા રૂપિયા લીધાઃ DCP, લૂંટારુઓએ વાનમાંથી રોકડા રુપિયા લીધાઃ DCC, અન્ય લોકો લૂંટારુઓ પણ હોય તેવી શક્યતાઓ, પોલીસે લૂંટારુઓને ઝડપી પાડવા તજવીજ હાથ ધરી

મૃતકના પરિવારજનો MLA ચૈતર વસાવા પર ગુસ્સે થયા

ઝઘડિયા GIDCની મેટ્રોપોલિટન કંપનીમાં આગનો મામલો વધુ વિવાદમાં આવ્યો છે. મૃતકના પરિવારજનો ધારાસભ્ય ચૈતર વસાવા પર ગુસ્સે થયા હતાં. મૃતકના પરિવાજનોએ ચૈતર વસાવવા સાથે ઝપાઝપી કરી હતી. ચૈતર વસાવા સાથે ઝપાઝપીનો વીડિયો વાયરલ થયો હતો. મૃતકના પરિવાજન સાથે ચૈતર વસાવાએ લાફાવાળી કરી હતી. મૃતક પરિવારજને પણ ચૈતર વસાવાને ઝીંક્યા લાફા

વડોદરામાં પત્નીએ કરી પતિની હત્યા 

વડોદરામાં પત્નીએ પતિની હત્યા કરતાં ચકચાર મચી જવા પામી છે. ફતેપુરા કુંભારવાડા વિસ્તારની ઘટના સામે આવી છે. ખારી તલાવડી પાસે આ દંપતી રહેતું હતું. અમિત દેવીપૂજક હતો અને બેરોજગાર હતો. પત્નીએ પતિ પર ત્રિકમના ઘા ઝિંક્યા હતાં. પતિ સાથે કંકાસ થતાં ત્રિકમના ઘા મારીને હત્યા નિપજાવી હતી. પોલીસે મંજુબેન દેવીપૂજકની ધરપકડ કરી છે.  

સોલા સિવિલમાં હિટસ્ટ્રોકના દર્દીઓ વધ્યા

શહેરની સોલા સિવિલ હોસ્પિટલના RMO ડૉ દેવાંગ શાહે જણાવ્યુ હતું કે, સોલા સિવિલમાં હિટ સ્ટ્રોકના દર્દીઓની સંખ્યામાં વધારો જોવા મળી રહ્યો છે. સોલા સિવિલમાં રોજ 8થી 10 જેટલા દર્દીઓ હિટ સ્ટ્રોકની સારવાર માટે આવી રહ્યાં છે. ગરમીને કારણે લોકોમાં ડિહાઈડ્રેશનનું પ્રમાણ પણ વધી રહ્યું છે. ઉલ્લેખનીય છે કે, શહેરનું તાપમાન આજે 44 ડિગ્રીને પાર પહોંચતા અમદાવાદીઓ કાળઝાળ ગરમીમાં શેકાઈ રહ્યા છે. બપોરના સમયે રસ્તાઓ સુમસામ જોવા મળી રહ્યાં છે.આરોગ્ય વિભાગે કાળઝાળ ગરમીમાં બપોરના સમયે ઘરની બહાર નીકળવાનું ટાળવું જણાવ્યું છે.

ભાવનગરના ઉમરાળામાં આગની ઘટના 

ભાવનગરના ઉમરાળામાં આગની ઘટના સામે આવી છે. ધોળા જંક્શનમાં રેલવેના બંગલામાં આગ લાગી છે. બંગલામાં ભીષણ આગ લાગતા ઘરવખરી બળીને ખાક થઈ ગઈ છે.આગના પગલે અફરાતરફીનો માહોલ સર્જાયો છે.ફાયરની ટીમ દ્વારા આગ પર કાબૂ મેળવવા પ્રયાસ કરવામાં આવ્યો છે.રેલવે વિભાગના મકાનમાં ફાયરના સાધનો પણ નહોતા.

વાંચો 03 વાગ્યા સુધીના મહત્વના સમાચાર

1.Local Body Elections 2026: ગુજરાત કોલેજ ખાતે 21 વોર્ડની મતગણતરી માટે તંત્ર સજ્જ, જેસીપીથી લઈને પીઆઈ કક્ષાના અધિકારીઓ તૈનાત

