દેશ દુનિયાના સમાચાર Updated: અંબાજીમાં 26 લાખથી વધુ ભક્તોએ કર્યા દર્શન

J&K Election: આવતીકાલે 7 જિલ્લાની 24 બેઠકો માટે પ્રથમ તબક્કાનું મતદાન

જમ્મુ-કાશ્મીર વિધાનસભા ચૂંટણીના પ્રથમ તબક્કામાં પુલવામાની 4, શોપિયાંની 2, કુલગામની 3, અનંતનાગની 7, રામબનની 2, કિશ્તવાડની 3 અને ડોડા જિલ્લાની 3 બેઠકો પર મતદાન થવાનું છે.

ઇડર-ખેડબ્રહ્મા રોડ અકસ્માતમાં માતા-પુત્રનું મોત

મહારાણા પ્રતાપ સર્કલ નજીક ટ્રક ચાલકે સ્ટેરીંગ પરનો કાબૂ ગુમાવતા અકસ્માત સર્જાયો. પતિ પત્ની સહિત બાળક સાથે બાઈક લઇને જતાં પરિવારને અકસ્માત નડ્યો. ટ્રક ચાલક અકસ્માત સર્જીને ઘટના સ્થળેથી પલાયન થઈ ગયો. ગોઝારા અકસ્માતમાં માતા પુત્રનું કરુણ મોત પતિનો આબાદ બચાવ. બાઈક ચાલકને સારવાર અર્થે ઈડરની ખાનગી હોસ્પિટલ ખસેડાયો. અકસ્માતને પગલે સ્ટેટ હાઈવે રોડ પર ટ્રાફિકજામ. ઘટના સ્થળે લોકોના ટોળેટોળા એકઠા થયા. ઈડર પોલીસ ઘટના સ્થળે પહોંચી આગળની વધુ તપાસ હાથ ધરી. મૃતકની લાશને પીએમ અર્થે ખસેડવાની તજવીજ હાથ ધરાઈ.

Bhavnagar: મહુવાના ઉંચા કોટડામાં ગણપતિ વિસર્જન સમયે ટ્રેક્ટર દરિયામાં તણાયું

મહુવાના ઉંચા કોટડા ગામે ગણપતિ વિસર્જન માટે આવેલું ટ્રેક્ટર દરિયામાં ગરકાવ થયું. ચૌદસ અને પૂનમનો સંયોગ હોય દરિયામાં ભરતી મોટા પાયે રહેતી હોય છે. ત્યારે આજે ગણેશ વિસર્જન હોય ઘણા લોકોએ પોતાના વિસ્તારમાં સ્થાપના કરેલ ગણપતિજી સમુદ્રમાં વિસર્જન કરવા માટે આવતા હોય છે. અખેગઢ ગામના એક મંડળ દ્વારા ટ્રેક્ટરમાં ગણપતિ બેસાડી દરિયાની વચ્ચે લઈ જવામાં આવ્યું હતું.

પાટણમાં ધારાસભ્ય રાત્રે રખડતા ઢોર પકડવા નીકળ્યા

પાટણના ધારાસભ્ય કિરીટ પટેલ રખડતા ઢોરોને પકડવા માર્ગો પર નીકળ્યા હતા. પાટણ હાસાપુર રોડ ઉપર રખડતા ઢોરોનો આતંકને લઈને ધારાસભ્ય કિરીટ પટેલ માર્ગો પર નીકળ્યા. હાસાપુર રોડ વિસ્તાર પર આવેલ 5 જેટલી સોસાયટીઓમા રખડતા ઢોરોનો આતંક જોવા મળ્યો. પાલિકામા અનેક રજુઆત છતાં કોઈ નિરાકરણ ન આવતા ધારાસભ્ય જાતે ઢોર પકડવા નીકળ્યા. ધારાસભ્ય કિરીટ પટેલ સહીત સ્થાનિક લોકો લાકડીઓ લઇ માર્ગો પર રખડતા ઢોર પકડી પાલિકાને જાણ કરી. પાલિકા તંત્ર સફાળું જાગ્યુ અને સ્થળ પર પહોંચ્યા.

ભરૂચના અંકલેશ્વરમાં પોલીસ કર્મચારી પર હુમલો

ગણેશ વિસર્જન દરમ્યાન પોલીસ જવાન પર હુમલો થયો. ચપ્પુથી હુમલો કરાયો હોવાની આશંકા છે. પોલીસે હુમલાખોરને ઝડપી પાડ્યો છે. ઇજાગ્રસ્ત પોલીસ જવાનને સારવાર અર્થે ખસેડવામાં આવ્યા છે.

પંચમહાલના પ્રતાપપુરામાં બે વ્યક્તિઓ તળાવમાં ડૂબ્યા

હાલોલ તાલુકાના પ્રતાપપુરા ગામે તળાવમાં 2 વ્યક્તિઓ ડૂબ્યા. પાચમહુડી ગામના 2 વ્યક્તિઓ ડૂબ્યા હતા. 1 વ્યક્તિનો આબાદ બચાવ થયો. પ્રવીણ પરમાર નામનો આધેડ તળાવના પાણીમાં ગરકાવ થયો. હાલ ફાયર વિભાગની ટીમ ઘટના સ્થળ પર પહોંચી. વ્યક્તિને શોધવા માટે પ્રયત્નો હાથ ધરવામાં આવી રહ્યા છે. હાલોલ પોલીસ, તરવૈયા તેમજ ફાયર વિભાગ દ્વારા શોધવા કવાયત હાથ ધરાઈ.

Gati Shakti વિશ્વવિદ્યાલય અને મોનાશ યુનિવર્સિટી વચ્ચે રેલવે સંશોધન વધારવા એમઓયુ

ગતિ શક્તિ વિશ્વવિદ્યાલય (GSV) એ આજે નવી દિલ્હીમાં ઓસ્ટ્રેલિયાની મોનાશ યુનિવર્સિટી સાથે સમજૂતી કરાર (એમઓયુ) પર હસ્તાક્ષર કર્યા છે. આ કરારનો ઉદ્દેશ મોનાશ ઇન્સ્ટિટ્યૂટ ઑફ રેલવે ટેક્નોલોજી (IRT) દ્વારા રેલવે એન્જિનિયરિંગમાં સંયુક્ત સંશોધન, શિક્ષણ અને એક્ઝિક્યુટિવ તાલીમમાં સહયોગની સુવિધા આપવાનો છે.

Gadhada: માર્કેટિંગ યાર્ડમાં નવી સિઝનનો પ્રારંભ, પ્રથમ દિવસે 3,500 મણ કપાસની આવક

ગઢડા (સ્વામીના) માર્કેટ યાર્ડની નવી સિઝનનો પ્રારંભ તા.17/ 9/ 2024 ના રોજ કરવામાં આવ્યો હતો. સમિતિના યુવા ચેરમેન સુભાષભાઈ કિરીટભાઈ હુંબલ, સંસ્થાના  સેક્રેટરી બીપીનભાઈ ચાવડા તથા બોર્ડના ડાયરેક્ટરોની હાજરીમાં કપાસની હરરાજીનો પ્રારંભ કરવામાં આવ્યો હતો. 

UP: ગુગલને પૂછીને યુવકને ક્રાઈમ કરવું પડ્યું ભારે, ગુગલે જ મોકલ્યો જેલ

ઉત્તરપ્રદેશના આંબેડકરનગર સરકારી મેડિકલ કોલેજમાં યૌન ઉત્પીડનના આરોપનો પોલીસે ખુલાસો કર્યો છે. પોલીસે આ મામલામાં પેરામેડિકલ વિદ્યાર્થીની ધરપકડ કરીને તેને જેલમાં મોકલી દીધો છે. વિદ્યાર્થીએ ગુનો કરવા માટે ગૂગલનો સહારો લીધો અને પછી પોલીસે આ જ પદ્ધતિનો ઉપયોગ કરીને તેની ધરપકડ કરી.

Lebanonમાં એક પછી અનેક બ્લાસ્ટ, 8 લોકોના મોત, 2000થી વધુ ઘાયલ

લેબનોનમાં સીરિયલ બ્લાસ્ટ થયો છે. અહીં પેજર્સ બ્લાસ્ટમાં 2000થી વધુ લોકો ઘાયલ થયા છે. આ ઘાયલોમાં હિઝબુલ્લાહ લડવૈયાઓ અને આરોગ્ય કર્મચારીઓનો પણ સમાવેશ થાય છે. આ ભયાનક ઘટનામાં ઈરાનના રાજદૂત મોજીતબા અમાની પણ ઘાયલ થયા છે. ઈરાનના મીડિયા અહેલાલ અનુસાર જે પેજર્સ બ્લાસ્ટમાં ઈરાનના રાજદૂત ઘાયલ થયા હતા તે તેમના સુરક્ષા ગાર્ડ સાથે હતો. આ વિસ્ફોટમાં અત્યાર સુધીમાં આઠ લોકોના મોતની પુષ્ટિ કરવામાં આવી છે.

