દેશ-વિદેશના સમાચાર Updated: રાજકોટ AAPના પૂર્વ પ્રમુખ દિનેશ જોશી જુગાર રમતા ઝડપાયા

અમદાવાદથી વિયેતનામની ફ્લાઇટ શરૂ કરાઈ

અમદાવાદથી વિયેતનામની ફ્લાઇટ શરૂ કરાઈ છે. અમદાવાદ એરપોર્ટથી વિયેતનામના દા નાંગ વચ્ચે ફ્લાઈટ શરૂ કરવામાં આવી છે. વિયેત જેટ દ્વાર ફ્લાઈટની શરૂઆત કરાઈ છે. અમદાવાદથી અઠવાડિયામાં બે દિવસ ઓપરેટ થશે. દર ગુરુવાર, રવિવારે ફ્લાઈટ ઓપરેટ થશે. 

બહુચરાજીની મારુતિ સુઝુકી કંપનીનો અધિકારી છેતરપિંડીનો ભોગ બન્યો

બહુચરાજીની મારુતિ સુઝુકી કંપની પ્રોડક્શન ડેપ્યુટી મેનેજર છેતરપિંડીનો ભોગ બન્યો છે.  ફેડેક્ષ કુરિયર કંપનીના નામે ફોન કરી ઠગાઈનો ભોગ બન્યો છે. કુરિયરમાં ગેરકાયદે સામાન હોવાનું જણાવ્યું અને નાર્કોટિક્સના કેસમાં ફસાવી દેવાની ધમકી આપી હતી. મની લોન્ડરિંગના ટ્રાન્ઝેક્શન થયા હોવાનું જણાવ્યું અને ફરિયાદી પાસે લોન લેવડાવી 20 લાખ પડાવ્યા. જેને લઈને મહેસાણા સાયબર ક્રાઈમમાં ફરિયાદ નોંધાઈ છે. 

દેત્રોજમાંથી બિનવારસી સડી ગયેલી લાશ મળી

દેત્રોજમાંથી બિનવારસી સડી ગયેલી લાશ મળી. મામલતદાર કચેરીથી ITI તરફ જતા માર્ગ પર લાશ મળી. લાશ સડી ગઇ હોવાથી તેની ઓળખ કરવી મુશ્કેલ બની છે. હાલમાં દેત્રોજ પોલીસે તપાસ હાથ ધરી છે. 

અમદાવાદના કૃષ્ણનગર પાણી ભરવા બાબતે કરાયો હુમલો

અમદાવાદમાં પાણી ભરવા બાબતે હુમલો કરાયો છે. કૃષ્ણનગરના હાઉસિંગ બોર્ડ ખાતે આ બનાવ બન્યો છે. પ્રવિણ મોદી નામની વ્યક્તિ અને તેમના પરિવાર પર હુમલો કરવામાં આવ્યો છે. શીતલ અને મહેન્દ્ર ચૌહાણ, રાકેશ નામના શખ્સ સામે ફરિયાદ નોંધાઈ છે. આરોપી રાકેશે ચપ્પુ બતાવી ધમકી આપતા ગુનો નોંધાયો છે. કૃષ્ણનગર પોલીસે મારામારી સહિતનો ગુનો દાખલ કર્યો છે. 

જામ ખંભાળિયામાં ગટરમાં રિક્ષા ફસાઈ

જામ ખંભાળિયામાં ગટરમાં રિક્ષા ફસાઈ છે. ઓટો રિક્ષાનું ટાયર ખુલ્લી ગટરમાં ફસાયું હતું.  રેલવે સ્ટેશન રોડ પર ઘટના બની હતી. પાણી ભરાવાના કારણે ખુલ્લી ગટર ન દેખાઈ. તંત્રની કામગીરીની પોલ ખોલતો વીડિયો વાયરલ થયો છે. 

રાજકોટ PCBનો તિરુપતિ નગરમાં દરોડો, AAPના પૂર્વ પ્રમુખ જુગાર રમતા ઝડપાયા

રાજકોટ PCBએ તિરુપતિ નગરમાં દરોડો પાડ્યો હતો. જેમાં AAPના પૂર્વ પ્રમુખ જુગાર રમતા ઝડપાયા છે. AAPના પૂર્વ પ્રમુખ દિનેશ જોશીની સાથે અન્ય 5 જુગારીઓની પણ ધરપકડ કરવામાં આવી છે. સુરેશ કટારીયા, દિનેશભાઈ જોશી, ચિરાગ વ્યાસ, દિપક વૈષ્ણવ, બિપીન હોડોચાની ધરપકડ કરવામાં આવી છે. 

Ahmedabad: ક્રાઈમ બ્રાન્ચનું ડ્રગ્સ સામે મહા અભિયાન, વિવિધ વિસ્તારોમાં મેગા સર્ચ ઓપરેશન

અમદાવાદ શહેરમાં ડ્રગ્સના દૂષણને ડામવા માટે તપાસ શરૂ કરવામાં આવી છે. અમદાવાદ ક્રાઈમ બ્રાન્ચ દ્વારા ડ્રગ્સના દૂષણને ડામવા હાલમાં મહા અભિયાન હાથ ધરવામાં આવ્યું છે અને વિવિધ જગ્યાએ તપાસ શરૂ કરવામાં આવી છે. શહેરના ગુજરાત યુનિવર્સિટી અને તેની આસપાસના પાન પાર્લરોમાં આજે સવારથી જ ક્રાઈમ બ્રાન્ચની ટીમ દ્વારા મેગા સર્ચ ઓપરેશન હાથ ધરવામાં આવ્યું હતું. યુનિવર્સિટી અને તેની આસપાસના વિસ્તારમાંથી 5થી વધુ શંકાસ્પદ શખ્સોને ક્રાઈમ બ્રાન્ચમાં લાવીને પૂછપરછ હાથ ધરવામાં આવી રહી છે.

પોરબંદરમાં પુલ નીચે દબાયેલી બાળકીનો મૃતદેહ મળ્યો

પોરબંદરમાં પુલ નીચે દબાયેલી બાળકીનો મૃતદેહ મળ્યો છે. ભેટકડી ગામે 8 વર્ષની બાળકી પાણીમાં તણાઇ હતી, પગ લપસી જતા બાળકી પાણીમાં તણાઇ હતી. 8 કલાક બાદ બાળકીનો મૃતદેહ મળ્યો છે. બાળકીનો મૃતદેહ મળતા પરિવારમાં શોકનું મોજું ફેલાયું છે. 

GMBમાં દસ્તાવેજ લીકની ઘટનામાં પોલીસનું નિવેદન

GMBમાં દસ્તાવેજ લીકની ઘટનામાં પોલીસે નિવેદન આપતા કહ્યું કે લીક થયેલી માહિતી ક્યાંય પ્રકાશિત થઈ નથી. ચોરી કરેલા દસ્તાવેજ કોઈને વેચ્યા હોવાનું નકારી શકાય નહીં. દસ્તાવેજ કોઈના લાભ માટે ચોરી કર્યાની પોલીસને આશંકા છે. અતિ સંવેદનશીલ દસ્તાવેજો લીક થવા મુદ્દે ફરિયાદ નોંધાઈ છે.  

