Gujarat Latest News Updated : વડોદરામાં જાહેરમાં મારામારી કરનાર 3ની ધરપકડ

15 કરોડથી વધુ શ્રદ્ધાળુઓએ મહાકુંભમાં સ્નાન કર્યુ

તમને જણાવી દઈએ કે અત્યાર સુધીમાં આશરે 15 કરોડથી વધુ શ્રદ્ધાળુઓએ મહાકુંભમાં સ્નાન કર્યુ છે. મહાકુંભ મેળાની શરૂઆત 13 જાન્યુઆરીથી શરૂ થઈ છે અને આ મેળાની પૂર્ણાહુતિ 26 ફેબ્રુઆરી થશે.

મહીસાગરમાં કડાણામાં આધેડની આત્મહત્યા

મહીસાગરમાં કડાણામાં આધેડે આત્મહત્યા કરી છે. દીકરીને જાતિનો દાખલો ન મળતા આત્મહત્યા કરી છે. મોડીરાત્રે આધેડની અંતિમક્રિયા કરવામાં આવી છે. મોટી સંખ્યામાં સ્થાનિકો અંતિમક્રિયામાં જોડાયા છે. 

વડોદરામાં જાહેરમાં મારામારી કરનાર 3ની ધરપકડ

વડોદરામાં જાહેરમાં મારામારી કરનાર 3ની ધરપકડ કરવામાં આવી છે. નવાપુરા પોલીસે પિતા-પુત્ર સહિત 3ને ઝડપ્યા છે. ટ્રાફિક સિગ્નલ બંધ થતા બોલાચાલી થઈ હતી. પોલીસે ત્રણેયને હાથ જોડી માફી મગાવી છે. સંજય મુલે, ધવલ મુલે, વિશાલ સાલેકરની ધરપકડ કરી છે. 

બનાસકાંઠાના ધાનેરાના શ્રદ્ધાળુ કુંભ મેળામાં ખોવાયા 

બનાસકાંઠાના ધાનેરાના શ્રદ્ધાળુ કુંભ મેળામાં ખોવાયા છે. ધારાસભ્ય માવજી દેસાઈએ મુખ્યમંત્રીને પત્ર લખ્યો છે. વહેલી સવારે સ્નાન બાદ પરિવારથી વિખુટા પડ્યા છે. બાળકાભાઈ રબારી ગુમ થયા હોવાનો પત્ર મુખ્યપ્રધાનને લખ્યો છે. 

મહાકુંભમાં ભાગદોડમાં એક ગુજરાતીનું મોત

મહાકુંભમાં ભાગદોડમાં એક ગુજરાતીનું મોત થયું છે. મૃતક મહેસાણાના મૂળ કડા ગામના વતની છે. મહેશ પટેલના નિધનથી પરિવાર શોકમગ્ન છે. મૃતકનો પરિવાર વર્ષોથી સુરત સ્થાયી થયેલો છે. 

રાજકોટમાં દેશી દારુનું ખુલ્લેઆમ વેચાણ

રાજકોટમાં દેશી દારુનું ખુલ્લેઆમ વેચાણ થઈ રહ્યું છે. અટીકા વિસ્તારમાં દેશી દારુની હાટડીઓ સામે આવી છે. સ્થાનિકોએ દેશી દારુના અડ્ડા પર જનતા રેડ કરીને સ્થાનિકોએ દારુના અડ્ડા પર જઈ પોલીસની પોલ ખોલી છે. 

મહાકુંભમાં થયેલી દુર્ઘટનાની તપાસ ત્રણ સભ્યોનું ન્યાયિક પંચ કરશે

સીએમ યોગીએ કહ્યું કે ભારે ભીડને કારણે આ દુર્ઘટના થઈ છે. તેમણે કહ્યું કે આજે લગભગ 8 કરોડ ભક્તોએ અમૃત સ્નાન કર્યું છે. પ્રયાગરાજની આસપાસના જિલ્લાઓમાં ભક્તોને રોકવામાં આવ્યા હતા. બધા અખાડાઓ સ્નાન કરી લીધા પછી, લોકોને મહાકુંભમાં આવવાની મંજૂરી આપવામાં આવી છે. તેમણે કહ્યું કે આ બધા પર પ્રશ્નો ઉભા થાય તે સ્વાભાવિક છે. કુંભમાં થયેલી ભાગદોડની તપાસ માટે ત્રણ સભ્યોના ન્યાયિક પંચની જાહેરાત કરવામાં આવી હતી. નિવૃત્ત ન્યાયાધીશ હર્ષ કુમાર આ કમિશનના વડા રહેશે અને ભૂતપૂર્વ ડીજીપી વીકે ગુપ્તા અને નિવૃત્ત આઈએએસ ડીકે સિંહને આ ન્યાયિક કમિશનના સભ્ય બનાવવામાં આવ્યા છે.

શાકભાજી ફેરિયાઓને ટેકો આપવા પહોંચ્યા AAP પ્રમુખ

શાકભાજી ફેરિયાઓને ટેકો આપવા AAP પ્રમુખ પહોંચ્યા છે. અમદાવાદના જોધપુરમાં શાક માર્કેટના વિવાદને લઈને ફેરિયાઓ ધરણાં કરી રહ્યા છે. આ દરમિયાન આપના પ્રમુખ ઈસુદાન ગઢવીએ કહ્યું કે માગ નહિ સ્વીકારાય તો ઉગ્ર આંદોલન કરાશે. નિરાકરણ નહીં આવે ત્યાં સુધી આંદોલન ચાલુ રહેશે. 

અમિત ચાવડા અને જીગ્નેશ મેવાણી આવતીકાલે લેશે દ્વારકાની મુલાકાત

કોંગ્રેસ પક્ષના નેતા અમિત ચાવડા અને જીગ્નેશ મેવાણી આવતીકાલે દ્વારકાની મુલાકાત લેશે. દ્વારકામાં થયેલા ડિમોલિશન અને પીડિતોની મુલાકાત લેશે. બાલાપર ગામે તંત્ર દ્વારા ડીમોલિશન કરવામાં આવ્યું હતું.

સાબરકાંઠાના ઈડરમાં 3 કલાકથી ટ્રાફિકજામ

સાબરકાંઠાના ઈડરમાં 3 કલાકથી ટ્રાફિકજામ સર્જાયો છે. ટ્રાફિકજામમાં 108 ઈમરજન્સી એમ્બ્યુલન્સ ફસાઈ છે. અડધો કલાકથી વધુ સમય 108 ટ્રાફિકમાં ફસાઈ છે. ઈડરમાં વર્ષો જુની ટ્રાફિકની સમસ્યા જેમની તેમ છે. ઈડર ટ્રાફિક પોલીસ સામે સવાલો ઉઠ્યા છે. 

Mahakumbh 2025: મૃતકોના પરિવારજનોને 25 લાખનું વળતર ચૂકવાશે, CM યોગીએ કરી જાહેરાત

પ્રયાગરાજમાં ચાલી રહેલા મહાકુંભમાં થયેલી ભાગદોડ અંગે સીએમ યોગી આદિત્યનાથે કહ્યું કે આ ખૂબ જ દુઃખદ છે અને તે એક પાઠ પણ છે. આ દરમિયાન સીએમ યોગી પણ ભાવુક થઈ ગયા હતા. તેમણે આ દુર્ઘટનામાં જીવ ગુમાવનારા શ્રદ્ધાળુઓના પરિવારોને 25 લાખ રૂપિયાનું વળતર ચૂકવવાની જાહેરાત કરી છે. સીએમ યોગીએ ઘટનાની તપાસના આદેશ પણ આપ્યા છે.

અમદાવાદમાં વધુ એક આગનો બનાવ

અમદાવાદમાં વધુ એક આગનો બનાવ બન્યો છે. લાલ દરવાજા ખાતે દુકાનમાં આગ લાગી છે.શોટ સર્કિટના કારણે આગ લાગી હતી. જો કે સ્થાનિકોએ આગ પર કાબૂ મેળવ્યો છે. 

Ahmedabad: AMCની 39 શાળાના બાંધકામ જર્જરિત, કોર્ટમાં તમામ જગ્યા માટે દાવા કરાશે

અમદાવાદ મનપાની કૂલ 39 શાળાના બાંધકામ જર્જરિત હાલતમાં હોવાનું સામે આવ્યું છે. જો કે હાલમાં આ તમામ શાળાઓ બંધ હાલતમાં છે. ત્યારે બાંધકામની જગ્યામાં કોઈના દ્વારા દબાણ ના કરવામાં આવે અથવા તો આ જગ્યાઓ કોઈ પચાવી ના પાડે તે હેતુથી કાર્યવાહી કરવામાં આવશે.

સુરતમાં પોલીસ પર હુમલાનો આરોપી ઝડપાયો

સુરતમાં પોલીસ પર હુમલાનો આરોપી ઝડપાયો છે. પોલીસે આરોપીને કાયદાનું ભાન કરાવ્યું છે, આરોપીને સાથે રાખી ઘટનાનું રિકન્સ્ટ્રક્શન કરાયું, જેમાં આરોપીએ હાથ જોડીને લોકોની માફી માગી છે. આરોપીએ પોલીસ પર તલવારથી હુમલો કર્યો હતો.

ગાંધીનગર: સરકારી કર્મચારીઓની ડિજિટલ એટેન્ડેન્સ સિસ્ટમથી હાજરી પુરવાનો મુદ્દો

ડિજિટલ એટેન્ડેન્સ સિસ્ટમથી હાજરી પુરવાના મુદ્દે ગુજરાત રાજ્ય કર્મચારી મહામંડળે વાંધો ઉઠાવ્યો છે. મુખ્યમંત્રી ભૂપેન્દ્ર પટેલને પત્ર લખ્યો છે. ડિજિટલ એટેન્ડન્સ ફિલ્ડમાં કામ કરતા કર્મીઓ માટે સિસ્ટમ બાધારૂપ બનશે. ઓવર ટાઈમ કામ કરે ત્યારે આ પ્રકારની હાજરી યોગ્ય નહીં. 

Mahakumbhમાંથી પરત આવવા રેલવે સ્ટેશન પર ભારે ભીડ, વધુ 190 ટ્રેન દોડાવાશે

મહાકુંભમાં મૌની અમાવસ્યા પર સ્નાન કર્યા પછી હવે ઘરે પરત ફરવા માટે રેલવે સ્ટેશન પર ભારે ભીડ જોવા મળી રહી છે. પરિસ્થિતિને ધ્યાનમાં રાખીને ઉત્તર રેલ્વેએ આજે ​​બપોર સુધીમાં વિવિધ રૂટ પર 80 વિશેષ ટ્રેન ચલાવી હતી. આજે 190 અન્ય ટ્રેનો ચલાવવાની તૈયારીઓ છે. આ માહિતી ઉત્તર મધ્ય રેલ્વેના સીપીઆરઓ શશિકાંત ત્રિપાઠીએ આપી હતી.

બનાસકાંઠાના અંબાજીમાં દબાણો પર બુલડોઝર

બનાસકાંઠાના અંબાજીમાં દબાણો પર બુલડોઝર ચલાવાયું છે. શક્તિ કોરિડોર પ્રોજેક્ટ વચ્ચે આવતી મિલકતો હટાવાઈ છે. 89 જેટલા કાચા-પાકા દબાણો દૂર કરાયા છે. હોલિડે હોમથી રબારી વાસ સુધી દબાણો હટાવાયા છે. 200 કરતા વધુ પોલીસ કાફલા સાથે કામગીરી કરાઈ છે. 

અમદાવાદ SMS હોસ્પિ.એ દર્દીના મોત અંગે આપ્યો જવાબ

પૂજારી કિશોરગિરી ગોસ્વામીના મોત અંગે જવાબ, ‘દર્દીને પગનાં ભાગમાં ગેગરીન થયું હતું’, ‘રિપોર્ટમાં ધમની બ્લોક આવતા ઓપરેશન કરાયું’, ‘પગની એન્જિયોપ્લાસ્ટી કરવામાં આવી હતી’, ‘હ્રદયની કોઈ જ સારવાર કરવામાં આવી નથી’, ‘ઓપરેશનના ત્રણ મહિના બાદ મૃત્યુ થયું હતું’, ‘સારવારનો ખર્ચ 1.30 લાખ વસૂલવામાં આવ્યો’, ‘દર્દી પહેલાથી જ ડાયાબિટીસ, હાઇપરટેંશનના પીડિત’, ‘વડનગરના દર્દીની સપ્ટેમ્બરમાં સર્જરી કરવામાં આવી’, ‘છેલ્લા 25 વર્ષથી દર્દી તમાકુનું સેવન કરતા હતા’, ‘આયુષ્યમાન કાર્ડની અપ્રુવલ બાદ સારવાર કરાઈ’

અમદાવાદના વાંચમાં ફેક્ટરીમાં આગ

ફાયરની 4 ગાડીઓ ઘટનાસ્થળે, આગમાં 4 લોકોને ઇજાની પ્રાથમિક માહિતી, ફાયરે આગ પર કાબૂ મેળવવા કર્યો પ્રયાસ

સ્થાનિક સ્વરાજની ચૂંટણીને લઇ કોંગ્રેસનું નિવેદન

કોંગ્રેસના પ્રવક્તા મનીષ દોશીએ આપ્યું નિવેદન, રાજ્યકક્ષાએ ક્યાંય ગઠબંધન નહીં થાયઃ મનીષ દોશી, સ્થાનિક કક્ષાએ સ્ટ્રેટેજી મુજબ ગઠબંધનઃ મનીષ દોશી

રાજકોટમાં બે નકલી પોલીસ ઝડપાયા

થોરાળા વિસ્તારમાં નકલી પોલીસે કર્યો તોડ, ફરિયાદીને ડરાવી 23 હજાર પડાવ્યા, આરોપી સલીમ પર અગાઉ 7 ફરિયાદ, અન્ય સગીર આરોપી સામે 2 ગુના, પોલીસે બન્ને આરોપીની ધરપકડ કરી 

દાહોદ પોલીસે ડ્રોનથી ગાંજાનું વાવેતર ઝડપી પાડ્યુ

સાગટાળાના નાડાતોડ ગામે લાખોના ગાંજાનું વાવેતર, 79.40 લાખના ગાંજાના 455 છોડ પોલીસે ઝડપ્યા, ખેતર માલિક પ્રેમ પટેલ, શૈલેષ પટેલને પોલીસે ઝડપ્યા, પોલીસે મુદ્દામાલ જપ્ત કરી વધુ તપાસ હાથ ધરી

સાંજે 6 વાગ્યા સુધીના મહત્વના સમાચાર 

1. Gujarat: ગુજરાતના ટેબ્લોની હેટ્રિક; સતત ત્રીજા વર્ષે 'પોપ્યુલર ચોઇસ' કેટેગરીમાં શામેલ

2. Modi Cabinetએ 16,000 કરોડના મહત્વના મિશનને આપી મંજૂરી, અશ્વિની વૈષ્ણવે કરી જાહેરાત

3. Mahakumbh Stampede: વડોદરાના સાંસદ હેમાંગ જોશીએ દુ:ખ વ્યક્ત કર્યુ

4. Suratમાં ચરસ-ગાંજા સાથે 2 યુવકની પોલીસે કરી અટકાયત, લાખોનો મુદ્દામાલ કર્યો જપ્ત

5. Botadની વાહનવ્યવહાર કચેરીમાં અનધિકૃત ઈસમો કે ઈસમોની ટોળી પર પ્રતિબંધ લાગ્યો

6. Dahod: દાહોદ પોલીસે ટેકનોલોજીના આધારે આરોપીને ઝડપ્યો, જુઓ Video

7. Union Budget 2025 : મોદી કેબિનેટે ઇથેનોલના ભાવમાં વધારાને આપી મંજૂરી

8. Chhotaudepur: સંખેડાનું પૌરાણિક અર્જુનનાથ મહાદેવ મંદિર વિવાદમાં, નગરજનોએ કર્યો બચાવવાનો પ્રયાસ

9. Rajkot: રાજકોટમાં 2 નકલી પોલીસ ઝડપાયો! ફરિયાદીને ડરાવીને 23 હજાર પડાવ્યા

10. Rajkotમાં ખાડામાં પડી જતા દર્દીનું મોત

અમદાવાદ મનપાએ તૈયાર કરી SOP

કોર્ટમાં ચાલતા કેસોના નિકાલ માટે SOP તૈયાર, SOPના આધારે અધિકારી કાર્યવાહી કરશે, અધિકારીઓ માટે SOP મુજબ કામગીરી માટે નિર્ણય

સતત ત્રીજા વર્ષે ગુજરાતનો ટેબ્લો પ્રથમ સ્થાને

મુખ્યમંત્રી ભૂપેન્દ્ર પટેલે આભાર વ્યક્ત કર્યો, દિલ્હીમાં પ્રજાસત્તાક પર્વની પરેડમાં રજૂ કરાયો હતો ટેબ્લો, ગુરવારે દિલ્હી ખાતે એવોર્ડ વિતરણ સમારોહ, એવોર્ડ વિતરણ સમારોહમાં ટ્રોફી એનાયત કરાશે