માતરના વસોમાં ગણેશ વિસર્જન યાત્રા પર વિધર્મીઓના ટોળા દ્વારા હુમલો

ખેડા જિલ્લાના માતર તાલુકાના વસો ગામમાં ગણેશ વિસર્જન યાત્રામાં મારામારીની ઘટના બની હતી. વસો ગામમાં મસ્જિદ પાસેથી પસાર થઈ રહેલ ગણેશજીની વિસર્જન યાત્રા પર વિધર્મીઓના ટોળા દ્વારા હુમલો કરાયો. હુમલામાં પોલીસ કર્મીઓને પણ ઈજા પહોંચી હોવાની પ્રાથમિક માહિતી બહાર આવી છે. વસો ગામમાં ચુસ્ત પોલીસ બંદોબસ્ત ગોઠવી દેવાયો. એસપી, ડીવાયએસપી સહિત એસ.ઓ.જી, એલસીબી, વસો પોલીસ, નડિયાદ પોલીસ, માતર પોલીસ ઘટના સ્થળે પહોંચ્યા. 

તહેવારમાં બંદોબસ્તમાં હાજર ન રહેતા ASI સહિત બે પોલીસકર્મી સસ્પેન્ડ

ઉના તાલુકામાં તહેવારના બંદોબસ્તમાં ગેર હાજર રહેનાર બે પોલીસ કર્મીઓને સસ્પેન્ડ કરવામાં આવ્યા છે. ઉનાના નવાબંદર પો.સ્ટે વિસ્તારમાં આવતા કોબ ગામે ઇદે મિલાદ તહેવારને લઇ બંદોબસ્ત ગોઠવાયો હતો. આ વિસ્તાર સંવેદનશીલ હોવાથી પોલીસ બંદોબસ્ત ગોઠવવામાં આવ્યો હતો. જેમાં ASI માલદે નાજાભાઈ ભોળા અને કાનજી હમીરભાઈ મોરી ગેરહાજર રહ્યા હતા. ગેરહાજર હોવાની જાણ નવાબંદર પોલીસ સબ.ઈન્સ.વી.કે.ઝાલાને થતા જિલ્લા પોલીસ વડાને જાણ કરાઈ હતી. જિલ્લા પોલીસ વડાને જાણ કરાતા આ બંને પોલીસ કર્મીઓને સસ્પેન્ડ કરાયા હતા.

સોલા બ્રિજ પર અકસ્માત કેસમાં આરોપીની ધરપકડ

અમદાવાદમાં એસ. જી. હાઇવેના સોલા બ્રિજ પર અકસ્માતનો કેસ નોંધાયો હતો. ટુ વ્હીલર ચાલકને આઇ 20 કારે ટક્કર મારતાં મહિલાનું મોત નિપજ્યું હતું. કાર ચાલક અકસ્માત કરી ફરાર થઈ ગયો હતો. એસ.જી -1 ટ્રાફિક પોલીસે અકસ્માત કરનાર શ્લોક પટેલની ધરપકડ કરી હતી. આરોપી 25 વર્ષીય શ્લોક નારણપુરાનો રહેવાસી છે અને એક ખાનગી કંપનીમાં એચ.આર રિક્રુટમેન્ટ તરીકે નોકરી કરે છે. કાર ચાલક શ્લોક પુર ઝડપે કાર ચલાવતા કાબુ ગુમાવી દેતા અકસ્માત સર્જાયો હતો. એક્ટિવા પર મહિલા કાજલબેન રાવલ તેનો બે વર્ષનો પુત્ર માલવરાજ અને માતા જયશ્રી બેન સાથે ઘરે જઈ રહ્યા હતા.

Chotila: મામલતદાર કચેરીનો સર્કલ ઓફિસર લાંચ લેતા ઝડપાયો

ચોટીલામાં મામલતદાર અને એક્ઝિક્યુટીવ મેજીસ્ટ્રેટની કચેરીમાં સર્કલ ઓફિસર તરીકે ફરજ બજાવતા જીગ્નેશ પાટડિયાએ અરજદાર પાસે 1 લાખ રૂપિયાની લાંચ માગી હતી. જેને લઈને અરજદારે એસીબીમાં ફરિયાદ કરતાં ACBએ સર્કલ ઓફિસરને લાંચ લેતા રંગેહાથ ઝડપી લીધો હતો. 

અમદાવાદ: સોલા બ્રિજ પર અકસ્માત કેસમાં આરોપીની ધરપકડ

અમદાવાદના સોલા બ્રિજ પર અકસ્માત કેસમાં આરોપીની ધરપકડ કરવામાં આવી છે. 15 સપ્ટેમ્બરે અકસ્માતમાં મહિલાનું મોત થયું હતું અને આરોપીએ કાર પર કાબૂ ગુમાવતા અકસ્માત થયો હતો. ટ્રાફિક પોલીસે આ મામલે વધુ તપાસ હાથ ધરી છે.  

અંબાજીમાં આજે 4 લાખ 57 હજાર ભક્તોએ દર્શન કર્યા

અંબાજીમાં આજે 4 લાખ 57 હજાર ભક્તોએ દર્શન કર્યા છે. 6 દિવસમાં 26 લાખ 92 હજાર ભક્તોએ દર્શન કર્યા. આજે 74,870 લોકોએ વિના મૂલ્યે ભોજનનો લાભ લીધો છે અને 280 ધજા મંદિરના શિખર પર ચઢાવવામાં આવી છે. 

સુરત: બારડોલી ખાતે આજે ગણેશ વિસર્જન દરમિયાન એક દુર્ઘટના બની

સુરતના બારડોલી ખાતે આજે ગણેશ વિસર્જન દરમિયાન એક દુર્ઘટના બની છે. બારડોલી તાલુકાના કરચકા ગામે નદીમાં યુવક ડૂબ્યો છે. 

મઢી ગામના યુવાનનું ગણેશ વિસર્જનમાં ડૂબી જતા મોત થયું છે. નાનો ભાઈ પાણીમાં ડૂબી રહ્યો હતો, જેથી મોટો ભાઈ બચાવવા ગયો હતો અને નાનો ભાઈ તો બચી ગયો, પરંતુ મોટોભાઈ પોતે ઊંડા પાણીમાં ગરકાવ થઈ ગયો હતો.

Women’s T20 World Cup 2024ના શેડ્યૂલની જાહેરાત, જાણો ક્યારે થશે ભારત-પાકિસ્તાનની ટક્કર

ICCએ મહિલા T20 વર્લ્ડકપ 2024ના સુધારેલા શેડ્યૂલની જાહેરાત કરી છે. વિમેન્સ ટી20 વર્લ્ડકપ 2024 શરૂઆતમાં બાંગ્લાદેશમાં આયોજિત થવાનો હતો, પરંતુ ત્યાંની ખરાબ પરિસ્થિતિને જોતા, તેને સંયુક્ત આરબ અમીરાતમાં શિફ્ટ કરવામાં આવ્યો. આ ટુર્નામેન્ટની મેચો શારજાહ ક્રિકેટ સ્ટેડિયમ અને દુબઈ ઈન્ટરનેશનલ ક્રિકેટ સ્ટેડિયમમાં રમાશે. ટુર્નામેન્ટ 3 ઓક્ટોબરથી શરૂ થશે. આ દિવસે બાંગ્લાદેશ અને સ્કોટલેન્ડ વચ્ચે મેચ રમાશે.

Delhi Weather: આગામી બે દિવસ વરસાદને લઈ હવામાન વિભાગે આપ્યું યલો એલર્ટ

દેશની રાજધાની દિલ્હીના રાજકારણ હાલ ખૂબ ગરમાવો છે, ત્યારે રાજધાનીનું વાતાવરણ એકદમ ગુલાબી છે. દેશમાં ચોમાસું તેના છેલ્લા તબક્કામાં પહોંચી રહ્યું છે અને તે દરમિયાન રાજધાનીમાં વાદળો બંધાયા છે. આગામી દિવસોમાં વાતાવરણ વિશે વાત કરીએ તો બુધવારે રાષ્ટ્રીય રાજધાની દિલ્હીમાં વાદળછાયું વાતાવરણ રહેવાની અને હળવા વરસાદની આશા છે. હવામાન વિભાગના અધિકારીઓએ આ માહિતી આપી છે.