2. Ahmedabad News: શ્યામલ પાસે લાગેલી આગમાં વાહનો બળીને ખાક, ખાનગી ATM સહિત બે શો રૂમમાં નુકસાન

3. Gujarat Weather: આવતીકાલે સમગ્ર ગુજરાતમાં ગરમીનું યલો એલર્ટ, હિટવેવની ભયંકર આગાહી

4. Surat News: દક્ષિણ ગુજરાતનો ટેક્સટાઈલ ઉદ્યોગ રાજ્યના કુલ DGPમાં 25 ટકાથી વધુનો હિસ્સો ધરાવે છે

5. Israel Lebanon વચ્ચે ફરી યુદ્ધ શરૂ, ઇઝરાયલી હેલિકોપ્ટર પાસે ડ્રોન વિસ્ફોટ, સૈનિકોના જીવ તાળવે ચોંટ્યા

6. Gold Silver Rate Today: 27 એપ્રિલે સોના ચાંદીના ભાવ ઘટ્યા, જાણો 10 ગ્રામનો લેટેસ્ટ રેટ

7. Local Body Elections 2026: વડોદરાના વોર્ડ નં. 11 માં બોગસ મતદાનના આક્ષેપ, કોંગ્રેસે કરી પુનઃમતદાનની માગ

8. Surat: વેસુમાં આશીર્વાદ કોમ્પ્લેક્સની લિફ્ટમાં 9 મહિનાના બાળક સહિત 11 લોકો ફસાયા, ફાયર બ્રિગેડે 15 મિનિટમાં તમામને ઉગાર્યા

9. Local body election: મતદાન બાદ અમદાવાદ અને રાજકોટ સહિતની મનપામાં ઉમેદવારો મૂંઝવણમાં મુકાયા

10. DC vs RCB : આવું કરનાર એકમાત્ર ખેલાડી બનશે વિરાટ કોહલી, માત્ર 11 રન બનાવી રચશે ઈતિહાસ

મહેસાણા જિલ્લા ભાજપમાં ભડકો જોવા મળ્યો

મહેસાણા જિલ્લા ભાજપમાં ભડકો થયો છે. ચૂંટણીમાં પક્ષ વિરોધી પ્રવૃત્તિ કરવા બાદ કાર્યકરોને સસ્પેન્ડ કરવામાં આવ્યા છે. ઉપપ્રમુખ સહિત ચાર લોકો 6 વર્ષ માટે સસ્પેન્ડ કરાયા છે. સક્રીય સભ્ય જગદીશ પટેલને ભાજપના તમામ હોદ્દાઓ પરથી કરાયા સસ્પેન્ડ , મહેસાણા જિલ્લા પ્રમુખ ગીરીશ રાજગોરે કરી કાર્યવાહી, જગદીશ પટેલ,દિનેશ ચૌધરી કરાયા સસ્પેન્ડ , પરેશ પટેલ,કમલેશ,સુરેશ પટેલને કરાયા સસ્પેન્ડ 

કાલે અમદાવાદ કોર્પોરેશન ચૂંટણી માટે મતગણતરી

આવતીકાલે અમદાવાદ મનપાની ચંટણી માટે મતગણતરી યોજાશે. ગુજરાત કોલેજમાં 21 વોર્ડ માટે ગણતરી થશે. સ્ટ્રોંગ રૂમ અને મતગણતરી સેન્ટરમાં સુરક્ષા વ્યવસ્થા ગોઠવવામાં આવી છે. મતગણતરી સેન્ટરમાં 3 લેયર પોલીસ બંદોબસ્ત રહેશે, SRP, પોલીસ, હથિયારધારી પોલીસ રહેશે તૈનાત,કંટ્રોલ રૂમથી સંપૂર્ણ સેન્ટરમાં રખાશે નજર,JCP,DCP,ACP, PI સહિત 600 પોલીસ કર્મીઓ રહેશે તૈનાત

ગ્રાન્ટેડ સ્કૂલો લડી લેવાના મૂડમાં

અમદાવાદની ગ્રાન્ટેડ સ્કૂલો લડી લેવાના મૂડમાં છે. શિક્ષણ અધિકારીની 153 ગ્રાન્ટેડ શાળાઓને નોટીસ મળી છે. ઓડિટ અને નાણાકિય હિસાબો માંગ્યા છે. ગ્રાન્ટની રકમ મુદ્દે થયેલો વિવાદ વકર્યો છે. સંચાલક મંડળે હાઈકોર્ટમાં અરજી કરવાની ચેતવણી આપી છે. 

આકરી ગરમી પડવાની આગાહી

ગુજરાતમાં આકરી ગરમી પડવાની આગાહી કરવામાં આવી છે. કચ્છમાં ગરમીનું ઓરેન્જ એલર્ટ જાહેર કરાયું છે. આ ઉપરાંત પશ્ચિમ ગુજરાતમાં પણ ભારે ગરમીનું એલર્ટ આપવામાં આવ્યું છે. તાપમાનનો પારો 44.8 ડિગ્રી સુધી તાપમાનનો પારો પહોંચ્યો છે. આગામી બે દિવસ સુધી ગરમીનો પારો ઊંચો રહેશે. આવતીકાલે સમગ્ર ગુજરાતમાં ગરમીનું યલો એલર્ટ અપાયું છે. બે દિવસ બાદ બેથી ત્રણ ડિગ્રી સુધી તાપમાન ઘટશે. સૌરાષ્ટ્ર અને કચ્છમાં રાત્રિના તાપમાનમાં સામાન્ય કરતાં થોડો વધારો થશે. રાજ્યના અન્ય વિસ્તારોમાં આવતીકાલ બાદ રાતનું તાપમાન ઘટશે. બે દિવસ બાદ ચારથી પાંચ દિવસ સુધી તાપમાનમાં ઘટાડો થશે.

