Gujarat Latest News Live : સુરતના રઘુકુળ માર્કેટમાં દુકાનમાં આગ લાગતા દોડધામ મચી

WFIની મોટી કાર્યવાહી, 11 રેસલરને નકલી બર્થ સર્ટિફિકેટ મામલે કર્યા સસ્પેન્ડ

7 ઓગસ્ટના રોજ રેસલિંગ ફેડરેશન ઓફ ઈન્ડિયા એટલે WFIએ 11 કુસ્તીબાજોને લઈને એક મોટો નિર્ણય લીધો જેમાં તેમને નકલી બર્થ સર્ટિફિકેટ સબમિટ કરવા બદલ સસ્પેન્ડ કરવામાં આવ્યા હતા. લાંબા સમયથી ભારતીય કુસ્તીમાં ઘણા કુસ્તીબાજોની ઉંમર અંગે ફરિયાદો નોંધાઈ રહી હતી, ત્યારબાદ દિલ્હી મ્યુનિસિપલ કોર્પોરેશનએ 110 સર્ટિફિકેટની તપાસ કરી જેમાં તેમને કહ્યું કે તેમની તરફથી કોઈ ભૂલ થઈ નથી કારણ કે 95 રજીસ્ટ્રેશન જે વિલંબિત હતા તે MCD ના આદેશ પર કરવામાં આવ્યા હતા. એક તરફ જ્યારે ઘણા કુસ્તીબાજો તેમની ઉંમર ઓછી બતાવી રહ્યા છે, તો બીજી તરફ તેઓ અન્ય રાજ્યોમાંથી રમવા માટે નકલી રહેઠાણ સર્ટિફિકેટ પણ બનાવી રહ્યા છે.

ભાવનગર શહેરમાં જાહેરમાં મારામારીનો વીડિયો વાયરલ

• મોતીતળાવ વિસ્તારમાં જોવા મળ્યા મારામારીના દ્રશ્ય 
• એક જ સમુદાયના 2 પરિવારો વચ્ચે સર્જાઈ મારામારી
• બોરતળાવ પોલીસે વધુ તપાસ હાથ ધરી

Ahmedabad : બોપલ ફાયરિંગ કેસમાં ખુલાસો, બે આરોપીઓ પાસેથી મૃતકે મગાવ્યું હતું હથિયાર

અમદાવાદના બોપલમાં થોડા દિવસ પહેલા જ થયેલા ફાયરિંગના કેસમાં મોટો ખુલાસો થયો છે. પોલીસે આ કેસ મામલે બે આરોપીઓની ધરપકડ કરી લીધી છે. બંને આરોપીઓ પાસેથી મૃતકે એક દિવસ અગાઉ જ હથિયાર મગાવ્યું હતું. આપઘાત કરી લેતા બે આરોપીઓ હથિયાર લઈને ભાગ્યા હતા. ત્યારે આ મામલે મૃતક સહિત 3 લોકો સામે ગેરકાયદેસર હથિયારનો ગુનો દાખલ કરવામાં આવ્યો છે. આ સાથે જ આપઘાત મામલે પણ હાલમાં તપાસ ચાલી રહી છે.  

સુરતમાં બેફામ કારચાલકે 2 લોકોનો ભોગ લીધો

• ઓલપાડ -સાયણ રોડ પર સર્જ્યો અકસ્માત
• નશામાં કારચાલકે 2 સાયકલ ચાલકને ઉડાવ્યા
• 2 સાયકલ ચાલકના મોત, એક ગંભીર
• પોલીસે ઘટનાસ્થળે પહોંચી કાર્યવાહી શરૂ કરી

સમગ્ર કેસમાં તટસ્થ તપાસ કરવાની માગ

ગઈકાલે પણ ભુજમાં વિશાળ રેલી યોજીને કલેકટરને યુવતીને યુવકના ચુંગાલમાંથી છોડવા મુદ્દે રજૂઆતો કરી હતી. ત્યારે આજે આ યુવતીએ પોલીસ સમક્ષ પોતાનું નિવેદન નોંધાવ્યું હતું. હિન્દૂ યુવતીએ પોતાની મરજીથી મુસ્લિમ યુવક સાથે લગ્ન કર્યા હોવાનો દાવો કર્યો છે. યુવતીના આ નિવેદન મામલે પરિવારજનો અને સામાજિક  આગેવાનો કહી રહ્યા છે કે યુવતીનું આ નિવેદન મુસ્લિમ યુવકના દબાણ હેઠળ આપ્યું છે. તેમજ  લગ્ન માટે ખોટા દસ્તાવેજો ઉભા કરીને લગ્નની નોંધણી કરાવી છે. આ સમગ્ર કેસમાં તટસ્થ તપાસ કરવાની માગ સામાજિક આગેવાનો દ્વારા કરવામાં આવી છે. આ સાથે જ સામાજિક આગેવાનોએ પોલીસની કામગીરી પર પણ સવાલો ઉઠાવ્યા છે અને આવી ઘટનાઓમાં પ્રથમવાર કોઈ યુવતીનું નિવેદન લઈને યુવતીની ઓળખ છતી કરી છે. જેને લઈને સમાજમાં ભારે આક્રોશ છે.

Kachchh : અબડાસામાં હિન્દુ યુવતીને મુસ્લિમ યુવક ભગાડી ગયો હોવાના કેસમાં આવ્યો નવો વળાંક 

અબડાસા તાલુકાની હિન્દુ યુવતીને મુસ્લિમ યુવક ભગાડી ગયો હોવાના કેસમાં નવો વળાંક આવ્યો છે. આજે આ યુવતીએ પ્રેસ કોન્ફરન્સ કરીને તે પોતાની મરજીથી મુસ્લિમ યુવક સાથે લગ્ન કર્યા હોવાનો દાવો કર્યો છે. આજથી એક મહિના અગાઉ અબડાસા તાલુકાના ખારુઆ ગામની હિન્દૂ યુવતીને મુસ્લિમ યુવક ભગાડી ગયો હોવાની ઘટના સામે આવી હતી. ત્યારબાદ યુવતીના પરિવારનો અને સમાજ દ્વારા સાથે અનેક વખત પોલીસને રજૂઆતો કરી હતી. 

કડીમાં હિટ એન્ડ રનમાં બે યુવકોના મોત

• દુધઇ-જયદેવપુરા માર્ગ વચ્ચે હિટ એન્ડ રનની ઘટના
• કારે એક્ટિવાને ટક્કર મારતા ગંભીર અકસ્માત
• અસ્કમાતમાં એક્ટિવા પર સવાર બે યુવકોના મોત  
• બન્ને યુવકો દુધઈ ગામે રહી મજૂરી કામ કરતા હતા
• કડી પોલીસે સમગ્ર મામલે વધુ તપાસ હાથ ધરી

આ કેસમાં NIA સતત તપાસ કરી રહી છે

આ કેસ હરિયાણાના નારાયણગઢના રહેવાસી શુભમ સૈનીના અમેરિકામાં ગેરકાયદેસર ઈમિગ્રેશન સાથે સંબંધિત છે. આ વર્ષે જાન્યુઆરીમાં તેને યુ.એસ. અધિકારીઓ દ્વારા સરહદ પર પકડવામાં આવ્યો હતો અને ભારત મોકલવામાં આવ્યો હતો. નારાયણગઢ પોલીસને કરેલી ફરિયાદમાં સૈનીએ ખુલાસો કર્યો હતો કે તેને દક્ષિણ અને મધ્ય અમેરિકન દેશોમાંથી યુ.એસ. લઈ જવામાં આવ્યો હતો. તેને વિદેશમાં કેદ કરવામાં આવ્યો હતો અને અનેક તબક્કામાં દુર્વ્યવહાર અને ખંડણીનો ભોગ બન્યો હતો. તેણે અને તેના પરિવાર દ્વારા સિન્ડિકેટને કુલ 42 લાખ ચૂકવ્યા હતા. આ કેસમાં NIA સતત તપાસ કરી રહી છે, જેના મુખ્ય આંતરરાષ્ટ્રીય સંબંધો છે, જેથી કાવતરામાં સામેલ અન્ય લોકોને ઓળખી શકાય અને તેમની ધરપકડ કરી શકાય.

બંને આરોપીઓ એક આંતરરાષ્ટ્રીય સિન્ડિકેટનો ભાગ હતા

NIA તપાસમાં જાણવા મળ્યું છે કે રવિ અને ગોપાલ, બંને કરનાલ જિલ્લાના રહેવાસી છે અને એક આંતરરાષ્ટ્રીય સિન્ડિકેટનો ભાગ હતા. જે ભારતીય નાગરિકોને યુ.એસ.માં કાયદેસર મુસાફરીના ખોટા વચનો આપીને લલચાવતા હતા. ગોપાલે જય કુમાર, અન્ય એક મુખ્ય આરોપી અને રવિ સાથે અનેક પીડિતોના ગેરકાયદેસર ઈમિગ્રેશનમાં કાવતરું ઘડ્યું હતું. તેણે માત્ર હોટલ બુકિંગ અને પીડિતોના પ્રવાસના કાર્યક્રમોનું સંચાલન જ કર્યું ન હતું, પરંતુ અન્ય સહ-પીડિતો માટે એજન્ટ તરીકે પણ કામ કર્યું હતું. NIAના અત્યાર સુધીના તારણો મુજબ તેણે પીડિતો અને તેમના પરિવારો પાસેથી ચૂકવણી એકત્રિત કરવામાં અન્ય આરોપીઓને મદદ કરી હતી.

Illegal Immigration Case : માનવ તસ્કરી કેસમાં NIAને મળી મોટી સફળતા, હરિયાણાના 2 આરોપીઓની કરી ધરપકડ

નેશનલ ઈન્વેસ્ટિગેશન એજન્સી (NIA)એ ગુરુવારે કુખ્યાત ડંકી રૂટ દ્વારા ગેરકાયદેસર ઈમિગ્રેશનની માનવ તસ્કરીના કેસમાં બે આરોપીઓની ધરપકડ કરી છે. જે બંને હરિયાણાના રહેવાસી છે. આ કેસમાં હરિયાણા અને પંજાબમાં ચાર સ્થળોએ વ્યાપક શોધખોળ દરમિયાન આરોપીઓ, રવિ કુમાર અને ગોપાલ સિંહને કસ્ટડીમાં લેવામાં આવ્યા હતા. હરિયાણાના કરનાલ જિલ્લામાં બે સ્થળોએ શોધખોળ કરવામાં આવી હતી, જ્યારે NIA ટીમો આજે સવારે યમુના નગર (હરિયાણા) અને ગુરદાસપુર (પંજાબ)માં એક-એક સ્થળે ભેગા થઈ હતી. ઈમિગ્રેશન રેકેટ સાથે જોડાયેલા ગુનાહિત કાવતરા અંગેના વધુ પુરાવા માટે શોધખોળ દરમિયાન જપ્ત કરાયેલા ડિજિટલ ઉપકરણો અને અન્ય સામગ્રીની તપાસ કરવામાં આવી રહી છે.

Dharali Cloudburst: ગુજરાતના 141 પ્રવાસીઓ ફસાયા, પરત લાવવા ગુજરાત સરકાર પ્રયત્નશીલ

ઉતરાખંડના ઉત્તરકાશી જિલ્લામાં મંગળવારે વરસેલા ભારે વરસાદ પછી ખીર ગંગા નદીમાં અચાનક આવેલા પૂરના કારણે ધારેલી શહેરમાં સર્જાયેલ પુરની સ્થિતિ અંગે માહિતી આપતા પ્રવક્તા મંત્રી ઋષિકેશ પટેલે જણાવ્યું હતું કે, ગુજરાતના પાટણ, બનાસકાંઠા, અમદાવાદ, ભાવનગર અને વડોદરાના પ્રવાસીઓ ત્યાં હોવાની  માહિતી રાજ્ય સરકારને મળી છે. મુખ્યમંત્રી ભુપેન્દ્ર પટેલની સૂચનાને પગલે રાજ્ય સરકારના સ્ટેટ ઈમરજન્સી ઓપરેશન સેન્ટરના અધિકારીઓ ઉત્તરાખંડના એસ.સી.ઓ.સીના અધિકારીઓ સાથે સંપર્કમાં રહીને ગુજરાતના 141 પ્રવાસીઓને પરત લાવવાની કામગીરી શરૂ કરી દેવાઈ  છે. વધુમાં પ્રવક્તા મંત્રી ઋષિકેશ પટેલે જણાવ્યું હતું કે, હાલની ખરાબ વાતાવરણની પરિસ્થિતિને ધ્યાને રાખીને આ પ્રવાસીઓનો એરલિફ્ટ પોસિબલ ન હોવાનું ત્યાંની સરકારે જણાવ્યું છે. તમામ પ્રવાસીઓ સુરક્ષિત છે જેમને  મેડિકલ આસિસ્ટન્ટની જરૂર પડી છે તેમને તમામ પ્રકારની મેડિકલ સારવાર સહાય પૂરી પાડવામાં આવી રહી હોવાનું ઉત્તરાખંડ સરકારે જણાવ્યું છે.

સોમનાથ કોરિડોર વિરોધનો મુદ્દો

• વેરાવળ MLA વિમલ ચુડાસમાની બેઠક
• પ્રભાવિત વિસ્તારના લોકો યોજી બેઠક
• લોકોની સમસ્યાઓને લઇ ચર્ચાઓ કરી

ઇમિગ્રેશન માનવ તસ્કરી કેસમાં 2ની ધરપકડ

ગેરકાયદેસર ઇમિગ્રેશન માનવ તસ્કરી કેસમાં 2ની ધરપકડ કરવામાં આવી છે. NIAએ હરિયાણાના 2 આરોપીઓની ધરપકડ કરી છે.રવિ કુમાર, ગોપાલ સિંહની NIAએ ધરપકડ કરી છે.ગોપાલે ગેરકાયદે ઇમિગ્રેશનમાં કાવતરું ઘડ્યું હતું.આરોપીઓ નાગરિકોને ખોટા વચનો આપી લલચાવતા હતાં. 

AMCમાં IAS ઓફિસર કરતા IT પ્રોફેશનલ ને વધારે પગાર

અમદાવાદ મહાનગર પાલિકામાં આઇટી પ્રોફેશન પદ પર છેલ્લા 5 વર્ષથી ભરતી કરવામાં આવી છે. જેને લઇને હવે વિવાદ થયો છે કારણ કે IAS કરતા IT પ્રોફેશનલ મોંઘા પડી રહ્યાં હોવાનું સામે આવ્યું છે.વિપક્ષ દ્વારા આરોપ લગાવવામાં આવ્યો છે કે IAS ઓફિસર કરતા IT પ્રોફેશનલ ને વધારે પગાર ચૂકવવામાં આવી રહ્યો છે.હાલમાં મનપામાં આવી 20 પોસ્ટ છે.જેના માસિક 31.54 લાખ ચૂકવાય છે જે હિસાબે વાર્ષિક 3.40 કરોડ જ્યારે છેલ્લા 5 વર્ષમાં 17 કરોડ જેટલી માતબર રકમ ચૂકવી દેવામાં આવી છે.હવે સવાલ એ ઉઠાવવામાં આવ્યો છે કે આ ભરતી કાયમી કરવામાં નથી આવી આઉટ સોર્સ થી કરવામાં આવી છે ભરતી માટે કોઈ ધારા ધોરણ નક્કી કરવામાં નથી આવ્યા.

ખેડાના કપડવંજ પાસે ઇકો કાર કેનાલમાં ખાબકી 

ખેડાના કપડવંજ પાસે ઈકો કાર કેનાલમાં ખાબકી હતી. સોરણા પાસે ડંગાની મુવાડી સર્વિસ રોડ પર ઘટના સામે આવી છે. ઇકો કારમાં એક વ્યક્તિ હોવાનું અનુમાન લગાવાઈ રહ્યું છે. ફાયર બ્રિગેડની ટીમ દ્વારા શોધખોળ હાથ ધરાઇ

વર્ષ 2023માં રજૂ થયેલી ગુજરાતી ફિલ્મોના એવોર્ડ જાહેર

ગુજરાતી ફિલ્મો માટે રાજ્ય સરકારે પારિતોષિક જાહેર કર્યા છે. 40 કેટેગરી માટે પારિતોષિક અને પ્રોત્સાહક રકમ જાહેર કરવામાં આવી છે. વર્ષ 2023માં આવેલી ગુજરાતી ફિલ્મો માટે પારિતોષિક જાહેર કરવામાં આવ્યાં છે. 