GSECLના સોલાર પાવર પ્રોજેક્ટથી ખેડૂતોને સસ્તી વીજળી પ્રાપ્ત થશે

વડાપ્રધાન નરેન્દ્ર મોદીએ તેમના ગુજરાત પ્રવાસ દરમિયાન સોમવારે મોરબી જિલ્લાના વિઠ્ઠલપર ખાતે ગુજરાત સ્ટેટ ઇલેક્ટ્રિસિટી કોર્પોરેશન લિમિટેડ (GSECL)ના 15 MWના ગ્રીન-કનેક્ટેડ સોલાર પાવર પ્રોજેક્ટનું વર્ચ્યુઅલ રીતે ઉદ્ધાટન કર્યું.  

હિંમતનગરના ન્યાયમંદિર વિસ્તારમાં બે જૂથ વચ્ચે ઘર્ષણ 

ઈડર સ્ટેટ હાઈવે પર ન્યાયમંદિર વિસ્તારમાં લગાવેલા હોર્ડિંગ પર ધાર્મિક ઝંડાને લઈ ઘર્ષણ થયું છે. હોર્ડિંગ પર લગાવેલા ધાર્મિક ઝંડાને બીજા જૂથે ઉતરાવી લઈ નવો ઝંડો લગાવતા જ ઘર્ષણ  થયું. બે જૂથો વચ્ચે ઘર્ષણ સર્જાતા સ્થાનિક પોલીસનો કાફલો દોડી આવ્યો. ડીવાયએસપી સહિતના અધિકારીઓ ન્યાયમંદિર વિસ્તારમાં પહોંચ્યા. ગણેશ વિસર્જનને લઈ મોટી સંખ્યામાં ન્યાયમંદિર વિસ્તારમાં ટોળા પહોંચ્યા.

Rajkot: ગણેશ વિસર્જન સમયે મોટી દુર્ઘટના, 4 લોકો પાણીમાં ડૂબ્યા

રાજકોટમાં ગણેશ વિસર્જન સમયે એક મોટી દુર્ઘટના સામે આવી છે. ગણેશ વિસર્જન કરતા સમયે 4 લોકો પાણીમાં ડૂબ્યા હોવાની ઘટના બની છે. ભાવનગર હાઈવે પાસે ત્રંબા ગામ નજીક આ મોટી દુર્ઘટના બની છે. જો કે રાહતની વાત એ છે કે આ ઘટનામાં કોઈએ પોતાનો જીવ ગુમાવ્યો નથી.

CM ભૂપેન્દ્ર પટેલની રજાને લઈને હર્ષ સંઘવીએ કર્યો ખુલાસો

મુખ્યમંત્રી ભૂપેન્દ્ર પટેલ પોતાના દીકરાની સારવાર અર્થે અમેરિકા જવાની શક્યતાએ જોર પકડ્યું છે, જેને લઈને ગૃહ રાજ્ય મંત્રી હર્ષ સંઘવીએ ખુલાસો કર્યો છે. સંઘવીએ જણાવ્યું કે, સર્વ પ્રથમ તો આ વાત સંપૂર્ણ ખોટી છે. જે કોઈ લોકોએ આ વાત ફેલાવી છે તે તમામને નોટિસો મોકલવામાં આવી રહી છે. કોઈપણ આધાર-પુરાવા વગર માત્રને માત્ર વિપક્ષ અને માત્ર ને માત્ર અફવા ફેલાવીને લોકોને ગેરમાર્ગે દોરવા માટેનો પ્રયાસ કરવામાં આવ્યો છે. 

Girnar પર્વત ઉપર 24 કલાક વીજળી મળી રહેશે, 6 ટ્રાન્સફોર્મર ઉભા કરાયા

ગિરનાર પર્વત ઉપર હવે 24 કલાક વીજળી મળી રહેશે, જેનું ટૂંક જ સમયમાં જ લોકાર્પણ કરવામાં આવશે. જણાવી દઈએ કે વર્ષોથી જુનાગઢ વાસીઓનું સપનું હવે પૂર્ણ થશે. કારણ કે 24 કલાક ગિરનાર ઉપર વીજળી મળે તે માટે પીજીવીસીએલની ટીમે ઉત્તમ કામગીરી કરી છે.

1. Blackmailing: 15 દુલ્હન સાથે લગ્નની રાતનો વીડિયો બનાવ્યો, સત્ય સામે આવતા ધરપકડ 

2. Bhavnagar: ભાજપનું સદસ્યતા અભિયાન વિવાદમાં, નેતાઓ લોકોને કરી રહ્યા છે આજીજી 

3. Delhi: ભગવાન બચાવે આવા મુખ્યમંત્રીથી, આતિશીના નામની જાહેરાત થતા ભડક્યા સ્વાતિ માલિવાલ 

4. Navsari: બાપ્પાની શોભાયાત્રાએ જમાવ્યું આકર્ષણ, કણભાઈના રાજાની શોભાયાત્રા JCBમાં નીકળી 

5. Delhi: ભાજપના પ્રદેશ અધ્યક્ષનો ચોંકાવનારો દાવો, "સિસોદિયાના દબાવને કારણે આતિશીને બનાવી CM" 

6. Amreli: લીલીયામાં 200 વર્ષ જુના તળાવમાં પાણી ભરવાની ગ્રામજનોની માગ 

7. Bhavnagar: SOGએ પ્રેગનેન્સી ટેસ્ટ પ્રિસ્ક્રીપ્શન વગર વહેંચતા દરોડા પાડ્યા 

8. Junagadh: કિરીટ પટેલ કમાઉ દીકરો છે એટલે ભાજપને પ્રિય છેઃ કોંગ્રેસ 

9. Dangમાં DMLT કોર્સના નામે નાણાં પચાવી લેવાનું કૌભાંડ સામે આવ્યુ 

10. Kejriwal Resignation: કેજરીવાલે CM પદેથી આપ્યું રાજીનામું, આતિશી બનશે દિલ્હીના નવા મુખ્યમંત્રી 

ભારતીય હોકી ટીમે પાંચમીવાર જીતી એશિયન ચેમ્પિયન્સ ટ્રોફી, ચીનને હરાવી રચ્યો ઈતિહાસ

ભારતે ફાઇનલમાં ચીનને 1-0થી હરાવીને એશિયન ચેમ્પિયન્સ ટ્રોફી 2024નો ખિતાબ જીતી લીધો છે. પ્રથમ ત્રણ ક્વાર્ટર ગોલ રહિત રહ્યા બાદ આખરે ટીમ ઈન્ડિયાએ ચોથા અને છેલ્લા ક્વાર્ટરમાં શાનદાર ગોલ કરીને 1-0ની સરસાઈ મેળવી લીધી હતી જે અંત સુધી ટકી હતી. મેચનો એકમાત્ર ગોલ ભારતના જુગરાજે કર્યો હતો. ઈતિહાસમાં આ પાંચમી વખત છે જ્યારે ભારતે એશિયન ચેમ્પિયન્સ ટ્રોફી જીતી છે.

Gandhinagar: ગુજરાતમાં અનેક સેક્ટરમાં રોકાણ માટે સિંગાપોર તૈયાર, રોજગારીનો તકો વધશે

સિંગાપોર પ્રજાસત્તાકના મુંબઈ સ્થિત કોન્સ્યુલ જનરલ શ્રીયુત ચેઓંગ મિંગ ફૂંગ- Cheong Ming Foong અને પ્રતિનિધિ મંડળે ગાંધીનગરમાં મુખ્યમંત્રી ભૂપેન્દ્ર પટેલની મુલાકાત લીધી હતી. ભારત સરકારના નવીન અને નવીકરણીય ઉર્જા મંત્રાલય દ્વારા ગુજરાતમાં યોજાઇ રહેલી 4થી આર.ઇ. ઇન્વેસ્ટ સમીટમાં સહભાગી થવા તેઓ ગુજરાત આવેલા છે. 

Gandhinagar: રિન્યુએબલ એનર્જી ઇન્વેસ્ટમેન્ટ સમિટના પ્રથમ દિવસે 32.45 લાખ કરોડનું રોકાણ થયું

ગાંધીનગરમાં મહાત્મા મંદિર ખાતે રિન્યુએબલ એનર્જી ઈન્વેસ્ટમેન્ટ સમિટ યોજાઈ રહી છે. ગઈકાલે વડાપ્રધાન નરેન્દ્ર મોદીએ આ સમિટની શરૂઆત કરાવી હતી. ગઈકાલે પ્રથમ દિવસે આ સમિટમાં 32.45 લાખ કરોડનું રોકાણ કરવામાં આવ્યું છે.