PM મોદીની વડોદરા મુલાકાત અંગે હર્ષ સંઘવીનું નિવેદન

PM મોદીની વડોદરા મુલાકાત અંગે હર્ષ સંઘવીએ નિવેદન આપતા કહ્યું કે PM 28 ઓક્ટોબરે વડોદરા આવશે, PMના આગમનને લઈને વડોદરાવાસીઓમાં ઉત્સાહ છે. PMએ મેક ઇન ઈન્ડિયાના કોન્સેપ્ટને વેગ આપ્યો. ટાટા એરબસ પ્રોજેક્ટ સુરક્ષાની તૈયારીઓની સમીક્ષા કરી અને લક્ષ્મી વિલાસ પેલેસ સુધી સુરક્ષા તૈયારીઓની સમીક્ષા કરી છે. હાલ PMના રોડ શોનું કોઈ આયોજન નથી.

તુર્કીમાં મુંબઈમાં જેવો થયો આતંકવાદી હુમલો, અનેક લોકોના મોત

તુર્કીની રાજધાની અંકારામાં થયેલા બોમ્બ વિસ્ફોટમાં ઘણા લોકોના મોત થયા હોવાના અહેવાલ છે. આતંકવાદીઓએ અંધાધૂંધ ગોળીબાર કરી રહ્યા છે. હુમલાખોરોમાં એક મહિલાનો પણ સમાવેશ થાય છે. આ હુમલો મુંબઈમાં 26/11ના હુમલા જેવો જ છે. મળતી માહિતી અનુસાર આતંકીઓએ કેટલાક લોકોને બંધક પણ બનાવ્યા છે.

ભાવનગરમાં અસામાજિક તત્વો બન્યા બેફામ

ભાવનગરમાં અસામાજિક તત્વો બેફામ બન્યા છે. ઘોઘા રોડ મંત્રેશ કોમ્પ્લેક્ષ પાસે પાનની દુકાનમાં તોડફોડ કરી છે. 10થી વધુ શખ્સોએ દુકાનમાં તોડફોડ કરી છે. અપશબ્દો બોલતા શખ્સને પાર્લરના માલિકે ટોક્યો હતો અને શખ્સે દાઝ રાખી પાર્લરમાં તોડફોડ કરી હતી. 

PM નરેન્દ્ર મોદી દિવાળીની પૂર્વ સંધ્યાએ કેવડિયા આવશે 

PM નરેન્દ્ર મોદી દિવાળીની પૂર્વ સંધ્યાએ કેવડિયા આવશે. PM મોદીનો કેવડિયામાં બે દિવસનો કાર્યક્રમ છે. 30 ઓક્ટોબરે નર્મદા કિનારે મહા આરતીમાં ભાગ લેશે. દોઢ લાખ દીપ પ્રાગટ્યથી નર્મદા કિનારાને સજાવાશે. 31 ઓક્ટોબરે PM મોદી સરદાર પટેલને શ્રદ્ધાંજલિ આપશે. વડાપ્રધાનના હસ્તે અનેક કાર્યક્રમોનું લોકાર્પણ થશે. 

જામ ખંભાળીયામાં પાલિકાના સફાઇ કર્મચારીઓની રેલી

જામ ખંભાળીયામાં પાલિકાના સફાઈ કર્મચારીઓએ રેલી યોજી છે. પડતર માંગણીઓને લઈને કર્મચારીઓએ રેલી યોજી છે. પ્રદેશ સફાઇ કામદાર મહામંડળના નેજા હેઠળ રેલી નીકળી છે. સફાઈ કર્મચારીઓએ રેલીમાં સુત્રોચ્ચાર કર્યા હતા. 

Morbi: નકલી એન્જિન ઓઈલ વેચતી કંપની ઝડપાઈ, 2 લોકો પકડાયા 

રાજ્યમાં હાલમાં નકલીની ભરમાર ચાલી રહી છે. બે દિવસ પહેલા અમદાવાદમાંથી નકલી કોર્ટ અને નકલી જજ પકડાયા બાદ હવે નકલી એન્જિન ઓઈલ વેચતી કંપની પકડાઈ છે. મોરબીના ટંકારામાંથી નકલી એન્જિન ઓઈલ પેકીંગ અને સેલિંગ કરતી ફેકટરી ઝડપાઈ છે.

છોટાઉદેપુરના બોડેલીમાં યુવતીએ કેનાલમાં ઝંપલાવ્યું

છોટાઉદેપુરના બોડેલીમાં યુવતીએ કેનાલમાં ઝંપલાવ્યું છે. નર્મદા કેનાલમાં કીકાવાડાની પરીણિત યુવતીએ ઝંપલાવ્યું છે. નર્મદા મુખ્ય કેનાલ પાસે પરીણિત યુવતીની બેગ મળી છે. ફતેપુરાની નર્સિંગ કોલેજમાં યુવતી અભ્યાસ કરતી હતી. ફાયર બ્રિગેડ, સ્થાનિક તરવૈયાઓએ હાલમાં શોધખોળ આદરી છે. 

Kadi: તહેવારો પહેલા ફૂડ વિભાગની કાર્યવાહી, 2500 કિલો નકલી ઘીનો જથ્થો ઝડપ્યો

મહેસાણા જિલ્લાના કડીમાં એક જ માસમાં ફરીથી શંકાસ્પદ નકલી ઘી મળ્યું છે. કડીની બુડાસણ GIDCમાં શંકાસ્પદ નકલી ઘી બનતું હોવાની શંકાએ પોલીસ અને ફૂડ વિભાગે રેડ કરી હતી. જેમાં શંકાસ્પદ નકલી ઘીનો જથ્થો ઝડપાયો છે. કડી પોલીસની રેડ બાદ ફૂડ વિભાગે કાર્યવાહી કરી અને  GIDCમાંથી 2500 કિલો શંકાસ્પદ નકલી ઘીનો જથ્થો સીઝ કરી લીધો છે. રૂપિયા 10 લાખના 118 ઘીના ડબ્બા સીઝ કરવામાં આવ્યા છે. શંકાસ્પદ નકલી ઘીના સેમ્પલ લઈને ફૂડ વિભાગે હાલમાં તપાસ શરૂ કરી છે અને લેબમાંથી સેમ્પલનો રિપોર્ટ આવ્યા બાદ ઘી અસલી છે કે નકલી તે ખબર પડશે.

રાજ્ય સરકારે જાહેર કરેલા પેકેજ પર પાલ આંબલિયાની પ્રતિક્રિયા

રાજ્ય સરકારે જાહેર કરેલા પેકેજ પર પાલ આંબલિયાએ પ્રતિક્રિયા આપી છે. સરકાર દ્વારા જાહેર કરાયેલું પેકેજ અપૂરતું છે અને સરકારે 1 લાખ કરોડની જગ્યાએ 1400 કરોડ ચૂકવ્યા છે. ખેડૂતોને વ્યાપક પ્રમાણમાં નુકસાન થયું છે.