હિંમતનગરના ઘોરવાડા ગામે દંપતીનો આપઘાત

હિંમતનગરના ઘોરવાડા ગામમાં અગમ્ય કારણોસર દંપતિએ ઝેરી દવા ગટગટાવી આપઘાત કર્યો હોવાનો બનાવ સામે આવ્યો છે. ત્રણ સંતાનોના માતા-પિતાએ આત્મહત્યા કરતા ચકચાર મચી જવા પામી છે.દંપતીના મૃતદેહોને પીએમ અર્થે ખસેડાયા છે.પોલીસે સમગ્ર મામલે વધુ તપાસ હાથ ધરી છે. 

અમદાવાદમાં 13 ઓગસ્ટે તિરંગાયાત્રા યોજાશે

અમદાવાદમાં 13મી ઓગસ્ટે તિરંગા યાત્રા યોજાશે. મુખ્યમંત્રી ભુપેન્દ્ર પટેલ તિરંગાયાત્રામાં જોડાશે.અંદાજે 25000 લોકો તિરંગાયાત્રામાં જોડાશે.રામેશ્વર મંદિરથી કુબેરનગરના માર્ગ પર તિરંગાયાત્રા યોજાશે. 10 ઓગષ્ટે અલગ-અલગ વોર્ડમાં તિરંગાયાત્રા યોજાશે.એક વોર્ડમાં એક લાખ તિરંગા આપવાનું આયોજન કરાયું છે.  

AMTS-BRTSમાં મહિલાઓ માટે ફ્રી મુસાફરી 

સુરતના રઘુકુળ માર્કેટમાં એક દુકાનમાં આગ લાગવાનો બનાવ બન્યો છે. આગ લાગતા અફરા તફરીનો માહોલ સર્જાયો હતો.ફાયર વિભાગ તાત્કાલિક ઘટના સ્થળે પહોંચીને આગ પર પાણીનો મારો ચલાવી આગ પર કાબુ મેળવ્યો હતો. આગ કાબુમાં આવતા વેપારીઓએ રાહતનો શ્વાસ લીધો હતો. 

રક્ષાબંધન પર્વને લઈને AMCનો નિર્ણય 

રક્ષાબંધન પર્વને લઈ અમદાવાદ મહાનગર પાલિકા દ્વારા મહત્વનો નિર્ણય કરવામાં આવ્યો છે. શહેરમાં AMTS-BRTSમાં મહિલાઓ ફ્રીમાં મુસાફરી કરી શકશે. એક દિવસ મહિલાઓ કરી શકશે ફ્રી મુસાફરી

વાંચો 06 વાગ્યા સુધીના મહત્વના સમાચાર

1. Shubman Gill આ ટીમની કરી શકે છે કેપ્ટનશીપ, BCCI આપશે મોટી જવાબદારી!

2. VP Election 2025: ઉપરાષ્ટ્રપતિ પદની ચૂંટણી માટે તૈયારીઓ તેજ, NDA નેતાઓની મહત્વની બેઠક

3. Anandની ખંભાત નગરપાલિકામાં ભાજપ-કોંગ્રેસના સભ્યો વચ્ચે છૂટાહાથની મારામારી

4. Gujarat News: માછીમારોને 11 ઓગસ્ટથી બોટ માટે ડીઝલનું વિતરણ કરાશે

5. Team India સામે ઓસ્ટ્રેલિયા ટીમની જાહેરાત, સ્ટાર ખેલાડીને મળ્યું સ્થાન

6. Ahmedabad : LICમાં કાયમી નોકરી આપવાના નામે કૌભાંડ આચરનારા વ્યક્તિની ધરપકડ, રૂપિયા 1 કરોડથી વધુનો લોકોને લગાવ્યો ચૂનો

7. Banaskantha News : ભારતમાલા એક્સપ્રેસ હાઇવેને લઈને ગેનીબેન ઠાકોરની રજૂઆત, નીતિન ગડકરીને લખ્યો પત્ર

8. Russia Ukraine War: ઝેલેન્સકીના સૂર બદલાયા, આડકતરી રીતે રશિયાને કરી ટકોર

9. India Russia Relation : રશિયાના રાષ્ટ્રપતિ જલ્દી જ આવશે ભારતના પ્રવાસે, ટ્રમ્પના દબાણ વચ્ચે મોદી-પુતિન બનાવશે નવી રણનીતિ!

10. Gujarat News: ખાતરના જથ્થાની તપાસ માટે 14 જિલ્લામાં રેડ દરમિયાન 34 શંકાસ્પદ વ્યવહારો મળ્યા, 11 ડિલરોના લાઈસન્સ સસ્પેન્ડ

સતલાસણાના સમરાપુરમાં ક્વોરીમાં ડમ્પર ખાબક્યું

સતલાસણાના સમરાપુરમાં ક્વોરીમાં ડમ્પર ખાબક્યું છે. ડ્રાઈવરે સ્ટેરીંગ પરનો કાબૂ ગુમાવતા ડમ્પર ખીણમાં ખાબકયુ હતું. વિસનગર,પાલનપુરથી ફાયર ટીમ ઘટનાસ્થળે પહોચી ગઈ છે. ઘટનાસ્થળે લોકોના ટોળે ટોળા ઉમટ્યા છે. 70 ફૂટથી વધુ ઊડી ખીણમાં ડમ્પર ખાબકયુ છે. સતલાસણા પોલીસ ઘટનાસ્થળે પહોંચી છે.

માછીમારોને 11 ઓગસ્ટથી બોટ માટે ડીઝલનું વિતરણ કરાશે

માછીમાર સંગઠનો દ્વારા રાજ્ય સરકરને કરવામાં આવેલી રજૂઆતને વાચા આપતા મત્સ્યોદ્યોગ મંત્રી રાઘવજી પટેલના માર્ગદર્શન હેઠળ વધુ એક માછીમાર હિતલક્ષી મહત્વપૂર્ણ નિર્ણય કરવામાં આવ્યો છે.આગામી તા.16 ઓગસ્ટથી રાજ્યમાં શરુ થઇ રહેલી નવી માછીમારી સીઝન માટે માછીમાર ભાઈઓને બોટ માટે ડીઝલ વિતરણ તા.11 ઓગસ્ટથી જ શરુ કરી દેવામાં આવશે. 

કર્મચારી પર આંધળો વિશ્વાસ મુકવો જવેલર્સના માલિકને ભારે પડ્યો 

કર્મચારી પર આંધળો વિશ્વાસ મુકવો જવેલર્સના માલિકને ભારે પડ્યો છે..ભરોસો મુકીને વેપારીએ એકાઉન્ટન્ટ ને શો રૂમનું સંચાલન સોંપ્યું. જો કે ગદ્દાર કર્મચારીએ વેપારીનો ભરોસો તોડી નાંખ્યો અને એક બે નહીં પરંતુ 12 કરોડથી વધુની કિંમતના દાગીનાની ઉચાપત કરી નાંખી. ઓડીટ દરમિયાન કર્મચારીની કરતુતોનો પર્દાફાશ થતાં વેપારીએ પોલીસ ફરિયાદ નોંધાવી છે. જેના આધારે પોલીસએ કર્મચારીની ધરપકડ કરી વધુ કાર્યવાહી શરૂ કરી છે. 

માઉન્ટ આબુમાં લૂંટના ઇરાદે છરીથી હુમલો

માઉન્ટ આબુમાં લૂંટના ઈરાદે એક પ્રવાસી પર છરીથી હુમલો કરવામાં આવ્યો હતો. બાઈક ચાલક પર છરીથી હુમલો થતાં એકનું મોત નિપજ્યું છે અને એક યુવક ગંભીર રીતે ઘાયલ થયો હોવાનું જાણવા મળ્યું છે. આ મૃતક બનાસકાંઠાના ધાનેરાનો હોવાની ચર્ચાઓ થઈ રહી છે. સ્થાનિક પોલીસની કામગીરી પર અનેક સવાલો ઉભા થયાં છે.  

ખંભાત નગર પાલિકામાં છુટાહાથની મારામારી

આણંદની ખંભાત નગર પાલિકામાં છુટાહાથની મારામારી સામે આવી છે. સામાન્ય સભામાં ભાજપ અને કોંગ્રેસ વચ્ચે મારામારીનો બનાવ સામે આવ્યો છે.આઇટમ નં.4ના મામલો સભામાં ઉગ્ર બન્યો હતો. 8 કાઉન્સિલરના રાજીનામનો વિવાદ હાઇકોર્ટમાં પહોંચ્યો હતો. હાઈકોર્ટે સ્ટે આપતાં બોર્ડની બેઠકમાં મારામારી થઈ હતી. 

ગુજરાતની 53 હજાર બહેનોએ જવાનો માટે રાખડી મોકલી

ગુજરાતની 53 હજાર બહેનોએ જવાનો માટે રાખડી મોકલી છે. આંગણવાડીની બહેનોએ 3.5 લાખ રાખડી મોકલી છે. મુખ્યમંત્રીની હાજરીમાં રાખડી કળશ જવાનો માટે સોંપાયો છે. આ દરમિયાન મહિલા બાળ કલ્યાણમંત્રી ભાનુબેન હાજર રહ્યાં હતાં. ઈન્ડિયા બૂક ઓફ રેકર્ડમાં ગુજરાતની સિદ્ધિની નોંધ થઈ છે. 

ભારતમાલા જમીન સંપાદનનો મુદ્દો દિલ્હી પહોંચ્યો

બનાસકાંઠા સાંસદ ગેનીબેન ઠાકોરની ગડકરીને રજૂઆત, સાંસદે જિલ્લાના ખેડૂતો વતી મંત્રીને રજૂઆત કરી, જમીન સંપાદનમાં ખેડૂતોને પૂરતા ભાવ આપવા રજૂઆત.

લોકસભામાં વિપક્ષ નેતાએ EC પર ઉઠાવ્યા સવાલ

રાહુલ ગાંધીએ વોટ ચોરીનો EC પર લગાવ્યો આક્ષેપ, પુરાવા સાથે ચૂંટણીપંચ પર રાહુલ ગાંધીએ કર્યો આક્ષેપ, નવા એક કરોડ વોટર ક્યાંથી આવ્યાઃ રાહુલ ગાંધી, ચૂંટણીપંચે અમને ડિજિટલ વોટર લીસ્ટ ન આપીઃ રાહુલ, કર્ણાટકના મહાદેવપુરામાં 1 લાખ વોટની ચોરીઃ રાહુલ, ઘર નંબર -0 હોય તેવા 40 હજાર મતદારોઃ રાહુલ.

નડિયાદ નજીક કેનાલમાં ડૂબતા એકનું મોત

આધેડ નડિયાદમાંથી પસાર થતી કેનાલમાં પડ્યા હતા, સ્થાનિક તરવૈયાઓએ મૃતદેહને બહાર કાઢ્યો, ઘટનાસ્થળે મોટી સંખ્યામાં લોકોના ટોળા ઉમટ્યા. 

રાજ્યમાં મળેલા ખાતરના જથ્થાને લઇ મહત્વના સમાચાર

જરૂરિયાત કરતા દોઢ લાખ મેટ્રિક ટન જથ્થો ઓછો મળ્યો, ગુજરાતને 7.55 લાખ મેટ્રિક ટન ખાતરનો જથ્થો મળ્યો, ખાતરના જથ્થાની શંકાસ્પદ હેરફેર સામે તપાસ, 14 જિલ્લામાં રેડ કરી 34 શંકાસ્પદ વ્યવહારો મળ્યા, 11 ડિલરોના 1થી 3 માસ માટે લાયસન્સ સસ્પેન્ડ કરાયા, 17 ખાતર વિક્રેતાઓને કારણદર્શક નોટિસ અપાઈ, વધુ ખાતર ખરીદી કરનાર ખેડૂતો, વિક્રેતાઓ સામે તપાસ, ખાતર ખરીદનાર ખેડૂત, વિક્રેતાઓની યાદી તૈયાર. 

દિવ્યાંગ ખેલાડીઓ પણ આ યોજના માટે અરજી કરી શકે છે

જે નિવૃત્ત રમતવીરો સરકારી નોકરીમાંથી નિવૃત્ત થયા હોય અને અન્ય કોઈ સરકારી યોજનાનો લાભ મેળવી રહ્યા હોય, તેમને આ યોજનાનો લાભ મળશે નહીં. ઉપરોક્ત પાત્રતા ધરાવતા નિવૃત રમતવીરો જિલ્લા રમત પ્રશિક્ષણ કેન્દ્ર, કૃષ્ણાનગર સામે, મીલ રોડ, લીંબડી, જી.સુરેન્દ્રનગર ખાતે તા.૨૦/૦૮/૨૦૨૫ સુધી અરજી કરી શકશે તેમ જિલ્લા રમતગમત અધિકારીની અખબારી યાદીમાં જણાવાયું છે.

ખો-ખો, યોગાસન અને મલખમ જેવી રમતોના ખેલાડીઓને આ યોજનાનો લાભ મળશે

જે રમતવીરોએ પોતાની કારકિર્દી દરમિયાન ૩૫ વર્ષની ઉંમર સુધીમાં રાજ્યનું પ્રતિનિધિત્વ કરી રાષ્ટ્રકક્ષાએ રમતોમાં ભાગ લઈ પદ પ્રાપ્ત કર્યું હોય અને રાજ્ય અને રાષ્ટ્રનું ગૌરવ વધારી રમતોમાં ભાગ લીધેલ હોય તેવા ખેલાડીઓ પાત્ર ગણાશે. સરકાર દ્વારા તથા રાજ્ય અને રાષ્ટ્રકક્ષાના માન્ય ફેડરેશન દ્વારા જે તે સમયે યોજવામાં આવી હોય તેવી  ઓલિમ્પિક રમતો તેમજ પરંપરાગત રમતો જેવી કે કબડ્ડી, ખો-ખો, યોગાસન અને મલખમ જેવી રમતોના ખેલાડીઓને આ યોજનાનો લાભ મળશે.

સુરેન્દ્રનગર જિલ્લાનાં નિવૃત રમતવીરો મેળવી શકશે પેન્શન યોજના અંતર્ગત લાભ 

ગુજરાત સરકારના રમત ગમત, યુવા અને સાંસ્કૃત્તિક પ્રવૃત્તિઓ વિભાગ, ગાંધીનગર દ્વારા પ્રેરિત સ્પોર્ટ્સ ઓથોરિટી ઓફ ગુજરાત ગાંધીનગર દ્વારા નિવૃત્ત રમતવીરો માટે એક પેન્શન યોજના અમલમાં મૂકવામાં આવી છે. આ યોજના હેઠળ, પાત્રતા ધરાવતા નિવૃત્ત રમતવીરોને માસિક રૂ. ૩,૦૦૦/- નું પેન્શન આપવામાં આવશે. આ યોજના ૫૦ વર્ષથી વધુ ઉંમરના નિવૃત રમતવીરોને લાગુ પડશે. જે પોતાની કારકિર્દી દરમ્યાન રમતગમત ક્ષેત્રે રાષ્ટ્રકક્ષાએ વ્યક્તિગત કે સાંધિક રમતમાં ગોલ્ડ, સિલ્વર કે બ્રોન્ઝ મેડલ મેળવ્યો હોય કે રાજ્ય તરફથી નેશનલ માટે રમવા ગયેલા ટીમના સભ્ય હોય તેવા રમતવીરને પાત્ર ગણાશે.

સ્વયં સેવકો સહિત બહોળી સંખ્યામાં વિદ્યાર્થીઓ ઉપસ્થિત રહ્યા હતા

તદુપરાંત વિદ્યાર્થીઓએ બેનર્સના માધ્યમથી 'સંસ્કૃત ભાષા, સરળ ભાષા', 'સત્યમ શિવમ સુન્દરમ', 'રાષ્ટ્રની આત્મા, સંસ્કૃત ભાષા', 'બહુજન હિતાય બહુજન સુખાય', 'જીવનનું સૌંદર્ય સંસ્કૃત છે' વગેરે સૂત્રોના માધ્યમથી 'જ્યાં સંસ્કૃત ત્યાં સંસ્કૃતિ'નો સંદેશ આપ્યો હતો. આ યાત્રામાં પઠત્ સંસ્કૃતમ્, વદત્ સંસ્કૃતમ્', 'જયતુ સંસ્કૃતમ્' સહિતના સંસ્કૃત શ્લોક અને ગીતોના માધ્યમથી સંસ્કૃત ભાષાનો પ્રચાર પ્રસાર કરવામાં આવ્યો હતો. આ ગૌરવ યાત્રામાં વિવિધ શાળાઓના આચાર્યો, સંસ્કૃત અધ્યાપન કરાવતા શિક્ષકો, સ્વયં સેવકો સહિત બહોળી સંખ્યામાં વિદ્યાર્થીઓ ઉપસ્થિત રહ્યા હતા. 