સુરત શહેરમાં યોજાઈ અનોખી હોડી સ્પર્ધા

હજીરાથી મગદલ્લા સુધી તાપી નદીમાં હોડી સ્પર્ધા, ભગવાનની આસ્થા સાથે જોડાયેલી છે હોડીની સ્પર્ધા, હોડી સ્પર્ધાનો અદભુત અને આકાશી નજારો કેમેરામાં કેદ, સ્પર્ધા જોવા સુરતીઓ સહીત દૂર દૂરના લોકો ઉમટ્યા, હોડી સ્પર્ધામાં કુલ 8 બોટે ભાગ લીધો, સુભાષચંદ્રા બાબુભાઇ પટેલની બોટ જીતી

અમદાવાદના કાલુપુરામાં વેપારીને ગુંડાઓની ધમકી

મોહિત જ્વેલર્સના માલિક પાસે પૈસાની માંગણી, વિવિધ સ્થળે પાર્ટી કરવા માટે પૈસાની માંગણી, વેપારીએ પૈસા ન આપતા જોઇ લેવાની ધમકી, સ્વાગત અને હિતેશ રાવળ સહિત 8 સામે ફરિયાદ, કાલુપુર પોલીસે ગુનો નોંધી તપાસ હાથ ધરી

અમદાવાદ મનપાની 39 શાળાના બાંધકામ જર્જરિત

દબાણ અને કોઈ પચાવી ન પડે તે હેતુથી કાર્યવાહી થશે, કોર્ટમાં તમામ જગ્યા માટે દાવા કરવામાં આવશે, કોર્ટ કમિશન મારફતે નક્કી થશે ભાડા માલિકી હક, અગાઉ કાચની મસ્જિદની જગ્યાએ ગેરકાયદે બાંધકામ થયું હતું

અમદાવાદમાં સોફ્ટવેર ડેવલોપર યુવતી સાથે છેતરપિંડી

મેટ્રીમોનીયલ સાઈટ મારફતે યુવક સાથે સંપર્ક, યુવકે આફ્રિકામાં સોનાની ખાણ હોવાનું જણાવ્યું, યુવતીને વિશ્વાસમાં લઇ 13.20 લાખની છેતરપિંડી, છેતરપિંડી અંગે વેજલપુર પોલીસ સ્ટેશનમાં નોંધાઇ ફરિયાદ

માંગરોળ ન.પા.માં કોંગ્રેસ-આપ વચ્ચે ગઠબંધન

13 બેઠકો પર AAP, 23 બેઠકો પર કોંગ્રેસ ચૂંટણી લડશે આમ આદમી પાર્ટી મહામંત્રી સાગર રબારીની પ્રતિક્રિયા ‘ભાજપના ભ્રષ્ટાચારમાંથી નાગરિકોને મુક્ત કરવા ગઠબંધન’ ‘સ્થાનિક લેવલે ગઠબંધન કરવા નેતાઓને છૂટ અપાઈ’‘નળ,ગટર,રસ્તાઓ મુદ્દે ચૂંટણી પ્રચાર કરાશે’

રાજકોટમાં વ્યાજખોરોના ત્રાસથી યુવકે કર્યો આપઘાત

અલ્પેશ સાકરિયાએ આપઘાત પહેલા વીડિયો બનાવ્યો,બાલભવન નજીક ઝેરી પાવડર પી જીવન ટૂંકાવ્યૂ,અંતિમ વીડિયોમાં પોલીસ પાસે ન્યાયની કરી માગ આપઘાત પહેલા વીડિયો,સ્યુસાઈડ નોટ પરિવારને મોકલ્યા,પોલીસે આપઘાત મામલે વધુ તપાસ હાથ ધરી

60 દિવસ સુધી જાહેરનામું અમલી રહેશે 

આ જાહેરનામું પ્રસિધ્ધ થયાની તારીખથી દિન-૬૦ સુધી અમલમાં રહેશે.આ જાહેરનામાનો ભંગ કરનાર વ્યક્તિ ભારતીય ન્યાય સંહિતાની કલમ-૨૨૩ મુજબ શિક્ષાને પાત્ર થશે. જાહેરનામાના અમલ તથા તેના ભંગ બદલ ફોજદારી પગલાં લેવા હેડકોન્સ્ટેબલથી નીચેના ન હોય તેવા પોલીસ અધિકારી તથા સહાયક પ્રાદેશિક વાહનવ્યવહાર અધિકારીને અધિકૃત કરવામાં આવે છે.

ગેરકાયદેસર ઈસમો સામે પ્રતિબંધ

ભારતીય નાગરિક સુરક્ષા સંહિતા (NSS) ૨૦૨૩ના કાયદાની કલમ ૧૬૩ હેઠળ તેમને મળેલી સત્તાની રૂએ ફરમાવ્યું છે કે, બોટાદ શહેરમાં આવેલી સહાયક પ્રાદેશિક વાહનવ્યવહાર કચેરી (એ.આર.ટી.ઓ)માં પોતાના સરકારી કામ માટે આવેલા હોય અથવા કામ કરતા હોય તેવા અથવા વાજબી કામ સબબ આવેલા હોય તે સિવાયના અનધિકૃત ઈસમો કે ઈસમોની ટોળી કચેરીમાં આવતી જાહેર જનતા અરજદારોને ગેરમાર્ગે દોરી કામ કરાવવા કે તેવી લાલચ આપવા જેવી પ્રવૃત્તિ કરી રહેલા ઇસમોના પ્રવેશ ઉપર પ્રતિબંધ છે. 

Botadની સહાયક પ્રાદેશિક વાહનવ્યવહાર કચેરીમાં પ્રવેશને લઈ અનધિકૃત ઈસમો કે ઈસમોની ટોળી પર પ્રતિબંધ 

બોટાદ શહેરમાં આવેલી સહાયક પ્રાદેશિક વાહનવ્યવહાર કચેરી (એ.આર.ટી.ઓ)માં દરરોજ મોટા પ્રમાણમાં નાગરિકો અલગ અલગ સરકારી કામ અર્થે જેવા કે લાયસન્સ સંબધિત વાહન નોંધણી વાહન તબદીલી નોંધણી બાદની કાર્યવાહીઓ ટેક્સ ભરવાની કાર્યવાહી પરમીટ સંબંધિત કાર્યવાહી માટે આવતા હોય છે. તો આવી પરિસ્થિતિમાં બિન અધિકૃત વ્યકિતોઓનો કચેરીમાં પ્રવેશ અટકાવવા માટે જાહેર જનતાના હિતમાં અનઅધિકૃત ઈસમોના એ.આર.ટી.ઓ. કચેરીમાં પ્રવેશતા અટકાવવા માટે બોટાદ અધિક જિલ્લા મેજિસ્ટ્રેટ  પી.એલ.ઝણકાતે.

અમદાવાદના કાલુપુરામાં વેપારીને ગુંડાઓની ધમકી

મોહિત જ્વેલર્સના માલિક પાસે પૈસાની કરી માંગણી,જુદાજુદા સ્થળે પાર્ટી કરવા માટે પૈસાની માંગણી,વેપારીએ પૈસા ન આપતા જોઇ લેવાની આપી ધમકી,સ્વાગત અને હિતેશ રાવળ સહિત 8 સામે ફરિયાદ,કાલુપુર પોલીસે ગુનો નોંધી તપાસ હાથ ધરી

બનાકાંઠા એસટી વિભાગનો પણ કરી શકાશે સંપર્ક 

આગામી તા.૦૪/૦૨/૨૦૨૫ થી તા.૧૫/૦૨/૨૦૨૫ સુધી ૧૧:૦૦ કલાક થી ૧૬:૦૦ કલાક સુધીના સમય દરમિયાન જાહેર રજાના દિવસો સિવાય શૈક્ષણિક લાયકાતના તમામ પુરાવાની પ્રમાણિત નકલ સહિત વિભાગીય કચેરી વહિવટી શાખા ખાતે જમા કરાવવાનું રહેશે. આ તારીખ પછી રૂબરૂમાં કે ટપાલ દ્વારા કે અન્ય કોઈપણ માધ્યમથી મળેલ અરજી પત્રક માન્ય રહેશે નહી તેમ વિભાગીય નિયામક એસ.ટી વિભાગ પાલનપુર દ્વારા એક અખબારી યાદીમાં જણાવ્યું છે.

એપ્રેન્ટીસને લઈ પણ કરાઈ જાહેરાત 

ગુજરાત રાજ્ય વાહન વ્યવહાર નિગમના પાલનપુર વિભાગ ખાતે એપ્રેન્ટીસ એકટ ૧૯૬૧ પ્રવર્તમાન નિયમાનુસાર (૧) મીકેનીક ડીઝલ (૨)હેલ્થ સેનેટરી ઇન્સ્પેક્ટર, આઈ.ટી.આઈ.પાસ તથા જરૂરી શૈક્ષણિક લાયકાત ધરાવતા લઘુતમ શૈક્ષણિક લાયકાત ધોરણ -૧૦ પાસ, આઇ.ટી.આઇ. પાસ ઉમેદવારોને એપ્રેન્ટીસ તાલીમાર્થી તરીકે ભરતી બહાર પડાઈ છે. ઉમેદવારોએ www.apprenticeshipindia.gov વેબસાઈટ ઉપર રજીસ્ટ્રેશન કરી તેની હાર્ડ કોપી મેળવી તેની સાથે એલ.સી.,માર્કશીટ,આઈ.ટી.આઈ.તથા જાતી અંગેનું પ્રમાણપત્ર તેમજ કોઇ ગુનાહીત પ્રુવૃતિ આચરવામાં આવેલ નથી તે સબબનો પોલીસનો દાખલો અને બે પ્રતિષ્ઠીત વ્યક્તિના ચાલચલગતનો દાખલો પાસપોર્ટ સાઇઝનો ફોટા તેમજ જરૂરી ડોક્યુમેન્ટ સાથે વિભાગીય કચેરી,એરોમા સર્કલ જી.ડી.મોદી કોલેજ સામે પાલનપુર વહીવટી શાખા ખાતે રજૂ કરવાના રહેશે.  

ઓનલાઈન કરો અરજી

ઉમેદવારો પાસેથી અરજીઓ આગામી તા.૭/૦૨/૨૦૨૫ સુધીમાં કચેરી સમય સુધી સ્વીકારવામાં આવશે. સંચાલક કમ કુક (વ્યવસ્થાપક) માટે શૈક્ષણિક લાયકાત ઓછામાં ઓછી ધોરણ ૧૦ પાસ જરૂરી છે. વધુ લાયકાત વાળા ઉમેદવારો ઉપલબ્ધ થશે તો ઓછી લાયકાત વાળા ઉમેદવારોની અરજીઓ રદ કરવામાં આવશે. અરજદારની ઉંમર જાહેરાતની તારીખે ૨૦ વર્ષથી ઓછી નહીં તેમજ ૬૦ વર્ષથી વધુ ન હોવી જોઈએ, સ્થાનિક, વિધવા, ત્યકતા, વિકલાંગ મહિલાઓને અગ્રતાક્રમ આપવામાં આવશે. અરજી સાથે અરજદારોએ શાળા છોડ્યાના દાખલાની પ્રમાણિત નકલ, શૈક્ષણિક લાયકાતની માર્કશીટની પ્રમાણિત નકલ, ઓળખ કાર્ડની નકલ, ઉમેદવારના રેશનકાર્ડની નકલ, ઉમેદવાર સ્વતંત્ર અથવા સંયુક્ત ખાતે દુકાન/પ્લોટ/ખેતીની જમીન ધરાવતા હોય તો આધાર પુરાવાની નકલ, ઉમેદવાર કોઈ ગુનામાં સંડોવાયેલા નથી કે કોઈ કોર્ટ કેસ ચાલતો નથી તે અંગે પોલીસ અધિકારીશ્રીનો દાખલો, તાજેતરના બે પાસપોર્ટ સાઇઝના ફોટા, અરજી પર મોબાઈલ નંબર અવશ્ય દર્શાવાનો રહેશે તેમ મામલતદાર ડીસા (ગ્રામ્ય) દ્વારા એક અખબારી યાદીમાં જણાવ્યું છે. 

ડીસા તાલુકાના નાના રસાણા મધ્યાહન ભોજન યોજના કેન્દ્ર પર સંચાલક કમ કુકની ભરતી બહાર પડી

ડીસા તાલુકાના નાના રસાણા મધ્યાન ભોજન યોજના કેન્દ્ર પર સંચાલક કમ કુક (વ્યવસ્થાપક)ની તદ્દન હંગામી ધોરણે માસિક રૂપિયા ૪૫૦૦/- ઉચક માનદ વેતનથી વર્ષ ૨૦૨૪-૨૫ માટે જાહેરાત બહાર પડાઈ છે. આ જગ્યા ભરવા માટે ડીસા તાલુકાના જે તે ગામના મૂળ રહેવાસી હોય તેવા ફક્ત સ્થાનિક ઉમેદવારો પાસેથી અરજીઓ મંગાવવામાં આવી છે. આ માટે ઉમેદવારોને અરજી પત્રક વિના મૂલ્યે મધ્યાન ભોજન યોજના શાખા મામલતદાર ડીસા ગ્રામ્ય ખાતેથી મળી રહેશે. 

૧૦૦૦થી વધુ સારવાર કેન્દ્રો પણ ઉભા કરવામાં આવ્યા હતા

સાથે જ, પશુપાલન વિભાગ, વન વિભાગ અને વિવિધ સેવાભાવી સંસ્થાઓના મળીને રાજ્યભરમાં કુલ ૧૦૦૦થી વધુ સારવાર કેન્દ્રો પણ ઉભા કરવામાં આવ્યા હતા. આ અભિયાન દરમિયાન રાજ્યભરના ૮૬૫ પશુ દવાખાના, ૩૪ વેટરનરી પોલિક્લિનિક, ૨૭ શાખા પશુ દવાખાના ઉપરાંત ૫૮૭ જેટલા ફરતા પશુદવાખાના અને ૩૭ કરુણા એનીમલ એમ્બ્યુલન્સ રજાના દિવસે પણ કાર્યરત રાખવામાં આવ્યા હતા. જ્યાં ઘાયલ પશુ-પક્ષીની સારવાર માટે જરૂરી તમામ સાધનો અને દાવાઓનો સ્ટોક પણ સુનિશ્ચિત કરવામાં આવ્યો હતો, એમ અગ્ર મુખ્ય વન સંરક્ષક- વન્યજીવ કચેરી, ગાંધીનગરની યાદીમાં જણાવાયું છે.

૮૦૦૦થી વધુ સેવાભાવી સ્વયંસેવકો જોડાયા

ગત વર્ષ ૨૦૨૪માં કરૂણા અભિયાન અંતર્ગત રાજ્યભરમાં ૧૩,૮૦૦થી વધુ પશુ-પક્ષીઓને રેસ્ક્યુ કરાયા હતા, જેમાં ૪,૪૦૦થી વધુ પશુઓ અને ૯,૩૦૦થી વધુ પક્ષીઓનો સમાવેશ થાય છે. આમ, ગુજરાતે સૌપ્રથમવાર શરૂ કરેલું “કરૂણા અભિયાન”નું આદર્શ મોડલ આજે સમગ્ર દેશ માટે પથદર્શક બન્યું છે.ઉત્તરાયણ પર્વ દરમિયાન પતંગની દોરીથી કોઇ અબોલ પક્ષી-પશુ ઘાયલ ન થાય તેની પૂરતી સતર્કતા સાથે તા. ૧૦ થી ર૦ જાન્યુઆરી, ૨૦૨૫ દરમિયાન રાજ્યવ્યાપી કરૂણા અભિયાન યોજાયું હતું. આ અભિયાન અંતર્ગત રાજ્યના કોઈ પણ સ્થળે ઘાયલ પક્ષીઓને ઝડપી અને યોગ્ય સારવાર આપવા માટે વન વિભાગ દ્વારા વોટ્સઅપ નંબર ૮૩૨૦૦૦૨૦૦૦ અને ૧૯૨૬ હેલ્પલાઇન પણ જાહેર કરવામાં આવ્યો હતો. “કરૂણા અભિયાન-૨૦૨૫”માં આશરે ૬૦૦થી વધુ વેટરનિટી તબીબો તેમજ ૮૦૦૦થી વધુ સેવાભાવી સ્વયંસેવકો જોડાયા હતા. 

કરૂણા અભિયાન ગુજરાતની આગવી પહેલ બન્યું

અત્રે ઉલ્લેખનીય છે કે, રાજ્યમાં વર્ષ-૨૦૧૭થી ઉત્તરાયણ પર્વ દરમિયાન પ્રતિ વર્ષ તા. ૧૦ થી ૨૦ જાન્યુઆરી સુધી પતંગ દોરાથી પક્ષીઓને ઘાયલ થતાં બચાવવા માટે અને ઘાયલ પક્ષીઓને સારવાર આપવા માટે કરૂણા અભિયાન હાથ ધરવામાં આવે છે. જે અંતર્ગત અત્યાર સુધીમાં ૧.૧૨ લાખથી વધુ ઘાયલ પક્ષીઓની સારવાર કરવામાં આવી છે. જેમાંથી ૯૨ ટકા સાથે ૧.૩ લાખ જેટલા પક્ષીઓને જીવનદાન આપવામાં આવ્યું છે. ઉત્તરાયણ જેવા તહેવારો અને લોકોત્સવોની ઉજવણી દરમિયાન અબોલ જીવોની ચિંતા કરી તેની સારવાર-માવજત માટે યોજતું કરૂણા અભિયાન ગુજરાતની આગવી પહેલ બન્યું છે. 

