Gujarat Breaking News Updated: રાજ્યમાં દિવાળીની ધામધૂમ પૂર્વક ઉજવણી

સાયલામાં અપહરણ થયેલી બાળકી રાજકોટથી મળી

સુરેન્દ્રનગરના સાયલામાં ચાર દિવસ પહેલાં અપહરણ કરાયેલ બાળકી રાજકોટથી મળી આવી. સાયલા તાલુકાના મોટા સખપર ગામેથી બાળકીનું ઘરેથી અપહરણ થયું હતું. બાળકીને તાંત્રિક વિધિ માટે અપહરણ કર્યાની આશંકા. આરોપી શખ્સ બાળકીને રાજકોટ છોડી ફરાર. ચોટીલા પોલીસ બાળકીનો કબ્જો લેવા રવાના. સુરેન્દ્રનગર જિલ્લા પોલીસની આઠથી વધુ ટીમો દ્વારા ચાર દિવસથી બાળકીને શોધવા સર્ચ ઓપરેશન હાથ ધરાયું હતું. આરોપી શખ્સ દ્વારા બાળકીની ઓળખ છુપાવવા તેના વાળ કાપી નખાયા.

Diwali Celebration: ઉત્તરથી દક્ષિણ સુધી... દિવાળી પર દેશભરમાં ખુશીના દીવા પ્રગટ્યા

આજે દેશભરમાં દિવાળીની ઉજવણી થઈ રહી છે અને લોકો દિવાળીની ઉજવણી પૂરા ઉત્સાહથી કરી રહ્યા છે. ભગવાનના આશીર્વાદ લેવા લોકો મંદિરોમાં પહોંચી રહ્યા છે. બજારોમાં ખરીદદારોની ભારે ભીડ જોવા મળી રહી છે. ઉત્તરથી દક્ષિણ સુધી સમગ્ર દેશ દિવાળીથી ઝળહળી ઉઠે છે. સાંજ પડતાં જ ખુશીના દીવા પ્રગટ્યા છે. કેન્દ્રીય મંત્રી એલ મુરુગને પણ ચેન્નાઈમાં દિવાળીની ઉજવણી કરી હતી. આ દરમિયાન તેઓએ ફટાકડા પણ ફોડ્યા હતા.

Mehsana: સાંઈ બાબા મંદિરમાં 6 હજાર દિવા પ્રગટાવવામાં આવ્યા, દિવ્ય નજારો

દિવાળીના તહેવારોમાં મહેસાણા શહેરના અનેક મંદિરો અવનવી લાઈટોથી શણગારવામાં આવ્યા છે. ત્યારે મહેસાણાના ગાંધીનગર લિંક રોડ પર આવેલ શહેરનું એક માત્ર સાઈ બાબા મંદિર પરિસરમાં હજારો દીવડાઓ પ્રગટાવવામાં આવતા મંદિરનો અદભૂત નજારો જોવા મળી રહ્યો છે. આજે ગુરુવાર હોવાથી દર્શનાર્થે આવતા ભક્તો પણ મંદિર પરિસરમાં પ્રગટાવેલા દિવાની રોશની જોઈ ધન્ય થયા હતા.

ભાજપની મુશ્કેલી વધી! રાજ ઠાકરેના દીકરા સામે ચૂંટણી લડવા આ નેતાના ધમપછાડા

મહારાષ્ટ્રમાં આગામી વિધાનસભા ચૂંટણીને લઈને ઉત્તેજના તેજ થઈ ગઈ છે. તમામ રાજકીય પક્ષો ચૂંટણીની તૈયારીમાં વ્યસ્ત છે. આ દરમિયાન મુંબઈની માહિમ વિધાનસભા સીટ પરથી ચૂંટણી લડી રહેલા શિવસેનાના ધારાસભ્ય સદાનંદ સરવણકરનું નિવેદન સામે આવ્યું છે. તેમણે કહ્યું છે કે, તેઓ કોઈપણ સંજોગોમાં માહિમ સીટ પરથી ચૂંટણી લડશે.

વડનગરમાં ખુલ્લેઆમ બિયરનું વેચાણ

વડનગર શહેરમાં આવેલ હાટકેશ્વર મહાદેવના મંદીર પાસે ખુલ્લેઆમ જાહેરમાં વિદેશી દારૂનું વેચાણ થઈ રહ્યું છે. ખુલ્લે આમ બિયરની બોટલ આપતો વીડિયો સોશિયલ મીડિયામાં વાયરલ થયો. વીડિયોમાં એક એક્ટિવા ચાલક વિદેશી દારૂ (બિયર )લઇ એક વ્યક્તિને આપવા આવે છે. વડનગરમાં આ રીતે ખુલ્લેઆમ અનેક જગ્યાએ વિદેશી દેશી દારૂના વેપલા ચાલે છે.

Maharashtra: યુવતી ઘરેથી ઝઘડો કરીને બહાર નીકળી, મિત્રોએ સામૂહિક બળાત્કાર કર્યો 

મહારાષ્ટ્ર રાજ્યના અમરાવતીના વિલાસનગર વિસ્તારની એક યુવતીના ઘરમાં ઝઘડો થયો અને તે ગુસ્સામાં ઘર છોડીને ચાલી ગઈ. રસ્તામાં તેને ઓળખતા એક યુવકે તેને પોતાની કારમાં બેસાડી. અને તે યુવતીને નિર્જન વિસ્તારમાં લઈ ગયો અને તેના મિત્રો સાથે મળીને તેની સાથે ગેંગરેપ કર્યો.

દિલ્હીઃ સાથી કર્મચારીએ રોટલી ન આપતાં ચોથા માળેથી ધક્કો માર્યો, યુવકનું મોત

દિલ્હીના બવાના વિસ્તારમાં રોટલીને લઈને એક કર્મચારીની હત્યા કરવામાં આવી હતી. તેને એક બિલ્ડિંગના ચોથા માળની છત પરથી ફેંકવામાં આવ્યો હતો. પોલીસે આરોપીની ધરપકડ કરી લીધી છે. આ ઘટના બાદ મૃતકના ઘરમાં શોકનો માહોલ.

India-UK FTA Talk: બ્રિટિશ સરકાર ભારત સાથે મુક્ત વેપાર કરારને લઈને ઉત્સાહિત

છેલ્લા 2 વર્ષથી ભારત અને બ્રિટન વચ્ચે ફ્રી ટ્રેડ એગ્રીમેન્ટ (FTA) અંગે વાતચીત ચાલી રહી છે. આ વર્ષે સામાન્ય ચૂંટણીને કારણે બંને દેશોએ આ મંત્રણાઓ અટકાવી દીધી હતી, ત્યારબાદ આગામી મહિને આગામી તબક્કાની વાતચીત થવાની સંભાવના છે. બ્રિટનના ઈન્ડો-પેસિફિક બાબતોના પ્રભારી મંત્રીએ દિવાળીના અવસર પર આ કરાર અંગે ઉત્સાહ વ્યક્ત કર્યો છે.