India-Pakistan Border: પાકિસ્તાનની નાપાક હરકત, ઘૂસણખોરને જોતા જ BSF જવાને કર્યો ઠાર

ફરી એકવાર પાકિસ્તાન તરફથી ઘૂસણખોરી થઈ હતી, જેને BSF જવાનોએ નિષ્ફળ બનાવી હતી. આ ઘૂસણખોરી અમૃતસર જિલ્લાના રતન ખુર્દ ગામની સરહદેથી થઈ હતી, પરંતુ ફરજ પર તૈનાત ભારતીય સેનાએ PAK ઘૂસણખોરને જોતા જ ઠાર કર્યો છે. પાકિસ્તાન તરફથી ફરી એકવાર ઘૂસણખોરીનો પ્રયાસ કરવામાં આવ્યો હતો જેને સરહદ પર તૈનાત બીએસએફ જવાનોએ નિષ્ફળ બનાવ્યો હતો. બીએસએફના પ્રવક્તાએ આ માહિતી આપી હતી. અધિકારીએ જણાવ્યું કે સોમવારે રાત્રે લગભગ 9.15 વાગ્યે અમૃતસર જિલ્લાના રતન ખુર્દ ગામ વિસ્તારમાં એક ઘૂસણખોર સરહદ પાર કરતા જોવા મળ્યો હતો અને તે સરહદની વાડની નજીક પહોંચી ગયો હતો.

PM Modiને ક્રિકેટ સ્ટાર્સે આપી શુભકામનાઓ, શમીએ કહી ખાસ વાત

ભારતના વડાપ્રધાન નરેન્દ્ર મોદીનો જન્મ આ દિવસે એટલે કે વર્ષ 1950માં 17મી સપ્ટેમ્બરે થયો હતો. આજે પીએમ મોદી 74 વર્ષના થઈ ગયા છે અને દેશ-વિદેશના લોકો તેમને શુભકામનાઓ મોકલી રહ્યા છે. ક્રિકેટ જગત સાથે જોડાયેલી મોટી હસ્તીઓ પણ વડાપ્રધાનને અભિનંદન સંદેશ મોકલી રહી છે. હાર્દિક પંડ્યાથી લઈને મોહમ્મદ શમી પણ અભિનંદન સંદેશ મોકલનારાઓની યાદીમાં સામેલ થઈ ગયા છે.

ડાંગમાં DMLT કોર્સના નામે નાણાં પચાવી લેવાનું કૌભાંડ સામે આવ્યુ 

ડાંગમાં DMLT કોર્સના નામે નાણાં પચાવી લેવાનું કૌભાંડ સામે આવ્યુ છે. જેમાં ડાંગમાં સિલાઇ મશીન અપાવવાના બહાને કૌભાંડ આચર્યું છે. એમ.એસ.મહિલા કોલેજની વિદ્યાર્થિનીઓ સાથે છેતરપિંડી કરવામાં આવી છે. સિલાઇ મશીન અપાવવાના બહાને રૂ.300 ઉઘરાવ્યા હતા. તેમાં વિદ્યાર્થિનીઓની સ્કોલરશીપના નાણાં પડાવી લીધા છે. 

ICCની મોટી જાહેરાત, T20 વર્લ્ડકપ જીતનારી ટીમ થશે માલામાલ; મળશે આટલા રૂપિયા!

મહિલા T20 વર્લ્ડકપ 2024 3 ઓક્ટોબરથી શરૂ થવા જઈ રહ્યો છે. ICCએ UAEને વર્લ્ડકપ 2024 ના આયોજનની જવાબદારી સોંપી છે. પ્રથમ મેચ 3 ઓક્ટોબરે રમાશે. શારજાહ ક્રિકેટ સ્ટેડિયમમાં પ્રથમ મેચ બાંગ્લાદેશ અને સ્કોટલેન્ડ વચ્ચે રમાવાની છે. જો કે આ દરમિયાન ICCએ એક મોટી જાહેરાત કરી છે. ICCએ જાહેરાત કરી છે કે ચેમ્પિયન ટીમ અને રનર અપ ટીમને કેટલા પૈસા મળશે. અગાઉની સરખામણીમાં ઈનામની રકમમાં 225 ટકાનો વધારો થયો છે.

Surendranagar: લીંબડી હાઈવે પર ACBના દરોડા, બે લોકોને ઝડપ્યા

સુરેન્દ્રનગરના લીંબડી હાઈવે પર ACBએ દરોડા પાડ્યા છે. લીંબડી હાઈવેની કટારિયા ચેક પોસ્ટ પર ACB ટીમ ત્રાટકી હતી અને આ દરમિયાન સુરેન્દ્રનગર ખાણ ખનીજ વિભાગનો ક્લાર્ક અને સિક્યુરિટી ગાર્ડ ACBના ઝપટે ચડી ગયા હતા.

Uttarakhand: રૂરકીથી દેવબંદ જતી ખાનગી બસ અચાનક દુકાનમાં ઘૂસી, અનેક લોકો ઘાયલ

ઉત્તરાખંડના રૂરકીથી દેવબંદ જતી એક ખાનગી બસ અચાનક કાબૂ બહાર નીકળી ગઈ અને દેવબંદના મેંગ્લોર રોડ પર મનકી મંદિર પાસે એક ચાની દુકાનમાં ઘૂસી ગઈ. જ્યારે આ અકસ્માત થયો ત્યારે ઘણા લોકો દુકાનમાં બેસીને ચા પી રહ્યા હતા. બસની ટક્કરથી ગુમતી ઓપરેટર અને ગુમતીમાં હાજર ઘણા ગ્રાહકો ઘાયલ થયા હતા. આ સિવાય બસમાં મુસાફરી કરી રહેલા કેટલાક મુસાફરોને ઈજા થઈ હોવાના અહેવાલ છે. સ્થાનિક લોકો જાતે જ ઘાયલોને અલગ-અલગ વાહનોમાં દેવબંદ હોસ્પિટલમાં લઈ ગયા, જ્યાં તેમની સારવાર કરવામાં આવી રહી છે.

Junagadh: કિરીટ પટેલ કમાઉ દીકરો છે એટલે ભાજપને પ્રિય છેઃ કોંગ્રેસ

જુનાગઢ જિલ્લામાં ભારતીય જનતા પાર્ટીમાં આંતરિક વિખવાદ ચાલી રહ્યો છે. જેને લઈને કોંગ્રેસ દ્વારા પ્રતિક્રિયા કરવામાં આવી છે. પૂર્વ પ્રવાસન મંત્રી અને ભાજપના નેતા જવાહર ચાવડાએ વડાપ્રધાન નરેન્દ્ર મોદીને સંબોધીને જુનાગઢના નેતા કિરીટ પટેલ અંગે રજુઆત કરી છે. જેને લઈને જિલ્લા કોંગ્રેસ દ્વારા ભાજપ સામે શાબ્દિક પ્રહાર કરવામાં આવ્યા હતા. કોંગ્રેસના નેતાએ કહ્યું હતું કે, ભાજપમાં આંતરિક વિખવાદ ચરમસીમા પર છે. જુનાગઢ જિલ્લામાં ભાજપની હાલત દયનીય બની ગઈ છે. સહકારી મંડળી ક્ષેત્રે પણ કિરીટ પટેલની છાપ ખરાબ છે. કમાતો દીકરો કોને ન ગમે? કિરીટ પટેલ કમાતો દીકરો છે એટલે ભાજપને પ્રિય છે

ભાવનગર SOGએ મેડિકલ એજન્સીમાં દરોડા પાડ્યા 

ભાવનગર SOGએ મેડિકલ એજન્સીમાં દરોડા પાડ્યા છે. જેમાં પ્રેગનેન્સી ટેસ્ટ પ્રિસ્ક્રીપ્શન વગર વહેંચતા દરોડા પાડ્યા છે. તેમાં પિલગાર્ડન પાસે બાહુબલી કોમ્પ્લેક્ષમાં દરોડા પાડ્યા છે. જેમાં પ્રેગનેન્સી ટેસ્ટ પ્રિસ્ક્રીપ્શન વગર વહેંચતા લોકોમાં ફફડાટ ફેલાયો છે. 

Amreli: લીલીયામાં 200 વર્ષ જુના તળાવમાં પાણી ભરવાની ગ્રામજનોની માગ

અમરેલી જિલ્લાના લીલીયા તાલુકામાં આવેલા સલડી ગામે સૌથી મોટું ગણાતું 1000 વીઘા જમીનમાં રાજાશાહી વખતમાં બનેલા તળાવમાં પાણી નહીં ભરાતા ખેડૂતોની હાલત કફોડી બની છે. આ વર્ષે લીલીયા પંથકમાં વરસાદ ઓછો હોવાના કારણે તળાવ ભરાયુ નથી.