૯૧ ટકા જેટલા પશુ-પક્ષીઓને નવજીવન મળ્યું

મુખ્યમંત્રી ભૂપેન્દ્ર પટેલની પ્રેરણા અને દિશા-દર્શનમાં રાજ્ય સરકાર દ્વારા શરૂ કરવામાં આવેલી આ કરુણાસભર પહેલના પરિણામે આ વર્ષે ઉત્તરાયણ દરમિયાન રેસ્ક્યૂ કરવામાં આવેલા અબોલ પશુ-પક્ષીઓ પૈકી ૯૧ ટકા જેટલા પશુ-પક્ષીઓને નવજીવન મળ્યું છે. વન અને પર્યાવરણ મંત્રી મુળુભાઈ બેરા તેમજ પશુપાલન મંત્રી રાઘવજીભાઈ પટેલના નેતૃત્વમાં કાર્યરત “કરૂણા અભિયાન-૨૦૨૫”માં સૌથી વધુ અમદાવાદ જિલ્લામાં આશરે ૬,૬૯૫, સુરતમાં ૫,૧૭૮, રાજકોટમાં ૯૨૦, વડોદરા જિલ્લામાં ૮૯૪ સહિત વિવિધ જિલ્લાઓમાંથી અનેક પશુ-પક્ષીઓને રેસ્ક્યુ કરીને સારવાર પૂરી પાડવામાં આવી હતી. જેમાં મુખ્યત્વે કબૂતર, સમડી, કાગડો, પોપટ, બગલા જેવા ૫૧ થી વધુ પશુ-પક્ષીઓનો સમાવેશ થાય છે.  

Gujaratમાં ઉત્તરાયણ કરૂણા અભિયાન અતંર્ગત રેસ્કયૂ કરાયેલ 91 ટકા પશુ-પક્ષીઓને જીવનદાન અપાયું

ઉત્તરાયણ પર્વ દરમિયાન ઘાયલ થયેલા પશુ-પક્ષીઓને રેસ્ક્યૂ કરીને તુરંત સારવાર આપી નવજીવન આપી શકાય તેવા ઉમદા હેતુથી દર વર્ષે રાજ્ય સરકાર તેમજ સ્વૈચ્છિક સંસ્થાઓની મદદથી “કરૂણા અભિયાન”નું આયોજન કરવામાં આવે છે. જે અંતર્ગત ચાલુ વર્ષે રાજ્યભરમાં અંદાજે કુલ ૧૭,૦૬૫ જેટલા પક્ષીઓને રેસ્ક્યુ કરી સમયસર સારવાર આપીને ૧૫,૫૭૨ જેટલા પક્ષીઓને જીવનદાન આપવામાં આવ્યું છે. 

સંતો-મહંતો અને વિદ્યાર્થીઓ ઉપસ્થિત રહ્યાં

આ અવસરે જિલ્લા કલેકટર દિગ્વિજયસિંહ જાડેજા, જિલ્લા વિકાસ અધિકારી સ્નેહલ ભાપકર, જિલ્લા પોલીસવડા મનોહરસિંહ જાડેજા, પ્રાંત અધિકારી વિનોદ જોશી, અગ્રણી મહેન્દ્રભાઈ પીઠિયા સહિત સંસ્કૃત યુનિવર્સિટીના પ્રધ્યાપકો, સંતો-મહંતો અને વિદ્યાર્થીઓ ઉપસ્થિત રહ્યાં હતાં

૭૬૬ ડિગ્રી પ્રમાણપત્રો વિદ્યાર્થીઓને એનાયત કરવામાં આવ્યાં

રાજ્યપાલ અને મહાનુભાવોના હસ્તે ગુજરાતનાં સંસ્કૃત વિદ્વાન ડૉ. વસંત પરીખને શ્રીમતી સરસ્વતીબેન જયંતિલાલ ભટ્ટ સંસ્કૃત વિદ્વાન-૨૦૨૫ પુરસ્કાર અને શોધાર્થી નિકુલ શાન્તિલાલ શીલુને ‘શોધવિભૂષણમ્’ પુરસ્કાર-૨૦૨૫ એનાયત કરવામાં આવ્યો હતો.આ અવસરે ઉચ્ચ શિક્ષણમંત્રી ઋષિકેશભાઈ પટેલનો શુભેચ્છા સંદેશ વાંચી સંભળાવવામાં આવ્યો હતો. નેકના પૂર્વ નિયામક પ્રો. એસ. સી. શર્માએ પ્રસંગોચિત ઉદબોધન કર્યું હતું. પ્રભારી કુલસચિવ પ્રો. લલિતકુમાર પટેલે આભારવિધ કરી હતી. આજના દિક્ષાંત સમારોહમાં શાસ્ત્રી (બી.એ.)-૩૪૦, આચાર્ય (એમ.એ.)-૧૯૫, પી.જી.ડી.સી.એ.-૧૬૯, શિક્ષાશાસ્ત્રી (બી.એડ.)-૫૨ અને વિદ્યાવાચસ્પતિ (પીએચ.ડી.)-૧૦ અને ૨૩ ગોલ્ડમેડલ (સુવર્ણ પદક) અને ૦૪ સિલ્વરમેડલ (રજત પદક) એમ કુલ મળીને ૨૭ જેટલા પદકો સાથે કુલ ૭૬૬ ડિગ્રી પ્રમાણપત્રો વિદ્યાર્થીઓને એનાયત કરવામાં આવ્યાં હતાં.

પાંચ ગ્રંથનું વિમોચન કરવામાં આવ્યું હતુ

સંસ્કૃત યુનિવર્સિટીના કુલપતિ સુકાંતકુમાર સેનાપતિએ યુનિવર્સિટીએ મેળવેલી સિદ્ધિઓ અને ઉપલબ્ધિઓની વાત કરતાં જણાવ્યું હતું કે, સોમનાથ સંસ્કૃત યુનિવર્સિટીમાં વિકસિત ભારત માટે પાયાના પથ્થર સાબિત થાય તે પ્રકારના વિદ્યાર્થીઓનું નિર્માણ કરવામાં આવી રહ્યું છે. યુનિવર્સિટીમાં ગુણોત્કર્ષના માધ્યમથી વિદ્યાર્થીઓનો વિકાસ, શાસ્ત્રનું શિક્ષણ અને પ્રશિક્ષણ, રમતગમત સહિતની બહુઆયામી ઈત્તરપ્રવૃત્તિઓ સહિત વિદ્યાર્થીઓ અને કર્મચારીઓનું કૌશલ્ય વિકસે એ રીતે અધ્યયન કરાવવામાં આવી રહ્યું છે.આ અવસરે રાજ્યપાલશ્રી અને મહાનુભાવોના હસ્તે “શાસ્ત્રાધિગમ સંદર્ભે લૌકિકન્યાયાં:” (ડો.બી.ઉમા મહેશ્વરી), “ધર્મશાસ્ત્રસ્ય આધુનિકવિજ્ઞાનસ્ય ચ અન્તઃસંબંધમ” (ડો.વિશ્વબંધુ), “આયુર્વિજ્ઞાનમ”(ડો.સિહેચ નાગરાજુ), “યોગવિજ્ઞાનમ”(ડો.ભારતભૂષણરથ), “વિકસિતે ભારતે સંસ્કૃતમ”(ડો.પ્રિયવ્રત મિશ્ર) એમ પાંચ ગ્રંથનું વિમોચન કરવામાં આવ્યું હતું.

જે સંસ્કૃત ભાષા જાણે છે તે અંગ્રેજીથી દૂર છે

રાજ્યપાલે જણાવ્યું કે, આજે વિજ્ઞાન અને ટેક્નોલોજીનો વિકાસ અંગ્રેજી ભાષાના જ્ઞાનના આધારે થયો છે. પરંતુ જે સંસ્કૃત ભાષા જાણે છે તે અંગ્રેજીથી દૂર છે અને અંગ્રેજી જાણનાર સંસ્કૃતથી દૂર છે. જો આ બન્ને વચ્ચે તાલમેલ કરવામાં આવે તો તેનું સમાયોજન વિશ્વ કલ્યાણ માટે ખૂબ જ ઉપયોગી પરિણામ આપી શકે તેમ છે.તેમણે સંસ્કૃતની મહત્તા વર્ણવતાં કહ્યું કે, આજે પણ જર્મન યુનિવર્સિટીમાં સંસ્કૃત ભાષા અને ભારતીય વેદનું સંશોધન કરવામાં આવે છે. જર્મની વેદને તેના વિકાસ અને ઉન્નતિનો પરમઆધાર માને છે.પોતાના જીવનમાં સત્ય અને ધર્મનું આચરણ કરજો. પોતાની વિદ્યાનો સદુપયોગ કરી બીજાને પણ આ વિદ્યાનું જ્ઞાન આપજો. સંશાધનોનો સદુપયોગ કરી ઉત્તરોત્તર પ્રગતિ કરો. નવી સિદ્ધિઓ પ્રાપ્ત કરો. મેળવેલા જ્ઞાનને સમાજશ્રેયાર્થે વાપરી સમસ્ત સમાજ અને વિશ્વનું કલ્યાણ થાય તે દિશામાં કાર્યરત બનો તેવી શુભકામનાઓ પાઠવી હતી.

જ્ઞાન એ ઈશ્વરની વાણી છે

વેદ જ્ઞાનનું મહત્વ સમજાવતાં રાજ્યપાલે કહ્યું હતું કે, સૃષ્ટિના પ્રારંભમાં જ્યારે આ વિશ્વ બન્યું ત્યારે પરમાત્માએ માનવ અને પ્રાણીમાત્રના કલ્યાણ માટે વેદનું જ્ઞાન આપ્યું હતું. આ જ્ઞાનને અગ્નિ, વાયુ, આદિત્ય અને અંગીરા નામના ચાર ઋષિઓના હ્રદયમાં સ્થાન આપી અને તેનો પ્રસાર કર્યો હતો.રાજ્યપાલે જણાવ્યું કે, વેદમાં રહેલું જ્ઞાન એ ઈશ્વરની વાણી છે. વેદમાં તમામ વિદ્યાઓનો સમાવેશ થાય છે. ભગવાન પૂર્ણ છે તો તેનું જ્ઞાન પણ પૂર્ણ છે અને માનવી અપૂર્ણ છે તો તેનું જ્ઞાન પણ અપૂર્ણ છે. આ પરમ જ્ઞાનને આજે મનુષ્ય વિસારી રહ્યો છે. આ ધરતીના પ્રાણીમાત્રના કલ્યાણનો આધાર વેદ છે. જેમાં જ્ઞાતિ-જાતિ કે ધર્મના ભેદભાવને કોઈ જ સ્થાન નથી. આદિકાળથી ઋષિ પરંપરાથી ચાલી આવતી આપણી મૂળ સંસ્કૃતિ અને તેનું જ્ઞાન જ વિશ્વશાંતિનો આધાર, સમાજ નિર્માણનો આધાર, સમાજની યુવાપેઢીના ઉપદેશનો આધારસ્તંભ બની રહેશે.

સંસ્કૃતને જાણવું જરૂરી છે

જ્ઞાનના વિવિધ આયામો સમજાવતાં રાજ્યપાલે જણાવ્યું હતું કે, વિજ્ઞાન અને ટેક્નોલોજી ગમે એટલી આગળ ધપે પરંતુ ધરતી પર મનુષ્ય એકમાત્ર એવું પ્રાણી છે. તેને જો શીખવાડવામાં આવે તો જ શીખે છે. પ્રાણીઓને તે શીખવાડવું પડતું નથી. મનુષ્યએ મેળવેલું જ્ઞાન નૈમિત્તિક છે. કારણ કે, તેને શીખવા માટે નિમિત્ત બનવું પડે છે. જ્યારે પ્રાણીએ મેળવેલું જ્ઞાન સ્વાભાવિક હોય છે. છતાં, વધુ મહત્વની વાત એ છે કે, મનુષ્ય પોતે મેળવેલા જ્ઞાનમાં અભિવૃદ્ધિ કરીને તેને આગળ ધપાવે છે.રાજ્યપાલે કહ્યું કે, આપણી જ્ઞાન પરંપરામાં સૌથી પ્રાચીન ગ્રંથ વેદ છે.આ વેદ તમામ વિદ્યાઓથી પરિપૂર્ણ છે. કોઈ એવી વિદ્યા નથી કે જે વેદમાં નથી. તમામ સાહિત્યની રચનાઓનો આધાર વેદ છે.

વેદ સર્વાધિક પ્રાચીન ગ્રંથ છે

તેમણે કહ્યું કે, वेदोऽखिलो धर्ममूलम् એટલે કે, વેદ સર્વાધિક પ્રાચીન ગ્રંથ છે. જર્મન લેખક મેક્સમૂલરે પણ એ વાતનો સ્વીકાર કર્યો હતો કે, વિશ્વની પહેલી લાઈબ્રેરી બની તેમાં જે પ્રથમ ગ્રંથ પ્રાપ્ત બન્યો તે વેદ જ હતો. વેદ પછી જ બાકીના અન્ય સાહિત્યનું સર્જન થયું છે.વેદની ભાષા સંસ્કૃત છે. વેદનો કોઈ લેખક નથી. આજે કોઈ નાનું પુસ્તક પણ લખે તો તેમાં તેનું નામ અવશ્ય લખે છે પરંતુ ઋગ્વેદ, સામવેદ, અથર્વવેદ અને યજુર્વેદનો કોઈ લેખક નથી. કારણકે ઋષિઓનું માનવું હતું કે, વેદમાં પીરસાયેલું જ્ઞાન એ ઈશ્વરિય જ્ઞાન છે.

સંસ્કૃત યુનિવર્સિટીની સંસ્કૃત વિદ્યાલક્ષી કામગીરીને બીરદાવી

ભારતીય જ્ઞાન-પરંપરાના મૂળ આધારરૂપ વેદ, ઉપનિષદ વગેરે સંસ્કૃતમાં જ લખાયેલા છે. તેના આધારે જ ગીતા, રામાયણ-મહાભારત તેમજ સ્ત્રોતસૂત્ર અને ગ્રંથોની રચના થઈ છે. આ રીતે વેદ આપણી સંસ્કૃતિ અને ધર્મનો આધારસ્તંભ છે. પ્રાચીન ભારતીય વૈચારિક દર્શન અને જીવનદર્શનનો મૂળ આધાર સંસ્કૃત સાહિત્ય અને તેમાં લખાયેલા ગ્રંથો છે, તે સંસ્કૃતની મહત્તા દર્શાવે છે. તેમ તેમણે જણાવ્યું હતું.વિદ્યાર્થીઓને શીખ આપતાં તેમણે જણાવ્યું હતું કે, જે રીતે આપણે વૃક્ષના મૂળને પાણી આપીએ તો સમગ્ર વૃક્ષ હર્યુભર્યું બને છે. તે રીતે જ જો મનુષ્યને પૂર્ણતા પામવી હશે તો તેના મૂળમાં સંસ્કૃતરૂપી સિંચન કરવું જરૂરી છે. સંસ્કૃત યુનિવર્સિટી સંસ્કૃત ભાષાના પ્રચાર-પ્રસાર અર્થે, લોકોમાં સંસ્કૃત ભાષા પ્રત્યે અભિરૂચિ કેળવાય તે માટે પ્રયત્નશીલ છે, તેમ જણાવી રાજ્યપાલે સંસ્કૃત યુનિવર્સિટીની સંસ્કૃત વિદ્યાલક્ષી કામગીરીને બીરદાવી હતી.

ગુજરાતની એક માત્ર સોમનાથ સંસ્કૃત યુનિવર્સિટીનો 17મો પદવીદાન સમારોહ યોજાયો

ગુજરાતની એકમાત્ર સોમનાથ સંસ્કૃત યુનિવર્સિટીનો ૧૭મો પદવીદાન સમારોહ રાજ્યપાલ આચાર્ય દેવવ્રતજીની પ્રેરક ઉપસ્થિતિમાં આજે ગીર સોમનાથ જિલ્લાના મુખ્ય મથક એવા વેરાવળ ખાતે યોજાયો હતો.રાજ્યપાલ આચાર્ય દેવવ્રતજીએ વિદ્યાર્થીઓને દીક્ષાંત પ્રવચન આપતાં જણાવ્યું હતું કે, જો ભારતીય સંસ્કૃતિને જાણવી હશે, તો સંસ્કૃત ભાષા શીખવી જ પડશે.

કર્મચારીઓએ પ્રભાતફેરીમાં ભાગ લીધો

ભાવનગર ડિવિઝન પર પ્રભાતફેરીના સમાપન સમયે, ડીઆરએમ રવીશ કુમારે દરેકને સંબોધિત કર્યા અને 100% રેલ્વે ઇલેક્ટ્રિફિકેશનના ફાયદાઓ પર પ્રકાશ પાડ્યો. તેમણે કહ્યું કે કેવી રીતે વન-વે ટ્રેક્શન અવિરત ટ્રેનના સંચાલનને સક્ષમ કરશે, ટ્રેનનો કુલ ચાલવાનો સમય કેવી રીતે ઘટશે, કેવી રીતે ઇલેક્ટ્રિક ટ્રેક્શન અત્યંત કાર્યક્ષમ છે, તેનાથી પર્યાવરણીય પ્રદૂષણ ઘટશે અને તે અન્ય ફાયદાઓ સાથે કેવી રીતે દેશની તેલની આયાત પર નિર્ભરતા ઘટાડશે.આ પહેલથી અધિકારીઓ અને કર્મચારીઓમાં રેલ્વે ઇલેક્ટ્રિફિકેશનના ફાયદાઓ વિશે જાગૃતિ અને ઉત્સાહ પેદા કર્યો.ભાવનગર મંડળના વરિષ્ઠ મંડળ વિદ્યુત અભિયંતા (ટ્રેક્શન વિતરણ) પ્રદીપકુમાર ગુપ્તા સહિત અન્ય વિવિધ વિભાગોના અધિકારીઓ અને કર્મચારીઓએ પ્રભાતફેરીમાં ભાગ લીધો હતો.