પોલીસ સામે દાદાગીરી કરનારા તત્વોનો નીકળ્યો 'વરઘોડો'

જામનગરમાં પોલીસ પર રોફ જમાવવાની કોશિશ કરનારા અસામાજિક તત્વોને પોલીસે કાયદાનું ભાન કરાવ્યું છે. બે દિવસ પહેલા પોલીસને ધારદાર હથિયાર બતાવી ભય ફેલાવવાનો એક વીડિયો સોશિયલ મીડિયામાં વાયરલ થયો હતો. આ ઘટનાને ગંભીરતાથી લઈ પોલીસે ત્વરિત કાર્યવાહી કરી આરોપીઓને દબોચી લીધા હતા અને આજે તેમનું જાહેરમાં સરઘસ કાઢી કાયદાનો ડર શું હોય છે તેનો પરચો આપ્યો હતો.

મતદાન પૂરું મનભેદ પૂરા, લાંબા ગામે ભાજપ-કોંગ્રેસ-આપના કાર્યકરોએ સાથે બેસી પીધી ચા

લોકશાહીના સૌથી મોટા પર્વ સમાન ચૂંટણીના મતદાન બાદ અનેક જગ્યાએ રાજકીય ગરમાવો અને સંઘર્ષ જોવા મળતો હોય છે, ત્યારે દેવભૂમિ દ્વારકા જિલ્લાના લાંબા ગામે સામાજિક સમરસતાનું ઉત્તમ ઉદાહરણ પૂરું પાડ્યું છે. અહીં ચૂંટણી પૂર્ણ થતાની સાથે જ રાજકીય સ્પર્ધાને બાજુ પર મૂકી ભાજપ, કોંગ્રેસ અને આમ આદમી પાર્ટીના ઉમેદવારો તેમજ કાર્યકરો એકતાના રંગે રંગાયેલા જોવા મળ્યા હતા.

લાખાણીમાં વીજપોલ સાથે ટકરાયું ટ્રેક્ટર, બે સગા ભાઈઓના કરુણ મોતથી પંથકમાં અરેરાટી

વાવ-થરાદ પંથકના લાખણી તાલુકામાં મોડી રાત્રે એક અત્યંત હૃદયદ્રાવક અકસ્માત સર્જાયો છે. લાલપુર-લુવાણા માર્ગ પર બેવટા પાસે મંડપનો સામાન ભરેલું એક ટ્રેક્ટર અચાનક વીજ પોલ સાથે ધડાકાભેર અથડાયું હતું. આ અકસ્માત એટલો ભયાનક હતો કે, ટ્રેક્ટરમાં સવાર બે આશાસ્પદ યુવકોના ઘટના સ્થળે જ પ્રાણ પંખેરુ ઉડી ગયા હતા.

વડોદરાના વોર્ડ નં. 11 માં બોગસ મતદાનના આક્ષેપ, કોંગ્રેસે કરી પુનઃમતદાનની માગ

રાજકોટમાં અંગ દઝાડતી ગરમી

રાજકોટમાં અંગ દઝાડતી ગરમીનો અહેસાસ થઈ રહ્યો છે. ભીષણ ગરમીને પગલે મનપાએ યલો એલર્ટ આપ્યું છે. ગરમીનો પારો 43 ડિગ્રીને પાર થઈ ગયો છે. ભીષણ ગરમીથી રસ્તાઓ બન્યા સુમસામ, ગરમીથી રાહત મેળવવા લોકો ઠંડા પીણાના સહારે

અમદાવાદ મનપામાં મતદાન ટકાવારીમાં વધારો 

અમદાવાદ મનપામાં ગત ત્રણ ચૂંટણી કરતાં સૌથી વધુ મતદાન નોંધાયું છે. મતદાનની ટકાવારી વધીને 51.81 ટકા થઈ છે. શહેરમાં સૌથી વધુ મતદાન જમાલપુર વોર્ડમાં 70.43 ટકા નોંધાયું છે. જ્યારે સૌથી ઓછું મતદાન નવરંગપુરા વોર્ડમાં 41.31 ટકા નોંધાયું છે. 

ગરમીને લઈને શિક્ષણ વિભાગ એક્શનમાં 

ગરમીને લઈને શિક્ષણ વિભાગ એક્શનમાં આવ્યો છે. બપોરે શાળાઓ વહેલી છોડવાનો નિર્ણય લેવાયો છે. 12 વાગ્યા સુધીમાં શાળા છૂટે તેવી સૂચના અપાઈ છે. CBSE સહિત કેટલીક શાળાઓમાં વેકેશન પૂર્ણ થયું છે. અમદાવાદ શહેરમાં તાપમાન 44 ડીગ્રીને પાર થયું છે.બાળકોને ખુલ્લામાં પ્રવૃત્તિ ન કરાવવા સૂચન કરાયું છે.જિલ્લા શિક્ષણાધિકારીએ કરી સ્કૂલોને જાણ કરી છે. 

