Gujarat Latest News Updated: ACBની ટ્રેપમાં ASI, હેડ કોન્સ્ટેબલ લાંચ લેતા ઝડપાયા

ACBની ટ્રેપમાં ASI, હેડ કોન્સ્ટેબલ લાંચ લેતા ઝડપાયા

અમદાવાદ એન્ટિ કરપ્શન બ્યૂરોને ફરિયાદ મળી હતી કે સાયબર ક્રાઇમ પો.સ્ટે, શાહીબાગના પોલીસ ઇન્સ્પેકટર બી.એમ.પટેલ, હેડ કોન્સ્ટેબલ અમથાભાઇ પટેલ અને ASI ગૌરાંગકુમાર ગામેતીએ ફરિયાદી પાસેથી 10 લાખની લાંચ માંગી હતી. ફરિયાદના આધારે ACBએ છટકું ગોઠવીને ASI અને હેડ કોન્સ્ટેબલને લાંચ લેતા ઝડપી પાડયા હતા.

ધારાસભ્યના પુત્ર ગણેશ જાડેજાની ગેંગના ત્રણ સાગરીતોની ધરપકડ

જુનાગઢના ગોંડલના ધારાસભ્ય ગીતાબા અને પૂર્વ ધારાસભ્ય જયરાજસિંહ જાડેજાના પુત્ર ગણેશ જાડેજા સામે થયેલી ફરિયાદમાં ગણેશ ગેંગના ત્રણ સાગરીતોને જુનાગઢ પોલીસ દ્વારા ઝડપી પાડવામાં આવ્યા છે. આ ગેંગ દ્વારા NSUI પ્રમુખ સંજય સોલંકીનું અપહરણ કરવામાં આવ્યું હોવાનો આરોપ છે.

હાલોલના નવાકુવા ગામના યુવાનની હત્યા

હાલોલ તાલુકાના કાકલપુર ગામેથી નવાકુવા ગામના 19 વર્ષીય યુવકની હત્યા કરવામાં આવી છે. આ યુવકની ઓળખ કીર્તન બારીયા તરીકે થઈ છે. યુવાનના શરીર પર ધારદાર હથિયાર થી ઘા મારી ને હત્યા કરી હોવાનું અનુમાન છે. પાવાગઢ પોલીસે ઘટના સ્થળ પર પહોંચી લાશ ને પી એમ અર્થે મોકલી દીધી છે.

મોરબીના હળવદમાં બેંકમાં લાગી આગ

મોરબીના હળવદમાં મયુરનગરમા સૌરાષ્ટ્ર ગ્રામીણ બેકમા લાગી આગ છે, પ્રાથમિક ધોરણે શોર્ટ સર્કિટથી આગ લાગી હોવાનું અનુમાન છે. આ આગમાં મોટા ભાગના દસ્તાવેજ બળીને ખાખ થઈ ગયા છે. હળવદ નગરપાલિકા ફારયની ટીમ ઘટના સ્થળે પહોંચી આગ પર કાબુ મેળવી રહી છે.

LD એન્જિનિયરિંગ કોલેજ ખાતે યોજાયું મતગણતરીનું રિહર્સલ

લોકસભા સામાન્ય ચૂંટણી 2024ની મતગણતરીની પૂર્વ સંધ્યાએ 7- અમદાવાદ પૂર્વ બેઠકની મતગણતરી માટે એલ. ડી. એન્જિનિયરિંગ કોલેજ ખાતે રિહર્સલ યોજવામાં આવ્યું હતું. જેમાં કાઉન્ટિંગ ઑબ્ઝર્વર અશોકકુમાર દાસ, અમદાવાદ પૂર્વના રિટર્નિંગ ઓફિસર અને જિલ્લા વિકાસ અધિકારી વિદેહ ખરે, અધિક જિલ્લા ચૂંટણી અધિકારી નેહા ગુપ્તા સહિતના અધિકારીઓએ તૈયારીઓની સમીક્ષા કરી જરૂરી સૂચનો આપ્યાં હતાં અને મતગણતરી કેન્દ્રોની તૈયારીઓને આખરી ઓપ આપ્યો હતો.

હરણી એરપોર્ટ પરથી જીવતા કાર્ટેજ સાથે શખ્સ ઝડપાયો

વડોદરા એરપોર્ટ પરથી જીવતા કાર્ટેજ સાથે એક શખ્સની ધરપકડ કરવામાં આવી છે. વડોદરાના હરણી એરપોર્ટ પર લગેજ સ્કેનિંગ દરમિયાન એક શખ્સના લગેજ માંથી જીવતો કાર્ટેજ મળી આવ્યો હતો. જેને લઈને મુસાફરની તપાસ કર્યા બાદ ધરપકડ કરવામાં આવી છે. તેના લગેજ માંથી 32 બોરનો K.F 7.65 કાર્ટેજ મળી આવ્યો હતો.

સ્વામી વિજય પ્રકાશદાસ પર હુમલો કરનાર 5 ઝડપાયા

થોડા દિવસ પહેલા જુનાગઢ શ્રીધામ ઝાલણસર સ્વામિનારાયણ ગુરુકુલના સ્વામી પર હુમલો કરવામાં આવ્યો હતો. જેમાં હવે પોલીસે કાર્યવાહી કારીબને હુમલો કરનાર 5 આરોપીઓને ઝડપી પાડયા છે. જમીન મામલે આરોપીઓ દ્વારા વિજય પ્રકાશદાસ સ્વામી પર હુમલો કરવામાં આવ્યો હતો.

બ્રહ્મોસ એરોસ્પેસના એન્જિનિયરને આજીવન કેદ

નાગપુર જિલ્લા અદાલતે સોમવારે બ્રહ્મોસ એરોસ્પેસ પ્રાઈવેટ લિમિટેડના ભૂતપૂર્વ એન્જિનિયર નિશાંત અગ્રવાલને સિક્રેટ એક્ટ હેઠળ આજીવન કેદની સજા ફટકારી છે. નિશાંતને જાસૂસી અને પાકિસ્તાનની ગુપ્તચર સંસ્થા ISIને ગુપ્ત માહિતી આપવાનો દોષી ઠેરવવામાં આવ્યો છે. કોર્ટે નિશાંત અગ્રવાલને 14 વર્ષની સખત કેદની સજા ફટકારી છે અને તેના પર 3,000 રૂપિયાનો દંડ પણ ફટકાર્યો છે.

પાલનપુરમાં રોગચાળો વકર્યો

હાલ છેલ્લા ઘણા સમયથી રાજ્યમાં કાળઝાળ ગરમી પડી રહી છે. ત્યારે હવે બનાસકાંઠામાં તાપમાન દિવસેને દિવસે વધતું જ જઇ રહ્યું છે. ત્યારે બનાસકાંઠા જિલ્લાના મુખ્ય મથક પાલનપુરમાં રોગચાળાએ માથું ઉચક્યું છે. પાલનપુરના કોટ અંદરના વિસ્તારમાં તાવ અને ઝાડા ઊલટીના દર્દીઓનો રાફડો ફાટ્યો છે જેને લઈને પાલનપુરની સિવિલ હોસ્પિટલ દર્દીઓથી ઉભરાઈ છે.