IPL 2025 Retentionએ કર્યા ફેન્સને હેરાન, આ દિગ્ગજ ખેલાડીઓ ટીમમાંથી થયા રિલીઝ

IPL 2025 માટે પ્લેયર રિટેન કરવાની છેલ્લી તારીખ આજે હતી. આજે તમામ રિટેન કરાયેલા ખેલાડીઓનું લિસ્ટ સામે આવ્યું છે. ઘણી ટીમોમાં તેમની સાથે રમતા જૂના નામ સામેલ છે પરંતુ ઘણા દિગ્ગજ ખેલાડીઓને પણ બહારનો રસ્તો દેખાડવામાં આવ્યો છે.

Israel-Iran War: ઈરાને ઈઝરાયલના નાગરિકોને બનાવ્યા 'હથિયાર'..! મોસાદની જાસૂસ કરનાર દંપતીની ધરપકડ

ઈઝરાયલમાં ઈરાની જાસૂસીના મામલા વધી રહ્યા છે, ખાસ વાત એ છે કે આ માટે શિયા દેશ ઈઝરાયલના નાગરિકોનો ઉપયોગ પોતાના હથિયાર તરીકે કરી રહ્યો છે. તાજેતરના મામલામાં ઈરાન માટે જાસૂસી કરવાના આરોપમાં એક ઈઝરાયલી દંપતીની ધરપકડ કરવામાં આવી છે. કથિત રીતે આરોપીઓએ મોસાદ વિશે ગુપ્ત માહિતી એકઠી કરી હતી.

ગ્લોબલ વોર્મિંગ ભારતીય GDP માટે સૌથી મોટો પડકાર… ADBએ આપી ચેતવણી

એશિયન ડેવલપમેન્ટ બેન્કે ગ્લોબલ વોર્મિંગ પર એક રિસર્ચ કર્યું છે, જેમાં ભારત અને સમગ્ર એશિયા માટે ચિંતાજનક બાબતો કહેવામાં આવી છે. આ રિપોર્ટમાં કહેવામાં આવ્યું છે કે, 2070 સુધીમાં 30 કરોડ લોકોની જમીન દરિયામાં ડૂબી જવાનો ખતરો છે. આ રિપોર્ટ અનુસાર જો કાર્બન ઉત્સર્જન આમ જ વધતું રહેશે તો એશિયા અને પેસિફિક ક્ષેત્રની આર્થિક વૃદ્ધિ 2070 સુધીમાં 16.9 ટકા ઘટી શકે છે. ભારતનો GDP 24.7 ટકા ઘટવાનો અંદાજ છે.

ભારત-ચીનની સેનાએ એકબીજાને મીઠાઈ ખવડાવી અને દિવાળીની શુભેચ્છા પાઠવી

ભારત અને ચીનની સેનાઓએ ગુરુવારે દિવાળીના અવસર પર એકબીજાને મીઠાઈઓ વહેંચી હતી. પૂર્વ લદ્દાખમાં હોટ સ્પ્રિંગ્સ, કારાકોરમ પાસ, દૌલત બેગ ઓલ્ડી, કોંગકલા અને ચુશુલ-મોલ્ડો સાથેની લાઈન ઓફ કંટ્રોલ (LOC) પર બંને દેશોના અધિકારીઓએ એકબીજાને મીઠાઈ ખવડાવી અને દિવાળીની શુભેચ્છા પાઠવી હતી.

રાજકોટવાસીઓએ મનાવી અનોખી દિવાળી

રાજકોટમાં દિવાળી પર્વની ધામધૂમ પર્વક ઉજવણી કરવામાં આવી. આતશબાજી, ઢોલ નગારા અને શરણાઈના સુર સાથે રાજકોટવાસીઓએ દિવાળીની ઉજવણી કરી. હાથમાં ફટાકડા સાથે રાજકોટવાસીઓ ગરબા ઘૂમ્યા. દિવાળીમાં પણ ગરબા રમીને રાજકોટવાસીઓએ જમાવટ કરી દીધી.

ગાંધીનગરના સરગાસણમાં સ્નેહમિલન કાર્યક્રમ

પ્રધાનમંત્રી આવાસ યોજનાના લાભાર્થીઓ સાથે મુખ્યમંત્રીનું સ્નેહમિલન યોજાયું. ગાંધીનગરના સરગાસણમાં મુખ્યમંત્રી પહોંચ્યા. નમો નારાયણ અપાર્ટમેન્ટના લાભાર્થીઓ સાથે  મુલાકાત કરશે. દિવાળી નિમિત્તે આતશબાજીનું પણ આયોજન.

Andhra Pradesh: સ્કૂટી પરથી ફટાકડા નીચે પડતા થયો બ્લાસ્ટ, એક યુવકનું મોત

આંધ્ર પ્રદેશના એલુરુમાં સ્કૂટર પર ફટાકડા લઈ જતી વખતે અકસ્માત થયો હતો. સ્કૂટર પરથી ફટાકડા નીચે પડવાને કારણે ફટાકડામાં જોરદાર વિસ્ફોટ થયો હતો. અકસ્માતમાં સ્કૂટર ચાલક ફંગોળાઈ ગયો હતો. તેનું ઘટનાસ્થળે જ મોત થયું હતું. આ ઘટનામાં 6 લોકો ઘાયલ થયા છે.

Sabarkantha: પોલો ફોરેસ્ટમાં આઠમી શતાબ્દીના પ્રખ્યાત જૈન મંદિરો પુન: શરૂ કરવા માગ

સમગ્ર ઉત્તર ગુજરાતમાં મીની કાશ્મીરની ઉપમા ધરાવતા વિજયનગર પોલો ફોરેસ્ટમાં આઠમી શતાબ્દીના જૈન મંદિરો આવેલા છે. જોકે એક તરફ દિવાળી વેકેશનના પગલે મુલાકાતીઓ વધનાર છે ત્યારે જૈન મંદિરોના ખંભાતી તારા ખૂલે તો આગામી સમયમાં હજુ પણ પોલો ફોરેસ્ટની લોકપ્રિયતામાં વધારો થઈ શકે તેમ છે.

Waqf Disputes: ચૂંટણીમાં ફાયદો લેવા માટે ભાજપે વકફનો મુદ્દો ઉઠાવ્યો: CM સિદ્ધારમૈયા

કર્ણાટકમાં વકફ વિવાદ પર પ્રતિક્રિયા આપતા સીએમ સિદ્ધારમૈયાએ ભાજપ પર પેટાચૂંટણી માટે મુદ્દો બનાવવાનો આરોપ લગાવ્યો. તેમણે ખેડૂતોને આશ્વાસન આપ્યું કે તેઓને બહાર કાઢવામાં આવશે નહીં અને જારી કરાયેલી નોટિસ પાછી ખેંચી લેવામાં આવશે.