સાંજે 6 વાગ્યા સુધીના મહત્વના સમાચાર 

1. ખેડૂતોની દિવાળી રાજ્ય સરકારે સુધારી, મોટા રાહત પેકેજની કરી જાહેરાત

2. Sabarkantha: વિકાસના નામે વહિવટ..! તા.પંચાયત કચેરીના કર્મચારી 31 હજારની લાંચ લેતા ઝડપાયો 

3. Vav by election: સાંસદ ગેનીબેનના કૌટુંબિક કાકા ભૂરાજી ઠાકોરે નોંધાવી અપક્ષ ઉમેદવારી 

4. Rajkot: અગ્નિકાંડ કેસમાં વધુ એક મુદત પડી, આરોપીઓને વકીલ રોકવા તાકીદ 

5. Ahmedabadમા તહેવારોના સમયે ઈરાની ગેંગ થાય છે સક્રિય, પોલીસે બનાવ્યો ખાસ પ્લાન 

6. Ahmedbadમા હવે "જેહાદ બિસનેઝ"ની થઈ શરૂઆત, વાંચો કોણે કર્યો સમગ્ર ઘટનાનો પર્દાફાશ 

7. Ahmedabadના અમરાઈવાડીમા પોલીસે આરોપીઓને જાહેરમાં મંગાવી માફી, વાહનોમાં કરી હતી તોડફોડ 

8. Gandhinagar: હિન્દુ દેવી-દેવતા વિરૂદ્ધ અભદ્ર ટિપ્પણીથી ગ્રામજનોમાં રોષ, લોકોએ બંધ પાળ્યો 

9. Surat: દિવાળી પહેલા SMCની સુરતમાં મોટી રેડ, 1330 લિટર દેશી દારૂ ઝડપ્યો! 

10. Jharkhand: ભાજપની સરકાર બનશે તો હુસૈનાબાદ જિલ્લો બનશે... હિમંતા સરમાની મોટી જાહેરાત 

Rajkot: રાજકોટમાં મોડીરાત્રે બે જૂથ વચ્ચે અથડામણ જુઓ, Video

રાજકોટ શહેરમાં મોડી રાત્રે બે જૂથ વચ્ચે અથડામણની ઘટના સામે આવી હતી. શહેરની રાજશ્રી ટોકિઝ પાસે બે જૂથ વચ્ચે અથડામણ સર્જાઈ હતી. રિક્ષા સાઈડમાં પાર્ક કરવા મુદ્દે બબાલ થયાનું સામે આવ્યું હતું. જે બાદ મામલો બિચકતા સોડાની બોટલો સામ-સામે ફેંકાઈ હતી. જેથી થોડીવારમાં સોડાની બોટલોના કાચ વિરવિખેર જોવા મળ્યા હતા. પરિસ્થિતિ તંગ થઈ જવા પામી હતી. 30 જેટલા લોકો સોડાની બોટલો ફેંકીને ફરાર થયાનું સામે આવ્યું હતું.

Surendranagarમા પ્રજાજનોના પ્રશ્નો ઉકેલવામાં વન સ્ટોપ સોલ્યુશન બન્યો “સેવા સેતુ કાર્યકમ”

સુરેન્દ્રનગર જિલ્લાના ચુડા તાલુકાનાં ચચાણા ગામે દસમાં તબક્કાનો સેવા સેતુ કાર્યક્રમ ચચાણા પ્રાથમિક શાળા ખાતે યોજાયો હતો. જેમાં અરજદારોના જુદાજુદા ૩૩૨૮ જેટલા પ્રશ્નોનું હકારાત્મક નિરાકરણ કરવામાં આવ્યું હતું. જેમાં મોજીદડ, અચારડા, ખાંડીયા, છલાળા, બલાળા, સોનઠા, કંથારીયા, વનાળા, દરોદ, ચચાણા, ચમારડી સહીત કુલ ૧૧ જેટલા ગામનાં નાગરિકો લાભાન્વિત થયા હતા.

Rajkotમાં મનપા દ્વારા દિવાળી કાર્નિવલ ઉજવાશે, જુઓ Video

રાજકોટમાં મનપા દ્વારા દિવાળી કાર્નિવલ ઉજવાશે અને રેસકોર્સ રિંગ રોડ પર થશે કાર્નિવલનું આયોજન,તારીખ 27 ઓકટોબરથી 31 ઓકટોબર સુધી આ કાર્નિવલનું આયોજન કરવામાં આવ્યું છે,રિંગરોડને રોશનીથી શણગારવામાં આવશે તેમજ માધવરાવ સિંધિયા ગ્રાઉન્ડમાં આતશબાજી પણ કરવામાં આવશે,500થી વધુ સ્પર્ધાત્મક રંગોળીનું પણ આયોજન કરાયું છે.અને રિંગરોડ પર લેસર-શોનું પણ આયોજન કરવામાં આવ્યું છે.

Ahmedabadના અમરાઈવાડીમા પોલીસે આરોપીઓને જાહેરમાં મંગાવી માફી, વાહનોમાં કરી હતી તોડફોડ

અમદાવાદના અમરાઈવાડીમાં આરોપીઓએ જાહેરમાં આતંક મચાવતા પોલીસ હરકતમાં આવી હતી,પોલીસે આરોપીઓને સાથે રાખી પંચનામું કર્યુ હતુ,મંજુ મીલની ચાલીમાં થોડાક દિવસો પહેલા માથાકૂટ થઈ હતી અને ત્યારબાદ પોલીસે આરોપીઓની ધરપકડ કરી હતી,આરોપીઓએ બે હાથ જોડીને માફી માંગી હતી અને આવું કામ ફરીથી નહી કરે તેને લઈ હાથ જોડયા હતા.તલાવર અને પાઈપો વડે જાહેરમાં આતંક મચાવ્યો હતો જેને લઈ લોકો ગભરાઈ ગયા હતા.

Ahmedabadમા તહેવારોના સમયે ઈરાની ગેંગ થાય છે સક્રિય, પોલીસે બનાવ્યો ખાસ પ્લાન

તાજેતરમાં તહેવારોની સિઝન ચાલતી હોય, જુદી જુદી ગેંગો દ્વારા લોકોને છેતરી તેમજ ચોરી કરવાની પેરવીઓ કરવામાં આવે છે. જેમાં ખાસ કરીને પોલીસ તરીકેની ઓળખ આપી, પોલીસના સ્વાગમાં વાહન ચેકીંગના બહાને ચોરી કરવાની તેમજ દાગીના પડાવી લેવાની મોડસ ઓપરેન્ડી ધરાવતી ઈરાની ગેંગ પણ તહેવારોના સમયે સમગ્ર ગુજરાતમાં સક્રિય બને છે.

સાબરકાંઠાના પોશીનામાં વિકાસના નામે વહિવટ..! લાંચિયો અધિકારી 31 હજારની લાંચ લેતા ઝડપાયો

પોશીનામાં વિકાસના નામે અધિક મદદનીશ ઇજનેર (વર્ગ-૩)ના કીર્તિકુમાર  અને ટેકનિકલ આસિસ્ટન્ટ જીગર પટેલ ACBના છટકામાં ભેરવાયા છે. આ લાંચિયો અધિકારી 2017 થી 2021 સુધીમાં પોશીના વિસ્તારમાં સરકારની વિવિઘ વિકાસના કામો કરેલ જે કામોની ડીપોઝીટ 2,50.000જમા હતી જે નાણા પરત મેળવવા સારુ આ કામના  ફરિયાદીએ આ કામ કરનારા આરોપીને મળી રજુઆત કરતા આ કામના આરોપીએ ફરિયાદીના કાયદેસર કામ કરી આપવાની અવેજ પેટે 2,50,000 ડીપોઝીટના નાણા પરત આપવા રૂપિયા 31,000ની ગેરકાયદેસર રીતે લાંચની માગણી કરી હતી. તે બાદ ACBએ આ લાંચિયા અધિકારીઓને રંગે હાથ ઝડપ્યો છે.