વાંચો 12 વાગ્યા સુધીના મહત્વના સમાચાર

1. Gujarat weather: અંબાલાલ પટેલની ભારે આગાહી, મધ્ય અને ઉત્તર ગુજરાતમાં તાપમાન ઉંચકાશે

2. Paytm Shares Crash: RBIનો એક નિર્ણય અને Paytmના શેરમાં જબરદસ્ત ઘટાડો

3. IPL 2026: રિંકુ સિંહનો બાળપણનો 'હીરો',KKRની જીતમાં સૌથી મોટી ભજવી ભૂમિકા

4. Panchmahal: દિલ્હી-મુંબઈ એક્સપ્રેસ હાઈવે પર કાર પલટી જતાં વડોદરાના એક જ પરિવારના 4 સભ્યોના કરૂણ મોત

5. AAP Crisis: રાજ્યસભામાં AAPને ઝટકો, 7 બળવાખોર સાંસદો BJPમાં જોડાવા રાજ્યસભા અધ્યક્ષની મંજૂરી

6. Earthquake in Japan: હોક્કાઇડોમાં 6.1ની તીવ્રતાના ભૂકંપના જોરદાર આંચકા, લોકો ઘરની બહાર દોડી આવ્યા

7. Ahmedabad: શ્યામલ વિસ્તારમાં સાંગરીલા-2 કોમ્પ્લેક્સમાં ભીષણ આગ, પાર્કિંગમાં ઉભેલા વાહનો બળીને ખાખ

8. Rajkot News: આગની ઘટના બાદ રાજકોટનો ફન બ્લાસ્ટ ગેમઝોન અચોક્કસ સમય માટે બંધ કરાયો

9. Local body election 2026: ગુજરાતમાં આમ આદમી પાર્ટીને મોટો ઝટકો, સાગર રબારીએ પક્ષમાંથી રાજીનામું આપ્યું

10. Petrol Diesel Price Today: ક્રૂડ ઓઇલના ભાવ 100 ડોલરને પાર..તો શું પેટ્રોલ ડીઝલના ભાવ વધ્યા? જાણો લેટેસ્ટ રેટ

જસદણમાં તળાવમાં ડૂબી જતા 4 બાળકોના મોત

રાજકોટના જસદણમાં ચાર બાળકો ડૂબ્યા હોવાની ઘટના સામે આવી છે. આલણ સાગર તળાવમાં ન્હાવા પડેલા ચાર બાળકો ડૂબ્યા હોવાની ઘટના સામે આવી છે. તળાવમાંથી ચાર બાળકોના મૃતદેહ મળી આવ્યા છે. તળાવની પાળ પરથી સાયકલ અને કપડાં મળ્યા છે. ફાયરની ટીમે બાળકોને મૃતદેહને બહાર કાઢ્યા હતાં. ઘટનાને પગલે પોલીસે પણ વધુ તપાસ હાથ ધરી છે. ચારેય બાળકોની એક સાથે અંતિમ યાત્રા નીકળી હતી. જેમાં મોટી સંખ્યામાં લોકો જોડાયા હતાં. 

સ્થાનિક સ્વરાજ્યની ચૂંટણીમાં મતદાન 

કુલ સરેરાશ 63.65 ટકા મતદાન

15 મહાનગરપાલિકામાં 55.19 ટકા મતદાન

84 નગરપાલિકામાં 65.53 ટકા મતદાન

34 જિલ્લા પંચાયતમાં 66.63 ટકા મતદાન

260 તાલુકા પંચાયતમાં 67.26 ટકા મતદાન

હવામાન નિષ્ણાત અંબાલાલ પટેલની આગાહી

હવામાન નિષ્ણાંત અંબાલાલ પટેલે રાજયમાં ગરમી અને વરસાદને લઈને આગાહી કરી છે. તેમની આગાહી પ્રમાણે રાજ્યમાં ગરમીનો પ્રકોપ યથાવત રહેશે. મધ્ય અને ઉત્તર ગુજરાતમાં તાપમાન ઉંચકાશે. 42થી 44 ડિગ્રી સુધી તાપમાન પહોંચે તેવું અનુમાન કરવામાં આવ્યું છે. સૌરાષ્ટ્ર અને કચ્છમાં ભીષણ ગરમી પડશે. 29 અને 30 એપ્રિલ આસપાસ તાપમાનમાં ઘટાડો થશે. મે મહિનાની શરૂઆતમાં હવામાનમાં પલટો આવશે. જેના કારણે છાંટા પડવાની પણ શક્યતાઓ છે.