પુલવામામાં સુરક્ષા દળો અને આતંકીઓ વચ્ચે અથડામણ

જમ્મુ-કાશ્મીરમાં આતંકવાદીઓને ખતમ કરવા માટે સુરક્ષા દળો દ્વારા સતત ઓપરેશન ચલાવવામાં આવી રહ્યા છે. આ દરમિયાન પુલવામા એન્કાઉન્ટર શરૂ થઈ ગયું છે. કાશ્મીર ઝોન પોલીસે તેના સત્તાવાર એક્સ એકાઉન્ટ પર આ માહિતી આપી છે. આ દરમિયાન સુરક્ષા દળોએ બે આતંકીઓને ઠાર કર્યા છે. ખાસ વાત એ છે કે માર્યા ગયેલા આતંકીઓમાં લશ્કરનો ટોપ કમાન્ડર પણ સામેલ છે. એન્કાઉન્ટરમાં લશ્કર-એ-તૈયબાના ટોચના કમાન્ડર રિયાઝ અહેમદ ડાર અને તેના સહયોગી રઈસ અહેમદ માર્યા ગયા છે. 

ગુજરાત કૉલેજ ખાતે યોજાશે 8-અમદાવાદ પશ્ચિમ લોકસભા બેઠકની મતગણતરી

શભરમાં લોકસભા સામાન્ય ચૂંટણી 2024ની મતગણતરી 4 જૂનના રોજ યોજાશે. અમદાવાદની ગુજરાત કૉલેજ ખાતે 8-અમદાવાદ પશ્ચિમ (અ.જા.) લોકસભા બેઠકની મતગણતરી કરવામાં આવનાર છે. 8-અમદાવાદ પશ્ચિમ લોકસભા બેઠકમાં સમાવિષ્ટ એલિસબ્રિજ, અમરાઈવાડી, દરિયાપુર, જમાલપુર- ખાડિયા, મણિનગર, દાણીલીમડા, અસારવા સહિતના કુલ સાત વિધાનસભા મતવિસ્તારની મતગણતરી યોજવામાં આવશે, સાથે સાથે પોસ્ટલ બેલેટની ગણતરી પણ કરવામાં આવશે.

એલ.ડી. એન્જિનિયરિંગ કૉલેજ ખાતે 7-અમદાવાદ પૂર્વ લોકસભા બેઠકની યોજાશે મતગણતરી

દેશભરમાં લોકસભા સામાન્ય ચૂંટણી 2024ની મત ગણતરી 4 જૂનના રોજ યોજાશે. અમદાવાદની એલ.ડી. એન્જિનિયરિંગ કૉલેજ ખાતે 7-અમદાવાદ પૂર્વ લોકસભા બેઠકની મતગણતરી કરવામાં આવશે. 7-અમદાવાદ પૂર્વ લોકસભા બેઠકમાં સમાવિષ્ટ નરોડા, નિકોલ, બાપુનગર, ઠક્કરબાપાનગર, વટવા, દહેગામ અને ગાંધીનગર દક્ષિણ સહિતના કુલ 7 વિધાનસભા મતવિસ્તાર અનુસાર મતગણતરી યોજાશે. પોસ્ટલ બેલેટની ગણતરી અલગ ખંડમાં યોજવામાં આવશે.

ICCએ ઈનામની રકમ જાહેર કરી

આ વખતે ICC કુલ 11.25 મિલિયન ડોલર ઈનામી રકમ આપશે . ICCએ 2022 T20 વર્લ્ડકપ 2022 માટે કુલ ઈનામની રકમ 5.6 મિલિયન યુએસ ડોલર રાખી હતી. પરંતુ આ વખતે ICCએ તેને બમણું કરી દીધું છે. આ વખતે વિજેતા ટીમને $2.45 મિલિયન (USD) આપવામાં આવશે. જે ભારતીય રૂપિયામાં લગભગ 20 કરોડ રૂપિયા છે. જ્યારે રનર્સ અપ ટીમને $1.28 મિલિયન આપવામાં આવશે. જે ભારતીય રૂપિયામાં અંદાજે 10.50 કરોડ રૂપિયા છે. 2022માં ટાઈટલ જીતનાર ઈંગ્લેન્ડને લગભગ 13 કરોડ રૂપિયા મળ્યા હતા જ્યારે રનર અપ રહેલા પાકિસ્તાનને 6.44 કરોડ રૂપિયા આપવામાં આવ્યા હતા.

રાજકોટ અગ્નિકાંડ મામલે SITએ વધુ 7 લોકોના લીધા નિવેદન

રાજકોટના TRP ગેમ ઝોન ખાતે ગત 25 મેના શનિવારના રોજ સર્જાયેલ અગ્નિકાંડના સમગ્ર રાજ્યમાં ઘેરા પ્રત્યાઘાતો પડ્યા છે. સમગ્ર રાજ્યમાં ફાયર સેફટીને લઈને તપાસ શરૂ કરવામાં આવી ચૂકી છે અને ગેમઝોન અગ્નિકાંડની તપાસ માટે પણ SITની રચના કરી ઉચ્ચસ્તરીય તપાસ શરૂ કરી દેવામાં આવી છે. તપાસમાં હવે એક પછી એક ઉચ્ચ અધિકારીઓના નિવેદનો લેવામાં આવી રહ્યા છે.

Delhi: તાજ એક્સપ્રેસના 3 ડબ્બામાં લાગી આગ, તમામ મુસાફરોનું કરાયું રેસ્ક્યૂ

દિલ્હીના સરિતા વિહાર પોલીસ સ્ટેશન પાસે તાજ એક્સપ્રેસના 3 ડબ્બામાં આગ લાગી હતી. ઘટનાની જાણ થતાં જ ફાયરની 6 ગાડીઓ ઘટનાસ્થળે પહોંચી ગઈ હતી. ડીસીપી રેલ્વેના જણાવ્યા અનુસાર ટ્રેનમાં આગ લાગવાની ઘટનામાં કોઈને ઈજા કે નુકસાન થયું નથી. તમામ મુસાફરોને સમયસર સુરક્ષિત બહાર કાઢવામાં આવ્યા હતા.

ISIS આતંકી મોડ્યૂલના 17 આતંકવાદી સામે એનઆઈએ ચાર્જશીટ કરી દાખલ

કેન્દ્રીય તપાસ એજન્સીએ દિલ્હી-પડઘા આઈએસઆઈએસ આતંકી મોડયૂલ માટે યુવકોની ભરતી, ઉશ્કેરણી અને વિસ્ફટો બનાવવા જેવા કાવતરામાં સામેલ પ્રતિબંધિત વૈશ્વિક આતંકી નેટવર્ક આઈએસઆઈએસના 17 આતંકવાદીઓ વિરુદ્ધ ચાર્જશીટ ફાઈલ કરવામાં આવી છે.

જાણો 6:00 વાગ્યા સુધીના તમામ મહત્ત્વના સમાચાર એક ક્લિક પર...