IPL 2025 Retention List: મુંબઈ ઈન્ડિયન્સની ટીમે આ 5 ખેલાડીઓને કર્યા રિટેન

IPL 2025 માટે 10 ટીમોએ તેમનું રીટેન્શન લિસ્ટ જાહેર કરી દીધું છે. ત્યારે સૌથી મોટા સમાચાર એ છે કે એમએસ ધોની IPL 2025માં રમશે અને તેને ચેન્નાઈએ જાળવી રાખ્યો છે. ત્યારે મુંબઈ ઈન્ડિયન્સે રોહિત શર્મા સહિત 5 ખેલાડીઓને રિટેન કર્યા છે.

1. Sardar Patel Jayanti: 463 પોલીસ કર્મીઓને મળ્યો કેન્દ્રીય ગૃહમંત્રી કાર્યક્ષમતા પદક

2. Ahmedabad: હેલ્મેટ નહીં પહેરનાર વાહનચાલકોને પોલીસે પ્રેમથી સમજાવ્યા  

3. NSA: ઈન્ડો-પેસિફિક અને અન્ય મુદ્દાઓ પર અજીત ડોભાલની અમેરિકી સમકક્ષ સાથે ચર્ચા 

4. Stock News: ભારતીય શેરબજારમાં દિવાળીના દિવસે હૈયા હોળી, સેન્સેક્સમાં મોટું ગાબડું 

5. PM મોદીએ BSFના જવાનો સાથે દિવાળી ઉજવી, કહ્યું- "માતૃભૂમિની સેવાનું સૌભાગ્ય મળ્યું" 

6. WBમાં પેટાચૂંટણીમાં હિંસાનો ભય..! 6 સીટો પર સેન્ટ્રલ ફોર્સની 108 કંપની તૈનાત 

7. સ્વાતિ માલીવાલ, અરવિંદ કેજરીવાલની પોલ ખોલી રહ્યા છે, ‘આપ’ને થશે નુકસાન? 

8. Amreli: લીલીયામાં ગટર ઉભરાવવાનો પ્રશ્ન યથાવત, વેપારીઓ અને સ્થાનિકો તહેવારોમાં ત્રસ્ત 

9. Mexico: મેક્સિકોના સ્ટીલ પ્લાન્ટમાં ભયાનક વિસ્ફોટ બાદ આગમાં 12 લોકોનાં મોત 

10. ગેનીબેનને કહેજો ત્રણ વાર મામેરાં ભર્યા, હવે તો હદ હોય: ભુરાજી ઠાકોર 

ધોરાજીમાંથી લાકડાના જથ્થા સાથે 4 ઝડપાયા

રાજકોટ જિલ્લાના ધોરાજીના જૂનાગઢ રોડ પર એક ટ્રક સાથે ચાર શખ્સોની અટક અને લાકડાનો જથ્થો બિનવારસી મળી આવેલ છે. ધોરાજીના ફોરેસ્ટ ઓફિસર નિહારીકાબેન પંડયા જૂનાગઢ રોડ પર એક ટ્રક અને આખો ટ્રક ભરેલ લાકડાનો બિનવારસી જથ્થો અને ચાર શખ્સોની અટક કરેલ. હાલ આ ટ્રકમાં ભરેલ લાકડાનો જથ્થો છે તે ક્યાંથી ક્યાં લઈ જવાતો હતો તેની તપાસ ચાલુ. અને આ આખો ટ્રક લાકડા ભરેલ હોય આ જથ્થો છે તે જથ્થો કાયદેસર છે કે ગેરકાયદેસર છે તેની યોગ્ય તપાસ હાથ ઘરેલ છે. યોગ્ય તપાસ બાદ ખબર પડશે કે આ લાકડાનો જથ્થો કાયદેસર છે કે કેમ? હાલ તો ધોરાજી ફોરેસ્ટ ઓફિસર નિહારીકાબેન પંડયા એક ટ્રક સાથે લાકડાનો બીન વારસી જથ્થો કબ્જે કરીને ચાર શખ્સોની અટક કરેલ છે.

Delhi: બાઈક અકસ્માત વિવાદમાં ચાર કિશોરોએ બે યુવકોની હત્યા કરી

દિલ્હીના બવાના વિસ્તારની જેજે કોલોનીમાં બે છોકરાઓની ચાકુ મારીને હત્યા કરવામાં આવી હતી. આ સનસનાટીભર્યા બનાવને અંજામ આપનાર ચાર આરોપીઓની પોલીસે ધરપકડ કરી છે. ધરપકડ કરાયેલા તમામ આરોપીઓ સગીર છે અને તેમની ઉંમર 13 વર્ષથી 16 વર્ષની વચ્ચે છે. પોલીસ આ મામલે તપાસ કરી રહી છે.

ચાણસ્મા હાઈવે પર અકસ્માતમાં 4ના મોત

પાટણ જિલ્લાના ચાણસ્મા હાઇવે પર ગમખ્વાર અકસ્માત સર્જાયો. ચાણસ્માના રામગઢ પાટિયા પાસે અકસ્માતમાં ઘટના સ્થળે ચાર લોકોના મોત નીપજ્યા. છોટા હાથી અને અલ્ટો વચ્ચે અકસ્માતમા બનાસકાંઠાના કાંકરેજ તાલુકાના 4 લોકોના મોત નીપજ્યાં. રામગઢ પાટિયા પાસે થયેલ અકસ્માતમા અલ્ટોમા સવાર ચાર લોકોના મોત થયા. ત્રણ મહિલા અને એક પુરુષનું મોત નીપજ્યું. દિવાળીના તહેવારમા કાંકરેજ ગામના પરિવારનો દીવો બુઝાયો.

ઇફ્કો ચેરમેન દિલીપ સંઘાણીના નિવેદનથી વિવાદ

દિલીપ સંઘાણીના નિવેદનથી વિવાદ થતા કોંગ્રેસ પ્રવક્તા મનહર પટેલએ વળતો જવાબ આપતા જણાવ્યું હતું કે, ઇફકોના ચેરમેનનું નિવેદન સત્યથી વેગળુ છે. ભાજપના નેતાઓ અભ્યાસ વર્ગ કરી ચિંતન કરે. કોઇને ખુશ કરવાનું ભાષણ કરવા લાગ્યા છે. સરદાર પટેલની 150મી જન્મ જયંતીની ઉજવણી પ્રસંગે સરદાર પટેલના કાર્યો અને ઉપલબ્ધિઓની યાદો કરી નવી પેઢી સામે મૂકવાનો અવસર હતો. તેને બદલે સંઘાણી ભાજપના આકાઓને ખુશ કરવાનું ભાષણ કરવા લાગ્યા છે. ભાજપના નેતાઓ અભ્યાસ વર્ગ કરી ચિંતન કરે

દિવાળીએ અસામાજિક ત્તત્વોના ફટાકડા થયા સૂરસૂરિયાં

સુરતમાં છાસવારે માથુ ઊંચકતા અસામાજિક તત્વો સામે પોલીસ કાર્યવાહી કરતી હોય છે. તેમ છતાં ફરી કાયદાને તોડનારા 25 સામે પોલીસે કાર્યવાહી કરી છે. આ વખતે પોલીસે પાસાનું શસ્ત્ર ઉગામીને 25ને રાજ્યની અલગ અલગ જેલમાં સુરતથી ખસેડી દીધા છે. જેથી છાસવારે કાયદાનું ઉલ્લંઘન કરનારા આ તત્વોના ફટાકડા દિવાળીએ જ સૂરસૂરિયાં સાબિત થઈ ગયા છે.