સોના-ચાંદીનો ભાવ ઓલટાઈમ હાઈ, સોનુ 81000 તો ચાંદી 1 લાખને પાર

સોના ચાંદીનો ભાવ ઓલ ટાઈમ હાઈ થયો છે. દિવાળી પર્વ અને લગ્ન સિઝન પહેલા જ ભાવમાં ભડકો જોવા મળ્યો છે. સોનુ 81,100 પહોચ્યું છે તો ચાંદી એક લાખ બે હજારને આસપાસ પહોંચી છે. ફેડરેલ બેંકે વ્યાજદર ઘટાડતા સોનાના ભાવમાં વધારો થયો હોવાનું બજારના જાણકારોનું માનવું છે. ભાવ વધારાની અસર સોના-ચાંદીના દાગીનાંની ખરીદી ઉપર જોવા મળી રહી છે. ભાવ વધારાના કારણે સોના-ચાંદીમાં ખરીદદારી 50 ટકા થઇ ગઈ છે.

બાબા સિદ્દીકીની હત્યાના કેસમાં વધુ એકની ધરપકડ

બાબા સિદ્દીકીની હત્યા કેસમાં પોલીસે વધુ એક આરોપીની ધરપકડ કરી છે. આ કેસમાં અત્યાર સુધીમાં કુલ 11 આરોપીઓની ધરપકડ કરવામાં આવી છે.

સાંસદ ગેનીબેન ઠાકોરના કૌટુંબિક કાકા ભૂરાજી ઠાકોરે નોંધાવી અપક્ષ ઉમેદવારી

કેન્દ્રીય ચૂંટણી પંચે બનાસકાંઠા જિલ્લાની વાવ બેઠક પર પેટા ચૂંટણીની તારીખની જાહેરાત કર્યા બાદ તમામ રાજકીય પાર્ટીઓ એક્શન મોડમાં આવી ગઈ છે અને ઘણા ઉમેદવારો પણ અલગ અલગ પાર્ટીમાંથી ટિકિટ લેવા માટે દાવેદારી નોંધાવી રહ્યા છે. ત્યારે બનાસકાંઠા જિલ્લાની વાવ વિધાનસભા બેઠકની પેટા ચૂંટણીને લઈને ભૂરાજી ઠાકોરે ઉમેદવારી નોંધાવી છે. તમને જણાવી દઈએ કે ભૂરાજી ઠાકોરે અપક્ષ તરીકે ઉમેદવારી નોંધાવી છે. ઉલ્લેખનીય છે કે ભૂરાજી ઠાકોર કોંગ્રેસના સાંસદ ગેનીબેન ઠાકોરના ગામ અબાસણાના વતની છે અને સાંસદ ગેનીબેન ઠાકોરના કૌટુંબિક કાકા થાય છે.

ગુજરાતની સરકારી કચેરીઓમાં આગામી 1 નવેમ્બરે રજા રહેશે

ગુજરાતની તમામ સરકારી કચેરીઓમાં આગામી 1 નવેમ્બરના રોજ રજા જાહેર કરવામાં આવી છે. ગુજરાત સરકારે 1 નવેમ્બરના રોજ વટાઉખત અધિનિયમ 1961 અંતર્ગત આ રજા જાહેર કરી છે. આ અંગે ગુજરાત સરકારના સામાન્ય વહીવટ વિભાગે જાહેરનામુ બહાર પાડ્યું છે. સરકારના આ જાહેરનામાના પગલે, ગુજરાતની સરકારી કચેરીઓ, 31 ઓક્ટોબરથી 3 નવેમ્બર સુધી દિવાળી, નવા વર્ષ નિમિત્તે બંધ રહેશે.

ઉત્તરાખંડ સરકારે UCC ને વિધાન વિભાગમાં તાલીમ માટે મોકલ્યો

ઉત્તરાખંડના મુખ્યમંત્રીના સચિવ શૈલેષ બગૌલીએ જણાવ્યું હતું કે, યુસીસી મેન્યુઅલ તાલીમ માટે વિધાન વિભાગને મોકલવામાં આવ્યું છે.

 ગાંધીનગર: હિન્દુ દેવી-દેવતા વિરૂદ્ધ અભદ્ર ટિપ્પણીથી ગ્રામજનોમાં રોષ, લોકોએ બંધ પાળ્યો

 સોશિયલ મીડિયા પર એક પોસ્ટમાં ભગવાન રામ અને સીતા પર આપત્તિજનક ટિપ્પણી એક યુવક દ્વારા કરવામાં આવી હતી. જેના કારણે ગામના લોકોમાં રોષ ફાટી નિકળ્યો હતો. આપત્તિજનક ટિપ્પણી કરનાર આરોપી સાંગરી ગામનો હોવાનું ગ્રામનજનોને જાણ થતા મામલાએ વધારે ગંભીરરૂપ ધારણ કર્યું હતું. ત્યારે સમગ્ર ઘટનાને લઇ ગાંધીનગરના સાદરામાં દૂકાનો બંધ કરાવી બંધ પાળવામાં આવ્યું હતું.

ખેડૂતો માટે રાહતના સમાચાર, સરકાર પાક નુકસાનીને લઈ આપશે સહાય

ગુજરાત સરકાની કેબિનેટ બેઠકમાં ખેડૂતો માટે મહત્વનો નિર્ણય લેવામાં આવ્યો છે,જેમાં અતિવૃષ્ટિને લઈ રાહત પેકેજની થશે જાહેરાત સરકાર દિવાળી પહેલા કરી શકે છે.અંદાજે 1 હજાર કરોડથી વધુનું હશે રાહત પેકેજ.જેમાં જે ખેડૂતોના પાકને નુકસાન થયું છે તેવા ખેડૂતો માટે ધારાધોરણ નક્કી કરીને સરકાર સહાય ચૂકવશે અને તે પહેલા સરવે પણ કરવામાં આવશે,સૌરાષ્ટ્રના ખેડૂતોને સૌથી વધુ નુકસાન થયું છે,અને તેમાં પણ મગફળી અને સોયાબીનની ખેતી કરતા ખેડૂતોની હાલત બહુ જ ખરાબ થઈ ગઈ છે.