100 વર્ષની ઉજવણી કરાઈ

ભાવનગર ડિવિઝનના સિનીયર ડિવિઝનલ કોમર્શિયલ મેનેજર માશૂક અહમદના જણાવ્યા અનુસાર, ભારતીય રેલ્વે 3 ફેબ્રુઆરી, 2025ના રોજ ઈલેક્ટ્રિક ટ્રેક્શનના 100 વર્ષ પૂર્ણ કરશે, કારણ કે ભારતની પ્રથમ ઈલેક્ટ્રિક ટ્રેન સેવા 3 ફેબ્રુઆરી, 1925ના રોજ બોમ્બે વિક્ટોરિયા ટર્મિનસ અને કુર્લા હાર્બર વચ્ચે શરૂ કરવામાં આવી હતી. રેલ્વે નેટવર્કનું 100% ઇલેક્ટ્રિફિકેશન પણ 100 વર્ષના ઇલેક્ટ્રિક ટ્રેક્શન સાથે એકરુપ થઈ રહ્યુ છે. તેથી, ભારતીય રેલવે ગર્વથી વિદ્યુતીકરણના 100 વર્ષની ઉજવણી કરી રહી છે.

Railwayમાં વિદ્યુતીકરણના 100 વર્ષ પૂર્ણ થવાના ઉપલક્ષમા ભાવનગર ડિવિઝનમાં પ્રભાતફેરી કાઢવામાં આવી 

ભારતીય રેલવેમાં વિદ્યુતીકરણના 100 વર્ષ પૂર્ણ થવાના ઉપલક્ષમા ભાવનગર ડિવિઝનમાં આજે ડિવિઝનલ રેલ્વે મેનેજર રવીશ કુમારના માર્ગદર્શન હેઠળ પ્રભાતફેરીનું આયોજન કરવામાં આવ્યું હતું. ડિવિઝનના તમામ વિભાગોના અધિકારીઓ અને કર્મચારીઓએ આ કાર્યક્રમમાં સક્રિયપણે ભાગ લીધો હતો અને તેની સફળતામાં સહયોગ આપ્યો હતો.

વાંચો 03 વાગ્યા સુધીના મહત્વના સમાચાર

01 - Ahmedabadમાં બેફામ ડમ્પરોથી પોલીસ પણ સુરક્ષિત નહી, PIની ગાડીનો કાઢ્યો કચ્ચરઘાણ

02 - ISROએ 100માં રોકેટ લોન્ચ સાથે ઈતિહાસ રચ્યો, દુનિયાએ તેનો સ્વીકાર કર્યો

03 - Gujarat GPSCએ વર્ષ 2025ની ભરતીનું કેલેન્ડર કર્યુ જાહેર, 1751 અલગ-અલગ જગ્યાઓ ભરાશે

04 - Giorgia Meloni: ઇટલીના પીએમ વિરુદ્ધ તપાસ કેમ ?, શું છે આરોપ ?

05 - Mahakumbh Stampede: રાત્રે 10 વાગ્યાથી જ વધવા લાગી હતી ભીડ, TIME LINE

06 - Mahakumbh Stampede: કેટલાક પુણ્યાત્માઓને ગુમાવ્યા, મન દુઃખી, બોલ્યા પીએમ મોદી

07 - Gujarat Weather: રાજ્યમાં ઠંડી વચ્ચે માવઠું ભૂક્કા બોલાવશે! ફેબ્રુઆરીમાં મોટી ઉથલપાથલના એંધાણ

08 - Actress Who Married To Cricketers: બોલીવુડ અને ક્રિકેટ જગતનો અતૂટ સંબંધ

09 - Suratમાં 15 ફેબ્રુઆરીથી હેલમેટ પહેર્યા વિના નિકળ્યા તો ગયા સમજો, થશે દંડ

10 - UK Working policy : 200 કંપનીઓએ અચાનક લીધો આ નિર્ણય!

ચાલુ વાહને મોબાઈલ પર ના કરો વાત 

બાઈક અને મોપેડ જેવા ટુ વ્હીલર માં ચાલુ વાહને કેટલાક લોકો મોબાઇલમાં વાત કરતા હોય છે અને એ વખતે કેવી કરુણ પરિસ્થિતિ સર્જાય છે એનું તાદ્રશ્ય વર્ણન આ શોર્ટ ફિલ્મમાં કરવામાં આવ્યું છે. આ ફિલ્મમાં મુખ્ય પાત્રમાં રાજ વાગડોદા, હિના પટેલ અને બાળ કલાકાર કુમાર ચત્રારિયા એ ભૂમિકા ભજવી છે. ફિલ્મનો કોન્સેપ્ટ નયન ચત્રારિયા દ્વારા જ તૈયાર કરીને આ ફિલ્મ "પાલનપુર ટ્રાફિક પોલીસ" ને અર્પણ કરવામાં આવી છે. વિશેષ માં આ શોર્ટ ફિલ્મ નેશનલ અને ઇન્ટરનેશનલ ફિલ્મ ફેસ્ટિવલમાં પણ રજૂ કરવામાં આવનાર છે.

જિલ્લા પોલીસ વડાએ ફિલ્મનું કર્યુ નિર્માણ

આ પ્રસંગે બનાસકાંઠાના જાણીતા સેવાભાવી તબીબ ડો. સુરેન્દ્ર ગુપ્તા, ડાયરેકટર નયન ચત્રારિયા સહિત આ ફિલ્મના મુખ્ય અભિનેતા રાજ વાગડોદા અને ચાઈલ્ડ એક્ટર કુમાર ચત્રારિયા પણ વિશેષ ઉપસ્થિત રહ્યા હતા.જિલ્લા પોલીસ વડા અક્ષય રાજ મકવાણાએ આ ફિલ્મનું નિર્માણ કરી સામાજિક જાગૃતિ કાર્ય કરવા નયન ચત્રારિયા અને તેમની ટીમને અભિનંદન પાઠવ્યા હતા.

બનાસકાંઠામાં માર્ગ સલામતિ અને સુરક્ષા માસ અંતર્ગત શોર્ટ ફિલ્મનું નિર્માણ કરાયું

હાલમાં બનાસકાંઠા જિલ્લામાં ૧ જાન્યુઆરીથી ૩૧ જાન્યુઆરી સુધી "માર્ગ સલામતી અને સુરક્ષા માસ" ની ઉજવણી કરવામાં આવી રહી છે. તે અંતર્ગત રોડ સેફ્ટી અને જાગૃતિ માટે વિવિધ કાર્યક્રમોનું આયોજન કરવામાં આવી રહ્યું છે.માર્ગ સલામતી અંતર્ગત લોકોમાં જાગૃતિ ફેલાય તેવા હેતુ સાથે પાલનપુરના ફિલ્મ મેકર અને યુવા ફિલ્મ ડાયરેક્ટર નયન ચત્રારિયા દ્વારા એક શોર્ટ ફિલ્મ "Life...!!" નું નિર્માણ કરવામાં આવ્યું છે. આજરોજ બનાસકાંઠા જિલ્લા પોલીસ વડા અક્ષયરાજ મકવાણાના વરદ હસ્તે આ શોર્ટ ફિલ્મ લોન્ચ કરવામાં આવી હતી. 

સનાથલ સર્કલ પાસે પણ ડમ્પરે બે વ્યકિતને લીધા અડફેટે

સાણંદના સનાથલ સર્કલ પાસે ફરી એક વખત અકસ્માતની ઘટના સર્જાઈ છે, નોકરી પરથી પરત ઘરે જતાં બાઇક ચાલકને પાછળથી ડમ્પર ચાલકે ટક્કર મારતા બે લોકોને ઇજા થઈ હતી. બનાવ અંગે ચાંગોદર પોલીસમાં ડમ્પર ચાલક વિરુદ્ધ ફરિયાદ નોંધાઈ છે.અમદાવાદ ઉજાલા બ્રીજ પાસે રહેતા અને મૂળ મહીસાગરના નામ 21 વર્ષીય મહેશકુમાર વજાભાઈ ચૌહાણ ચાંગોદર તાજપુર રોડ ખાતે આવેલી સાવાસ કંપનીમાં કામ કરે છે. 

રામદેવ કાર્ટિંગ લખેલા ડમ્પરે મોડી રાત્રે કર્યો અકસ્માત 

આ અકસ્માત મોડી રાત્રે સર્જાયો હતો જેમાં ટ્રાફિક ઈ ડિવિઝન પોલીસ મથકે ફરિયાદ નોંધાઈ છે,સાથે સાથે પોલીસે આરોપી અલ્પેશ કટારાની ધરપકડ કરીને વધુ તપાસ હાથધરી છે,પોલીસની કારને નુકસાન થયું છે પરંતુ આ ઘટનામાં કોઈ ઈજાગ્રસ્ત થયું નથી,ત્યારે આગામી સમયમાં શહેરમાં ડમ્પરોના ત્રાસ અને અકસ્માતને લઈ કઈ રીતે નિવારણ લાવી શકાય તેને લઈ ગુજરાત પોલીસે ચોક્કસથી વિચારણા કરવાની જરૂર છે,કેમકે ડમ્પરના અકસ્માતના કારણે માણસ અને વાહન બન્નેને ભારે નુકસાન થાય છે.

કાલુપુરમાં ડમ્પર ચાલકે સર્જયો અકસ્માત

કાલુપુરમાં બેફામ દોડતા ડમ્પર ચાલકે અકસ્માત સર્જયો હોવાની વાત સામે આવી છે જેમાં અમદાવાદમાં બેફામ ફરતા ડમ્ફર હવે સરકારી ગાડીઓ માટે પણ માથાના દુખાવા સમાન બન્યો છે.પુર ઝડપે આવતા ડમ્પરે પોલીસની સરકારી ગાડી સાથે અકસ્માત કર્યો છે જેના કારણે સરકારી ગાડીના આગળના ભાગે નુકસાન થયું છે,તો હાલમાં અમદાવાદ MT સેક્શનનાં અધિકારીઓએ અકસ્માત અંગે નિરીક્ષણ કરી રીપોર્ટ પણ તૈયાર કર્યો છે.

અમદાવાદમાં બેફામ ડમ્પરોથી પોલીસ પણ સુરક્ષિત નહી,PIની ગાડીનો કાઢ્યો કચ્ચરઘાણ

અમદાવાદમાં ડમ્પરો બેફામ બની ગયા છે,અમદાવાદમાં ડમ્પર અકસ્માત સર્જે એમાં કોઈ નવાઈ નથી,ત્યારે આ વખતે ડમ્પરે પોલીસની સરકારી કારનો કચ્ચરગાણ કાઢી નાખ્યો છે,ટ્રાફિક PIની ગાડીનો ડમ્પરે કચ્ચરઘાણ કાઢયો છે જેમાં કાલુપુર પાણીની ટાંકી પાસે PIની ગાડીને ડમ્પરે અકસ્માત સર્જયો છે,રામદેવ કાર્ટિંગ લખેલા ડમ્પરે આ અકસ્માત સર્જયો છે,પોલીસે ડમ્પર ચાલક રમેશ કટારાની કરી ધરપકડ.

GPSCનો અભ્યાસક્રમ એક જ રહેશે 

GPSC (ગુજરાત પબ્લિક સર્વિસ કમિશન)ના સામાન્ય અભ્યાસ માટેનો એક જ અભ્યાસક્રમ રહેશે. આ ઉપરાંત સામાન્ય જ્ઞાનનો સિલેબસ તમામ ભરતીમાં કોમન કરાયો. સામાન્ય અભ્યાસ વિષયનો એક જ અભ્યાસક્રમ અમલી થશે.GPSCના કલાસ 1-2ના સામાન્ય અભ્યાસનો એક જ અભ્યાસક્રમ અમલી કરાયો. જયારે અગાઉ સામાન્ય અભ્યાસના જુદા-જુદા અભ્યાસક્રમ હતા. હવે તેમાં ફેરફાર કરી ને એક જ અભ્યાસક્રમ બનાવવામાં આવ્યો. 

વિધાર્થીઓ માટે લેવાયા મહત્વના નિર્ણયો

મહત્વનું છે કે GPSC દ્વારા વાંધા અરજી માટે 100.રૂપિયા ચાર્જ વસુલવાની જાહેરાત કરાઈ હતી.આન્સર કી જાહેર થયા બાદ વાંધા અરજી દીઠ ફી વસુલવામાં આવશે.પરીક્ષાને લઈને માહિતી આપી કે પ્રશ્નપત્ર કાળજીપૂર્વક તૈયાર કરવામાં આવશે. પ્રશ્નપત્રની કામગીરીમાં ઓછામાં ઓછી ભૂલ થાય તે માટે પ્રયત્ન થઈ રહ્યા છે. વ્યવસ્થામાં કોઈ ફેરફાર કરવામાં આવશે નહીં. GPSC દ્વારા વધારે ઓબ્જેક્શન આવવાના કારણે ફી લેવાનો નિર્ણય કર્યો. મોટી સંખ્યામાં ઉમેદવારો GPSC પરીક્ષાની તૈયારી કરી રહ્યા છે. જો કે GPSC દ્વારા ઉમેદવારોની અપાત્રતાના કારણ કેટલીક અરજીઓને રદ પણ કરાઈ છે.

16 ફેબ્રુઆરીએ નહી યોજાય GPSCની પરીક્ષા 

આગામી 16 ફેબ્રુઆરીએ રાજ્યમાં યોજાનારી GPSCની પરીક્ષાને કેન્સલ કરવામાં આવી છે. GPSCના ચેયરમેને ખુદ પોતાના X પ્લેટફોર્મ પર એક પૉસ્ટ કરીને આ વાતની માહિતી આપી છે. કેન્સલ કરવા પાછળનું કારણ ચૂંટણીઓ છે. 16 ફેબ્રુઆરીએ રાજ્યમાં સ્થાનિક સ્વરાજ્યની ચૂંટણી યોજાવવાની છે, આ દિવસે રાજ્યની 66 જેટલા નગર પાલિકા અને પંચાયતોમાં મતદાન યોજાશે, જેને લઇને આ મહત્વનો નિર્ણય લેવામાં આવ્યો છે. ખાસ વાત છે કે, જીપીએસસી પરીક્ષા માટે નવી તારીખોની ટૂંક સમયમાં જાહેરાત પણ કરવામાં આવશે. 

Gujarat GPSCએ વર્ષ 2025ની ભરતીનું કેલેન્ડર કર્યુ જાહેર, 1751 અલગ-અલગ જગ્યાઓ ભરાશે

ગુજરાત GPSCએ વર્ષ 2025નું ભરતી કેલેન્ડર જાહેર કર્યુ છે જેમાં કુલ 1751 અલગ-અલગ કેડરની ભરતીઓ જાહેર કરવામાં આવી છે,જેમાં 160 DYSO અને નાયબ મામલતદારની જગ્યા ભરાશે સાથે-સાથે શિક્ષણ સેવા વર્ગ-2ની 300 જગ્યાઓ ભરાશે તેમજ રાજ્ય વેરા નિરિક્ષકની 323 જગ્યાઓ ભરાશે તો વહીવટી સેવા વર્ગ 1-2ની 100 જગ્યાઓ ભરાશે.

ટાઉન પોલીસ સ્ટેશન સામે આવેલી તમામ દુકાનોને અપાઈ હતી અગાઉ નોટિસ

MGVCLની ટીમ અને મહાનગરપાલિકાના ડેપ્યુટી કમિશનરની હાજરીમાં દબાણ હેઠળની દુકાનો તોડવાની કાર્યવાહી શરૂ કરવામાં આવી હતી. કોઈ અનિચ્છનીય ઘટના ન બને તે માટે નડિયાદ ટાઉન પોલીસનો ચુસ્ત બંદોબસ્ત ગોઠવવામાં આવ્યો હતો. આગામી દિવસોમાં શહેરમાં આવેલા અન્ય વર્ષો જૂના દબાણો પણ દૂર કરવામાં આવે તેવી શક્યતા છે. નડિયાદ મહાનગરપાલિકાના 70 થી વધુ કર્મચારીઓ તેમજ પોલીસ અને એમજીવીસીએલની ટીમ હાજર રહી હતી. મહાનગરપાલિકાના દબાણ શાખા ની ટીમ સૌપ્રથમ નળ કનેક્શન તેમજ લાઈટ કનેક્શન કાપી આ ડિમોલેશનની કામગીરી હાથધરી હતી.