01. Ahmedabad News: લોકસભા સામાન્ય ચૂંટણી-2024ની મતગણતરી માટે સ્ટાફની કરાઈ ફાળવણી

02. Loksabha Election 2024: મતગણતરી કેન્દ્રોની સુરક્ષા વ્યવસ્થા સહિતની તૈયારીઓને અપાયો આખરી ઓપ

03. Ahmedabad News: કાંકરિયા બાલવાટિકા આગામી 5 જૂનથી થશે બંધ

04. Ahmedabad News: જાણો મતગણતરીની વિગતવાર માહિતી

05.Rajkot News: અગ્નિકાંડને લઈ કોંગ્રેસ કરશે 72 કલાકના ધરણા

06. Gujarat Weather: ચોમાસુ ઝડપથી આગળ વધી રહ્યું છે, જાણો રાજ્યમાં ક્યારે પડશે

07. Chardham Yatra 2024: ઓનલાઇન રજિસ્ટ્રેશન ફરી શરૂ,10 જૂન સુધી VIP દર્શન બંધ

08. Loksabha Election Result: કેવી રીતે થાય છે મતગણતરી? કોણ કરે છે કાઉન્ટિંગ,જાણો

09. T20 World Cup વચ્ચે ઓસ્ટ્રેલિયાનીં મુશ્કેલીમાં, મેક્સવેલ-સ્ટાર્કે વધાર્યું ટેશન

10. T20 World Cup વચ્ચે ઓસ્ટ્રેલિયાનીં મુશ્કેલીમાં, મેક્સવેલ-સ્ટાર્કે વધાર્યું ટેશન

ગુજરાતના લોકોને આકરી ગરમીમાંથી રાહત મળવાની આશા 

ગુજરાતના મોટાભાગના જિલ્લાઓ આ દિવસોમાં ભારે ગરમીની ઝપેટમાં છે. જો કે, આ દરમિયાન હવામાન વિભાગ (IMD) તરફથી રાહતના સમાચાર આવ્યા છે. IMD પ્રમાણે, દક્ષિણ-પશ્ચિમ ચોમાસું 15 જૂન સુધીમાં ગુજરાતમાં આવી શકે છે. ચોમાસાના આગમનની સાથે જ ગુજરાતના લોકોને આકરી ગરમીમાંથી રાહત મળવાની આશા છે.

Rajkot News: અગ્નિકાંડને લઈ કોંગ્રેસ કરશે 72 કલાકના ધરણા

રાજકોટના TRP ગેમ ઝોન ખાતે ગત 25 મેના શનિવારના રોજ સર્જાયેલ અગ્નિકાંડના સમગ્ર રાજ્યમાં ઘેરા પ્રત્યાઘાતો પડ્યા છે. સમગ્ર રાજ્યમાં ફાયર સેફટીને લઈને તપાસ શરૂ કરવામાં આવી ચૂકી છે અને ગેમઝોન અગ્નિકાંડની તપાસ માટે પણ SITની રચના કરી ઉચ્ચસ્તરીય તપાસ શરૂ કરી દેવામાં આવી છે. તો હવે આ ઘટનાને રાજકીય રંગ પણ મળવા લાગ્યો છે. દુર્ઘટનાના 10 દિવસ થઈ ગયા છે ત્યારે હવે કોંગ્રેસ મેદાને આવ્યું છે અને ઘટનાને લઈને મૃતકોને ન્યાય અપાવવાની વાત કરી રહ્યું છે.

Chardham Yatra 2024: ઓનલાઇન રજિસ્ટ્રેશન ફરી શરૂ,10 જૂન સુધી VIP દર્શન બંધ

10મેથી શરૂ થયેલી ચાર ધામ યાત્રમાં લાખોની સંખ્યામાં શ્રદ્ધાળુઓ દર્શન કરી ચૂક્યા છે. જો કે હજી પણ એટલી જ સંખ્યામાં ચારધામ પહોંચી રહ્યા છે. ત્યારે રાજ્ય સરકાર દ્વારા ઓફલાઇન રજિસ્ટ્રેશન ફરીથી શરૂ કરવામાં આવ્યું છે. જેથી હજારોની સંખ્યામાં યાત્રીઓ ઉત્તરાખંડ પહોંચી રહ્યા છે. તો યાત્રીઓને અગવડતા ન પહોંચે તે માટે રાજ્ય સરકાર દ્વારા મહત્વનો નિર્ણય લેવામાં આવ્યો છે.

જામકંડોરણાના રફાળા ગામે મદારી ટોળકીએ તાંત્રિકવિધી કરી વેપારી જોડે રૂપિયા પડાવ્યા

જામકંડોરણાના ખજુરડા ગામે સાધુના વેશમાં આવેલા શખ્સ આણી ટોળકીએ એક ખેડૂતને વિધિના બહાને રૂ. 13 લાખનો ચૂનો ચોપડ્યો હતો. મામલામાં પોલીસ ફરિયાદ થયાં બાદ જામકંડોરણા પોલીસે મદારી ગેંગના ચાર સભ્યોને રૂ. 6.19 લાખના મુદ્દામાલ સાથે ઝડપી લઇ ગુનાનો ભેદ ઉકેલ્યો છે.

ભારતની સૌથી અનોખી અને મોંઘી કેરી, કિંમત છે ચોંકાવનારી

ઉનાળની સિઝન આવતા જ કેરી શરૂ થઈ જાય છે અને બજારમાં પણ કેરીની વિવિધ જાતો આવે છે. કેરીના અલગ-અલગ ભાવ હોય છે. કેટલીક કેરી 100 રૂપિયાની કિલો તો કેટલીક 200 રૂપિયાના પ્રતિ કિલોના ભાવે વેચાય છે. દેશ અને દુનિયામાં કેરીની અનેક જાતો છે. મોટાભાગે કેસર કરી, અને હાપુસ ભારતમાં સૌથી પ્રખ્યાત છે. આ સિવાય બદામ, દશેરી, તોતપરી અને લંગરા સહિતની કેરીની અનેક જાતો છે. પરંતુ ભારતની સૌથી મોંઘી કેરી અંગે તમે નહીં જાણતા હોય. સૌથી નવાઈની વાત એ છે કે કેરીની આ વિવિધતાના માત્ર 3 જ વૃક્ષો છે તેથી તે મોંઘી હોવા ઉપરાંત એક દુર્લભ અને અનોખી કેરી પણ છે. જો તમે તેની કિંમત વિશે સાંભળશો તો તમે ચોંકી જશો. ભારતની આ સૌથી મોંઘી કેરી દેશના મધ્યમાં એટલે કે મધ્યપ્રદેશમાં ઉગાડવામાં આવે છે. આ કેરી એક કિલોના ભાવે વેચાતી નથી. આ જાતની એક કેરીની કિંમત 1,200 રૂપિયા છે. આ ખાસ કેરી એમપીના અલીરાજપુરમાં ઉગાડવામાં આવે છે. નવાઈની વાત એ છે કે અહીં આ કેરીના માત્ર 3 જ વૃક્ષો છે.

10 માસની બાળકીનાં અપહરણ પ્રકરણમાં ચોંકાવનારો ખુલાસો

જામનગર જિલ્લાના ધ્રોલ તાલુકાના હાડાટોડા ગામમાં ખેત મજૂરી કરી રહેલા પરપ્રાંતિય શ્રમિક પરિવારની દસ માસની બાળકી એકાએક લાપત્તા બની જતાં પોલીસ તપાસ દરમિયાન આ પ્રકરણમાં ચોકાવનારો ખુલાસો થયો છે, અને બાળકીની જનેતાએ કૂવામાં ફેંકી દઈ હત્યા નિપજાવ્યાનું સામે આવતાં ભારે ચકચાર જાગી છે. બાળકી જન્મથી શ્વાસની તકલીફ વાળી હોવાથી તેમજ રાત્રિના રડતી હોવાના કારણે માતાએ તેને કૂવામાં ફેંકી દઇ મોતને ઘાટ ઉતારી હોવાથી ધ્રોલ પોલીસે માતા સામે હત્યા અંગેનો અપરાધ નોંધ્યો છે.