બપોરના 3 વાગ્યા સુધીના મહત્વના સમાચાર

01. Gujarat Weather : રાજયમા વરસાદની શકયતા નહિવત, શહેરીજનોને ગરમીનો થશે અહેસાસ

02. Guajratમા દિવાળીના પર્વમાં 38 એમ્બ્યુલન્સ ICUથી રહેશે સજ્જ, તમામ તૈયારીઓને આખરી ઓપ

03. Gujaratના ખેડૂતો માટે રાહતના સમાચાર, સરકાર પાક નુકસાનીને લઈ આપશે સહાય

04. Suratમા વિદ્યાર્થીઓ ભરેલી સ્કૂલવાને મારી પલટી, બાળકો થયા ઈજાગ્રસ્ત

05. Pollution: પ્રદૂષણ મુદ્દે સુપ્રીમકોર્ટની લાલઆંખ, પંજાબ, હરિયાણા, દિલ્હી સરકારને લગાવી ફટકાર

06. Maharashtra : અજીત પવાર બારામતીથી લડશે ચૂંટણી, NCPએ 38 ઉમેદવાર જાહેર કર્યા

07. Cyclone Dana: કેટલું ખતરનાક છે દાના વાવાઝોડું, જાણો ક્યાં અને ક્યારે ત્રાટકશે

08. AQI: આ દેશનું શહેર બન્યું વિશ્વનું સૌથી વધુ દૂષિત, જાણો એનું સ્તર

09. ધમકીઓથી ડરતો નથી સલમાન ખાન, સિંઘમ અગેઇનમાં 'ચુલબુલ પાંડે' મચાવશે ધમાલ

10. IPL 2025: RCB આ 3 ખેલાડીઓ પર લગાવશે દાવ, ડુપ્લેસિસને કરશે રિલીઝ!

વાવ બેઠક પર AAP અને કોંગ્રેસ વચ્ચે થઈ શકે ગઠબંધન

વાવ બેઠક પર આપ અને કોંગ્રેસ વચ્ચે ગઠબંધન થઈ શકે છે. બંને પક્ષના સિનિયર નેતાઓ વચ્ચે બેઠકોનો દૌર ચાલુ છે. ગેનીબેન ઠાકોર સાંસદ બનતા વાવ બેઠક ખાલી થઈ છે. બંનેમાંથી એક પણ પાર્ટીએ પોતાના ઉમેદવાર જાહેર કર્યો નથી. 13 નવેમ્બરે વાવ બેઠક પર મતદાન યોજાશે.

મહારાષ્ટ્ર ચૂંટણી: NCPએ 38 ઉમેદવારોની યાદી જાહેર કરી, અજિત પવાર બારામતીથી ચૂંટણી લડશે

NCPએ મહારાષ્ટ્ર ચૂંટણી માટે 38 ઉમેદવારોની પ્રથમ યાદી જાહેર કરી છે. નાયબ મુખ્ય પ્રધાન અને પક્ષના વડા અજિત પવાર બારામતીથી, છગન ભુજબલ યેવલાથી, દિલીપ વાલસે પાટીલ અંબેગાંવથી ચૂંટણી લડશે.

પ્રદૂષણ મુદ્દે સુપ્રીમકોર્ટની 3 રાજ્યોને ફટકાર

પ્રદુષણ મુદ્દે સુપ્રીમ કોર્ટે પંજાબ અને હરિયાણા સરકારને ફટકાર લગાવી છે. કોર્ટે કહ્યું છે કે બંને સરકારો સંપૂર્ણ રીતે નિષ્ફળ સાબિત થઈ છે. પરસાળ સળગાવવા સામે પગલાં ભરવા અંગે કોઈ ગંભીરતા નથી. કોર્ટમાં ખોટી રજૂઆતો કરવામાં આવી રહી છે.

દિલ્હી-એનસીઆરની આબોહવા અને પરાળ સળગાવવાના મુદ્દે સુપ્રીમ કોર્ટમાં આજે સુનાવણી હાથ ધરવામાં આવી હતી. આ દરમિયાન કોર્ટે પંજાબ-હરિયાણાને ફટકાર લગાવી છે. સુપ્રિમ કોર્ટે કહ્યું કે, તમે માત્ર પરાળ સળગાવવા અંગે કારણ બતાવો નોટિસ જારી કરી રહ્યા છો. આ તમારું વલણ છે.

સુપ્રીમ કોર્ટે કહ્યું કે બંને સરકારો કાયદા મુજબ કાર્યવાહી કરવામાં સંપૂર્ણપણે નિષ્ફળ રહી છે. પરસાળ સળગાવવા સામે પગલાં ભરવા અંગે કોઈ ગંભીરતા નથી. સુપ્રીમ કોર્ટે કહ્યું કે કોર્ટમાં ખોટી રજૂઆત કરવામાં આવી રહી છે. અમે તિરસ્કારની નોટિસ જારી કરીશું, અન્યથા અમને હકીકત જણાવો.

Botadમાં રૂટ ડાયવર્ઝનને અનુલક્ષીને અધિક જિલ્લા મેજિસ્ટ્રેટ દ્રારા જાહેરનામું પ્રસિદ્ધ કરાયું

બોટાદ શહેરમાં ટ્રાફીક સમસ્યા અને લોકોની અવર જવર માટે ટુ-વ્હીલ તથા ફોર વ્હીલ વાહનોનો ઉત્તરોત્તર વધારો થવાના કારણે બોટાદ શહેરની ભૌગોલિક પરિસ્થિતિને ધ્યાને લેતા બોટાદના અધિક જિલ્લા મેજિસ્ટ્રેટ પી.એલ.ઝણકાતે પોતાને મળેલી સત્તાની રૂએ નીચે મુજબના રસ્તા ઉપર વાહનોને પસાર થવાનો હુકમ ફરમાવ્યો છે.

પ્રિયંકા ગાંધીએ વાયનાડ બેઠક પરથી ફોર્મ ભરી ઉમેદવારી નોંધાવી

કોંગ્રેસના મહાસચિવ પ્રિયંકા ગાંધીએ કેરળના વાયનાડથી ઉમેદવારી નોંધાવી છે. કોંગ્રેસ તરફથી ઉમેદવારી નોંધાવતા પહેલા પ્રિયંકા ગાંધીએ વાયનાડમાં રોડ-શો યોજી એક રેલીને પણ સંબોધન કર્યું હતું. આ દરમ્યાન પાર્ટીના દિગ્ગજ નેતાઓ વાયનાડમાં હાજર રહ્યા. રાયબરેલીથી ચૂંટણી જીત્યા બાદ રાહુલે વાયનાડ સીટ છોડી દીધી હતી. બેઠક ખાલી થયા બાદ અહીં પેટાચૂંટણી યોજાઈ રહી છે.

Gujaratના ખેડૂતો માટે રાહતના સમાચાર, સરકાર પાક નુકસાનીને લઈ આપશે સહાય

ગુજરાત સરકાની કેબિનેટ બેઠકમાં ખેડૂતો માટે મહત્વનો નિર્ણય લેવામાં આવ્યો છે,જેમાં અતિવૃષ્ટિને લઈ રાહત પેકેજની થશે જાહેરાત સરકાર દિવાળી પહેલા કરી શકે છે.અંદાજે 1 હજાર કરોડથી વધુનું હશે રાહત પેકેજ.જેમાં જે ખેડૂતોના પાકને નુકસાન થયું છે તેવા ખેડૂતો માટે ધારાધોરણ નક્કી કરીને સરકાર સહાય ચૂકવશે અને તે પહેલા સરવે પણ કરવામાં આવશે,સૌરાષ્ટ્રના ખેડૂતોને સૌથી વધુ નુકસાન થયું છે,અને તેમાં પણ મગફળી અને સોયાબીનની ખેતી કરતા ખેડૂતોની હાલત બહુ જ ખરાબ થઈ ગઈ છે.

પાકિસ્તાનનું લાહોર ફરી વિશ્વનું સૌથી વધુ પ્રદૂષિત શહેર તરીકે જાહેર  

પાડોશી દેશ પાકિસ્તાન પહેલા આતંકવાદના મૂળિયા હોવાનું ગર્વ લેતું હતું અને હવે પ્રદૂષણને લઈ વિશ્વમાં તેની ચર્ચા છે. પાકિસ્તાનના શહેરોમાં સતત વધતું પ્રદૂષણથી સ્થિતિ ખરાબ છે. પાકિસ્તાનના સાંસ્કૃતિક શહેર ગણાતા લાહોરને વિશ્વનું સૌથી પ્રદૂષિતણ શહેર જાહેર કરવામાં આવ્યું છે. લાહોર શહેરનો પ્રદૂષણનો આંકડો 394 ઉપર પહોંચી ગયો છે. જે ખૂબ ખરાબ માનવામાં આવે છે. સતત વધતા પ્રદૂષણને લઈ પાકિસ્તાનની પંજાબ સરકારે ઘુમ્મસની અસર ઓછી કરવા કૃત્રિમ વરસાદની યોજના બનાવી છે.