ખેડાના નડિયાદમાં મનપાએ સ્ટેશન રોડ પરની દુકાનો તોડી પાડી 

નડિયાદમાં સ્ટેશન રોડ પરની દુકાનો તોડી પડાઇ હોવાની વાત સામે આવી છે,જેમા મનપાએ 13 દુકાનોને તોડી પડા છે,ડે.કમિશનરની આગેવાનીમાં JCBથી દબાણ હટાવાયા છે તેમજ તમામ દુકાનોને અગાઉ પણ નોટિસ આપવામાં આવી હતી,24 કલાકમાં દુકાનો ખાલી કરવા આપ્યું હતું અલ્ટીમેટમ તેમ છત્તા દુકાનદારોએ દુકાન ખાલી ના કરતા આજે તોડી પાડવામાં આવી છે. 

આજના દિવસે નદીમાં સ્નાન કરવાનું પણ અનેખું મહત્વ

હિન્દુ પંચાગ મુજબ, માઘ કૃષ્ણ પક્ષમાં આવતા અમાસના દિવસને માઘી અમાવસ્યા અથવા મૌની અમાવસ્યા તરીકે ઓળખવામાં આવે છે. આ દિવસે પવિત્ર નદી, તળાવ કે જળાશયમાં સ્નાન કરવું ખૂબ જ ફળદાયી છે. પ્રચલિત માન્યતાઓ અનુસાર, જે કોઈ માઘ અમાવસ્યા પર પોતાના પૂર્વજો માટે શ્રાદ્ધ વિધિ કરે છે, તેમના પૂર્વજોના આત્માઓ સંતુષ્ટ થઈ જાય છે.

આજે મહિનાની અમાસ છે

આજે  29 જાન્યુઆરીએ માઘ (મહા) મહિનાની અમાસ છે, તેનું નામ મૌની અમાસ છે. આ મહાકુંભનો સૌથી મોટો દિવસ છે. આજે પ્રયાગરાજના કુંભમાં બીજું અમૃત (શાહી) સ્નાન છે. નદી સ્નાન અને ધાર્મિક વિધિઓની દૃષ્ટિએ મૌની અમાસનું ઘણું મહત્વ છે. આ તહેવાર પર મૌન રહીને ધાર્મિક વિધિઓ કરવાની અને આખો દિવસ મૌન રહેવાની પરંપરા છે.આ અમાવસ્યા પર મૌન વ્રત રાખવાનું બ્રહ્મા, પદ્મ અને વાયુ પુરાણમાં કહેવામાં આવ્યું છે. તેમના મતે, માઘ (મહા) મહિનાની અમાવાસ્યાના દિવસે ભગવાન વિષ્ણુ અને પૂર્વજોની પૂજા કરવાની સાથે આ દિવસે મૌન વ્રત રાખવાથી ઘણું પુણ્ય મળે છે.

સુરતમાં મૌની અમાસે તાપી નદીમાં ભકતોએ લગાવી આસ્થાની ડૂબકી

સુરતમાં મૌની અમાસે સુરતની તાપી નદીમાં ભકતોએ આસ્થાની ડૂબકી લગાવી છે જેમાં,મહાકુંભના ન જઇ શકનારાઓએ તાપી નદીમાં સ્નાન કર્યુ છે,સુરતમાં કુરુક્ષેત્ર, વૈધરાજ, પાંચ પાંડવ, નાવડી પર ભીડ અને હિન્દુ શાસ્ત્રોમાં મૌની અમાસનું વિશેષ મહાત્મ્ય રહેલું છે,ગ્રહોની દ્રષ્ટિએ આજે આખો દિવસ સિદ્ધ યોગ રહેશે.હિન્દુ શાસ્ત્રોમાં મૌની અમાસનું વિશેષ મહાત્મ્ય આંકવામાં આવે છે તેમજ પોષ વદ અમાસે આવતી મૌની અમાસનું ધાર્મિક રીતે ભારે મહાત્મ્ય છે.

પાસા કાયદા વિશે 

પાસા(પ્રિવેન્શન ઓફ એન્ટી-સોશિયલ એક્ટિવિટીઝ એક્ટ), અસામાજિક પ્રવૃત્તિઓને રોકવા માટેનો કાયદો છે. વારંવાર ગંભીર ગુના આચરનારા વ્યક્તિઓ સામે આ કાયદા હેઠળ કાર્યવાહી કરવામાં આવે છે. ખાસ કરીને બુટલેગરો, ખતરનાક ગુનેગારો, જમીન પચાવી પાડનારાઓ, અનૈતિક વેપારમાં સંડોવાયેલા લોકો, ડ્રગ્સના ગુનેગારો, જુગારધામ ચલાવનારાઓ, સંગ્રહખોરી અને કાળાબજાર કરનારાઓ, સાયબર ક્રાઈમ કરનારાઓ અને વ્યાજખોરો સામે આ કાયદા હેઠળ કાર્યવાહી થઈ શકે છે.

વારંવાર આચરતા હતા ગુના

ગુજરાત પોલીસની આ પહેલ ગુનાખોરીને નિયંત્રણમાં રાખવા અને સમાજમાં શાંતિ અને સુરક્ષા જાળવવાના પ્રયાસમાં મહત્વની બની રહેશે. આ ચારેય શહેરોમાં ૧૧૫૭ પાસા આરોપીઓ પૈકી રાજકોટ શહેરના ૭૩, અમદાવાદ શહેરના ૩૮૯, સુરત શહેરના ૫૩૨ અને વડોદરા શહેરના ૧૬૩ આરોપીઓને પોલીસે ગુનાખોરીના રસ્તે પુન: ન વળવા ગુનેગારો જે ભાષામાં સમજે છે તે કાયદાની ભાષામાં સ્પષ્ટ જરૂરી સમજ આપી હતી.

આરોપીઓ સુધરી જાવ નહીતર ગયા સમજો

રાજ્યના પોલીસ વડા  વિકાસ સહાયની સૂચનાથી તાજેતરમાં રાજકોટ, અમદાવાદ, સુરત અને વડોદરા શહેરમાં આ પ્રકારના આયોજન કરવામાં આવ્યા હતા. જેમા વર્ષ ૨૦૨૨ થી ૨૦૨૪ દરમિયાન પાસા હેઠળ અટક થયેલા કુલ ૧૧૫૭ આરોપીઓને બોલાવવામાં આવ્યા હતા. પોલીસે તેમની સાથે વાતચીત કરીને તેમની વર્તમાન પ્રવૃત્તિઓ વિશે માહિતી મેળવી હતી અને તેમને સ્પષ્ટ શબ્દોમાં સમજાવવામાં આવ્યું હતું કે જો તેઓ ફરીથી ગુનાખોરીમાં સંડોવાયેલા જણાશે તો તેમની સામે કડક કાયદેસરની કાર્યવાહી કરવામાં આવશે.

રીઢા ગુનેગારોને ફરીથી ગુનાખોરીના માર્ગે જતા અટકાવવાનો છે

ગુજરાત પોલીસ દ્વારા રાજ્યમાં કાયદો અને વ્યવસ્થાની પરિસ્થિતિ જાળવવા માટે વધુ એક મહત્વપૂર્ણ કાર્યવાહી છેલ્લા કેટલાક સમયથી કરવામાં આવી રહી છે. વર્ષ ૨૦૨૨ થી ૨૦૨૪ દરમિયાન ત્રણ વર્ષમાં પાસા હેઠળ અટક થયેલા ૧૧૫૭ આરોપીઓને ભેગા કરી કાયદાના પાઠ ભણાવવામાં આવ્યા છે. આ પહેલનો હેતુ એવા ગુનેગારો પર નજર રાખવાનો છે જેઓ અગાઉ અસામાજિક પ્રવૃત્તિઓમાં સંડોવાયેલા હતા. તે ઉપરાંત આ રીઢા ગુનેગારોને ફરીથી ગુનાખોરીના માર્ગે જતા અટકાવવાનો છે.

ગુજરાત પોલીસે 3 વર્ષમાં 1157 રીઢા આરોપીને કાયદાનો પાઠ ભણાવી પાસા હેઠળ કાર્યવાહી કરી 

ગુજરાત પોલીસ રાજ્યના નાગરિકોની સુરક્ષા અને કલ્યાણ માટે તેમની પ્રતિબદ્ધતા સાથે કાર્ય કરી રહી છે. એક તરફ મહિલા, બાળકો અને વયસ્ક નાગરિકોની સંવેદનશીલ જરૂરિયાતોને અનુરૂપ “સાંત્વના કેન્દ્ર”, “શી ટીમ”, “ત્રણ વાત તમારી, ત્રણ વાત અમારી” અને “તેરા તુજકો અર્પણ” જેવા વિવિધ કોમ્યુનિટી આઉટરીચ પ્રોગ્રામ દ્વારા ગુજરાત પોલીસ સહાનુભૂતિપૂર્વક સહાય પૂરી પાડે છે. બીજી તરફ, ગુજરાત પોલીસ રાજ્યની શાંતિ ડહોળવાનો પ્રયાસ કરતા ગુંડા તત્વો અને નિર્દોષ નાગરિકોને પરેશાન કરતા અસામાજિક તત્વો સામે કડક પગલા લેવા તેમજ કાયદાનું ભાન કરાવવા કડક પગલા પણ લઇ રહી છે.

હેલમેટ પહેરવું દરેક માટે ફરજિયાત છે

સુરત પોલીસના આ અભિયાનનો મુખ્ય હેતુ લોકોને પોતાની અને તેમના પરિવારની સુરક્ષા માટે હેલ્મેટ પહેરવાનું પ્રોત્સાહન આપવા છે. 2024માં શહેરમાં 300થી વધુ અકસ્માતો થયા હતા. જેમાં 300 લોકોના મોત થયા હતા. આ મૃત્યુઆંકમાં 50થી વધુ લોકો એવા હતા જે ટુ-વ્હીલર પર મુસાફરી કરતા હતા અને હેલ્મેટ પહેર્યું નહોતું. આ કિસ્સાઓ એ સ્પષ્ટ દર્શાવે છે કે, હેલ્મેટ ન પહેરવાથી જાનહાનિ થાય છે.

સુરત શહેર પોલીસે આપ્યો છે સમય હેલમેટ ખરીદવા

ગત પહેલી જાન્યુઆરીએ શહેરીજનોને હેલમેટ પહેરવા કે ખરીદવા માટે 45 દિવસની મોહલત આપવામાં આવી હતી જે મહોલત 15 ફેબ્રુઆરીએ પૂરી થાય છે અને 15 ફેબ્રુઆરીથી સુરત શહેર પોલીસ હેલમેટને લઈને કડક કાર્યવાહી શરૂ કરશે સાથે સાથે રસ્તા ઉપર ચેકિંગની સાથે સાથે ઈ ચલણ જનરેટ થાય તેવા જે સીસીટીવી છે તેનો પણ મહત્તમ ઉપયોગ કરશે,પોલીસ કમિશનર અનુપમસિંહ ગેહલોતની ચેતવણી છે કે,જો હેલમેટના નિયમોનો વારંવાર ભંગ કરતા જણાશે તો જે તે વાહન ચાલકના લાયસન્સ રદ કરવા સહિતની કામગીરી પણ કરવામાં આવશે.દર વર્ષે 140થી વધુ લોકો અકસ્માતમાં હેલમેટ નહીં પહેરવાને કારણે  અકસ્માતમાં મૃત્યુ પામતા હોવાનો એક અંદાજ છે.

સુરતમાં 15 ફેબ્રુઆરી પછી હેલમેટ પહેર્યા વિના નિકળ્યા તો ગયા સમજો, થશે મોટો દંડ 

સુરત શહેર પોલીસ હેલમેટને લઈને સ્પેશિયલ ડ્રાઇવ શરૂ કરશે અને આ ડ્રાઈવ 15 ફેબ્રુઆરી પછી શરૂ કરવામાં આવશે જેમાં હેલમેટ નહી પહેરનારા સામે પોલીસ દંડનીય કાર્યવાહી કરશે.જે પણ ટુ-વ્હીલર ચાલક આ નિયમોનું પાલન નહી કરે તેને સ્થળ પર જ દંડ ફટકારવામાં આવશે સાથે સાથે સુરત પોલીસ પણ શહેરીજનોને દંડ આપવા માટે તૈયાર છે,કોઈની પણ ભલામણ ચાલશે નહી,એટલે હેલમેટ પહેરીને જ બહાર નીકળજો.

નવમાં ધોરણમાં આવે ત્યારે બીજો હપ્તો ચૂકવાય છે

દીકરી જ્યારે નવમાં ધોરણમાં પ્રવેશે ત્યોરે યોજનાનો બીજો હપ્તો રૂ. ૬૦૦૦ ચૂકવાય છે. દીકરીની ૧૮ વર્ષની ઉંમરે ઉચ્ચ શિક્ષણ તથા લગ્ન સહાય માટે એક લાખ રૂપિયા ત્રીજા હપ્તા તરીકે સહાય ચૂકવવામાં આવે છે. યોજનાનો લાભ મેળવવા માટેનું ફોર્મ જિલ્લા મહિલા અને બાળ અધિકારીની કચેરી ખાતેથી મળી શકેશે. આ ઉપરાંત ગ્રામ પંચાયત VCE દ્વારા પણ ઓનલાઈન અરજી કરી શકાય છે. 

પ્રથમ હપ્તે 4000 હજાર ચૂકવાય છે

વ્હાલી દીકરી યોજના અંતર્ગત ૨ ઓગષ્ટ ૨૦૧૯ પછી પ્રથમ ત્રણ સંતાન પૈકીની તમામ દીકરીઓ આ યોજનાનો લાભ લઈ શકે છે. આ  ઉપરાંત લાભાર્થી દીકરીના માતા-પિતાની વાર્ષિક આવક ૨ લાખ રૂપિયા કે તેથી ઓછી હોય તેવા નાગરીકો આ યોજનાનો લાભ મેળવી શકે છે. ગુજરાત રાજ્યની પાત્રતા ધરાવતી દીકરીઓને રૂ. ૧,૧૦,૦૦૦ ત્રણ હપ્તામાં ચૂકવાય છે.જે અંતર્ગત દીકરી જ્યારે પહેલા ધોરણમાં પ્રવેશ મેળવે તે સમયે પ્રથમ હપ્તો રૂ. ૪૦૦૦ ચુકવવામાં આવે છે. 

૩ હજાર કરોડથી વધુની સહાયની મંજૂરી આપવામાં આવી

વડાપ્રધાન નરેન્દ્રભાઈ મોદીના માર્ગદર્શન અને મુખ્યમંત્રી ભૂપેન્દ્ર પટેલના નેતૃત્વમાં રાજ્યમાં કન્યા કેળવણીને સતત પ્રોત્સાહન આપવામાં આવી રહ્યું છે. ગુજરાતના તત્કાલીન મુખ્યમંત્રી નરેન્દ્રભાઈ મોદીએ પ્રથમ વખત રાજ્યમાં કન્યા કેળવણી મહોત્સવ જેવા દીકરીઓના શિક્ષણને પ્રોત્સાહન આપતા કાર્યક્રમ શરૂ કર્યા હતા. જેને વર્તમાન મહિલા અને બાળ કલ્યાણ મંત્રી ભાનુબહેન બાબરીયા સુપેરે આગળ ધપાવી રહ્યાં છે.વર્ષ ૨૦૧૯થી કાર્યરત વહાલી દીકરી યોજના અંતર્ગત વર્ષ ૨૦૧૯-૨૦માં ૧૨,૬૨૨ દીકરીઓ, ૨૦૨૦-૨૧માં ૩૨,૦૪૨ દીકરીઓ, ૨૦૨૧-૨૨માં ૬૯,૯૦૩, ૨૦૨૨-૨૩માં ૫૫,૪૩૩, વર્ષ ૨૦૨૩-૨૪માં ૬૭,૦૧૨ તથા વર્ષ ૨૦૨૪-૨૫માં ૪૧,૬૪૯ દીકરીઓની નોંધણી કરવામાં આવી છે. જે હેઠળ અત્યાર સુધીમાં ૩ હજાર કરોડથી વધુની સહાયની મંજૂરી આપવામાં આવી છે.

ગુજરાતમાં વ્હાલી દીકરી યોજના હેઠળ 2.78 લાખથી વધુ દીકરીઓને લાભ અપાશે

દીકરી એટલે વ્હાલનો દરિયો. દેશની દીકરીઓ આજે દરેક ક્ષેત્રમાં આગળ વધી પોતાનું અને દેશનું નામ રોશન કરી રહી છે. ત્યારે સમાજમાં દીકરીના જન્મને પ્રોત્સાહન આપવા તથા સ્ત્રીભ્રૂણ હત્યા અટકાવા માટે વર્ષ ૨૦૧૯થી ગુજરાતમાં ‘વહાલી દીકરી યોજના’ અમલી બનાવાઈ છે. આ યોજના અંતર્ગત અત્યાર સુધીમાં ૨.૭૮ લાખથી વધુ દીકરીઓની ૩ હજાર કરોડથી વધુની સહાય મંજૂર કરવામાં આવી છે.

ટેકાના ભાવે વિવિધ પાકોની ખરીદી કરવામાં આવે છે

અત્રે ઉલ્લેખનીય છે કે, ભારત સરકાર દ્વારા પ્રધાનમંત્રી અન્નદાતા આય સંરક્ષણ અભિયાન હેઠળ ખેડૂતો પાસેથી ટેકાના ભાવે વિવિધ પાકોની ખરીદી કરવામાં આવે છે. આ વર્ષે તુવેર પાકનું વાવેતર થાય તે પહેલા જ તુવેર માટે રૂ.૭૫૫૦ પ્રતિ ક્વિન્ટલ ટેકાનો ભાવ જાહેર કરવામાં આવ્યો હતો, જેથી ખેડૂતો નિશ્ચિંત થઈને તુવેર સહિતના પાકોનું મબલખ વાવેતર કરી શકે.