વાવા પેટાચૂંટણી: સ્વરૂપજી ઠાકોર બાદ લવિંગજીએ પાઘડી ઉતારી માગ્યા મત

બનાસકાંઠામાં વાવ વિધાનસભાની પેટા ચૂંટણીને હવે ગણતરીના દિવસો બાકી છે. બુધવારે ઉમેદવારી પત્ર પરત ખેંચવાનો છેલ્લો દિવસ હતો. ત્યારે હવે વાવ વિધાનસભાની પેટાચૂંટણીમાં 10 ઉમેદવારો મેદાને છે. ત્યારે ભાજપમાં સ્વરૂપજી ઠાકોર, કોંગ્રેસમાંથી ગુલાબસિંહ રાજપૂત અને અપક્ષ તરીકે માવજીભાઇ પટેલે પોતાની ઉમેદવારી નોંધાવી છે.

અમદાવાદમાં ટ્રાફિક પોલીસનો નવતર પ્રયોગ

દિવાળીના તહેવારને લઈ ટ્રાફિક પોલીસે હેલ્મેટ નહીં પહેરનાર લોકોને દંડ નહીં, ગુલાબ આપ્યા હતા.  ગુલાબ આપી હેલ્મેટ ફરજિયાત પહેરવાની સૂચના આપી હતી.

ગાંધીનગરના અક્ષરધામમાં 10 હજાર દીવડા સાથે દિપોત્સવની ઉજવણી કરાઈ

ગાંધીનગરના અક્ષરધામમાં 10 હજાર દીવડા સાથે દિપોત્સવની ઉજવણી કરાઈ હતી,મંદીર પ્રાંગણમાં દિવડા સાથે ગ્લો ગાર્ડન તૈયાર કરાયું છે.અક્ષરધામ મંદીરમાં દિપોત્સવની ઉજવણી થતા લોકોમાં પણ ખુશીનો માહોલ છે.31 ઓક્ટોબરથી 8 નવેમ્બર સુધી દિવાળીની ઉજવણી કરવામાં આવશે,છેલ્લા 32 વર્ષથી થાય છે દિપોત્સવની ઉજવણી તેમજ દિવાળીમાં સોમવારે મંદીર દર્શન ચાલુ રહેશે અને ભકતો દર્શન કરી શકશે.

લીલીયામાં ગટર ઉભરાવવાનો પ્રશ્ન યથાવત, વેપારીઓ અને સ્થાનિકો તહેવારોમાં ત્રસ્ત

અમરેલી જિલ્લાના મોટા લીલીયા શહેરમાં આમ તો છેલ્લા કેટલાક વર્ષથી ગટર ઉભરાવવાનો મુખ્ય પ્રશ્ન રહ્યો છે, પરંતુ હાલ આ પ્રશ્ન અતિ વિકટ બની રહ્યો છે, કારણ કે દિવાળી જેવા તહેવાર ટાણે જ લીલીયાની મુખ્ય બજારોમાં ગટરના પાણી વહી રહ્યા છે.

આપણી સેનાને વિશ્વની સૌથી આધુનિક બનાવીશું: PM

PM મોદીએ કચ્છના લકી નાળા વિસ્તારમાં જવાનો સાથે દિવાળીની ઉજવી કરી છે. BSFના જવાનોને મિઠાઈ ખવડાવીને PM મોદીએ શુભેચ્છા આપી છે. PM મોદીએ BSF જવાનોની પ્રશંસા કરી છે. PM બન્યા બાદ પહેલીવાર કચ્છમાં દિવાળી પર્વની ઉજવણી કરી છે. BSFના જવાનો સાથે દિવાળીની ઉજવણી કરતા વડાપ્રધાન નરેન્દ્ર મોદીએ સંબોધન કરતા કહ્યું હતું કે, મને માતૃભૂમિની સેવાનું સૌભાગ્ય મળ્યું છે. આપણી સેનાને વિશ્વની સૌથી આધુનિક બનાવીશું. ભારતમાં પોતાની સબમરિન બનાવવામાં આવી રહી છે. પહેલા ભારતની ઓળખ હથિયાર મંગાવનાર દેશની હતી. નેવીના રહેતા કોઈની આંખ ઉઠાવવાની હિંમત નહી. દેશના જવાનો પર મને ગર્વ છે. સરક્રીક પર દુશ્મનની નાપાક નજર છે જેને જડબાતોડ જવાબ આપવા માટે આપડી સેના આધુનિક સંસાધનો સાથે સજ્જ થઇ રહી છે. નેવીના કારણે આંખ ઉઠાવવાની હિંમત નહીં. આપણું તેજસ વાયુસેનાની તાકાત બન્યું છે. 

UP: શાહજહાંપુરમાં ફરવા ગયેલા 3 વૃદ્ધોને કારે કચડી નાખ્યા, બેના મોત

શાહજહાંપુર જિલ્લાના જલાલાબાદ શહેરમાં ગુરુવારે સવારે ચાલવા નીકળેલા ત્રણ વૃદ્ધોને એક કારે ટક્કર મારી હતી. આ અકસ્માતમાં બે લોકોના ઘટનાસ્થળે જ મોત થયા હતા, જ્યારે એક વૃદ્ધ ગંભીર રીતે ઘાયલ થયો હતો અને તેને મેડિકલ કોલેજમાં દાખલ કરવામાં આવ્યો હતો.

નેપાળમાં મોટી દુર્ઘટના, ત્રિપલ અકસ્માતમાં 2 ભારતીયોના મોત

નેપાળમાં એક મોટી દુર્ઘટના બની છે. ટીપર અકસ્માતમાં 2 ભારતીય નાગરિકોના મોત થયા છે અને ઘણા લોકો ઘાયલ થયા છે. આ ઘટના નેપાળના સાંખુવાસભા જિલ્લામાં બની હતી.