Botadમા સેવા સેતુ કાર્યક્રમ દરમિયાન રસીકરણની 882 અરજીઓનો નિકાલ કરવામાં આવ્યો

સરકાર દ્વારા અમલમાં મુકાયેલી તમામ યોજનાઓ અને વિવિધ વિભાગોની સેવાઓનો એક જ સ્થળેથી લોકો લાભ લઈ શકે તે માટે સેવા સેતુ કાર્યક્રમ યોજવામાં આવે છે.જેમાં સરકારની વિવિધ જનકલ્યાણકારી યોજનાઓનો લાભ અને માહિતી એક જ સ્થળેથી રહે તે માટે સુલભ આયોજન કરવામાં આવી રહ્યુ છે,ત્યારે બોટાદ જિલ્લાના રાણપુર તાલુકાના ધારપીપળા ગામે સેવા સેતુ કાર્યક્રમ યોજાયો હતો.

બનાસકાંઠા: થરાદમાં ઝડપાયેલ શંકાસ્પદ ખાતરના નમૂના ફેલ

બનાસકાંઠા: થરાદમાં ઝડપાયેલ શંકાસ્પદ ખાતરના નમૂના ફેલ ગયા છે. થરાદના એગ્રો સેન્ટરમાંથી ખાતર ઝડપાયું હતુ. 23થી વધુ કટ્ટા નકલી ખાતર હોવાનું સામે આવ્યું. આશીર્વાદ એગ્રો સેન્ટરમાંથી ડુપ્લીકેટ ખાતર ઝડપાયું હતુ. DAP ખાતરના નામે નકલી ખાતરનું વેચાણ થતુ હતુ. ખેડૂતની રજૂઆતના આધારે ખેતીવાડી વિભાગે કાર્યવાહી કરી હતી.

સુરતમાં વિદ્યાર્થીઓ ભરેલી સ્કૂલવાન પલટી

સુરતમાં  ડભોલી વિસ્તારમાં વિદ્યાર્થીઓ ભરેલી સ્કૂલવાન પલટી હોવાના સમાચાર સામે આવ્યા છે. સ્કૂલવાનચાલકની બેદરકારીથી વાત્સલ્ય સ્કૂલની સ્કૂલવાન પલટી જતા વાનમાં સવાર કેટલાક બાળકોને ઈજા પહોંચી છે. ઈજાગ્રસ્ત બાળકોને સારવાર માટે ખસેડાયા છે.

સુરત: દિવાળી પહેલા SMCની સુરતમાં મોટી રેડ, 1330 લિટર દેશી દારૂ ઝડપ્યો

ભેસ્તાન ખાતે દેશી દારૂના અડ્ડા પર SMCના દરોડા પાડીને 1330 લિટર દેશી દારૂ સહિત 6 વાહનો અને 14 મોબાઈલનો જથ્થો જપ્ત કર્યો છે. દરોડામાં 15 શખ્સોની ધરપકડ, 5 વોન્ટેડ છે. પોલીસે સમગ્ર મામલે વધુ તપાસ હાથ ધરી છે.

વડોદરા બિલ્ડરોને ત્યાં આઈ.ટી વિભાગના દરોડા

વડોદરમાં બિલ્ડરો પર IT વિભાગે તવાઇ બોલાવી છે. બે થી વધુ બિલ્ડર ગ્રુપ પર પાડવામાં આવેલા દરોડામાં રીટલ એસ્ટેટ, ગ્રુપ સાથે સંકળાયેલા અન્ય ધંધા-વેપાર અને આર્ટીટેક્ટને ત્યાં પણ એક દઝનથી વધુ સ્થળોએ હાલ ઇન્કમટેક્સ વિભાગની ટીમો દ્વારા તપાસ કરવામાં આવી રહી છે. આટલી મોટી કાર્યવાહીના અંતે મોટી કરચોરી પકડી પાડવામાં આવે તેવી પ્રબળ શક્યતાઓ છે. આ ઘટનાને પગલે વડોદરાના મોટા કરચોરોમાં ભારે ફફડાટની લાગણી વ્યાપી જવા પામી છે.

બપોરના 12 વાગ્યા સુધીના મહત્વના સમાચાર

01. Monsoon Alert: ખેડૂતોને આજથી વરસાદથી મળશે રાહત..! દ.ગુજરાત, સૌરાષ્ટ્રમાં વાદળછાયું વાતાવણ રહેશે

02. Ahmedabad: નકલી જજના હુકમો સામે અસલી કોર્ટે નોંધ્યા 9 કેસ, જાણો કેમ

03. Rajkot: આવ્યો દિવાળી તહેવાર...સમજી વિચારીને ફોડવા ફટાકડા, વાંચો જાહેર જનતા માટે ફરમાન

04. Banaskanthaની વાવ વિધાનસભા પેટાચૂંટણીમાં 13થી 20 નવેમ્બર સુધી એક્ઝિટ પોલ પર પ્રતિબંધ

05. Saurashtraના ખેડૂતોની વ્હારે ધારાસભ્ય જયેશ રાદડીયા, પાક નુકસાનીનું વળતર ચૂકવવા લખ્યો પત્ર

06. IMFએ ભારતની ઈકોનોમી 7 ટકાના દરે વધશે તેવું અનુમાન વ્યક્ત કર્યું

07. Trains Cancelled: યાત્રીગણ ધ્યાન દે!, ચક્રવાતી તોફાનના કારણે 200 ટ્રેન કેન્સલ

08. Israel: બેરુતમાં ઈઝરાયલે ફરી કરી એરસ્ટ્રાઈક, 12થી વધુનાં મોત, 57 ઈજાગ્રસ્ત

09.BRICS: PM મોદી અને શી જિનપિંગ વચ્ચે આજે થશે મુલાકાત, વાંચો વિગતવાર

10. પુણેમાં આ 3 ભારતીય ખેલાડીઓનો રેકોર્ડ શાનદાર, ઉડાવી શકે કિવી ટીમના હોશ

વાવ વિધાનસભા પેટાચૂંટણીમાં 13થી 20 નવેમ્બર સુધી એક્ઝિટ પોલ પર પ્રતિબંધ

૦૭-વાવ વિધાનસભા બેઠકની પેટાચૂંટણી સંદર્ભે ભારતના ચૂંટણી પંચ દ્વારા મીડિયામાં ‘ઍક્ઝિટ પોલ’ અને ‘ઓપિનિયન પોલ’ પ્રકાશિત કે પ્રસિદ્ધ કરવા અંગે જાહેરનામું પ્રસિદ્ધ કરવામાં આવ્યું છે. જે મુજબ ગુજરાતમાં તા.૧૩ નવેમ્બર, ૨૦૨૪થી ‘ઍક્ઝિટ પોલ’ પર પ્રતિબંધ તેમજ વાવ વિધાનસભા મતક્ષેત્રમાં મતદાનનો સમય પૂરો થતો હોય તે સમય પૂર્વેના ૪૮ કલાક દરમિયાન ‘ઓપિનિયન પોલ’ પર પણ પ્રતિબંધ રહેશે.