આ 'સંસ્કૃત ગૌરવ યાત્રા'માં ટેબ્લો પણ હતા

આ 'સંસ્કૃત ગૌરવ યાત્રા'માં ટેબ્લોના માધ્યમથી પ્રતિકૃતિ સહિત યજ્ઞસેવા-વૈદિક સંસ્કૃતિનું નિદર્શન કરાયું હતું તેમજ વિદ્યાર્થીઓએ યાત્રામાં પૌરાણિક પાત્રો રામ-લક્ષ્મણ-જાનકી, નારદમૂની, અર્જૂન, શ્રીકૃષ્ણ સહિતની વેશભૂષા ધારણ કરી ભારતીય સંસ્કૃતિના પાત્રોને તાદ્રશ્ય કર્યા હતાં. સરદાર બાગ, ડીસા ખાતે સંસ્કૃત ગૌરવ યાત્રા સમાપન પ્રસંગે જિલ્લા શિક્ષણાધિકારી ડો. હિતેશ પટેલ દ્વારા સંસ્કૃત વિષયની આજના સમયમાં મહત્વ અને શિક્ષણમાં તેનો પ્રચાર અને પ્રસાર વિશે ઉપસ્થિતોને સમજ આપી હતી. 

ડીસા અર્બુદા વિદ્યાલયથી લઈને સરદાર બાગ સુધી 'સંસ્કૃત ગૌરવ યાત્રા' યોજાઈ

સંસ્કૃત ભાષાને વધુ લોકપ્રિય બનાવવા કેન્દ્ર અને રાજ્ય સરકાર પ્રતિબદ્ધ છે. વિશ્વ સંસ્કૃત દિવસ નિમિત્તે રાજ્યભરમાં ૦૬ ઓગસ્ટ થી ૦૮ ઓગસ્ટ દરમિયાન સંસ્કૃત ગૌરવ યાત્રા, સંભાષણ દિવસ અને સાહિત્ય દિવસની ઉજવણી કરવામાં આવી રહી છે. આ ઉપક્રમે બનાસકાંઠા સંસ્કૃત શિક્ષણ પરિવાર દ્વારા ડીસા અર્બુદા વિદ્યાલય થી લઈને સરદાર બાગ સુધી જિલ્લા કક્ષાની 'સંસ્કૃત ગૌરવ યાત્રા' યોજાઈ હતી. આ યાત્રામાં જિલ્લા શિક્ષણાધિકારીશ્રી ડૉ.હિતેશ પટેલ ઉપસ્થિત રહી ચાર વેદોનું પૂજન કરી શંખનાદ સાથે ગૌરવ યાત્રાનું પ્રસ્થાન કરાવ્યું હતું.

કોમનવેલ્થ ગેમ્સના ડિરેક્ટર ગુજરાતની મુલાકાતે

ડિરેક્ટર ડ્રમ હોલની રમતગમત મંત્રી હર્ષ સંઘવી સાથે કરી મુલાકાત, રમતગમત મંત્રી હર્ષ સંઘવીના નિવાસસ્થાને મળેલી બેઠકમાં ઈન્ડિયન ઓલિમ્પિક એસોસિએશનના હરપાલ સિંહ તથા ગુજરાત ના રમતગમત વિભાગના અગ્ર સચિવ અશ્વિનિ કુમાર બેઠકમાં રહ્યા ઉપસ્થિત આ કમિટીએ ગુજરાતમાં અલગ અલગ જગ્યાઓની પણ મુલાકાત કરી, અમદાવાદમાં સંસ્કારધામ અને મહાત્મા મંદિરની પણ મુલાકાત લીધી.

બનાસકાંઠાના બ્રેઈનડેડ કાંતિભાઈના અંગદાનથી ત્રણ દર્દીઓને મળશે નવી જિંદગી 

ગુજરાત સરકાર દ્વારા અંગદાન બાબતે લોકોમાં જાગૃતિ વધારવા માટે સતત પ્રયાસો કરવામાં આવી રહ્યા છે. સરકારશ્રીના આરોગ્ય વિભાગના માર્ગદર્શન હેઠળ રાજ્યભરમાં અંગદાન સંબંધિત પ્રવૃત્તિઓને ઉત્તેજન મળે તે માટે કામગીરી થઈ રહી છે તેના હકારાત્મક પરિણામ રૂપે બનાસકાંઠા જિલ્લામાં પણ હાલ અંતરાત્માને સ્પર્શે તેવા અવસરો સર્જાઈ રહ્યા છે. 

ફૂડનાં વેચાણ માટે ઉત્પાદક પેઢીને રૂ.૨,૫૦૦નો દંડ કરવામાં આવ્યો હતો

જેમાં ફૂડ સેફટી એન્ડ સ્ટાન્ડર્ડસ (ફૂડ પ્રોડક્ટ્સ સ્ટાન્ડર્ડસ એન્ડ ફૂડ એડીટીવ્સ) રેગ્યુલેશન – ૨૦૧૧નાં રેગ્યુલેશન નંબર: ૨.૧૨.૧. મુજબ “MANCHURIAN (PREPARED FOOD)(LOOSE)” માં Added Colouring matter ના પરીક્ષણમાં Absent હોવું જોઈએ છે. જે સદર ખાદ્યચીજમાં સિન્થેટીક ફૂડ કલર મળી આવ્યો હતો. આથી ઉત્પાદક પેઢી સામેના કેસ બદલ એડજ્યુડીકેટીંગ ઓફિસર અને નિવાસી અધિક કલેકટર આર.કે.ઓઝા દ્વારા ચુકાદો જાહેર કરવામાં આવ્યો હતો. જેમાં ખાદ્યચીજ ફૂડ સેફટી એન્ડ સ્ટાન્ડર્ડસ એક્ટ -૨૦૦૬ ની કલમ-૩(૧)(zx) મુજબ “Sub standard” જાહેર કરી વિક્રેતા સામે દંડાત્મક કાર્યવાહી કરવામાં આવી હતી. તેમજ ફુડ સેફટી એન્ડ સ્ટાન્ડર્ડસ એકટ-૨૦૦૬ ની કલમ-૫૧ મુજબ “સબ સ્ટાન્ડર્ડ” ફૂડનાં વેચાણ માટે ઉત્પાદક પેઢીને રૂ.૨,૫૦૦નો દંડ કરવામાં આવ્યો હતો.

સુરેન્દ્રનગર જિલ્લામાં ખાદ્યચીજની બાબતોમાં યોગ્ય સ્ટાન્ડર્ડ ન જળવાતા પેઢીનાં માલિકને રૂ.2500નો દંડ ફટકારાયો 

સુરેન્દ્રનગર જિલ્લામાં ખાદ્યચીજની બાબતોમાં યોગ્ય સ્ટાન્ડર્ડ ન જળવતા પેઢીનાં માલિક સામે દંડાત્મક કાર્યવાહી કરવામાં આવી હતી. જેમાં ક્રેઝી ચાઇનીઝ કોર્નર, પોલીસ સ્ટેશનની બાજુમાં, પાટડી, સુરેન્દ્રનગર ખાતેથી મન્ચુરીયન (તૈયાર ખોરાક)નો નમુનો વેચાણ તરીકે લઈ પૃથ્થકરણ અર્થે ફૂડ એનાલીસ્ટ, રીજનલ ફૂડ લેબોરેટરી, ભુજ -કચ્છને મોકલી આપવામાં આવ્યો હતો.

ભાવનગર મંડળના રાણાવાવ ખાતે વંદે ભારત ટ્રેનો માટે ₹135.58 કરોડની અંદાજીત ખર્ચે નવા ઇન્ટિગ્રેટેડ કોચિંગ ડિપોની મંજૂરી આપવામાં આવશે 

પશ્ચિમ રેલવે માટે રેલ મંત્રાલય દ્વારા મહત્વપૂર્ણ ઈન્ફ્રાસ્ટ્રક્ચર પ્રોજેક્ટને મંજૂરી આપવામાં આવશે. ગુજરાતના રાણાવાવ ખાતે વંદે ભારત ટ્રેનો માટે ઇન્ટિગ્રેટેડ કોચિંગ ડિપો (ICD)ના નિર્માણ માટે ₹135.5834 કરોડના અંદાજીત ખર્ચની મંજૂરી આપવામાં આવશે. આ સુવિધા વંદે ભારત ટ્રેનોના જાળવણી માટે આવશ્યક ઈન્ફ્રાસ્ટ્રક્ચર પૂરૂં પાડી શકે છે, જેના પરિણામે ઓપરેશનલ કાર્યક્ષમતા અને ક્ષમતા બંનેમાં વધારો થશે. આ વ્યૂહાત્મક પહેલ વંદે ભારત સહિતની અન્ય ટ્રેનો માટે જાળવણી માળખાકીય સુવિધાઓના વિકાસના વિશાળ યોજના અંતર્ગત છે. આ વિકાસ વંદે ભારત ટ્રેનો માટે જાળવણી ઇકોસિસ્ટમને મજબૂત બનાવવાનો મહત્વપૂર્ણ પગથિયો છે અને ગુજરાતમાં રેલવે ઈન્ફ્રાસ્ટ્રક્ચરને વધુ મજબૂતી આપશે. આ ભારતીય રેલવેની આધુનિકતા અને શ્રેષ્ઠ યાત્રા સેવાઓ માટેની પ્રતિબદ્ધતાને પ્રતિબિંબિત કરે છે.

વાંચો 03 વાગ્યા સુધીના મહત્વના સમાચાર

01 - Botad News : જાહેરમાં તીક્ષ્ણ હથિયાર લઈને ફરવા પર અધિક જિલ્લા મેજિસ્ટ્રેટનું જાહેરનામું પ્રસિદ્ધ 

02 - India USA Tariff War: શું અમેરિકા પોતાના માટે વેપારી માળખું કરી રહ્યુ છે કમજોર?, જાણો નિષ્ણાંતોનો મત 

03 - TMKOC: તારક મહેતા શો છોડી દેશે આ અભિનેતા? કહ્યું- 9થી 5ની નોકરી કરવી એ...... 

04 - Independence Day 2025 : ભારતનો પ્રથમ રાષ્ટ્રધ્વજ બનાવનાર મેડમ કામાના પરિવારના વંશજો ડભોઇના બાણેજમાં રહે છે 

05 - Rohit Sharmaના કહેવા પર આ સ્ટાર ખેલાડીએ લીધો મોટો નિર્ણય, થયો સૌથી મોટો ખુલાસો 

06 - Ahmedabad: નોકરીની લાલચ આપી પોરબંદરની સગીરાને દેહવ્યાપારમાં ધકેલી દેવાના નેટવર્કનો પર્દાફાશ, પોલીસે એક આરોપીને ઝડપી લીધો 

07 - Bhavnagar News : 'BJP હટાવો દેશ બચાવો', BJP નેતાએ જ કરી વિવાદિત પોસ્ટ, જાણો શું થયું... 

08 - Gujarat News : ગુજરાતભરમાં 8 થી 15 ઓગસ્ટ દરમિયાન “હર ઘર તિરંગા”અભિયાનનું થશે ભવ્ય આયોજન 

09 - Surat શહેર ડુપ્લીકેટ બનાવવાનું હબ બન્યું? છેલ્લા 1 વર્ષથી ધમધમતું વાહનોના નકલી ઓઇલ બનાવતું કારખાનું ઝડપાયું 

10 - Surendranagar News : સબ સ્ટાન્ડર્ડસ મીઠાઈનાં વેચાણ બદલ ઉત્પાદક પેઢીના માલિકને રૂ.5000નો દંડ કરાયો 

ભાવનગરના સિહોરમાં ઘરમાં ઘૂસી લૂંટ ચલાવી

ધોળા દિવસે મહિલા પાસેથી લૂંટ ચલાવી ફરાર, સોનાની બંગડી અને મંગળસૂત્રની ચલાવી લૂંટ, મહિલા ઘરે પરત ફરતા છરી બતાવી લૂંટ ચલાવી, ઘરની બાજુમાં દુકાને પાણી આપવા ગયા હતા, અજાણ્યા શખ્સો ઘરમાં ઘૂસી લૂંટ ચલાવી ફરાર. 

ગાંધીનગરમાં સુઘડ કેનાલમાં 3 ડૂબ્યા

નાહવા પડેલા 3 શ્રમિકો કેનાલમાં ડૂબ્યા, 3માંથી એકનું રેસ્ક્યુ, અન્ય 2ની શોધખોળ, ફાયર વિભાગ દ્વારા 2 શ્રમિકોની શોધખોળ. 

જાહેરમાં તીક્ષ્ણ હથિયાર લઈને ફરવા પર અધિક જિલ્લા મેજિસ્ટ્રેટનું જાહેરનામું પ્રસિદ્ધ

બોટાદ જિલ્લામાં ચાલું માસ ઓગસ્ટ -૨૦૨૫ તથા આગામી સપ્ટેમ્બર -૨૦૨૫ના માસ દરમિયાન કાયદો અને વ્યવસ્થા તથા સુલેહ શાંતિ જળવાઈ રહે તે હેતુસર કોઈ વ્યક્તિ કે વ્યક્તિનાં સમૂહ દ્વારા જાહેરમાં તીક્ષ્ણ હથિયારો જેવાં કે છરી, કુહાડી, ધારીયા, તલવાર, ગુપ્તી, લાકડીઓ, લોખંડના પાઈપ, ભાલા તથા દંડા, બંદૂક, લાઠી અથવા શારીરિક હિંસામાં ઉપયોગી થઈ શકે તેવા પ્રાણઘાતક હથિયારો લઈને હરે ફરે નહિ તે માટે બોટાદ જિલ્લાનાં અધિક જિલ્લા મેજીસ્ટ્રેટ ભાર્ગવ પટેલે તેમને મળેલી સત્તાની રૂએ જાહેરનામા દ્વારા પ્રતિબંધ ફરમાવ્યો છે. આ જાહેરનામું બોટાદ જિલ્લાનાં સમગ્ર વિસ્તારને લાગુ પડશે. આ જાહેરનામાની અમલવારી તા. ૦૯-૦૮-૨૦૨૫થી ૦૮-૦૯-૨૦૨૫ સુધી (બંને દિવસ સુદ્ધા) કરવાની રહેશે. 

ભાવનગર પોલીસે હત્યાને લઈ તપાસ કરી શરૂ 

ભાવનગરમાં હત્યાનો બનાવ બન્યો છે જેને લઈ પોલીસે તપાસ શરૂ કરી છે, અજાણ્યા શખ્સો દ્વારા સામાન્ય બાબતમાં હત્યા કરી દેવામાં આવતા લોકોમાં રોષની લાગણી જોવા મળી છે, પોલીસે આસપાસના સીસીટીવીના આધારે હત્યાની તપાસ શરૂ કરી છે, લોકો વૃદ્ધને બચાવવા માટે જાય તે પહેલા જ તેમનું ઢીમ ઢળી ગયું હતુ.

Bhavnagarમાં સામાન્ય તકરારમાં 60 વર્ષીય વૃદ્ધની હત્યા

ભાવનગરમાં સામાન્ય તકરારમાં વૃદ્ધની હત્યા કરવામાં આવી છે, સુભાષનગરમાં 60 વર્ષીય વૃદ્ધની હત્યા કરી દેવામાં આવી છે, રૂખડીયા હનુમાન મંદિર પાસે હત્યા કરવામાં આવી છે, બીજી તરફ પોલીસે મૃતદેહને પોસ્ટમોર્ટમ માટે હોસ્પિટલ ખસેડ્યો છે, અને સમગ્ર મામલે પોલીસે વધુ તપાસ હાથ ધરી છે. અજાણ્યા શખ્સે હત્યા કરી હોવાની વાત સામે આવી છે. 

ભરૂચમાં 13 વર્ષથી ભૂગર્ભ ગટર યોજના અધૂરી

ભરૂચ શહેરમાં વર્ષ 2014માં શરૂ થયેલી ભૂગર્ભ ગટર યોજના 13 વર્ષ બાદ પણ અધૂરી રહી છે. નગરપાલિકા દ્વારા તબક્કાવાર કામગીરી હાથ ધરવામાં આવી છે. આજ સુધી માત્ર 33,000 ઘરોને જ ગટરના કનેક્શન મળ્યા છે. શહેરના કેટલાક વિસ્તારો અને સોસાયટીઓમાં ગટરની લાઇનનું કામ હજુ શરૂ થયું નથી. આમ છતાં નગરપાલિકા દ્વારા આ વિસ્તારોના મકાનમાલિકોને ગટર યોજનાના રૂ. 500ના વેરાની નોટિસો મોકલવામાં આવી છે. આ કારણે નાગરિકોમાં ભારે રોષ ફેલાયો છે.