પાલીતાણા કાલભૈરવ મંદિર ખાતે યજ્ઞ ભારત થીમ અંતર્ગત કાળી ચૌદશ અને દિવાળીની ઉજવણી

પવિત્ર નગરી પાલીતાણા ખાતે આવેલું પ્રસિદ્ધ કાલ ભૈરવ મંદિર ખાતે આજે કાલ રાત્રિની ઉજવણી કરવામાં આવી હતી અને કાળી ચૌદશ નિમિત્તે યજ્ઞ ભારત થીમ અંતર્ગત કાર્યક્રમ કરવામાં આવ્યો હતો જે યજ્ઞમાં ગુજરાતના પૂર્વ મુખ્યમંત્રી વિજયભાઈ રૂપાણી સહિત હાજર રહ્યા હતા અને યજ્ઞમાં આહુતિ આપી હતી. દર વર્ષે કાળી ચૌદશ નિમિત્તે મહાયજ્ઞ કાર્યક્રમ કરવામાં આવે છે ત્યારે આ વર્ષે યજ્ઞભારત થીમ અંતર્ગત કાર્યક્રમ કરવામાં આવ્યો જેમાં દેશના જવાનોને ઉર્જા મળે તે માટે યજ્ઞનું આયોજન કરવામાં આવ્યું જેમાં મોટી સંખ્યામાં લોકો રાજકીય આગેવાનોએ સહિત મહાકાલના ભક્તોએ યજ્ઞમાં આહુતિ આપી હતી આ યજ્ઞમાં 150 મણ લાકડા ,25 ડબ્બા સરસવનું તેલ ,50 મણ કાળા તલ સહિત 5000 શ્રીફળ સહિતની આહુતિ આપવામાં આવી અને પછી તો કાલ ભૈરવ મંદિર ખાતે કાલ રાત્રિની ઉજવણી કરવામાં આવી હતી અને યજ્ઞમાં મોટી સંખ્યામાં લોકોએ આહુતિ આપી કાળભૈરવ દાદા ના દર્શન કર્યા હતા

BPL ગ્રુપના સ્થાપક ટીપી ગોપાલન નામ્બિયારનું નિધન

ભારતીય ઈલેક્ટ્રોનિક્સ કંપની BPL ગ્રુપના સ્થાપક ટીપી ગોપાલન નામ્બિયારનું ગુરુવારે અવસાન થયું. તેઓ 94 વર્ષના હતા. સવારે લગભગ 10.15 વાગ્યે તેમણે અંતિમ શ્વાસ લીધા હતા. નામ્બિયાર ભાજપના નેતા અને પૂર્વ કેન્દ્રીય મંત્રી રાજીવ ચંદ્રશેખરના સસરા હતા.

બપોરના 03 વાગ્યા સુધીના મહત્વના સમાચાર

01. Happy Diwali 2024: કચ્છના જવાનો સાથે PM નરેન્દ્ર મોદીએ મનાવી દિવાળી

02. Harsh Sanghviએ ગરીબ બાળકો સાથે ફટાકડા ફોડી દિવાળી પર્વની કરી ઉજવણી

03. Sarangpur શ્રીકષ્ટભંજનદેવ હનુમાનજી મંદિરમા બનેલ વિશાળ યાત્રિક ભુવનનું કેન્દ્રીય ગૃહમંત્રીએ કર્યુ ઉદ્ઘાટન

04. Gujarat Policeએ ખાસ તાલીમ આપીને તૈયાર કર્યો "આલ્કોહૉલ ડિટેક્શન ડોગ", Special Story

05. Chushul Moldo border: હેપ્પી દિવાળી, ભારતીય-ચીની સૈનિકોએ મિઠાઇની કરી આપ-લે

06. Canada: કેનેડામાં દિવાળીના તહેવારને લઈ આવો નિર્ણય લેવાયો, જાણો આખો મામલો

07. Rishi Sunak: બ્રિટનના પૂર્વ PM ઋષિ સુનકે સૌને ચોંકાવ્યા, વિપક્ષના પદેથી રાજીનામું

08. Anil Ambani: સેબીએ અનિલ અંબાણીને 154.5 કરોડની નોટિસ ફટકારી

09. IPL Retention લિસ્ટ આ સમયે થશે જાહેર, આ રીતે ફ્રીમાં મળશે જોવા

10. Ahmedabad: ડ્રગ્સના રવાડે ચડેલા બાળકોને બચાવવા માતા-પિતા બન્યા ડીટેક્ટીવ, જાણો કેમ

અમદાવાદમાં ટ્રાફિક પોલીસનો નવતર પ્રયોગ

દિવાળીના તહેવારને લઈ ટ્રાફિક પોલીસે આપ્યા ગુલાબ,હેલ્મેટ નહીં પહેરનાર લોકોને દંડ નહીં, ગુલાબ આપ્યા,નિયમોનું પાલન ન કરનારાઓને આપ્યા ગુલાબ,ગુલાબ આપી હેલ્મેટ ફરજિયાત પહેરવાની આપી સૂચના

બંગાળમાં વિધાનસભા પેટાચૂંટણીમાં હિંસાનો ભય! 108 કંપની સેન્ટ્રલ ફોર્સ 6 સીટ પર તૈનાત

દેશના અન્ય રાજ્યોની સાથે પશ્ચિમ બંગાળના પાંચ જિલ્લાની 6 વિધાનસભા બેઠકો પર 13 નવેમ્બરે પેટાચૂંટણી યોજાશે. જો કે જ્યાં પણ મતદાન થાય છે ત્યાં સુરક્ષાની કડક વ્યવસ્થા કરવામાં આવે છે. કેન્દ્રીય દળો પણ તૈનાત છે, પરંતુ પશ્ચિમ બંગાળની છ વિધાનસભા બેઠકો પરની પેટાચૂંટણી માટે કેન્દ્રીય દળોની 108 કંપનીઓ તૈનાત કરવામાં આવશે. ચૂંટણી પંચ દ્વારા કેન્દ્રીય દળોની તૈનાતીની જાહેરાત કરવામાં આવી છે.

ગોંડલ: દિવાળીના શુભ દિવસે જ પોલીસે 46 લાખનો દારૂનો જથ્થો કર્યો જપ્ત

આજે દિવાળીના શુભ દિવસે જ પોલીસે દરોડો પાડીને ગોંડલમાંથી દારૂનો જથ્થો જપ્ત કર્યો છે. ગોંડલ જામવાડી પાસે વડવાળા હોટલની પાછળથી બે શખ્સો દારૂના મોટા જથ્થા સાથે ઝડપાયા છે. દારૂના કટિંગ સમયે જ રૂરલ LCB અને SOG બ્રાન્ચે દરોડો પાડ્યો અને મુદ્દામાલ ઝડપી લીધો છે. રૂરલ LCB અને SOGએ દરોડો પાડીને 519 પેટી દારૂનો જથ્થો ઝડપી પાડ્યો હતો અને આ સાથે જ ત્રણ વાહનો સહિત કુલ રૂપિયા 46 લાખનો મુદ્દામાલ કબજે કર્યો છે. તમને જણાવી દઈએ કે વહેલી સવારે દરોડો પાડવામાં આવ્યો હતો, જેમાં રૂરલ LCB PI વી.વી. ઓડેદરા, PSI બી.સી.મિયાત્રા, અનિલભાઈ ગુજરાતી, ભગીરથસિંહ જાડેજા, મહિપાલસિંહ ચુડાસમા, વાઘાભાઈ આલ, SOG બ્રાન્ચના જયવીરસિંહ રાણા, પ્રહલાદસિંહ રાઠોડ સહિતનો સ્ટાફ કામગીરીમાં જોડાયો હતો.