અમદાવાદ શહેરમાં રોગચાળો વકરી રહ્યો છે

અમદાવાદ શહેરમાં રોગચાળો વકરી રહ્યો છે, એક તરફ ગરમીના કારણે લોકો હેરાન છે તેવામાં પાણીજન્ય રોગચાળો વકરી રહ્યો છે.અમદાવાદમાં એક જ માસમાં ઝાડા ઉલટીના 1935 કેસ નોંધાયા છે જેમાં સૌથી વધુ કેસ પૂર્વ વિસ્તારમાં નોંધાયા છે.કોલેરાના 32 કેસ,કમળાના 198 કેસ,ટાઈફોડના 565 કેસ,મેલેરિયાના 49 કેસ જયારે ડેન્ગયુના 64 કેસ નોંધાયા છે.

મોદીજી ફરી બનશે PM,જાણીલો અંકશાસ્ત્ર અનુસાર ભવિષ્યવાણી

જૂન 2000થી શનિના વૃષભ રાશિ પ્રવેશ સાથે નરેન્દ્ર મોદીની કુંડળીનો પહેલો રાજ્યોગ શરૂ થયો. ત્યાર બાદ તેઓ 2001માં ગુજરાતના CM બન્યા આ સમયગાળો 2014 સુધી રહ્યો 14 નવેમ્બર 2014 થી શનિ તુલા રાશિમાં ઉચ્ચનો થયો છે. 14 નવેમ્બર 2014 થી શનિ તુલા રાશિમાં ઉચ્ચનો થયો છે ત્યારથી આ મોદીજી માટે 15 વર્ષનો સર્વોચ્ય સત્તા રાજયોગ બન્યો છે જે મુજબ તે PM બે વાર બન્યા છે હજુ પણ 3જી વાર ચૂંટાઈ હેટ્રીક કરશે.

પીએમ મોદીની કુંડળી પરથી પીએમ મોદીનું ભવિષ્ય જાણવામાં આવી રહ્યું છે. જેના કારણે તમામ પ્રશ્નોના જવાબો સામે આવ્યા છે. આ અંગે રાજકીય વર્તુળોમાં મહિનાઓથી ચર્ચા ચાલી રહી છે. ભાજપ 400 પાર કરશે કે નહીં તેનો જવાબ શોધી રહ્યા છે.. વડાપ્રધાન નરેન્દ્ર મોદીનો જન્મ 17 સપ્ટેમ્બર 1950ના રોજ ગુજરાતના વડનગરમાં બપોરે 12:09 કલાકે અભિજીત મુહૂર્તમાં થયો હતો. ચંદ્ર અને મંગળ બંને વૃશ્ચિક રાશિમાં સ્થિત છે. તેમની કુંડળીમાં મંગળ સ્વગૃહમાં છે અને ચંદ્ર દુર્બળ છે. જેના કારણે નીચ રાજભંગ યોગ બની રહ્યો છે.

 PMની કુંડળીમાં 20 વર્ષથી 2 ખાસ યોગ,અપાવે છે સફળતા!

જ્યોતિષ અનુસાર પીએમ મોદીની કુંડળી વૃશ્ચિક રાશિની છે. કુંડળીના કેન્દ્રમાં ગુરુ છે. બે દાયકા સુધી ચંદ્ર અને મંગળનો લક્ષ્મી યોગ છે, જે તેમની સંપત્તિની રક્ષા કરે છે અને રાજકારણમાં પ્રભાવની શક્તિ આપે છે. પીએમ મોદીનો સૂર્ય અગિયારમા ભાવમાં છે જે બારમા ભાવ તરફ જશે. જે આકાશનું ઘર છે, જેના કારણે પ્રકાશ ફેલાઈ શકે છે. હાલમાં ચંદ્રની મહાદશામાં અંતર બ્રજકેસરી યોગ, ધૈર્ય યોગ, મંગલ યોગ, અમર યોગ, શંખયોગ, જ્યેષ્ઠ યોગ વગેરે જેવા અનેક યોગો છે. સૂર્ય બારમા ભાવ તરફ આગળ વધી રહ્યો છે અને અન્ય અનેક સંયોજનોને કારણે નરેન્દ્ર મોદીના પીએમ બનવાની પ્રબળ સંભાવના છે.

 લોકસભા સામાન્ય ચૂંટણી-2024ની મતગણતરી માટે સ્ટાફની કરાઈ ફાળવણી

જિલ્લા ચૂંટણી અધિકારી અને કલેક્ટર પ્રવીણા ડી.કે. તથા ચૂંટણી ઓબ્ઝર્વરોની ઉપસ્થિતિમાં મતગણતરી સ્ટાફનું સેકન્ડ રેન્ડમાઇઝેશન કરવામાં આવ્યું છે.કમ્પ્યૂટરાઇઝ પદ્ધતિથી કરવામાં આવેલ સેકન્ડ રેન્ડમાઈઝેશન દ્વારા અમદાવાદ પૂર્વ અને પશ્ચિમ બેઠક માટે અંદાજે 1200થી વધુ મતગણતરી સ્ટાફની ફાળવણી કરવામાં આવી છે.

જ્યોતિષના મતે આ ચૂંટણી રાહુલગાંધી અને નરેન્દ્ર મોદી વચ્ચે

જ્યોતિષના મતે આ ચૂંટણી રાહુલગાંધી અને નરેન્દ્ર મોદી વચ્ચે છે. ત્યારે પીએમ મોદીના કુંડળીમાં રચાઇ રહેલો રાજયોગ તેમને ત્રીજી વખત વડાપ્રધાન બનાવવા જઇ રહ્યો છે. ત્યારે વાત કરીએ રાહુલ ગાંધીની તો તેમની કુંડળીમાં ગુરુ વક્રી થઇને બિરાજમાન થવાની સાથે જ ભાગેશ 12મા સ્થાને થઇને આઠમા ભાવમાં બેસવુ. તથા ચતુર્થેશ નિમ્ન હોવું. જે જનતાનું સમર્થન પ્રાપ્ત થવા દેતુ નથી. એટલુ જ નહી દશમેશની સ્થિતિ પણ કપરી હોવાથી સત્તાથી ડિસ્ટન્સ બન્યુ રહે છે તેમ જ્યોતિષો કહી રહ્યા છે. જ્યારે પીએમ મોદીની કુંડળીમાં ચતુર્થ ભાવ જનતાના ભાવમાં બિરાજમાન છે. જેનાથી તેમને જનતાનો ભરપૂર સાથે પ્રાપ્ત થશે. તેવામાં કહી શકાય કે રાજયોગ તેમના પક્ષમાં છે.