Bharuchના આમોદમાં રાહદારી ગટરમાં ખાબક્યો

ભરૂચના આમોદમાં રાહદારી ગટરમાં ખાબક્યો હોવાની વાત સામે આવી છે, તિલક મેદાનમાં અતુલ બેકરી સામે આ બનાવ બન્યો છે, રાહદારી ગટરમાં ખાબકતા CCTV સામે આવ્યા છે, આમોદમાં ખુલ્લી ગટરો લોકો માટે માથાનો દુખાવો બની છે, રાહદારી જઈ રહ્યો હતો અને ખુલ્લી ગટર આગળ કોઈ સાઈન બોર્ડ મૂકયું ન હતુ અને પાલિકાના વાંકે તે ગટરમાં ખાબકયો હતો. 

ત્રણ પેઢીથી ખેતી કરીને જીવનનિર્વાહ કરતો આ પારસી પરિવાર વિશેષતા તરફ ધ્યાન દોરે છે

જો કે, મનેશભાઇ તેમના દાદા અને રૂસ્તમજી કામા વચ્ચે શું સંબંધ હતો તે ચોક્કસ કહી શકાતા નથી. દોરાબજી કામાએ પોતાના ઉદાર સ્વભાવના કારણે તેમણે ગામમાં પ્રાથમિક શાળા બનાવવા માટે પોતાની થોડી જમીન પણ દાનમાં આપી હતી. ત્યારબાદ ટોચની મર્યાદાનો કાયદો, પેઢી દર પેઢી ગંભીર બિમારીઓ જેવી ઘટનાઓના કારણે તેઓની જમીનનો વિસ્તાર ઘટતો ગયો. આજે દોરાબજી કામાની ત્રીજી પેઢી હોમીભાઈ કામા અહીં રહે છે, તેમની પાસે હાલ બાવન (૫૨) વિઘા જમીન છે, જેને ખેતી માટે ભાડા પટ્ટે આપીને તેઓ જીવનનિર્વાહ કરી રહ્યા છે. આ પારસી પરિવાર છેલ્લી ત્રણ પેઢીથી વડોદરાના ડભોઈ તાલુકાના બાણજ ગામે વસવાટ કરી રહ્યા છે.  ત્રણ પેઢીથી ખેતી કરીને જીવનનિર્વાહ કરતો આ પારસી પરિવાર વિશેષતા તરફ ધ્યાન દોરે છે.

હોમીભાઇ મેડમ કામાના શ્વસુર પરિવાર કામા પરિવારના વંશજો છે

ત્યારબાદ દોરાબજીના સંતાન જમશેદજીને પાંચ સંતાન હતા, જેમાં ત્રણ ભાઈઓ અને બે બહેન હતી, જે લગ્ન બાદ હાલ વિદેશમાં છે. જ્યારે ત્રણ ભાઈમાંથી બે ભાઈઓના અકાળે અવસાન થતા એક ભાઈ રહ્યા છે, જેનું નામ મનેશભાઈ છે. આ મનેશભાઈએ પણ અહીં રહીને નોન પારસી મહિલા સાથે પ્રેમ લગ્ન કર્યા. અને હવે તેમનો પુત્ર હોમીભાઈ તેમની સાથે રહે છે. મનેશભાઈ તેમના પત્ની શંકુતલાબેન અને પુત્ર હોમીભાઈ સાથે એ જ બાણજ ગામમાં રહે છે, જે જમીન મહારાજા સયાજીરાવ ગાયકવાડે તેમના દાદા દોરાબજી કામાને સ્થાયી થવા આપી હતી. પેઢી દર પેઢી તેઓ તેમના અસ્તિત્વ અને પારસી રીત રિવાજોનું વહન કરી રહ્યા છે. આ મનેશભાઇ અને હોમીભાઇ મેડમ કામાના શ્વસુર પરિવાર કામા પરિવારના વંશજો છે, એમ મનેશભાઇ કામા કહે છે. 

પારસી આગેવાનોએ પોતાના અસ્તિત્વને જાળવી રાખવા માટે આ લગ્નને સ્વીકૃતિ આપી હતી

મહારાજા સયાજીરાવ ગાયકવાડે દોરાબજી અરદેશજી કામાને ડભોઈ તાલુકામાં હાલ જે બાણજ ગામ તરીકે ઓળખાય છે, ત્યાં ૪૫૦ વિઘા જમીન આપી, જેથી તેઓ વસવાટ કરી શકે અને પોતાનું ગુજરાન ચલાવી શકે. મહારાજા સયાજીરાવના આશ્રયથી દોરાબજી અરદેશજી કામા બાણજ ગામમાં સ્થાયી થયા. તેઓ ખેતી કરીને ગુજરાન ચલાવતા હતા. સ્પષ્ટ વક્તા, નેતૃત્વનો ગુણ અને બહોળા જ્ઞાનના કારણે તેઓ ૨૦ વર્ષ સુધી બાણજ ગામના સરપંચ પણ રહ્યા. દોરાબજી અરદેશજી કામાના બીજા પત્ની કે જેઓ નોન પારસી હતા, તેમનાથી બે સંતાનો હતો. પારસી સમુદાયમાં આંતરધર્મીય લગ્ન નિષેધ હોય છે. પરંતુ તે સમયે પારસી આગેવાનોએ પોતાના અસ્તિત્વને જાળવી રાખવા માટે આ લગ્નને સ્વીકૃતિ આપી હતી. 

મેડમ ભીખાઈજી કામાના શ્વસુર પક્ષના બીજી કે ત્રીજી પેઢીના પરિવારમાંથી આ એક દોરાબજી કામા

દેશની આઝાદી માટે પોતાનું સમગ્ર જીવન સમર્પિત કરનારા મુંબઇના મેડમ ભીખાઈજી કામાના પિતા સોરાબજી પાટેલ શ્રીમંત હતા અને મુંબઇમાં રાજકીય અગ્રણી હતા. તેમના લગ્ન મુંબઇના વકીલ રુસ્તમજી કામા સાથે થયા હતા. આ મુંબઇના કામા પરિવારના મૂળ ભરૂચમાં હતા. ભીખાઇજી કામાના શ્વસુર પક્ષ એવા કામા પરિવારના ઘણા સભ્યો ભરુચથી ગુજરાતમાં વિવિધ સ્થળે વસ્યા હતા. જેમાં મોટા ભાગના લાકડા, બાંધકામ, ઇજનેરી કૌશલ્ય સાથે સંકળાયેલા હતા. આ કામા પરિવારમાં એક એવા દોરાબજી અરદેશજી કામા ! જેઓ ભરુચના કામા પરિવારના એક સભ્ય હતા. મેડમ ભીખાઈજી કામાના શ્વસુર પક્ષના બીજી કે ત્રીજી પેઢીના પરિવારમાંથી આ એક દોરાબજી કામા ! 

ભારતના રાષ્ટ્રધ્વજનો ઇતિહાસ સ્વતંત્રતા સંઘર્ષ સાથે ગાઢ રીતે જોડાયેલો છે

પ્રથમ રાષ્ટ્રધ્વજ ૧૯૦૬ માં કોલકાતામાં લહેરાવવામાં આવ્યો હતો. વર્ષ ૧૯૦૭ માં મેડમ ભીખાઇજી કામાએ જર્મનીના સ્ટુટગાર્ટમાં ધ્વજ લહેરાવ્યો. પિંગળી વેંકૈયાએ ૧૯૨૧માં ધ્વજની એકરૂપ રચના કરી હતી. જુદા-જુદા સમયગાળામાં ધ્વજમાં ફેરફાર થયા. છેલ્લે ૨૨ જુલાઈ ૧૯૪૭ના રોજ બંધારણીય સભાએ હાલના ત્રિરંગાને ભારતીય રાષ્ટ્રીય ધ્વજ તરીકે માન્યતા આપી. કેસરી, સફેદ અને લીલા રંગના ત્રિરંગામાં મધ્યમાં અશોકચક્ર છે, જે ધર્મ અને ન્યાયનું પ્રતિક છે. રાષ્ટ્રધ્વજ ભારતના ગૌરવ અને એકતાનું પ્રતીક છે.

ભારતનો પ્રથમ રાષ્ટ્રધ્વજ બનાવનાર મેડમ કામાના પરિવારના વંશજો ડભોઇના બાણેજમાં રહે છે 

સ્વતંત્રતા પર્વની ઉજવણી પૂર્વે રાજ્ય સરકાર દ્વારા હર ઘર તિરંગા અભિયાન ચલાવવામાં આવી રહ્યું છે. સૌને એ વાત તો ખબર છે કે ભારતનો પ્રથમ રાષ્ટ્ર ધ્વજ મેડમ ભીખાઈજી કામાએ બનાવ્યો હતો. તેમણે જ વિદેશની ધરતી ઉપર પ્રથમ વખત એ રાષ્ટ્રધ્વજ લહેરાવ્યો હતો. પણ શું તમને એ ક્યારેય પ્રશ્ન થયો છે કે, આ નારીરત્નના વંશજો ક્યા રહે છે ? જો થયો હોય તો તેનો જવાબ છે કે, મેડમ ભીખાઇજી કામાના પરિવારના વંશજો પૈકીનો એક પરિવાર વડોદરા જિલ્લામાં વસવાટ કરે છે. આમ તો ભીખાઇજી કામાને કોઇ સંતાનો નહોતા. પણ તેમના શ્વસુર પક્ષના વંશજોના મૂળ વડોદરા સુધી આવ્યા છે. 

સાંસ્કૃતિક કાર્યક્રમોની રજૂઆત કરવામાં આવશે

મંત્રી સંઘવીએ કહ્યું હતું કે, રાજકોટ, વડોદરા, સુરત અને અમદાવાદ સહિતના મહાનગરોમાં અંદાજે ૨ કિલોમીટરના રૂટ પર ત્રિરંગા યાત્રા/મેગા પરેડ યોજાશે. જેમાં લાખોની સંખ્યામાં નાગરીકો સહભાગી થશે. આ કાર્યક્રમ અંતર્ગત સશસ્ત્ર દળોનું બેન્ડ, પોલીસ બેન્ડ, સ્કૂલ બેન્ડ અને અન્ય ખાનગી બેન્ડ દ્વારા દેશ ભક્તિ આધારીત ધૂન રજૂ કરવામાં આવશે. રાજ્યના વિવિધ સાંસ્કૃતિક વૃંદો દ્વારા વિવિધ સ્થળે જાણિતા નૃત્ય અને સાંસ્કૃતિક કાર્યક્રમોની રજૂઆત કરવામાં આવશે.  

બાળકો દ્વારા તિરંગા રાખડી પણ તૈયાર કરવામાં આવશે

શિક્ષણ વિભાગ દ્વારા રાજ્યની શૈક્ષણિક સંસ્થાઓ દેશ ભક્તિની થીમ ઉપર ફેન્સી ડ્રેસ સ્પર્ધા, તિરંગા ચિત્ર સ્પર્ધા તથા તિરંગા રંગોળી સ્પર્ધાનું આયોજન કરવામાં આવ્યું છે. આ સ્પર્ધામાં વિજેતા વિદ્યાર્થીને પુરસ્કારથી સન્માનિત કરાશે. શિક્ષણ વિભાગ દ્વારા બાળકોને આઝાદી તેમજ તિરંગાનું સન્માન જળવાય તે અંગેની વધુ સમજ પણ આપવામાં આવશે. આ ઉપરાંત દેશના જવાનો અને પોલીસકર્મીઓને મોકલવા માટે બાળકો દ્વારા તિરંગા રાખડી પણ તૈયાર કરવામાં આવશે, તેમ તેમણે ઉમેર્યું હતું.

સ્વચ્છતા સંવાદ કાર્યક્રમનું આયોજન કરવામાં આવશે

મંત્રીએ કહ્યું હતું કે, આ અભિયાનના ભાગરૂપે આગામી તા. ૧૨ થી ૧૫ ઓગસ્ટ દરમિયાન રાજ્યના વિવિધ સ્થળો ખાતે સ્વચ્છતા સંવાદ કાર્યક્રમનું આયોજન કરવામાં આવશે. આ ઉજવણીમાં રાજ્યના તમામ ઘર, દુકાન, ઉદ્યોગ ગૃહ, સરકારી કચેરી, ખાનગી કચેરી અને લારીઓ પર પણ ત્રિરંગા લહેરાવામાં આવશે. રાજ્યમાં આ ઉજવણીમાં તમામ વિભાગ તેમજ જિલ્લા વહીવટી તંત્ર પણ સંકલનમાં રહીને કામગીરી કરી રહ્યું છે. 

શહેરોને સ્વચ્છ રાખવા સફાઈ ઝુંબેશ હાથ ધરવામાં આવશે

મંત્રી સંઘવીએ વધુ વિગતો આપતા કહ્યું હતું કે, આ વર્ષે “હર ઘર તિરંગા, હર ઘર સ્વચ્છતા: સ્વતંત્રતા કા ઉત્સવ, સ્વચ્છતા કે સંગ”ની થીમ પર સમગ્ર રાજ્યમાં હર ઘર તિરંગા અભિયાન યોજાશે. જે અંતર્ગત રાજ્યના મુખ્ય ચાર શહેરો રાજકોટ, સુરત, વડોદરા અને અમદાવાદ ખાતે ક્રમશ તા. ૯, ૧૦, ૧૧ અને ૧૨ ઓગસ્ટના રોજ ભવ્ય તિરંગા યાત્રાનું આયોજન કરવામાં આવ્યું છે. આ ઉપરાંત રાજ્યના વિવિધ જિલ્લા મથક, મહાનગરપાલિકાઓ, નગરપાલિકાઓ, તાલુકાઓ અને ગ્રામ પંચાયતોમાં પણ તિરંગા યાત્રાની ઉજવણી થશે. આ યાત્રામાં રાજ્યભરની અનેક સંસ્થાઓ સહભાગી થશે. તિરંગા યાત્રા ઉપરાંત જિલ્લા અને મહાનગરપાલિકા વિસ્તારમાં જનભાગીદારીથી સ્વચ્છતા યાત્રાનું પણ આયોજન કરવામાં આવશે અને શહેરોને સ્વચ્છ રાખવા સફાઈ ઝુંબેશ હાથ ધરવામાં આવશે, તેમ મંત્રીએ ઉમેર્યું હતું.

ગુજરાતભરમાં 8 થી 15 ઓગસ્ટ દરમિયાન “હર ઘર તિરંગા”અભિયાનનું થશે ભવ્ય આયોજન 

ભારત સરકાર દ્વારા આગામી તા. ૮ ઓગસ્ટ થી તા. ૧૫ ઓગસ્ટ દરમિયાન સમગ્ર દેશમાં હર ઘર તિરંગા અભિયાનની ઉજવણી કરવામાં આવનાર છે. વડાપ્રધાન નરેન્દ્ર મોદીના દિશાનિર્દેશ હેઠળ મુખ્યમંત્રી ભૂપેન્દ્ર પટેલના નેતૃત્વમાં ગુજરાત સરકાર દ્વારા પણ તા. ૮ થી ૧૫ ઓગસ્ટ દરમિયાન સમગ્ર રાજ્યમાં “હર ઘર તિરંગા” અભિયાન અંતર્ગત ૭૯માં સ્વાતંત્ર્ય દિનની ભવ્ય ઉજવણી કરવામાં આવશે, તેમ રમતગમત અને યુવક સેવા રાજ્ય મંત્રી હર્ષ સંઘવીએ જણાવ્યું હતું. 

અન્ય દેશો પર પણ વધુ ટેરિફના સંકેત

રાષ્ટ્રપતિ ટ્રમ્પે ચીન પર પણ સેકન્ડરી સેક્શન્સ લગાવવાની વાત કરી છે. તેમણે તેમના નિવેદનમાં કહ્યું, અમે ભારત પર 50% ટેરિફ લગાવ્યો છે. જે રશિયન તેલ ખરીદવા મામલે ચીન પછી બીજાં સ્થાને છે.જ્યારે પત્રકારે પૂછ્યું કે શું તમે ચીન પર પણ ભારતની જેમ વધુ ટેરિફ લગાવવા જઈ રહ્યા છો? તો ટ્રમ્પે જવાબ આપ્યો કે અમે ભારત સાથે કરેલું છે. ઘણા અન્ય દેશો પર પણ એ લાગુ પાડ્યું છે. તેમાં ચીન પણ હોઈ શકે છે.