ધારાસભ્ય હીરા સોલંકીના જમાઈ પર હુમલો કરનાર 12 આરોપી સકંજામાં

અમરેલી: ધારાસભ્ય હીરા સોલંકીના જમાઈ પર જીવલેણ હુમલાનો મામલે યુવા ભાજપ પ્રમુખ ચેતન શિયાળ પર હુમલો કરનારા પોલીસ સકંજામાં આવી ગયા છે. જાફરાબાદ મરીન પોલીસ, LCB, SOGની ટીમો દ્વારા તપાસ હાથ ધરાઈ હતી. પોલીસની અલગ-અલગ ટીમો દ્વારા 12 આરોપીની ધરપકડ કરી છે. આરોપીઓએ હીરા સોલંકીના જમાઈ ચેતન શિયાળ પર કુહાડીથી હુમલો કર્યો હતો. ચેતન શિયાળ હાલ હોસ્પિટલમાં સારવાર હેઠળ છે. પોલીસ દ્વારા આરોપીઓની પૂછપરછ હાથ ધરી વિવિધ દિશામાં તપાસ તેજ કરી છે.

મહારાષ્ટ્રઃ કોંગ્રેસને વધુ એક ઝટકો, કોલ્હાપુરના વર્તમાન ધારાસભ્યનું રાજીનામું

મહારાષ્ટ્રમાં કોંગ્રેસને વધુ એક ઝટકો લાગ્યો છે. કોલ્હાપુરના કોંગ્રેસના વર્તમાન ધારાસભ્ય જય શ્રી પાટીલ શિવસેના શિંદે જૂથમાં જોડાયા. સીએમ એકનાથ શિંદેને તેમના થાણેના નિવાસસ્થાને મળ્યા અને શિવસેના શિંદે જૂથમાં જોડાયા.

અરવલ્લીના મોડાસામાં યુવકની હત્યા

અરવલ્લીના મોડાસામાં યુવકની હત્યાની ઘટના સામે આવી છે. યુવકની સાથે રહેતા શખ્સે તીક્ષ્ણ હથિયારના ઘા ઝીંકી હત્યાને અંજામ આપીને ફરાર થઇ ગયો છે. LCB, SOG સહિતની ટીમ ઘટનાસ્થળે પહોંચીને આરોપીને ઝડપવા તજવીજ હાથ ધરી છે.

અમદાવાદમાં તબીબોએ ઉજવી દિવાળી

અમદાવાદમાં તબીબોએ દર્દીઓ સાથે દિવાળીની ઉજવણી કરી છે. એડમિટ દર્દીઓ માટે કરી ખાસ વ્યવસ્થા કરવામાં આવી હતી. સિવિલ હોસ્પિટલના તબીબોએ તન ટાટા સુનીતા, વિલિયમ્સની બનાવી વિશાળ રંગોળી.

રાજ્ય ગૃહમંત્રી હર્ષ સંઘવીએ સુરતમાં ઉજવી દિવાળી

રાજ્ય ગૃહમંત્રી હર્ષ સંઘવીએ સુરતમાં પોલીસ કોમ્યુનિટી હોલમાં અનાથ બાળકો સાથે દિવાળીની ઉજવણી કરી છે.  હર્ષ સંઘવીએ બાળકોને મીઠાઈ-ફટાકડાં આપીને દિવાળીનો પર્વ ઉજવ્યો હતો.

PM મોદી ભૂજ પહોંચ્યા, કચ્છમાં જવાનો સાથે દિવાળી મનાવી

કચ્છ: વડાપ્રધાન નરેન્દ્ર મોદી કચ્છ જિલ્લાના ભૂજ પહોંચ્યા છે. તેઓ ભૂજથી નલિયા જશે. નલિયા એરફોર્સ સ્ટેશનથી જવાનો પાસે જશે વડાપ્રધાન. સેનાના જવાનો સાથે વડાપ્રધાન મોદી દિવાળી ઉજવશે.

લદ્દાખઃ દિવાળીના અવસર પર ભારત અને ચીનની સેનાઓએ એકબીજાને મીઠાઈ ખવડાવી

પૂર્વ લદ્દાખમાં દિવાળીના અવસર પર ભારત અને ચીનના સૈનિકોએ વાસ્તવિક નિયંત્રણ રેખા (LAC) પર એકબીજાને મીઠાઈ ખવડાવી.

કેન્દ્રીય ગૃહમંત્રી પદક માટે નામો થયા જાહેર

કેન્દ્રીય ગૃહમંત્રી પદક માટે રાજ્યના 6 પોલીસ અધિકારી, જવાનોના નામ જાહેર થયા છે. વર્ષ 2024 માટે પદક માટે નામો જાહેર થયા છે. જેમાં IPS નિર્લિપ્ત રાય, લવિના સિંહા, PI હરપાલસિંહ રાઠોડ, અમરસિંહ ચૌહાણ, PI મયુરકુમાર પટેલ, DSP વીરજીતસિંહ પરમારનો સમાવેશ કરવામાં આવ્યો છે. બેસ્ટ ઇન્વેસ્ટીગેશન બદલ એવોર્ડ અપાશે.

Gujarat Policeએ ખાસ તાલીમ આપીને તૈયાર કર્યો "આલ્કોહૉલ ડિટેક્શન ડોગ"

ગુજરાત પોલીસે રાજ્યમાં આલ્કોહૉલ ડિટેક્શન માટે એક ડોગને ખાસ તાલીમ આપીને બુટલેગરો દ્વારા યુક્તિપૂર્વક સંતાડેલા આલ્કોહોલને પકડવા માટે તૈયાર કર્યો છે. આ આલ્કોહૉલ ડિટેક્શન ડોગ ‘આદ્રેવ’ની મદદથી ગુજરાતનો સૌ પ્રથમ પ્રોહિબિશન કેસ તાજેતરમાં રાજકોટમાં નોંધાયો છે.