ઓનલાઈન કરાવી પડશે ખેડૂતને નોંધણી 

ખેડૂતો ગ્રામ્ય કક્ષાએ ઈ-ગ્રામ કેન્દ્રો ખાતેથી VCE મારફતે નાફેડના ઈ-સમૃધ્ધિ પોર્ટલ પર વિનામૂલ્યે નોંધણી કરાવી શકશે. રાજ્યમાં તુવેર પાકના વાવેતર વિસ્તાર અને ઉત્પાદનને ધ્યાને રાખીને ખરીદી માટે કુલ ૨૦૬ ખરીદ કેન્દ્રો સૂચિત કરવામાં આવ્યા છે. કૃષિ મંત્રી રાઘવજી પટેલે ખાતરી આપી છે કે, ખેડૂતો પાસેથી તુવેર પાકની પૂરતા પ્રમાણમાં ખરીદી કરવામાં આવશે. ખરીદી માટે રાજ્ય સરકાર દ્વારા તમામ આગોતરૂ આયોજન હાથ ધરવામાં આવ્યું છે. રાજ્યમાં તુવેર પકવતાં ખેડૂતોને ખરીદીનો મહત્તમ લાભ લેવા માટે પણ કૃષિ મંત્રીએ અનુરોધ કર્યો છે. 

તુવેર પાકની ટેકાના ભાવે ખરીદી માટે રાજ્ય સરકારનો નિર્ણય 

ગુજરાતના ખેડૂતોને પોતાના ઉત્પાદિત પાકના પોષણક્ષમ ભાવ મળી રહે તેવા શુભ આશયથી કૃષિ મંત્રી રાઘવજી પટેલના અધ્યક્ષ સ્થાને મળેલી બેઠકમાં આગામી સમયમાં તુવેર પાકની ટેકાના ભાવે ખરીદી કરવાનો મહત્વપૂર્ણ નિર્ણય કરાયો છે. ટેકાના ભાવે તુવેરનું વેચાણ કરવા ઇચ્છુક ખેડૂતોએ આગામી તા. ૩ થી ૨૦ ફેબ્રુઆરી-૨૦૨૫ સુધીમાં ઓનલાઇન નોંધણી કરાવવાની રહેશે.

મહાકુંભ ભવિષ્ય માટે એક માપદંડ બની ગયો છે

પરંપરાને આધુનિકતા સાથે જોડવાના  ભારતીય રેલવે ના પ્રયાસોએ એક એવું વાતાવરણ બનાવ્યું છે જે અદ્યતન, આરામદાયક અને આધુનિક સુવિધાઓથી સજ્જ છે. રેલવે, યાત્રાળુઓની મુસાફરીને સરળ બનાવવા ઉપરાંત, તેમના અનુભવને અસાધારણ બનાવવામાં મહત્વપૂર્ણ ભૂમિકા ભજવી રહી છે. ભારતીય રેલવે મહાકુંભ દરમિયાન સુવિધાઓને અપગ્રેડ કરીને આતિથ્યના નવા ધોરણો સ્થાપિત કરી રહી છે.

સમાવિષ્ટ અને સુલભ અનુભવો

ભારતીય રેલવેએ બધા માટે મહાકુંભ 2025 ના અનુભવને  વધુ આરામદાયક બનાવવા માટે નોંધપાત્ર પ્રગતિ કરી છે. યાત્રી સુવિધા કેન્દ્ર, વ્હીલચેર સેવાઓ ની સાથે "મે આઈ હેલ્પ યુ" બૂથ અને લોજિસ્ટિક્સ ટ્રોલીઓ સાથે  ની શરૂઆત  મહત્વપૂર્ણ પહેલ છે. પ્રયાગરાજ જંકશન અને છિવકી જેવા મુખ્ય સ્ટેશનો મુસાફરોની સુવિધા માટે ખાસ સજ્જ છે, જે તેમને સરળ અને આરામદાયક મુસાફરીનો અનુભવ આપે છે. સરકારના 'સુલભ ભારત મિશન' ને અનુરૂપ, ભારતીય રેલવેએ લિફ્ટ અને એસ્કેલેટર સહિત દિવ્યાંગજન મૈત્રીપૂર્ણ સુવિધાઓની સંખ્યામાં વધારો કર્યો છે. આ પ્રયાસો સમાવેશકતા પ્રત્યેની મજબૂત પ્રતિબદ્ધતા દર્શાવે છે અને ખાતરી કરે છે કે દરેક વ્યક્તિ (વૃદ્ધોથી લઈને દિવ્યાંગો સુધી) આ પવિત્ર કાર્યક્રમમાં સરળતાથી ભાગ લઈ શકે.

સામાન્ય લોકો માટે નવા આશ્રયસ્થાનો અને બેહતર સેવાઓ

લગભગ એક કરોડ તીર્થયાત્રાળુઓ દરરોજ આવે તેવી અપેક્ષા ને જોતા, આટલી મોટી સંખ્યામાં લોકોને આશ્રય અને સેવાઓ પૂરી પાડવી એ એક મોટું કાર્ય છે. ભારતીય રેલવે એ આ પડકારનો સામનો કરીને 17 નવા પેસેન્જર આશ્રયસ્થાનો નું નિર્માણ અને સ્ટેશનો ને 1,10,000 થી વધુ મુસાફરોની ક્ષમતા વાળું બનાવવામાં આવ્યું છે  જે અગાઉ ફક્ત 21,000  હતી, . વધુમાં, નવા પ્લેટફોર્મના નિર્માણથી કુલ પ્લેટફોર્મની સંખ્યા 48 થઈ ગઈ છે, જે યાત્રાળુઓ માટે વધુ સારી સુવિધા સુનિશ્ચિત કરે છે. મુસાફરો માટે શૌચાલય, પીવાના પાણીની સુવિધા, બાળકોને ખોરાક આપવા માટે પોડ્સ અને તબીબી તપાસ રૂમ જેવી અદ્યતન સુવિધાઓ પણ ઉપલબ્ધ કરાવવામાં આવી છે. વધુમાં, અવિરત વીજ પુરવઠો અને બેકઅપ સિસ્ટમોએ ઊંચી માંગ હોવા છતાં સરળ પુરવઠો સુનિશ્ચિત કર્યો છે.

રેલવેએ મુસાફરો માટે રૂટ પર નેવિગેટ કરવાનું સરળ બનાવ્યું છે

રેલવે સ્ટેશન જે ફક્ત મુસાફરી અને ટ્રેનોના થોભવાના સ્થળ હતા તે હવે તીર્થયાત્રીઓનું  સ્વાગત કરતા પ્રવેશ દ્વારમાં ફેરવાઈ ગયા છે. સ્લીપિંગ પોડ્સ, એક્ઝિક્યુટિવ લાઉન્જ અને રિટાયરિંગ રૂમની શરૂઆત સાથે, આ જગ્યાઓ હવે મુસાફરો માટે અનુકૂળ જગ્યાઓમાં પરિવર્તિત થઈ ગઈ છે. રંગીન કોડેડ પેસેન્જર આશ્રયસ્થાનો, રંગીન દિશાત્મક ટિકિટો અને દિશા સૂચકો જેવી સુવિધાઓએ મુસાફરો માટે રૂટ પર નેવિગેટ કરવાનું સરળ બનાવ્યું છે. આનાથી યાત્રાળુઓને પોતાનો રસ્તો શોધવામાં સરળતા રહે છે. આ અદ્યતન સુવિધાઓએ રેલવે સ્ટેશન પર યાત્રાનો અનુભવ વધુ સુખદ બનાવ્યો છે. કોઈ ભક્ત ટ્રેનમાંથી નીચે ઉતરતાની સાથે જ તેની જરૂરિયાતો મુજબની બધી સુવિધાઓ તેને સરળતાથી મળી જાય છે.

આધુનિક માળખાકીય સુવિધાઓથી આધ્યાત્મિક ઉદ્દેશ્યની પૂર્તિ

ભારતીય રેલવે એ પવિત્ર સંગમ ના યાત્રા ના અનુભવ અને તેને આધ્યાત્મિક રીતે પણ સમૃદ્ધ બનાવવામાં મહત્વપૂર્ણ યોગદાન આપ્યું છે. છેલ્લા એક દાયકામાં, ભારત સરકારે પ્રયાગરાજમાં રેલવે ના માળખાગત સુવિધાઓ માટે ભંડોળમાં નોંધપાત્ર વધારો કર્યો છે. ભારતીય રેલવે દ્વારા મહાકુંભની તૈયારીઓમાં 2 વર્ષો માં,  5,000 કરોડ રૂપિયાથી વધુની રકમ થી અહીંના હાજર  રેલવે  સ્ટેશનો ને આરામદાયક, સુવિધાજનક અને આધ્યાત્મિકતા ના જીવંત કેન્દ્રોમાં પરિવર્તિત  કર્યા છે.

Western Railwayએ મહાકુંભ 2025ની પરિવર્તનશીલ યાત્રાને બનાવી સફળ

મહાકુંભ 2025માં લાખો તીર્થ યાત્રાળુઓને પવિત્ર નગરી પ્રયાગરાજ પહોંચાડવામાં ભારતીય રેલવેએ તેની ભૂમિકાને ફરીથી વ્યાખ્યાયિત કરી છે. પરિવહન પૂરું પાડવા ઉપરાંત,રેલવે વિશ્વ કક્ષાની આતિથ્ય સેવાઓ પણ સફળતાપૂર્વક ચલાવી રહી છે. નોંધપાત્ર અપગ્રેડેશન, નવીન ઉકેલો અને સમાવેશકતા પ્રત્યે પ્રતિબદ્ધતા સાથે, રેલવે આ વ્યાપક ધાર્મિક આયોજનમાં કામગીરીમાં નવા ધોરણો સ્થાપિત કરી રહી છે.

વાંચો 12 વાગ્યાના સુધીના મહત્વના સમાચાર 

01 - Maha Kumbh stampede: મૌની અમાવસ્યાના સ્નાન પર નાસભાગ, સાધુ-સંતોની ભક્તોને અપીલ

02 - Petrol Diesel Price Today: 29 જાન્યુઆરીએ પેટ્રોલના ભાવમાં થયો ફેરફાર, જાણો રેટ

03 - Mahakumbh 2025: નાસભાગની સમીક્ષા કરવા પીએમે સીએમ યોગી સાથે કરી વાત

04 - Bardoliમાં CNG પાઈપનું નોઝલ છટકતા ડ્રાઈવર થયો બેભાન, સારવાર માટે હોસ્પિટલ ખસેડાયો

05 -Mahakumbh Stampede : કુંભમાં ગયેલા તમામ ગુજરાતીઓ સલામત, નાસભાગ બાદ સ્થિતિ સામાન્ય 

06 - Mahakumbh Stampede : દુકાળમાં અધિક માસ, નાસભાગ બાદ એમ્બ્યુલન્સમાં લાગી ભીષણ આગ

07 - Mahakumbh Stampede અખાડા પરિષદનું એલાન ભીડ ઓછી થતા કરશે શાહી સ્નાન

08 - Sarangpur શ્રીકષ્ટભંજનદેવ હનુમાનજીને દિવ્ય શણગાર અને મહાકુંભમેળાની ઝાંખી રજૂ કરાઈ, જુઓ Video

09 - Share Market Opening: શેરબજારની તેજી સાથે શરૂઆત, સેન્સેક્સ 76,047 અંકે ખૂલ્યો

10 - Gir Somnathમાં કાર ધડાકાભેર ટ્રક સાથે અથડાતા 3 યુવકોના ઘટના સ્થળે મોત

વિધાર્થીનીને આપતો હતો ધમકી 

વિદ્યાર્થીનીએ કંટાળીને અંતે શિક્ષક વિરુદ્ધ ખોખરા પોલીસ સ્ટેશનમાં દુષ્કર્મની ફરિયાદ નોંધાવી છે,તો પોલીસે આરોપીનો ફોન જપ્ત કર્યો છે અને તપાસ અર્થે મોકલી આપ્યો છે.આરોપીએ પણ કબૂલ્યું કે પોતે ધમકી આપતો હતો અને દુષ્કર્મ આચર્યુ છે ત્યારે સમગ્ર મામલે તપાસ હાથ ધરવામાં આવી છે અને અન્ય કલાસમાં જે વિધાર્થીનીઓ છે તેના પણ નિવેદન લેવામાં આવ્યા છે. 

શિક્ષકે વિદ્યાર્થીનીને બનાવી પોતાની હવસનો શિકાર 

ખોખરામાં વિદ્યાર્થીની પર શિક્ષકે દુષ્કર્મ આચર્યુ છે જેમાં શિક્ષક જીગ્નેશ ગોહિલ સામે દુષ્કર્મની ફરિયાદ નોંધી છે,ફરિયાદ પ્રમાણે વાત કરવામાં આવે તો પ્રોગ્રેસીવ એજ્યુકેશન નામે સ્પોકન ઇંગલિશના સંચાલક જીગ્નેશ ગોહિલે દુષ્કર્મ આચર્યુ છે.સ્પોકન ઈંગ્લીશના ક્લાસ દરમિયાન વિદ્યાર્થીની અને શિક્ષક મળ્યા હતા અને બંને વચ્ચે પ્રેમ સંબંધ બંધાયા બાદ શારિરીક દુષ્કર્મ ગુજાર્યુ હોવાની વાત સામે આવી છે,તો આરોપીએ અશ્લીલ ફોટા અને વિડિયો વાયરલ કરવાની ધમકી આપતા સમગ્ર મામલો સામે આવ્યો છે.

શિક્ષકે આચર્યુ દુષ્કર્મ

ખોખરામાં પ્રોગેસીવ એજ્યુકેશના જિગ્નેશ ગોહિલે વિધાર્થીની સાથે દુષ્કર્મ આચર્યુ છે,તો દુષ્કર્મ આચરી અશ્લિલ ફોટા અને વીડિયો વાયરલ કરવાની ધમકી આપતા વિધાર્થીનીએ પોલીસનો સંપર્ક કર્યો હતો તો પોલીસે વિદ્યાર્થિનીની ફરિયાદના આધારે સંચાલક સામે કાર્યવાહી કરી છે,ખોખરા પોલીસે આરોપી જીગ્નેશ ગોહિલની ધરપકડ કરીને વધુ તપાસ હાથધરી છે,આરોપીએ અગાઉ પણ કોઈ વિધાર્થીની સાથે આવું કૃત્ય કર્યુ નથી ને તેને લઈ પણ તપાસ હાથધરવામાં આવી છે. 

અમદાવાદમાં શિક્ષણ જગતને લાંછન લગાડતી ઘટના, ખોખરામાં વિદ્યાર્થિની પર શિક્ષકે આચર્યું દુષ્કર્મ

અમદાવાદમાં શિક્ષણ જગતને લાંછન લગાડતી ઘટના સામે આવી છે જેમાં શિક્ષકે વિદ્યાર્થિનીને હવસનો શિકાર બનાવી છે,ખોખરામાં વિદ્યાર્થિની પર શિક્ષકે દુષ્કર્મ આચર્યુ છે અને ફોટા વાયરલ કરવાની ધમકી આપી છે,આ સમગ્ર મામલે ખોખરા પોલીસે આરોપી શિક્ષક સામે ગુનો નોંધીને વધુ તપાસ હાથધરી છે,અને મોબાઈલ ફોન જપ્ત કરીને તપાસ હાથધરી છે.

સીએનજી ગેસ પૂરાવતી વખતે કારમાંથી નીચે ઉતરવું જરૂરી 

રીફિલિંગ વખતે સીએનજી ગેસ હાઈ પ્રેશરમાં સ્ટોર થાય છે. જો આ દરમિયાન ગેસ લીક થાય તો બ્લાસ્ટ થવાની સંભાવના વધી જાય છે. જેથી પેસેન્જરને નીચે ઉતારી કાર ખાલી કરી દેવાનું કહેવામાં આવે છે. CNG જ્વલનશીલ હોય છે, લીક થવા પર આગ લાગે તો ઈજા થઈ છે, આ સ્થિતિમાં કારમાં પેસેન્જર ફસાઈ પણ શકે છે. જેથી વાહન ખાલી કરવાનું કહેવામાં આવે છે.રીફિલિંગ વખતે પેસેન્જરને નીચે ઉતારી દેવાથી વાહનનું વજન પણ ઓછું થઈ જાય છે. જેના કારણે CNG ભરવાની પ્રોસેસ પણ ઝડપી બને છે.

વાહનમાં CNG ગેસ ભરાવતી વખતે રહેજો સાવધાન

વાહનમાં સીએનજી ગેસ ભરાવતી વખતે જરા સાવધાન રહેજો નહીતર તમારો જીવ જઈ શકે છે,આવી જ એક ઘટના બારડોલીમાં બની જેમાં CNG પંપ પર નોઝલ છટકતા ડ્રાઈવર અચાનક બેભાન થઈ ગયો હતો કારમાંથી નોઝલ છટકી અને અચાનક ડ્રાઈવરના મોઢા પર વાગી અને તે ઘટના સ્થળે જ બેભાન થયો હતો પોલીસે આ મામલે તપાસ પણ હાથધરી છે સાથે સાથે હાલ ડ્રાઈવરની તબિયત સુધારા પર હોવાની વાત સામે આવી છે.