ટ્રમ્પના વધુ ટેરિફ લગાવવાના સંકેત

અમેરિકાના રાષ્ટ્રપતિ ડોનાલ્ડ ટ્રમ્પે ભારત પર વધુ સેકન્ડરી સેક્શન્સ લગાવવાના સંકેત આપ્યા છે. તેમનનુંઆ નિવેદન ત્યારે આવ્યું જ્યારે સ્થાનિક સમય પ્રમાણે માત્ર 8 કલાક પહેલાં જ તેમણે ભારત પર 25 ટકાવધારાના ટેરિફનો એક પત્રકારના પ્રશ્નના જવાબમાં કે ચીન જેવા અન્ય દેશો પણ તો રશિયન તેલ આયાત કરે છે, છતાં ભારત પર વધારાનો ટેરિફ શા માટે? ટ્રમ્પે જવાબ આપ્યો, "હજી તો માત્ર 8 કલાક જ થયા છે. જોજો હજુ આગળ શું થાય છે. તમને હજુ ઘણું જોવા મળશે. તમને ઘણા સેકન્ડરી સેક્શન્સ જોવા મળશે.એટલે કે હજુ વધુ ટેરિફ લગાવવાને લઇને સંકેત આપ્યા છે.

હજુ તો 8 કલાક પણ નથી થયા, 50 ટકા ટેરિફ બાદ પણ હજુ વધુ ટેરિફ લગાવવાના ટ્રમ્પના સંકેત

અમેરિકી રાષ્ટ્રપતિ ડોનાલ્ડ ટ્રમ્પે ભારત પર રશિયા ઓઇલ આયાતને લઇને 50 ટકા ટેરિફ લગાવ્યા બાદ હજુ પણ સેકન્ડરી સેક્શન લગાવવાનો સંકેત આપ્યો છે. ભારતે આ પગલાંને દુર્ભાગ્ય પૂર્ણ અને રાષ્ટ્રીય હિતો વિરુદ્ધ ગણાવ્યુ છે. જોકે ટ્રમ્પ સરકાર આને રાષ્ટ્રીય સુરક્ષા સાથે જોડાયેલ મામલો માની રહ્યુ છે. જ્યાં ભારત પર યુક્રેનમાં રશિયન યુદ્ધને ભંડોળ પૂરું પાડવાનો પણ આરોપ લગાવવામાં આવી રહ્યો છે.

મીઠાઈ ફૂડનાં વેચાણ બદલ વિક્રેતાને રૂ. પાંચ હજારનો દંડ કરવામાં આવ્યો હતો

આ તપાસ દરમિયાન ફૂડ સેફટી એન્ડ સ્ટાન્ડર્ડસ રેગ્યુલેશન - ૨૦૧૧ના રેગ્યુલેશન નંબર ૨.૧૨.૧ મુજબ ટોપરાપાક ના નમૂનામાં સિન્થેટીક ફૂડ કલર મળી આવ્યો હતો. જે ખાદ્યચીજમાં હોવું ન જોઈએ. આથી ઉત્પાદક પેઢી સામેના કેસ બદલ એડજ્યુડીકેટીંગ ઓફિસર અને નિવાસી અધિક કલેકટ આર.કે.ઓઝા દ્વારા ચુકાદો જાહેર કરવામાં આવ્યો હતો. જેમાં ઉત્પાદક પેઢીના માલિક એન્જલ સ્વીટ માર્ટ, લોહાણા શેરી, મુ.કુડા, તા.ધ્રાંગધ્રા, જી.સુરેન્દ્રનગરને ભવિષ્યમાં આવા ગુન્હાનું પુનરાવર્તન ન થાય તે માટે ફુડ સેફટી એન્ડ સ્ટાન્ડર્ડસ  એક્ટ- ૨૦૦૬ના ધારાની કલમ-૫૧ ‘સબ સ્ટાન્ડર્ડસ’ મીઠાઈ ફૂડનાં વેચાણ બદલ વિક્રેતાને રૂ. પાંચ હજારનો દંડ કરવામાં આવ્યો હતો.

સબ સ્ટાન્ડર્ડસ મીઠાઈનાં વેચાણ બદલ ઉત્પાદક પેઢીના માલિકને રૂ.5000નો દંડ કરાયો 

સુરેન્દ્રનગર જિલ્લામાં એન્જલ સ્વીટ માર્ટ, લોહાણા શેરી, મુ.કુડા, તા.ધ્રાંગધ્રા, જી.સુરેન્દ્રનગર ખાતે ખોરાક અને ઔષધ નિયમન તંત્ર દ્વારા તપાસ હાથ ધરવામાં આવી હતી. જેમાં "ટોપરાપાક” નો નમુનો વેચાણ તરીકે લઈ પૃથ્થકરણ અર્થે ફુડ એનાલીસ્ટ, પ્રાદેશિક ખોરાક પ્રયોગશાળા, ભુજને મોકલી આપવામાં આવ્યો હતો.

વડાપ્રધાન મોદી આ બેઠકમાં હાજરી આપશે

ચીન જતા પહેલા મોદી જાપાન પણ જવાના છે. ડોનાલ્ડ ટ્રમ્પ જ્યારથી અમેરિકાના પ્રેસિડેન્ટ બન્યા છે ત્યારથી તેમનું વલણ વિચિત્ર રહ્યું છે. ભારત સહિત અનેક મિત્ર દેશોને ટ્રમ્પે નારાજ કર્યા છે. ટ્રમ્પની દાનત જેમ બને એમ વહેલી તકે રશિયા અને યુક્રેનનું યુદ્ધ ખતમ કરવાની હતી. ટ્રમ્પને તેમાં સફળતા મળી નથી. એના કારણે જે દેશો રશિયા સાથે સંબંધો રાખે છે તેને ટ્રમ્પ પરેશાન કરી રહ્યા છે. ટ્રમ્પ એવું ઇચ્છે છે કે, ભારત રશિયા પાસેથી ઓઇલ ખરીદવાનું બંધ કરે. આપણા દેશે સ્પષ્ટ શબ્દોમાં કહી દીધું છે કે, ભારત પોતાના હિતો સાથે કોઇ બાંધછોડ નહીં કરે. અમેરિકાને ભારત સાથે પોતાની શરતે ફ્રી ટ્રેડ ડીલ કરવી હતી.

વડોદરામાં વેપારીને સરકારી સિસ્ટમનો કડવો અનુભવ

જીવતા જીવ કપડાના વેપારીને મૃત જાહેર કરી દીધો, સરકારી ચોપડે હનીફ કચ્છીને સિસ્ટમમાં મૃત બતાવ્યા, રેશનકાર્ડ ખોવાઈ જતા વેપારી કચેરીએ ગયા હતા, દીકરો ડોક્યુમેન્ટ લઈને ગયો તો કહ્યું તમારા પિતા મરી ગયા, કપડાના વેપારી હનીફ કચ્છીનું નિવેદન, હવે જીવતો છું તે પુરવાર કરવું પડશે : હનીફ કચ્છી, કર્મચારીઓએ કહ્યું હવે 20 દિવસ લાગશે : હનીફ કચ્છી. 

અરજદારોને નોંધ લેવા સુરેન્દ્રનગર શહેર મામલતદારની અપીલ 

વધુમાં, તારીખ વિત્યા પછીની કે અસંદિગ્ધ અને અસ્પષ્ટ રજૂઆતવાળી એક કરતાં વધુ શાખાના પ્રશ્નો હોય તેવી, સુવાચ્યઓ ન હોય તેવી, નામ, સરનામા વગરની કે વ્યક્તિગત આક્ષેપોવાળી તેમજ અરજદારનું હિત સંકળાયેલ ન હોય તેવી તથા કોર્ટ મેટર, આંતરિક તકરાર, સેવાને લગતી અરજી પર કોઈ કાર્યવાહી થઈ શકશે નહીં. જેની અરજદારોને નોંધ લેવા સુરેન્દ્રનગર શહેર મામલતદાર એમ. બી. દવેની યાદીમાં જણાવાયું છે. 

પ્રશ્નોનો કે બેન્કિંગ અંગેના પ્રશ્નો કે ભૂકંપને લગતા પ્રશ્નોનો સમાવેશ કરવામાં આવશે નહીં

અરજદારે ઓનલાઈન અરજી કરી હોય તે તમામ આધારોની પીડીએફ ઓનલાઈન અરજીમાં અપલોડ કરવાની રહેશે. અલગ-અલગ વિષય દર્શાવતાં પ્રશ્નો માટે અલગ-અલગ અરજી કરવાની રહેશે. એક અરજદાર વધુમાં વધુ બે પ્રશ્નો જ રજૂ કરી શકાશે. બે કરતા વધુ પ્રશ્નો રજૂ થશે તો તેવા પ્રસંગે ફકત પ્રથમ રજૂ થયેલા બે પ્રશ્નો જ માન્ય ગણાશે. સરકારી કર્મચારીઓની સેવા વિષયક બાબતને લગતા પ્રશ્નો અને કોર્ટ મેટર કે અપીલ/વિવાદ હેઠળના પ્રશ્નોનો કે બેન્કિંગ અંગેના પ્રશ્નો કે ભૂકંપને લગતા પ્રશ્નોનો સમાવેશ કરવામાં આવશે નહીં. 

સુરેન્દ્રનગર તાલુકા કક્ષાનો “ફરિયાદ નિવારણ” કાર્યક્રમ 26 ઓગસ્ટના રોજ યોજાશે 

સુરેન્દ્રનગર તાલુકાને સ્પર્શતા પ્રશ્નોના નિવારણ હેતુ “ફરિયાદ નિવારણ” કાર્યક્રમ અન્વયે ઓગસ્ટ માસમાં તા.૨૬.૦૮.૨૦૨૫, મંગળવારના રોજ સવારે ૧૧.૦૦ કલાકે મામલતદાર કચેરી, સુરેન્દ્રનગર શહેર ખાતે તાલુકા કક્ષાનો સ્વાગત કાર્યક્રમ યોજાશે. આ ફરિયાદ નિવારણ કાર્યક્રમ અંતર્ગત તા.૧૦.૦.૨૦૨૫ સુધીમાં swagat.gujarat.gov.in/cmog  વેબસાઈટ પર સાંજના 6.૦૦ કલાક સુધીમાં ઓનલાઈન અરજી કરવાની રહેશે. ત્યારબાદ આવેલ અરજીઓ "ફરિયાદ નિવારણ કાર્યક્રમ"માં સમાવિષ્ટ કરવામાં આવશે નહી.

સૌરાષ્ટ્રના સૌથી મોટા લોકમેળાનું આજ સાંજ સુધીમાં નામ થશે જાહેર

લોકમેળા માટે 10 નામ શોર્ટ લિસ્ટ કરવામાં આવ્યા, રેસકોર્સમાં 14થી 18 ઓગસ્ટે યોજાશે લોકમેળો, લોકમેળામાં અલગ અલગ સાંસ્કૃતિક કાર્યક્રમ યોજાશે, સૌરાષ્ટ્રના ઉભરતા કલાકારોને લોકમેળામાં સ્ટેજ મળશે, પાંચ મોટા પોલીસ માટેના ટાવરો ઉભા કરવામાં આવશે.

બટાટા નગરી તરીકે ખ્યાતનામ ડીસા તાલુકામાં ગુજરાતમાં સહુથી વધુ બટાટાનું ઉત્પાદન થાય છે

ડીસાની ઓળખ બટાટા નગરી તરીકે થઈ છે. ડીસાનું હવામાન બટાટાની ખેતી માટે સાનુકૂળ હોવાના લીધે ડીસાના ખેડૂતો વર્ષોથી બટાટાની ખેતી કરતા આવ્યા છે. અને બટાટાના મબલખ ઉત્પાદનથી ખેડૂતોને સારો એવો આર્થિક ફાયદો થયો છે. પરંતુ છેલ્લા ઘણા સમયથી ડીસા તાલુકાના ખેડૂતોએ કોન્ટ્રાક્ટ ફાર્મિંગની શરૂઆત કરી હતી. અને શરૂઆતના તબક્કામાં ખેડૂતોને બટાટાની કોન્ટ્રાક્ટ ફાર્મિંગ ફળી પણ હતી. પરંતુ છેલ્લા એકાદ વર્ષ કોન્ટ્રાક્ટ ફાર્મિંગ કરાવતી કંપનીઓ તેમના દ્વારા ઉત્પાદિત થયેલા બટાટાને ખુલ્લા બજારમાં વેચવા માંડતા બજારમાં બટાટાનો પુરવઠો વધી જતા પરંપરાગત બટાટાની ખેતી કરતા ખેડૂતોના બટાટાની માંગ ઘટતા ખેડૂતોને તેમના બટાટાના પોષણક્ષમ ભાવો નથી મળી રહ્યા.

ભારતમાં 6 કરોડ મેટ્રિક ટન બટાટાનું ઉત્પાદન થયું

ગુજરાતમાં છેલ્લા 10 વર્ષમાં 12 લાખ મેટ્રિક ટન બટાટાનું વાવેતર વધ્યું છે, બનાસકાંઠા જિલ્લામાં વર્ષ 2024 25 માં 18.70 લાખ ટન બટાટાનું ઉત્પાદન થયું છે અને ગુજરાત ગત વર્ષ 48 લાખ મેટ્રિક ટનનું ઉત્પાદન કર્યું હતું, ગત વર્ષે 20 કિલો બટાટાના 230 થી 250 રૂપિયા ભાવ હતો અને ચાલુ વર્ષે 120 થી 140 રૂપિયા ભાવ મળ્યો છે. બટાટામાં 1 વિઘામાં 40000 થી 45000 રૂપિયા ખર્ચ થાય છે અને ઉત્પાદન 30000થી 35000 હજાર મળે છે, કોલ્ડ સ્ટોરેજમાં ગત વર્ષે પ્રતિ કિલોએ આઠ માસનું ભાડું 60 રૂપિયા હતા તે આ વર્ષ 70 રૂપિયા કર્યું છે. 

બટાટા નગરીના ખેડૂતોને રડવાનો વારો આવ્યો, બટાટાની ખેતી થઈ પણ નથી મળતા પોષણક્ષમ ભાવ 

બટાટા નગરી તરીકે ઓળખાતા ડીસામાં અત્યારે ખેડૂતો માટે બટાટાની ખેતી જ રોવડાવી રહી છે, બેશક છેલ્લા કેટલાક વર્ષોમાં ડીસામાં બટાટાનું વાવેતર વધ્યું હોવા છતાં ભાવો ન મળતા ખેડૂતોને નુકસાની સહન કરવી પડી રહી છે. બનાસકાંઠા જિલ્લામાં કોન્ટ્રાક્ટ ફાર્મિંગ દ્વારા બટાટાની ખેતીમાં વધારો થતા અત્યારે ખેડૂતોને ખાવાના બટાકામાં ભાવ મળતો નથી જેના કારણે અત્યારે આ કોન્ટેક્ટ ફાર્મિંગની ખેતી ખેડૂતો માટે મુશ્કેલી ઉભી કરી છે. 

વાંચો 12 વાગ્યા સુધીના મહત્વના સમાચાર

01 - Surat: શહેરમાં રોગચાળાએ માઝા મુકી, નવી સિવિલ હોસ્પિટલમાં એક બેડ પર 2 દર્દીઓને સરવાર આપવામાં આવી રહી 

02 - Kutch: સામખિયાળી પાસે 2 ટ્રેલર વચ્ચે અકસ્માત, અનેક વાહન ચાલકો અટવાયા 

03 - Mohammed Siraj સાથે આ સિંગરની ઉડી અફવા, પછી ક્રિકેટરને લઈ જગજાહેર કહ્યું-ભાઈને મળીને.... 

04 - Junagadh News : જૂનાગઢના કેશોદમાં સાસરીયાના ત્રાસથી જમાઈએ કર્યો આપઘાત, જમાઈને માર માર્યાનો આક્ષેપ લાગ્યો 

05 - Mohammed Sirajને BCCIની મોટી ભેટ, ઈંગ્લેન્ડ સામેની ટેસ્ટ સિરીઝમાં ભારતના ફાસ્ટ બોલર સિરાજનું શાનદાર પ્રદર્શન

06 - Rakshabandhanના તહેવારને લઈને દિલ્હી સહિત દેશભરના બજારોમાં ઉત્સાહનો માહોલ 

07 - Tariff War : 31,500 કરોડની ડીલ રદ્દ, Trumpના 50% ટેરિફ પર ભારતનો તમાચો! 