બપોરે 03 વાગ્યા સુધીના મહત્ત્વના સમાચાર 

1- Vadodaraમાં Smart Meterનું બેસણું યોજી વિરોધ કરાયો

2- Gujarat Weather: રાજ્યમાં 8-9 જૂને મેઘની આગાહી, જાણો કયા શહેરોમાં આવશે વરસાદ

3- Bhavnagarમાં કોર્પોરેશનની મોટી કાર્યવાહી, વિભાવરીબેન દવેનું કાર્યાલય સીલ

4- Amreliના રસ્તા પર 6 સિંહબાળ સાથે 2 સિંહણનું કેટવોક

5- Vadodaraમાં ગરમી જીવલેણ, હીટસ્ટ્રોકથી વધુ 2 લોકોના મોત

6- Ahmedabadના હેલમેટ સર્કલથી RTO જતા રોડને લઈ સ્થાનિકો હેરાન,હજી કામગીરી પૂર્ણ નહી

7- Gold-Silver Price: ચૂંટણીના પરિણામ પહેલા સોના-ચાંદીના ભાવમાં ઘટાડો, જાણો નવી કિંમત

8- Ahmedabadના બોડકદેવમાં આવેલી AMCની ઓફીસમાં ફાયરની બોટલો એકસ્પાયર તારીખ વાળી મળી આવી

9- China: ભારતના ચૂંટણી પરિણામ પર ચીનનો ડોળો, મોદીની જીતનો ચીનનો દાવો

10- Rajkot અગ્નિકાંડ મુદ્દે હાઈકોર્ટમાં થયેલી સુઓમોટોમાં 5 મહાનગરપાલિકાએ કોર્ટમાં કરી એફિડેવિટ

ચૂંટણીના પરિણામ પહેલા સોના-ચાંદીના ભાવમાં ઘટાડો

ભારતીય બુલિયન માર્કેટમાં સોનું અને ચાંદી સસ્તું થઈ ગયું છે. સસ્તું થયા બાદ સોનાની કિંમત 71 હજાર રૂપિયા પ્રતિ 10 ગ્રામને પાર પહોંચી ગઈ છે. તે જ સમયે, ચાંદીની કિંમત 88 હજાર રૂપિયા પ્રતિ કિલોથી વધુ છે. રાષ્ટ્રીય સ્તરે 999 શુદ્ધતાના 24 કેરેટ સોનાના 10 ગ્રામની કિંમત 71405 રૂપિયા છે. જ્યારે 999 શુદ્ધતા ચાંદીની કિંમત 88950 રૂપિયા છે.

અમદાવાદના હેલમેટ સર્કલથી RTO જતા રોડ પર રોડની કામગીરી કરાવમાં આવી 

અમદાવાદના હેલમેટ સર્કલથી RTO જતા રોડ પર રોડની કામગીરી કરાવમાં આવી રહી છે,તંત્રએ ચોમાસા પહેલા આ કામગીરી પતાવા માટે આદેશ કર્યો હતો પરંતુ આ કામગીરી એટલી ગોકળ ગતિએ ચાલી રહી છે કે સ્થાનિકો આ વાતથી હેરાન થઈ ગયા છે.એક તરફ ટ્રાફિની સમસ્યા તો બીજી તરફ ખરાબ રોડ,આખરે જવુ તો કયા જવું તેવી સ્થિતિ સર્જાઈ છે.

Vadodaraમાં Smart Meterનું બેસણું યોજી વિરોધ કરાયો

વડોદરામાં સ્માર્ટ મીટરનો ફરી વિરોધ શરૂ થયો છે. જેમાં વડોદરામાં સ્માર્ટ મીટરનું બેસણુ યોજી વિરોધ કરવામાં આવ્યો છે. તેમાં સુભાનપુરા MGVCL કચેરી બહાર વિરોધ કરવામાં આવ્યો છે. ત્યારે આપવીતી કહેતા મહિલાઓ રડી પડી છે. તેમજ સ્થાનિક મહિલાએ જણાવ્યું છે કે રોજે રોજ પૈસા ક્યાંથી લાવીએ.

Rajkot અગ્નિકાંડ મુદ્દે હાઈકોર્ટમાં થયેલી સુઓમોટોમાં 5 મહાનગરપાલિકાએ કોર્ટમાં કરી એફિડેવિટ

રાજકોટ અગ્નિકાંડ કેસમાં ગુજરાત હાઈકોર્ટમાં તાત્કાલિક સુનાવણી હાથ ધરવામાં આવી હતી,જેમાં મહાનગરપાલિકાની કોર્ટે ઝાટકણી કાઢી હતી.ત્યારે સુઓમોટામાં 5 મહાનગરપાલિકાએ અલગ-અલગ મુદ્દાઓને લઈ કોર્ટમાં એફિડેવિટ કરી હતી.તો આ મામલે ગુજરાત હાઇકોર્ટમાં 6 જુને વધુ સુનાવણી થશે.

ભારતના ચૂંટણી પરિણામ પર ચીનનો ડોળો, મોદીની જીતનો ચીનનો દાવો

દેશ અને દુનિયામાં ભારતીય લોકસભાની ચૂંટણીની આજકાલ ચર્ચા છે. ભારતીય મીડિયા સહિત વિશ્વભરના મીડિયામાં લોકસભા ચૂંટણીના પરિણામોને લઈને વિશ્લેષણ અને એક્ઝિટ પોલ જાહેર થઈ રહ્યા છે. મોટાભાગના એક્ઝિટ પોલમાં 'મોદી સરકાર વધુ એક વખત'ની આગાહી કરવામાં આવી છે. જો કે લોકસભા ચૂંટણીના અંતિમ પરિણામ 4 જૂને આવશે અને ત્યાર બાદ જ સમગ્ર ચિત્ર સ્પષ્ટ થશે. દરમિયાન, ચીન પણ લોકસભા ચૂંટણીમાં ભાજપની ભવ્ય જીતની સંભાવના વ્યક્ત કરી રહ્યું છે અને તેને પોતાના માટે સકારાત્મક સંકેત માની રહ્યું છે. રાષ્ટ્રપતિ શી જિનપિંગના "મૌન" એટલે કે ચીનના મુખપત્ર ગ્લોબલ ટાઈમ્સે નરેન્દ્ર મોદી ફરી એકવાર વડાપ્રધાન બને તો ભારત-ચીન મિત્રતાની સંભાવના વ્યક્ત કરી છે. ગ્લોબલ ટાઈમ્સ ચીનની જિનપિંગ સરકારનું સત્તાવાર અખબાર છે અને તેના મંતવ્યો ચીનના મંતવ્યો માનવામાં આવે છે, તેથી નિષ્ણાતોને ટાંકીને, ગ્લોબલ ટાઈમ્સનો આ લેખ ખૂબ જ મહત્વપૂર્ણ હોવાનું કહેવાય છે.

અમદાવાદ મ્યુનિસિપલ કોર્પોરેશનની ઓફિસમાં દીવા તળે અંધારા જેવી સ્થિતિ

અમદાવાદ મ્યુનિસિપલ કોર્પોરેશનની ઓફિસમાં દીવા તળે અંધારા જેવી સ્થિતિ છે,બોડકદેવમાં કોર્પોરેશનની મોટી ઓફીસ આવેલી છે અને આ ઓફિસમાં રોજના હજારો અરજદારો તેમજ નાગરિકો આવતા હોય છે ત્યારે ઉત્તર-પશ્ચિમ ઝોનની કચેરીમાં ફાયરના સાધનો એક્સ્પાયર થયેલા જોવા મળ્યા છે તો એક્સ્પાયર થયેલી બોટલોને હજુ નથી કરાવી રિફિલ.