અમિત શાહ આજે પરત ગુજરાત આવશે

કેન્દ્રીય ગૃહમંત્રી અમિત શાહ ફરી એક વાર ગુજરાતની મુલાકાતે આવશે. આજે તેઓ ગુજરાત આવશે. બંગાળમાં ચૂંટણીનો પ્રચાર પૂર્ણ કરીને તેઓ સાંજે રાજકોટ આવશે.રાજકોટથી સોમનાથ મંદિર દર્શન કરવા જશે, રાત્રિ રોકાણ સોમનાથમાં કરે તેવી શક્યતા

કરજણના કુરાલી ગામે હત્યાનો ભેદ ઉકેલાયો

કરઝણના કુરાલી ગામે હત્યાનો ભેદ ઉકેલાયો છે. વ્યાજના નાણાંને લઈને હત્યા કરાઈ હોવાનો ખુલાસો થયો છે.પોલીસે આરોપી રતિલાલ વસાવાની ધરપકડ કરી છે.કુરાલી ગામ પાસે કેનાલ નજીકથી લાશ મળી હતી, આરોપીએ મૃતક પાસેથી વ્યાજે પૈસા લીધા હતા,મૃતકે વ્યાજ સાથે મૂડી પરત માગવા ઉઘરાણી કરી હતી,આરોપીએ દોરી વડે ગળેફાંસો આપી હત્યા કરી હતી,પોલીસે આરોપીને ઝડપી વધુ તપાસ હાથ ધરી

હિટાચી મશીન ચાલકના આતંકનો વીડિયો થયો વાયરલ

વડોદરાના સાવલી આણંદ હાઈવે પર નશામાં ધૂત એક હિટાચી મશીન ચાલકે હાઈવે પર આતંક મચાવ્યો હતો. હાઈવે પર પસાર થતાં વાહન ચાલકો અને સ્થાનિકોના જીવ તાળવે ચોંટયા હતાં. હિટાચી મશીન ચાલકે મશીનને હાઈવે પર ગોળ ગોળ ફેરવ્યું હતું. ત્યાંથી પસાર થતાં લોકોને મશીન ચાલકે ભગાડ્યા હતાં. ગ્રામજનોએ મશીન ચાલકની હરકતને રોકવાનો પ્રયાસ કર્યો હતો. નશામાં ચૂર ચાલકે મશીનનો પંજો હવામાં વીંઝીને લોકોમાં ફાળ પાડી દીધી હતી.સદનસીબે આ ઘટનામાં કોઈ મોટી જાનહાનિ થઈ નથી, પરંતુ આ પ્રકારના જીવલેણ કૃત્યથી લોકોમાં ભારે ફફડાટ ફેલાયો છે.સ્થાનિક રહીશો દ્વારા આ બેફામ ચાલક સામે કડક કાર્યવાહી કરવાની માંગ ઉઠી છે

સાબરકાંઠાના વિજયનગરમાં ખનીજ ચોરી બેફામ

સાબરકાંઠાના વિજયનગરમાં ખનીજ ચોરો બેફામ બન્યાં છે. પરમીશન વિના માટીનું ખુલ્લેઆમ ખનન કરવામાં આવે છે. મામલતદાર કચેરી પાસે જ બેરોકટોક ખોદકામ શરૂ થયું છે. ખનન થયેલી માટી નવા બસ સ્ટેન્ડ માટે વપરાય છે, વિજયનગર હાઇવે પર પણ વધ્યું ગેરકાયદે ખનન,કન્સ્ટ્રક્શન માટે પુરાણમાં વપરાય છે માટી,તંત્ર આંખ આડા કાન કરી રહ્યું હોવાના આક્ષેપ

અમદાવાદમાં શ્યામલ નજીક આગ

અમદાવાદમાં શ્યામલ નજીક સાંગરીલા 2 કોમ્પલેક્ષના પાર્કિગમાં પાર્ક કરેલા વાહનોમાં આગ લાગી હતી. આગ લાગતાં જ લોકોમાં અફરા તફરી મચી જવા પામી હતી.ફાયર ટીમના જવાનોએ આગને કાબૂમાં લેવા પ્રયાસ શરૂ કર્યા હતાં. આગને પગલે એક તરફનો રસ્તો બંધ કરાયો છે. આગ લાગવાનું કારણ અકબંધ છે.

પંચમહાલમાં અકસ્માતમાં 4 લોકોના મોત

પંચમહાલ જિલ્લામાં અકસ્માતની ઘટનામાં ચાર લોકોના મોત નિપજ્યાં છે. દિલ્હી અને મુંબઈ વચ્ચે બની રહેલા હાઈવે પર અકસ્માત સર્જાયો હતો. કાલોલ નજીક કારે પલટી મારતા અકસ્માત સર્જાયો હતો. કારમાં સવાર 5 લોકોમાંથી 4ના ઘટનાસ્થળે મોત નિપજ્યાં છે. ગોધરાથી વડોદરા જતા પરિવારને નડ્યો અકસ્માત

સાગર રબારીએ આમ આદમી પાર્ટી છોડી

ગુજરાતમાં સ્થાનિક સ્વરાજ્યની ચૂંટણીનું મતદાન પૂર્ણ થયા બાદ આમ આદમી પાર્ટીને મોટો ઝટકો વાગ્યો છે. પાર્ટીના પ્રદેશ મહામંત્રી અને ખેડૂત આગેવાન સાગર રબારીએ પાર્ટીના તમામ પદ અને હોદ્દા પરથી રાજીનામું આપી દીધું છે. 