08 - Ahmedabad News : AMCના ટીપરવાન ચાલકે એક બાદ એક વાહનોને લીધા અડફેટે, એક વ્યકિતનું ઘટના સ્થળે મોત, જુઓ Video 

09 - Gandhinagar News : ગ્રાન્ટ ઈન એઈડ શાળાઓને સરકાર આપશે સહાય, વર્ગખંડ બાંધકામ, વિશિષ્ટ ખંડોના નિર્માણ માટે સહાય અપાશે 

10 - Vadodara News : વડોદરામાં 8 મહિનાનું બાળક ચાંદીપુરા વાયરસથી સંક્રમિત, અત્યાર સુધી 17 બાળકોના મોત 

૧૪૨ આંખોનું દાન મળ્યું છે

12 કલાકના ટૂંકા ગાળામાં થયેલાં  બે અંગદાનથી મળેલ ૪ કિડની અને ૨ લીવરને સિવિલ મેડીસીટી કેમ્પસની જ કિડની હોસ્પિટલના જરૂરિયાતમંદ દર્દીઓમાં પ્રત્યારોપણ કરવામાં આવશ.  તેમજ મળેલ ચાર ચક્ષુનું દાન  સિવિલ મેડિસિટીની એમ એન્ડ જે આંખની હોસ્પિટલ દ્વારા સ્વીકારવામાં આવ્યું હતું. આ અંગદાનથી મળેલ એક ત્વચાના દાનને સિવિલ હોસ્પિટલની જ સ્કીન બેંક દ્વારા સ્વીકારવામા આવ્યું હતું. જેને હોસ્પિટલ માં દાખલ દાઝેલા દર્દીઓની સારવારમાં ઉપયોગમાં લેવામાં આવશે. અત્રે ઉલ્લેખનીય છે, સિવિલ હોસ્પિટલમાં અત્યાર સુધીમાં ૩૭૨- કિડની, ૧૭૯- લીવર, ૬૫- હૃદય, ૩૨- ફેફસાં , ૧૪- સ્વાદુપિંડ , બે નાનાં આંતરડાં, ૨૨ સ્કીન અને ૧૪૨ આંખોનું દાન મળ્યું છે.

અંગદાનથી બે કિડની અને એક લીવર તેમજ બે આંખોનું દાન મળ્યું છે

સિવિલ હોસ્પિટલમાં બીજી ઑગસ્ટના રોજ દાખલ કર્યા બાદ ૪૮ કલાક કરતાં વધુ સમય સુધી આઇસીયુમાં તેમની સઘન સારવાર કરવામાં આવી. પરંતુ ચોથી ઑગસ્ટના રોજ સારવાર દરમ્યાન સિવિલના ડોક્ટરોની ટીમે  હાજાભાઈ બ્રેઇન ડેડ હોવાનું પરિવારજનોને જણાવ્યું હતું. હોસ્પિટલમાં હાજર તેમનાં પત્ની સહિતના પરિવારજનોએ ખૂબ જ વ્યથિત હૃદયે પણ અંગદાન કરી બીજા કોઈનો જીવ બચાવવાનો ઉમદા નિર્ણય કર્યો. હાજાભાઇના અંગદાનથી બે કિડની અને એક લીવર તેમજ બે આંખોનું દાન મળ્યું છે.

બીજુ અંગદાન પોરબંદરના વતનીએ કર્યુ

સિવિલ હોસ્પિટલ ખાતે બે દિવસની સઘન સારવાર દરમ્યાન ચોથી ઑગસ્ટના રોજ સિવિલના ડૉક્ટરોની ટીમ દ્વારા રતનબહેન બ્રેઇનડેડ થયાં હોવાનું પરિવારજનોને જણાવાયું હતું. સિવિલ હોસ્પિટલમાં હાજર તેમના દીકરા તેમજ અન્ય પરિવારજનોએ તેમના અંગદાન થકી બીજા કોઈનો જીવ બચાવવા અંગદાન કરવાનો ઉમદા નિર્ણય કર્યો. રતનબહેનના અંગદાનથી બે કિડની, એક લીવર, બે આંખો તેમજ એક ત્વચાનું દાન પ્રાપ્ત થયું છે. બીજા  કિસ્સામાં ભાડ, પોરબંદરના રહેવાસી એવા ૪૧ વર્ષના હાજાભાઇને અકસ્માત થતાં માથાના ભાગે ગંભીર ઇજા પહોંચી હતી. તેમને પ્રથમ પોરબંદર સિવિલ હોસ્પિટલ અને ત્યારબાદ રાજકોટમાં પ્રાઇવેટ હોસ્પિટલમાં સારવાર કરાવ્યા બાદ વધુ સારવાર અર્થે સિવિલ હોસ્પિટલ અમદાવાદમાં  રિફર કરવામા આવેલા. 

એક અંગાદાન અમદાવાદના વતનીએ કર્યુ

ડૉ. જોષીએ વધુમાં જણાવ્યું હતું કે રાજ્ય સરકારના પ્રયાસોને લીધે લોકો હવે સાચા અર્થમાં અંગદાનના મહત્ત્વને સમજતા થયા છે. જેને કારણે અંગદાનનું પ્રમાણ છેલ્લાં વર્ષોમાં વધ્યું છે. બે અંગદાનમાંથી પ્રથમ કિસ્સાની વાત કરીએ તો અમદાવાદમાં નિર્ણયનગર રાણીપ ખાતે રહેતા  ૫૦ વર્ષનાં રતનબહેન વાઘેલાને જયમંગલ બીઆરટીએસ બસ સ્ટેન્ડ પાસે બીજી ઑગસ્ટના રોજ અકસ્માત થયો હતો. માથાના ભાગે ઇજા થતાં ૧૦૮ મારફતે પ્રથમ સોલા સિવિલ હોસ્પિટલ અને ત્યારબાદ વધુ સારવાર અર્થે અમદાવાદ સિવિલ હોસ્પિટલ લાવવામાં આવ્યાં હતાં. 

અમદાવાદની સિવિલ હોસ્પિટલમાં 12 કલાકમાં 2 અંગદાન થયા, અંગદાન એ જ મહાદાન 

અંગદાન અંગે લોકોમાં વધતી જાગૃતિના પરિણામે અંગદાન મળવાનું પ્રમાણ પણ સતત વધતું રહ્યું છે. સિવિલ હોસ્પિટલ અમદાવાદ ખાતે માત્ર ૧૨ કલાકના ટૂંકા ગાળામાં બે અંગદાન પ્રાપ્ત થયાં છે. આ બે અંગદાન બાદ અંગદાનનો આંકડો ૨૦૪એ પહોંચી ગયો છે. સિવિલમાં થયેલા આ બે અંગદાનની  વિગતો આપતા સિવિલ સુપ્રિટેન્ડેન્ટ ડૉ. રાકેશ જોષીએ જણાવ્યું હતું કે છેલ્લા 12 કલાકના સમયગાળામાં બે અંગદાન સિવિલ હોસ્પિટલ ખાતે થયાં છે. સિવિલ હોસ્પિટલ અમદાવાદમાં અત્યાર સુધીમાં કુલ ૨૦૪ અંગદાનોમાંથી ૬૭૦ અંગો પ્રાપ્ત થયાં, જેના  થકી ૬૫૧ જરૂરિયાતમંદને નવજીવન મળ્યું છે, એવું તેમણે ઉમેર્યું હતું.

અનેક ગુજરાતીઓ ઉત્તરાખંડમાં ફસાયા

અત્યાર સુધી તમામ સલામત હોવાની જાણકારી, સ્ટેટ ઈમરજન્સી કંટોલરૂમ મેળવી રહી છે માહિતી, ઉત્તરાખંડ કેટ ઈમરજન્સ સેન્ટરના સતત સંપર્કમાં, હારીજના 2 પરિવારના 12 સભ્યો ઉત્તરાખંડમાં, ભાવનગરના 15, બનાસકાંઠા 10 લોકો ઉત્તરાખંડમાં, અમદાવાદના 99 લોકો પણ ઉત્તરાખંડમાં, ગુજરાત સરકાર દ્વારા મેડિકલ સારવાર માટે વ્યવસ્થા, ખરાબ હવામાનથી હેલિકોપ્ટર દ્વારા એર લિફ્ટિંગ મુશ્કેલ, સ્થાનિક પ્રશાસનની ગાઈડલાઈન અનુસરવા માટે અપીલ. 

સુરતમાં મચ્છર અને પાણીજન્ય રોગચાળો વકર્યો 

સુરતમાં મચ્છર અને પાણીજન્ય રોગચાળો વકર્યો છે. સુરતની નવી સિવિલ હોસ્પિટલ દર્દીઓથી ઉભરાઈ રહી છે. બાળકોના વોર્ડમાં એક બેડ પર 2 દર્દીઓને સરવાર આપવામાં આવી રહી છે. સિવિલ હોસ્પિટલમાં રોજ 280થી 300 બાળકોની OPD આવે છે. રોજ 50થી 80 બાળકોને એડમિટ કરવામાં આવે છે. વાયરલ, ડેન્ગ્યુના બાળ દર્દીમાં 25 ટકાનો વધારો થયો છે. નવી સિવિલ હોસ્પિટલમાં OPDમાં 50 ટકાનો વધારો થયો છે.

સુરેન્દ્રનગરમાં લોડર ખાડામાં પડી જતા ચાલકનું મોત

સુરેન્દ્રનગરમાં ગેરકાયદે ખનીજમાં યુવકનો જીવ ગયો, લોડર ખાડામાં પડી જતા ચાલકનું ઘટનાસ્થળે મોત, ગેરકાયદે ખનીજ લોડર કૂવામાં ખાબકતા થયું મોત, લોડરથી સેન્ડ સ્ટોન ભરતી વખતે કૂવામાં ખાબક્યો, મુળીના ખાખરાળા ગામે ગેરકાયદે ખનીજ ચોરી, ચોટીલા નાયબ કલેક્ટર સહિત ઘટનાસ્થળે દોડી આવ્યા.

કેશોદમાં સાસરિયાના ત્રાસથી યુવાનનો આપઘાત 

મૃતકના પિતાએ ત્રણ લોકો સામે ફરિયાદ નોંધાઈ છે, મૃતક યુવાનની પત્ની રીસાણી અને તેના સમાધાન માટે રૂ 10 લાખની માંગણી કરી હોવાની વાત સામે આવી છે, મૃતકે રૂપિયા ના આપતા તેને માર મારવામાં આવ્યો હતો, કેશોદ પોલીસે સ્યુસાઈડ નોટ પણ જપ્ત કરી છે અને યુવકનો એક વીડિયો પણ સામે આવ્યો છે જેમાં તે કહી રહ્યો છે કે, સાસરી પક્ષના લોકો ત્રાસ આપતા હતા, પોલીસે સ્યુસાઈડ નોટના આધારે ગુનો નોંધ્યો છે અને મૃતકની પત્ની અને તેના પિતાનું નિવેદન લીધુ છે. 

કેશોદના અગતરાય ગામમાં યુવકે જીવન ટૂંકાવ્યું

કેશોદના અગતરાય ગામમાં યુવકે આપઘાત કર્યો છે, મૃતકના પિતાએ ત્રણ લોકો સામે નોંધાવી ફરિયાદ અને પત્ની, સસરા સહિતે યુવકને મરવા માટે મજબૂર કર્યાની ફરિયાદ નોંધાઈ છે, સાસરિયાઓએ રૂ.10 લાખની જમાઈ સાથે માગ કરી હતી અને તેના કારણે ઝઘડા ચાલતા હતા, તો જમાઈએ રૂપિયા ના આપતા તેમને ઢોર માર મારવામાં આવ્યો હોવાની પણ વાત સામે આવી છે, યુવકે એસિડ પીને આપઘાત કર્યો છે અને પોલીસે મૃતદેહને પીએમ માટે મોકલ્યો છે અને પીએમ થયા બાદ મૃતદેહ પરિજનોને સોંપવામાં આવશે. 

જૂનાગઢના કેશોદમાં સાસરીયાના ત્રાસથી જમાઈએ કર્યો આપઘાત, જમાઈને માર માર્યાનો આક્ષેપ લાગ્યો 

જૂનાગઢના કેશોદમાં સાસરીયાના ત્રાસના કારણે યુવકે આપઘાત કર્યો હોવાની વાત સામે આવી છે, જેમાં કેશોદ પોલીસ સ્ટેશનમાં ગુનો નોંધવામાં આવ્યો છે, મૃતકના પિતાએ પત્ની અને સસરા સામે ફરિયાદ નોંધાવી છે, મૃતક યુવક પાસે વારંવાર રૂપિયા માંગતા હતા સાસરીપક્ષના લોકો અને માર મારવામાં આવ્યો હોવાની વાત પણ સામે આવી છે, ત્યારે પોલીસની તપાસમાં શું સામે આવે છે તે જોવાનું રહ્યું.

મહિસાગરના કડાણા પાસે ભૂકંપનો આંચકો 

સવારે 10 વાગ્યે 3.5ની તીવ્રતાનો આંચકો નોંધાયો, ભૂકંપનું કેન્દ્રબિન્દુ રાજસ્થાનમાં નોંધાયું. 

બાવળા શહેરના વિવિધ વિસ્તારોમાં મચ્છરના નાશ માટે ફોગિંગ પણ વ્યાપકપણે કરવામાં આવી રહ્યું છે

માત્ર એટલું જ નહીં આ કર્મચારીઓ દ્વારા શહેરની પાણીની ટાંકીથી લઈને લોકોના ઘરમાં માટલામાં રહેલા પીવાના પાણીની પણ તપાસ કરવામાં આવે છે તેમજ તેનું ક્લોરિનેશન પણ સુનિશ્ચિત કરવામાં આવે છે. આ હેલ્થ વોરિયર શહેરના પીવાના પાણીના વિવિધ સંગ્રહ સ્થાનોની મુલાકાત લઈ પાણીનું ક્લોરીનેશન સુનિશ્ચિત કરી રહ્યા છે. આ ઉપરાંત શેલ્ટર હોમમાં આશ્રય લઈ રહેલા ૪૦ જેટલા પરિવારોની તેમજ બાળકો, વૃદ્ધો તેમજ સગર્ભા મહિલાઓની પણ સારવાર તેમજ આરોગ્ય દરકાર આ શેલ્ટર હોમ ખાતે કરવામાં આવી રહી છે. આ ઉપરાંત સવારે અને સાંજે બાવળા શહેરના વિવિધ વિસ્તારોમાં મચ્છરના નાશ માટે ફોગિંગ પણ વ્યાપકપણે કરવામાં આવી રહ્યું છે. બાવળા તાલુકાના આરોગ્ય સુરક્ષા તંત્રની ઝડપી અને અસરકારક કામગીરીને પરિણામે બાવળામાં પાણીજન્ય રોગો તેમજ વેક્ટર બોર્ન ડીસીઝ અટકાવવામાં વહીવટી તંત્રને સફળતા મળી છે. 

આરોગ્ય વિભાગની ૧૦ થી વધુ ટીમોએ આરોગ્યને લઈ તપાસ શરૂ કરી

બાવળા તાલુકાના આ હેલ્થ વોરિયર્સ નો નિશ્ચય છે કે બાવળા શહેરમાં ભારે વરસાદને પગલે પાણી ભલે લોકોના ઘરના દરવાજે પહોંચ્યું પરંતુ રોગને લોકોના આંગણામાં પગ મુકવા દેવો નથી. બાવળા શહેરમાં આરોગ્ય વિભાગની ૧૦ થી વધુ ટીમોએ ઘરે-ઘરે જઈને અત્યાર સુધીમાં ૨૫ હજાર જેટલા લોકોની આરોગ્ય તપાસ પૂર્ણ કરી છે.

શારીરિક તકલીફ જણાય તો તુરંત સારવાર અને દવા પણ આપી રહ્યા છે

તાકીદની આ કામગીરી બાદ બાવળા શહેરમાં પાણીજન્ય રોગચાળો તેમજ વેક્ટર બોર્ન ડીસીઝ ફેલાય નહીં અને કોઈ નાગરિકને માંદગી જણાય તો સમયસર તેની સારવાર કરી શકાય તે માટે આરોગ્ય તંત્ર સાબદુ બન્યું છે. તાલુકા આરોગ્ય વિભાગના કર્મચારીઓ મલ્ટી પર્પસ હેલ્થ વર્કર અને આશા બહેનો ઘરે ઘરે જઈને નાગરિકોના આરોગ્યની દરકાર લઈ રહ્યા છે. બાવળાના આ હેલ્થ વોરિયર ડોર ટુ ડોર મુલાકાત કરીને લોકોના આરોગ્ય તપાસવાનું કામ કરી રહ્યા છે તેમ જ જો કોઈને શરદી તાવ કે અન્ય કોઈ શારીરિક તકલીફ જણાય તો તુરંત સારવાર અને દવા પણ આપી રહ્યા છે. 

બાવળામાં પૂર પછી પાણીજન્ય રોગ અને વેક્ટર બોન્ડ રોગ અટકાવવા આરોગ્ય તંત્રની અનોખી ઝુંબેશ 

બાવળામાં ભારે વરસાદ અને પૂરની સ્થિતિને પગલે વિવિધ વિસ્તારોમાં પાણી ભરાવાની સમસ્યા સર્જાઇ હતી. જિલ્લા વહીવટી તંત્ર તેમજ સ્થાનિક પ્રશાસન દ્વારા લોકોને રાહત બચાવ અને પાણી નિકાલની કામગીરી સત્વરે કરવામાં આવી હતી. જ્યાં લોકોનું સ્થળાંતર આવશ્યક હતું ત્યાં હંગામી આશ્રય સ્થાનો ઊભા કરીને લોકોની રહેવા તથા જમવાની સુવિધાઓ પણ વહીવટી તંત્ર દ્વારા પૂરી પાડવામાં આવી હતી. 