બપોરના 12 વાગ્યા સુધીના મહત્વના સમાચાર

01. Kevadia: સ્ટેચ્યુ ઓફ યુનિટીની મુલાકાતે PM મોદી, સરદાર પટેલની પ્રતિમાને પુષ્પાંજલિ અર્પી

02. Gujaratમાં કાળઝાળ ગરમી પડશે કે ઠંડી? 8 જિલ્લાઓમાં તાપમાન 37 ડિગ્રીને પાર

03. GPSCની પરીક્ષા બાદ નાણા વિભાગે હિસાબી અધિકારી વર્ગ-2ની ભરતી કરી રદ

04. Rashtriya Ekta Diwas: ઉર્જા, આત્મવિશ્વાસ, નવા સંકલ્પો એ એકતા દિવસની ઉજવણી: PM

05. Gujaratમા નકલી અધિકારીઓનો રાફડો ફાટયો ? વાંચો Special Story

06. UP: દિવાળીના દિવસે બદાયુમાં મોટો અકસ્માત, રિક્ષા અને કાર વચ્ચે ટક્કર,6ના મોત

07. IMD Alert: દિલ્હી-મુંબઇમાં ધુમ્મસ રાજ, જ્યારે આ રાજ્યોમાં હજુ વરસાદની આગાહી

08. Gold-Silver Price Today: દિવાળીએ સોનામાં ઉછાળો, ચાંદી લાખને પાર, જાણો નવો ભાવ

09. Petrol Diesel Price: દિવાળીએ પેટ્રોલના ભાવમાં ઘટાડો? જાણો આજની કિંમત

10.IPL 2025 Retention: રાહુલથી લઇને પંત સુધી, આ પાંચને લાગી શકે ઝટકો

ખાંભા નજીક લકઝરી બસ અને ટ્રેકટર વચ્ચે સર્જાયો ગંભીર અકસ્માત

અમરેલીના ખાંભા નજીક લક્ઝરી બસ અને ટ્રેક્ટર વચ્ચે અકસ્માત સર્જાયો છે,જેમાં ખાનગી બસે ટ્રેકટરને ટક્કર મારતા અકસ્માત સર્જાયો છે,ટ્રેકટરમાં બેઠેલા 10 લોકમાંથી બે લોકો ગંભીર રીતે ઈજાગ્રસ્ત થયા છે જેમને સારવાર હેઠળ ખસેડવામાં આવ્યા છે,સમગ્ર ઘટનાને લઈ પોલીસે તપાસ હાથધરી છે અને જાણવાજોગની નોંધ પોલીસ ચોપડે પાડી છે.

ગુજરાતની શાંતિકુંજ સોસાયટીમાં અસામાજિક તત્વોના ત્રાસથી "અશાંતિકુંજ"ના લાગ્યાં બોર્ડ

સુરતના શાંતિકુંજ ગાર્ડનમાં લાગ્યા અશાંતિકુંજના બોર્ડ.સુરતના પુણા વિસ્તારમાં આવેલી શાંતિકુંજ ગાર્ડન સોસાયટીના સ્થાનિકો હેરાન થયા છે,કેમકે અસામજિક તત્વોના વધતા ત્રાસને લઈ લોકોને ઘરની બહાર નિકળવું મુશ્કેલ થયું છે.દારૂની ખાલી બોટલોની તસ્વીર સાથે સ્થાનિકોએ તંત્રને રજૂઆત કરી છે.બાગના મેઇન્ટેનન્સના અભાવે ઉકરડા જેવી સ્થિતિનું નિર્માણ થયું છે.

ફટાકડા મન ભરીને ફોડો, આ બાબતનોનું ધ્યાન રાખજો

આગામી દિવાળીના પર્વ નિમિત્તે બોટાદ જિલ્લામાં કોઇ આકસ્મિક ઘટના/આગ કે અન્ય બનાવ ન બને, લોકોની સલામતી જળવાય અને લોકો હર્ષોલ્લાસથી તહેવારની ઉજવણી કરી શકે તે માટે જાહેર જનતાના હિતાર્થે દિવાળીના તહેવાર દરમ્યાન સલામતી અને સાવચેતી રાખવા અંગે જરૂરી સૂચનાઓ બોટાદ જિલ્લા વહીવટી તંત્ર દ્વારા જાહેર કરવામાં આવે છે.

રાજનાથ સિંહે તવાંગમાં સરદાર પટેલની પ્રતિમાનું ઉદ્ઘાટન કર્યું

સંરક્ષણ પ્રધાન રાજનાથ સિંહે સરદાર વલ્લભભાઈ પટેલની પ્રતિમાનું અનાવરણ કર્યું અને તવાંગમાં મેજર રાલેંગનાઓ 'બોબ' ખટિંગ વીરતા સંગ્રહાલયનું ઉદ્ઘાટન કર્યું.

રાજ્યમાં ઠંડીની જગ્યાએ ઉનાળા જેવી ગરમી 

હવામાન વિભાગની આગાહી મુજબ, રાજ્યમાં ઠંડીની જગ્યાએ ઉનાળા જેવી ગરમી પડશે. રાજ્યના 8 જિલ્લાઓમાં તાપમાન 37 ડિગ્રીને પાર પહોંચ્યો છે. સૌથી વધુ તાપમાન રાજકોટમાં 39.5 ડિગ્રી નોંધાયું છે. અમદાવાદમાં તાપમાન 37.6 ડિગ્રી નોંધાયું છે. રાજ્યમાં તાપમાન સામાન્ય કરતા 4 ડિગ્રી વધુ છે. ઉત્તર પૂર્વીય પવનોના કારણે તાપમાન ઊંચકાશે.

રાહુલે દાદી ઈન્દિરા ગાંધીને તેમની પુણ્યતિથિ પર શ્રદ્ધાંજલિ આપી

દિલ્હી: લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ પૂર્વ વડાપ્રધાન ઈન્દિરા ગાંધીને તેમની પુણ્યતિથિ પર શક્તિ સ્થળ પર શ્રદ્ધાંજલિ આપી.

સુરત: ગૃહ રાજ્ય મંત્રી દ્વારા અનોખી ઉજવણી

સુરત: ગૃહ રાજ્ય પ્રધાન દ્વારા અનોખી ઉજવણી. સ્લમ વિસ્તારના બાળકો સાથે દિવાળીની ઉજવણી કરી. નાના બાળકો સાથે હર્ષ સંઘવીએ દિવાળી ઉજવી. બાળકોને ભેટ આપીને ઉત્સાહ વ્યક્ત કર્યો. દિવાળીમાં ફટાકડા ફોડતી વખતે સાવચેત રહેવા બાળકોને સૂચના આપી. ઘરકામમાં મદદ કરતાં સહયોગીઓ સાથે દિવાળી ઉજવવા અપીલ કરી.

UP: બદાયૂં પાસે ભીષણ માર્ગ અકસ્માત

UP: બદાયૂં પાસે ભીષણ માર્ગ અકસ્માત થયો. બે મહિલા સહિત છ લોકોનાં મોત થયા છે, તો પાંચ ઘાયલ થયા. ટેમ્પો અને રિક્ષા વચ્ચે ટક્કર થઈ હતી. દિલ્લી મજૂરી કરી પરત ફરતા શ્રમિકોને અકસ્માત નડ્યો.

સંવિધાનની માળા જપનારાએ બંધારણનું અપમાન કર્યું: PM મોદી

પીએમ મોદીએ કહ્યું કે જે લોકો બંધારણનો નારા લગાવે છે તેઓએ બંધારણનું અપમાન કર્યું છે. નક્સલવાદ આજે અંતિમ શ્વાસ લઈ રહ્યો છે. ષડયંત્રના ભાગરૂપે નક્સલવાદના બીજ વાવવામાં આવ્યા હતા. ભારત આતંકવાદના આકાઓને છોડશે નહીં. 