સુરતના વેસુમાં લિફ્ટમાં લોકો ફસાયા

સુરતના વેસુમાં લિફ્ટમાં લોકો ફસાયા હોવાની ઘટના સામે આવી છે. આશિર્વાદ કોમ્પલેક્સમાં લોકો લિફ્ટમાં ફસાયા હતાં. નાના બાળકો સહિત મોટા લોકો પણ ફસાયા હતાં. ફાયરની ટીમે 15 મિનિટમાં જ તમામ લોકોને બચાવી લીધા હતાં. તમામ લોકોનું લિફ્ટમાંથી રેસ્ક્યૂ કર્યું હતું.

રાજકોટમાં ફન બ્લાસ્ટ ગેમઝોન આગ મુદ્દો

રાજકોટના મોટા મૌવા મેઈન રોડ પર આવેલા પ્રખ્યાત ફન બ્લાસ્ટગેમ ઝોનમાં આજે રવિવારની રજાના દિવસે મોટી દુર્ઘટના ઘટતા રહી ગઈ હતી. ભરચક ભીડ વચ્ચે અચાનક શોર્ટ સર્કિટના કારણે આગ ફાટી નીકળતા રમી રહેલા બાળકો અને તેમના પરિવારજનોમાં ભારે નાસભાગ મચી ગઈ હતી. ઘટનાની જાણ થતા જ ફાયર બ્રિગેડના બે ફાયર ફાઈટરોએ સ્થળ પર પહોંચી આગ પર કાબૂ મેળવ્યો હતો.ગેમઝોનમાં ફાયર NOC અને સુરક્ષાના સાધન ન હોવાનો ખુલાસો સામે આવ્યો છે. ઘટના બાદ ગેમઝોન અચોક્કસ સમય માટે બંધ કરાયો છે.

જૂનાગઢ નાકરા ગામે યુવકનો આપઘાત

જૂનાગઢના નાકરા ગામમાં એક યુવકે આપઘાત કર્યો હોવાનો બનાવ સામે આવ્યો છે. પતિ અને પત્ની વચ્ચે વારંવાર ઝઘડા થતા હતાં. આવેશમાં આવીને આપઘાત કર્યો હોવાનું અનુમાન છે. લીમડાના ઝાડ પર દોરડા પર લટકતો મૃતદેહ મળી આવ્યો છે. માણાવદર પોલીસે ઘટનાની તપાસ હાથ ધરી છે. મૃતક રાજસ્થાનનો હોવાનો ખુલાસો થયો છે. 

જૂનાગઢમાં ગેરકાયદે સિંહ દર્શનને લઇ હલ્લાબોલ

જૂનાગઢમાં ગેરકાયદે સિંહ દર્શનને લઈ હલ્લાબોલ કરવામાં આવ્યો છે. તોરણિયાના સરપંચે ગેરકાયદે સિંહ દર્શન કરાવવાનું કૌભાંડ ઝડપી પાડ્યું છે. વન વિભાગના કર્મચારીનો ભાઈ પૈસા લઈને સિંહ દર્શન કરાવતો હતો. સરપંચે વિડીયો ઉતારી કર્યો સોશિયલ મીડિયામાં વાયરલ કર્યો છે. ગેરકાયદે સિંહ દર્શનમાં વન વિભાગની સંડોવણી ખુલી  છે. 

સુરત અલથાણ છેડતી કેસમાં મોટો ઘટસ્ફોટ

સુરતના અલથાણામાં છેડતી કેસમાં મોટો ઘટસ્ફોટ સામે આવ્યો છે. આમ આદમી પાર્ટીના કાર્યકર મેહૂલ ઉર્ફે રાવણની સંડોવણી બહાર આવી છે. છેડતી પાછળ આમ આદમી પાર્ટીનું સ્ક્રિપ્ટેડ કાવતરૂ સામે આવ્યું છે. ભાજપ અને હર્ષ સંઘવીને બદનામ કરવા આક્ષેપ કરાયો છે.મુસ્લિમ સમાજનો ઉપયોગ કરાયો હોવાનો આક્ષેપ કરાયો છે. છેડતી કરનાર અઝીઝ શેખ બે દિવસના રિમાન્ડ પર મોકલાયો છે. અલથાણ પોલીસે મેહુલ સામે પણ તપાસ હાથ ધરી છે.