Bhavnagar: ભાજપનું સદસ્યતા અભિયાન વિવાદમાં, નેતાઓ લોકોને કરી રહ્યા છે આજીજી

ભાજપનું સદસ્યતા અભિયાન રાજ્યમાં પૂરજોશમાં ચાલી રહ્યું છે. ત્યારે ભાવનગરમાં ભાજપનું આ સદસ્યતા અભિયાન વિવાદમાં આવ્યું છે. ભાવનગરમાં નગરસેવકનો એક વીડિયો સોશિયલ મીડિયામાં વાયરલ થયો છે. પૂર્વ સ્ટેન્ડિંગ કમિટીના ચેરમેન અને હાલ ભાજપના નગરસેવકનો વીડિયો સોશિયલ મીડિયામાં વાયરલ થયો છે અને જેમાં તે સદસ્ય બનાવવા માટે હોસ્પિટલમાં દર્દીઓના સગાને આજીજી કરી રહ્યા છે. ભાજપના વોર્ડ નંબર 12ના નગરસેવક અને પૂર્વ સ્ટેન્ડિંગ કમિટીના ચેરમેન યુવરાજસિંહ ગોહિલ ભાજપના સક્રિય સભ્ય બનવા માટે હોસ્પિટલમાં પહોંચ્યા હતા અને સક્રિય સભ્ય બનવા માટે ભાન ભૂલ્યા છે.

Delhi: ભગવાન બચાવે આવા મુખ્યમંત્રીથી, આતિશીના નામની જાહેરાત થતા ભડક્યા સ્વાતિ માલિવાલ

સલમાન અને શાહરુખ ખાન ફરી એકવાર સાથે મળશે જોવા, આર્યનનું ખાસ કનેક્શન

સલમાન ખાન અને શાહરૂખ ખાનને એક જ ફિલ્મમાં એકસાથે જોવા માટે આતુરતાથી રાહ જોઈ રહ્યા છે. આવું ગયા વર્ષે બે વાર બન્યું હતું, જ્યારે ટાઈગર શાહરૂખ ખાનની 'પઠાણ'માં કેમિયો હતો. આ પછી શાહરૂખ ખાન 'ટાઈગર 3'માં જોવા મળ્યો હતો. YRF સ્પાઈ યુનિવર્સ આ બંને પર આધારિત ફિલ્મ બનાવવાની યોજના બનાવી રહી છે. તેનું નામ છે- ટાઈગર વર્સીસ પઠાણ.

ક્યાં રાજ્યમાં સીએમની છે સૌથી વધુ સેલેરી

15 દુલ્હન સાથે લગ્નની રાતનો વીડિયો બનાવ્યો, સત્ય સામે આવતા ધરપકડ

થોડા દિવસો પહેલા પોલીસે ઓડિશામાં એક નકલી ડોક્ટરની ધરપકડ કરી હતી. તેના પર 18 લગ્નો પછી મહિલાઓને બ્લેકમેલ કરવાનો અને લૂંટવાનો આરોપ હતો. હવે ફરી આવો જ એક કિસ્સો પ્રકાશમાં આવ્યો છે. ભુવનેશ્વર પોલીસે એક એવા વ્યક્તિની ધરપકડ કરી છે જેણે એક પછી એક 15 મહિલાઓને પોતાની દુલ્હન બનાવી છે. ત્યારબાદ તેમના ખાનગી વીડિયો બનાવીને બ્લેકમેલ કરી અઢળક રૂપિયાની લૂંટ ચલાવી હતી.

બપોરે 3 વાગ્યા સુધીના મહત્ત્વના સમાચાર

1- Junagadh ભાજપનો આંતરિક વિવાદ ચરમસીમાએ, જવાહર ચાવડાએ PMને પત્ર લખ્યો

2- Suratમાં ઇદ જુલૂસના બંદોબસ્તમાં ગંભીર ચુક જોવા મળી, જુઓ વીડિયો

3- Suratમાં ગણેશ પ્રતિમા પાછળ આગ લાગી, જુઓ વીડિયો 

4- Halvad તાલુકાના કીડી ગામમાં કચ્છ જેવા ભેદી રોગચાળાએ ભરડો લીધો

5- Gujaratની જીવાદોરી સમાન નર્મદા ડેમની પાણીની સપાટી વધી 

6- Gujarat: ગાંજા બાદ શિક્ષણના ધામમાં દેશી દારૂની ભઠ્ઠી સામે આવી

7- 'One Nation...One Election'ને લઈને અમિત શાહનું મોટું નિવેદન, જાણો ક્યારે થશે લાગૂ?

8- PM In Odisha: સત્તા ભૂખ્યા લોકોને ગણેશ પૂજાથી પરેશાની, વિપક્ષ પર વરસ્યા

9- AAPએ રાજ્યસભા સાંસદ સ્વાતિ માલીવાલ પાસેથી રાજીનામું માંગ્યું, આ કારણ જવાબદાર

10- રાજ્યમાં ચોમાસા દરમિયાન વાહન અકસ્માતની સંખ્યામાં વધારો, જુઓ VIDEO

PM In Odisha: સત્તા ભૂખ્યા લોકોને ગણેશ પૂજાથી પરેશાની, વિપક્ષ પર વરસ્યા

દેશના વડપ્રધાન નરેન્દ્ર મોદી આજે પોતાનો 74મો જન્મદિવસ ઉજવી રહ્યા છે. દેશ અને વિશ્વભરમાંથી પીએમ મોદીને જન્મ દિવસની શુભેચ્છા મળી રહી છે. તો બીજી તરફ આજે મોદી સરકારના કાર્યકાળના 100 દિવસ પૂર્ણ થયા છે. ત્યારે આ અવસર પર પીએમ મોદી ઓડિશા પહોંચ્યા છે. પીએમ મોદીએ રેલ અને રોડ કનેક્ટિવીટીથી સાથે જોડાયેલા 3900 કરોડ યોજનાની ભેટ આપી છે. આ ઉપરાંત પીએમ મોદીએ સુભદ્રા યોજનાના લાભાર્થીને સન્માનિત કર્યા હતા. 

'One Nation...One Election'ને લઈને અમિત શાહનું મોટું નિવેદન

કેન્દ્રીય ગૃહ મંત્રી અમિત શાહે મંગળવારે કહ્યું કે, ભાજપની આગેવાની હેઠળની એનડીએ સરકાર તેના વર્તમાન કાર્યકાળ દરમિયાન 'એક રાષ્ટ્ર, એક ચૂંટણી' લાગુ કરશે. વડાપ્રધાન નરેન્દ્ર મોદીના ત્રીજા કાર્યકાળના 100 દિવસ પૂરા થવાના અવસરે એક પત્રકાર પરિષદને સંબોધતા ગૃહમંત્રીએ કહ્યું કે, અમે આ સરકારના કાર્યકાળ દરમિયાન 'એક રાષ્ટ્ર, એક ચૂંટણી'ની વ્યવસ્થા લાગુ કરવાની યોજના બનાવીએ છીએ.

જૂનાગઢ જિલ્લા ભાજપમાં આંતરિક કલહ જોવા મળ્યો

જૂનાગઢ જિલ્લા ભાજપમાં આંતરિક કલહ જોવા મળ્યો છે. જેમાં આંતરિક કલેહ હવે પત્રમાં સામે આવ્યો છે. પૂર્વ મંત્રી જવાહર ચાવડાએ PMને પત્ર લખ્યો છે. તેમાં ભાજપનું કાર્યાલય ગેરકાયદે રીતે બન્યાનો આરોપ છે. જિલ્લા પ્રમુખ કિરીટ પટેલ સામે ગંભીર આક્ષેપ કરવામાં આવ્યા છે. તેમજ કિરીટ પટેલ ભ્રષ્ટાચારી હોવાનો પત્રમાં ઉલ્લેખ છે.

AAPએ રાજ્યસભા સાંસદ સ્વાતિ માલીવાલ પાસેથી રાજીનામું માંગ્યું

બિગ બોસ વિનર મુનાવર ફારુકીની જાનથી મારવાની મળી ધમકી, દિલ્હી પોલીસે વધારી સુરક્ષા

ભારત સરકારે ચિત્તાના નવા આંકડા જાહેર કર્યા 

ભારત સરકારે ચિત્તાના નવા આંકડા જાહેર કર્યા છે. જેમાં કુનો નેશનલ પાર્કમાં કુલ 24 ચિત્તા છે. તેમાં ભારતમાં જન્મેલા 12 પુખ્ત ચિત્તા, તેમના 12 બચ્ચા છે. 8 ચિત્તા નામીબિયાથી, 12 ચિત્તા દ.આફ્રિકાથી લાવ્યા છે. 