રાજકોટ: દિવાળી ટાણે ખેડૂતો પર માવઠાનો માર..મગફળી, કપાસના પાકોમાં ભારે નુકસાન

હવામાન વિભાગ દ્વારા કરવામાં આવેલી આગાહીને પગલે દિવાળીના દિવસો નજીક છે ત્યારે ખેડૂતો ઉપર ચોથી વખત આફતનો વરસાદ વરસ્યો હોવાનું સામે આવ્યું છે જેના કારણે જસદણ પંથકના ખેડૂતોને દિવાળી સમયે ખરખરો કરવાની નોબત આવી છે વરસાદના કારણે જસદણના અનેક જગ્યાઓએ મગફળી, કપાસ ,સોયાબીન જેવા પાકને મોટા મોટા પાએ નુકસાની ભોગવવાનો ખેડૂતોને વારો આવ્યો છે

સુરત: કાપડ માર્કેટમાં હિંદુ નામ ધારણ કરી ઠગાઇ

સુરત: કાપડ માર્કેટમાં હિંદુ નામ ધારણ કરી ઠગાઇ કરી હોવાનું સામે આવ્યુ છે. રિઝવાન સૈયદે જગદીશ કુમાવત નામ ધારણ કરી છેતરપિંડી આચરી. 70 લાખનું કાપડ ખરીદી કરી ઠગાઈ આચરી. ઠગાઈ કરવા માટે દુકાનનું નામ મહાવીર ટ્રેડિંગ રાખ્યું હતું. ઠગ ટોળકીની સરોલી અને ગોડાદરામાં દુકાન હોવાનું પણ સામે આવ્યુ છે.

થરાદમાં ખાતરની થેલીમાંથી નીકળી માટી, ખેડૂતે ખેતીવાડી અધિકારીને કરી ફરિયાદ

બનાસકાંઠાના થરાદમાં ખેડૂતને કડવો અનુભવ થયો,ખેડૂતે આશીવાર્દ એગ્રો સેન્ટરમાંથી ખાતર ખરીદ્યું હતું અને ખેતરમાં જઈને જોયું તો કટ્ટામાથી માટી નીકળી હતી જેને લઈ ખેડૂત પણ ચૌંકી ઉઠયો હતો.22 દિવસ પહેલા ખેડૂતે 8 કટ્ટા ખાતર ખરીદ્યું હતું,હાલમાં ખેતીવાડી અધિકારીએ ખાતરનો જથ્થો જપ્ત કરીને આગળની કાર્યવાહી હાથધરી હતી,નમૂના ફેઈલ આવતા એગ્રો સેન્ટરના માલિક સામે કાર્યવાહી કરાઈ છે અને પોલીસ ફરિયાદ પણ કરાઈ.

જમ્મુ-કાશ્મીર વિધાનસભા અધ્યક્ષની ચૂંટણી 4 નવેમ્બરે યોજાશે

લેફ્ટનન્ટ ગવર્નર મનોજ સિન્હાએ સોમવારે એટલે કે 4 નવેમ્બર 2024ના રોજ સવારે 10:30 વાગ્યે જમ્મુ અને કાશ્મીર વિધાનસભાના અધ્યક્ષની ચૂંટણી માટેનો સમય નક્કી કર્યો છે. રાજભવનના સૂત્રોને ટાંકીને આ માહિતી બહાર આવી છે.

આવતીકાલે દિલ્હીમાં કેન્દ્રીય કેબિનેટની બેઠક યોજાશે

કેન્દ્રીય કેબિનેટની બેઠક ગુરુવાર, 24 ઓક્ટોબરે સવારે 10:30 વાગ્યે દિલ્હીમાં યોજાશે.

રાજકોટ: આવ્યો દિવાળી તહેવાર...સમજી વિચારીને ફોડવા ફટાકડા

સુપ્રીમ કોર્ટના આદેશને પગલે રાજકોટ અધિક જિલ્લા કલેકટરનું જાહેરનામું બહાર પાડવામાં આવ્યું છે. દિવાળીના તહેવારમાં રાત્રિના 10 વાગ્યા પછી ફટાકડા ફોડવાની મનાઈ ફરમાવામાં આવી છે. શાપર વેરાવળ મેટોડા જીઆઇડીસીના 500 મીટરની હદમાં દારૂખાના અને ફટાકડા ફોડવા ઉપર પ્રતિબંધ મુકવામાં આવ્યો છે. રાત્રિના 10 થી સવારના 6 વાગ્યા સુધી ફટાકડા ફોડવાની મનાઈ ફરમાવામાં આવી છે. આ સાથે ચાઈનીઝ અને બલુન ન વેચવા આદેશ આપવામાં આવ્યા છે. જાહેર રસ્તા તેમજ ફૂટપાથ ઉપર ફટાકડા ન ફોડવા સૂચના આપવામાં આવી છે.

ભાવનગર શહેર ટ્રાફિક નિયમને લઇ પોલીસે એક્શનમાં

ભાવનગર શહેરમાં જુદા જુદા સ્થળો ઉપર RTO અને ભાવનગર પોલીસનું સંયુક્ત વાહન ચેકિંગ ડ્રાઇવ હાથ ધરવામાં આવી હતી. વાહન ચેકીંગ ડ્રાઇવમાં 130 વાહનચાલકો એક જ દિવસમાં દંડાયા છે. ભાવનગર પોલીસ અને RTO એ શહેર ના કાળિયાબીડ પાણીની ટાંકી તેમજ વાઘાવાડી રોડ સહિતના વિસ્તારોમાં પોલીસે ચેકિંગ હાથ ધર્યું હતું. ટ્રાફિક પોલીસે પુષ્પગુચ્છ આપી લોકોને જાગૃત કર્યા હતા.

MLA જયેશ રાદડિયાએ CM અને કૃષિમંત્રીને પત્ર લખ્યો

ગુજરાતમાં નવરાત્રિ સમયે અને નવરાત્રિ બાદ વરસી રહેલા વરસાદના કારણે ખેડૂતોના પાકને ભારે નુકસાન થયું છે.MLA જયેશ રાદડિયાએ CM અને કૃષિમંત્રીને પત્ર લખ્યો છે અને નુકસાની વળતર ચૂકવવા માંગ કરી છે,સૌથી વધારે નુકસાન સૌરાષ્ટ્રના ખેડૂતોને થયું છે.જેને લઈ ધારાસભ્ય જયેશ રાદડીયાએ સીએમ અને કૃષિંમંત્રીને પત્ર લખી વળતર ચૂકવવા માગ કરી છે.

અમદાવાદમા તૂટેલા રોડ-રસ્તાની કામગીરી કરાઈ શરૂ, ગુજરાત હાઈકોર્ટે તંત્રનો લીધો હતો ઉધડો

દિવાળી પર્વને હવે ગણતરીના દિવસો જ બાકી રહ્યાં છે તેની વચ્ચે અમદાવાદમાં તૂટેલા રોડને રિસરફેસ કરવાની કામગીરી કરવામાં આવી રહી છે.પંચવટીથી ગુલબાઈ ટેકરા તરફ જવાના માર્ગ પર આ રસ્તાની કામગીરી શરૂ કરવામાં આવી છે.ગુજરાત હાઈકોર્ટની ફટકાર બાદ તંત્ર હરકતમાં આવ્યું છે,ત્યારે અગામી સમયમાં હજી પણ અન્ય જગ્યાઓ પર રસ્તાની કામગીરી કરવામાં આવશે.