અમદાવાદમાં સ્કૂલમાં મારામારી મામલે ફરિયાદ

અમદાવાદના કુબેરનગરમાં સ્કૂલમાં મારામારી મામલે ફરિયાદ દાખલ કરવામાં આવી છે. કોંગ્રેસના ઉમેદવાર સહિત ચાર લોકો સામે ગુનો દાખલ કરાયો છે. નિકુલસિંહ તોમર સહિત 4 સામે ફરિયાદ દાખલ કરાઈ છે.સ્કૂલમાં બોગસ મતદાનને લઇ બબાલ થઈ હતી.ભાજપ-કોંગ્રેસ કાર્યકરો સામ-સામે આવી ગયા હતા

રાજ્યમાં વીજ માગ વધીને 25630 મેગાવોટ થઇ

રાજ્યમાં ઉષ્ણતામાનનો પારો 40 ડિગ્રીને વટાવી ગયો છે.વડોદરા શહેરમાં 43 ડિગ્રી તાપમાનનો પારો રહ્યો હતો.હિટવેવના પગલે શહેરમાં એરકન્ડિશન્ડ,એર કૂલર, રેફ્રિજરેટર તથા ઈલે.પંખાનું વેચાણ સતત વધી રહ્યું છે. વડોદરા શહેરમાં પણ વીજ માગ સતત વધી રહી છે.શુક્રવારે શહેરમાં વીજ માગ 462 મેગાવોટ હતી જે શનિવારે વધીને 475 મેગાવોટ રહી હતી.બીજી તરફ એમજીવીસીએલની વીજ માગ 2675 મેગાવોટ પરથી વધીને 2751 મેગાવોટ રહી હતી.

સુરતના સલાબતપુરામાં પતિએ કરી પત્નીની હત્યા

સુરતના સલાબતપુરામાં પતિએ પત્નીની હત્યા કરી હોવાનો બનાવ સામે આવ્યો છે. અનૈતિક સંબંધની શંકાએ શિલ્પા સાલ્વેની હત્યા કરાઈ છે. હત્યા કરી લાશને લાકડાની પેટીમાં ભરી દીધી હતી.લાશને પેટીમાં ભરી સિમેન્ટથી પેક કરી દીધી હતી.લોકોને કહ્યું કે તેની પત્ની ગુમ થઇ ગઈ છે.તમામ ગુનાની હકીકત એક ચિઠ્ઠીમાં લખી હતી.પત્નીની હત્યા માટે તે પોતે જ જવાબદાર છે.પોલીસની તપાસમાં ચોંકવનારી હકીકત સામે આવી

આવતીકાલે આવશે ચૂંટણીના પરિણામો 

ગઈકાલે ગુજરાતમાં સ્થાનિક સ્વરાજ્યની સંસ્થાઓની ચૂંટણીનું મતદાન થયું હતું. આ મતદાન પૂર્ણ થયા બાદ મોડી રાત્રે EVM સ્ટ્રોંગ રૂમ ખાતે લવાયા હતાં. હવે  આવતીકાલે સવારે 9 વાગ્યાથી મત ગણતરી શરૂ થશે.આવતીકાલે આવશે ચૂંટણીના પરિણામો 

2021માં અસર થઈ હોય એવા 8 વોર્ડની ચિંતા

120 બેઠકો પર ચૂંટણી માટે ભાજપે ઉતારેલા ઉમેદવારોમાં અનેક વોર્ડમાં પેનલના ઉમેદવારો વચ્ચે આંતરિક ખતરાગ હોવાની ફરિયાદો અને કિસ્સા સાંભળવા, જોવા મળ્યાં છે.કોઈ એક ચોક્કસ વિસ્તાર પૂરતું જ નહીં, પરંતુ સેન્ટ્રલ ઝોન, રાંદેર ઝોન, લિંબાયત ઝોન, વરાછા ઝોન અને અન્ય વિસ્તારોમાં ચાર ઉમેદવારો એકસાથે રહેવાની જગ્યાએ વ્યક્તિગત ધોરણે વધુ ને વધુ મત મળે એ માટે દોડતાં હોવાનું દેખાયું છે.કેટલાક કિસ્સાઓમાં તો સ્થાનિક નેતાગીરીનું ધ્યાન દોરાયું હોવાનું અથવા તો ફરિયાદ સુધ્ધાં કરી દેવાઈ છે.એવામાં હવે મંગળવારે આવનારા પરિણામ પછી કયા વોર્ડમાં કોને, કેવી ગેમ ગોઠવી અને ગેમ રમી એ બધું સ્પષ્ટ થશે.જોકે તેમ છતાં ભાજપના માથે હજુ પણ 2021માં અસર થઈ હોય એવા 8 વોર્ડની ચિંતા સૌથી વધુ છે. 

અમદાવાદના કલગી ચાર રસ્તા પાસે અકસ્માત

અમદાવાદમાં કલગી ચાર રસ્તા પાસે અકસ્માત સર્જાયો છે. પુરપાટ ઝડપે આવતી જીપે કારને ટક્કર મારી હતી. ઈકો ગાડી પલટી ખાઈ જતાં બે લોકો ઈજાગ્રસ્ત થયા હતાં. નશામાં ડ્રાઈવિંગની આશંકા સેવાઈ રહી છે. પોલીસે સમગ્ર મામલે તપાસ હાથ ધરી છે. 