ઈજાગ્રસ્તોને સારવાર માટે ખસેડાયા

જમાલપુરમાં અકસ્માતની ઘટના બની છે, જેમાં એએમસીના ટીપરવાન ચાલકે અકસ્માત સર્જયો છે અને રોડ પર દોડધામ મચી હતી, લોકો જીવ બચાવવા માટે દોડયા હતા પરંતુ ટીપરવાનના ચાલકે બ્રેક મારવાના બદલે એકસ્કયુલેટર પર પગ મૂકી દીધો હતો, પોલીસે પણ સીસીટીવી લીધા છે અને ગુનો નોંધવાની તજવીજ હાથધરી છે, જે વ્યકિતનું મોત થયું છે તેમનો મૃતદેહ પીએમ માટે ખસેડાયા છે અને પીએમ થયા બાદ મૃતદેહ પરિજનોને સોંપવામાં આવશે, એએમસીના ડમ્પરો હોય કે પછી ટીપરવેન હોય તેના ડ્રાઈવરો અકસ્માત સર્જતા હોય છે અને વાંરવાર આવી ઘટનાઓ અમદાવાદમાં બની છે. 

AMCના ટીપરવાન ચાલકે એક બાદ એક વાહનોને લીધા અડફેટે, એક વ્યકિતનું ઘટના સ્થળે મોત 

અમદાવાદના જમાલપુરમાં અકસ્માતની ઘટના બની છે જેમાં એએમસીની ટીપરવાન કારે અકસ્માત સર્જયો છે અને એક બાદ એક પાંચ વાહનોને અડફેટે લીધા છે જેમાં પાંચ વ્યકિતઓ ઈજાગ્રસ્ત થતા તેમને સારવાર માટે હોસ્પિટલ ખસેડવામાં આવ્યા છે, તો બીજી તરફ આ ઘટનામાં એક વ્યકિતનું મોત થયું છે. 

શિક્ષકોની કાયમી ભરતી માટે ડોમિસાઈલની માગ

ગુજરાત રાજ્ય શાળા સંચાલક મંડળે કરી રજૂઆત, ગુજરાતમાં ડોમિસાઈલ નીતિની માગ કરાઈ, મુખ્યમંત્રીને પત્ર લખીને કરી રજૂઆત, TATની ભરતી અન્ય રાજ્યના ઉમેદવારો ભાગ લે છે, 35 ટકા શિક્ષકો અન્ય રાજ્યોના હોવાનો દાવો.

અમદાવાદના એલિસબ્રિજની હાલત દયનીય, ગોકળગતિની કામગીરીને લઈ લોખંડમાં કાટ લાગ્યો

વોક વે બનાવવા માટે મુકાઈ રહ્યા છે લોખંડના ગડર, તંત્રની ધીમી કામગીરીથી લોખંડની ગડરને કાટ લાગ્યો, અત્યારે જે પરિસ્થિતિ છે ખૂબ ચિંતાજનક : શહેરીજન, વોક વે બનાવવાનું શરૂ કર્યું પણ અત્યારે બંધ: શહેરીજન

નડિયાદમાં ઇન્ફ્લુએન્સર રીલની ઘેલછામાં ભાન ભૂલ્યો

ઇન્ફ્લુએન્સરે દિશા સૂચક બોર્ડ ઉપર લગાવ્યા પોસ્ટર, ‘આવી રહ્યું છે નડિઆદમાં 111’ લખાણના પોસ્ટર લગાવ્યા, અલગ અલગ ગામોના દિશા સૂચક બોર્ડ લગાવાયા પોસ્ટર, નિયમ ભંગ બદલ પ્રેમલ પટેલ વિરુદ્ધ ફરિયાદની માંગ ઉઠી, અગાઉ રિલ બનાવવા એમ્બ્યુલન્સનો કર્યો હતો ઉપયોગ. 

આદિવાસી વિસ્તારોની ગ્રાન્ટ ઇન એઈડ શાળાઓમાં વિદ્યાર્થીલક્ષી માળખાકીય સુવિધાઓ ઊભી કરવામાં મદદરૂપ બનશે

આવી સુવિધાઓ માટે થનારા ખર્ચના 80 ટકા રાજ્ય સરકાર આપશે તથા બાકીના 20 ટકા રકમ સંબંધિત શાળા મંડળ દ્વારા ભોગવવાની રહેશે. મિશન સ્કૂલ ઓફ એક્સેલન્સ 2.0 અંતર્ગત આવતી અને આ સહાય માટે પાત્રતા ધરાવતી ગ્રાન્ટ ઇન એઇડ માધ્યમિક, ઉચ્ચત્તર માધ્યમિક શાળાઓએ 30 સપ્ટેમ્બર, 2025 સુધીમાં નિયત નમૂનામાં દરખાસ્ત કરીને સંબંધિત જિલ્લા શિક્ષણ અધિકારીને મોકલી શકશે. મુખ્યમંત્રી  ભૂપેન્દ્ર પટેલે કરેલો આ શિક્ષણ હિતલક્ષી નિર્ણય ગ્રામ્ય અને આદિવાસી વિસ્તારોની ગ્રાન્ટ ઇન એઈડ શાળાઓમાં વિદ્યાર્થીલક્ષી માળખાકીય સુવિધાઓ ઊભી કરવામાં મદદરૂપ બનશે અને સંચાલકો પરનું આર્થિક ભારણ પણ ઓછું થશે. આ  અંગેના વિધિવત ઠરાવો શિક્ષણ વિભાગ દ્વારા જારી કરવામાં આવ્યા છે.

દિવ્યાંગ માટે જરૂરી સુગમ્ય માળખાકીય સુવિધાઓનો સમાવેશ કરવામાં આવ્યો છે

શાળાઓને જે માળખાકીય સુવિધાઓ માટે આ યોજના અંતર્ગત સહાય મળવાપાત્ર છે તેમાં ખૂટતા વર્ગખંડના બાંધકામ, પુસ્તકાલય, લેબોરેટરી, કોમ્પ્યુટર લેબ, વોકેશનલ રૂમ, ગર્લ્સ રૂમ વગેરે વિશિષ્ટ ખંડોના બાંધકામ, વિદ્યાર્થીઓ-વિદ્યાર્થીનીઓ અને દિવ્યાંગ છાત્રો માટેના નવા ટોયલેટ બ્લોક્સ તથા પીવાના પાણીની સુવિધા અને અન્ય મેજર રિપેરીંગ તેમજ રંગરોગાન, કમ્પાઉન્ડ વોલ અને દિવ્યાંગ માટે જરૂરી સુગમ્ય માળખાકીય સુવિધાઓનો સમાવેશ કરવામાં આવ્યો છે. 

શાળાઓમાં માળખાકીય સુવિધાઓ ઊભી કરવા માટે ફક્ત એક જ વાર મળી શકશે

રાજ્ય સરકારે શિક્ષણ જગતના અને શાળાના વિદ્યાર્થીઓના વ્યાપક હિતમાં આ યોજના શરૂ કરીને શાળા સંચાલક મંડળ સંઘની માંગણીનો હકારાત્મક પ્રતિસાદ આપ્યો છે. મુખ્યમંત્રીએ મંજૂર કરેલી આ યોજના અન્વયે મિશન સ્કૂલ ઓફ એક્સેલન્સ 2.0 અંતર્ગતની આવી ગ્રાન્ટ ઇન એઈડ માધ્યમિક અને ઉચ્ચત્તર માધ્યમિક શાળાઓને વિદ્યાર્થીઓની સંખ્યાના આધારે 10 લાખથી 1.50 કરોડ સુધીની આર્થિક સહાય શાળાઓમાં માળખાકીય સુવિધાઓ ઊભી કરવા માટે ફક્ત એક જ વાર મળી શકશે. 

શૈક્ષણિક વર્ષ 2025-26થી 5 વર્ષ માટે આ યોજના શરૂ કરવામાં આવી છે

મુખ્યમંત્રી ભૂપેન્દ્ર પટેલે આવનારા સમયની આવી જરૂરીયાતો અંગે વિઝનરી પ્લાનિંગ સાથે ગ્રાન્ટ ઇન એઈડ શાળાઓમાં પણ સરકારી શાળાઓની જેમ માળખાકીય સુવિધાઓને સુદ્રઢ કરવા માટે આર્થિક સહાય આપવાનો નિર્ણય કર્યો છે. તદઅનુસાર શિક્ષણ મંત્રી શ્રી ડૉ. કુબેરભાઈ ડીંડોરના દિશાદર્શનમાં રાજ્યના શિક્ષણ વિભાગ દ્વારા શૈક્ષણિક વર્ષ 2025-26થી 5 વર્ષ માટે આ યોજના શરૂ કરવામાં આવી છે. 

શાળાઓમાં આવનારા વિદ્યાર્થીઓની સંખ્યામાં ખૂબ વધારો થવાની પણ સંભાવનાઓ રહેલી

રાજ્ય સરકાર દ્વારા આ સંદર્ભમાં શાળાકીય શિક્ષણમાં ગુણવત્તાયુક્ત પરિવર્તન અને ખાસ કરીને મિશન સ્કૂલ ઓફ એક્સેલન્સ અંતર્ગત પ્રાથમિક, માધ્યમિક અને ઉચ્ચત્તર માધ્યમિક શિક્ષણમાં આમૂલ પરિવર્તન થઈ રહ્યું છે. રાજ્યમાં ગ્રાન્ટ ઇન એઈડ સેકન્ડરી અને હાયર સેકન્ડરી સ્કૂલમાં ખૂબ મોટા પ્રમાણમાં વિદ્યાર્થીઓ અભ્યાસ કરે છે.  એટલું જ નહિ, શિક્ષણ વિભાગ તરફથી લેવામાં આવી રહેલા પરિણામલક્ષી પગલાંઓને પરિણામે આવી શાળાઓમાં આવનારા વિદ્યાર્થીઓની સંખ્યામાં ખૂબ વધારો થવાની પણ સંભાવનાઓ રહેલી છે.

માધ્યમિક અને ઉચ્ચત્તર માધ્યમિક શિક્ષણ પૂર્ણ કરે તે સુનિશ્ચિત કરવાની ભલામણો કરવામાં આવેલી છે 

ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ સંલગ્ન શિક્ષણ વિભાગ હેઠળની આવી ગ્રાન્ટ ઇન એઈડ સેકન્ડરી અને હાયર સેકન્ડરી શાળાઓને આ સહાય 80:20ના પ્રમાણમાં આપવામાં આવશે. વડાપ્રધાન નરેન્દ્ર  મોદીના નેતૃત્વમાં દેશમાં અમલી થયેલી રાષ્ટ્રીય શિક્ષણ નીતિ-2020 મુજબ પ્રાથમિક શિક્ષણના સાર્વત્રિકરણ પછી વિદ્યાર્થીઓ માધ્યમિક અને ઉચ્ચત્તર માધ્યમિક શિક્ષણ પૂર્ણ કરે તે સુનિશ્ચિત કરવાની ભલામણો કરવામાં આવેલી છે. 

ગ્રાન્ટ ઈન એઈડ શાળાઓને સરકાર આપશે સહાય, વર્ગખંડ બાંધકામ, વિશિષ્ટ ખંડોના નિર્માણ માટે સહાય

મિશન સ્કૂલ ઓફ એક્સેલન્સ 2.0 અંતર્ગત પસંદ થયેલી રાજ્યની ગ્રાન્ટ ઇન એઈડ માધ્યમિક અને ઉચ્ચત્તર માધ્યમિક શાળાઓને માળખાકીય સુવિધાઓ સંગીન બનાવવા રાજ્ય સરકાર સહાય આપશે. 

ચાંદીપુરા વાયરસ ફેલાવતી સેન્ડ ફ્લાય માખી કઈ રીતે જોખમી હોય છે?

1-સેન્ડ ફ્લાય માખી ઘરની અંદરની બાજુએ કાચી કે પાકી દિવાલ પર ભેજવાળા વાતાવરણમાં થાય છે.

2-આ સેન્ડ ફ્લાય નરી આંખે જોઈ શકાય તેવી સામાન્ય માખી કરતાં ચાર ગણી નાની હોય છે.

3-સેન્ડ ફ્લાય ગ્રામ્ય વિસ્તારના ખાસ કરીને માટીના ઘરમાં દિવાલની તિરાડોમાં રહે છે.

4-સેન્ડ ફ્લાય દ્વારા ચાંદીપુરા ઉપરાંત કાલા આઝાર જેવા રોગ પણ ફેલાય છે.

5-સામાન્ય રીતે 14 વર્ષ સુધીના બાળકો કે જેમની રોગપ્રતિકારકશક્તિ ઓછી હોય તેમને થવાનું જોખમ રહે છે.

ચાંદીપુરા વાયરસને લઈ આસપાસના ગામડાના દર્દીઓ આવે છે સારવાર લેવા

નોડલ ઓફિસરના જણાવ્યા અનુસાર વડોદરામાં ગોધરા અને પંચમહાલથી ચાંદીપુરા વાયરસને લઈ બાળકો સારવાર લેવા આવી રહ્યાં છે, રોજના બે થી ચાર દર્દીઓ સારવાર લેવા માટે આવી રહ્યાં છે. ચાંદીપુરા વાયરસથી સંક્રમિત બાળકોને અતિશય તાવ, ઝાડા ઉલટીની ફરિયાદ હોય છે. પરંતુ બાળકોને તાવ આવવો એટલે ચાંદીપુરા વાયરસ છે તેમ સમજી ગભરાવવું નહીં.

વડોદરામાં 8 મહિનાનું બાળક ચાંદીપુરા વાયરસથી સંક્રમિત, અત્યાર સુધી  17 બાળકોના મોત 

વડોદરામાં ચાંદીપુરા વાયરસનો કેસ પોઝિટિવ નોંધાયો છે, 8 મહિનાનું બાળક ચાંદીપુરા વાયરસથી સંક્રમિત થયું છે, 2 મહિનામાં 27 બાળકોએ ચાંદીપુરા વાયરસની સારવાર લીધી છે, અત્યાર સુધીમાં ચાંદીપુરાથી 17 બાળકોના મોત થયા છે, પંચમહાલ અને ગોધરાના સૌથી વધુ કેસ સામે આવ્યા છે. મધ્યપ્રદેશનું બાળક એસ.એસ.જી હોસ્પિટલમાં સારવાર હેઠળ ખસેડવામાં આવ્યું છે.

જુનાગઢમાં ઓનલાઇન ઠગાઈ કરતો આરોપી ઝડપાયો 

સોશિયલ મીડિયામાં લોભામણી જાહેરાત મૂકી કરતો ઠગાઈ, કેશોદના યુવક સાથે ઠગાઈ કરનારને પોલીસે ઝડપી પાડ્યો, આરોપી સામે અગાઉના 7 ગુનાઓ ભેદ પણ ઉકેલાયો, સમગ્ર મામલે પોલીસે વધુ તપાસ હાથ ધરી.

મુખ્યમંત્રીના અધિક અગ્ર સચિવ હાજર રહ્યાં હતા 

સ્ટેચ્યુ ઓફ યુનિટીના નિભાવ અને જાળવણી માટે આવનારા દિવસોમાં ઇનહાઉસ કેપેસિટી ડેવલપ કરવા માટેનું વ્યવસ્થા તંત્ર ઊભું કરવાની પણ બેઠકમાં વિચારણા થઈ હતી. મુખ્ય સચિવ પંકજ જોશી, સરદાર સરોવર નર્મદા નિગમના અધ્યક્ષ મુકેશ પુરી, નાણા વિભાગના અગ્ર સચિવ  ટી. નટરાજ, શહેરી વિકાસ અગ્ર સચિવ થેન્નારસન, મુખ્યમંત્રીના અધિક અગ્ર સચિવ અવંતિકા સિંઘ અને માર્ગ-મકાન સચિવ પ્રભાત પટેલીયા આ બેઠકમાં સહભાગી થયા હતા.