દિલ્હીના વસંત કુંજ વિસ્તારમાં બ્લાસ્ટ, 4 લોકો ઘાયલ

દિલ્હીના વસંત કુંજ વિસ્તારમાં એક ઘરમાં રહસ્યમય રીતે થયેલા વિસ્ફોટમાં ચાર લોકો ઘાયલ થયા છે. ઇજાગ્રસ્તોને એઈમ્સમાં લઈ જવામાં આવ્યા છે. ફાયરની બે ગાડીઓ ઘટનાસ્થળે મોકલવામાં આવી હતી.

સુરતમા વિધર્મીએ હિંદુ નામ ધારણ કરી ફેરવ્યું લાખોનું ફુલેકુ

લવ જેહાદના અનેક કિસ્સાઓ સાંભળ્યા છે પરંતુ બિઝનેસ જેહાદનો કિસ્સો પહેલીવાર સાંભળવામાં આવ્યો છે,આવી જ એક ઘટના સુરતમાં બની છે જેમાં રિઝવાન સૈયદ નામના શખ્સે 70 લાખ રૂપિયાનું કાપડ ખરીધ્યું અને તે કાપડ બારોબાર કોઈ વેપારીને રૂપિયા 70 લાખની છેતરપિંડી કરી હોવાની વાત સામે આવી છે.જયારે વેપારીઓ દ્રારા ફરિયાદ નોંધાવવામાં આવી ત્યારે વાત સામે આવી કે આરોપીઓ નામ બદલીને વેપારીઓ સાથે છેતરપિંડી કરી હતી.

નકલી જજના હુકમો સામે અસલી કોર્ટે નોંધ્યા 9 કેસ

અમદાવાદ શહેરમાંથી ઝડપાયેલા નકલી જજ મોરીસ સેમ્યુઅલ ક્રિશ્ચિયન સામે 9 કેસ મુદ્દે કોર્ટ હુકમ કરશે. રિમાન્ડ અરજી મુદ્દે આજે મેટ્રો કોર્ટમાં સુનાવણી થશે. 6 સરકારી જમીનમાં મનસ્વી રીતે હુકમ કર્યા હતા. AMCની 4 જમીનમાં મનસ્વી રીતે હુકમ કર્યા હતા. આ સાથે  નારોલ-શાહવાડીમાં જમીન મુદ્દે ખોટા ઓર્ડર કર્યા છે. નકલી જજની તપાસમાં થઈ શકે છે વધુ મોટા ખુલાસા...કોર્ટે નકલી જજના મેડિકલ ટેસ્ટની મંજૂરી આપી છે. તો 2015માં તેની સામે નોંધાયેલા એક કેસમાં ફરિયાદીએ પોતાની ફરિયાદમાં લખાવ્યું હતું કે મોરીસ સેમ્યુઅલ ક્રિશ્ચિયન 20 વર્ષથી નકલી જજ બનીને અજ્ઞાની લોકોને છેતરી તેમની પાસેથી નાણા પડાવતો હતો.

સુરતથી ગોવા જતી ફલાઇટમાં બોમ્બ મૂક્યાની ધમકી

સુરતથી ગોવા જતી ફલાઇટમાં બોમ્બ મૂક્યાની ધમકી મળી હતી. સુરત ઇન્ટરનેશનલ એરપોર્ટથી ફ્લાઇટ ટેકઓફ થયા બાદ સોશિયલ મીડિયા થકી ફ્લાઇટમાં બોમ્બ મૂક્યો હોવાનો મેસેજ મળ્યો હતો. આથી, લેન્ડ થવાની સાથે જ ફ્લાઈટનું ગોવાનાં એરપોર્ટ પર CISF દ્વારા ચેકિંગ કરાયું હતું. રાહતની વાત એ છે કે ચેકિંગ દરમિયાન કોઈપણ વાંધાજનક વસ્તુ મળી આવી નથી. આ મામલે એરપોર્ટ પોલીસ અને ડુમસ પોલીસે તપાસ હાથ ધરી છે.

રાષ્ટ્રપતિ દ્રૌપદી મુર્મુ આજથી ઓડિશાની ત્રણ દિવસની મુલાકાતે 

રાષ્ટ્રપતિ દ્રૌપદી મુર્મુ આજથી ઓડિશાની ત્રણ દિવસની મુલાકાતે જશે જ્યાં તેઓ રાજ્યમાં અનેક મોટી રેલ્વે અને વિકાસ યોજનાઓનો શિલાન્યાસ કરશે. રાષ્ટ્રપતિ સવારે 9.55 કલાકે મયુરભંજ જિલ્લાના બાંગરીપોસી પહોંચશે, ત્યારબાદ તે રોડ માર્ગે બાંગરીપોસી રેલ્વે સ્ટેશન જશે અને ત્રણ નવી રેલ્વે લાઈન બાંગરીપોસી-ગોરુમહિશાની, બુધમરા-ચકુલિયા અને બદમપહાર-કેંદુઝારગઢનો શિલાન્યાસ કરશે.

ખેડૂતોને આજથી વરસાદથી મળશે રાહત..!

હવામાન વિભાગની આગાહી મુજબ, રાજ્યમાં વરસાદથી રાહત મળશે. રાજ્યમાં આજથી 2થી 3 ડિગ્રી તાપમાન વધશે જેને લઇ ગરમીનું પ્રમાણ વધશે. દક્ષિણ ગુજરાત, સૌરાષ્ટ્રમાં વાદળછાયું વાતાવણ રહેશે. ખેડૂતોને આજથી વરસાદથી રાહત મળશે. આજથી વરસાદની શક્યતા નહિવત રહેશે.

સુરતમાં દિવાળી પહેલા નબીરાઓ બેફામ

સુરત: દિવાળી પહેલા નબીરાઓ બેફામ બન્યા છે. નબીરાઓએ રોકેટ સળગાવી રોડ પર ફેંક્યા હતા. હાથમાં રોકેટ સળગાવી જાહેર રસ્તા પર ફેંક્યા. સળગતા રોકેટ ફેંકી લોકોના જીવ જોખમમાં મૂક્યા. લોકોના જીવ જોખમમાં મૂકતા નબીરાઓનો વીડિયો વાયરલ થયો. વાયરલ વીડિયો વરિયાવ રિંગ રોડ નજીકનો હોવાનું અનુમાન છે.

BRICS સમિટ માટે રશિયા ગયેલા PM મોદી આજે જિનપિંગને મળશે

વડાપ્રધાન નરેન્દ્ર મોદી 23 ઓક્ટોબરે રશિયામાં BRICS સમિટ 2024માં હાજર રહેશે. ત્યાં તેઓ આજે ચીનના રાષ્ટ્રપતિ શી જિનપિંગને મળવાનો પ્રસ્તાવ છે. બંને દેશોના વડાઓ દ્વિપક્ષીય મંત્રણા કરશે. આ સમય દરમિયાન, તેઓ પ્રાદેશિક અને વૈશ્વિક સહયોગને પ્રોત્સાહન આપવા માટે અન્ય BRICS નેતાઓ સાથે દ્વિપક્ષીય વાટાઘાટોમાં પણ ભાગ લેશે.