ભારત ધર્મનિરપેક્ષ નાગરિક સંહિતા તરફ આગળ વધી રહ્યું છે: PM મોદી

ગુજરાતના કેવડિયામાં રાષ્ટ્રીય એકતા દિવસ પર વન નેશન, વન ઈલેક્શન પર કામ. ભારત ધર્મનિરપેક્ષ નાગરિક સંહિતા તરફ આગળ વધી રહ્યું છે. આસામ અને મેઘાલય વચ્ચેનો વિવાદ ઘણી હદે સમાપ્ત થઈ ગયો છે. આસામમાં 50 વર્ષથી ચાલી રહેલા વિવાદનો અંત આવ્યો. આસામમાં હજારો વિસ્થાપિત લોકો તેમના ઘરે પાછા ફર્યા. ઉત્તર પૂર્વમાં શાંત અલગાંવ. નક્સલવાદના રોગને નાબૂદ કર્યો.

મહારાષ્ટ્રઃ મુંબઈમાં પણ હવાની ગુણવત્તા ઘટી 

મુંબઈમાં પણ હવાની ગુણવત્તામાં ઘટાડો નોંધાયો હતો. શહેરમાં આજે સવારે ધુમ્મસની ચાદર જોવા મળી હતી.

PM મોદી કચ્છમાં જવાનો સાથે મનાવશે દિવાળી

PM નરેન્દ્ર મોદી ગુજરાતમાં દિવાળીની ઉજવણી કરશે. કેવડિયાથી PM મોદી કચ્છ જશે. કચ્છમાં જવાનો સાથે દિવાળી મનાવશે. વડાપ્રધાન બન્યા બાદ પહેલી વખત કચ્છમાં સેનાના જવાનો સાથે દિવાળી મનાવશે. વડાપ્રધાન મોદી દર વર્ષે જવાનો સાથે દિવાળીની ઉજવણી કરે છે.

સરદાર પટેલ સંકલ્પબદ્ધ, માનવતાવાદી અને રાષ્ટ્રવાદી હતા: PM મોદી

સરદાર પટેલની જન્મજયંતિ પર પીએમ મોદીએ ગુજરાતના કેવડિયામાં કહ્યું કે સરદાર પટેલ સંકલ્પ, માનવતાવાદી અને રાષ્ટ્રવાદી હતા. અશક્ય કામને પણ શક્ય બનાવ્યું. સરદાર પટેલે સેંકડો રજવાડાઓને એક કર્યા.

અનેક રજવાડાઓને સરદાર પટેલે એક કરીને બતાવ્યા: PM મોદી

રાષ્ટ્રીય એકતા દિવસ પર વડાપ્રધાન નરેન્દ્ર મોદીએ કેવડિયામાં સંબોધન કર્યુ. તેમણે સરદાર પટેલને યાદ કરતા કહ્યુ કે સરદાર પટેલે અસંભવ કામને પણ સંભવ કરેલુ છે. અનેક રજવાડાઓને એક કરીને બતાવ્યા છે. સરદાર સાહેબ ધ્યેયમાં રાષ્ટ્રવાદી હતા. સ્ટેચ્યૂ ઓફ યુનિટીનું નિર્માણ પણ એકતાને દર્શાવે છે.

PMએ દેશવાસીઓને દિવાળીની શુભેચ્છા પાઠવી

આજે દેશભરમાં દિવાળીનો તહેવાર ધામધૂમથી ઉજવવામાં આવી રહ્યો છે. ઘરોથી માંડીને બજારો અને શેરીઓ બધું જ શણગારવામાં આવ્યું છે. વડાપ્રધાન નરેન્દ્ર મોદીએ દેશવાસીઓને સુખી અને સમૃદ્ધ જીવનની શુભેચ્છા પાઠવી હતી અને તેમને દિવાળીની શુભકામનાઓ પાઠવી હતી. PM મોદીએ સોશિયલ મીડિયામાં દિવાળીની શુભેચ્છાઓ આપતા લખ્યું હતું કે, દેશવાસીઓને દિવાળીની ખૂબ ખૂબ શુભેચ્છાઓ. પ્રકાશના આ દિવ્ય તહેવાર પર, હું દરેકને સ્વસ્થ, સુખી અને ભાગ્યશાળી જીવનની શુભેચ્છા પાઠવું છું. દરેક વ્યક્તિ માતા લક્ષ્મી અને ભગવાન શ્રી ગણેશના આશીર્વાદથી ધન્ય બને."

ગાંધીનગરઃ ટેકાના ભાવે પાકની ખરીદી માટે તારીખ લંબાવાઈ

ગાંધીનગરઃ ટેકાના ભાવે પાકની ખરીદી માટે તારીખ લંબાવાઈ. ખરીદી માટેની નોંધણી 11 નવેમ્બર સુધી લંબાવાઈ. લાભ પાંચમથી ટેકાના ભાવે ખરીદી શરૂ થશે. મગફળી, મગ, અડદ સહિતના ખરિફ પાકની ટેકાના ભાવે ખરીદી થશે. 12.78 લાખ મેટ્રિક ટન જણસીની ટેકાના ભાવે ખરીદી કરાશે. 11.27 લાખ મેટ્રિક ટન મગફળીની ટેકાના ભાવે ખરીદી કરાશે.

દિલ્હી: રાષ્ટ્રપતિ-ઉપરાષ્ટ્રપતિએ સરદાર પટેલની જન્મજયંતિ પર પુષ્પાંજલિ અર્પણ કરી

દિલ્હી: રાષ્ટ્રપતિ દ્રૌપદી મુર્મુ, ઉપરાષ્ટ્રપતિ જગદીપ ધનખર, દિલ્હીના લેફ્ટનન્ટ ગવર્નર વીકે સક્સેના, કેન્દ્રીય મંત્રી નિત્યાનંદ રાય અને અન્યોએ સરદાર વલ્લભભાઈ પટેલને તેમની જન્મજયંતિ પર પુષ્પાંજલિ અર્પણ કરી હતી.

કેવડિયા: પીએમ મોદીએ રાષ્ટ્રીય એકતા દિવસ પરેડની સલામી આપી

વડાપ્રધાન મોદીએ ગુજરાતના કેવડિયામાં રાષ્ટ્રીય એકતા દિવસ પરેડમાં સલામી લીધી હતી. આજે સરદાર પટેલની 149મી જન્મજયંતિ છે. તેમની જન્મજયંતિને રાષ્ટ્રીય એકતા દિવસ તરીકે ઉજવવામાં આવે છે. યુનિટી ડે પરેડમાં 9 રાજ્યોની પોલીસ સામેલ થઈ હતી.

GST વિભાગના દરોડામાં કુલ 2.70 કરોડની ઝડપાઇ કરચોરી

રાજ્યના વિવિધ શહેરોમાં GST વિભાગના દરોડામાં કુલ 2.70 કરોડની કરચોરી ઝડપાઇ. જવેલરી અને બુલિયનના 15 વેપારીઓને ત્યાં સર્ચ હાથ ધરાયું હતું. અમદાવાદના 3, રાજકોટના 5, સુરતના 7 વેપારીઓ પર કાર્યવાહી કરાઇ હતી.