બારડોલીમાં CNG પાઈપનું નોઝલ છટકતા ડ્રાઈવર થયો બેભાન, સારવાર માટે હોસ્પિટલ ખસેડાયો 

છોટાઉદેપુરના બારડોલીમાં સીએનજી ગેસ ભરાવતી વખતે કારનો ડ્રાઈવર અચાનક બેભાન થઈ ઢળી પડયો હતો,માહિતી જે રીતે છે તે રીતે વાત કરીએ તો ગેસની નોઝલ છટકતા આ ઘટના બની હોવાની વાત સામે આવી છે.ડ્રાઈવરને સારવાર હેઠળ હોસ્પિટલ ખસેડવામાં આવ્યો છે.આ મામલે સમગ્ર ઘટનાના સીસીટીવી પણ સામે આવ્યા છે. 

અરવલ્લીના મોડાસામાં 4 વાહનો વચ્ચે અકસ્માત

પોલીસ PCR વાન, બસ, ટ્રક સહિતના 4 વાહન,અકસ્માતમાં 2ને ગંભીર ઇજા, અન્ય લોકો ઇજાગ્રસ્ત,આગળ જતાં વાહન પાછળ વાહનો ઘૂસતા અકસ્માત, મોડાસા રૂરલ પોલીસે વધુ તપાસ હાથધરી

8100 રૂપિયાનું છે પેકેજ

માત્ર રૂ. ૮૧૦૦ માં પ્રતિ વ્યક્તિ ૩ રાત્રિ/૪ દિવસનું પેકેજ ગુજરાતના શ્રધ્ધાળુઓ માટે ગુજરાત રાજ્ય માર્ગ વાહન વ્યવહાર નિગમ અને પ્રવાસન નિગમના સંયુક્ત ઉપક્રમે તૈયાર કરવામાં આવ્યુ છે. આ પેકેજમાં તમામ ૩ રાત્રિ માટે રોકાણ અને બસ મુસાફરીનો સમાવેશ કરવામાં આવ્યો છે. પ્રયાગરાજ ખાતે રાત્રિ રોકાણ ગુજરાત પેવેલિયનની ડોરમેટરી ખાતે કરવામાં આવ્યું છે. મુખ્યમંત્રી ભુપેન્દ્ર પટેલે આ વોલ્વો બસ સેવાનો પ્રારંભ કરાવ્યો તે વેળાએ ગાંધીનગર ના ધારાસભ્ય શ્રીમતી રીટા બહેન પટેલ, મેયર શ્રીમતી મીરાં બહેન પટેલ તેમજ શહેર અને જિલ્લા સંગઠનના પદાધિકારીઓ, પ્રવાસન અગ્ર સચિવ ડો. રાજેન્દ્ર કુમાર, એસ ટી કોર્પોરેશન ના એમ ડી અનુપમ આનંદ અને વરિષ્ઠ અધિકારીઓ પણ ઉપસ્થિત રહ્યા હતા.

ગણતરીના કલાકોમાં બુકિંગ ફુલ થઇ ગયું

ઓનલાઇન બુકિંગ શરૂ થતાની સાથે જ ગણતરીના કલાકોમાં બુકિંગ ફુલ થઇ ગયું છે.ગુજરાતના હજુ વધુ શ્રદ્ધાળુઓ પોતાના પરિવાર સાથે પ્રયાગરાજ જઈ શકે તે માટે વધુ બસો મૂકવા અંગે મુખ્યમંત્રી ભૂપેન્દ્ર પટેલના દિશા નિર્દેશો મુજબ નિર્ણય લેવામાં આવશે.મુસાફરોને યાત્રા રૂટમાં કોઈ અગવડ ન પડે તે માટે રોકાણ સહિતની વ્યવસ્થાઓ ઉપલબ્ધ કરાવીને આ નિર્ણય લેવામાં આવશે.હાલની સ્થિતિ મુજબ દરરોજ સવારે ૭ વાગ્યે રાણીપ એસ.ટી ડેપો, અમદાવાદ ખાતેથી એસી વોલ્વો બસ પ્રયાગરાજ જવા નિકળશે.

સકારાત્મક નિર્ણય લીધો છે

ભારતીય સંસ્કૃતિ અને પરંપરા મુજબ મંત્રોચ્ચાર તેમજ વિધિ સાથે મુખ્યમંત્રી ભૂપેન્દ્ર પટેલ અને વાહન વ્યવહાર મંત્રી હર્ષ સંઘવીએ પ્રથમ વોલ્વો બસમાં પ્રયાગરાજ જઈ રહેલા તમામ શ્રદ્ધાળુઓને સન્માનપૂર્વક આવકાર્યા હતા અને સુખદ યાત્રાની શુભકામનાઓ પાઠવી હતી.મંત્રી હર્ષ સંઘવીએ કહ્યું હતું કે, પ્રયાગરાજ ખાતે જઇને ગુજરાતના શ્રધ્ધાળુઓ મહાકુંભમાં આસ્થાની ડુબકી લગાવી શકે તે માટે રાજ્યના મુખ્યમંત્રી ભૂપેન્દ્ર પટેલના નેતૃત્વમાં જે સકારાત્મક નિર્ણય લીધો છે તેને ખૂબ સારો પ્રતિસાદ મળ્યો છે.

Mahakumbh Stampede : કુંભમાં ગયેલા તમામ ગુજરાતીઓ સલામત,  ભાગદોડ બાદ સ્થિતિ સામાન્ય

કુંભમાં ભાગદોડ વચ્ચે મહત્વના સમાચાર આવ્યા છે જેમાં કુંભમાં ગયેલા તમામ ગુજરાતીઓ સલામત હોવાની વાત સામે આવી છે,હાલમાં કુંભમાં ભાગદોડ બાદ સ્થિતિ સામાન્ય બની ગઈ છે,સરકારી વોલ્વોમાં કુંભમાં ગયેલા ગુજરાતીઓ સુરક્ષિત છે તેમને કોઈ તકલીફ પડી નથી,27મી ફેબ્રુઆરીએ નીકળેલી પહેલી બસ સવારે 5 કલાકે પહોંચી છે પ્રયાગરાજ તો GSRTC વિભાગ ત્યાંની પરિસ્થિતિ મુજબ વ્યવસ્થા કરશે,સાથે સાથે વધુ ભીડ હોય તો બસના યાત્રિઓને હોલ્ટ કરાશે તેમજ હાલ ગુજરાતથી જતી GSRTCની બસના રૂટ યથાવત છે.

આગ લાગવાનું કારણ અકબંધ 

પ્રશાસને ઘટના બાદ તાત્કાલિક તપાસ શરૂ કરી છે જેથી આગનું કારણ જાણી શકાય. હાલમાં આ ઘટનામાં કોઈ જાનહાનિની ​​માહિતી નથી, પરંતુ એમ્બ્યુલન્સ અને અન્ય સંપત્તિને થોડું નુકસાન થયું છે. આગના કારણ અને આગળની કાર્યવાહી અંગે વહીવટીતંત્રના રિપોર્ટની રાહ જોવાઈ રહી છે. મહાકુંભ દરમિયાન સુરક્ષાને ધ્યાનમાં રાખીને વહીવટીતંત્રે રાહત કાર્ય તેજ બનાવ્યું છે જેથી ભવિષ્યમાં આવી ઘટનાઓ ટાળી શકાય.

ફાયર બ્રિગેડે એમ્બ્યુલન્સને કાબુમાં લીધી હતી

ઘટનાની માહિતી મળતાં જ મહાકુંભ વિસ્તારમાં તૈનાત વહીવટી અધિકારીઓ અને ફાયર બ્રિગેડની ટીમ ઘટનાસ્થળે પહોંચી ગઈ હતી. ફાયર બ્રિગેડની ટીમે એમ્બ્યુલન્સની પરિસ્થિતિ પર સંપૂર્ણ કાબુ મેળવી પરિસ્થિતિ પર ચાંપતી નજર રાખી હતી. આગ લાગવાનું કારણ હજુ સુધી જાણી શકાયું નથી, પરંતુ તેની તપાસ કરવામાં આવી રહી છે. એમ્બ્યુલન્સને નુકસાન થયું છે, પરંતુ આ ઘટનામાં કોઈ વ્યક્તિને કોઈ ગંભીર ઈજા કે નુકસાન થયું નથી.

આગ પર કાબુ મેળવી લેવામાં આવ્યો છે

એમ્બ્યુલન્સમાં આગ જોતા આસપાસના લોકોએ તાત્કાલિક કાર્યવાહી હાથધરી હતી. તેમણે અગ્નિશામક ઉપકરણનો ઉપયોગ કરીને આગને ઓલવવાનો પ્રયાસ કર્યો હતો, જેના કારણે આગ પર ઘણી હદ સુધી કાબુ મેળવી લેવામાં આવ્યો હતો. જોકે આગ વધુ ફેલાય તે પહેલા ફાયર વિભાગ અને સ્થાનિક વહીવટીતંત્રને જાણ કરવામાં આવી હતી. રાહતની વાત એ છે કે એમ્બ્યુલન્સમાં સવાર કોઈને પણ ગંભીર ઈજા થઈ નથી અને બધા સુરક્ષિત છે.

એમ્બ્યુલન્સના એન્જીનમાંથી અચાનક ધુમાડો નીકળવા લાગ્યો

પ્રયાગરાજ મહાકુંભ વિસ્તારમાં આજે સવારે એક મોટી ઘટના બની હતી, જ્યારે મહાકુંભ વિસ્તારમાં એમ્બ્યુલન્સમાં આગ લાગી હતી. આ ઘટના ત્યારે બની જ્યારે એમ્બ્યુલન્સ ઈજાગ્રસ્ત ભકતોને લઈ હોસ્પિટલ જઈ રહી હતી. કહેવામાં આવી રહ્યું છે કે એમ્બ્યુલન્સના એન્જીનમાંથી અચાનક ધુમાડો નીકળવા લાગ્યો અને તે પછી આગએ આખી એમ્બ્યુલન્સને લપેટમાં લઈ લીધી. આગ લાગ્યા બાદ આસપાસના લોકો તાત્કાલિક સક્રિય થઈ ગયા હતા અને આગ ઓલવવાનો પ્રયાસ કર્યો હતો.

Mahakumbh Stampede : કુંભમાં દુકાળમાં અધિક માસ, નાસભાગ બાદ એમ્બ્યુલન્સમાં લાગી ભીષણ આગ

એક તરફ પ્રયાગરાજ કુંભને લઈ દેશભરમાં ઉત્સાહનો માહોલ છે તો બીજી તરફ વહેલી સવારે સંગમ સ્થાને નાસભાગ મચી હતી,જેમાં 10થી વધુના મોતની આશંકા સેવાઈ રહી છે,આ દરમિયાન અચાનક એમ્બ્યુલન્સમાં આગ લાગી હતી અને તંત્રએ આગને કાબુમાં લીધી હતી,મહત્વની વાત તો એ છે કે,આ સમગ્ર ઘટનામાં કોઈ જાનહાનીના સમાચાર આવ્યા નથી,આગ કઈ રીતે લાગી તેનું કારણ અકબંધ છે.

સમાજની ત્રિવેણીને જોડતો પવિત્ર સંગમ

કુંભ મેળો હિંદુ ધર્મની અનોખી સંસ્કૃતિમાં સાધુ, સંસ્કૃતિ અને સમાજની ત્રિવેણીને જોડતો પવિત્ર સંગમ છે. દર ૧૨ વર્ષે ચાર સ્થળો પ્રયાગરાજ, હરિદ્વાર, ઉજ્જૈન અને નાસિકમાં યોજાય છે. મહાકુંભ મેળો ભારતીય ધાર્મિક કાર્યક્રમોનો સૌથી મોટો તહેવાર છે, જે દર 144 વર્ષે માત્ર પ્રયાગરાજમાં જ યોજાય છે. ત્યારે આજે અમાસ નિમિતે શ્રીકષ્ટભંજનદેવ દાદાના મંદિરમાં મહાકુંભમેળાની ઝાંખી રજુ કરાઈ છે.દાદાના શણગાર-આરતી-દર્શનનો અમૂલ્ય લ્હાવો હજારો  ભકતોએ પ્રત્યક્ષ તેમજ યુટ્યુબ ચેનલ દ્વારા ઓનલાઈન લીધેલ.

Sarangpur શ્રીકષ્ટભંજનદેવ હનુમાનજીને દિવ્ય શણગાર અને મહાકુંભમેળાની ઝાંખી રજૂ કરાઈ

સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રી કષ્ટભંજનદેવ હનુમાનજી મંદિર ખાતે  પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી અમાસ નિમિતે તા.૨૯ જાન્યુઆરી ૨૦૨૫ને  બુધવારના રોજ શ્રીકષ્ટભંજનદેવ દાદાને દિવ્ય શણગાર ધરાવી દાદાના સવારે ૫:૪૫ કલાકે શણગાર આરતી  પૂજારીસ્વામી દ્વારા કરવામાં આવી હતી.

આરોપી વિરુદ્ધ હતું વોરંટ 

જે અન્વયે પો.સ.ઇ.એ.જી.પરમાર નાઓ તેમની ટીમ સાથે પોલીસ સ્ટેશન વિસ્તારમા પેટ્રોલીંગમા હતા તે દરમિયાન અ.હે.કો. વિજયસિંહ દેહાભાઇ બ.ન. ૯૧૩ તથા અ.હે.કો. જીગ્નેશભાઇ નાનજીભાઇ બ.ન.૧૨૯૪ નાઓને ખાનગી રાહે હકિકત મળેલ કે વરાછા પોલીસ સ્ટેશન ફર્સ્ટ ગુ.ર.ન. ૨૨૮/૨૦૧૧ ઇ.પી.કો. કલમ ૩૦૭,૩૯૪,૧૨૦(બી) આર્મસ એકટ કલમ ૨૫(૧)એ, ૨૭ મુજબના ગુનામાં નાસતો ફરતો આરોપી ટુલ્લુ ઉર્ફે લાલા સુભાષ નાયક નાઓ તેના વતનગામ ધજોલાગામ તા. ગીરડીપલ્લી ભાયાકુરાર, જીલ્લા નગાગઢ ઓડીશા ખાતે હોવાની હકિકત મળતા સદર બાતમી આધારે ખાત્રી કરતા આરોપી વિરૂધ્ધમાં સીઆરપીસી કલમ ૭૦ મુજબ વોરંટ ઇશ્યુ કરવામાં આવ્યું હતુ.

ઉપરી અધિકારીએ કર્યો હતો આદેશ

નાયબ પોલીસ કમિશનર ઝોન-૧ આલોક કુમાર તથા મદદનીશ પોલીસ કમિશનર બી' ડિવીઝન પી.કે.પટેલ સુરત શહેર નાઓએ પો.સ્ટે વિસ્તારમાં ઘરફોડ ચોરી તથા ચેન/મોબાઇલ સ્નેચીંગ તથા વાહન ચોરી તથા ચોરીના અનડીટેક્ટ ગુનાઓ શોધી કાઢવા તથા નાસતા ફરતા આરોપીઓને પકડી પાડવા સારૂ સુચના કરેલ હોય જે સબંધે વરાછા પોલીસ સ્ટેશનના પોલીસ ઇન્સપેકટર આર.બી.ગોજીયા નાઓએ અનડીટેકટ ગુનાઓ તથા નાસતા ફરતા આરોપીઓને શોધી કાઢવા જરૂરી માર્ગદર્શન આપ્યું હતુ.

પોલીસે વેશ પલટો કરી આરોપીને ઝડપી પાડ્યો

ફાયરિંગ વીથ લૂંટ કેસમાં આરોપી 14 વર્ષથી ફરાર હતો અને ઘટનાને અંજામ આપીને ફરાર થઈ ગયો હતો ત્યારે પોલીસે આરોપીને ટેકનીકલ રીસોર્શથી ઝડપી પાડયો છે,પોલીસ વેશ પલટો કરી સફાઇ કર્મચારી તેમજ રીક્ષા ડ્રાઇવર બન્યા હતા અને પોલીસ કર્મીએ પાનના ગલ્લાવાળા પર વસ્તુઓ વેચીને ઓપરેશન પાર પાડયું છે.આરોપી ટુલ્લુ ઉર્ફે લાલા સુભાષ નાયકની ધરપકડ કરવામાં આવી છે જેમાં ફરિયાદી કારખાનામાં પગાર ચૂકવી રહ્યા હતા તે સમયે ફાયરિંગ કરીને લૂંટને અંજામ આપ્યો હતો. 

સુરતમાં પોલીસ ચોપડે 14 વર્ષથી ફરાર આરોપી ઝડપાયો, વેશ પલટો કરીને પોલીસે દબોચ્યો

સુરતમાં 14 વર્ષથી ફરાર આરોપી ઝડપાયો છે,જેમાં આરોપી ટુલ્લુ ઉર્ફે લાલા ઓડિશાથી ઝડપાયો છે,સાથે સાથે પોલીસે વેશ પલટો કરીને આરોપીને ઝડપી પાડયો છે,ફાયરિંગ વીથ લૂંટ કેસમાં આરોપી ફરાર હતો અને તેને ઝડપી પાડવામાં આવ્યો છે,વરાછા પોલીસને બાતમી મળી હતી અને તે બાતમીના આધારે તેને ઓડિશા જઈને ઝડપી પાડયો છે,પોલીસે આ મામલે વધુ તપાસ હાથધરી છે.