રશિયા પાસે હશે ચીન પછી વિશ્વની બીજી મોટી સેના, પુતિને આપ્યો આદેશ

યુક્રેન સાથેના યુદ્ધ દરમિયાન રશિયાના રાષ્ટ્રપતિ વ્લાદિમીર પુતિને ત્રીજી વખત પોતાની સેનાની સંખ્યા વધારવાનો આદેશ આપ્યો છે. રશિયન પ્રમુખ વ્લાદિમીર પુતિને 1.5 મિલિયન સક્રિય સૈનિકો સુધી પહોંચવા માટે વધુ 180,000 સૈન્ય ભરતીનો આદેશ આપ્યો છે. આ આદેશના અમલ પછી રશિયા પાસે ચીન પછી વિશ્વની બીજી સૌથી મોટી સેના હશે.

Kheda: ઠાસરામાં ગર્ભવતી મહિલાની કરપીણ હત્યા, પોલીસે આરોપીની શોધખોળ શરૂ કરી

ખેડા જિલ્લાના ઠાસરા તાલુકાના આગરવા ગામમાં ખેતરમાં અજાણ્યા શખ્સે એક ગર્ભવતી મહિલાની કરપીણ હત્યા કરતા સમગ્ર પંથકમાં સનસનાટી મચી ગઈ છે. કુહાડી અને લાકડાના ડંડા વડે મહિલાને ખેતરમાં મારમારી મોતને ઘાટ ઉતારી દીધી છે. ત્યારે આ મામલે ડાકોર પોલીસે કુહાડી અને લાકડાનો ડંડો કબ્જે કરી કાયદેસરની કાર્યવાહી શરૂ કરી છે.

સુરતમાં ઇદ જુલૂસના બંદોબસ્તમાં ગંભીર ચુક જોવા મળી

સુરતમાં ઇદ જુલૂસના બંદોબસ્તમાં ગંભીર ચુક જોવા મળી છે. જેમાં ACP પઠાણના કમાન્ડોની લોડેડ પિસ્ટલ ચોરી થઇ છે. તેમાં ખોવાયેલી પિસ્ટલ શોધવા પોલીસ તંત્ર ધંધે લાગ્યું છે. રઘુકુળ માર્કેટ પીર અબ્દુલનબીની દરગાહ પાસેનો બનાવ છે. તેમાં સૂત્રોએ જણાવ્યું છે કે ચોર લોડેડ પિસ્તોલ ચોરી ગયો હતો. 

સુરતમાં ગણેશ પ્રતિમા પાછળ આગ લાગી

સુરતમાં ગણેશ પ્રતિમા પાછળ આગ લાગી હતી. ફટાકડા ફોડતી વખતે આગ લાગી સદનસીબે ઘટનામાં કોઇ જાનહાની થઇ નથી. શહેરના ભાગળ ચાર રસ્તા વિસ્તારમાં આ ઘટના બની છે. ફટાકડા ફોડતી વખતે ગણેશ પ્રતિમા પાછળ આગ લાગી હતી. જેમાં ગણપતિ વિસર્જન વખતેની ઘટનાથી અફરાતફરીનો માહોલ સર્જાયો હતો. 

કીડી ગામમા કચ્છ જેવા ભેદી રોગચાળાએ ભરડો લીધો

હળવદ તાલુકાના કીડી ગામમા કચ્છ જેવા ભેદી રોગચાળાએ ભરડો લીધો હોય તેમ છેલ્લા 15 દિવસમાં ત્રણ બાળકોના મોત થયા છે. જ્યારે અન્ય 15 જેટલા બાળકો હાલ સારવારમાં હોવાની તાલુકા હેલ્થ ઓફિસર દ્વારા માહિતી મળી રહી છે. હળવદના કીડી ગામની વસ્તી 1700ની છે. જેથી નાના એવા ગામમાં પંદર દિવસમાં ત્રણ બાળકોના મૃત્યુ થતાં ગામમાં પણ ફફડાટ ફેલાયો છે.

મોરબીમાં બ્રિજના પિલરના એલાઈનમેન્ટમાં ક્ષતિ

મોરબીમાં બ્રિજના પિલરના એલાઈનમેન્ટમાં ક્ષતિ જોવા મળી છે. નિર્માણાધીન બ્રિજના પિલરનું એલાઇનમેન્ટ ખસ્યું છે. એક પિલરનું એલાઇનમેન્ટ પાંચ સેમી ખસી ગયું છે. એલાઈનમેન્ટ 5 સેમી ખસી જતા કામગીરી સામે સવાલો ઉભા થયા છે. 

સુરેન્દ્રનગરના લીંબડી હાઇવે પર ACBના દરોડા

સુરેન્દ્રનગરના લીંબડી હાઇવે પર ACBએ દરોડા પાડ્યા છે. કટારિયા ચેક પોસ્ટ પર ACBએ દરોડા પાડ્યા છે અને બે લોકોને પૈસા લેતા રંગે હાથ ઝડપી પાડયા છે. ટ્રક, ડમ્પર ચાલકો પાસેથી લૂંટ ચલાવતા લોકોને ઝડપ્યા છે. ખાણ ખનીજ વિભાગનો ક્લાર્ક અને સિક્યુરિટી ગાર્ડને ઝડપી લીધા છે. 

સરદાર સરોવર નર્મદા ડેમના જળસ્તરમાં વધારો થયો 

સરદાર સરોવર નર્મદા ડેમના જળસ્તરમાં વધારો થયો છે. જેમાં નર્મદા ડેમ મહત્તમ સપાટીમાં માત્ર 1.43 મીટર બાકી છે. નર્મદા ડેમની જળસપાટી 137.25 મીટરે પહોંચી છે. તેમજ નર્મદા ડેમના 5 દરવાજા 1.65 મીટર સુધી ખોલાયા છે.જેમાં નદીમાં 60 હજાર ક્યુસેક પાણી છોડવામાં આવી રહ્યું છે. 

પ્રયાગરાજમાં આવેલ પૂર હવે લોકો માટે મુસીબત બની ગયું

 પ્રયાગરાજમાં આવેલ પૂર હવે લોકો માટે મુસીબત બની ગયું છે. પૂર પીડિતોને હવે બેવડી મુશ્કેલીનો સામનો કરવો પડી રહ્યો છે. પૂરથી બચાવવા માટે તેઓએ ધાબા પર આશ્રય બનાવ્યો હતો પરંતુ હવે વરસાદ પણ તેમને પરેશાન કરી રહ્યો છે. ચોરીથી બચવા લોકો ઘરની બહાર નીકળવા માંગતા નથી. સ્થાનિક લોકો જુગાડનો ઉપયોગ કરીને એકબીજાના ધાબા પરથી પસાર થઈ રહ્યા છે.

જાણો કોણ છે આતિશી?

આતિશીનો જન્મ દિલ્હી યુનિવર્સિટીના પ્રોફેસર વિજય કુમાર સિંહ અને ત્રિપતા વાહીને ત્યાં થયો હતો. તેણે સ્પ્રિંગડેલ સ્કૂલ, નવી દિલ્હીમાંથી સ્કૂલનો અભ્યાસ કર્યો. આતિશી સેન્ટ સ્ટીફન્સ કોલેજમાં ઈતિહાસમાં સ્નાતકની ડિગ્રી અને ચેવેનિંગ શિષ્યવૃત્તિ પર ઓક્સફર્ડ યુનિવર્સિટીમાંથી માસ્ટર ડિગ્રી મેળવી. થોડા વર્ષો પછી, તેમણે શૈક્ષણિક સંશોધનમાં રોડ્સ સ્કોલર તરીકે ઓક્સફોર્ડમાંથી તેમની બીજી માસ્ટર ડિગ્રી મેળવી. આતિશી આપની સ્થાપના સમયે પાર્ટીમાં જોડાઈ હતી. તે 2013ની વિધાનસભા ચૂંટણી માટે પાર્ટીની મેનિફેસ્ટો ડ્રાફ્ટિંગ કમિટીના મુખ્ય સભ્ય હતા. AAPનું કહેવું છે કે તેમણે પાર્ટીની રચનાના પ્રારંભિક તબક્કામાં તેની નીતિઓને આકાર આપવામાં મહત્વની ભૂમિકા ભજવી હતી. આતિશી AAPના પ્રવક્તા પણ હતા. તેમણે જુલાઈ 2015 થી એપ્રિલ 2018 સુધી દિલ્હીના નાયબ મુખ્ય પ્રધાન અને શિક્ષણ પ્રધાન મનીષ સિસોદિયાના સલાહકાર તરીકે કામ કર્યું અને દિલ્હીની સરકારી શાળાઓમાં શિક્ષણના ધોરણને સુધારવા માટે ઘણી યોજનાઓ પર કામ કર્યું.