પ્રવાસન વિકાસ કામો સહિતના વિવિધ કામોની વિસ્તૃત વિગતો બેઠકમાં પ્રસ્તુત કરી હતી

એટલું જ નહીં, SOU પરિસરને વધુ પ્રવાસન આકર્ષણનું કેન્દ્ર બનાવવા SOU પાસેના ડુંગરો પર ટ્રેકિંગ ટ્રેલ, વોક-વે, હોસ્પિટાલિટી ડિસ્ટ્રીક્ટ તથા પ્રવેશદ્વાર પાસે સરદાર સરોવર ડેમની પ્રતિકૃતિ મૂકવા સહિતના આયોજનોની વિસ્તૃત ચર્ચા હાથ ધરવામાં આવી હતી. સ્ટેચ્યુ ઓફ યુનિટી એરીયા ડેવલોપમેન્ટ એન્ડ ટુરિઝમ ઓથોરિટીના ચીફ એક્ઝિક્યુટિવ ઓફિસર શ્રી અમિત અરોરાએ આ ગવર્નિંગ બોડીના બેઠકના કાર્ય એજન્ડાઓ તથા SOUમાં હાથ ધરવામાં આવી રહેલા પ્રવાસન વિકાસ કામો સહિતના વિવિધ કામોની વિસ્તૃત વિગતો બેઠકમાં પ્રસ્તુત કરી હતી.

મેમોરિયલ વિકસાવવાનો તથા સરદાર સાહેબની યાદમાં વિવિધ જનહિત પ્રવૃત્તિઓ હાથ ધરવાનો છે

સરદાર વલ્લભભાઈ પટેલ રાષ્ટ્રીય એકતા ટ્રસ્ટ એ ગુજરાત સરકાર દ્વારા સોસાયટી ઓફ રજીસ્ટ્રેશન અધિનિયમ ૧૮૬૦ અને બોમ્બે પબ્લિક ટ્રસ્ટ અધિનિયમ ૧૯૫૦ અન્વયે સ્થાપવામાં આવેલી એક સ્વાયત સંસ્થા છે. આ ટ્રસ્ટનો મુખ્ય ઉદ્દેશ્ય સરદાર વલ્લભભાઈ પટેલની સ્મૃતિ રૂપે એક રાષ્ટ્રીય સ્મારક નેશનલ મેમોરિયલ વિકસાવવાનો તથા સરદાર સાહેબની યાદમાં વિવિધ જનહિત પ્રવૃત્તિઓ હાથ ધરવાનો છે. આ હેતુસર મુખ્યમંત્રીના અધ્યક્ષ સ્થાને ૧૦ સભ્યોની ગવર્નિંગ બોડી રચવામાં આવેલી છે આ બોડીમાં મુખ્ય સચિવ અને સરદાર સરોવર નર્મદા નિગમના અધ્યક્ષ ઉપરાંત નાણાં વિભાગ, શહેરી વિકાસ વિભાગ, વન-પર્યાવરણ વિભાગ, માર્ગ-મકાન વિભાગ અને સરદાર સરોવર નર્મદા નિગમના એમ.ડી. સહિતના વરિષ્ઠ સચિવોનો સમાવેશ કરવામાં આવ્યો છે. 

૬ઠ્ઠી ગવર્નિંગ બોડીની બેઠકમાં આ અંગે ફળદાયી ચર્ચા પરામર્શ હાથ ધરવામાં આવ્યા હતા

સરદાર વલ્લભભાઈ પટેલની વિશ્વની સૌથી ઊંચી પ્રતિમા સ્ટેચ્યુ ઓફ યુનિટી-SOU એકતા નગરની મુલાકાતે આવનારા દેશ-વિદેશના પ્રવાસીઓ માટે પૂરતી નિવાસ સુવિધાઓના વિકાસની ચાલી રહેલી કામગીરીને વધુ ઝડપી અને આયોજનબદ્ધ કરવામાં આવશે. મુખ્યમંત્રી ભૂપેન્દ્ર પટેલના અધ્યક્ષ સ્થાને ગાંધીનગરમાં મળેલી સરદાર વલ્લભભાઈ પટેલ રાષ્ટ્રીય એકતા ટ્રસ્ટની ૬ઠ્ઠી ગવર્નિંગ બોડીની બેઠકમાં આ અંગે ફળદાયી ચર્ચા પરામર્શ હાથ ધરવામાં આવ્યા હતા. 

સરદાર વલ્લભભાઈ પટેલ રાષ્ટ્રીય એકતા ટ્રસ્ટની બેઠક સંપન્ન, મુખ્યમંત્રી ભૂપેન્દ્ર પટેલ રહ્યા હતા હાજર 

મુખ્યમંત્રી ભૂપેન્દ્ર પટેલના અધ્યક્ષ સ્થાને ગાંધીનગરમાં સરદાર વલ્લભભાઈ પટેલ રાષ્ટ્રીય એકતા ટ્રસ્ટની ૬ઠ્ઠી ગવર્નિંગ બોડીની બેઠક સંપન્ન થઈ છે, SOUને વધુ પ્રવાસન આકર્ષણનું કેન્દ્ર બનાવવા SOU પાસેના ડુંગરો પર ટ્રેકિંગ ટ્રેલ - વોક-વે - હોસ્પિટાલિટી ડિસ્ટ્રીક્ટ તથા પ્રવેશદ્વાર પાસે સરદાર સરોવર ડેમની પ્રતિકૃતિ મૂકવા સહિતના આયોજનોની ફળદાયી વિસ્તૃત ચર્ચા-પરામર્શ થયા.

સ્થાનિક પોલીસની કામગીરી સામે ઉઠ્યા સવાલ

જાગૃત નાગરિકે વીડિયો ઉતારીને સોશિયલ મિડીયામાં વાયરલ કર્યો છે, આમ પણ અરવલ્લી જિલ્લામાં દારૂબંધીના લીરેલીરા ઉડતા દેખાય છે, કયારેક દેશી દારૂ તો કયારેક અંગ્રેજી દારૂ ઝડપાતો હોય છે અને બુટલેગરો પોલીસના આશીર્વાદ હેઠળ દારૂ પણ વેચતા હોવાની વાત સૂત્રો તરફથી મળી રહી છે, રાજસ્થાન બોર્ડરથી ગુજરાતની બોર્ડરમાં દારૂ આવતો હોય છે તો ઘણીવાર સ્થાનિક બુટલેગરો આંતરિયાળ ગામોમાંથી પણ ગુજરાતમાં દારૂ ઘુસાડતા હોય છે.

મોડાસાના મેઘરજ રોડ પર દારૂની બોટલો રોડ પર પડી 

મોડાસાના મેઘરજ રોડ પર દારૂની બોટલો રોડ પર પડી છે, એક જાગૃત નાગરિક દ્વારા સમગ્ર ઘટનાને લઈ વીડિયો સોશિયલ મિડીયામાં વાયરલ કરવામાં આવ્યો છે, સ્થાનિક પોલીસની કામગીરી સામે સવાલ ઉભા થયા છે, સાથે સાથે કોઈ બુટલેગર રાજસ્થાન તરફથી ગુજરાતની બોર્ડરમાં પ્રવેશ્યો હોય અને વાહનમાંથી આ દારૂની બોટલો પડી હોય તેવી માહિતી સામે આવી છે, સ્થાનિક પોલીસના પેટ્રોલિંગ અને વાહનચેકિંગને લઈ સવાલો ઉભા થયા છે. 

અરવલ્લી જિલ્લામાં દારૂ બંધીના ધજાગરા, વાહનમાંથી દારૂની બોટલો રોડ પર પડી

અરવલ્લી જિલ્લામાં દારૂ બંધીના ધજાગરા ઉડયા છે, વાહનમાંથી દારૂની બોટલો રોડ પર પડતા રેલમછેલ થઈ છે, સાયરા તરફથી આવતા વાહનમાંથી બોટલો પડી છે અને એક નાગરિક દ્વારા તેનો વીડિયો સોશિયલ મિડીયામાં વાયરલ કરવામાં આવ્યો છે, પોલીસે આ સમગ્ર ઘટનાને લઈ તપાસનો ધમધમાટ શરૂ કર્યો છે. 

જાણો પીએસઆઈએ કેમ માગી લાંચ

આ કામે હકિકત એવી છે કે, આ કામના ફરિયાદીના માસીના દીકરા તથા તેના મિત્ર ઉપર સરથાણા પોલીસ સ્ટેશન ખાતે ગુનો દાખલ થયો હતો જેમાં ગુનાની તપાસ પીએસઆઈ કરી રહ્યા હતા, તે દરમિયાન આરોપીને માર નહી મારવાનો તેમજ વહેલા જામીન ઉપર મુકત કરાવી દેવાના આ બાબતે લાંચની માગણી કરી હતી અને ફરિયાદી લાંચ આપવા માંગતા ન હતા જેના કારણે તેમણે એસીબીનો સંપર્ક કર્યો હતો અને લાંચના છટકા દરમ્યાન આરોપી ફરિયાદી સાથે હેતુલક્ષી વાતચીત કરી, લાંચના નાણાં સ્વિકારી, પકડાઇ જઇ ગુનો કરેલ છે.

સુરતમાં સરથાણા પોલીસ સ્ટેશનના PSI રૂ.40 હજારની લાંચ લેતા  ACBના હાથે ઝડપાયા 

સુરતમાં સરથાણા પોલીસ સ્ટેશનમાં ફરજ બજાવતા PSI રૂપિયા 40 હજારની લાંચ લેતા એસીબીના હાથે ઝડપાઈ ગયા છે, આરોપીને માર નહી મારવાનો તેમજ વહેલા જામીન પર મુકત કરવા માટે લાંચ માગી હોવાની વાત સામે આવી છે, આરોપી પીએસઆઈની અટકાયત કરીને આગળની કાર્યવાહી કરવામાં આવી છે. 

ઉત્તરાખંડના ધરાલીમાં રેસ્ક્યૂ ઓપરેશન તેજ

વાદળ ફાટ્યા બાદ ધરાલીમાં ચારે તરફ તારાજી, સતત વરસાદથી રેસ્ક્યૂમાં આવી રહી છે અડચણ, કીચડની જાડી પરતો, અંદર દટાયેલા પથ્થરોથી મુશ્કેલી, સેના, ITBP, NDRF, SDRFની ટીમો લોકોને બચાવવા માટે કાર્યરત, અત્યાર સુધી 190 લોકોને બચાવી લેવાયા, 11 સૈનિકો સહિત હજુ 70થી વધુ લોકો લાપતા, ધરાલીમાં વાદળ ફાટ્યા બાદ 5 લોકોનાં મોત, રેસ્ક્યૂ ઓપરૈશનમાં 7 ટીમો તૈનાત કરવામાં આવી, 225થી વધુ જવાનો રેસ્ક્યૂ ઓપરેશન માટે તૈનાત, હર્ષિલનું મિલિટરી હેલિપેડ ચાલુ કરાયું, રાહત સામગ્રી માટે 3 હેલિકોપ્ટર તૈનાત. 

ઉત્તર ગુજરાતમાં પણ કેટલાક વિસ્તારમાં વરસાદ ખેંચાયો

ઉત્તર ગુજરાતમાં પણ કેટલાક વિસ્તારમાં વરસાદ ખેંચાયો છે.જો ઉત્તર ગુજરાતના નાગરિકોની રજુઆત આવશે તો તેમને પણ પરિસ્થિત અને પાણીના જથ્થાને ધ્યાનમાં રાખીને સુજલામ સુફલામ મારફતે પાણી આપવામાં આવશે.અન્ય એક મહત્વપૂર્ણ નિર્ણય સંદર્ભે મંત્રીએ જણાવ્યું હતું કે,આ ઉપરાંત સૌરાષ્ટ્રના કુલ 11 જિલ્લાઓમાં 8 કલાકના બદલે 10 કલાક વીજ પુરવઠો આપવામાં આવશે.સૌરાષ્ટ્રના જામનગર, દેવભૂમિ દ્વારકા, પોરબંદર, રાજકોટ, સુરેન્દ્રનગર, મોરબી, અમરેલી, ભાવનગર, બોટાડ, જૂનાગઢ અને ગીર સોમનાથ એમ કુલ 11 જિલ્લામાં 10 કલાક કૃષિ વિષયક વીજ પુરવઠો આપવામાં આવશે.

સિઝનનો કુલ 63.84 ટકા વરસાદ વરસ્યો

રાજ્યમાં અત્યાર સુધીમાં સિઝનનો કૂલ 63.84 ટકા વરસાદ વરસ્યો છે. જેમાં સૌથી વધુ 67.73 ટકા વરસાદ દક્ષિણ ગુજરાતમાં નોંધાયો છે. આ ઉપરાંત કચ્છમાં 64.88, ઉત્તર ગુજરાતમાં 66.20, મધ્ય ગુજરાતમાં 66.23 અને સૌરાષ્ટ્રમાં 55.79 ટકા વરસાદ નોંધાયો છે. આ વખતે સૌરાષ્ટ્રમાં સૌથી ઓછો વરસાદ નોંધાયો છે. હાલમાં સૌરાષ્ટ્ર તરફી વરસાદી સિસ્ટમ સક્રિય હોવાને કારણે ત્યાં હળવાથી મધ્યમ વરસાદની આગાહી કરવામાં આવી છે.

ગુજરાતમાં વરસાદનું જોર ઘટયું

હવામાન વિભાગની આગાહી પ્રમાણે વાત કરીએ તો ઉત્તર ગુજરાતમાં હળવા વરસાદની આગાહી કરવામાં આવી છે, અમદાવાદના તાપમાનમાં વધારો થવાની શક્યતા છે. મોન્સૂન ટ્રફ પૂર્વ રાજસ્થાન અને ઉત્તર ગુજરાત તરફથી  પસાર થશે અને રાજયમાં લઘુત્તમ તાપમાન 26 અને મહત્તમ તાપમાન 33ની આસપાસ રહેવાની શક્યતા છે.

રાજયમાં વરસાદનું જોર ઘટયું, ગુજરાતમાં ભારે વરસાદની શકયતા નહીવત 

રાજયમાં વરસાદનું જોર ઘટયું છે અને રાજયમાં ભારે વરસાદની શકયતા નહીવત છે તેવી આગાહી હવામાન વિભાગ દ્વારા કરવામાં આવી છે, બીજી તરફ રાજયમાં કેટલીક જગ્યાએ હળવાથી મધ્યમ વરસાદની આગાહી કરવામાં આવી છે, અમદાવાદમાં ગાજવીજ સાથે મધ્યમ વરસાદની આગાહી કરવામાં આવી છે. 

AMC સંકલન બેઠકમાં ઋષિકેશ પટેલને રજૂઆત

શહેરના ધારાસભ્યોએ પ્રભારી મંત્રીને કરી રજૂઆત, ઇલેક્ટ્રિક બસ ચલાવવાનો ખર્ચ વધારે હોવાની રજૂઆત, AMTS બસ ચલાવવા પ્રતિ કિમી રૂ.24નો ભાવ ફેર, પ્રતિ વર્ષ AMCને 232 કરોડના નુકસાનની આશંકા, સાબરમતી રિવરફ્રન્ટમાં નદીમાં કાપને લઇ રજૂઆત, પાલડીમાં અશાંતધારાના અમલ માટે રજુઆત, કલેકટર સાથે કમિશનર પણ કામ કરે તેની રજૂઆત.

ટ્રમ્પના 50 ટકા ટેરિફ પર ભારતની પ્રતિક્રિયા

ટ્રમ્પના પગલાને અનુચિત અને અન્યાયપૂર્ણ ગણાવ્યું, રાષ્ટ્રિય હિતને ધ્યાનમાં રાખી નિર્ણય કરીશું: MEA, અમારો ઓઇલ ઇમ્પોર્ટ બજાર આધારિતઃ MEA, અમારો ઉદ્દેશ ઉર્જા જરુરિયાત સુનિશ્ચિત કરવાનો: MEA, મેરિકાએ રશિયાથી ઓઇલ ઇમ્પોર્ટને ટાર્ગેટ કર્યું: MEA.

નડિયાદના ઉત્તરસંડામાં બે બાળક ડૂબ્યા

વહેરા તળાવમાં ડૂબવાથી બે સગા ભાઇના મોત, 9 વર્ષીય મયંક, 6 વર્ષીય હરેનનું મોત, બે કલાકની ભારે જહેમત બાદ મૃતદેહ મળ્યા, ફાયરની ટીમ દ્વારા મૃતદેહ બહાર કઢાયા.

નાયબ નિયામક વર્ગ 1ના 18 અધિકારીઓની બદલી

હિસાબી અધિકારી વર્ગ 1ના 24 અધિકારીઓની બઢતી, રાજ્ય સરકારના નાણા વિભાગે કર્યા આદેશ. 

અમેરિકામાં આર્મી બેઝ પર અંધાધૂંધ ફાયરિંગ

જ્યોર્જિયામાં આર્મી બેઝ પર અંધાધૂંધ ગોળીબાર, જ્યોર્જિયામાં ગોળીબારમાં 5 સૈનિકો ઈજાગ્રસ્ત, ઘાયલો વિન આર્મી કોમ્યુનિટી હોસ્પિટલમાં દાખલ, અમેરિકન પોલીસે હુમલાખોરની ધરપકડ કરી.