ઈસરોએ રચ્યો ઈતિહાસ

અવકાશમાં 100મું મિશન સફળ, NVS-02 નેવિગેશન સેટેલાઈટ લોન્ચ અંતરિક્ષમાં ઈસરોનું 100મું મિશન સફળ રહ્યું છે. ISRO એ ટ્વિટ કર્યું છે કે GSLV-F15/NVS-02 મિશન સફળતાપૂર્વક પૂર્ણ થયું છે. સ્પેસ નેવિગેશનમાં ભારત નવી ઊંચાઈએ પહોંચ્યું છે.ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ સવારે 6.23 કલાકે આંધ્ર પ્રદેશના શ્રીહરિકોટાથી NVS-02 વહન કરતું તેનું GSLV-F15 સફળતાપૂર્વક લોન્ચ કર્યું. દેશના અંતરિક્ષ કેન્દ્રમાંથી આ ISROનું 100મું પ્રક્ષેપણ છે. ઈસરોનું આ મિશન સફળ રહ્યું છે. ઈસરોએ આ મિશન વિશે કહ્યું છે કે મિશન સફળ રહ્યું છે. સ્પેસ નેવિગેશનમાં ભારત નવી ઊંચાઈએ પહોંચ્યું છે.

પોલીસે હાથધરી વધુ તપાસ

ગીર સોમનાથ જિલ્લાના ઉના-કોડીનાર હાઈવે પર ડોસાળા પાસે ગોઝારો અકસ્માત સર્જાયો છે. કાર અને ટ્રક એક-બીજા સાથે ધડાકાભેર અથડાતાં કારમાં સવાર 3 યુવકનાં મોત નિપજ્યા છે. પ્રાથમિક માહિતી અનુસાર, કારમાં 4 યુવક સવાર હતા, જે પૈકી 3 યુવકનાં અકસ્માતમાં ઘટના સ્થળે જ મોત નિપજ્યા છે. જ્યારે, એક યુવકનો ચમત્કારિક બચાવ થયો છે, જો કે, ગંભીર રીતે ઇજાગ્રસ્ત થતાં સારવાર અર્થે કોડીનારની રાનાવળા હોસ્પિટલ ખસેડવામાં આવ્યો છે.

Gir Somnathમાં કાર ધડાકાભેર ટ્રક સાથે અથડાતા  3ના ઘટના સ્થળે મોત 

ગીર સોમનાથમાં અકસ્માતની ઘટના બની છે જેમાં કાર ધડાકભેર ટ્રક સાથે અથડાતા 3 યુવકોના ઘટના સ્થળે મોત થયા છે અને એક યુવાન ઈજાગ્રસ્ત થતા તેમને સારવાર હેઠળ ખસેડવામાં આવ્યો છે,આ સમગ્ર ઘટનાના સીસીટીવી પણ સામે આવ્યા છે જેમાં પોલીસે તપાસ હાથધરી છે,સાથે સાથે જે યુવાન ઈજાગ્રસ્ત થયો છે તેને સારવાર હેઠળ હોસ્પિટલ ખસેડવામાં આવ્યો છે.

કચ્છના ભચાઉ નજીક ભૂકંપના આંચકા

3.0ની તીવ્રતાનો આંચકો અનુભવાયો,વહેલી સવારે 3:13 વાગ્યે આંચકો અનુભવાયો,ભૂકંપનું કેન્દ્રબિંદુ ભચાઉથી 19 કિમી દૂર

આગામી મહાકુંભ ક્યારે યોજાશે?

આગામી મહાકુંભ 2169માં પ્રયાગરાજમાં યોજાશે. 12 વર્ષના લાંબા અંતરાલ પછી મહાકુંભનું આયોજન કરવામાં આવ્યું છે, જે તેનું ધાર્મિક મહત્વ વધારે છે. આ સિવાય હરિદ્વાર, નાસિક, ઉજ્જૈન અને પ્રયાગરાજમાં પણ કુંભ, અર્ધ કુંભ અને પૂર્ણ કુંભનું આયોજન ચાલુ રહેશે. આગામી કુંભ 2027માં નાસિકમાં, 2028માં ઉજ્જૈનમાં સિંહસ્થ મહાકુંભ અને 2030માં પ્રયાગરાજમાં અર્ધ કુંભનું આયોજન કરવામાં આવશે.

શા માટે દર 12 વર્ષે કુંભ મેળો ભરાય છે?

કુંભ મેળાનું આયોજન ખગોળીય ઘટનાઓના આધારે કરવામાં આવે છે. જ્યારે ગુરુ ગ્રહ કુંભ રાશિમાં પ્રવેશ કરે છે અને સૂર્ય મકર રાશિમાં હોય છે, ત્યારે કુંભ મેળાનું આયોજન કરવામાં આવે છે. ગુરુને તેની ભ્રમણકક્ષામાં પરિભ્રમણ કરવામાં 12 વર્ષ લાગે છે, તેથી કુંભ મેળો દર 12 વર્ષમાં એકવાર યોજાય છે. હિંદુ જ્યોતિષશાસ્ત્રમાં 12 રાશિઓ છે અને જ્યારે ગુરુ અને સૂર્ય આ રાશિઓમાં આવે છે ત્યારે આ મેળાનું આયોજન કરવામાં આવે છે.

કુંભ મેળાનું ધાર્મિક અને આધ્યાત્મિક મહત્વ

કુંભ મેળાનો મુખ્ય ઉદ્દેશ્ય ભક્તોને આત્મશુદ્ધિની તક આપવાનો છે. માન્યતા છે કે આ મેળામાં ગંગા, યમુના અને અદ્રશ્ય સરસ્વતીના સંગમમાં સ્નાન કરવાથી પાપોનો નાશ થાય છે અને મોક્ષની પ્રાપ્તિ થાય છે. કુંભ મેળો એ ઋષિઓ, સંતો, ગુરુઓ અને ભક્તોની બેઠકનું એક મોટું કેન્દ્ર છે, જ્યાં લોકો ભક્તિ, જ્ઞાન અને સેવાની આપલે કરે છે. આ મેળો શ્રદ્ધા અને ધ્યાન માટે પણ વધુ મહત્વનો માનવામાં આવે છે.

કુંભ મેળો શા માટે યોજાય છે?

કુંભ મેળો હિન્દુ ધર્મની પૌરાણિક કથાઓ સાથે જોડાયેલી છે. પૌરાણિક કથાઓ અનુસાર, જ્યારે દેવતાઓ અને દાનવોએ સમુદ્ર મંથન કર્યું, ત્યારે અમૃત (કુંભ)નું પાત્ર નીકળ્યુ. આ અમૃતને રાક્ષસોથી બચાવવા માટે દેવતાઓ દોડ્યા અને દોડતી વખતે અમૃતના કેટલાક ટીપાં ચાર જગ્યાએ પડ્યા – હરિદ્વાર, પ્રયાગરાજ, ઉજ્જૈન અને નાસિક. તેથી, આ સ્થાનોને પવિત્ર માનવામાં આવ્યાં અને આ સ્થાનો પર કુંભ મેળાનું આયોજન થવા લાગ્યું.

અત્યાર સુધીમાં લગભગ 15 કરોડ લોકોએ ગંગામાં ડૂબકી લગાવી

તમને જણાવી દઈએ કે 13 જાન્યુઆરીથી શરૂ થયેલા મહાકુંભમાં અત્યાર સુધીમાં લગભગ 15 કરોડ લોકોએ ગંગામાં ડૂબકી લગાવી છે.આજે એટલે કે બુધવારે મૌની અમાવસ્યાના દિવસે જ 10 કરોડથી વધુ ભક્તો આવવાની આશા છે.મહાકુંભમાં થયેલી નાસભાગ બાદ સ્વામી રામભદ્રાચાર્યનું નિવેદન આવ્યું છે. તેમણે કહ્યું, 'હું ભક્તોને વિનંતી કરું છું કે તેઓ સંગમ માટે વિનંતી છોડી દે કારણ કે કુંભમાં ભારે ભીડ હોય છે. નજીકમાં જે પણ ઘાટ હોય ત્યાં સ્નાન કરો. દરેક વ્યક્તિએ સુરક્ષિત રહેવું જોઈએ. હું અખાડાઓને પણ કહીશ કે આજનું અમૃત સ્નાન રદ કરવું જોઈએ.

સંગમ સ્થાને અચાનક ભીડ વધી અને ભાગદોડ થઈ

મહત્વની વાત તો એ છે કે,સંગમ સ્થાને અચાનક ભીડ વધી હતી અને લોકોમાં ભાગદોડ મચી હતી સાથે સાથે આજે અખાડાઓએ અમૃત સ્નાન બંધ રાખ્યું છે અને PM નરેન્દ્ર મોદીએ પરિસ્થિતિનો તાગ મેળવ્યો છે અને PM મોદીએ તમામ મદદની ખાતરી આપી છે,યુપીના CM યોગીએ અખાડાઓ સાથે વાતચીત પણ કરી છે અને ઈજાગ્રસ્તોને સારવાર માટે હોસ્પિટલ પણ ખસેડવામા આવ્યા છે. 

Mahakumbh Stampede : પ્રયાગરાજ મહાકુંભમાં નાસભાગથી 10થી વધુ શ્રધ્ધાળુઓના મોતની આશંકા

પ્રયાગરાજ મહાકુંભમાં નાસભાગને કારણે 10થી વધુ શ્રધ્ધાળુઓના મોતની આશંકા સેવાઈ રહી છે.PM મોદીએ 1 કલાકમાં બીજી વખત CM યોગી સાથે વાત કરી છે અને શું પરિસ્થિતિ છે તેને લઈ તાગ પણ મેળવ્યો છે.મૌની અમાવસ્યા પર મહાકુંભમાં ભક્તોની ભારે ભીડ હતી અને તેમાં આ ઘટના બની હોવાની પ્રાથમિક માહિતી સામે આવી રહી છે.રાત્રે 1 વાગ્યે સંગમ સ્થળે થઈ હતી ભાગદોડ.

બપોરના સમયે ગરમી પણ પડી શકે છે

ગુજરાતમાં ફરીથી ઠંડીનો ચમકારો વધશે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે. ત્યારે હવામાન વિભાગે ગુરુવારથી ત્રણ દિવસ ગુજરાતનાં અનેક જિલ્લાઓમાં ગાજવીજ સાથે વરસાદ અને કરા પડવાની પણ આગાહી આપી છે. આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે.

આ સિઝનની સૌથી વધુ ઠંડી નોંધાવાની શક્યતા

બે દિવસ બાદ ઠંડીનો નવો રાઉન્ડ શરૂ થવાની શક્યતા છે, જેને પગલે ઠંડીનો પારો 13 ડિગ્રી સુધી ગગડવાની આગાહી કરવામાં આવી છે, જે આ સિઝનની સૌથી વધુ ઠંડી નોંધાઇ શકે એમ છે. કારણ કે, આ સિઝનમાં અત્યાર સુધીમાં લઘુતમ તાપમાન 14 ડિગ્રીના નીચે ગયું નથી.છેલ્લા બે દિવસથી ઉત્તર ભારતમાં બરફ વર્ષા શરૂ થઈ છે, જેને પગલે તાપમાન ફ્રીઝિંગ પોઇંટ પર છે. આ ઉપરાંત સુરત સહિત દક્ષિણ ગુજરાતમાં ઉત્તર-પૂર્વ દિશા તરફથી બર્ફીલા પવનો ફૂંકાવાના શરૂ થતાં અચાનક તાપમાનમાં મોટો ઘટાડો થતો જોવા મળી રહ્યો છે.

ઠંડી વચ્ચે કમોસમી વરસાદની આગાહી

રાજયમાં ફરી ઠંડી વચ્ચે કમોસમી વરસાદની આગાહી કરવામાં આવી છે જેમા 2 અને 3 ફેબ્રુઆરીએ માવઠાની આગાહી કરવામાં આવી છે,વેસ્ટન ડિસ્ટર્બન્સ સક્રિય થતા માવઠાની આગાહી કરવામા આવી છે.2 ફેબ્રુઆરીએ અમરેલી,ભાવનગર, નવસારી, વલસાડ,દમણ, દાદરાનગર હવેલીમાં માવઠાની આગાહી કરવામાં આવી છે,જયારે 3 ફેબ્રુઆરીએ અરવલ્લી,અમરેલી, ભાવનગર,મહીસાગર, દાહોદમાં માવઠાની આગાહી કરવામાં આવી છે. 

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો,અમદાવાદમાં 16.6 ડિગ્રી, ગાંધીનગરમાં 14.6 ડિગ્રી,ડીસા 14.4 ડિગ્રી,વલ્લભ વિદ્યાનગરમાં 16.1 ડિગ્રી,કેશોદમાં 13.1 ડિગ્રી, અમરેલીમાં 13.8 ડિગ્રી,મહુવામાં 14.1 ડિગ્રી, રાજકોટમાં 14.2 ડિગ્રી,પોરબંદરમાં 15.4 ડિગ્રી, વડોદરામાં 15.8 ડિગ્રી,સુરત અને ભાવનગરમાં 16.8 ડિગ્રી,કંડલામાં 16.2 ડિગ્રી, ભુજમાં 17.8 ડિગ્રી તાપમાન નોંધાયું છે.

રાજયમાં ઠંડીમાં થયો ઘટાડો, ફેબ્રુઆરી મહિનામાં વરસાદની કરાઈ આગાહી

ઠંડીને લઇને હવામાન વિભાગે આગાહી કરી છે જેમાં રાજયમાં ઠંડીમાં ઘટાડો નોંધાયો છે.સાથે સાથે નલિયામાં સૌથી ઓછુ તાપમાન નોંધાયું છે.સાથે સાથે પૂર્વથી ઉત્તર પૂર્વના પવન હાલ ફૂંકાતા નથી જેના કારણે ઠંડીમાં ઘટાડો જોવા મળી રહ્યો છે.રાજયના મોટા ભાગના શહેરોના તાપમાનમાં ઘટાડો નોંધાયો છે,રાજસ્થાનમાં સાયક્લોનિક સર્ક્યુલેશન સક્રિય થયું છે અને સર્ક્યુલેશનથી વાદળછાયું વાતાવરણ રહી શકે છે.અને મોટાભાગના શહેરોના તાપમાનમાં ઘટાડો નોંધાયો છે.

સંદેશ ન્યૂઝના ઓપરેશન પાતાળથી તંત્ર દોડતુ થયુ

થાનના ભલુડા વિસ્તારમાં ખનીજ વિભાગના દરોડા,ગેરકાયદે માઈનિંગ પર ખનીજની ટીમો ત્રાટકી,થાનગઢ આજુબાજુના વિસ્તારમાં દરોડા,ખનન પ્રવૃતિ કરતા 4 કુવાઓ  ઝડપાયા,સ્થળ પર કાર્બોસેલ ખનિજનો જથ્થો પણ જોવા મળ્યો,લોખંડની પાઇપો બિનવારસી હાલતમાં સીઝ  કરાઇ,ભલુડા વિસ્તારમાં સૌથી વધુ થાય છે ખનન.

BZ કૌભાંડ કેસમાં મોટા સમાચાર

એજન્ટ શિક્ષક વિ.ડી પટેલ ફરજ મોકૂફ કરાયો,અરવલ્લી જિ.પ્રા.શિક્ષણાધિકારીએ કાર્યવાહી કરી,CID ક્રાઈમે કરી હતી શિક્ષકની ધરપકડ,શિક્ષક ભેમાપુર પ્રા.શા.નં.2માં બજાવે છે ફરજ

ગીર સોમનાથમાં અકસ્માતમાં 3ના મોત

કાર ધડાકાભેર ટ્રક સાથે અથડાતા અકસ્માત,કોડીનાર ઉના હાઈવે પરના CCTV સામે આવ્યા,કારમાં સવાર 3 લોકોના ઘટનાસ્થળે જ મોત,અન્ય એક ગંભીર યુવકને હોસ્પિટલ ખસેડાયો.

ગોંડલના મેસેજ કરી હેરાન કરનારને પાઠ ભણાવ્યો

મહિલાએ હેરાન કરનાર વેપારીને ઝીંક્યો લાફો,ઓનલાઇન પેમેન્ટ એપમાં આરોપી કરતો મેસેજ,મોબાઈલ નંબર, ફ્રેન્ડશીપ માટે મેસેજ કરતો,વેપારીને જાહેરમાં લાફો મારતો વીડિયો સામે આવ્યો.મહિલા વેપારી વિરુદ્ધમાં પોલીસમાં આપી અરજી.

મહાકુંભમાં ભાગદોડ 10થી વધુના મોતની આશંકા

પ્રયાગરાજમાં યોજાયેલા મહાકુંભ મેળામાં ભાગદોડ,સંગમ સ્થાને અચાનક ભીડ વધી જતા ભાગદોડ,રાત્રે 1 વાગ્યે સંગમ સ્થળે થઈ ભાગદોડ,આજે અખાડાઓએ અમૃત સ્નાન બંધ રાખ્યું,PM નરેન્દ્ર મોદીએ પરિસ્થિતિનો તાગ મેળવ્યો.યુપીના CM યોગીએ અખાડાઓ સાથે કરી વાત.