અકળામણ અને બફારાનો સામનો કરવો પડશે

હવામાન વિભાગની આગાહી મુજબ,આગામી ત્રણ દિવસ સુધી રાજ્યના આંતરિક ભાગોમાં તાપમાનનો પારો 41 થી 45 ડિગ્રી સેલ્સિયસની વચ્ચે રહેવાની શક્યતા છે. ખાસ કરીને સુરત,પાટણ, રાજકોટ, પોરબંદર,સુરેન્દ્રનગર અને કચ્છમાં હીટવેવની સ્થિતિ પ્રવર્તશે તેવી ચેતવણી આપવામાં આવી છે.આ ઉપરાંત દરિયાકાંઠાના વિસ્તારોમાં ગરમ અને ભેજવાળા પવનોને કારણે લોકોએ અસહ્ય અકળામણ અને બફારાનો સામનો કરવો પડશે.ત્રણ દિવસ બાદ તાપમાનમાં 2 થી 3 ડિગ્રીનો સામાન્ય ઘટાડો થવાની આશા છે.હાલમાં સમગ્ર રાજ્યમાં હવામાન સૂકું રહેવાની શક્યતા હોવાથી ગરમીથી બચવા માટે બપોરના સમયે ઘરની બહાર ન નીકળવું હિતાવહ છે.

સુરેન્દ્રનગરના ચુડા તાલુકાના જેપરમાં પુનઃ મતદાન 

સુરેન્દ્રનગરના ચુડા તાલુકાના જેપુરમાં ફરી મતદાન થશે. આજે સવારે સાત વાગ્યાથી સાંજે છ વાગ્યા સુધી મતદાન યોજાશે. જિલ્લા અને તાલુકા પંચાયત માટે ફરીવાર મતદાન યોજાશે. 4થી 5 ઈવીએમ મશીનમાં ક્ષતિને કારણે પુનઃ મતદાન યોજાશે.136 મત પડ્યા બાદ EVMમાં ખામી સર્જાઈ હતી.643 મતદારો મતાધિકારનો ઉપયોગ કરવાના હતા

છોટાઉદેપુર પાવી જેતપુરમાં અકસ્માતમાં 2 ના મોત

છોટા ઉદેપુરના પાવી જેતપુરમાં અકસ્માત સર્જાયો હતો. ટ્રક અને બાઈક વચ્ચે સર્જાયેલા અકસ્માતમાં બે બાઈક સવારોના મોત નિપજ્યા હતાં. ધાર્મિક યાત્રાએ આવેલા બંને યુવકોના મોત નિપજ્યા હતાં.

રાજ્યમાં હિટવેવની આગાહી

ગુજરાતમાં આજે હિટવેવની આગાહી કરવામાં આવી છે. હવામાન વિભાગે સૌરાષ્ટ્ર, કચ્છ, દીવ, દાદરાનગર હવેલી અને દમણમાં હિટવેવની આગાહી કરી છે. રાજ્યમાં કંડલામાં સૌથી વધુ 45.2 ડિગ્રી તાપમાન નોંધાયું છે. અમદાવાદમાં 44.8, અમરેલી 44.5, રાજકોટમાં 44.3, ગાંધીનગરમાં 44.2, વડોદરા,  ભુજ અને કેશોદમાં 43.2, ડીસા, ભાવનગર અને સુરત 41 ડિગ્રી તાપમાન નોંધાયું છે. અમદાવાદમાં આજે ગરમીનું ઓરેન્જ એલર્ટ જાહેર કરવામાં આવ્યું છે.

સ્થાનિક સ્વરાજ્યની ચૂંટણી માટે મતદાન પૂર્ણ

સ્થાનિક સ્વરાજ્યની ચૂંટણીનું મતદાન પૂર્ણ થયું છે. રાજ્યની 15 મહાનગર પાલિકામાં, 49.02, 84 નગરપાલિકામાં,59.50, 34 જિલ્લા પંચાયતમાં 61.69, 260 તાલુકા પંચાયતમાં 62.38 ટકા મતદાન નોંધાયું છે. જ્યારે 11 નગરપાલિકાની પેટા ચૂંટણીમાં 55.38 ટકા મતદાન નોંધાયું છે. 

રાજકોટના જસદણમાં ચાર બાળકો ડૂબ્યા

રાજકોટના જસદણમાં ચાર બાળકો ડૂબ્યા હોવાની ઘટના સામે આવી છે. આલણ સાગર તળાવમાં ન્હાવા પડેલા ચાર બાળકો ડૂબ્યા હોવાની ઘટના સામે આવી છે. તળાવમાંથી ચાર બાળકોના મૃતદેહ મળી આવ્યા છે. તળાવની પાળ પરથી સાયકલ અને કપડાં મળ્યા છે. ફાયરની ટીમે બાળકોને મૃતદેહને બહાર કાઢ્યા હતાં. ઘટનાને પગલે પોલીસે પણ વધુ તપાસ હાથ ધરી છે.