બપોરે 12 વાગ્યા સુધીના મહત્ત્વના સમાચાર

1- Gujarat: ગાંજા બાદ શિક્ષણના ધામમાં દેશી દારૂની ભઠ્ઠી સામે આવી

2- Banaskantha: ભાજપ સામે મોરચો માંડનાર લાખણી APMCના 8 સભ્યોને નોટીસ

3- Renewable Energy Summitનો બીજો દિવસ, CM ગુજરાત સ્ટેટ સેશન પર સંબોધન કરશે

4- Ahmedabad: AMCએ ગણેશ વિસર્જન માટે 51 કૃત્રિમ કુંડ બનાવ્યા

5- Bet Dwarkaના દરિયાકિનારેથી ફરી બિનવારસી અફઘાની ચરસ મળ્યું

6- Gujarat: PM Modiનો આજે જન્મદિવસ, અમદાવાદથી સીધા ઓડીશા જશે

7- 'સબ કહતે હૈ તુને મુજકો દિલ દિયા...',અમિતાભ બચ્ચને રેખા માટે કર્યો ખુલાસો

8- Atishi Marlena : આતિશી બનશે દિલ્હીના CM જાણો તેમની રાજકીય સફર

9- Modi Cabinet 3.0ના 100 દિવસની સિદ્ધિ...ગૃહમંત્રી અમિત શાહે કરી 3 મોટી વાત

10- Kolkata Case: મમતા બેનર્જીએ સ્વીકારી જુનિયર ડોક્ટરોની માગ? જાણો બેઠકમાં શું થયુ?

ગાંજા બાદ શિક્ષણના ધામમાં દેશી દારૂની ભઠ્ઠી સામે આવી

દેશી દારૂની ભઠ્ઠી મુદ્દે સૌરાષ્ટ્ર યુનિવર્સિટીએ ખુલાસો કર્યો છે. સોશિયલ મીડિયામાં સ્થળ અને લોકેશન મૂક્યું છે. તેમાં કેમ્પસમાં નહીં પણ 100 મીટર દૂર જગ્યા હોવાનો દાવો કરવામાં આવ્યો છે. પણ પોલીસે FIRમાં કેમ્પસની અંદર હોવાનો ઉલ્લોખ કર્યો છે. સૌરાષ્ટ્ર યુનિવર્સિટીએ ગૂગલ લોકેશન પણ મૂક્યું કે જગ્યા દૂર છે.

દિલ્હીના નવા મુખ્યમંત્રી બનશે આતિશી

દિલ્હીના નવા મુખ્યમંત્રી આતિશી માર્લેના બનશે. જેમાં AAP ધારાસભ્ય દળની બેઠકમાં નિર્ણય લેવાયો છે. કેજરીવાલે આતિશીના નામનો પ્રસ્તાવ મૂક્યો હતો. 

મોદી સરકાર 3.0ના 100 દિવસ પૂર્ણ..! 

મોદી સરકાર 3.0ના 100 દિવસ પૂર્ણ થતાની સાથે લગભગ રૂ.15 લાખ કરોડથી વધુના પ્રોજેક્ટ શરૂ કરાયા

Israel-Gaza Conflict: ગાઝા પર હવાઈ હુમલામાં 4 બાળકો સહિત 16ના મોત

ગાઝા પટ્ટીમાં ઈઝરાયેલના હવાઈ હુમલામાં પાંચ મહિલાઓ અને ચાર બાળકો સહિત 16 લોકો માર્યા ગયા છે. પેલેસ્ટિનિયન અધિકારીઓએ જણાવ્યું હતું કે સોમવારના હુમલામાં મધ્ય ગાઝામાં નુસરત શરણાર્થી શિબિરમાં એક ઘરનો નાશ થયો હતો, જેમાં ચાર મહિલાઓ અને બે બાળકો સહિત ઓછામાં ઓછા 10 લોકો માર્યા ગયા હતા.

JK Elections: મતદાન માટે તૈયારીઓ તેજ, મતદાન કેન્દ્રમાં લઇ જવાયા EVM

જમ્મુ કાશ્મીર વિધાનસભાની ચૂંટણીના પ્રથમ તબક્કા માટેનો પ્રચાર પડઘમ 16 સપ્ટેમ્બરે જ શાંત થઇ ગયો છે. બીજેપી અને કોંગ્રેસે ચૂંટણી પ્રચારના અંતિમ દિવસે બરાબરનું જોર લગાવી દીધું. આ દરમિયાન કેન્દ્રીય ગૃહમંત્રી અમિત શાહે કિશ્તવાડ અને રામવન જિલ્લામાં 3 રેલીને સંબોધિત કરી. જ્યારે કોંગ્રેસે ચૂંટણી ઢંઢેરો હાથ બદલશે હાલાત જાહેર કર્યો. ત્યારે જમ્મુ અને કાશ્મીરની ચૂંટણી આવતીકાલે યોજાનાર પ્રથમ તબક્કાની ચૂંટણી માટે તૈયારીઓ તેજ થઇ ગઇ છે.

Banaskantha: ભાજપ સામે મોરચો માંડનાર લાખણી APMCના 8 સભ્યોને નોટીસ

બનાસકાંઠા લાખણી APMCમાં 8 સભ્યોને નોટિસ આપવામાં આવી છે. જેમાં ભાજપ સામે મોરચો માંડનાર 8 સભ્યોને નોટીસ આપવામાં આવી છે. પક્ષ વિરૂઘ્ધ ચૂંટણી લડનારને નોટીસ આપવામાં આવી છે. લાખણીમાં બળવાખોરને ભાજપ સસ્પેન્ડ કરશે. જેમાં કેશાજી ચૌહાણની સામે  મોરચો માંડ્યો હતો. તથા ભાજપના જ આગેવાને સભ્યો ઉભા કર્યાની ચર્ચા છે. 

સુરતમાં ગણેશ વિસર્જનને લઈ પબ્લિક ટ્રાન્સપોર્ટ બંધ 

સુરતમાં ગણેશ વિસર્જનને લઈ પબ્લિક ટ્રાન્સપોર્ટ બંધ છે. જેમાં સુરત સિટી બસ, BRTSની 650 બસો નહીં દોડે. ગણેશ વિસર્જનને લઈ ટ્રાફિક ન થાય તે માટે નિર્ણય લેવાયો છે. પબ્લિક ટ્રાન્સપોર્ટ બંધ રહેતા 6 લાખ મુસાફરોને અસર થશે. 

Subhadra Yojana: મહિલાઓના ખાતામાં વર્ષે જમા થશે 10 હજાર, PMની ભેટ

મહિલાઓને સશક્ત બનાવવા સરકાર પ્રયત્નશીલ છે. વિવિધ યોજનાઓ થકી મહિલાઓને પગભર અને સ્વાવલંબી બનાવવાના પ્રયાસો કરવામાં આવી રહ્યા છે. ત્યારે પીએમ મોદી આજે તેમના જન્મ દિવસે મહિલાઓને ભેટ આપવાના છે. જે અંતર્ગત મહિલાના ખાતામાં મહિને 10 હજાર રૂપિયા જમા થશે.

Narendra Modi 74th Birthday: રાષ્ટ્રપતિ દ્રૌપદી મુર્મુ સહિત આ નેતાઓએ શુભેચ્છા પાઠવી

વડાપ્રધાન નરેન્દ્ર મોદી આજે તેમનો 74મો જન્મદિવસ ઉજવી રહ્યા છે. પીએમ મોદીને તેમના જન્મદિવસ પર શુભકામનાઓ આપવામાં આવી રહી છે. રાષ્ટ્રપતિ દ્રૌપદી મુર્મુ, કેન્દ્રીય ગૃહ પ્રધાન અમિત શાહ, ગુજરાતના મુખ્યમંત્રી ભૂપેન્દ્ર પટેલ અને ઉત્તર પ્રદેશના મુખ્ય પ્રધાન યોગી આદિત્યનાથે તેમને જન્મદિવસની શુભેચ્છા પાઠવી હતી.