ગુજરાત રાજ્યમાં 8-9 જૂને વરસાદની આગાહી કરવામાં આવી

ગુજરાત રાજ્યમાં 8-9 જૂને વરસાદની આગાહી કરવામાં આવી છે. જેમાં સાયક્લોનિક સર્ક્યુલેશન સક્રિય થતાં વરસાદની આગાહી કરવામાં આવી છે. તેમાં વલસાડ, નવસારી, વાપી તથા ડાંગ, છોટાઉદેપુરમાં હળવા વરસાદની આગાહી છે. તેમજ સુરત, દાહોદ તથા દાદરા નગરહવેલીમાં મધ્યમ વરસાદ આવી શકે છે. 

અમદાવાદમાં પાડાના વાંકે પખાલીને ડામ જેવી સ્થિતિ

હેલ્મેટ સર્કલથી RTO જતા રોડને લઈ લોકો પરેશાન છે. છેલ્લા 2 મહિનાથી રોડની કામગીરી ચાલી રહી છે. AMC દ્વારા ધીમી કામગીરીથી લોકો પરેશાન છે. ચોમાસા પહેલા કામ પૂર્ણ કરવા આદેશ અપાયો છે. રોડની કામગીરી હજુ 2 મહિના ખેંચાય તેવી સ્થિતિ છે. 

ભાવનગરમાં કોર્પોરેશનની મોટી કાર્યવાહી

પૂર્વ ધારાસભ્ય વિભાવરીબેન દવેનું કાર્યાલય સીલ કરી દેવામાં આવ્યું છે. BU પરમીશન ના હોવાના કારણે સીલ કરાયું હોવાનું જાણવા મળી રહ્યું છે. અષ્ટ વિનાયક બિલ્ડીંગમાં આવેલ છે વિભાવરીબેનનું કાર્યાલય. અષ્ટ વિનાયક બિલ્ડીંગને સીલ કરાયું છે. 

સુરતમાં નોટબુકના ભાવમાં 15 ટકાનો ઘટાડો

પેપરનો ભાવ ઓછો થતા નોટ બુકના ભાવ ઘટ્યા. નવા સત્રના આરંભ પહેલા વાલીઓને રાહત મળશે. જૂન-જુલાઈમાં માત્ર નોટબુકનો 4થી 5 કરોડનો વેપાર છે. ત્રણ વર્ષ દરમિયાન ભાવ 25થી 30 ટકાનો વધ્યો હતો.

ચૂંટણી પરિણામો પહેલા ECએ કરી પ્રેસ કોન્ફરન્સ
ચૂંટણી આયોગે કહ્યું કે ભારતે મતદાનમાં વર્લ્ડ રેકોર્ડ બનાવ્યો છે. 64.2 કરોડ લોકોએ આ ચૂંટણીમાં મતદાન કર્યુ તો તેમાં 31 કરોડ જેટલી મહિલાઓ હતી. આ ચૂંટણીએ ભારતના મતદાતાઓની શક્તિ બતાવી. મતદાતાઓને ચૂંટણી પંચે ઊભા થઈને આપ્યું સમ્માન. તેઓએ એમ પણ કહ્યું કે અમારા માટે ઐતિહાસિક ક્ષણ છે.

દિલ્હીથી મુંબઇ જતી ફ્લાઇટમાં બોમ્બની અફવા, કરાયુ ઈમરજન્સી લેન્ડિંગ

અવારનવાર ફ્લાઇટમાં બોમ્બની અફવા હોવાના સમાચાર સામે આવી રહી છે. રોજ બરોજ એક ઘટના તો પ્રકાશમાં આવે જ છે. ત્યારે વધુ એકવાર ફ્લાઇટમાં બોમ્બ હોવાનું સામે આવતા મુસાફરોના જીવ તાળવે ચોંટ્યા હતા. અકાસા એરલાઇન્સમાં દિલ્હીથી મુંબઇ જતી ફ્લાઇટમાં બોમ્બ હોવાની માહિતી મળતા જ ક્રૂ સહિત મુસાફરો મુશ્કેલીમાં મુકાયા હતા. પરિણામે અમદાવાદ એરપોર્ટ પર ફ્લાઇટનું ઇમરજન્સી લેન્ડિંગ કરવામાં આવ્યું હતું.

અમરેલીમાં સિંહોનો લટાર મારતો વીડિયો વાયરલ 

અમરેલીમાં સિંહોનો લટાર મારતો વીડિયો વાયરલ થયો છે. જેમાં ધારીના મોરજર ગામનો વીડિયો વાયરલ થઇ રહ્યો છે. તેમાં 2 સિંહણ 6 સિંહબાળ સાથે સિંહોની લટાર સામે આવી છે. રાહદારીએ સિંહોનો લટારનો વીડિયો વાયરલ કર્યો છે. સિંહોના સામ્રાજ્ય ગણાતા ધારી પંથકમાં સિંહોના વીડિયો વાયરલ થયો છે.

વડોદરામાં ગરમી જીવલેણ બની વધુ 2 વ્યક્તિઓના મોત 

વડોદરામાં ગરમી જીવલેણ બની છે. જેમાં વધુ 2 વ્યક્તિઓના મોત થયા છે. તેમાં SSG હોસ્પિટલમાં હીટસ્ટ્રોક વોર્ડમાં પ્રૌઢનું મોત થયુ છે. વેમાલી અને હાલોલના દર્દીનું SSGમાં મોત થયુ છે. હાવ શહેરમાં ગરમીનો પારો ઘટ્યો છે. ત્યારે રવિવારે ગરમીમાં વધુ બે વ્યક્તિના શંકાસ્પદ મોત  નીપજયા છે. જેમાં એસએસજી હોસ્પિટલના હીટસ્ટ્રોક  વોર્ડમાં સારવાર લઇ રહેલા પ્રૌઢનું મોત થતા પરિવારમાં શોકનો માહોલ છવાયો છે. 

બપોરે 12 વાગ્યા સુધીના મહત્ત્વના સમાચાર 

1- Surat શહેરમાં એકલા રિક્ષામાં બેસતા સાવધાન, લૂંટ કરતી ગેંગનો આતંક

2- Rajkot અગ્નિકાંડ કેસને લઈ સૌથી મોટા સમાચાર, મનપાના અધિકારીઓ થયા સસ્પેન્ડ

3- Surat News: રૂ.45 કરોડના પ્રોજેક્ટ માટે બિલ્ડરોનું કારસ્તાન, મૃતકને જીવિત બતાવ્યો

4- Surat News: ટિકટોક સ્ટાર કીર્તિ પટેલ ફરી આવી વિવાદમાં

5- Vadodaraથી વોન્ટેડ લૂંટેરી દુલ્હન ગેંગ ઝડપાઈ, હવે થશે મોટા ખુલાસા

6- Gujarat Weather: રાજ્ય તરફ અરબી સમુદ્રમાંથી આવતા પવનની ગતિ વધી

7- Chris Wood: બોલ વાગતા જ ક્રિઝ પર પડ્યો બેટ્સમેન,બોલરે કર્યુ આવુ

8- Surat News : સિટી બસચાલકો બન્યા બેફામ, બાળકને લીધો અડફેટે

9- Khedaના ગળતેશ્વરમાં અમદાવાદના 3 યુવકો ડૂબી જતા મોત,એકનો થયો બચાવ

10- Loksabha Election Result: ઉદ્ધવ ઠાકરે 15 દિવસમાં PMમોદી સાથે દેખાશે,રવિ રાણાનો દાવો

ગળતેશ્વરમાં અમદાવાદના 3 યુવકો ડૂબી જતા મોત,એકનો થયો બચાવ

અમદાવાદથી ખેડાના ગળતેશ્વર ખાતે 9 મિત્રો ફરવા ગયા હતા તે દરમિયાન 3 મિત્રો નદીમાં સ્નાન કરવા માટે ગયા હતા તે દરમિયાન 3 મિત્રો ડૂબી જતા મોતને ભેટયા છે,બીજી તરફ સ્થાનિક તરવૈયાઓ દ્રારા એક વ્યકિતનો બચાવ કરવામાં આવ્યો છે.મરણજનાર સુનિલ કુશવાહ વટવા હિતેશ ચાવડા ખોખરા તો ત્રીજા મૃતદેહની ઓળખ કરવાની બાકી છે.

ભાવનગરના ઘોઘાના ભુતેશ્વર ગામે જૂથ અથડામણ

ભાવનગરના ઘોઘાના ભુતેશ્વર ગામે જૂથ અથડામણ. જૂની અદાવતમાં 2 જૂથ વચ્ચે હથિયારોથી હુમલો, સામસામે હુમલામાં બન્ને પક્ષે 15 લોકો ઘાયલ. લોકોના ટોળાએ ઘર અને વાહનોમાં કરી તોડફોડ, ભુતેશ્વર ગામે પોલીસનો ચુસ્ત બંદોબસ્ત ગોઠવાયો

મુઈજ્જુ સરકારનો મોટો નિર્ણય, આ દેશના નાગરિકોની એન્ટ્રી કરી બેન!

રવિવારે માલદીવના રાષ્ટ્રપતિ મોહમ્મદ મુઈજ્જુ ની ઓફિસમાં ભારે હોબાળો જોવા મળ્યો હતો. એક પછી એક ઈમરજન્સી મીટીંગ બોલાવવામાં આવી. આ પછી ચીનના નિર્દેશ પર કામ કરતા માલદીવે એક મોટી જાહેરાત કરી છે. આ જાહેરાતની મોટી અસર થવાની છે. પહેલા એવું લાગતું હતું કે માલદીવ ભારતને લઈને કેટલાક મોટા નિર્ણયો લેવા જઈ રહ્યું છે, પરંતુ બાદમાં માલદીવે જાહેરાત કરી છે કે તે હવે ઈઝરાયેલના નાગરિકોના પ્રવેશ પર પ્રતિબંધ લગાવશે.

આવતીકાલે સમગ્ર દેશ માટે મહત્વનો દિવસ 

આવતીકાલે સમગ્ર દેશ માટે મહત્વનો દિવસ છે,કારણકે આવતીકાલે એટલે કે 4 જૂનના રોજ દેશમાં લોકસભા 2024ના પરિણમો જાહેર થશે,તો બીજી તરફ ચૂંટણીપંચ અને તમામ અધિકારીઓ દ્રારા તૈયારીઓ પૂર્ણ કરી દેવામાં આવી છે,લોકસભા બેઠકમાં આવતી વિધાનસભા દીઠ મત ગણતરી હાથ ધરાવામાં આવશે તો ગાંધીનગર લોકસભા બેઠકની મતગણતરી ગાંધીનગર આર્ટસ એન્ડ કોમર્સ કોલેજમાં યોજવામાં આવશે.

સુરતમાં રિક્ષામાં બેસાડી લૂંટ કરતી ગેંગનો આતંક 

સુરતમાં રિક્ષામાં બેસાડી લૂંટ કરતી ગેંગનો આતંક જોવા મળ્યો છે. જેમાં રિક્ષામાં બેસાડી વેપારી પાસે લૂંટ ચલાવી છે. મહિધરપુરામાં ચપ્પુ મારી વેપારીને લૂંટ્યો છે. શહેરમાં ઇમરાન બીડી ગેંગ અને તેના સાગરીતનો તરખાટ છે. જેમાં  27 ગુનાઓને આ ગેંગના સભ્યો અંજામ આપી ચૂક્યા છે. જેમાં શહેરના વેપારીઓ તથા લોકો રીક્ષામાં બેસતા ગભરાઇ રહ્યા છે. 

રાજકોટ અગ્નિકાંડને લઈ સૌથી મોટા સમાચાર સામે આવ્યા

રાજકોટ અગ્નિકાંડને લઈ સૌથી મોટા સમાચાર સામે આવ્યા છે. જેમાં રાજકોટ અગ્નિકાંડને લઇ મનપાના અધિકારીઓ સસ્પેન્ડ થયા છે. મનસુખ સાગઠીયા અને મુકેશ મકવાણાને ફરજ મોકૂફ કરાયા છે. તેમાં કસ્ટડીમાં હોવાથી પોલીસના અભિપ્રાય બાદ સસ્પેન્ડ કરાયા છે. અગાઉ ગૌતમ જોશી, રોહિત વિગોરાને સસ્પેન્ડ કર્યા હતા.

અમદાવાદ લોકસભા પૂર્વ અને પશ્ચિમનું મત ગણતરી કેન્દ્ર ગુજરાત કોલેજ અને એલડી એન્જિનિયરિંગ કોલેજ

લોકસભા 2024ના ચૂંટણી પરિણામને હવે ગણતરીના કલાકો બાકી રહ્યાં છે, ત્યારે ચૂંટણીપંચ દ્રારા પણ તમામ તૈયારીઓ પૂર્ણ કરી દેવામાં આવી છે, અમદાવાદ લોકસભા પૂર્વ અને પશ્ચિમનું મત ગણતરી કેન્દ્ર ગુજરાત કોલેજ અને એલડી એન્જિનિયરિંગ કોલેજ છે,ત્યારે કોઈ ઘટના ના બને તેને લઈ મત ગણતરી કેન્દ્ર બહાર પોલીસનો ચુસ્ત બંદોબસ્ત ગોઠવાયો છે.

Rajkot News: 3 દિવસમાં ફાયર NOC વગરની 47 સ્કૂલ સીલ

રાજકોટ મહાનગરપાલિકા વિસ્તારમાં આવેલી હોસ્પિટલ, બિલ્ડીંગ, ટયુશન કલાસીસ, મોલ અને શોપિંગ કોમ્પલેક્ષ, કોમ્યુનિટી હોલ, ઓડીટોરિયમ, સિનેમા હોલ, વોટર પાર્ક તથા અન્ય જાહેર સ્થળ કે જ્યાં પબ્લિક એકત્ર થતી હોય તે વિસ્તારની ફાયર સેફટીની ચકાસણી કરવા માટે મ્યુનિસિપલ તંત્ર દોડતુ થયુ છે. કોર્પોરેશન દ્વારા કાર્યવાહી કરવામાં આવી છે. રાજકોટ અગ્નિકાંડ બાદ તંત્ર દોડતુ થયુ છે. 3 દિવસમાં ફાયર NOC વગરની 47 સ્કૂલ સીલ કરી દેવામાં આવી છે. ધોળકિયા,ન્યુએરા સહિતની શાળાઓ નિયમોનું કરતી હતી ઉલ્લંઘન. નાની મોટી 47 સ્કૂલોને સીલ મારી દેવામાં આવી છે.