Renewable Energy Summitનો બીજો દિવસ, CM ગુજરાત સ્ટેટ સેશન પર સંબોધન કરશે

રીન્યુએબલ એનર્જી સમિટનો આજે બીજો દિવસ છે. જેમાં રીન્યુએબલ એનર્જી સમિટના બીજા દિવસે ગુજરાત સ્ટેટનો સેશન યોજાશે. રીન્યુએબવ એનર્જીમાં ગુજરાતના 100 ગીગાવોટના લક્ષ્ય પર સેશન યોજાશે. તેમાં મુખ્યમંત્રી ભુપેન્દ્ર પટેલ ગુજરાત સ્ટેટ સેશન પર સંબોધન કરશે.

AMCએ ગણેશ વિસર્જન માટે 51 કૃત્રિમ કુંડ બનાવ્યા

10 દિવસની વિઘ્નહર્તાની આરાધના બાદ વિસર્જન કરવામાં આવશે. જેમાં આજે ગણપતિ બાપ્પાની વાજતે ગાજતે વિદાય કરાશે. તેમાં AMCએ વિસર્જન માટે 51 કૃત્રિમ કુંડ બનાવ્યા છે. તથા ગણેશ વિસર્જન માટે ક્રેન પર મુકવામાં આવી છે. અનિચ્છનિય બનાવ ન બને તે માટે પોલીસ બંદોબસ્ત રાખવામાં આવ્યો છે.

Share Market Opening: નજીવા ઘટાડા સાથે માર્કેટ ખૂલ્યુ, સેન્સેક્સ 82,935 અંકે

ભારતીય શેરબજારની મંગળવારે અમંગળ શરૂઆત થઇ છે. સેન્સેક્સ અને નિફ્ટી લાલા નિશાનમાં ખૂલ્યા છે. સવારે 9.30 કલાકે શેર માર્કેટની સ્થિતિ વિશે વાત કરીએ તો, સેન્સેક્સ 82,935 અંક પર 53.14 પોઇન્ટના નજીવા ઘટાડા સાથે ખૂલ્યો છે. નિફ્ટી 25,379 અંક સાથે 3.80 પોઇન્ટના નજીવા ઘટાડા સાથે ખૂલ્યો હતો. જો કે થોડી જ મિનિટોમાં માર્કેટે ઘટાડો કવર કરી લીધો અને લીલા નિશાનમાં સેન્સેક્સ અને નિફ્ટી ટ્રેડ કરતા જોવા મળ્યા હતા. 

IND vs BAN: ટીમ ઈન્ડિયાની પ્લેઈંગ ઈલેવનમાંથી આ ખેલાડીનું પત્તું કપાઈ શકે

ભારત અને બાંગ્લાદેશ શ્રેણીની પ્રથમ મેચ 19 સપ્ટેમ્બરના રોજ રમાવા જઈ રહી છે. ત્યારે આ દરમિયાન ભારતીય ટીમની તૈયારીઓ અને પ્રેક્ટિસ ચાલી રહી છે. જેમાં ભારતીય ટીમના બોલરો અને બેટ્સમેનો પરસેવો પડી રહ્યા છે. ત્યારે ભારતની પ્લેઈંગ ઈલેવન કેવી હશે ટે અંગે ચાહકોમાં ઉત્સાહ જોવા મળી રહ્યો છે.

બેટ દ્વારકાના દરિયાકિનારે બિનવારસી ચરસ મળ્યું 

બેટ દ્વારકાના દરિયાકિનારે બિનવારસી ચરસ મળ્યું છે. જેમાં પૂર્વના કિનારે અફઘાની ચરસના બે પેકેટ મળી આવ્યાં છે. તેમાં 1.866 કિલોનું 93,30,000 રૂપિયાનું ચરસ મળ્યું છે. પોલીસને કોસ્ટલ પેટ્રોલ દરમિયાન પેકેટ મળ્યા છે. દેવભૂમિ દ્વારકા પોલીસે વધુ તપાસ હાથ ધરી છે. 

IMD Weather Report: દિલ્હી-NCRમાં આજે વરસાદની શક્યતા, આ રાજ્યમાં રેડ એલર્ટ

ચોમાસાને વિદાય લેવાનો સમય થઈ ગયો છે, પરંતુ ચોમાસુ જવાના સંકેત દેખાઈ રહ્યા નથી. સપ્ટેમ્બરના પ્રથમ 15 દિવસોમાં ભારે વરસાદ પડ્યો હતો, જ્યારે આ સમય સુધીમાં ચોમાસું મંદ પડી ગયુ હોય છે. હવામાન વિભાગે આજે પણ વરસાદની ચેતવણી આપી છે. છત્તીસગઢ, મધ્યપ્રદેશ, ઝારખંડ અને ઉત્તર પ્રદેશમાં આજે ભારેથી અતિ ભારે વરસાદનું રેડ એલર્ટ રહેશે. રાજસ્થાન અને દિલ્હી-એનસીઆરમાં પણ વાદળો છવાયેલા રહેશે.

અમેરિકાના ન્યુયોર્કમાં હિન્દુ મંદિર પર હુમલો, ભારતે ઉગ્ર વિરોધ વ્યક્ત કર્યો

અમેરિકામાં ફરી એકવાર હિન્દુ મંદિરને નિશાન બનાવવામાં આવ્યું છે. જેમાં ન્યૂયોર્કના મેલવિલે વિસ્તારમાં આવેલા BAPS સ્વામિનારાયણ મંદિરને અસામાજિક તત્વોએ નુકસાન પહોંચાડ્યું હોવાનું સામે આવ્યું છે. ત્યારે ન્યૂયોર્કમાં ભારતના કોન્સ્યુલેટ જનરલ દ્વારા આ મામલો યુએસ પ્રશાસન સાથે ઉઠાવવામાં આવ્યો છે. દૂતાવાસે આ હુમલાની નિંદા કરી છે અને તેને અસ્વીકાર્ય ગણાવ્યું છે. સાથે જ દૂતાવાસે આ કૃત્યમાં સંડોવાયેલા ગુનેગારો સામે તાત્કાલિક કાર્યવાહી કરવા વિનંતી કરી છે.

વડાપ્રધાન નરેન્દ્ર મોદીને મળેલી ભેટોનું પ્રદર્શન કરવામાં આવશે

વડાપ્રધાન નરેન્દ્ર મોદીને મળેલી ભેટોનું પ્રદર્શન કરવામાં આવશે. તેમાં PM નરેન્દ્ર મોદીને મળેલી 604 ભેટની હરાજી પણ કરાશે. દર વર્ષે PMના જન્મદિવસથી હરાજી શરૂ થાય છે. તેમાં ઈ-ઓક્શન દ્વારા PMને મળેલી ભેટોની હરાજી થાય છે. આજથી 1 ઓક્ટોબર સુધી હરાજી ચાલશે. તેમાં પેરિસ ઓલિમ્પિક ખેલાડીઓ પાસેથી મળેલી ભેટ મોંઘી છે. ખેલાડીઓના શૂઝની કિંમત 8.25 લાખ રખાઈ છે. લોકો ઓનલાઈન પણ ખરીદી કરી શકે તેવી વ્યવસ્થા કરવામાં આવી છે. 

CM ભૂપેન્દ્ર પટેલે PMને જન્મદિવસની શુભેચ્છા પાઠવી 

CM ભૂપેન્દ્ર પટેલે PMને જન્મદિવસની શુભેચ્છા પાઠવી છે.  X પોસ્ટના માધ્યમથી CM ભૂપેન્દ્ર પટેલે શુભેચ્છા પાઠવી છે. જેમાં આપનો અભિગમ અમારા સૌ માટે પ્રેરણાનો અનંત સ્ત્રોત, આજે ભારતને વિશ્વના દેશોમાં ગૌરવપૂર્ણ ઓળખ અપાવી તેવું લખાણ લખ્યું છે.

PM નરેન્દ્ર મોદી ગુજરાતથી ઓડીશા જવા રવાના થશે

PM નરેન્દ્ર મોદી ગુજરાતથી ઓડીશા જવા રવાના થશે. તેમાં PM મોદી રાજભવનથી એરપોર્ટ જવા માટે રવાના થશે. એરપોર્ટથી સીધા જ ઓડીશા કાર્યક્રમમાં ભાગ લેવા જશે. 

પીએમ મોદીનો આજે જન્મ દિવસ 

પીએમ મોદીનો આજે જન્મ દિવસ છે. જેમાં પીએમ મોદી ગુજરાત થી રવાના થશે. પીએમ મોદી સવારે 9 વાગે ગાંધીનગરથી એરપોર્ટ જવા રવાના થશે. પીએમ મોદી એરપોર્ટથી સીધા જ ઓડીશા કાર્યક્રમમાં ભાગ લેવા જશે.