સુરતમાં રૂપિયા 45 કરોડના પ્રોજેક્ટ માટે બિલ્ડરોનું કારસ્તાન સામે આવ્યું 

સુરતમાં રૂપિયા 45 કરોડના પ્રોજેક્ટ માટે બિલ્ડરોનું કારસ્તાન સામે આવ્યું છે. જેમાં મૃતકને જીવિત બતાવી 4 ભાગીદારે પ્રોજેક્ટ પચાવ્યો છે. તેમાં બાંધકામ પ્લાન મંજૂર કરાવવા બોગસ સહીઓ કરી હતી. જેમાં 2012માં મૃતકને 2016માં જીવિત બતાવી ખોટી સહી કરી હતી. કોસાડમાં પોણા આઠ કરોડની જમીન ભાગીદારીમાં ખરીદી હતી. જેમાં દિવ્ય મોલ ઊભો કર્યા બાદ પ્રોજેક્ટ પચાવી પાડ્યો હતો. 

SG હાઈવે પર અજાણ્યા વાહનની અડફેટે ટુ-વ્હીલર ચાલકનું મોત

અમદાવાદમાં અકસ્માત થવાની ઘટના સામન્ય બનતી જાય છે,ગઈકાલે પણ થલતેજ પાસે કાર ચાલકે એક પરિવારને અડફેટે લીધો હતો.જેમાં કિશોરીનું સારવાર દરમિયાન મોત થયું હતુ,ત્યારે ગતમોડી રાત્રે એસજી હાઈવે પર અજાણ્યા ટુ-વ્હીલર ચાલકે એક યુવકને અડફેટે લેતા તેનું ઘટના સ્થળે મોત થયું હતુ,તો એસ.જી ટ્રાફિક પોલીસ વિભાગે અજાણ્યા વાહન ચાલક વિરુદ્ધ ગુનો નોંધી વધુ કાર્યવાહી હાથધરી છે.

શેરબજારમાં બમ્પર ઉછાળો,સેન્સેક્સમાં 2000 અંકોનો વધારો

શેર બજાર શરૂ થતાની સાથે જ તેજી જોવા મળી છે.  એક્ઝિટ પોલ બાદ શેર બજાર જબરદસ્ત તેજી સાથે ઓપન થયુ છે. સેન્સેક્સ 2 હજાર પોઇન્ટના વધારા સાથે 75 હજાર 961 પર ઓપન થયુ હતું. જ્યારે નિફ્ટી 614 પોઇન્ટના વધારા સાથે 23,148 અંક પર ખૂલ્યો હતો. આમ 4 જૂને ચૂંટણી પરિણામના આગલા દિવસે જ સપ્તાહના શરૂઆતમાં બજારમાં તેજી જોવા મળતા રોકણકારો ખુશખુશાલ ઝૂમી ઉઠ્યા હતા.  

ટિકટોક સ્ટાર કીર્તિ પટેલ ફરી વિવાદમાં આવી 

ટિકટોક સ્ટાર કીર્તિ પટેલ ફરી વિવાદમાં આવી છે. જેમાં વેપારી પાસે રૂપિયા 2 કરોડની ખંડણી માગતા ફરિયાદ થઇ છે. સુરતના કાપોદ્રા પોલીસ મથકે કીર્તિ પટેલ સામે ફરિયાદ થઇ છે. કીર્તિ પટેલ અને તેના સાગરીતો વિરુદ્ધ ગુનો દાખલ કરવામાં આવ્યો છે. જેમાં કાપોદ્રા પોલીસે એક વ્યક્તિની ધરપકડ  કરી છે. 

દેશમાં ક્યાંક વરસાદ તો ક્યાંક હિટવેવ 

દેશમાં ક્યાંક વરસાદ તો ક્યાંક હિટવેવ જોવા મળી રહી છે. કેરળમાં ચોમાસુ પહોંચ્યુ છે જ્યારે આસામ અને મિઝોરમમાં રેમલ વાવાઝોડાને કારણે પૂરની સ્થિતિ સર્જાઇ છે. તેવામાં ઉત્તર ભારત કાળઝાળ ગરમીમાં શેકાઇ રહ્યુ છે 

રાજકોટ ગેમ ઝોન દુર્ઘટના બાદ તંત્ર હરકતમાં આવ્યું 

રાજકોટ ગેમ ઝોન દુર્ઘટના બાદ તંત્ર હરકતમાં આવ્યું છે દિવસ રાત એક કરી આળસ મરડી ઉભુ થયેલુ તંત્ર અંતે કામે લાગ્યુ છે. વડોદરામાં ફાયર વિભાગ દ્વારા શહેરના અનેક વિસ્તારોમાં કાર્યવાહી કરવામાં આવી હતી. મહાનગરપાલિકાના વિસ્તારમાં આવેલી સંસ્થાઓ જેવી કે હોસ્પિટલો, શાળાઓ, ટયુશન કલાસીસ, હોટલ, ગેસ એજન્સીઓ, ગોડાઉન મોલ વગેરેનું સતત અને સઘન ચેકીંગ કરી રહી છે.

ઓડિશામાં ગરમીનો હાહાકાર, અત્યારસુધીમાં 141 લોકોના હિટ સ્ટ્રોકથી મોત

ઓડિશામાં ગરમીએ કહેર વર્તાવ્યો છે. ગરમીને કારણે મોતની સંખ્યા વધી રહી છે. કહેવામાં આવી રહ્યું છે કે 72 કલાકમાં લૂ લાગવાના 99 કેસ નોંધાયા છએ. . સ્પેશિયલ રિલીફ કમિશનરનું કહેવું છે કે અત્યાર સુધીમાં હીટ સ્ટ્રોકને કારણે કુલ 141 મોત નોંધાયા છે જેમાંથી 26 લોકોના મોત હીટસ્ટ્રોકને કારણે થયાની પુષ્ટિ થઈ છે.

વડોદરાથી વોન્ટેડ લૂંટેરી દુલ્હન ગેંગ ઝડપાઈ 

વડોદરાથી વોન્ટેડ લૂંટેરી દુલ્હન ગેંગ ઝડપાઈ છે. જેમાં કિશનવાડીમાંથી મહેન્દ્ર વણકર સહિત 5ની ધરપકડ કરવામાં આવી છે. તેમાં અંજારના પરિવાર પાસે રૂ.2.50 લાખ પડાવ્યા છે. જેમાં માતા બીમાર હોવાનું કહીને લૂંટેરી દુલ્હન રફુચક્કર થઇ હતી. ત્યારે લૂંટેરી દુલ્હન સહિત 3 યુવતીઓ, 2 પુરુષની ધરપકડ કરવામાં આવી છે. 

રાજ્યમાં ગરમીનો પ્રકોપ ઘટ્યો

રાજ્યમાં ગરમીનો પ્રકોપ ઘટ્યો છે. જેમાં પવનની દિશા બદલાતા ગરમીમાં ઘટાડો થયો છે. તેમજ રાજ્યમાં ગરમી હવે ધીરે ધીરે વિદાય લેશે. રાજ્ય તરફ અરબી સમુદ્રમાંથી આવતા પવનની ગતિ વધી છે. જેમાં રાજ્યમાં પવનની ગતિ 25/30 કિમી પ્રતિકલાકની રહેશે.